JKW-KABUM-21-ZHA-002-033

Previous Text Back to Volume PageNext Text

Wylie title
Location	mkhyen brtse'i bka' 'bum Volume 21, sde tshan 2, Text 33, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

སྟག་ཤམས་གཏེར་བྱོན་སེང་གདོང་མའི་ལས་ཚོགས་ལྷ་མོ་བརྟན་མའི་བུམ་གཏེར། སྟག་ཤམས་གཏེར་བྱོན་སེང་གདོང་མའི་ལས་ཚོགས་ལྷ་མོ་བརྟན་མའི་བུམ་གཏེར་སེར་པོ་བྷྲཱུཾ་གྱིས་མཚན་པར། རིན་ཆེན་འབྲུ་སྨན་ས་སྣ་ཆུ་སྣ་སོགས་གཙང་མས་གཏམས་པའི་དབུས་སུ་ས་སྣ་ཆུ་ཤིང་སྣ་རིན་ཆེན་ཀླུ་སྨན་གི་ཝྃ་དཀར་གསུམ་མངར་གསུམ་འབྲུ་སྣ་དར་སྣ་བཅས་ས་སྤྱིན་དང་སྦྱར་བས་སའི་ལྷ་མོའི་སྐུ་སོར་བཞིའམ་བརྒྱད་པ། སྐྱིལ་ཀྲུང་མཉམ་གཞག་རིན་པོ་ཆེའི་བུམ་པ་བསྣམས་པ། སྐུ་མདོག་སེར་པོ་དང་རིན་པོ་ཆེས་བརྒྱན་པ་བཞེངས། དབུ་གཙུག་ཏུ་ཡུངས་འབྲུ་ལྟ་བུའི་རིང་བསྲེལ་སོགས་ཡོད་ན་གཞུག །ཐུགས་ཀར་མཐིང་ཤོག་ལ་གསེར་གྱིས། ཨོཾ་ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། དོ་ཙུ་དོ་ཙུ། སྭཱ་ཧཱ་སྭཱ་ཧཱ། བྷ་ཤ་བྷ་ཤ་སྭཱ་ཧཱ། ཞེས་བྲིས་པ་དང་། ལྟོ་བའི་ནང་དུ། ཤོག་བུ་ལ་དངུལ་གྱིས། ཨོཾ༔ ལྷ་མི་ཕན་བདེའི་ལོངས་སྤྱོད་རྒྱས༔ ནོར་ཟས་སྟེར་དང་བདུད་རྩི་འབྱུང་༔ ཚེ་རིང་ནད་མེད་དགྲ་རྒོལ་གཞོམ༔ ཐམས་ཅད་ཡིད་བཞིན་འགྲུབ་པར་འགྱུར༔ གནས་གཙང་དཀྱིལ་འཁོར་བྱ་བ་དང་༔ ཁྲུས་གཙང་གོས་གསར་གྱོན་བྱས་ནས༔ སྐུ་གསུང་རྣམ་དག་རྟེན་དྲུང་འདུག༔ སྤོས་དང་མེ་ཏོག་ཁ་ཟས་མཆོད༔ རྣལ་འབྱོར་དམ་ཚིག་གཙང་ན་འགྲུབ༔ ཅེས་དང་། དབྱངས་གསལ་རྟེན་སྙིང་། འབད་དང་རྩོལ་བས་མ་གོས་པའི། །སོགས་ཤིས་བརྗོད་དང་། སུ་པྲ་ཏིཥྛ་སྦྲེལ་བ་བྲིས་ནས་བཅུག །འབུར་སྐུ་མ་གྲུབ་ན་བྲིས་སྐུ་ལ་གོང་གི་རྫས་བྱུགས། ཤོག་དྲིལ་བཅིངས། ཕྱོགས་མཚམས་སུ་ཀླུ་ཆེན་བརྒྱད་ཀྱི་སྔགས་བྱང་ཤོག་དྲིལ་བཅུག །གཞན་ཡང་བྱ་རྒྱུད་ལུགས་ཀྱི་བུམ་རྫས་ཉེར་ལྔ། ས་སྣ་ཆུ་སྣ། འབྲུ་སྣ། ཀླུ་སྨན་སོགས་ཀླུ་ལ་མི་གནོད་པའི་རིགས་ཀྱིས་གཏམ། ཁ་དར་རས་དཀར་པོས་བཅད་དོ། ། ༈

[edit]

stag shams gter byon seng gdong ma'i las tshogs lha mo brtan ma'i bum gter/ stag shams gter byon seng gdong ma'i las tshogs lha mo brtan ma'i bum gter ser po b+h+rUM gyis mtshan par/__rin chen 'bru sman sa sna chu sna sogs gtsang mas gtams pa'i dbus su sa sna chu shing sna rin chen klu sman gi wa~M dkar gsum mngar gsum 'bru sna dar sna bcas sa spyin dang sbyar bas sa'i lha mo'i sku sor bzhi'am brgyad pa/__skyil krung mnyam gzhag rin po che'i bum pa bsnams pa/__sku mdog ser po dang rin po ches brgyan pa bzhengs/__dbu gtsug tu yungs 'bru lta bu'i ring bsrel sogs yod na gzhug__/thugs kar mthing shog la gser gyis/__oM tsi ri tsi ri/__tsu ru tsu ru/__ku ru ku ru/__do tsu do tsu/__swA hA swA hA/__b+ha sha b+ha sha swA hA/__zhes bris pa dang /__lto ba'i nang du/__shog bu la dngul gyis/__oM:__lha mi phan bde'i longs spyod rgyas:__nor zas ster dang bdud rtsi 'byung :__tshe ring nad med dgra rgol gzhom:__thams cad yid bzhin 'grub par 'gyur:__gnas gtsang dkyil 'khor bya ba dang :__khrus gtsang gos gsar gyon byas nas:__sku gsung rnam dag rten drung 'dug:__spos dang me tog kha zas mchod:__rnal 'byor dam tshig gtsang na 'grub:__ces dang /__dbyangs gsal rten snying /__'bad dang rtsol bas ma gos pa'i/__/sogs shis brjod dang /__su pra tiSh+Tha sbrel ba bris nas bcug__/'bur sku ma grub na bris sku la gong gi rdzas byugs/__shog dril bcings/__phyogs mtshams su klu chen brgyad kyi sngags byang shog dril bcug__/gzhan yang bya rgyud lugs kyi bum rdzas nyer lnga/__sa sna chu sna/__'bru sna/__klu sman sogs klu la mi gnod pa'i rigs kyis gtam/__kha dar ras dkar pos bcad do/___/___!_