DKR-KABUM-08-NYA-028-wylie
<div class="wylie-content"
@#/_lce btsun chen po'i bi ma la'i zab tig gi brgyud 'debs grub gnyis char 'bebs zhal skong ni/_'od gsal sprul pa'i rdo rje'i 'phros/_bka' gter zab rgyas chos kyi gsang mdzod 'dzin/_bstan 'gro'i skyabs gcig mtshungs zla ma mchis pa/_/'jam mgon bla ma pad+ma gar dbang la/_/gsol ba 'debs so smin grol yongs rdzogs shog_/zab gter rgya mtshor dbang thob 'gro ba 'dul/_/rig 'dzin mkhas grub gangs can phan bde'i dpal/_/sprul pa'i gter chen las rab gling pa la/_gsol ba 'debs so dgongs brgyud ye shes stsol/__rdo rje snying po'i dgongs spyod mtha' ru phyin/_/theg mchog chos kyi rgyal khab dbang mdzad pa/_/gdod ma'i mgon po pad+ma bi dza la/_/gsol ba 'debs so rtogs grol dus mnyam mdzod/_/rang snang ris med ka dag dgongs pa rtogs/_/'od gsal lhun grub snang bzhi mthar phyin pa/_/rig 'dzin chen po sna tshogs rang grol la/_/gsol ba 'debs so chos zad mngon gyur mdzod/_/mkhyen brtse'i ye shes gter la rang dbang thob/_/snyigs dus bstan 'gro'i skyabs mgon thams cad mkhyen/_/'jam mgon pad+ma ye shes rdo rje la/_/gsol ba 'debs so nyams rtogs rtsal rdzogs mdzod/_/kun mkhyen bla ma'i thugs rje'i byin brlab thob/_/ris med chos kyi bdud rtsi'i skal bzang gyur/_/'gyur med theg mchog bstan pa'i rgyal mtshan la/_/gsol ba 'debs so byin rlabs dngos grub stsol/_/'das dang ma byon sogs sbrel nas dkyus la 'jug go_/ces pa'ang theg mchog snying po'i rnal 'byor shrI seng brag sprul sku ngag dbang chos kyi rgyal mtshan nas ched du gsung bskul ngor mang+ga las bris pa 'brel tshad kun bzang dgongs klong mngon du byed pa'i rgyur gyur cig/__//
