DKR-KABUM-21-ZHA-004-wylie
<div class="wylie-content"
@#/__/rdo rje phur pa gnyags lugs kyi yi dam khro bo rdo rje gzhon nu'i dkyil 'khor brgya dang bcu gnyis pa'i las byang khrigs bsdebs khrag 'thung rol pa'i dga' ston zhes bya ba bzhugs so//
@#/___/na mo gu ru shrI badz+ra kI la ya maN+Da la b+h+ya/_thugs kyi ngang nyid rdo rje chos dbyings las/_/ma g.yos mi 'gyur 'bar ba'i khro rgyal tshul/_/don la sangs rgyas kun gyi ye shes sku/_/phrin las rigs kyi spyi dpal bzhengs mdzad rgyal/_/go 'phang mchog la bde myur gyis/_/bgrod byed rim pa dang po'i lam/_/dkyil 'khor brgya dang bcu gnyis pa'i/_/phrin las 'jug bde'i btsas su spel/_/'di la gsum/_sngon 'gro/_dngos gzhi/_rjes rim mo/__/dang po la thog mar bsham bkod ni/_sgrub pa'i khang pa rgyan gyi spras pa'i gung rten gyi mdun/_dkyil 'khor gang 'byor dang*/_phur pa lha grangs sam gtso phur tsam bkod/_sman raka gtor ma nyer spyod kyi mchod pa/_'bul gtor rigs bcas 'du bya'o/__/gnyis pa dkar phyogs la gtor ma 'bul ba ni/_gtor ma dang gser skyems bsang chus bran/_ra~M ya~M kha~M gis sbyangs/_oM AHhU~M gis brlabs/_b+hU mi pa ti sa pa ri wA ra badz+ra sa mA dzaHsa sa bdag brtan ma sogs spyan drangs/_b+hU mi pa ti sa pa ri wA ra oM a kA ro sogs lan gsum/_hU~M:_gang zhig dkar po'i phyogs 'dzin cing:_'dzam gling sa la dbang byed kun:_bdag gis gnas 'dir dkyil 'khor bzhengs:_ko long phrag dog ma mdzad par:_brngan du gtor ma gser skyems 'bul:_dgyes par bzhes la sa 'di stsol:_bcol ba'i las kun sgrub par mdzod:_b+hU mi pa ti gats+tshas gshegs su gsol ba dang chabs cig gtor ma phyi rol du 'bul/_gsum pa skyabs 'gro ni/_rang gi snying ga'i hU~M las 'od zer 'phros pas bla ma rig 'dzin dpal chen rdo rje gzhon nu'i dkyil 'khor gyi lha tshogs mkha' khyab kyi 'khor lor sad par gyur/_na mo:_bdag sogs 'gro kun deng nas bzung:_byang chub snying por mchis kyi bar:_skyabs kyi dam pa dkon mchog gsum:_mi phyed dad pas skyabs su mchi:_bzhi pa sems bskyed ni/_mkha' mnyam sems can thams cad kun:_srid pa'i rtsa ba bdud bzhi bcom:_bar chad gdon bgegs bsgral ba'i phyir:_dpal chen lha tshogs sgrub par bgyi:_lan gsum/_lnga pa tshogs bsags pa ni/_hoH_bdag dang mtha' yas sems can rnams:_rdo rje slob dpon sangs rgyas dpal:_dus gsum bzhugs la phyag 'tshal lo:_mchog gsum bsten pa'i zhing gyur la:_gnyis med yid kyis skyabs su mchi:_dngos 'byor yid kyis rnam sprul pa'i:_dag pa'i mchod pa bzhes su gsol:_dngos grub chu bo gcod pa'i bgegs:_nyes byas ma lus bshags par bgyi:_phyogs bcu 'khor gsum dag pa'i chos:_ma chags spyod la rjes la yi rang:_dag pa'i mtha' bzhi dri ma med:_rdzogs pa'i byang chub sems bskyed do:_bde gshegs dbang phyug sems can la:_dag pa gsum gyis lus 'bul lo:_tshe rabs bgrang ba'i las rnams kun:_bsdus te byang chub chen por bsngo:_lan gsum/_sems can bde dang