JKW-KABUM-20-WA-001-090

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 90, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

མི་འགྱུར་མཆོག་ཏུ་ཞི་བའི་ཡེ་ཤེས་དང་། ཞེས་པའི་དབུ་ཅན། མི་འགྱུར་མཆོག་ཏུ་ཞི་བའི་ཡེ་ཤེས་དང་། །འཕོ་མེད་བདེ་བ་ཆེན་པོར་ཟུང་འཇུག་པའི། །རྩ་གསུམ་ཀུན་དངོས་མཚོ་སྐྱེས་བླ་མ་ཡིས། །ཕུན་ཚོགས་ཚེ་དང་ཡེ་ཤེས་སྣང་བ་སྩོལ། ༡ །རྨད་བྱུང་ཚོགས་གཉིས་དམ་པའི་ཆུ་གཏེར་ནི། །ལེགས་བྱས་བྱེ་བས་བསྲུབས་པའི་སྙིང་པོའི་ཕུལ། །མཚན་བཟང་ཟླ་བ་བདུད་རྩིའི་དོ་ཤལ་ཅན། །རྣམ་ཀུན་འཆི་མེད་གྲུབ་པ་ཉིད་གྱུར་ཅིག༢། སྲས་བཅས་རྒྱལ་བས་ལེགས་པར་གསུངས་པ་ཡིས། །ལུང་གི་ཆོས་ཕུང་རྒྱ་མཚོའི་ཟིལ་དངར་གྱིས། །སྐལ་བཟང་ཡིད་ཀྱི་ཨུཏྤལ་ཁ་བྱེ་ནས། །ཕན་བདེའི་ལང་ཚོ་རྟག་ཏུ་རྒྱས་པར་མཛོད། ༣ །གང་དུ་སྤྲོས་པ་སྤངས་པའི་སྟོང་ཉིད་ལ། །དམིགས་མེད་སྙིང་རྗེ་ཆེན་པོ་སྐྱེས་པ་ཡིས། །མཁྱེན་བརྩེའི་གཟིགས་པས་བདག་སོགས་འདུས་པར་བཅས། །འདི་ནས་བྱང་ཆུབ་བར་དུ་རྗེས་སུ་ཟུངས། ༤ །ཡོན་ཏན་ནོར་བུའི་རྔ་ཡབ་ལྷར་བཅས་ན། །བཟུང་བ་མེད་པར་འཁོར་བའི་ཕྲིན་ལས་ཀྱི། །སྣང་བས་སྲིད་ཞིའི་མུན་པ་འཇིལ་བ་དང་། །བྱང་ཆུབ་མཆོག་གི་ངལ་འཚོ་རྒྱས་པར་མཛོད། ༥ །བདག་ཀྱང་ཡང་སྲིད་ཀུན་ཏུ་བཤེས་ཁྱོད་ཀྱིས། །ཐེག་པ་ཆེན་པོའི་དགེ་བའི་བཤེས་མཛད་ཅིང་། །ཚུལ་གནས་ཐོས་བསམ་སྒོམ་པའི་ཡོན་ཏན་གྱིས། །རང་གཞན་དོན་གཉིས་ལྷུན་གྱིས་གྲུབ་གྱུར་ཅིག༦། མདོར་ན་འགྱུར་མེད་ཐུགས་རྗེའི་སྣང་བ་ཡིས། །ཕུན་ཚོགས་འཇིག་རྟེན་དགེ་བའི་ངོ་མཚར་ཅན། །མཆོག་གསུམ་བཀྲ་ཤིས་ཉིན་མོར་བྱེད་པ་ཡིས། །དགེ་ལེགས་ཤིས་པའི་པདྨོ་རྒྱས་གྱུར་ཅིག ༧ །ཅེས་ཤིས་པར་བྱ་བའི་ཚིག་གིས་མདུན་བསུས་ཏེ། དེང་གི་ཆར་ཡང་། རིག་གྲོལ་གྱི་ཡོན་ཏན་རྨད་དུ་བྱུང་བའི་སུམ་ལྡན་རྡོ་རྗེ་འཛིན་པ་ཆེན་པོ་གང་གི་ཞལ་སྔ་ནས་ཚད་མེད་པའི་ཐུགས་རྗེས་རྒྱལ་བའི་བཀའ་གངས་ཅན་གྱི་ལྗོངས་སུ་འགྱུར་རོ་ཅོག་གི་ལྗགས་ལུང་རིན་པོ་ཆེ་ཡོངས་སུ་རྫོགས་པར་གནང་བའི་བཀའ་དྲིན་ནི་ཇི་སྲིད་བྱང་ཆུབ་སྙིང་པོའི་བར་དུ་འཁོར་ཐབས་མ་མཆིས་ཀྱང་། ཕྱོགས་ཀྱི་རྒྱལ་ཁམས་ཉུལ་བའི་དཱ་རི་དྲཱ་ལ་ཡོ་བྱད་ཀྱི་དངོས་པོ་ཕྲ་བས་ཡིད་སྤྲུལ་གྱི་མཎྜལ་རྒྱ་ཆེར་སྤྲུལ་ཏེ་ཕུལ་བའི་མཚོན་བྱེད་དུ་དངོས་བཤམས་ཕྲ་མོ་ཙམ་བསྟར་བར། འབུལ་ལམ་ཞུ་ན་ཡེ་ཤེས་གཟིགས་པ་དམ་པས་ཡུད་ཙམ་བདག་གིར་མཛད་པ་དང་། སླད་མའི་ཆར། སྲིད་ན་བཀའ་དྲིན་མཚུངས་མེད་དགེ་བའི་བཤེས་གཉེན་ཆེན་པོ་གང་ཉིད་ཞབས་པད་བསྐལ་པ་རྒྱ་མཚོར་བརྟན་ཅིང་རྣམ་པར་དཀར་བའི་ཕྲིན་ལས་རྒྱས་པ་དང་། གུས་ཕྲན་པའང་བྱང་ཆུབ་བར་དུ་ཐུགས་རྗེ་བཀའ་དྲིན་གྱིས་མི་བཏང་བར་གསོལ་བ་འདེབས་ན་བདེན་ཚིག་སྨོན་ལམ་གྱི་མཚམས་སྦྱོར་གྱིས་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། །། ༈

