JKW-KABUM-15-BA-020

Previous Section"BA" is not a number. Back to Volume Page"BA" is not a number.Next Section "BA" is not a number.

Wylie title
Location	mkhyen brtse'i bka' 'bum Volume , sde tshan 20, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum "BA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"BA" is not a number.</li></ul>

Tibetan Text

Wylie

[edit]

འཆི་མེད་འཕགས་མའི་སྙིང་ཏིག་གི་ཚོགས་མཆོད་བསྡུས་པ་བདུད་རྩིའི་ཟིལ་ཐིག།

༄༅། །འཆི་མེད་འཕགས་མའི་སྙིང་ཏིག་གི་ཚོགས་མཆོད་བསྡུས་པ་བདུད་རྩིའི་ཟིལ་ཐིག་བཞུགས་སོ། ། ན་མོ་གུ་རུ་ཨཱརྱཱ་ཏཱ་རཱ་ཡཻ། འཆི་མེད་འཕགས་མའི་སྙིང་ཏིག་གི་སྒོ་ནས་ཚོགས་མཆོད་ཁྲི་འབུམ་ལྟ་བུ་མདོར་བསྡུས་སུ་འབུལ་བའི་ཚེ། སྣོད་གཅིག་ཏུ་ཚོགས་གཏོར་བཅུ་དང་རིལ་བུ་དགུ་བཅུ། ཚོགས་རྫས་ཅི་འབྱོར་བཞག །དེ་འདྲ་ཚོ་བཅུ་ལ་སྟོང་ཕྲག་གཅིག་ཏུ་འོང་བས་གྲངས་མང་པོ་ལ་དེས་མཚོན། ཚོགས་ཆང་བདུད་རྩི་བཅས་བཀོད་པའི་སྣོད་གཅིག་ལ་ཆུ་ཆང་ནང་གསུམ་བྲན་ཏེ། ཕྲིན་ལས་གཞུང་གི་ཚོགས་རྒྱས་པ་ཚར་གཅིག་གཏོང་། བར་པ་བདུད་རྩི་བྱིན་རླབས་སྐབས་འདིར་མི་དགོས་པས་བཞག་ལ་ལྷག་མ་སྨོན་ལམ་ཡན་གཏོང་། དེ་ནས་སླར་ཡང་བདུད་རྩི་བྲན་ཏེ། རྃ་ཡྃ་ཁྃ། ཨོཾ་ཧཱུྃ་ཏྲཱྃ་ཧྲཱིཿཨཱཿ ཧ་ཧོ་ཧྲཱིཿཞེས་བྱིན་བརླབ། ཧྲཱིཿ སྐུ་གསུམ་ཞིང་ཁམས་རབ་འབྱམས་ནས༔ རྗེ་བཙུན་འཁོར་བ་སྒྲོལ་མཛད་ཡུམ༔ རྩ་གསུམ་ཆོས་སྐྱོང་རྒྱ་མཚོར་བཅས༔ ཚོགས་ཀྱི་འདུ་བར་སྤྱན་འདྲེན་གཤེགས༔ སརྦ་ས་མ་ཡ་ཛཿཛཿ ཞེས་པས་སྤྱན་དྲངས། ཧོཿ རང་བྱུང་བྷཉྫ་སྣང་བ་སྣོད༔ རྩ་འཁོར་དབྱིངས་ཀྱི་ཀ་པཱ་ལར༔ བཟའ་བཏུང་སྲིད་བཅུད་བྱང་ཆུབ་སེམས༔ རིག་པ་རང་གསལ་ཚོགས་གཏོར་བཤམས༔ ཕྱི་ནང་གསང་བ་བླ་མེད་པའི༔ ཚོགས་ཀྱི་མཆོད་པར་བཞེས་སུ་གསོལ༔ རྣལ་འབྱོར་བདག་ཅག་འཁོར་བཅས་ཀྱི༔ གསང་གསུམ་དམ་ཚིག་ཉམས་པ་བཤགས༔ བདུད་བཞིའི་བར་ཆད་དབྱིངས་སུ་སྒྲོལ༔ སྐུ་གསུམ་ཐུགས་ཀྱི་ཚེ་དབང་སྩོལ༔ ས་མ་ཡ་པཉྩ་ཀཱ་མ་གུ་ཎ་མ་ཧཱ་སུ་ཁ་ཛྙཱ་ན་དྷཱ་ཏུ་ག་ཎ་ཙཀྲ་པཱུ་ཛ་ཧོཿ ཞེས་མཆོད་བཤགས་བསྒྲལ་བ་ཕྱོགས་འཐུས་སུ་འབུལ། ཧྲཱིཾཿཕཻཿ དཔའ་བོ་མཁའ་འགྲོ་ཞིང་སྐྱོང་ཚོགས༔ ལྷག་མའི་གཏོར་མ་འདི་བཞེས་ལ༔ བར་ཆད་ཀུན་སོལ་ཚེ་དཔལ་སྐྱེད༔ རྣམ་བཞིའི་ཕྲིན་ལས་མྱུར་འགྲུབ་མཛོད༔ ཨུཙྪིཥྚ་ག་ཎ་ཙཀྲ་པཱུ་ཛ་ཧོཿ ཞེས་ལྷག་མ་བསྔོ། སྤྲོ་ན། བདེ་ཆེན་རྡོ་རྗེའི་སོགས་སྨོན་ལམ་ཡང་གདབ། དེ་ལྟར་ཚར་དགུ་བྱ། སླར་རྒྱས་པ་ཚར་གཅིག་དང་བསྡུས་པ་དགུ་རེ་སྟེ། རྒྱས་བསྡུས་སྤེལ་བས་བརྒྱ་རྩ་གཅིག་གྲུབ་ནས་མཆོད་བཤགས་བསྒྲལ་བ་ཡན་སོང་བ་དང་། རྒྱས་པ་ལྟར་བར་པ་བདུད་རྩིར་བྱིན་རླབས་ཀྱི་སྔགས་བཟླ་ཞིང་རོལ་ལ། ལྷག་ཆོག་རྒྱས་པར་བྱ་ཞིང་སྨོན་ལམ་གདབ་བོ། །འདིའང་གཏེར་ཆེན་བླ་མ་ཉིད་ཀྱི་སྤྱན་སྔར་བཀའ་ལུང་གི་རྗེས་གནང་ཇི་བཞིན་བློ་གྲོས་མཐའ་ཡས་ཀྱིས་བྲིས་པ་དགེ་ལེགས་འཕེལ།། །།མཆོག་གཟིགས་གཏེར་ཆེན་བླ་མ་རྗེ། །མི་ཤིགས་རྡོ་རྗེར་འཚོ་གཞེས་ཕྱིར། །འཇམ་དབྱངས་ལེགས་པའི་བློ་གྲོས་ཀྱིས། །སྤར་བཞེངས་འབྲས་བཟང་སྨིན་གྱུར་ཅིག །ཤུ་བྷཾ།

