JKW-KABUM-16-MA-029-027

First section in volume.Last section in volume.

Wylie title		page=1
Location	mkhyen brtse'i bka' 'bum Volume 29, sde tshan 27, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

བསྟན་སྲུང་མ་ཧཱ་ཀཱ་ལའི་ཆོས་སྐོར་གྱི་བརྒྱུད་འདེབས་དཀོན་མཆོག་ལྷུན་གྲུབ་ཀྱི་གསུང་ཞལ་སྐོང་དང་བཅས་པའི་འཕྲོ་མཐུད། བསྟན་སྲུང་མ་ཧཱ་ཀཱ་ལའི་ཆོས་སྐོར་གྱི་བརྒྱུད་འདེབས་དཀོན་མཆོག་ལྷུན་གྲུབ་ཀྱི་གསུང་ཞལ་སྐོང་དང་བཅས་པའི་འཕྲོ་མཐུད་ནི་མཁས་གྲུབ་འཁོར་སྒྱུར་སངས་རྒྱས་ཕུན་ཚོགས་ཏེ། །ཞེས་པའི་མཚམས། མཁས་མཆོག་བླ་མ་གསུམ་ལ་གསོལ་བ་འདེབས། །མཁྱེན་གཉིས་མཐར་སོན་བསྟན་འཛིན་ལྷུན་གྲུབ་དང་། །མཁྱེན་བརྩེ་ནུས་གཏེར་དཔལ་ལྡན་ཆོས་སྐྱོང་ཞབས། །མཁྱེན་རབ་དབང་ཕྱུག་རིན་ཆེན་མཆོག་གྲུབ་སྟེ། །མཁྱེན་པའི་གཏེར་ཆེན་གསུམ་ལ་གསོལ་བ་འདེབས། །དཔལ་ལྡན་སྐུ་གསུམ་མངོན་གྱུར་ནམ་མཁའི་མཚན། །དཔལ་ལྡན་སྲིད་ཞིའི་སྐྱབས་གཅིག་ཀུན་དགའི་ཞབས། །དཔལ་ལྡན་རིགས་ཀུན་ཁྱབ་བདག་འཁོར་ལོའི་མགོན། །དཔལ་ལྡན་རྩ་བརྒྱུད་བླ་མར་གསོལ་བ་འདེབས། །རྣམ་མཁྱེན་འགྲོ་བའི་འདྲེན་པ་སོགས་སྦྲེལ། །འདི་ལ་རྗེས་གནང་དང་མན་ངག་གི་བརྒྱུད་སྲོལ་མང་ཡང་། འདིར་ལྷ་བརྒྱད་ངོར་ལུགས་ཀྱི་རྗེས་གནང་གི་བརྒྱུད་རིམ་ལྟར་བྲིས་པའོ། །དེ་ལྟར་དཔལ་ཨེ་ཝཾ་པའི་ཆོས་སྤྱོད་དང་ཆོ་ག་ཉེར་མཁོ་འགའ་ཞིག་གི་བརྒྱུད་འདེབས་ཀྱི་ཞལ་སྐོང་འདི་ཡང་། །ཐར་རྩེ་མཁན་ཆེན་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་དང་། རྡོ་རྗེ་འཆང་རྣལ་འབྱོར་འཇམ་དཔལ་བཟང་པོ་གཙོ་བོར་གྱུར་པའི་ཡོངས་འཛིན་དམ་པ་རྣམས་ལས་ཆོས་སྐོར་འདི་རྣམས་ཀྱི་བཀའ་དྲིན་མང་དུ་ཐོས་པའི་རྒྱལ་ཁམས་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས། སྔ་ཕྱི་ཅི་རིགས་པར་བྲིས་པ་རྣམས་སླར་ཡང་ཕྱོགས་གཅིག་ཏུ་སྡེབས་པ་སྟེ། དགེ་བས་བདག་གཞན་གྱི་རྒྱུད་ལ་རྩ་བརྒྱུད་བླ་མ་དམ་པ་རྣམས་ཀྱི་ཡེ་ཤེས་གཟིགས་པའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག །སརྦ་དཱ་མངྒ་ལཾ་བྷ་བ་ཏུ། ། ༈

[edit]

'byung 'dul rnams kyi brgyud 'debs zhal skong /__ phyag rdor 'byung 'dul gyi brgyud 'debs dpal ldan don grub kyis mdzad pa'i zhal skong ni/__lha mchog seng ge bud+d+ha sing ha dang /__/zhes pa'i mtshams/__brang ti pa dang nam mkha' sangs rgyas la/__/gsol ba 'debs so bdag rgyud byin gyis rlobs/__/nam mkha' dpal bzang sangs rgyas phun tshogs dang /__/bstan 'dzin lhun grub dpal ldan chos skyong zhabs/__/rin chen mchog grub nam mkha' 'chi med dpal/__/gsol ba 'debs so=__rdo rje 'dzin dngos 'jam dpal bzang po sogs/__/rim bzhin brgyud dang dngos su gdams pa yis/__/bdag rgyud tshim mdzad bla ma'i tshogs rnams la/__/gsol ba=__rtsa brgyud bla ma'i sogs sbrel/___/__!_