DKR-KABUM-09-TA-008-wylie

<div class="wylie-content"

$@#/__/rdor sems rgyun khyer mdor bsdus bzhugs/_/thog mar skyabs sems ni/_na mo:_rigs kun khyab bdag bla ma rje:_dngos grub 'byung gnas yi dam lha:_bar chad kun sel mkha' 'gro ma:_rtsa ba gsum la skyabs su mchi:_lan gsum/_hoH_ma gyur sems can thams cad kun:_sangs rgyas go 'phang 'thob bya'i phyir:_nyes spyod kun sdom dge tshogs sdud:_gzhan phan byang sems rtag tu bskyed:_lan gsum/_gnyis pa dngos gzhi'i rnal 'byor ni/_A/_rdo rje sems dpa' nam mkha' che:_bzung bas mi zin chu zla 'dra:_kun tu bzang po'i rol pa las:_thabs shes zung 'jug rtsa ba'i lha:_sems dpa' dkar po rdor dril bsnams:_rang 'od yum 'khyud bde stong sbyor:_dar dang rin chen rgyan gyis brgyan:_ma bcos lhug pa'i ngang nyid las:_gtso bo'i thugs kar zhi ba dang:_spyi bor khrag 'thung lha tshogs gsal/_/thugs kar nyi zla'i ga'u dbus/_/hU~M la sngags kyi phreng bas bskor/_/'od zer spro bsdus don gnyis byas/_/nyams chags rtog sgrib dbyings su sbyang*/_/snod bcud zhi khro rab 'byams kyi/_/lha sngags ye shes rol par shar/_/oM badz+ra satwa a:_zhes rdor sems dang*/_oM bo d+hi tsit+ta ma hA su kha dz+nyA na d+hA tu a:_zhes zhi ba dang*/_oM ru lu ru lu hU~M b+h+yo hU~M:_khro bo'i spyi sngags bcas bzla/_thun mthar/_hU~M hU~M hU~M gis 'od gsal du bsdu/_phaTa? phaTa? phaTa? kyis thun mtshams kyi lhar ldang la/_dge ba 'di yis myur du bdag_/rdo rje sems dpa' 'grub gyur nas/_/'gro ba gcig kyang ma lus pa/_/de yi sa la 'god par shog_/ces bsngo smon gyis rgyas gdab par bya'o/_/thugs sgrub zhal gdams snying byang ltar mang+ga las khol du phyungs pa'o/_/dge'o//__//