DKR-KABUM-08-NYA-005-wylie

<div class="wylie-content"

snyan brgyud ma mo'i gnad tig gi brgyud pa'i gsol 'debs byin rlabs rol mo bzhugs/_chos dbyings bde chen dpa' bo mngon rdzogs rgyal/_/kun bzang shes rab phar phyin mu kha le/_/gsang bdag rdor sems mkha' 'gro las kyi dbang*/_/gsol ba 'debs so bde chen mchog grub mdzod/_/mngon rdzogs ma mo'i bka' babs d+hA na saM/_/brtul zhugs spyod pa'i mchog grub nyi ma 'od/_/rje 'bangs grogs gsum 'brog mi dpal ye shes/_/gsol ba 'debs so bde chen mchog grub mdzod/_/snyan brgyud gdams pa'i bka' bab mdo sngags gling*/_/snang mdzad lo tsA dngos byon gar gyi dbang*/_/nges gsang bstan pa'i shing rta chos rgya mtsho/_/gsol ba 'debs bde chen mchog grub mdzod/_/grub rigs 'dzin pa 'jam dbyangs tshul khrims dang*/_/he ru ka dpal ye shes rdo rje rtsal/_/rtsa brgyud rig 'dzin bla ma'i tshogs kun la/_/gsol ba 'debs so bde chen mchog grub mdzod/_/phyi nang 'byung lnga klong dag rtag rgyal lnga/_/bde chen sgyu ma'i pho nya rje bcu bzhi/_/srid pa dbyings sgrol dman mo lnga bcu la/_/gsol ba 'debs so bde chen mchog grub mdzod/_/rang bzhin gzhi dkyil rtsa rlung thig le'i khams/_/grong khyer gsum gyi snang zhen dbang bzhi dang*/_/rim gnyis lam dkyil gyis sbyangs 'bras bu'i mchog_/rdo rje gsum gyi mkha' klong dbyings sim shog_/ces pa'ang rang nyid kyis bsnyen sgrub 'brel 'jog skabs gsol ba 'debs pa po rang byung 'od gsal thugs mchog rdo rjes bris pa'o/_/dge'o/__!__yang snyan brgyud gnad tig ma mo'i brgyud 'debs ni/_'khor 'das spyi dpal dbyings yum kun bzang mo/_/rigs kyi 'khor lo'i khyab bdag mngon rdzogs rgyal/_/rdo rje btsun mo rtag pa'i rgyal mo lnga/_/gsol ba 'debs so bde chen dbyings thob mdzod/_/ma mo'i bka' babs d+hA na saM kr-i ta/_/rnal 'byor dbang phyug nyi ma 'od zer zhabs/_/snyan brgyud bka' babs pad+ma mdo sngags gling*/_/gsol ba 'debs so bde chen dbyings thob mdzod/_/mkha' 'gro'i tshogs rje pad+ma gar gyi dbang*/_/bka' gter shing rta chos kyi rgya mtsho che/_/rig 'dzin 'gyur med tshe dbang rgya mtsho la/_/gsol ba 'debs so bde chen dbyings thob mdzod/_'jam mgon grub pa'i dpa' bo chos blo gros/_/rtsa brgyud bla ma khrag 'thung mngon rdzogs rgyal/_/dkyil 'khor lha tshogs mkha' 'gro dam can la/_/gsol ba 'debs so bde chen dbyings thob mdzod/_/dad dang nges 'byung sngon 'gros rgyud sbyangs te/_/khams gsum dag pa sgo gsum sku gsung thugs/_/bskyed dang rdzogs pa'i mkha' klong dbyings gsum grol/_/he ru ka dpal dpa' bo mngon gyur shog_/mang+ga las so/