DKR-KABUM-05-CA-029-wylie
<div class="wylie-content"
@#/__nor bu'i rgya can las/_thugs rje chen po rtsa gsum 'dus pa'i phrin las dbang bskur dang bcas pa snying rje'i dbang phyug dgyes pa'i zla snang bzhugs so//
@#/_oM swa sti/_/gangs can lha gcig snying rje'i gter/_/gangs ri'i mgon la gus btud nas/_/gangs can skyobs pa'i thugs kyi bcud/_/gangs can bstan 'gro'i btsas su spel/_'di la gnyis/_sgrub thabs dang*/_dbang gi cho ga'o/__/dang po la/_sngon dngos rjes gsum las/_dang po sngon 'gro la bdun las/_dang po rgyud sbyang ba'i thog mar skyabs 'gro ni/_bla ma dang thugs rje chen po rtsa gsum 'dus pa'i dkyil 'khor mkha' khyab tu sad par gyur/_thugs rje'i dbang gis 'gro don mdzad/_/bla ma rnams la skyabs su mchi/_/mi 'bral rtse gcig byin rlob pa'i/_/yi dam lha la skyabs su mchi/_/legs nyes stangs 'dzin dngos grub ster/_/mkha' 'gro'i tshogs la skyabs su mchi/_/lan gsum/_gnyis pa sems bskyed pa ni/_/sngon nas bsags pa'i sdig sgrib bshags/_/'gro don sangs rgyas thob bya'i phyir/_/smon pa'i byang chub sems bskyed do/_/sems can yongs su smin bya'i phyir/_/gsang sngags spyod pa rlabs chen spyad/_/don dam spros bral byang chub sems/_/rang byung mtha' bral stong gsal bsgom/_/lan gsum/_gsum pa mtshams lha bskyed cing bgegs bskrad pa ni/_rang nyid rta mgrin dmar po phyag gnyis pa/_be con sdig mdzub dur khrod chas kyis brgyan/_/thugs las sprul pa'i khro bos bgegs dpung bskrad/_/srung ba'i gur gyis bar mtshams med par gtams/_/hrIHbadz+ra kro d+ha h+ya gr-I wa hU~M phaT/_hU~M bzhi'i sngags dang*/_bzhi pa mtshams bcad pa ni/_hrIH_dbang gi rta skad rab 'tsher zhing*/_/'khor lo rdo rje me dpung gi_/steng 'og phyogs mtshams med par gtams/_/srung ba'i gur khang chen por gyur/_/badz+ra rak+Sha rak+Sha hU~M phaT/_lnga pa tshogs bsags ni/_rang 'jig rten dbang phyug tu gsal ba'i thugs ka nas 'od zer 'phros pas mdun gyi nam mkhar 'jig rten dbang phyug gi gnas lngar sems nyid ngal gso dkar dmar mthing ser ljang zhu bzhugs pa/_oM badz+ra sa mA dzaHsa spyan drangs/_bla ma yi dam mkha' 'gro gshegs/_/nyi zla pad+ma'i gdan la bzhugs/_/lus ngag yid gsum gus phyag 'tshal/_/phyi nang gsang ba'i mchod pa 'bul/_/nyams chag sdig sgrib thams cad bshags/_/gsang sngags bsgrubs la rjes yi rang*/_/smin grol gsang sngags chos 'khor bskor/_/mya ngan mi 'da' gsol ba 'debs/_/snying po sems can don du bsngo/_/yang dag rdo rje'i don rtogs shog_/de nas spyi bo'i rtsa 'khor gyi lha'i thugs ka'i sa bon las 'od zer dkar po byung*/_rang gi smin mtshams su thim pas/_de yi thad kyi sor lnga tsam ska rag bcings pa bzhin dkar por song*/_de bzhin du mgrin snying lte gsang bzhi'i lha'i thugs ka'i sa bon las 'od zer dmar mthing ser ljang rim bzhin so sor 'phros/_gnas so sor thim pas de'i thad sor lnga tsam kha dog so sor gyur par bsam rjes/_tshogs zhing rang la bstim/_drug pa byin 'bebs ni/_rang rta mgrin gnas lnga'i kha dog gong ltar so sor ma 'dres par gsal ba'i thugs ka'i sa bon las 'od 'phros byin rlabs rnams bkug par mos nas/_'phags mchog thugs rje'i dus la bab/_/khyad par ston pa'i dus la bab/_/mthu rtsal dbyung ba'i dus la bab/_/dngos grub stsol ba'i dus la bab/_/dgra bgegs sgrol ba'i dus la bab/_/nyams chag bskang ba'i dus la bab/_/mthu chen mthu stsol bcom ldan 'das/_/byin chen byin phob bcom ldan 'das/_/dngos grub mchog stsol bcom ldan 'das/_/bcom ldan 