རིགས་ལྡན་འཇམ་དཔལ་གྲགས་པས་མཛད་པའི་རྩ་ལྟུང་རྒྱ་ཆེར་འགྲེལ་སོགས་ལས་ཁོལ་བཏུས་རབ་ཏུ་མང་པོ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rigs ldan 'jam dpal grags pas mdzad pa'i rtsa ltung rgya cher 'grel sogs las khol btus rab tu mang po
Location	mkhyen brtse'i bka' 'bum Volume 4, sde tshan 1, Text 35, Pages 588-650 (Folios 294b1 to 325b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rigs ldan 'jam dpal grags pas mdzad pa'i rtsa ltung rgya cher 'grel sogs las khol btus rab tu mang po. In 'jam dbyangs mkhyen brtse'i dbang po'i bka' 'bum, Vol. 4: 588-650. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

35 588-650	རིགས་ལྡན་འཇམ་དཔལ་གྲགས་པས་མཛད་པའི་རྩ་ལྟུང་རྒྱ་ཆེར་འགྲེལ་སོགས་ལས་ཁོལ་བཏུས་རབ་ཏུ་མང་པོ། rigs ldan 'jam dpal grags pas mdzad pa'i rtsa ltung rgya cher 'grel sogs las khol btus rab tu mang po Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

སློབ་དཔོན་འཇམ་དཔལ་གྲགས་པས་མཛད་པའི་རྩ་ལྟུང་རྒྱ་ཆེར་འགྲེལ་ལས། གཞན་དག་རྡོ་རྗེ་རྩེ་མོ་གཙོ་བོར་གྱུར་པའི་བྱ་བ་དང་སྤྱོད་པ་གཙོ་བོར་གྱུར་པ་ལས་ཀྱང་། གཉིས་སུ་མེད་པའི་དོན་ཁོང་དུ་ཆུད་ཅིང་དམ་ཚིག་ཅན་གྱི་སྐྱེ་བོས་བརྟགས་པའི་ལྷ་དང་ཡེ་ཤེས་ཀྱི་ལྷ་དང་དབང་པོའི་སྒོ་མཉམ་པར་སྦྱར་ནས། དཀའ་ཐུབ་དང་དཀའ་སྤྱད་དང་ཁྲུས་ལ་སོགས་པའི་ལས་གཙོ་བོ་མི་འཛིན་པས་འགྲུབ་པར་གསུངས་ཏེ། དེ་སྐད་དུ་ཡང་། ཁྲུས་དང་གཙང་སྦྲ་འདིར་མི་དགོས། །དཀའ་ཐུབ་དཀའ་སྤྱད་འདིར་མི་དགོས། །སངས་རྒྱས་རྣམས་དང་སེམས་དཔའ་ཆེ། །རྟག་ཏུ་སྦྱོར་བས་འགྲུབ་པར་འགྱུར། །ཞེས་འབྱུང་བ་དང་། གཞན་ཡང་ཐིག་ལེ་མཉམ་གནས་ཀྱི་རྒྱུད་ལས། བདེ་བ་ཆེན་པོའི་ངང་གནས་ན། །དམ་ཚིག་མེད་ཅིང་སྡོམ་པའང་མེད། །བྱ་དང་བྱེད་དང་སྩོལ་བའང་མེད། །ནམ་མཁའ་ལྟ་བུར་འགྲུབ་པར་འགྱུར། །ཞེས་འབྱུང་བ་དང་། བྱང་ཆུབ་སེམས་འབྱུང་བའི་རྒྱུད་ལས། །བྱང་ཆུབ་སེམས་ལ་མཉམ་གནས་ན། །དམ་ཚིག་སྡོམ་པ་ཉམས་མ་ཡིན། །ཞེས་འབྱུང་བ་དང་། །ཐུགས་གསང་བའི་རྒྱུད་ལས་ཀྱང་། །སྤྲོས་མེད་ཐིག་ལེའི་ངང་གནས་ན། །བྱ་བ་མ་ཡིན་སྤྱད་ཀྱང་འགྲུབ། །ཅེས་འབྱུང་བ་དང་། རྟོག་པ་ཡོངས་སུ་ཟད་པའི་རྒྱུད་ལས་ཀྱང་། །དམ་ཚིག་ལ་སོགས་བརྟགས་པས་འཆིང་། །སྒྱུ་མའི་སྦྱོར་ཤོས་སྟོང་པས་འགྲུབ། །ཅེས་འབྱུང་བ་དང་། མཁའ་འགྲོ་མ་གསང་བ་མཛོད་ལས་ཀྱང་། འདི་ལྟར་སྣང་བའི་དངོས་པོ་རྣམས། །སྒྱུ་མ་ལྷ་དང་ལྷ་མོར་གནས། །བསྡམ་བྱ་མེད་ཅིང་སྡོམ་བྱེད་མེད། །རྩ་དང་རླུང་དང་ཐིག་ལེ་མེད། །སྟོང་པ་ཉིད་ཀྱིས་འགྲུབ་པར་འགྱུར། །ཞེས་འབྱུང་བ་དང་། གཞན་ཡང་རྣལ་འབྱོར་དང་རྣལ་འབྱོར་མའི་རྒྱུད་ཐམས་ཅད་ལས་ཀྱང་བདེ་བ་ཆེན་པོའི་དོན་རྟོགས་ན། སྨྱུང་བར་གནས་པ་ལ་སོགས་པ་དམན་པའི་སྤྱོད་པར་བཤད་པས་ན་ཟབ་མོ་རྡོ་རྗེ་ཐེག་པ་རྣམས་ཀྱིས་ནི་རང་བཞིན་གྱིས་གནས་པའི་ལྷའི་སྦྱོར་བས་རྟག་པར་ཐིག་ལེ་ཆེན་པོ་མཉམ་པ་ཉིད་ལ་གནས་ན། དངོས་གྲུབ་ཀྱི་མཆོག་སྐུ་གསུམ་ཡེ་ཤེས་ལྔ་ལ་སོགས་པ་ཐོབ་པར་འགྱུར་རོ། །གཞན་དག་བྱ་བ་དང་སྤྱོད་པའི་རྒྱུད་རྡོ་རྗེ་ཐེག་པ་མ་ཡིན་ནམ། །དེ་དག་ལས་ནི་ལས་དང་བྱ་བས་འགྲུབ་པར་བཤད་ན། གཞན་ཡང་ཐེག་པ་ཆེན་པོའི་མདོ་སྡེ་རྣམས་ལས་ཀྱང་སྦྱིན་པ་ལ་སོགས་པ་བསོད་ནམས་ཀྱི་ཚོགས་ཀྱིས་ཐམས་ཅད་མཁྱེན་པའི་རྒྱུའི་གཙོ་བོར་གསུངས་པ་དང་འགལ་ལོ་ཞེ་ན། །དེ་དག་ནི་བཅོམ་ལྡན་འདས་ཀྱིས་དགོངས་ཏེ་བཤད་པ་ཡིན་ནོ། །བུས་པ་བློ་དམན་པ་དང་། སྤྲོས་བཅས་ལ་དགའ་བ་དང་། ཤིན་ཏུ་ཟབ་མོའི་དོན་ལ་འཇིགས་པ་རྣམས་གཟུང་བའི་ཕྱིར་གསུངས་པ་ཡིན་ནོ། །དེ་སྐད་དུའང་གསང་སྔགས་ཀྱི་དོན་ལ་དེ་ཁོ་ན་ཉིད་འཇུག་པ་ལས། སྟོང་ཉིད་ལྟ་བས་གྲོལ་འགྱུར་ཏེ། །སྒོམ་པ་ལྷག་མ་དེ་དོན་ཡིན། །ལུས་ངག་ཡིད་ཀྱི་སྤྱོད་པ་ཀུན། །ཐེག་པ་དམན་ལ་བསྟན་པ་ཡིན། །ཞེས་འབྱུང་བ། སློབ་དཔོན་ཀླུ་སྒྲུབ་ཀྱི་ཞལ་སྔ་ནས་ཀྱང་དེ་ཉིད་ཚོལ་ལ་ཐོག་མར་ནི། ཐམས་ཅད་ཡོད་ཅེས་རྗོད་པར་བྱེད། །དོན་རྣམས་རྟོགས་ཤིང་ཆགས་མེད་ལ། །ཕྱིས་ནི་རྣམ་པར་དབེན་དོན་ཉིད། །ཅེས་བཤད་པས་སོ། །གཞན་དུ་འཇམ་དཔལ་སྒྱུ་འཕྲུལ་དྲྭ་བ་ལས་ཀྱང་། ལག་ན་རྡོ་རྗེ། ངས་སེམས་ཅན་རྣམས་ཀྱི་བློ་ཡི་ཁྱད་པར་དང་། རིགས་ཀྱི་བྱེ་བྲག་གིས་ཐེག་པའི་ཁྱད་པར་རྣམས་བསྟན་ཏེ། ལ་ལ་ལ་ཕྱི་རོལ་པའི་ཚུ་རོལ། ལ་ལ་ལ་ཉན་ཐོས་ཀྱི་ཐེག་པའོ། །ལ་ལ་ལ་རང་སངས་རྒྱས་ཀྱི་ཐེག་པ་དང་། །གཞན་ཡང་ཕ་རོལ་ཏུ་ཕྱིན་པའི་ཐེག་པ་དང་། །རིག་པ་འཛིན་པའི་རྒྱུད་དཔག་ཏུ་མེད་པ་བསྟན་ཀྱང་། ཐིག་ལེ་ཆེན་པོ་ཡི་གེ་མེད་པ། བརྡ་དང་བྲལ་བས་གཉིས་སུ་མེད་པས་སངས་རྒྱས་པར་རིག་པར་བྱའོ། །ཞེས་གསུངས་པས་གསལ་བར་བྱས་པ་རིག་པར་བྱའོ། །གཞན་ཡང་རྡོ་རྗེ་རྩེ་མོ་ལ་སོགས་པའི་ཁུངས་དང་། རྡོ་རྗེ་གཙུག་ཏོར་ལས་ཀྱང་དེ་ཁོ་ན་ལ་མཉམ་གནས་ན། དམ་ཚིག་མེད་ཅིང་སྔར་སྤྱད་མེད། །རྡོ་རྗེ་དྲིལ་བུ་བཟུང་མི་དགོས། །དེ་ཉིད་བཅུ་བྲལ་འགྲུབ་པར་འགྱུར། །ཞེས་འབྱུང་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ཀྱང་། རབ་འབྱོར་བྱང་ཆུབ་སེམས་དཔའ་རྣམས་ཀྱི་སྦྱིན་པ་ལ་སོགས་པ་རྣམས་ནི་སྤྲོས་པ་དང་བཅས་པ་སྟེ་མཚན་མར་རིག་པར་བྱའོ། །དོན་དམ་པ་ནི་ཆོས་ཀྱི་དབྱིངས་རྒྱལ་བ་རྣམས་ཀྱི་ཡུམ་མོ། །ཞེས་བྱ་བ་ལ་སོགས་པས་བསྟན་ཏོ། །གཞན་ཡང་རྡོ་རྗེ་འཛིན་པ་ནི་དམ་ཚིག་སྤྱོད་པས་ཐོབ་པ་མ་ཡིན་ཏེ། ཡང་དག་པའི་ལྟ་བ་དང་བྲལ་བས་རིག་བྱེད་གསང་ཚིག་གི་ཆོ་ག་བཞིན་ནོ། །དེའི་ཕྱིར་ན་སྟོང་པ་ཉིད་ཀྱི་དོན་རྟོགས་ན་ལུས་ངག་གི་སྤྱོད་པ་དང་དམ་ཚིག་ལ་སོགས་པ་ཐེག་པ་འོག་མའི་ཚུལ་ཡིན་ཏེ། རྣལ་འབྱོར་ཆེན་པོའི་རྒྱུད་ལས་ནི་དམ་ཚིག་དང་བྱ་སྤྱོད་ལ་སོགས་པ་མི་དགོས་ཏེ། དེ་ལྟར་རྟོགས་པ་ནི་ཟབ་མོའི་དོན་ཁོང་དུ་ཆུད་པ་ཡིན་ནོ། །ཞེས་སློབ་དཔོན་གཞན་དག་ཟེར་རོ། །དེ་ཡན་ཆད་ངེས་དོན་ནོ། །ཞེས་གསུངས་ཤིང་གཞུང་འདི་ཐོག་མར་རྒྱ་བརྩོན་སེང་དང་། རིན་ཆེན་གྲགས་པས་ཀྱང་བཅོས་པའི་ཕྱིར་ཚད་ཐུབ་ཏུ་མངོན་ནོ།། །། ༈

བླ་མ་རྣམས་ལ་ཕྱག་འཚལ་ལོ། །དམ་པ་ཉེར་བསྟེན་གཅིག་ཤོས་མིན། །སྣོད་དང་ལྡན་པ་རྣམ་པར་བརྟག །འདོད་ཕྱིར་གཞན་ལ་གནོད་པ་སྤངས། །དཀོན་མཆོག་ལ་སོགས་ནོར་བ་མིན། །གཞན་དོན་སྐད་ཅིག་ཡལ་མི་དོར། །བྱང་ཆུབ་མིན་པར་དགེ་མི་འཇུག །རྣམ་ཤེས་འཕོ་བའི་དེ་ཉིད་མཁས། །གཞན་དུ་ཡན་ལག་ཉེས་པའོ། །ཡན་ལག་གི་ཉེས་པ་བདུན་རྫོགས་སོ།། །། ༈ སློབ་དཔོན་རིན་ཆེན་འབྱུང་གནས་ཞི་བའི་ཞབས་ཀྱིས་མཛད་པའི་དབང་བསྐུར་བའི་ངེས་པ་བསྟན་པ་ཞེས་བྱ་བ་ལས། དེ་བས་བསྒྲུབ་བྱ་ཟག་མེད་པ། །ཉམས་པ་མེད་པ་བླ་མེད་པ། །བདེ་བ་དྲི་མེད་ནམ་མཁའ་འདྲ། །འགྲོ་བའི་དོན་ནི་མཛད་སྤྱོད་པའོ། །དེ་ཉིད་སྐྱོབ་པ་རྣམས་ཀྱི་སྐུ། །ཆོས་ཀྱི་སྐུ་ཞེས་དྲན་པར་བྱ། །དེ་ལ་བརྟེན་ནས་སྤྲུལ་སྐུ་ནི། །ལོངས་སྤྱོད་སྤྲུལ་པའི་མཚན་ཉིད་དོ། །དེ་ལ་བརྟེན་ནས་བསྒྲུབ་བྱ་སྟེ། །ཐེག་པ་ཆེན་པོ་བླ་མེད་ལས། །བདག་གཞན་དོན་དག་བསྒྲུབ་བྱའི་ཕྱིར། །གཞན་དུ་དེ་ཡང་དགོས་པ་མེད། །ཞེས་དང་། ལུས་དང་ངག་ཡིད་དབྱེ་བ་ཡིས། །གསང་བ་འདུས་པར་དབང་བསྐུར་བ། །མགོན་པོས་རྣམ་པ་གསུམ་དུ་བསྟན། །བཞི་པ་ཞེས་བྱ་མི་འདོད་དོ། །ཞེས་སོགས་དྲངས་ཏེ་གསུམ་པའི་བདེ་བ་དེ་ཁོ་ན་ཆོས་ཀྱི་སྐུ་ཡིན་ལ། དེ་ལས་སྐུ་གཉིས་པོ་སྐྱེ་བའི་ཕྱིར་ན་ཐབས་ལ་མཁས་པའི་ཁྱད་པར་དང་བཅས་པས་བསྒྲུབ་པའི་ཕྱིར། གསུམ་པ་ལས་གཞན་དུ་བཞི་པ་མི་དབྱེ་ཞིང་། འདོད་ན་ཐབས་མེད་པས་བདེ་བ་དང་བྲལ་བའི་སྟོང་པ་ཙམ་ནི་ཕར་ཕྱིན་གྱི་ཐེག་པ་ཉི་ཚེ་བར་གསུངས་པའི་བཤད་པ་རྒྱས་པར་སྣང་སྟེ་རྣམ་དཔྱོད་དང་ལྡན་པ་དག་གིས་ཤེས་རབ་ཀྱི་མིག་སྒྲུབས་ཤིག། །། ༈ ཡང་། ཕྱག་རྒྱ་ལ་རེག་པས་སོགས་འདུ་བྱ་བ་སྲ་བའི་བག་ཆགས་ཏེ། དེའི་དགའ་བ་ནི་རྣམ་པར་སྣང་མཛད་ཡབ་ཡུམ་མམ། གཏི་མུག་རྡོ་རྗེ་སྟེ་བསྙེན་པའི་མཚན་ཉིད་ཅན་གྱི་ཡན་ལག་དང་པོའོ། །དེ་སྐད་དུ། བསྒྲུབ་བྱ་སྒྲུབ་པའི་སྦྱོར་བ་ནི། །གང་ཡིན་བསྙེན་པ་ཡིན་པར་འདོད། །ཞེས་སོ། །གང་གིས་རྡོ་རྗེ་དང་པདྨ་གཉིས་སུ་མེད་པར་བྱེད་པའི་ཡེ་ཤེས་གང་ཡིན་པ་དེ་དག་བྱེ་ཞིང་བྲལ་བའི་བདག་ཉིད་ལ་རྒྱབ་ཀྱིས་ཕྱོགས་པ་གང་དམིགས་པར་གྱུར་པ་དེ་ཆུའི་ཁམས་ཀྱི་ངོ་བོ་ཉིད། དེ་ལས་སྐྱེས་པའི་དགའ་བ་ནི་མི་བསྐྱོད་པ་ཡབ་ཡུམ་མམ། ཞེ་སྡང་རྡོ་རྗེ་དང་ཉེ་བར་སྒྲུབ་པའི་ཡན་ལག་སྟེ་གཉིས་པའོ། །དེ་ཡང་། རྡོ་རྗེ་པདྨ་མཉམ་སྦྱོར་བ། ཉེ་བའི་བསྙེན་པ་ཡིན་པར་འདོད། ཞེས་སོ། །རྗེས་ཐོག་དེར་པདྨའི་ནང་དུ་བཙུད་པ་ལ་ཞེན་པ་དང་། དེའི་ཚེ་གཙུབས་པ་ལས་དྲོ་བར་གྱུར་པ་ནི་མེའི་ཁམས་ཏེ། གང་ལས་སྐྱེས་པའི་དགའ་བ་འོད་དཔག་མེད་ཡབ་ཡུམ་མམ། འདོད་ཆགས་རྡོ་རྗེ་དང་། སྒྲུབ་པ་ཞེས་བྱ་བའི་ཡན་ལག་སྟེ་གསུམ་པའོ། །དེ་ཡང་། སྒྲུབ་པ་བསྐྱོད་པ་ཡིན་པར་བཤད། །ཧཱུྃ་ཕཊ་དང་ནི་ལྡན་པའོ། །ཞེས་གསུངས་པས་སོ། །རྒྱུ་དེས་ཐབས་ཤེས་ལྷག་པར་ཆགས་ཤིང་མངོན་པའི་ང་རྒྱལ་གྱིས་རྩེད་མོའི་བདེ་བས་ཚོར་བ་མྱོས་ཤིང་དགའ་བར་གྱུར་པ་གང་ཡིན་པ་ནི་བཅོམ་ལྡན་འདས་རིན་ཆེན་འབྱུང་ལྡན་ཏེ། དེ་ཉིད་སེམས་ལས་བྱུང་བ་ཡིན་པ་དང་། འདོད་ཆགས་སུ་མཉམ་པས་སྔ་མའི་ཁོངས་སུ་བསྡུ་སྟེ་ཡན་ལག་ལོགས་ཤིག་མེད་དོ། །དེ་ཡི་རྗེས་ལ་ཤེས་རབ་དང་ཐབས་གཉིས་སུ་མེད་པར་སྣང་བ་ཤིན་ཏུ་བསྒོམས་པ་ལས་བྱུང་བའི་མཆོག་ཏུ་དགའ་བ་རོ་མཉམ་པར་གྱུར་པ་ན། མཆོག་ཏུ་དགའ་བ་ལྷན་ཅིག་སྐྱེས་པའི་ངོ་བོ་ནི་བཅོམ་ལྡན་འདས་དོན་ཡོད་གྲུབ་པ་དང་། དེས་ལྷན་ཅིག་སྐྱེས་པའི་ཡེ་ཤེས་དང་མཉམ་དུ་བྱང་ཆུབ་སེམས་ཀྱང་ནོར་བུར་སྐུལ་བར་བྱེད་པས་ན་རླུང་གི་ཁམས་དང་། ཕྲག་དོག་རྡོ་རྗེ་སྟེ། ངེས་པར་འབྲས་བུ་ལྡན་པར་གྱུར་པས་ན་སྒྲུབ་པ་ཆེན་པོའོ། །དེ་ཡང་། རང་བདེ་ངོ་བོ་ཉིད་དང་བཞི། །སྒྲུབ་པ་ཆེན་པོ་ཞེས་བྱའོ། །ཞེས་སོ། །དེ་ལྟར་ཡང་། །བསྙེན་པའི་སྒྲུབ་པ་དང་པོ་སྟེ། གཉིས་པ་ཉེ་བར་སྒྲུབ་པ་ཡིན། །སྒྲུབ་པ་ཉིད་ནི་གསུམ་པ་སྟེ། །སྒྲུབ་པ་ཆེན་པོ་བཞི་པའོ། །ཞེས་དང་། མཆོག་དང་དགའ་བྲལ་དབུས་སུ་ནི། །མཚོན་ཞིང་ལྟོས་ལ་བརྟན་པར་གྱིས། །ཞེས་གསུངས་སོ། །ཞེས་པའང་གཞུང་དེའི་དགོངས་དོན་ཉེ་བར་བསྡུས་པ་འདི་ལ་གནད་གལ་པོ་ཆེ་ཡོད་དོ།། །། ༈

རྒྱ་གར་སྐད་དུ། བཱཧྱ་ཨནྟ་ར་ཨ་མྲྀ་ཏ་ཀལྦ་ནཱ་མ། བོད་སྐད་དུ། ཕྱི་ནང་བདུད་རྩིའི་བཅུད་ལེན་ཞེས་བྱ་བ། །རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །རྒྱུན་ཆད་བདུད་རྩིའི་གསང་བ་བཅུད་ལེན་གྱིས། །ཉམས་ལེན་ཐབས་དང་དེ་ཡི་སྨན་སྦྱོར་དང་། །ཉམས་སུ་བླངས་ན་ཚེ་རིང་གྲུབ་པ་ཐོབ། །དེ་ཕྱིར་བདག་ཉིད་བྷྱ་རའི་ཉམས་ལེན་བཤད། །རྣལ་འབྱོར་ཕྱི་ཡི་ཉམས་ལེན་བྱེད་ན་ནི། །བདུད་རྩི་ལྔ་ཡིས་རང་ལུས་དག་པར་བྱས། །རྣམ་སྣང་མི་བསྐྱོད་རིན་ཆེན་འབྱུང་ལྡན་དང་། །འོད་དཔག་མེད་དང་དོན་ཡོད་གྲུབ་པ་རྣམས། །རང་གི་ལུས་གནས་ཉམས་ལེན་ཤེས་པ་མེད། །མཱ་མ་ཀཱི་ཡི་རྒྱུད་བཏུས་ཉམས་ལེན་བཤད། །རྣམ་སྣང་བླངས་ལ་རྡོ་རྗེའི་ཆུ་ཡིས་དཀྲུགས། །བཙིར་ནས་སྣོད་ཀྱི་ནང་དུ་ཐུན་ཕྱེད་བཞག །བྱིན་རླབས་མཆོད་བྱ་རླུང་མེད་ས་རུ་བརྡུངས། །རླུང་ནད་ཅན་ལ་བུ་རམ་སྦྱར་བར་བྱ། །བད་ཀན་ཅན་ལ་ཚ་བ་གསུམ་དང་སྦྱར། །དྲི་མེད་རྣམ་སྣང་བཙིར་ནས་གྲིབ་སྐོམ་བྱ། །ཞིབ་པར་བཏགས་ནས་མར་དང་སྦྲང་རྩི་སྦྱར། །མི་བསྐྱོད་པ་ཡིས་སྦྲུས་ནས་བཟའ་བཏུང་བྱ། །ཤ་དང་འོ་མ་བཟའ་ཞིང་ཆང་རྣམས་སྤང་། །རྣམ་སྣང་ཉམས་ལེན་བདག་ཉིད་བྷྱ་རིས་སྨྲས། །མི་བསྐྱོད་བསྐོལ་ནས་མར་དང་ཁ་ར་སྦྱར། །གྲང་བར་བྱས་ནས་རྣལ་འབྱོར་བཏུང་བར་བྱ། །ཆང་དང་བུད་མེད་སྤངས་ན་ཟླ་དྲུག་འགྲུབ། །མི་བསྐྱོད་བཅུད་ལེན་བྷྱ་རིས་སྨྲ་བར་བྱེད། །རིན་ཆེན་འབྱུང་ལྡན་གན་དྷི་དངུལ་ཆུ་དང་། །ར་ཡི་འོ་མ་སྦྲངས་དང་བྷི་ཏ་སྟེ། །ཞིབ་པར་བཏགས་ནས་ཀ་ར་ལ་སོགས་སྦྱར། །མར་ཁུ་བཏོན་ནས་རྣལ་འབྱོར་ལུས་ལ་བྱུགས། །སྨན་རྣམས་གཏོང་དུས་ཁེངས་པའི་དུས་སུ་བཏང་། གཞན་དང་མི་འདྲ་བྷྱ་རི་སྟོབས་སྐྱེས་སོ། །དབྱར་ཟླ་གསུམ་ལ་དོན་ཡོད་གྲུབ་པ་ཡི། །ཨ་རུ་ར་དང་སྨན་ཚ་སྦྱར་ལ་བཟའ། །སྟོན་གསུམ་ཀ་ར་ཨ་རུ་ར་སྦྱར་ནས། །རྣལ་འབྱོར་པ་ནི་ལྟོ་སྟོང་དག་ལ་བཟའ། །དགུན་གསུམ་འབྲས་བུ་གསུམ་དང་སྦྱར་ལ་བཟའ། །དཔྱིད་གསུམ་མར་སྦྲངས་འབྲས་བུ་གསུམ་སྦྱར་བཟའ། །དོན་ཡོད་གྲུབ་པའི་རྣལ་འབྱོར་བཅུད་ལེན་པས། །ནད་རྣམས་སེལ་ཞིང་དོན་རྣམས་གྲུབ་པར་བྱེད། །ཤིང་མངར་སྦྲངས་མར་འོད་དཔག་མེད་པ་འབྲས་བུ་གསུམ། །ཅོང་ཞི་དང་སྦྱར་ཟོས་ན་ནད་རྣམས་སེལ། །ཅིས་ཀྱང་རྣལ་འབྱོར་བླ་མའི་ཞལ་ལ་ལྟོས། །འོད་དཔག་མེད་ཀྱི་བཅུད་ལེན་བྷྱ་རིས་སྨྲས། །ཟླ་བ་དྲུག་ནས་རྣལ་འབྱོར་རུ་རྟ་བཀོལ་ལ་བཏུང་། །དཀར་གསུམ་མངར་གསུམ་ལ་བརྟེན་དབང་ལག་ཆུ་བཀོལ་བཏང་། མདོར་ན་ཅི་དགོས་ཁ་ཟས་རིམ་གྱིས་སྤངས། །བྲག་ལ་སྦྱར་ནས་བྷྱ་རིས་བསྟེན་པར་བྱ། །ཁ་ཟས་རྒྱུན་ཆད་བཤད་ནས་གསང་བ་བཤད། །སྙིང་གའི་དབུས་སུ་ཡི་དམ་ལྷ་ཉིད་ནི། །རྡོ་རྗེ་ཕག་མོ་ཞལ་གཅིག་ཕྱག་གཉིས་ལྡན། །སེམས་དཔའི་སྐྱིལ་ཀྲུང་བདུད་རྩི་བུམ་པ་འཛིན། །ངག་ཏུ་ཧཱུྃ་བརྗོད་སྙིང་ག་གྱེན་ལ་བཟློག །ཡུམ་གྱི་འོད་ཀྱིས་དཀར་ནག་མཚམས་སུ་བཅད། །ཨོཾ་ཨཱཿཧཱུྃ་བརྗོད་ཞལ་ནས་བདུད་རྩི་འཛགས། །དཀར་ནག་བཅད་པའི་མཚམས་ནས་འབབ་པ་ཡིན། །རང་ལུས་ཁོང་སྟོང་འོ་ལྟར་གང་བར་བསམས། །དེ་ནི་ཏིང་འཛིན་སེམས་དཔའ་བདག་གིས་སྨྲས། །མདུན་གྱི་མཁའ་ལ་ཡེ་ཤེས་སེམས་དཔའ་སྟེ། །ཡིད་ཀྱིས་དྲན་ནས་དེ་ཡི་འོད་ཀྱིས་ནི། །རང་གི་སྨིན་མཚམས་ཡན་ཆད་ཐོད་པ་བཅད། །ཡེ་ཤེས་སེམས་དཔས་ཨོཾ་ཨཱཿཧཱུྃ་བརྗོད་པས། །ཐོད་པའི་བདུད་རྩི་འཛགས་ཏེ་རྩ་སྦུབས་ཞུགས། །བུམ་པའི་འོག་ཏུ་རྃ་འབར་བདུད་རྩི་བླུགས། །དེ་ནས་འདྲེས་པས་ལུས་ནི་བདུད་རྩིས་གང་། །གཉིས་མེད་དེ་ཡི་སྟོབས་ཀྱིས་ཆུ་སེར་སོགས། །གསང་བའི་གནས་ནས་མར་ལ་འཛགས་པར་བསམས། །དེ་ནས་མར་བཤལ་ཡར་རང་ལུས་ལ་བདུད་རྩིས་གང་། །སླར་ཡང་རྣལ་འབྱོར་ཐོད་པ་བཅད་འཕྲོ་ལས། །བདུད་རྩི་སོར་གཅིག་ལུད་ནས་གང་བར་བསམས། །གལ་ཏེ་རྣལ་འབྱོར་རླུང་ཁམས་སྐྱེས་ན་ནི། །སྙིང་གི་བུམ་པ་ཆར་གྱིས་གང་བར་བསམས། །མཁྲིས་པས་སྐྱ་རིམས་ཚད་ནད་འབབ་ནད་ལ། །ག་བུར་ཆུ་བཞིན་ནང་ལུས་བསིལ་བར་བསམས། །རྣལ་འབྱོར་གྲང་བའི་ནད་ནི་ན་གྱུར་ན། །དྲོད་སྨན་རྣམས་ཀྱི་སྟོབས་ནི་བསྒོམ་པར་བྱ། །བསྒོམས་ཀྱང་སྐྱོ་ན་ཧྲིཾ་ཡིག་བློ་ལྡནབཟླ། །བྷྱ་རི་བདག་ཉིད་གསང་བའི་བཅུད་ལེན་སྨྲས། །བརྟན་པའི་སེམས་ཀྱིས་རྣལ་འབྱོར་ཉིད་ཀྱིས་བསྒྲུབས། །ཉམས་སུ་མྱོང་བའི་ཡོན་ཏན་ནད་རྣམས་སེལ། །ཟླ་དྲུག་ཤེས་རབ་བློ་འཕེལ་རང་བཞིན་སྐྱེ། སློབ་དཔོན་བྷྱ་རིས་གསུངས་པའི་ཕྱི་ནང་གི་བདུད་རྩིའི་བཅུད་ལེན་རྫོགས་སོ།། །། རྒྱ་གར་གྱི་པཎྜི་ཏ་རཏྣ་མ་ལས་རང་འགྱུར་དུ་མཛད་ནས་བཤད་རྒྱུད་ཀྱི་གདམས་པ་བར་མ་ཆད་པར་གསུངས་སོ།། །། ༈ ཨ་སཾ་བྷནྡྷ་དྲྀཥྟི། འབྲེལ་མེད་ཀྱི་ལྟ་བ་ལས། །མེ་ཡི་མཚན་ཉིད་སྲེག་བྱེད་དེ། །དེ་ཉིད་ཁྱབ་བྱེད་ཅེས་བྱ་སྟེ། །ཁྱབ་བྱ་དུ་བ་ཡིན་པར་མཐོང་།། །། ༈ ཡང་། རྫོགས་ཆེན་པ་ཡི་ལུང་ལས་ནི། །ཆོས་ཉིད་གཞིའམ་མ་བཅོས་པ། །ཁྱབ་བྱེད་དེ་ལ་འབྱུང་བ་ཡི། །འགྲོ་དྲུག་ཁྱབ་བྱར་གསུངས་པའོ། །ཞེས་དང། ནང་པ་མུ་སྟེགས་དབང་དུ་ནི། །རང་རིག་འོད་གསལ་ཁྱབ་བྱེད་དེ། །རྣམ་པར་རིག་པ་ཁྱབ་བྱར་སེམས། ཞེས་སོ།། །། ༈ དེ་ཉིད་བརྒྱད་ཀྱི་ལྟ་བ་ལས། །དྲི་བཅས་སེམས་ནི་འཁོར་བ་སྟེ། །ཐ་སྙད་དང་བྲལ་མྱ་ངན་འདས། །དཔེར་ན་སྤྲིན་མེད་ནམ་མཁའ་ནི། །གང་ལ་མི་གནས་ཕྱག་རྒྱ་ཆེ། །ཨིནྡྲ་བྷུ་ཏི་སྨྲ་བར་བྱེད། ཞེས་དང་།། །། ༈ ཐུགས་ཀྱི་གསང་བ་གླུར་བླངས་པ་ལས། ཌོམྦི་ཧེ་རུ་ཀས་གསུངས་པ། །སྲིད་བཞི་མཉམ་ཉིད་སྤྲོས་བྲལ་ལ། །རྩོལ་སྒྲུབ་བྱེད་པ་ཤ་ཐང་ཆད། །ཡུལ་སེམས་གཉིས་མེད་ཟང་ཐལ་ལ། །ཐ་དད་འཛིན་པ་ཉོན་རེ་མོངས། །བདག་གཞན་གཉིས་མེད་ཆོས་སྐུ་ལ། །བཟང་ངན་འཛིན་པ་སྙིང་རེ་རྗེ། །གསུངས་སོ།། ༈ །།

