JKCL-KABUM-04-NGA-049

Previous Text Back to Volume PageNext Text

བླ་མའི་རྣལ་འབྱོར་བྱིན་རླབས་དཔལ་སྟེར།

Wylie title	bla ma'i rnal 'byor byin rlabs dpal ster
Location	chos kyi blo gros bka' 'bum Volume 4, Text 49, Pages 341-345 (Folios 1a1 to 3a3)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. bla ma'i rnal 'byor byin rlabs dpal ster. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 4: 341-345. Bir, H.P.: Khyentse Labrang, 2012.
Genre	Guru Yoga Texts - bla ma'i rnal 'byor
Colophon	།ཞེས་པའང་བསླབ་གསུམ་ལྡན་པ་ལྷ་བྲིས་བླ་མ་ཚེ་མགོན་ནས་བཀྲ་ཤིས་པའི་ལྷ་རྫས་རིན་ཆེན་དང་པོ་ཞོ་གང་གི་རྟེན་བཅས་གསུང་བསྐུལ་ངོར་མཁྱེན་བརྩེའི་ཕྲིན་ལས་ཀྱི་རོལ་གར་དུ་མིང་གིས་དབང་བསྐུར་ཐོབ་པ་ཆོས་ཀྱི་བློ་གྲོས་པས་བཀྲ་ཤིས་འཆི་མེད་གྲུབ་པའི་དགའ་ཚལ་དུ་ཤིང་ཁྱི་ཆོ་འཕྲུལ་ཟླ་བ་ཕྱི་མའི་ཚེས་༡༢རྗེ་བཙུན་གྲགས་པ་རྒྱལ་མཚན་གྱི་དུས་དྲན་ཉིན་བྲིས་པ་འདིས་ཀྱང་མཐའ་ཡས་པའི་སེམས་ཅན་རྣམས་ལ་ཕན་པ་རྒྱ་ཆེན་པོར་འབྱུང་བར་གྱུར་ཅིག །མངྒ་ལཾ།།
	/zhes pa'ang bslab gsum ldan pa lha bris bla ma tshe mgon nas bkra shis pa'i lha rdzas rin chen dang po zho gang gi rten bcas gsung bskul ngor mkhyen brtse'i phrin las kyi rol gar du ming gis dbang bskur thob pa chos kyi blo gros pas bkra shis 'chi med grub pa'i dga' tshal du shing khyi cho 'phrul zla ba phyi ma'i tshes 12rje btsun grags pa rgyal mtshan gyi dus dran nyin bris pa 'dis kyang mtha' yas pa'i sems can rnams la phan pa rgya chen por 'byung bar gyur cig__/mang+ga laM//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

བླ་མའི་རྣལ་འབྱོར་བྱིན་རླབས་དཔལ་སྟེར་ཞེས་བྱ་བ་བཞུགས་སོ། །ན་མོ་གུ་རུ་མཉྫུ་གྷོ་ཥཱ་ཡ། སྐལ་བཟང་གང་ཞིག་བདེ་ཆེན་ལྷན་ཅིག་སྐྱེས་པའི་ཡེ་ཤེས་རྒྱུད་ལ་མྱུར་དུ་སྐྱེ་བར་འདོད་པས་ལམ་ཟབ་མོ་འདི་ལ་བརྩོན་པར་བྱ་སྟེ། དེ་ལའང་སྔོན་འགྲོ་དངོས་གཞི་རྗེས་ཀྱི་རིམ་པའོ། །དང་པོ་ལ་ངེས་འབྱུང་དང་བྱང་ཆུབ་ཀྱི་སེམས་བསྒོམ་པ་སྔོན་དུ་འགྲོ་བས། བདག་སོགས་འགྲོ་ཀུན་དེང་ནས་བྱང་ཆུབ་བར། །བླ་མ་དཀོན་མཆོག་གསུམ་ལ་སྐྱབས་སུ་མཆི། །རང་དང་གཞན་གྱི་དོན་གཉིས་སྒྲུབ་པའི་ཕྱིར། །སྨོན་འཇུག་བྱང་ཆུབ་མཆོག་ཏུ་སེམས་བསྐྱེད་དོ། །གཉིས་པ་ལ་རྟེན་བསྐྱེད་པ་ནི། ཨོཾ་མ་ཧཱ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། གཟུང་འཛིན་ཆོས་ཀུན་མི་དམིགས་སྟོང་པའི་ངང་། །དག་པའི་ཞིང་ཁམས་བཀོད་པ་འབྱམས་ཀླས་པར། །རང་ཉིད་ཐ་མལ་གནས་པའི་མདུན་མཁའ་རུ། །རིན་ཆེན་ཁྲི་རྐང་དར་ཟབ་འབོལ་ཆེན་སྟེང་། །འཇམ་དབྱངས་བླ་མ་ཆོས་ཀྱི་བློ་གྲོས་ནི། །དཀར་དམར་ཞི་འཛུམ་པཎ་ཞུ་ཆོས་གོས་གསོལ། །ཕྱག་གཡས་རྡོ་རྗེ་ཐུགས་ཀའི་སྟོད་དུ་བསྒྱིངས། །གཡོན་པས་མཉམ་གཞག་སྟེང་དུ་གླེགས་བམ་བསྣམས། །ཞབས་གཉིས་རྡོ་རྗེའི་སྐྱིལ་ཀྲུང་གཡོ་མེད་བཅིང་། །རབ་འབྱམས་རྩ་གསུམ་རྒྱ་མཚོའི་ངོ་བོར་བཞུགས། །གནས་གསུམ་ཡིག་འབྲུ་གསུམ་གྱིས་མཚན་པ་ལས། །འོད་འཕྲོས་ཡེ་ཤེས་སྤྱན་དྲངས་དབྱེར་མེད་ཐིམ། །བྱིན་རླབས་གཟི་བརྗིད་འོད་ཕུང་འཕྲོ་བར་བཞུགས། །གཉིས་པ་ཡན་ལག་བདུན་གྱིས་ཚོགས་བསགས་ཤིང་གསོལ་བ་འདེབས་པ་ནི། སྐྱབས་གནས་ཀུན་འདུས་དཔལ་ལྡན་བླ་མ་ལ། །ལུས་འདི་ཞིང་རྡུལ་མཉམ་པས་གུས་ཕྱག་འཚལ། །བདག་པོས་བཟུང་དང་མ་བཟུང་བློས་བླངས་ཤིང་། །དངོས་འབྱོར་ཡིད་སྤྲུལ་མཆོད་སྤྲིན་རྒྱ་མཚོས་མཆོད། །ཐོག་མེད་ནས་བསགས་སྡིག་སྒྲིབ་ཉེས་ལྟུང་དང་། །སྡོམ་གསུམ་དམ་ཚིག་ཉམས་པ་མཐོལ་ལོ་བཤགས། །འཕགས་དང་སོ་སོའི་སྐྱེ་བོའི་དགེ་བ་ལ། །ཕྲག་དོག་མེད་པར་སྙིང་ནས་རྗེས་ཡི་རང་། །གདུལ་བྱའི་བློ་དང་འཚམས་པར་ཟབ་རྒྱས་ཀྱི། །ཐེག་གསུམ་དམ་པའི་ཆོས་འཁོར་བསྐོར་བར་བསྐུལ། །མགོན་པོ་མྱ་ངན་འདའ་བར་བཞེད་རྣམས་ལ། །འགྲོ་བའི་དོན་དུ་བཞུགས་པར་གསོལ་བ་འདེབས། །འདིས་མཚོན་དུས་གསུམ་བསགས་པའི་དགེ་ཚོགས་རྣམས། །སྲིད་ཞིར་མི་གནས་བྱང་ཆུབ་ཆེན་པོར་བསྔོ། །སྤྲོ་ན་མཎྜལ་ཅི་ནུས་ཕུལ། སྙིང་ཐག་པ་ནས་མོས་གུས་གདུང་ཤུགས་དྲག་ཏུ་བསྐྱེད་ལ་གསོལ་བ་འདེབས་པ་ནི། འཇ༷མ་དབྱང༷ས་བླ་མའི་བྱིན་རླབས་སྙིང་ལ་ཞུགས། །ཆོས༷་ཀྱི༷་བདུད་རྩིས་བློ༷་གྲོས༷་པདྨོ་བྱེ། །རིས་མེད་བསྟན་པའི་རྒྱལ་མཚན་བསྒྲེང་ཉིད་ལ། །སྙིང་ནས་གསོལ་འདེབས་བདག་རྒྱུད་བྱིན་གྱིས་རློབས། །ཞེས་ཅི་ནུས་འདོན། ཐུགས་དམ་རྒྱུད་བསྐུལ་གྱི་བཟླས་པ་བྱ་བར་སྤྲོ་ན། ཨོཾ་ཨཱཿགུ་རུ་མཉྫུ་དྷརྨ་མ་ཏི་སརྦ་སིདྡྷི་ཧཱུྃ། །ཞེས་པའང་བཟླས། གསུམ་པ་རྗེས་དབང་བླངས་བ་ནི། སླར་ཡང་དད་མོས་རྩེ་གཅིག་པས། མཁྱེན་ནོ་མཁྱེན་ནོ་བླ་མ་མཁྱེན་ནོ། །སྐྱབས་མེད་བདག་ལ་ཐུགས་རྗེས་གཟིགས་ཤིག །འཁོར་བའི་མཚོ་ལས་ད་ལྟ་དྲོངས་ཤིག །ལས་ངན་སྲིད་པའི་ལྕགས་སྒྲོག་འགྲོལ་མཛོད། །སྡུག་བསྔལ་མེ་ཆེན་བསིལ་བར་མཛོད་ཅིག །ཅེས་རྒྱང་འབོད་མཐར་འདོད་དོན་ཞུ་བ་ནི། མི་རྟག་འཆི་བ་དྲན་པར་བྱིན་གྱིས་རློབས། །དལ་འབྱོར་དོན་ཡོད་བྱེད་པར་བྱིན་གྱིས་རློབས། །འཁོར་བའི་ཉེས་དམིགས་དྲན་པར་བྱིན་གྱིས་རློབས། །ལས་འབྲས་བླང་དོར་བརྩོན་པར་བྱིན་གྱིས་རློབས། །མི་ཕྱེད་དད་མོས་སྐྱེ་བར་བྱིན་གྱིས་རློབས། །སྐྱབས་གསུམ་རང་ངོ་ཤེས་པར་བྱིན་གྱིས་རློབས། །བདག་བས་གཞན་གཅེས་འབྱོངས་པར་བྱིན་གྱིས་རློབས། །བྱང་ཆུབ་སེམས་མཆོག་སྐྱེ་བར་བྱིན་གྱིས་རློབས། །བླ་མ་སངས་རྒྱས་མཐོང་བར་བྱིན་གྱིས་རློབས། །ཅི་གསུང་བཀའ་བཞིན་སྒྲུབ་ནུས་བྱིན་གྱིས་རློབས། །སྒོ་གསུམ་དབང་གིས་སྨིན་པར་བྱིན་གྱིས་རློབས། །བསྐྱེད་རྫོགས་ལམ་ལ་བརྩོན་པར་བྱིན་གྱིས་རློབས། །སེམས་ཀྱི་རྩ་བ་ཆོད་པར་བྱིན་གྱིས་རློབས། །ཆོས་ཉིད་མངོན་སུམ་རྟོགས་པར་བྱིན་གྱིས་རློབས། །སྣང་བཞི་ཟད་སར་འཁྱོལ་བར་བྱིན་གྱིས་རློབས། །འཁོར་བ་དོང་ནས་སྤྲུགས་པར་བྱིན་གྱིས་རློབས། །ད་ལྟ་ཉིད་དུ་བླ་མས་བྱིན་གྱིས་རློབས། །འདུག་ས་འདི་རུ་བྱིན་གྱིས་བརླབ་ཏུ་གསོལ། །བདག་གི་སྒོ་གསུམ་སྨིན་གྲོལ་མཛད་དུ་གསོལ། །བླ་མ་ཁྱེད་རང་ལྟ་བུར་བྱིན་གྱིས་རློབས་ཤིག །བླ་མའི་གནས་གསུམ་རྡོ་རྗེའི་འབྲུ་གསུམ་ལས། །འོད་དཀར་དམར་མཐིང་རིམ་དང་ཅིག་ཆར་བྱུང་། །བདག་གི་སྒོ་གསུམ་ལ་ཐིམ་སྒྲིབ་བཞི་དག །དབང་བཞི་ཐོབ་ཅིང་སྐུ་བཞིའི་ས་བོན་བཞག །མཐར་ནི་འོད་ཞུ་རང་ཐིམ་དབྱེར་མེད་ངང་། །གཟུང་འཛིན་རྡུལ་གྱིས་མ་གོས་རིག་པ་ནི། །མཁའ་ལྟར་རྣམ་དག་ཉི་བཞིན་འོད་གསལ་བའི། །དབྱིངས་རིག་དབྱེར་མེད་ངང་དུ་མཉམ་པར་བཞག །ཅེས་དགོངས་པའི་ངང་བསྐྱངས། ཐུན་ལས་ལྡང་བ་ནི། སངས་རྒྱས་ཀུན་དངོས་དཔལ་ལྡན་བླ་མ་དང་། །མི་འབྲལ་བྱང་ཆུབ་བར་དུ་བསྟེན་བྱས་ནས། །སྣང་གྲགས་རིག་གསུམ་བླ་མའི་རོལ་པར་ཤར། །རྡོ་རྗེའི་ཟབ་ལམ་མཐའ་རུ་ཕྱིན་པར་ཤོག །བདག་གཞན་ཐམས་ཅད་བླ་མའི་ལམ་གྱིས་གྲོལ། །རང་གནས་སྐུ་གསུམ་ཡེ་ཤེས་མངོན་བྱས་ནས། །སྲིད་མཚོ་ལས་བརྒལ་སྐུ་བཞིའི་གོ་འཕང་ནི། །དཀའ་བ་མེད་པར་མྱུར་དུ་ཐོབ་པར་ཤོག །སྐྱེ་བ་ཀུན་ཏུ་ཡང་དག་བླ་མ་དང་། །འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་། །ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་ཐོབ་པར་ཤོག །ཅེས་བསྔོ་སྨོན་གང་ཤེས་བྱས་ནས་རྗེས་སྤྱོད་བླ་མའི་ལམ་ཁྱེར་དང་མ་བྲལ་བར་བྱའོ། །ཞེས་པའང་བསླབ་གསུམ་ལྡན་པ་ལྷ་བྲིས་བླ་མ་ཚེ་མགོན་ནས་བཀྲ་ཤིས་པའི་ལྷ་རྫས་རིན་ཆེན་དང་པོ་ཞོ་གང་གི་རྟེན་བཅས་གསུང་བསྐུལ་ངོར་མཁྱེན་བརྩེའི་ཕྲིན་ལས་ཀྱི་རོལ་གར་དུ་མིང་གིས་དབང་བསྐུར་ཐོབ་པ་ཆོས་ཀྱི་བློ་གྲོས་པས་བཀྲ་ཤིས་འཆི་མེད་གྲུབ་པའི་དགའ་ཚལ་དུ་ཤིང་ཁྱི་ཆོ་འཕྲུལ་ཟླ་བ་ཕྱི་མའི་ཚེས་༡༢རྗེ་བཙུན་གྲགས་པ་རྒྱལ་མཚན་གྱི་དུས་དྲན་ཉིན་བྲིས་པ་འདིས་ཀྱང་མཐའ་ཡས་པའི་སེམས་ཅན་རྣམས་ལ་ཕན་པ་རྒྱ་ཆེན་པོར་འབྱུང་བར་གྱུར་ཅིག །མངྒ་ལཾ།། །།

