JKW-KABUM-20-WA-001-096

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 96, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཡེ་ཤེས་བཟང་པོ་ལ། རྡོ་རྗེའི་སློབ་དཔོན་རྣམ་འདྲེན་ཡོངས་ཀྱིས་རབ་བསྔགས་པ། །ཡེ༷་ཤེ༷ས་མཐའ་ཡས་སྙིང་རྗེ་བདུད་རྩིའི་སྣང་བ་ཅན། །བཟ༷ང་པོ༷འི་ཕྲིན་ལས་ཆ་ཤས་ཡོངས་གང་ཟླ་བ་ནི། །འཇིག་རྟེན་གསུམ་གྱི་སྒྲོན་མེ་ཉིད་དུ་བརྟན་གྱུར་ཅིག །གང་གི་ཐུགས་རྗེས་རབ་བཟུང་བའི། །དད་སྤྲོའི་པདྨོ་རྒྱས་པ་ལས། །ཞུ་མཆིད་རྐང་པ་དྲུག་པའི་གླུ། །རྒྱུད་མང་བཞིན་དུ་ཅུང་ཟད་ལེན། །འཁོར་བའི་ཚུ་རོལ་མི་གནས་ཡང་། །མྱང་འདས་ཕ་མཐར་གཞོལ་བའི་སར། །ཐེག་མཆོག་དགེ་བའི་བཤེས་ཀྱི་ཚུལ། །ཉི་མ་བཞིན་དུ་ལྷམ་མེར་གསལ། །འཕགས་དང་མཁས་པས་བསྔགས་འོས་པའི། །ལེགས་མཛད་ཕ་མཐའ་ཡས་པ་ནས། །འདིར་ཡང་ལྷག་པར་བརྩེར་དགོངས་པའི། །གསུང་གི་བདུད་རྩི་སྔ་ཕྱིར་ཐོབ། །དེ་ཚེ་གུས་དང་རབ་དགའ་བའི། །ལང་ཚོ་རྒྱས་པའི་དམན་པ་ཡང་། །བསམ་གཏན་ཁང་བུར་བག་ཕེབས་བཞིན། །ཁ་ཏོན་ཚུལ་ལ་གེགས་མེད་མཆིས། །མཚམས་ཞུས། སླད་མའི་ཆར་ཡང་སྲིད་ན་སྨན་མཛད་གསང་བ་གསུམ། །འཆི་མེད་གྲུབ་པའི་རྒྱལ་རྔ་རྟག་ཏུ་བརྡུང་བའི་མོད། །བསྟན་འགྲོའི་ཕན་བདེ་རྫོགས་ལྡན་བཞིན་དུ་དར་བབས་ཤིང་། །འདིར་ཡང་ཡེ་ཤེས་གཟིགས་པ་དམ་པས་སྔར་བཞིན་སྐྱོངས། །དེ་སྐད་ཞུ་གསོལ་འདེབས་པའི་རྟེན། །མཚོན་བྱེད་རབ་དཀར་ལྷ་རྫས་དང་། །རིན་ཆེན་གཉིས་པ་སྲང་འཁོར་བཅས། །བཀྲ་ཤིས་ཟླ་བའི་ཚེས་ལ་ཕུལ། །ཅེས་ཕྲན་ཆུང་ཐར་རྩེ་སྤྲུལ་མིང་པ་འཇམ་དབྱངས་མཁྱེན་བརྩེའི་དབང་པོས་གུས་ཤིང་དྭང་བ་ཆེན་པོས་གསོལ་བ་བཏབ་པ་ལགས།། །།

[edit]

ye shes bzang po la/ rdo rje'i slob dpon rnam 'dren yongs kyis rab bsngags pa/_/yeX sheXs mtha' yas snying rje bdud rtsi'i snang ba can/_/bzaXng poX'i phrin las cha shas yongs gang zla ba ni/_/'jig rten gsum gyi sgron me nyid du brtan gyur cig_/gang gi thugs rjes rab bzung ba'i/_/dad spro'i pad+mo rgyas pa las/_/zhu mchid rkang pa drug pa'i glu/_/rgyud mang bzhin du cung zad len/_/'khor ba'i tshu rol mi gnas yang /_/myang 'das pha mthar gzhol ba'i sar/_/theg mchog dge ba'i bshes kyi tshul/_/nyi ma bzhin du lham mer gsal/_/'phags dang mkhas pas bsngags 'os pa'i/_/legs mdzad pha mtha' yas pa nas/_/'dir yang lhag par brtser dgongs pa'i/_/gsung gi bdud rtsi snga phyir thob/_/de tshe gus dang rab dga' ba'i/_/lang tsho rgyas pa'i dman pa yang /_/bsam gtan khang bur bag phebs bzhin/_/kha ton tshul la gegs med mchis/_/mtshams zhus/_slad ma'i char yang srid na sman mdzad gsang ba gsum/_/'chi med grub pa'i rgyal rnga rtag tu brdung ba'i mod/_/bstan 'gro'i phan bde rdzogs ldan bzhin du dar babs shing /_/'dir yang ye shes gzigs pa dam pas sngar bzhin skyongs/_/de skad zhu gsol 'debs pa'i rten/_/mtshon byed rab dkar lha rdzas dang /_/rin chen gnyis pa srang 'khor bcas/_/bkra shis zla ba'i tshes la phul/_/ces phran chung thar rtse sprul ming pa 'jam dbyangs mkhyen brtse'i dbang pos gus shing dwang ba chen pos gsol ba btab pa lags//___//