JKW-KABUM-23-'A-001-063

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 63, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

འདའ་དཀའ་མའི་གདམས་པ་མྱུར་ལམ་ཐིག་ལེ། རྫོགས་པ་ཆེན་པོ་རང་གྲོལ་རྣམ་ལྔ་ལས། འདའ་ཀ་མའི་གདམ་པ་སྨྱུར་ལམ་ཐིག་ལེ་ཞེས་བྱ་བ། ཆེན་པོ་གསུམ་གྱི་སྒྲོ་བཏགས་ཟད་པའི་དབྱིངས། །དེ་ཁོ་ན་ཉིད་དབྱིངས་ལ་གཉིས་མེད་འདུད། །ཚེ་འདིར་ཟུང་འཇུག་མངོན་དུ་མ་གྱུར་ན། །འདའ་ཀའི་གདམས་པ་འདི་ཉིད་ཡིད་ལ་ཟུང་། །ནམ་ཞིག་འདིར་སྣང་ནུབ་ལ་མངོན་ཕྱོགས་ཚེ། །རང་གི་སྤྱི་བོར་ཁྱབ་བདག་བླ་མ་བསྒོམ། །ལུས་དང་ལོངས་སྤྱོད་དགྲ་གཉེན་ཡུལ་ཁམས་ཀུན། །ཆགས་སྡང་མེད་པར་མཎྜལ་ཉིད་དུ་འབུལ། །རེ་དང་དོགས་པའི་ཕྲེང་བ་ཐད་ཀར་བཅད། །དེ་ནས་སྙིང་གའི་པདྨོར་གནས་པ་ཡི། །རང་སེམས་ངོ་བོ་འོད་གསལ་ཐིག་ལེ་དཀར། །ཕཊ་ཀྱིས་འཕངས་པས་བླ་མའི་ཐུགས་ཀར་ཐིམ། །ཐུགས་རྒྱུད་གཉིས་མེད་འདྲེས་པ་དེ་ཡི་ངང་། །ནམ་མཁའ་སུམ་སྤྲུགས་དབྱིངས་སུ་མཉམ་པར་གཞག །བར་དོ་མེད་པར་འཆི་བའི་འོད་གསལ་དང་། །རོ་གཅིག་འདྲེས་པས་གདོད་མའི་བཙན་ས་ཟིན། །ས་མ་ཡ། ཕྱི་རོལ་ཡུལ་གྱི་རྣམ་ཆར་མཐའ་ཀླས་ཀྱང་། །ནང་དུ་དེ་ཀུན་ངོ་བོ་གཅིག་པུ་ཉིད། །རང་གསལ་བརྗོད་མེད་འདི་ཀར་མཉམ་བཞག་པས། །ཟུང་འཇུག་སྒྱུ་མའི་ལྷ་སྐུ་འགྲུབ་པར་ངེས། །རྒྱ་རྒྱ་རྒྱ། འོན་ཀྱང་དུས་དེར་གྲོལ་བ་མ་ཐོབ་ནས། །གནས་རིགས་ངེས་མེད་ཀུན་ཏུ་རྒྱུ་བའི་ཚེ། །བླ་མ་དང་ནི་དཀོན་མཆོག་དྲན་པའི་མཐུས། །རང་བཞིན་སྤྲུལ་པའི་ཞིང་དུ་འདུན་པ་གཏད། །ཆོས་ཉིད་བདེན་པ་བསམ་གྱིས་མི་ཁྱབ་པས། །དེ་རུ་དག་པ་རྒྱལ་བའི་མྱུ་གུར་སྨིན། །ཡང་ན་མངལ་སྒོ་ངན་པ་སྨོན་ལམ་མཐུས། །བཀག་སྟེ་རང་སེམས་ཧཱུྃ་གི་རྣམ་པ་དང་། །ཡབ་ཡུམ་དཔའ་བོ་ཌཱ་ཀིར་གསལ་བཏབ་སྟེ། །སྦྱོར་མཚམས་ཞུགས་པ་རྡོ་རྗེ་གསུམ་གྱི་དངོས། །ཡིན་པར་ངེས་ཤེས་གསལ་བཏབ་འཇུག་པ་ཡིས། །དལ་འབྱོར་ལྡན་པའི་མི་ལུས་མཆོག་ཐོབ་ནས། །ལམ་གྱི་ལྷག་མ་སྐད་ཅིག་ཉིད་བགྲོད་དེ། །མྱུར་དུ་བྱང་ཆུབ་ས་ལ་རེག་པར་འགྱུར། །གུ་ཧྱ། སྙིགས་དུས་འགྲོ་བ་བརྩོན་འགྲུས་ཆེས་ཞན་པས། །དམ་པའི་བླ་མ་བརྟེན་ཡང་ཉམས་ལེན་གཡེལ། །དེ་ཡི་དུས་སུ་གདམས་པའི་སྙིང་ཐིག་འདིས། །སྐལ་བཟང་འགའ་ཞིག་བཙན་ས་ཟིན་པར་ཤོག ། ༈ གཟུང་བའི་ཆོས་རྣམས་མ་ལུས་ཀུན། །འཛིན་བྲལ་ཤེས་པ་དེ་ཀའི་ངང་། །བསལ་བཞག་འཕོ་འགྱུར་བྲལ་བ་ནི། །སངས་རྒྱས་ཀུན་གྱི་ཐུགས་ཡིན་ནོ། །རྡོ་རྗེའི་ཚིག་རྐང་དོན་དམ་པའི་རང་བཞིན་སྒྲིབ་བྲལ་དུ་སྟོན་པར་བྱེད་པའོ། ། ༈

