DKR-KABUM-19-DZA-007-wylie
<div class="wylie-content"
skya__'chi med pad+ma tshe yi snying thig las:_yang zab rig 'dzin tshe yi sgrub pa bzhugs:_ skya__'chi med tshe bdag rnams la 'dud:_dus kyi tha ma'i gdul bya rnams:_'chi med rdo rje'i srog bsgrub phyir:_dben par dkyil 'khor mtshan rdzogs bzhengs:_b+han+d+har 'bras gsum dbang po lag:_cong zhi brag zhun rtsa ba lnga:_bdud rtsi'i skyobs dang bcas pa yi:_ril bu sran 'phos tsam du dril:_dar dmar gur phub mchod pas bskor:_bde ba'i stan la bag phebs te:_nges 'byung bsam pas nyams su len:_sa ma ya:_hrIH_rang rig 'od gsal chos kyi sku:_bde chen ye shes longs spyod rdzogs:_zung 'jug rig rtsal bla ma rjer:_rang ngo shes pas skyabs su mchi:__hrIH_mkha' mnyam sems can ma lus kun:_med snang srid pa'i sdug bsngal las:_snying rjes dbugs 'byin bya ba'i phyir:_rang grol chen por sems bskyed do:__hrIH_ye shes dbyings las rang shar lhar:_rang ngo rig pas phyag 'tshal lo:_cir snang ye shes rol mos mchod:_blos byas 'khrul pa'i sdig ltung bshags:_rang snang rang shar rjes yi rang:_zab rgyas chos 'khor chad med bskor:_'pho med rtag par bzhugs su gsol:_'bras bu ye rdzogs chen por bsngo:_gzhan don byang chub myur thob shog:__hrIH_kun brtags glo bur 'khrul pa'i bdud:_rang snang 'dod yon gtor ma longs:_gzhi grol chos sku'i dkyil 'khor du:_'dug pa'i skabs med gzhan du song:__hrIH_gnyis snang bar chad srung ba'i mtshams:_ye shes rdo rje chos sku'i rtsal:_gzhom zhig bral ba'i rdo rje'i gur:_rang bzhin nyid du lhun gyis grub:_rak+Sha rak+Sha b+h+rU~M:__hrIH_ka dag dbyings kyi gzhal yas su:_lhun grub rig pa chos sku'i lhas:_srid zhi kun khyab byin phob la:_ye shes rdo rje'i dbang bskur stsol:_'od gsal khyab brdal pho brang nas:_nges pa lnga ldan longs sku yis:_yan lag bdun gyi byin phob la:_ston 'khor dgongs mnyam dbang bskur stsol:_zung 'jug chen po'i dkyil 'khor nas:_rang rig rtsal gyi sprul pa'i skus:_dbyer med chen por byin phob la:_'chi med tshe yi dngos grub stsol:_snang srid chos sku'i rol par sad:_cir snang bde chen brdal ba che'i:_skye 'chi rang dag gnyug ma'i dbyings:_'du 'bral med pa'i byin phob cig:_A yur+dz+nyA na a be sha ya a a:__hrIH_snang srid kun tu bzang po'i zhing:_bde chen brdal ba ye shes che'i:_rmad byung mchod pa'i sprin chen po:_sems kyi yid bzhin gter du gyur:_sa ma ya pU dza hoH__hrIH_rnam thar gsum ldan e yi dbyings:_kun snang rang shar snying rje'i gdangs:_zung 'jug srid zhi'i dwangs ma'i bcud:_'khor 'das stong srog hrIHdkar po:_'od kyis snod bcud snang shes kyi:_'khrul pa lug rgyud rtog pa sbyangs:_stong pa'i ngang las srung 'khor dbus:_ye shes dag pa'i gzhal yas khang:_phyi nang zang thal chos sku'i dbyings:_ye shes rnam lnga'i rtsig pa can:_'phags lam ka ba pha gus bteg:_thugs rje'i mda' yab byang chub kyi:_yan lag bdun gyi rgyan bkod rdzogs:_ye shes rin chen nor bu'i