DKR-KABUM-01-KA-002-wylie

🚧 This website is under continued development. We appreciate your patience!

<div class="wylie-content"

mkhas shing dngos grub brnyes pa'i rdo rje'i rig pa 'dzin dbang 'gyur med pad+ma rnam rgyal dpal bzang po slob brgyud dang bcas pa'i rnam thar nyung ngur brjod pa ngo mtshar zla ba bdud rtsi'i 'dzum phreng zhes bya ba bzhugs so// 'pho 'gyura~M mtshan meda~M shin tu zhi ba dang po'i sangs rgyas kun tu bzang*/_/sku dang ye shes yon tan rmad byung pa~Md+ma~M ltar mdzes rdo rje sems/_/srid las rnama~M rgyala~M zhi ba'i mtha' sgrol thugs rje'i sprul bsgyur rigs kun bdag_/rdo rje'i ye shes mngon sum stsol mdzad dpal ldan bla ma rgyal gyur cig_/mchog gi rnam thar kun bzang spyod pa 'phags pa'i blos kyang dpog min mod/_/dad dang mos gus lhag pa'i sems kyis sgro skur spangs pa'i gzur gnas ngag_/bzang po'i gser bzhin 'di na bkod 'dis bstan 'gro'i dpal gyi rgyan gyur nas/_/bdag kyang skye kun bla ma'i zhabs tog mnyes pa gsum gyis bsgrub gyur cig_/de la spyir rnam thar zhes pa'i sgra don ni mok+Sha zhes pa'i sgra las drangs na/_nye bsgyur ni sngon ma'i mu cor grol ba la'o zhes pa'i byings don 'khor ba dang ngan song las grol ba lta bu dang*/_me tog rgya grol nas kha bye zhing rgyas pa lta bu la 'jug pas/_'dir phyi ma'i dbang du byas te pad+ma rnam par rgyas pa ltar lo rgyus gsal bar mtshon pa'i don to/_/gzhan du thun mong ma yin pa'i sgra don/_thar pa'i rnam pa ste thar pa'i 'dra 'bag ces brjod de/_bla ma skyes bu dam pa khyad par can gyi rtogs pa brjod pa'i dbu zhabs kyi don mdor bsdu na/_tshogs lam nas bzung lam lnga yongs su rdzogs pa'i brjod bya rjod byed dang sbyar du yod pas na gdams ngag rnam thar gyi sgo nas ston pa zhes gsungs pa ltar bdag cag gi rnam 'dren dpal ldan bla ma dam pa de nyid kyi rnam thar snying po sgro skur dang bral bar rang gzhan dad pa'i gsos sman dang*/_snga 'gyur rgyal bstan rin po che'i mdzes rgyan du bri ba la/_spyir sangs rgyas thams cad mnyam pa nyid gsum gyi chos dbyings zab mo'i klong du dgongs pa tha dad du ma mchis kyang*/_slob pa lam gyi thugs bskyed dang smon lam gyi khyad par dang gdul bya dang 'dul byed kyi rten 'brel las rnam thar dang mdzad pa'i bkod pa sna tshogs pa 'ja' tshon dang chu zla bzhin gcig tu ma nges pas phyogs dus sems can gyi don mdzad pa'i cha shas re re'ang bsam gyis mi khyab par ston pa bzhin/_sku gsum zhing khams rgya mtsho'i bye brag bskal bzang sangs rgyas stong gi gdul zhing stong gsum mi mjed kyi cha shas 'dzam bu'i gling gi byang phyogs bod gangs can gyi bstan pa rgya mtsho'i phyi mo/_gsang sngags snga 'gyur gyi bstan pa'i 'byung gnas stod du rdor smin gnyis bar du zhe rdzogs gnyis smad du kaHdpal gnyis zhes grags pa'i bye brag gsang sngags rnying ma ba'i gdan sa che dgu'i ya gyal zhe chen bstan gnyis dar rgyas gling zhes snga 'gyur bka' gter chos kyi rgya mtsho chen po 'dzin skyong spel gsum gyi phyag rjes bkra shis kyi re khA ches cher bkra bar rdzogs chen rab 'byams mchog gi sprul pa'i sku dang rgyal tshab sprul sku rnam pa gnyis su byon pa las phyi ma'i rnam thar cung zad 'god pa la/_sku phreng dang po pad+ma gsang sngags bstan 'dzin chos rgyal ni/_'phags yul grub pa'i slob dpon chen po pra b+ha hasti/_gnubs ston nam mkha'i snying po/_bla chen dgongs pa rab gsal/_lang lab byang chub rdo rje/_rje btsun tA ra nA tha/_rig 'dzin gter bdag gling pa sogs kyi ye shes gcig tu bsdus pa'i rnam 'phrul du lung gis zin cing*/_sku'i skye ba gong ma a mja' bla ma grub dbang pad+ma rgyal mtshan zhes mdo khams lho rgyud du 'khrungs/_dgung lo bcu gsum pa'i thog chos bros la byon te tshe rabs nas 'brel ba'i bla ma rab 'byams bstan pa'i rgyal mtshan gyi zhabs pad mnyes pa gsum gyis bsten nas mtshan pad+ma rgyal mtshan du gsol nas lo dgu'i bar 'bral med du 'grogs shing gdams ngag gi zhun mthar bcad/_rje rab 'byams pa gshegs rjes/_rdor smin du byon nas smin grol mang du gsan mthar/_khong rang dgung grangs nyer drug nas brtsams skabs gseng phran bu ma gtogs sgrub pa nyams len kho na la gtso bor bton pas/_khyon dril lo mtshams zhe bdun song*/_bar skabs rnams su rje rab 'byams pa'i yang srid khri 'don dang phyis chos grwa chen po 'di nyid bzhengs pa'i skabs sogs su zhabs tog phul du byung bar mdzad pas chos sde 'di nyid tshugs pa'i bdag rkyen thun min grub dbang 'di dang*/_rwa lo rdo rje grags pa'i rnam 'phrul sib rdzogs chen bla ma o rgyan bsam gtan sku phreng gong 'og yin par rab 'byams gnyis pa'i rnam thar du gsal/_bla ma dang lhag pa'i lhas rjes su bzung bas mi min 'byung pos dam la nyan/_dbu ral gyis mtshon cha bsrung ba sogs grub pa'i rtags mtshan mngon du brnyes/_rdzogs chen snang bzhi'i nyams bzhes mthar phyin nas dgung grangs don lnga la sku gshegs skabs sa g.yo ba sogs skyes bu dam pa sa nas sar 'phar ba'i lam rtags ya mtshan pa dang*/_sku gdung zhugs la phul bar dbu thod ma nyams par badz+ra gu ru rang byon gsal dag dang*/_thugs zhun thigs lcags gcod dbang mdog tu 'gril ba sogs rdo rje 'dzin pa mchog gi che yon rdzogs pa des/_sngar rang nyid zhal bzhugs dus nas lung bstan pa bzhin du/_mnga' bdag chos kyi rgyal po'i gdung brgyud cig khams su 'phos par grags shing sprul pa'i gter chen yon dge gter smyon mi 'gyur rdo rje sogs mkhas grub kyi skyes chen du ma byon pa'i dpon rgyud rigs rus cho 'brang phun sum tshogs par lcags 'brug hor zla dang po'i tshes gcig la rigs zhang se bo sngags pa nyi ma thag brtod kyi khyim du ngo mtshar ba'i ltas dang bcas te 'khrungs/_zla ngo mthong tsam nas nga bla ma pad rgyal yin yang yang gsungs pa dang*/_rab 'byams sku phreng gnyis pa dang*/_si tu kun mkhyen d+harma ka ra sogs kyis lung bstan pa bzhin grub dbang pad+ma rgyal mtshan gyi rje dbon sangs rgyas rab brtan sogs kyis gong ma'i gdan sa gshang nag ri khrod du spyan drangs/_dgung grangs bdun par rje zhe chen pa chen por gtsug phud phul bas mtshan kun bzang bstan pa rab rgyas su gsol/_sib sprul pad+ma dbang rgyal gyis gtsug phud bzhes nas mtshan pad+ma gsang sngags bstan 'dzin du gsol/_dgung grangs bdun pa'i thog nas zhe chen du byon nas rab 'byams gnyis pa'i zhabs pad bsten/_mdzod chen bdun/_ngal gso skor gsum/_rata gling chos skor/_smin gling zab gter skor/_bde gshegs kun 'dus kyi dbang khrid/_rje rang gi bka' 'bum gyi ljags lung sogs smin rgyas su gsan nas bla slob skye ba du mar 'brel ba dang sku tshe 'dir yang don brgyud kyi rgyal sa 'dzin pa'i rten 'byung la dgongs pas dgyes pa'i dbugs dbyung bcas zab rgyas kyi gdams pa rgya mtsho lta bus rjes su bzung*/_lhag par phur pa yang gsang spu gri'i sgrol dbang gi skabs su bla ma rdo rje gzhon nu'i skur mngon sum du gzigs shing rang nyid lang lab byang chub rdo rje yin pa'i thugs shes gsal por 'khrungs/_gzhan yang dus snga phyi ci rigs par gnubs nam snying*/_bla chen dgongs pa rab gsal/_jo nang rje btsun/_smin gling gter chen sogs ngos zin pa dang mi zin pa'i rgyal po/_rab byung*/_sngags 'chang*/_gter ston/_khyim pa bud med/_rnal 'byor ma sogs sku skye snga ma'i bag chags mang po sad pa'i rkyen gyis mkhyen rtogs klong rdol/_dgung lo brgyad pa'i thog dag pa'i snang bar gu ru rin po che mjal zhing gsol ba btab pas gu ru'i thugs ka nas 'ja' 'od sna lnga'i zer thag 'phros pa sku la phog pa'i rkyen gyis gu ru'i sku dang dbyer med du 'dres nas rig pa gtad med du song ste thugs rgyud kyi byin rlabs 'phos pa sogs dag pa'i gzigs snang mtha' yas pa shar/_dgung grangs bcu pa'i mjug thog rje rab 'byams pas sku gsung thugs kyi byin rlabs 'pho ba'i dbang bskur dang bcas te don gyi bstan pa gtad nas rgyal tshab tu mnga' gsol te sprul pa bsdus pas/_bcu gcig nas gzhan don gyi phrin las bskyangs/_rdor brag zhabs drung pad+ma skal bzang dbang phyug nas dag snang pad+ma drag po'i chos bdag dang nam snying sprul par dbugs dbyung*/_mtshan pad+ma gsang sngags bstan 'dzin chos rgyal du gsol zhing bstan 'gro'i don chen 'grub par lung bstan/_kaHthog rmog grub nam mkha' chos dbang nas dag snang mkha' 'gro bka' brgyad kyi chos bdag dang slob dpon pra b+ha hasti'i rnam 'phrul du ngos bzung nas ke stod 'gying ba brag dkar du tshe gcig sgrub la gzhol na zag zad 'od skur grol bar lung bstan/_gzhan yang smin gling du phebs nas mkhan chen o rgyan bstan 'dzin rdo rje/_khri chen phrin las rnam rgyal/_dpal ri sprul sku pad+ma chos 'byor rgya mtsho/_kong po gter chen sogs dam pa rnams kyis bslu med rdo rje'i lung gis mgrin gcig tu bsngags/_snga phyi ci rigs par gong smos kyi dam pa de rnams dang*/_mkhan chen o Ti yA na/_gtsang grub chen pad+ma bshes gnyen/_lcags zam bstan 'dzin ye shes lhun grub/_rdzogs sprul nges don bstan bzang*/_kaHthog dri med zhing skyong*/_paN chen tshe dbang mchog grub/_kun bzang nges don dbang po/_rje dbon pad+ma kun grol/_'dren mchog rig 'dzin bzang po/_phu khung pad+ma rin chen/_grub dbang 'jigs med phrin las 'od zer/_'bar chung 'jigs med go cha sku mched sogs dang*/_si tu kun mkhyen d+harmA ka ra/_zhwa lu mkhan chen kun dga' mkhyen rab/_ra nyag grub chen blo bzang mthu stobs sogs grub mtha' ris med khams bod kyi skyes chen lnga bcu tsam gyi zhabs pad bsten nas/_zab rgyas kyi gdams pa mtha' yas pa gsan cing thugs nyams su bstar bas snang spyod thams cad dag pa ye shes kyi 'khor lor 'byams klas pas gzung 'dzin gyi mtshan ma dbyings su dag_/mnyam bzhag 'od gsal rnam par mi rtog pa'i ngang nas rjes thob gang shar rang grol mnyam yangs khyab gdal gyi dgongs pa rang byung rang bzhengs su 'khrungs pa las mnyam rjes res 'jog gi shun pa bud nas ris med 'od gsal 'khor yug gi ting nge 'dzin la rang dbang 'byor te/_grub chen sa ra ha/_o rgyan chen po/_chos rgyal srong btsan/_ye shes mtsho rgyal/_lha lung dpal rdor/_lho brag mar pa/_tshar chen blo gsal rgya mtsho/_smin gling gter chen yab sras/_rje btsun bla ma 'gyur med kun bzang rnam rgyal sogs rgya bod grub brnyes rig 'dzin du mas dag pa ye shes kyi skus dbang bskur byin gyis brlabs shing rjes su gdams pa'ang gnang*/_che mchog he ru kaH_rdo rje phur pa sogs yi dam gyi lha dang*/_sangs rgyas byang sems mang po'i zhal gzigs/_ma mo mkha' 'gro thams cad dbang du bsdus/_rdo rje chos skyong rnams kyis las kyi stangs phul/_dkar phyogs kyi lha klu gzhi bdag thams cad bran du khol/_nag phyogs kyi mi dang mi ma yin pa rnams tshar bcad pa sogs las gang brtsams thogs med du 'grub pa'i mngon rtags kun gyi mthun snang du grub pa sogs kyis dus mnyam gyi che dgu phal cher gyis zhabs la gtugs pas sku bsod dang snyan grags rgyas/_chos sde 'di'i 'du khang dang mgon khang tsam ma gtogs gtsug lag khang rten dang brten par bcas pa gsar du bskrun/_'og min gnyis pa o rgyan smin grol gling gi phyag bzhes ji lta ba bzhin du spros bcas tshes bcu chen mo gtso bor gyur pa'i zla ba dang por chos dbang thugs rje chen po yang snying 'dus pa'i sgrub chen mkhan chen o DI yA na'i sgrub khog ltar dang*/_sa ga zla bar bka' brgyad bde 'dus kyi sgrub chen/_lo mjug 'jam dpal gshin rje dregs 'joms dang*/_bka' brgyad khro rol gyi gtor bzlog bcas/_zla ba lnga par chos dbang bla ma gsang 'dus kyi spros bcas tshes bcu chen mo bcas dus mchod chen po lnga rjes 'brel dang bcas pa 'og min o rgyan smin grol gling gi phyag bzhes ji bzhin pa'i rgyun 'dzugs thog spros bcas kyi yo byad sogs gang dgos khyad thon dang*/_nyer mkho'i sgrub dkyil khrid yig sogs cha tshang spar du bsgrubs/_zhe chen byang 'dren 'gyur med don grub kyis dbyangs yig nag 'gros dang thugs sras dbang chen 'bum gyis sgrub yig phyag bzhes kyi ma deb gsar bkod phyis 'jam mgon rnam pa gnyis kyis kyang khungs btsun pa'i mchog tu thugs rton zhing bsngags brjod mdzad/_sgrub sde bde chen pad+ma 'od gling gsar du btab nas spong ba bsam gtan pa bcu gsum rgyun 'jog dang*/_gzhan yang*/_sib dgon gsang chen bkra shis chos gling*/_gshang nag rig 'dzin mkha' spyod gling*/_phug dgon chos 'khor bde chen lhun po/_sgo me deng skya dgon gsang sngags gling*/_'ju mo hor gsang sngags bshad sgrub gling*/_nyag gzur ba lha 'bum dgon gsang sngags chos gling rnams su gtsug lag khang gsar bzhengs/_rnying pa zhig gsos mchod thebs rten gsum bstsal ba sogs mtha' yas/_lcags khyi lor gu ru rin po ches zhal gzigs nas lung byang bstsal ba/_/pad+mas byin rlabs bdud 'joms rol pa rtsal/_/khyod ni tshe sngon nam mkha'i snying po'o/__/bdag ni sna tshogs skur ston pad+ma 'byung*/_/khyod la rtag tu byin gyis brlab phyir 'ong*/_/khyod kyi sems nyid yid bzhin nor bu de/_/rang ngo shes na nga nyid logs su med/_/ces sogs kha byang lung bstan bstsal ba ltar ke stod 'gying ba brag dkar gnas zhal phyes/_shing glang lor dag snang kha byang phebs pa bzhin gnas mchog seng+ge gnam rdzong gnas sgo 'byed par mdzad pas mtshon zab gter gyi kha byang lung bstan snga rjes mang tsam byung yang snyigs dus kyi skye bo'i sgro skur dang bstan pa'i mig rkyen sogs la dgongs nas ched gnyer ma mdzad/_rab 'byams gsum pa rig 'dzin dpal 'byor rgya mtsho dang*/_rgyal tshab rin po che rnam pa gnyis 'dul ba'i kun spyod shin tu gtsang bas gzhis byes gang du phebs kyang rgyud chags gsum pa rgyun gsung dang*/_gso sbyong yar mar gnyis ma chags par ston 'khor thams cad kyis gnang bar mdzad/_lhag par bstan rgyun la dgongs pa'i 'chad spel spyi dang*/_bye brag yang gsang rdzogs pa chen po sde gsum snying po'i chos 'khor rgya cher bskor zhing*/_de dag kyang gang zag so so'i blo rim dang 'tshams pa myong khrid rgyud la ci smin la gtso bor mdzad pas zhal slob kyang*/_paN chen 'gyur med mthu stobs rnam rgyal dang*/_kun spang grub chen shes rab yar 'phel te zla bral gyi paN grub rnam gnyis dang*/_gzhan yang*/_rnam 'dren rdzogs chen bzhi pa/_rab 'byams sku 'phreng gong 'og_/kaHthog zhing skyong dang rmog tsha'i yang sprul/_dge phyag rnam gnyis/_nyi sprul gsum pa/_rdo grub chen rin po che/_grub dbang 'jigs med go cha/_gling rje drung rin po che/_ra nyag grub chen/_sku zhabs ye shes rdo rje/_mgo tsha mchog sprul/_gong gsal dgon lag rnams kyi bla sprul dam pa rnams kyis gtsos bstan 'dzin gyi skyes chen bzang la mang ba dang*/_bye brag snying po'i sgrub pa lhur len pa'i spong ba pa sku tshe ril por sgrub pa'i rgyal mtshan bsten pa grub chen 'gyur med bstan 'phel dang*/_'gyur med mtha' yas/_slob dpon hU~M ka ra'i rnam 'phrul du lung gis zin cing rig pa tshad phebs kyi rtags tshad mthar phyin pa mkhas grub 'gyur med bstan 'dzin grags pa/_nyang gi rta nag dang smin gling rdor sems bde gshegs kun 'dus gar tshe 'od dpag med bcas kyi bsnyen pa dung phyur re them zhing dpal rta mgrin gyi zhal dngos su mthong zhing rta skad 'tsher ba sgrub grwa der bzhugs pa kun gyis thos pa grub chen kun bzang ngag dbang*/_chos dbang yang 'dus kyi snying po yig drug dung phyur bco lnga 'grub cing*/_'phags pa spyan ras gzigs kyi zhal bstan pa'i bla ma bsam gtan/_bla ma'i zhabs pad mnyes pa gsum gyis bsnyen cing skye 'chi la rang dbang thob pa bla ma dbang chen 'bum/_nyams rtogs mthar phyin pa'i sngags rams pa kun bzang gsang sngags sogs bar do gsum gang rung du grol ba'i gdeng tshad mngon du brnyes pa'i yang dben gyi grub chen bcu gsum gyis mtshon rtogs pa don brgyud kyi rgyal sa zin nges kyi bu slob ches mang zhing*/_tha na dam pa 'di nyid las sgom khrid sna re thob pa'i grwa rgan dkyus ma rnams kyang 'da' ka bla ma'i snang ba 'char ba dang 'da' tshad zin pa sogs rtags ya mtshan brgyud mar 'ong ba thos so/__/de'i yang srid gnyis pa o rgyan rang byung rdo rje tshe dbang grub pa rtsal ni/_zil khrom gangs kyi ra ba'i byang phyogs stag mdzes mtsho khar khyim bdag dkyus ma zhig tu sku 'khrungs pa/_rdor smin sogs dam pa du ma'i lung gis zin pa ltar gong ma'i chos khrir mnga' gsol/_chung ngu nas sngon gnas rjes dran sogs dam pa'i rnam thar sgrib med du gsal/_dbon sprul thugs rje'i gter chen dang*/_rdzogs chen bzhi pa/_smin gling khri chen yid bzhin dbang rgyal/_'jigs med rgyal ba'i myu gu/_lha 'brang dpal ldan chos rgyal sogs dam pa du ma bsten nas gsan bsam gyi sgro 'dogs bcad/_sgom sgrub kyis nyams su blangs pas gnas lugs kyi rtogs pa 'khrungs/_lhag pa'i lha rab 'byams kyis zhal bstan cing rjes su bzung*/_bar srid kyi rnam shes dang lha 'dre'i spyod tshul sogs lkog gyur gyi chos rnams sgrib med du gzigs/_nus mthus mi dang mi ma yin gdug pa can rnams tshar bcad/_lha ldan phyogs su 'brum pa nag po'i nad kyang dkar por sgyur ba sogs grub pa'i spyod pa'ang ci rigs mdzad/_rang dgon ma lag rnams 'dzin skyong spel gsum dang nyams pa gso ba/_chos rje rab 'byams gsum pa gong ma'i seng khrir mnga' gsol ba sogs bshad sgrub las gsum gyi phrin las mthar phyin to/_/yang chos rje rgyal tshab pa'i zhal slob gtso bo gong gsal grub chen shes rab yar 'phel ni/_sku chung ngu nas dad pa dang nges 'byung dang snying rje dang shes rab sogs theg pa chen po'i rigs khams yongs su brtas/_bai ro'i thugs sprul rong ston lcags sna can nam pad+ma bde chen gling pa'i sngon rabs gsal por dran/_dgung grangs bcu dgu pa'i thog nas yig drug dung phyur thems pas 'phags pa spyan ras gzigs kyis zhal bstan zhing tshe rabs nas 'brel ba'i bla ma dang sgrub gnas sogs lung bstan pa bzhin/_nyer tham nas pha yul rgyab tu bor nas dbus gtsang gi gnas skor dang sbrags rgyal tshab bstan 'dzin chos rgyal gyi zhabs pad bsnyen nas las ci la thug kyang ri las mi 'bab pa dang*/_bla ma'i gzim spyil dang chos ra ma gtogs gzhan gyi sgo them mi 'gom pa dang*/_gser dngul sogs rin po che la mi reg pa sogs kyi dam bca'i khur bzhes nas sku tshe ril por sgrub sde bde chen pad+ma 'od gling du dbang phyug mi la ras pa'i rnam thar bzung*/_dgung grangs sum cu thog yan chod du dkyil 'khor nyi shu rtsa lnga'i bsnyen pa sid+d+hi dung phyur gcig_/yig drug dung phyur gnyis/_bsam lhun 'bum ther/_brgyad stong pa stong thog brgya bzhag