[edit]

'da' dka' ma'i gdams pa myur lam thig le/__ rdzogs pa chen po rang grol rnam lnga las/__'da' ka ma'i gdam pa smyur lam thig le zhes bya ba/__chen po gsum gyi sgro btags zad pa'i dbyings/__/de kho na nyid dbyings la gnyis med 'dud/__/tshe 'dir zung 'jug mngon du ma gyur na/__/'da' ka'i gdams pa 'di nyid yid la zung /__/nam zhig 'dir snang nub la mngon phyogs tshe/__/rang gi spyi bor khyab bdag bla ma bsgom/__/lus dang longs spyod dgra gnyen yul khams kun/__/chags sdang med par maN+Dal nyid du 'bul/__/re dang dogs pa'i phreng ba thad kar bcad/__/de nas snying ga'i pad+mor gnas pa yi/__/rang sems ngo bo 'od gsal thig le dkar/__/phaT kyis 'phangs pas bla ma'i thugs kar thim/__/thugs rgyud gnyis med 'dres pa de yi ngang /__/nam mkha' sum sprugs dbyings su mnyam par gzhag__/bar do med par 'chi ba'i 'od gsal dang /__/ro gcig 'dres pas gdod ma'i btsan sa zin/__/sa ma ya/__phyi rol yul gyi rnam char mtha' klas kyang /__/nang du de kun ngo bo gcig pu nyid/__/rang gsal brjod med 'di kar mnyam bzhag pas/__/zung 'jug sgyu ma'i lha sku 'grub par nges/__/rgya rgya rgya/__'on kyang dus der grol ba ma thob nas/__/gnas rigs nges med kun tu rgyu ba'i tshe/__/bla ma dang ni dkon mchog dran pa'i mthus/__/rang bzhin sprul pa'i zhing du 'dun pa gtad/__/chos nyid bden pa bsam gyis mi khyab pas/__/de ru dag pa rgyal ba'i myu gur smin/__/yang na mngal sgo ngan pa smon lam mthus/__/bkag ste rang sems hU~M gi rnam pa dang /__/yab yum dpa' bo DA kir gsal btab ste/__/sbyor mtshams zhugs pa rdo rje gsum gyi dngos/__/yin par nges shes gsal btab 'jug pa yis/__/dal 'byor ldan pa'i mi lus mchog thob nas/__/lam gyi lhag ma skad cig nyid bgrod de/__/myur du byang chub sa la reg par 'gyur/__/gu h+ya/__snyigs dus 'gro ba brtson 'grus ches zhan pas/__/dam pa'i bla ma brten yang nyams len g.yel/__/de yi dus su gdams pa'i snying thig 'dis/__/skal bzang 'ga' zhig btsan sa zin par shog_/__!_gzung ba'i chos rnams ma lus kun/__/'dzin bral shes pa de ka'i ngang /__/bsal bzhag 'pho 'gyur bral ba ni/__/sangs rgyas kun gyi thugs yin no/__/rdo rje'i tshig rkang don dam pa'i rang bzhin sgrib bral du ston par byed pa'o/___/__!_