ldan gyur cig_/sdug bsngal kun dang bral bar shog_/bde dang rtag tu mi 'bral zhing*/_chos kun mnyam nyid rtogs par shog_/drug pa bgegs bskrad pa ni/_dngos su bshams pa'i gtor ma yod na byin brlab dang bsngo ba spyi ltar byas la/_hU~M:_gsang ba bla med lam sgrub pa'i:_rdo rje'i dkyil 'khor chen po 'dir:_'du ba'i lha ni ma gtogs pa:_dam med bdud rigs nag po'i phyogs:_lta zhing nyan pa'i dbang med pas:_byin pa'i gtor ma 'di khyer la:_rang rang gnas su bde bar dengs:_gal te mi 'gro 'dug gyur na:_nga ni 'jigs byed rdo rje can:_bka' las 'da' ba'i sdig can rnams:_rdo rje ye shes mtshon chen pos:_phye mar 'thag par gdon mi za:_hU~M bzhi'i sngags brjod la gu gul bdug_/yungs thun gyis gzir/_rol mo drag tu 'khrol bas nag phyogs rnams rgyang ring du bskrad la/_bdun pa mtshams gcod pa ni/_hU~M:_mi shigs mtshon cha'i gur dang sa gzhi la:_dmar nag dmar smug me yi 'du 'phro 'khyil:_ye shes khro bo bcu yang dbyings nas bzhengs:_khrag 'thung rol pa'i lha tshogs nang na bzhugs:_mtshams kyi dkyil 'khor ma lus lhun gyis grub:_badz+ra rak+Sha rak+Sha b+h+rUM:__brgyad pa brda sgo dbye ba ni/_hU~M:_snang zhing srid pa'i chos so cog:_kun kyang dag pa lha'i grong khyer:_ma bcos don gyi lha mchog la:_tshad med sgo bzhi dbye bas 'jug:_b+h+rUM pra be sha ya phaT:_dgu pa phyag 'tshal ba ni/_hoH_lha dang rang sems bzang ngan bral:_gnyis med rang snang spyi dpal che:_e ma ngo mtshar rmad byung ba:_rdo rje lta ba'i phyag gis 'dud:_a la la hoH_zhes ngo phab pa'i tshul gyis/_a ti pU hoHsa btud pa la/_pra tIts+tsha hoH_zhes lan du dngos grub bstsal bar bsam/_bcu pa bshags pa ni/_thal mo sbyar te/_hU~M:_snang srid gdod nas dag pa'i dkyil 'khor lha:_bla ma yi dam mkha' 'gro dam can rnams:_thugs rje'i brtse bas bdag la dgongs su gsol:_ye nas ma rig 'khrul pas sgrib pa yi:_rnam rtog kun brtags blo yis sgro btags pas:_rang rig ye shes don la rmongs pa yis:_srung mtshams med pa'i dam las 'gal ba dang:_bla mar smod cing yi dam spangs ba dang:_bsnyen sgrub dzapa bzlas tshad du ma bskyal ba:_ting 'dzin lta ba klong du ma gyur shing:_gsang bcu gzhan la bsgrags sogs mthol lo bshags:_gzhan yang mi spang dang du blang bya dang:_spyad par bya dang sgrub par bya ba dang:_shes bya lnga sogs nyi shu rtsa lnga yi:_dam las 'gal bar gyur pa mthol lo bshags:_nya stong dus bzhi'i mchod pa chag pa dang:_sdig can rnams la rtag tu byams byas shing:_mkha' 'gro rnams la sha khrag gtor ma chag:_sbyor sgrol mchod pa dus las g.yel ba sogs:_rtsa ltung bcu bzhi dang 'gal mthol zhing bshags:_gzhan yang sbom po yan lag phra zhib kyi:_dam tshig dbye ba sa ya grangs med pa:_de las 'gal bar gyur pa'i rnal 'byor gyis:_'gyod tshangs gdung ba'i smre sngags 'di bton pas:_rgyal ba rnams kyi thugs rje'i spyan ras kyis:_yud tsam gzigs te thugs rjes bzod