tog:_chos dbyings khyab pa'i 'od zer 'bar:_lte bar seng khri pad zla'i steng:_sa bon yongs gyur skad cig gis:_ma hA gu ru tshe dpag med:_'chi med pad+ma 'od 'bar rtsal:_sku mdog dkar gsal zla ba'i mdog:_gzhon tshul lang tsho'i brtan pa rdzogs:_gcer bu brtul zhugs spyod pa'i chas:_he ru ka yi rgyan gyis brjid:_phyag g.yas rdo rje'i mda' dar g.yab:_'khor 'das dwangs bcud dbang du sdud:_g.yon pas mnyam bzhag b+han+d+ha'i dbus:_srid zhi'i bcud bskyil tshe bum bsnams:_zhabs gnyis rdo rje'i skyil krung gis:_mdzes pa'i sgeg tshul 'chang bas 'gyings:_pang du yum mchog man+da ra:_gcer bu rus pa'i phyag rgya can:_mda' dar bum 'dzin gnyis med sbyor:_bde ba'i sgyu rtsal cir yang ston:_yab yum sbyor ba'i rjes chags mes:_sras bcas sangs rgyas chags pa bskul:_sbyor bas 'od zhu bdud rtsi'i char:_spros pa yab kyi sku'i dbyibs brgyud:_mkha' gsang bab pa'i 'od kyi thig:_phyogs bzhir spros pa yongs gyur las:_shar du bi ma la mi tra:_lho ru sangs rgyas ye shes che:_nub tu gnubs ban nam mkha'i snying:_byang du ye shes mtsho rgyal lcam:_shar lho rig 'dzin shrI sing ha:_lho nub hU~M chen ka ra dang:_nub byang lo chen bai ro'i zhabs:_byang shar mnga' bdag chen po dang:_rigs bdag dga' rab rdo rje rnams:_kun kyang he ru ka yi chas:_gzhon mdzes phyed pa'i skyil krung gis:_mda' dar tshe bum yum la 'khyud:_dgyes pa'i 'od kyi snang ba las:_'chi med tshe lha rig 'dzin dang:_drang srong DA ki rdul ltar 'khrigs:_sgo bzhir dbang chen sde bzhi po:_las bzhi'i mdog can gri thod 'dzin:_zhal nas pheM gyi sgra sgrog cing:_pad nyir gyad kyi dor thabs bzhengs:_gnas gsum rdo rje'i sa bon las:_'od zer spro bsdus sku gsung thugs:_rdo rje gsum gyi ngo bor shar:_spyi bo'i gnas lngar sa bon lngas:_dbang bskur rigs kyi bdag po che:_snang mtha' yas pas rgyas btab ste:_byang sems bdud rtsis sku gang gyur:_oM AHhU~M:_hrIHhU~M trA~M oM AH_hrIH_so sor kun tu rtog pa yi:_ye shes chen po phyag rgya'i gzugs:_rnam pa thams cad sgyu 'phrul drwa:_'chi med rig 'dzin gtso 'khor rnams:_ye shes dbyings nas dgongs pa bskyed:_brtul zhugs rig pa'i rtsal dbang bskur:_skye 'chi'i mtshan ma dag pa yi:_bde chen mchog gi dngos grub stsol:_oM A yu bid+ya d+ha ra maN+Da la sa pa ri wA ra sa ma ya dzaHdzaH_hrIH_gdod nas dag pa'i ye shes la:_dam ye'i 'dzin pa rnam dag kyang:_kun rdzob sgyu ma'i snang cha ru:_gnyis su med par tiSh+Tha lhan:_hrIH_rang rig lha yi 'khor lo la:_rang ngo shes pa'i brda yi phyag:_'du 'bral med pas 'tshal bar bgyi:_ngo mtshar rang snang e ma ho:_hrIH_ye shes rnam pa thams cad par:_yul dang dbang po mi phyed pa'i:_rdo rje dgyes pa bskyed pa'i rdzas:_kun bzang sgyu 'phrul rol pas mchod:_oM A yu bid+ya d+ha ra maN+Da la ar+g+haM nas/_shab+da sarba ma hA pU dza AHhU~M:_hrIH_bde ba chen po dgyes pa'i dpyid:_gzugs sgra dri ro reg bya chos:_kun tu bzang po bla med pa'i:_rol