'das kyis bdag rnams la/_/las kyi 'bras bu mchis par mdzod/_oM a mA ra Ni dzI ban+ti ye swA hA/_oM AHhU~M badz+ra gu ru pad+ma sid+d+hi hU~M:_oM ma Ni pad+me hU~M:_hrIHma ha ri ni sa ra tsa hri ya tsit+ta hrIMHhrIMHdza:_hrIHbadz+ra kro d+ha h+ya gr-I wa hU~M phaT:_a be sha ya a aH_mchod pa byin rlabs ni/_oM swa b+hA ba bi shud+d+he sarba d+harma swa b+hA wa bi shud+ho\u0f85 haM/_zhes brjod pas ngo bo rang bzhin gyis rnam par dag pa ye shes kyi nga rgyal dang*/_ra~M ya~M kha~M gis rnam pa rdzas kyi dngos 'dzin thams cad ye shes kyi me rlung chus bsregs gtor bkrus nas sbyangs par bsam la/_/thugs nas ra~M ya~M kha~M 'phros pas/_/phyi nang gsang ba'i mchod rdzas kyi/_/ma dag nyes skyon kun sbyangs nas/_/mi zad nam mkha'i mdzod du gyur/_/ces dang*/_oM AHhU~M gis spyir brlabs/_/bye brag so so'i phyag rgya dang bcas/_oM badz+ra puSh+pe/_d+hU pe/_A lo ke_/gan+d+he/_nai wi d+yA/_shap+ta pU dza hoH_oM AHhU~M bo d+hi tsit+ta ga na gu h+ya ma hA pU dza ho/_oM AHhU~M ma hA sarba pany+tsa a mr-i ta rak+ta ba liM ta hU~M hrIHTha/_zhes pas phyi nang gsang mchod sman raka gtor ma dang bcas pa chos nyid kyi rang rtsal 'gag pa med pa las 'dod yon rnam pa thams cad pa'i mchod sprin ye shes sgyu ma'i rol pa cir yang 'char bar gyur par bsam mo/__/gnyis pa dngos gzhi la bdun las dang po dam tshig pa bskyed pa ni/_rang rta mgrin du gsal ba 'od du zhu nas stong pa'i rang gdangs yi ge hrIHdkar po yongs su gyur pa las rang nyid thugs rje chen po sku mdog dkar po zhal gcig phyag gnyis pa g.yas mchog sbyin gyi phyag rgya dang g.yon dkur brten pa/_rin po che'i rgyan dang dar gyi na bza' can zhabs gnyis mnyam pa'i stabs kyis bzhengs pa'i rtsa dbu ma sngon po sba snyug tsam pa spyi gtsug nas gsang gnas kyi bar srog shing ltar thal le yod pa spyi bo'i rtsa 'khor gyi thad du rtsa dang dbyer med pa'i 'od dang 'od zer dkar po ngang pa'i sgo nga'i dbyibs dang tshad tsam pa sbubs stong du yod pa/_de bzhin du mgrin par dmar po/_snying gar sngon po/_lte bar ser po/_gsang gnas su ljang gu rnams gsal ba'i lte ba'i rtsa 'khor 'od ser po'i sbugs kyi rtsa nang du gsang ba ye shes kyi DAki ma dmar mo g.yas gri gug 'phyar zhing*/_g.yon thod pa thugs kar 'dzin pa/_phyag rgya lngas brgyan pa/_zhabs g.yas pa'i rting pa b+ha gar gtad cing*/_g.yon pa'i rtse mos ro gdan mnan pa/_gsang gnas 'od ljang gu'i rtsa nang du pad nyi'i gdan la/_rta mgrin dmar po g.yas be con dang g.yon sdig mdzub mdzad pa/_dur khrod chas kyis brgyan pa/_g.yas bskum g.yon brkyang gis bzhugs pa/_snying ga'i 'od sngon po'i rtsa nang du thugs rje chen po dkar po g.yas pad+ma dang*/_g.yon dril bu 'dzin pa longs spyod rdzogs sku'i cha lugs can/_mgrin pa'i 'od dmar po'i rtsa nang du pad+ma dang nyi zla'i gdan la gu ru bde ba chen po sku mdog dkar la dmar ba'i mdangs chags pa/_g.yas rdo rje dang g.yon bum pa 'dzin pa/_yum ye shes mtsho rgyal rnal 'byor ma'i cha byad can gri thod 'dzin pa dang mnyam par sbyor ba/_spyi bo'i rtsa nang du 'od dkar po'i nang du snang ba mtha' yas dmar po sprul sku'i cha lugs can/_mnyam bzhag gi steng na lhung bzed 'dzin pa/_phrag pa g.yas g.yon du nyi ma dang zla bas brgyan pa/_'od phung gi klong na bzhugs par gsal ba'i spyi bor oM dkar po/_mgrin par AHdmar po/_thugs kar hU~M sngon po/_de las 'od 'phros pas mkha' khyab kyi rgyal ba thams cad thugs rje chen po