bzhes gsol:_tshangs par bstsal nas mchog dang thun mong gi:_dngos grub dka' ba med par 'grub pa dang:_rdzogs pa chen po'i bstan pa mthar bgyid cing:_kun tu bzang po'i rgyal sa zin par shog:_spro na bde gshegs spyi bshags dang yig brgya bzla/_bcu gcig pa byin 'bebs pa ni/_hU~M:_rdo rje gzhon nu'i rig 'dzin rnams:_srid pa phur bu sgrub pa'i phyir:_sngon gyi zhal bzhes ma bsnyel bar:_gnas mchog 'di ru byin phob cig:_ye shes khro rgyal 'khor dang bcas:_'khor ba rdo rjer sgrub pa'i phyir:_nam mkha' khyab pa'i gar dang bcas:_gnas mchog 'di ru byin phob cig:_bran dang bka' nyan pho nya'i tshogs:_khyod kyi dam tshig dus la bab:_sngon tshe khas blang dam bcas bzhin:_gnas mchog 'di ru byin phob cig:_nam mkha' gang ba'i lha tshogs rnams:_sku yi gar stabs sna tshogs bsgyur:_rdo rje'i glu bro gar dang bcas:_gnas mchog 'di ru byin phob cig:_gsung ni sngags sgra 'brug ltar sgrogs:_rgod gshe drag shul rol pa yi:_sa gsum 'jigs pa'i nga ro bcas:_gnas mchog 'di ru byin phob cig:_thugs ni ye shes rngam pa'i dpal:_snying rje zhi dang khro bo yi:_rig rtsal dgongs pa'i gding dang bcas:_gnas mchog 'di ru byin phob cig:_sgrub mchog bdag la dbang bzhi bskur:_bgegs dang log 'dren bar chad sol:_mchog dang thun mong ma lus pa'i:_dngos grub dam pa bstsal du gsol:_gu ru d+he wa d+hA ki ni dz+nyA na a be sha ya a a aH_hriM hriMH_pheM pheMH_bcu gnyis pa mchod pa byin rlabs ni/_hU~M hrIH_snang srid bde chen rol pa yi:_ye shes snang ba khyab brdal sprin:_kun bzang mchod pa bsam yas gter:_rang byung rang shar lhun gyis grub:_sarba sa ma ya pU dza hoH_oM badz+ra ar+g+haM nas/_shab+da ma hA pU dza s+pha ra Na khaM:_zhes phyi mchod dang*/_oM ma hA sh+ma sha na ru tra b+ho gaHrU pa shab+da gan+d+he rA sa spar+she pany+tsa kA ma gu Na d+harma d+hA tu pU dza AHhU~M:_zhes nang mchod drag po'i nyer spyod dang*/_hU~M:_rlung me thod pa'i sgyed pu gsum gyi steng:_dbyings kyi b+han+d+har sha lnga bdud rtsi lnga:_ye shes rigs lnga dbyer med byang chub sems:_rtsa brgyad stong sbyar sman gyi bdud rtsir 'khyil:_oM hU~M trA~M hrIHaH_mU~M lA~M mA~M pA~M tA~M:_sarba pany+tsa a mr-i ta kuN+Da li hU~M hrIHThA:_lan gsum gyis sman/_hU~M:_lcang lor bcas pa'i dung chen snod yangs su:_khams gsum gdug pa bsgral ba'i khrag mtshor 'khyil:_gIrti mkha' nas ye shes bde ba'i rgyun:_mi phyed so sor rtog pa'i lbu phreng g.yo:_oM AHhU~M ma hA ka pA la rak+ta dz+wa la maN+Da la hU~M hrIHThA:_lan gsum gyis rak+ta/_hU~M:_gtor snod rin chen b+hany+dzas stong gsum khyab:_gtor ma'i ngo bo bla med dam tshig rdzas:_'dod pa'i yon tan lnga yis rab brgyan pa:_lha tshogs dgyes skong mchod pa'i phung por spungs:_oM A hU~M ma hA ba liM ta sarba kA ma gu h+ya sa ma ya hU~M hrIHThA:_lan gsum gyis gtor ma rnams byin gyis brlabs/_badz+ra s+pha ra Na khaM gis