ཨཱཪྻ་དེ་བས། ཀྱེ་ཧོ། ཕུང་པོ་ལྷ་ཡི་ངོ་བོར་གནས། །བུམ་པའི་དབང་བསྐུར་རང་ལ་རྫོགས། །སྒྲ་སྟོང་བྲག་ཅ་ལྟ་བུར་རྟོགས། །གསང་བའི་དབང་ལ་ལྟོས་མི་དགོས། །ཉམས་མྱོང་བདེ་ཆེན་ཁོངས་ནས་སད། །ཤེས་རབ་ཡེ་ཤེས་དབང་དང་ལྡན། །ཆོས་རྣམས་ནམ་མཁའ་ལྟ་བུར་རྟོགས། །བཞི་པའི་དབང་གི་དོན་དང་ལྡན། །གསུངས་སོ།། །། ༈ གུ་དྷ་རི་པས་གསུངས་པ། །ཡེ་ཤེས་རྡོ་རྗེ་ནམ་མཁའི་མདོག །སྣ་ཚོགས་འབྱུང་བའི་ཆོ་འཕྲུལ་སྟོན། །དམིགས་པ་མེད་པར་ཀུན་ལ་ཁྱབ། །འདུ་འབྲལ་མེད་པར་རང་ལ་རྫོགས། །མ་བཙལ་ལྷུན་གྱིས་གྲུབ་པའི་དོན། །ཞེས་གསུངས་སོ། །ནཱ་རོ་པས་གསུངས་པ། །སྤྱི་གཙུག་པདྨའི་གདན་སྟེང་དུ། །མཚན་ལྡན་བླ་མའི་སྤྱན་སྔ་རུ། །རྩ་དར་དཀར་གྱི་ལམ་ལས་འགྲོ་ཤེས་ན། །མཚམས་མེད་ལྔ་པོ་བྱེད་ཀྱང་གྲོལ། །གསང་སྔགས་ཐབས་ཀྱི་ཁྱད་པར་ཡིན། །གསུངས་སོ། །དཔའ་བོ་རྡོ་རྗེས་སྨྲས་པ། །སེམས་ཀྱི་ཐིག་ལེ་ཡི་གེའི་དབྱིབས། །རླུང་གིས་བསྐྱོད་དེ་མཁའ་ལ་འཕུར། །ལས་ཀྱི་སྒོ་བཞི་འགགས་ནས་ཀྱང་། །བདེ་ཆེན་གནས་སུ་འཕོ་བར་བྱེད། །ཞེས་དང། རཏྣ་བོ་དྷིས་སྨྲས་པ། །མ་བཅོས་རྣལ་མའི་ཤེས་པ་དེ། །མི་སྦོམ་དེ་བཞིན་ཉིད་དུ་བཞག །བཅོས་པ་ཐམས་ཅད་བློ་ཡིན་ཏེ། །བློ་ལས་གྲོལ་ན་ཐར་པའི་ལམ། །གསུངས་སོ། །ཀརྨ་བཛྲས་སྨྲས་པ། །འཁྲུལ་པའི་རྩ་བ་མ་ཆོད་ན། །སེམས་ཀྱི་འཁྲུལ་འཁོར་མི་འཇིག་སྟེ། །བཅོས་མའི་ཐེག་པ་སྙིང་རེ་རྗེ། །རྩ་བ་བྲལ་བའི་དོན་མཐོང་ན། །ལས་ཀྱི་འཁྲུལ་འཁོར་གཞི་ལ་འཇིག །གསུངས་སོ། །གྲུབ་ཐོབ་ལྔ་བཅུའི་རྟོགས་པ་བརྗོད་པ་ཐིག་ལེ་དག་པའི་ཕྲེང་བ་ལས་སོ།། །། ༈ བྲུལ་ཚོ།། །། ༈ སློབ་དཔོན་ཏོག་རྩེ་བའི་ཞལ་ནས། །ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་ཆེན་རྒྱུན་མི་ཆད། །བརྟགས་པ་ཐམས་ཅད་དོན་མེད་གཡེང་བའི་རྒྱུ། །སྒོམ་དུ་མེད་པས་གཉུག་མའི་ངང་ལ་ཞོག །ཞེས་སོ།། །། ༈ ཏི་ཨཱ་ལོ་ཀ །དེ་ཉིད་སྣང་བར། དྷ་ལ་རང་ངོ་མཐོང་བ་ན་དུ་བའི་ཞལ་སྔ་ནས། །སྙིང་གི་དབུས་སུ་ངོ་སྤྲོད་པའི། །བླ་མས་བསྟན་པའི་མཆོག་གི་དོན། །ལྷུན་གྲུབ་རང་ངོ་ཤེས་པ་ནི། །གནད་དེ་ངེས་པའི་ཤེས་པས་མཐོང་། །ཞེས་སོ། །དགེ་བའི་ཆོས་སྡུད་ཚུལ་ཁྲིམས་ཅན་བྷ་ཙ་ལའི་ཞལ་ནས། །གཞི་རྫོགས་རང་བྱུང་ཡེ་ཤེས་སུ། །བཅོས་མའི་རྐྱེན་ལ་རག་མི་ལས། །རང་རིག་འོད་གསལ་དངོས་པོའི་གཤིས། །རྟེན་འབྲེལ་གང་གི་ཐབས་ཀྱིས་རིག །ཅེས་གསུངས་སོ། །དུ་མ་རོ་གཅིག་གི་རྣལ་འབྱོར་པ་བྷ་ཏ་ལའི་ཞལ་སྔ་ནས། །ངོ་བོ་སྤྲོས་བྲལ་དྲི་མ་མེད། །འགྲོ་བ་ཀུན་ལ་རང་བཞིན་གནས། །ཤེལ་གོང་འདམ་གྱིས་གོས་པ་བཞིན། །གློ་བུར་འཁྲུལ་པའི་རྟོག་པས་འགྲིབ། །ཅེས་སོ། །ཏིང་འཛིན་ཟས་ཀྱིས་འཚོ་བའི་རྣལ་འབྱོར་མ་ཙཱནྡྲ་བི་མ་ལའི་ཞལ་སྔ་ནས། གྱེན་གྱི་ལྟ་སྟངས་ཚངས་པའི་གསང་། །དབང་པོ་རང་སྣང་ཕྱག་རྒྱ་ཆེ། །ཆོས་ཉིད་ངོ་བོ་ཐབས་ཀྱིས་ཟིན། །སྤྲོས་བྲལ་འཆར་བ་ཡི་གེའི་གནད། །ཅེས་སོ། །རྩ་རླུང་ལས་སུ་རུང་བ་ནི་ལྭ་བའི་ཞལ་ནས། །དྲན་རྟོག་འོད་གསལ་ལ་བཅིངས་པས། །རང་རིག་ཡེ་ཤེས་ལྔ་ཡི་མདངས། །ས་ཆུ་མེ་རླུང་ནམ་མཁའ་ཡི། །སྣང་བ་རྒྱུ་ལམ་འབྲས་བུའི་རྟགས། །ཞེས་སོ། །མི་གཡོ་བའི་བསམ་གཏན་ཛྙཱ་ན་དྷ་རའི་ཞལ་ནས། །དྭངས་མའི་འོད་ཟེར་དུ་བར་སྣང་། །སྨིག་རྒྱུ་སྣང་བ་བདེ་བའི་འོད། །གསལ་བ་སྲིན་བུ་མེ་ཁྱེར་འོད། །མི་རྟོག་འོད་ཟེར་མཁའ་ལྟར་སྣང་། །ཞེས་སོ། །ཞེས་པ་རྣམས་གསེར་གྱི་ཉི་མ་རྣམ་པར་སྣང་བའི་ལེའུ་༡ལས་སོ།། །།

འོད་གསལ་རང་ངོ་འཕྲོད་པ་དྷརྨ་བྷ་དྲའི་ཞལ་སྔ་ནས། །སེམས་ཉིད་འོད་གསལ་དངོས་པོའི་དོན། །རང་བཞིན་ངོ་བོ་སངས་རྒྱས་རྒྱུ། །དམིགས་མེད་གདོད་ནས་དག་པ་ཡི། །ཡེ་ཤེས་དེ་མཐོང་མ་རིག་སེལ། །ཞེས་གསུངས་༢སོ། །ཐུགས་རྗེའི་རྒྱན་དང་༣ལྡན་པ་གསེར་གླིང་པའི་ཞལ་ནས། །འདོད་པའི་འབྲས་བུ་སྟེར་བ་ཡིས། །ཡིད་བཞིན་ནོར་འདྲའི་བྱང་ཆུབ་སེམས། །སངས་རྒྱས་མ་བཅོས་ལྷུན་གྲུབ་སྐུ། །འགྲོ་བ་ཀུན་ལ་རང་བཞིན་གནས། །ཞེས་སོ། །ཧ་ཧ་༤ཧི་ཧིའི་གད་རྒྱངས་ཅན་ཨ་ཧ་རའི་ཞལ་ནས། །འཁོར་བ་སྤངས་པའི་ཕ་རོལ་ན། །མྱ་ངན་འདས་པ་ཡོད་མ་ཡིན། །འཁོར་བ་རང་བཞིན་མེད་པ་ཡི། །མཚངས་དེ་མྱ་ངན་འདས་པའོ། །ཞེས་གསུངས་སོ། །ཟླ་༦བའི་འོད་ཟེར་མགྷ་པ་ལི་ཏའི་ཞལ་སྔ་ནས། །ནམ་མཁའ་མདུང་ཚུགས་བསམ་གཏན་མཁར། རིག་པ་སོར་བཞག་གནད་ཀྱི་མཚངས། །བདེ་གསལ་རྒྱུན་མི་ཆད་པར་བྱེད། །ཡུལ་ལ་ཡེངས་པར་མི་བྱའོ། །ཞེས་གསུངས་སོ། །སྤྲོས་བྲལ་གྱི་ཡེ་ཤེས་ངོས་ཟིན་པ་ཀོ་ཤ་པའི་ཞལ་སྔ་ནས། ཆོས་རྣམས་ཐམས་ཅད་ངོ་བོས་སྟོང་། །བདེན་ཟད་བརྫུན་ཟད་ཡི་གེ་ཟད། །དོན་ཟད་ནམ་མཁའི་རང་བཞིན་ཅན། །བསམ་དུ་མ་བཏུབ་བསྒོམས་ལས་གྲོལ། །ཞེས་གསུངས་སོ། །དཔལ་གྱི་འོད་འཛིན་མ་རཏྣ་ལི་ཏའི་ཞལ་སྔ་ནས། །རྟོག་བྲལ་ཡུལ་གྱི་རྗེས་མི་འབྲངས། །སྣང་བ་ཧད་པོ་དེར་འཛིན་གྲོལ། །སོར་བཞག་ཚོགས་དྲུག་ལྷུག་པའི་ངང་། །སྒོམ་བློ་འདུན་པ་དྲི་མ་ཡིན། །ཞེས་གསུངས་སོ། །ཉོན་མོངས་༧རང་ཐོག་ཏུ་གྲོལ་བས་གཉེན་པོའི་བྱ་ར་ཞིག་པ་ས་ར་ཧཱི་པའི་ཞལ་སྔ་ནས། ཤེས་པ་ངར་ཅན་དེ་ལྟོས་དང་། །ནམ་མཁའི་དབྱིངས་ཀྱི་དབུས་གནས་པར། །རིག་པ་དྲི་མེད་ལམ་གྱི་མཆོག །ཐིག་ལེ་མཐོང་ན་རྣམ་པར་གྲོལ། །ཞེས་གསུངས་སོ། །བདེ་བའི་སྒྲོན་མ་ལ་དྷ་བའི་ཞལ་སྔ་ནས། སེམས་ལས་ཡེ་ཤེས་སྐྱེ་འགྱུར་བ། །རིག་པ་དྲུང་བ་ཁྲོ་བོའི་སྤྱན། །སོར་བཞག་རྣམ་རྟོག་རླུང་མི་བསྐྱོད། །རྟེན་འབྲེལ་གྱིས་ནི་ཡང་དག་འགྲུབ། །ཅེས་གསུངས་སོ། །ཟག་མེད་བདེ་༨བའི་མདངས་ལྡན་མ་རུ་ཀ་ལའི་ཞལ་སྔ་ནས། །མཚོན་བྱེད་དཔེ་ཡི་ལྷན་སྐྱེས་ཀྱིས། །མཚོན་བྱ་དོན་གྱི་ལྷན་སྐྱེས་རྟོགས། །དེས་ནི་འགྲོ་འོང་མེད་པའི་བདག །སེམས་ཉིད་གཉུག་མའི་རང་བཞིན་ནོ། །ཞེས་གསུངས་སོ། །སྣང་བ་རྒྱུད་ལ་ངེས་པར་སྐྱེས་པ་པཏྫ་ནའི་ཞལ་ནས། །ལས་ཀྱི་ཕྱག་རྒྱ་མཚོན་བྱེད་དོ། །ཆོས་ཀྱི་ཕྱག་རྒྱ་སྒོམ་པའི་ལམ། །ཕྱག་རྒྱ་ཆེན་པོ་འབྲས་བུ་སྟེ། །དམ་ཚིག་ཕྱག་རྒྱ་ཕྲིན་ལས་སོ། །ཞེས་གསུངས་སོ། །དོན་རྒྱུད་ལ་སྒྲོ་འདོགས་ཆོད་པ་དེ་བ་ཤ་རའི་ཞལ་སྔ་ནས། བདེ་བ་ཉམས་མྱོང་དགའ་བ་སྟེ། །འཛིན་གྲོལ་ཉམས་མྱོང་མཆོག་ཏུ་དགའ། །བདེ་སྟོང་དབྱེ་རུ་མེད་པ་ནི། །ལྷན་ཅིག་སྐྱེས་པའི་དགའ་བའོ། །ཉམས་དང་བྲལ་ན་དགའ་བྲལ་ལོ། །ཞེས་གསུངས་སོ། །བུམ་འཛིན་མ་དྷ་ན་རུའི་ཞལ་སྔ་ནས། རིགས་དྲུག་འཁོར་བའི་སེམས་ཅན་ལ། །བདེ་གཤེགས་སྙིང་པོ་ཡོད་གྱུར་ཀྱང་། །མ་བསྒྲུབས་གྲོལ་བ་ཐོབ་མི་འགྱུར། །ཞེས་གསུངས་སོ། །ཞེས་པ་ནི་རྣལ་འབྱོར་པ་ཐམས་ཅད་ཀྱི་དེ་ཁོ་ན་ཉིད་སྣང་བ་ཞེས་པ་ལས་ཁོལ་དུ་ཕྱུང་བའོ།། །། ༈ ཕྱག་རྒྱ་ཆེན་པོ་གསེར་ཕྲེང་ལས༡། དབྱར་གྱི་དུས་ན་སྔོ་རྣམས་སྐྱེ་འགྱུར་ཀྱང་། །ཞིང་ལ་མ་བཏབ་ལོ་ཏོག་འབྱུང་མིན་ལྟར། །འགྲོ་དྲུག་སེམས་ཅན་སངས་རྒྱས་རང་བཞིན་ཡང་། །མ་བསྒོམས་རྣམ་གྲོལ་ཡེ་ཤེས་དོན་མི་མཐོང་། །ཞེས་དང་། རང་རིག་རང་གིས་རྟོགས་པ་ལ། །ཆུ་ཁམས་གསེར་དང་ནམ་མཁའ་བཞིན། །སངས་རྒྱས་སེམས་ཅན་འཁོར་འདས་དག །སྤང་བླང་ཐ་དད་ཅི་ཡང་མེད། །ཅེས་དང་། འཇའ་ཚོན་ལྟ་བུ་སྒྱུ་མའི་སྐུ། །དམ་ཚིག་ཕྱག་རྒྱ་ཞེན་མེད་ཀྱི། །དབང་པོ་རང་སྣང་ཐུག་ཕྲད་ཀྱིས། །ཆོས་ཉིད་བདེན་པ་མཐོང་བ་ཡིན། །ཞེས་དང་། གསེར་གྱི་རི་རབ་ངོས་སུ་༣བྱ་གནས་པ། །བྱ་ཡི་རང་བཞིན་བོར་ནས་གསེར་དུ་སྣང་། །མཁས་པ་དག་གིས་སྐྱེ་བ་མེད་རྟོགས་ན། །དངོས་པོའི་རང་བཞིན་བོར་ནས་བདེ་བ་ཆེ། །ཞེས་སོ། །ཞེས་མཻ་ཏྲི་བས་བསྡེབས་པ་མར་པས་འགྱུར་བ་ལས་སོ།། །། ༈

ཡོ་ག་ལ་ཀྵ་ཎ་སཏྱ། རྣལ་འབྱོར་གྱི་མཚན་ཉིད་བདེན་པ་ལས། །གཟུགས་སུ་སྣང་བ་སྐུ་ཉིད་ལ། །སྐྲ་རྣམས་གསུང་དུ་བདག་ཉིད་བརྟག །སེམས་ཅན་བྱང་ཆུབ་རྒྱུ་ཡིན་ཕྱིར། །དེ་ཡི་ཤེས་པ་ཡེ་ཤེས་ཡིན། །ཞེས་དང་། རྣལ་འབྱོར་སྒོམ་རྣམས་གཙོར་བྱ་ཡི། །ལུས་ངག་དགེ་བ་གཙོར་མི་བྱ། །ཞེས་དང་། རྟག་ཏུ་འཆི་བསམ་མ་ཆགས་བློས། །དངོས་པོ་ཅི་ལའང་མ་ཆགས་པར། སྤྱོད་ལམ་ཇི་ལྟར་གནས་ཀྱང་བསྒོམ། །ཞེས་སློབ་དཔོན་བྱང་ཆུབ་བཟང་པོས་སོ།། །། ༈

རིན་པོ་ཆེ་འཁོར་ལོའི་དབང་གི་མན་ངག་ལས། དབང་བསྐུར་རིམ་པ་ཡང་དག་པའི། །གནས་དང་དུས་དང་སློབ་དཔོན་དང་། །སློབ་མ་དང་ནི་གླེང་གཞི་དང་། །དཀྱིལ་འཁོར་དང་ནི་དེར་འཇུག་རིམ། །དབང་བསྡུར་རིམ་དང་རྣམ་གྲངས་དང་། །བསྐུར་བའི་གནས་དང་ཐབས་དག་དང་། །སྒྲིབ་བྱང་ཚད་དང་ས་ནོན་དང་། །དེ་འབྲེལ་མན་ངག་རིམ་པ་དང་། །རྟགས་དག་དང་ནི་བརྡ་དག་དང་། །རྫས་དག་དང་ཡང་དགོས་པའི་དོན། །ནུས་པའི་ཚད་དང་འབྲས་དུ་སྟེ། །རྣམ་པ་ཉི་ཤུས་མངོན་པར་བརྗོད། །ཅེས་གསུངས་སོ། །ཀྱེ་ཧོ་ཤཱཀྱ་སེང་གེ་ལ། །བལྟམས་ཚེ་ཀླུ་རྒྱལ་དགའ་སོགས་པས། །བུམ་པའི་ཆུ་ཡིས་ཁྲུས་བྱས་དང་། །མངོན་པར་རྫོགས་པར་སངས་རྒྱས་ཚེ། །ས་ཡི་ལྷ་མོའི་བུམ་པ་ཡང་། །བཀྲ་ཤིས་བརྗོད་ནས་ཕྱག་ཏུ་ཕུལ། །འཁོར་ལོའི་བསྒྱུར་རྒྱལ་རྒྱུད་འབྱུང་བ། །སྤྱི་བོར་དབང་བསྐུར་གླེང་གཞི་ཡིན། །ཞེས་དང་། མགོ་ལ་མེ་ཏོག་ཕྲེང་བཏགས་པ། །ལྷ་ཡི་དབང་སྟེ་དང་པོར་བཤད། །ཆུ་དང་དབུ་རྒྱན་རྡོ་རྗེ་དང་། །དྲིལ་བུ་མིང་དང་རྣམ་པ་ལྔ། །སློབ་མ་རིག་པའི་དབང་ཞེས་བྱ། །དེ་ནས་སེང་གེའི་ཁྲི་སྟེང་དུ། །རིག་བྱེད་སློབ་དཔོན་དབང་སྦྱིན་བྱ། །གོང་མ་བརྟན་པར་བྱ་བའི་ཕྱིར། །རྡོ་རྗེ་དྲིལ་བུ་བརྟུལ་ཞུགས་གཉིས། །ཕྱག་རྒྱ་དམ་ཚིག་གསུམ་པ་ཡིན། །དབུགས་དབྱུང་བ་དང་ལུང་བསྟན་པ། །ཕྱིར་མི་ལྡོག་སོགས་རིམ་པ་ཡིན། །ཞེས་སོ། །སྲོག་གཅོད་རྐུ་དང་ལོག་པར་གཡེམ། །ལུས་ཀྱི་ཉེས་གསུམ་བྱང་བས་ན། །ལུས་ཀྱི་དྲི་མ་དག་པར་བཤད། །ཅེས་དང་། དཀྱིལ་འཁོར་མཐོང་བས་ཚོགས་ཀྱི་ལམ། །ཕྲེང་བས་མོས་སྤྱོད་སྦྱོར་ལམ་དག །ཆུ་དང་དབུ་རྒྱན་ས་དང་པོ། །མཐོང་ལམ་རྣམ་པར་དག་པར་གསུངས། རྡོ་རྗེ་དྲིལ་དང་བདག་པོ་ཡིས། །ས་གཉིས་པ་ནས་བརྒྱད་པའི་བར། །སྒོམ་ལམ་རྣམ་པར་དག་པར་བཤད། །ཅེས་དང་། དབང་རྫས་དག་གི་ཁྱད་པར་ནི། །མགོ་ལ་འདོགས་པའི་མེ་ཏོག་ཕྲེང་། །སྤྱི་བོར་དག་པའི་ཆུ་ཡིན་ནོ། །དེ་ཡང་བུམ་པའི་བྱེ་བྲག་ལས། །རིན་ཆེན་དང་ནི་ཐོད་སོགས་ཕྲེང་། །མགོ་ལ་བཅིངས་པའི་དབུ་རྒྱན་ཡིན། །དཔྲལ་བར་རིགས་དང་རྗེས་མཐུན་པའི། །རྟགས་ཀྱི་རྡོ་རྗེ་དེ་སྦྱིན་བྱ། །དྲིལ་བུ་ཁ་ཡི་ཐད་སྦྱིན་བྱ། །མིང་ལ་དབང་རྫས་དག་པའི་མཚན། །དམ་ཚིག་རྡོར་དྲིལ་ལག་ཏུ་སྦྱིན། །གསོར་བསིལ་སྒྲ་དང་བཅས་པའོ། །ཕྱག་རྒྱའི་བདག་པོས་ཕྱག་རྒྱར་བསྒོམ། །དབུགས་དབྱུང་བ་དང་ཡོན་ཏན་བརྗོད། །ལུང་བསྟན་པ་ལ་ཆོས་གོས་དབྱིབས། །ཕྱིར་མི་ལྡོག་ལ་དེ་ཉིད་བསྟན། །ཞེས་དང་། ཕྲེང་བ་ཡི་དམ་རྒྱལ་བའི་དབང་། །ཆུ་ཁམས་མི་བསྐྱོད་རྣམ་པར་དག །དབུ་རྒྱན་རིན་ཆེན་མཉམ་ཉིད་དེ། །རྡོ་རྗེ་ཀུན་རྟོག་འོད་དཔག་མེད། །དྲིལ་བུ་བྱ་གྲུབ་གདོན་མི་ཟ། །མིང་ནི་ཆོས་དབྱིངས་སྣང་མཛད་སྐུ། །རྡོ་རྗེ་བརྟུལ་ཞུགས་སེམས་དག་བྱེད། །དྲིལ་བུ་དག་ནི་རྣམ་དག་སྟེ། །ཕྱག་རྒྱ་དམ་ཚིག་ལུས་དག་པའོ། །ཡང་། རྡོ་རྗེ་ཐབས་ཀྱི་ངོ་བོ་སྟེ། །དྲིལ་བུ་དེ་བཞིན་ཤེས་རབ་སྦྱང་། །གཉིས་མེད་ཕྱག་རྒྱའི་དམ་ཚིག་འདོད། །ཅེས་དང་། གཉིས་པ་༢གསང་བ་བཤད་བྱ་སྟེ། །ཀྱེ་ཧོ་སྟོན་པ་རྡོ་རྗེ་འཛིན། །འདོད་ཆགས་ཆེན་པོའི་ཏིང་འཛིན་གྱིས། །འཁོར་རྣམས་བསྡུ་བ་རྣམས་མཛད་ནས། །ཡུམ་གྱི་གསང་བའི་དཀྱིལ་འཁོར་དུ། །གསང་བ་བྱང་ཆུབ་སེམས་དབང་བསྐུར། །དེ་ལྟར་དཔལ་འདུས་ལ་སོགས་པའི། །རྒྱུད་རྒྱལ་ཀུན་ལས་གྲགས་པ་རྣམས། གླེང་གཞི་ཞེས་སུ་རྣམ་པར་བཤད། །ཅེས་དང་། དཀར་དམར་སྤེལ་བ་ཕྲེང་བའི་དབང་། །ཤུ་ཀྲ་ཞེས་ཏེ་ཆུ་ཡི་དབང་། །ཚངས་སྒོར་མི་བསྐྱོད་དབུ་རྒྱན་དབང་། །ལྕེ་ལ་རྡོ་རྗེ་དེ་རྡོ་རྗེ། །རྡོར་བུམ་ཧཱུྃ་སྒྲ་དྲིལ་བུའི་དབང་། །ཨ་ཧོ་མུ་ཁ་མིང་གི་དབང་། །དམ་ཚིག་ལྕེས་ལེན་བརྟུལ་ཞུགས་དབང་། །བལྟ་བར་མི་བྱ་ལུང་བསྟན་དབང་། །ལོངས་སྤྱོད་རྩར་སྦྱར་ཕྱིར་མི་ལྡོག །བདེ་བས་བདེ་ཐབས་དབུགས་དབྱུང་བའོ། །ཞེས་དང་། ངག་གི་སྒྲིབ་པ་དེས་བྱང་ནས། །ངག་ནི་ཤིན་ཏུ་སྦྱངས་པ་སྟེ། །སངས་རྒྱས་ས་ནི་དང་པོ་ནོན། །ཞེས་དང་། གསང་བའི་དབང་ཡང་རིམ་བཞི་སྟེ། །རྡོ་རྗེ་དང་ནི་པདྨ་ནས། །དྲི་མེད་ཆུ་འབབ་བུམ་པའི་དབང་། །ཡང་ན་གང་གི་རིམ་དེ་ཉིད། །ཟླ་བ་ཉི་མ་ལྕེ་ལ་རེག །དེ་ནི་གསང་བ་གཉིས་པ་སྟེ། །བདེ་ཆེན་ལམ་སྦྱོང་གསུམ་པའོ། །ཐབས་དང་ཤེས་རབ་གཉིས་མེད་པ། །ཡེ་ཤེས་ཆེན་པོ་གཞི་པའོ། །ཞེས་དང་། །དེ་ནས་གསུམ་པ་བཤད་བྱ་སྟེ། །ཀྱེ་ཧོ་དཔལ་ལྡན་འདུས་སོགས་ལས། །སྔགས་ཀྱི་སྤྱོད་པ་སྤྱད་པའི་ཚེ། །འཁོར་གྱི་བྱང་ཆུབ་སེམས་དཔའ་རྣམས། །སྔགས་དང་དུས་དང་རྒྱལ་བ་ལས། །བསླངས་ཏེ་སྦས་པའི་དོན་སྟོན་པ། །དེ་ལྟ་བུ་ཡི་གླེང་གཞིའོ། །ཞེས་དང་། ཆགས་པའི་མཚན་ཉིད་ཕྲེང་བའི་དབང་། །ཆུ་འབྱུང་མཚན་ཁྲུས་ཆུ་ཡི་དབང་། །བྷག་ཙུམ་སྐྲ་བཟུང་དབུ་རྒྱན་དབང་། །པདྨར་རྡོར་བཅུག་རྡོ་རྗེའི་དབང་། །དེ་གཉིས་བསྐྱོད་པ་དྲིལ་བུའི་དབང་། །དམ་ཚིག་ཧ་སྐད་མིང་གི་དབང་། །དེ་དག་བརྟན་པ་སར་འབྱུང་བ། །བལྟས་པས་དགའ་བ་རྡོ་རྗེ་ཡི། །བརྟུལ་ཞུགས་དབང་དུ་དེ་བརྗོད་དོ། །བགད་པ་དྲིལ་བུའི་བརྟུལ་ཞུགས་སོ། །འཁྱུད་པ་དམ་ཚིག་ཕྱག་རྒྱ་ཡིན། །ཁ་ཕྲད་པ་ནི་དབུགས་བྱུང་བ། །དཀུ་རྩ་མཉེ་བ་ལུང་བསྟན་ཡིན། །པདྨར་བཙུམ་བྱས་ཕྱིར་མི་ལྡོག །ཅེས་དང་། སེམས་ཀྱི་སྒྲིབ་པ་ཀུན་བྱང་སྟེ། །ཐམས་ཅད་ཀུན་མཁྱེན་ཡེ་ཤེས་ལྡན། །སངས་རྒྱས་ས་གཉིས་ནོན་པ་སྟེ། །རྡོ་རྗེ་འཛིན་པའི་ས་ཞེས་ཟེར། །ཞེས་དང་། འབྲས་བུ་དགའ་བ་བཞི་བསྐྱེད་དེ། །ལྷ་སྦྱིན་བརྡ་འཕྲད་བུམ་པའི་དབང་། །དེ་ཡི་འབྲས་བུ་དགའ་བ་བསྐྱོད། །བྷག་ཙུམ་སྐྲ་བཟུང་དབུ་རྒྱན་དབང་། །དེ་ཡི་འབྲས་བུ་དགའ་བ་བསྐྱེད། །པདྨར་རྡོར་བཅུག་རྡོ་རྗེའི་དབང་། །དེ་ཡི་འབྲས་བུ་མཆོག་དགའ་བསྐྱེད། །རྡོ་རྗེ་དང་བསྐྱོད་དྲིལ་བུའི་དབང་། །དེ་འབྲས་ལྷན་ཅིག་དགའ་བ་བསྐྱེད། །དམ་ཚིག་ཧ་སྐད་མིང་གི་དབང་། །བདེ་བ་ཆེན་པོ་སྐྱེད་པར་བྱེད། །ངོ་བོ་འབྲས་བུ་དབྱེར་མེད་དོ། །ཞེས་དང་། རིམ་པ་ཐ་མ་བཤད་བྱ་སྟེ། །ཀྱེ་ཧོ་དཔལ་ལྡན་འདུས་སོགས་པར། །འཁོར་གྱི་བྱང་ཆུབ་སེམས་དཔའ་ཡི། །གསང་བའི་ཡི་གེ་མཐོང་བ་ཡི། །སྐལ་པ་བདག་ཉིད་མེད་ཅེས་དུས། །སྟོན་པ་ཡི་གེ་རྣམ་དག་ཅེས། །ཡི་གེ་ལས་དབེན་མཚན་ཉིད་གསུངས། །བཞི་པའི་གླེངས་གཞིར་ཤེས་པར་བྱ། །སངས་རྒྱས་རྣམས་ཀྱི་ཡེ་ཤེས་ནི། །བདེ་བར་གཤེགས་པའི་ཐུགས་ལ་གནས། །ཆོས་ཀུན་སེམས་ལ་གནས་བྱས་ཏེ། །སེམས་ནི་ཡེ་ནས་རྣམ་པར་དག །དེ་ཕྱིར་ཆོས་ཀུན་རྣམ་པར་དག །དེ་ནི་གནས་ཀྱི་བླ་མར་གསུངས། །དུས་གསུམ་གཅིག་སྟེ་ཁྱད་མེད་ཅིང་། །གང་དུ་དུས་གསུམ་དབྱེར་མེད་པ། །དེ་ནི་བླང་དོར་མེད་པའི་དུས། །མཆོག་ནི་བླ་མ་དེ་རབ་གསུངས། །སློབ་དཔོན་མ་མཐོང་སེམས་ཉིད་མཐོང་། །རང་སེམས་བླ་མར་སྣང་བའི་ཕྱིར། །ཀུན་གྱི་སློབ་དཔོན་སྐལ་པ་བཟང་། །གཉིས་མེད་སློབ་དཔོན་དམ་པའོ། །འགྲོ་ཀུན་དབྱིངས་ལས་སྐྱེས་པས་ན། །རྡོ་རྗེ་སེམས་དཔའི་སྤུན་ཡིན་ཏེ། །བསམ་གྱིས་མི་ཁྱབ་ཡུལ་སློབ་པ། །རྒྱལ་བའི་སྲས་ཀྱི་དམ་པར་བཤད། །སངས་རྒྱས་ཀུན་གྱི་བྱང་ཆུབ་སེམས། །བླ་ན་མེད་པར་ཐུགས་ཆུད་པ། །གཉིས་སུ་མེད་པའི་ཡེ་ཤེས་གང་། །དེ་ནི་དཀྱིལ་འཁོར་སྙིང་པོར་གསུངས། །འདི་ཡི་གཞུང་ཐོས་མིག་ཕྱེ་བ། །དཀྱིལ་འཁོར་མཐོང་བ་དོན་རྟོགས་ཡིན། །རྟོགས་ནས་གོམས་བྱེད་འཇུག་པ་སྟེ། །མངོན་དུ་གྱུར་པ་དངོས་གྲུབ་ཡིན། །གཉིས་མེད་ཡེ་ཤེས་དབང་འགྱུར་བས། །མྱ་ངན་འདས་པ་འཁོར་བ་ལ། །ཇི་ལྟར་འདོད་པར་དབང་བསྒྱུར་བས། །རིག་པ་རང་དབང་མཆོག་ཏུ་བཤད། །འདི་དབང་ཐོབ་པའི་རྣལ་འབྱོར་ནི། །བསྒྱུར་བའི་དབང་ལ་ཐོགས་པ་མེད། །ཇི་སྙེད་ཐེག་པ་རབ་འབྱམས་ཀྱི། །དབང་བསྐུར་རྣམ་གྲངས་ཇི་སྙེད་ཀུན། །གསང་བའི་དབང་དུ་གསུངས་པ་ཡི། །ཡང་དག་པ་ཡི་གྲངས་ལས་འདས། །མཉམ་པ་ཡེ་ཤེས་ཆེན་པོ་ཉིད། །གཅིག་དང་དུ་མ་ལས་གྲོལ་ཕྱིར། །གནས་དང་གནས་མིན་དམིགས་དབྱེ་མེད། །སྒོ་གསུམ་དབྱེ་བ་རྡུལ་ཙམ་མེད། །གཉིས་མེད་ཡེ་ཤེས་ཆེན་པོ་ལས། །སྒྱུ་འཕྲུལ་བྲལ་བ་མི་འགོགས་ཕྱིར། །ཐབས་དང་ཐབས་བྱུང་ཐབས་བསམ་ཡས། །ཐབས་ཀྱི་ནང་ནས་མཆོག་ཏུ་གསུངས། །རང་རིག་ཡེ་ཤེས་རྒྱལ་བ་ཉིད། །ཁམས་གསུམ་འཁོར་བ་ཉིད་ཡིན་ཕྱིར། །འདི་ལ་སྒྲིབ་དང་མི་སྒྲིབ་ཅེས། །མཉམ་པའི་རྒྱལ་པོས་ཡོངས་མ་གསུངས། །སྒྲིབ་པ་ཉིད་ནི་བྱང་ཆུབ་ལ། །འཁོར་བ་ཉིད་ནི་མྱ་ངན་འདས། །དབྱེ་བ་མེད་པའི་ས་མཆོག་གིས། །ས་ཡི་ཁྱད་པར་ཟིལ་གྱིས་ནོན། །ཐམས་ཅད་ས་ཉིད་ཡེ་ཤེས་དང་། །བརྗོད་པའི་ཐ་སྙད་ཡུལ་ལས་འདས། །རང་བཞིན་གྱིས་ནི་འོད་གསལ་ཞིང་། །རྫོགས་པ་ཆེན་པོའི་མཐར་ཐུག་པ། །མན་ངག་ཀུན་གྱི་མཆོག་གི་མཆོག །དེ་སྒྲུབ་ཐབས་དང་གསུངས་པར་ཟད། །དཔེར་ན་གླང་པོ་རྙེད་གྱུར་མ། །གླང་པོའི་རྗེས་ནི་མི་བཙལ་ལྟར། །རང་རིག་ཡེ་ཤེས་མངོན་སུམ་ན། །མཚན་མའི་རྟགས་ནི་འཁྲུལ་པའི་གཞི། །ཡང་དག་དོན་ནི་བརྡ་ལས་འདས། །མཚོན་པར་བྱ་བའི་ཡུལ་མིན་ཡང་། །འཛུབ་མོས་ཟླ་བ་བསྟན་པ་ལྟར། །བརྡ་ཡི་སྒོ་ནས་འཇུག་པ་ཡིན། །སྣང་དང་སྲིད་པ་ཇི་སྙེད་པ། །སྐུ་གསུང་ཐུགས་ཀྱི་རྫས་ཡིན་པས། །ལྷག་པར་སྤངས་ན་བླང་དང་བྲལ། །ཡེ་ཤེས་རྗེས་ཀུན་ལས་གྲོལ་བཤད། །རང་གི་དོན་ལ་མངོན་སུམ་ན། །རང་རིག་ཁོ་ན་ཙམ་དུ་ཟད། །རང་རིག་དེ་ཡང་འདི་སྙམ་ཞེས། །བརྗོད་པའི་ཐ་སྙད་རྣམས་དང་བྲལ། །འདི་ནི་དགོངས་པའི་མཆོག་ཏུ་གསུངས། །རིག་པ་རང་དབང་གྱུར་པ་ནི། །སྲིད་པ་གསུམ་ན་འགྲན་ཟླ་མེད། །འོག་མ་རྣམས་ཀྱི་གཉེན་པོར་ཆེ། །ནུས་པ་མང་པོའི་བྱེ་བྲག་ལྡན། །རྒྱུ་དང་འབྲས་བུ་དབྱེར་མེད་པས། །རྒྱུ་འབྲས་ཐ་སྙད་ཡོངས་ཀྱིས་བྲལ། །རྒྱུ་ཡི་ནང་ནའང་མཆོག་ཡིན་ཏེ། །འབྲས་བུའི་ནང་ནའང་དེ་མཆོག་གོ །དབང་གསུམ་བྱེ་བྲག་ལས་གྲོལ་ཕྱིར། །བཞི་བའི་དབང་ཞེས་གྲགས་པ་སྟེ། །རྒྱལ་བ་རྣམས་ཀྱི་ཐུགས་ཀྱི་གསང་། །ཐམས་ཅད་མཁྱེན་པར་འདིར་བརྗོད་དོ། །འོན་ཀྱང་ཀུན་མཁྱེན་མ་ཐོབ་པར། །དེ་ཉིད་ཉེ་བར་ཡང་མི་འགྱུར། །འོན་ཀྱང་འདི་ཡི་དབྱེ་བ་ཡིས། །དེ་ཉིད་ཐོབ་བྱའི་གནས་སུ་འགྱུར། །དེ་ལས་རིམ་པ་མཆོག་ཡིན་པས། །སྒྲུབ་པོ་རྣམས་ཀྱིས་ནན་ཏན་བྱའོ། །སློབ་དཔོན་རྣམས་ནི་མ་མཉེས་ཤིང་། །དབང་རྣམས་རིམ་གྱིས་མ་བགྲོད་པར། །སྔགས་སྤྱོད་སྒྲུབ་པ་རྩོམ་བྱེད་ན། །དེ་འབྲས་མེད་ཅིང་ངན་སོང་ལྟུང་། །ཞེས་དང་། །གང་ཞིག་དབང་གི་རིམ་པ་ནི། །བླ་མ་གཞན་ལས་རྫོགས་བླངས་ལ། །མན་ངག་གི་ནི་རིམ་པ་ནི། །བླ་མ་གཞན་ལས་བླང་དུ་རུང་། །དབང་དང་མན་ངག་མ་བགྲོད་པར། །གླེགས་བམ་ལ་བརྟེན་ཤེས་རབ་ཀྱིས། །གང་ཞིག་མན་ངག་རིམ་རྙེད་ན། །དེ་ནི་སྔོན་སྦྱངས་འཕྲོ་ཅན་ནོ། །དེས་ཀྱང་བླ་མ་དག་པ་ལ། །དབང་གི་རིམ་པ་བགྲོད་པ་གཅེས། །ཞེས་དང་། དེ་ནས་བུམ་པའི་དབང་ལ་ཡང་། །དབང་རྣམས་བཞིར་ནི་ངོས་གསུངས་ཏེ། །བུམ་པའི་བུམ་པ་ཐུན་མོང་སྟེ། །གསང་དབང་ཁྱད་པར་གུས་པའོ། །ཤེས་རབ་ཡེ་ཤེས་སྦས་པ་གཉིས། །དེ་ལྟར་རྣམ་གསུམ་བུམ་པ་ཡང་། །ཡོད་མེད་མཐའ་ལས་ཡང་དག་གྲོལ། །བུམ་པའི་དབང་ནི་བཞི་པ་ཡིན། །ཞེས་དང་། ཤ་མིག་དག་འགྱུར་སྔ་ལྟས་སུ། །ཅི་མཐོང་འདྲི་བའི་ཆོ་ག་བྱ། །ཞེས་དང་། ནུས་པའི་ཚད་ནི་རྣམ་པ་ལྔ། །དྲི་མ་འཁྲུད་དང་སྒྲིབ་སྦྱོང་དང་། །ལས་བྱེད་པ་དང་འབྲས་བུ་ལ། །མངོན་དུ་ཕྱོགས་དང་བདུད་བཞི་ནི། །འཇོམས་པའི་ནུས་པས་བརྗོད་པ་སྟེ། །ཕྲེང་བས་མ་དག་དྲི་མ་དང་། །མོས་པའི་སྤྱོད་པས་སྒྲིབ་པ་འཁྲུ། །འདོད་ལྷ་མཉེས་པའི་ལས་ཡིན་ཏེ། །འབྲས་བུ་མཐོང་བའི་ལམ་ལ་ཕྱོགས། །ཡི་དམ་དངོས་གྲུབ་ཉེ་བ་ཡིན། །གཟུང་འཛིན་ཕུང་པོའི་བདུད་རྣམས་བཅོམ། །ཆུ་དང་དབུ་རྒྱན་གྱི་ནུས་པས། །འཁོར་འདས་དྲི་མ་རྣམ་གཉིས་འཁྲུ། །ས་ནི་དང་པོའི་སྒྲིབ་པ་དག །ལས་ནི་རྡོ་རྗེ་རིན་ཆེན་གྱིས། །རིགས་ཀྱི་ང་རྒྱལ་བྱེད་པ་ཡིན། །འབྲས་བུ་སྒོམ་ལམ་ཕྱོགས་པ་དང་། །རྡོ་རྗེ་དང་ནི་རིན་ཆེན་གྱིས། །ཐུན་མོང་དངོས་གྲུབ་གྲུབ་པ་ཡིན། །ཉོན་མོངས་པ་ཡི་བདུད་རྣམས་བཅོམ། །རྡོ་རྗེ་དྲིལ་བུ་བདག་པོ་ཡིས། །གཡེང་བ་ལྔ་ཡི་དྲི་མ་འཁྲུ། །ས་གཉིས་པ་ནས་བརྒྱད་པ་ཡི། །བར་གྱི་སྒྲིབ་པ་སྦྱངས་བ་ཡིན། །པདྨ་ལས་དང་སངས་རྒྱས་ཀྱི། །རིགས་ཀྱི་ང་རྒྱལ་ལས་བྱེད་ཡིན། །འབྲས་བུ་མཐར་ཕྱིན་ལ་ཕྱོགས་ཤིང་། །གསུམ་པོའི་ཐུན་མོང་གྲུབ་པ་ཡིན། །འཆི་བདག་བདུད་བཅོམ་ཚེ་ལ་དབང་། །བརྟན་བྱེད་དབང་གི་རིམ་པ་ཡིས། །གཡེང་བ་ཕྲ་མོའི་བག་ཆགས་འཁྲུ། །ལས་ནི་བརྟན་པར་བྱེད་པ་སྟེ། །བརྟུལ་ཞུགས་ཀྱི་ནི་མེ་ཏོག་བསྟན། །ཆུ་དང་དབུ་རྒྱན་དམ་ཚིག་གིས། །བུམ་པ་བརྟན་པར་བཀའ་སྩལ་གྱི། །རྡོ་རྗེ་དྲིལ་བུའི་ལུང་བསྟན་གྱིས། །དབུགས་དབྱུང་བས་ནི་བདག་པོའོ། །ཡང་ན་ཀུན་གྱི་ཐམས་ཅད་དོ། །སངས་རྒྱས་ས་ལ་མངོན་ཕྱོགས་དང་། །དངོས་གྲུབ་བརྟན་བྱེད་འབྲས་བུའོ། །ལྷ་ཡི་བདུད་བཅོམ་བུམ་པ་ཡིན། །ཞེས་དང་། ནུས་པའི་ཚད་ཀྱང་དེ་བཞིན་དུ། །ཇི་སྙེད་ངག་གི་དྲི་མ་འཁྲུ། །བུདྡྷའི་སར་སྒྲིབ་ཤིན་ཏུ་དག །ཤེས་རབ་ཐབས་ཀྱི་ང་རྒྱལ་བྱེད། །ཆོས་ཀུན་རོ་གཅིག་མཚོན་པར་ནུས། །སངས་རྒྱས་པ་ནི་མངོན་དུ་ཐོབ། །ཐབས་ཀྱི་ཕྱག་རྒྱས་ཕུང་པོ་འཇོམས། །ཉོན་མོངས་ཤེས་རབ་མ་ཡིན་ཏེ། །འཆི་བདག་གཉིས་སུ་མེད་པ་ཡིས། །སེམས་འཕྲོས་པས་ནི་ལྷ་ཡི་བདུད། །འཇོམས་པ་གསང་བའི་ནུས་པའི་ཚད། །ཅེས་དང་། འདི་ལ་ཡང་ནི་དབང་བཞི་ཚང་། །ལྷ་སྦྱིན་བརྡ་ཕྲད་ལ་སོགས་པ། །བུམ་པའི་དབང་དུ་འདོད་པ་ཡིས། །པད་དང་རྡོ་རྗེ་ཕྲད་པ་སོགས། །གསུམ་པའི་གསང་བའི་དབང་ཡིན་ནོ། །ཞུ་སྟེ་བདེ་བ་བབས་པ་ནི། །གསུམ་པ་ཡི་ནི་གསུམ་པ་ཡི། །དགའ་བྱེད་བདེ་བྱེད་བཞི་པར་འདོད། དེ་ནི་གསུམ་པའི་བཞི་པར་འདོད། །དེ་ནི་གསུམ་པའི་རྣམ་གྲངས་ཡིན། ཞེས་དང་། །ནུས་པའི་ཚད་ཀྱང་དེ་བཞིན་ཏེ། །དེས་ནི་སེམས་ཀྱི་དྲི་མ་འཁྲུ། །རྡོ་རྗེ་འཛིན་པའི་སྒྲིབ་པ་དག །ཕྱག་རྒྱ་བརྟེན་པའི་ལས་དང་ནི། །བདེ་སྐྱིད་ཐོབ་པར་ནུས་པ་ཡིན། །འབྲས་བུ་རྡོ་རྗེ་འཛིན་པ་སྟེ། །རང་གི་རིག་པས་རིག་པ་འཛིན། །བདེ་ཆེན་ཉོན་མོངས་བདུད་བཅོམ་སྟེ། །ལོངས་སྤྱོད་གནས་སུ་ཕུང་པོའི་བདུད། །དྷརྨ་ཙཀྲར་ལྷ་བདུད་བཅོམ། །སྤྲུལ་པར་འཆི་བདག་བདུད་བཅོམ་སྟེ། །དགའ་བཞིས་བདུད་བཞི་རྣམ་པར་འཇོམས། །དམ་ཚིག་འཁོར་ལོ་ཕུང་པོ་འཇོམས། །པདྨར་རྡོར་བཅུག་ཉོན་མོངས་འཇོམས། །རྡོ་རྗེ་དང་བསྐྱོད་ལྷ་བདུད་འཇོམས། །བདེ་བ་འབེབས་པས་འཆི་བདག་འཇོམས། །ཞེས་གསུངས་ཏེ། འདི་ནི་སློབ་དཔོན་ཨིནྡྲ་བྷཱུ་ཏིས་མཛད་པ་དེའོ།། །། ༈

