DKR-KABUM-19-DZA-001-wylie
<div class="wylie-content"
skya__pad+ma tshe yi snying thig las:_rdo rje tshe yi phreng ba pad+ma'i do shal bzhugs:_ skya__:::brda yig::::_rtsa gsum tshe yi lha la 'dud:_ma 'ongs chos byed skyes bu yis:_don du gnyer bya rdo rje'i tshe:_'chi med srog gi bcud len te:_thabs kyi rnal 'byor du ma dang:_ldan pas rtse gcig nyams blangs na:_'gal rkyen sel zhing legs tshogs 'phel:_myur du rdo rje'i sar sbyor bas:_don gnyis 'grub par gdon mi za:_de phyir rdo rje tshe yi rgyud:_rang snang skyes bus spyod pa'i tshe:_yan lag las kyi phreng ba yi:_rnal 'byor nges pa'i gsang ba ni:_ji skad bshad pa'i gzhung bzhin du:_nyams su blangs pas don yod byed:_sa ma ya:_na mo:_rang rig gnyug ma chos kyi dbyings:_ngo bo rang bzhin thugs rje'i rtsal:_sku gsum ye shes tshe yi lhar:_rang ngo shes pas skyabs su mchi:_hoH_gdod nas skye 'chi las 'das kyang:_med snang 'khrul pa lu gu rgyud:_rtag tu spyod pa'i yid can kun:_bsgral phyir zab mo'i rnal 'byor bsgom:_hrIH_rang snang tshe yi lha tshogs la:_rang gsal chos dbyings phyag 'tshal zhing:_snang srid kun bzang mchod sprin 'bul:_tshe rabs blos byas ldig ltung bshags:_dran pa rang zad rjes yi rang:_zab gsal chos kyi 'khor lo bskor:_skye 'gag gnas bral bzhugs gsol 'debs:_rang byung byang chub chen por bsngo:_'khor 'das chos nyid klong grol shog:_hU~M:_nga ni dbang chen rta mchog dpal:_srid zhi kun kyi rje btsan te:_bka' las 'da' nus su yang med:_nyon cig tshe bdud bar chad bgegs:_bden pa'i tshig gis smreng bkrol zhing:_'dod yon gtor mas tshim gyis la:_gnas 'dir ma 'dug gzhan du dengs:_gal te bsgo ba rnar gzon na:_ye shes rol pa'i mtshon cha ni:_'bar zhing 'khrugs pas brlag ta re:_hU~M hU~M hU~M sarba big+h+nAn uts+tsha Ta ya phaTa?:_hrIH_dbang chen pad+ma'i sku gsung thugs:_snang srid bde chen zhing du rdzogs:_ye shes mtshon cha'i gur gyis 'khrigs:_su yang 'da' bar mi rung ngo:_dz+nyA na badz+ra tsakra rat+na pad+ma khang+ga rak+Sha rak+Sha b+h+rU~M:_hU~M:_tshad med ye shes sgo dbye zhing:_rang rig lha la brda phyag 'tshal:_gnyis snang sgrib pa'i nongs pa bshags:_rtse gcig sgrub par dam bca'o:_sa ma ya b+ho d+hi tsit+ta s+t+wa~M:_hrIH_chos dbyings gzhon nu bum sku nas:_chos sku 'od snang mtha' yas kyis:_ye shes rang gsal byin phob la:_'khrul pa med pa'i dbang mchog bskur:_lnga ldan rang snang pho brang nas:_rigs lnga'i rgyal ba gangs chen mtshos:_bde stong kha sbyor byin phob la:_zag med chos dbyings dbang mchog bskur:_'gro 'dul thugs rje'i rol pa nas:_sprul sku rdo rje thod phreng gis:_'chi med 'od sku'i byin phob la:_skye 'chi med pa'i dbang mchog bskur:_sku gsum bla ma'i lha tshogs rnams:_ye shes dbyings nas thugs rje'i rtsal:_'gag med sgyu 'phrul drwa ba'i gar:_gnam sa bar snang khyab par bsgyur:_'ja' 'od me tog spos sprin 'thul:_dngos grub bdud rtsi'i sbrang char 'bebs:_ma g.yel thugs rje'i rtsal gyis byon:_sku gsung thugs kyi dbang bzhi bskur:_snod bcud rdo rjer byin chen phob:_rnal 'byor 'chi med ye shes sku:_mngon sum 'grub par byin gyis rlobs:_oM AHhU~M badz+ra gu ru d+he wa d+hA ki ni dz+nyA na a be sha ya a a a:_hrIM hrIM pheM pheM:_sa ma ya hoH_sa ma ya s+t+waM:_hU~M hU~M hU~M:_a a aH_oM AHhU~M:_snod bcud bde chen pad+ma bkod:_ye shes rang snang rgyan bkod rdzogs:_mchod pa'i phyag rgya chen po ni:_sems kyi yid bzhin gter tu gyur:_oM badz+ra ar+g+haM nas _shab+da sarba ma hA pU dza AHhU~M:_sarba pany+tsa a mr-i ta rak+ta ba liM ta pU dza hoH_de dag sngon 'gro'i rim pa ste:_phrin las spyi yi chings su bstan:_sa ma yaH_rgya rgya rgya:_::brda yig::_dngos gzhi tshe bdag rgyal ba lnga'i:_phrin las gzhung bsrangs gsal snang 'don:_lha bskyed dbang bskur rgyas gdab rjes:_las kyi yan lag spyi ru bstan:_hU~M:_sangs rgyas kun gyi sku yi dbyings:_yon tan dbyings:_gsung gi _phrin las _thugs kyi _chos dbyings ye shes sgyu mar rol:_mnyam nyid ye shes _sor rtogs _bya grub _me long _bde gshegs tshe mtha' yas pa'i mgon:_rin chen _pad+ma _phrin las _rdo rje _rigs kyi tshom bu sprul 'khor bcas:_chos dbyings srid zhi kun khyab kyang:_dmigs med thugs rje gang 'dul snang:_grub mchog tshe yi mchog stsol phyir:_gnas 'dir gshegs la dbang mchog bskur:_sku gsung thugs kyi dngos grub stsol:_oM sarba ta thA ga ta ma hA ka ru Ni ka dri sha ya ho:_sa ma ya ho:_sa ma ya s+t+waM:_ye shes dbyings nas byon pa'i lha:_dam tshig rten la gnyis med bzhugs:_zung 'jug bkod pa rmad byung ba'i:_sgyu 'phrul drwa ba kun la 'dud:_sa ma ya tiSh+Tha lhan:_na mo na ma mi:_hrIH_dngos 'byor yid sprul mchod pa'i tshogs:_kun tu bzang po'i rol par shar:_snang srid bde chen 'char ba 'dis:_dkyil 'khor lha tshogs mnyes gyur cig:_oM sarba ta thA ga ta badz+ra ar+g+haM nas/_shab+da ma hA pany+tsa rak+ta ba liM ta ma hA pU dza hoH_hrIH_bde gshegs kun gyi sku yi dbyings:_yon tan dbyings:_gsung gi _phrin las _thugs kyi _mi 'gyur chos dbyings _rtsol med mnyam nyid klong _ma 'dres sor rtogs _lhun grub nan tan _'gyur med me long _klong nas shar:_tshe yi bdag po dkyil 'khor gtso:_rnam snang _rin chen _pad+ma _don grub _rdo rje _longs spyod rdzogs la bstod:_mtshan dpe'i gzi brjid kun tu 'bar:_tshangs