JKW-KABUM-22-ZA-012-084

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 12, sde tshan 84, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཤེས་རབ་ཕར་ཕྱིན་དང་འབྲེལ་བའི་རྡོ་རྗེའི་ཐོལ་གླུ་སྤྲོས་བྲལ་སྒྲ་དབྱངས། ཤེས་རབ་ཀྱི་ཕ་རོལ་ཏུ་ཕྱིན་པ་དང་འབྲེལ་བའི་རྡོ་རྗེའི་ཐོལ་གླུ་སྤྲོས་བྲལ་སྒྲ་དབྱངས་ཞེས་བྱ་བ། ཨ་ཧོ། སྨྲ༷་བའི་ཚིག་ལམ་མི་གནས་ཡང་དག་གི་དྲན་པས། །བས༷མ་པས་དཔྱད་བྱ་བྲལ་བའི་བློ་འདས་ཀྱི་ཡེ་ཤེས། །བརྗོ༷ད་བྱས་གཏན་ལ་མི་ཕེབས་ལམ་བདེན་དང་འགལ་བའི། །བྱར་མེ༷ད་རྒྱལ་པོའི་གཤིས་ལུགས་གཉུག་མ་ཡི་ལྟ་བ། །ཤེས༷་ར༷བ་ཡིད་བྱེད་ཀུན་གྱི་ཕ༷་རོ༷ལ་ཏུ་ཕྱིན༷་པས། །མ༷་སྐྱེས༷་ངོ་བོ་ཀ་དག་རྟག་པ་ནི་མ་ཡིན། །མི༷་འག༷ག་རང་རྩལ་ལྷུན་གྲུབ་ཆད་མཐའ་དང་བྲལ་བའི། །འགྱུར་མེད་ཡོངས་གྲུབ་བདེན་པ་ནམ༷་མཁ༷འ་ཡི་ངོ༷་བོ༷། །ཆོས་ཉི༷ད་ཐོབ་ཤོར་བྲལ་བའི་གཉུག་མ་ལ་རོལ་པས། །སོ༷་སོ༷ར་རྟོག་པའི་རིག་ཤེས་ཀུན་བརྟགས་ཀྱི་ཡོ་ལང་། །གཟུང་འཛིན་གཉིས་ཆོས་བྲལ་བའི་རང༷་རི༷ག་ལ་ཐིམ་སྟེ། །སྒྲོ་འདོགས་སྐུར་འདེབས་སྤངས་པའི་ངང་གནས་ཀྱི་ཡེ༷་ཤེ༷ས། །གྲུབ་མཐའི་ལྟོས་གཞི་ཟད་པའི་རྣལ་འབྱོར་གྱི་སྤྱོད༷་ཡུ༷ལ། །དུས༷་གསུ༷མ་མཐའ་དང་བྲལ་བའི་པདྨོ་ཡི་ཀློང་དུ། །རྒྱལ༷་བ༷འི་ཐུགས་ཀྱི་དེ་ཉིད་མངོན་སུམ་དུ་སྡུད་པས། །ཐོག་མའི་ཡུ༷མ་གྱུར་རྣམ་ཐར་གསུམ་ལྡན་གྱི་ངོ་བོ། །རང་རིག་བདེ་གཤེགས་སྙིང་པོའི་བདག་ཉིད་ལ༷་འདུད་དོ། དེ་སྐད་དོན་དམ་དགོངས་བཅུད་ཉུང་ངུ་རུ་འདོམས་པའི། །སྤྲོས་བྲལ་སྤྲོས་པར་ཤར་བའི་རྡོ་རྗེ་ཡི་གླུ་དབྱངས། །དཔའ་བོ་ཌཱ་ཀི་དགྱེས་པའི་དགའ་སྟོན་དུ་བླངས་པས། །འགྲོ་ཀུན་གཞོན་ནུ་བུམ་སྐུར་ཐིམ་པ་རུ་ཤོག་ཅིག། །། ༈

[edit]

shes rab phar phyin dang 'brel ba'i rdo rje'i thol glu spros bral sgra dbyangs/__ shes rab kyi pha rol tu phyin pa dang 'brel ba'i rdo rje'i thol glu spros bral sgra dbyangs zhes bya ba/__a ho/__smraX ba'i tshig lam mi gnas yang dag gi dran pas/__/bsaXm pas dpyad bya bral ba'i blo 'das kyi ye shes/__/brjoXd byas gtan la mi phebs lam bden dang 'gal ba'i/__/byar meXd rgyal po'i gshis lugs gnyug ma yi lta ba/__/shesaX raXb yid byed kun gyi phaX roXl tu phyinaX pas/__/maX skyesaX ngo bo ka dag rtag pa ni ma yin/__/miX 'gaXg rang rtsal lhun grub chad mtha' dang bral ba'i/__/'gyur med yongs grub bden pa namaX mkhaX' yi ngoX boX/__/chos nyiXd thob shor bral ba'i gnyug ma la rol pas/__/soX soXr rtog pa'i rig shes kun brtags kyi yo lang /__/gzung 'dzin gnyis chos bral ba'i rangaX riXg la thim ste/__/sgro 'dogs skur 'debs spangs pa'i ngang gnas kyi yeX sheXs/__/grub mtha'i ltos gzhi zad pa'i rnal 'byor gyi spyodaX yuXl/__/dusaX gsuXm mtha' dang bral ba'i pad+mo yi klong du/__/rgyalaX baX'i thugs kyi de nyid mngon sum du sdud pas/__/thog ma'i yuXm gyur rnam thar gsum ldan gyi ngo bo/__/rang rig bde gshegs snying po'i bdag nyid laX 'dud do/__de skad don dam dgongs bcud nyung ngu ru 'doms pa'i/__/spros bral spros par shar ba'i rdo rje yi glu dbyangs/__/dpa' bo DA ki dgyes pa'i dga' ston du blangs pas/__/'gro kun gzhon nu bum skur thim pa ru shog cig/__//__!