pa rgya mtshos mchod par bgyi:_oM badz+ra rU pa shab+da gan+d+he rA sa spar+she d+harma d+hA tu su kha ho:_hrIH_ye shes bdud rtsi ra sa ya:_rtsa brgyad stong sbyar phud kyi mchog:_'chi med rig 'dzin tshogs la 'bul:_rtsa khams d+hU tir dag par mdzod:_ma hA a mr-i ta khA hi:_hrIH_rgyud drug bsgral ba rak+ta'i mtsho:_bde stong dmar gyi rgya mtshor 'khyil:_'chi med rig 'dzin tshogs la 'bul:_las rlung nA dar grol bar mdzod:_ma hA rak+ta khA hi:_hrIH_snod bcud yongs rdzogs ba liM ta:_rdo rje'i 'dod yon sprin du 'char:_'chi med rig 'dzin tshogs la 'bul:_dkar dmar lhan skyes dbyings dag shog:_ma hA ba liM ta khA hiH_hrIH_zag med dga' ster lha mo'i tshogs:_nam mkha' gang ba dgyes mgur bzhes:_gnyis med sbyor ba'i dam tshig gis:_dug lnga'i rtog pa dbyings su bsgral:_ta na ga na d+hA tu pU dza ho:_hrIH_zag med mtshan dpe'i ye shes sku:_'ja' lus rdo rje dwangs pa'i gzugs:_rig 'dzin grub pa yongs kyi rje:_he ru ka dpal gtso la 'dud:_rlung sngags sems kun ye shes su:_ngal 'tsho'i brjod med dbyings kyi sgra:_tshangs dbyangs chos phung brgyad khri'i gter:_gsung gi rdo rje'i bdag nyid bstod:_ji lta ji snyed ye shes ni:_mkhyen brtse'i yon tan rgyas pa'i mdzod:_zab gsal bsam gyis mi khyab pa'i:_ngo bor nges pas bstod par bgyi:_zag med 'phags pa'i gsang ba ni:_mtha' dag yongs su rdzogs pa'i bdag:_sangs rgyas kun gyi ye shes sku:_rigs kun 'khor lo'i bdag por bstod:_rtag khyab lhun grub phrin las gter:_phan bde'i mdzad pa bsam yas kyis:_srid zhi'i dge legs 'byung ba'i gnas:_nam mkha' ji srid 'char la bstod:_dag pa'i rnam rol mtha' klas pa:_sna tshogs gtso dang 'khor gyi tshul:_gang 'dul sgyu 'phrul drwa ba yi:_rol pa kun la phyag 'tshal bstod:_gtso bo'i thugs kar pad zla'i steng:_gser gyi rdo rje'i lte bar hrIH_sngags kyi phreng bas g.yas su bskor:_spro bsdu'i 'od kyis don gnyis sgrub:_'khor 'das brtan g.yo'i dwangs ma'i dpal:_ye shes bdud rtsi snying po'i char:_dbang med bsdus te thugs kar thim:_srog gi sa bon las byung ba'i:_'od kyis zegs ma dpag med spros:_lus gang nad gdon sdig ltung sbyangs:_rtsa rlung thig le rgud pa gsos:_bla tshe srog dbugs nyams pa bsdus:_'chi med tshe dang rdo rje'i srog:_ye shes chen por ro gcig pas:_skye 'chi'i mtshan rtog dbyings su dag:_ye shes snying po mi 'gyur ba'i:_de nyid gcig tu 'khyil bar gyur:_oM AHhU~M badz+ra gu ru pad+ma A yur+dz+nyA na sid+d+hi hU~M:_'bum phrag bzhi yis dngos grub gnas:_nges pa'i gsang ba thob pa dang:_gtso 'khor kun gyi thugs srog las:_'od 'phros snang grags rig pa'i chos:_lha sngags ye shes rol par shar:_kun kyang gnyis su mi phyed pa'i:_rdo rje'i dgongs pa'i srog thob nas:_'chi med rtag pa'i dngos grub la:_yid bzhin nyid du dbang thob bsam:_oM AHhU~M badz+ra ma hA gu ru A yur+dz+nyA na sarba sid+d+hi hU~M:_'bum phrag bzhi bzlas ting 'dzin gyis:_nges pa'i lha dang skal ba mnyam:_gtso 