grub/_mtshan bcas kyi rdzogs rim la gtso bor bton pas bde gsal mi rtog pa'i nyams kyi myong ba lo dgur byung*/_sum cu'i thog bla ma sangs rgyas dngos su mthong ba'i mos gus thun mong ma yin pa'i rkyen gyis shes nyams yid dpyod kyi 'dzin pa dbyings su dag nas mngon sum rang thog tu phebs/_de nas bzung bla ma'i rnal 'byor kho na rtsal du bton te phyi nang gi bya ba dgu phrugs su btang ste rdzogs pa chen po ka dag lhun grub kyi nyams len kho na la dril bas snang bzhi'i ye shes mthar phyin te sgom med chos sku'i gtan srid zin/_tshe gcig lus gcig la drug pa rdo rje 'chang gi rgyal sar gshegs pa yin te/_nyid kyi rdo rje'i mgur las/_rje dag pa gnyis ldan mi gzugs can/_/pha bla ma dam pa'i zhabs la 'dud/_/khyod tshe gcig bsnyen pa'i byin rlabs kyis/_/bdud nyer len lnga phung zhig nas thal/_/rtag chad kyi grub mtha' 'dzin don med/_/khong bla ma rtsa gsum kun 'dus su/_/mthong sgom gyis gzhan snang ngo bor snyems/_/lha zhi khro DA ki sgrub 'dod med/_/skyabs mchog gsum bla mar bltas bltas nas/_/mgon gzhan la re ba yal nas thal/_/bdag skyob mkhan gzhan zhig tshol bsam med/_/yab mtshan ldan bla ma'i byin rlabs kyis/_/nyams dga' bzhi'i ye shes myong nas song*/_/yid bslu brid gzugs la chags don med/_/chos mthun gyi bsam pa bskyangs bskyangs nas/_/sdig mi dge phal cher brjed nas thal/_/sems dge bar 'jug thabs bya rgyu med/_/yul snod bcud sgyu mar sbyangs sbyangs nas/_/tha mal gyi snang zhen bral nas thal/_/blos btags kyi lta sgom dgos pa med/_/bden med la goms 'dris byas byas nas/_/khos bya byed byas zin brjed de thal/_/'khor gsum la rnam par rtog don med/_/phyogs 'dzin gyi 'gong po bshig bshig nas/_/sems gnyis su med par kho thag chod/_/yod med ces re dogs bya don med/_/gzung 'dzin gyi mdud pa bkrol bkrol nas/_/phran rmongs kyi shes rgyud dag nas thal/_/mkha' dbyings la mdud pa 'bor du med/_/lo mang nas gang shar gang snang la/_/sems 'dzin gyi thag pa chad nas thal/_/sdug btsir gyi 'jur bus bcings don med/_/gnad chen po gsum gyis lta grub rtogs/_/the tshom gyi dogs pa zad nas thal/_/da grub mtha'i kha 'dzin byed snyam med/_/don gnyis snang spros pa dbyings su nub/_/rang rig gi rgyal sa zin la nye/_/blos bcos bzo ched sgom bya rgyu med/_/'di don med kha pho ma yin te/_/skyabs bla ma dran nas nyams snang 'ur/_/tshig gang dran thol byung smras pa yin/_/zhes dang*/_dang por chos sgor zhugs nas sgo gsum gyi/_/dge sbyor sdug rus byas nas tshe phyed song*/_/bar du shes rab rang rtsal rdzogs pa dang*/_/snang ba thad kar chod nas lo mang song*/_/tha ma kun gzhi chos skur thim pa ngas/_/snang shes sgom rgyu ma lon lo mang song*/_/zhes sogs gsungs pas mtshon par nus la/_gdul bya thun mong ba'i ngor yang snang rig 'dres pa'i rtags su rdo la phyag zhabs kyi rjes 'jog pa dang gzhan sems shes pa'i mngon shes thogs med du gsungs/_sku gdung gis 'byung bzhi'i 'jigs pa srung ba sogs ngo mtshar ba'i rnam thar mang*/_rig rtsal so sor rtog pa'i ye shes su 'bar bas sgom byung gi shes rab klong rdol nas gsung rtsom yang pusti ka bzhi lnga tsam yod pa gsung mgur las gsal yang sdud pa po ma byung bas da lta cher mjal du mi snang la/_gsung mgur khrid yig rtsod lan sogs pod chung tsam zhig bzhugs pa ni rje 'di rdzogs pa chen po rang snang ris med kyi dgongs klong mngon du gyur pas kun mkhyen yab sras kyi gsung dang rnam dbyer med pa'i legs bshad du kun mkhyen rdo rje gzi brjid dang*/_mi pham 'jam pa'i dbyangs sogs dam pa rnams kyis mgrin gcig tu bsngags par snang ngo*/_/rje nyid kyi thugs rje chen po'i yig drug zhig rdo la phyag bris gnang ba rang byon du song ba dang nang du bzhugs pa'i rdo mkhar la grub chen sher 'od kyi ma Ni zhes grags pa la phyag bskor byas pas nad gdon la phan pa myong grub ma ri khrod pad+ma 'od gling du da lta'i bar bzhugs shing 'gro don shin tu rgya che/_phyis grub chen mchog gi sku gdung ril po yang der bzhugs pa dang*/_sku'i skye srid de ma thag pa ni 'dzam gling chos kyi shing rta gcig pu blo gros mtha' yas yin pa rje bla ma nyid kyi rnam thar rtogs brjod du gsal por zhal gyi bzhes pas shes par nus so/__/paN chen 'gyur med mthu stobs rnam rgyal lam 'jam mgon bstan 'dzin 'phel rgyas ni/_'phags pa spyan ras gzigs kyi rnam 'phrul sprel sgom byang chub sems dpa' dang*/_gangs ljongs snang ba'i mig gcig thu mi sam b+ho Ta/_rgyal mo g.yu sgra snying po/_drag sngags mthu yi bka' babs dum pa rgya zhang khrom/_he ru ka pa zur chung shes rab grags pa/_nag tsho lo tsA/_gsal stong sgom shwa/_gter ston dri med kun dga'/_rtse le sna tshogs rang grol/_lo chen d+harma shrI/_mkhan chen o Ti yA na rnams kyi ye shes gcig tu bsdus pa'i rnam 'phrul du lung gis zin cing*/_sku dngos kyi skye ba snga ma ni grub dbang pad+ma rgyal mtshan gyi rigs dbon rtogs ldan sangs rgyas rab brtan zhes rje rab 'byams gnyis pa'i thugs sras kyi gtso bo tshe dang sgrub pa mnyam pa de nyid yin/_me mo lug gi lo la mdo khams lho rgyud du ngo mtshar ba'i ltas dang bcas te 'khrungs/_'khrungs ma thag thugs chen snying po yig bcu gsungs pa dang*/_klog yig ma bslabs gong kai sha can gyi yi ge gzigs tshe 'di klog dus sgra ring por 'then dgos gsungs pas mtshon ngo mtshar ba'i lo rgyus mang*/_dgung lo bzhi thog gong ma'i gdan sa gshang nag ri khrod du spyan drangs/_de nas mi ring bar zhe chen bstan gnyis dar rgyas gling gi chos grwa chen po 'dir byon nas rigs bdag mtshungs med rgyal tshab bstan 'dzin chos rgyal gyi zhabs pad brten pas dgongs pa'i gsang mdzod lon/_dam pa de nyid kyis bskul ba bzhin/_snga 'gyur bstan pa'i chu 'go gcig pur gyur pa'i dbus 'gyur ma ga d+ha gnyis pa kaHthog rdo rje gdan du/_kun gzigs ma hA paN+Di ta 'gyur med tshe dbang mchog grub kyi zhabs pad lo lngar brten nas bcu phrag rig pa yan lag dang bcas pa thugs su chud cing don gyi bstan pa gtad/_gong smos 'gran zla dang bral ba'i bka' drin can gyi bla ma rnam gnyis dang*/_gzhan yang smin gling khri chen pad+ma dbang rgyal sogs bshes gnyen lnga phrag lnga bsten nas mang du thos pa rgya mtsho'i pha rol tu phyin te thams cad mkhyen pa'i gnas la bdag gir mdzad/_de dag kyang thos pa tsam du ma bzhag par 'og min o rgyan smin grol gling du lo gsum dang*/_sgrub sde bde chen pad+ma 'od gling du lo drug gtso bor gyur pa bsam sgom gyis gtan la phab pas zab lam thugs rje chen po bde gshegs kun 'dus kyi rtsa bsnyen dung phyur ljags bzlas sogs bskyed rdzogs kyi nyams bzhes la dril bas grub pa'i rgyal sa mthon por gshegs pa yin te/_phyi tshul dam pa'i chos 'dul ba nas gsungs pa'i khrims nyis brgya dang lnga bcur nyes ltung gis rnyogs mas ma bslad pa'i mkhan chen 'dul ba 'dzin pa chen po/_nang du rang don yid byed kyi 'ching ba lhod por gyur pas rtag par gzhan don las mi g.yel ba'i rgyal sras sems dpa' chen po/_gsang bar dam tshig rnam par dag cing rim gnyis kyi lam mthar gshegs pa'i sngags spyod rnal 'byor gyi dbang phyug chen po/_yang gsang rdzogs pa chen po lhun grub 'od gsal gyi snang ba tshad la phebs te sangs rgyas kyi zhing khams rgya mtshor mnyam pa nyid du spyod nus/_'jam mgon kong sprul rin po che dang*/_dpal sprul chos kyi dbang po gnyis bya bral ba'i tshul gyis gsan sbyang gnang ba la dbon sprul rin po ches grwa 'khor kun la khyed rnams kyis 'di rnam pa gnyis ku sa li red snyam brnyas bcos mi rung ma 'ongs bar bstan la bya ba nus pa bai ro tsA na dang zhi ba lhar grags pa 'byung zhes gsung pas mtshon dus gsum sgrib med du gzigs pas lkog gyur gyi chos kun gtan la dbab pa la mi bsnyengs/_dam can bran du khol bas las gang bcol thogs med du grub kyang gzhan la gnod pa'i mthu gtad dang las sbyor mi mdzad/_lung rigs kyi spobs pa mtho bas 'jigs med seng ge'i ngang tshul brtan yang gzhan lugs kyi grub mthar dpyas gdags mi gnang*/_dgon gtsang khag lnga sogs chen po rnams kyi ti shrI bkur yang khengs dregs dang snyems pa mi mnga'/_chos brgyad kyi 'dzin pa dag pas che thabs dang snyan grags mi sgrub/_gsung rab thams cad gdams ngag tu shar bas grub mtha'i kha 'dzin dang phyogs zhen mi mnga' ba sogs dam pa'i rnam thar smos kyi mi lang*/_rgyal dbang bcu bzhi pa theg pa mchog gi rdo rjes ze chen ma hA paN+Di ta zhes pa'i mtshan gyi cod pan dpyangs te she bam gnang*/_dgung grangs bcu dgu'i thog rgyal tshab mchog nas bstan pa gtad pas de phyin chos sde chen po 'di nyid ma lag dang bcas pa'i 'dzin skyong spel ba'i phrin las slar 'phel/_thig le stong gsal chen po'i rgyud kyi lung don gsal byed theg pa mtha' dag gi lam rim sbrang chung rtsi bcud sogs legs bshad kyi gter chen por gyur pa'i bka' rtsom yang pod drug tu langs bas mtshon 'khor lo gsum gyi phrin las rgya cher bskyangs pa'i rtsa ba'i thugs dam zab lam bde gshegs kun 'dus kyis mchog gi dbang sdud grub pas zhal slob kyi gtso bor ngo mtshar bka' babs bdun ldan pad+ma 'od gsal mdo sngags gling pa/_mdzod lnga'i shing rta kun mkhyen blo gros mtha' yas/_bai lo tshe dbang kun khyab kyi rnam 'phrul sgom med ro gcig gi rtogs pa mngon du brnyes pa'i lnga rig smra ba'i dbang po lho a gro sgra rams pa grub dbang bstan 'dzin nyi ma/_mdo rgyud rig gnas dang bcas pa khong du chub pa'i lho seng tsha sman rams pa blo gros mchog rgyas 'od zer te nang thugs kyi sras bzhi dang*/_'phags mchog sdug bsngal rang grol mi yi brdzu la zhugs pa mkhyen rtogs 'phags yul gyi slob dpon shAn+ta de wa dang rnam dbyer ma dmigs pa rdza dpal dge sprul sku o rgyan 'jigs med chos kyi dbang po/_pad+ma'i thugs sprul mdo khams lnga pa sgrub brgyud nyi ma/_zhwa ser bstan pa'i gtsug rgyan brag g.yab skyabs mgon no mi han/_tre hor dgon gsar chos rje/_kaHthog rdo rje gdan gyi chos kyi khri skyong ba si tu rin po che chos kyi blo gros/_snga 'gyur bstan pa'i sgron me mchims phu'i zur mkhar sprul sku/_rgyal tshab gsum pa pad+ma 'od zer mi bskyod mkhas grub rgya mtsho sogs rang dgon ma lag rnams kyi bla sprul dam pa rnams kyis mtshon che btsun mkhas pa'i bshes gnyen/_lung rigs smra ba'i ston chen/_nyams myong can gyi sgrub pa po bstan la phyag rjes che ba'i mkhas grub mtha' yas pa byung*/_de dag slob brgyud dang bcas pa'i phrin las kyis sa chen po 'di nyid khyab pa bzhin du gyur pa ni mngon sum gyis grub pa 'di'o/__/rje de nyid kyi rnam thar skal bzang mgul rgyan zhes kun gzigs mkhyen brtse'i dbang po'i gsung gis bskul te dbon sprul rin po che'i zhal slob mkhas dbang zhig gis mdzad pa pod gcig tsam bzhugs/_de nyid kyi sprul sku 'jam mgon rdo rje 'chang rnam pa gnyis sogs dam pa du mas lung bstan bzhin gdan sar mnga' gsol kyang gong ma'i mdzad rgyun bskyangs te yun ring ma bzhugs shing*/_grub pa'i mdzad spyod can du byung ba sbas tshul gyis 'gro don ci rigs mdzad/_de nyid kyi sprul sku rgyal tshab gsum pa dang*/_'jam mgon chos kyi blo gros rin po che yab sras kyi ngos 'dzin bzhin khri la mnga' gsol zhing tshul gnas gsan bsam sgom pa sogs dam pa'i yon tan mnga' ba'i skyes bu khyad par can chos srid kyi mdzad pas gdan sa bskyangs bar mdzad kyang dus kyi 'gyur bas phrin las kyi mtha' brtul ba'o/__/'jam mgon kong sprul rin po ches kho bo'i bla ma zhe chen dbon sprul rin po che sku bzhugs pa'i skabs gsung 'phros su phran skye ba rjes ma 'og min o rgyan smin grol gling du bstan la bya ba byed nus pa zhig tu skye ba'i smon lam btab kyi yod gsung dar bas dbon sprul rin po che sku gshegs rjes kho bo smin grol gling du slebs pas grwa btsun sku gzhon skye mched shin du gtsang ba kun spyod chos mthun gsung skad shin tu che ba byang 'dren gsar phebs mkhas pa zhig 'dug pa de dbon sprul rin po che min nam snyam pa byung zhes 'jam mgon dngos slob mkhas dbang bla ma bkra 'phel gyi zhal las thos/_rgyal tshab sku phreng gsum pa 'gyur med pad+ma rnam rgyal ni/_sku gong ma u rgyan rang byung rdo rje nyid sku ma gshegs pa'i snga lo nas gsol dpon mtshan pad+ma rang byung la/_a gro sgra rams pa grub dbang bstan pa'i nyi ma'i mdun phyag bris rten bcas bstsal gnang nas rje de'i yon tan gyi bsngags brjod mang po nyin kha shas gsung nas khyed rang de mdun yon tan slob du song la lo gsum du sdod/_de nas nga'i rtsar bcar shog bcas ched btang mdzad pa sgra rams pa'i mdun lho rgyud ke stod du phyin pa sgra rams par phyag bris phul ba zhal phye ste gzigs nas spyan chab phrul gyis byung*/_rgyal tshab rin po che da yun ring du mi bzhugs par 'dug gsungs/_phyag bris rten byin gyi nang du tshigs bcad mang po yod pa bstsal ba tshig ma dran kyang don sku tshe 'dir bla brang dang dkor g.yeng gis thugs sun/_sku na yang smin bsngos sha bzhes pa'i rnam smin red gsungs te ljags la snyun gyis thebs pa sogs kyis lus rten 'di yun ring bzhugs 'dod med pas sku rjes ma dben gnas nges med du 'grim snying po'i sgrub pa lhur len pa'i bya bral rab byung gi mdzad pa can zhig nyid kyi 'khris der skye ba bzhes pa'i dgongs pa yod tshul gsal bar gsungs/_gsol dpon kyang bla ma'i bka' bzhin bzhugs pas rgyal tshab mchog sprul rin po che dang lhan rgyas lo gsum nas zhe chen dgon du phebs chog pa byung*/_a gro sgra rams pa'i mnal lam du mkha' 'gro ma dkar mo mda' dar tshe bum thogs pa zhig gis gu ru rin po che'i sku tshab zhig phyag tu gtad nas tshigs su bcad pa'i lung bstan gsungs pa'i don bzhugs gnas 'di'i phur brag dkar 'di gu rus byin gyis brlabs pa'i gnas khyad par can yin pa dang*/_gnubs ban nam mkha'i snying po khyim 'dir sku 'khrungs pas bar chad sel ba dang rten 'brel legs phyogs su khyod nas spel dgos pa'i tshul dang*/_mkha' 'gro nyid shel dkar rdo rje mtsho yin pa'i dag snang gsal bar byung mthar sku tshab rum du bcug par rmis pa bzhin rab byung bcu bzhi pa'i bye brag skyes bdag ces pa lcags mo lug gi lor/_yab a gro shes rab dang*/_yum 'brong pa bza' nam mkha' sgron ma gnyis kyi sras su sku 'khrungs ma thag spyan khra hrig ger gzigs pa sogs ngo mtshar gyi rtags mtshan byung*/_ge sar gyi gsol mchod la sogs pa'i gsung rtsom 'ga' zhig gi gsham du smug po gdong gi rigs las skyes pa'i rnal 'byor pa zhes gsungs pas sku yi rigs de ltar yin par mngon/_spyir rje bla ma rin po che mchog la bskyed yab nas zhus pa'i ngor mdzad pa'i o rgyan rdo rje 'chang gi bla ma'i rnal 'byor gyi gsham du mdzad byang la/_lus bskyed pa'i drin ldan pradz+nyA'i ngor zhes gsungs pa bzhin yab rje nyid gsol 'debs le'u bdun ma thugs dam gyi mthil mdzad pa dang dad mos thugs rgyud brtan pa sogs gang zag khyad par can du nges kyang sku 'khor nang ma dag gis rje bla ma mchog gi yab ni sgra rams pa yin zhes gsung pa phyis zur mang drung pa rin po che'i yum la bka' 'dri zhus pas de bzhin nges zhes gsungs/_a gro sgra ram pas rgyal tshab rin po che sku 'khrungs ma thag khrus dang thugs rab 'phel ba'i rten 'brel rdzas sngags sogs mdzad nas mtshan tshe ring 'brug rgyal du gsol/_sgra ram pa 'di ni zhe chen dbon sprul rin po che 'gyur med mthu stobs rnam rgyal dang*/_rgyal tshab sku phreng gnyis pa o rgyan rang byung rdo rje sogs dam pa'i skyes chen du ma bsten te phyi nang gi rig pa'i gnas mtha' dag mkhyen pa'i ma hA paN+Di ta/_rgya nag ri bo rtse lngar byon skabs paN chen bi ma mi tra dngos su mjal ba sogs bla ma dang lhag pa'i lha du mas rjes su bzung zhing dngos grub rnam pa gnyis la dbang thob pa'i rig 'dzin/_nyams rtogs kyi gdeng tshad brnyes pa'i 'khrul zhig rnal 'byor chen po yin zhing*/_bod dbus gtsang lho gsum/_rgya nag ri bo rtse lnga sogs gnas gzigs rgya cher phebs/_gsung rtsom mkhas pa'i legs bshad mang du bzhugs pa'i skyes bu dam pa khyad par can yin la/_bai lo tshe dbang kun khyab kyi rnam 'phrul du grags pa don la gnas pas rje bla ma rin po che'i mtshan 'jam dbyangs mkhas grub rgya mtsho zhes pa'ang dam pa 'dis phul ba yin snyam dran/_sku gong ma'i lung byang dang thams cad mkhyen gzigs mkhyen brtse'i dbang po'i mchog sprul myur byon gyi gsol 'debs ni/_mtshungs bral bstan 'gro'i dpal mgon rgyal tshab mchog sprul rin po che'i myur byon gsol 'debs don kun grub pa'i dbyangs snyan zhes bya ba bzhugs so/__/oM swa sti sid+d+hi/_o rgyan chen po'i byin brlabs rig pa 'dzin/_/ranga~M byunga~M ye shes mngon gyur nam mkha'i snying*/_/rdo~M rje~M slob dpon mchog tu rnam rol pa'i/_/khyab bdag bla ma 'bod do brtse bas dgongs/_/mgon khyod gdod nas 'pho 'gyur las 'das pa/_/'chi med rtag pa'i go 'phang mngon brnyes kyang*/_/gdul bya'i snang ngor zhing gzhan gshegs pa yis/_/bdag cag nyam thag gyur pa 'di gzigs sam/_/de phyir zag med thugs kyi dgongs pa mchog_/don gyi 'od gsal dbyings su rdzogs pa dang*/_/mi slob zung 'jug ye shes sgyu ma'i gar/_/sprul pa'i snang brnyan myur du 'byon mdzad gsol/_/phun sum tshogs pa'i gzigs pa rnam pa lngas/_/bsam bzhin srid pa nye bar bzung ba la/_/bar chad kun zhi gsan bsam sgom gsum rdzogs/_/bstan dang 'gro ba'i don kun lhun grub shog_/rtsa brgyud bla ma mchog gsum yi dam lha/_/mkha' 'gro chos skyong srung ma'i bden stobs dang*/_/chos nyid chos can rgyu 'bras bslu med mthus/_/ji ltar gsol ba btab bzhin 'grub gyur cig_/ces pa'ang snga 'gyur bstan pa'i rtsa lag chen po zhe chen bla brang nas gsung bskul gnang ba ltar/_shAkya'i btsun pa bya bral 'jam dbyangs mkhyen brtses dbang pos rtse gcig gus pa'i gdung shugs drag pos gang shar gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol/_zhes rdo rje'i gsung ye shes gzigs pa dag pa'i bka' lung bzhin zhe chen rgyal tshab rin po che'i mchog sprul du mtshan gyi dril snyan par bsgrags pas rnam par dkar ba'i dad dam gtsang ba'i 'khor gyi tshogs dbugs dbyung*/_grub pa'i dbang phyug mdo khams pa bstan pa'i nyi mas/_o rgyan mi 'gyur kun bzang bstan pa'i rgyal mtshan zhes mtshan 'bul dang bcas zhe chen rgyal tshab kyi mchog sprul du nor 'khrul med par lung bstan pa bzhin rdzogs chen rab 'byams lnga pa 'gyur med kun bzang bstan pa'i nyi ma mchog gis mdo smad snga 'gyur bstan pa'i 'byung gnas zhe chen bstan gnyis dar rgyas