JKW-KABUM-18-TSHA-001-002

Previous Section Back to Volume PageNext Section

Wylie title		page=1
Location	mkhyen brtse'i bka' 'bum Volume 1, sde tshan 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

གཉིས་པ་འབུལ་ཡུལ་གྱི་གོ་རིམ་ལའང་། གཉིས་པ་འབུལ་ཡུལ་གྱི་གོ་རིམ་ལའང་། འགྲོ་བ་ཀུན་གྱི་མ་འདྲིས་པའི་མཛའ་བཤེས་ཆེན་པོ་སྤང་རྟོགས་སངས་རྒྱས་ཀུན་དང་མཉམ་པའི་བླ་མ་དམ་པ་ཀུན་གཟིགས་པཎྜི་ཏ་ཆེན་པོ། མདོ་རྒྱུད་རྒྱུན་མཆོག་རྣམ་བཞི་ཧུབ་ཀྱིས་འདྲེན་པའི་རབ་འབྱམས་པ་སྨྲ་བའི་དབང་པོ། རིམ་གཉིས་ཀྱི་ལམ་ཟབ་མོ་ཉམས་སུ་ལེན་པའི་གང་ཟག་འཁོར་འདས་ཀྱི་ཆོས་ཀུན་ཟབ་ཞི་མཉམ་པ་ཉིད་དུ་རྟོགས་པའི་རྣལ་འབྱོར་པ། སྡོམ་བརྩོན་འདུལ་བ་འཛིན་པའི་དགེ་སློང་ཆེན་པོ་སྟེ་དམ་པའི་ཚུལ་དགུས་མངོན་པར་མཐོ་བའི་ཡུལ་ཤིན་ཏུ་གཏན་པོ་དང་། བར་པ་ལ་སོགས་སྐབས་ཅི་རིགས་པ་དང་། ནོར་འཛིན་ཁྱོན་ལ་སྟོབས་ཀྱི་འཁོར་ལོས་སྒྱུར་བའི་རྒྱལ་པོ་ཆེན་པོ། ཡུལ་གྲུ་མང་པོར་དབང་བསྒྱུར་བའི་རྒྱལ་ཕྲན་རང་གི་འབངས་ལ་བདེ་བ་སྟེར་བའི་མི་དཔོན། དེ་དག་གི་ལས་འཛིན་པ་མཆོག་དམན་བར་མས་བསྡུས་པ། ཡངས་པའི་རྒྱལ་ཁམས་བདེ་བར་སྐྱོང་བའི་རིགས་རུས་ཀྱིས་ཕྱུག་པའི་བཙུན་མོ་ཆེན་མོ། །ཀུན་ཕན་སྟེར་ཞིང་མཛེས་མཛངས་དང་ལྡན་པའི་དཔོན་མོ་སོགས་དང་། གཞན་ཡང་། ལྔ་རིག་གི་གནས་ལ་བློ་གྲོས་ཀྱི་པདྨོ་རྒྱས་པ། ཀུན་གྱི་མ་མོར་གྱུར་བའི་ཡིག་རིགས་དུ་མར་སོར་མོའི་འདུ་འགོད་མ་རྨོངས་པ། ལུས་ཅན་ཀུན་གྱི་དུས་མིན་འཆི་བ་བཟློག་པའི་ཚེའི་རིག་བྱེད་པ། བརྡའ་སྤྲོད་ཀྱི་གཞུང་ལུགས་ཆེན་པོར་དཔྱིས་ཕྱིན་པའི་སྒྲ་མཁན་པ། སྒྱུ་མ་མཁན་ཡང་ཡིད་ཀྱི་བརྟན་པ་འཕྲོག་པའི་བཟོ་རིགས་བྲིས་འབུར་མཁན། དབྱངས་ལྡན་གྱི་རྒྱུད་མངས་ནས་བླངས་པ་དང་ཆོས་མཚུངས་པའི་སྙན་ཚིག་གི་མཐར་སོན་པའི་སྙན་ངག་པ། ཕྱི་དུས་ཀྱི་འཁོར་ལོའི་དེ་ཁོ་ན་ཉིད་སྟོན་ཅིང་འཁོར་འདས་བླང་དོར་མི་རྨོངས་པར་གསལ་བའི་སྐར་ནག་རྩིས་རིག་པ། བཟོ་རིགས་ཕལ་པ་གང་དང་གང་ལའང་མཁས་པ། རང་བཞིན་བཟང་ཞིང་བློ་དཀྱེལ་ཆེ་བའི་མཛའ་གཅུགས་སྙིང་དང་མིག་ལ་བདུད་རྩི་སྟེར་བ། སྲིད་སྒྲུབ་ལྟར་བརྟུལ་ཕོད་ལྡན་པའི་མཚོན་ཆ་འཛིན་པ་ལ་སོགས་པ་སྟེ། གཤམ་དུ་དཔེར་བརྗོད་ཇི་ལྟར་རིགས་པ་བཀོད་པ་དང་འཚམས་པའི་མཆོག་དམན་བར་མའི་གོ་ས་དང་བསྟུན་ཏེ་སྦྱར་བར་རིགས་སོ། །