'khor so so'i thugs ka nas:_'od zer drwa ba'i sprin phung gis:_thun mong khyad par phrin las sogs:_yid bzhin nyid du 'grub par gyur:_sngags la sham bu 'di bzhi gdags:_shAn+tiM ku ru hU~M:_puSh+TiM ku ru oM:_wA shaM ku ru hrIH_mA ra ya phaT:_khri bzhis las bzhi'i dngos grub thob:_khyad par rdo rje'i tshe 'phel ba'i:_rtags rnams dngos nyams rmi lam mthong:_dngos grub thob par gdon mi za:_sa ma ya:_thun mtshams thugs dam bskul ba ni:_mdar dar g.yab cing gdung shugs bskyed:_hrIH_ka dag dbyings kyi pho brang nas:_dang po'i sangs rgyas 'od mi 'gyur:_thugs dam bskul lo dgongs pa bskyed:_skye 'chi med pa'i dngos grub stsol:_lhun grub 'od gsal pho brang nas:_bde chen snang mtha' yas kyi sku:_thugs dam bskul lo mkhyen brtses dgongs:_mi shigs dwangs ma'i dngos grub stsol:_zung 'jug thugs rje'i pho brang nas:_dga' rab rdo rje rig pa 'dzin:_thugs dam bskul lo byin rlabs stsol:_'ja' lus rdo rje'i dngos grub stsol:_'chi med rdo rje'i gnas yul nas:_pad+ma 'byung gnas tshe yi lha:_thugs dam bskul lo byin rlabs stsol:_rtag pa'i tshe yi dngos grub stsol:_bde chen grub pa'i dkyil 'khor nas:_tshe yi rig 'dzin thams cad kyi:_thugs dam bskul lo byin rlabs stsol:_gnyug ma'i ye shes tshe mchog stsol:_pho nya mgyogs mas nam mkha' gang:_'od zer sprul pas srid gsum khyab:_kun kyang thugs rje'i rtsal shugs bskyed:_rdo rje'i thugs dam dus la bab:_phyi snod 'byung ba lnga yi bcud:_nang gi skye 'gro'i tshe bsod dpal:_rgyal kun mkhyen brtse nus pa sogs:_'khor 'das dwangs ma'i bcud kun dang:_khyad par bdag gi bla dang tshe:_yar nyams sde brgyad byad mas brkus:_thams cad rang dbang med par sdus:_rdo rje'i lus la gnyis med bstim:_gzi byin lang tsho rgyas pa dang:_rtsa khams nyams pa dwangs mas gsos:_rlung lnga g.yo ba dbu mar bsrangs:_thig le rgud pa sor chud nas:_mi shigs rtag pa'i tshe mchog stsol:_khams lnga dwangs ma'i dpyid kyi thig:_bde chen mi 'gyur srog gi zungs:_gnyis med chen por rgyas btab pas:_ye shes mchog gi tshe stsol cig:_rtsa sngags mthar:_tshe b+h+rU~M g.yu b+h+rU~M A yur+dz+nyA na tiSh+Tha b+h+rU~M:_a:_phyogs bcur spros pa'i khyab brdal tshe:_gnyug ma'i thig ler ro gcig bstim:_'du 'bral med pa'i chos nyid klong:_rig stong ye shes dgongs par a:_skabs su thabs shes rdzas dang bcas:_tshogs kyi 'khor los dgyes pa bskyed:_ra~M ya~M kha~M:_dbyings kyi b+hany+dzar rig pa'i khams:_ye shes lnga ldan bcud du 'khyil:_'dod yon nam mkha' gang ba'i sprin:_zag med nam mkha' gang bar gyur:_oM AHhU~M:_hrIH_sku gsum zhing khams rgya mtsho nas:_'chi med tshe yi rig pa 'dzin:_rtsa gsum rgya mtsho'i 'khor dang bcas:_tshogs la spyan 'dren gshegs su gsol:_sku gsung thugs kyi byin chen phob:_lus ngag yid la ye shes bskyed:_gnyis med mnyam pa chen po'i klong:_'du 'bral med par mdzad du gsol:_sarba sa ma ya dzaHdzaHhrIM hrIMH_pheM pheM:_hrIH_bza' bca' btung