gling gi seng ge'i khri la mnga' gsol/_'jam dbyangs bla ma mkhyen brtse'i dbang pos sku gsung thugs rten khyad 'phags bcas zhabs brtan tshigs bcad ltar mtshan 'gyur med pad+ma bstan 'dzin mkhas grub rgya mtsho'i dbang po'i sde zhes bstsal/_rje nyid kyi sku'i khu bo bla ma skyid g.yang zhes pa yongs 'dzin du bzhugs nas phyag bris 'bri klog nas brtsams/_sum rtags/_dag yig_/snyan ngag_/brda sprod kyi gzhung kA tsan dbyangs can ma/_rtsis skar nag_/sdeb sbyor sogs gtsug lag rgya mtsho'i gnas la gsan sbyang mdzad/_skyes sbyang gi mkhyen brtson 'gran zla dang bral bas bstan la bya ba nus pa'i skyes bu chen por gyur/_ru dam rdzogs chen gyi mkhan chen pad+ma badz+ra 'am pad+ma dam chos 'od zer zhes sprul pa'i gter ston grub thob yongs kyi rgyal po pad+ma 'od gsal mdo sngags gling pa'i rtsa gsum bde gshegs 'dus pa'i chos sde'i lung byang du rgyal ba mchog dbyangs kyi rnam 'phrul du bsngags pa las dge tshul gyi bslab pa bzhes nas mtshan 'gyur med pad+ma rnam rgyal du gsol/_khro shul mkhan tshul khrims rgya mtsho zhes kaHthog dge rtse paN+Di ta dang*/_dbon sprul mthu stobs zhabs kyi thugs sras mkhas btsun bzang po'i yon tan 'gran zla dang bral ba'i sdom brtson sde snod 'dzin pa'i khyu mchog las spyod 'jug_/sdom gsum rnam nges dang 'grel chen dpag bsam snye ma/_byams chos sde lnga sgyu 'phrul gsang ba snying po zur lugs kyi bshad bka' gsang bdag dgongs rgyan dang*/_zhal lung yan lag gi yig cha dang bcas pa/_yon tan mdzod rtsa 'grel gnyis ka sogs 'phags bod kyi gzhung mdo sngags kyi skor la gsan sbyang mthil phyin par gnang*/_rgyal bka' rin po che'i ljags lung dang bsnyen rdzogs kyi bslab pa'ang rje 'di las bzhes/_gangs can mkhas grub yongs kyi gtsug rgyan 'jam dbyangs mkhyen brtse'i dbang po las zab rgyas kyi shing rta gnyis kyi byang chub sems sdom smin gter/_rtse le rin po che/_kun gzigs mkhyen brtse'i yig cha ltar gsan zhing mtshan rgyal sras gzhan phan chos kyi blo gros su gsol/_bka' gdams blo sbyong gi zab khrid rgya che ba dang*/_dwags po rin po che'i thar rgyan/_lam mchog rin chen phreng ba/_nA ro mkha' spyod ma'i byin rlabs dang zab khrid/_byang gter dang rdor gling chos skor yongs rdzogs kyi dbang khrid lung rnams nye brgyud du bka' babs rim bzhin 'jam mgon kong sprul rin po che dang lhan du gsan/_rdor gling bka' brgyad kyi dbang chen gnang skabs nyang gter bka' brgyad bde 'dus dang 'di gnyis tshig don thams cad gcig par 'dug pas phran las dbang chen de gnyis gang thob kyang brgyud pa chu bo gcig 'dres yin pas gang ltar bgrang yang rung zhes gsungs/_rdor sems thugs kyi sgrub pa gtsor mdzad pa'i smin gling gter chen rin po che'i zab gter yongs rdzogs kyi dbang khrid lung bcas dang*/_dga' rab snying thig gi yi dam zhi khro gnyis/_sangs rgyas mnyam sbyor/_a ti zab don sogs mchog gling gi gter chos zab rgya can dang*/_kun mkhyen 'jigs med gling pa'i bka' 'bum pod dgu'i lung*/_klong chen snying thig gi rig 'dzin 'dus pa'i dbang chen gtad rgya bcas gnang nas snying thig gi dbang khrid rnams 'ju dbon po 'jigs med rdo rje la dbang khrid yongs rdzogs phran gyis bton yod pas de las gsan te brgyud pa nga la bgrangs dang chog gsungs/_khyad par rdo rje phur pa'i bka' gter yongs rdzogs kyi dbang khrid lung bcas rje nyid la ched du bstsal nas phrin las phur pa'i sgrub sde'i bka' bab slob dpon pra b+ha hasti dang*/_bod yul phur pa'i grub brnyes yongs kyi rgyal po lang lab byang chub rdo rje dbyer med pa'i sprul pa sku'i skye ba thams cad du lhag pa'i lha 'di grub pa brnyes pa yin pas gdan sar phebs pa dang 'dis bsnyen sgrub tshad ldan nyams bzhes kyis rtags rnams rdzogs pa dang sbyin sreg bcas grub par gyis zhes bka' bstsal/_'jam mgon thams cad mkhyen gzigs kong sprul rin po che las rin chen gter mdzod chen mo'i chos 'khor gnyis pa rdzong sar bkra shis lha rtse'i gnas bcu'i lha khang du gsungs te kun gzigs mkhyen brtse'i dbang pos ma gsan pa thams cad gzim chung dbang khang du phebs te gsan skabs su gsan pa ni gter mdzod bka' rgya pod gsum dang*/_rnying ma rgyud 'bum pod chen nyer lnga dang*/_bka' brgyad bde 'dus dbang chen dang gter gzhung pod dgu'i lung sogs rgya cher gsan skabs me tog shar yang dag la bab ste gsang mtshan rdo rje dbang mchog phrin las 'dus pa rtsal zhes gnang*/_bla ma dgongs 'dus gser chos chen mo'i sgrub dbang tsA 'dra rin chen brag nas rgyal dbang bco lnga pa dang*/_si tu rin po che pad+ma dbang mchog sogs ston 'khor rmad du byung ba'i rig 'dzin gyi 'dus pas gsan nas 'jam mgon rin po ches phun tshogs nges pa lnga ldan gyi gsung bshad rgyas par gnang gsungs/_rdzogs pa chen po bi ma snying thig_/bla ma yang tig_/mkha' 'gro snying thig_/yang tig_/zab mo yang tig gi dbang khrid yongs rdzogs gsan/_bstan bcos chen mo shes bya kun khyab rtsa 'grel dang gdams ngag rin po che'i mdzod kyi dkar chag zhib gzigs mdzod ces phyag dpe gnang ba zhib mor gzigs nas phyag dpe slar phul te rgyal bstan rin po che chos kyi dbyig gces dgu thams cad gcig tu bsdus pa'i snga na med pa'i gsang mdzod chen por nges shes rnyed song zhus pas/_dkar chag dbur bzhag nas phyin chad dbang khrid gang las gsan kyang brgyud pa kho bo la gtugs pas chog ces bka' bstsal gsungs/_chos 'byung legs bshad pad dkar rdzing bu las/_gdams mdzod sprul pa'i glegs bam chen por bka' yi bsdu ba mdzad de dus kyi mthar yang nyams pa med par bka' gtsigs phyag bris re khAs btab ste/_bdag gis kyang 'jam mgon rdo rje 'chang dngos las gdams gtad thun min dang*/_yongs kyi 'dren pa chen po rgyal sras bkra shis 'od zer gyi zhal snga nas smin grol tshang sprugs su thob pa'i skal bzang nyams su myong bas dal rten snying por byas pa yin no/_/zhes gsungs/_'jam mgon zab gter gro lod gsang sgrub kyi dbang khrid sku dngos las thog mar phab gzhi'i phyag bris steng nas gsan/_gsang thig yang dag gi chos bdag yin pas mnal lam du 'od gsal gyi snang char dbang gsan pa byung ba phyis tshig rgyud dngos mkhas dbang bla ma bkra 'phel las gsan/_khyad par dpal mgon 'phags pa klu sgrub kyi phyag bzo bdag cag gi ston pa'i snang brnyan dkar chag 'jam mgon bka' 'bum du gsal ba 'jam mgon mdun phebs pa dang rgyu mtshan gsungs nas thugs bskyed smon lam gang gnang 'grub nges bka' bstsal ba bzhin snyan dar phul zhing*/_rgyal tshab rin po che'i bka' 'bum du gsal ba ltar smon lam mdzad pas snyan dar nam mkhar la 'phur ba dang sa g.yos/_rje bla ma'i thugs la rtogs pa'i bogs 'byin khyad par can byung ba sogs kyis mtshon bka' rtsam du mar yang rdzogs pa'i sangs rgyas blo gros mtha' yas rigs bdag tu thob pa zhes gsungs pa ltar rje 'di las rtogs pa don brgyud kyi dgongs pa thugs la sad pa'i rtsa ba'i rigs bdag thun mong ma yin pa ste bka' las/_skyabs rje rab 'byams rin po che dang phran gnyis la 'jam mgon chos kyi rgyal po rnam gnyis la smin grol gyi zab chos dang*/_dam rdzas dang gter rdzas sogs rten khyad 'phags rigs dang tha na zang zing gi gnang sbyin gyis mtshon thugs brtse dang bka' drin la khyad par til tsam ma mchis kyang rab 'byams rin po che'i thun mong ma yin pa'i rigs kyi bdag po rdo rje 'chang mkhyen brtse'i dbang po dang*/_kho bos 'jam mgon kong sprul rin po che rtsa ba'i bla ma 'dzin dgos pa 'di snying la tig tig cig yod pa red ces gsungs/_gter chen mchog gyur gling pa zhe chen gdan sar phebs nas tshes bcu'i dbur bzhugs/_gnas chen byin 'bebs lha srin dam bsgrag sogs mdzad skabs thugs sgrub bar chad kun sel sogs dbang chos gsan cing*/_dpal sprul chos kyi dbang po las kyang spyod 'jug gi rtsa ba'i lung gsan zhing de las shwa lo ka gcig lan gsum gyi bar du phyag mkhar gzim sbra'i ka bar bsnun nas dal bus gsungs par grags kyang tshigs bcad gang yin nges pa can ma dran/_'jam pa'i dbyangs mi pham rin po che dkar mo stag tshang du bzhugs pa'i mdun du phebs pas 'jam dpal gshin rje tshe bdag gi ljags bsnyen zhig grub nas dngos grub len pa dang dus 'grigs pas rten 'brel shin tu bzang gsungs nas de'i sgrub rdzas rigs kyi byin rlabs dbang bskur thun mong ma yin pa mdzad pa dang*/_thugs dam 'jam dpal ye shes sems dpa'i rdo rje gsum gyi dbang bskur dang*/_bstan bcos chen po mkhas 'jug gi bshad khrid zhib rgyas dang*/_bka' brgyad rnam bshad chen po zhu bskul mdzad de bshad khrid gsan pa dang*/_snga 'gyur rdo rje snying po'i mdo sngags kyi lta grub thun mong ma yin pa'i dogs gcod dang bka' khrid/_thugs dam nyams rtogs kyi bgro gleng sogs yang yang gnang zhing thugs yid gcig 'dres su gyur/_'jam mgon nyi zla zung gi thugs sras mkhan chen bla ma bkra shis 'od zer zhi ba'i snying po las gdams ngag rin po che'i mdzod pod chen bcu'i dbang khrid lung bcas zhib rgyas dpal spungs byams mgon si tu rin po che pad+ma dbang mchog_/kaHthog si tu paN+Di ta o rgyan chos kyi rgya mtsho/_sde dge lha sras ngag dbang 23'jam dpal rin po che sogs mkhas grub skyes chen du ma dang lhan du gsan/_mkhas dbang bla ma bkra shis chos 'phel las 'jam mgon rnam pa gnyis dang*/_gter chen mchog gling bcas pa'i brgyud pa kun 'dus sdom gsum rnam nges 'grel chen dpag bsam snye ma'i bshad lung*/_rje mkhyen brtse rin po ches 'phags pa thogs med las gsan pa'i byams chos sde lnga'i nye brgyud/_'khon phur mkhyen brtse'i sa chen las nye brgyud du bka' babs pa'i stod las dang*/_smad las kyi dbang*/_jo nang rje btsun rin po che'i sgrub dkyil la 'jam mgon rin po che'i mdzes rgyan lhan thabs dang sbyar ba'i dbang dang*/_thugs sgrub bar chad kun sel gyi zhal gdams snying byang gi lung sogs zab chos du ma dang*/_zhe chen rab 'byams lnga pa 'gyur med pad+ma theg mchog bstan pa'i rgyal mtshan las bstan 'gyur ljags lung gang bzhugs/_bla ma yang tig gi dbang khrid lung bcas yongs rdzogs/_rdor sems thugs kyi sgrub pa/_a ti zab don snying po/_gshin rje dregs pa 'joms byed sogs smin gter phal cher gyi dbang lung khrid bcas/_bka' gdams pha chos bu chos/_chos 'byung brgya rtsa/_spyod 'jug_/byams chos/_mdo mang*/_blo sbyong legs bshad kun 'dus/_dol po'i be bum sngon po sogs kyi lung dang*/_srol gnyis ka'i sems bskyed cho ga bcas/_zhe chen 'bar chung bla ma bkra shis stobs rgyal gyi mchog sprul rdo rje bde gshegs rtsal las rnying ma bka' ma tshogs chen 'dus pa'i dbang 'jam dbyangs mkhyen brtse'i dbang po'i nye brgyud can gyis mtshon bka' ma phal cher dang*/_rgyal dbang lnga pa chen po'i dag snang rgya can nyer lnga sogs dbang lung rgyun dkon zhing zab gnad can shin tu mang po dang*/_smin gling khri chen yid bzhin dbang rgyal/_sras mo rje btsun bde chen ye shes chos sgron las smin gter thugs rje chen po bde gshegs kun 'dus kyi dbang khrid lung bcas rdzogs par gsan/_zur mang drung pa rin po che karma chos kyi nyin byed las 'jam mgon rin po che'i mdun nas gsan ma grub pa'i gter mdzod dbang lung pod nyi shu skor/_bka' brgyud sngags mdzod pod gsum dbang khrid lung bcas dang nang brtag rgyud gsum gyi rtsa 'grel yongs rdzogs kyi bshad lung*/_rgya chen bka' mdzod pod bco lnga'i dbang lung yongs rdzogs/_kar gling zhi khro'i dbang rgyas 'bring bsdus pa dang*/_bar do drug khrid skor gnas mdo dang zur mang gi brgyud pa rigs dang*/_gter rnying rgyun dkon pa mang po'i dbang lung rgya cher gsan zhing drung pa rin po che'i rang gi gdan sar phebs skabs rgyal tshab rin po che'i bzhugs khri'i mdun thugs smon zab rgyas dang*/_zhing skyong dur khrod ma mo'i spyan 'dren gyi dbyangs 'then nas phebs/_zhe chen nas phebs skabs khyi zhig phyi bzhin byung ba srung ma rjes su 'brang ba'i rtags yin gsungs/_phyis zur mang gi gdan sar phebs nas dbyar gnas gtsug lag gi logs bris su zhing skyong ma mo'i sku bris gnang ba sogs don la rje bla ma rnam gnyis thugs dgongs dbyer med kyi zhal bzhes gnang*/_mi pham rin po che'i nye gnas bla ma rin po che chos dbyings 'od gsal las mi pham rin po che'i bka' 'bum lung rgyun bzhugs pa phal cher gsan/_nye gnas bla ma rin po ches kyang mi pham rin po che sku gshegs rjes ye shes kyis rjes su bzung nas 'das rjes babs tshul sogs zab mo nyams rtogs kyi bgro gleng rgyun par gnang zhing dad mos thugs rtsis shin tu che/_dge mang rgyal sras gzhan phan mtha' yas kyi rigs dbon mkhan chen yon tan rgya mtsho las gsang 'grel phyogs bcu mun sel gyi bshad rgyun chos rje dpal sprul rin po che las brgyud pa dang*/_mi pham rin po che'i gsang snying spyi don 'od gsal snying po'i bshad pa/_shug chung sprul sku tshul khrims rgya mtsho las rdo grub gsum pa 'jigs med bstan pa'i nyi ma'i gsang snying spyi don rin po che mdzod kyi lde'u mig bshad lung*/_'jam mgon bla ma 'jam dbyangs chos kyi blo gros las rnying ma bka' ma gshin rje kha thun nag po'i dbang chen/_gsang bdag dgongs rgyan/_mkhyen brtse rin po che'i zur mes dbon las nye brgyud du gsan pa'i bshad lung gi rgyun dang*/_jo nang rje btsun rin po che'i ljags bsgrigs 'khon phur sgrub dkyil la 'jam mgon rin po che'i dbang sogs yig cha gsar mdzad steng mkhyen brtse'i sa chen las nye brgyud du gsan pa'i stod las kyi dbang dang*/_smad las rjes gnang dang*/_sgrub thabs kun btus yongs rdzogs gsan bzhes kyis dkar po rnam gsum gyi rjes gnang sogs du ma gsan/_rdzong sar du rgyun ring bzhugs nas byang gter yongs rdzogs 'jam mgon rnam gnyis las brgyud pa'i dbang chen rgya cher phul zhing*/_phyis zhe chen ri khrod du rje bla ma snyun bab shin tu lji ba'i skabs brtan bzhugs mdzad pas sku tshe gegs 'phrang bsal ba sogs phan tshun dad mos thugs brtse khyad par can gnang*/_mkhas grub dam pa khyung sprul karma rgya mtsho las bla ma dgongs 'dus pod bcu gsum lung*/_sangs rgyas mnyan sprul karma bshad sgrub bstan pa'i nyi ma las mi pham rin po che'i mdo sde rgyan gyi 'grel chen lung*/_mkhan chen kun bzang dpal ldan las mi pham rin po che'i tshad ma rnam 'grel gyi 'grel chen/_dbu ma rgyan gyi 'grel chen/_spyod 'jug sher 'grel ke ta ka sogs kyis mtshon mdor na snga 'gyur bka' gter gtso bor gyur pa'i gangs can gyi bshad sgrub shing rta bco brgyad kyi zab rgyas gdams pa'i chos rgyun gang bzhugs kyis gsan rgya shin tu che yang gsan tho'i dpe med stabs 'ol tshod kyis zhib par 'god ma nus kyang mdor na grub mtha' ris su ma chad pa'i bka' gal gnad gang che thams cad gsan pa la nam yang ngoms pa med pa yin te phyis dgung grangs lnga bcu rtsa gsum skor phebs skabs mdzod chen rnam pa lnga/_snga 'gyur bka' ma sogs ma yin pa'i gter rnying dang*/_dpe rgyun dkon rigs kyi dbang lung rgyun dkon rigs zhe chen sprul sku rnams la phul rgyu byung na da dung pusti brgya skor lhag 'don chog 'dug ces zhal 'phros su gsungs pas shes la/_de ltar gsan pa thams cad bsam byung gi shes rab zab mo'i mdo rgyud thams cad kyi dgongs pa gtan la phabs nas kun mkhyen rong klong rnam gnyis/_chos rgyal gter bdag gling pa sku mched/_kun mkhyen 'jigs med gling pa dang*/_'jam mgon chos kyi rgyal po rnam gnyis/_kun gzigs mi pham rin po che'i mtshon snga 'gyur rig 'dzin brgyud pa'i bzhed srol ltar shing rta chen po zung gi dgongs pa 'gal med gcig dril nges don 26zab mo dbu ma gzhan stong gi lta ba la thugs shes 'drongs/_dgung grangs nyi shu skor nas mdo khams karma dgon nas brtsams zhe chen du phebs kyi bar zhabs thang gis bod dbus chos 'khor rnam gsum/_lho gnas rgyas pa/_tsA ri rtse skor bcas slob dpon kha shas ched phebs kyis gnas 'brel/_mchod 'bul/_tshogs 'khor sogs zhib par gnang*/_rtag tu nges 'byung gi bdud rtsi thugs la sims pas sbyin bdag gi ngo srung dang*/_brgya bshig stong 'gugs kyi thabs mkhas sogs gtan nas mi gnang ba/_mdzad spyod thams cad bya btang 'khrul zhig gi ngang tshul 'ba' zhig gnang bas chos brgyad kyi spros pa dmar thag bcad re dogs kyi mdud pa rang grol du song*/_tshe 'di'i rnam g.yeng dang 'du 'dzi'i gcom bskyungs nas 'du 'dzi dang dkor g.yeng grwa sa'i chags sdang gis thugs sun ches pas sku nar son pa'i skabs nges med rgyal khams nyul ba'i bya bral la thugs dgyes nas rigs bdag 'jam mgon rnam gnyis la zhus pas sngon gyi smon lam dang thugs bskyed kyi dbang gis dgon sde'i 'dzin skyong yal bar ma 'dor ba snga 'gyur bka' gter gyi bstan rgyun mi nyams pa'i btsas su che/_mdzad pa'i gtso bo sgrub pa nyams len la gtod/_gsan bsam sgom gsum gyis dus 'da' ba snga 'gyur rig 'dzin gong ma'i rnam thar bzhin mdzod/_zhar byung sbyin bdag gis phul ba'i dad zas dang gshin skor gnas min du chud zos ma btang bar bshad sgrub kyi sde btsugs pa dang mchod sbyin la btang bas legs bcas zhal gdams su bstsal bas dgon pa'i bshad sgrub las gsum gyi theb rtsa bug ral gso ba sogs kyi ched dbyar dgun du 'gro don thengs gnyis lo kha shas ring phebs pa tsam las gdan sar bzhugs ring phal cher sku mtshams bcad rgya kho nas bzhugs te/_thun mong ma yin pa'i rtsa ba'i thugs dam phur pa yang gsang spu gri'i bsnyen sgrub lo re bzhin zla ba gsum re las mi nyung bas mtshon rgyas bsdus gang rung ma chag pa gnang ba dang*/_gzhan chos dbang bla ma gsang 'dus/_nyang gter bka' brgyad bde gshegs 'dus pa dang*/_chos dbang yang dag thugs kyi snying po/_smin gter rdor sems thugs kyi sgrub pa'i bskyed rdzogs gnyis ka dang*/_thugs rje chen po bde gshegs kun 'dus kyi sngon 'gro'i dngos gzhi'i lam yongs rdzogs dang*/_gshin rje dregs 'joms sogs smin gter gyi rtsa gsum bka' srung dang bcas pa/_nyang gter khros ma nag mo/_rdo rje 'chang mkhyen brtse rin po che'i snyan brgyud gshin rje/_rta mgrin/_yang dag_/che mchog snyan brgyud skor dang*/_lhag par yang phur sbrags ma phur pa'i gnad tig gnyis kyi chos bdag yin pa dang*/_'jam mgon zab gter rtsa gsum dgongs 'dus dang gro lod gsang sgrub sogs 'jam mgon rnam gnyis kyi chos skor dang*/_rata gling tshe sgrub gsang 'dus mi pham rin po che'i chog khrigs can gyi bsnyen sgrub lo gcig ril por mdzad pa dang gtsor byas snga rjes du ma dang*/_ma ti'i 'jam dkar/_dbyangs can dkar mo/_'jam dpal smra seng*/_mi pham rin po che'i rgyud lugs 'jam dpal sogs dang*/_tshar lugs sgrol dkar dang*/_klong gsal sing ha dmar mo dang*/_byad 'grol gser lde'i gzungs ring thung bye ba gcig ljags bzlas gnang bas mtshon gsar rnying rgyud sde gong 'og gi bka' gter du mar dus grangs kyi bsnyen sgrub rgya cher mdzad pa gsung 'bum gyi gong 'og las tshig zur don pa dang*/_yid la nges pa 'di dag bris pa las zhib par ma shes shing*/_mdor na phyag dpe 'bri klog_/dbang chos 'chad nyan sku mtshams bcad rgya gang rung las thugs g.yeng dang rtsed 'jo lta bu'i nyin gcig tsam yang sos dal du mi bzhugs pa dang*/_rnying ma bka' gter gtso bor gyur pa'i rgyud sde bzhi'i yi dam zhi khro phal cher ljags bsnyen ma thems pa med pa dang*/_de tsam du ma zad rje nyid kyis kyang rdo rje'i do ha gsungs pa 'di lta ste/