[edit]

bla ma'i rnal 'byor byin rlabs dpal ster zhes bya ba bzhugs so/__/na mo gu ru many+dzu g+ho ShA ya/__skal bzang gang zhig bde chen lhan cig skyes pa'i ye shes rgyud la myur du skye bar 'dod pas lam zab mo 'di la brtson par bya ste/__de la'ang sngon 'gro dngos gzhi rjes kyi rim pa'o/__/dang po la nges 'byung dang byang chub kyi sems bsgom pa sngon du 'gro bas/__bdag sogs 'gro kun deng nas byang chub bar/__/bla ma dkon mchog gsum la skyabs su mchi/__/rang dang gzhan gyi don gnyis sgrub pa'i phyir/__/smon 'jug byang chub mchog tu sems bskyed do/__/gnyis pa la rten bskyed pa ni/__oM ma hA shU n+ya ta dz+nyA na badz+ra swa b+hA wa At+ma ko\u0f85 haM/__gzung 'dzin chos kun mi dmigs stong pa'i ngang /__/dag pa'i zhing khams bkod pa 'byams klas par/__/rang nyid tha mal gnas pa'i mdun mkha' ru/__/rin chen khri rkang dar zab 'bol chen steng /__/'jam dbyangs bla ma chos kyi blo gros ni/__/dkar dmar zhi 'dzum paN zhu chos gos gsol/__/phyag g.yas rdo rje thugs ka'i stod du bsgyings/__/g.yon pas mnyam gzhag steng du glegs bam bsnams/__/zhabs gnyis rdo rje'i skyil krung g.yo med bcing /__/rab 'byams rtsa gsum rgya mtsho'i ngo bor bzhugs/__/gnas gsum yig 'bru gsum gyis mtshan pa las/__/'od 'phros ye shes spyan drangs dbyer med thim/__/byin rlabs gzi brjid 'od phung 'phro bar bzhugs/__/gnyis pa yan lag bdun gyis tshogs bsags shing gsol ba 'debs pa ni/__skyabs gnas kun 'dus dpal ldan bla ma la/__/lus 'di zhing rdul mnyam pas gus phyag 'tshal/__/bdag pos bzung dang ma bzung blos blangs shing /__/dngos 'byor yid sprul mchod sprin rgya mtshos mchod/__/thog med nas bsags sdig