རྫོགས་རིམ་ཉུང་བསྡུས།

Previous Text Back to Volume Page Next Text

Wylie title	rdzogs rim nyung bsdus
Location	mdo mkhyen brtse bka' 'bum Volume 8, Text 12, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Completion Stage - rdzogs rim
Cycle	ཡང་གསང་མཁའ་འགྲོའི་ཐུགས་ཐིག་ (yang gsang mkha' 'gro'i thugs thig)
Colophon	འཇའ་ལུས་རྡོ་རྗེས་སྨྲས་པ་དགེ།
Colophon	'ja' lus rdo rjes smras pa dge/

[edit]

༄༅། །རྗེ་བཙུན་པདྨ་ཀཱ་རར་འདུདཿ ལེགས་པར་གསོན་དང་རིགས་ཀྱི་བུ། །ཆོས་ཉིད་རྣལ་མའི་དོན་རྟོགས་ན། །ཐ་མལ་ཤེས་པ་ཟང་ཀ་མ། །བདེ་གསལ་མི་རྟོག་ཉམས་ལས་གྲོལ། །བརྗོད་མེད་རིག་པ་ཟང་ཀ་མ། །ཆོས་ཉིད་ལྷུག་པའི་ཉམས་དང་ལྡན། །བསྒོམ་རྒྱུ་རྡུལ་ཙམ་མ་མཆིས་ཀྱང༌། །ཡེངས་སུ་སྤུ་ཙམ་མ་མཆིས་སོ། །གང་ཤར་རང་གྲོལ་གཉུག་མའི་ངང༌། །དེ་ལས་གཞན་པའི་རྣམ་རྟོག་གིས། །ཉོན་མོངས་ཇག་རྐུན་ཤུགས་དྲག་ཅིང༌། །འཁྲུལ་བ་ནག་འབྱམས་འཁོར་དབང་ཤོར། །ཁོམ་ཡང་ཡོད་ཅིང་སེམས་བདེ་ཚེ། །དཔྱད་ན་སྟོང་ཞིང་བདག་མེད་འདྲ། །དེ་ལ་དགེ་སྡིག་མི་འདུག་པས། །འདི་ཡི་ངང་དུ་ཉལ་འདུག་སྙམས། །ཐུགས་དམ་ཆགས་སྡང་གཉིས་ལ་བྱེད། །ཉམས་ལེན་ནག་ཆང་བག་མེད་སྤྱོད། །རྫོགས་པ་ཆེན་པོ་རྐྱེན་དབང་ཤོར། །སྟོང་ལྟ་ཧད་པོའི་རྒྱུ་དང་འབྲས། །ཁྱད་གསོད་སྒོམ་ཆེན་ཡིན་ནོ་ཞེས། །ནོར་ས་ཤོར་བའི་ཐང་ཆེན་འཁྱམས། །དེ་འདྲའི་སྒོམ་ཆེན་འོ་རེ་བརྒྱལ། །ཧེ་ཧེ་ཧེ། ཉམས་མཚར་རྩེད་མོའི་ཚུལ་ཉིད་དུ། །མ་བཅོས་ལྷུག་པའི་ངོ་སྤྲོད་འདི། །ཞེན་པ་རང་གྲོལ་རྣལ་འབྱོར་པ། །འཇའ་ལུས་རྡོ་རྗེས་སྨྲས་པ་དགེ།། །།