gnas 'og min chos dbyings kyi pho brang na/_/dpal ston pa kun bzang rdor 'chang zhes/_/mtshan yongs su grags pa'i g.yer po che/_/don gzhan du ma dmigs drin chen rje/_/pha blo gros mtha' yas ma lags sam/_/sku mthong bas tha mal 'khrul snang 'gags/_/gsung thos pas bde chen ye shes bskyed/_/thugs dran pas gzung 'dzin bden zhen zhig_/rje nam mkha' lta bu'i rnal 'byor pa/_/mi nga la bsam rgyu rje las med/_/dbyings chos sku'i klong nas rjes dgongs la/_/dus da lta 'pho chen gyi ye shes bskyed/_/'bral med du 'grogs pa'i dga' ston stsol/_/mi nga rang zhan ste bla ma bzang*/_/sangs rgyas rin chen gyi zhabs pad brten/_/ltem rkyang med par gsol ba btab/_/byin rlabs snying gi dbus su sad/_/chos dbu ma phyag rgya rdzogs chen gyi/_/grub mtha'i spu ris dbyings su yal/_blo bral chos nyid kyi mal du sleb/_/tha snyad kun ji ltar dgyes dgyes mdzod/_/u rus kyi sdug rtsir ma byas kyang*/_/lhan skyes kyi ye shes khong nas sad/_/gnas 'gyu yi 'dam ka bdag la med/_/sems 'dzin kun ji ltar dgyes dgyes mdzod/_/dpyad sgom gyi spros pa ma byas kyang*/_/spros bral gyi mtshan nyid mngon sum mthong*/_/dgag sgrub kyi spang len bdag la med/_/yid dpyod kun ji ltar dgyes dgyes mdzod/_/gtad med kyi rig pa phyam gdal la/_/'jur dran gyi zhen rig ma bsgrubs pas/_/nyams snang gi spu ris dbyings su zhi/_/bzang rtog kun ji ltar dgyes dgyes mdzod/_/chos mdo rgyud sgrub brgyud man ngag sogs/_/kun mthar thug nges don klong du gcig_/gnad blo bral gnyug ma'i rang ngo rig_/thos bsam kun ji ltar dgyes dgyes mdzod/_/khong rtog ge mkhan gyi ston chos kyi/_/u rus kyi lo brgyar 'gegs byas kyang*/_/mi nga la the tshom 'khu 'phrigs med/_/ngo bo la rtag chad mi 'dug na/_/rang bzhin la 'pho 'gyur mi 'dug na/_chos dbyings la bri gang mi 'dug na/_/'bras bu la thob shor mi 'dug na/_/lam nor gol bya ba ci la zer/_/sgom ma byung bya ba ci la zer/_/gnad ma shes bya ba ci la zer/_/don ma rtogs bya ba ci la zer/_/lta dang sgom dang spyod pa gsum/_/thams cad gnyug ma'i klong du gcig_/gegs dang gol sa mtshan 'dzin gsum/_/blo yi btags pa'i spu ris te/_/blo bral gshis la phan gnod ci/_/rang grol gyi rnal 'byor a la la/_/'di yang dpal ldan bla ma'i drin/_/drin lan du rtogs pa'i maN+Dal phul/_/da dung yang 'bral med thugs rjes skyongs/_/don gnyis mthar phyin gyi dge mtshan stsol/_mang+ga laM/_zhes gsungs pa ltar ro/_/des nas thun min gyi thugs dam lhag pa'i lha gcig rdo rje phur pa yang gsang spu gri'i ljags bsnyen dang por gnang ba'i skabs gzim khang gi steng dang phyogs mtshams kun nas lcags kyi spyang ki mang po 'dus pa mche ba gnyer te ngu zhing*/_nang du 'jug par brtsams pa sogs 'tshubs cha che tsam byung ba/_bla ma la gsol btab/_thugs yid bsres/_rtags mtshan bzang ngan la re dogs 'khu 'phrigs ma mdzad pas zhag kha shas nas rim gyis 'tshubs ltas rigs zhi nas thugs dam la bogs thon te byin chags pa byung ba dang*/_rdo rje phur pa'i sku mtshams dang po'i skabs spyir lo gsum du bzhugs kyang nyin zhag brgya song mtshams las bzhi'i sbyin sreg zhib rgyas btang mdzad pa rdo rje 'chang mkhyen brtse dbang po'i bka' bzhin grub pa'i rtags mtshan thams cad rdzogs par mngon te sgrub sde der bzhugs 'bar chung bla ma'i gzim khang nyi mthong du rdo zhig yod pa bor song ba rim gyis tshol bas rnyed pa'i tshe de steng zhabs rjes shin tu gsal po zhig 'dug pas rje bla mas zhabs rjes bzhag nas sbas pa shes te 'bar chung bla ma rang gis bdag po sprad nas bla brang gi mgon khang sgor thams cad kyis mjal du yod pa dang*/_sku mtshams lo gsum grol nas 'jam mgon mkhyen brtse rdo rje 'chang la rtogs 'bul mdzad pas thugs dgyes rtser son pa ltar rdo rje phur pa'i lam rnam bzhi'i grub mtha' sgra ji bzhin du snyog par nges zhes bsngags brjod yang yang gnang ba dang*/_chos dbang bla ma gsang 'dus ljags bsnyen skabs gu ru rin po che'i sku'i skye ba thams cad du rjes su bzung tshul/_ye shes phebs pa'i rtags brgyud mar byung ba dang*/_thugs dam la bogs 'byin byung tshul sogs gsungs shing*/_rdor sems thugs kyi sgrub pa'i bsnyen sgrub dang rdzogs rim bde gsal mi rtog pa'i rnal 'byor la thugs gzhol ba'i tshe nyin mtshan 'od gsal gyi rnal 'byor gcig tu 'dres pa'i thugs snang byung ba dang*/_bdud 'dul seng ha mu kha'i bsnyen sgrub skabs o rgyan mkha' 'gro'i gling du phebs pa dang*/_dpa' bo DA ka'i tshogs 'du ba la spyod pa dang*/_phyag mtshan rnyed pa sogs mnal ltas ya mtshan pa du ma byung ba dang*/_zhe chen ri khrod bde chen 'od gsal phug ces gnubs ban nam mkha'i snying po'i sgrub phug zhig yod pa der lo gsum bzhugs nas rdzogs pa chen po sems nyid ngal gso la gsan bsam sgom gsum spel mar gnang bas chos nyid kyi dgongs pa klong du gyur te gnyis 'dzin gyi 'khrul rtog zhig nas nyin mtshan 'od gsal gyis 'da' bar gsungs pa dang*/_snyan brgyud yang phur sbrags mar ljags bsnyen gnang skabs 'jam mgon rin po che blo gros mtha' yas kyis de'i rdzogs rim thabs grol gyi lam yongs rdzogs sam Ta la phyag bris bkod pa'i steng nas gnang ba dang*/_sku tshe dang phrin las kyi bar chad mang po sel ba dang*/_phur pa yang gsang spu gri'i ljags bsnyen zhig gi skabs gu ru chos kyi dbang phyug sngags chas thugs kar me long btags pa zhig gis rdo rje phur pa'i dkyil 'khor du dbang bskur gsan pa'i dag snang nye brgyud byung ba dang*/_mdo khams karma dgon gyi kar ma'i yang dben du rgyal dbang rang byung rdo rjes rjes su bzung ste de'i bla sgrub dgongs gter du rdol ba'i phyag bris dang po'i steng ma 'ongs dus su 'di ru lan gcig 'byung zhes gnang ba phyis rje nyid kyi yang srid der phebs pa dang*/_kun mkhyen 'jigs med gling pa sngags pa dkar chas can gyis rjes su bzung ba dang*/_yon tan rin po che'i mdzod las gsan bsam mdzad pas mkhyen rab kyi sgo phye bar gsungs pa dang*/_bsam yas Ar+Ya pa lo'i gling du rdzogs chen bla ma yon tan dpal bzang gis sbyin bdag mdzad nas bka' brgyad bde gshegs 'dus pa'i sman sgrub mdzad pas sman sgrub la 'ja' zug_/rje bla ma snang rig 'dres pa'i nyams khyad par can thugs la 'khrungs pa gsungs pa dang*/_'jam mgon bla ma rnam gnyis mdun nas bka' chos gsan skabs kho bo lo gzhon pas gsol 'debs sogs byed ma shes kyang byin 'bebs dang dbang bzhi pa'i ngo sprod skabs thugs yid 'dres pa'i nyams rgyun par shar ba yod pa bla ma lta dgongs mtho ba'i byin rlabs kyis red ces gsungs/_spyir 'jam mgon rdo rje 'chang rnam pa gnyis zab gter gyi bka' babs rten 'brel rab tu byung na khong rnam pa gsum rdzu 'phrul dang brtul zhugs la mkhan slob chos gsum dngos lta bu dang*/_nged cag slob ma rnams rje 'bangs nyer lnga lta bu 'ong rgyu red ces zhal nas dngos su gsungs pa dang*/_skabs zhig zhal rtsed du zhe chen dbu mdzad skal bzang mgon po tshe gcig tu dbu mdzad byas pas 'og min smin grol gling gi dbyangs rol dang*/_nga'i mi tshe gcig la sgom lo byas pas lta sgom gyi phu thag chod pa'i gdeng thob dgos rgyu red ces gsungs/_rdze bla ma nyid zhe chen bla brang steng gzim chung du sku mtshams dam rgyar bzhugs skabs nam rgyun gzim skar sgo gtan nas phye mi mdzad pa la/_nyin gcig gsung thun bzhugs sgang snga dro zhig la gzim skar sgo steng ma phye nas 'dug pa kun gyis rjes de ring gzim skar phye 'dug pa gang yin zhes gleng rkyen gyis nyin gung gsung thun grol nas chab gsang phebs rjes nye gnas sku mched bla ma 'jam dbyangs kyis gsol lcogs nang gzigs pas shog dril zhig 'dug pa brkus nas khro shul mkhan rin po che gzim chung khyams der bzhugs pa la gzigs phul bas skyabs rje rab 'byams rin po che kun bzang bstan pa'i nyi ma mgo log tu rin chen gter mdzod chen mo'i chos 'khor grub rjes dgongs pa rdzogs ma thag sprul gzhi bi ma mi tra/_rigs bdag mkhyen brtse dbang po/_rab 'byams rin po che'i bcas tho brtsegs su bzhugs pa zhal gzigs te 'das rjes tshigs su bcad pa du ma bstsal ba'i mthar rje nyid la thim pas dgongs pa dbyer med du gyur pa dang*/_mchog gi sprul sku 'byon pa'i lung bstan bcas yod pa dang*/_phyis dgung grangs lnga bcur phebs shing gsol tshigs su zas ngan zhig bzhes rkyen gyis brgyud mar snyun te bzhugs kyang*/_zhal khrus sogs ma gnang yang sku sha dkar sangs/_gnyer ma sogs gtan nas med pa dang*/_gsol chas rgyun ring ma bzhes kyang sku nyams chag pa sogs gtan nas med pa gzi brjid dang ldan par bzhugs pa dang*/_bka' brgyad sgrub phug tu bzhugs skabs sgron me sogs gang yang med kyang mtshan mo mun sros pa'i skabs phyag bris nyin par bzhin gnang ba nye gnas kyis mjal ba sogs lta dgongs mthon por phebs shing*/_nang gi ting nge 'dzin la mnga' brnyes pa'i rtags mtshan gsal ba dang*/_mdor na theg pa mchog gi gseng lam sgra ji bzhin du snyeg pa zhig la phyi ma'i dus 'dir bdag gi bla ma tsam zhig yin par mkhas grub kyi skyes chen du mas bsngags par mdzad/_dgung grangs sum cu'i skor phebs pa nas log smon can zhig gis zas ngan zhig phul ba mkhyen bzhin bzhes pa'i rkyen gyis sku la snyun shin tu lci ba thebs tshul gyis phyag gis sku rgyab tu sku chings sdom mi nus pa dang*/_ljags dang tshems gas pa las khrag bab pas ljags klog mi bde ba sogs byung kyang rtsa rlung gi nus pas sku tshe la bar chad ma byung*/_sku tshe'i smad dgung grangs bzhi bcur phebs pa nas rdzong lung pad+ma lha rtse zhes bka' srung lha chen gyi gsang rten rang byung gi brag dmar las 'khrungs pa zhig yod pa'i drung du rin chen ril nag chen mo bzhes te zla ba gcig tsam du sbra gur phub ste bzhugs shing*/_slar mdo khams gnas chen nyer lnga'i phrin las bzhi yi gnas chen las rgyas pa'i gnas chen zil khrom gangs kyi ra ba'i byang phyogs zhe chen rgyab ri seng ge gnam rdzong ri khrod du bka' brgyad bde gshegs 'dus pa'i tshogs khang du grags pa'i sgrub phug dang*/_gzim spyil gsar bskrun bde mchog bkra shis dge 'phel du them pa spang nas kun spang bya bral ba'i tshul gyis sku gshegs kyi bar bzhugs shing thugs sras 'jam mgon mkhyen brtse rin po che/_kong sprul sogs la gdams ngag rin po che'i mdzod kyis mtshon chos 'khor gal che ba chos mdzad sgrub pa po dam ldan slob ma'i gtso bo kha shas las dad sbyin mchog phal su la yang mjal kha dang*/_rkyen sel tshe dbang sogs gang yang ma gnang bar rtse gcig sgrub pa snying por mdzad pa dang*/_phyi ma'i dus 'dir 'dzam gling chos kyi shing rta chen po 'jam mgon mkhyen kong rnam pa gnyis dang*/_thams cad mkhyen gzigs mi pham rin po che rnams kyi bka' drin 'ba' zhig pas ris su ma chad pa'i thub bstan rin po che spyi dang*/_khyad par rang lugs snga 'gyur rdo rje snying po'i lta dgongs kyi zab gnad ches cher gsal bar mdzad pa bla ma'i bka' drin rjes su gso ba dang*/_sangs rgyas kyi bstan pa'i gzhi ma lung rtogs kyi mdzad pa gong 'phel du 'byung ba'i phyir bstan 'dzin gyi skyes bu ches mang du bskrun par mdzad pa'i tshul la rang dgon gyi zhe chen rab 'byams rin po che 'gyur med kun bzang bstan pa'i nyi ma/_rje nyid dang*/_grub dbang rdzogs chen lnga pa thub bstan chos kyi rdo rjes gzigs snang dgongs pa rtse mthun du byung ba mgo log a khyung sbra sar dpon po'i sras su 'khrungs pa seng ge'i khri la mnga' gsol/_yab yum sku 'khor rigs dang*/_grwa tshang la dgyes ston sogs dpe zla 'os par mdzad/_mchog gi sprul sku rin po cher rten sdom pa gsum dang*/_snga 'gyur bka' gter gyi smin grol rab 'byams dang*/_gsan bsam sgom pa'i rgyal thabs la bkod pas rang lugs bstan pa'i srog rtsa zin nges su byung ba dang*/_'jam mgon kong sprul rin po che'i mchog sprul rab 'byams lnga pas ngos 'dzin khri bkod gnang ba rab 'byams rin po che dgongs pa rdzogs rjes rje bla ma nyid dang bla brang gcig tu bzhugs nas bshad sgrub las gsum gyis snga 'gyur bka' gter yongs rdzogs kyi mnga' bdag chos kyi rgyal po smin gling pa'i bstan srog 'dzin pa la gzhan dring mi 'jog pa'i mkhas grub chen po bskrun/_gzhan yang rab 'byams mchog gi sku sprul gyi bye brag kong sprul rin po che'i sku mched dgon stod mchog sprul/_dbon sprul 'gyur med mthu stobs rnam rgyal sku phreng gnyis pa dang gsum pa/_mkhas btsun rigs par smra ba'i khyu mchog lo chen sprul sku 'gyur med 'od zer grags pa/_rgyal sras gzhan phan mtha' yas kyi dbon rigs su 'khrungs pa'i 'bar chung sprul sku sogs 'jam mgon mi pham rin po che'i mchog sprul rje de nyid kyi sku mched chos dpal gyi sras su 'khrungs pa dang*/_gus 'bangs dman bu la'ang kun gzigs mkhyen brtse rin po che'i mtshan dang smin grol rgya cher bka' drin du bstsal ba sogs zhe chen dgon dang*/_gzhan yang phug dgon 'ju mo hor dgon sib rdzogs chen dgon sogs dgon lag du ma'i sprul sku ngos 'dzin/_khri bkod dang de dag gtso bor gyur pa'i skal bzang gi gdul bya ris su ma chad pa la bka' ma mdo sgyu sems gsum/_yang phur/_dong sprugs gnyis sogs dbang lung gi rgyun gang bzhugs thams cad dang*/_rin chen gter mdzod chen mo/_nyang gter bka' brgyad pod dgu/_bla ma dgongs 'dus dbang chen dang gter gzhung pod bcu gsum lung*/_bla ma gsang 'dus dang*/_khros nag gi gzhung pod/_rdo rje gling pa'i bka' brgyad dang*/_hU~M skor snying thig sogs phal cher dang*/_byang gter skor yongs rdzogs/_grol thig dgongs pa rang grol/_rdzogs pa chen po snying thig ya bzhi/_klong chen mdzod bdun/_ngal gso skor gsum/_sngags kyi spyi don/_gsang 'grel phyogs bcu mun sel/_rong zom bka' 'bum/_smin gling gter chen rin po che'i bka' 'bum/_sgrub thabs 'dod 'jo'i bum bzang*/_klong chen snying thig gi rtsa pod gnyis/_kun mkhyen 'jigs gling gi bka' 'bum pod dgu/_rab 'byams gnyis pa 'gyur med kun bzang rnam rgyal gyi bka' 'bum pod dgu dang*/_rgyal tshab dang po bstan 'dzin chos rgyal gyi bka' 'bum pod gcig_/dbon sprul ma hA paN+Di ta 'gyur med kun bzang mthu stobs rnam rgyal gyi glegs bam pod drug dang*/_rnam thar skal bzang mgul rgyan pod gcig_/grub chen shes rab yar 'phel gyi dbu phyag rdzogs gsum gyi khrid yig dang lta mgur/_gdams mdzod sprul pa'i glegs bam pod bcu/_kong sprul rin po che'i rgya chen bka' mdzod pod bcu gsum/_mi pham rin po che'i bka' 'bum pod nyer bzhi'i lung*/_de sogs kyi smin byed kyi dbang*/_grol byed kyi khrid/_rgyab rten bshad lung dang bcas pa'i chos 'khor rgyun mi chad pas skal bzang slob ma'i tshogs rtag par skyong bar mdzad pas zhal slob thams cad smin grol chos kyi 'byor pas phyug pa sha stag dang*/_'jam mgon mi pham rin po cher lhag pa'i lhas lung bstan pa ltar nye ba'i sras chen brgyad kyi sku thog tshad las mi chung ba re bzhengs mdzad pa'i bye brag sa yi snying po'i sku zhe chen du bzhengs par bka' yis bskul te sa snying gser zangs kyi sku thog tshad bzhengs pa'i mdun mchod 'bul skabs nyer mkho'i sa snying gi mchod chog cig gsar bsgrigs mdzad nas mi pham rin po cher spyan 'bebs zhus pas deng sang gi dus 'di 'dra la 'di lta bu'i legs bshad rtsom nus pa dka' nges yin 'dug pas phyin chad rgyal tshab rin po che'i gsung ji yod 'thor gyar du ma bcug par bsags nas bka' 'bum zhig bsgrigs te spar du bkod dgos nges 'dug ces bka' bstsal ba ltar kun gzigs mkhyen brtse rin po che d+harma ma ti'i dbu 'don gyis/_rje bla ma'i sku dbon dge legs rgya mtsho dang*/_nye ba'i thugs sras nyi ma lta bu kong sprul rin po che pad+ma dri med legs pa'i blo gros gnyis kas rten rtsa gang dgos phangs med du btang bar mdzad pa dang*/_'jam mgon rnam gsum gyi bstan pa la snying nas gus pa'i dge slong zhing skyong gi 'gan khur lhur bzhes bcas spar du bsgrubs pa'i glegs bam gyi dkar chag ni/_(ka)_tshogs gsog mchod 'bul sna tshogs kyi skor tshogs gnyis nor bu rgyas pa'i sprin chen ldeb/_123_'jam mgon bla mchod grub gnyis nor bu'i gter mdzod/_17_nyi zla'i rtags can rnams rgya gar du dpe thob pa rnams yin/_mchan/_sa snying mchod chog rin chen dbang gi rgyal po ldeb/_48_rgyal ba'i rten gsum bzhengs pa dang mchod pa'i phan yon tshogs gnyis pad tshal bzhad byed yid ches lung gi nyi ma/_212_(kha)_bstod tshogs kyi skor yon tan rgya mtsho'i sprin phung*/_219_bla ma rgyang 'bod dang gsol 'debs zhabs brtan skor dang bsod nams rgya mtsho'i sprin chen/_120_(ga)_snga 'gyur gtso bor gyur pa'i sgrub brgyud shing rta brgyad kyi chos 'byung legs bshad pad+ma dkar po'i rdzing bu/_264_rin chen gter mdzod las 'phros pa'i gtam lha'i rnga sgra/_73_(nga)_ka lA pa'i mtshams sbyor lnga'i lag len bdud rtsi'i nying khu/_33_yi ge'i brda dag gsal bar ston pa'i bstan bcos blo gsal mgul rgyan/_69_rgyan gyi bstan bcos me long gi don 'grel dper brjod ngo mtshar pad+ma dkar po'i chun 'phyang*/_112_snyan ngag 36don rgyan so lnga'i dper brjod khol byung yid skyes gzhon nu'i zlos gar/_28_bstan rtsis nyer mkho rab gsal me long*/_12_'byung rtsis kyi re mig blta bder spel ba ku mu dA'i rdzing bu/_18_keg rtsis zhe bdun gyi rdel bshad rab gsal me long*/_12_bal mo sdeng skor gyi rdel bshad ut+pal dkar po'i phreng ba/_10_zhal gdams gtam tshogs dang bca' yig skor blang dor rab gsal nor bu'i sprin chen/_132_(ca)_zhal gdams dang gsung mgur sna tshogs kyi skor kun phan bdud rtsi'i sprin chen/_306_zur chung shes rab grags pa'i zhal gda~Mms brgyad cu pa'i mcha~Mn 'grela~M rina~M po~M che'i~M phreng ba/_39_(cha)_theg pa chen po'i blo sbyonga~M gi man ngag zab don sbranga~M rtsi~M'i buma~M bza~Mng*/_270_thugs rje chen po bde gshegs kun 'dus kyi sngon 'gro'i khrid zin