rtsa gsum 'dus pa'i ye shes kyi 'khor lo'i rnam par mdun gyi nam mkhar badz+ra sa mA dzaHsa spyan drangs bar bsam/_gnyis pa ye shes pa spyan 'dren ni/_hU~M/_/sngon tshe bskal pa'i thog ma la/_/'gro drug sdug bsngal thugs rjes gzigs/_smon lam stobs bskyed 'gro don mdzad/_/byang chub sems dpa' spyan ras gzigs/_gnas mchog 'di ru gshegs su gsol/_/oM badz+ra gu ru d+he wa DAk+ki ni sa pa ri wA ra badz+ra sa ma dzaH_gsum pa dam ye dbyer med du bstim pa ni/_hrIH_chos dbyings lhun grub bde chen gzhal yas 'dir/_/dbyings kyi thig le 'od phung 'khyil ba'i dbus/_/rig pa rang shar thugs rje chen po'i lha/_/mnyam nyid don gyi dbyings su brtan par bzhugs/_/oM badz+ra sa ma ya tiSh+Than+tu/_bzhi pa dbang bskur rgyas gdab ni/_slar yang thugs ka'i sa bon las 'od zer 'phros pas dbang gi lha rigs lnga 'khor dang bcas pa mdun gyi nam mkhar badz+ra sa mA dzaHsa spyan drangs/_de bzhin gshegs pa thams cad kyis dbang bskur bstsal du gsol/_zhes gsol ba btab pas dbang gi lha rnams kyis/_oM sarba ta thA ga ta a b+hi She ka te sa ma ye shrI hU~M/_zhes gsungs shing ye shes kyi bdud rtsi'i dbang bskur bas sku gang*/_dri ma dag_/chu'i lhag ma yar 'khyil ba las rigs bdag snang ba mtha' yas kyis dbu brgyan par gyur/_lnga pa mchod pa la bzhi las/_dang po phyi mchod ni/_hrIH_rig gdangs thugs rje'i lha tshogs la/_/mchod pa'i bye brag 'bul ba ni/_/me tog bdug spos mar me dri/_/zhal zas sgra snyan lha mo rnams/_/so so'i kha dog phyag rgya sgyur/_/rab 'byams nam mkha'i khams bkang nas/_/rgyal ba'i dkyil 'khor mchod par bya/_/oM badz+ra gu ru d+he wa DAk+ki ni sa pA ri wa ra badz+ra puSh+pe nas shap+ta pU dza hoH_gnyis pa nang mchod ni/_hrIH_rig gdangs thugs rje'i lha tshogs la/_/rang byung bdud rtsi'i rnam lnga dang*/_/sha lnga dam tshig mchog gi rdzas/_/nang gi bdag nyid dag par bzhes/_ma hA a mr-i ta maM sa pany+tsa pU dza hoH_gsum pa gsang mchod ni/_hrIH_thugs rje chen po'i lha tshogs la/_/snang stong bde chen yab yum mkhar/_/dga' bzhi ye shes thig ler 'khyil/_/zung 'jug bde chen mchod par zhes/_/oM bo d+hi tsit+ta pU dza hoH_bzhi pa sman raka gtor mchod ni/_hrI/_/thugs rje chen po'i lha tshogs la/_/rtsa brgyad bdud rtsi'i mchod pa dang*/_/bde chen rak+ta'i mchod pa dang*/_/dam rdzas gtor ma'i mchod pa rnams/_/don dam dbyings kyi mchod par 'bul/_/mthun 'jug mchog gi mchod par bzhes/_/oM ma hA pany+tsa a mr-i ta rak+ta ba liM ta kha raM khA hi/_spro na/_snang mtha' spyan ras gzigs dbang pad+ma 'byung*/_/chos rgyal srong btsan rdo rje thogs med rtsal/_/smin grol mchog stsol rtsa brgyud bla ma la/_/sman mchod 'bul lo mthu dbang dngos grub rtsol/_/sarba pany+tsa a mr-i ta kha raM khA hi/_zhi dang khro bo'i dkyil 'khor rab 'byams kyi/_/spyi gzugs 'jig rten dbang phyug lhag pa'i lha/_/dkyil 'khor 'khor lor bcas pa thams cad la/_/sman mchod 'bul lo mthu dbang dngos grub stsol/_/sarba pany+tsa a mr-i ta kha raM khA ha/_/zab lam gdams pa'i bka' srung mthu stobs bdag_/dam can brtan ma bcu gnyis la sogs pa/_/rnam bzhi'i phrin las sgrub par mdzad rnams la/_/sman mchod 'bul lo mthu dbang dngos grub stsol/_sarba pany+tsa a mr-i ta kha raM khA hi/_/zhes 'bul/_rjes 'brel du dngos grub blang ba ni/_hU~M/_lce yi dam tshig rdo rje la/_/dam tshig can gyi hU~M bsgom ste/_/mtheb srin thabs shes phyag rgya yis/_/myangs nas dngos grub thob par 'gyur/_kA ya