dbyangs yan lag rgya mtsho'i bdag:_bde stong ye shes kun tu khyab:_rdo rje gsang ba'i dpal la bstod:_zag med yon tan yongs su rdzogs:_rtag khyab phrin las rmad du byung:_mgon po 'khor lo'i dbang phyug che:_mi phyed rtse gcig dad pas bstod:_ye shes sgyu ma'i cho 'phrul las:_bde stong 'du 'bral med pa'i yum:_khams lnga dag pa'i btsun mo che:_sangs rgyas dgyes mchog ma la bstod:_rang snang dga' bzhi'i cho 'phrul che:_tshe yi bdag mo DA ki ni:_dngos grub las la bskul ba'i tshul:_pho nya mgyogs ma kun la bstod:_tshad med phrin las dag pa'i thugs:_dkyil 'khor chen po'i sgo skyong zhing:_las bzhi'i dngos grub thogs med stsol:_rigs kyi khro rgyal rnams la bstod:_gzhan yang thugs rje dam tshig gis:_rtsa gsum rig 'dzin chos skyong ba:_dkyil 'khor lha tshogs ma lus par:_gnyis med yid kyis gus pas bstod:_hrIH_tshe yi lha tshogs dbyings nas bzhengs:_bzlas pa'i phrin las dus la bab:_bsnyen sgrub las kyi sbyor ba yis:_skye 'chi med pa rdo rje'i lus:_'gag med tshangs dbyangs rdo rje'i gsung:_bsam yas ting 'dzin rdo rje'i thugs:_stan thog 'di ru 'grub par mdzod:_bzlas pa so so'i gzhung bzhin bya:_de dag bar gyi chings su bstan:_sa ma ya:_rgya rgya rgya:__\u0f7f\u0f7f\u0f7f\u0f7fbrda yigaHHH_bsod nams ldan pas tshe 'phel zhing:_nyams chag dag pas dngos grub myur:_de phyir rig pa'i skyes bu yis:_rtag tu tshogs kyi 'khor lo bya:_gnas ni dur khrod dben pa'i sar:_rnal 'byor dam gtsang pho mo yis:_thabs shes bza' btung 'du byas te:_dus gtan yar ngo'i tshes bcur 'bad:_ra~M ya~M kha~M:_phyi snod dbyings kyi ka pA lar:_nang bcud rigs lnga'i dam tshig rdzas:_zung 'jug rdo rje'i 'dod yon che:_bde chen rnam pa thams cad shar:_oM AHhU~M:_hrIH_'og min zhing na 'od mtha' yas:_rang snang ye shes rnga sgra'i rgyal:_gsung gi rdo rje tshe dpag med:_rigs lnga sgyu 'phrul drwa ba'i tshogs:_gnas 'dir thugs rje'i rtsal gyis byon:_snod bcud dag pa bde chen zhing:_rnal 'byor pad+ma he ru ka:_rol pa'i byang sems thabs shes rdzas:_kun nas kun tu mi phyed pa'i:_mnyam nyid rdo rje'i mchod pa la:_dgyes pa chen pos gshegs su gsol:_e a ral+li pheM pheM:_hrIH_snod ni pad+ma b+hany+dza'i klong:_bcud kun bde chen bdud rtsi'i rdzas:_zag med rgyan gyi rol mo 'di:_rtsa gsum tshe yi lha la 'bul:_ga Na tsakra pU dza ho:_hoH_thog med bsags pa'i las nyon dang:_khyad par dam tshig nyams chag ral:_rdo rje'i ye shes tshogs mchod kyis:_bshags so nyes ltung kun byang mdzod:_sa ma ya shud+d+he AH_hrIH_gzung 'dzin tshe bdud bar chad bgegs:_phyag rgya bzhi yi dbyings su bcings:_gnyis snang bsgral ba'i dam tshig rdzas:_he ru ka dpal zhal du bstab:_ma hA maM sa rak+ta keM ni ri ti khA hiH_lha tshogs dgyes pas phyag rgyar rol:_bde stong byang chub sems kyi sprin:_tshogs kyi rdzas la thim pa yis:_'chi med dngos grub dbyig tu gyur:_oM sarba pany+tsa a mr-i ta ta na dza ya sarba sid+d+hi hU~M hrIHTha:_hrIM pheM:_gnas dang yul dang zhing nye zhing:_dur khrod tshan+d+ho la sogs pa:_skyong byed dpa' bo d+hA ki ni:_ging lang brtan mas lhag gtor bzhes:_oM uts+tshiSh+Ta ba liM ta khA hiH_'chi med rdo rje'i dkyil 'khor du:_bde stong tshogs kyi longs spyod la:_rol pas bdag gzhan 'gro ba kun:_ye shes phyag rgya'i srog thob shog:_oMH_bkra shis rmad byung chos kyi dbyings:_khyab brdal bde chen rtag pa ches:_srid zhi kun la mnyam brdal ba'i:_dngos grub mchog gi nye rgyur shog:_hrIH_'od gsal klong nas tshe yi lha:_'chi med mgon po bcom ldan 'das:_sku lnga'i rgyal ba'i thugs dam bskul:_bdag cag rdo rje'i sku thob mdzod:_rtsa rlung thig le dbu mar zlum:_snang grags rig pa lha dang sngags:_ye shes phyag rgya'i cho 'phrul du:_gnyis su med pa'i phrin las stsol:_'chi bdud rtog pa dbyings su zhi:_rtag pa rdo rje'i lang tsho rgyas:_rlung sems a wa d+hU ti'i dbyings:_dbang byed gzung 'dzin bar chad sgrol:_sku gsung thugs kyi gsang ba ni:_ye shes rang snang rgyan gyi sprin:_'du 'bral med par byang chub nas:_dngos grub ma lus 'grub par mdzod:_hU~M:_sngon tshe dbyings kyi ston pa yis:_rig pa'i chos 'khor bskor ba'i tshe:_'khor 'das rang grol srung ma yis:_zhal bzhes bzhin du phrin las mdzod:_bar du sgron ma bkod pa'i tshe:_gar gyi dbang phyug tshe mtha' yas:_rang shar chos srung d+hA ki yis:_phrin las gnyan po ma g.yel sgrubs:_tha ma rig pa'i skyes bu la:_skal ba mchog gi dbugs dbyung ba'i:_klong chen dgongs mdzod brdol ba'i tshe:_khas blang srung mas las kun sgrubs:_bdud bzhi'i bar chad dbyings su sgrol:_zab gsang snying po'i bstan pa spel:_mdor na ji ltar bcol pa'i las:_ma g.yel sgrub pa'i sdong grogs mdzod:_sarba d+harma pA la ba liM ta khA hi:_hrIH_lugs ldog rten 'brel dag pa'i gzugs:_bden don brtan ma chen mo'i tshogs:_bshal chu'i bdud rtsi 'di bzhes la:_lugs 'byung klo klo'i bar chad srungs:_ma ma hrIM hriM ba liM ta khA hi:_hrIH_rnam thar gsum dang ldan pa'i er:_bdag tu lta ba'i dam sri mnan:_byang chub bar du ma ldang bar:_dngos grub dga' ston rgyas par mdzod:_sa ma ya s+t+waM:_hrIH_'chi med ye shes rdo rje'i skus:_skye 'chi bral ba'i dngos grub stsol:_'gag med tshangs pa rnga sgra'i lhas:_gzhom med na da'i dngos grub stsol:_bde chen mi shigs thig le'i klong:_rtag pa dam pa'i