raba~M gsa~Ml sgrona~M me~M/_38_thugs sgrub bar chad kun sel gyi rim pa dang po'i khrid zin lha rdzas me tog_55_(ja)_rdo rje theg pa thun mong gi sngon 'gro'i khrid kun mkhyen zhal lung rnam grol shing rta/_364_(nya)_dkon mchog dang las 'bras la yid ches bskyed pa'i gtam rgyud snying por bsdus pa yang dag thar lam bgrod pa'i skas/_523_(ta)_las dang po pa la phan pa'i bskyed rdzogs kyi go don nyunga~M gsa~Ml go bder brjod pa/_11_bskyed rim spyi'i rnam bzhag raba~M gsa~Ml nora~M bu~M'i me~M longa~M/_99_ngesa~M dona~M snyinga~M po'i~M gna~Md mdor bsdus pa rin po che'i sgron me/_de'i sa~M bca~Md ldeb/_80_bden gnyis bsal bzhag dang bral ba'i don gyi dgongs bshad glog gi sgron ma/_81_rdo rje phur pa yang gsang spu gri'i rnam bshad rig pa 'dzin pa'i zhal lung*/_60_snyan brgyud yang phur sbrags ma'i zab tig gi rnam bshad gruba~M gnyisa~M 'doda~M 'jo~M'i dga~M' tshala~M/_117_gro lod gsang sgrub gdug pa kun 'dul gyi dmigs rim zin bris grub pa mchog gi zhal lung*/_22_sems don dngos gzhi'i nyams len gnad bsdus rab gsal sgron me/_57_(tha)_bshes spring mchan 'grel pad+ma dkar po'i phreng ba/_31_spyod 'jug sher le'i mchan 'grel don gsal me long*/_59_spyod 'jug sher le'i 'bru 'grel kun mkhyen bla ma'i gsung las btus pa raba~M gsa~Ml nora~M bu~M'i sgrona~M me~M/_100_dkon 37mchog gsum gyi don rnam bzhag dad pa'i rlabs phreng rnam par g.yo ba'i chu gter/_60theg pa rim dgu'i rnam bzhag mdor bsdus rin po che'i them skas/_169_(da)_yid bzhin mdzod kyi 'grel chung pad+ma dkar po'i sprin chen/_167_theg dgu'i tshogs bshad nora~M bu'i~M tam+bura~M/_gsang snying tshogs bshad/_sdom gsum tshogs bshad bcas la/_93_bla ma'i rnal 'byor skor byin rlabs rgya mtsho'i sprin chen/_37_rgyal dbang rang byung rdo rje'i bla ma'i rnal 'byor 'oda~M gsa~Ml sprina~M gyi~M rola~M mo~M/_6_(na)_nyer mkho thor bu sna tshogs kyi skor 'dod 'byung nor bu'i sprin chen/_96_nyer mkho dba~Mng gi~M mtshama~Ms sbyora~M rina~M po~M che'i~M phrenga~M ba/_73_lhag pa'i lha sna tshogs kyi sgrub thabs dang bsnyen yig skor rdzogs ldan nor bu'i sprin chen/_118_seng chen yid bzhin nor bu'i gsol mchod dpa~Mg bsa~Mm yonga~Ms 'du'i~M 'khri~M shinga~M/_20_(a)_'jam mgon bla ma'i gdung rten gnyis kyi dkar chag ngo mtshar snang ba/_31_bsngo smon dang bkra shis skor dge~M lega~Ms rgya~M mtsho~M'i sprina~M chena~M/_36_snga 'gyur bstan rgyas smon lam 'grel pa phyoga~Ms lasa~M rnama~M para~M rgyala~M ba'i~M rgyala~M mtsha~Mn/_125_dkar chag nor bu'i phreng ba thugs sras kong sprul rin po ches mdzad pa ldeb bdun bcas pusti bcu gsum bzhugs pa/_de dag kyang gsal la go bde snyan 'jebs kyi brjod pa rmad du byung ba/_mkhas pa mgu bar byed pa'i lung dang rigs pa'i zab gnad phun sum tshogs pa/_khungs dang 'brel zhing gong ma'i gsung rab thams cad kyi gsal byed du gyur pa kun mkhyen ngag gi dbang po bsam yas pa dang*/_rgyal dbang karma pa rang byung rdo rje'i legs bshad kyi phreng ba rnams dang gsung rtsom gyi gshis mtshungs zhes mkhas pa dag gis gsungs la/_dge mang mkhan yon tan rgya mtshos zhe chen rgyal tshab rin po che'i phyag mchan nyung zad btab pa'ang tshig nyung go sla gnad 'dus zab don rjen la phud pa mkhas grub chen po'i gsung 'gran zla bral zhes gsungs nas phyag thal mo sbyar nas shin tu rtsis ches che bar gnang ba ltar dang*/_ljags bshad gnang ba'i tshe zlos dang nor ba'i skyon dang bral zhing bka' dang bstan bcos kyi lung sbyor rgya che mu mtha' med pa dang 'brel bas 'bab stegs bde ba'i chu klung ltar gsungs pa'i tshul rje bla ma dgung grangs bcu skor phebs skabs kaHthog dri med zhing skyong mchog sprul khri 'don skabs phebs pas phun tshogs lnga ldan gyi gsung bshad sgros gtsang ngo mtshar che ba gnang bas de skabs kyi dpyod ldan thams cad kyi yid kyi brtan pa 'phrog pa'i tshul lta bu ste/_phas kyi rgol ba dag rtsod pa'i tshul yang rin chen gter mdzod chen po'i dogs sel sogs la dpyad pas lung rigs kyi tshad ma'i sgrub byed mang zhing*/_don la gnas pa'i rgol bas mi brdzi ba'i spobs pa'i gzengs mtho bar shes pa dang*/_gzhan sems dkrugs pa'i chags sdang gi ngag rtsub mo med pas don la rgol ba'i skabs mi rnyed pa dang*/_rje nyid dus kun sbas tshul snyoms chung gi tshul du bzhugs shing*/_gsung gi tshogs rnams nas kyang smra ba mang ba'i skyon dang nyes pa mang bar gsungs ba ltar thugs snyoms zhing*/_don med kyi gsung 'phros mang po mi gnang ba ni snyigs ma'i dus 'dir thos bsam gyi yon tan phra mo zhig yod na des sems khengs te rang gzhan grub mtha'i chags sdang dang*/_chos spang gi las ngan bsags pa du ma byung bas thugs sun pas don chung nyi tshe'i dgag sgrub mang po mi gnang ba las tshar gcod rjes 'dzin thun mong gi shes bya rig pa'i gnas che chung bcu dang*/_thun mong ma yin pa'i mdo sngags kyi gzhung lugs thams cad gting phyin par mkhyen cing*/_phyi nang dang theg pa gong 'og gi grub mtha'i tha snyad dang lta sgom spyod pa'i gnad thams cad nyams 'og tu tshud pas grub mtha' thams cad 'gal med du mkhyen/_khyad par rang nyid sngon gyi smon lam zab mo'i snga 'gyur gyi bstan pa'i mnga' bdag tu byon pas gsang bdag zur mes dbon/_kun mkhyen rong klong rnam gnyis/_chos kyi rgyal po myos ston sku mched dang*/_kun mkhyen 'jigs med gling pa/_'jam mgon mkhyen kong gnyis dang mi pham rin po ches ji ltar bkral ba'i gzhung bzhin rang lugs rkang tshugs par bzung*/_sgyu 'phrul bshad sgrub kyi rgyun la thugs rtsis shin tu che bar gnang nas gsang bdag dgongs rgyan gyi glegs bam 'bral spang du bsnams par mdzad nang gi lta dgongs chos nyid mngon sum du gzigs pa'i grub brnyes chen por byon kyang phyi'i kun spyod chos gos rnam gsum 'bral spang dang sha chang gi zas mi bzhes pa sogs 'dul ba dang mthun pa kho na gnang zhing*/_sku gong ma srog gcod kyi nyes pa dang bsngos sha 'dres pa'i srol ngan gyis thugs sun te smon lam mdzad pa'i dbang gis rje 'di sku 'khrungs nas gshegs kyi bar sha khrag gi zas gtan nas mi bzhes/_'phyor chas dang o zob shugs kyis spangs nas sbyangs pa'i yon tan dang ldan pa'i gnas brtan rdo rje 'dzin pa chen por bzhugs shing gsung gi tshogs rnams las sha chang dang bud med tha ma kha'i nyes dmigs/_tshul khrims 'chal ba'i skyon/_khrims ldan phan yon rgya cher 'byung zhing slob ma dag la zhal gdams bstsal ba thams cad tshe 'di'i legs nyes bya spyod thams cad lung bstan 'ba' zhig tu gyur pa kho na yod pas mtshon rjes 'jug thams cad la yang de ltar zhal gdams yang yang bstsal ba'i bka' drin gyis gdan sa zhe chen chags gnas 'brog sde shas che yang byang chub sems dpa' chen po 'di'i sku ring nas bla brang khag dang*/_grwa mang spyi bye brag gi sgo bshas kyi sdig rgyun bcad/_mchog sprul rin po che rnams dang*/_rje mchog gi sku tsha rnams dang*/_mkhan po dang sgrub bla rnams sdom brtson sde snod 'dzin pa'i gnas brtan tshul khrims kyi pha rol du phyin pa du ma byon pas mdo khams kyi skye bo gzur gnas dag gis zhe chen dgon pa kha mkhos chung zhing grwa tshang nyung yang bla ma bzang la mang ba ni sus kyang 'gran zla med ces gleng*/_'jam mgon mi pham rin po che dang po chos zhugs gnang yul 'ju mo hor dgon gsang sngags chos gling yin pa'i dbang gis phyis su mkhas pa'i grags snyan gyis khyab ste mdzad phrin rgyas pa'i tshe zhe chen dgon gzhung gis seng khrir mnga' gsol zhus pas phran ni bzang po seng ge lta bu'am/_ngan pa khyi ltar gang byung yang zhe chen dgon gyi grwa pa dang chos rgyun yin pa khas len zhes gsungs shing*/_thugs dam gyi rten 'jam dpal ye shes sems dpa'i mdun du dri bzang kha che sha skam sil ma'i me tog phyag tu bsnams nas 'jam dpal gyi bstod pa gang blo ma gsungs nas me tog de nyid 'jam dpal gyi dbu la gtor te bden brjod dang bcas chos sde 'dir bshad grwa zhig tshugs na rgyal bstan spyi dang*/_khyad par snga 'gyur gyi bstan pa'i rgyan du gal che bas de bzhin nges par grub par gyis zhes rab 'byams dang*/_rgyal tshab rin po che rnam pa gnyis ka la bka' gnang ba rab 'byams rin po che sku tshe mtha' rtul ba dang ji bzhin phyag bzhes gnang rgyu ma byung yang rgyal tshab rin po che yis thugs 'gan lhur bzhes gnang ste bshad sgrub zung 'brel gyi sde btsugs par mdzad nas/_thog ma'i rten 'brel du kong sprul rin po che/_dgon stod sprul sku/_gus mkhyen sprul/_blo gros rab gsal/_'phags sgang sogs la 'jam mgon mkhyen brtse rin po che chos kyi blo gros mchog gis 'jam dpal bstod pa gang blo ma'i ljags bshad nyin bdun tsam gnang*/_de rjes dge mang mkhan yon tan rgya mtsho'i slob ma'i gtso bo mkhan po sgra dbyangs phebs nas/_rab 'byams mchog sprul/_kong sprul rin po che rnam gnyis dang*/_mkhan blo gros rab gsal/_'phags sgang sogs blo gsal gyi tshogs du ma la dbu ma rgyan/_sgyu 'phrul gsang ba snying po gtso bor gyur pa lo 'khor gcig lhag tsam gsungs pas dbu tshugs nas/_mkhan po rig 'dzin 'od zer/_khro shul mkhan 'jam dpal rdo rje/_kaHthog mkhan chen nus ldan/_bod sprul sogs kyis mkhan po mdzad cing bshad grwa'i phrin las kyi rgyun skyabs rje rab 'byams rin po che dang*/_lhag par 'jam mgon kong sprul rin po ches dbu khrid mdzad nas 'jigs bral gyi paN chen mi pham rnam par rgyal ba'i 'grel chen rnams dang*/_'dul mngon dbu ma sher phyin mdzod sogs kun gzigs mi pham rin po che'i phyag mchan ltar 'chad nyan mdzad/_tshes bcu yar ngo mar ngo 'jam mgon zab gter gsang thig yab bka' yum bka' mdzad pa'i/_zhe chen bshad grwa legs bshad nyi zla'i gling zhes rgyal tshab rin po che sku dbon mkhas grub kyi dbang phyug blo gros rab gsal/_mkhan po byang chub rdo rje'am gang shar dbang po 'phags sgang sogs sdom pa'i tshul khrims gtsang zhing mkhas pa'i rnam dpyod che ba/_nang gi nyams rtogs mnga' bas rtog ge skam por ma song*/_bzang po'i phrin las kyis snga 'gyur gyi bshad pa'i chu 'go tshugs pa'i rigs pa smra ba bzang la mang bar byon pas/_'og min o rgyan smin grol gling gi gdung sras rin po che dang*/_rje bla ma mchog gi thugs sras zur mang drung rin po che'i mchog sprul/_zur mang gar dbang mchog sprul/_mkhar mgo 'jam grags mchog sprul/_sga stod khra 'gu sprul sku dang*/_grwa pa blo gsal kha shas dang*/_bon bstan rgyas sprul sku sogs grub mtha' ris su ma chad pa'i dam pa du mas kyang gsan sbyang rgya cher gnang ba bstan pa'i mdzes rgyan du grub/_de rjes rim gyis rgyal tshab rin po che bstan 'dzin chos rgyal gyi phyag bzhes bzhin sgrub sde zur du tshugs na legs lam che ba 'jam mgon mkhyen brtse rin po che chos kyi blo gros kyis dgongs bab bzhin rang dgon gyi dge 'dun bgres pa dang*/_phyogs gzhan gyi chos mdzad bcas spong ba pa bco lnga skor gyis/_bla ma gsang 'dus/_rig 'dzin thugs tig_/rdor sems thugs kyi sgrub pa dang*/_thugs rje chen po bde gshegs kun 'dus bcas kyi sngon 'gro dngos gzhi'i nyams bzhes dang*/_phur pa yang gsang spu gri dang*/_nyang gter khros nag gi bsnyen pa bcas mtha' skyel mdzad pa'i yar mar gyi tshes bcu rig 'dzin thugs tig dang nyang khros kyis gtang dgos pa'i sgrub sde 'og ma'i thebs rtsar dgon stod mchog sprul 'gyur med thub bstan rgyal mtshan nas sbyor 'jags gnang ba dang*/_kun gzigs mi pham rin po che'i zhal chems phyag bris su/_phran gyi dpe cha rnams zhe chen rgyal tshab slob gnyer cung zad yod pas de la phul zhes gsung pa ltar nye gnas bla ma rin po che chos dbyings 'od gsal gyis rje bla ma mi pham rin po che'i phyag dpe skor yongs rdzogs 'bul bar mdzad pa'i bka' 'bum skor ldeb 'bring pod nyi shu lhag spar du brko bar mdzad nas chos rgyal sde dge'i rgyal khab lte ba dgon chen lhun grub steng gi spar khang chos mdzod chen po ru bzhugs su gsol ba dang*/_de las dbu ma rtsa ba shes rab/_dbu ma 'jug pa/_byams chos sde lnga/_mngon pa gong 'og gnyis/_sor mdo/_dge tshul kA ri ka_/bshes spring*/_don rnam nges/_tshad ma rig gter/_brda shan 'byed/_rten 'brel snying po'i mdo/_kun mkhyen klong chen pa'i yid bzhin rin po che'i mdzod rnams phyag mchan kaHthog si tu paN+Di ta dang*/_mkhan chen kun dpal/_rje bla ma rnams lhan rgyas pas zhal bshu mdzad pa dang*/_rdzogs pa chen po'i zab gnad thun mong ma yin pa rtsal bton gnyug sems rtsa ba rdo rje snying po/_gzhi lam 'bras bu'i shan 'byed blo gros snang ba/_zur dpyad rdo rje rin po che'i phreng ba/_gzhung spyi'i bka' gnad phyogs bsdus rin po che'i za ma tog bcas rtsom gzhi'i gsung gi zegs ma rje nyid kyis bka' bsdu gnang ba/_'jam mgon mi pham rin po che'i sku gshegs khar da ni shi yang bya ba lhag ma lus pa gang yang med/_gnyug sems skor de zhib dpyad kyis brtsams pa mthar phyin na rnying bstan la phan nges zhig yin kyang spros pa skyungs pa yin zhes gsungs pa dang*/_rje bla ma mchog gis bka' bsdu gnang ba mdzad pa'i snga dgongs su mi pham rin po che'i gdung rten thugs dam 'jam dpal ye shes sems dpa'i mdun gsol btab tshogs 'khor gnang bas 'di 'dra zhig bri ba'i spobs pa thob ces khro shul mkhan rin chen tshul rgyal la bka' bstsal ba ltar/_'od gsal rdo rje snying po'i lta sgom la bzla shan 'byed/_lung rigs kyis mtha' dpyod ngo mtshar can du ma bstan pas snga 'gyur gyi bstan pa'i srog mthud pa'i legs bshad kun mkhyen chos kyi rgyal po'i mdzod chen bdun dang gnyis su med pa dang*/_gzhan yang man ngag lta phreng*/_'jam dpal bshes gnyen gyi rdo la gser zhun/_sa ra ha'i do ha/_rdo rje rnam 'joms gzungs mdo'i mchan 'grel sogs sngags gzhung rnams phyag mchan zhal bshus zhu dag mdzad pa dang*/_rgyal ba'i bka' 'gyur/_bstan 'gyur/_mdzod chen rnam pa lnga sogs phyag dpe'i skor gsar bzhengs/_mi pham rin po che'i gdung rten byang chub mchod rten dang*/_rje de'i sku mchod thugs rje chen po bde gshegs kun 'dus dngos gzhi rab gnas dge legs 'dod 'jo dang 'brel ba nyin gsum la gdung rten mdun zur 'tshogs kyi thebs rtsa dang*/_tshes bcu yar ngo mar ngo'i tshogs 'khor dang*/_cho 'phrul dang sa ga zla ba/_'jam mgon rnam gsum gyi sku mchod rgyas spros dang*/_zhe chen gzhung gi spros bcas tshes bcu chen po'i gser skyems dngul gyi phud kong cha nyer lnga/_bya ma bum sogs mchod chas du ma dang*/_bar khrod pad+ma 'od gling du gzims spyil gsar bskrun bkra shis 'chi med 'od snang dang*/_yang khrod bde mchog bkra shis dge 'phel bcas gsar bzhengs dang*/_dus mchod kyi spyi rtsa nyams gso sogs rgya cher mdzad pa nges kyang zhib par yi ger 'god ma shes zhing*/_mdor na bstan rtsa bshad sgrub las gsum gyi phrin las rgya che mu med du bskyangs ba'i bka' drin bsam gyis mi khyab cing*/_rang lugs gtsor gyur bstan pa'i rgyun zin pa'i thugs sras zhal slob kyi tshogs kyang ris med bstan pa'i mnga' bdag 'jam mgon bla ma chos kyi blo gros rin po che dang*/_rab 'byams drug pa 'gyur med kun bzang bstan pa'i nyi ma/_'jam mgon kong sprul rin po che 'gyur med kun bzang gzhan phan mtha' yas sam pad+ma dri med blo gros/_dgon stod mchog sprul 'gyur med bshad sgrub rgyal mtshan/_'bar chung sprul sku 'gyur med gzhan phan/_lo chen sprul sku 'gyur med kun bzang 'od zer grags pa/_mkhyen sprul mtshan 'dzin kho bo 'gyur med theg mchog bstan pa'i rgyal mtshan dang*/_mkhas btsun bzang po'i yon tan gzhan mtshungs med pa khro shul mkhan 'jam dpal rdo rje/_sdom brtson sde snod 'dzin pa mkhan po 'gyur med thub bstan rgyal mtshan nam blo gros rab gsal/_mkhyen rtogs mtshungs med mkhan po 'gyur med gang shar dbang po/_zab lam la gdeng khel ba'i dgongs pa mngon gyur mkhan po 'gyur med blo gsal/_nyams rtogs mthar son mkhan po o rgyan mgon/_mkhan po 'phags sgang*/_mkhan po thub bstan sogs du ma dang*/_sgrub brtson bla ma dam pa mchod dpon 'jam dpal blo gsal/_'gyur med pad+ma tshe sgrub/_sku dbon dge legs rgya mtsho sogs zhe chen dgon gyi mkhan sprul rnams te kun kyang sdom pa gsum gyi khrims gtsang*/_mdo rgyud la mkhyen pa rgyas/_zab lam gyi rtogs pa'i gdeng tshad ldan/_bshad sgrub las gsum gyis bstan la bya ba mdzad pa kho na dang*/_mkhan chen thams cad mkhyen gzigs kun bzang dpal ldan chos grags/_kaHthog mkhan rin po che nus ldan sogs dang*/_smin gling khri chen rin chen 'gyur med pad+ma dbang chen/_khri chen don grub dbang rgyal/_mkhan gcung rnam pa gnyis bcas kyis phur pa yang gsang spu gri'i dbang*/_de'i rnam bshad rje nyid kyis mdzad pa'i bshad khrid bcas gsan pa dang*/_sib mda' bkra shis chos gling gi rdzogs chen mchog sprul/_rtogs ldan a tshogs dang*/_chos nyid grags sogs sgrub brtson khyad par can dang*/_rje'i sku tsha gshong nag dgon gyi sprul sku pad+ma mkhas grub rgya mtsho dang*/_khro shul dang*/_phug dgon/_gling bzang mgo/_mtsho sngon phyogs sgo me deng rgya bka' bcu kun bzang snyan grags sogs dgon pa'i mkhan sprul khyad 'phags du ma bzhugs kyang mtshan zhib par ma nges/_zur mang drung rin po che karma chos kyi nyin byed ni phan tshun bla slob gnyis kar gyur cing dgongs spyod gcig tu 'dres te bka' rnying gi bstan la phyag rjes che ba dang*/_sangs rgyas mnyan sprul karma bshad sgrub bstan pa'i nyi ma/_zur mang rnam rgyal rtse'i mkhan po karma tshe brtan/_bdud rtsi dil gyi mkhan po karma blo dga' sogs dang*/_mdo smad sa ngor tshar gsum gyi bstan pa'i 'byung gnas sde dge lhun grub steng gi mkhan chen bsam gtan blo gros zhe chen du ched phebs kyis rje bla ma dang gzim chung gcig gi nang rgyun ring po bzhugs nas smin grol rgya cher phan tshun gsan bzhes kyis thugs nang shin tu gshin pa dang*/_mkhan rin po che bsam gtan blo gros kyis rdzogs pa chen po'i rnal 'byor pa gu yangs blo bde zhes grags pa zhe chen rgyal tshab rin po che yin pa 'dra zhes don la gnas pa'i bsngags brjod rtag par gnang zhing*/_phyis gsung 'bum spar du sgrub pa'i skabs mthun sbyor rgya gang che gnang*/_sdom brtson sde snod 'dzin pa dbon stod mkhan 'jam dpal mkhyen rab mtha' yas/_rigs par smra ba'i khyu mchog brag g.yab mkhan po blo gros sogs dpal sa skya pa dang*/_dbus gtsang du gnas gzigs phebs pa'i skabs grub mtha' ris med pa'i mkhas grub dam pa du ma dang dbang chos kyi 'brel zhing dad bkur che ba'i bla slob du ma byung bar zhal