sid+d+hi oM/_wAka? sid+d+hi AH_tsit+ta sid+d+hi hU~M/_sarba sid+d+hi hrIH_zhes gnas gsum du thig le bya zhing myang ngo*/_/drug pa bstod pa ni/_hrIH_bde bar gshegs pa kun gyi bdag nyid che/_/snang ba mtha' yas pad 'byung 'jig rten mgon/_/gsang ba ye shes khro rgyal rta mchog dpal/_/rtsa gsum lha tshogs rnams la phyag 'tshal bstod/_/bdun pa dzapa? bzla ba la/_snang ba mtha' yas kyi bsnyen pa ni/_spyi bo'i snang ba mtha' yas kyi thugs ka'i 'od zer gyis 'jig rten dang 'jig rten las 'das pa'i tshe bcud bsdus pa lhung bzed kyi nang du bdud rtsir zhu ba lud de spyi gtsug nas gsang gnas kyi bar gang bar bsam la/_oM a mA ra Ni dzI wan+ti ye swA hAH_zhes bzla/_bla ma'i bsnyen pa ni/_mgrin pa'i o rgyan yab yum gyi byang sems dkar dmar 'dres pa'i rgyun gyis stod smad snying kha khyab pas lus gang bar bsam la/_oM AHhU~M badz+ra gu ru pad+ma sid+d+hi hU~MH_zhes bzla/_yi dam zhi ba spyan ras gzigs kyi bsnyen pa ni/_lte ba'i gsang ba ye shes las gnyis pa zhig chad de snying ka'i thugs rje chen po dang snyoms par zhugs nas/_thugs rje chen po'i thugs ka'i 'od zer gyis rigs drug gi sems can rnams bkug pa zhal du bcug sku'i dbyibs rgyud/_yum gyi pad+mar thon pa la byang chub sems kyi dbang bskur ba re re bzhin thugs rje chen por gyur te phyir byung nas rang gnas su bkod pas bcud thams cad lhar gyur bar bsam la/_oM ma Ni pad+me hU~M hrIH_zhes yig drug bzla/_mkha' 'gro gsang ba ye shes kyi bsnyen pa ni/_/lte ba'i gsang ba ye shes a thung shad kyi rnam par gyur pa'i drod kyis rtsa nang gi byang sems zhu ba spyi bor song ba thig ler gyur pa la lte ba'i a shad la me 'bar ba'i me lce phog pas smin mtshams kyi thad du 'bar 'dzag la sems gtad/_rim gyis byang sems kyi me mnan te mgrin snying lte ba'i bar du 'bar 'dzag byas pas bde stong gi ngang nas hrIHma ha ri ni sa ra tsa hri ya tsit+ta hrIM hrIM dzaH_yi dam khro bo rta mgrin gyi bsnyen pa ni/_gsang gnas rta mgrin gyis rta skad drag po theng gsum bsgrags sku las 'bar ba'i mes rang lus gang*/_nad gdon sdig sgrib thams cad bsregs/_me dpung lus kyi phyir 'phros pas 'jig rten mes bkang gnod byed bar gcod thams cad bsregs par bsam la/_hrIHbadz+ra kro d+ha h+ya gr-I wa hU~M phaT/_zhes bzla thun mthar dbyangs gsal rten snying bzlas pas lhag chad kha bskang zhing byin nus brtan par bya/_mchod bstod mdor bsdus yig brgya bzla/_gsum pa rjes kyi las rim la brgyad las/_dang po tshogs mchod ni/_thabs shes kyi rdzas la chu chang gis bran la/_oM sarba dra bya~M sa~M sho d+ha ni hU~M phaT/_ra~M ya~M kha~M gis bsang sbyang*/_stong pa'i ngang las tshogs gzhong b+han+d+ha 'bar bar tshogs rdzas ye shes kyi bdud rtsi 'dod yon gyi sprin 'phro bar gyur/_oM AHhU~M hrIHsa byin gyis brlabs/_hrIH_/rang bzhin rnam dag gzhal yas nas/_/thugs rje chen po spyan ras gzigs/_/rtsa gsum rgya mtsho'i tshogs dang bcas/_/tshogs la spyan 'dren gshegs su gsol/_/oM Ar+Ya lo ke shwa ra gu ru d+he wa d+hA ki ni sa pa ri wA ra e h+ye his spyan drangs/_de nas tshogs phud rim pa gsum spros pa'i dang po phud mchod pa ni/_/gzugs sgra dri ro reg bya chos/_/kun tu bzang po'i mchod pa'i sprin/_/nam mkha' mdzod kyi sgo phye ste/_/'bul gyi bzhes la dngos grub stsol/_/Ar+Ya lo ke shwa ra gu ru d+he wa d+hA ki ni ga Na tsakra pU dza khA hi/_bar pa bshags pa ni/_/ma rig las dang nyon mongs kyis/_/rtsa ba yan lag dam tshig gi_/nongs par