JKCL-KABUM-02-KHA-028-wylie

lha mo dbyangs can la bstod pa gang+gA'i rlabs phreng zhes bya ba/__oM swasti/__'phags mchog thugs rje'i zla ba yi/____/zhal gyi chu skyes mche ba las/____/mngon par sprul pa'i sgra ldan ma/____/tshangs pa'i sras mor bstod par bgyi/____/lha mo rig byed dbyangs dang ldan/____/swa ra swa stI zhes grags pa/____/srid dang zhi ba'i khongs su snyan/____/dbyangs can ma la phyag 'tshal bstod/____/zla ba dung dang ku muta zhal/____/smin ma gnag snum ut+pal mig__/sked skabs phra la myos bum mtho/____/gsang ba'i pad+mo 'dzum la bstod/____/tsan+dan sa mchog dri bsung 'thul/____/zhal gyi chab zegs lha'i bdud rtsi/____/mthong ba tsam gyis 'jig rten gsum/____/yid 'phrog ma la phyag 'tshal bstod/____/sangs rgyas byang chub sems dpa' dang /____/nyan thos rang rgyal thams cad dang /____/lha dang drang srong grub rig 'dzin/____/thams cad thams cad khyed la 'dud/____/dkyil 'khor kun gyi rigs kyi yum/____/spro dang bsdu ba'i byed po mchog__/dbyings yum sher phyin kun bzang mo/____/rdo rje dbyangs kyi rgyal mor bstod/____/de ltar bstod pa'i dge ba'i mthus/____/zab cing rgya che'i blo gros 'phel/____/mkhyen gnyis snang ba rab rgyas nas/____/thams cad mkhyen gzigs mchog grub shog__/ces pa'ang me sprel smin zla'i tshes la chu bo gang+gAr gzings kyi 'phrul 'khor du zhugs pa'i tshe chos kyi blo gros pas gsol ba btab pa dge'o/__/____//__