dngos grub stsol:_zag med yon tan rgya mtsho nas:_bral smin 'bras bu'i dngos grub stsol:_mkha' khyab phrin las rol pa nas:_'gro 'dul thugs rje'i dngos grub stsol:_sku gsung thugs kyi byin gyis rlobs:_ye shes rdo rje'i dbang mchog bskur:_skye 'chi bdud bzhi las rgyal ba'i:_tshe mtha' yas pa'i gnas thob mdzod:_sarba sid+d+hi hU~M:_aH_gdod nas dag pa'i ye shes la:_bsal bzhag dgag sgrub mtha' las 'das:_kun rdzob 'khrul pa'i nongs pa kun:_'od gsal chos nyid klong du bshags:_a a a:_a:_phyir gsal dag pa'i snod dang bcud:_rig stong nang gi dbyings su thim:_'gag med sgyu ma'i rol pa ni:_slar yang ye shes phyag rgyar bzhengs:_oM AHhU~M badz+ra b+h+rU~M:_hoH_snang bcas dge ba'i tshogs kun kyang:_dmigs med chos dbyings chen por bsngo:_zung 'jug 'bras bu'i go 'phang che:_bla med byang chub thob par shog:_deng nas tshe rabs thams cad du:_dus min 'chi ba'i 'jigs las grol:_tshe dang ye shes snang ba dang:_rtag tu 'du 'bral med par shog:_oMH_byin rlabs bdud rtsi'i char 'bebs mdzad:_dpal mgon bla ma'i bkra shis shog:_dngos grub 'dod rgu yid bzhin stsol:_yi dam lha tshogs bkra shis shog:_phrin las gang 'dul der snang ston:_dpa' bo DA ki'i bkra shis shog:_dam ldan skyong zhing nyams pa sgrol:_chos srung rgya mtsho'i bkra shis shog:_gnas skabs bsam rgu ma lus 'grub:_phan bde'i dpal 'phel bkra shis shog:_mthar thug sku bzhi ye shes bdag:_'chi med grub pa'i bkra shis shog:_ces brjod me tog char du bsnyil:_shis pa'i dga' ston rgyas par spel:_de dag mjug gi spyi chings te:_phrin las rjes kyi rim pa'o:_sa ma ya:_rgya rgya rgya:_e ma 'chi med sgrub pa'i lam:_kun las khyad 'phags rdo rje'i tshig:_klong lnga dbyings kyi d+hA ki mas:_shes rab gsang ba'i tshig tu gdams:_zab 'dril byin rlabs mthu ldan pa:_blo gros ldan la gtad rgya rdzogs:_rig stong gnyug ma'i rang rtsal las:_shar zhing spel ba don yod gyur:_spobs pa ldan pa'i skyes bu zhig:_thog bab byung na 'phrad par gyis:_ma 'ongs pad+ma'i rjes 'jug kun:_sman phyir dus mthar snang bar shog:_sa ma ya:_rgya rgya rgya:_brda thim:_\u0f80athi:_zhes pa'ang kun gzigs 'jam pa'i dbyangs pad+ma ye shes rdo rjes bka' bstsal ba bzhin pad+ma gar dbang 'od gsal mdo sngags gling pas rang byung rdo rje'i tshig gi gsang ba'i brda ris las dag par gtan la phab pa 'dis kyang lam 'dir 'brel tshad 'chi med ye shes rdo rje'i srog gi phyag rgya mthong ba'i chos la 'grub pa'i rgyur gyur cig/_//__!__rang byung pad+ma'i snying thig las:_rnam par snang mdzad tshe dpag med dkar po'i phrin las bzhugs:_skya_::brda yig::_bde gshegs sku yi dbyings la 'dud:_dus kyi tha ma'i skyes bu rnams:_mi rung sgo gsum byed spyod kyis:_phyi yi 'byung ba sgang gshongs che:_snod kyi bcud yal zhag kyang skam:_de yis nang gi 'byung ba 'khrug:_sna tshogs nad dang sdug bsngal mang:_de tshe sha yi tshe nyams na:_lus lci mdog nag bad kan 'khrug:_shes pa bying 'thibs gnyid che zhing:_dbang po'i sgo nas dri nga ba:_'byung tshe thabs kyi gdams pa ni:_rnal 'byor ldan pas rtse gcig sgoms:_oM:_chos dbyings ka dag de bzhin nyid:_lhun grub thugs rje rig pa'i rtsal:_kun tu snang ba'i cho 'phrul las:_dag pa ye shes chos kyi dbyings:_oM yig zla ba lta bur shar:_'od kyis snod bcud snang zhen sbyangs:_dag pa chen po stug po bkod:_bde gshegs tshe yi zhing khams che:_ngo mtshar bkod pa blo las 'das:_shin tu nyams dga'i dkyil 'khor dbus:_brtan g.yo'i dwangs ma rang lus kyi:_sra ba sha yi dbyings thams cad:_'od zhu skad cig dran rdzogs su:_rnam byang rdzogs pa'i mchod sdong gi:_ngo bo sangs rgyas spyan ma'i mkha':_rnam pa dzam bu chu bo'i gser:_rin chen nor bu'i rgyan bkod can:_tshad bzung bral ba'i bum pa'i ltor:_rang rig sa bon yongs gyur pa:_sku mchog bde gshegs tshe dpag med:_dkar gsal ston ka'i zla ba'i mdangs:_zhi 'dzum shin tu bzang po'i tshul:_mtshan dpe'i gzi byin 'od du 'bar:_sku yi dkyil 'khor lta na sdug:_dar dang rin chen rgyan chas kyis:_longs spyod rdzogs pa'i cha byad can:_mi phyed rdo rje'i skyil krung gis:_pad zla seng ge'i khri la bzhugs:_dpag med 'od kyi drwa ba'i sku:_gzugs kyi rgyal po 'khor los bsgyur:_rang 'od shes rab spyan ma ni:_dkar gsal gcer bu 'khor lo dang:_tshe bum 'dzin pa gnyis med sbyor:_yab kyi phyag gnyis mnyam gzhag steng:_tshe bum bdud rtsis bkang ba'i khar:_'khor los mtshan pa mdzes par bsnams:_yum gyis yab kyi lce 'jibs shing:_sbyor ba'i brda bzhis bsnol mar bskul:_sa ma ya hoH_sa ma ya s+t+waMH_a nu ra ga ya hoH_a nu ra ga ya miH_mi bzod bde ba rgyas pa las:_pad+mar rdo rje bskyod cing srub:_a haM sngags kyi sgra snyan bsgrags:_sku las byang chub sems kyi sprin:_'od zer grub pa'i dngul chu ltar:_spros pas 'khor 'das khyab par g.yos:_dwangs ma'i snying po kun bsdus te:_sku la thim pa'i rjes chags mes:_byang chub sems su zhu ba las:_mkha' gsang gzhal yas su babs te:_yi ge gsal byed sprin du gyur:_sbyor mtshams nas spros gzhal yas kyi:_sa gzhi'i nang 'khor pad 'dab la:_babs pa mtshan gyi yi ge'i grangs:_yongs gyur DA ki gzhon nu ma:_gcer bu zla mdog bde ba rgyas:_zhi 'dzum dar dang rin chen brgyan:_phyag g.yas mda' dar g.yab pa yis:_tshe bcud dwangs ma dbang du sdud:_g.yon pas 'chi med tshe yi