སློབ་དཔོན་ལ་ཀྵྨཱི་ཀཱ་རས་མཛད་པའི་རྩ་ལྟུང་འགྲེལ་པར། བྱང་ཆུབ་སེམས་དེར་བདེ་གཤེགས་བཀའ་ལས་འདས། །བྱམས་སྤོངས་ཐེག་གསུམ་སྨོད་དང་ཆོས་ཡིད་རྣམས། །ཐུགས་ཀྱིའོ། །སློབ་དཔོན་བརྙས་དང་ལྷ་ཉིད་ཕུང་པོ་སྨོད། །དམ་ཚིག་མི་བསྟེན་ཤེས་རབ་སྨོད་པ་རྣམས། །སྐུའིའོ། །མི་བསྔགས་བརྗོད་དང་དད་ལྡན་སེམས་སུན་འབྱིན། །གདུགས་ལ་ཆགས་བྲལ་ཆོས་གཉིས་གསང་བ་སྟོན། །གསུང་གིའོ། །ཞེས་དང་། ཉན་ཐོས་རྣམས་ཀྱི་ལུས་ངག་གཙོ་བོར་གྱུར་པའི་སྤང་བྱ་བདུན་གྱི་མཚན་ཉིད་དང་། །བྱང་ཆུབ་སེམས་དཔའི་སྙིང་རྗེ་གཙོ་བོར་གྱུར་པའི་སྤང་བྱ་བཅུ་ཡི་མཚན་ཉིད་དང་། །གསང་སྔགས་རྣལ་འབྱོར་ཆེན་པོའི་ཐབས་དང་ཤེས་རབ་གཙོ་བོར་གྱུར་པའི་སྤང་བྱ་བཅུ་བཞིའི་མཚན་ཉིད་དང་། ཞེས་སོ།། །། ༈ ཇོ་བོ་རྗེས་རྩ་ལྟུང་འགྲེལ་པ་ལས། །དེ་ལ་ལྟུང་བ་དང་པོ་གཉིས་པའི་ངོ་བོ་རྒྱུ་གཅིག་སྟེ། བླ་མ་ལ་བརྙས་ཤིང་བདེ་བར་གཤེགས་པའི་བཀའ་ལས་འདས་པ་སྟེ། དེ་ཡང་། །བླ་མ་དང་ནི་རྡོ་རྗེ་འཛིན། །ཐ་དད་པར་ནི་མི་བརྟག་གོ། །ཞེས་གསུངས་པའི་ཕྱིར་རོ། །ཞེས་དང་། སྤུན་ལ་ཉེས་པ་བརྗོད་པ་དང་། བྱམས་པ་སྤངས་པ་གཉིས་ལྟུང་བའི་ངོ་བོ་གཅིག་ལ། འབྱུང་བའི་རྒྱུ་ཡང་གཅིག་སྟེ། དེའི་རྒྱུ་ནི་སྔོན་དུ་ཐུན་མོང་གི་ལམ་བྱམས་སྙིང་རྗེ་མ་སྦྱངས་པས་སེམས་ཅན་ལ་ཕན་འདོད་པ་དང་། གཅེས་པར་འཛིན་པའི་བློ་མེད་པ་དེའི་དབང་གིས་གནོད་ཅིང་སྨོད་པ་ལ་སོགས་པའི་རྐྱེན་ཕྲ་མོ་མི་བཟོད་དེ། དེའི་ཕྱིར་སྤུན་ལ་ཉེས་པ་བརྗོད་ཅིང་སེམས་ཅན་ལ་བྱམས་པ་སྤངས་པས་དེས་དེ་གཉིས་ངོ་བོ་གཅིག་སྟེ་གཞན་ལ་གནོད་པར་འདྲ་བས་སོ། །ཞེས་དང་། བྱང་ཆུབ་ཀྱི་སེམས་སྤོང་བ་དང་གྲུབ་པའི་མཐའ་སྤངས་པ་གཉིས་རྒྱུ་དང་ངོ་བོ་གཅིག་སྟེ། རྒྱུ་ནི་བྱམས་པ་དང་སྙིང་རྗེའི་སྟོབས་ཀྱིས་བྱང་ཆུབ་སེམས་བརྟན་པར་མ་བྱས་པར་བླངས་སུ་ཟིན་ཡང་མི་བརྟན་ཏེ། ཞེས་སོགས་དང་། གསང་བ་སྒྲོགས་པ་དང་ཕུང་པོ་སྨོད་པ་གཉིས་རྒྱུ་དང་ངོ་བོ་གཅིག་སྟེ། རིམ་གྱིས་མ་སྦྱངས་པའི་ཕྱིར་སྣོད་དུ་མ་གྱུར་པ་ལ་གསང་བའི་དོན་གྲུབ་པར་གནས་པའི་དོན་ལྟ་བ་རྣམ་པ་གཉིས་ལ་སོགས་པ་བསྟན་པས་ཕུང་པོ་ལྷའི་བདག་ཉིད་ལ་སོགས་པ་བསྐྱེད་པའི་གོ་རིམ་སྤངས་པས་རྒྱུ་དང་ངོ་བོ་གཅིག་གོ །ཞེས་དང་། ཆོས་ལ་ཡིད་གཉིས་ཟ་བ་དང་། གདུག་ལ་བྱམས་སེམས་གཉིས་རྒྱུ་དང་ངོ་བོ་གཅིག་སྟེ། །དེ་ཡང་སེམས་ཅན་ཐམས་ཅད་རང་བཞིན་གྱིས་དག་པ་འོད་གསལ་དང་ཟུང་དུ་འཇུག་པའི་རང་བཞིན་དུ་གཅིག་པས་ཐེ་ཚོམ་ཟ་སྟེ། འཁོར་བ་དང་ཞི་བའི་ཕྱག་རྒྱ་ཆེན་པོ་ཟུང་དུ་མ་རྟོགས་པའི་དབང་གིས་གདུག་པ་ཅན་གནོད་ཅིང་དམོད་པ་ལ་སོགས་པའི་བྱང་ཆུབ་ཀྱི་རྟེན་དུ་དབྱུག་པ་བརྡེག་པ་ལ་སོགས་པ་དྲག་ཤུལ་གྱི་སྦྱོར་བས་ཕན་པ་མ་ཡིན་པར་བསྒྲུབས་པས་རྒྱུ་དང་ངོ་བོ་གཅིག་གོ། །མིང་སོགས་བྲལ་བའི་ཆོས་ལ་དེར་རྟོགས་པ་དང་། དད་ལྡན་སེམས་སུན་འབྱིན་པ་རྒྱུ་དང་ངོ་བོ་གཅིག་སྟེ། མིང་ལ་སོགས་པ་བྲལ་བ་ནི་གྲུབ་པའི་གནས་པའི་དོན་ནམ་མཁའ་ལྟ་བུའི་རང་བཞིན་འོད་གསལ་བ་ལ་དངོས་པོ་མཚན་མར་བརྟགས་པའི་རྒྱུས་དེ་ལ་དད་པའི་སེམས་ཅན་དབང་པོ་རབ་དང་ལྡན་པ་རྣམས་སུན་འབྱིན་ཏེ། མ་ཞུགས་པ་ལ་མི་འཇུག་ལ། ཞུགས་པ་བཟློག་ཅིང་བརྟན་པར་མི་བྱེད་པས་སོ། །དམ་ཚིག་མི་བསྟེན་པ་དང་ཤེས་རབ་སྨོད་པ་གཉིས་ཀྱང་། བདུད་རྩི་ལྔ་ལ་སོགས་པའི་དམ་ཚིག་མི་བསྟེན་པ་ནི་ཤེས་རབ་སྨོད་པའི་རྒྱུ་ཡིན་ཏེ། དེ་ལ་སྨོད་པ་ཉིད་དེ་སྤོང་བའི་རྒྱུའོ། །ཞེས་སོ། །གཞན་ཡང་། དེ་ལྟར་བཅུ་བཞི་པོ་བསྡུ་ན་གསུམ་སྟེ། ཐུན་མོང་གི་བྱང་ཆུབ་ཀྱི་སེམས་མི་ཉམས་པར་བྱེད་པ་དང་། ཁྱད་པར་བྱང་ཆུབ་སེམས་མི་ཉམས་པར་བྱེད་པ་དང་། དེ་གཉིས་ཀ་མི་ཉམས་པར་བྱེད་པའོ། །ཞེས་གསུངས་ཏེ། དང་པོ་ནི། སྤུན་ལ། བྱམས་སྤོང་། བྱང་སེམས་འདོར་བ། གྲུབ་མཐའ་སྨོད་པ། གདུག་ལ་བྱམས་སྤོང་ལྔ་དང་། ལྷག་མ་ནི་གཉིས་པ་དང་། དང་པོ་གཉིས་ནི་གསུམ་པར་བཤད་དོ། །ཡང་། དེ་ནི་ལྟ་སྒོམ་སྤྱོད་གསུམ་གྱི་རང་བཞིན་ཡང་ཡིན་ཏེ། ཆོས་ལ་ཡིད་གཉིས་དང་། མིང་སོགས་བྲལ་ལ་དེར་རྟོག་སྤངས་པ་ལྟ་བ་རྣམ་གཉིས་རྟོགས་པའོ། །དང་པོ་དང་གཉིས་པ་དང་གསུམ་པ་དང་བཞི་པ་དང་ལྔ་པ་དང་དྲུག་པ་དང་བདུན་པ་དང་བརྒྱད་པ་དང་བཅུ་པའི་དགུ་སྤངས་བས་སྒོམ་པའི་མན་ངག་དང་། སེམས་སུན་འབྱིན་པ་དང་། དམ་ཚིག་མི་བསྟེན་པ་དང་། ཤེས་རབ་སྨོད་པ་གསུམ་གྱིས་དགུ་སྤངས་ཤིང་སྦྱངས་པས་སྤྱོད་པའོ། །ཞེས་སོ།། །། ༈

སློབ་དཔོན་འཇམ་དཔལ་གྲགས་པས་མཛད་པའི་རྩ་ལྟུང་རྒྱ་ཆེར་འགྲེལ་ལས། སངས་རྒྱས་ཡེ་ཤེས་ཞབས་ཀྱི་གསུང་དྲངས་པ། །རྣལ་འབྱོར་བཞི་པའི་ཆོ་ག་དང་། །སྣང་སྲིད་སྒྱུ་མའི་སྦྱོར་བ་ཡིས། །འགྲོ་འཆག་ཉལ་དང་འདུག་པ་རྣམས། །སྐུ་གསུང་ཐུགས་ཀྱི་མཛད་པའོ། །བྱེད་དང་སྨྲ་དང་སྤྱོད་པ་རྣམས། །བྷ་ག་ལས་ནི་གཡེང་མི་བྱ། །ཟས་ནི་བདུད་རྩིར་རབ་དམིགས་ལ། །ཐ་དད་མེད་པའི་དཀྱིལ་འཁོར་དུ། །ཕྱི་ཡི་སྦྱིན་སྲེག་ཚུལ་དུ་ནི། །རྟག་ཏུ་ཚོགས་ཀྱི་མཆོད་པ་བྱ། །འགྲོ་བ་རང་བཞིན་དག་པ་ཡིས། །དབང་བསྐུར་བ་ཡི་ཆོ་ག་ནི། །ཕྱི་ཡི་ཆུས་ཀྱང་བཀྲུ་བར་བྱ། །ཉལ་ན་ཤེས་རབ་སྙིང་རྗེས་ཉལ། །ལྡང་ན་དཔལ་ལྡན་གླུ་ཡིས་བསྐུལ། །ཐམས་ཅད་རང་བཞིན་དག་པ་ཡིས། །དག་པའི་ལྷ་དང་གནས་སུ་སྣང་། །སེམས་ཉིད་ཅིར་ཡང་སྣང་བའི་ཕྱིར། །བདེ་སྡུག་མཐའ་ལས་རྣམ་པར་གྲོལ། །ཞེས་དང་། སྒྱུ་འཕྲུལ་དྲྭ་བ་ལས་དྲངས་པ་དེ་བཞིན་འཁོར་བའི་ཕ་རོལ་གྱི། །ཆོས་ཀྱི་ལམ་ནི་བསྐྱེད་པས་ནས། །ཆོས་དང་ཆོས་མིན་རྣམ་སྤངས་ལ། །བྱང་ཆུབ་བདེ་བ་འཐོབ་པ་བཞིན། །དེ་བཞིན་རྣམ་རྟོག་དྲྭ་སྤངས་ལ། །ཤིན་ཏུ་ཟབ་མོའི་ཆོས་སྤེལ་ཏེ། །དེ་བཞིན་གཤེགས་པས་གསུངས་ལམ་ལ། །སྔགས་རིག་རྣམ་རྟོག་མ་བྱེད་ཅིག །ཅེས་དང་། འདི་ཡི་སྤྱོད་པ་ལ་གནས་པས། །སྤྲོས་བཅས་མེད་ཅིང་མཉམ་བདག་མེད། །བྱ་དང་བྱེད་དང་རྩོལ་ལས་འདས། །དག་དང་མ་དག་དངོས་པོ་རྣམས། །སྒྱུ་མ་བཞིན་དུ་དངོས་མེད་པར། །བརྟག་པས་དབེན་པས་བླང་དོར་མེད། །འདོད་ཆགས་ལ་སོགས་མི་སྤངས་ཏེ། །གཞན་གྱི་སངས་རྒྱས་སྒྲུབ་མི་བྱེད། །ཡོད་མེད་རྟག་ཆད་མཐའ་ལས་འདས། །ཁ་དོག་དབྱིབས་མེད་ལུས་ངག་མེད། །སྲོག་རྩོལ་རིམ་དང་གཅིག་ཅར་སྤངས། །ཡི་གེ་མཚན་མ་ཕྱག་རྒྱ་མེད། །ཕྱོགས་བཅུ་གང་ལའང་གནས་མི་བྱེད། །གཟུང་འཛིན་རྣམ་རྟོག་ཡུལ་ལས་འདས། །དམ་ཚིག་སྡོམ་པ་དཀྱིལ་འཁོར་མེད། །དེ་ཉིད་བཅུ་ལ་རྣམ་མི་རྟོག །བསྒོམ་བྱ་སྒོམ་བྱེད་བསྒོམས་པ་མེད། །སངས་རྒྱས་སེམས་ཅན་བདག་རྩོལ་བྲལ། །རྒྱུ་འབྲས་ལམ་ལ་སོགས་པ་སྤངས། །རྒྱུ་དང་མི་རྒྱུའི་དངོས་རྣམས་ལ། །ནམ་མཁའ་བཞིན་དུ་རྟོག་མི་བྱེད། །མཆོད་རྟེན་གླེགས་བམ་ལ་སོགས་སྤངས། །བདུད་དང་དངོས་གྲུབ་གཉིས་སུ་མེད། །རང་རིག་ཤེས་བརྗོད་ཡུལ་ལས་འདས། །སྦྲ་དང་བརྡ་དང་དབང་པོ་ཡིས། །འདི་ལ་བསྟན་བྱ་རྡུལ་ཡང་མེད། །རྟོག་གེའི་སྤྱོད་ལས་འདས་པ་སྟེ། །དམ་པའི་རྗེས་འབྲང་རང་གིས་རིག །མཐོང་བ་མེད་པའི་དམ་པ་མཐོང་། །རྗེས་སུ་ཤེས་པ་སྒྱུ་མ་བཞིན། །རབ་མཐའི་ཤེས་པ་རྟོགས་གོམས་པས། །རྟོག་མེད་གཞན་དོན་ནོར་བུ་བཞིན། །སྐུ་གསུམ་ཡེ་ཤེས་ལྔ་ལ་སོགས། །ཐུབ་པའི་ཡོན་ཏན་དཔག་བསམ་ཤིང་། །སྟོན་དུས་སྐད་ཅིག་གིས་རྫོགས་ལྟར། །དེ་ཕྱིར་དེ་ལ་གསང་བ་འདུས། །བཞི་པའི་དབང་གིས་རབ་ཏུ་རྒྱན། །དེ་ཉིད་དཔལ་མཆོག་དང་པོ་སྟེ། །རྡོ་རྗེ་སེམས་དཔའ་མཐར་ཕྱིན་ལམ། ཞེས་བཤད་པའི་ཕྱིར་འདི་ནི་མཐར་ཕྱིན་པའི་སྤྱོད་པ་སྟེ། མཉམ་པར་བཞག་པའི་སྤྱོད་པ་ཆེན་པོའོ། །ཞེས་དང་། ལྷ་དང་དྲང་སྲོང་བདེན་པའི་ངག །གང་ལ་སྦྱོར་བའི་ནུས་པ་ཡང་། །བསླུ་བར་བྱེད་པ་མ་མཐོང་ན། །ཡེ་ཤེས་ཆགས་པ་མི་མངའ་བའི། །སྨོན་ལམ་སྙིང་རྗེས་གཞན་དོན་འཇུག །ཐམས་ཅད་མཁྱེན་པས་སྨོས་ཅི་དགོས། ཞེས་དང་། །རྣམ་ཤེས་འཕོ་བ་ནི་རྣལ་འབྱོར་པ་འཆི་བ་ཤེས་རབ་ཀྱི་ཕ་རོལ་ཏུ་ཕྱིན་པའོ། །འཆི་བའི་ཚེ་བདེན་པ་གཉིས་ཀྱི་ཚུལ་གྱིས་སྒྱུ་མའི་བློ་དང་ལྡན་པས་ཆགས་སྡང་ལ་སོགས་པ་མེད་པས་དཀྱིལ་འཁོར་གསལ་བར་བྱས་ལ་དྲི་མ་ལས་ལྡང་བ་སྔོན་དུ་འགྲོ་བས། སྲོག་འཕྲོག་པའི་རིམ་པས་དཀྱིལ་འཁོར་གྱི་འཁོར་ལོ་བསྡུས་ཏེ། རང་གི་ཡེ་ཤེས་དང་མི་གཉིས་པར་བྱས་ཏེ། འོད་ཟེར་གྱིས་ཁམས་གསུམ་དག་པར་བྱས་ལ་དཀྱིལ་འཁོར་ལ་བལྟས་ཏེ། ཐབས་དང་ཤེས་རབ་ཀྱི་དབུས་སུ་རང་གི་ཡི་གེར་བསྡུས་ལ། རང་གི་དེ་ཉིད་ཀྱི་ཐུགས་ཀར་འོད་ཟེར་དང་བཅས་པས་འཇུག་པར་བྱའོ། །གཞན་དུ་ན་ཉེས་པ་དང་བཅས་པའོ། །ཞེས་སོ། །གཞན་ཡང་ཚུལ་འདི་ལ་ཟབ་ཅིང་རྒྱ་ཆེ་བའི་ལེགས་བཤད་རྨད་དུ་བྱུང་བ་དུ་མ་ཡོད་ཀྱང་འབྲིར་མ་ལྡང་སྟེ་རྟོགས་པར་འདོད་པ་རྣམས་ཀྱིས་ནན་ཏན་དུ་བལྟ་ཞིང་བཟུང་ནས་སྤེལ་བར་བྱའོ།། །། ༈

