མི་གཡོ་སྔོན་པོའི་རྗེས་གནང་ཆུ་སྲུང་དང་བཅས་པའི་གསལ་བྱེད་སྙིང་པོའི་སྣང་བ།

🚧 This website is under continued development. We appreciate your patience!

Previous Text Back to Volume PageNext Text

Wylie title	mi g.yo sngon po'i rjes gnang chu srung dang bcas pa'i gsal byed snying po'i snang ba
Location	mkhyen brtse'i bka' 'bum Volume 12, sde tshan 1, Text 7, Pages 80-84 (Folios 40b1 to 42b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Source Author(s)	ངོར་ཆེན་དཀོན་མཆོག་ལྷུན་གྲུབ་ (Ngor mkhan chen, 10th)
Citation	'jam dbyangs mkhyen brtse'i dbang po. mi g.yo sngon po'i rjes gnang chu srung dang bcas pa'i gsal byed snying po'i snang ba. In 'jam dbyangs mkhyen brtse'i dbang po'i bka' 'bum, Vol. 12: 80-84. Khams sde dge rdzong sar dgon: Rdzong sar blo gros phun tshogs, 2020.
Genre	Permission to Invoke (anujñā) - rjes gnang  ·  Activity Practices - las tshogs
Deity	mi g.yo sngon po
Colophon	།ཞེས་པའང་ཐམས་ཅད་མཁྱེན་པ་དཀོན་མཆོག་ལྷུན་གྲུབ་པའི་གསུང་རབ་ཀྱི་ཞབས་ཏོག་ཏུ་དམིགས་ཏེ། རྩ་བའི་གཞུང་གསལ་བྱེད་དང་བཅས་པའི་དགོངས་དོན་མ་འཁྲུལ་བར་རང་འདྲའི་བློ་དམན་རྣམས་ལ་ཕན་པའི་བསམ་པས་བྱ་བྲལ་བ་མཁྱེན་བརྩེའི་དབང་པོས་སུག་བྲིས་སུ་བགྱིས་པ་དགེ་ལེགས་སུ་གྱུར་ཅིག །མངྒ་ལཾ།།
	zhes pa'ang thams cad mkhyen pa dkon mchog lhun grub pa'i gsung rab kyi zhabs tog tu dmigs te/__rtsa ba'i gzhung gsal byed dang bcas pa'i dgongs don ma 'khrul bar rang 'dra'i blo dman rnams la phan pa'i bsam pas bya bral ba mkhyen brtse'i dbang pos sug bris su bgyis pa dge legs su gyur cig__/mang+ga laM/

1 Texts in this Section (sde tshan or chos tshan)

7 80-84	མི་གཡོ་སྔོན་པོའི་རྗེས་གནང་ཆུ་སྲུང་དང་བཅས་པའི་གསལ་བྱེད་སྙིང་པོའི་སྣང་བ། mi g.yo sngon po'i rjes gnang chu srung dang bcas pa'i gsal byed snying po'i snang ba Permission to Invoke (anujñā) - rjes gnang   ·   Activity Practices - las