bum:_ye shes bdud rtsis gang ba bsnams:_zhabs gnyis gar stabs dang bcas te:_sprul pa mgyogs ma dpag med spros:_sgo bzhir dbang chen rigs bzhi ni:_phyag rgya bzhi dang tshe bum 'dzin:_kun kyang zhi mdog sgeg bzhad gzugs:_rang 'od rigs kyi yum dang sbyor:_ye shes me dpung dbus na 'gying:_phyi nang bar mtshams thams cad du:_lha dang rig 'dzin rtsa ba gsum:_tshe lha nyi zer rdul ltar 'khrigs:_snang stong mi phyed rdo rje'i sku:_ye shes sgyu 'phrul drwa ba yi:_bkod pa chen po ma 'dres gsal:_gnas gsum rdo rje'i yi ges mtshan:_bde gshegs sku gsung thugs su rdzogs:_spyi bo'i gnas lngar sa bon lngas:_rigs kyi dbang bskur dbur brgyan bsam:_oM AHhU~M:_oM hU~M trA~M hrIHaH_de ltar yan lag bzhi rdzogs pa'i:_bskyed rim gsal la nga rgyal bzung:_dag pa dran pas lam khyer bya:_rig sngags bzlas pas thugs rgyud bskul:_rnam snang tshe dpag med mgon gyi:_thugs dbus bud+d+ha thod phreng rtsal:_dkar gsal gcer bu rus pas brgyan:_mda' dar tshe bum bsnams pa'i yum:_bde gshegs DA ki gnyis med sbyor:_dwangs ma tsit+ta'i gzhal yas su:_nyi zla'i gwa 'ur oM gyis mtshan:_dkar gsal sngags kyi phreng bas bskor:_'od zer spro bsdus don gnyis byas:_khyad par srid dang zhi ba'i dbyings:_brtan g.yo'i 'jig rten ma lus pa'i:_dwangs bcud spyi dang phyi nang gi:_'byung ba sa yi khams thams cad:_'od zer dkar gsal ga pur rdul:_char ltar bsdus te rang la thim:_sa bon las byung bdud rtsi yis:_sha yi khams nas tshe nyams pa'i:_nad gdon bar chad ma lus bsal:_mi 'gyur rtag tu brtan pa yi:_bde gshegs rdo rje sku yi tshe:_'gyur ba med pa thob par bsam:_oM a mA ra Ni dzI ban+ti ye bud+d+ha A yur+dz+nyA na tshe b+h+rU~M oM:_rtse gcig bsnyen pa 'bum bzhi bzla:_dkyil 'khor lha tshogs thams cad kyi:_sku las 'od byung snod bcud khyab:_snang stong sa yi khams thams cad:_bde gshegs tshe bdag yab yum bzhengs:_rdo rje'i sngags dang dgongs pa yis:_sku yi tshe spel lha tshogs kyi:_byang chub dwangs ma 'od kyi sprin:_bdag la thim pas lus kyi khams:_gsos shing rgyas pas tshe 'phel bsam:_oM dzI na dz-ika lAM dwe Sha ra ti:_oM na mo b+ha ga ba te a pa ra mi ta A yur+dz+nyA na su bi nish+tsi ta te dzo rA dza ya:_ta thA ga ta ya:_ar+ha te samyak+saM bud+d+ha yaH_tad+ya thA/_oM puN+ye puN+ye ma hA puN+ye:_a pa ri mi ta puN+ye a pa ri mi ta puN+ye dz+nyA na sam+b+hA ro pa tsi te:_oM sarba saM skA ra pa ri shud+d+ha d+harma te ga ga na sa mu[⁽1419⁾]rna[1$0000240]ga[1$0000300] te swa b+hA wa:_bi shud+d+he:_ma hA na ya pa ri wa re swA hA:__de ltar sgrub pa'i sbyor ba bcas:_'bum phrag bzhi bzlas dngos grub thob:_lha tshogs thugs rje'i 'od zer gyis:_mkha' khyab 'jig rten rab 'byams na:_lus kyi tshe nyams las bsags pa'i:_yid can kun gyi sgrib pa sbyangs:_rdo rje'i lus kyi bcud kun spel:_dwangs ma dbang byas tshe bdud bsgral:_'chi med ye shes sku thob bsam:_oM bud+d+ha a yur+dz+nyA na a pa ri mi ta shAn+tiM puSh+TiM wa shaM mA ra ya hU~M:_A yu sarba sid+d+hi ku ru hU~M:_'bum gcig bzlas pas las kun 'grub:_thun mtshams tshogs kyi mchod pa dang:_khyad par sAts+tsha brgya tshar gdab:_gzungs dang na bza' dkar po gsol:_rab tu gnas shing mchod pa bcas:_tshe dpal spel ba'i ri la bzhag:_bcud len brten na sha chen ni:_rul bsrung skyon bral dar ma'i sha:_nad kyis gdung ba ma yin pa:_nying khur bsdus te cong zhir bstim:_de nyid ril bur byas pa yang:_bde gshegs snang mdzad gsal ba yis:_rtags mthong bar sgrub tho rengs char:_chu bskol gtsang mas 'phul ba yis:_sha yi stobs bskyed tshe 'phel 'gyur:_rtogs pa'i rim pa rgyud las shes:_de ltar brtson pas rgas sra zhing:_sha rgyas gnyer ma med pa dang:_'gyur med tshe yi mchog thob 'gyur:_dus thar skyob byed gdams pa mchog:_rdo rje tshe yi myur lam kyi:_rten 'brel brda thabs rmad byung ba:_las can gcig gis snang bar 'gyur:_sa ma ya:_rgya rgya rgya:_zhes pa'ang 'chi med ye shes rdo rje'i sku can rig 'dzin dpal mgon bla ma'i bka' bzhin pad+ma gar dbang 'od gsal mdo sngags gling pas gtan la phab pa'o//__//_skya_'chi med pad+ma tshe yi snying thig las:_rin chen 'byung ldan tshe dpag med ser po'i phrin las bzhugs:_:::brda yig::_yon tan rin chen dbyings la 'dud:_ma 'ongs gdul bya thams cad kun:_khrag gi khams nas tshe nyams na:_lus rengs yan lag dbang po nyams:_pags pa'i reg bya rtsub pa dang:_rmu chu grang ba'i nad zug che:_shes pa rnam rtog mang la rgod:_gnyid yer sems 'khrugs dus kyi tshe:_snying po'i rnal 'byo 'di gnad zab:_hrIH_chos sku de bzhin nyid kyi dbyings:_snying rje sgyu ma longs sku'i mdangs:_phyag rgya gcig pa'i yi ge trA~MH_sprul sku 'od gsal chen por shar:_spro bsdus snod bcud dngos 'dzin sbyangs:_dag pa rab 'byams dpal ldan brtsegs:_rin chen tshe yi zhing khams che:_phun tshogs dkyil 'khor rmad byung ba'i:_gsher ba khrag gi dbyings thams cad:_ngo bo mA ma kI yi mkha':_rnam pa bdud rtsi'i rgya mtsho ni:_gting zab yan lag brgyad dang ldan:_yid 'ong bya tshogs dga' bas brtse:_rnam bkra me tog rgyas pas khebs:_mtsho dbus rin chen rta yi khri:_steng du pad+ma'i sdong bu ni:_yal ga rab tu rgyas pa yi:_ze'u 'bru rnam par bzhad pa'i steng:_zla ba rgyas pa'i dkyil 'khor la:_sa bon yongs gyur tshe dpag med:_rin chen 'byung ldan gser gyi