mkha' khyab tu spel/_gnyis pa dngos gzhi la/_dang po ting nge 'dzin gsum ni/_hU~M:_rdo rje khros pas zhe sdang gcod:_chos nyid ngang gis dag pa'i klong:_gzung 'dzin mtshan ma mi gnas pa:_rnam par thar pa'i sgo gsum mo:_oM shU n+ya ta dz+nyA na hoH_snying rje chen po'i mtshon cha ni:_srid pa'i rtsa ba gcod byed pa'i:_thugs rje'i shugs kyis khro ba las:_sdug bsngal 'joms pa'i ting 'dzin bsgom:_AHma hA ka ru Ni ka hoH_stong nyid nam mkha'i khams gnas pa'i:_'khor 'das kun gyi srog gi go:_rang byung yi ge 'dus ma byas:_hU~M chen bskal pa'i me ltar 'bar:_hU~M badz+ra dz+nyA na d+hA tu hoH_gnyis pa rten 'byung ba rim brtsegs ri rab gzhal yas khang bcas gsal gdab pa ni/_hU~M las e yaM raM suM ra:_keM raM chad pa 'og gzhi ni:_chos 'byung dbyings dang mnyam pa'i dbus:_rlung me sha chen sa gzhi brdal:_khrag mtsho keng rus ri rab steng:_khor yug drag po'i me rlung tshogs:_kun tu 'bar zhing 'tshubs ma 'khyil:_ma hA dz+wa la raM:_me klong b+h+rUM yig lnga ldan chad:_yongs gyur pad nyi rgya gram steng:_ye shes rang snang gzhal yas khang:_rang byung dur khrod bkod pa can:_phyi ni rtsig pa kha dog lnga:_nang ni skam rlon rnyid pa'i mgo:_gnam lcags gzer btab rak+tas sbyar:_rin chen pha gu drwa ba phyed:_chu srin rngam pa'i kha las dpyang:_shar bu mda' yab pu shu dang:_gza' dang lha klu ka gdung phyam:_rgyu skar dral gzeb zhing gi thog:_lha chen thod pa dbus phyur bu:_ma hA ru tra'i tsit+ta'i tog:_ye shes zer 'phro 'od phung 'khyil:_ro skra'i rnga yab zhing gi 'phan:_gcan gzan lpags pa'i rgyal mtshan gdugs:_phyi nang sgo bzhi rta bab brgyad:_chos 'khor ri dwags gdugs tog mdzes:_dal dbus gnam lcags 'khor lo dang:_lte ba zlum po e yis mtshan:_zla gam gsum la khrag mtsho 'khyil:_b+h+rUM bi shwa bi shud+d+he dz+nyA na kro d+ha maN+Da la hU~M:_de nas lha gnas so sor gdan gsal gdab pa ni/_dkyil 'khor chen po de yi nang:_dbus kyi gru gsum steng nyid du:_gzhal yas gru bzhi rgyan rdzogs lnga:_rtsibs bcur gzhal yas khang chen bcu:_g.yas g.yon gru gsum e re re:_zla gam gsum dang khrag gi khyams:_phyi rol khor yug e yi dal:_gser khyams le'u tsher zla gam brgyad:_gru chad glo 'bur kun la yang:_dbang gi pho brang sgo gcig pa:_ma 'dres gsal la rdzogs par shar:_dz+nyA na tsakra maN+Da la b+h+rUM:_dbus kyi gzhal yas lte ba ru:_brag chen pad nyi lha chen po:_khyo shugs byi chings bsnol ba dang:_phyogs bcur tshangs pa brgya byin dang:_me lha gshin rje srin po rlung:_chu bdag rlung lha gnod sbyin dang:_dbang ldan sa bdag chung mar bcas:_bsnol ba'i pad nyi brag chen gsal:_e rnams khrag gi mtsho 'khrugs par:_pad nyi bam ro gan rkyal 'gyel:_gnas yul ma mo sgo ma dang:_dbang phyug phur srung bzhugs pa'i gnas:_keng rus gram bu'i khri bcas gsal:_ma sUr+Ya maN+Da la:_a tsan+d+ra maN+Da la:_pa~M pad+ma maN+Da la:_gsum pa