JKW-KABUM-08-NYA-007-001

First text in section. Back to Volume PageNext Text

Wylie title
Location	mkhyen brtse'i bka' 'bum Volume 8, sde tshan 7, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ཚེམ་བུ་པ་ (Kantalipa)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 8: 1-. Khams sde dge rdzong sar dgon: Rdzong sar blo gros phun tshogs, 2020.
Genre
Cycle	ཐུགས་ཆེན་དམར་ཁྲིད་ཚེམ་བུ་ལུགས་ (thugs chen dmar khrid tshem bu lugs)
Deity	thugs rje chen po

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཐུགས་ཆེན་ཚེམ་བུ་ལུགས་ཀྱི་བརྒྱུད་འདེབས།

༄༅། །མ ཧཱ ཀཱ རུ ཎཱ ཡཿ གུ རུ བི པ ཏྟེ ར དྷྱེ ཥ ཎཱ པ ནྠྱ ནུ ཀྲ མ པྲ ཎི དྷཱ ན ཤྩ སཱ དྷི ཥྛཱ ན པ ར དཱ ན ནཱ མ བི ཧ ར ཏི སྨ །། ༄༅། །ཐུགས་རྗེ་ཆེན་པོའི་བླ་མ་བརྒྱུད་པའི་གསོལ་འདེབས་ལམ་རིམ་སྨོན་ལམ་དང་བཅས་པ་བྱིན་རླབས་མཆོག་སྩོལ་ཞེས་བྱ་བ་བཞུགས་སོ། །