mdog:_zhi 'dzum dar dang rin chen brgyan:_mtshan dpe'i 'od kyis zhing kun khyab:_rdo rje'i skyil mo krung dang bcas:_rigs kyi yum mchog mA ma kI:_rin chen tshe bum bsnams pa dang:_gnyis med sbyor ba'i phyag mnyam bzhag:_tshe bum nor bus mtshan pa bsnams:_tshor ba'i rgyal po dkyil 'khor gyi:_khyab bdag stangs dpyal dgyes par sbyor:_'od zer gser gyi kha dog dang:_rjes su chags pa'i sbyor ba'i sgras:_srid zhi'i dwangs ma bsdus pa'i sprin:_sku la thim pas byang sems gyur:_zhu ba mkha' gsang nas spros pa:_ye shes dbyangs kyi phreng bar shar:_gtso bo'i 'dabs 'khor pad 'dab steng:_drug cu rtsa bzhi'i mgyogs ma ser:_mda' dar bum 'dzin gar stabs bsgyur:_dar dang rin chen rus pas brgyan:_rang 'od sprul pa'i pho nya spro:_snang stong sgyu 'phrul drwa ba'i lha:_rang byung mnyam nyid gcig tu rdzogs:_steng 'og bar gyi cha thams cad:_rtsa gsum tshe lha rab 'byams kun:_dwangs pa'i mkha' la char sprin ltar:_thig le gcig las du mar shar:_gnas gsum rdo rje'i 'bru gsum gyis:_mi phyed rdo rje'i sku gsung thugs:_bde gshegs rigs lngas dbang bskur bas:_sgrib dag ye shes rgyud la skyes:_oM AHhU~M:_trA~M hU~M oM hrIHAH_las kyi yan lag spyi ltar bya:_gsal snang brtan na bzlas pa ni:_rin 'byung tshe dpag med mgon gyi:_thugs dbus rat+na thod phreng rtsal:_ser gsal gcer bu he ru ka'i:_cha byad mda' dar tshe bum bsnams:_rin chen DA ki dang sbyor ba'i:_thugs dbus nyi zla'i gwa'ur trA~M:_gser mdog sngags las byung ba yi:_'od kyis rang gzhan don gnyis sgrub:_khyad par chu khams dwangs ma kun:_gser zhun ltar bsdus snying gar thim:_slar yang sa bon las byung ba'i:_'od kyi bdud rtsis lus gang ste:_khrag gi khams nyams nad gdon zhi:_rgyun ring mi chad tshe yi mchog:_yon tan rin chen snying po'i srog:_da lta nyid du thob par dmigs:_oM a mA ra Ni dzI ban+ti ye rat+na A yur+dz+nyA na tshe b+h+rU~M trA~M:_'bum phrag bzhi bzlas dngos grub thob:_lha tshogs thugs rje'i 'od zer gyis:_mkha' khyab zhing gi chu khams kun:_rin chen tshe bdag rnam par bzhengs:_rdo rje'i sngags sgra ting 'dzin gyis:_yon tan tshe yi dpal bskyed pa'i:_dngos grub byang chub sems kyi snying:_lus la thim pas khrag khams tshe:_'phel rgyas nam yang mi 'gyur bsam:_swA rat+na d+hr-ika mAM mo ha ra ti:_oM na mo b+ha ga ba te a pa ra mi ta A yur+dz+nyA na su bi nish+tsi ta te dzo rA dza ya:_ta thA ga ta ya:_ar+ha te samyak+saM bud+d+ha yaH_tad+ya thA/_oM puN+ye puN+ye ma hA puN+ye:_a pa ri mi ta puN+ye a pa ri mi ta puN+ye dz+nyA na sam+b+hA ro pa tsi te:_oM sarba saM skA ra pa ri shud+d+ha d+harma te ga ga na sa mu[⁽1419⁾]rna[1$0000240]ga[1$0000300] te swa b+hA wa:_bi shud+d+he:_ma hA na ya pa ri wa re swA hA:_'bum bzhi sgrub pa'i rim pa ste:_dkyil 'khor lha yi 'od zer ni:_mkha' mnyam zhing du brdal ba las:_sgo gsum cha mnyam las ngan gyis:_tshe nyams rgyu 'bras ma lus sbyangs:_rdo rje phung po'i stobs bskyed pa'i:_dwangs ma kun bsdus thim pa yis:_bdud bgegs bsgral zhing yon tan gyi:_tshe la rang dbang thob par 'gyur:_oM rat+na A yur+dz+nyA na a pa ri mi ta shAn+tiM puSh+TiM wA shaM mA ra ya hU~M:_A yu sarba sid+d+hi ku ru hU~M:_'bum phrag bzlas pas las sbyor te:_thun mtshams mchod sbyin spyi dang ni:_dri bzang rin chen sbags pa yi:_khyad par mchod yon brgya rtsa phul:_sgrib sbyong khrus kyi rnal 'byor 'bad:_lan tshwa nying khur bsdus pa ni:_me tog bcud dang bsres pa nyid:_byin gyis brlabs te bsten pa yis:_mdangs gsal dbang po 'phel bar byed:_rdzogs pa'i rim pa rgyud ltar bsgom:_rim pa gnyis kyi thabs mkhas las:_lus mnyen yan lag lcug pa dang:_bkrag dang mdangs 'phel tshe yi mchog:_rgyun ring dbang po rnam par gsal:_'od gsal ye shes thob par 'gyur:_man ngag snying po'i lam 'di yang:_skal ba can la dus su snang:_sa ma ya:_rgya rgya rgya:_zhes pa'ang mchi med ye shes rdo rje'i sku can rig 'dzin bla ma'i bka' bzhin pad+ma gar dbang 'od gsal mdo sngags gling pas gtan la phab pa'o//__//_skya_'chi med tshe yi snying thig las:_snang ba mtha' yas tshe dpag med dmar po'i phrin las bzhugs so:_::brda yig_::_pad+ma gsung gi tshe bdag 'dud:_dus kyi tha ma'i sems can rnams:_drod kyi khams nas tshe nyams na:_lus la drod med gzi byin chung:_stobs zhan zas kyang mi 'ju zhing:_gcong nad du mas mnar ba'i tshe:_sems kyi snang ba dpa' zhum 'gyur:_de tshe yang dag bskyed pa'i rim:_rtse gcig rnal 'byor 'di ltar sgoms:_hrIH_chos kun gzod nas stong pa nyid:_skye med dbyings las snying rje shar:_zung 'jug sa bon hrIHdmar gsal:_dwangs pa'i mkha' la nyi ma bzhin:_'od kyis brtan g.yo'i snang zhen sbyangs:_cir snang ye shes rgyan rdzogs pa'i:_pad+ma'i zhing gi bkod pa shar:_bsam yas dkyil 'khor blo las 'das:_zla gam sgo gcig mtshan nyid rdzogs:_bde drod 'od kyi sprin chen po:_'bar ba rang gsal drod kyi dbyings:_ngo bo yum chen na bza' dkar:_rnam pa 'bar ba'i snang bas khyab:_dal dbus rma bya'i khri yangs par:_pad zla rgyas pa'i gdan gyi steng:_snang ba mtha' yas tshe yi bdag:_dmar gsal bde chen rgyas pa'i nyams:_sgeg bzhad dar dang rin chen brgyan:_zhabs gnyis rdo rje'i skyil krung dang:_mnyam gzhag phyag gis tshe yi bum:_pad+ma'i kha rgyan mdzes pa 'dzin:_'du shes rgyal po so sor rtogs:_bde gshegs