brten pa lha yi 'khor lo bsgom pa'i dang po chos sku'i ngo bo bdag rtsa ba'i dkyil 'khor gtso bo yab yum bsgom pa ni/_hU~M:_dbus kyi chos 'byung lte ba ru:_rang rig hU~M bab yongs gyur las:_spro bsdus 'od kyis don gnyis byas:_'od kyi phung po rdo rjer gyur:_badz+ra hU~M:_de nyid yongs gyur skad cig gis:_bdag nyid ma bcos rtsa ba'i lha:_rdo rje 'chang chen he ru ka:_spyi dpal karma kI la ya:_dpal chen rdo rje gzhon nu ni:_mthing nag dbu dgu phyag bco brgyad:_rtsa zhal srin po khros pa'i zhal:_g.yas pa dkar ba ku muta dA:_g.yon pa dmar nag am gtsigs bsdams:_de steng zhal gsum ljang ser nag:_steng gi zhal gsum smug mthing dmar:_kham nag ral pa gyen du brdzes:_spyi bor rdo rje phyed pa'i tog:_rwa gdeng zar bu sbrul gyis bcing:_thod skam lnga yis dbu la brgyan:_zhal bgrad mche gtsigs ljags brkyang 'dril:_hU~M phaT pheM gyi sgra drag sgrogs:_khro gnyer chu rlabs lta bur 'khrugs:_sma ra smin ma me ltar 'bar:_rdo rje'i sku mchog sprin bzhin gnag:_g.yas dgu'i dang pos rdo rje gdeng:_'khor lo dgra s+t+wa ral gri mdung:_tho ba lcags kyu gsal shing bsnams:_g.yon dgus me dpung khaT+wAM ga:_ri rab zhags pa b+han+d+ha dmar:_sdig mdzub mda' dang bdud bzhi'i mgo:_tha ma'i phyag gnyis phur bu 'dril:_drag po'i stang stabs phyogs bcur g.yo:_'bar ba'i zhabs bzhi brkyang bskum gyis:_bar chad bdud bzhi brdzis shing mnan:_glang chen zhing lpags stod g.yogs shing:_stag gi sham thabs grol zhing 'ching:_sku la rus pa'i phyag rgya drug:_mgo phreng dpal gyi chas gos rdzogs:_rdo rje rin chen gshog pa gdengs:_ye shes me dpung 'bar ba'i klong:_khams gsum zil gnon chen por gsal:_pang du bde chen skyed pa'i yum:_'khor lo rgyas 'debs khro gtum sgeg:_gcer bu gzig gi sham thabs gsol:_thod skam rus pa'i rgyan gyis spras:_phyag gnyis g.yas pas yab mgul 'khyud:_ut+pal mtheb srin sbyar bas 'dzin:_g.yon pas dmar gyi b+han+d+ha stob:_nu 'bur b+ha ga rgyas pas sbyor:_sked skabs phra ldem g.yas pa'i zhabs:_yab kyi dku la 'khyud cing ldem:_g.yon pa brkyangs te dgra bgegs brdzis:_'bar ba'i brtul zhugs yongs su rdzogs:_gtso bo'i g.yon du sgrol byed kyi:_yum mchog e ka dzA Ti ma:_khro gtum sgeg pa'i gzi byin gyis:_yab la lta zhing chags pa'i tshul:_g.yas pas gri gug nam mkhar 'phyar:_g.yon pas tsit+ta khrag 'dzag za:_gcer bu rus pa'i rgyan 'phyang ba'i:_g.yer kha'i sgra las chos sgra sgrog:_gnyis pa longs sku'i ngo bo 'khor gyi khro bo'i dkyil 'khor spro ba ni/_a ho a ho a ho hU~M:_sa ma ya hoH_sa ma ya s+t+waM:_a nu rA ga ya mi:_a nu rA ga ya hoH_rdo rje pad+ma rgyas mdzad de:_sbyor bas sku ni sgeg bzhad dpa':_pad+ma b+hany+dza mo k+Sha hoH_zhal nas a ho haM zhes sgrogs:_rdo rje'i gsung mchog rgod gshe rngams:_thugs ni bde ba cher 'bar ba'i:_snying rje rngams dang zhi bar bcas:_srub cing srub pa'i sbyor ba'i sgras:_sangs rgyas