ཐེག་དགུའི་སྨོན་ལམ་རྡོ་རྗེའི་ཚིག་རྐང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	theg dgu'i smon lam rdo rje'i tshig rkang
Location	mkhyen brtse'i bka' 'bum Volume 23, sde tshan 4, Text 8, Pages 236-237 (Folios 6b4 to 7a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. theg dgu'i smon lam rdo rje'i tshig rkang. In 'jam dbyangs mkhyen brtse'i dbang po'i bka' 'bum, Vol. 23: 236-237. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam  ·  Stages of the Vehicles - theg rim
Colophon	།ཅེས་པའང་རྨོག་སྟོན་གསང་བདག་ཆེན་པོའི་སྤྱན་སྔར་གཞོན་ནུ་ཨ་བྷཱ་ཡས་རང་ལོ་བཅུ་བཞི་པར་རྩེད་མོའི་ཚུལ་དུ་བྲིས་པ། དགྱེས་པའི་གད་མོ་དང་བཅས་ཁྱོད་ཀྱི་འདི་ལ་ཐེག་པ་རིམ་དགུའི་སྨོན་ལམ་རྡོ་རྗེའི་ཚིག་རྐང་ཞེས་གྱིས་ཤིག་ཅེས་བཀའ་སྩལ་ཏོ། །མངྒ་ལཾ།།
	ces pa'ang rmog ston gsang bdag chen po'i spyan sngar gzhon nu a b+hA yas rang lo bcu bzhi par rtsed mo'i tshul du bris pa/__dgyes pa'i gad mo dang bcas khyod kyi 'di la theg pa rim dgu'i smon lam rdo rje'i tshig rkang zhes gyis shig ces bka' stsal to/__/mang+ga laM/

Tibetan Text

Wylie

[edit]

ཐེག་པ་རིམ་དགུའི་སྨོན་ལམ་རྡོ་རྗེའི་ཚིག་རྐང་བཞུགས་སོ། །ན་མོ་གུ་རུ་བྷྱཿ རྒྱལ་བའི་གདུལ་བྱའི་རྗེས་འགྲོ་ལེགས་གསུང་ཆོས། །གོང་ནས་གོང་དུ་བགྲོད་བྱེད་ཐེག་པའི་ཚུལ། །དབང་པོའི་རིམ་པ་དང་མཚུངས་རྣམ་པ་དགུ །མ་འདྲེས་ཡོངས་རྫོགས་ཉམས་ལེན་མཐར་ཕྱིན་ཤོག །ཉན་ཐོས་ཐེག་པའི་བདེན་བཞིའི་བླང་དོར་ཐོས། །རང་རྒྱལ་ཐེག་པའི་རྟེན་འབྲེལ་འཇུག་ལྡོག་བསམ། །བྱང་སེམས་ཐེག་པའི་བདེན་གཉིས་དབྱེར་མེད་བསྒོམ། །ཀུན་འབྱུང་འདྲེན་པའི་ཐེག་པས་རྒྱུད་སྦྱོང་ཤོག །ཀྲྀ་ཡའི་ཐེག་པས་མཐའ་བྲལ་ལྟ་བ་རྟོགས། །ཨུ་བྷའི་ཐེག་པས་ཕྱི་ནང་མཉམ་པར་བསྒོམ། །ཡོ་གའི་ཐེག་པས་སངས་རྒྱས་མཛད་པ་སྤྱོད། །དཀའ་ཐུབ་རིག་བྱེད་ཐེག་པས་རྒྱུད་སྨིན་ཤོག །མ་ཧཱའི་ཐེག་པས་གཞི་རྒྱུད་ལྷ་སྐུར་དག །ཨ་ནུའི་ཐེག་པས་ལམ་རྒྱུད་བདེ་སྟོང་རྫོགས། །ཨ་ཏིའི་ཐེག་པས་འབྲས་རྒྱུད་ཡེ་ཤེས་སྨིན། །དབང་བསྒྱུར་ཐབས་ཀྱི་ཐེག་པས་རྒྱུད་གྲོལ་ཤོག །མདོར་ན་ངེས་འབྱུང་བྱང་སེམས་གཏིང་ནས་འབྱོངས། །ལྷག་པའི་ལྷ་ཡི་བྱིན་རླབས་སྙིང་ལ་ཞུགས། །སྣང་གྲགས་རིག་པ་དཀྱིལ་འཁོར་གསུམ་གྱི་ངང་། །འགྲོ་ཀུན་ཕྱམས་གཅིག་སངས་རྒྱས་སར་འགོད་ཤོག །ཅེས་པའང་རྨོག་སྟོན་གསང་བདག་ཆེན་པོའི་སྤྱན་སྔར་གཞོན་ནུ་ཨ་བྷཱ་ཡས་རང་ལོ་བཅུ་བཞི་པར་རྩེད་མོའི་ཚུལ་དུ་བྲིས་པ། དགྱེས་པའི་གད་མོ་དང་བཅས་ཁྱོད་ཀྱི་འདི་ལ་ཐེག་པ་རིམ་དགུའི་སྨོན་ལམ་རྡོ་རྗེའི་ཚིག་རྐང་ཞེས་གྱིས་ཤིག་ཅེས་བཀའ་སྩལ་ཏོ། །མངྒ་ལཾ།། །། ༈

[edit]

theg dgu'i smon lam rdo rje'i tshig rkang /__ theg pa rim dgu'i smon lam rdo rje'i tshig rkang bzhugs so/__/na mo gu ru b+h+yaH__rgyal ba'i gdul bya'i rjes 'gro legs gsung chos/__/gong nas gong du bgrod byed theg pa'i tshul/__/dbang po'i rim pa dang mtshungs rnam pa dgu__/ma 'dres yongs rdzogs nyams len mthar phyin shog__/nyan thos theg pa'i bden bzhi'i blang dor thos/__/rang rgyal theg pa'i rten 'brel 'jug ldog bsam/__/byang sems theg pa'i bden gnyis dbyer med bsgom/__/kun 'byung 'dren pa'i theg pas rgyud sbyong shog__/kr-i ya'i theg pas mtha' bral lta ba rtogs/__/u b+ha'i theg pas phyi nang mnyam par bsgom/__/yo ga'i theg pas sangs rgyas mdzad pa spyod/__/dka' thub rig byed theg pas rgyud smin shog__/ma hA'i theg pas gzhi rgyud lha skur dag__/a nu'i theg pas lam rgyud bde stong rdzogs/__/a ti'i theg pas 'bras rgyud ye shes smin/__/dbang bsgyur thabs kyi theg pas rgyud grol shog__/mdor na nges 'byung byang sems gting nas 'byongs/__/lhag pa'i lha yi byin rlabs snying la zhugs/__/snang grags rig pa dkyil 'khor gsum gyi ngang /__/'gro kun phyams gcig sangs rgyas sar 'god shog__/ces pa'ang rmog ston gsang bdag chen po'i spyan sngar gzhon nu a b+hA yas rang lo bcu bzhi par rtsed mo'i tshul du bris pa/__dgyes pa'i gad mo dang bcas khyod kyi 'di la theg pa rim dgu'i smon lam rdo rje'i tshig rkang zhes gyis shig ces bka' stsal to/__/mang+ga laM//___//___!_