JKCL-KABUM-02-KHA-004-wylie
ston pa mnyam med thub dbang rin po cher bstod pa tshangs pa'i mgrin gsol zhes bya ba bzhugs so/____/oM swa sti/__rgyal ba nyi ma 'jig rten gsum gyi mgon/____/snyigs ma rtsod ldan 'dul bar thugs bskyed pa/____/thub mchog mtshungs med shAkya'i rgyal po la/____/gus pas mgo bos rab tu btud de mchod/__1/__srid pa tha ma'i byang chub sems dpa' ni/____/lha bu dam pa tog dkar mtshan snyan pa/____/dga' ldan lha yi gzhal med khang chen der/____/theg chen chos kyi lha rnams grol bar mdzad/__2/__'dzam bu'i gling du 'pho bar bzhed pa na/____/gser sbyang nor bu'i brgyan pa'i cod paN che/____/mgon po ma pham byams pa'i dbur bcings nas/____/gzigs pa rnam lngas dga' ldan gnas nas gshegs/__3/__glang po'i rgyal po mche ba drug ldan pa/____/gangs ri'i mdog 'chang mig mi 'dzum bzhin du/____/mdzes pa'i stobs kyis sgyu ma'i lhums su zhugs/____/gtsang ma'i gzhal med khang par byin gyis brlabs/__4/__byang chub sems dpa'i lus stobs yongs rdzogs te/____/rtsibs ma'i g.yas kyi sgo chen bzang po nas/____/lhar bcas 'jig rten dga' ba'i gzhon nus sku/____/ngo mtshar mtshan dpe'i pad+mo bzhad par gyur/__5/__lha yi srab 'jam dar gyis legs phyis shing /____/'chi med lam nas 'bab pa'i bdud rtsis khrus/____/gsol bas gtsang zhing shin tu dag cing gtsang /____/mdzes sku 'od zer bye ba'i gzi brjid 'phro/__6/__gang du 'byon der pad+ma stong ldan re/____/de yi mod la 'khrungs pa'i dga' ston 'di/____/kho nas thub pa 'jig rten kun gyi rgyan/____/mtshungs zla spangs pa'i u dum wa ra bzhin/__7/__shes bya sna tshogs nam mkha'i rjes 'gro ba/____/skad cig res kyang rdzogs pa de yi mod/____/chen por rlom pa'i nga rgyal chang gis myos/____/dregs ldan thams cad ngo tsha'i gnas su bkod/__8/__zhen med rnam gnon rgyal thabs khrir bzhugs nas/____/rin chen bdun gyis 'byor ba'i dpung tshogs la/____/ci bder spyod tshe sum rtsen bdag po yang /__khengs pa bskyungs pa'i ngang tshul gyur to snyam/__9/__srid pa'i sdug bsngal spangs pa'i sprul pa bzhin/____/gzigs nas nges par 'byung ba'i tshul bstan cing /____/lha yi dpal 'byor mchil ma bzhin dor nas/____/rab yangs dgung sngon mthon po'i dbyings nas bskyod/__10/__rgyal ba'i mchod rten rnam par dag pa'i drung /____/ston pa med pa rab tu byung ba'i tshe/____/dbu ljon dbang pos bsod nams lag gis blangs/____/rnam par rgyal ba'i mchod pa'i rten du grub/__11/__gdod nas rnam grol go 'phang brnyes gyur kyang /____/gdul bya thar lam mchog la bkri drangs gi/__thabs la mkhas pa'i cho 'phrul bsam yas pas/____/'jig rten ting 'dzin thog mar 'khrid tshul ston/__12/__ku ku'i mgrin ltar sngo ba'i rtswa 'jam steng /____/skyil krung mi g.yo brtan par bzhugs byas te/____/ma dag zas dang 'khon pa ltar gyur nas/____/zag med ro mchog brgya pas 'tsho bar gyur/__13/__gang zhig byang chub dam par mngon phyogs tshe/____/de tsam rnam grol mthar thug mi gzhol phyir/____/snga ma las ldangs rdo rje gdan gshegs nas/____/byang chub chen po mngon sum brnyes par ston/__14/__'dod pa'i 'phrul zhags ring du 'phen pa yi/____/me tog mda' can dpung gi