གསང་འདུས་ལྷན་སྐྱེས་ཀྱི་རྗེས་གནང་གི་ཟིན་བྲིས།

🚧 This website is under continued development. We appreciate your patience!

Previous Text Back to Volume PageNext Text

Wylie title	gsang 'dus lhan skyes kyi rjes gnang gi zin bris
Location	mkhyen brtse'i bka' 'bum Volume 8, sde tshan 13, Text 2, Pages 342-345 (Folios 3b6 to 5a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gsang 'dus lhan skyes kyi rjes gnang gi zin bris. In 'jam dbyangs mkhyen brtse'i dbang po'i bka' 'bum, Vol. 8: 342-345. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Permission to Invoke (anujñā) - rjes gnang
Deity	gsang 'dus
Colophon	།ཞེས་པའང་རང་འདྲའི་བློ་གྲོས་ཤིན་ཏུ་དམན་པ་རྣམས་ལ་ཕན་པའི་བསམ་པ་ཁོ་ནས་བྱ་བྲལ་བ་མཁྱེན་བརྩེའི་དབང་པོས་བྲིས་པ་སརྦ་སུ་ཤྲི་ཡོ་བྷ་བ་ཏུ།།
	zhes pa'ang rang 'dra'i blo gros shin tu dman pa rnams la phan pa'i bsam pa kho nas bya bral ba mkhyen brtse'i dbang pos bris pa sarba su shri yo b+ha ba tu