gyur pa'i nyes pa kun/_/gnong 'gyod sems kyis mthol zhing bshags/_/yi ge brgya pa brjod/_tha ma bsgral bstab ni/_rang nyid dbang chen khro bo'i skur gyur/_e nr-i tri dzaHhU~M baM hoH_sku stod dbang chen khros pa'i gzugs/_/sku smad gnam lcags phur bu'i dbal/_/dgra bgegs log 'dren dam sri yi/_/snying la btab bo mA ra ya/_/sha khrag rus phung rdul du rlog_/oM badz+ra kro d+ha h+ya gr-I wa gnod byed dgra bgegs sha trUM mA ra ya rbad/_zhes bsgral ba/_oM Ar+Ya lo ke shwa ra gu ru d+he wa DA ki ni sa pa ri wA ra ma hA mAM sa rak+ta keM ni ri ti khA his dbul/_spro na skabs 'dir rtsa gsum spyi bskang sogs ji ltar rigs pa btang*/_tshogs rdzas rnams nang gi sbyin sreg tshul du rol/_rtsa gsum 'dus pa'i dkyil 'khor du/_/tshogs kyi 'khor lo'i mchod pa yis/_/bdag gzhan 'gro ba ma lus pa/_/dkyil 'khor gcig tu 'grub par shog_/ces smon lam gdab/_lhag ma rnams bsdus te/_pany+tsa a mr-i ta ha ho hrIH_lhag ma'i dam tshig 'dod yon gyi phung po zad mi shes pa nam mkha' gang bar gyur/_e a ral+li hrIM hrIM pheM pheM gyis lhag mgron spyan drangs/_hrIH_thugs rje chen po'i bka' 'khor na/_/dam pa'i chos kyi srung ma rnams/_/lha chen brgyad dang klu chen brgyad/_/gza' chen brgyad dang gnod sbyin brgyad/_/rgyal chen bzhi dang phyogs skyong bcu/_/rgyu skar nyi shu rtsa brgyad dang*/_/ha ri ka dang pany+dzi ka_/'phrog ma ma bu bcas pa dang*/_/dpal ldan mgon po lcam dral dang*/_/lha dang lha min mi'am ci/_/dri za gnod sbyin 'byung po dang*/_/lha srin sde brgyad thams cad la/_/mchod sbyin gtor ma 'di bsngos pas/_/ci 'dod phun sum tshogs par shog_/ji ltar nus pa'i phrin las mdzod/_ba liM ta pU dza ho/_zhes bsngo/_gnyis pa brtan ma ni/_gtor ma oM AHhU~M gis byin gyis brlabs/_hU~M/_a su ra yi brag phug tu/_/u rgyan pad+ma 'byung gnas kyi/_/spyan sngar khas blang dam bcas pa'i/_/bod yul brtan ma bcu gnyis dang*/_/phyi gter dbang bar khas blang rnams/_/mchod sbyin gtor ma 'di bzhes la/_/bdud dpung thul la zhing bcu sgrol/_/dal kha chings la 'bru phyugs spel/_/dmag dpung choms la mtshon rtse rtul/_/bcol ba'i dam tshig dran par mdzod/_gsum pa dngos grub blang ba ni/_hrIH_skye med chos dbyings pho brang nas/_/thugs rje 'gag med dkyil 'khor lha/_/mnyam nyid dbyings nas skur bzhengs la/_/sku gsum yongs rdzogs dngos grub stsol/_zhes bskul la/_oM Ar+Ya lo ke shwa ra gu ru d+he wa d+hA ki ni sa pa ri wA ra oM AHhU~M ma hA sid+d+hi hU~M/_bzhi pa mchod bstod ni/_oM badz+ra puSh+pe nas shap+ta pU dza ho/_oM ma hA a mr-i ta rak+ta ba liM ta kha raM khA his mchod/_hrIH_dang po byang chub mchog tu thugs bskyed nas/_/smon lam stobs kyis 'gro ba'i don mdzad pa'i/_/mthong thos dran pas sdug bsngal kun las grol/_/'phags pa spyan ras gzigs la phyag 'tshal bstod/_/lnga pa nongs bshags ni/_ma rnyed yongs su sogs dang*/_yig brgyas bshags/_drug pa bsdu ldang ni/_rten yod na/_'dir ni rten dang sogs brtan bzhugs bya/_dam tshig dkyil 'khor/_hrIH_snod bcud ma lus gzhal yas khang la thim/_/de nyid 'khor dang 'khor rnams gtso la thim/_/gtso bo mi dmigs stong pa'i ngang nyid las/_/slar yang 'ja' tshon bzhin du gsal bar gyur/_/bdun pa bsngo smon ni/_dge ba 'di yis mkha' mnyam 'gro kun gyis/_/sgrib gnyis de 'bras ma lus kun byang nas/_/thugs rje chen po'i go 'phang mngon gyur te/_/bdag gzhan don gnyis ma lus 'grub par shog_/brgyad pa shis brjod ni/_/chos sku snang