tshogs lhags tshe/____/khyod kyi byams pa'i mtshon gyis btul ba na/____/drag por khros pa'i mtshon brgya'ang zhi bar 'gyur/__15/__bdud kyi dga' ma'i bzhin ras mdzes pa de/____/rga bas non pa'i gzugs su bsgyur ba na/____/g.yo can de yang zhum bcas mdun du lhags/____/dam tshig mnos tshe thub gsung dpang po yang /__16/__'dzin ma'i khur khyer gser mdog bum 'dzin ma/____/rin chen legs brgyan sku yi phyed thon ste/____/khyod gsung dpang por gyur tshe mda' lnga pa/____/shin tu skyengs te rang gi gnas der 'khums/__17/__sa ga'i nya yi sngo sangs bu mo yi/____/'dzum zhal ngom tshe 'dren pa mngon 'tshang rgya/____/shar nub kun tu rdzu 'phrul zhabs kyis bcag__/mi gsung chos dbyings chen por mnyam par 'jog18/__de tshe gser mngal can dang mig stong ldan/____/sde bcas lhags nas gsol btab chos 'khor bskor/____/lnga sde la sogs bden mthong gnas bkod nas/____/dbang rim theg gsum chos kyi gsung dbyangs sgrogs/__19/__gsang gsum nyi ma bye ba'i gzi brjid kyis/____/mu stegs gnyis 'thung mche rnon smad nas ni/____/sdang ba med kyang lta ngan sde bcas brlag__/bde gshegs mi yi seng+ge 'gran zla spangs/__20/__ral pa'i tshogs kyis kun nas 'thib pa dang /____/mun sprul phyin ci log gi rgyud khengs rnams/____/thub pa'i sku yi ba spu re re las/____/cho 'phrul phra mo res kyang mog por byed/__21/__'dul ba rnam bzhi'i mdzad pa mtha' klas pa/____/sems ldan su zhig gis ni sems par nus/____/'jam dpal dbyangs kyis brjod par mi spobs na/____/bdag 'dras brjod pa'i ngal bas ci zhig bya/__22/__sku yi mdzad pa dbyings su sdud pa'i tshe/____/seng+ge'i khri la mtshan dpe'i sku bsnyal te/____/bzhugs pa'i tshul ni ri mor bris pas kyang /____/sems gcong byed na smra bar ga la spobs/__23/__nges don theg pa chen po'i tshul bzang por/____/ston pa mya ngan mi 'da' rtag bzhugs shing /____/chos kyi snang bas khyab par mdzad bzhin du/____/bzhugs pa'i gsung gis dbug dbyungs chen po byin/__24/__de ltar thub pa drang srong chen po des/____/mdzad pa'i rnam thar shas tsam mthong ba la/____/bdag blo dad pa'i spu long cher g.yos pas/____/bla ma thub mchog de la bstod pa'i tshig25/__sbyar ba'i dge bas ston pa mchog de yi/____/byin rlabs snying gi dbus su sim pa dang /____/legs gsung dam pa'i chos la blo mchog gter/____/mtshungs med rnyed nas bstan pa gsal gyur cig26/__deng bzung tshe rabs kun tu tshul khrims kyi/____/phung po rgyas pa'i bsung zhim dngar mo+o yis/____/rgyal ba dgyes pa'i mchod pa stobs pa dang /____/shAkya'i rgyal po mchog dang mi 'bral shog27/__ces ston pa bka' drin mtshungs med la bstod pa 'di'ang sa skyong sde dge'i chos rgyal chen po'i drung paN+Di ta dbyangs can dgyes pa'i legs bshad rgya mtsho'i gzhis ka rgya mkhar gyi 'chi med bde ldan lha khang bkra shis phun tshogs 'khyil bar shing khyi sa zla'i dkar phyogs kyi bzang po dang po'i tshes la/__'jam dbyangs chos kyi blo gros pas gsol ba btab pa dang gzhan gyi rgyud la thub dbang ye shes gzigs pa'i byin rlabs myur du 'jug pa'i rgyur gyur cig__/shu b+ham sa stu sarba dza ga taM/____/dge'o/__dge'o/__dge'o/__/____//_