1 Texts in this Section (sde tshan or chos tshan)

2 342-345	གསང་འདུས་ལྷན་སྐྱེས་ཀྱི་རྗེས་གནང་གི་ཟིན་བྲིས། gsang 'dus lhan skyes kyi rjes gnang gi zin bris Notes - zin bris   ·   Permission to Invoke (anujñā) - rjes gnang	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །གསང་འདུས་ལྷན་སྐྱེས་ཀྱི་རྗེས་གནང་གི་ཟིན་བྲིས་ཉུང་གསལ་བཞུགས་སོ། །ཨོཾ་སྭ་སྟི། དཔལ་གསང་བ་འདུས་པ་ལྷན་ཅིག་སྐྱེས་པའི་རྗེས་གནང་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི་སྟེགས་བུའི་ཁར་མཎྜལ་ཚོམ་བུ་གཅིག་པའི་མདུན་དུ་མཆོད་གཏོར་དང་། རང་གི་མདུན་དུ་རྡོ་རྗེ་དྲིལ་བུ། ནང་མཆོད་སོགས་བཤམ། འགྲོ་རྣམས་བསྒྲལ་འདོད་སོགས་ཀྱི་སྐྱབས་སེམས་དང་། སྤྲོ་ན་ཚོགས་བསགས་སྤྱི་ལྟར་བྱ། ཚད་མེད་བཞི་བསྒོམ། ཨོཾ་ཤཱུནྱ་ཏཱ་སོགས། སྟོང་པའི་ངང་ལས་སྲུང་འཁོར་ཆོས་འབྱུང་སོགས་ནས། རྗེས་ཆགས་ཀྱི་བདེ་བ་བསྒོམ་པའི་བར་སྒྲུབ་པའི་ཐབས་རིན་ཆེན་འབྱུང་གནས་ལྟར་བདག་གི་རྣལ་འབྱོར་གསལ་བཏབ། བཟླས་དམིགས་ནི། རང་གི་སྙིང་གར་ཟླ་བ་ལ་ཧཱུྃ། དེ་ལས་སྔགས་ཀྱི་ཕྲེང་བ་འོད་ཟེར་དང་བཅས་པ་དཔག་ཏུ་མེད་པ་འཕྲོས་པས་སངས་རྒྱས་ཀྱི་མཛད་པ་བསྒྲུབས། སླར་འདུས་ས་བོན་ལ་ཐིམ་པས་རྒྱུད་བྱིན་གྱིས་བརླབས་པར་བསམས་ལ་བཟླས་པ་ཅི་ནུས་བྱ། མཐར་སྣོད་བཅུད་ཐམས་ཅད་འོད་གསལ་སྟོང་པ་ཉིད་ཀྱི་དབྱིངས་སུ་ཐིམ། དེ་ལས་སླར་ཡང་རང་སྐད་ཅིག་གིས་དཔལ་གསང་བ་འདུས་པའི་སྐུར་བསམས་ལ། ཚོམ་བུ་ཨོཾ་ཨཱཿབིགྷཱན་ཏ་ཀྲྀ་ཏ་ཧཱུྃ་གིས་བསང་། སྭ་བྷཱ་བས་སྦྱང་། སྟོང་པའི་ངང་ལས་སྲུང་འཁོར་སོགས་ནས་དབུར་བརྒྱན་ཞེས་པའི་བར་བདག་བསྐྱེད་ལྟར་གསལ་བཏབ། མཆོད་པ་བསང་སྦྱང་། བྱིན་གྱིས་བརླབས་ལ། ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས་ཀྱིས་ཕྱི་མཆོད་དང་། ཨོཾ་ཨཱཿཧཱུྃ་གིས་ནང་མཆོད་ཕུལ། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །གསང་བའི་དབྱངས་ལ་ཕྱག་འཚལ་ལོ། །ཞེས་པས་བསྟོད། གཏོར་མ་བསང་སྦྱང་། སྟོང་པའི་ངང་ལས་རླུང་མེའི་སྟེང་དུ་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བར་གཏོར་མ་ཤ་ལྔ་བདུད་རྩི་ལྔ་འབྲུ་གསུམ་གྱིས་མཚན་པ་སྦྱངས་རྟོགས་སྦར་བས་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ་གྱིས་བརླབ། སྙིང་པོའི་མཐར་འབྲུ་གསུམ་བཏགས་པ་ལན་གསུམ་སོགས་ཀྱིས་ཕུལ། གོང་ལྟར་མཆོད་བསྟོད་དང་འདོད་དོན་གསོལ། མདུན་བསྐྱེད་ལ་དམིགས་པའི་བཟླས་པ་ཅུང་ཟད་བྱའོ། །གཉིས་པ་ནི། སློབ་མ་རྣམས་ཁྲུས་བྱས་གྲལ་དུ་འཁོད་པར་སེམས་བསྐྱེད་གསལ་བཏབ། དེ་ལ་འདིར་རྣལ་འབྱོར་ཆེན་པོ་བླ་ན་མེད་པ་ཐབས་ཀྱི་རྒྱུད་གདུལ་བྱ་འདོད་ཆགས་ཅན་གཙོ་བོར་འདུལ་བ་དཔལ་གསང་བ་འདུས་པ་ལ། འཕགས་ཡུལ་དུ་འདུས་པ་འཕགས་ཞབས་ཀྱི་ལུགས་གཉིས་གཙོ་བོར་གྱུར་པའི་བཀའ་སྲོལ་མི་འདྲ་བ་ཉི་ཤུ་རྩ་བཞི་ཙམ་བྱུང་བར་གྲགས་ཤིང་། གངས་ཅན་གྱི་ལྗོངས་འདིར་འཕགས་སྐོར་དང་། ཡེ་ཤེས་ཞབས་ལུགས་གཉིས་གྲགས་ཆེ་ལ། གཞན་ཡང་ཤཱནྟི་པ། རྡོ་རྗེ་བཞད་པ། པདྨ་བཛྲ། ཀུན་དགའ་སྙིང་པོ་རྣམས་ཀྱི་ལུགས་ཀྱང་ཅི་རིགས་པར་འགྱུར་པ་ལས། འདིར་སངས་རྒྱས་གཉིས་པ་ཀླུ་སྒྲུབ་ཞབས་ཀྱི་དགོངས་པ་དང་མཐུན་པར། གྲུབ་པའི་སློབ་དཔོན་ཆེན་པོ་སྒེག་པའི་རྡོ་རྗེས་ལེགས་པར་བཀྲལ་བའི་དཔལ་གསང་བ་འདུས་པ་ལྷན་ཅིག་སྐྱེས་པའི་རྗེས་སུ་གནང་བ་ཟབ་མོ་སྒྲུབ་པ་ལ། སློབ་དཔོན་གྱི་བྱ་བ་རྣམས་གྲུབ་ནས། ཁྱོད་རང་རྣམས་ཀྱི་ངོ་སྐལ་དུ་གྱུར་པ་ཐོག་མར་མཎྜལ་ཕུལ། གསོལ་འདེབས་ནས་བརྩམས་ཏེ་རྗེས་གནང་གི་དངོས་གཞི་སྤྱི་དང་འདྲ་བ་ལ། ཐུགས་ཀྱི་རྗེས་གནང་ཕྱག་མཚན་བསྟིམ་པ་ཉིད་ཡིན་ཏེ། ཁོ་བོས་བྱས་པའི་ནི་རི་ཏི་པའི་ལུགས་ཀྱི་བྱམས་པའི་རྗེས་གནང་ལ་ལྷའི་མཚན་དང་། མངོན་རྟོགས། སྔགས་རྣམས་ཁ་སྤོས་པ་ཙམ་གྱིས་ཀྱང་ལེགས་པར་འགྲུབ་བོ། །གསུམ་པ་ནི། ཚོམ་བུའི་ལྷ་ལ་མཆོད་བསྟོད། ནོངས་པ་བཤགས། ཡེ་ཤེས་པ་གཤེགས། དམ་ཚིག་པ་རང་ལ་བསྟིམ། བསྔོ་སྨོན་ཤིས་བརྗོད་སྤྱི་ལྟར་བྱའོ། །ཞེས་པའང་རང་འདྲའི་བློ་གྲོས་ཤིན་ཏུ་དམན་པ་རྣམས་ལ་ཕན་པའི་བསམ་པ་ཁོ་ནས་བྱ་བྲལ་བ་མཁྱེན་བརྩེའི་དབང་པོས་བྲིས་པ་སརྦ་སུ་ཤྲི་ཡོ་བྷ་བ་ཏུ།། །། ༈

