སྔོན་འགྲོ་ལམ་བསྡུས།

🚧 This website is under continued development. We appreciate your patience!

Previous Text Back to Volume Page Next Text

Wylie title	sngon 'gro lam bsdus
Location	mdo mkhyen brtse bka' 'bum Volume 3, Text 6, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Preliminary Practices - sngon 'gro
Colophon	ཐུན་མོང་ཐུན་མིན་ལམ་བསྡུས་རིམ་པའོཿ
Colophon	thun mong thun min lam bsdus rim pa'o:

[edit]

༄༅ཿ སྔོན་འགྲོ་ལམ་བསྡུས་ནི། རྒྱལ་བ་ཀུན་འདུས་བླ་མ་རྡོ་རྗེ་འཆངཿ མཁྱེན་ནོ་བདག་རྒྱུད་བྱིན་གྱིས་རླབ་ཏུ་གསོལཿ བདག་གི་དལ་འབྱོར་རྟེན་བཟང་ཐོབ་ལགས་ཀྱངཿ མྱུར་དུ་མི་རྟག་འཆི་བ་སླེབ་ལ་ཉེཿ དཀར་ནག་རྒྱུ་འབྲས་བླང་དོར་དང་འགལ་ནཿ སྡུག་བསྔལ་འཁོར་བའི་བཙོན་རར་རབ་ཏུ་མནརཿ དེ་ལས་དབུགས་དབྱུང་ཐར་བ་མཆོག་བསྒྲུབ་ཅིངཿ བཤེས་གཉེན་དམ་པའི་ཐུགས་དགོངས་ཡོངས་རྫོགས་ཤོགཿ སྐུ་གསུམ་རྡོ་རྗེ་འཆང་དངོས་བླ་མ་དངཿ རྩ་བ་གསུམ་ལ་གུས་པས་སྐྱབས་སུ་མཆིཿ མཁའ་མཉམ་འགྲོ་ཀུན་ཕ་མའི་རང་བཞིན་ལཿ བྱང་ཆུབ་མཆོག་ཏུ་འགོད་པར་སེམས་བསྐྱེད་དོཿ སྟོང་གསུམ་འཇིག་རྟེན་རིན་ཆེན་གླིང་བཞི་དངཿ ངེས་པ་ལྔ་ལྡན་རིགས་ལྔའི་ཞིང་བཀོད་རྫོགསཿ ཆོས་དབྱིངས་ཀ་དག་གཞོན་ནུ་བུམ་སྐུའི་ཀློངཿ འབུལ་ལོ་ཚོགས་ཆེན་རྣམ་གཉིས་ཡོངས་རྫོགས་ཤོགཿ གུ་རུ་རཏྣ་མཎྜ་ལ་ཧཱུྃཿ རང་གཞན་སྤྱི་བོར་པད་དཀར་རྡོ་རྗེ་སེམསཿ ཡབ་ཡུམ་སྐུ་ལས་བདུད་རྩིའི་རྒྱུན་བབ་པའིཿ ཐོགས་མེད་ཉམས་ཆགས་ཉེས་ལྟུང་སྒྲིབ་གཉིས་ཀུནཿ བྱང་ཞིང་དག་ནས་ཤེལ་གོང་ལྟ་བུར་བསམཿ ཡི་གེ་བརྒྱ་པ་དང་ནི་ཡང་སྙིང་མཆོགཿ རྡོར་སེམས་འོད་ཞུ་རང་ཉིད་ལྷར་གསལ་ངངཿ སྣོད་བཅུད་བདེ་ཆེན་དག་པའི་ཞིང་དུ་སྦྱངསཿ ཨོཾ་ཨ་བཛྲ་ས་ཏྭ་ཧཱུྃ༔ ཐུན་མོང་ཐུན་མིན་ལམ་བསྡུས་རིམ་པའོཿ