JKCL-KABUM-02-KHA-018-wylie
dpal ldan 'jam dpal rdo rje la bstod pa nor bu'i sprin chen zhes bya ba bzhugs so/____/oM swasti/__skal bzang yid 'ong blo gros kyi/____/spobs pa'i gter chen 'byed pa'i lha/____/smra ba'i seng+ge ngag dbang lhas/____/rab mchog shis pa'i snang ba stsol/__1/__nyi zla'i 'od dang gser ri dang /____/nor bu'i sgron me lha yi 'od/____/de bzhin nyan thos rang sangs rgyas/____/'od kyang kun tu mog por byed/__2/__byang sems chen po rnams kyi dbus/____/mgon po kun gzigs lham me ba/____/nyi ma'i mdun na zla ba dang /____/bdud rtsi can mdun rgyu skar bzhin/__3/__de bzhin gshegs pa rnams dang ni/____/kun tu spyod yul khyad par can/____/gzi brjid phreng ba lta na sdug__/'jig rten gsum gyi dpal dam pa/__4/__dang po'i sangs rgyas rab dga' ba/____/chags med rdul bral rnam par dag__/ye shes mig gcig 'gro ba'i skor/____/rang byung snang ba ston pa po/__5/__chags med chags pa chen po'i bdag__/dpa' bo chen po shugs 'chang ba/____/kha dog shin tu rgyas par ldan/____/yan lag kun las rnam par 'das/__6/__zab cing rgya che gting dpag dka'/____/shin tu brtan pa mi phyed pa/____/rang gi rang bzhin rang 'od gsal/____/lhun grub rdo rje'i bdag nyid do/__7/__ye shes gsal ba mtha' las 'das/____/chos dbyings rgyas par 'gengs pa dang /____/sna tshogs dbang po'i gzhu bzhin dang /____/mtshan ma bral la rnam par brtag8/__rgyu rkyen 'dus byas mtha' las 'das/____/ye gnas thog ma'i 'jam pa'i dpal/____/dpal ldan gsung gi dbang phyug ni/____/mkhyen pa'i rdo rje rang shar ba'o/__9/__bkra shis kun gyi byed po ni/____/'jam dpal grub pa'i bkra shis mchog__/bkra shis ye shes phyag rgya che'i/____/brtan g.yo thams cad bkra shis shog10/__ces pa'ang chu stod zla ba'i tshes brgyad la dpal lha'i mdun sa 'jam dpal rdo rje'i ye shes kyi sku nyid chags bral gyi rnam par ston pa nyin mor byed pa'i chos 'khor gyi gtsug lag khang gi nye logs gzims khang chen po g.yu thog gi skyed tshal tshe ring bde ldan 'chi med phun tshogs 'dod 'byung dga' ba'i tshal chen por gtsug lag lung rigs nyi ma smra ba'i seng+ges yid kyi mtsho las thon pa'i bstod pa 'dis kyang mchog thun gyi dngos grub ci dgar 'jo ba'i rgyu gyur cig__/sarba dA mang+ga laM/__/____//
