DKR-KABUM-08-NYA-031-wylie

<div class="wylie-content"

yang zab bde chen dpal mo'i thugs kyi me long las:_dbyangs can ma'i brgyud 'debs chos don rnam 'byed nyin byed snang ba zhes bya ba bzhugs:_e ma hoH_ye grol 'dus ma byas pa'i klong yangs nas:_rgyal ba'i yum chen kun tu bzang mo la:_mtha' bral blo 'das ngang nas gsol ba 'debs:_chos sku g.yo med dgongs don rtogs byin rlobs:_ma 'gag rang snang bde chen pho brang nas:_longs spyod rdzogs mdzad ngag gi dbang phyug mar:_dga' bzhi mthar phyin ngang nas gsol ba 'debs:_rgyal ba'i chos tshul mngon du 'gyur byin rlobs:_pad+ma'i lcam gcig gsang sngags bka'i sdud byed:_mkha' 'gro'i gtso mo ye shes mtsho rgyal la:_rang rig gsal stong ngang nas gsol ba 'debs:_phyogs med dag snang 'char bar byin gyis rlobs:_rang snang dag pa lhun grub zhing khams su:_rig pa 'dzin pa chos kyi go cha la:_gnyug ma 'od gsal ngang nas gsol ba 'debs:_don brgyud dgongs pa'i byin rlabs 'pho bar shog:_de ltar gsol ba btab pa'i byin rlabs kyis:_kun btags 'khrul pa'i snang zhen srid pa'i khams:_gzhan dbang DA ki'i lha sngags ye shes kyi:_rol mor 'byams klas mi 'gyur gdod ma'i dbyings:_yongs grub bde chen dpal mo'i rang zhal mjal:_ye shes bla ma'i sa la lhun grub shog:_gzhan yang gzungs spobs ye shes snang ba ni:_mi zad rgyan gyi 'khor lo'i gter mdzod grol:_phyi nang rig pa'i gnad kyi de nyid dang:_dpag yas mdo rgyud dgongs don ma lus kun:_rtogs nas 'chad dang rtsod dang rtsom pa yis:_bdag gzhan 'dod don yid bzhin myur 'grub cing:_mchog thun dngos grub rgya mtsho'i mdzod thob nas:_bstan 'gro'i phan bde spel ba'i dpal thob shog:_dbyangs can dpal gyi lha mo yi:_gsol 'debs chos don rnam 'byed kyi:_nyin byed snang ba zhes bya ba:_chos kyi go cha 'dzin de yi:_dag snang rig pa'i rol rtsal las:_shar bzhin spel ba dge gyur cig:__dge'o//_//