ཆོས་ཀྱི་བློ་གྲོས་ཀྱིས་ཧོ་ཆོ་ཞབས་དྲུང་ལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	chos kyi blo gros kyis ho cho zhabs drung la
Location	chos kyi blo gros bka' 'bum Volume 8, sde tshan 11, Text 23, Pages 346-347 (Folios 31b5 to 32a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. chos kyi blo gros kyis ho cho zhabs drung la. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 346-347. Bir, H.P.: Khyentse Labrang, 2012.
Genre	Advice - zhal gdams
Colophon	།དེ་སྐད་གདམས་པ་ཉུང་ངུ་ཕུལ། མངྒ་ལཾ། དགེའོ།།
	/de skad gdams pa nyung ngu phul/__mang+ga laM/__dge'o//

1 Texts in this Section (sde tshan or chos tshan)

23 346-347	ཆོས་ཀྱི་བློ་གྲོས་ཀྱིས་ཧོ་ཆོ་ཞབས་དྲུང་ལ། chos kyi blo gros kyis ho cho zhabs drung la Advice - zhal gdams	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༈ ཆོས་ཀྱི་བློ་གྲོས་ཀྱིས་ཧོ་ཆོ་ཞབས་དྲུང་ལ། ཆོས་ཀུན་རྩ་བ་རང་གི་སེམས། །སྣང་བ་ཐམས་ཅད་རང་སྣང་ཡིན། །མེད་སྣང་སྒྱུ་མ་དང་མཚུངས་ཤིང་། །སེམས་ཡང་གཟུང་འཛིན་རྟོག་པ་འདི། །ཡོད་པ་འདྲ་ཡང་དོན་ལ་མེད། །རྨི་ལམ་ནང་གི་སྐྱེ་ཤི་བཞིན། །དོན་ལ་གྲུབ་པ་མེད་དོ་ལགས། །ཐོག་མེད་དུས་ནས་ད་ལྟའི་བར། །གཉིས་སྣང་འཁྲུལ་པ་འདིས་བཅིང་པས། །གཟུང་འཛིན་གཉིས་བྲལ་གཉུག་མའི་སེམས། །བཅས་བཅོས་མ་བྱེད་རང་གར་ཞོག། ཆོས་དབྱིངས་རང་བཞིན་འོད་གསལ་འདི། །བདེ་བ་ཆེན་པོ་རྒྱུན་ཆད་མེད། །ན་ཚ་སྡུག་བསྔལ་དེ་ལ་མེད། །དེས་ན་རང་སེམས་འཁྲུལ་པ་རུ། །མ་ཤོར་དྲང་པོ་ཟིན་གྱུར་ན། །དེ་ནི་བླ་མ་ཡི་དམ་དང་། །ཆོས་སྐྱོང་ཀུན་གྱི་ངོ་བོ་ཡིན། །འཁོར་བ་ཞེས་བྱ་སྤང་དུ་མེད། །མྱ་ངན་འདས་པ་ཐོབ་བྱ་མེད། །འཁོར་འདས་དབྱེར་མེད་དེ་ལ་ཟེར། །མ་རིག་འཇོམས་པའི་སྒྲོན་མེ་ཡིན། །ནད་གདོན་ཀུན་སེལ་སྨན་ཆེན་ཡིན། །དེ་ཕྱིར་དེ་ལ་ཐུགས་དམ་མཛོད། །རྟོག་པས་བཅིང་ན་གྲོལ་དུས་མེད། །རྣམ་རྟོག་ཐམས་ཅད་རང་ཤར་ཡིན། །རང་གྲོལ་སྐྱེ་མེད་ངང་དུ་ཐོང་། །དེ་སྐད་གདམས་པ་ཉུང་ངུ་ཕུལ། མངྒ་ལཾ། དགེའོ།། །།

[edit]

!_chos kyi blo gros kyis ho cho zhabs drung la/__chos kun rtsa ba rang gi sems/__/snang ba thams cad rang snang yin/__/med snang sgyu ma dang mtshungs shing /__/sems yang gzung 'dzin rtog pa 'di/__/yod pa 'dra yang don la med/__/rmi lam nang gi skye shi bzhin/__/don la grub pa med do lags/__/thog med dus nas da lta'i bar/__/gnyis snang 'khrul pa 'dis bcing pas/__/gzung 'dzin gnyis bral gnyug ma'i sems/__/bcas bcos ma byed rang gar zhog/__chos dbyings rang bzhin 'od gsal 'di/__/bde ba chen po rgyun chad med/__/na tsha sdug bsngal de la med/__/des na rang sems 'khrul pa ru/__/ma shor drang po zin gyur na/__/de ni bla ma yi dam dang /__/chos skyong kun gyi ngo bo yin/__/'khor ba zhes bya spang du med/__/mya ngan 'das pa thob bya med/__/'khor 'das dbyer med de la zer/__/ma rig 'joms pa'i sgron me yin/__/nad gdon kun sel sman chen yin/__/de phyir de la thugs dam mdzod/__/rtog pas bcing na grol dus med/__/rnam rtog thams cad rang shar yin/__/rang grol skye med ngang du thong /__/de skad gdams pa nyung ngu phul/__mang+ga laM/__dge'o//___//