sgrib nyes ltung dang /__/sdom gsum dam tshig nyams pa mthol lo bshags/__/'phags dang so so'i skye bo'i dge ba la/__/phrag dog med par snying nas rjes yi rang /__/gdul bya'i blo dang 'tshams par zab rgyas kyi/__/theg gsum dam pa'i chos 'khor bskor bar bskul/__/mgon po mya ngan 'da' bar bzhed rnams la/__/'gro ba'i don du bzhugs par gsol ba 'debs/__/'dis mtshon dus gsum bsags pa'i dge tshogs rnams/__/srid zhir mi gnas byang chub chen por bsngo/__/spro na maN+Dal ci nus phul/__snying thag pa nas mos gus gdung shugs drag tu bskyed la gsol ba 'debs pa ni/__'jaXm dbyangaXs bla ma'i byin rlabs snying la zhugs/__/chosaX kyiX bdud rtsis bloX grosaX pad+mo bye/__/ris med bstan pa'i rgyal mtshan bsgreng nyid la/__/snying nas gsol 'debs bdag rgyud byin gyis rlobs/__/zhes ci nus 'don/__thugs dam rgyud bskul gyi bzlas pa bya bar spro na/__oM AHgu ru many+dzu d+harma ma ti sarba sid+d+hi hU~M/__/zhes pa'ang bzlas/__gsum pa rjes dbang blangs ba ni/__slar yang dad mos rtse gcig pas/__mkhyen no mkhyen no bla ma mkhyen no/__/skyabs med bdag la thugs rjes gzigs shig__/'khor ba'i mtsho las da lta drongs shig__/las ngan srid pa'i lcags sgrog 'grol mdzod/__/sdug bsngal me chen bsil bar mdzod cig__/ces rgyang 'bod mthar 'dod don zhu ba ni/__mi rtag 'chi ba dran par byin gyis rlobs/__/dal 'byor don yod byed par byin gyis rlobs/__/'khor ba'i nyes dmigs dran par byin gyis rlobs/__/las 'bras blang dor brtson par byin gyis rlobs/__/mi phyed dad mos skye bar byin gyis rlobs/__/skyabs gsum rang ngo shes par byin gyis rlobs/__/bdag bas gzhan gces 'byongs par byin gyis rlobs/__/byang chub sems mchog skye bar byin gyis rlobs/__/bla ma sangs rgyas mthong bar byin gyis rlobs/__/ci gsung bka' bzhin sgrub nus byin gyis rlobs/__/sgo gsum dbang gis smin par byin gyis rlobs/__/bskyed rdzogs lam la brtson par byin gyis rlobs/__/sems kyi rtsa ba chod par byin gyis rlobs/__/chos