JKCL-KABUM-12-NA-072

Previous Text Back to Volume PageNext Text

Wylie title
Location	chos kyi blo gros bka' 'bum Volume 12, Text 72, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: . Bir, H.P.: Khyentse Labrang, 2012.
Genre	Prayers - smon lam

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །མཁའ་དང་མཉམ་པའི་སྐུ་མངའ་བ། །སྐྱེ་འཆི་གཉིས་སྤང་རིགས་རྣམས་གཙོ། །དཀྱིལ་འཁོར་ཀུན་གྱི་ཁྱབ་བདག་ཆེ། །རིག་འཛིན་བླ་མའི་དཀྱིལ་འཁོར་ལ། །རྟག་ཏུ་གུས་པས་སྐྱབས་སུ་མཆི། །ཆོས་ཉིད་གཅིག་ལས་ཡེ་ཤེས་རྩལ། །ཞི་དང་ཁྲོ་བོའི་སྐུར་སྟོན་པ། །རབ་འབྱམས་ཡེ་ཤེས་ལྷ་ཚོགས་ལ། །གུས་པས་ཕྱག་འཚལ་ཡིད་ཅན་ཀུན། །ངན་སོང་གནས་ལས་སྒྲོལ་བ་དང་། །བདེ་ཆེན་དག་པའི་ཞིང་བཟང་པོར། །མྱུར་དུ་བརྫུས་ཏེ་སྐྱེས་ནས་ཀྱང་། །མི་གནས་མྱ་ངན་འདས་ཐོབ་ཤོག །ཁྱད་པར་བཅོམ་ལྡན་རིགས་ལྔ་སོགས། །ཆོས་དབྱིངས་ཞི་བའི་ལྷ་ཚོགས་དང་། །ཁྲག་འཐུང་སྙིང་རྗེ་ཁྲོས་པའི་སྐུ། །ཧེ་རུ་ཀ་ཡི་ཚོགས་རྣམས་དང་། །ངན་སོང་སྦྱོང་བའི་རྣམ་སྣང་མཛད། །རྡོ་རྗེ་སེམས་དཔའ་བདེ་བ་ཆེ། །དྲི་མེད་དག་པའི་སྐུ་མངའ་བའི། །ཐུགས་རྗེས་མ་གྱུར་སེམས་ཅན་རྣམས། །མངོན་དགའ་ལ་སོགས་རྣམ་གྲོལ་གྱི། །ཞིང་མཆོག་དམ་པར་དབུགས་འབྱིན་ནས། །དུར་ཁྲོད་མེ་རི་འབར་བ་རུ། །པདྨ་དབང་གི་རྒྱལ་པོ་ཡི། །ནང་དབྱིངས་ཆེན་པོར་མངོན་བྱང་ཆུབ། །ཕྱིར་གསལ་སྐུ་དང་ཡེ་ཤེས་ནི། །ལྷུན་གྲུབ་རྒྱུན་ཆད་མེད་པ་ཡི། །མཁའ་ཁྱབ་འགྲོ་བའི་དོན་བྱེད་ཤོག །ཅེས་པའང་མ་དྲིན་མོ་ཆེས་སྒྲིབ་སྦྱངས་ཞི་ཁྲོ་ངན་སོང་སྦྱོངས་བའི་སྐང་ཆོག་སྒྲུབ་སྐབས་ཟླ་བ་གཉིས་པའི་ཚེས་གསུམ་ལ་སྨྲས་པའོ།། །།

[edit]

oM AHhU~M badz+ra gu ru pad+ma sid+d+hi hU~M/__/mkha' dang mnyam pa'i sku mnga' ba/__/skye 'chi gnyis spang rigs rnams gtso/__/dkyil 'khor kun gyi khyab bdag che/__/rig 'dzin bla ma'i dkyil 'khor la/__/rtag tu gus pas skyabs su mchi/__/chos nyid gcig las ye shes rtsal/__/zhi dang khro bo'i skur ston pa/__/rab 'byams ye shes lha tshogs la/__/gus pas phyag 'tshal yid can kun/__/ngan song gnas las sgrol ba dang /__/bde chen dag pa'i zhing bzang por/__/myur du brdzus te skyes nas kyang /__/mi gnas mya ngan 'das thob shog__/khyad par bcom ldan rigs lnga sogs/__/chos dbyings zhi ba'i lha tshogs dang /__/khrag 'thung snying rje khros pa'i sku/__/he ru ka yi tshogs rnams dang /__/ngan song sbyong ba'i rnam snang mdzad/__/rdo rje sems dpa' bde ba che/__/dri med dag pa'i sku mnga' ba'i/__/thugs rjes ma gyur sems can rnams/__/mngon dga' la sogs rnam grol gyi/__/zhing mchog dam par dbugs 'byin nas/__/dur khrod me ri 'bar ba ru/__/pad+ma dbang gi rgyal po yi/__/nang dbyings chen por mngon byang chub/__/phyir gsal sku dang ye shes ni/__/lhun grub rgyun chad med pa yi/__/mkha' khyab 'gro ba'i don byed shog__/ces pa'ang ma drin mo ches sgrib sbyangs zhi khro ngan song sbyongs ba'i skang chog sgrub skabs zla ba gnyis pa'i tshes gsum la smras pa'o//___//