DKR-KABUM-11-DA-025-wylie

<div class="wylie-content"

zhi bsang bdud rtsi'i snang ba bzhugs/_kyai/_rab dkar zhi ba dbyings kyi thab/_/bdud rtsi'i shing la gos dkar gyis/_/sbar ba'i dud sprin zla ba'i mdangs/_/sim byed sman gyi ngad pa dang*/_/'dod yon rgyan gyi zegs ma 'phro/_/mi gtsang grib 'khon bsangs byed pa'i/_/kun phan bdud rtsi'i dga' ston che/_/mkha' la sprin dkar bzhin du 'khrigs/_/bar na 'dod rgu'i bsil char 'bebs/_/sa gzhir gtsang byed spos ngad 'thul/_/gzhan phan byang chub sems mchog gi_/byin gyis brlabs pa'i bsang mgron du/_/srid pa chags pa'i lha rabs che/_/btsan rgod rdo rje dgra 'dul rtsal/_/'khor tshogs rgya mtsho'i tshogs dang bcas/_/'dir byon dgyes pa'i gdan la bzhugs/_/mdzes sdug chu shel ltar dkar ba'i/_/bsang 'di spyan gzigs tshul du 'bul/_/sdang mig glog zhags mi g.yo bar/_/zhi 'dzum dgyes bzhin bya ra mdzod/_/dri zhim ngad pa mi zad pas/_/gsang po'i shangs la dgyes pa skyed/_/nad dug rlung sprin mi spro zhing*/_/dgra dang gnod sbyor rje yis srungs/_/snyan 'jebs glu dbyangs gling bu yi/_/sna tshogs nyams kyis dgyes dgur mchod/_/bshugs glu gad rgyangs ma sgrogs par/_/snyan grags dbyar rnga ldir bar mdzod/_/zhim mngar zas dang chang skyems phud/_/ro brgya'i zas kyi dga' ston stob/_/sad ser btsa' than zhi ba dang*/_/gnas 'dir lo legs 'bru 'phel mdzod/_/reg 'jam bdud rtsi'i sku la 'khyud/_/bde ba'i dga' ston rtag tu 'bul/_/btsan zhags mdung rnon ma 'phen par/_/nyin srungs mtshan skyobs mel tshe mdzod/_/thugs la ci bzhed der 'char ba'i/_/'dod dgu'i mthun rdzas mi zad 'bul/_/gnas mgron dam las mi 'da' bar/_/pha bu bzhin du srung skyobs mdzod/_/sna tshogs ba dan phreng tshar bstar/_/mthun pa'i rlung rta'i stobs skyed la/_/mi kha bra mchu phung gyod sogs/_/srung skyobs mthun rkyen 'dod dgu skyed/_/mi gtsang nyes pa khrus kyis bkru/_/mnga' gsol gzengs bstod dpa' skyems 'bul/_/yul 'dir bkra shis bde legs kyi/_/tshe dpal stobs 'byor rgyas par mdzod/_/sngon tshe pad+ma thod phreng sogs/_/rtsa brgyud rig 'dzin bla ma yis/_/bka' bsgo'i tha tshig ma bsnyel bar/_/gnas gzhi'i dam tshig rtag tu srungs/_/ri gnyan bskos dang shing gnyan bcad/_/thab gzhob gsur dang me dgra sogs/_/mi shes bag med dbang gyur pa'i/_/phog thug spyod pa'i nongs pa bshags/_/lha zhal zla ltar dkar ba yis/_/yul 'di bde skyid 'byor pas brgyan/_/snod la bcud ldan lo phyug legs/_/rta nor phyugs spel gcan gzan srungs/_/bcud kyi bsod nams dpal 'byor rgyas/_/phan tshun 'dza' zhing brtse ba'i blos/_/rtag tu mthun par gnas pa dang*/_/dge ba'i las la spro bar mdzod/_/dkon mchog gsum gyi dbu 'phang bstod/_/dge 'dun sde rgyas bshad sgrub dar/_/srid zhi'i rgud mun sel ba'i gnyen/_/rgyal bstan snang ba 'grib med mdzod/_/rgyal blon thugs mthun stobs dpal rgyas/_/gzhan sde zil gyis gnon pa dang*/_/yul 'dir bkra shis dge legs 'phel/_/phyogs las rnam par rgyal bar mdzod/_/ces pa'ang chos rtse'i slob dpon thub bstan nas ched bskul bzhin gzhan phan sems kyis mang+ga la shrI b+hU ti sarba ar+thas bris pa don dang ldan par gyur cig/__//