བསྙུང་གནས་ཉུང་བསྡུས།

🚧 This website is under continued development. We appreciate your patience!

Previous Text Back to Volume PageNext Text

Wylie title	bsnyung gnas nyung bsdus
Location	mdo mkhyen brtse bka' 'bum Volume 6, Text 21, Pages (Folios to )
Author	མདོ་མཁྱེན་བརྩེ་
Less details More details
Citation
Genre	Ritual of Fasting and Silence - smyung gnas
Colophon	།ཅེས་པ་སྔགས་བཙུན་བདེ་ཆེན་རིག་པའི་རལ་གྲིས་བྲིས་པ་དགེའོ། སརྦ་མངྒ་ལམ།
	/ces pa sngags btsun bde chen rig pa'i ral gris bris pa dge'o/_sarba mang+ga lam/

Tibetan Text

[edit]

།ཁམས་གསུམ་འགྲོ་བའི་སྒྲོན་མེ་མཆོག རིགས་གྱི་བདག་པོ་ཧེ་རུ་ཀཿ དྲིན་ལྡན་འཇའ་ལུས་རྡོ་རྗེ་ལ། སྒོ་གསུམ་གུས་པས་ཕྱག་བགྱིའོ། །ཞེས་མཆོད་བརྗོད་ཉུང་ཙམ་མདུན་བསུས་ཏེ། སྐབས་བབ་ཀྱི་བརྗོད་བྱ་བསྙུངས་བར་གནས་པའི་ཆོ་གའི་འདོན་འགྲིགས་ལ། ཐོག་མར་ཨོ་རྒྱན་ཡུལ་གྱི་སོགས༴ ཧུཾ་ཧཱུཾ་ཧཱུཾ་རྗེ་བཙུན་ཆེན་པོ་མཚོ་དབུས་གེ་སར་མ༴ ཀུན་བཟང་རྡོ་རྗེ་སེམས༴ མནོལ་བསང་གཉུག་མར་གནས་པ་ལ་དཀར་གཏོར་སྦྱིན་ཏེ། ཨོཾ་སྭ་བྷ་ཝ་སོགས༴ ཀུན་འགྲུབ་ཤོག་པར་འདོན། བུམ་པ་རྡོ་རྗེ་སོགས༴ རྒྱ་གར་སྐད་དུུ་སོགས། གཟུངས་རིང་ཚར༴ གཟུངས་འབྲིང་ཚར་བདུན། གཟུངས་ཐུང་བརྒྱའམ་ལྔ་བཅུའི་བསྒྲུབས་ལ། ཡན་ལག་ལྔ་ཁྲུས་བྱ། དེ་ནས་མཆོད་བསྟོད་དང༌། སྡིག་པ་ཐམས་ཅད་སོགས་བརྗོད། དེ་ནས་ནང་དུ་འོང་ལ་ཡེ་ཤེས་སྐུ་མཆོག་མ་འདོན། ཡན་ལག་བདུན་པ་མཎྜ་ལ་སོགས་འབུལ་ལ་གསོ་སྦྱོང་ལེན། སངས་རྒྱས་ཆོས་ཚོགས། །ཐུན་མོང་དང་ཐུན་མིན་སྔོན་འགྲོ་ཁ་ཚང་མྱུར་ཐོབ་ཤོག་བར་འདོན། དེ་ནས་རང་གཞུང་ལ་འཇུག སྔ་ཆོ་ག་ཚར་གཅིག་དེ་ནས་གུང་ཚིག་གསོལ་ནས། གསོལ་སྦྱོང་གི་མདོ་དང༌། ཟབ་མདོ་སོགས་འདོན་ལ་བསྔོ་སྨོན་སོགས་བརྗོད་ནས་གྲོལ། དེ་ནས་ཡང་ཕྱི་ཆོག་གི་རིམ་པར་འདོན་ནས། རྗེས་ཆོག་བཅས་འཇུག་རྫོགས་པར་བྱས་ལ། ཟངས་མདོག་དཔལ་རིའི་སྨོན་ལམ་དང་དགེ་བདུན་བསྔོ་སོགས་ཀྱི་མཐའ་བརྒྱན་པར་བྱའོ། །དེ་ལྟར་ཆ་བརྒྱད་རྫོགས་པར་བྱ། ཉིན་དང་པོ་མིན་པར་རྗེས་མ་རྣམས་ལ་མནོལ་བསང་དང་དཀར་གཏོར་མི་དགོས། གྲོལ་ཉིན་བསྔོ་བ་སྨོན་ལམ་གྱི་རྗེས་སུ་བཀྲ་ཤིས་གང་རིགས་ཀྱིས་མཐའ་བརྒྱན་པར་བྱའོ། འདིར་སྨས་པ། དགེ་བ་འདི་ཡི་བདག་དང་འགྲོ་བ་ཀུན། །རིགས་དྲུག་འཁོར་བའི་སྡུག་བསྔལ་ལས་བསྒྲལ་ཏེ། གསང་ཆེན་ཟབ་མོའི་ཉསམ་ལེན་མཐར་ཕྱིན་ནས། །ཧེ་རུ་ཀཿདཔལ་ཐུགས་ཀློང་དབྱེར་མེད་ཤོགས། །ཅེས་པ་སྔགས་བཙུན་བདེ་ཆེན་རིག་པའི་རལ་གྲིས་བྲིས་པ་དགེའོ། སརྦ་མངྒ་ལམ།