ཡང་དེས་མཛད་པའི་གསལ་བ་ཐམས་ཅད་སྤྱིའི་ཆོ་ག་སྙིང་པོ་རྒྱན་ལས། །རྩོད་པའི་དུས་ནི་འདི་ཉིད་ན། །རྣམ་རྒྱས་ཉོན་མོངས་དབང་གིས་ནི། །སློབ་དཔོན་སྐྱོན་ལས་ཡོན་ཏན་དག །ཤས་ཆེར་གྱུར་པ་རྣམ་པར་བཟུང་། །ཞེས་དང་། དེ་ཉིད་བཅུ་ནི་ཤེས་གྱུར་པའི། །བརྟུལ་ཞུགས་འཛིན་པ་ཡོན་གནས་སུ། །དབང་བསྐུར་རབ་གནས་སྦྱིན་སྲེག་དང་། །ཚོགས་ཀྱི་འཁོར་ལོ་སོགས་དཔོན་དུ། །གོས་དཀར་ཅན་ནི་མི་དགའོ། །ཞེས་དང་། ཉིན་མཚན་ཀུན་ཏུ་རབ་བསྒྲིམས་པས། །ཉེས་པའི་གནས་ནི་ཤེས་པར་བྱ། །གལ་ཏེ་ལྟུང་སོགས་བྱུང་གྱུར་ན། །ཡི་གེ་བརྒྱས་ནི་བྱིན་གྱིས་བརླབ། །ཇི་སྲིད་དུས་ལས་མ་འདས་པར། །དག་པའི་ལས་ལ་ཉེར་གནས་བྱ། །འགྱོད་བཅས་ཉེས་པ་འཕེལ་མི་འགྱུར། །ཞེས་དང་། །བསྟན་པའི་དོན་ལས་མ་གཏོགས་པར། །རིགས་རྒྱུད་རབ་ཏུ་འཕེལ་འདོད་པས། །ན་ཆུང་བདེ་ལ་བརྐམ་པ་ཡིས། །སྔགས་པ་རྟག་ཏུ་ཉམས་པར་འགྱུར། །ཞེས་དང་། ཉོན་མོངས་པས་ནི་ཟིལ་གནོན་ཞིང་། །གལ་ཏེ་དམ་ཚིག་ལས་འདས་ན། །སྡུག་བསྔལ་མང་པོ་སྐྱེ་འགྱུར་ཏེ། །དེ་བས་དག་པའི་ལས་རྣམས་སྤྱད། །ལྟུང་སོགས་ཉེས་པའི་རིམ་པ་ལས། །དང་པོར་བདག་སེམས་སུན་ཕྱུང་སྟེ། །ཡུལ་མདུན་སྙན་གསན་ཕབ་ནས་ཀྱང་། །གསུམ་བསླངས་གསུམ་གྱི་སྦྱོར་བ་ལས། །སྡོམ་གསུམ་འགལ་བ་ཉམས་པ་བཤགས། །བདེ་གཤེགས་ཀུན་གྱི་སྙིང་པོ་བྱ། །དཔྲལ་བ་སྙིང་ཁར་ཕྱག་རྒྱ་སྔགས། །སྡིག་པ་ཐམས་ཅད་རྣམ་དག་བྱེད། །ཕྱི་ནང་ལྷ་དབང་བདུད་རྩིས་བཀྲུ། །ཧཱུྃ་ཨྃ་ཡི་གེ་གསུམ་གྱིས་བསྡུ། །ལྟེ་བར་གྲུ་གསུམ་མེ་ཡིས་བསྲེགས། །དམིགས་པས་སྟོང་པ་མི་དམིགས་གསུམ། །རང་གི་ཆོ་ག་བཞི་ཡི་དབང་། །ཚོགས་ནི་འདུ་བའི་དཀྱིལ་འཁོར་ལ། །མཁྱེན་པར་གསོལ་ཏེ་གནང་བ་ནོད། །རྟེན་ལ་སྨྲེ་བཤགས་བཟླས་པར་ལྡན། །ཞིང་ཁམས་ཁ་དོག་ལྔ་ལྡན་པ། །ཆོ་ག་བཞིན་དུ་དབུལ་བར་བྱ། །ཆེ་དང་ཙཻཏྱའི་སྦྱོར་བ་ཡིས། །སྡིག་པ་ཀུན་ལས་རྣམ་གྲོལ་ཞིང་། །དུས་མིན་འཆི་བའང་བསླུ་བར་འགྱུར། །དེ་བས་མཆོད་རྟེན་ལས་རྣམས་བྱ། །ཏིལ་ལ་སྡིགས་པའི་གཟུགས་དམིགས་ཏེ། །མེ་ཡི་ལས་ཀྱིས་རྣམ་པར་སྦྱང་། །ཉེས་པའི་རིམ་པ་ཤེས་བྱས་ནས། །གཏོར་མས་དག་པ་ཉིད་དུ་བྱ། །ཇི་སྐད་བཤད་པའི་དམ་ཚིག་རྣམས། །གང་དུ་ཉམས་པར་གྱུར་པ་དེས། །རང་གི་ལྷ་ཡི་སྙིང་པོའི་སྔགས། །འབུམ་ཕྲག་གསུམ་དུ་བཟླས་བརྗོད་བྱ། །ཡང་ན་ཁ་དོག་དབྱིབས་མེད་ཅིང་། །རིགས་དང་མཚན་མ་མི་དམིགས་ཤིང་། །རྣམ་ཐར་ཆགས་སོགས་ལས་གྲོལ་བ། །ཟབ་མོའི་བསམ་གཏན་ཉིད་དམིགས་བྱ། །ཡང་ན་བཤེས་སོགས་རྒྱར་ཆུད་ཅིང་། །རང་གི་ལས་ཀྱིས་འཆི་འགྱུར་དང་། །རྐྱེན་ཟད་པ་ཡི་སེམས་ཅན་རྣམས། །དག་པའི་དོན་ཕྱིར་སྲོག་བསྐྱབ་བྱ། །གཞན་ཡང་མདོ་སོགས་གསང་བའི་བཀའ། །མ་ལུས་པ་ནི་བཀླགས་པ་དང་། །མཆོད་ཅིང་རབ་ཏུ་གནས་བྱས་ན། །སྡིག་པ་ཀུན་དང་བྲལ་བར་འགྱུར། །མེ་དང་ཆུ་དང་སྦྲུལ་གདུག་དང་། །སེང་གེ་སྟག་དང་ཆོམ་རྐུན་དང་། །གླང་ཆེན་སྨྱོ་དང་ཤ་ཟ་དང་། །བཀྲེན་དང་རྒྱལ་པོའི་ཆད་པ་དང་། །ནད་དང་སྤ་བཀོང་ཞུམ་པ་དང་། །འདོད་བྲལ་གྲགས་པ་མ་ཡིན་དང་། །སྐལ་ངན་རབ་ཏུ་འཇིག་བྱེད་ཅིང་། །བགེགས་མེད་འཚེ་བ་མེད་པ་དང་། །སངས་རྒྱས་ཀུན་གྱིས་རབ་དགོངས་ཤིང་། །རྡོ་རྗེ་འཛིན་རྣམས་བསྲུང་བ་དང་། །ཞི་སོགས་མི་སྣང་ལ་སོགས་དང་། །རྡོ་རྗེ་ཡེ་ཤེས་ཐོབ་བྱེད་ཅིང་། །སྐྱེ་བོ་ཀུན་གྱིས་བཀུར་འགྱུར་བ། །དེ་ལྟའི་ཡོན་ཏན་འཐོབ་བྱེད་པའི། །བླ་མ་ལ་ནི་བཀུར་སྟི་དང་། །རྙེད་པ་དང་ནི་རིམ་གྲོ་དང་། །གུས་པ་ཆེན་པོས་རབ་བརྟེན་ནས། །སྡིག་ཀུན་རྣམ་དག་བདག་ཉིད་འགྱུར། །དཔའ་བོས་དོན་ཡོད་རྡོ་རྗེ་ཅན། །བསྙེན་སོགས་རིམ་པ་སྔོན་འགྲོ་བས། །ཆོ་ག་རབ་ཏུ་རྫོགས་བྱས་ནས། །དཀྱིལ་འཁོར་བཞེངས་ཏེ་བདག་འཇུག་གོ །ཡང་ན་རྒྱུ་ཡི་ནང་ཞུགས་དང་། །ཡང་ན་མིག་བཙུམ་གྱུར་པའམ། །ཡང་ན་སྐུ་གཟུགས་ལ་བལྟས་ཏེ། །རྒྱལ་བའི་ཚོགས་ལ་རྣམ་གཏད་ནས། །སྟོང་ཕྲག་ལྔར་ནི་སངས་རྒྱས་ཀྱི། །སྙིང་པོ་རབ་ཏུ་བཟླས་པར་བྱ། །དཀར་པོའི་བརྒྱད་དང་བཅོ་ལྔ་ལ། །དག་པའི་བདག་ཉིད་བྱས་ནས་ཀྱང་། །རྒྱ་ཆེན་མཆོད་པ་སྔོན་འགྲོ་བས། །བཟླས་བརྗོད་བརྟན་པ་བྱས་ནས་ནི། །སྡིག་པ་ཐམས་ཅད་རྣམ་དག་པར། །རྒྱལ་བ་དམ་པས་གསུངས་པས་ན། །ཐེ་ཚོམ་དང་ནི་བྲལ་འགྱུར་བས། །སྔགས་པས་རྟག་ཏུ་སྤྱད་པར་བྱ། །མཚན་མོ་མི་ཉལ་རྣལ་འབྱོར་གྱིས། །མཁའ་ལ་རྒྱལ་བའི་ཚོགས་དམིགས་ཏེ། །ཕུང་པོ་གསུམ་པའི་མདོ་སྡེ་དག །གལ་ཏེ་ཆོ་ག་བཞིན་སྤྱད་ན། །ཁ་ན་མ་ཐོ་སྦོམ་པོ་ཡང་། །ཟླ་བ་གསུམ་གྱིས་རྣམ་དག་པར། །ཐུབ་པས་གསུངས་པ་ཤེས་བྱས་ཏེ། །དད་པ་ཡིས་ནི་ཀུན་ཏུ་སྤྱད། །སངས་རྒྱས་ཀུན་གྱི་སྐུ་གཅིག་པོ། །པད་དཀར་ཟླ་བའི་དབུས་གནས་ཤིང་། །རྡོ་རྗེ་དྲིལ་བུས་རྒྱན་སྤྲས་པའི། །རྡོ་རྗེ་སེམས་དཔའ་ལེགས་དམིགས་ཤིང་། །ཡི་གེ་བརྒྱ་པ་ཆོ་ག་བཞིན། །ཉི་ཤུ་རྩ་ནི་རེ་རེ་བཟླས། །ལྟུང་སོགས་བྱིན་གྱིས་བརླབས་གྱུར་པ། །འཕེལ་བ་རུ་ནི་མི་འགྱུར་ཞེས། །གྲུབ་པ་མཆོག་རྣམས་ཀྱིས་བཤད་པས། །ཐུན་མཚམས་སུ་ནི་སྤྱད་པར་བྱ། །འབུམ་ཕྲག་ཏུ་ནི་བཟླས་གྱུར་ན། །རྣམ་པར་དག་པའི་བདག་ཉིད་འགྱུར། །རང་ཉིད་ལྷ་ཡི་རྣལ་འབྱོར་གྱིས། །དག་པའི་བླ་མ་བསྟེན་བྱས་ཏེ། །སྐུ་དང་གསུང་ཐུགས་རྒྱལ་བ་ཡི། །རྡོ་རྗེ་བཟླས་པ་ཉེར་གནས་ན། །རྣམ་དག་ལམ་གྱི་རང་བཞིན་འགྱུར། །སེམས་ངལ་སོས་ནས་རང་གི་ལུས། །བདག་པོའི་རང་བཞིན་གནས་བྱས་ཏེ། །འཁོར་ལོ་དྲུག་གམ་བཞི་གཅིག་གཉིས། །ཆར་བྱ་རྐྱང་པའི་གནས་ཉིད་ལས། །བདེ་སོགས་རྣམ་པར་ཡང་དག་གནས། །དག་པ་ལ་དམིགས་དག་པར་འགྱུར། །རྡོ་རྗེ་འཁོར་ལོ་རིན་ཆེན་དང་། །རལ་གྲི་ཕྲ་བའི་བདག་ཉིད་བསམ། །སེམས་བརྟན་ཚུལ་ལ་གནས་བྱས་ན། །སྡུག་བསྔལ་བསྐྱེད་རྩ་ཀུན་ལས་གྲོལ། །མདོར་ན་ལུས་ངག་སྤྱོད་པ་ཀུན། །རབ་ཏུ་བསྒྲིམས་དང་ལྡན་པ་ཡིས། །གཉེན་པོའི་སྡོམ་པ་ལ་སེམས་ཤིང་། །མཆོད་སོགས་རྣལ་འབྱོར་ཚུལ་ལྡན་ན། །ཉེས་པ་ཀུན་དང་རྣམ་བྲལ་ཞིང་། །དཔའ་བོས་ལམ་ནི་རྫོགས་པར་བྱེད། །རྟག་ཏུ་བར་མེད་པར་གནས་ན། །ཉེས་པ་ཆུང་ངུ་ཕྲ་མོ་ཡང་། །སྦྲུལ་གྱི་མཆེ་བས་བཏབ་བཞིན་དུ། །ལུས་ངག་སེམས་ནི་ཉམས་པར་བྱེད། །དེ་ཡི་དབང་གིས་སྡུག་བསྔལ་དང་། །འཚོ་བ་དག་ནི་འབྱུང་འགྱུར་ཞིང་། །ལམ་ལས་ཉམས་པ་ཉིད་དུ་འགྱུར། །དེ་བས་རྡོ་རྗེ་སློབ་དཔོན་ནས་བརྩམས་ཏེ་རིམ་གྱིས་ལྕི་བ་རྣམས་ཤེས་པར་བྱ་ཞིང་དྲི་མ་ལས་ལྡང་བར་བྱའོ། །ལས་ཀྱི་དཀྱིལ་འཁོར་གཅིག་ཏུ་ཞུགས་པ་ལ་སོགས་པའི་ཉེས་པ་ཕྲ་བའི་ཕྲ་བ་རྣམས་ཀྱང་རྣལ་འབྱོར་པས་ཡལ་བར་དོར་བར་མི་བྱའོ། །ཞེས་དང་། བར་འདིར། དྲང་སྲོང་བི་ཤྭ་མི་ཏྲ་སོགས་དང་། བྲམ་ཟེ་སྟོང་ཉིད་བློ་སོགས་ཀྱིས་བསྐྱེད་རྫོགས་ཐབས་ཤེས་ཕྱོགས་རེ་ལ་བསྔགས་པ་རྣམ་བཀག་ནས། གཉིས་ཀ་སྒྲུབ་པའི་འཕྲོས་དོན་མང་ཙམ་འདུག་སྟེ། དག་པའི་ཆོ་ག་རྣམ་པར་ཕྱེ་བ་སྟེ་གསུམ་པ་ལས་སོ། །སྡིག་པ་ཐམས་ཅད་རྣམ་དག་ཅིང་། །རྒྱ་ཆེར་འབྲས་ལ་ཉེར་སྦྱོར་བ། །རྣལ་འབྱོར་སྤྱོད་པའི་མཆོག་རིམ་དག །ཉ་སོགས་བརྒྱད་ལ་རབ་ཏུ་སྤྱད། །ཅེས་དང་། དཔའ་བོ་རྣམས་ཀྱིས་ལོངས་སྤྱོད་ཕྱིར། །སྐྱེས་པའི་ཐོད་པ་ཆ་གཅིག་པར། །མ་དཱ་ན་ནི་རབ་ཏུ་བརྟག །དཔའ་བོ་རྣམས་ཀྱིས་ལོངས་སྤྱོད་ཕྱིར། །གཡས་པ་རྩེ་གསུམ་ཕྱག་རྒྱ་ཡིས། །ཤ་ཆེན་པོ་ནི་ལེགས་བཟུང་སྟེ། །གཡས་གཡོན་སྟེང་འོག་ཏུ་བྱས་ནས། །ཚིག་འདིས་དམ་ཚིག་རབ་ཏུ་བརྟག །གཟིགས་ཤིག་མཛེས་ལྡན་དམ་པའི་ཆོས། །འདི་ལ་ཐེ་ཚོམ་མི་བྱ་སྟེ། །བྲམ་ཟེ་ཁྱི་དང་གདོལ་པ་རྣམས། །རང་བཞིན་གཅིག་ཏུ་རྟོགས་ལ་ཟོ། །སྐུ་གསུང་ཐུགས་ཀྱི་ཡི་གེ་ལས། །སོ་སོ་རུ་ནི་མངོན་བརྗོད་ནས། ཨ་ལ་ལ་ཧོ་མཐར་སྭཱ་ཧཱ། །དཔའ་བོ་བསམ་གཏན་བརྟན་འཛིན་ཅིང་། །པདྨའི་སྐོར་བ་སྔོན་འགྲོ་བས། །གཡས་གཡོན་སྟེང་འོག་བྱས་ནས་ནི། །ཚིག་འདི་ཡིས་ནི་བླང་བར་བྱ། །འདོད་ཆགས་དྲི་མ་བྲལ་བ་ཡི། །རིན་ཐང་མེད་པ་ལེགས་འོངས་ཆོས། །གཟུང་དང་འཛིན་པ་རྣམ་སྤངས་པ། །དེ་ཁོ་ན་ལ་ཕྱག་འཚལ་ལོ། །འབྲུ་གསུམ་པོ་ནི་མངོན་བརྗོད་ཅིང་། །གཙོ་བོས་གནང་བ་བྱིན་ནས་ནི། །དཔའ་བོ་རྣལ་འབྱོར་མ་རྣམས་ཀྱིས། །རང་གི་ལོངས་སྤྱོད་གང་ཡིན་པ། །སོ་སོར་རབ་ཏུ་སྤྱད་བྱས་ནས། །དེ་ནས་ཀུན་ལ་ཐུན་མོང་ངོ་། །ཆང་ནི་དཔའ་མོས་མ་སྤྱད་པར། །དཔའ་བོ་ལ་ནི་སྐལ་མེད་དེ། །ཤ་ལ་དེ་བཞིན་དཔའ་བོས་སོ། །ཞེས་དང་། བླ་མས་རྗེས་སུ་གནང་མིན་པར། །གླུ་དང་གར་སོགས་མི་བྱའོ། །ཇི་ལྟར་མཆོད་དང་ལོངས་སྤྱོད་དག །ཚིམ་པ་རུ་ནི་མ་བྱས་པར། །བྲེ་མོའི་གཏམ་དང་འདུ་འཛིའི་སེམས། །རྣམ་པ་ཀུན་ཏུ་མི་བྱ་སྟེ། །བྱས་ན་དམྱལ་སོགས་འབྲས་ཐོབ་འགྱུར། །འཚོད་ཚེ་གཤུང་དང་ངུ་འབོད་དེ། །སྲེད་པས་ཡི་དྭགས་ངེས་པར་འགྱུར། །རང་གི་བསམ་གཏན་བྲལ་གྱུར་ན། །དུད་འགྲོའི་གནས་སུ་ལྟུང་ཕྱིར་དང་། །བསམ་པ་རབ་ཏུ་བརྟན་པ་ཡིས། །སྐུ་གསུང་ཐུགས་ཀྱི་རྡོ་རྗེ་དང་། །ས་གསུམ་པོ་ནི་རབ་ཏུ་མཆོད། །ཞེས་དང་། རི་དང་ཉི་ཟླ་གླིང་བཞི་པོ། །བཛྲ་རེ་ཁེ་ཧཱུྃ་བརྗོད་ནས། །དག་པའི་སེམས་ཀྱིས་དབུལ་བར་བྱ། །ཞེས་དང་། དཔའ་མོ་མཆོག་གི་སེམས་དམིགས་ནས། །རང་གི་ལྷ་ཡི་བསམ་གཏན་གྱིས། །ས་ནི་སྐྱོན་དང་བྲལ་གྱུར་པ། །བརྐོས་ཏེ་རབ་ཏུ་སྤྱད་པར་བྱ། །རིན་ཆེན་དྲི་ཡི་ཆུར་བཅས་པས། །གོང་བུ་དག་གི་སྔོན་བྱས་ནས། །སྔགས་འདིས་བྱིན་གྱིས་བརླབ་པར་བྱ། ན་མོ་བྷ་ག་ཝ་ཏེ་བཻ་རོ་ཙཱ་ན་པྲ་བྷཱ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་སཱུཀྵྨེ་སཱུཀྵྨེ་ས་མེ་ས་མེ། ཤཱནྟི་དཱནྟེ་ཨ་ས་མཱ་རོ་བེ། ཨ་ནཱ་ལམྦེ། ཏ་རམྦེ་ཡ་ཤོ་བ་ཏི་མ་ཧཱ་ཏེ་ཛ་ནི་རཱ་ཀུ་ལེ། ནིརྦཱ་ཎེ་སརྦ་ཏ་ཐཱ་ག་ཏ་ཧྲྀ་ད་ཡ། ཨདྷི ཥྛཱ་ན། ཨ་དྷི་ཥྛཱ་ཏེ་སྭཱ་ཧཱ། ཉི་ཤུ་རྩ་གཅིག་མངོན་བརྗོད་པས། །སྐུ་ཡི་དེ་ཉིད་རབ་དྲན་བྱ། །དེ་ནས་དུམ་བུ་ཅི་རིགས་པར། །ཆོས་གང་རྒྱུས་འབྱུང་སོགས་བརྗོད་ནས། །རྒྱས་ནི་རབ་ཏུ་གདབ་པར་བྱ། །དེ་ནས་མགོན་པོ་རྣམ་སྣང་གསལ། །གངས་ཆེན་མཚོར་ནི་རབ་དམིགས་ནས། །མཆོད་དེ་མེ་ཏོག་རབ་ཏུ་དོར། །འགྲོ་བ་བཟུང་ཕྱིར་གསོལ་བཏབ་ནས། །རྒྱ་ཆེར་ཡོངས་སུ་བསྔོ་བར་བྱ། །ཆོས་གང་རྒྱུས་འབྱུང་ལ་སོགས་པ། །ཐམས་ཅད་དུ་ནི་བསྔགས་པར་བྱ། །དེས་ནི་འགྲོ་བའི་འཚོ་བྱེད་ཅིང་། །སྡིག་ཀུན་རྣམ་དག་བྱེད་པ་དང་། །ལས་དང་ཡང་དག་གྲུབ་སྟེར་བའི། །ལས་ལ་དགའ་དང་ལྡན་པ་ཡིས། །སྔགས་པས་རྟག་ཏུ་འབད་པར་བྱ། །ཞེས་དང་། གཟར་བུ་ལ་སོགས་མི་འབྱོར་ན། །གཡས་པའི་མཐེ་བོས་མཐའ་མནན་ཏེ། །གཡོན་གྱི་སོར་མོ་ལྔ་གཞིབས་ནས། །མཆོད་སྦྱིན་རབ་སྤྱད་དེ་ནས་ནི། །ཅི་བདེ་བར་ཡང་གསུངས་པ་ཉིད། །ཅེས་དང་། འཁོར་བའི་རྒྱ་མཚོ་སྲིད་པའི་རྦ་རླབས་དྲག་པོ་དང་ལྡན་ཞིང་། །ཉོན་མོངས་སྦྲུལ་དང་ཆུ་སྲིན་སོགས་ནི་གདུག་པའི་འཚེ་བར་ལྡན། །ཚེ་འདི་མི་རྟག་དབང་མེད་རྣམ་རྟོག་རླུང་གིས་གཡོས་མཐོང་ནས། །དཔལ་འབྱུང་འཆི་མེད་དམ་པའི་ཆོས་ལ་འབད་པས་ཉེར་གནས་ཀྱིས། །ཞེས་གསུངས་ཤིང་། འདིར་བླ་མ་དང་སློབ་མའི་མཚན་ཉིད་བསྟེན་ཚུལ་སོགས་ཀྱང་རྒྱས་པར་ཡོད་དོ།། །། ༈

སློབ་དཔོན་ཨ་བྷ་ཡཱ་ཀ་རས་མཛད་པའི་ཚོགས་ཀྱི་འཁོར་ལོའི་ཆོ་གར། །སྔགས་པས་ཁྱད་པར་མཚན་མོའི་དུས། །ཞག་རེའམ་ནི་ཇི་སྙེད་པར། །ཟླ་རེ་དང་ནི་ལོ་རེ་ལ། །འཁོར་ལོ་ལས་འདས་ཉམས་པར་འགྱུར། །ཞེས་དང་། ཉེ་བར་འཚེ་མེད་དུར་ཁྲོད་དགོན། །རྫིང་བུའི་འགྲམ་དང་སྐྱེད་མོའི་ཚལ། །མཚོ་ངོགས་ཆུ་རླུང་རི་སུལ་དང་། །རང་གི་ཁྱིམ་སོགས་འབྲས་བུར་བཅས། །ཡན་ལག་བརྒྱད་པ་ཐོབ་གྱུར་པ། །དཔལ་ལྡན་ཆོག་ཤེས་སྙིང་རྗེ་ལྡན། །འཇིག་རྟེན་ཆོས་ལ་མི་ཆགས་ཤིང་། །སྲེད་དང་རྒྱུ་སོགས་རྣམ་པར་སྤངས། །སྙན་པར་སྨྲ་ཞིང་འཛུམ་པའི་བཞིན། །བཟོད་ཅན་བརྟན་ལ་བརྩོན་འགྲུས་ལྡན། །ཚོགས་ཀྱི་འཁོར་ལོའི་དབང་ཕྱུག་ཏུ། །དཔལ་ལྡན་རྡོ་རྗེ་སེམས་དཔའ་གསུངས། །འཁོར་ལོ་པ་ཡང་དེ་ཉིད་ཀྱི། །སློབ་མ་སྲེད་སོགས་རྣམ་པར་སྤངས། །དབང་བསྐུར་ཐོབ་ཅིང་བློ་ལྡན་བཟོད། །བརྩོན་དང་དྲན་པ་ལ་སོགས་ལྡན། །དམ་ཚིག་སྤྱད་བྱ་སྤྱོད་པ་རྣམས། །རྒན་པའི་རིམ་པ་བཞིན་དུ་འདོད། །དབང་མ་ཐོབ་པས་མི་རིག་པར། །སྒྲུབ་པོས་འཁོར་ལོ་དེ་བྱའོ། །ཞེས་དང་། བླ་མའི་ཆོ་ག་ཤེས་ཤིང་དྲན། །བརྩོན་འགྲུས་བཟོད་དང་ལྡན་པ་དང་། །བླ་མ་ལ་གུས་བློ་མཐུན་པ། །ལས་ཀྱི་རྡོ་རྗེར་དེ་རབ་བསྔགས། །ཞེས་དང་། དེ་ནས་རང་ཁ་ཧོམ་ཁུང་དུ། །རྣམ་རིག་བ་ལའི་མཆོད་ཡོན་བྱ། །ལག་པ་དགང་གཟར་བླུགས་གཟར་གྱིས། །ཡིད་ཀྱི་མེ་ལ་སྟོབ་སོགས་བསྲེག །ནང་གི་བདག་ཉིད་སྦྱིན་སྲེག་གིས། །རང་འདོད་ལྷ་ནི་ཚིམ་པར་བྱ། །གླུ་སོགས་ཀྱིས་ནི་མཉེས་བྱ་ཞིང་། །ཡང་དང་ཡང་དུ་བརྡ་ཚིག་སྨྲ། །ཞེས་དང་། རྒྱུན་དུ་གླུ་ནི་ལེན་པ་དང་། །གང་དུ་རྟག་ཏུ་གར་བྱེད་པ། །ཚོགས་ཀྱི་དབང་ཕྱུག་མདུན་བྱའོ། །ཞེས། ཇི་སྙེད་ལུས་ཀྱི་གཡོ་འགུལ་དང་། །ངག་གི་བརྗོད་པ་ཇི་སྙེད་ལ། །དེ་སྙེད་ཕྱག་རྒྱ་སྔགས་ཡིན་ཏེ། །ཧེ་རུ་ཀ་དཔལ་གོ་འཕང་གནས། །ཞེས་དང་། འདི་དང་གཞན་གྱི་རྒྱུད་གསུངས་པའི། །བྱ་བ་རྣམས་ནི་བརྡ་ལ་བྱ། །ཞེས་དང་།། །། ༈ སློབ་དཔོན་ནག་པོ་པས། ཚོགས་རྣམས་བསགས་པར་བྱ་བ་དང་། །བགེགས་རྣམས་ཞི་བར་བྱ་བའི་ཕྱིར། །བསོད་ནམས་མཐར་ཐུག་ཚོགས་འཁོར་ལོ། །ཞེས་དང་། དེ་ནས་རྣལ་འབྱོར་ཕོ་མོ་ཀུན་གྱིས་ལྷའི་དཀྱིལ་འཁོར་དུ་བལྟས་ལ་དང་པོར་དྲིས་མཆོད། དེ་ནས་མེ་ཏོག་དང་། བདུག་པ་དང་། མར་མེས་ཚུལ་བཞིན་དུ་མཆོད། ཅེས་སོ།། །། ༈

པཎྜིཏ་བཟང་པོས་བྱིན་པས།  དང་པོར་འབྱུང་པོའི་གཏོར་མ་བཏང་།  དེ་ནས་རིམ་བཞིན་བཞུགས་སུ་གསོལ།  ཞེས་དང་།  རྟག་ཏུ་བྱའམ་ཟླ་བར་རམ།  །ཡང་ན་ལོ་རེ་ན་ནི་བྱ།  །ལོངས་སྤྱོད་མཆོག་དང་ལྡན་པ་ལ།  །ཚོགས་ཀྱི་འཁོར་ལོ་མཆོད་པར་བྱ།  །ཞེས་དང་།  དེ་ལྟར་ཕྱི་ཡིས་མཆོད་བྱས་ནས།  །ནང་གི་མཆོད་པ་དག་ནི་བྱ།  །པདྨ་ལྟ་བུར་རང་གི་ཁ།  །ཧོམ་ཁུང་ཉིད་དུ་བསམས་བྱས་ལ།  །དགང་གཟར་བཀང་བ་བླུགས་པར་བྱ།  །ལག་པ་བླུགས་གཟར་དག་གིས་ཀྱང་།  །མཆོད་རྫས་ཡང་དག་དབུལ་བར་བྱ།  །ཞེས་དང་།  གར་ལ་སོགས་པའི་རོལ་མོ་རྣམས།  །གནང་བ་མེད་པར་མི་བྱའོ།  །ཞེས་དང་།  འཐབ་མོ་ལ་སོགས་སེམས་ཀྱིས་ཀྱང་།  །ངེས་པ་རུ་ནི་བསམ་མི་བྱ།  །ཞེས་དང་།  ལྷག་མ་ཐམས་ཅད་བསྡུས་ནས་ནི།  །ཕྱི་རོལ་ཏུ་ནི་གཏོར་མ་བཏང་།  །ཞེས་སོགས་གསུངས་སོ།།    །།  ༈ 

སློབ་དཔོན་རཏྣ་རཀྵི་ཏས་མཛད་པའི་ཚོགས་ཀྱི་འཁོར་ལོའི་ཆོ་ག་ཡིད་བཞིན་ནོར་བུ་ལས། དམ་ཚིག་ཉམས་པའི་སྐྱོན་སེལ་བའི། །མི་མཐུན་ཕྱོགས་རྣམས་འཇོམས་བྱེད་པ། །འདོད་པའི་དོན་ཀུན་སྒྲུབ་བྱེད་ཅིང་། །དགེ་བའི་ཚོགས་ལ་འདུད་པ་གང་། །ཟོས་པས་དངོས་གྲུབ་འགྱུར་བ་ཉིད། །ལྷག་པའི་ལྷ་ཡང་ཚིམས་པར་འགྱུར། །ཕྱག་རྒྱ་ཆེན་པོའི་དངོས་གྲུབ་ནི། །མྱུར་དུ་ལུང་བསྟན་ཐོབ་པར་བྱེད། །ཚོགས་ཀྱི་འཁོར་ལོའི་ཆོ་ག་ཡིས། །རིམ་གྱིས་འདོད་པའི་འབྲས་བུ་འབྱིན། །ཞེས་དང་། དེ་ལ་མང་དུ་འདུས་པའི་ཚོགས། །འཁོ༵ར་ལོ༵་ལྷ་ཡི་རིམ་པ་ཉིད། །ཐུན་མོང་དུས་སུ་བཤད་པ་ཉིད། །ཁྱད་པར་འདི་ཡིས་ཤེས་པར་བྱ། །ཐམས་ཅད་དུ་ནི་དམ་ཚིག་གཅིག །རྟོག་པ་ཐམས་ཅད་ཡོངས་སུ་སྤངས། །བླ་མ་ལ་གུས་ཏིང་འཛིན་གནས། །སྦྱིན་སོགས་ཡོན་ཏན་རྒྱན་སྤྲས་པའི། །ཐབས་འདིས་ཚོགས་ཀྱི་འཁོར་ལོ་ལ། །གེགས་མེད་པར་ནི་རབ་ཏུ་འཇུག །ཅེས་དང་། གསང་སྔགས་ཐེག་པའི་ཆོ་ག་འདིར། །སློབ་དཔོན་རྣམ་པ་གསུམ་ཡིན་ཏེ། །ཁྱིམ་པ་དགེ་ཚུལ་དགེ་སློང་རྣམས། །ཐ་མ་འབྲིང་དང་མཆོག་ཅེས་བྱ། །ཞེས་དང་། དཀྱིལ་འཁོར་འཁོར་ལོ་འདི་ཉིད་དུ། །དམ་ཚིག་སྡོམ་པ་མ་གཅིག་ན། །འཁོར་ལོའི་དབང་ཕྱུག་དེ་ཡིས་ནི། །རྣལ་འབྱོར་བསྡུ་བར་མི་བྱའོ། །ཞེས་དང་། རྣལ་འབྱོར་ཀུན་སྤྱོད་ལ་སོགས་པའི། །འཁོར་ལོ་སྡོམ་པའི་རྒྱུད་ཀྱིས་ནི། །ནག་པོའི་ཕྱོགས་དང་དཀར་ཕྱོགས་ཀྱི། བཅུ་པ་ལ་ནི་དེ་རབ་མཆོད། །ཡི་དྭགས་ཟླ་ཕྱེད་བཅུ་བཞི་དང་། །དེ་བཞིན་དུ་ནི་བརྒྱད་པ་ལ། །དཔལ་ལྡན་དགྱེས་མཛད་རྡོ་རྗེ་མཆོད། །དུས་ཀྱི་འཁོར་ལོ་ཉ་གཉིས་ལ། །གསང་བ་འདུས་པ་ཟླ་རེ་བཞིན། །ལྔ་བརྒྱད་བཅུ་དང་བཅུ་བཞི་དང་། །དེ་བཞིན་བཅོ་ལྔ་ནག་ཕྱོགས་ལའང་། །ལྔ་སྟེ་དུས་ནི་བཅུ་རུ་འགྱུར། །དེ་དག་དུས་ཀྱི་ཁྱད་པར་རོ། །འདིར་ནི་རྟག་ཏུ་ཕུན་ཚོགས་སམ། །ཇི་ལྟར་འདོད་ཅིང་ཇི་ལྟར་ནུས། །གྲུབ་པར་ནུས་ན་ཉིན་རེའམ། ལོ་ཟླ་ཀུན་ཏུ་བྱ་བའོ། །གནས་ནི་དབེན་པར་གསང་བ་ཡི། །འཁོར་ལོ་ཀུན་ཏུ་བྱ་བའོ། །ཞེས་དང་། དེ་ནས་རང་གི་ལྟེ་བར་ནི། །གང་ཞིག་དགོས་པའི་དབྱེ་བ་ཡིས། །ལྷ་ཡི་འཁོར་ལོ་གནས་པར་བསམ། །རང་གི་ལག་པ་གཡས་དང་གཡོན། །བླུགས་གཟར་དགང་གཟར་རང་གཟུགས་ཉིད། །ལྟེ་བའི་ལྷ་ལ་མཆོད་པའི་ཚུལ། །ལོངས་སྤྱོད་ཚོགས་ཀྱིས་མཆོད་པར་བྱ། །ཞེས་དང་། ཡང་བརྟག་གཉིས་ལས་དྲངས་པ། གླུ་ནི་རྣམ་དག་སྔགས་སུ་བཤད། །གར་ནི་སྡོམ་པར་བྱེད་པ་ཉིད། །དེ་ཡི་ཕྱིར་ན་གླུ་དང་གར། །རྣལ་འབྱོར་པ་ཡིས་རྒྱུན་དུ་བྱ། །ཞེས་དང་། གྲུབ་ཐོབ་བླ་མས་གསུངས་པའི་དབྱངས། །སྟོང་པ་སྙིང་རྗེ་དབྱེར་མེད་པར། །དོན་སྟོན་རྡོ་རྗེའི་གླུ་ཉིད་དོ། །ཞེས་དང་། དེ་ནས་དཀྱིལ་འཁོར་སྡུད་པ་ན། །ལྷག་པའི་གཏོར་མ་སྦྱིན་པར་བྱ། །ཞེས་དང་། གང་ཞིག་འདི་རྣམས་ཐམས་ཅད་ལ། །དཔའ་བོ་རྐྱང་པའི་བྱ་བ་ནི། །དཔའ་བོའི་སྟོན་མོ་ཞེས་སུ་བརྗོད། །ཚོགས་ཀྱི་དབང་ཕྱུག་དེ་ལྟ་མིན། །དེ་བཞིན་དཔའ་མོ་རྐྱང་པ་ལ། །དཔའ་མོའི་དབང་ཕྱུག་སྟོན་མོ་ཉིད། །དེ་ལྟར་འཁོར་ལོའི་དབང་ཕྱུག་ལ། །ཤེས་རབ་ཐབས་དང་བཅས་པ་ཉིད། །ཅེས་སོགས་གསུངས་ཏེ་དགེ་སློང་གྲུབ་དབང་དཔལ་བཟང་པོས་བསྒྱུར་བར་སྣང་སྟེ་དོན་ཅུང་ཟད་རྒྱས་པར་ཡོད་དོ།། །། ༈

སྐུ་གསུང་ཐུགས་རབ་ཏུ་གནས་པའི་ཆོ་ག་དཔལ་དཱི་པཾ་ཀཱ་རས་མཛད་པ་ལས། སློབ་དཔོན་དེ་ཉིད་བཅུ་ཤེས་ཤིང་། །མཚན་ཉིད་ཀུན་དང་ཡང་དག་ལྡན། །ཕྱག་རྒྱ་སྔགས་དང་ཆོ་ག་ཤེས། །ལས་རྣམས་ཀུན་ལ་མཁས་པ་སྟེ། །དམ་སྡོམ་བྱང་ཆུབ་སེམས་འབྱོངས་པས། །བསྙེན་པ་རྣམ་གསུམ་རྫོགས་བྱས་ལ། །དེ་དང་འདྲ་བའི་གྲོགས་བཅས་ཀྱིས། །དུས་ཟླ་གཟའ་སྐར་ཚེས་གྲངས་ནི། །ཉི་མའི་ཁྱིམ་ནི་བཅུ་གཉིས་ཏེ། །དགུན་དཔྱིད་ར་འབྲིང་རོ་ཧི་ཏའི། །དབུས་སུ་ཉི་མ་ལོག་ནས་ནི། །བྱང་འགྲོ་ཟླ་དྲུག་ཉིན་མོ་འཕེལ། །དེ་དྲུག་ཞི་བར་རབ་གནས་ཤིས། །དབྱར་སྟོན་ར་འབྲིང་ཟླ་དྲུག་ལྷོར། །ནག་འཕེལ་དྲག་ཉི་དེར་མི་བརྩམས། །ཞེས་དང་། ཕུར་བུ་ལག་པ་པ་ཝ་སངས། །ཟླ་བ་བཟང་ལྡན་གཟའ་དེ་ཤིས། །ཉི་སྤེན་དམག་དཔོན་ནོར་འཇོམས་ངན། །ཆུ་སྨད་སྣར་མ་གྲོ་བཞིན་དང་། །ལག་དང་སྣྲོན་སྣྲུབས་རྒྱལ་ཆུ་སྟོད། །ཁྲུམས་སྨད་སྐྱེ་དགུ་འཕེལ་བ་དང་། །རབ་ཏུ་གནས་པའི་མཆོག་ཏུ་བྱེད། །ཡིད་འདོད་དངོས་གྲུབ་མེ་བཞིན་སྟེ། །སྣྲུབས་དང་གྲོ་བཞིན་དེ་བཞིན་ཏེ། །ལག་གིས་སྐལ་བཟང་སྣར་མས་རྒྱལ། །མགོ་ཡིས་ཉེ་བར་ཞི་བར་བྱེད། །ཆུ་སྟོད་ཀྱིས་ནི་བུ་དག་གསོན། །ཁྲུམས་སྨད་རྟག་པར་དངོས་གྲུབ་སྟེར། །རྒྱལ་གྱིས་ཚེ་རིང་བརྟན་པར་འགྱུར། །སྣྲོན་གྱིས་མཆོག་ཏུ་བདེ་བར་བྱེད། །ལྷ་མཚམས་ཀྱིས་ནི་མཆོག་སྟེར་འགྱུར། །གཟའ་དང་སྐར་མ་དེ་དག་ཀྱང་། །དར་གུད་མི་རིགས་ལས་དང་སྦྱར། །ཚེས་གཅིག་གསུམ་ལྔ་དྲུག་བདུན་བཅུ། །དྲུག་མོ་ནོར་འཇོམས་སྤང་གཞན་ཤིས། །གཟའ་སྐར་ཚེས་གྲངས་མཐུན་འཛོམས་ན། །མར་གྱི་ངོ་ལའང་བྱ་བར་ཤིས། །གནམ་སྟོང་བཅུ་བཞི་ཀུན་ཏུ་སྤང་། །ཟླ་བ་གཟའ་དང་སྐར་མ་དང་། །ཉི་མ་དུས་འཛོམས་སྐད་ཅིག་ལ། །ཇི་སྐད་གསུངས་པ་བཞིན་བྱས་ན། །བསམ་པ་ཐམས་ཅད་ཡོངས་རྫོགས་ཤིང་། །རབ་ཏུ་གནས་པ་མཆོག་འགྱུར་ཏེ། །འཁོར་ལོས་བསྒྱུར་བའི་དབང་ཕྱུག་ནི། །ཐོབ་འགྱུར་འདི་ལ་ཐེ་ཚོམ་མེད། །ཅེས་དང་། དང་པོའི་ལས་ཅན་མ་འབྱོངས་པ། །འཇིག་རྟེན་ཀུན་རྫོབ་ཐ་སྙད་དུ། །འགྲོ་བས་དེ་ཉིད་མི་ཤིས་ལ། །སྟོན་པས་རབ་ཏུ་གནས་པར་བཤད། །དབྱེ་བ་སྒྲ་དོན་སྐྱོན་ཡོན་ལས། །བྱ་བའི་ཐབས་དང་རྣམ་པ་དྲུག །དོན་དམ་སྤྲོས་མེད་རབ་གནས་དང་། །ཀུན་རྫོབ་སྐུ་གསུང་ཐུགས་གསུམ་སྟེ། །ཡོན་ཏན་ཕྲིན་ལས་ཞོར་ལ་འབྱུང་། །དམ་ཚིག་སེམས་དཔའ་སྤྱོད་བསྐྱེད་ལ། །ཡེ་ཤེས་སེམས་དཔའ་ཡུན་རིང་དུ། །གནས་པའི་ཕྱིར་ན་རབ་ཏུ་གནས། །བྱིན་མ་བརླབས་པར་རིང་གནས་ན། །དེ་ལ་བཀྲ་མི་ཤིས་འབྱུང་ཞིང་། །དེ་སྲིད་མཆོད་པར་དེ་མི་འོས། ཞེས་དང་། རྟེན་འདི་མཐོང་བའི་སྐྱེ་བོ་ཡིས། །བསོད་ནམས་ཐོབ་པ་དོན་ཡོད་པ། །བསྐལ་པ་བྱེ་བ་རྣམས་སུ་ཡང་། །བརྗོད་པར་ཡང་ནི་མི་ནུས་སོ། །ལས་ནི་ཡོན་བདག་བསོད་ནམས་སྤེལ། །སྔགས་པས་དགེ་བ་རྙེད་པར་བྱེད། །དེ་བཞིན་སློབ་དཔོན་སྔགས་གནས་པས། །ཆོས་ལྡན་མཆོད་པ་བྱེད་པ་གང་། །དེ་ཡིས་སྐྱེ་བར་མཆོད་པར་འགྱུར། །བྱ་ཐབས་ཆོ་ག་དག་ལས་བྱ། །ཆོ་ག་དམན་གནས་བཀྲ་མི་ཤིས། །འདིར་སྡུག་ཕ་རོལ་འཇིགས་པ་ཆེ། །དངོས་གྲུབ་འདོད་པས་ཆོ་གར་འབད། །ཆོ་གའི་ཚུལ་ལེགས་བསོད་ནམས་ནི། །མཐོང་དང་མི་མཐོང་རྣམས་སུ་སྐྱེ། །སྐུ་གཟུགས་སྔགས་ཀྱི་མཚན་ཉིད་ཀྱིས། །རྟེན་ལ་བྱིན་རླབས་འཇུག་པར་འགྱུར། །གང་ཟག་བློ་རིགས་ཐ་དད་པས། །ཡོན་མཆོད་འབྱོར་ཚོགས་ཚོགས་པ་ཡིས། །རབ་གནས་རྒྱས་པ་སྤྲོས་བཅས་བྱ། །འབྲིང་པོ་ཆོ་ག་ཚང་ཙམ་དང་། །བསྡུས་པ་ཏིང་འཛིན་ཐུན་གཅིག་ལ། །རྡུལ་ཚོན་ལ་སོགས་དགོས་མི་བྱ། །ཞེས་དང་། སྙིགས་མ་ལྔ་ཡི་དུས་འདི་རུ། །མཆོག་གི་སྐུ་དང་མཉམ་པ་ཡི། །སྤྲུལ་པའི་སྐུ་ནི་འདི་ཡིན་གྱིས། །ཁྱོད་ཀྱིས་མ་ཉམས་སྲུང་མཆོད་གྱིས། །ཞེས་དང་། སྤྲོས་པ་མི་དགའ་བསྡུས་པ་ནི། །བསྙེན་པ་ཆོ་ག་སྟ་གོན་དང་། །དཀྱིལ་འཁོར་བྲི་སྒྲུབ་རྟེན་གསར་ལ། །བགེགས་བསྐྲད་ཡི་གེ་བརྒྱས་བརྟན་པར། །གོང་བཞིན་སྤྱན་དབྱེ་ལ་སོགས་པ། །ནུབ་གཅིག་ལ་ནི་ཀུན་རྫོགས་བྱ། །མངའ་གསོལ་རྒྱས་པར་མ་གྲུབ་ཀྱང་། །འདིར་ནི་ཉེས་པ་མི་འབྱུང་ངོ་། །ཞེས་དང་། ཤིན་ཏུ་བསྡུས་པའི་རབ་གནས་ནི། །གཟའ་སྐར་ཚེས་གྲངས་མི་བརྩི་སྟེ། །རྡུལ་ཚོན་མི་བརྟེན་ཐུན་གཅིག་ལ། །དཀྱིལ་འཁོར་བསྒོམས་ཏེ་བརྒྱ་རྩ་བསྙེན། །བགེགས་བསྐྲད་བཀྲུ་སོགས་གོང་ལྟར་བྱ། །བསྐྱེད་དེ་སྤྱན་དྲངས་སྐུ་གསུང་ཐུགས། །བྱིན་གྱིས་རླབས་དང་དབང་བསྐུར་བ། །སྙིང་གའི་ས་བོན་འོད་ཀྱིས་ནི། །འོག་མིན་རིགས་ལྔའི་ཐུགས་ཀ་ནས། །བཀྲ་ཤིས་ལྷ་མོ་བུམ་རོལ་བཅས། །དབང་བསྐུར་རིགས་བདག་རྒྱས་གདབ་བསམ། །རྟེན་འབྲེལ་སྙིང་པོ་བརྒྱ་རྩ་རེས། །དྲི་དང་མེ་ཏོག་གཏོར་བྱུགས་ཏེ། །རང་རང་ལྷ་ལ་ཆོས་སྐུར་ཐིམ། །བསམས་ལ་རྡོ་རྗེས་མཆོད་བསྟོད་བྱ། །རྗེས་སོགས་སྤྱི་དང་མཐུན་པར་སྤྱད། །ཅེས་སོགས་ཆོ་གའི་འགྲོས་རྒྱས་འབྲིང་བསྡུས་པའི་ཚུལ་ཞིབ་ཏུ་གསལ་བར་སྣང་ངོ་། །སརྦ་ཤུབྷཾ།། །། ༈

