JKW-KABUM-15-BA-009-005

Previous Section Back to Volume PageNext Section

Wylie title		page=1
Location	mkhyen brtse'i bka' 'bum Volume 9, sde tshan 5, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

རྩ་གསུམ་ཚོགས་བསྡུས་དངོས་གྲུབ་ཆར་འབེབས། ༄༅། །རྩ་གསུམ་ཚོགས་མཆོད་ཉེར་བསྡུས་དངོས་གྲུབ་འཆར་འབེབས་བཞུགས། རྃ་ཡྃ་ཁྃ། ཨོཾ་ཨཱཿཧཱུྃ་ཧ་ཧོ་ཧྲཱིཿ ཕྱི་སྣོད་བདེ་ཆེན་དབྱིངས་ཀྱི་ཀ་པཱ་ལར། །ནང་བཅུད་རིག་པ་ཡེ་ཤེས་བདུད་རྩིའི་སྤྲིན། །འདོད་པའི་ཡོན་ཏན་རྣམ་པ་ཐམས་ཅད་པ། །ནམ་མཁའ་མཛོད་ཀྱི་འཁོར་ལོར་འཆར་བ་འདིས། །རྩ་བརྒྱུད་བླ་མ་མཆོག་གསུམ་ཡི་དམ་ལྷ། །དཔའ་བོ་མཁའ་འགྲོ་ཆོས་སྲུང་ནོར་ལྷར་བཅས། །སྐྱབས་གནས་མཆོད་འོས་རྒྱ་མཚོའི་ཚོགས་རྣམས་མཆོད། །ཐུགས་དམ་བསྐང་ཞིང་ཉམས་ཆགས་མཐོལ་བཤགས་ན། །མཆོག་དང་ཐུན་མོང་དངོས་གྲུབ་སྩལ་ནས་ཀྱང་། །གཟུང་འཛིན་དགྲ་བགེགས་ཆོས་ཀྱི་དབྱིངས་སུ་སྒྲོལ། །དཀྱིལ་འཁོར་མུ་རན་སྐྱོང་བའི་ལྷག་སྡུད་ཚོགས། །གཏོར་མ་བཞེས་ལ་རྣམ་བཞིའི་ཕྲིན་ལས་སྒྲུབས། །ཨོཾ་ཨཱཿཧཱུྃ་གུ་རུ་དེ་ཝ་ཌཱ་ཀ་ཌཱ་ཀི་ནཱི་དྷརྨཱ་པཱ་ལ་ས་པ་རི་ཝཱ་ར་ག་ཎ་ཙཀྲ་པཱུ་ཛ་ཁཱ་ཧི། ཡི་གེ་བརྒྱ་པའི་མཐར། ཨུཥྩི་ཊ་བ་ལིདྟ་བྷུཉྫ་ཧོཿ ཞེས་པའང་རིག་འཛིན་གྱི་བཙུན་པ་མཚོ་སྐྱེས་བླ་མ་དགྱེས་པའི་འབངས་ཀྱིས་བློ་མཚོ་ལས་བྱུང་བའོ། ། ༈

[edit]

rtsa gsum tshogs bsdus dngos grub char 'bebs/__ @#/_/rtsa gsum tshogs mchod nyer bsdus dngos grub 'char 'bebs bzhugs/__ra~M ya~M kha~M/__oM AHhU~M ha ho hrIH__phyi snod bde chen dbyings kyi ka pA lar/__/nang bcud rig pa ye shes bdud rtsi'i sprin/__/'dod pa'i yon tan rnam pa thams cad pa/__/nam mkha' mdzod kyi 'khor lor 'char ba 'dis/__/rtsa brgyud bla ma mchog gsum yi dam lha/__/dpa' bo mkha' 'gro chos srung nor lhar bcas/__/skyabs gnas mchod 'os rgya mtsho'i tshogs rnams mchod/__/thugs dam bskang zhing nyams chags mthol bshags na/__/mchog dang thun mong dngos grub stsal nas kyang /__/gzung 'dzin dgra bgegs chos kyi dbyings su sgrol/__/dkyil 'khor mu ran skyong ba'i lhag sdud tshogs/__/gtor ma bzhes la rnam bzhi'i phrin las sgrubs/__/oM AHhU~M gu ru de wa DA ka DA ki nI d+harmA pA la sa pa ri wA ra ga Na tsakra pU dza khA hi/__yi ge brgya pa'i mthar/__uSh+tsi Ta ba lid+ta b+huny+dza hoH_zhes pa'ang rig 'dzin gyi btsun pa mtsho skyes bla ma dgyes pa'i 'bangs kyis blo mtsho las byung ba'o/___/__!