gsung gi rdo rje ni:_gar gyi dbang phyug sbyor ba'i yum:_gos dkar lha mo dmar ser ni:_pad+ma tshe bum bsnams dang 'khril:_gnyis med dgyes pa'i bde ba'i 'bras:_khams gsum srid zhi dwangs mar zhu:_zhal zhugs byang chub sems chen po:_mkha' gsang nas 'phros dbyangs kyi tshogs:_dmar gsal bye ru'i phreng ltar 'phros:_phyogs mtshams bcu drug pad 'dab steng:_tshe yi lha mo DA ki dmar:_gcer bu rin chen rus rgyan can:_mda' dar bum 'dzin mgyogs ma spro:_thig le'i sgo gcig nub bstan dbus:_khro bo'i rgyal po rta yi mgrin:_dmar gsal pad+ma'i dbyug to dang:_sdig mdzub khro chas rdzogs pa'i tshul:_brkyang bskum gar gyis bzhengs pa gsal:_khor yug rtsa gsum tshe yi lha:_kun kyang pad+ma'i rigs kyi tshul:_spro bsdu'i cho 'phrul rmad byung shar:_gsang gsum yi ge'i rgyas btab pas:_rdo rje gsum du lhun grub cing:_gnas lngar ye shes sgyu 'phrul drwa:_'char bas dbang bskur cod pan 'chang:_oM AHhU~M:_hrIHhU~M trA~M oM AH_snod bcud dag pa'i bskyed rim dang:_dngos zhen rang rgyud las 'das pa'i:_dag dran gsal brtan rdzogs pa'i tshe:_bsnyen sgrub las kyi bzlas pa ni:_snang mtha'i thugs kar pad zla'i steng:_pad+ma thod phreng sku mdog dmar:_gcer bu brtul zhugs grub pa'i tshul:_mda' dar bum 'dzin yum dang sbyor:_thugs dbus chu skyes nyi zla'i klong:_hrIHdmar sngags kyi spro bsdu yis:_don gnyis byas shing khyad par du:_mkha' khyab 'jig rten ma lus pa'i:_me khams drod kyi dwangs ma kun:_bsdus te lus gang bde drod kyis:_drod nyams nad gdon bar chad bsal:_gzi byin rdo rje'i srog grub pa'i:_tshe dang ye shes snang ba spel:_oM a mA ra Ni dzI ban+ti ye pad+ma A yur+dz+nyA na tshe b+h+rU~M hrIH_'bum bzhi bzlas pas mtshan ma mthong:_dkyil 'khor lha yi 'od zer gyis:_dpag med zhing gi me yi khams:_pad+ma tshe mtha' yas par shar:_kun kyang dzapa kyi sgra sgrog cing:_ting 'dzin dgongs pas gsung gi tshe:_snying po byang chub sems kyi mchog:_bsdus te lus kyi dro ba'i dbyings:_thim nas drod kyi tshe rgyas bsam:_AM a ro l-ika pA~M rA ga ra ti:_oM na mo b+ha ga ba te sogs/_swA hA:_'bum phrag bzhi yis 'grub par 'gyur:_lha tshogs dgyes pa'i 'od snang gis:_mkha' khyab zhing khyab yid can gyi:_ngag gi tshe nyams las sgrib sbyangs:_rdo rje me yi stobs bskyed pa'i:_dwangs ma bdag thim tshe bdud bgegs:_bar chad bsgral zhing gsung gi tshe:_yid bzhin 'grub pa'i skal ldan bsam:_oM pad+ma A yur+dz+nyA na a pa ri mi ta shAn+tiM puSh+TiM wA shaM mA ra ya hU~MH_A yu sarba sid+d+hi ku ru hU~M:_'bum phrag gcig gis las 'grub cing:_thun mtshams chos spyod bzlas brjod dngaH_khyad par mar me brgya rtsa phul:_phyi nang gsang ba'i bsreg blugs brtson:_bcud len bsten na rtsa ba gsum:_mkhris chen dwangs mar bstims te bskol:_nying khu chang gi ril bur dril:_lha sngags byin brlabs bsten pa dang:_bku mnyes drod kyang myur du 'bar:_gzi byin rgyas shing sems stobs 'phel:_drod che grang ba'i nad rigs zhi:_lpags pa'i mdog bzang tshe 'phel nas:_pad+ma tshe yi gnas thob 'gyur:_s+ya mya y+ra:_rgya rgya rgya:_zhes pa'ang 'chi med ye shes rdo rje'i sku can rig 'dzin bla ma'i bka' bzhin pad+ma gar dbang 'od gsal mdo sngags gling pas gtan la phab pa'o//__//__skya_'chi med pad+ma tshe yi snying thig las:_don yod grub pa tshe dpag med ljang gu'i phrin las bzhugs:_:::brda yig:::_phrin las tshe yi lha la 'dud:_phyi ma'i gdul bya dbugs khams kyi:_tshe nyams lus lji shes pa 'phyo:_skad 'dzer rgyu ba thung la rgod:_shes pa 'phyo zhing rtog tshogs rgod:_smra brjod log par smra ba 'byung:_de tshe de yi gnyen po ni:_rdo rje'i ting 'dzin mchog 'dis byed:_aH_rnam kun mchog ldan stong pa'i dbyings:_snying rje'i ye shes mkha' khyab shar:_gang du'ang mi gnas sems kyi khams:_snying po'i sa bon A ljang gus:_snod bcud sbyangs nas dag pa'i zhing:_las rab rdzogs pa'i pho brang che:_gzhal yas rgyan bkod rdzogs pa'i lter:_shang shang khri steng g.yo ba'i dbyings:_ngo bo sgrol ma rnam pa ni:_ljang gsal 'od kyi rgya gram gdan:_pad zlar sa bon yongs su gyur:_tshe yi bdag po don yod grub:_mtshan dpe'i 'od phung ljang gsal 'tsher:_longs spyod rdzogs pa'i cha byad can:_rdo rje'i skyil krung tshe bum ni:_rgya gram mtshan pa phyag gnyis kyi:_mnyam bzhag phyag rgyas 'dzin pa'i pang:_yum chen dam tshig sgrol ma ljang:_rgya gram pad+ma 'dzin pa sbyor:_'du byed rgyal po stangs dpyal gyi:_dkyil 'khor 'byung ba'i gnas su shar:_rjes chags sbyor ba'i sems sprin spro:__srid zhi'i dwangs ma bsdus pa las:_mkha' gsang bde stong rol pa'i gzugs:_byang sems dwangs mas phyogs mtshams brdal:_bdun cu rtsa gnyis tshe'i lha mo:_ljang gu mda' dar bum pa 'dzin:_gar gyi stabs can gsal ba yi:_pho nya mgyogs ma sprin ltar gtibs:_sgo bzhir dbang chen sde bzhi po:_las mdog phyag rgya bzhi 'dzin gsal:_bar mtshams rtsa gsum chos srung bcas:_dwangs pa'i 'ja' sprin bzhin du shar:_sgo gsum sku gsung thugs kyi dbyings:_rigs lngas dbang bskur 'khrul rtog sbyangs:_rigs kyi bdag po ye shes sku'i:_rgyas btab phrin las phyag rgyar rdzogs:_oM AHhU~M:_A hU~M trA~M hrIHoM:_gdod nas dag pa'i dkyil 'khor pa:_snang grags rig pa'i dbyings mnyam pa'i:_ngang tshul shes pa'i bskyed rim ni:_mchog gi dngos grub rgyu ru gsungs:_thugs kar ye shes sems