སློབ་དཔོན་རཏྣཱ་ཀ་རའི་དབང་བསྐུར་བསྟན་པ་ལས། དེ་ལྟར་༢འདིར་ཡང་སྐུ་གསུམ་པོའི་ངོ་བོ་ཉིད་བསྒྲུབ་པར་བྱ་བ་ཡིན་པས། བསྒྲུབ་བྱ་ཇི་ལྟ་བ་དེ་ལྟ་བུའི་དེ་བཞིན་གཤེགས་པ་ཐམས་ཅད་ཀྱི་བརྡར་བྱས་པའི་ཕྱག་རྒྱས་བརྡ་ཇི་ལྟ་བ་བཞིན་དུ་མཚོན་པར་བྱ་བ་ཡིན་ནོ། །ཇི་ལྟར་མཚོན་ཞེ་ན། དེ་ལྟ་བས་ན་ཤེས་རབ་ཀྱི་དབང་བསྐུར་གྱི་དུས་སུ་རྡོ་རྗེ་ནོར་བུའི་རྩེ་མོར་ཕྱིན་པའི་བྱང་ཆུབ་སེམས་ཡུལ་དེ་ཉིད་དུ་མན་ངག་ཇི་ལྟ་བ་ཉིད་དང། ཕྱོགས་གཉིས་པ་ནས་བསྟན་པའི་རིགས་པས་བསྟན་པར་བྱས་པའི་བྱང་ཆུབ་ཀྱི་སེམས་དེ་དང་ལྷན་ཅིག་སྐྱེས་པར་གྱུར་པ་གང་ཡིན་པ་རང་དང་གཞན་གྱི་སྣང་བའི་བྱེ་བྲག་དང་བྲལ་བ། མཆོག་ཏུ་བདེ་བ་ཆེན་པོ་ཙམ་དུ་རབ་ཏུ་སྣང་བ་དང་། གཉིས་སུ་མེད་པར་ཤེས་བྱ་ཐམས་ཅད་ནུབ་པར་གྱུར་པ་དག་གི་རྣམ་པར་རྟོག་པ་ལས་ཤིན་ཏུ་འདས་པའི་ངོ་བོ་རང་རིག་པ་དེར་བཏད་པ་མཐར་ཕྱིན་པ། ནམ་མཁའ་དྲི་མ་མེད་པ་ལྟ་བུའི་ཡིད་མཆོག་ཏུ་གྱུར་པའི་བདེ་བ་ཉམས་སུ་མྱོང་བར་གྱུར་པ་དེ་ནི་ཆོས་སྐུའི་མཚན་ཉིད་དོ། །དེ་ཡང་། ཇི་སྲིད་རྣལ་འབྱོར་བྱང་ཆུབ་སེམས། །གཏོང་བར་བྱེད་པ་མ་ཡིན་པ། །དེ་སྲིད་ཀུན་དགའ་ལས་བྱུང་བདེ། །ཅི་ཡང་རྒྱུན་མི་འཆད་པ་ཐོབ། །ཅེས་གསུངས་སོ། །གང་རྡོ་རྗེའི་ནང་གཡོ་བར་གྱུར་པའི་བྱང་ཆུབ་ཀྱི་སེམས་རེག་པ་ལས་བྱུང་བའི་ཡུལ་ངེས་པ་མེད་ན་ཡང་དམིགས་པའི་དབང་གིས་ཡུལ་སོ་སོར་ངེས་པ་ལྟ་བུར་ཁ་ཕྱིར་བལྟས་པའི་བདེ་བའི་རྣམ་པ་བྱང་ཆུབ་ཀྱི་སེམས་ལ་ལོངས་སྤྱོད་པའི་ཡེ་ཤེས་ནི་ཉམས་སུ་མྱོང་བ་དང་ལྡན་པས་དེ་ནི་ལོངས་སྤྱོད་རྫོགས་པའི་སྐུའི་མཚན་ཉིད་དོ། །གང་ཡང་ཤེས་རབ་ཀྱི་པདྨའི་ནང་དུ་སྤྲོས་པའི་བྱང་ཆུབ་ཀྱི་སེམས་དེ་ལོངས་སྤྱོད་དུ་བྱས་པས་དེ་ཡོངས་སུ་མཉེས་པར་གྱུར་པས་ན་རྡོ་རྗེ་ནོར་བུས་ཉམས་སུ་མྱོང་བ་དང་ལྡན་པས་དེ་ནི་ལོངས་སྤྱོད་རྫོགས་པའི་སྐུའི་མཚན་ཉིད་དོ། །གང་ཡང་ཤེས་རབ་ཀྱི་པདྨའི་ནང་དུ་སྤྲོས་པའི་བྱང་ཆུབ་ཀྱི་སེམས་དེ་ལོངས་སྤྱོད་དུ་བྱས་པས་དེ་ཡོངས་སུ་མཉེས་པར་གྱུར་པས་ན་རྡོ་རྗེ་ནོར་བུས་ཉམས་སུ་མྱོང་བ་དེ་ནི་སྤྲུལ་པའི་སྐུའི་མཚན་ཉིད་དོ། །ཞེས་དང་། ཕ་རོལ་ཏུ་ཕྱིན་པའི་ཐེག་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པ་ལས་ཀྱང་གཉིས་སུ་མེད་པ་ཉིད་བསྒྲུབ་བྱ་ཉིད་དུ་གསུངས་པའི་ཕྱིར། ཐེག་པའི་ཁྱད་པར་ལ་ཡང་དེ་ཁོ་ན་ཉིད་ཀྱི་ཁྱད་པར་ནི་ཡོད་པ་མ་ཡིན་ཏེ། དེ་ཁོ་ན་ཉིད་མ་ཡིན་པར་ཐལ་བར་འགྱུར་བའི་ཕྱིར་རོ། །ཞེས་དང་། དེའི་དོན་ནི་འདི་ཡིན་ཏེ། ཤེས་རབ་ཡེ་ཤེས་གང་ཡིན་པ་དེ་ཉིད་བཞི་པ་དང་སྒྲུབ་པ་ཆེན་པོ་ཞེས་བྱ་བའི་དོན་ཏེ། དེ་ཉིད་ཀྱིས། རྡོ་རྗེ་འཆང་ཆེན་པོའི་གོ་འཕང་ཐོབ་པའི་ཕྱིར་རོ། །ད་ལྟ་ནི་དེ་ཡི་གོ་འཕང་མཚོན་པར་བྱེད་པ་དེ་ཉིད་ཤེས་རབ་ཡེ་ཤེས་ལ་བཞི་པར་བྱ་ཞིང་། །བཞི་པ་ཞེས་བྱའི་སྒྲས་བརྗོད་པར་བྱ་སྟེ། སྒྲུབ་པ་ཆེན་པོ་ཞེས་བྱ་བའི་དོན་ཏོ། །ཞེས་གསུངས། ཡང་། རྡོ་རྗེ་རིགས་ཀྱི་ལེའུ་ལས་འདོད་པའི་དབང་བསྐུར་བ་རྣམ་པ་བཞི་ཡང་ཤེས་རབ་ཡེ་ཤེས་ཀྱི་དགོངས་པ་ཉིད་ལ་སྦྱོར་བར་བྱེད་དེ། གང་ཤེས་རབ་དང་ལྷན་ཅིག་ཆགས་པ་དང་། དགོད་པ་ལ་སོགས་པས་དེ་བཞིན་གཤེགས་པ་ལ་སོགས་པ་ཐམས་ཅད་ལ་མཆོད་པའི་ངོ་བོ་སློབ་དཔོན་གྱི་ལས་ཀྱི་མཚན་ཉིད་ཡིན་པའི་ཕྱིར་སློབ་དཔོན་གྱི་དབང་བསྐུར་བའོ། །ཤེས་རབ་གང་ལ་ཆགས་པ་དང་བཅས་པས་པདྨ་འབྱེད་ཅིང་མཐོང་བ་དེ་ནི་གསང་བ་ལ་བརྟེན་པ་ཡིན་པའི་ཕྱིར་གསང་བའི་དབང་བསྐུར་བའོ། །ཤེས་རབ་གང་གི་ཡན་ལག་ཀུན་མཐོང་བ་དེ་ནི་ཤེས་རབ་ལ་བརྟེན་པ་ཡིན་པའི་ཕྱིར་ཤེས་རབ་ཡེ་ཤེས་ཀྱི་དབང་བསྐུར་བའོ། །གང་གཉིས་ཀའི་བྱ་བ་ལས་བྱུང་བ་དེ་ཁོ་ནའི་མཆོག་ཡང་དག་པར་མཚོན་པ་གཉིས་སུ་མེད་པའི་ཡེ་ཤེས་ནི་བཞི་པ་ཡིན་ནོ་སྙམ་དུ་སེམས་ཏེ། དེ་ཡང་། དགོད་པ་དག་པ་སློབ་དཔོན་ཏེ། དེ་བཞིན་གསང་བ་མཐོང་བ་ཉིད། །ཡང་དག་ཀུན་ཐོབ་ཤེས་རབ་སྟེ། །དེ་བཞིན་གཉིས་ཀྱིས་བཙལ་བའོ། །ཞེས་གསུངས་པའི་ཕྱིར་རོ། །ཞེས་སོགས་སྣང་སྟེ། འདིའི་དགོངས་པ་ནི། གསུམ་པས་དྲངས་པའི་བདེ་བ་ལས་ལོགས་སུ་བཞི་པ་མི་ཕྱེ་བ་སྟེ། དགོས་པ་ནི། ཚིག་ཙམ་གྱིས་ངོ་སྤྲོད་པའི་བཞི་པ་དོན་གྱིས་ཡེ་ཤེས་སུ་འདོད་པ་བཀག་སྟེ། ལམ་དུས་སུ་དཔེ་ཡི་ཡེ་ཤེས་ཕྱག་རྒྱ་ལས་བྱུང་བ་ཉིད་བཞི་པ་བཏགས་པ་བ་དང་། དངོས་ནི་མི་སློབ་པའི་བྲལ་འབྲས་སུ་སྐྱེ་བར་དགོངས་པར་མངོན་ནོ། །གཞུང་འདིར་སྐུ་གསུམ་དུ་ཡེ་ཤེས་ལྔ་བསྡུ་བའི་ཚུལ་ཡང་། སྒྲུབ་པ་དང་བཅས་ཀྱང་རུང་། སྒྲུབ་པ་དང་བཅས་པ་མ་ཡིན་ཀྱང་རུང་། ཆོས་སྐུ་ཙམ་ལ་མཚོན་པར་བྱེད་པ་ནི་མ་ཡིན་ནོ། །དེ་ཙམ་ཞིག་ནི་ཐེག་པ་ཆེན་པོའི་བསྒྲུབ་བྱ་མ་ཡིན་པ་ཉིད་དེ། དེ་ཙམ་ཞིག་ལ་ནི་གཞན་གྱི་དོན་ལ་སྦྱོར་བ་མེད་པའི་ཕྱིར་རོ། །འོ་ན་ཇི་ལྟ་བུ་ཞེ་ན། གཞན་ཡང་སྐུ་གཉིས་པོ་ཡེ་ཤེས་བཞིས་བསྡུས་པ་ཉིད་ཀྱང་བསྒྲུབ་བྱ་ཡིན་ནོ། །དེ་ལྟར་ཡང་ཕ་རོལ་ཏུ་ཕྱིན་པའི་ཐེག་པ་ལས་ཆོས་ཀྱི་དབྱིངས་རྣམ་པར་དག་པ་དང་། དེའི་ཡོངས་སུ་གཏོགས་པའི་ཆོས་ཀྱི་དབྱིངས་ཀྱི་ཡེ་ཤེས་ཆོས་ཀྱི་སྐུ་ཞེས་བྱ་བ་ནི་གཙོ་བོར་བསྒྲུབ་པར་བྱ་བ་ཡིན་ལ། དེ་ལ་བརྟེན་ནས་རྣམ་པ་ཐམས་ཅད་དང་དོན་ཐམས་ཅད་ཀྱིས་གཟུགས་བརྙན་གྱི་ངོ་བོ་མེ་ལོང་ལྟ་བུའི་ཡེ་ཤེས་དང་། སངས་རྒྱས་ཐམས་ཅད་དང་མཉམ་པ་ཉིད་དུ་རྟོགས་པའི་མཉམ་པ་ཉིད་ཀྱི་ཡེ་ཤེས་དང། རྣམ་པ་ཐམས་ཅད་དུ་དོན་རྟོགས་པའི་དོན་ཐམས་ཅད་དེ་བཞིན་ཡོངས་སུ་གཅོད་པའི་སོ་སོར་རྟོག་པའི་ཡེ་ཤེས་ཏེ། ཡེ་ཤེས་གསུམ་པོ་འདི་དག་ལོངས་སྤྱོད་རྫོགས་པའི་སྐུ་ཞེས་བྱ་བའི་འབྲས་བུ་གཞན་ཡིན་ནོ། །དེ་བཞིན་དུ་རྣམ་པ་ཐམས་ཅད་དུ་འགྲོ་བའི་དོན་གྱི་བྱ་བ་མཛད་པའི་མཚན་ཉིད་ཅན་བྱ་བ་ནན་ཏན་གྱི་ཡེ་ཤེས་ཀྱི་ངོ་བོ་སྤྲུལ་པའི་སྐུ་ཞེས་བྱ་བ་ཡང་འབྲས་བུ་ཡིན་ནོ། །དེ་བཞིན་དུ་གསང་སྔགས་ཀྱི་ཐེག་པར་ཡང་བརྡ་ཇི་ལྟ་བ་དང། རྒྱུ་ཇི་ལྟ་བ་བཞིན་དུ་ཆོས་ཀྱི་དབྱིངས་ཤིན་ཏུ་རྣམ་པར་དག་པའི་ངོ་བོ་རྡོ་རྗེ་འཆང་གི་རང་བཞིན་དང་། ཤིན་ཏུ་རྣམ་པར་དག་པ་དེ་ཡི་ཡེ་ཤེས་ཀྱི་ངོ་བོ་མི་བསྐྱོད་པའི་ངོ་བོ་ཆོས་ཀྱི་སྐུ་ཞེས་བྱ་བ་ནི་གཙོ་བོར་བསྒྲུབ་བྱ་ཡིན་ནོ། །དེ་བཞིན་དུ་སྣ་ཚོགས་ཀྱི་རྣམ་པར་ཐམས་ཅད་སྣང་བས་མེ་ལོང་ལྟ་བུའི་ཡེ་ཤེས་ཀྱི་ངོ་བོ་རྣམ་པར་སྣང་མཛད་ཀྱི་རང་བཞིན་དང་། སངས་རྒྱས་ཐམས་ཅད་དང་མཉམ་པ་ཉིད་དུ་རྟོགས་པ་རིན་ཆེན་འབྱུང་ལྡན་གྱི་ངོ་བོ་དང་། ཉམས་སུ་མྱོང་བའི་དོན་གྱིས་རྣམ་པ་ཐམས་ཅད་ཡོངས་སུ་གཅོད་པའི་བདག་ཉིད་ཅན་སོ་སོར་རྟོག་པའི་ངོ་བོ་ཉིད་ནི་སྣང་བ་མཐའ་ཡས་ཀྱི་བདག་ཉིད་དེ། ལོངས་སྤྱོད་རྫོགས་པའི་སྐུ་ཞེས་བྱ་བ། འབྲས་བུ་གཉིས་ལས་ཆོས་ཀྱི་སྐུ་ལ་བརྟེན་པ་ཡིན་ནོ། །དེ་བཞིན་དུ་སྣ་ཚོགས་ལ་ཁྱབ་པའི་འགྲོ་བའི་དོན་གྱི་བྱ་བ་མཛད་པའི་མཚན་ཉིད་ཅན། བྱ་བ་ནན་ཏན་གྱི་ཡེ་ཤེས་ཀྱི་ངོ་བོ་ཉིད་ནི་དོན་ཡོད་གྲུབ་པའི་རང་བཞིན་ཏེ་སྤྲུལ་པའི་སྐུ་ཞེས་བྱ་བ་འབྲས་བུ་དང་བསྒྲུབ་པར་བྱ་བ་གཞན་ཡིན་ནོ། །དེ་ལྟར་འདིར་ཡང་སྐུ་གསུམ་པོའི་ངོ་བོ་ཉིད་བསྒྲུབ་པར་བྱ་བ་ཡིན་པས། ཞེས་སོགས་སྔར་དྲངས་པ་ལྟར་རོ། །འདི་ཉིད་རིན་ཆེན་འབྱུང་གནས་ཀྱིས་མཛད་པ་སྟེ། ད་དུང་ཚིག་དོན་གཉིས་ཀ་འདི་དང་འདྲ་ལ་ཁད་པ་ཞིག་སྣང་སྟེ། དེ་ནི་སློབ་དཔོན་རྒྱལ་བ་བཟང་པོ་དཔལ་སྤས་ཀྱིས་མཛད་༡༠པའོ། སྔ་མ་ནི་ལོ་ཙཱ་བ་ཚུལ་ཁྲིམས་རྒྱལ་བ་དང་། ཕྱི་མ་ཤཱཀྱ་བརྩོན་འགྲུས་ཀྱིས་བསྒྱུར་བར་སྣང་ངོ་། ། ༈

མཁན་ཆེན་སངས་རྒྱས་ཕུན་ཚོགས་པའི་རྣམ་ཐར་ལས། ཚུལ་གནས་ཀྱི་དོན། རྩ་བཞི་ཆང་དང་ལྔ་སམ་སྦགས་ཙམ་དང་། བཤགས་སྡོམ་གང་ཆེ། ཐོས་པ་ལ། སོ་ཐར་མདོ་དབུ་ལུགས་སེམས་བསྐྱེད། ཞེན་པ་བཞི་བྲལ། དོན་བདུན་མ། སྐྱིད་སྡུག་ལམ་ཁྱེར། རྟེན་འབྲེལ་སྙིང་པོ། དབུ་མའི་ལྟར་ཁྲིད། བརྒྱད་སྟོང་། དེའི་ལྟ་བསྒོམ་སྤྱོད་པ་ཐང་སྟོང་པའི་ལུགས། རྡོ་རྗེ་གཅོད་པ། སྡུད་པ་སོགས། བྱམས་ཆོས་ལྔ། རྩ་ཤེ། སྤྱོད་འཇུག་སོགས། གཅོད་སྐོར། ས་སྐྱ། ཐོགས་མེད། བཀའ་གདམས་གླེགས་བམ། ངོར་ཆེན། མུས་ཆེན། དཀོན་མཆོག་ལྷུན་གྲུབ། ཐར་པཎ་རྣམས་ཀྱི་བཀའ་འབུམ། དབང་ལས། རིགས་གསུམ་སྤྱི། མི་འཁྲུགས་པ་སྟ་གོན་ཡོད་མེད་གཉིས། ཚེ་དཔག་ལྷ་དགུ། འཆི་མེད་རྔ་སྒྲ། ཨ་ར་པ་ཙ་ན། སྦྱོངས་དཀྱིལ། ཀུན་རིག །འཆི་འཇོམས། གསང་འདུས་ལུགས་གསུམ། གཤེད་དམར་ལྷ་ལྔ། འཇིགས་བྱེད་རྭ་ལུགས། ས་ལུགས། ལཱུ་ནག་དྲིལ་གསུམ། མཁའ་འགྲོ་རྒྱ་མཚོ། ཀྱེ་རྡོར་བཀའ་བབས་བཞི། བདག་མེད་ལྷ་མོ་བཅོ་ལྔ། མགོན་པོའི་དབང་ཀ་ལྔ། གུར་སཾ་ཊ། ཕུར་པ། དྲག་དམར་རྣམས་ཀྱི་དབང་། མཁའ་སྤྱོད་རྣམ་གསུམ། ཕག་མོ་སྐོར་གསུམ། དམར་པོ་སྐོར་གསུམ། དམར་ཆུང་སྐོར་གསུམ། ལམ་འབྲས། ཆག་མེད་བཞི། ཚར་སྒྲུབ། རྣམ་བིར། བརྡ་དོན། བདག་མེད་མ། ག་ཡ་དྷ་རའི་མགོན་རྐྱང་། བརྡ་ཚིག །པོད་མེར་དམར་སོགས། བརྒྱ་རྩ། རྒྱ་མཚོ་རྣམས་ཀྱི་རྒྱ་གཞུང་བོད་གཞུང་། སྒྲོལ་མ་ཉེར་གཅིག །དེའི་ཡིག་རྙིང་། རྣམ་རྒྱལ་འཇོམས། ནོར་རྒྱུན་མ། སེང་གདོང་སྔོ་དམར། མི་གཡོ་བ་དཀར་སྔོན། དབྱངས་ཅན་དཀར་མོ། །རྨེ་བརྩེགས་ལྗང་ནག །སྨེ་དུད། ཁྲོ་མོ་སྨེ་བརྩེགས། འཇམ་དཀར། སྨྲ་སེང་། གང་བློ་མ། ཨ་ར་པ་ཙ་ན། ཁྱུང་ཁྲ་ནག །འབྱུང་འདུལ། ཨུ་ཙཪྻ། གཏུམ་ཁྱུང་། སྤྱན་གཟིགས་གཙོ་བོར་གསུམ་པ། སེང་གེ་སྒྲ། བཅུ་གཅིག་ཞལ། སྒྲོལ་དཀར་འཁྲིད་བཅས། གཉན་སྒྲོལ། གཤེད་དམར། སོར་འབྲང་། ཚེ་དཔག་མེད་དཀར་པོ། རས་ཆུང་དང་། གྲུབ་ཐོབ་ལུགས། ལྕགས་སྡོང་མ། རི་ཁྲོད་མ། སྨན་བླ། གནས་བཅུ། ཀླུ་དབང་རྒྱལ་པོ། རྟ་མགྲིན། སྐྱེར་སྒང་ལུགས། ཟླ་རྒྱལ་ལུགས། ཛཾ་སེར་ནག །གུར་ལྷ་བརྒྱད། ལྷ་དགུ། ལྷ་བཅུ་གཉིས་མ། ལྕམ་དྲལ་ལྷ་གསུམ། དུད་སོལ་མ། པུ་ཏྲ། ཞལ་བསྙེན་དུས། བྲམ་ནག །ལས་བཞི། སྒྲུབ་དུས་གཉིས། གསང་ཁྲིད། མངགས་གཏད། ཁྱུང་ཞལ། གདོང་བསྙེན་ཅན། ཕྱག་བཞི་དྲུག །དམ་ཅན་ཆོས་རྒྱལ། རིགས་བཞི། མགོན་དཀར། སྟག་ཞོན། ཏྲཀྴད། དམག་ཟོར་མ། བེཀ་ཙེ། ཚེ་རིང་མ། རྣམ་སྲས། དུར་བདག །ཞང་བློན་ཕྱི་ནང་གསང་གསུམ། ཡང་དེའི་གསང་སྒྲུབ་ལྷ་ལྔ། དཔལ་ལྷ། ཁྲིད་བརྒྱ། ནག་པོ་རིམ་བཞི། རྩ་དབུ་མ་ཡུམ་དང་སྦྱར་བ། རྭ་རྩེ་སེམས་འཛིན། རྭ་ཁྲིད། རྣལ་འབྱོར་བཞི། སྤྲོས་མེད། ཚོམ་བུ་ལུགས། བྲག་རྫོང་མ་ཕྱི་ནང་གསང་གསུམ། ཞལ་གྱི་སྐོར་མང་པོ། རྒྱུད་འབུམ་བླ་མེད་སྐོར་ཡོངས་རྫོགས། འཇིགས་བྱེད་སྐོར་ཚང་མ། གུར་ཞལ་གཉིས་ཀའི་གསེར་པོད། མེ་འབར་མ། གློ་བོ་མཁན་ཆེན་གྱི་བཀའ་འབུམ་ཐོར་བུ། དཔལ་ལྡན་དོན་གྲུབ་བཀའ་འབུམ། རྒྱུད་བཞི་སོགས་སོ།། །། ༈ ན་མོ་གུ་ར་བེ། འཇམ་དཔལ་དབྱངས་ཀྱིས་བྱིན་གྱིས་བརླབས་ཤིང་ཚེ་དེ་ཉིད་དུ་མཆོག་གི་དངོས་གྲུབ་བརྙེས་པ་ལོ་ཙཱ་བ་རིན་ཆེན་བཟང་པོ་ལ་ཡོ་གའི་སྲོལ་གཉིས་མངའ་བའི་སྐུ་ཚེའི་སྟོད་ལ་པཎྜི་ཏ་སངས་རྒྱས་ཞི་བ་ལ་གསན་པའི་སྲོལ་ནི། ཕྱག་ལེན་དང་དབང་བཀའ་ཀུན་སྙིང་ནས་བརྒྱུད་ཀྱང་བཤད་པ་ཤཱཀྱ་བཤེས་གཉེན་གྱི་ཀོ་ས་ལའི་རྒྱན་གྱི་སྟེང་ནས་མཛད་པས་ཕྱག་ལེན་དང་བཤད་པ་ཡང་ཅུང་ཟད་མ་མཐུན་ཅིང་། སྦྱོང་རྒྱུད་ལའང་རྡོར་དབྱིངས་སོགས་ཀྱི་ཆོ་གས་རྒྱས་བཀབ། དབྱངས་ལ་སོགས་པའི་སྤྲོས་པའང་ཆེ་བར་གྲགས་སོ། །སྐུ་ཚེའི་སྨད་ལ་པཎྜིཏ་དྷརྨ་ཕ་ལར་གསན་པའི་སྲོལ་ནི། པཎྜིཏ་དེ་ཉིད་ཀུན་སྙིང་ནས་བརྒྱུད་པ་བཞི་པ་ཡིན་པས་ཐག་ཉེ་ཞིང་། ཕྱག་ལེན་དང་བཤད་པ་གཉིས་ཀ་ཀུན་སྙིང་གི་ལུགས་འབའ་ཞིག་མཛད། སྦྱོང་རྒྱུད་ལའང་ཆོ་ག་གཞན་དུ་ཁ་འཕངས་ནས་གསལ་བར་མ་བཤད་པ་རྣམས། གཙུག་དགུ་དང་དེ་ཉིད་འདུས་པ་སོགས་ནས་ཁ་བསྐངས་པ་མ་གཏོགས་རྒྱུད་ཀྱི་སྟེང་ནས་ཆོ་ག་ཐོན་པ་གཞན་དང་མི་བསྲེ་བར་རྒྱུད་ཀྱི་གོང་འོག་འཁྲུགས་བསྡེབས་ནས་སྤྲོས་པ་ཆུང་ཞིང་དག་པར་མཛད་དོ། །ལུགས་དེ་ཉིད་བྲག་སྟེང་པ་ཡོན་ཏན་ཚུལ་ཁྲིམས་ནས་རིམ་པར་བརྒྱུད། རྗེ་བཙུན་གྲགས་པར་བཀའ་བབས། དེ་ཉིད་ཀྱིས་རྒྱུད་བཤད་ཐབས་ཀྱི་མན་ངག་གཞན་ཕན་སྤྱི་ཆིངས། རྒྱུད་ཀྱི་ས་བཅད། རྒྱུད་ཀྱི་མཆན། ལག་ཏུ་བླང་བའི་རིམ་པ་གཞན་ཕན་འོད་ཟེར། གཞན་ཕན་ཉེར་མཁོ་རྣམས་མཛད་དོ། །དེ་ལ་ཕྱིས་ཀྱི་བོ་དོང་པ་ཕྱོགས་ལས་རྣམ་པར་རྒྱལ་བ་དཔལ་འཇིགས་མེད་གྲགས་པས་རྒྱུད་ཀྱི་དོན་ལ་མ་ཞུགས་སོ། །ཞེས་བཀག་ནས། ཆོ་ག་རྒྱུད་དོན་གསལ་བ། དེ་ཉིད་ལུང་དང་སྦྱར་བ་ལུང་གི་རྣམ་ངེས། རིགས་པའི་རྣམ་ངེས་ཏེ་གསུམ་དུ་མཛད་པ་ལས། གཞན་ཕན་འོད་ཟེར་ལ་ཕྱོགས་སྔར་བྱས་པ་རྣམས་ཀྱི་རྩོད་ལན་ནི་ཀུན་མཁྱེན་པུནྱ་སིཾ་ཧས་གཞན་ཕན་གནོད་འཇོམས་ཞེས་བྱ་བ་མཛད་ཡོད་དོ། །ཤུ་བྷཾ། །ཡང་ཀུན་རིག་ལ་ལོ་ཆེན་ནས་བརྒྱུད་པ་མ་གཏོགས་པ། པཎྜིཏ་དྷརྨ་ཕ་ལས་ཇོ་བོ་རྗེ་ལ་བརྒྱུད་དེ་རྩ་སྐྱ་པ་སོགས་ཀྱིས་མཛད་པའི་སྲོལ་ཏེ་འཕགས་ཡུལ་ནས་བརྒྱུད་པ་གསུམ་དང་། བོད་འདིར་གསར་དུ་བཟོས་པའི་སྔར་གྱི་སྲོལ་གཉིས། འདུལ་འཛིན་གྲགས་རྒྱལ་དུ་བོད་པས་སྐབས་དོན་དང་པོ་སྦྱོར་བ་ཆོས་སྐུའི་ཉམས་ལེན་ཆད་པ་སྟེ་ལུགས་སྲོལ་གསུམ་སྟེ་དྲུག་ཏུ་ཡོད་དོ།། ཤུ་བྷཾ། །།

དཔལ་ཀྱཻ་རྡོ་རྗེའི་ལུས་དཀྱིལ་གྱི་བཤད་པའི་སྐབས། ཀྱཻ་རྡོར་རྩ་རྒྱུད་དང། བཤད་རྒྱུད་ཀུན་ཏུ་ཁ་སྦྱོར་ལས་གསུངས་པའི་ལུས་དཀྱིལ་རྣལ་འབྱོར་དབང་ཕྱུག་གི་མན་ངག་སྟེ། དེ་ལའང་། སྤྱིར་དཀྱིལ་འཁོར་གྱི་སྒྲ་དོན། དཀྱིལ་འཁོར་དེའི་རབ་ཏུ་དབྱེ་བ། ལུས་དཀྱིལ་བྱེ་བྲག་ཏུ་བཤད་པའོ། །དང་པོ་ནི། མཎྜལ་ཞེས་པའི་སྒྲ་ལས་དྲངས་ན་མ་ནུ་སཱ་ར་ནི་སྙིང་པོ་སྟེ། བྱང་ཆུབ་ཀྱི་སེམས་བདེ་བ་ཆེན་པོའོ། །ལ་ནི་ལེན་པའམ་འཛིན་པ་སྟེ། སྙིང་པོ་བདེ་བ་ཆེན་པོ་ལེན་ཅིང་འཛིན་པས་ན་དཀྱིལ་འཁོར་ཏེ། རྩ་རྒྱུད་ལས། དཀྱིལ་ནི་སྙིང་པོ་ཞེས་བརྗོད་དེ། །བྱང་ཆུབ་སེམས་ནི་བདེ་ཆེན་པོ། །ལེན་པར་བྱེད་པས་དཀྱིལ་འཁོར་ཉིད། །འདུས་པ་དཀྱིལ་འཁོར་ཉིད་དུ་བརྗོད། ཅེས་སོ། །གཉིས་པ་ལ་དྲུག་སྟེ། སློབ་དཔོན་ཀླུ་བྱང་གིས། །རིན་ཆེན་དེ་བཞིན་ས་བོན་དང་། །མེ་ཏོག་ཚོན་དང་དེ་བཞིན་དུ། །ཕྱེ་མ་གཡོ་དང་ཕྱེ་མ་སྟེ། །དེ་བཞིན་ཉིད་ཀྱི་དཀྱིལ་འཁོར་བདེན། །ཞེས་དང་། དེ་བཞིན་དུ་མངོན་བརྗོད་བླ་མར་དཀྱིལ་འཁོར་དྲུག་དང་། མན་ངག་ཐུན་མོང་མ་ཡིན་པར་ལྔ་དང་། ཐུན་མོང་དུ་བཅོས་མའི་དང་། ཁྱད་པར་དུ་དཀྱིལ་འཁོར་བཞིར་དབྱེ་བ་དང་། སློབ་དཔོན་དྲིལ་བུ་པས་དཀྱིལ་འཁོར་གསུམ་དུ་དབྱེ་བ་དང་། ཁ་སྦྱོར་ལས་དཀྱིལ་འཁོར་གཉིས་སུ་གསུངས་པ་སོགས་སོ།། །། གསུམ་པ་ལུས་དཀྱིལ་བྱེ་བྲག་ཏུ་བཤད་པ་ལ། ཕྱི་དཀྱིལ་ལས་ཁྱད་པར་འཕགས་ཚུལ། ཁྱད་པར་དུ་འཕགས་པའི་ལུས་དཀྱིལ་གྱི་སྒྲ་དོན། སྒྲ་དེ་ལྡན་ལུས་དཀྱིལ་གྱི་དབྱེ་བ། དབྱེ་གཞི་ལུས་དཀྱིལ་གྱི་མཚན་གྱི་རྣམ་གྲངས། མཚན་དེ་དང་ལྡན་པའི་ལུས་དཀྱིལ་ཉིད་གཏན་ལ་དབབ་པའོ། ། ༈ རས་བྲིས་ཀྱི་དཀྱིལ་འཁོར་ལ་ཞལ་ཕྱག་རྫོགས་པར་བྲི་དགོས་ཏེ། དེ་ཡང་ཛ་ཡ་སེ་ནས། རྡུལ་ཚོན་བྲི་བར་མ་ནུས་ན། །དཀྱིལ་འཁོར་དང་མཉམ་རས་ལ་ནི། །ངེས་པར་བཅོམ་ལྡན་ཧེ་རུ་ཀ །ཕྱག་རྒྱའི་གཟུགས་དང་བཅས་པ་འབྲི། །ཞེས་སོ། ། ༈