sras bcas rjes chags bskul:_zhal zhugs byang chub sems su zhu:_dwangs ma'i sems sprin hU~M bzhi spros:_shar du badz+ra kro d+ha ste:_rdo rje phur pa dkar la sgeg:_zhal gsum phyag drug zhabs bzhi bgrad:_g.yas mthing g.yon dmar 'khor lo dang:_dgra s+t+wa tho ba me lce 'bar:_oM badz+ra kI li kI la ya sarba big+h+nAn ba~M hU~M phaTa?:_lho ru rat+na kro d+ha ste:_rin chen phur pa ser la brjid:_zhal gsum phyag drug zhabs bzhi bgrad:_g.yas dkar g.yon dmar rin po che:_ral gri zhags pa khaT+wA~M gdeng:_oM rat+na kI li kI la ya sarba big+h+nAn ba~M hU~M phaTa?:_nub tu pad+ma kro d+ha ste:_pad+ma phur pa dmar la chags:_zhal gsum phyag drug zhabs bzhi bgrad:_g.yas dkar g.yon mthing pad+ma dang:_be con mtshon 'khor gsal shing 'phyar:_oM pad+ma kI li kI la ya sarba big+h+nAn ba~M hU~M phaTa?:_byang du karma kro d+ha ste:_phrin las phur pa ljang nag gtum:_zhal gsum phyag drug zhabs bzhi bgrad:_g.yas dkar g.yon dmar rgya gram gdeng:_tri shul tsit+ta dung dmar stob:_rigs bzhi'i khro bo rang 'dra'i yum:_phyag rgya rang rtags b+hany+dza thogs:_dpal dang dur khrod rol pa'i chas:_gtso bo bzhin du yongs su rdzogs:_oM karma kI li kI la ya sarba big+h+nAn ba~M hU~M phaTa?:_slar yang gtso mchog sbyor mtshams nas:_byang sems sa bon hU~M bcu spros:_phyogs bcu'i rtsibs kyi gzhal yas dbus:_thog ltar bab pa'i spro bsdu yis:_'od zer rnon pos phyogs skyong ba'i:_gdon tshogs btul te tshur 'dus pa:_pad nyi phyogs skyong pho mo'i steng:_hU~M bab yongs gyur khro bcur gyur:_oM badz+ra kro d+ha hU~M kA ra hU~M:_gardza gardza hU~M phaTa?:_steng phyogs nyi zla'i gdan steng du:_hU~M mdzad sngo skya mthing ser dmar:_zhal gsum phyag drug dang po gnyis:_rdo rje dung dmar bar pa yis:_mda' gzhu 'gengs zhing rol pa'i yum:_sgra 'byin ma dang mnyam par sbyor:_oM badz+ra kro d+ha bi dza ya hU~M:_ha na ha na hU~M phaTa?:_shar phyogs dri za'i gdan steng du:_rnam par rgyal ba dkar sngo ljang:_dang pos rdo rje b+han dmar dkrugs:_bar pas 'khor lo rtse gsum gdengs:_rdo rje snyems ma yum dang sbyor:_oM badz+ra kro d+ha nI la daN+Da hU~M:_da ha da ha hU~M phaTa?:_shar lho me lha'i gdan steng du:_dbyug sngon mthing nag dkar dmar zhal:_phyag drug rdo rje dung chen khrag:_me dbal rdo rje'i dbyug tho 'phyar:_rdo rje sder mor mnyam par sbyor:_oM badz+ra kro d+ha ya mAn+ta ka hU~M:_pa tsa pa tsa hU~M phaTa?:_lho phyogs gshin rje'i gdan steng du:_gshin rje gshed sngon sngo ljang zhal:_phyag drug rdo rje thod pa dang:_dgra s+t+wa 'bar ba'i be con phyar:_dur khrod bdag mo yum dang sbyor:_oM badz+ra kro d+ha Ar+Ya a tsa la hU~M:_b+han+d+ha b+han+d+ha hU~M phaTa?:_lho nub srin po'i gdan steng du:_mi g.yo mthing ga zhal dkar dmar:_dang pos rdo rje ka pA la:_ral gri zhags pa 'phen pa'i yum:_gtun khung ma dang gnyis med sbyor:__oM badz+ra kro