JKCL-KABUM-02-KHA-095-wylie
gtsang sar mchog sprul rin po cher bstod pa lha yi rnga chen ces bya ba bzhugs so/____/oM swasti/__dus gsum rgyal ba'i thugs bskyed 'od dkar las/____/bstan 'gro'i mgon du bsam bzhin byon pa'i sku/____/'jam dbyangs kun dga' rgyal mtshan dpal bzang po/____/spyi bo'i rgyan du bsten bzhin gus pas bstod/____/shes bya rgya mtsho'i gnas la legs sbyangs shing /____/mdo sngags zab don gdams pa'i gter gyis phyug__/thos bsam sgom pa'i pha mthar rab son cing /____/mchog gi sprul sku mtshungs med zhabs la 'dud/____/mkhyen brtse nus pa'i phrin las pha mtha' yas/____/'chad rtsod rtsom pas thub bstan nyin mor byed/____/skal bzang gdul bya'i pad+mo bzhad mdzad pa/____/dpal ldan bla ma mchog la gus pas 'dud/____/de ltar bstod cing gsol ba btab pa'i mthus/____/bla ma'i zhabs brtan bstan pa dar zhing rgyas/____/'jig rten bde dga'i dpal 'byor rgyas pa dang /____/phyogs dus kun tu dge ba'i bkra shis shog__/ces pa'ang thub bstan dpal bzang nas lha rdzas gangs ri'i mdang 'dzin dang /__rin gnyis me tog phun sum tshogs pa'i grangs ldan bcas bskul ngor chos kyi blo gros pas bris pa dge zhing bkra shis par gyur cig__/__//__