mtha' longs sku 'jig rten dbang*/_/sprul sku pad 'byung rta mchog zhi khro yum/_/rtsa gsum kun 'dus thugs rje chen po yi/_/bkra shis phyogs dus kun tu khyab par shog_/rtsa ba'i gnyis pa dbang dang 'brel na/_mdun stegs su pad+ma 'dab brgyad kyi dbus dang*/_shar lho nub byang gi 'dab mar hrIHlngas mtshan pa dbus su 'od dpag med pa'i sku/_shar du rnam bum dang gu ru'i sku/_/lhor spyan ras gzigs kyi sku dang pad+ma/_nub tu thod chang khar me long sin+d+hU ras bcag par dga' 'khyil bris pa dang phag mo'i sku/_byang du rta mgrin dang be con rnams bkod/_mtha' bskor du sman raka gtor ma nyer spyod kyis bskor/_gzhan yang tshogs dang*/_chad brtan/_srung ma'i gtor 'bul/_dkar bgegs sogs 'du bya/_sgrub pa po'i mdun du 'thor nas/_DA ru rdor dril sogs nyer bsdog bya/_cho ga'i gzhung bsrang ste rtsa gsum so so'i bskyed bzlas bya/_mdun bskyed dbang rdzas bkod pa bzhin rtsa gsum lha lnga so sor bskyed bzlas dgos 'dra/_bum pa'i nang gu ru gsal ba'i sku las byung ba'i bdud rtsi bum chu dang 'dres par bsam/_bdag 'jug gam rig pa'i me tog dor la/_slob ma bos la khrus dang bgegs bskrad srung 'khor sngon du 'gro bas/_lo rgyus kyi khyad par/_de yang 'jig rten gsum gyi mgon po 'phags mchog thugs rje chen po ni/_chos sku'i dus nas gzi brjid 'od dpag med/_longs sku rnam snang gangs can mtsho zhes sku dang zhing khams rgya mtsho'i khyab bdag_/sprul sku spyan ras gzigs dbang phyug rnam 'phrul tshad med pas 'khor ba ma stong gi bar 'gro ba'i don mdzad cing*/_mi mjed kyi zhing 'dir yang skal bzang sangs rgyas stong dang 'khor lo'i bsgyur ba'i rgyal po stong sprul pa sogs rnam thar dang phrin las sangs rgyas rnams kyis kyang gzhal du mi bzod las/_khyad par gangs can sprel tsha srin mo'i rigs kyi 'gro la thugs rje'i lhag par gzigs te chos rgyal srong btsan sgam po'i rdzu 'phrul gyi bkod pa bsam mi khyab pas sangs rgyas dngos su nges pa'i rten gsum bzhugs pa'i gtsug lag khang brgya dang rtsa brgyad kyis sa gnad mnan/_mdo rgyud kyi chos bsgyur/_dge bcu'i khrims bcas/_skal ldan rnams la thugs rje chen po'i chos kyi grol bar mdzad pa las/_skabs su bab pa 'di yang 'phags mchog mig mi 'dzum nyid ngur smrig gar gyis rol pa'i gangs can skyob pa'i tshul du byon pa thams cad mkhyen gzigs ngag dbang blo bzang rgya mtsho la dag pa ye shes kyi snang cha rgya can nyi shu rtsa lngar grags pa'i chos skor bzhugs pa las thugs rje chen po rtsa gsum 'dus pa'i dbang bskur zhu ba'i ched du maN+Dal phul/_slob dpon thugs rje chen po rtsa gsum 'dus pa dngos su gsal bas gsol ba 'debs pa 'di'i rjes zlos mdzod/_rdo rje slob dpon dgongs su gsol/_/rtsa ba gsum gyi lha tshogs kyi/_/sku gsung thugs dang yon tan dang*/_/phrin las lnga yi byin rlabs stsol/_/lan gsum/_mdun gyi nam mkhar bla ma dang thugs rje chen po rtsa gsum kun 'dus kyi rnam par bzhugs pa'i spyan sngar 'di nas snying po byang chub la mchis kyi bar skyabs su 'gro snyam pas 'di'i rjes zlos mdzod/_thugs rje'i dbang gis sogs lan gsum/_mkha' mnyam gyi sems can sdug bsngal rgyu 'bras la spyod pa rnams kyi nyes ltung dri ma'i tshogs bshags shing byang chub mchog gi go 'phang la 'god par bya/_de'i ched du sems bskyed par bgyi'o snyam pas 'di'i rjes zlos mdzod/_sngon nas bsags pa'i sogs lan gsum/_gsang sngags kyi dbang gis smin par bya ba la dbang srog rgyud la 'dzin pa dam tshig rnam par dag dgos pas de nyid srung