dpa' ni:_karma thod phreng gcer bu ljang:_yum dang gnyis med sbyor ba'i phyag:_mda' dar bum 'dzin thugs ka ru:_pad+ma nyi zla'i gwa 'u la:_sa bon A yig sngags kyis bskor:_spro bsdus don gnyis yid bzhin sgrub:_khyad par mkha' khyab rlung gi khams:_dwangs mar bsdus thim lus gang ste:_dbugs nyams nad gdon bar chad bsal:_ye shes tshe yi mchog thob dmigs:_oM a mA ra Ni dzI ban+ti ye karma A yur+dz+nyA na tshe b+hU~M A:_'bum phrag bzhi yi grangs them bya:_dal gyi lha las 'od 'phros pas:_zhing khams kun gyi rlung gi khams:_don yod tshe yi rgyal por bzhengs:_sngags sgra sgrog cing dgongs pa bskyed:_dwangs ma bdag la thim pa las:_g.yo ba rlung gi tshe rgyas shing:_dngos grub mtha' dag thob par bsam:_hA pra dz+nyA d+hr-ika tAM badz+ra ra ti:_oM na mo b+ha ga ba te sogs/_swA hA:_bzlas pa 'bum phrag bzhi ru bya:_dkyil 'khor lha yi ting 'dzin gyis:_sku las skyes pa'i 'od zer spros:_sgo gsum bya ba mtha' dag gis:_tshe nyams rgyu 'bras ma lus sbyangs:_ye shes rlung gi bcud 'phel ba'i:_dngos grub gzi byin 'ub kyis bsdus:_gdon bgegs bar chad zhi bar byas:_phrin las tshe la dbang thob gyur:_oM karma A yur+dz+nyA na a pa ri mi ta shAn+tiM puSh+TiM wA shaM mA ra ya hU~M:_A yu sarba sid+d+hi hU~M:_'bum gcig bzlas pas las kun 'grub:_thun mtshams rnam dkar bsod nams bsags:_gzungs ldan cod pan srog khams kyi:_'byung ba ma bu grogs gsum gyi:_kha dog ldan pa brgya rtsa 'bul:_rig sngags 'khor lo rlung la bskor:_bum can nang gi ting 'dzin dang:_sbyar ba'i rdo rje'i bzlas par 'bad:_des ni lus yang stobs rtsal ldan:_yan lag mnyen lhug ngag tshig btsan:_skad kyi gdangs gsal las kun 'grub:_khams dwangs mdangs legs stobs 'phel 'byung:_s+ya mya y+ra:_rgya rgya rgya:_zhes pa'ang 'chi med ye shes rdo rje'i sku can rig 'dzin bla ma'i bka' bzhin pad+ma gar dbang 'od gsal mdo sngags gling pas gtan la phab pa'o//_//__skya_'chi med pad+ma tshe yi snying thig las:_mi bskyod rdo rje tshe dpag med mthing ga'i phrin las bzhugs:_:::brda yig:::_rdo rje tshe yi lha la 'dud:_dus mtha'i 'gro ba sems stobs nyams:_rtags su snying la rlung gis spur:_blo sna 'gyur zhing bying rgod rags:_don med []gas ring 'don sogs 'byung:_de las skyob pa'i gdams pa ni:_rtse gcig yid kyis 'di ltar sgoms:_hU~M:_dbyings kyi ngo bo de bzhin nyid:_rig pa rang byung kun tu snang:_gnyis med ye shes dag pa yi:_snying po yi ge hU~M du shar:_'od kyis 'jig rten dngos 'dzin sbyangs:_phyi snod rdo rje tshe yi zhing:_phun tshogs bkod pa du mas spras:_nang bcud dpa' bo rnal 'byor ma:_ye shes dag pa'i 'khor lo rdzogs:_dbus su rin chen gzhal yas khang:_rgyan bkod cho 'phrul rmad byung ba'i:_zag med yon tan rgyas pa'i zhing:_bkod pa ye shes rol mor shar:_lte bar ngo bo dbyings phyug yum:_rnam pa stong dbyings nam mkha'i gzugs:_'od kyi chos 'byung sngo la dwangs:_rmad du byung ba'i klong chen por:_sa bon hU~M yig yongs gyur las:_rdo rje mi bskyod tshe yi bdag:_mthing gsal rtog bral zhi zhing 'dzum:_longs sku'i rgyan rdzogs pad+ma zla:_glang po'i khri la mdzes par bzhugs:_zhabs gnyis rdo rje skyil krung can:_sna tshogs 'od zer 'phro ba'i klong:_rang 'od dbyings phyug tshe bum dang:_rdo rje bsnams par gnyis med sbyor:_yab kyi phyag gnyis mnyam bzhag gis:_tshe bum rdo rjes mtshan pa bsnams:_rjes chags sbyor bas rgyal kun bskul:_srid zhi'i snying po sems kyi sprin:_bsdus pa zhal zhugs sku'i dbyibs brgyud:_mkha' gsang babs pa rten 'brel snying:_mthing nag 'od kyi yi ge spros:_gtso bo'i phyogs mtshams pad 'dab brgyad:_babs pa tshe yi DA ki mo:_mthing nag rgyan chas rdzogs pa'i sku:_mda' dar bum 'dzin gar stabs can:_pho nya mgyogs ma spro bar gsal:_sgo bzhir rigs kyi dbang mchog bzhi:_yab yum khro chas rdzogs pa yis:_phyag rgya bzhi 'dzin bar mtshams su:_'chi med rtsa gsum tshe yi lha:_ma 'dres nyi dang zer bzhin gsal:_gnas gsum 'od kyi yi ge las:_spro bsdus rdo rje gsum rdzogs shing:_rigs kyi bdag po stangs dpyal gyis:_kha sbyor sems kyi dbang bskur rdzogs:_oM AHhU~M:_hU~M oM trA~M hrIHAH_rtse gcig bskyed pa'i gsal snang 'don:_ting 'dzin rtsal sbyong las rim bya:_spro na bsnyen sgrub las sbyor ba'i:_bzlas pas bogs 'byin dngos grub myur:_tshe bdag thugs kar ye shes sems:_badz+ra thod phreng mthing gsal bzhugs:_gcer bu yum sbyor mda' dar dang:_bum pa 'dzin pa'i thugs dbus su:_pad+ma nyi zlar thugs srog hU~M:_sngags kyis bskor bas don gnyis byas:_khyad par rab 'byams 'jig rten gyi:_nam mkha'i bcud kun bsdus la thim:_sems kyi tshe nyams nad gdon bgegs:_bar chad bsal te dwangs ma yis:_lus gang rig rtsal rgyas par bsam:_oM a mA ra Ni dzI wan+ti ye badz+ra a yur+dz+nyA na tshe b+h+rU~M hU~M:__'bum bzhi bzlas pas lha dang nye:_lha chogs 'od kyis zhing kun khyab:_nam mkha'i dbyings kun mi bskyod pa'i:_lhar shar kun kyang dzapa sgra sgrogs:_dgongs pa'i rtsal gyis nam mkha'i bcud:_kun bsdus sems kyi khams thim pas:_tshe yi dngos grub thob par bsam:_hU~M badz+ra d+hr-ika mUM d+hA te shwa rI:_o na mo b+ha ga ba te sogs/_swA hA:_'bum phrag bzhi bzlas lha dang mnyam:_lha tshogs dgyes pa'i 'od zer gyis:_'gro kun sems kyi tshe nyams pa'i:_las kyi byas bsags rgyu 'bras sbyangs:_sems kyi gsal stong