tshogs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །མི་གཡོ་བ་སྔོན་པོའི་རྗེས་གནང་ཆུ་སྲུང་དང་བཅས་པའི་གསལ་བྱེད་སྙིང་པོའི་སྣང་བ་ཞེས་བྱ་བ་བཞུགས་སོ། །ན་མོ་གུ་རུ་བཛྲ་ཙཎྜཱཡ། འདིར་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་གསུང་རབ་མི་གཡོ་བ་སྔོན་པོའི་རྗེས་སུ་གནང་བ་ལ། སྦྱོར་བ་ཡོ་བྱད་བཤམ་ཚུལ་དང་། བདག་མདུན་བཟླས་པ་བཅས་གཞུང་ལྟར། སློབ་མ་རྣམས་ཁྲུས་བྱས་གྲལ་དུ་འཁོད་པར་མེ་ཏོག་བཀྱེ་བསྡུ་གྲུབ་རྗེས། སློབ་དཔོན་གྱིས་སེམས་བསྐྱེད་གསལ་འདེབས་སོགས་རྒྱས་བསྡུས་ཇི་ལྟར་རིགས་པས་མཚམས་སྦྱར་ཏེ། དེ་ལ་རྒྱུའི་ཆོས་ལས་ཁྱད་པར་དུ་འཕགས་པའི་འབྲས་བུ་རྡོ་རྗེ་ཐེག་པ་ལ་རྒྱུད་སྡེ་བཞིར་བཞུགས་པ་ལས། རིག་སྔགས་འཆང་བ་རྣམས་ཀྱི་བསླབ་པའི་གཞི་གཅིག་པུ་བྱ་བའི་རྒྱུད་སྒོ་དྲུག་གི་ནང་ཚན། དེ་བཞིན་གཤེགས་པའི་རིགས་ཀྱི་ཁྲོ་བོ་བཅོམ་ལྡན་འདས་མི་གཡོ་བའི་སྐོར་ལ་རྒྱུད་དང་མན་ངག་གི་རྣམ་གྲངས་མཐའ་ཡས་པར་བཞུགས་པ་ལས། འདིར་པཎ་གྲུབ་ཆེན་པོ་རྡོ་རྗེ་གདན་པའི་ཐུགས་དམ་གྱི་ལྷ་དྲུག་གི་ཡ་གྱལ། ཕྱིའི་བར་ཆད་སེལ་བ་རྗེ་བཙུན་མི་གཡོ་བ་སྔོན་པོའི་སྐོར་ཡིན། དེ་ལའང་ཐོག་མར་ལོ་རྒྱུས་ཅུང་ཟད་ཅིག་བརྗོད་ན། ཡང་དག་པར་རྫོགས་པའི་སངས་རྒྱས་སོགས་ནས། དེས་བླ་མ་ས་སྐྱ་པ་ལ་གསུངས་སོ་ཞེས་པའི་བར་སློབ་དཔོན་བསོད་ནམས་རྩེ་མོའི་གསུང་རབ་ལྟར་བརྗོད། དེ་ནས་བརྒྱུད་པ་བར་མ་ཆད་པ་ལས་བྱོན་པའི་རྗེས་སུ་གནང་བ་ཟབ་མོ་སྒྲུབ་པ་ལ། སློབ་དཔོན་གྱི་བྱ་བ་རྣམས་གྲུབ་ནས། ཁྱེད་རྣམས་ཀྱི་ངོ་སྐལ་དུ་གྱུར་པ་མཎྜལ་འབུལ་བ། གསོལ་བ་འདེབས་པ། རྒྱུད་དག་པར་བྱ་བ། ཐུན་མོང་མ་ཡིན་པའི་གསོལ་བ་གདབ་པ་རྣམས་སྔོན་དུ་འགྲོ་དགོས་པས། ཐོག་མར་སློབ་དཔོན་ལ་རྗེ་བཙུན་མི་གཡོ་བ་དངོས་ཡིན་སྙམ་པའི་མོས་གུས་དང་ལྡན་པས་རྗེས་གནང་ཟབ་མོ་ཞུ་བའི་ཡོན་དུ་དམིགས་ཏེ་མཎྜལ་ཞིག་འབུལ་བར་ཞུ། གོང་བཤད་བསྡུ་ན། དེ་ལ་རྒྱུའི་ཆོས་ལས་ནས། མི་གཡོ་བ་སྔོན་པོའི་རྗེས་སུ་གནང་བ་ཟབ་མོ་སོགས་སྦྲེལ་ཏེ། ལོ་རྒྱུས་མ་བརྗོད་ཀྱང་རུང་ངོ་། །མེ་ཏོག་དང་བཅས་པས་ཐལ་མོ་སྦྱར་ཏེ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། དུས་གསུམ་སངས་རྒྱས་ཐམས་ཅད་དང་སོགས་མན་དཀྱུས་སུ་གསལ་བ་ལྟར་རོ། །འདིའི་ཁྱད་པར་གྱི་མན་ངག་ཆུ་སྲུང་གི་བྱིན་རླབས་བྱེད་ན། ཐོ་རངས་སྐར་མ་མ་ཡལ་བའི་གོང་ནས་བུམ་པ་གཙང་མར་ཆུའི་གཏིང་ནས་ཆུ་བླངས་ཏེ་རས་དཀར་པོས་ཁ་བཅད་ལ་ནམ་མཁའ་མ་མཐོང་བར་བྱས་ཏེ་སློབ་དཔོན་གྱི་མདུན་དུ་བཞག །རྗེས་གནང་དང་འབྲེལ་ན་བྱིན་གྱིས་བརླབ་པའི་ལུང་གྲུབ་ནས། དེས་རྗེས་གནང་གི་དངོས་གཞི་གྲུབ་ནས། འདིའི་ཐུན་མོང་མ་ཡིན་པའི་མན་ངག་ཆུ་སྲུང་གི་ལུང་སྦྱིན་པ་ལ། ཐོག་མར་སློབ་དཔོན་ཁྲོ་བོའི་རྒྱལ་པོ་མི་གཡོ་བར་དངོས་སུ་གསལ་བས་བུམ་པའི་ཆུ་རིག་སྔགས་ཟབ་མོས་བྱིན་གྱིས་བརླབས་པའི་མོས་པ་མཛོད། ཅེས་བརྗོད་ལ། རང་གི་ལག་པ་གཡས་པས་བུམ་པའི་ཁ་བཅད། ལྷའི་ང་རྒྱལ་བརྟན་བོ་དང་ལྡན་པས། ན་མཿཙཎྜ་མ་ཧཱ་རོ་ཥ་ཎཱ་ཡ། ཨོཾ་ཙཎྜ་མ་ཧཱ་རོ་ཥ་ཎཱ་ཡ། ཀྵཾ་ཏྲཾ། ཏྲཱ་ས་ཡ། ཏྲཱ་ས་ཡ། སཾ་ཏྲཱ་ས་ཡ། སཾ་ཏྲཱ་ས་ཡ། ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཞེས་བརྒྱ་རྩ་བཟླ། དེ་ནས་སློབ་དཔོན་ལ་རྗེ་བཙུན་མི་གཡོ་བ་དངོས་ཡིན་སྙམ་པའི་མོས་གུས་དང་ལྡན་པས་བདག་ལ་སྔགས་ཀྱི་ལུང་ཟབ་མོ་སྩལ་དུ་གསོལ་སྙམ་པའི་ཡིད་ཀྱིས་སྙིམས་པ་མེ་ཏོག་དང་བཅས་ཐལ་མོ་སྦྱར་ཏེ་སྔགས་འདིའི་རྗེས་ཟློས་ལན་གསུམ་མཛོད། ན་མཿཙཎྜ་སོགས། སློབ་དཔོན་གྱིས་ཀྱང་སྔགས་ཀྱི་དངོས་གྲུབ་བྱིན་པའི་མོས་པ་མཛོད་ཅེས་བརྗོད་ལ། སྔགས་ལན་བདུན་བཟླ་བཞིན་པས་སློབ་མའི་ལག་པ་གཡས་པའི་ཁྱོར་བར་ཆུ་བླུགས་ལ་འཐུང་དུ་གཞུག །ཡང་སྔགས་འདིའི་རྗེས་ཟློས་ལན་གསུམ་སོགས། སླར་ཡང་སྔགས་འདིའི་སོགས་ཏེ་རྗེས་ཟློས་དང་ཆུ་སྦྱིན་པ་ལན་གསུམ་བྱས་མཐར། དེས་སྔགས་ཀྱི་ལུང་ཐོབ་པས་སློབ་དཔོན་ལ་དྲིན་ལན་གྱི་ཚུལ་དུ་མེ་ཏོག་གཏོར་ཏེ་འདིའི་རྗེས་ཟློས་ལན་གསུམ་མཛོད། །བཅོམ་ལྡན་བདག་གིས་སོགས། སློབ་དཔོན་གྱིས་ཀྱང་མེ་ཏོག་གི་ཕྲེང་བ་སྔགས་སུ་བྱིན་གྱིས་བརླབས་ནས་སྤྱི་བོར་བཞག་པས་སྔགས་ཀྱི་དངོས་གྲུབ་བརྟན་པར་བྱས་པའི་མོས་པ་མཛོད། བཅོམ་ལྡན་འདི་ལ་སོགས་ལན་གསུམ། དེས་ཆུ་སྲུང་གི་ལུང་ཐོབ་ནས་བླ་མ་དང་ནུས་པ་མཉམ་པར་འགྱུར་བ་ཡིན་པས། སླར་ཁྱེད་རང་རྣམས་ཀྱིས་ཉམས་སུ་ལེན་པའི་ཚུལ་ནི། ཐོ་རངས་སྔ་བར་ལངས་ལ་སྐར་མ་མ་ཡལ་གོང་བུམ་པ་གཙང་མར་བླངས་པའི་ཆུ་གཙང་ནམ་མཁའ་མ་མཐོང་བར་བྱས་པ་རང་མི་གཡོ་བའི་ང་རྒྱལ་བརྟན་པོས་སྔགས་བརྒྱ་རྩ་བརྒྱད་བཏབ་ནས་ཁྲུས་དང་ཉེ་རེག་བྱས་རྗེས་ལག་པ་གཡས་པར་ཆུ་བླུགས་ལ་གཡོན་པས་དེའི་རྒྱབ་ནས་མཉེ་ཞིང་། སྔགས་ལན་གསུམ་བཟླས་ལ་འཐུང་། དེ་ལྟ་བུ་ལན་གསུམ་བྱ། འདི་མ་ཆག་ན་རིམས་ནད་དྲག་པོ་དང་། འཇིགས་པའི་སར་ཡང་དགྲ་བགེགས་ཀྱིས་ཚུགས་པར་མི་འགྱུར་ཞིང་། མདོར་ན་ཉིན་ཞག་གཅིག་གི་སྲུང་བའི་མཆོག་ཏུ་འགྱུར་རོ། །དེས་རྗེ་བཙུན་མི་གཡོ་བ་སྔོན་པོའི་རྗེས་གནང་ཆུ་སྲུང་གི་ལུང་གདམས་ངག་དང་བཅས་པ་ལེགས་པར་གྲུབ་ནས། དེ་དག་གི་གནས་སྐབས་སུ་ཁས་བླངས་པའི་སོགས་དཀྱུས་ལྟར་སྦྲེལ་ལ། དགེ་བ་བསྔོས་ནས་སློབ་མ་རྣམས་རང་གནས་སུ་གཏང་། སློབ་དཔོན་གྱིས་རྗེས་ཆོག་གཞུང་ལྟར་བྱའོ། །འདི་ཁོ་ན་ལོགས་སུ་བྱེད་ན། སློབ་དཔོན་གྱིས་མི་གཡོ་བའི་སྒོམ་བཟླས་གྲུབ་རྗེས་སློབ་མ་ལ་མཚམས་སྦྱོར་ཅུང་ཟད་དང་བཅས་ཏེ་མཎྜལ་འབུལ་དུ་གཞུག །དུས་གསུམ་སངས་རྒྱས་སོགས་ཀྱིས་གསོལ་བ་བཏབ། དེ་ནས་ཆུ་བྱིན་གྱིས་བརླབས་པ་མན་གོང་ལྟར་ལ། མཇུག་ཏུ་གཏང་རག་གི་མཎྜལ་སོགས་སྤྱི་ལྟར་བྱས་པས་གྲུབ་བོ། །ཞེས་པའང་ཐམས་ཅད་མཁྱེན་པ་དཀོན་མཆོག་ལྷུན་གྲུབ་པའི་གསུང་རབ་ཀྱི་ཞབས་ཏོག་ཏུ་དམིགས་ཏེ། རྩ་བའི་གཞུང་གསལ་བྱེད་དང་བཅས་པའི་དགོངས་དོན་མ་འཁྲུལ་བར་རང་འདྲའི་བློ་དམན་རྣམས་ལ་ཕན་པའི་བསམ་པས་བྱ་བྲལ་བ་མཁྱེན་བརྩེའི་དབང་པོས་སུག་བྲིས་སུ་བགྱིས་པ་དགེ་ལེགས་སུ་གྱུར་ཅིག །མངྒ་ལཾ།། །། ༈

[edit]

mi g.yo sngon po'i rjes gnang chu srung dang bcas pa'i gsal byed snying po'i snang ba/__ @#/_/mi g.yo ba sngon po'i rjes gnang chu srung dang bcas pa'i gsal byed snying po'i snang ba zhes bya ba bzhugs so/__/na mo gu ru badz+ra tsaN+DAya/__'dir thams cad mkhyen pa dkon mchog lhun grub kyi gsung rab mi g.yo ba sngon po'i rjes su gnang ba la/__sbyor ba yo byad bsham tshul dang /__bdag mdun bzlas pa bcas gzhung ltar/__slob ma rnams khrus byas gral du 'khod par me tog bkye bsdu grub rjes/__slob dpon gyis sems bskyed gsal 'debs sogs rgyas bsdus ji ltar rigs pas mtshams sbyar te/__de la rgyu'i chos las khyad par du 'phags pa'i 'bras bu rdo rje theg pa la rgyud sde bzhir bzhugs pa las/__rig sngags 'chang ba rnams kyi bslab pa'i gzhi gcig pu bya ba'i rgyud sgo drug gi nang tshan/__de bzhin gshegs pa'i rigs kyi khro bo bcom ldan 'das mi g.yo ba'i skor la rgyud dang man ngag gi rnam grangs mtha' yas par bzhugs pa las/__'dir paN grub chen po rdo rje gdan pa'i thugs dam gyi lha drug gi ya gyal/__phyi'i bar chad sel ba rje btsun mi g.yo ba sngon po'i skor yin/__de la'ang thog mar lo rgyus cung zad cig brjod na/__yang dag par rdzogs pa'i sangs rgyas sogs nas/__des bla ma sa skya pa la gsungs so zhes pa'i bar slob dpon bsod nams rtse mo'i gsung rab ltar brjod/__de nas brgyud pa bar ma chad pa las byon pa'i rjes su gnang ba zab mo sgrub pa la/__slob dpon gyi bya ba rnams grub nas/__khyed rnams kyi ngo skal du gyur pa maN+Dal 'bul ba/__gsol ba 'debs pa/__rgyud dag par bya