བསྔོ་སྨོནཿ

From Khyentse Lineage - A Tsadra Foundation Project
Wylie title bsngo smon
Location mdo mkhyen brtse bka' 'bum
Volume 3, Text 36, Pages (Folios to )
Author མདོ་མཁྱེན་བརྩེ་
Less details More details
Tertön མདོ་མཁྱེན་བརྩེ་ (Mdo mkhyen brtse)
Citation
Genre Dedications - bsngo ba  ·  Prayers - smon lam
Colophon

དགའ་རབ་འཇའ་ལུས་རྡོ་རྗེ་ཡིསཿ ཞབས་ཏོག་ཚུལ་དུ་ཕུལ་བའི་མཐུས། ཡུམ་ཆེན་ཞབས་པད་ཡུན་བརྟན་གསོལ། །ཤུ་བྷཾཿ

dga' rab 'ja' lus rdo rje yisaH_zhabs tog tshul du phul ba'i mthus/_yum chen zhabs pad yun brtan gsol/_/shu b+haM

[edit]
༁ྃཿ བདག་གི་དུས་གསུམ་ཟག་བཅས་ཟག་མེད་ཀྱིཿ དགེ་བའི་རྩ་བ་ཇི་སྙེད་ཡོད་པ་ཀུནཿ མར་གྱུར་ནམ་མཁའི་མཐའ་དང་མཉམ་པོ་ཡིཿ དྲིན་ལྡན་སེམས་ཅན་ཀུན་གྱི་དོན་དུ་བསྔོཿ དེར་མཐུས་ལས་ཀྱིས་མནར་བའི་རིགས་དྲུག་འགྲོཿ སྲིད་གསུམ་ཉོན་མོངས་སྡུག་བསྔལ་ལས་གྲོལ་ནསཿ སྟོང་ཉིད་དོན་རྟོགས་བྱང་སེམས་རྒྱུད་ལ་སྐྱེཿ རྨད་བྱུང་སྐུ་གསུམ་ཞིང་དུ་འཚང་རྒྱ་ཤོག །ཧྲཱིཿ གུ་རུའི་བྱིན་རླབས་མཁའ་ལ་སྤྲིན་ཕུང་འཁྲིགསཿ ཡི་དམ་ལྷ་ཡི་དངོས་གྲུབ་སྦྲང་ཆར་འབེབསཿ དཔའ་བོ་མཁའ་འགྲོ་དགྱེས་པའི་བྲོ་གར་འཁྲབཿ དམ་ཅན་ཆོས་སྐྱོང་ལས་བཞིས་ཕྲིན་ལས་སྒྲུབཿ བཀྲ་ཤིས་བདེ་སྐྱིད་དཔལ་ལ་ལོངས་སྤྱོད་ཤོག །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱཿ «དགའ་རབ་འཇའ་ལུས་རྡོ་རྗེ་ཡིསཿ ཞབས་ཏོག་ཚུལ་དུ་ཕུལ་བའི་མཐུས། ཡུམ་ཆེན་ཞབས་པད་ཡུན་བརྟན་གསོལ། །ཤུ་བྷཾཿ ཿ