[edit]

gsang 'dus lhan skyes kyi rjes gnang gi zin bris/ @#/_/gsang 'dus lhan skyes kyi rjes gnang gi zin bris nyung gsal bzhugs so/__/oM swa sti/__dpal gsang ba 'dus pa lhan cig skyes pa'i rjes gnang la gsum/__sbyor ba/__dngos gzhi/__rjes so/__/dang po ni stegs bu'i khar maN+Dal tshom bu gcig pa'i mdun du mchod gtor dang /__rang gi mdun du rdo rje dril bu/__nang mchod sogs bsham/__'gro rnams bsgral 'dod sogs kyi skyabs sems dang /__spro na tshogs bsags spyi ltar bya/__tshad med bzhi bsgom/__oM shUn+ya tA sogs/__stong pa'i ngang las srung 'khor chos 'byung sogs nas/__rjes chags kyi bde ba bsgom pa'i bar sgrub pa'i thabs rin chen 'byung gnas ltar bdag gi rnal 'byor gsal btab/__bzlas dmigs ni/__rang gi snying gar zla ba la hU~M/__de las sngags kyi phreng ba 'od zer dang bcas pa dpag tu med pa 'phros pas sangs rgyas kyi mdzad pa bsgrubs/__slar 'dus sa bon la thim pas rgyud byin gyis brlabs par bsams la bzlas pa ci nus bya/__mthar snod bcud thams cad 'od gsal stong pa nyid kyi dbyings su thim/__de las slar yang rang skad cig gis dpal gsang ba 'dus pa'i skur bsams la/__tshom bu oM AHbig+hAn ta kr-i ta hU~M gis bsang /__swa b+hA bas sbyang /__stong pa'i ngang las srung 'khor sogs nas dbur brgyan zhes pa'i bar bdag bskyed ltar gsal btab/__mchod pa bsang sbyang /__byin gyis brlabs la/__oM sarba ta thA ga ta ar+g+haM sogs kyis phyi mchod dang /__oM AHhU~M gis nang mchod phul/__mi bskyod rdo rje ye shes che/__/rdo rje dbyings ni mkha' chen po/__/rdo rje gsum mchog dkyil 'khor gsum/__/gsang ba'i dbyangs la phyag 'tshal lo/__/zhes pas bstod/__gtor ma bsang sbyang /__stong pa'i ngang las rlung me'i steng du a las ye shes kyi ka pA la yangs shing rgya che bar gtor ma sha lnga bdud rtsi lnga 'bru gsum gyis mtshan pa sbyangs rtogs sbar bas bdud rtsi'i rgya mtsho chen por gyur/__oM AHhU~M/__lan gsum gyis brlab/__snying po'i mthar 'bru gsum btags pa lan gsum sogs kyis phul/__gong ltar mchod bstod dang 'dod don gsol/__mdun bskyed la dmigs pa'i bzlas pa cung zad bya'o/__/gnyis pa ni/__slob ma rnams khrus byas gral du 'khod par sems bskyed gsal btab/__de la 'dir rnal 'byor chen po bla na med pa thabs kyi rgyud gdul bya 'dod chags can gtso bor 'dul ba dpal gsang ba 'dus pa la/__'phags yul du 'dus pa 'phags zhabs kyi lugs gnyis gtso bor gyur pa'i bka' srol mi 'dra ba nyi shu rtsa bzhi tsam byung bar grags shing /__gangs can gyi ljongs 'dir 'phags skor dang /__ye shes zhabs lugs gnyis grags che la/__gzhan yang shAn+ti pa/__rdo rje bzhad pa/__pad+ma badz+ra/__kun dga' snying po rnams kyi lugs kyang ci rigs par 'gyur pa las/__'dir sangs rgyas gnyis pa klu sgrub zhabs kyi dgongs pa dang mthun par/__grub pa'i slob dpon chen po sgeg pa'i rdo rjes legs par bkral ba'i dpal gsang ba 'dus pa lhan cig skyes pa'i rjes su gnang ba zab mo sgrub pa la/__slob dpon gyi bya ba rnams grub nas/__khyod rang rnams kyi ngo skal du gyur pa thog mar maN+Dal phul/__gsol 'debs nas brtsams te rjes gnang gi dngos gzhi spyi dang 'dra ba la/__thugs kyi rjes gnang phyag mtshan bstim pa nyid yin te/__kho bos byas pa'i ni ri ti pa'i lugs kyi byams pa'i rjes gnang la lha'i mtshan dang /__mngon rtogs/__sngags rnams kha spos pa tsam gyis kyang legs par 'grub bo/__/gsum pa ni/__tshom bu'i lha la mchod bstod/__nongs pa bshags/__ye shes pa gshegs/__dam tshig pa rang la bstim/__bsngo smon shis brjod spyi ltar bya'o/__/zhes pa'ang rang 'dra'i blo gros shin tu dman pa rnams la phan pa'i bsam pa kho nas bya bral ba mkhyen brtse'i dbang pos bris pa sarba su shri yo b+ha ba tu//____//__!_