དབང་གི་ཆུ་བོའི་རྣམ་བཤད་དུ། དབང་བསྐུར་བ་རྡོ་རྗེ་ཐེག་པའི་ལམ་གྱི་དངོས་གཞིར་བསྟན་པ་དང། དབང་མ་བསྐུར་བའི་ཉེས་དམིགས། དབང་བསྐུར་བའི་ཕན་ཡོན། བསྐུར་བྱ་དབང་སྤྱིའི་རྣམ་བཞག །ཆོ་གའི་ངོ་བོ་སྟེ་ལྔའོ། །འདིའི་བཞི་པ་ལ། དབང་བསྐུར་གྱི་སྒྲ་དོན། སྤྱིའི་གྲངས་ངེས། ནང་གསེས་ཀྱི་དབྱེ་བ། དབང་གི་གོ་རིམ་མོ། །དང་པོ་ནི། ཆོ་ག་ཁྱད་པར་ཅན་ལ་བརྟེན་ནས་ཕུང་ཁམས་སྐྱེ་མཆེད་ལ་སངས་རྒྱས་ཀྱི་ས་བོན་བཏབ་པའི་སྒོ་ནས་རྒྱུད་ཡོངས་སུ་སྨིན་པའི་ངོ་བོ་སྟེ། སྨིན་པའི་ཚད་ནི་རྒྱན་ལས། ཇི་ལྟར་རྨ་དང་ཟས་ལ་དེ་དག་གིས། །གཟགས་དང་སྤྱད་དུ་རུང་བས་སྨིན་འདོད་ལྟར། །དེ་བཞིན་རྟེན་འདིར་ཕྱོགས་གཉིས་ཞི་བ་དང་། །ཡོངས་སུ་སྤྱད་པ་ཉིད་དུ་སྨིན་པར་བསྟན། །ཅེས་ཕར་ཕྱིན་གྱི་ཐེག་པར་བསྟན་པ་དེ་ཉིད་ལ་སྤང་བྱ་མཐོང་སྤང་སྤོང་རུང་དང་། གཉེན་པོ་མཐོང་ལམ་སྐྱེ་རུང་ལ་སྨིན་པར་འཇོག་པ་ལྟར། རྡོ་རྗེ་ཐེག་པའི་སྐབས་འདིར་རྟེན་དེ་ཉིད་ལ་སྤང་བྱ་སྒྲིབ་གཉིས་སྤོང་རུང་དང་། ཐོབ་བྱ་མཆོག་གི་དངོས་གྲུབ་ཐོབ་རུང་དུ་འགྱུར་བ་ནི་སྨིན་པའི་ངོ་བོའོ། །དེས་ན་དབང་བསྐུར་ཐོབ་པ་དང་། སྔགས་ཀྱི་དམ་ཚིག་ཐོབ་པ་དང་། སྡོམ་པ་ཐོབ་པ་དང་། རྒྱུད་སྨིན་པར་བྱས་པ་རྣམས་དོན་གཅིག་ཡིན་ཅིང་། དབང་བསྐུར་དང་། སྔགས་ཀྱི་དམ་ཚིག་དང་། རྒྱུད་སྨིན་པའི་ངོ་བོ་རྣམས་དོན་གཅིག་གོ །ཞེས་སོ། །གཉིས་པ་ནི། གཏོར་བ་དང་། དབང་བ་སོགས་དོན་ཚན་བཞིའི་སྒོ་ནས་དག་ལྡན་ལས་འཆད་པ་ལྟར་རོ། །གསུམ་པ་ནི་རྒྱུད་སྡེ་བཞིར་དབང་མི་འདྲ་བ་བཞི་དང་། བླ་མེད་ལ་བུམ་དབང་སོགས་བཞིའོ། །ལྔ་པ་ནི། སློབ་དཔོན་ཀླུས་མཛད་པའི་གསང་བ་འདུས་པའི་དཀྱིལ་ཆོག་དང་། ཀླུ་བྱང་གི་ཆོ་ག་ཉི་ཤུར་མཛད། བདེ་མཆོག་ནག་པོ་པར་སྔོན་དུ་བསྙེན་པ་དང་། དཀྱིལ་འཁོར་གྱི་སྤྱོད་པ་བདུན་དང་། བརྟུལ་ཞུགས་ཀྱི་རིམ་པ་བཅུ་བཞི་སྟེ་ཉི་ཤུ་རྩ་གཉིས་སུ་མཛད། དྲིལ་བུ་པས་རྩ་བའི་དབྱེ་བ་བཞི། ཡན་ལག་གི་དབྱེ་བ་བཅུ་བཞིར་གསུངས། ཀྱཻ་རྡོར་མན་ངག་ལུགས་ལ། ཞལ་དང་འདྲ་བའི་ཆོ་གའི་གཞི་བརྒྱད། ཞབས་དང་འདྲ་བའི་ཆོ་གའི་ཆིངས་བཞི། ཕྱག་དང་འདྲ་བའི་ཆོ་གའི་ཡན་ལག་བཅུ་དྲུག །མིག་དང་འདྲ་བའི་ཆོ་གའི་གཙོ་བོ་ཉེར་བཞི་སོགས་གསུངས་པ་མ་འདྲེས་པར་རྟོགས་པར་བྱའོ། །ལྔ་པ་ཆོ་གའི་ངོ་བོ་ལ། ཞལ་དང་འདྲ་བའི་ཆོས་བརྒྱད་དེ། གཞན་དོན་དུ་སློབ་མ་རྗེས་སུ་བཟུང་བའི་ཆོ་ག །སྔོན་དུ་བསྙེན་པའི་ཆོ་ག །སའི་ཆོ་ག །སྟ་གོན་ཆོ་ག །དཀྱིལ་འཁོར་བྲི་ཞིང་རྒྱན་དགྲམ་པའི་ཆོ་ག །སྒྲུབ་ཅིང་མཆོད་པའི་ཆོ་ག །འཇུག་ཅིང་དབང་བསྐུར་བའི་ཆོ་ག །དཀྱིལ་འཁོར་ཆེན་པོའི་འཇུག་གི་ཆོ་གའོ། །དང་པོ་ལ། གང་ལས་གསུངས་པའི་ལུང་ཁུངས། གང་ལ་བྱ་བའི་སློབ་མ། ཇི་ལྟར་བྱ་བའི་ཆོ་ག །དེ་ལྟར་བྱས་པའི་དགོས་པའོ།། །། ༈

[edit]