ba/__thun mong ma yin pa'i gsol ba gdab pa rnams sngon du 'gro dgos pas/__thog mar slob dpon la rje btsun mi g.yo ba dngos yin snyam pa'i mos gus dang ldan pas rjes gnang zab mo zhu ba'i yon du dmigs te maN+Dal zhig 'bul bar zhu/__gong bshad bsdu na/__de la rgyu'i chos las nas/__mi g.yo ba sngon po'i rjes su gnang ba zab mo sogs sbrel te/__lo rgyus ma brjod kyang rung ngo /__/me tog dang bcas pas thal mo sbyar te gsol ba 'debs pa 'di'i rjes zlos lan gsum mdzod/__dus gsum sangs rgyas thams cad dang sogs man dkyus su gsal ba ltar ro/__/'di'i khyad par gyi man ngag chu srung gi byin rlabs byed na/__tho rangs skar ma ma yal ba'i gong nas bum pa gtsang mar chu'i gting nas chu blangs te ras dkar pos kha bcad la nam mkha' ma mthong bar byas te slob dpon gyi mdun du bzhag__/rjes gnang dang 'brel na byin gyis brlab pa'i lung grub nas/__des rjes gnang gi dngos gzhi grub nas/__'di'i thun mong ma yin pa'i man ngag chu srung gi lung sbyin pa la/__thog mar slob dpon khro bo'i rgyal po mi g.yo bar dngos su gsal bas bum pa'i chu rig sngags zab mos byin gyis brlabs pa'i mos pa mdzod/__ces brjod la/__rang gi lag pa g.yas pas bum pa'i kha bcad/__lha'i nga rgyal brtan bo dang ldan pas/__na maHtsaN+Da ma hA ro Sha NA ya/__oM tsaN+Da ma hA ro Sha NA ya/__k+ShaM traM/__trA sa ya/__trA sa ya/__saM trA sa ya/__saM trA sa ya/__hU~M hU~M hU~M phaT phaT phaT swA hA/__zhes brgya rtsa bzla/__de nas slob dpon la rje btsun mi g.yo ba dngos yin snyam pa'i mos gus dang ldan pas bdag la sngags kyi lung zab mo stsal du gsol snyam pa'i yid kyis snyims pa me tog dang bcas thal mo sbyar te sngags 'di'i rjes zlos lan gsum mdzod/__na maHtsaN+Da sogs/__slob dpon gyis kyang sngags kyi dngos grub byin pa'i mos pa mdzod ces brjod la/__sngags lan bdun bzla bzhin pas slob ma'i lag pa g.yas pa'i khyor bar chu blugs la 'thung du gzhug__/yang sngags 'di'i rjes zlos lan gsum sogs/__slar yang sngags 'di'i sogs te rjes zlos dang