ba yang dag rdzas:_rigs lnga bdud rtsi'i sprin chen po:_rig 'dzin mkha' 'gro'i tshogs la 'bul:_mchog dang thun mong dngos grub stsol:_ga Na tsakra pU dza ho:_hrIH_dam rdzas bdud rtsi rmad byung bas:_ye shes lha tshogs dgyes pa bskyed:_nyams chag thams cad sor chud nas:_dngos grub skal pa rmad byung stsol:_sa ma ya shud+d+he:_hrIH_dbang gi rgyal po 'bar ba ches:_glo bur dgra bgegs dbyings su bsgral:_lnga phung bdud rtsi'i sprin chen po:_dgyes pa'i dpal du gnyis med rol:_ma hA maM sa rak+ta keM ni ri ti ho:_bar pa phung khams lhar gsal nas:_dgyes bskyed nang gi tshogs 'khor spyod:_hrIH_'bar ba'i bka' sdod pho nya ging:_lang+ka 'bar ma dbang phyug sogs:_dpal gyi pham phab 'di bzhes la:_las kun 'grub pa'i grogs mdzod cig:_uts+tshiSh+Ta ba liM ta hoH_smon lam rdo rje'i glu gar bya:_hrIH_ka dag dbyings las rig pa'i sku:_'od gsal phyag rgya'i rig pa 'dzin:_dkyil 'khor lha tshogs dbyings nas bzhengs:_mchog dang thun mong dngos grub stsol:_hrIH_dus gsum las 'das ye shes dbyings:_sku gsum ston 'khor rgya mtsho yis:_gsang chen chos 'khor bskor ba'i tshe:_khas blangs srung ma'i tshogs rnams kun:_sman raka ba ling mchod pa bzhes:_'dod pa'i phrin las sgrub par mdzod:_hrIH_bod skyong brtan ma DA ki che:_bdud dang gnod sbyin sman mo'i tshogs:_'bum phrag yangs pas bshal chu bzhes:_gangs can bde ba'i las mdzod cig:_hrIH_rnam thar sgo gsum e yi dbyings:_gzung 'dzin dam sri sde bcas mnan:_ye shes rig pa dkyil 'khor lhas:_snang srid rol pa'i bro brdung ngo:_s+t+wa~M b+ha ya nan:_hrIH_byin rlabs rtsa ba bla ma yis:_dbang bskur dgongs pa'i rtsal rdzogs mdzod:_'chi med tshe yi lha tshogs kyis:_mchog dang thun mong dngos grub stsol:_ye shes DA ki rgya mtsho yis:_'dod rgu'i phrin las g.yel med sgrubs:_gnas skabs las bzhi'i phrin las dang:_mthar thug mchog gi dngos grub stsol:_kA ya wAka tsit+ta sid+d+hi pha la ho:_hrIH_ye shes dbyings su rnam dag kyang:_ma rtogs tha mal nongs pa kun:_gnyis su med pa'i tshul gyis bshags:_dag cing tshangs par bstsal du gsol:_yi ge brgya pa bzlas:_hrIH_snang cha sgyu ma'i lha sngags sems:_skye med dbyings kyi thig ler thim:_zung 'jug rol pa'i ting 'dzin gyis:_phyag rgya gcig pa'i sku ru bzhengs:_oM AHhU~M:_hrIH_snang bcas bsod nams dam pa yis:_gzugs sku 'chi med rdo rjer bzhengs:_rnam kun mchog ldan 'od gsal gyis:_ye shes chen po'i srog 'grub shog:_hrIH_rig 'dzin rgyal po'i tshom bu yi:_byin gyis rlobs pa'i bkra shis shog:_yi dam dkyil 'khor rgya mtsho yis:_dngos grub stsol ba'i bkra shis shog:_gnas gsum DA ki ma lus pas:_'dod rgu sgrub pa'i bkra shis shog:_gnas skabs nad gdon bar chad zhi:_tshe dang ye shes dngos grub rgyas:_khams gsum rlung sems dbang du 'dus:_bdud 'dul drag po'i bkra shis shog:_mthar thug bcom ldan snang mtha' yas:_'chi med skur bzhengs pad+ma 'byung:_gsang ba gsum dang dbyer med pa:_don gnyis