[edit]

gnyis pa 'bul yul gyi go rim la'ang / gnyis pa 'bul yul gyi go rim la'ang /__'gro ba kun gyi ma 'dris pa'i mdza' bshes chen po spang rtogs sangs rgyas kun dang mnyam pa'i bla ma dam pa kun gzigs paN+Di ta chen po/__mdo rgyud rgyun mchog rnam bzhi hub kyis 'dren pa'i rab 'byams pa smra ba'i dbang po/__rim gnyis kyi lam zab mo nyams su len pa'i gang zag 'khor 'das kyi chos kun zab zhi mnyam pa nyid du rtogs pa'i rnal 'byor pa/__sdom brtson 'dul ba 'dzin pa'i dge slong chen po ste dam pa'i tshul dgus mngon par mtho ba'i yul shin tu gtan po dang /__bar pa la sogs skabs ci rigs pa dang /__nor 'dzin khyon la stobs kyi 'khor los sgyur ba'i rgyal po chen po/__yul gru mang por dbang bsgyur ba'i rgyal phran rang gi 'bangs la bde ba ster ba'i mi dpon/__de dag gi las 'dzin pa mchog dman bar mas bsdus pa/__yangs pa'i rgyal khams bde bar skyong ba'i rigs rus kyis phyug pa'i btsun mo chen mo/__/kun phan ster zhing mdzes mdzangs dang ldan pa'i dpon mo sogs dang /__gzhan yang /__lnga rig gi gnas la blo gros kyi pad+mo rgyas pa/__kun gyi ma mor gyur ba'i yig rigs du mar sor mo'i 'du 'god ma rmongs pa/__lus can kun gyi dus min 'chi ba bzlog pa'i tshe'i rig byed pa/__brda' sprod kyi gzhung lugs chen por dpyis phyin pa'i sgra mkhan pa/__sgyu ma mkhan yang yid kyi brtan pa 'phrog pa'i bzo rigs bris 'bur mkhan/__dbyangs ldan gyi rgyud mangs nas blangs pa dang chos mtshungs pa'i snyan tshig gi mthar son pa'i snyan ngag pa/__phyi dus kyi 'khor lo'i de kho na nyid ston cing 'khor 'das blang dor mi rmongs par gsal ba'i skar nag rtsis rig pa/__bzo rigs phal pa gang dang gang la'ang mkhas pa/__rang bzhin bzang zhing blo dkyel che ba'i mdza' gcugs snying dang mig la bdud rtsi ster ba/__srid sgrub ltar brtul phod ldan pa'i mtshon cha 'dzin pa la sogs pa ste/__gsham du dper brjod ji ltar rigs pa bkod pa dang 'tshams pa'i mchog dman bar ma'i go sa dang bstun te sbyar bar rigs so/__/