chu sbyin pa lan gsum byas mthar/__des sngags kyi lung thob pas slob dpon la drin lan gyi tshul du me tog gtor te 'di'i rjes zlos lan gsum mdzod/__/bcom ldan bdag gis sogs/__slob dpon gyis kyang me tog gi phreng ba sngags su byin gyis brlabs nas spyi bor bzhag pas sngags kyi dngos grub brtan par byas pa'i mos pa mdzod/__bcom ldan 'di la sogs lan gsum/__des chu srung gi lung thob nas bla ma dang nus pa mnyam par 'gyur ba yin pas/__slar khyed rang rnams kyis nyams su len pa'i tshul ni/__tho rangs snga bar langs la skar ma ma yal gong bum pa gtsang mar blangs pa'i chu gtsang nam mkha' ma mthong bar byas pa rang mi g.yo ba'i nga rgyal brtan pos sngags brgya rtsa brgyad btab nas khrus dang nye reg byas rjes lag pa g.yas par chu blugs la g.yon pas de'i rgyab nas mnye zhing /__sngags lan gsum bzlas la 'thung /__de lta bu lan gsum bya/__'di ma chag na rims nad drag po dang /__'jigs pa'i sar yang dgra bgegs kyis tshugs par mi 'gyur zhing /__mdor na nyin zhag gcig gi srung ba'i mchog tu 'gyur ro/__/des rje btsun mi g.yo ba sngon po'i rjes gnang chu srung gi lung gdams ngag dang bcas pa legs par grub nas/__de dag gi gnas skabs su khas blangs pa'i sogs dkyus ltar sbrel la/__dge ba bsngos nas slob ma rnams rang gnas su gtang /__slob dpon gyis rjes chog gzhung ltar bya'o/__/'di kho na logs su byed na/__slob dpon gyis mi g.yo ba'i sgom bzlas grub rjes slob ma la mtshams sbyor cung zad dang bcas te maN+Dal 'bul du gzhug__/dus gsum sangs rgyas sogs kyis gsol ba btab/__de nas chu byin gyis brlabs pa man gong ltar la/__mjug tu gtang rag gi maN+Dal sogs spyi ltar byas pas grub bo/__/zhes pa'ang thams cad mkhyen pa dkon mchog lhun grub pa'i gsung rab kyi zhabs tog tu dmigs te/__rtsa ba'i gzhung gsal byed dang bcas pa'i dgongs don ma 'khrul bar rang 'dra'i blo dman rnams la phan pa'i bsam pas bya bral ba mkhyen brtse'i dbang pos sug bris su bgyis pa dge legs su gyur cig__/mang+ga laM//___//__!_