lhun grub bkra shis shog:__e ma zab gsang snying gi thig:_'chi med tshe yi sgrub pa'i thabs:_rig 'dzin srog gi gdams pa'i phul:_yang zab snying po'i bcud phur 'di:_pad 'byung bdag gi snying khrag ste:_sus bsten dngos grub nges par thob:_mi shigs klong gi sgrom bur sba:_'phel 'grib med par rgyas btab pas:_dus kyi tha ma rtsod pa can:_tshe thung longs med skabs shar tshe:_chos bdag skyes bu'i srog mthud phyir:_sprul pa zhig gis snang bar phyed:_pad 'byung smon lam mthu btsan pas:_'gro mang gdul bya skyob par shog:_sa ma ya:_rgya:rgya:rgya:_\u0f80athi_ces pa'ang snying gi skyabs gcig gsung rdo rje rig pa 'dzin pa gtsug lag smra ba'i khyu mchog gi skur bzhengs pas zab gsang gi bdud rtsis ris med pa'i gdul bya skal bzang la sbyor ba'i 'jam mgon bla ma 'jam dbyangs chos kyi blo gros kun dga' phrin las rgya mtsho phyogs las rnam par rgyal ba'i sde'i bka' yis bskul ma gnang ba bzhin kun mkhyen rdo rje gzi brjid gdod ma'i thig ler byang chub pa'i dus kyi mchod pa'i skabs bkra shis 'chi med grub pa'i dga' tshal du gtan la phab pa 'dis kyang rang gzhan tshom bu dang bcas 'chi med rtag pa'i rten bzang gi nye rgyur gyur cig/___//__skya__yang zab rig 'dzin tshe sgrub kyi:_dbang bskur thun min zab rgya bzhugs:_rtsa gsum lha la phyag 'tshal lo:_snod ldan dbang gis rjes bzung na:_dkyil 'khor tshe 'brang bdud rtsi dang:_ril bu bshams la mchod pas bskor:_las kyi rim pa'i gzhung bsrangs nas:_khrus byas bgegs bsal srung bas bcings:_dkyil 'khor rgya mtsho'i gtso bo mchog:_rig 'dzin bla ma bdag la dgongs:_'chi med rtag pa'i tshe sgrub phyir:_ye shes mchog gi dbang bskur stsol:_lan gsum gsol gdab skyabs sems dang:_gsag sbyangs sdom bzung byin chen dbab:_brtan par byas la bum dbang bskur:_hrIH_rin chen bum pa bcud dang ldan:_rig 'dzin tshe yi lha tshogs bzhugs:_skal ldan bu la dbang bskur bas:_'chi med rdo rje'i sku thob shog:_ka la sha a b+hi She ka te sa ma ya shrI ye hU~M:_rtogs pa brjod cing bskyed rim bsgom:_hrIH_ye shes bdud rtsi bcud chen po:_rgyal kun bde chen zhu ba'i bcud:_rtog pa bral bas rol pa'i mthus:_rlung sngags gzhom med srog thob shog:_a mr-i ta a b+hi Shiny+tsa AH_bzlas pa'i lung sbyin bum can bzung:_'bar 'dzag bsgom zhing bde stong skyong:_hrIH_rdo rje mi shigs srog gi khams:_thig le'i dwangs ma ril bur 'dril:_ye shes sems dpa'i tshul nyid du:_tsit+ta'i dbus su brtan par bzhugs:_sa ma ya dz+nyA na hrIHhrIHhrI:_rig pa'i ngang bskyangs mnyam par bzhag:_rgyas gdab btang rag dam tshig bzung:_smin grol rdzogs pa'i skyes bu ni:_zab mo'i lam gyi snod du 'gyur:_lta dgongs ldan pa'i dbang gis kyang:_ring 'tsho'i dpal yon bskyed par 'gyur/_de phyir gsang ba thub par gyis:_skal ba can la gtad do rgya:_sa ma ya:_pad+ma 'od gsal sprul pa'i rdo rje gar dbang mdo sngags gling pas dgongs pa'i gter las phyungs pa'o/_/mang+ga lam/_dge'o//__//