[edit]

mi 'gyur mchog tu zhi ba'i ye shes dang /__zhes pa'i dbu can/ mi 'gyur mchog tu zhi ba'i ye shes dang /_/'pho med bde ba chen por zung 'jug pa'i/_/rtsa gsum kun dngos mtsho skyes bla ma yis/_/phun tshogs tshe dang ye shes snang ba stsol/_1_/rmad byung tshogs gnyis dam pa'i chu gter ni/_/legs byas bye bas bsrubs pa'i snying po'i phul/_/mtshan bzang zla ba bdud rtsi'i do shal can/_/rnam kun 'chi med grub pa nyid gyur cig2/_sras bcas rgyal bas legs par gsungs pa yis/_/lung gi chos phung rgya mtsho'i zil dngar gyis/_/skal bzang yid kyi ut+pal kha bye nas/_/phan bde'i lang tsho rtag tu rgyas par mdzod/_3_/gang du spros pa spangs pa'i stong nyid la/_/dmigs med snying rje chen po skyes pa yis/_/mkhyen brtse'i gzigs pas bdag sogs 'dus par bcas/_/'di nas byang chub bar du rjes su zungs/_4_/yon tan nor bu'i rnga yab lhar bcas na/_/bzung ba med par 'khor ba'i phrin las kyi/_/snang bas srid zhi'i mun pa 'jil ba dang /_/byang chub mchog gi ngal 'tsho rgyas par mdzod/_5_/bdag kyang yang srid kun tu bshes khyod kyis/_/theg pa chen po'i dge ba'i bshes mdzad cing /_/tshul gnas thos bsam sgom pa'i yon tan gyis/_/rang gzhan don gnyis lhun gyis grub gyur cig6/_mdor na 'gyur med thugs rje'i snang ba yis/_/phun tshogs 'jig rten dge ba'i ngo mtshar can/_/mchog gsum bkra shis nyin mor byed pa yis/_/dge legs shis pa'i pad+mo rgyas gyur cig_7_/ces shis par bya ba'i tshig gis mdun bsus te/_deng gi char yang /_rig grol gyi yon tan rmad du byung ba'i sum ldan rdo rje 'dzin pa chen po gang gi zhal snga nas tshad med pa'i thugs rjes rgyal ba'i bka' gangs can gyi ljongs su 'gyur ro cog gi ljags lung rin po che yongs su rdzogs par gnang ba'i bka' drin ni ji srid byang chub snying po'i bar du 'khor thabs ma mchis kyang /_phyogs kyi rgyal khams nyul ba'i dA ri drA la yo byad kyi dngos po phra bas yid sprul gyi maN+Dal rgya cher sprul te phul ba'i mtshon byed du dngos bshams phra mo tsam bstar bar/_'bul lam zhu na ye shes gzigs pa dam pas yud tsam bdag gir mdzad pa dang /_slad ma'i char/_srid na bka' drin mtshungs med dge ba'i bshes gnyen chen po gang nyid zhabs pad bskal pa rgya mtshor brtan cing rnam par dkar ba'i phrin las rgyas pa dang /_gus phran pa'ang byang chub bar du thugs rje bka' drin gyis mi btang bar gsol ba 'debs na bden tshig smon lam gyi mtshams sbyor gyis de de bzhin du 'grub par byin gyis brlab tu gsol//__//__!