རྡོ་རྗེ་འཆང་དབང་རྡོ་རྗེ་རྣལ་འབྱོར་མ། །གྲུབ་ཆེན་ཚེམ་བུ་པ་དང་བྱང་ཆུབ་འོད། །བྱང་ཆུབ་ཚུལ་ཁྲིམས་བསོད་ནམས་སྙིང་པོ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །ཐུགས་རྗེ་བརྩོན་འགྲུས་རྒྱལ་བ་ཡེ་ཤེས་ཞབས། །གཞོན་ནུ་སེང་གེ་བསོད་ནམས་རྒྱལ་མཚན་དཔལ། །ཐེག་ཆེན་ཆོས་རྗེ་དཔལ་ལྡན་ལེགས་པ་ལ། །གསོལ་བ་འདེབས་སོ་དངོས་གྲུབ༴ བདག་ཆེན་རྡོ་རྗེ་འཆང་དབང་རྡོ་རིང་པ། །ཚར་ཆེན་རྗེ་དང་འཇམ་དབྱངས་མཁྱེན་བརྩེའི་དབང་། །བྱམས་པ་སྐལ་བཟང་དབང་ཕྱུག་རབ་བརྟན་ལ། །གསོལ་བ་འདེབས་སོ༴ བསོད་ནམས་མཆོག་གྲུབ་བསོད་ནམས་རྒྱ་མཚོ་དང་། །འཇམ་དཔལ་ཆོས་དབང་འཇམ་དཔལ་མཁྱེན་བརྩེའི་ཞབས། །འཇམ་དཔལ་ཚུལ་ཁྲིམས་བློ་གསལ་བསྟན་རྒྱན་ལ། །གསོལ་བ་འདེབས་སོ༴ མཁས་ཤིང་གྲུབ་བརྙེས་ཡེ་ཤེས་དཔལ་འབྱོར་དང་། །རིགས་ཀུན་ཁྱབ་བདག་བློ་གསལ་བསྟན་སྐྱོང་སོགས། །སྐྱབས་གནས་ཀུན་འདུས་རྩ་བརྒྱུད་བླ་མ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །ཡང་ན། ཐུགས་རྗེ་བརྩོན་འགྲུས་ཀུན་མཁྱེན་འཕགས་པ་འོད། །རྩོད་དུས་ཐམས་ཅད་མཁྱེན་པ་རིན་ཆེན་གྲུབ། །རིན་ཆེན་རྣམ་རྒྱལ་རིན་ཆེན་རྒྱལ་མཚན་ལ། །གསོལ་བ་འདེབས་སོ༴ མཁྱེན་རབ་ཆོས་རྗེ་ཀུན་སྤངས་རྡོ་རིང་པ། །ཚར་ཆེན་སོགས་མན་འདྲའོ། །དེ་ལྟར་སྙིང་ནས་གུས་པས་གསོལ་བཏབ་མཐུས། །དལ་འབྱོར་རྙེད་དཀའ་འཆི་བ་མི་རྟག་དང་། །ལས་འབྲས་བསླུ་མེད་དོན་ལ་ལེགས་བསམས་ནས། །ངེས་འབྱུང་དྲག་པོ་སྐྱེ་བར་བྱིན་གྱིས་རློབས། །བླ་མ་མཆོག་གསུམ་ཐུགས་རྗེས་རྟག་ཏུ་སྐྱོང་། །སྨོན་འཇུག་བྱང་ཆུབ་སེམས་གཉིས་རྒྱུད་ལ་ཤར། །རྡོར་སེམས་བདུད་རྩིས་སྒྲིབ་གཉིས་ཀུན་སྦྱངས་ནས། །བླ་མའི་བྱིན་རླབས་སྙིང་ལ་འཇུག་པར་ཤོག །འོད་གསལ་ངང་ལས་ཤར་བའི་བསྐྱེད་རིམ་གྱིས། །ང་རྒྱལ་རྣམ་པའི་གསལ་སྣང་རབ་རྫོགས་ཤིང་། །གྲགས་སྟོང་དབྱེར་མེད་སྔགས་ཀྱི་རྣལ་འབྱོར་དང་། །ཟབ་གསང་རྡོ་རྗེའི་བཟླས་པ་མཐར་ཕྱིན་ཤོག །འཁོར་འདས་ཆོས་ཀུན་རྩ་བ་རང་གི་སེམས། །མེད་བཞིན་ཅིར་ཡང་འཆར་བ་སྒྱུ་མའི་འཕྲུལ། །བརྗོད་བྲལ་བློ་འདས་ཕྱག་ན་པདྨོའི་ཞལ། །མངོན་སུམ་མཐོང་ནས་འབྲལ་མེད་སྐྱོང་བར་ཤོག །སྤྱོད་ལམ་ཟས་གོས་གཉིད་དང་རྨི་ལམ་སོགས། །སྣང་གྲགས་རྟོག་ཚོགས་ལྷ་སྔགས་ཆོས་སྐུར་ཤར། །ཚེ་ཡི་མཐར་ཡང་འཕོ་བའི་རྣལ་འབྱོར་གྱིས། །བདེ་ཆེན་དག་པའི་ཞིང་དུ་བགྲོད་པར་ཤོག །མདོར་ན་འདི་ནས་བྱང་ཆུབ་སྙིང་པོའི་བར། །བླ་མ་འཕགས་མཆོག་སྤྱན་རས་གཟིགས་དབང་གིས། །འབྲལ་བ་མེད་པར་རྟག་ཏུ་རྗེས་བཟུང་ནས། །རང་གཞན་དོན་གཉིས་ཡིད་བཞིན་འགྲུབ་པར་ཤོག །ཅེས་པའང་ཁྱབ་བདག་རྡོ་རྗེ་སེམས་དཔའ་དང་དབྱེར་མེད་པའི་མཆོག་སྤྲུལ་ཐམས་ཅད་མཁྱེན་པ་བློ་གསལ་ཞབས་ལས་ཆོས་ཚུལ་འདིའི་བཀའ་དྲིན་ནོས་པའི་ཚེ། རྒྱལ་ཁམས་ཀྱི་བྱ་བྲལ་བསྐལ་བཟང་མཁྱེན་བརྩེའི་མིང་གིས་དཔལ་ཞྭ་ལུ་རི་སྦུག་བྱང་ཆུབ་ཤིང་གི་ནགས་ཁྲོད་དུ་གསོལ་བ་བཏབ་པ་སིདྡྷི་རསྟུ།། །། ༈