nus pa'i stobs:_dwangs ma bsdus thim yongs gyur pas:_gdon bgegs bar chad ma lus zhi:_thugs mchog tshe dbang rig rtsal rgyas:_dngos grub mchog gi skal ldan gyur:_oM badz+ra A yur+dz+nyA na a pa ri mi ta shAn+tiM puSh+TiM wA shaM mA ra ya hU~M:_a yu sarba sid+d+hi hU~M:_'bum phrag gcig bzlas las 'grub byed:_thun mtshams bsags sbyangs spyi dang ni:_khyad par mkha' dbyings ting 'dzin gces:_de ni nam mkha' mthong che'i sar:_shar du kha bltas drang por 'dug:_rlung ro bsal la lus gnad gcun:_khams gsum nam mkha' kun 'dus pa:_'od zer mthing la dwangs pa ni:_bde gshegs kun gyi ye shes dbyings:_bsam la kha nas hub kyis rngub:_lus gang sngo mer khyab pa las:_dwangs ma sems kyi dbyings la thim:_gdos bcas sha rus kun sbyangs te:_skye 'chi 'gyur bas mi tshugs pa'i:_stong gzugs 'od kyi rang bzhin bsam:_bum can bzung la yang yang 'bad:_sgregs pa byung na ngal bsos la:_rlung rig dbyings gsum dbyer med bsre:_de ltar brtson pas 'grub pa'i rtags:_rig pa'i ngar rgyas nyams dga' dwangs:_ting 'dzin 'phel zhing sems stobs rgyas:_shes rab rno myur zab sogs 'byung:_des ni sems kyi tshe sgrub 'gyur:_s+ya mya y+ra:_rgya rgya rgya:_zhes pa'ang 'chi med ye shes rdo rje'i sku can rig 'dzin bla ma'i bka' bzhin pad+ma gar dbang 'od gsal mdo sngags gling pas gtan la phab pa'o//__//__skya_'chi med pad+ma tshe yi snying thig las:_smin byed kun la khyab pa bzhugs:_:::brda yig:::_rtsa gsum tshe yi lha tshogs 'dud:_de nyid sgrub pa'i rnal 'byor pa:_rim pa dbang gi sgo nas 'jug:_dbang gi mchog ni rang la gnas:_de yi nus pa gso ba'i phyir:_rten 'brel rdzas kyi dbang bskur ni:_bdag mdun gzhung bsrangs bzlas pa bya:_yo byad ye shes rol par brlab:_bum pa sgrub cing bdag nyid 'jug:_dbang phyug dgyes pas gnang ba zhu:_slob ma snod ldan khrus nas dbyung:_byur gsal phyogs bcings lo rgyus 'chad:_maN+Dal gsol gdab rim pa ni:_byang chub rdo rje bde gshegs gtso:_rin chen _pad+ma 'i _las kyi _rdo rje'i_dkyil 'khor dbang phyug dgongs su gsol:_bdag cag skal ldan rig pa 'dzin:_tshe yi dkyil 'khor 'jug par gsol:_sngon 'gro skyabs sems bsags sbyangs dang:_sdom pa bzung la slob ma lhar:_gsal zhing byin dbab brtan par bya:_thog mar bum pa'i chu dbang sbyin:_oM:_bkra shis bum pa lha'i gzhal yas:_bde gshegs _rin chen _pad+ma _las rab _rdo rje _tshe yi dkyil 'khor bzhugs:_thugs rje ye shes rig pa'i chus:_gtor zhing skal pa mchog dbang sbyin:_oM sarba ta thA ga ta a b+hi She ka te sa ma ya shrI ye hU~M:_rgyas par spro na rig dbang lnga:_sbyar zhing sku gsung thugs dbang ni:_oM:_bde gshegs rgyal ba'i sku yi dbyings:_yon tan _gsung gi _phrin las _thugs kyi _bcom ldan rnam par snang mdzad che:_rin chen 'byung ldan _snang ba mtha' yas _don yod grub pa _rdo rje mi bskyod _dkyil 'khor dbang phyug dam pa yis:_skal ldan bu la dbang bskur ro:_kA ya a b+hi Shiny+tsa oM:_bsnyen sgrub las sngags bzlas lung sbyin:_me tog 'thor bas brtan par bya:_phyag mtshan so so'i dbang bskur ni:_hU~M:_sangs rgyas kun gyi ye shes ni:_chos dbyings khyab pa _mnyam pa nyid dbyings _so sor rtog pa _bya ba grub pa _me long lta bu _phyag rgya'i gzugs:_rigs kyi rtags su gtad pa yis:_ye shes dgongs pa mngon gyur shog:_tsit+ta a b+hi Shiny+tsa hU~M:_yon tan tshe yi bum pa'i dbang:_hrIH_rgyal kun zag med yon tan gyi:_bdud rtsis gang ba'i tshe'i 'brang rgyas:_rang byung mchog gis dbang bskur bas:_'bras bu'i go 'phang thob par shog:_gu Na a b+hi Shiny+tsa trA~M:__phrin las bdud rtsi ril bu byin:_hrIH_rnam pa thams cad ye shes ni:_cong zhi bcud len rdzas su shar:_dge legs snying po'i dbang bskur bas:_'chi med rdo rje'i srog thob shog:_karma a b+hi Shiny+tsa A:_thun min nus pa'i zab dbang ni:_byang chub sems kyi bdud rtsi byin:_stangs dpyal sbyor ba'i bde ba che:_dwangs ma byang chub sems kyi chu:_rol cig skal pa mchog ldan bu:_gtsang dme'i rtog pa bral bas spyod:_a ho ma hA su kha ho:_bogs 'byin shes rab phyag rgya gtad:_sna tshogs gzugs can mtshan dang ldan:_sgeg bzhad lang tsho'i mchog gyur ma:_'dis ni sangs rgyas thams cad bskyed:_dga' bzhi'i rol rtsed rtag tu gyis:_pad+ma b+hany+dza mok+Sha ho:_dbyings rig ngo sprad brda yis mtshon:_a:_dbyings ni rtag tu skye ba med:_rig pa rang gsal lhun gyis grub:_gnyis med shel gyi brdas mtshon te:_rang la gnas pa rtogs par gyis:_d+harma d+hA tu a a a:_'di dag zab gsang ngo sprod tshig:_kun la khyab par sbyin mi rung:_rjes la dam tshig khas blang dang:_gtang rag mchod pas mnyes par bya:_rang bzhin brgyad ldan slob dpon gyis:_rdo rje'i slob mar 'di sbyin na:_dbang bskur tsam gyis tshe dpal 'phel:_lam rnams nyams len skal ldan byed:_s+ya mya y+ra:_rgya rgya rgya:_zhes 'chi med ye shes rdo rje'i sku can rig 'dzin bla ma'i bka' bzhin pad+ma gar dbang 'od gsal mdo sngags gling pas gtan la phab pa'o//__//_swa sti/_chos phyi rdzogs ldan sprin gyi bla gab 'og_/chos ston 'dod rgu'i gru char mthar khyab dges/_/chos byin tshe yi 'bras bzang g.yur za ba'i/_/chos khams rigs lnga'i gangs chen mtsho thob gyur/_/zhes gter 'byin mgon po mchog gi zhabs brtan tu klong chen ye shes rdo rjes yon sbyar te smon pa ji bzhin 'grub pa'i rgyur gyur cig_/dge'o/_dge'o/_dge'o/__//
