JKW-KABUM-23-'A-006-004-wylie
shes bya kun khyab spar byang / @#/__/na mo rat+na tra yA ya/__rab 'byams zhing khams rgya mtsho'i sgron me mchog__/sku gsum bdag nyid ston pa rdzogs sangs rgyas/__/des gsungs lung rtogs gnyis ldan dam pa'i chos/__/bstan 'dzin 'phags pa'i tshogs la phyag 'tshal lo/__/dge ba 'dis mtshon dus gsum legs byas mthus/__/bdag gzhan 'gro kun skye ba thams cad du/__/mtshan ldan dge ba'i bshes kyis rjes bzung nas/__/so byang sngags kyi tshul khrims dag par shog__/shes bya'i gnas kun mang du thos pas phyug__/lung rig zab mos bsam pa'i sgro 'dogs chod/__/rtse gcig bsgoms pas ting 'dzin mthar phyin te/__/sa dang lam gyi yon tan yongs rdzogs shog___/pha rol phyin dang rdo rje theg pa yi/__/thun mong khyad par 'bras bu mchog brnyes te/__/shin tu rnam par grol ba'i ye shes kyis/__/mkha' khyab 'gro kun srid las sgrol bar shog__/bstan 'dzin mchog rnams zhabs pad bskal brgyar brtan/__/'khor lo gsum gyi bstan pa phyogs bcur rgyas/__/'gro kun bde skyid chos ldan 'byor pa dang /__/srid zhi'i legs tshogs 'phel ba'i bkra shis shog__/ces pa'ang 'jam mgon bla ma rin po che'i gsung rab rmad du byung ba'i chos kyi sgrom chen po'i snying po lta bu rdo rje'i bden tshig gi phreng ba 'di nyid bslab gsum rnam dag lung rigs smra ba'i khyu mchog spong ba pa chen po karma bkra shis 'od zer dang /__dad ldan karma bsam gtan zung gis rnam dkar gyi phyi mor bskrun pa'i skabs spar byang smon tshig dang 'brel bar kha ton du byas chog pa 'di lta bu zhig bris shig ces bskul ba don yod par bya ba'i phyir/__shes bya kun khyab gsung rab rin po che'i mdzod kyi bsdus don sa bon tsam brjod byar byas te/__mang du thos pa'i spong ba pa bya bral chos rje 'jam dbyangs mkhyen brtse'i dbang pos snying nas smon lam du btab pa de de bzhin du 'grub par bla ma rgyal ba sras dang bcas pas byin gyis brlab tu gsol/__/sarba dA ka l+yA NaM b+ha ba tu//__//