rigs ldan 'jam dpal grags pas mdzad pa'i rtsa ltung rgya cher 'grel sogs las khol btus rab tu mang po/ slob dpon 'jam dpal grags pas mdzad pa'i rtsa ltung rgya cher 'grel las/__gzhan dag rdo rje rtse mo gtso bor gyur pa'i bya ba dang spyod pa gtso bor gyur pa las kyang /__gnyis su med pa'i don khong du chud cing dam tshig can gyi skye bos brtags pa'i lha dang ye shes kyi lha dang dbang po'i sgo mnyam par sbyar nas/__dka' thub dang dka' spyad dang khrus la sogs pa'i las gtso bo mi 'dzin pas 'grub par gsungs te/_de skad du yang /__khrus dang gtsang sbra 'dir mi dgos/__/dka' thub dka' spyad 'dir mi dgos/__/sangs rgyas rnams dang sems dpa' che/__/rtag tu sbyor bas 'grub par 'gyur/__/zhes 'byung ba dang /__gzhan yang thig le mnyam gnas kyi rgyud las/__bde ba chen po'i ngang gnas na/__/dam tshig med cing sdom pa'ang med/__/bya dang byed dang stsol ba'ang med/__/nam mkha' lta bur 'grub par 'gyur/__/zhes 'byung ba dang /__byang chub sems 'byung ba'i rgyud las/__/byang chub sems la mnyam gnas na/_/dam tshig sdom pa nyams ma yin/__/zhes 'byung ba dang /__/thugs gsang ba'i rgyud las kyang /__/spros med thig le'i ngang gnas na/__/bya ba ma yin spyad kyang 'grub/__/ces 'byung ba dang /__rtog pa yongs su zad pa'i rgyud las kyang /__/dam tshig la sogs brtags pas 'ching /__/sgyu ma'i sbyor shos stong pas 'grub/__/ces 'byung ba dang /__mkha' 'gro ma gsang ba mdzod las kyang /___'di ltar snang ba'i dngos po rnams/__/sgyu ma lha dang lha mor gnas/__/bsdam bya med cing sdom byed med/__/rtsa dang rlung dang thig le med/__/stong pa nyid kyis 'grub par 'gyur/__/zhes 'byung ba dang /___gzhan yang rnal 'byor dang rnal 'byor ma'i rgyud thams cad las kyang bde ba chen po'i don rtogs na/__smyung bar gnas pa la sogs pa dman pa'i spyod par bshad pas na zab mo rdo rje theg pa rnams kyis ni rang bzhin gyis gnas pa'i lha'i sbyor bas rtag par thig le chen po mnyam pa nyid la gnas na/__dngos grub kyi mchog sku gsum ye shes lnga la sogs pa thob par 'gyur ro/__/gzhan dag bya ba dang spyod pa'i rgyud rdo rje theg pa ma yin nam/__/de dag las ni las dang bya bas 'grub par bshad na/__gzhan yang theg pa chen po'i mdo sde rnams las kyang sbyin pa la sogs pa bsod nams kyi tshogs kyis thams cad mkhyen pa'i rgyu'i gtso bor gsungs pa dang 'gal lo zhe na/__/de dag ni bcom ldan 'das kyis dgongs te bshad pa yin no/__/bus pa blo dman pa dang /__spros bcas la dga' ba dang /__shin tu zab mo'i don la 'jigs pa rnams gzung ba'i phyir gsungs pa yin no/__/de skad du'ang gsang sngags kyi don la de kho na nyid 'jug pa las/__stong nyid lta bas grol 'gyur te/__/sgom pa lhag ma de don yin/__/lus ngag yid kyi spyod pa kun/__/theg pa dman la bstan pa yin/__/zhes 'byung ba/__slob dpon klu sgrub kyi zhal snga nas kyang de nyid tshol la thog mar ni/___thams cad yod ces rjod par byed/__/don rnams rtogs shing chags med la/__/phyis ni rnam par dben don nyid/__/ces bshad pas so/_/gzhan du 'jam dpal sgyu 'phrul drwa ba las kyang /__lag na rdo rje/__ngas sems can rnams kyi blo yi khyad par dang /__rigs kyi bye brag gis theg pa'i khyad par rnams bstan te/__la la la phyi rol pa'i tshu rol/__la la la nyan thos kyi theg pa'o/__/la la la rang sangs rgyas kyi theg pa dang /__/gzhan yang pha rol tu phyin pa'i theg pa dang /__/rig pa 'dzin pa'i rgyud dpag tu med pa bstan kyang /__thig le chen po yi ge med pa/__brda dang bral bas gnyis su med pas sangs rgyas par rig par bya'o/__/zhes gsungs pas gsal bar byas pa rig par bya'o/__/gzhan yang rdo rje rtse mo la sogs pa'i khungs dang /__rdo rje gtsug tor las kyang de kho na la mnyam gnas na/___dam tshig med cing sngar spyad med/__/rdo rje dril bu bzung mi dgos/__/de nyid bcu bral 'grub par 'gyur/__/zhes 'byung ba dang /__shes rab kyi pha rol tu phyin pa las kyang /__rab 'byor byang chub sems dpa' rnams kyi sbyin pa la sogs pa rnams ni spros pa dang bcas pa ste mtshan mar rig par bya'o/__/don dam pa ni chos kyi dbyings rgyal ba rnams kyi yum mo/__/zhes bya ba la sogs pas bstan to/__/gzhan yang rdo rje 'dzin pa ni dam tshig spyod pas thob pa ma yin te/__yang dag pa'i lta ba dang bral bas rig byed gsang tshig gi cho ga bzhin no/__/de'i phyir na stong pa nyid kyi don rtogs na lus ngag gi spyod pa dang dam tshig la sogs pa theg pa 'og ma'i tshul yin te/__rnal 'byor chen po'i rgyud las ni dam tshig dang bya spyod la sogs pa mi dgos te/__de ltar rtogs pa ni zab mo'i don khong du chud pa yin no/__/zhes slob dpon gzhan dag zer ro/__/de yan chad nges don no/__/zhes gsungs shing gzhung 'di thog mar rgya brtson seng dang /__rin chen grags pas kyang bcos pa'i phyir tshad thub tu mngon no//____//__! bla ma rnams la phyag 'tshal lo/__/dam pa nyer bsten gcig shos min/__/snod dang ldan pa rnam par brtag__/'dod phyir gzhan la gnod pa spangs/_/dkon mchog la sogs nor ba min/__/gzhan don skad cig yal mi dor/__/byang chub min par dge mi 'jug__/rnam shes 'pho ba'i de nyid mkhas/__/gzhan du yan lag nyes pa'o/__/yan lag gi nyes pa bdun rdzogs so//____//__! slob dpon rin chen 'byung gnas zhi ba'i zhabs kyis mdzad pa'i dbang bskur ba'i nges pa bstan pa zhes bya ba las/__de bas bsgrub bya zag med pa/__/nyams pa med pa bla med pa/__/bde ba dri med nam mkha' 'dra/__/'gro ba'i don ni mdzad spyod pa'o/__/de nyid skyob pa rnams kyi sku/__/chos kyi sku zhes dran par bya/__/de la brten nas sprul sku ni/__/longs spyod sprul pa'i mtshan nyid do/__/de la brten nas bsgrub bya ste/__/theg pa chen po bla med las/__/bdag gzhan don dag bsgrub bya'i phyir/__/gzhan du de yang dgos pa med/__/zhes dang /__lus dang ngag yid dbye ba yis/__/gsang ba 'dus par dbang bskur ba/__/mgon pos rnam pa gsum du bstan/__/bzhi pa zhes bya mi 'dod do/__/zhes sogs drangs te gsum pa'i bde ba de kho na chos kyi sku yin la/__de las sku gnyis po skye ba'i phyir na thabs la mkhas pa'i khyad par dang bcas pas bsgrub pa'i phyir/__gsum pa las gzhan du bzhi pa mi dbye zhing /__'dod na thabs med pas bde ba dang bral ba'i stong pa tsam ni phar phyin gyi theg pa nyi tshe bar gsungs pa'i bshad pa rgyas par snang ste rnam dpyod dang ldan pa dag gis shes rab kyi mig sgrubs shig/____//__! yang /__phyag rgya la reg pas sogs 'du bya ba sra ba'i bag chags te/__de'i dga' ba ni rnam par snang mdzad yab yum mam/__gti mug rdo rje ste bsnyen pa'i mtshan nyid can gyi yan lag dang po'o/__/de skad du/__bsgrub bya sgrub pa'i sbyor ba ni/__/gang yin bsnyen pa yin par 'dod/__/zhes so/__/gang gis rdo rje dang pad+ma gnyis su med par byed pa'i ye shes gang yin pa de dag bye zhing bral ba'i bdag nyid la rgyab kyis phyogs pa gang dmigs par gyur pa de chu'i khams kyi ngo bo nyid/__de las skyes pa'i dga' ba ni mi bskyod pa yab yum mam/__zhe sdang rdo rje dang nye bar sgrub pa'i yan lag ste gnyis pa'o/__/de yang /__rdo rje pad+ma mnyam sbyor ba/__nye ba'i bsnyen pa yin par 'dod/__zhes so/__/rjes thog der pad+ma'i nang du btsud pa la zhen pa dang /__de'i tshe gtsubs pa las dro bar gyur pa ni me'i khams te/_gang las skyes pa'i dga' ba 'od dpag med yab yum mam/__'dod chags rdo rje dang /__sgrub pa zhes bya ba'i yan lag ste gsum pa'o/__/de yang /__sgrub pa bskyod pa yin par bshad/__/hU~M phaT dang ni ldan pa'o/_/zhes gsungs pas so/__/rgyu des thabs shes lhag par chags shing mngon pa'i nga rgyal gyis rtsed mo'i bde bas tshor ba myos shing dga' bar gyur pa gang yin pa ni bcom ldan 'das rin chen 'byung ldan te/__de nyid sems las byung ba yin pa dang /__'dod chags su mnyam pas snga ma'i khongs su bsdu ste yan lag logs shig med do/__/de yi rjes la shes rab dang thabs gnyis su med par snang ba shin tu bsgoms pa las byung ba'i mchog tu dga' ba ro mnyam par gyur pa na/__mchog tu dga' ba lhan cig skyes pa'i ngo bo ni bcom ldan 'das don yod grub pa dang /__des lhan cig skyes pa'i ye shes dang mnyam du byang chub sems kyang nor bur skul bar byed pas na rlung gi khams dang /__phrag dog rdo rje ste/__nges par 'bras bu ldan par gyur pas na sgrub pa chen po'o/__/de yang /__rang bde ngo bo nyid dang bzhi/__/sgrub pa chen po zhes bya'o/__/zhes so/__/de ltar yang /__/bsnyen pa'i sgrub pa dang po ste/__gnyis pa nye bar sgrub pa yin/__/sgrub pa nyid ni gsum pa ste/__/sgrub pa chen po bzhi pa'o/__/zhes dang /__mchog dang dga' bral dbus su ni/__/mtshon zhing ltos la brtan par gyis/__/zhes gsungs so/__/zhes pa'ang gzhung de'i dgongs don nye bar bsdus pa 'di la gnad gal po che yod do//____//__! rgya gar skad du/__bAh+ya an+ta ra a mr-i ta kalba nA ma/__bod skad du/__phyi nang bdud rtsi'i bcud len zhes bya ba/__/rdo rje rnal 'byor ma la phyag 'tshal lo/__/rgyun chad bdud rtsi'i gsang ba bcud len gyis/_/nyams len thabs dang de yi sman sbyor dang /__/nyams su blangs na tshe ring grub pa thob/_/de phyir bdag nyid b+h+ya ra'i nyams len bshad/__/rnal 'byor phyi yi nyams len byed na ni/_/bdud rtsi lnga yis rang lus dag par byas/__/rnam snang mi bskyod rin chen 'byung ldan dang /_/'od dpag med dang don yod grub pa rnams/__/rang gi lus gnas nyams len shes pa med/__/mA ma kI yi rgyud btus nyams len bshad/__/rnam snang blangs la rdo rje'i chu yis dkrugs/__/btsir nas snod kyi nang du thun phyed bzhag__/byin rlabs mchod bya rlung med sa ru brdungs/__/rlung nad can la bu ram sbyar bar bya/__/bad kan can la tsha ba gsum dang sbyar/__/dri med rnam snang btsir nas grib skom bya/__/zhib par btags nas mar dang sbrang rtsi sbyar/__/mi bskyod pa yis sbrus nas bza' btung bya/__/sha dang 'o ma bza' zhing chang rnams spang /__/rnam snang nyams len bdag nyid b+h+ya ris smras/__/mi bskyod bskol nas mar dang kha ra sbyar/__/grang bar byas nas rnal 'byor btung bar bya/__/chang dang bud med spangs na zla drug 'grub/__/mi bskyod bcud len b+h+ya ris smra bar byed/_/rin chen 'byung ldan gan d+hi dngul chu dang /__/ra yi 'o ma sbrangs dang b+hi ta ste/__/zhib par btags nas ka ra la sogs sbyar/__/mar khu bton nas rnal 'byor lus la byugs/_/sman rnams gtong dus khengs pa'i dus su btang /__gzhan dang mi 'dra b+h+ya ri stobs skyes so/__/dbyar zla gsum la don yod grub pa yi/__/a ru ra dang sman tsha sbyar la bza'/_/ston gsum ka ra a ru ra sbyar nas/__/rnal 'byor pa ni lto stong dag la bza'/__/dgun gsum 'bras bu gsum dang sbyar la bza'/__/dpyid gsum mar sbrangs 'bras bu gsum sbyar bza'/__/don yod grub pa'i rnal 'byor bcud len pas/__/nad rnams sel zhing don rnams grub par byed/__/shing mngar sbrangs mar 'od dpag med pa 'bras bu gsum/_/cong zhi dang sbyar zos na nad rnams sel/__/cis kyang rnal 'byor bla ma'i zhal la ltos/_/'od dpag med kyi bcud len b+h+ya ris smras/__/zla ba drug nas rnal 'byor ru rta bkol la btung /__/dkar gsum mngar gsum la brten dbang lag chu bkol btang /__mdor na ci dgos kha zas rim gyis spangs/__/brag la sbyar nas b+h+ya ris bsten par bya/__/kha zas rgyun chad bshad nas gsang ba bshad/__/snying ga'i dbus su yi dam lha nyid ni/__/rdo rje phag mo zhal gcig phyag gnyis ldan/__/sems dpa'i skyil krung bdud rtsi bum pa 'dzin/_/ngag tu hU~M brjod snying ga gyen la bzlog__/yum gyi 'od kyis dkar nag mtshams su bcad/__/oM AHhU~M brjod zhal nas bdud rtsi 'dzags/__/dkar nag bcad pa'i mtshams nas 'bab pa yin/__/rang lus khong stong 'o ltar gang bar bsams/__/de ni ting 'dzin sems dpa' bdag gis smras/__/mdun gyi mkha' la ye shes sems dpa' ste/__/yid kyis dran nas de yi 'od kyis ni/__/rang gi smin mtshams yan chad thod pa bcad/__/ye shes sems dpas oM AHhU~M brjod pas/__/thod pa'i bdud rtsi 'dzags te rtsa sbubs zhugs/__/bum pa'i 'og tu ra~M 'bar bdud rtsi blugs/__/de nas 'dres pas lus ni bdud rtsis gang /__/gnyis med de yi stobs kyis chu ser sogs/__/gsang ba'i gnas nas mar la 'dzags par bsams/__/de nas mar bshal yar rang lus la bdud rtsis gang /__/slar yang rnal 'byor thod pa bcad 'phro las/__/bdud rtsi sor gcig lud nas gang bar bsams/__/gal te rnal 'byor rlung khams skyes na ni/__/snying gi bum pa char gyis gang bar bsams/__/mkhris pas skya rims tshad nad 'bab nad la/__/ga bur chu bzhin nang lus bsil bar bsams/__/rnal 'byor grang ba'i nad ni na gyur na/_/drod sman rnams kyi stobs ni bsgom par bya/__/bsgoms kyang skyo na hriM yig blo ldanabazla/_/b+h+ya ri bdag nyid gsang ba'i bcud len smras/__/brtan pa'i sems kyis rnal 'byor nyid kyis bsgrubs/__/nyams su myong ba'i yon tan nad rnams sel/__/zla drug shes rab blo 'phel rang bzhin skye/__slob dpon b+h+ya ris gsungs pa'i phyi nang gi bdud rtsi'i bcud len rdzogs so//__// rgya gar gyi paN+Di ta rat+na ma las rang 'gyur du mdzad nas bshad rgyud kyi gdams pa bar ma chad par gsungs so//____//__! a saM b+han+d+ha dr-iSh+ti/__'brel med kyi lta ba las/_/me yi mtshan nyid sreg byed de/__/de nyid khyab byed ces bya ste/__/khyab bya du ba yin par mthong //____//__! yang /__rdzogs chen pa yi lung las ni/__/chos nyid gzhi'am ma bcos pa/__/khyab byed de la 'byung ba yi/__/'gro drug khyab byar gsungs pa'o/__/zhes dang/__nang pa mu stegs dbang du ni/__/rang rig 'od gsal khyab byed de/__/rnam par rig pa khyab byar sems/__zhes so//____//__!_de nyid brgyad kyi lta ba las/__/dri bcas sems ni 'khor ba ste/__/tha snyad dang bral mya ngan 'das/__/dper na sprin med nam mkha' ni/_/gang la mi gnas phyag rgya che/__/in+d+ra b+hu ti smra bar byed/__zhes dang //____//__!_thugs kyi gsang ba glur blangs pa las/__Dom+bi he ru kas gsungs pa/__/srid bzhi mnyam nyid spros bral la/__/rtsol sgrub byed pa sha thang chad/__/yul sems gnyis med zang thal la/__/tha dad 'dzin pa nyon re mongs/__/bdag gzhan gnyis med chos sku la/__/bzang ngan 'dzin pa snying re rje/__/gsungs so//__!_// AR+Ya de bas/__kye ho/__phung po lha yi ngo bor gnas/_/bum pa'i dbang bskur rang la rdzogs/__/sgra stong brag ca lta bur rtogs/__/gsang ba'i dbang la ltos mi dgos/__/nyams myong bde chen khongs nas sad/__/shes rab ye shes dbang dang ldan/__/chos rnams nam mkha' lta bur rtogs/__/bzhi pa'i dbang gi don dang ldan/__/gsungs so//____//__! gu d+ha ri pas gsungs pa/__/ye shes rdo rje nam mkha'i mdog__/sna tshogs 'byung ba'i cho 'phrul ston/__/dmigs pa med par kun la khyab/_/'du 'bral med par rang la rdzogs/__/ma btsal lhun gyis grub pa'i don/__/zhes gsungs so/__/nA ro pas gsungs pa/__/spyi gtsug pad+ma'i gdan steng du/__/mtshan ldan bla ma'i spyan snga ru/__/rtsa dar dkar gyi lam las 'gro shes na/__/mtshams med lnga po byed kyang grol/__/gsang sngags thabs kyi khyad par yin/__/gsungs so/__/dpa' bo rdo rjes smras pa/__/sems kyi thig le yi ge'i dbyibs/__/rlung gis bskyod de mkha' la 'phur/_/las kyi sgo bzhi 'gags nas kyang /__/bde chen gnas su 'pho bar byed/__/zhes dang/__rat+na bo d+his smras pa/__/ma bcos rnal ma'i shes pa de/__/mi sbom de bzhin nyid du bzhag__/bcos pa thams cad blo yin te/__/blo las grol na thar pa'i lam/__/gsungs so/__/karma badz+ras smras pa/__/'khrul pa'i rtsa ba ma chod na/__/sems kyi 'khrul 'khor mi 'jig ste/__/bcos ma'i theg pa snying re rje/__/rtsa ba bral ba'i don mthong na/__/las kyi 'khrul 'khor gzhi la 'jig__/gsungs so/__/grub thob lnga bcu'i rtogs pa brjod pa thig le dag pa'i phreng ba las so//____//__!_brul tsho//____//__! slob dpon tog rtse ba'i zhal nas/__/tha mal shes pa snying gi dbus su sad/__/tshogs drug dag na bde chen rgyun mi chad/__/brtags pa thams cad don med g.yeng ba'i rgyu/__/sgom du med pas gnyug ma'i ngang la zhog__/zhes so//____//__! ti A lo ka__/de nyid snang bar/__d+ha la rang ngo mthong ba na du ba'i zhal snga nas/__/snying gi dbus su ngo sprod pa'i/__/bla mas bstan pa'i mchog gi don/__/lhun grub rang ngo shes pa ni/__/gnad de nges pa'i shes pas mthong /_/zhes so/__/dge ba'i chos sdud tshul khrims can b+ha tsa la'i zhal nas/__/gzhi rdzogs rang byung ye shes su/__/bcos ma'i rkyen la rag mi las/__/rang rig 'od gsal dngos po'i gshis/__/rten 'brel gang gi thabs kyis rig__/ces gsungs so/__/du ma ro gcig gi rnal 'byor pa b+ha ta la'i zhal snga nas/__/ngo bo spros bral dri ma med/__/'gro ba kun la rang bzhin gnas/__/shel gong 'dam gyis gos pa bzhin/__/glo bur 'khrul pa'i rtog pas 'grib/__/ces so/__/ting 'dzin zas kyis 'tsho ba'i rnal 'byor ma tsAn+d+ra bi ma la'i zhal snga nas/__gyen gyi lta stangs tshangs pa'i gsang /__/dbang po rang snang phyag rgya che/__/chos nyid ngo bo thabs kyis zin/__/spros bral 'char ba yi ge'i gnad/__/ces so/___/rtsa rlung las su rung ba ni l+wa ba'i zhal nas/__/dran rtog 'od gsal la bcings pas/__/rang rig ye shes lnga yi mdangs/__/sa chu me rlung nam mkha' yi/__/snang ba rgyu lam 'bras bu'i rtags/_/zhes so/__/mi g.yo ba'i bsam gtan dz+nyA na d+ha ra'i zhal nas/__/dwangs ma'i 'od zer du bar snang /__/smig rgyu snang ba bde ba'i 'od/__/gsal ba srin bu me khyer 'od/__/mi rtog 'od zer mkha' ltar snang /__/zhes so/__/zhes pa rnams gser gyi nyi ma rnam par snang ba'i le'u 1las so//__// 'od gsal rang ngo 'phrod pa d+harma b+ha dra'i zhal snga nas/_/sems nyid 'od gsal dngos po'i don/__/rang bzhin ngo bo sangs rgyas rgyu/__/dmigs med gdod nas dag pa yi/__/ye shes de mthong ma rig sel/__/zhes gsungs 2so/__/thugs rje'i rgyan dang 3ldan pa gser gling pa'i zhal nas/__/'dod pa'i 'bras bu ster ba yis/_/yid bzhin nor 'dra'i byang chub sems/__/sangs rgyas ma bcos lhun grub sku/__/'gro ba kun la rang bzhin gnas/__/zhes so/__/ha ha 4hi hi'i gad rgyangs can a ha ra'i zhal nas/__/'khor ba spangs pa'i pha rol na/__/mya ngan 'das pa yod ma yin/__/'khor ba rang bzhin med pa yi/__/mtshangs de mya ngan 'das pa'o/__/zhes gsungs so/__/zla 6ba'i 'od zer mag+ha pa li ta'i zhal snga nas/__/nam mkha' mdung tshugs bsam gtan mkhar/__rig pa sor bzhag gnad kyi mtshangs/__/bde gsal rgyun mi chad par byed/__/yul la yengs par mi bya'o/__/zhes gsungs so/__/spros bral gyi ye shes ngos zin pa ko sha pa'i zhal snga nas/__chos rnams thams cad ngo bos stong /__/bden zad brdzun zad yi ge zad/_/don zad nam mkha'i rang bzhin can/__/bsam du ma btub bsgoms las grol/___/zhes gsungs so/__/dpal gyi 'od 'dzin ma rat+na li ta'i zhal snga nas/__/rtog bral yul gyi rjes mi 'brangs/__/snang ba had po der 'dzin grol/__/sor bzhag tshogs drug lhug pa'i ngang /__/sgom blo 'dun pa dri ma yin/__/zhes gsungs so/__/nyon mongs 7rang thog tu grol bas gnyen po'i bya ra zhig pa sa ra hI pa'i zhal snga nas/__shes pa ngar can de ltos dang /__/nam mkha'i dbyings kyi dbus gnas par/__/rig pa dri med lam gyi mchog_/thig le mthong na rnam par grol/__/zhes gsungs so/__/bde ba'i sgron ma la d+ha ba'i zhal snga nas/__sems las ye shes skye 'gyur ba/__/rig pa drung ba khro bo'i spyan/__/sor bzhag rnam rtog rlung mi bskyod/__/rten 'brel gyis ni yang dag 'grub/__/ces gsungs so/_/zag med bde 8ba'i mdangs ldan ma ru ka la'i zhal snga nas/__/mtshon byed dpe yi lhan skyes kyis/__/mtshon bya don gyi lhan skyes rtogs/__/des ni 'gro 'ong med pa'i bdag__/sems nyid gnyug ma'i rang bzhin no/__/zhes gsungs so/__/snang ba rgyud la nges par skyes pa pat+dza na'i zhal nas/__/las kyi phyag rgya mtshon byed do/__/chos kyi phyag rgya sgom pa'i lam/__/phyag rgya chen po 'bras bu ste/__/dam tshig phyag rgya phrin las so/__/zhes gsungs so/__/don rgyud la sgro 'dogs chod pa de ba sha ra'i zhal snga nas/__bde ba nyams myong dga' ba ste/__/'dzin grol nyams myong mchog tu dga'/__/bde stong dbye ru med pa ni/_/lhan cig skyes pa'i dga' ba'o/__/nyams dang bral na dga' bral lo/__/zhes gsungs so/__/bum 'dzin ma d+ha na ru'i zhal snga nas/__rigs drug 'khor ba'i sems can la/_/bde gshegs snying po yod gyur kyang /__/ma bsgrubs grol ba thob mi 'gyur/_/zhes gsungs so/__/zhes pa ni rnal 'byor pa thams cad kyi de kho na nyid snang ba zhes pa las khol du phyung ba'o//____//__! phyag rgya chen po gser phreng las1/__dbyar gyi dus na sngo rnams skye 'gyur kyang /__/zhing la ma btab lo tog 'byung min ltar/__/'gro drug sems can sangs rgyas rang bzhin yang /__/ma bsgoms rnam grol ye shes don mi mthong /__/zhes dang /__rang rig rang gis rtogs pa la/__/chu khams gser dang nam mkha' bzhin/_/sangs rgyas sems can 'khor 'das dag__/spang blang tha dad ci yang med/__/ces dang /__'ja' tshon lta bu sgyu ma'i sku/__/dam tshig phyag rgya zhen med kyi/__/dbang po rang snang thug phrad kyis/__/chos nyid bden pa mthong ba yin/__/zhes dang /__gser gyi ri rab ngos su 3bya gnas pa/__/bya yi rang bzhin bor nas gser du snang /__/mkhas pa dag gis skye ba med rtogs na/__/dngos po'i rang bzhin bor nas bde ba che/__/zhes so/__/zhes mai tri bas bsdebs pa mar pas 'gyur ba las so//____//__! yo ga la k+Sha Na sat+ya/__rnal 'byor gyi mtshan nyid bden pa las/__/gzugs su snang ba sku nyid la/__/skra rnams gsung du bdag nyid brtag__/sems can byang chub rgyu yin phyir/__/de yi shes pa ye shes yin/_/zhes dang /__rnal 'byor sgom rnams gtsor bya yi/__/lus ngag dge ba gtsor mi bya/_/zhes dang /___rtag tu 'chi bsam ma chags blos/__/dngos po ci la'ang ma chags par/__spyod lam ji ltar gnas kyang bsgom/__/zhes slob dpon byang chub bzang pos so//____//__! rin po che 'khor lo'i dbang gi man ngag las/__dbang bskur rim pa yang dag pa'i/_/gnas dang dus dang slob dpon dang /__/slob ma dang ni gleng gzhi dang /__/dkyil 'khor dang ni der 'jug rim/__/dbang bsdur rim dang rnam grangs dang /__/bskur ba'i gnas dang thabs dag dang /__/sgrib byang tshad dang sa non dang /__/de 'brel man ngag rim pa dang /__/rtags dag dang ni brda dag dang /__/rdzas dag dang yang dgos pa'i don/__/nus pa'i tshad dang 'bras du ste/__/rnam pa nyi shus mngon par brjod/__/ces gsungs so/__/kye ho shAkya seng ge la/__/bltams tshe klu rgyal dga' sogs pas/_/bum pa'i chu yis khrus byas dang /__/mngon par rdzogs par sangs rgyas tshe/__/sa yi lha mo'i bum pa yang /_/bkra shis brjod nas phyag tu phul/__/'khor lo'i bsgyur rgyal rgyud 'byung ba/__/spyi bor dbang bskur gleng gzhi yin/__/zhes dang /__mgo la me tog phreng btags pa/__/lha yi dbang ste dang por bshad/__/chu dang dbu rgyan rdo rje dang /__/dril bu ming dang rnam pa lnga/_/slob ma rig pa'i dbang zhes bya/__/de nas seng ge'i khri steng du/__/rig byed slob dpon dbang sbyin bya/__/gong ma brtan par bya ba'i phyir/__/rdo rje dril bu brtul zhugs gnyis/_/phyag rgya dam tshig gsum pa yin/__/dbugs dbyung ba dang lung bstan pa/__/phyir mi ldog sogs rim pa yin/__/zhes so/__/srog gcod rku dang log par g.yem/__/lus kyi nyes gsum byang bas na/__/lus kyi dri ma dag par bshad/__/ces dang /__dkyil 'khor mthong bas tshogs kyi lam/__/phreng bas mos spyod sbyor lam dag__/chu dang dbu rgyan sa dang po/__/mthong lam rnam par dag par gsungs/__rdo rje dril dang bdag po yis/__/sa gnyis pa nas brgyad pa'i bar/__/sgom lam rnam par dag par bshad/__/ces dang /___dbang rdzas dag gi khyad par ni/__/mgo la 'dogs pa'i me tog phreng /__/spyi bor dag pa'i chu yin no/__/de yang bum pa'i bye brag las/__/rin chen dang ni thod sogs phreng /_/mgo la bcings pa'i dbu rgyan yin/__/dpral bar rigs dang rjes mthun pa'i/_/rtags kyi rdo rje de sbyin bya/__/dril bu kha yi thad sbyin bya/__/ming la dbang rdzas dag pa'i mtshan/__/dam tshig rdor dril lag tu sbyin/__/gsor bsil sgra dang bcas pa'o/__/phyag rgya'i bdag pos phyag rgyar bsgom/__/dbugs dbyung ba dang yon tan brjod/__/lung bstan pa la chos gos dbyibs/__/phyir mi ldog la de nyid bstan/__/zhes dang /___phreng ba yi dam rgyal ba'i dbang /__/chu khams mi bskyod rnam par dag__/dbu rgyan rin chen mnyam nyid de/__/rdo rje kun rtog 'od dpag med/__/dril bu bya grub gdon mi za/__/ming ni chos dbyings snang mdzad sku/__/rdo rje brtul zhugs sems dag byed/__/dril bu dag ni rnam dag ste/__/phyag rgya dam tshig lus dag pa'o/__/yang /___rdo rje thabs kyi ngo bo ste/_/dril bu de bzhin shes rab sbyang /__/gnyis med phyag rgya'i dam tshig 'dod/__/ces dang /___gnyis pa 2gsang ba bshad bya ste/__/kye ho ston pa rdo rje 'dzin/__/'dod chags chen po'i ting 'dzin gyis/__/'khor rnams bsdu ba rnams mdzad nas/__/yum gyi gsang ba'i dkyil 'khor du/__/gsang ba byang chub sems dbang bskur/__/de ltar dpal 'dus la sogs pa'i/__/rgyud rgyal kun las grags pa rnams/__gleng gzhi zhes su rnam par bshad/_/ces dang /__dkar dmar spel ba phreng ba'i dbang /__/shu kra zhes te chu yi dbang /_/tshangs sgor mi bskyod dbu rgyan dbang /__/lce la rdo rje de rdo rje/__/rdor bum hU~M sgra dril bu'i dbang /__/a ho mu kha ming gi dbang /__/dam tshig lces len brtul zhugs dbang /_/blta bar mi bya lung bstan dbang /__/longs spyod rtsar sbyar phyir mi ldog__/bde bas bde thabs dbugs dbyung ba'o/__/zhes dang /__ngag gi sgrib pa des byang nas/__/ngag ni shin tu sbyangs pa ste/__/sangs rgyas sa ni dang po non/__/zhes dang /___gsang ba'i dbang yang rim bzhi ste/__/rdo rje dang ni pad+ma nas/__/dri med chu 'bab bum pa'i dbang /__/yang na gang gi rim de nyid/__/zla ba nyi ma lce la reg__/de ni gsang ba gnyis pa ste/__/bde chen lam sbyong gsum pa'o/__/thabs dang shes rab gnyis med pa/__/ye shes chen po gzhi pa'o/__/zhes dang /__/de nas gsum pa bshad bya ste/__/kye ho dpal ldan 'dus sogs las/__/sngags kyi spyod pa spyad pa'i tshe/__/'khor gyi byang chub sems dpa' rnams/_/sngags dang dus dang rgyal ba las/__/bslangs te sbas pa'i don ston pa/__/de lta bu yi gleng gzhi'o/__/zhes dang /__chags pa'i mtshan nyid phreng ba'i dbang /__/chu 'byung mtshan khrus chu yi dbang /__/b+hag tsum skra bzung dbu rgyan dbang /__/pad+mar rdor bcug rdo rje'i dbang /__/de gnyis bskyod pa dril bu'i dbang /__/dam tshig ha skad ming gi dbang /__/de dag brtan pa sar 'byung ba/__/bltas pas dga' ba rdo rje yi/__/brtul zhugs dbang du de brjod do/__/bgad pa dril bu'i brtul zhugs so/__/'khyud pa dam tshig phyag rgya yin/_/kha phrad pa ni dbugs byung ba/__/dku rtsa mnye ba lung bstan yin/__/pad+mar btsum byas phyir mi ldog__/ces dang /___sems kyi sgrib pa kun byang ste/__/thams cad kun mkhyen ye shes ldan/__/sangs rgyas sa gnyis non pa ste/__/rdo rje 'dzin pa'i sa zhes zer/__/zhes dang /__'bras bu dga' ba bzhi bskyed de/__/lha sbyin brda 'phrad bum pa'i dbang /__/de yi 'bras bu dga' ba bskyod/__/b+hag tsum skra bzung dbu rgyan dbang /__/de yi 'bras bu dga' ba bskyed/__/pad+mar rdor bcug rdo rje'i dbang /__/de yi 'bras bu mchog dga' bskyed/__/rdo rje dang bskyod dril bu'i dbang /__/de 'bras lhan cig dga' ba bskyed/_/dam tshig ha skad ming gi dbang /__/bde ba chen po skyed par byed/__/ngo bo 'bras bu dbyer med do/__/zhes dang /___rim pa tha ma bshad bya ste/__/kye ho dpal ldan 'dus sogs par/__/'khor gyi byang chub sems dpa' yi/__/gsang ba'i yi ge mthong ba yi/__/skal pa bdag nyid med ces dus/__/ston pa yi ge rnam dag ces/__/yi ge las dben mtshan nyid gsungs/__/bzhi pa'i glengs gzhir shes par bya/__/sangs rgyas rnams kyi ye shes ni/_/bde bar gshegs pa'i thugs la gnas/__/chos kun sems la gnas byas te/_/sems ni ye nas rnam par dag__/de phyir chos kun rnam par dag__/de ni gnas kyi bla mar gsungs/__/dus gsum gcig ste khyad med cing /__/gang du dus gsum dbyer med pa/__/de ni blang dor med pa'i dus/__/mchog ni bla ma de rab gsungs/_/slob dpon ma mthong sems nyid mthong /__/rang sems bla mar snang ba'i phyir/__/kun gyi slob dpon skal pa bzang /__/gnyis med slob dpon dam pa'o/__/'gro kun dbyings las skyes pas na/__/rdo rje sems dpa'i spun yin te/__/bsam gyis mi khyab yul slob pa/__/rgyal ba'i sras kyi dam par bshad/__/sangs rgyas kun gyi byang chub sems/__/bla na med par thugs chud pa/__/gnyis su med pa'i ye shes gang /__/de ni dkyil 'khor snying por gsungs/_/'di yi gzhung thos mig phye ba/__/dkyil 'khor mthong ba don rtogs yin/__/rtogs nas goms byed 'jug pa ste/__/mngon du gyur pa dngos grub yin/__/gnyis med ye shes dbang 'gyur bas/__/mya ngan 'das pa 'khor ba la/__/ji ltar 'dod par dbang bsgyur bas/__/rig pa rang dbang mchog tu bshad/__/'di dbang thob pa'i rnal 'byor ni/_/bsgyur ba'i dbang la thogs pa med/__/ji snyed theg pa rab 'byams kyi/__/dbang bskur rnam grangs ji snyed kun/__/gsang ba'i dbang du gsungs pa yi/__/yang dag pa yi grangs las 'das/__/mnyam pa ye shes chen po nyid/__/gcig dang du ma las grol phyir/_/gnas dang gnas min dmigs dbye med/__/sgo gsum dbye ba rdul tsam med/__/gnyis med ye shes chen po las/__/sgyu 'phrul bral ba mi 'gogs phyir/__/thabs dang thabs byung thabs bsam yas/__/thabs kyi nang nas mchog tu gsungs/__/rang rig ye shes rgyal ba nyid/__/khams gsum 'khor ba nyid yin phyir/__/'di la sgrib dang mi sgrib ces/_/mnyam pa'i rgyal pos yongs ma gsungs/__/sgrib pa nyid ni byang chub la/__/'khor ba nyid ni mya ngan 'das/__/dbye ba med pa'i sa mchog gis/__/sa yi khyad par zil gyis non/_/thams cad sa nyid ye shes dang /__/brjod pa'i tha snyad yul las 'das/__/rang bzhin gyis ni 'od gsal zhing /__/rdzogs pa chen po'i mthar thug pa/__/man ngag kun gyi mchog gi mchog__/de sgrub thabs dang gsungs par zad/__/dper na glang po rnyed gyur ma/__/glang po'i rjes ni mi btsal ltar/__/rang rig ye shes mngon sum na/__/mtshan ma'i rtags ni 'khrul pa'i gzhi/_/yang dag don ni brda las 'das/__/mtshon par bya ba'i yul min yang /__/'dzub mos zla ba bstan pa ltar/__/brda yi sgo nas 'jug pa yin/_/snang dang srid pa ji snyed pa/_/sku gsung thugs kyi rdzas yin pas/__/lhag par spangs na blang dang bral/__/ye shes rjes kun las grol bshad/__/rang gi don la mngon sum na/_/rang rig kho na tsam du zad/__/rang rig de yang 'di snyam zhes/__/brjod pa'i tha snyad rnams dang bral/__/'di ni dgongs pa'i mchog tu gsungs/__/rig pa rang dbang gyur pa ni/__/srid pa gsum na 'gran zla med/__/'og ma rnams kyi gnyen por che/__/nus pa mang po'i bye brag ldan/__/rgyu dang 'bras bu dbyer med pas/__/rgyu 'bras tha snyad yongs kyis bral/__/rgyu yi nang na'ang mchog yin te/__/'bras bu'i nang na'ang de mchog go__/dbang gsum bye brag las grol phyir/__/bzhi ba'i dbang zhes grags pa ste/__/rgyal ba rnams kyi thugs kyi gsang /__/thams cad mkhyen par 'dir brjod do/__/'on kyang kun mkhyen ma thob par/__/de nyid nye bar yang mi 'gyur/__/'on kyang 'di yi dbye ba yis/__/de nyid thob bya'i gnas su 'gyur/__/de las rim pa mchog yin pas/__/sgrub po rnams kyis nan tan bya'o/__/slob dpon rnams ni ma mnyes shing /__/dbang rnams rim gyis ma bgrod par/__/sngags spyod sgrub pa rtsom byed na/__/de 'bras med cing ngan song ltung /_/zhes dang /__/gang zhig dbang gi rim pa ni/__/bla ma gzhan las rdzogs blangs la/_/man ngag gi ni rim pa ni/__/bla ma gzhan las blang du rung /__/dbang dang man ngag ma bgrod par/__/glegs bam la brten shes rab kyis/__/gang zhig man ngag rim rnyed na/_/de ni sngon sbyangs 'phro can no/__/des kyang bla ma dag pa la/__/dbang gi rim pa bgrod pa gces/__/zhes dang /__de nas bum pa'i dbang la yang /__/dbang rnams bzhir ni ngos gsungs te/_/bum pa'i bum pa thun mong ste/__/gsang dbang khyad par gus pa'o/_/shes rab ye shes sbas pa gnyis/__/de ltar rnam gsum bum pa yang /__/yod med mtha' las yang dag grol/__/bum pa'i dbang ni bzhi pa yin/__/zhes dang /___sha mig dag 'gyur snga ltas su/__/ci mthong 'dri ba'i cho ga bya/__/zhes dang /___nus pa'i tshad ni rnam pa lnga/__/dri ma 'khrud dang sgrib sbyong dang /__/las byed pa dang 'bras bu la/__/mngon du phyogs dang bdud bzhi ni/__/'joms pa'i nus pas brjod pa ste/__/phreng bas ma dag dri ma dang /__/mos pa'i spyod pas sgrib pa 'khru/__/'dod lha mnyes pa'i las yin te/_/'bras bu mthong ba'i lam la phyogs/__/yi dam dngos grub nye ba yin/__/gzung 'dzin phung po'i bdud rnams bcom/__/chu dang dbu rgyan gyi nus pas/__/'khor 'das dri ma rnam gnyis 'khru/__/sa ni dang po'i sgrib pa dag__/las ni rdo rje rin chen gyis/__/rigs kyi nga rgyal byed pa yin/__/'bras bu sgom lam phyogs pa dang /__/rdo rje dang ni rin chen gyis/_/thun mong dngos grub grub pa yin/__/nyon mongs pa yi bdud rnams bcom/__/rdo rje dril bu bdag po yis/__/g.yeng ba lnga yi dri ma 'khru/__/sa gnyis pa nas brgyad pa yi/__/bar gyi sgrib pa sbyangs ba yin/__/pad+ma las dang sangs rgyas kyi/__/rigs kyi nga rgyal las byed yin/__/'bras bu mthar phyin la phyogs shing /__/gsum po'i thun mong grub pa yin/_/'chi bdag bdud bcom tshe la dbang /__/brtan byed dbang gi rim pa yis/__/g.yeng ba phra mo'i bag chags 'khru/__/las ni brtan par byed pa ste/__/brtul zhugs kyi ni me tog bstan/__/chu dang dbu rgyan dam tshig gis/__/bum pa brtan par bka' stsal gyi/__/rdo rje dril bu'i lung bstan gyis/__/dbugs dbyung bas ni bdag po'o/__/yang na kun gyi thams cad do/__/sangs rgyas sa la mngon phyogs dang /__/dngos grub brtan byed 'bras bu'o/__/lha yi bdud bcom bum pa yin/__/zhes dang /__nus pa'i tshad kyang de bzhin du/_/ji snyed ngag gi dri ma 'khru/__/bud+d+ha'i sar sgrib shin tu dag__/shes rab thabs kyi nga rgyal byed/__/chos kun ro gcig mtshon par nus/__/sangs rgyas pa ni mngon du thob/__/thabs kyi phyag rgyas phung po 'joms/__/nyon mongs shes rab ma yin te/__/'chi bdag gnyis su med pa yis/__/sems 'phros pas ni lha yi bdud/__/'joms pa gsang ba'i nus pa'i tshad/__/ces dang /__'di la yang ni dbang bzhi tshang /__/lha sbyin brda phrad la sogs pa/_/bum pa'i dbang du 'dod pa yis/__/pad dang rdo rje phrad pa sogs/__/gsum pa'i gsang ba'i dbang yin no/__/zhu ste bde ba babs pa ni/__/gsum pa yi ni gsum pa yi/_/dga' byed bde byed bzhi par 'dod/__de ni gsum pa'i bzhi par 'dod/__/de ni gsum pa'i rnam grangs yin/__zhes dang /__/nus pa'i tshad kyang de bzhin te/__/des ni sems kyi dri ma 'khru/__/rdo rje 'dzin pa'i sgrib pa dag__/phyag rgya brten pa'i las dang ni/__/bde skyid thob par nus pa yin/__/'bras bu rdo rje 'dzin pa ste/__/rang gi rig pas rig pa 'dzin/_/bde chen nyon mongs bdud bcom ste/__/longs spyod gnas su phung po'i bdud/__/d+harma tsakrar lha bdud bcom/__/sprul par 'chi bdag bdud bcom ste/__/dga' bzhis bdud bzhi rnam par 'joms/__/dam tshig 'khor lo phung po 'joms/__/pad+mar rdor bcug nyon mongs 'joms/__/rdo rje dang bskyod lha bdud 'joms/__/bde ba 'bebs pas 'chi bdag 'joms/__/zhes gsungs te/__'di ni slob dpon in+d+ra b+hU tis mdzad pa de'o//___//_! slob dpon la k+Sh+mI kA ras mdzad pa'i rtsa ltung 'grel par/__byang chub sems der bde gshegs bka' las 'das/__/byams spongs theg gsum smod dang chos yid rnams/_/thugs kyi'o/__/slob dpon brnyas dang lha nyid phung po smod/__/dam tshig mi bsten shes rab smod pa rnams/__/sku'i'o/__/mi bsngags brjod dang dad ldan sems sun 'byin/_/gdugs la chags bral chos gnyis gsang ba ston/__/gsung gi'o/__/zhes dang /__nyan thos rnams kyi lus ngag gtso bor gyur pa'i spang bya bdun gyi mtshan nyid dang /__/byang chub sems dpa'i snying rje gtso bor gyur pa'i spang bya bcu yi mtshan nyid dang /_/gsang sngags rnal 'byor chen po'i thabs dang shes rab gtso bor gyur pa'i spang bya bcu bzhi'i mtshan nyid dang /__zhes so//____//__! jo bo rjes rtsa ltung 'grel pa las/__/de la ltung ba dang po gnyis pa'i ngo bo rgyu gcig ste/__bla ma la brnyas shing bde bar gshegs pa'i bka' las 'das pa ste/__de yang /__/bla ma dang ni rdo rje 'dzin/__/tha dad par ni mi brtag go/___/zhes gsungs pa'i phyir ro/__/zhes dang /__spun la nyes pa brjod pa dang /__byams pa spangs pa gnyis ltung ba'i ngo bo gcig la/__'byung ba'i rgyu yang gcig ste/__de'i rgyu ni sngon du thun mong gi lam byams snying rje ma sbyangs pas sems can la phan 'dod pa dang /__gces par 'dzin pa'i blo med pa de'i dbang gis gnod cing smod pa la sogs pa'i rkyen phra mo mi bzod de/__de'i phyir spun la nyes pa brjod cing sems can la byams pa spangs pas des de gnyis ngo bo gcig ste gzhan la gnod par 'dra bas so/__/zhes dang /__byang chub kyi sems spong ba dang grub pa'i mtha' spangs pa gnyis rgyu dang ngo bo gcig ste/__rgyu ni byams pa dang snying rje'i stobs kyis byang chub sems brtan par ma byas par blangs su zin yang mi brtan te/__zhes sogs dang /__gsang ba sgrogs pa dang phung po smod pa gnyis rgyu dang ngo bo gcig ste/__rim gyis ma sbyangs pa'i phyir snod du ma gyur pa la gsang ba'i don grub par gnas pa'i don lta ba rnam pa gnyis la sogs pa bstan pas phung po lha'i bdag nyid la sogs pa bskyed pa'i go rim spangs pas rgyu dang ngo bo gcig go__/zhes dang /__chos la yid gnyis za ba dang /__gdug la byams sems gnyis rgyu dang ngo bo gcig ste/__/de yang sems can thams cad rang bzhin gyis dag pa 'od gsal dang zung du 'jug pa'i rang bzhin du gcig pas the tshom za ste/__'khor ba dang zhi ba'i phyag rgya chen po zung du ma rtogs pa'i dbang gis gdug pa can gnod cing dmod pa la sogs pa'i byang chub kyi rten du dbyug pa brdeg pa la sogs pa drag shul gyi sbyor bas phan pa ma yin par bsgrubs pas rgyu dang ngo bo gcig go/___/ming sogs bral ba'i chos la der rtogs pa dang /__dad ldan sems sun 'byin pa rgyu dang ngo bo gcig ste/__ming la sogs pa bral ba ni grub pa'i gnas pa'i don nam mkha' lta bu'i rang bzhin 'od gsal ba la dngos po mtshan mar brtags pa'i rgyus de la dad pa'i sems can dbang po rab dang ldan pa rnams sun 'byin te/__ma zhugs pa la mi 'jug la/__zhugs pa bzlog cing brtan par mi byed pas so/__/dam tshig mi bsten pa dang shes rab smod pa gnyis kyang /__bdud rtsi lnga la sogs pa'i dam tshig mi bsten pa ni shes rab smod pa'i rgyu yin te/__de la smod pa nyid de spong ba'i rgyu'o/__/zhes so/__/gzhan yang /__de ltar bcu bzhi po bsdu na gsum ste/__thun mong gi byang chub kyi sems mi nyams par byed pa dang /__khyad par byang chub sems mi nyams par byed pa dang /__de gnyis ka mi nyams par byed pa'o/__/zhes gsungs te/__dang po ni/__spun la/__byams spong /__byang sems 'dor ba/__grub mtha' smod pa/__gdug la byams spong lnga dang /__lhag ma ni gnyis pa dang /__dang po gnyis ni gsum par bshad do/__/yang /__de ni lta sgom spyod gsum gyi rang bzhin yang yin te/__chos la yid gnyis dang /__ming sogs bral la der rtog spangs pa lta ba rnam gnyis rtogs pa'o/_/dang po dang gnyis pa dang gsum pa dang bzhi pa dang lnga pa dang drug pa dang bdun pa dang brgyad pa dang bcu pa'i dgu spangs bas sgom pa'i man ngag dang /__sems sun 'byin pa dang /__dam tshig mi bsten pa dang /__shes rab smod pa gsum gyis dgu spangs shing sbyangs pas spyod pa'o/__/zhes so//____//__! slob dpon 'jam dpal grags pas mdzad pa'i rtsa ltung rgya cher 'grel las/__sangs rgyas ye shes zhabs kyi gsung drangs pa/__/rnal 'byor bzhi pa'i cho ga dang /__/snang srid sgyu ma'i sbyor ba yis/__/'gro 'chag nyal dang 'dug pa rnams/__/sku gsung thugs kyi mdzad pa'o/__/byed dang smra dang spyod pa rnams/_/b+ha ga las ni g.yeng mi bya/__/zas ni bdud rtsir rab dmigs la/__/tha dad med pa'i dkyil 'khor du/__/phyi yi sbyin sreg tshul du ni/__/rtag tu tshogs kyi mchod pa bya/__/'gro ba rang bzhin dag pa yis/__/dbang bskur ba yi cho ga ni/__/phyi yi chus kyang bkru bar bya/_/nyal na shes rab snying rjes nyal/__/ldang na dpal ldan glu yis bskul/__/thams cad rang bzhin dag pa yis/__/dag pa'i lha dang gnas su snang /__/sems nyid cir yang snang ba'i phyir/__/bde sdug mtha' las rnam par grol/__/zhes dang /__sgyu 'phrul drwa ba las drangs pa de bzhin 'khor ba'i pha rol gyi/__/chos kyi lam ni bskyed pas nas/__/chos dang chos min rnam spangs la/__/byang chub bde ba 'thob pa bzhin/__/de bzhin rnam rtog drwa spangs la/__/shin tu zab mo'i chos spel te/__/de bzhin gshegs pas gsungs