JKCL-KABUM-02-KHA-099-wylie
rnal 'byor dbang phyug la bstod pa dgyes mdzad dpa' bo'i gad rgyangs zhes bya ba bzhugs so/____/na mo gu ru bi ru pa da ya/__srog rtsol d+hU ti'i dbyings su 'ching ba las/____/'pho med bde chen phyag rgya'i skur bzhengs pa/____/rdo rje nyi ma he ru ka dpal ni/____/rnal 'byor dbang phyug 'bar ba'i skur ston pa/____/'khor 'das chos kun 'khor lo sdom pa'i dbyings/____/nang gi sa mchog gtsug gtor rtse mor bgrod/____/he ru ka dpal dgyes mdzad rdo rje'i sku/____/'bar g.yo rjes chags gar brgyas rol ba yi/____/sa gsum khyab mdzad ha ha'i gad rgyangs sgrogs/____/bde dang stong pa mi phyed 'od gsal thugs/____/sgrib bral shin tu rnam par dag pa ni/____/dngos rnams ma lus kun la yongs su khyab/____/bde mchog rdo rje sems dpa'i dpal yon ni/____/mkha' dang mnyam pa'i phrin las rtag 'phro ba/____/rnal 'byor dbang phyug chen por gsol ba 'debs/__'jigs med he ru ka dpal mchog thob shog__/ces pa'ang 'jigs bral dpa' bos smras pa yi ge'i gzugs su spel ba po ak+Sha ra mang+gas so/__/____//