bar nus sam zhes dri ba ni/_rtsa ba yan lag dam tshig rnams/_/khyod kyis legs par srung nus sam/_/zhes dris pa la lan gsol ba 'debs pa 'di'i rjes zlos mdzod/_ji ltar bsgo ba'i dam tshig rnams/_/srog la bab kyang bsrung bar bya/_zhes lan gsum zhu/_dam tshig las mi 'da' bar khas blangs ba'i dpang por mna' chu blud cing rdo rje mgor bzhag ste/_snod min la gsang bar gdams pa ni/_mchog tu gsang chen dam pa 'di/_theg mchog rigs dang mi ldan pa'i/_/snod min rnams la gsang bya zhing*/_/rtag tu dam tshig thub par srungs/_sa ma ya na ra kan/_dbang gi gzhi 'god pa ye shes dbab pa'i ched du dmigs pa 'di ltar gsal thob mdzod/_las bum gyi chus bsang*/_shU n+ya tas sngags kyis stong par sbyang*/_snod bcud rgyud gsum gyi ma dag bag chag thams cad stong par sbyangs/_stong pa'i ngang las rang sems hrIHyig dkar po yongs su gyur pa las thugs rje chen po 'jig rten dbang phyug sku mdog dkar gsal gangs ri la nyi ma shar ba ltar dkar ba/_nor bu chu shel ltar dwangs ba/_zhi zhing 'dzum pa'i nyams ldan/_zhi ba'i spyan gnyis 'dzum pas 'gro ba kun la lhag par gzigs pa/_dbu skra ral pa'i thor tshugs su bcings pa'i rtse mor nor bus mtshan pa/_/lhag ma sku rgyab nas thur du 'phyang ba/_phyag g.yas mchog sbyin gyi phyag rgya pus mo'i steng du 'phyang zhing*/_g.yon pa sta zur g.yon ngos dkur bsten pa/_rin po che'i rgyan chas bcu gsum dang*/_dar gyi chas gos lngas brgyan pa/_zhabs gnyis mnyam pa'i stabs kyis pad+ma dang zla ba'i gdan la bzhengs pa/_sku las dri ma med pa'i 'od zer mu mtha' med pa 'phro ba'i gnas gsum gyi yi ge dang*/_slob dpon la mos gus drag tu bskyed pa'i rkyen gyis ri bo po tA la sogs phyogs bcu'i dag pa'i zhing rab 'byams nas rtsa gsum rgyal ba rgya mtsho'i tshogs dang bcas pa bu yug 'tshubs pa ltar byon nas khyed rang la sib sib thim pas gnyis med du gyur pa'i mos pa mdzod/_byin 'bebs kyi spos dang*/_DA dril dbyangs dang bcas ste/_'phags mchog thugs rje sogs/_rtsa gsum gyi sngags mthar/_dz+nyA na a be sha ya a aH_btags pas byin dbab/_tiSh+Tha badz+ras brtan par bya/_de nas dngos gzhi'i dbang la sku gsung thugs yon tan phrin las kyi dbang lnga las/_sku bum pa'i dbang zhu ba'i ched du gsol ba gdab pa 'di yi rjes zlos mdzod/_ho/_snang ba mtha' yas sku yi dbang*/_de ring bdag la bstsal du gsol/_zhes gsol ba btab pas gtso bo las rang 'dra gnyis pa spros te dpral bar thim par mos shig_/snang mtha'i sku spyi bor bzhag ste/_'khor 'das kun gyi tshe dang bcud/_/'chi ba med pa'i bdud rtsi yis/_/lus gang sku yis byin gyis rlobs/_bum pa'i dbang bskur thob par shog_/oM na mo b+ha ga wa te/_a pa ri mi ta A yur+dz+nyA na su bi nish+tsi te dzo rA dza ya/_ta thA ga ta ya/_ar+ha te samyak+saM bud+d+ha ya/_tad+ya thA/_oM puN+ye puN+ye ma hA puN+ye/_a pa ri mi ta puN+ye/_a pa ri mi ta puN+ya dz+nyA na saM b+ha ro pa tsi te/_oM sarba saM skA ra pa ri shud+d+ha d+harmA te ga ga na sa mutag te swa b+hA wa bi shud+d+he ma hA na ya pa ri wA re swA hA/_oM a mA ra Ni dzI ban+ti ye swA hA/_'chi med 'od mtshan stong 'bar gyi sku las byung ba'i 'chi med ye shes kyi bdud rtsis lus gang*/_sku skye 'chi med pas bum pa'i dbang thob/_lus 'pho 'jig gi sgrib pa dag_/snang stong lha sku bsgom pa la dbang*/_sprul sku'i go 'phang thob pa'i skal pa rgyud la bzhag pa'o/__/bum pa dang gu ru'i sku tsaka mgrin par bzhag ste/_thod phreng yab yum snyoms zhugs