gdams bstod gsol sogs las gsal kyang dmigs bsal mtshan nas brjod pa ji bzhin rngo ma thog_/chos rgyal sde dge rgyal btsun blon po/_gling dkar chos rgyal btsun blon che phra du ma/_lha thog rgyal blon du ma dang*/_bod gzhung gi sku drag che btsan du ma dang*/_dad gtong 'byor pas phyug cing chos kyi 'brel zab mnga' ba smos kyis mi ldang ba bcas mchis shing*/_'jam mgon bla ma rnam gsum gyi thugs sras gtso bo kaHthog si tu paN+Di ta d+harma sA ra/_rdo grub chen 'jigs med bstan pa'i nyi ma/_grub dbang rdzogs chen lnga pa thub bstan chos kyi rdo rje/_sku zhabs dge mang rin po che thub bstan nyin byed sogs dang thugs yid gcig 'dres su bzhugs shing*/_kaHthog si tu rin po che dbus phebs skabs snga 'gyur gtso bor gyur pa ris med mkhas grub du ma'i gsung mdo rgyud dgongs 'grel dang bcas pa'i glegs bam shin tu mang po dang*/_khyad par smin gling lo chen rin po che d+harma shrI'i bka' 'bum gyi dpe lung gi rgyun bsnams pa shin tu thugs spro bas ban rgan 'chi khar skad snyan 'di las lhag thos rgyu med pas sku mtshams grol te lung rgyun gsan phyir phebs dgos zhes dbu gur sogs sgar chas grwa bsgrigs gnang ba bcas mdzad pa rten 'brel 'phro can du song*/_sku gshegs pa'i snga lor zhe chen ri khrod nags me long ma zhes pa'i ri rtser sbra gur phub ste bzhugs nas bla grwa sbyin bdag thams cad la mjal kha dang*/_chos sbyin gang dgos gnang bas gdul bya'i lhag ma yongs su rdzogs par mdzad skabs ri der skyes pa'i shing phal cher bskam pa lta bu dang*/_snod kyi mdangs yal ba la ri khrus lha bsang rab gnas mdzad nas zhal rtsed lta bur lo rjes ma nas shing rgan rnams sos yong*/_mi rgan 'khogs 'gro yong zhes gsungs/_skabs der sku gzugs kyang shin tu bde ba ltar mdzad de sa 'dir chos khri sgang zhes btags dgos gsung*/_phyis su der rje bla ma mchog gi zhal skyin kong sprul rin po ches sgrub khang gsar bzhengs mdzad nas rin chen gter mdzod chen mo/_snying thig ya bzhi sogs chos 'khor rgya cher bskor te phrin las 'phel rgyas su gyur/_'di skor rdzong sar kun gzigs mkhyen brtse rin po che la gsung phrin gnang ba'i gsham du/_kaHthog si tu paN chen gshegs/_/rgan bu yang ni 'chi nyer gyur/_/rnying bstan snum zad mar me ltar/_/gyur pa 'di la khyed nyid kyis/_/blo stobs rgya cher bskyed byas te/_/bstan la bya ba byed par rigs/_/zhes gsungs pa ltar rgyal dbang karma pa bco lnga pa/_rdo grub rin po che bstan pa'i nyi ma/_kaHthog si tu sogs rje 'jam mgon rnam gnyis kyi dngos slob mkhas grub phal cher me stag lo 'dir dgongs pa rdzogs pas na rje 'di yang dgung grangs lnga bcu rtsa drug tu phebs pa'i nag pa zla ba'i skor nas snyun bab rim ljid byung yang*/_mkhan chen kun bzang dpal ldan dang yab sras lhan rgyas pas mi pham rin po che'i bka' 'bum skor zhu bcos sogs mtha' gang 'dus gnang*/_snron zla'i tshes bcu nas gsung gang yang ma byon phyag zhabs g.yas rengs pa ltar mdzad bzhengs bzhugs kyang mi thub pa byung ba dang*/_skyabs rje rab 'byams rin po che dgung grangs bcu drug las ma phebs kyang thugs bskyed che bzhes kyis rje bla ma mchog sku tshe yun ring bzhugs na bstan dgon gyi 'gan thams cad nga rang gis len chog ces dang*/_zhabs brtan sgrub 'os gang yod 'phral du sgrub nges zhes gdung shugs kyis spyan chab bsil te zhus pa shin tu thugs brtse tshul gyis dbu gtugs dang*/_phyag nas bzung ste dgongs pas byin rlabs yang yang mdzad de spyan lta stangs bcas phyag sdigs mdzub thugs kar yang yang gtad/_mkhan chen kun bzang dpal ldan dang*/_kong sprul rin po che rnams nas zhabs brtan sku tshe'i tshe sgrub zhag du ma gnang nas brtan bzhugs phul ba/_tshe rdzas rigs zhal du gtan nas ma bzhes/_bum chu dang*/_tshe ril tshe chang rnams mkhan kun dpal la dgongs gtad zab mo dang bcas slar gnang bar mdzad pas phyis mkhan rin po che sku tshe mthar phyin nas dgung grangs brgyad bcu skor bar bzhugs rdzong sar du kun gzigs mkhyen brtse rin po che'i mdun bya ma rta 'phral btang zhus shing tshes bco lnga nyin zhe chen 'dus sdes rgyal bka' rin po che dag sgrog dang*/_chos bskor mdzad pas thog ser drag po byung ba'ang kla klo'i byad ltas lta bu yin nam snyam/_phyag g.yon pas phyag sor nang du bsdu ba dang phyir 'byed pa/_se gol sogs brda mang du mdzad pa mkhan chen kun dpal nas gzugs sku ye shes nang gsal du bsdus te slar sku dang zhing gi sgron ma bkod pa'i brda bstan pa yin nam gsungs/_mchod dpon bla ma 'jam dbyangs blo gsal la gtor sgrom nas sgrub rdzas rigs phyag tu phul dgos pa'i brda mdzad pa ltar gu ru chos dbang gi gter byon phur pa'i sgrub phur dang rten gtor thams cad dang bcas pa phyag tu bzhes te kI la ya sgra dag par gsungs nas gnas gsum du dbang len mdzad cing*/_gzhan rtsa gsum gtor ma'i rigs kyang de ltar gnang*/_chos skyong gi rten gtor rigs phyag tu bsnams nas dgongs gtad bcas sgrub khang gi thog tu phul ba'i brda mdzad pa bzhin phul bas se gol bcas gshegs gsol gnang nas/_tshes bco brgyad tho rangs la zhabs sems skyil/_phyag g.yon chos 'chad/_g.yas mnyam bzhag gis bzhugs te/_dgongs pa dbyings su bsdu ba'i tshul bstan par mdzad rjes/_'jam mgon mkhyen brtse rin po che yang phebs 'byor ltar sku gdung mdun rang du nyin zhag gsum gyi bar bzhugs shing*/_dgung zhag gsum nas shangs dkar dmar byon pas chos sku las gzugs sku bzhengs bskul gyis sku gdung rin po che la khrus gsol/_dri bzang gis byugs shing ras dkar gyis dkris nas longs sku'i rgyan chas gsol te bzhugs su gsol/_sku'i gnas so sor rgyud sde rnams kyi skye mched byin rlabs dang*/_btags grol gyi rigs phul nas rdor sems thugs kyi sgrub pa'i sgo nas mchod 'bul rgya cher mdzad/_tshes bco lnga'i nyin gzim khang ltag der 'jam mgon mkhyen brtse rin po ches rdor sems dang*/_skyabs rje rab 'byams rin po ches kar gling zhi khro/_kong sprul rin po che nas bde gshegs kun 'dus/_mkhan chen kun dpal nas bka' ma dong sprugs bcas dkyil 'khor khag bzhi'i sgo nas zhugs mchod phul nas sku gdung las bdud rtsi snum zhag lta bus khyab ste spur ras mes ma nongs pa'ang rgya cher byon/_gdung sgrom sgo bcad nas zhal phyes pa dang gdung rus kyi khrod las ring bsrel yungs kar gyi 'bru las che tsam bar med du byon pa nas brtsams/_gdung khang gi zur/_gdung dud kyis gar khyab ri klung thams cad du ring bsrel grangs med byon/_zla ba re re bzhin tshes bco brgyad nam shar la nam mkhar 'ja' sprin 'char ba dang*/_pur khang gi nye skor rtswa 'jag ma'i rtse la'ang ring bsrel chags pa sogs byung zhing*/_gdung kha dog lnga can yang dad ldan kha shas nas thob pa du ma 'dug_/gdan sa dngos las nyin lam tsam du dad ldan a ma rgan mo gsum nas rje bla ma'i sku gdung me mchod phul nyin de phyogs su phyag 'tshal zhing gsol ba yang yang btab nas ngus pas skabs zhig rgan mo gcig nas nam mkha' las sprin bcu gcig zhal gyi sku gzugs su gyur pa dngos su mjal ba'ang byung*/_sku tshigs ma rdzogs kyi bar du rang dgon ma lag gi bla sprul khag_/rdzogs chen/_kaHthog dpal yul gtsos chos lugs ris med la sku phreng gong ma rnams kyi dgongs rdzogs mdzad deb dang bstun pa rgyas spros ldab 'phar du sku dbon bla ma dge legs rgya mtsho nas sgrub par mdzad/_rje bla ma'i gdung rus/_dbu lo/_na bza' gtsor gyur ring bsrel rnam bzhi'i phyur bur gtams pa'i gdung rten byang chub mchod rten thog tshad/_bum sgor mi pham 'jam pa'i dbyangs kyi nye gnas bla ma rin po che chos dbyings 'od gsal gyis rdor sems yig drug dung phyur/_yig brgya bye ba gsungs pa'i thugs dam rten rdor sems kyi sku dang 'dra zhal sku tshad can/_gzim mal du de mtshungs 'dra sku sku tshad bcas bzhengs pa rab 'byams rin po che dang*/_kong sprul rin po ches rab gnas rgyas spros lan du ma mdzad pa dang*/_skyabs rje rab 'byams rin po che dang*/_kong sprul rin po che/_sku dbon/_zhe chen 'dus sde bcas nas kun gzigs mkhyen brtse rin po che la/_sku gsung thugs rten rje bla ma'i thugs dam rten rnams kyis mtshon dngos 'bul rgya cher phul nas mchog gi sprul pa'i sku rin po che ye shes gzigs pas ngos 'dzin khrir bkod gsol ba btab pa bzhin zhal gyis bzhes/_zhe chen dgon gyi chos srid legs nyes thams cad la'ang gzigs rtogs gnang ba'i bka' slob bstsal/_'jam mgon chos kyi blo gros rin po che la/_rje bla ma tshes bco brgyad la dgongs pa rdzogs nas dgung zhag gsum gyi bar mnal lam 'od gsal gyi snang char thugs shin tu dgyes nyams dang bcas te/_bstan bcos chen po shes bya kun khyab la 'chad nyan gal che tshul sogs gsung gleng mang po gnang nas yang yang rjes su bzung tshul 'jam mgon bla ma mchog gi zhal las thos/_thugs sras kyi thu bo skyabs rje rab 'byams rin po che dang*/_'jam mgon kong sprul rin po che rnams kyang 'das rjes ye shes kyi sku yis rjes su bzung zhing*/_thugs dam la bogs 'byin khyad par can byung tshul kyang so so'i bka' 'phros las thos pa dang*/_mdor na rje nyid mkhas pa'i rnam dpyod dang phrin las rgya che ba kho na tsam ma yin pa rdzogs pa chen po'i dgongs klong ye shes kyi gsang mdzod la dbang 'byor nges pas gdams ngag gi dmar khrid kyis skal ldan rjes 'dzin mdzad pa gnad du zab tshul a 'dzom 'brug pa rin po che 'od gsal sna tshogs rang grol nas kyang bka' bskul nan tan du gnang ba ltar rnying lugs sngon 'gro spyi'i khrid yig kun mkhyen zhal lung rnam 'dren shing rta ched du mdzad cing dad skal ldan pa'i las can du mar smin khrid rtag par bstsal bas zhe chen dgon ma lag gi mkhan slob gtsos las can du ma dang*/_dad mos che ba'i khyim pa pho mo yan chad 'chi khar grol tshad thob pa du ma byung ba dang*/_rigs kyi bdag po 'jam mgon rnam gsum yab sras brgyud pa dang bcas pa'i ring lugs mdzod chen rnam pa lnga rtsa ba yan lag dang bcas pa'i 'chad nyan sgom sgrub kyi chos brgyud 'dzin pa'i nges gsang bstan pa'i shing rta chen po'i mdzad pa mthar phyin tshul dngos shugs kyis rtogs nus shing*/_der ma zad sku dbon dge legs rgya mtshos rje bla ma'i gsung rtsom skabs rgyun gyi phyag bsnam sam Ta sogs rten gsum khyad 'phags dang bcas gsol ba btab pa bzhin rje bla ma mchog gi rnam thar rgyas pa shog gu brgya lhag dang*/_rnam thar gsol 'debs bcas 'jam mgon mkhyen brtse kun gzigs chos kyi blo gros rin po che yis mdzad nas spar du bsgrubs par mdzad pa'i dpe rgyun kyang dus kyi 'gyur ba mi bzad pas dbyings su mnal bas 'di tsam yid nges dpyad bzod sgro skur dang bral bar 'bri dgos byung ngo*/_/de nyid kyi mchog gi sprul pa'i sku ni rje gong ma dgongs pa rdzogs pa'i dgung zhag gsum pa thugs dam grol ba dang bstun kun gzigs mkhyen brtse rin po che'i dgongs nyams la shin tu gsal bar byung tshul bka' las phebs thos bzhin ngos 'dzin gnang tshul ni/_mkhyen brtse rin po che'i phyag bris dngos las zhal bshus pa 'di ltar/_skyabs rje rgyal tshab dam pa'i skye srid brtags pa snga ma mdo wam co le'i mchod rten dkar chung nye skor du 'khrung ngo*/__/sa sbrul zla ba bcu gcig tshes bco brgyad nub mo de dang cha mtshungs pha ma'i ming sngon ma brjed pa pha pad+ma rdo rje/_ma tshe dga' lha mo'i ming*/_bu rta lug gang rung thob pa/_dung ba dang d+hA/_sgo khyi dkar/_khang ltag dar lcog_/chu nyin la yod pa 'brog pa yin shas che/_zhes gsungs pa mdo khams nang chen chos kyi rgyal po'i mnga' 'og_/'khrungs gzhis nas mdun thad mdo wam mchod rten dkar chung mjal ba/_mdun gyi lung pa phu shar bstan gsum la sba snyug ldem gyi ming can/_sku rgyal btsan rgod chen pos skyong ba'i gnas su gdong gser khri can gyi rigs la mchog sprul rin po che karma dgon pa'i 'tshogs zangs gsar pa zhig dge 'dun 'dus mang gi gsol thab tu btsugs rgyu dang*/_sbyin bdag dam gtsang zhig gis brgyad stong rdo la brkos pa bzhugs khrir mnga' gsol ba'i gza' skar shin tu bzang po'i nyin/_lcags rta lo la sku 'khrungs pa thugs sras kong sprul rin po che ched du phebs nas khrus gsol/_na bza' phul/_mtshan 'gyur med pad+ma rdo rje zhes zhabs brtan tshigs bcad dang bcas pa phyag mdud mgul srung thugs rab dang sku tshe spel ba'i dam rdzas bcas kun gzigs mkhyen brtse rin po ches ched bstsal bzhin phul te rgyal tshab rin po che'i mchog gi sprul skur ngos 'dzin mdzad cing dril bsgrags/_chu sprel lo gdan sa chen po bstan gnyis dar rgyas gling du gdan drangs/_sprel zla'i tshes bcu chen mo'i dus mchod dang 'brel bar skyabs rje rab 'byams rin po che dang*/_kong sprul rin po che rnam gnyis dbu bzhugs kyis rig pa 'dzin pa'i dge 'dun gyis tshe sgrub 'chi med yang snying gi brtan bzhugs cho ga dang 'brel bar seng ge'i khri la mnga' gsol/_rim gyis phyag dpe 'bri klog nas brtsams sku yon rigs la slob sbyong gnang*/_'jam mgon mkhyen brtse rin po che chos kyi blo gros spyan snga nas so thar dge tshul gyi bslab pa/_byang chub sems sdom srol gnyis/_snga 'gyur bka' ma'i rgyud sde yongs rdzogs kyi dbang lung*/_snying thig ya bzhi dang*/_chos rgyal gter bdag gling pa'i zab gter yongs rdzogs kyi smin grol chig rdzogs/_dbang dang bskyed rdzogs kyi rnam bshad sogs myos ston sku mched dang*/_rgyal tshab gong ma'i gsung gi skor bcas pa'i dbang khrid lung bcas/_sgrub brgyud shing rta brgyad kun 'dus gdams ngag rin po che'i mdzod yongs rdzogs kyi smin grol lung bcas zhib rgyas/_dpal sa skya pa'i lam 'bras slob bshad kyi khrid lung bcas zhib rgyas/_kong sprul rin po che pad+ma dri med blo gros las rin chen gter mdzod chen mo/_kun mkhyen 'jigs gling bka' 'bum pod dgu'i lung*/_bka' brgyud sngags mdzod kyi dbang khrid lung bcas/_rgyab brten nang brtag rgyud gsum/_gzhung chung gnyis dang bcas pa'i bshad khrid/_shes bya kun khyab rtsa 'grel gyi bshad lung*/_rgya chen bka' mdzod/_rgyal tshab gong ma'i bka' 'bum yongs rdzogs kyi lung khrid skor/_rab 'byams rin po che kun bzang bstan pa'i nyi ma las gter mdzod yongs rdzogs kyi dbang khrid bcas lan gcig gsan pa dang*/_rje gong ma'i sku tsha mkhan po blo gros rab gsal yongs 'dzin du bzhugs te dbu ma rgyan gyi 'grel chen/_yon tan rin po che'i mdzod rtsa 'grel/_sgyu 'phrul gsang ba snying po sogs kyi bshad khrid zhib rgyas dang*/_slob grwa legs bshad nyi zla'i gling du'ang lo gsum tsam bzhugs nas spyod 'jug_/byams chos sde lnga/_sdom gsum sogs la gsan sbyang rgya cher gnang bar mdzad pas mkhyen rab khyad par 'phags pa dang*/_sngags kyi zab don gting dpog pa'i thugs rab gzhan mtshungs ma mchis pa mnga' ba dang*/_khyad par kong sprul rin po che las sngon 'gro dngos gzhi'i smin khrid zhib par gsan nas dgongs brgyud kyi ye shes zab mo'i gding tshad mngon sum du gyur/_ri khrod pad+ma 'od gling gi yang dben bde mchog bkra shis dge 'phel dang*/_dgon gyi bla brang gzim chung sogs su sku phreng rim byon gyi thugs dam lhag pa'i lha gcig phur pa yang gsang spu gri/_rdor sems thugs kyi sgrub pa sogs lhag pa'i lha du ma'i bsnyen sgrub mdzad/_dgung grangs bcu skor zhig tu 'gro don la phebs pas gshin po zhig la 'pho ba btab mdzad pas spyan chab mang du bsil/_dge rgan gyis mi mang po'i nang de ltar bshum pa ci yin zhes yang yang zhus kyang gang yang ma gsungs/_phyis kong sprul rin po che la de skabs gshin po de dmyal bar skyes pa mthong nas de las thar pa'i thabs ma byung des ngus pa yin zhes gsungs/_de skabs sbyin bdag 'brog sde zhig gi khyim du khyi dmar po chung ngu zhig yod pa mdzo zhig gnang ste nyos/_grwa 'khor rnams nas 'di ltar mdzad pa'i rgyu mtshan gang yin bka' 'dri zhus pas khyi snying rje po zhig 'dug pas de la brten nas nyos pa yin ces gsungs/_phyis kong sprul rin po che'i mdun du sku mtshams lhan rgyas bzhugs pas khyi de shin tu thugs brtse bas sku'i 'khris su bzhag_/de rgyab log tu 'gro skabs thun gyi sgang la'ang bzhengs nas yar bsnams pa sogs yang yang gnang bas/_kong sprul rin po ches phyag sam la rje bla ma gong ma ni snang spyod ye shes kyi rol par shar yang sku mtshams skabs thugs dam la rtse gcig tu bzhugs pa kho na mdzad/_khyed ni khyi de kho na 'phur byug gi sku rtsed gnang ba las bskyed rdzogs la thugs gzhol ba dang bzhugs tshugs pa gtan nas mi 'dug_/thugs dam la legs par brtson mdzod ces phyag bris gnang ste phul ba zhib gzigs kyis gsung lan du/_rin po che thugs mad kyang phran sems ma yengs pa'i khul yin/_khyi 'di rang gi khu bo tshe ring chos 'phel gyi skye ba yin snang shar bas phran chung ngu'i skabs des byams brtse shin tu che bas der snying rje bar 'dug gsung phyag bris slar phul ba sogs mkhyen pa thogs med du mnga' yang thugs sems zin nas de 'dra'i gsung sgros dang*/_dgongs gter dang lung bstan sogs mchog dman phyi nang su la'ang mi gsung*/_sku chung ngu'i skabs gshin po'i skye brtags sogs thabs gang ltar byas te zhus kyang ci yang mi shes gsungs/_thugs sgam zhing brtan/_thos bsam sgom pa'i mkhyen rab gting zab/_kun spyod zhi dul dang rab 'byams rin po che dang*/_kong sprul rin po che gnyis ka'i dgongs spyod dang bstun pa'i mdzad pa kho na gnang*/_mgo log a mchod dgon du tshes bcu spros bcas gsar btsugs dang 'brel bar sgrub thabs 'dod bum gyi dbang lung yongs rdzogs gsungs/_zhe chen dgon gzhung du'ang sgrub mchod khag gi mchod rdzas gsar bzhengs dang*/_bod yul dbus dang lho gnas/_gdan sa chen po smin grol gling du snga rjes lan gnyis su phebs nas mchod 'bul dang*/_skyabs rje mkhan gcung rnam gnyis la bsnyen bkur chos 'brel bcas gsan/_zhe chen bshad grwa dang yang khrod gzim chung gsar bzhengs sogs rgya cher mdzad de dam pa'i ngang tshul gsal bas bstan 'gro la sman pa'i mchog gi sprul pa'i skur byon kyang snyigs dus kyi rgud pa mi zad pas mtha' dmag gi ngan sbyor gyis sde dge dgon chen du khri mun la tshud nas grongs par thos so/_/skyabs rje rab 'byams sku phreng drug pa 'gyur med kun bzang bstan pa'i nyi ma ni/_rje 'di'i sprul gzhi sangs rgyas mya ngan med pa'i dpal/_dam pa'i rigs can dra ma lnga las gnod sbyin skar mda' gdong*/_slob dpon 'jam dpal bshes gnyen/_chos rgyal mya ngan med/_lha sras mu tig btsan po/_rma rin chen mchog_/slob dpon ka ma la shI la/_mi la bzhad pa rdo rje/_rong ston shes bya kun gzigs/_'bri gung rin chen phun tshogs/_dbus smyon chos