nyid mngon sum rtogs par byin gyis rlobs/__/snang bzhi zad sar 'khyol bar byin gyis rlobs/__/'khor ba dong nas sprugs par byin gyis rlobs/__/da lta nyid du bla mas byin gyis rlobs/__/'dug sa 'di ru byin gyis brlab tu gsol/__/bdag gi sgo gsum smin grol mdzad du gsol/__/bla ma khyed rang lta bur byin gyis rlobs shig__/bla ma'i gnas gsum rdo rje'i 'bru gsum las/__/'od dkar dmar mthing rim dang cig char byung /__/bdag gi sgo gsum la thim sgrib bzhi dag__/dbang bzhi thob cing sku bzhi'i sa bon bzhag__/mthar ni 'od zhu rang thim dbyer med ngang /__/gzung 'dzin rdul gyis ma gos rig pa ni/__/mkha' ltar rnam dag nyi bzhin 'od gsal ba'i/__/dbyings rig dbyer med ngang du mnyam par bzhag__/ces dgongs pa'i ngang bskyangs/__thun las ldang ba ni/__sangs rgyas kun dngos dpal ldan bla ma dang /__/mi 'bral byang chub bar du bsten byas nas/__/snang grags rig gsum bla ma'i rol par shar/__/rdo rje'i zab lam mtha' ru phyin par shog__/bdag gzhan thams cad bla ma'i lam gyis grol/__/rang gnas sku gsum ye shes mngon byas nas/__/srid mtsho las brgal sku bzhi'i go 'phang ni/__/dka' ba med par myur du thob par shog__/skye ba kun tu yang dag bla ma dang /__/'bral med chos kyi dpal la longs spyod cing /__/sa dang lam gyi yon tan rab rdzogs nas/__/rdo rje 'chang gi go 'phang thob par shog__/ces bsngo smon gang shes byas nas rjes spyod bla ma'i lam khyer dang ma bral bar bya'o/__/zhes pa'ang bslab gsum ldan pa lha bris bla ma tshe mgon nas bkra shis pa'i lha rdzas rin chen dang po zho gang gi rten bcas gsung bskul ngor mkhyen brtse'i phrin las kyi rol gar du ming gis dbang bskur thob pa chos kyi blo gros pas bkra shis 'chi med grub pa'i dga' tshal du shing khyi cho 'phrul zla ba phyi ma'i tshes 12rje btsun grags pa rgyal mtshan gyi dus dran nyin bris pa 'dis kyang mtha' yas pa'i sems can rnams la phan pa rgya chen por 'byung bar gyur cig__/mang+ga laM//____//