[edit]

'chi med 'phags ma'i snying tig gi tshogs mchod bsdus pa bdud rtsi'i zil thig/__ @#/__/'chi med 'phags ma'i snying tig gi tshogs mchod bsdus pa bdud rtsi'i zil thig bzhugs so/__/ na mo gu ru Ar+yA tA rA yai/__'chi med 'phags ma'i snying tig gi sgo nas tshogs mchod khri 'bum lta bu mdor bsdus su 'bul ba'i tshe/__snod gcig tu tshogs gtor bcu dang ril bu dgu bcu/__tshogs rdzas ci 'byor bzhag__/de 'dra tsho bcu la stong phrag gcig tu 'ong bas grangs mang po la des mtshon/__tshogs chang bdud rtsi bcas bkod pa'i snod gcig la chu chang nang gsum bran te/__phrin las gzhung gi tshogs rgyas pa tshar gcig gtong /__bar pa bdud rtsi byin rlabs skabs 'dir mi dgos pas bzhag la lhag ma smon lam yan gtong /__de nas slar yang bdud rtsi bran te/__ra~M ya~M kha~M/__oM hU~M trA~M hrIHAH__ha ho hrIHzhes byin brlab/__hrIH__sku gsum zhing khams rab 'byams nas:__rje btsun 'khor ba sgrol mdzad yum:__rtsa gsum chos skyong rgya mtshor bcas:__tshogs kyi 'du bar spyan 'dren gshegs:__sarba sa ma ya dzaHdzaH__zhes pas spyan drangs/__hoH__rang byung b+hany+dza snang ba snod:__rtsa 'khor dbyings kyi ka pA lar:__bza' btung srid bcud byang chub sems:__rig pa rang gsal tshogs gtor bshams:__phyi nang gsang ba bla med pa'i:__tshogs kyi mchod par bzhes su gsol:__rnal 'byor bdag cag 'khor bcas kyi:__gsang gsum dam tshig nyams pa bshags:__bdud bzhi'i bar chad dbyings su sgrol:__sku gsum thugs kyi tshe dbang stsol:__sa ma ya pany+tsa kA ma gu Na ma hA su kha dz+nyA na d+hA tu ga Na tsakra pU dza hoH__zhes mchod bshags bsgral ba phyogs 'thus su 'bul/__hrIMHphaiH__dpa' bo mkha' 'gro zhing skyong tshogs:__lhag ma'i gtor ma 'di bzhes la:__bar chad kun sol tshe dpal skyed:__rnam bzhi'i phrin las myur 'grub mdzod:__uts+tshiSh+Ta ga Na tsakra pU dza hoH__zhes lhag ma bsngo/__spro na/__bde chen rdo rje'i sogs smon lam yang gdab/__de ltar tshar dgu bya/__slar rgyas pa tshar gcig dang bsdus pa dgu re ste/__rgyas bsdus spel bas brgya rtsa gcig grub nas mchod bshags bsgral ba yan song ba dang /__rgyas pa ltar bar pa bdud rtsir byin rlabs kyi sngags bzla zhing rol la/__lhag chog rgyas par bya zhing smon lam gdab bo/__/'di'ang gter chen bla ma nyid kyi spyan sngar bka' lung gi rjes gnang ji bzhin blo gros mtha' yas kyis bris pa dge legs 'phel//__//mchog gzigs gter chen bla ma rje/__/mi shigs rdo rjer 'tsho gzhes phyir/__/'jam dbyangs legs pa'i blo gros kyis/__/spar bzhengs 'bras bzang smin gyur cig__/shu b+haM/