kyi grags pa'i skye rabs rnams dam pa du mas rgyu mtshan dang bcas te lung bstan/_sku phreng dang po dbu ru 'phan yul du 'khrungs pa dgung lo bcu gsum gyi steng 'bras spungs sogs su phebs nas 'dul mngon dbu ma phar tshad kyi gzhung rnams thugs su chud ste se 'bras dga' gsum/_gsang phu sogs lung rigs smra ba'i sde rnams su grwa skor mdzad pas phyogs las rnam rgyal gyi zhwa lam rab 'byams pa bstan pa'i rgyal mtshan tu grags pas rab 'byams zhes pa'i mtshan du grags/_ka)_yul skyed tshal du byon nas/_dpal 'khor chos sde/_rta nag thub bstan gser mdog can dang*/_sa skyar skyes chen du ma las gsan bsam mdzad nas sa skyar rgyud bshad mdzad pas mkhas pa'i grags pa thob/_sa skya gong ma rin po ches bsngags brjod dang thugs brtse tshad med mdzad/_se 'bras dga' gsum rgyud stod smad khri gdan zur slob dpon las gsang bde 'jigs gsum sogs ri bo dga' ldan pa'i bka' srol bdag gir mdzad/_khyad par dge slong 'jam dpal grags pa'i grwa 'khod nang mar gyur pas de dang*/_lnga pa chen po gnyis nas gsar rnying gi zab gnad gal che mang du gsan pas thos bsam gyi sgro 'dogs bcad pas 'jam dpal bshes gnyen gyi rnam 'phrul du bsngags/_grub dbang rdzogs chen pa pad+ma rig 'dzin yer par bzhugs pa'i mdun rdzogs chen gsan pas thugs yid gcig tu 'dres nas/_rgyal dbang lnga pa'i gsung gis bskul te rnying ma'i chos sgor zhugs te/_grub dbang rdzogs chen pa pad+ma rig 'dzin dang lhan cig mdo khams shar du phebs nas pad+ma rig 'dzin sku gshegs kyi bar phyogs med kyi gdul bya bskyangs shing*/_ru dam rdzogs chen gyi gdan sa yun ring du bskyangs/_zhe chen ri khrod o rgyan chos rdzong du bzhugs/_de'i mchog sprul 'gyur med kun bzang rnam rgyal/_rdzogs chen sku phreng gnyis pa'i sku mched du 'khrungs/_smin gling rgyal sras rin chen rnam rgyal khams su phebs pa zhe chen du gdan drangs nas bka' chos mang du gsan pa las gshin rje dregs 'joms kyi nang gi chos bdag tu sngags spyod rnal 'byor lnga'i nang gcig yin par lung bstan nas gter chen rin po che'i phyag phreng raka sha'i phreng pa bstsal gsan bsam gyi yon tan rmad du byung ba'i sku ring la shing stag lor zhe chen bstan gnyis dar rgyas gling gi dgon pa btab/_de'i yang srid rig 'dzin dpal 'byor rgya mtsho/_gar dbang chos kyi rgyal mtshan/_'gyur med pad+ma theg mchog bstan pa'i rgyal mtshan bcas sku'i skye ba'i phreng ba ngo mtshar can kho na ste/_de dag gi rnam thar rje bla ma thams cad mkhyen gzigs rgyal tshab rin po che'i gsung chos 'byung legs bshad pad+ma dkar po'i rdzing bu las rgyas par byung bas 'dir ma smos la/_sku phreng drug pa 'di ni rgyal tshab rin po che'i zhing skyong dur khrod ma mo'i bstod phreng tshig don phun sum tshogs pa zhig gi mdzad byang gsham du/_lcags khams rdo rje'i sna ldan gyi lor skyabs rje rab 'byams rin po che'i mchog gi sprul sku'i zla zhal ngoms pa'i skabs su bris zhes gsungs pa ltar mdo khams sgang drug gi zo dor chen po bcu gnyis kyi ya gyal/_dkar phyogs kyi dge bsnyen zab gter gyi srung ma gnyan po'i g.yu rtse lha bu'i rigs mgo log a khyung sbra gsar dpon gyi rigs su lcags phag lor sku 'khrungs/_yab yum gnyis dang sprul sku bcas rdzogs chen sgrub mchod la phebs pas grub dbang rdzogs chen lnga pas kyang zhe chen du phyag bris ched gnang gis a khyung sbra sar dpon gyi bu 'di rab 'byams rin po che'i mchog sprul 'khrul bral du nges pas der gdan sar 'dzin bdag gnang ba gal che gsung ba de skabs rgyal tshab rin po che dgon du ma bzhugs kyang 'dus sde'i las byed rnams nas yab yum sras bcas dgon du gdan drangs nas gsol tshigs zhig la phebs zhus pa ltar byon pas zhe chen dgon mdun zam pa zhig yod pa de'i drung du phebs pa dang ma rgan bgres 56mo gos chen dmar smug gi gos gyon pa skra se khyug ge ba zhig glo bur du byon nas nga'i bu sleb 'dug ces snying brtse brtse ltar byas nas mgul dar nang mdzod zhig sprul sku ma yum gyi pang nas chibs gong na yod pa'i mgul du gsol ba mjal dar gyi sne sa la 'khyil 'dug pa kun gyis mthong snang du byung pa dang bgres mo gar song cha med pa ni sku phreng rim byon gyi thun mong ma yin pa'i bka' srung dur khrod ma mor nges shing*/_dar de phyis su 'khrungs gzhis kyi g.yang rten du yod 'dug_/gnyan po g.yu rtse'i gnas su byon te bskor ba la ma yum dang sprul sku bcas phebs pa gnas rtser mtsho shin tu gnyan po gter ston las rab gling pa'i gter gnas zhig yod pa de mdun phebs pa dang sprul sku'i dbu la sbrul gyi gdeng ka mang po shig shig yod pa yum gyis gzigs nas thugs bred sngangs skyes pa byung gsungs/_de nas ring por ma lon par rgyal tshab rin po che dang*/_sku dbon dge legs rgya mtsho lhan rgyas pas thugs khur zab bzhes kyis bstan gnyis dar rgyas gling gi seng ge'i khri chen por mnga' gsol/_mtshan 'gyur med kun bzang bstan pa'i nyi ma bshad sgrub chos kyi go char gsol/_rten sdom pa gsum dang*/_snga 'gyur bka' gter gyi smin grol spyi dang khyad par rin chen gter mdzod yongs rdzogs rgyal tshab rin po ches pod bzhi bcu skor dang*/_'phros kha skong yongs rdzogs zur mang drung pa rin po che lhan rgyas nas gnang ba dang*/_bla ma dgongs 'dus kyi dbang chen yongs rdzogs lung bcas gsan/_gsang mtshan snang mdzad grub pa'i rdo rje zhes bstsal/_khyad par sems sde a don bco brgyad kyi smin dbang gsan skabs sras mo go ma de wi'i rdo rje'i glu'i skabs dgongs brgyud ye shes kyi byin chen thugs la 'phos/_phyis rje bla ma sku gshegs lor thugs mya ngan gyis non te gsol ba 'debs bzhin rdzogs chen dgon du phebs lam gyi chibs thog nas nub phyogs kyi nam mkhar sprin gyi dbus na sku sked yan chad gsal ba'i sras mo go ma de wi mjal ba rdo rje'i glu de lhang lhang gsungs pa thos pas thugs dam la bogs 'don chen po byung gsungs/_zhe chen ri khrod sku mtshams la zhugs pa'i mnal lam du rgyal tshab rin po che shin tu dgyes nyams can mjal ba sngar gyi thugs dam nyams myong byung tshul zhus pa shin du legs 'dug_/da dung sdom gsum 'grel chen dpag bsam snye ma kho bo'i mchan btab pa zhig yod pas de gzigs dang bogs 'don khyad par can 'byung 'dug ces gsung byung gsungs/_mkhan po sgra dbyangs las sgyu 'phrul gsang ba snying po phyogs bcu mun sel dang*/_gsang bdag dgongs rgyan dang*/_zhal lung*/_mkhan rig 'dzin 'od zer las yon tan rin po che'i mdzod dang*/_sdom gsum dpag bsam snye ma sogs gsan sbyang mdzad/_thugs rab shin tu che bas snyan ngag ma gzigs pa'i gong nas bstod pa dang*/_gsung mgur las zhal gdams sogs snyan 'jebs can du ma gsungs/_'jam dbyangs mkhyen brtse rin po che chos kyi blo gros las rin chen gter mdzod yongs rdzogs dang*/_rgyal dbang lnga pa'i dag snang rgya can nyer lnga/_gling rje drung pad+ma 'gro 'dul gyi gter chos yongs rdzogs kyi smin grol sogs rgya cher gsan/_gling rgyal pad+ma bzhad pa las dgongs gter tshe yum tsaN+Da li rtsa ba yan lag bcas pa'i dbang lung zhib rgyas su gsan nas chos bdag tu mnga' gsol ba bzhin thugs dam nyams bzhes gnang bas nang mchod khol te sman gyi dri bzang gis gzim chung phyi nang du khyab pa dang*/_tshems gsar du 'khrungs pa sogs rtags mtshan khyad par can du ma byon/_gzhan thugs dam gshin rje dregs 'joms dang*/_rdor sems thugs kyi sgrub pa sogs rtsa gsum lhag pa'i lha rab 'byams kyi bsnyen bzlas mdzad bas grub pa'i rtags mtshan du ma mngon du gyur/_khro shul mkhan rin po che tshul khrims rgya mtsho las rgyal ba'i bka' 'gyur rin po che dang*/_rnying ma rgyud 'bum yongs rdzogs kyi ljags lung gsan/_gdan sa chen po bstan gnyis dar rgyas gling gi 'dus sde'i bca' khrims/_'og min o rgyan smin grol gling gi phyag bzhes ma nyams pa dang*/_lugs gnyis kyi 'dzin skyong bcas dgung grangs bco lnga nas phyis sku gshegs kyi bar gzigs skyong gis bshad sgrub las gsum gyi mdzad pa phyis dus 'dir 'gran bral gyur/_phyis dbus su phebs nas chos 'khor rnam gsum dang*/_gnas gzigs rags bsdus gnang nas mchod 'bul rgya chen por spros/_khyad par 'og min o rgyan smin grol gling du skyabs rje mkhan gcung rnam pa gnyis/_gdung sras sku mched/_rdor 'dzin rnam pa dang*/_gzhan yang lho brag lha lung gsung sprul/_stag lung rtse sprul/_gnas chung mchog sprul/_byang do skya sprul sku/_'go log khye'u sprul sku sogs dbus gtsang khams gsum du rnying dgon gyi bla sprul bgres gzhon mang po'i dbus dad slob bzang la mang bar rin chen gter mdzod yongs rdzogs kyi dbang lung zhib rgyas su bstsal/_rig 'dzin pad+ma gling pa'i gter chos yongs rdzogs rdor 'dzin 'gyur med shes rab las gsan/_spros bcas tshes bcu chen po'i mchod rdzas 'chams chas spus nom rmad du byung ba gsar bskrun mdzad/_gdan sar phebs nas rin chen gnyis pa'i nyer spyod bdun/_sman raka gtor ma tshogs gzhong bcas stong mchod gsar bzhengs su gnang zhing*/_tshes bcu dang dgu chen gshin rje dregs 'joms gtsos sgrub mchod kyi sgrig lam smin gling gi bca' sgrig sngar rgyun las lhag par bsdams te phyag bzhes ltar dar rgyas nan tan du mdzad/_'jam mgon mkhyen brtse rin po che chos kyi blo gros mchog la pad gling gter chos yongs rdzogs kyi dbang lung phul bar mdzad pa'i skabs su ke la'i mchog gling sprul sku sogs skyes chen du ma dang*/_slar yang rdza ri mgul dgon du gter mdzod yongs rdzogs/_rang dgon ma bu khag la sgrub thabs 'dod 'jo'i bum bzang gi dbang lung lan du ma/_byang phyogs mtsho sngon sgo me tshun chad du ched phebs kyis rab 'byams 'gyur med kun bzang rnam rgyal gyis phyag btab dang rtsa bdag gnang ba'i dgon khag che phra du ma dar rgyas su mdzad pa'i phrin las rgya cher bskyangs/_rang dgon rtsa ba yan lag gi sprul sku/_mkhan po/_ri khrod kyi mtshams pa dad slob ches mang po dang*/_gzhan lab mkhan chen rin po che dang thugs nang shin tu gshin pa dang*/_kaHthog si tu/_rmog tsha/_grwa lag phyag tshwa/_dbon sprul sogs rnying ma dang*/_dpal spungs si tu rin po che/_tsA 'dra'i 'jam mgon yang srid/_sangs rgyas mnyan sprul sogs bka' brgyud/_chos sde chen po lhun grub steng gi mkhan po rdor 'dzin gyi mtshon sa skya'i skor sogs grub mtha' ris med kyi skyes bu du ma dang phan tshun chos kyi 'brel zab gnang ba dang*/_rgyal mchog pad dkar 'chang ba bcu bzhi pa bstan 'dzin rgya mtshos kyang gong sa lnga pa chen po dang*/_bskal bzang rgya mtsho rnam gnyis kyi she bam sngar bzhugs la rgyab non dang*/_hu thog thu'i go gnas bstsal/_thugs dam nyams bzhes kyi bka' 'phros dang gsung mgur sogs rje mkhyen brtse rin po che chos kyi blo gros mdun yang yang zhus pas thugs shin tu mnyes shing dgongs klong tshad la phebs par nges tshul gsungs/_gus la'ang lugs gnyis kas byams skyong dang thugs brtse sku mched lta bur gnang ba'i bka' 'phros zhig tu/_phran ni dgon gog kha 'dzin byed dgos pa sngon las kyis bskos pas khyed rang lta bu'i dben pa'i gnas su sgrub pa rtse gcig tu byed rgyu ma byung yang rnam pa chags sdang chos brgyad rnam g.yeng dang 'dres pa mang du byung yang kun slong bla ma gong ma'i gdan sa bshad sgrub gnyis gong 'phel gyi don kho na las rang don yid byed kyi bsam blo ngan pa gtan nas med/_rtag tu dman sa bzung zhing nyams len gyi snying po bla ma'i rnal 'byor kho na brtson te rang gi rtsa ba'i bla ma rnams dang thugs yid 'dres pa'i rnal 'byor la 'bad pa rtsal du bton pas bar do gsum gang rung du grol na ci shes snyam zhes gsungs/_skabs zhig gsung 'phros su kho bo mkhas grub chen po rab 'byams 'gyur med kun bzang rnam rgyal dngos ni ga la yin te de'i gsol dpon zhig yin pa'i gsal snang nges par 'dug ces phran la gsungs/_lhag pa'i lha dang bla ma'i gzigs snang*/_lha chen dang*/_zhing skyong ma mo sogs chos srung dang mes po yul lha gnyan po g.yu rtse dngos su gzigs pa dang*/_rma rgyal spom ra'i mdun phebs skabs rta dkar rin po che'i sga srab can mgo nam mkhar sprin gseb tu sleb pas bsu bar byed pa gzigs pa sogs dkar phyogs kyi phrin las sgrub pa dang*/_dam sri rgyal 'gong btul te dam la btags pa dang*/_dgongs gter lta bu'i tshig bcad ngo mtshar can du ma gsung rtsom dkyus dang mi 'dra ba thugs las brdol ba dang*/_smin gling du bzhugs skabs ches cher snyun pa'i rkyen gyis thugs la shar ba'i lung bstan bcas mang du bzhugs pa ched du don gnyer ma mdzad kyang tshigs bcad kha shas zhig 'dug pa deng sang gi dus kyi 'gyur ba 'di lung bstan nges pa can du snang*/_de 'dra'i rigs dam gtsang nang 'khor rnams la zur tsam gsungs pa las rtag tu sbas tshul kho nar bzhugs/_don gnyis mthar phyin gyi mdzad pa rmad du byung bas snyigs dus nges gsang bstan pa'i rgyan gcig pur bzhugs kyang bod khams spyi'i bsod nams kyi 'phen pa rdzogs nas khams dbus kyi bstan pa nyams gud chen po byung bas mtha' mi'i log spyod kyis sku ngal ches che ba byung yang nang gi thugs dam la skyid sdug lam khyer gyi bogs 'don byung zhes 'ga' zhig la gsungs 'phros phebs 'dug_/phyis sku gzugs rtag par mi bde ba 'phar ldang gis sde dge dgon chen zur chu nag mar rgya mi'i sman khang du tshes bcu zhig la sku gshegs par thos so/__/skyabs rje rgyal tshab rin po che'i thun mong ma yin pa'i nang thugs kyi sras gcig kong sprul rin po che pad+ma dri med legs pa'i blo gros ni/_gsang bdag rdo rje chos nas/_lo chen bai ro gtso bor gyur pa'i 'jam mgon chos kyi rgyal po kong sprul rin po che yon tan rgya mtsho'i bar skye ba'i phreng ba ni rnam thar chen po las gsal bas 'dir ma bkod la/_kong sprul rin po che dgongs pa rdzogs pa'i 'das mchod la rab 'byams lnga pa phebs pa'i dag pa'i gzigs snang du tsA 'dra rin chen brag nas sher phyin stong phrag brgya pa'i glegs bam rnams 'phur ba sde dge shar phyogs 'dzin khog tu bab song ba rmis pas kong sprul rin po che'i yang srid der phebs kyi 'dug gsungs nas ston bsod kyi 'gro don la de phyogs phebs nas ngos 'dzin gnang*/_zhe chen dgon du gdan drangs nas khri la mnga' gsol mdzad nas rab 'byams rin po che'i mdun du bzhugs/_rin chen gter mdzod chen mo'i dbus bka' chos mang du gsan/_'bri klog sum rtags dag yig bslabs nas legs par mkhyen/_dge tshul dang bsnyen rdzogs kyi bslab pa/_rgyal ba'i bka' 'gyur rin po che/_rnying ma rgyud 'bum gyi lung sogs khro shul mkhan tshul khrims rgya mtsho las gsan/_mtshan pad+ma dri med legs pa'i blo gros zhes grags/_phyis rgyal tshab rin po ches 'gyur med kun bzang gzhan phan mtha' yas blo gros dri med du bstsal/_rab 'byams rin po che dgongs pa rdzogs nas yongs 'dzin rgyal tshab rin po ches dbon po bla ma 'jam dbyangs bzhugs kyang dpon slob gnyis kha 'khos zhan pas sku ngal che bar byung rkyen gyis rgyal tshab rin po che'i sku mdun du rtsa bdag gnang ste bka' gter du ma'i smin grol zab rgyas/_slar yang rgyal tshab rin po che dang*/_zur mang drung rin po che lhan rgyas las rin chen gter mdzod lan gnyis gsan/_gter chen 'gyur med rdo rje'i bka' 'bum/_rig 'dzin 'jigs med gling pa'i bka' 'bum bcas kyi lung*/_gdams ngag rin po che'i mdzod kyi smin grol zhib rgyas/_snying thig ya bzhi'i dbang khrid lung bcas lan du ma/_rab 'byams kun bzang rnam rgyal gyi bka' 'bum/_mi pham rin po che'i bka' 'bum skor gyi lung mang po dang*/_gter gzhung pod dgu'i lung dang*/_bka' brgyad bde 'dus kyi dbang chen/_bla ma dgongs 'dus dbang chen dang pod bcu gsum gyi lung*/_chos dbang bla ma gsang 'dus dang*/_nyang gter khros nag gi gzhung pod skor/_phur pa rgyud lugs dang*/_klong chen snying thig gi dbang khrid yongs rdzogs dang*/_byang gter yongs rdzogs dang*/_grol tig dgongs pa rang grol sogs gter rnying rgyun dkon pa du ma'i gzhung pod kyi lung*/_shes bya kun khyab kyi bshad lung*/_bka' brgyud sngags mdzod kyi dbang lung*/_nang brtag rgyud gsum/_gzhung chung gnyis kyi bshad khrid rgya chen bka' mdzod kyi lung bcas zur mang drung pa rin po che las rje bla ma rgyal tshab rin po che dang lhan rgyas kyis gsan/_mi pham rin po che'i gsung zab gnad bka' rgya can du ma rje de'i nye gnas bla ma rin po che 'od gsal las kyang rgya cher gsan/_'jam pa'i rdo rje mkhyen brtse rin po che chos kyi blo gros las 'khon lugs phur pa jo nang rje btsun sgrub dkyil la 'jam mgon kong sprul rin po ches dbang dang bsnyen yig sogs mdzes rgyan gsar spros la dbang chen rje sa chen gyis mkhyen brtse rin po cher nye brgyud bzhugs pa'i dbang lung yongs rdzogs/_rtse le sna tshogs rang grol gyi bka' 'bum yongs rdzogs kyi lung sogs gsan/_mkhan chen kun dpal las mi pham rin po che'i gzhung gi mchan 'grel skor dang*/_dbu ma rgyan/_tshad ma rnam 'grel chen po sogs/_mkhan po sgra dbyangs las sgyu 'phrul gsang ba snying po'i zur lugs dang*/_rong klong gi bshad srol gnyis ka zhib rgyas/_dpal spungs bla ma mkhas dbang bkra 'phel las sdom gsum dpag bsam snye ma dang*/_thugs sgrub bar chad kun sel gyi zhal gdams snying byang gi lung mkhyen kong mchog gsum kun 'dus/_lce btsun snying thig gi dbang khrid lung bcas dang*/_gsang thig yang dag sogs kyi dbang lung dang*/_rgyal sras 'jam mgon sprul sku las jo lugs sgrol dkar gyi dbang sogs du ma gsan pas mtshon mang du thos pa rgya mtsho'i pha rol du son/_lnga rig smra ba tshe dbang rig 'dzin dang*/_rgyal tshab rin po che/_mkhan chen kun dpal/_kaHthog mkhan po nus ldan sogs las rig pa'i gnas mtha' dag la bslab brtson rgyun ring gnang bas 'chad rtsod rtsom pa gang la'ang thogs pa med/_khyad par theg mchog mdzod/_yid bzhin mdzod/_sgyu 'phrul rtsa rgyud rtsa 'grel la gsan bsam sgom sgrub rgyun ring por gnang bas snga 'gyur rig 'dzin brgyud pa'i lta sgom spyod pa'i gnad la thugs shes gting nas 'khrungs/_chos dbang bla ma gsang 'dus/_rig 'dzin thugs thig_/rdor sems thugs kyi sgrub pa'i sngon dngos rjes gsum/_bka' brgyad bde gshegs 'dus pa/_phur pa yang gsang spu gri/_gshin rje dregs 'joms/_thugs rje chen po bde gshegs kun 'dus phyi nang gsang sgrub/_a ti zab don snying po/_rata gling tshe sgrub gsang 'dus phyi nang gi sgrub pa/_ma ti'i 'jam dkar/_dam pa'i smra seng*/_phur bu'i lugs kyi dbyangs can dkar mo/_mi pham rin po che'i bka' srol rgyud lugs 'jam dpal zhi ba/_'jam mgon zab gter gro lod gsang sgrub sogs phal cher rgyal tshab rin po che