pa'i/_/byang sems bde ba chen po'i chus/_/mgrin pa'i 'khor lo yongs gang bas/_/gsang ba'i dbang bskur thob par shog_/oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M aH_wAka? a b+hi Shiny+tsa a/_bum chu myangs bas rtsa thams cad bdud rtsis gang*/_gsung gsang ba'i dbang thob/_ngag 'pho bcas kyi sgrib pa dag_/grags stong rdo rje'i bzlas brjod bya bar dbang*/_'bras bu longs sku'i go 'phang gi skal pa rgyud la bzhag go_/de dang rjes 'brel bzlas pa'i lung sbyin pa la dmigs pa 'di ltar mdzod/_gtso bo thugs rje chen po'i spyi bor 'od dpag med/_mgrin par gu ru yab yum/_thugs kar spyan ras gzigs/_lte bar gsang ba ye shes/_gsang gnas rta mgrin rnams gsal ba'i lha so so'i thugs ka'i sa bon las rang rang gi sngags phreng phyung*/_zhal nas thon/_slob ma'i zhal nas byung*/_lus kyi gnas lnga'i lha yi zhal brgyud thugs srog sa bon la thim pas dngos grub thams cad thob par bsam la/_sngags so so'i rjes zlos lan gsum mdzod/_oM a mA ra Ni dzI ban+ti ye swA hA/_oM AHhU~M badz+ra gu ru pad+ma sid+d+hi hU~M/_oM ma Ni pad+me hU~M/_hrIHma ha ri ni sa ra tsa hri ya tsit+ta hrIM hrIM dzaH_hrI badz+ra kro d+ha h+ya gr-I wa hU~M phaT/_dbyangs gsal rten snying yig brgya bzlas te/_'phags pa 'jig rten dbang phyug gi phyag mtshan snying gar gtugs te/_/gsang ba ye shes DA ki dang*/_/bu khyod thugs rje chen po ru/_/gsal bar snyoms 'jug dga' ba bzhis/_/shes rab ye shes dbang thob shog_/oM ma Ni pad+me hU~M/_lo ke shwa ra tsit+ta a b+hi Shiny+tsa hU~M/_des thugs shes rab ye shes kyi dbang thob/_yid thig le'i sgrib pa dag_/bde gsal mi rtog pa'i ting 'dzin bsgom pa la dbang*/_'bras bu chos sku'i go 'phang gi skal ba rgyud la bzhag go_/mkha' 'gro'i sku dang thod pa me long rnams lte bar bzhag_/bdud rtsi sbyin/_sin+d+hU ra lte bar byug la/_lte bar rnal 'byor ma'i ngo bo a shad las me 'bar/_spyi bo'i haM la reg pas byang sems bdud rtsi'i rgyun byung*/_lus kyi gnas bzhir bab pas dga' bzhi'i nyams skyes pa'i dpe yi ye shes kyis drangs pa'i ngo bo la bltas pas ka dag zung 'jug gi don gyi ye shes ngo sprad de/_/mkha' 'gro'i rdzas kyi rten 'brel gyis/_/lte ba'i gtum mo me 'bar bas/_/bde ba'i rang bzhin stong pa'i dbyings/_/spros bral bzhi pa'i dbang thob shog_/hrIHma ha ri ni sa ra tsa hri ya tsit+ta hrIM hrIM dzaH_gu Na a b+hi Shiny+tsa swA/_des yon tan gyi dbang thob/_/sgo gsum cha snyoms kyi sgrib pa dag_/zung 'jug gi rnal 'byor bsgom pa la dbang*/_'bras bu chos sku'i go 'phang gi skal pa rgyud la bzhag go_/rta mgrin gyi sku dang phyag mtshan gsang bar bzhag ste/_rta skad sgra dbyangs srid gsum khyab/_/ye shes me yis bgegs dpung bsregs/_/dbang drag zhi rgyas la sogs pa'i/_/phrin las 'grub pa'i dbang thob shog_/hrIHbadz+ra kro d+ha h+ya gr-I wa hU~M phaT/_karma a b+hi Shiny+tsa hA/_des rtag khyab phrin las kyi dbang thob/_tha mal bya byed kyi sgrib pa dag_/gzhan don phrin las bzhi sgrub pa la dbang*/_'bras bu ngo bo nyid sku 'grub pa'i skal pa rgyud la bzhag go_/rjes dam tshig khas blang*/_maN+Dal/_lus 'bul/_dge bsngo bcas mthar dbyung bas grub pa'o/__/sbyang bya 'pho 'gyura~M dang bcas sgo gsum sgrib/_/sbyong byed mi zad rgyan 'khor lnga yi mthus/_/thogs meda~M dbang bzhi thega~M mcho~Mg bstana~M pa~M yi/_/sbyangs 'bras sku bzhi'i rgyala~M mtsha~Mn sbyin gyur cig_/thugs rje chen po rtsa gsum 'dus pa'i phrin las dbang gi le'u tshan no//_//