[edit]

thugs chen tshem bu lugs kyi brgyud 'debs/ @#/__/ma_hA_kA_ru_NA_yaH__gu_ru_bi_pa_t+te_ra_d+h+ye_Sha_NA_pa_n+th+ya__nu_kra_ma_pra_Ni_d+hA_na_sh+tsa_sA_d+hi_Sh+ThA_na_pa_ra_dA_na_nA_ma_bi_ha_ra_ti_sma_//_ @#/__/thugs rje chen po'i bla ma brgyud pa'i gsol 'debs lam rim smon lam dang bcas pa byin rlabs mchog stsol zhes bya ba bzhugs so/__/ rdo rje 'chang dbang rdo rje rnal 'byor ma/__/grub chen tshem bu pa dang byang chub 'od/__/byang chub tshul khrims bsod nams snying po la/__/gsol ba 'debs so dngos grub rnam gnyis stsol/__/thugs rje brtson 'grus rgyal ba ye shes zhabs/__/gzhon nu seng ge bsod nams rgyal mtshan dpal/__/theg chen chos rje dpal ldan legs pa la/__/gsol ba 'debs so dngos grub=__bdag chen rdo rje 'chang dbang rdo ring pa/__/tshar chen rje dang 'jam dbyangs mkhyen brtse'i dbang /__/byams pa skal bzang dbang phyug rab brtan la/__/gsol ba 'debs so=__bsod nams mchog grub bsod nams rgya mtsho dang /__/'jam dpal chos dbang 'jam dpal mkhyen brtse'i zhabs/__/'jam dpal tshul khrims blo gsal bstan rgyan la/__/gsol ba 'debs so=__mkhas shing grub brnyes ye shes dpal 'byor dang /__/rigs kun khyab bdag blo gsal bstan skyong sogs/__/skyabs gnas kun 'dus rtsa brgyud bla ma la/__/gsol ba 'debs so dngos grub rnam gnyis stsol/__/yang na/__thugs rje brtson 'grus kun mkhyen 'phags pa 'od/__/rtsod dus thams cad mkhyen pa rin chen grub/__/rin chen rnam rgyal rin chen rgyal mtshan la/__/gsol ba 'debs so=__mkhyen rab chos rje kun spangs rdo ring pa/__/tshar chen sogs man 'dra'o/__/de ltar snying nas gus pas gsol btab mthus/__/dal 'byor rnyed dka' 'chi ba mi rtag dang /__/las 'bras bslu med don la legs bsams nas/__/nges 'byung drag po skye bar byin gyis rlobs/__/bla ma mchog gsum thugs rjes rtag tu skyong /__/smon 'jug byang chub sems gnyis rgyud la shar/__/rdor sems bdud rtsis sgrib gnyis kun sbyangs nas/__/bla ma'i byin rlabs snying la 'jug par shog__/'od gsal ngang las shar ba'i bskyed rim gyis/__/nga rgyal rnam pa'i gsal snang rab rdzogs shing /__/grags stong dbyer med sngags kyi rnal 'byor dang /__/zab gsang rdo rje'i bzlas pa mthar phyin shog__/'khor 'das chos kun rtsa ba rang gi sems/__/med bzhin cir yang 'char ba sgyu ma'i 'phrul/__/brjod bral blo 'das phyag na pad+mo'i zhal/__/mngon sum mthong nas 'bral med skyong bar shog__/spyod lam zas gos gnyid dang rmi lam sogs/__/snang grags rtog tshogs lha sngags chos skur shar/__/tshe yi mthar yang 'pho ba'i rnal 'byor gyis/__/bde chen dag pa'i zhing du bgrod par shog__/mdor na 'di nas byang chub snying po'i bar/__/bla ma 'phags mchog spyan ras gzigs dbang gis/__/'bral ba med par rtag tu rjes bzung nas/__/rang gzhan don gnyis yid bzhin 'grub par shog__/ces pa'ang khyab bdag rdo rje sems dpa' dang dbyer med pa'i mchog sprul thams cad mkhyen pa blo gsal zhabs las chos tshul 'di'i bka' drin nos pa'i tshe/__rgyal khams kyi bya bral bskal bzang mkhyen brtse'i ming gis dpal zhwa lu ri sbug byang chub shing gi nags khrod du gsol ba btab pa sid+d+hi rastu//____//__!_