dang lhan du lo gsum phyogs gsum gyis mtshon snga rjes du mar bsnyen sgrub las gsum zhib rgyas mdzad/_rdzogs pa chen po bi ma snying thig dang*/_mkha' 'gro snying thig gi khrid sbyang*/_lce btsun chen po'i zab tig dang*/_snyan brgyud skor dang*/_mkha' 'gro gsang 'dus sogs 'jam mgon bla ma gnyis kyi zab gter skor du ma'i bsnyen sgrub dang*/_khyad par zab don nyams len gyi skor la smin khrid rgyun par bskyangs zhing rgyal tshab rin po che dgongs pa rdzogs rjes dngos nyams rmi lam du zhal yang yang gzigs pa byung*/_lo kha shas mtshams rgyal tshab rin po che dngos su mjal te bla ma dang slob ma dgongs pa tha dad med pa gcig tu 'dres pa'i ngo sprod btab rjes dgongs klong dbyer med du gyur/_de nas zhal gzigs kyi snang ba yang ma byung zhes gsungs pa ltar/_gzhan sems shes pa'i mngon shes thogs med du mnga'/_nyin gcig rje nyid kyi lcam sring zhig slebs song shi ba yin pa 'dra gsungs pas zhag kha shas mtshams nas bsngo rten zhu yig 'byor bas mtshon de 'dra'i rigs du ma yod/_zhe chen mdun ri stag mgo'i sgrub phug tu sku mtshams bzhugs pa'i skabs sgrub pa'i 'tsho ba chad pa bya rog la phrin bskur ba dgon du 'byor ba dang*/_kong por phebs skabs nags la me shor ba dang po gsol 'debs sogs mdzad pas me ches cher 'bar srog chags mang du tshig pa la thugs snying rje chen po'i spyan chab brul te dgongs pa gtad pas skad cig nyid la me rang zhir song ba sogs grub pa'i rtags mtshan kyang bstan/_rin chen gter mdzod kyi chos 'khor dang po'i skabs mkha' 'gro gsang 'dus kyi dbang khrid gsungs pa'i nub mnal lam du ye shes mtsho rgyal mjal ba thugs shin tu khros pas gsang ba zab mo 'di dag khyod nas khyab brdal du spel bar nongs zhes bka' bkyon lta bu mang du gnang ba/_rig 'dzin rtsal 'chang gsum gyis snga 'gyur bstan pa'i btsas su bzhag pa la bka' drin gso ba dang*/_snyigs dus bstan 'gro la phan sems las kun slong ngan pa ma mchis pas bla ma lha dang mkha' 'gro la gnang ba zhus nas bton/_chos zhu ba po rnams kyang dad mos can las log lta dam nyams med khul yin zhus pas thugs brtse ba'i nyams kyis zhe chen dgon 'dir rin chen gter mdzod chos 'khor lan gsum tshugs dgos/_dang po nam mkha'i snying po'i sprul pa/_gnyis pa bai ro/_gsum pa bi ma mi tra'i sprul pas gsung na bstan 'gro la phan nges pas bar chad thams cad ngas sel zhes gsungs/_sngar slob ma rnams na ba dang*/_rje nyid kyang snyun pa sogs byung ba de nas bar chad ma byung zhes skyabs rje rab 'byams rin po che la bka' bstsal ba thos/_thugs dam dgongs pa'i rtsal rdzogs/_gsan bsam sgom pa spel mar gnang bas phyi'i mkhas btsun bzang gsum/_nang gi bslab pa gsum gyi yon tan rmad du byung bas snga 'gyur rdo rje theg pa'i chos kyi rgyal thabs bskyangs/_khyad par dbang dang sgrub chen sgrub mchod/_tha na yar mar gyi tshes bcu'i mchod pa gsol ka dngos grub rol mtsho rgyas 'bring bsdus gsum tsam gsungs kyang rang lugs smin grol gling gi phyag bzhes kho na gtsigs su mdzad pas skyabs rje rab 'byams rin po che/_rgyal tshab mchog gi sprul sku mched rnams dang*/_dgon gyi rdor 'dzin/_byang 'dren bgres gzhon/_mchod dpon che chung thams cad la bka' khrid dngos brgyud nas nan tan chen pos bstsal/_mdor na rgyal tshab rin po che dgongs pa rdzogs nas smin grol chos kyi phrin las rje 'dis gtso bor bskyangs bas zhe chen dgon ma lag gi dbus kun la mkhas btsun bzang po'i slob tshogs rgya cher byung*/_khyad par rang dgon bshad sgrub kyi sde gnyis la chos kyi rgyal po smin gling sku mched dang*/_'jam mgon mi pham rin po che/_mkhas grub kyi dbang phyug rgyal tshab rin po che rnams kyi phyag bzhes ltar kun mkhyen rong klong gi bka' srol sgra ji bzhin du bskyangs pas snga 'gyur bstan pa'i srog rtsa tshugs/_bshad grwa chen po dang dgon gzhung gi sgrub mchod khag la nyams gsos mchod thebs rgya cher bstsal/_mdzad pa'i gtso bor sgrub pa nyams bzhes dang chos 'chad nyan la mdzad pas skyabs mchog rab 'byams drug pa dang*/_rgyal tshab rin po che'i mchog sprul/_sku dbon dgon stod sprul sku/_dbon sprul sku phreng gsum pa/_'bar chung sprul sku/_gus mkhyen sprul mang+ga la sogs zhe chen dgon pa gzhung zur gyi sprul sku/_mkhan slob thams cad dang*/_mkhas dbang blo gros rab gsal/_mkhan po gang shar dbang po sogs sde snod 'dzin pa/_zhe chen sgrub chen bcu gsum gyi bye brag mgon bla kun bzang gsang sngags kyi skye ba sgrub brtson bla ma pad+ma 'od zer dang*/_pad+ma tshe sgrub zhe chen dgon gyi grwa btsun sgrub pa po chos nyid rgya mtsho zhes pa rje'i zhal slob tu gyur pa nyams len can zhig yod pa spros bcas tshes bcu'i 'cham dpon gyi skabs dbang chen he ru ka'i nga rgyal bzung ste phebs pas khrom tshogs thams cad rang dbang med par sa la sdod ma tshugs par 'grengs te gnas pa dang*/_rang nyid la'ang rig pa chos nyid las ma g.yos pas gar gyi rnam 'gyur gyi rtsis grangs sogs rnam rtog med kyang nor 'khrul ma byung ba sogs nyams rtogs rmad du byung ba'i kun spang rnal 'byor pa du ma dang*/_kun gzigs mkhyen sprul rin po che chos kyi blo gros mchog nas kyang bka' ma tshogs chen 'dus pa 'jam mgon mkhyen brtse rin po che/_so ye shes dbang phyug las nye brgyud kyi brgyud pa rmad du byung ba'i dbang chen dang*/_bka' brgyad bde 'dus kyi dbang chen/_rab 'byams gnyis pa 'gyur med kun bzang rnam rgyal gyi bka' 'bum pod dgu/_rgyal tshab rin po che'i gsung rtsom du ma'i ljags lung bcas gsan pa dang*/_rgyal dbang karma pa bcu drug pa chen por mdzod bdun yongs rdzogs kyi ljags lung dang*/_dpal spungs byams mgon si tu rin po che pad+ma dbang mchog_/gnas nang dpa' bo rin po che dang*/_dpal spungs mkhyen brtse sogs mkhas grub du ma la mi pham rin po che'i bka' 'bum gyi lung zhib rgyas/_rgyal sras 'jam mgon mchog sprul dang*/_smin gling mkhan rin po che sogs la rgyal tshab rin po che'i bka' 'bum gyi lung*/_snga rjes rin chen gter mdzod chen po'i dbang khrid lan gsum/_bka' brgyud sngags mdzod/_rgya chen bka' mdzod/_shes bya kun khyab/_nang brtag rgyud gsum/_bka' ma mdo sgyu sems gsum/_smin gling zab gter skor dang*/_sgrub thabs 'dod 'jo'i bum bzang gi dbang lung snga rjes lan du ma/_snying thig ya bzhi'i dbang khrid dang*/_rdor sems thugs kyi sgrub pa'i dbang khrid sogs rgyun mi chad par gsungs/_dgung grangs lnga bcu rtsa drug bzhes pa bla ma'i dgung keg gi sku tshe'i gegs rkyen sel ba dang*/_dus kyi 'gyur ba la dgongs te kong po'i sbas gnas thams cad la gnas gzigs dang bcas rgyal tshab mchog sprul rin po che dang lhan rgyas su phebs/_rim gyis lha ldan sprul pa'i gtsug lag khang*/_gdan sa chen po mtshur phu dang*/_gnas nang*/_'og min o rgyan smin grol gling bcas la phebs bzhugs rgyun ring por gnang nas mkhas grub skyes chen gyi tshogs la smin grol gyi chos skyes 'bul ba dang*/_thugs dam gyi bka' 'phros nang ma'i mdzad pa'i phrin las ngo mtshar che bar bskyangs bzhin pa'i mthar rgya dmar gyi khri mun du tshud pas thugs dam la bogs 'byin che bar byung zhes gsungs pa thos shing mthar dgongs pa dbyings su bsdus skad thos pa'o/__/mkhan po blo gros rab gsal ni skyabs rje rgyal tshab rin po che'i dbon brgyud du 'khrungs/_skyes nas ring po ma lon par rgyal tshab rin po che'i mdun bcar bas dbu skra khams zho le ba yod pa phyag gi byug nas bu chung khams mgo 'dis zhe chen pa'i bstan pa la phan thog par 'ong*/_ming blo gros rab gsal thogs gsungs/_sku chung ngu nas zhe chen tshogs gral du phebs/_kong sprul rin po che'i nye gnas mdzad de smin lugs kyi cho ga phyag len/_gar dbyangs rol mo/_gtor bzo dkar rgyan sogs legs par mkhyen/_skyabs rje rgyal tshab rin po che las rten sdom pa gsum/_gdams ngag rin po che'i mdzod/_snga 'gyur bka' gter sogs smin grol zab rgyas du ma gsan/_dge tshul gyi bslab bya phog pa'i skabs mtshan 'gyur med bshad sgrub rgyal mtshan du gsol/_mkhan chen kun dpal/_dge mang mkhan rin po che sgra dbyangs/_mkhan rig 'dzin 'od zer/_kaHthog mkhan nus ldan sogs las dbu ma rgyan rtsa 'grel/_sher 'grel ke ta ka/_mi pham rin po che'i brgal lan skor/_dbu ma/_sher phyin/_'dul mngon/_sgyu 'phrul gsang snying 'grel chen skor sogs la gsan sbyang phul du phyin/_rgyal tshab mchog sprul bzhi pa'i yongs 'dzin rgyun ring gnang ste gsan bsam gtsos dam pa'i ngang tshul gyi yon tan yongs su rdzogs pa mdzad/_mdo sngags kyi gzhung rnams gsan sbyang rdzogs pa'i tshe rgyal tshab rin po che'i mdun sgyu 'phrul gsang snying gi bshad rgyugs phul bas/_sngon rabs kyi snga 'gyur ba'i mkhas pa rnams tshig don gnyis ka la mkhas pa yin/_deng sang tshig la mkhas pa mang bas khyod kyang tshig la mkhas pa zhig 'ong bar 'dug_/gang ltar yang zhe chen pa'i mkhan po zhig gi ming btags pa yin gsungs nas rje nyid kyi bzhes pa'i paN zhwa rna ring zhig gnang*/_de nyid bla ma'i gdams ngag tu go nas nyams len rtse gcig tu brtson pa bskyed pa'i skabs gu ru rin po che'i zhal mthong ba'i rkyen gyis rtogs pa tshad la phebs/_'jam mgon mkhyen brtse rin po che chos kyi blo gros las kyang snying thig ya bzhi/_smin gling gter chen rin po che'i chos skor yongs rdzogs/_sa skya'i lam 'bras kyi dbang khrid yongs rdzogs rgyal tshab mchog sprul dang lhan du gsan skabs/_mkhyen brtse rin po che thugs spro la phebs skabs sogs su brag g.yab mkhan po blo gros sogs dang brtsad pas mkhan pos sher phyin la mkhas pa'i phul du phyin par 'dug ces bsngags brjod mdzad/_yon tan rin po che'i mdzod rtsa ba dang*/_mkhan chen yon tan rgya mtsho'i 'grel chen nyi zla'i 'od zer pod gnyis ka thugs nas gsungs/_zhe chen bshad grwar mkhan po rgyun ring po dang*/_mdo khams bka' brgyud kyi gdan sa chen po khra 'gu bshad sgrub chos gling du lo lnga bzhugs nas bshad grwa'i rgyun btsugs par mdzad pas/_zhe chen dgon gyi mchog sprul dang*/_mkhan po rnams dang*/_khra 'gu sprul pa'i sku dang*/_byang rdza rgyud dang*/_bal yul/_shar khum bu tshun chad nas slob tshogs sde snod 'dzin pa du ma byung ba dang*/_de nyid kyi sku mched mkhan po gang shar dbang po yang thog mar btsas pa'i ming byang chub rdo rje zhes pa rgyal tshab rin po ches bstsal ba rdza ri 'gul gong ma'i gsang mtshan byang chub rdo rje zhes grags pas de'i sprul skur grags/_chos sgor zhugs pa'i mtshan 'gyur med tshul khrims gnang*/_zhe chen pa'i bsgrigs lam la zhugs nas kaHthog mkhan nus ldan gtso bor gyur pa las mdo sngags rig gnas dang bcas pa gsan sbyang mdzad pas skyes sbyangs kyi mkhyen pa'i dkyil 'khor yongs su rdzogs te/_mkhas pa'i grags pas khyab/_kong sprul rin po che las sdom pa gsum/_gdams mdzod/_rin chen gter mdzod sogs mdzod chen lnga/_smin gling gter chen chos skor sogs smin grol mtha' yas pa gsan/_zhe chen bshad grwa'i mkhan po lo du mar mdzad skabs shin tu bsnyun te gsung 'byon mi nus par gyur pa la kong sprul rin po ches bka' bsgo byin rlabs kyis bar chad bsal zhing mtshan gang shar dbang por gsol/_thugs dam nyams rtogs kyi rtsal rdzogs pas kun gzigs mkhyen brtse rin po cher rtogs 'bul mdzad rjes zhe chen mkhan po gang shar mkhas par yongs su grags kyang mkhas pas ma tshad sgom chen kyang red 'dug ces gus la bka' gnang*/_zur mang rnam rgyal rtse'i gar dbang rin po che/_zur mang drung rin po che'i dbus rang dgon ma lag gi sprul sku/_mkhan po du ma sogs bstan pa 'dzin pa'i skyes bu mang du byung*/_phyis zur mang bdud rtsi dil du phebs nas bshad grwa gsar 'dzugs gnang zhing sku tshe'i smad du rig pa brtul zhugs kyi spyod pas theg mchog rdzogs pa chen po'i chos 'khor rgya cher bskor ba'i phrin las rmad du byung yang mkhan chen sku mched gnyis ka mtha' dmag gis ngan g.yos bkrongs par thos so/__/zhe chen kong sprul rin po ches 'jam mgon mi pham rin po che dgongs pa rdzogs pa'i gnas go thi ri khrod du phebs nas mi pham rin po che'i gzim spyil du bzhugs te gdung shugs kyis gsol ba yang yang btab nas bstan pa rgyas pa'i smon lam mdzad pa'i nub mnal lam mi pham rin po che mjal nas khyed la rtse gcig tu gsol ba btab kyang dpe cha 'chad nyan nus pa'i gang zag su yang ma byung*/_khyed kyi sprul pa zhig phebs dgos zhus pas/_nga'i sprul pa gsum zhe chen du btang yod gsungs byung ba mkhan po 'di gnyis min nam/_gcig nga'i tsha po shes rab 'gran bral zhig yod kyang tshe yi bar chad byung song zhes kong sprul rin po ches zhal las thos/_'jam mgon rdo rje 'chang rnam gnyis kyi thugs sras mkhas grub kyi tshogs rgyu skar lta bu las kun gyi thu bor byon cing*/_thams cad mkhyen gzigs mi pham rin po che'i don gyi rgyal tshab tu zhal chems bstsal zhing dgongs pa gtad pa'i skyabs rje rgyal tshab rin po che dang*/_'jam mgon mchog sprul yab sras 'di gnyis kyi bka' drin las chos kyi rgyal po zhe chen pa'i bstan pa dang*/_kun mkhyen bla ma mi pham rin po che'i bzhed srol dri ma med pa 'dzin pa'i skyes chen kong sprul rin po che'i sku mched zhe chen dgon stod sprul sku zhes don la rab 'byams sku phreng gsum pa'i sku sprul gyi bye brag tu gyur pa sku phreng gnyis pa mkhyen rtogs rmad du byung bas smin gling gter chen rin po che'i chos skor yongs rdzogs spar du bskrun/_sgrub sde gsar tshugs dang sgrub mchod du ma'i mchod rgyun bsring*/_dge 'dun stong phrag longs bas bka' brgyad kyi sgrub chen sman sgrub bcas btsugs pa sogs bstan rgyun la phrin las che bar byung*/_rgyal sras gzhan phan mtha' yas kyi dbon brgyud du 'khrungs pa'i 'bar chung sprul sku 'gyur med gzhan phan/_dbon sprul sku phreng gsum pa/_lo chen sprul pa'i sku/_mi pham rin po che'i mchog sprul gong ma'i dbon rgyud du 'khrungs pa sogs kun kyang rten sdom pa gsum gyi bslab khrims gtsang ba snga 'gyur bka' ma mdo sgyu sems gsum rtsa ba yan lag gi rgyud sde'i skor/_sgrub sde la rin chen gter mdzod chen po dang*/_bka' dgongs phur gsum/_snying thig ya bzhi/_chos kyi rgyal po smin gling pa'i bka' srol gter kha gsar rnying gi rtsa ba gsum gyi sgrub skor spyi bye brag gi dbang khrid/_rgyab brten yig cha yongs rdzogs bcas kyi bshad khrid/_gdams ngag rin po che'i mdzod/_bka' brgyud sngags mdzod/_rgya chen bka' mdzod/_shes bya kun khyab rtsa 'grel/_sgrub thabs rin chen kun las btus pa/_snga 'gyur bka' ma'i gzhung pod/_rgyal ba'i bka' 'gyur rin po che dang*/_rnying ma rgyud 'bum/_kun mkhyen rong klong rnam gnyis/_smin gling sku mched/_'jigs med gling pa/_dpal sprul rin po che dang*/_kaHthog dge rtse paN+Di ta/_'jam mgon mi pham rnam rgyal/_rgyal tshab sku phreng gong 'og gi gsungs rtsom gyis mtshon pa'i dbang lung gi rgyun dkon la gal che ba'i rigs dang*/_mdo sngags rig gnas dang bcas pa'i skor gsan sbyang legs par gnang*/_rang lugs kyi lta sgom spyod pa'i rnam gzhag dang*/_sgrub phrin gyi phyag bzhes rig 'dzin brgyud pa'i bka' srol ma nyams pa mkhyen cing rgyud lung man ngag kun mthun kun las 'phags pa 'og min o rgyan smin grol gling gi phyag rgyun kho na thugs kyi gtsigs su mdzad/_rgyal bstan gyi snying po bshad sgrub las gsum gyis spel ba la thugs mthun khrims gtsang ba'i dam pa'i skyes chen sha stag tu byon pa dang*/_gzhan zhe chen gyi dgon lag phug dgon/_'ju mo hor dgon/_sib mda' bkra shis chos gling*/_gshong nag dgon/_byang mtsho sngon phyogs sgo me'i sngags dgon du ma sogs dgon lag rnams su bstan la bya ba nus pa'i skyes bu du ma byon par nges kyang mtshan dang rnam thar 'ol tshod kyis zhib bkod ma nus pa bcas zhar las 'phros pa'o/__/mtho ris mdun sar rtsen pa'i lha phrug dang*/_/mdzes sdug pad tshal nyul ba'i bung ba bzhin/_/smon lam dus bab 'phags tshogs rnam thar dpal/_/phan tshun 'gran pa bzhin du mdzes par ngoms/_/de tshul drang por smra ba'i gtam 'di yang*/_/gzur gnas chos rjes 'brang ba'i blo ldan la/_/lha yi rnga sgra'i dbyangs snyan ji bzhin du/_/kun dga'i dus ston sbyin snyam legs par bris/_/brjod bya rmad byung dam pa'i ngang tshul dri med gser sbyangs btso ma bzhin/_/rjod byed tshig phreng sgro skur bral ba drang por smra ba'i ngag gi rgyan/_don ldan bgyi ba'i rnam dkar chu klung rab gtsang brgyad ldan lha'i chu bos/_/bstan 'gro'i rin chen sa gzhi mdzes byas kun kyang tshul der 'dun gyur cig_/bdag kyang deng nas tshe rabs kun tu 'khor lo'i dbang phyug bla ma rje'i/_/zhabs sen me tog thod du mi 'bral mnyes pa gsum gyi bsnyen bkur gyis/_/don gnyis mthar phyin thugs kyi mdzod brtol dgongs klong gcig tu byang chub nas/_/sku bzhi'i go 'phang bde blag 'grub pa'i bkra shis dge mtshan rgyas gyur cig_/ces pa'ang khyab bdag dpal mgon bla ma'i gsung rdo rje bdud rtsi'i skyes kyi cha shas sgrub brgyud shing rta chen po brgyad kyi chos 'byung legs bshad pad+ma dkar po'i rdzing bu'i zhal skong gi tshul du 'di ltar 'bri bar 'dun pa dang*/_rje btsun bla ma yab sras kyi zhal slob dad blo rmad byung 'jigs med tshe mchog rdo rje nas kyang yang yang bskul ba dang*/_sde snod 'dzin pa mkhan po thub bstan brtson 'grus phun tshogs nas kyang myur du gyis zhes gsung bskul mdzad pa bzhin/_nges gsang chos kyi 'byung gnas mdo khams zhe chen pa'i rdo rje'i slob bu'i tha chung*/_bstan pa ris med la dad cing snga 'gyur bka' gter gyi ring lugs la rgyu mtshan shes pa'i dad blo phra mo thob pa 'jam mgon mkhyen brtse'i sprul ming 'gyur med theg mchog bstan pa'i rgyal mtshan phrin las grub pa'i sdes lho phyogs sA la'i sman ljongs dpal ldan 'brug pa'i rgyal khab kyi sa yi thig le spa gro stag tshang seng ge bsam 'grub kyi rdo rje'i gnas chen gos dang gong ba bzhin 'dabs 'brel ba'i skyer chu'i gtsug lag khang gi nye zhol rang gnas bsam gtan gyi khang bu phun tshogs bkra shis dga' 'khyil nas dbu brtsams/_phun tshogs chos kyi gling gi skyed tshal du chu bya'i gnam lo gsar tshes kyi dga' ston du grub par bgyis pa 'dis kyang rgyal ba'i bstan pa rin po che yun ring du gnas pas snyigs ma'i yid can mtha' dag rnam dkar gyi dpal 'byor phun sum tshogs pas phan bde'i dga' ston zad mi shes pa dang*/_bdag kyang skye kun bla ma mchog dang mi 'bral bas sku gsum bde ba chen por ngal 'tsho mchog tu thob pa'i rgyur kho nar gyur cig__/sarba mang+ga la~M/_dge'o/__//