lam la/_/sngags rig rnam rtog ma byed cig__/ces dang /__'di yi spyod pa la gnas pas/__/spros bcas med cing mnyam bdag med/__/bya dang byed dang rtsol las 'das/__/dag dang ma dag dngos po rnams/__/sgyu ma bzhin du dngos med par/__/brtag pas dben pas blang dor med/__/'dod chags la sogs mi spangs te/__/gzhan gyi sangs rgyas sgrub mi byed/_/yod med rtag chad mtha' las 'das/__/kha dog dbyibs med lus ngag med/__/srog rtsol rim dang gcig car spangs/__/yi ge mtshan ma phyag rgya med/__/phyogs bcu gang la'ang gnas mi byed/__/gzung 'dzin rnam rtog yul las 'das/__/dam tshig sdom pa dkyil 'khor med/__/de nyid bcu la rnam mi rtog__/bsgom bya sgom byed bsgoms pa med/_/sangs rgyas sems can bdag rtsol bral/__/rgyu 'bras lam la sogs pa spangs/__/rgyu dang mi rgyu'i dngos rnams la/__/nam mkha' bzhin du rtog mi byed/__/mchod rten glegs bam la sogs spangs/__/bdud dang dngos grub gnyis su med/__/rang rig shes brjod yul las 'das/__/sbra dang brda dang dbang po yis/__/'di la bstan bya rdul yang med/_/rtog ge'i spyod las 'das pa ste/__/dam pa'i rjes 'brang rang gis rig__/mthong ba med pa'i dam pa mthong /__/rjes su shes pa sgyu ma bzhin/__/rab mtha'i shes pa rtogs goms pas/__/rtog med gzhan don nor bu bzhin/__/sku gsum ye shes lnga la sogs/__/thub pa'i yon tan dpag bsam shing /__/ston dus skad cig gis rdzogs ltar/__/de phyir de la gsang ba 'dus/__/bzhi pa'i dbang gis rab tu rgyan/__/de nyid dpal mchog dang po ste/__/rdo rje sems dpa' mthar phyin lam/__zhes bshad pa'i phyir 'di ni mthar phyin pa'i spyod pa ste/__mnyam par bzhag pa'i spyod pa chen po'o/__/zhes dang /__lha dang drang srong bden pa'i ngag__/gang la sbyor ba'i nus pa yang /__/bslu bar byed pa ma mthong na/_/ye shes chags pa mi mnga' ba'i/__/smon lam snying rjes gzhan don 'jug__/thams cad mkhyen pas smos ci dgos/__zhes dang /__/rnam shes 'pho ba ni rnal 'byor pa 'chi ba shes rab kyi pha rol tu phyin pa'o/__/'chi ba'i tshe bden pa gnyis kyi tshul gyis sgyu ma'i blo dang ldan pas chags sdang la sogs pa med pas dkyil 'khor gsal bar byas la dri ma las ldang ba sngon du 'gro bas/__srog 'phrog pa'i rim pas dkyil 'khor gyi 'khor lo bsdus te/_rang gi ye shes dang mi gnyis par byas te/__'od zer gyis khams gsum dag par byas la dkyil 'khor la bltas te/__thabs dang shes rab kyi dbus su rang gi yi ger bsdus la/__rang gi de nyid kyi thugs kar 'od zer dang bcas pas 'jug par bya'o/_/gzhan du na nyes pa dang bcas pa'o/__/zhes so/__/gzhan yang tshul 'di la zab cing rgya che ba'i legs bshad rmad du byung ba du ma yod kyang 'brir ma ldang ste rtogs par 'dod pa rnams kyis nan tan du blta zhing bzung nas spel bar bya'o//____//__! yang des mdzad pa'i gsal ba thams cad spyi'i cho ga snying po rgyan las/__/rtsod pa'i dus ni 'di nyid na/_/rnam rgyas nyon mongs dbang gis ni/__/slob dpon skyon las yon tan dag__/shas cher gyur pa rnam par bzung /__/zhes dang /__de nyid bcu ni shes gyur pa'i/__/brtul zhugs 'dzin pa yon gnas su/__/dbang bskur rab gnas sbyin sreg dang /_/tshogs kyi 'khor lo sogs dpon du/__/gos dkar can ni mi dga'o/__/zhes dang /__nyin mtshan kun tu rab bsgrims pas/__/nyes pa'i gnas ni shes par bya/__/gal te ltung sogs byung gyur na/__/yi ge brgyas ni byin gyis brlab/__/ji srid dus las ma 'das par/__/dag pa'i las la nyer gnas bya/__/'gyod bcas nyes pa 'phel mi 'gyur/__/zhes dang /__/bstan pa'i don las ma gtogs par/__/rigs rgyud rab tu 'phel 'dod pas/__/na chung bde la brkam pa yis/__/sngags pa rtag tu nyams par 'gyur/__/zhes dang /__nyon mongs pas ni zil gnon zhing /__/gal te dam tshig las 'das na/__/sdug bsngal mang po skye 'gyur te/__/de bas dag pa'i las rnams spyad/__/ltung sogs nyes pa'i rim pa las/_/dang por bdag sems sun phyung ste/__/yul mdun snyan gsan phab nas kyang /__/gsum bslangs gsum gyi sbyor ba las/__/sdom gsum 'gal ba nyams pa bshags/__/bde gshegs kun gyi snying po bya/__/dpral ba snying khar phyag rgya sngags/__/sdig pa thams cad rnam dag byed/__/phyi nang lha dbang bdud rtsis bkru/__/hU~M a~M yi ge gsum gyis bsdu/_/lte bar gru gsum me yis bsregs/__/dmigs pas stong pa mi dmigs gsum/__/rang gi cho ga bzhi yi dbang /__/tshogs ni 'du ba'i dkyil 'khor la/__/mkhyen par gsol te gnang ba nod/__/rten la smre bshags bzlas par ldan/__/zhing khams kha dog lnga ldan pa/_/cho ga bzhin du dbul bar bya/__/che dang tsait+ya'i sbyor ba yis/__/sdig pa kun las rnam grol zhing /__/dus min 'chi ba'ang bslu bar 'gyur/__/de bas mchod rten las rnams bya/_/til la sdigs pa'i gzugs dmigs te/__/me yi las kyis rnam par sbyang /__/nyes pa'i rim pa shes byas nas/__/gtor mas dag pa nyid du bya/__/ji skad bshad pa'i dam tshig rnams/__/gang du nyams par gyur pa des/__/rang gi lha yi snying po'i sngags/__/'bum phrag gsum du bzlas brjod bya/__/yang na kha dog dbyibs med cing /__/rigs dang mtshan ma mi dmigs shing /__/rnam thar chags sogs las grol ba/__/zab mo'i bsam gtan nyid dmigs bya/__/yang na bshes sogs rgyar chud cing /__/rang gi las kyis 'chi 'gyur dang /__/rkyen zad pa yi sems can rnams/__/dag pa'i don phyir srog bskyab bya/_/gzhan yang mdo sogs gsang ba'i bka'/__/ma lus pa ni bklags pa dang /__/mchod cing rab tu gnas byas na/__/sdig pa kun dang bral bar 'gyur/__/me dang chu dang sbrul gdug dang /__/seng ge stag dang chom rkun dang /__/glang chen smyo dang sha za dang /__/bkren dang rgyal po'i chad pa dang /__/nad dang spa bkong zhum pa dang /__/'dod bral grags pa ma yin dang /__/skal ngan rab tu 'jig byed cing /__/bgegs med 'tshe ba med pa dang /_/sangs rgyas kun gyis rab dgongs shing /__/rdo rje 'dzin rnams bsrung ba dang /__/zhi sogs mi snang la sogs dang /__/rdo rje ye shes thob byed cing /__/skye bo kun gyis bkur 'gyur ba/__/de lta'i yon tan 'thob byed pa'i/__/bla ma la ni bkur sti dang /__/rnyed pa dang ni rim gro dang /__/gus pa chen pos rab brten nas/__/sdig kun rnam dag bdag nyid 'gyur/__/dpa' bos don yod rdo rje can/__/bsnyen sogs rim pa sngon 'gro bas/_/cho ga rab tu rdzogs byas nas/__/dkyil 'khor bzhengs te bdag 'jug go__/yang na rgyu yi nang zhugs dang /__/yang na mig btsum gyur pa'am/__/yang na sku gzugs la bltas te/__/rgyal ba'i tshogs la rnam gtad nas/__/stong phrag lngar ni sangs rgyas kyi/__/snying po rab tu bzlas par bya/__/dkar po'i brgyad dang bco lnga la/__/dag pa'i bdag nyid byas nas kyang /__/rgya chen mchod pa sngon 'gro bas/__/bzlas brjod brtan pa byas nas ni/_/sdig pa thams cad rnam dag par/__/rgyal ba dam pas gsungs pas na/__/the tshom dang ni bral 'gyur bas/__/sngags pas rtag tu spyad par bya/__/mtshan mo mi nyal rnal 'byor gyis/__/mkha' la rgyal ba'i tshogs dmigs te/__/phung po gsum pa'i mdo sde dag__/gal te cho ga bzhin spyad na/__/kha na ma tho sbom po yang /__/zla ba gsum gyis rnam dag par/__/thub pas gsungs pa shes byas te/__/dad pa yis ni kun tu spyad/__/sangs rgyas kun gyi sku gcig po/__/pad dkar zla ba'i dbus gnas shing /__/rdo rje dril bus rgyan spras pa'i/__/rdo rje sems dpa' legs dmigs shing /__/yi ge brgya pa cho ga bzhin/__/nyi shu rtsa ni re re bzlas/__/ltung sogs byin gyis brlabs gyur pa/__/'phel ba ru ni mi 'gyur zhes/__/grub pa mchog rnams kyis bshad pas/__/thun mtshams su ni spyad par bya/_/'bum phrag tu ni bzlas gyur na/__/rnam par dag pa'i bdag nyid 'gyur/__/rang nyid lha yi rnal 'byor gyis/__/dag pa'i bla ma bsten byas te/__/sku dang gsung thugs rgyal ba yi/__/rdo rje bzlas pa nyer gnas na/__/rnam dag lam gyi rang bzhin 'gyur/__/sems ngal sos nas rang gi lus/__/bdag po'i rang bzhin gnas byas te/__/'khor lo drug gam bzhi gcig gnyis/__/char bya rkyang pa'i gnas nyid las/__/bde sogs rnam par yang dag gnas/__/dag pa la dmigs dag par 'gyur/__/rdo rje 'khor lo rin chen dang /__/ral gri phra ba'i bdag nyid bsam/__/sems brtan tshul la gnas byas na/__/sdug bsngal bskyed rtsa kun las grol/__/mdor na lus ngag spyod pa kun/__/rab tu bsgrims dang ldan pa yis/__/gnyen po'i sdom pa la sems shing /__/mchod sogs rnal 'byor tshul ldan na/_/nyes pa kun dang rnam bral zhing /__/dpa' bos lam ni rdzogs par byed/__/rtag tu bar med par gnas na/__/nyes pa chung ngu phra mo yang /__/sbrul gyi mche bas btab bzhin du/_/lus ngag sems ni nyams par byed/__/de yi dbang gis sdug bsngal dang /__/'tsho ba dag ni 'byung 'gyur zhing /__/lam las nyams pa nyid du 'gyur/__/de bas rdo rje slob dpon nas brtsams te rim gyis lci ba rnams shes par bya zhing dri ma las ldang bar bya'o/_/las kyi dkyil 'khor gcig tu zhugs pa la sogs pa'i nyes pa phra ba'i phra ba rnams kyang rnal 'byor pas yal bar dor bar mi bya'o/__/zhes dang /__bar 'dir/__drang srong bi shwa mi tra sogs dang /__bram ze stong nyid blo sogs kyis bskyed rdzogs thabs shes phyogs re la bsngags pa rnam bkag nas/__gnyis ka sgrub pa'i 'phros don mang tsam 'dug ste/__dag pa'i cho ga rnam par phye ba ste gsum pa las so/__/sdig pa thams cad rnam dag cing /_/rgya cher 'bras la nyer sbyor ba/__/rnal 'byor spyod pa'i mchog rim dag__/nya sogs brgyad la rab tu spyad/__/ces dang /__dpa' bo rnams kyis longs spyod phyir/__/skyes pa'i thod pa cha gcig par/__/ma dA na ni rab tu brtag__/dpa' bo rnams kyis longs spyod phyir/__/g.yas pa rtse gsum phyag rgya yis/__/sha chen po ni legs bzung ste/__/g.yas g.yon steng 'og tu byas nas/__/tshig 'dis dam tshig rab tu brtag__/gzigs shig mdzes ldan dam pa'i chos/__/'di la the tshom mi bya ste/__/bram ze khyi dang gdol pa rnams/_/rang bzhin gcig tu rtogs la zo/__/sku gsung thugs kyi yi ge las/__/so so ru ni mngon brjod nas/__a la la ho mthar swA hA/__/dpa' bo bsam gtan brtan 'dzin cing /_/pad+ma'i skor ba sngon 'gro bas/__/g.yas g.yon steng 'og byas nas ni/__/tshig 'di yis ni blang bar bya/__/'dod chags dri ma bral ba yi/__/rin thang med pa legs 'ongs chos/_/gzung dang 'dzin pa rnam spangs pa/__/de kho na la phyag 'tshal lo/__/'bru gsum po ni mngon brjod cing /__/gtso bos gnang ba byin nas ni/__/dpa' bo rnal 'byor ma rnams kyis/__/rang gi longs spyod gang yin pa/__/so sor rab tu spyad byas nas/__/de nas kun la thun mong ngo /__/chang ni dpa' mos ma spyad par/__/dpa' bo la ni skal med de/__/sha la de bzhin dpa' bos so/__/zhes dang /___bla mas rjes su gnang min par/__/glu dang gar sogs mi bya'o/__/ji ltar mchod dang longs spyod dag__/tshim pa ru ni ma byas par/_/bre mo'i gtam dang 'du 'dzi'i sems/__/rnam pa kun tu mi bya ste/__/byas na dmyal sogs 'bras thob 'gyur/__/'tshod tshe gshung dang ngu 'bod de/__/sred pas yi dwags nges par 'gyur/__/rang gi bsam gtan bral gyur na/__/dud 'gro'i gnas su ltung phyir dang /_/bsam pa rab tu brtan pa yis/__/sku gsung thugs kyi rdo rje dang /__/sa gsum po ni rab tu mchod/__/zhes dang /___ri dang nyi zla gling bzhi po/__/badz+ra re khe hU~M brjod nas/__/dag pa'i sems kyis dbul bar bya/__/zhes dang /__dpa' mo mchog gi sems dmigs nas/_/rang gi lha yi bsam gtan gyis/__/sa ni skyon dang bral gyur pa/__/brkos te rab tu spyad par bya/__/rin chen dri yi chur bcas pas/__/gong bu dag gi sngon byas nas/__/sngags 'dis byin gyis brlab par bya/__na mo b+ha ga wa te bai ro tsA na pra b+hA rA dzA ya/__ta thA ga tA ya/__ar+ha te samyak+saM bud+d+hA ya/__tad+ya thA/__oM sUk+Sh+me sUk+Sh+me sa me sa me/__shAn+ti dAn+te a sa mA ro be/__a nA lam+be/__ta ram+be ya sho ba ti ma hA te dza ni rA ku le/__nirbA Ne sarba ta thA ga ta hr-i da ya/__ad+hi_Sh+ThA na/__a d+hi Sh+ThA te swA hA/__nyi shu rtsa gcig mngon brjod pas/__/sku yi de nyid rab dran bya/__/de nas dum bu ci rigs par/__/chos gang rgyus 'byung sogs brjod nas/_/rgyas ni rab tu gdab par bya/__/de nas mgon po rnam snang gsal/__/gangs chen mtshor ni rab dmigs nas/__/mchod de me tog rab tu dor/__/'gro ba bzung phyir gsol btab nas/__/rgya cher yongs su bsngo bar bya/__/chos gang rgyus 'byung la sogs pa/_/thams cad du ni bsngags par bya/__/des ni 'gro ba'i 'tsho byed cing /__/sdig kun rnam dag byed pa dang /__/las dang yang dag grub ster ba'i/__/las la dga' dang ldan pa yis/__/sngags pas rtag tu 'bad par bya/__/zhes dang /___gzar bu la sogs mi 'byor na/__/g.yas pa'i mthe bos mtha' mnan te/__/g.yon gyi sor mo lnga gzhibs nas/_/mchod sbyin rab spyad de nas ni/__/ci bde bar yang gsungs pa nyid/__/ces dang /__'khor ba'i rgya mtsho srid pa'i rba rlabs drag po dang ldan zhing /__/nyon mongs sbrul dang chu srin sogs ni gdug pa'i 'tshe bar ldan/__/tshe 'di mi rtag dbang med rnam rtog rlung gis g.yos mthong nas/__/dpal 'byung 'chi med dam pa'i chos la 'bad pas nyer gnas kyis/__/zhes gsungs shing /__'dir bla ma dang slob ma'i mtshan nyid bsten tshul sogs kyang rgyas par yod do//____//__! slob dpon a b+ha yA ka ras mdzad pa'i tshogs kyi 'khor lo'i cho gar/__/sngags pas khyad par mtshan mo'i dus/__/zhag re'am ni ji snyed par/_/zla re dang ni lo re la/__/'khor lo las 'das nyams par 'gyur/__/zhes dang /__nye bar 'tshe med dur khrod dgon/__/rdzing bu'i 'gram dang skyed mo'i tshal/__/mtsho ngogs chu rlung ri sul dang /__/rang gi khyim sogs 'bras bur bcas/__/yan lag brgyad pa thob gyur pa/__/dpal ldan chog shes snying rje ldan/__/'jig rten chos la mi chags shing /__/sred dang rgyu sogs rnam par spangs/__/snyan par smra zhing 'dzum pa'i bzhin/__/bzod can brtan la brtson 'grus ldan/__/tshogs kyi 'khor lo'i dbang phyug tu/__/dpal ldan rdo rje sems dpa' gsungs/__/'khor lo pa yang de nyid kyi/__/slob ma sred sogs rnam par spangs/__/dbang bskur thob cing blo ldan bzod/__/brtson dang dran pa la sogs ldan/_/dam tshig spyad bya spyod pa rnams/__/rgan pa'i rim pa bzhin du 'dod/__/dbang ma thob pas mi rig par/__/sgrub pos 'khor lo de bya'o/__/zhes dang /___bla ma'i cho ga shes shing dran/__/brtson 'grus bzod dang ldan pa dang /__/bla ma la gus blo mthun pa/__/las kyi rdo rjer de rab bsngags/__/zhes dang /___de nas rang kha hom khung du/__/rnam rig ba la'i mchod yon bya/__/lag pa dgang gzar blugs gzar gyis/_/yid kyi me la stob sogs bsreg__/nang gi bdag nyid sbyin sreg gis/__/rang 'dod lha ni tshim par bya/__/glu sogs kyis ni mnyes bya zhing /__/yang dang yang du brda tshig smra/__/zhes dang /___rgyun du glu ni len pa dang /__/gang du rtag tu gar byed pa/__/tshogs kyi dbang phyug mdun bya'o/_/zhes/__ji snyed lus kyi g.yo 'gul dang /__/ngag gi brjod pa ji snyed la/__/de snyed phyag rgya sngags yin te/__/he ru ka dpal go 'phang gnas/__/zhes dang /__'di dang gzhan gyi rgyud gsungs pa'i/__/bya ba rnams ni brda la bya/__/zhes dang //____//__! slob dpon nag po pas/___tshogs rnams bsags par bya ba dang /__/bgegs rnams zhi bar bya ba'i phyir/__/bsod nams mthar thug tshogs 'khor lo/__/zhes dang /__de nas rnal 'byor pho mo kun gyis lha'i dkyil 'khor du bltas la dang por dris mchod/__de nas me tog dang /__bdug pa dang /__mar mes tshul bzhin du mchod/__ces so//____//__! _paN+Dita bzang pos byin pas/__dang por 'byung po'i gtor ma btang /__de nas rim bzhin bzhugs su gsol/__zhes dang /__rtag tu bya'am zla bar ram/__/yang na lo re na ni bya/__/longs spyod mchog dang ldan pa la/__/tshogs kyi 'khor lo mchod par bya/__/zhes dang /__de ltar phyi yis mchod byas nas/__/nang gi mchod pa dag ni bya/__/pad+ma lta bur rang gi kha/__/hom khung nyid du bsams byas la/__/dgang gzar bkang ba blugs par bya/__/lag pa blugs gzar dag gis kyang /__/mchod rdzas yang dag dbul bar bya/__/zhes dang /__gar la sogs pa'i rol mo rnams/__/gnang ba med par mi bya'o/__/zhes dang /__'thab mo la sogs sems kyis kyang /__/nges pa ru ni bsam mi bya/__/zhes dang /__lhag ma thams cad bsdus nas ni/__/phyi rol tu ni gtor ma btang /__/zhes sogs gsungs so//____//__!_ slob dpon rat+na rak+Shi tas mdzad pa'i tshogs kyi 'khor lo'i cho ga yid bzhin nor bu las/___dam tshig nyams pa'i skyon sel ba'i/__/mi mthun phyogs rnams 'joms byed pa/__/'dod pa'i don kun sgrub byed cing /__/dge ba'i tshogs la 'dud pa gang /__/zos pas dngos grub 'gyur ba nyid/__/lhag pa'i lha yang tshims par 'gyur/__/phyag rgya chen po'i dngos grub ni/__/myur du lung bstan thob par byed/__/tshogs kyi 'khor lo'i cho ga yis/__/rim gyis 'dod pa'i 'bras bu 'byin/__/zhes dang /__de la mang du 'dus pa'i tshogs/__/'kho~Xr lo~X lha yi rim pa nyid/__/thun mong dus su bshad pa nyid/__/khyad par 'di yis shes par bya/__/thams cad du ni dam tshig gcig__/rtog pa thams cad yongs su spangs/__/bla ma la gus ting 'dzin gnas/__/sbyin sogs yon tan rgyan spras pa'i/_/thabs 'dis tshogs kyi 'khor lo la/__/gegs med par ni rab tu 'jug__/ces dang /__gsang sngags theg pa'i cho ga 'dir/__/slob dpon rnam pa gsum yin te/__/khyim pa dge tshul dge slong rnams/__/tha ma 'bring dang mchog ces bya/__/zhes dang /__dkyil 'khor 'khor lo 'di nyid du/__/dam tshig sdom pa ma gcig na/__/'khor lo'i dbang phyug de yis ni/__/rnal 'byor bsdu bar mi bya'o/__/zhes dang /__rnal 'byor kun spyod la sogs pa'i/__/'khor lo sdom pa'i rgyud kyis ni/__/nag po'i phyogs dang dkar phyogs kyi/__bcu pa la ni de rab mchod/__/yi dwags zla phyed bcu bzhi dang /__/de bzhin du ni brgyad pa la/__/dpal ldan dgyes mdzad rdo rje mchod/__/dus kyi 'khor lo nya gnyis la/__/gsang ba 'dus pa zla re bzhin/__/lnga brgyad bcu dang bcu bzhi dang /__/de bzhin bco lnga nag phyogs la'ang /__/lnga ste dus ni bcu ru 'gyur/__/de dag dus kyi khyad par ro/__/'dir ni rtag tu phun tshogs sam/__/ji ltar 'dod cing ji ltar nus/__/grub par nus na nyin re'am/__lo zla kun tu bya ba'o/__/gnas ni dben par gsang ba yi/__/'khor lo kun tu bya ba'o/__/zhes dang /__de nas rang gi lte bar ni/__/gang zhig dgos pa'i dbye ba yis/_/lha yi 'khor lo gnas par bsam/__/rang gi lag pa g.yas dang g.yon/__/blugs gzar dgang gzar rang gzugs nyid/__/lte ba'i lha la mchod pa'i tshul/__/longs spyod tshogs kyis mchod par bya/__/zhes dang /__yang brtag gnyis las drangs pa/___glu ni rnam dag sngags su bshad/__/gar ni sdom par byed pa nyid/__/de yi phyir na glu dang gar/__/rnal 'byor pa yis rgyun du bya/__/zhes dang /__grub thob bla mas gsungs pa'i dbyangs/__/stong pa snying rje dbyer med par/__/don ston rdo rje'i glu nyid do/__/zhes dang /__de nas dkyil 'khor sdud pa na/__/lhag pa'i gtor ma sbyin par bya/__/zhes dang /__gang zhig 'di rnams thams cad la/__/dpa' bo rkyang pa'i bya ba ni/__/dpa' bo'i ston mo zhes su brjod/_/tshogs kyi dbang phyug de lta min/__/de bzhin dpa' mo rkyang pa la/__/dpa' mo'i dbang phyug ston mo nyid/__/de ltar 'khor lo'i dbang phyug la/__/shes rab thabs dang bcas pa nyid/__/ces sogs gsungs te dge slong grub dbang dpal bzang pos bsgyur bar snang ste don cung zad rgyas par yod do//____//__! sku gsung thugs rab tu gnas pa'i cho ga dpal dI paM kA ras mdzad pa las/__slob dpon de nyid bcu shes shing /__/mtshan nyid kun dang yang dag ldan/__/phyag rgya sngags dang cho ga shes/__/las rnams kun la mkhas pa ste/__/dam sdom byang chub sems 'byongs pas/__/bsnyen pa rnam gsum rdzogs byas la/__/de dang 'dra ba'i grogs bcas kyis/__/dus zla gza' skar tshes grangs ni/__/nyi ma'i khyim ni bcu gnyis te/__/dgun dpyid ra 'bring ro hi ta'i/_/dbus su nyi ma log nas ni/__/byang 'gro zla drug nyin mo 'phel/__/de drug zhi bar rab gnas shis/__/dbyar ston ra 'bring zla drug lhor/__/nag 'phel drag nyi der mi brtsams/__/zhes dang /__phur bu lag pa pa wa sangs/__/zla ba bzang ldan gza' de shis/_/nyi spen dmag dpon nor 'joms ngan/__/chu smad snar ma gro bzhin dang /__/lag dang snron snrubs rgyal chu stod/_/khrums smad skye dgu 'phel ba dang /__/rab tu gnas pa'i mchog tu byed/__/yid 'dod dngos grub me bzhin ste/__/snrubs dang gro bzhin de bzhin te/__/lag gis skal bzang snar mas rgyal/__/mgo yis nye bar zhi bar byed/__/chu stod kyis ni bu dag gson/_/khrums smad rtag par dngos grub ster/__/rgyal gyis tshe ring brtan par 'gyur/__/snron gyis mchog tu bde bar byed/__/lha mtshams kyis ni mchog ster 'gyur/__/gza' dang skar ma de dag kyang /__/dar gud mi rigs las dang sbyar/__/tshes gcig gsum lnga drug bdun bcu/__/drug mo nor 'joms spang gzhan shis/__/gza' skar tshes grangs mthun 'dzoms na/__/mar gyi ngo la'ang bya bar shis/_/gnam stong bcu bzhi kun tu spang /__/zla ba gza' dang skar ma dang /__/nyi ma dus 'dzoms skad cig la/__/ji skad gsungs pa bzhin byas na/__/bsam pa thams cad yongs rdzogs shing /__/rab tu gnas pa mchog 'gyur te/__/'khor los bsgyur ba'i dbang phyug ni/__/thob 'gyur 'di la the tshom med/__/ces dang /__dang po'i las can ma 'byongs pa/__/'jig rten kun rdzob tha snyad du/__/'gro bas de nyid mi shis la/__/ston pas rab tu gnas par bshad/__/dbye ba sgra don skyon yon las/__/bya ba'i thabs dang rnam pa drug__/don dam spros med rab gnas dang /__/kun rdzob sku gsung thugs gsum ste/__/yon tan phrin las zhor la 'byung /__/dam tshig sems dpa' spyod bskyed la/__/ye shes sems dpa' yun ring du/__/gnas pa'i phyir na rab tu gnas/__/byin ma brlabs par ring gnas na/__/de la bkra mi shis 'byung zhing /__/de srid mchod par de mi 'os/__zhes dang /__rten 'di mthong ba'i skye bo yis/__/bsod nams thob pa don yod pa/__/bskal pa bye ba rnams su yang /__/brjod par yang ni mi nus so/__/las ni yon bdag bsod nams spel/__/sngags pas dge ba rnyed par byed/__/de bzhin slob dpon sngags gnas pas/_/chos ldan mchod pa byed pa gang /__/de yis skye bar mchod par 'gyur/__/bya thabs cho ga dag las bya/__/cho ga dman gnas bkra mi shis/__/'dir sdug pha rol 'jigs pa che/__/dngos grub 'dod pas cho gar 'bad/__/cho ga'i tshul legs bsod nams ni/_/mthong dang mi mthong rnams su skye/__/sku gzugs sngags kyi mtshan nyid kyis/__/rten la byin rlabs 'jug par 'gyur/__/gang zag blo rigs tha dad pas/__/yon mchod 'byor tshogs tshogs pa yis/__/rab gnas rgyas pa spros bcas bya/__/'bring po cho ga tshang tsam dang /__/bsdus pa ting 'dzin thun gcig la/__/rdul tshon la sogs dgos mi bya/__/zhes dang /__snyigs ma lnga yi dus 'di ru/__/mchog gi sku dang mnyam pa yi/__/sprul pa'i sku ni 'di yin gyis/__/khyod kyis ma nyams srung mchod gyis/__/zhes dang /__spros pa mi dga' bsdus pa ni/__/bsnyen pa cho ga sta gon dang /_/dkyil 'khor bri sgrub rten gsar la/__/bgegs bskrad yi ge brgyas brtan par/__/gong bzhin spyan dbye la sogs pa/_/nub gcig la ni kun rdzogs bya/__/mnga' gsol rgyas par ma grub kyang /__/'dir ni nyes pa mi 'byung ngo /__/zhes dang /__shin tu bsdus pa'i rab gnas ni/__/gza' skar tshes grangs mi brtsi ste/__/rdul tshon mi brten thun gcig la/__/dkyil 'khor bsgoms te brgya rtsa bsnyen/__/bgegs bskrad bkru sogs gong ltar bya/__/bskyed de spyan drangs sku gsung thugs/__/byin gyis rlabs dang dbang bskur ba/__/snying ga'i sa bon 'od kyis ni/__/'og min rigs lnga'i thugs ka nas/__/bkra shis lha mo bum rol bcas/__/dbang bskur rigs bdag rgyas gdab bsam/__/rten 'brel snying po brgya rtsa res/__/dri dang me tog gtor byugs te/__/rang rang lha la chos skur thim/__/bsams la rdo rjes mchod bstod bya/__/rjes sogs spyi dang mthun par spyad/__/ces sogs cho ga'i 'gros rgyas 'bring bsdus pa'i tshul zhib tu gsal bar snang ngo /__/sarba shub+haM//____//__! slob dpon rat+nA ka ra'i dbang bskur bstan pa las/__de ltar 2'dir yang sku gsum po'i ngo bo nyid bsgrub par bya ba yin pas/__bsgrub bya ji lta ba de lta bu'i de bzhin gshegs pa thams cad kyi brdar byas pa'i phyag rgyas brda ji lta ba bzhin du mtshon par bya ba yin no/__/ji ltar mtshon zhe na/__de lta bas na shes rab kyi dbang bskur gyi dus su rdo rje nor bu'i rtse mor phyin pa'i byang chub sems yul de nyid du man ngag ji lta ba nyid dang/__phyogs gnyis pa nas bstan pa'i rigs pas bstan par byas pa'i byang chub kyi sems de dang lhan cig skyes par gyur pa gang yin pa rang dang gzhan gyi snang ba'i bye brag dang bral ba/__mchog tu bde ba chen po tsam du rab tu snang ba dang /__gnyis su med par shes bya thams cad nub par gyur pa dag gi rnam par rtog pa las shin tu 'das pa'i ngo bo rang rig pa der btad pa mthar phyin pa/__nam mkha' dri ma med pa lta bu'i yid mchog tu gyur pa'i bde ba nyams su myong bar gyur pa de ni chos sku'i mtshan nyid do/__/de yang /__ji srid rnal 'byor byang chub sems/__/gtong bar byed pa ma yin pa/__/de srid kun dga' las byung bde/__/ci yang rgyun mi 'chad pa thob/__/ces gsungs so/__/gang rdo rje'i nang g.yo bar gyur pa'i byang chub kyi sems reg pa las byung ba'i yul nges pa med na yang dmigs pa'i dbang gis yul so sor nges pa lta bur kha phyir bltas pa'i bde ba'i rnam pa byang chub kyi sems la longs spyod pa'i ye shes ni nyams su myong ba dang ldan pas de ni longs spyod rdzogs pa'i sku'i mtshan nyid do/__/gang yang shes rab kyi pad+ma'i nang du spros pa'i byang chub kyi sems de longs spyod du byas pas de yongs su mnyes par gyur pas na rdo rje nor bus nyams su myong ba dang ldan pas de ni longs spyod rdzogs pa'i sku'i mtshan nyid do/__/gang yang shes rab kyi pad+ma'i nang du spros pa'i byang chub kyi sems de longs spyod du byas pas de yongs su mnyes par gyur pas na rdo rje nor bus nyams su myong ba de ni sprul pa'i sku'i mtshan nyid do/__/zhes dang /__pha rol tu phyin pa'i theg pa shes rab kyi pha rol tu phyin pa la sogs pa las kyang gnyis su med pa nyid bsgrub bya nyid du gsungs pa'i phyir/__theg pa'i khyad par la yang de kho na nyid kyi khyad par ni yod pa ma yin te/__de kho na nyid ma yin par thal bar 'gyur ba'i phyir ro/__/zhes dang /__de'i don ni 'di yin te/__shes rab ye shes gang yin pa de nyid bzhi pa dang sgrub pa chen po zhes bya ba'i don te/__de nyid kyis/__rdo rje 'chang chen po'i go 'phang thob pa'i phyir ro/__/da lta ni de yi go 'phang mtshon par byed pa de nyid shes rab ye shes la bzhi par bya zhing /__/bzhi pa zhes bya'i sgras brjod par bya ste/__sgrub pa chen po zhes bya ba'i don to/__/zhes gsungs/__yang /__rdo rje rigs kyi le'u las 'dod pa'i dbang bskur ba rnam pa bzhi yang shes rab ye shes kyi dgongs pa nyid la sbyor bar byed de/__gang shes rab dang lhan cig chags pa dang /__dgod pa la sogs pas de bzhin gshegs pa la sogs pa thams cad la mchod pa'i ngo bo slob dpon gyi las kyi mtshan nyid yin pa'i phyir slob dpon gyi dbang bskur ba'o/__/shes rab gang la chags pa dang bcas pas pad+ma 'byed cing mthong ba de ni gsang ba la brten pa yin pa'i phyir gsang ba'i dbang bskur ba'o/__/shes rab gang gi yan lag kun mthong ba de ni shes rab la brten pa yin pa'i phyir shes rab ye shes kyi dbang bskur ba'o/__/gang gnyis ka'i bya ba las byung ba de kho na'i mchog yang dag par mtshon pa gnyis su med pa'i ye shes ni bzhi pa yin no snyam du sems te/__de yang /__dgod pa dag pa slob dpon te/__de bzhin gsang ba mthong ba nyid/__/yang dag kun thob shes rab ste/__/de bzhin gnyis kyis btsal ba'o/__/zhes gsungs pa'i phyir ro/__/zhes sogs snang ste/___'di'i dgongs pa ni/___gsum pas drangs pa'i bde ba las logs su bzhi pa mi phye ba ste/__dgos pa ni/__tshig tsam gyis ngo sprod pa'i bzhi pa don gyis ye shes su 'dod pa bkag ste/__lam dus su dpe yi ye shes phyag rgya las byung ba nyid bzhi pa btags pa ba dang /__dngos ni mi slob pa'i bral 'bras su skye bar dgongs par mngon no/__/gzhung 'dir sku gsum du ye shes lnga bsdu ba'i tshul yang /__sgrub pa dang bcas kyang rung /__sgrub pa dang bcas pa ma yin kyang rung /__chos sku tsam la mtshon par byed pa ni ma yin no/__/de tsam zhig ni theg pa chen po'i bsgrub bya ma yin pa nyid de/__de tsam zhig la ni gzhan gyi don la sbyor ba med pa'i phyir ro/__/'o na ji lta bu zhe na/__gzhan yang sku gnyis po ye shes bzhis bsdus pa nyid kyang bsgrub bya yin no/__/de ltar yang pha rol tu phyin pa'i theg pa las chos kyi dbyings rnam par dag pa dang /__de'i yongs su gtogs pa'i chos kyi dbyings kyi ye shes chos kyi sku zhes bya ba ni gtso bor bsgrub par bya ba yin la/__de la brten nas rnam pa thams cad dang don thams cad kyis gzugs brnyan gyi ngo bo me long lta bu'i ye shes dang /__sangs rgyas thams cad dang mnyam pa nyid du rtogs pa'i mnyam pa nyid kyi ye shes dang/__rnam pa thams cad du don rtogs pa'i don thams cad de bzhin yongs su gcod pa'i so sor rtog pa'i ye shes te/__ye shes gsum po 'di dag longs spyod rdzogs pa'i sku zhes bya ba'i 'bras bu gzhan yin no/__/de bzhin du rnam pa thams cad du 'gro ba'i don gyi bya ba mdzad pa'i mtshan nyid can bya ba nan tan gyi ye shes kyi ngo bo sprul pa'i sku zhes bya ba yang 'bras bu yin no/__/de bzhin du gsang sngags kyi theg par yang brda ji lta ba dang/__rgyu ji lta ba bzhin du chos kyi dbyings shin tu rnam par dag pa'i ngo bo rdo rje 'chang gi rang bzhin dang /__shin tu rnam par dag pa de yi ye shes kyi ngo bo mi bskyod pa'i ngo bo chos kyi sku zhes bya ba ni gtso bor bsgrub bya yin no/__/de bzhin du sna tshogs kyi rnam par thams cad snang bas me long lta bu'i ye shes kyi ngo bo rnam par snang mdzad kyi rang bzhin dang /__sangs rgyas thams cad dang mnyam pa nyid du rtogs pa rin chen 'byung ldan gyi ngo bo dang /__nyams su myong ba'i don gyis rnam pa thams cad yongs su gcod pa'i bdag nyid can so sor rtog pa'i ngo bo nyid ni snang ba mtha' yas kyi bdag nyid de/__longs spyod rdzogs pa'i sku zhes bya ba/__'bras bu gnyis las chos kyi sku la brten pa yin no/__/de bzhin du sna tshogs la khyab pa'i 'gro ba'i don gyi bya ba mdzad pa'i mtshan nyid can/___bya ba nan tan gyi ye shes kyi ngo bo nyid ni don yod grub pa'i rang bzhin te sprul pa'i sku zhes bya ba 'bras bu dang bsgrub par bya ba gzhan yin no/__/de ltar 'dir yang sku gsum po'i ngo bo nyid bsgrub par bya ba yin pas/__zhes sogs sngar drangs pa ltar ro/__/'di nyid rin chen 'byung gnas kyis mdzad pa ste/__da dung tshig don gnyis ka 'di dang 'dra la khad pa zhig snang ste/__de ni slob dpon rgyal ba bzang po dpal spas kyis mdzad 10pa'o/__snga ma ni lo tsA ba tshul khrims rgyal ba dang /__phyi ma shAkya brtson 'grus kyis bsgyur bar snang ngo /____/_! mkhan chen sangs rgyas phun tshogs pa'i rnam thar las/__tshul gnas kyi don/___rtsa bzhi chang dang lnga sam sbags tsam dang /__bshags sdom gang che/__thos pa la/__so thar mdo dbu lugs sems bskyed/__zhen pa bzhi bral/__don bdun ma/__skyid sdug lam khyer/__rten 'brel snying po/__dbu ma'i ltar khrid/__brgyad stong /__de'i lta bsgom spyod pa thang stong pa'i lugs/__rdo rje gcod pa/__sdud pa sogs/__byams chos lnga/__rtsa she/__spyod 'jug sogs/__gcod skor/__sa skya/__thogs med/__bka' gdams glegs bam/__ngor chen/__mus chen/__dkon mchog lhun grub/__thar paN rnams kyi bka' 'bum/__dbang las/__rigs gsum spyi/__mi 'khrugs pa sta gon yod med gnyis/__tshe dpag lha dgu/__'chi med rnga sgra/__a ra pa tsa na/__sbyongs dkyil/__kun rig__/'chi 'joms/__gsang 'dus lugs gsum/__gshed dmar lha lnga/__'jigs byed rwa lugs/__sa lugs/__lU nag dril gsum/__mkha' 'gro rgya mtsho/__kye rdor bka' babs bzhi/__bdag med lha mo bco lnga/__mgon po'i dbang ka lnga/__gur saM Ta/__phur pa/__drag dmar rnams kyi dbang /__mkha' spyod rnam gsum/__phag mo skor gsum/__dmar po skor gsum/__dmar chung skor gsum/__lam 'bras/__chag med bzhi/__tshar sgrub/__rnam bir/__brda don/__bdag med ma/__ga ya d+ha ra'i mgon rkyang /__brda tshig__/pod mer dmar sogs/__brgya rtsa/__rgya mtsho rnams kyi rgya gzhung bod gzhung /__sgrol ma nyer gcig__/de'i yig rnying /__rnam rgyal 'joms/__nor rgyun ma/__seng gdong sngo dmar/__mi g.yo ba dkar sngon/__dbyangs can dkar mo/__/rme brtsegs ljang nag__/sme dud/__khro mo sme brtsegs/__'jam dkar/__smra seng /__gang blo ma/__a ra pa tsa na/__khyung khra nag__/'byung 'dul/__u tsaR+Ya/__gtum khyung /__spyan gzigs gtso bor gsum pa/__seng ge sgra/__bcu gcig zhal/__sgrol dkar 'khrid bcas/__gnyan sgrol/__gshed dmar/__sor 'brang /__tshe dpag med dkar po/__ras chung dang /__grub thob lugs/__lcags sdong ma/__ri khrod ma/__sman bla/__gnas bcu/__klu dbang rgyal po/__rta mgrin/__skyer sgang lugs/__zla rgyal lugs/__dzaM ser nag_/gur lha brgyad/__lha dgu/__lha bcu gnyis ma/__lcam dral lha gsum/__dud sol ma/__pu tra/__zhal bsnyen dus/__bram nag__/las bzhi/__sgrub dus gnyis/__gsang khrid/__mngags gtad/__khyung zhal/__gdong bsnyen can/__phyag bzhi drug__/dam can chos rgyal/__rigs bzhi/__mgon dkar/__stag zhon/__trak+shad/__dmag zor ma/__beka tse/__tshe ring ma/__rnam sras/__dur bdag__/zhang blon phyi nang gsang gsum/__yang de'i gsang sgrub lha lnga/__dpal lha/__khrid brgya/__nag po rim bzhi/___rtsa dbu ma yum dang sbyar ba/__rwa rtse sems 'dzin/__rwa khrid/__rnal 'byor bzhi/__spros med/__tshom bu lugs/__brag rdzong ma phyi nang gsang gsum/__zhal gyi skor mang po/__rgyud 'bum bla med skor yongs rdzogs/__'jigs byed skor tshang ma/__gur zhal gnyis ka'i gser pod/__me 'bar ma/__glo bo mkhan chen gyi bka' 'bum thor bu/__dpal ldan don grub bka' 'bum/__rgyud bzhi sogs so//____//__! na mo gu ra be/__'jam dpal dbyangs kyis byin gyis brlabs shing tshe de nyid du mchog gi dngos grub brnyes pa lo tsA ba rin chen bzang po la yo ga'i srol gnyis mnga' ba'i sku tshe'i stod la paN+Di ta sangs rgyas zhi ba la gsan pa'i srol ni/__phyag len dang dbang bka' kun snying nas brgyud kyang bshad pa shAkya bshes gnyen gyi ko sa la'i rgyan gyi steng nas mdzad pas phyag len dang bshad pa yang cung zad ma mthun cing /__sbyong rgyud la'ang rdor dbyings sogs kyi cho gas rgyas bkab/__dbyangs la sogs pa'i spros pa'ang che bar grags so/__/sku tshe'i smad la paN+Dita d+harma pha lar gsan pa'i srol ni/__paN+Dita de nyid kun snying nas brgyud pa bzhi pa yin pas thag nye zhing /__phyag len dang bshad pa gnyis ka kun snying gi lugs 'ba' zhig mdzad/__sbyong rgyud la'ang cho ga gzhan du kha 'phangs nas gsal bar ma bshad pa rnams/__gtsug dgu dang de nyid 'dus pa sogs nas kha bskangs pa ma gtogs rgyud kyi steng nas cho ga thon pa gzhan dang mi bsre bar rgyud kyi gong 'og 'khrugs bsdebs nas spros pa chung zhing dag par mdzad do/__/lugs de nyid brag steng pa yon tan tshul khrims nas rim par brgyud/__rje btsun grags par bka' babs/__de nyid kyis rgyud bshad thabs kyi man ngag gzhan phan spyi chings/__rgyud kyi sa bcad/__rgyud kyi mchan/__lag tu blang ba'i rim pa gzhan phan 'od zer/__gzhan phan nyer mkho rnams mdzad do/__/de la phyis kyi bo dong pa phyogs las rnam par rgyal ba dpal 'jigs med grags pas rgyud kyi don la ma zhugs so/_/zhes bkag nas/__cho ga rgyud don gsal ba/__de nyid lung dang sbyar ba lung gi rnam nges/__rigs pa'i rnam nges te gsum du mdzad pa las/__gzhan phan 'od zer la phyogs sngar byas pa rnams kyi rtsod lan ni kun mkhyen pun+ya siM has gzhan phan gnod 'joms zhes bya ba mdzad yod do/__/shu b+haM/__/yang kun rig la lo chen nas brgyud pa ma gtogs pa/__paN+Dita d+harma pha las jo bo rje la brgyud de rtsa skya pa sogs kyis mdzad pa'i srol te 'phags yul nas brgyud pa gsum dang /_bod 'dir gsar du bzos pa'i sngar gyi srol gnyis/__'dul 'dzin grags rgyal du bod pas skabs don dang po sbyor ba chos sku'i nyams len chad pa ste lugs srol gsum ste drug tu yod do//__shu b+haM/__// dpal kyai rdo rje'i lus dkyil gyi bshad pa'i skabs/__kyai rdor rtsa rgyud dang/__bshad rgyud kun tu kha sbyor las gsungs pa'i lus dkyil rnal 'byor dbang phyug gi man ngag ste/__de la'ang /_spyir dkyil 'khor gyi sgra don/__dkyil 'khor de'i rab tu dbye ba/__lus dkyil bye brag tu bshad pa'o/__/dang po ni/__maN+Dal zhes pa'i sgra las drangs na ma nu sA ra ni snying po ste/__byang chub kyi sems bde ba chen po'o/__/la ni len pa'am 'dzin pa ste/__snying po bde ba chen po len cing 'dzin pas na dkyil 'khor te/__rtsa rgyud las/___dkyil ni snying po zhes brjod de/__/byang chub sems ni bde chen po/__/len par byed pas dkyil 'khor nyid/__/'dus pa dkyil 'khor nyid du brjod/__ces so/_/gnyis pa la drug ste/__slob dpon klu byang gis/__/rin chen de bzhin sa bon dang /__/me tog tshon dang de bzhin du/__/phye ma g.yo dang phye ma ste/__/de bzhin nyid kyi dkyil 'khor bden/__/zhes dang /__de bzhin du mngon brjod bla mar dkyil 'khor drug dang /__man ngag thun mong ma yin par lnga dang /__thun mong du bcos ma'i dang /__khyad par du dkyil 'khor bzhir dbye ba dang /__slob dpon dril bu pas dkyil 'khor gsum du dbye ba dang /__kha sbyor las dkyil 'khor gnyis su gsungs pa sogs so//__// gsum pa lus dkyil bye brag tu bshad pa la/__phyi dkyil las khyad par 'phags tshul/__khyad par du 'phags pa'i lus dkyil gyi sgra don/__sgra de ldan lus dkyil gyi dbye ba/__dbye gzhi lus dkyil gyi mtshan gyi rnam grangs/__mtshan de dang ldan pa'i lus dkyil nyid gtan la dbab pa'o/__/__! ras bris kyi dkyil 'khor la zhal phyag rdzogs par bri dgos te/__de yang dza ya se nas/__rdul tshon bri bar ma nus na/__/dkyil 'khor dang mnyam ras la ni/__/nges par bcom ldan he ru ka__/phyag rgya'i gzugs dang bcas pa 'bri/__/zhes so/____/_! dbang gi chu bo'i rnam bshad du/__dbang bskur ba rdo rje theg pa'i lam gyi dngos gzhir bstan pa dang/__dbang ma bskur ba'i nyes dmigs/__dbang bskur ba'i phan yon/__bskur bya dbang spyi'i rnam bzhag__/cho ga'i ngo bo ste lnga'o/__/'di'i bzhi pa la/__dbang bskur gyi sgra don/__spyi'i grangs nges/__nang gses kyi dbye ba/__dbang gi go rim mo/__/dang po ni/__cho ga khyad par can la brten nas phung khams skye mched la sangs rgyas kyi sa bon btab pa'i sgo nas rgyud yongs su smin pa'i ngo bo ste/__smin pa'i tshad ni rgyan las/__ji ltar rma dang zas la de dag gis/__/gzags dang spyad du rung bas smin 'dod ltar/__/de bzhin rten 'dir phyogs gnyis zhi ba dang /__/yongs su spyad pa nyid du smin par bstan/__/ces phar phyin gyi theg par bstan pa de nyid la spang bya mthong spang spong rung dang /__gnyen po mthong lam skye rung la smin par 'jog pa ltar/__rdo rje theg pa'i skabs 'dir rten de nyid la spang bya sgrib gnyis spong rung dang /__thob bya mchog gi dngos grub thob rung du 'gyur ba ni smin pa'i ngo bo'o/__/des na dbang bskur thob pa dang /__sngags kyi dam tshig thob pa dang /__sdom pa thob pa dang /__rgyud smin par byas pa rnams don gcig yin cing /__dbang bskur dang /__sngags kyi dam tshig dang /__rgyud smin pa'i ngo bo rnams don gcig go__/zhes so/__/gnyis pa ni/__gtor ba dang /__dbang ba sogs don tshan bzhi'i sgo nas dag ldan las 'chad pa ltar ro/__/gsum pa ni rgyud sde bzhir dbang mi 'dra ba bzhi dang /__bla med la bum dbang sogs bzhi'o/__/lnga pa ni/__slob dpon klus mdzad pa'i gsang ba 'dus pa'i dkyil chog dang /__klu byang gi cho ga nyi shur mdzad/__bde mchog nag po par sngon du bsnyen pa dang /__dkyil 'khor gyi spyod pa bdun dang /__brtul zhugs kyi rim pa bcu bzhi ste nyi shu rtsa gnyis su mdzad/__dril bu pas rtsa ba'i dbye ba bzhi/__yan lag gi dbye ba bcu bzhir gsungs/__kyai rdor man ngag lugs la/__zhal dang 'dra ba'i cho ga'i gzhi brgyad/___zhabs dang 'dra ba'i cho ga'i chings bzhi/__phyag dang 'dra ba'i cho ga'i yan lag bcu drug__/mig dang 'dra ba'i cho ga'i gtso bo nyer bzhi sogs gsungs pa ma 'dres par rtogs par bya'o/__/lnga pa cho ga'i ngo bo la/__zhal dang 'dra ba'i chos brgyad de/__gzhan don du slob ma rjes su bzung ba'i cho ga__/sngon du bsnyen pa'i cho ga__/sa'i cho ga__/sta gon cho ga__/dkyil 'khor bri zhing rgyan dgram pa'i cho ga__/sgrub cing mchod pa'i cho ga__/'jug cing dbang bskur ba'i cho ga__/dkyil 'khor chen po'i 'jug gi cho ga'o/_/dang po la/__gang las gsungs pa'i lung khungs/__gang la bya ba'i slob ma/__ji ltar bya ba'i cho ga__/de ltar byas pa'i dgos pa'o//____//__!