d+ha h+ya gr-I wa hU~M:_hu lu hu lu hU~M phaTa?:_nub phyogs chu lha'i gdan steng du:_rta mgrin dmar po dkar sngo'i zhal:_phyag drug rdo rje b+han dmar 'dzin:_zhags pa spu gri gdengs pa'i yum:_rdo rje gtum mo ma dang sbyor:__oM badz+ra kro d+ha a pa ra dzi ta hU~M:_tiSh+Tha tiSh+Tha hU~M phaTa?:_nub byang rlung lha'i gdan steng du:_'dod rgyal dmar skya zhal ljang ser:_phyag drug rdo rje thod khrag dang:_ba dan rnga yab 'dzin pa'i yum:_mda' snyems ma dang gnyis med 'khril:_oM badz+ra kro d+ha a mr-i ta kuN+Da li hU~M:_tshin+d+ha tshin+d+ha hU~M phaTa?:_byang phyogs gnod sbyin gdan steng du:_bdud rtsi 'khyil ljang ser dud kha:_rdo rje dung khrag rgya gram dang:_dbyug tho bsnams pa'i yum rlung 'byin:_oM badz+ra kro d+ha trai lo kya bi dza ya hU~M:_b+hin+d+ha b+hin+d+ha hU~M phaTa?:_byang shar dbang ldan gdan steng du:_khams gsum rnam rgyal ser nag zhal:_dkar ljang rdo rje dung chen bsnams:_mda' gzhu 'gengs pa'i yum gsod byed:_oM badz+ra kro d+ha ma hA ba la hU~M:_s+pho Ta s+pho Ta hU~M phaTa?:_'og phyogs sa bdag gdan steng du:_stobs chen dud kha nag ser zhal:_phyag drug rdo rje dung chen dang:_tho ba zhags 'dzin yum skyod byed:_'khor du rang 'dra'i rigs bzhi yi:_khro rgyal rnam bzhi yum dang sbyor:_zhal gsum phyag drug zhabs bzhi pa:_'bar ba'i chas kun rdzogs par gsal:_badz+ra ma hA kro d+ha maN+Da la b+h+rUM:_khro rgyal chen po rnam pa bcu'i:_dkyil 'khor rnams kyi g.yas g.yon du:_rtog 'joms chen po'i ting 'dzin las:_phra men pho nya phag gi gdong:_dpa' gtum chen po'i ting 'dzin las:_phra men pho nya stag gi mgo:_rdzis tshor spang ba'i ting 'dzin las:_phra men pho nya g.yag gi mgo:_dus 'jug chen po'i ting 'dzin las:_phra men pho nya sha ba'i mgo:_ye rdzogs chen po'i ting 'dzin las:_phra men pho nya gzig gi mgo:_thabs mkhas chen po'i ting 'dzin las:_phra men pho nya byi la'i mgo:_za byed chen po'i ting 'dzin las:_phra men pho nya spyang ki'i mgo:_rigs btsun chen po'i ting 'dzin las:_phra men pho nya seng ge'i mgo:_za byed chen po'i ting 'dzin las:_phra men pho nya dred kyi mgo:_myos byed chen po'i ting 'dzin las:_phra men pho nya dom gyi mgo:_mi 'gyur chen po'i ting 'dzin las:_phra men ma ste rmigs bu'i mgo:_thogs med chen po'i ting 'dzin las:_phra men ma ste bya rgod mgo:_gsal byed chen po'i ting 'dzin las:_phra men ma ste bya rog mgo:_mthong byed chen po'i ting 'dzin las:_phra men ma ste 'ug pa'i mgo:_thal byed chen po'i ting 'dzin las:_phra men ma ste khwa ta'i mgo:_bkra byed chen po'i ting 'dzin las:_phra men ma ste pu shud mgo:_sgrib byed chen po'i ting 'dzin las:_phra men ma ste khra yi mgo:_gso byed chen po'i ting 'dzin las:_phra men ma ste pha waM mgo:_btsal byed chen po'i ting 'dzin las:_phra men ma ste sre mong mgo:_'gugs byed chen po'i ting 'dzin las:_phra men ma ste byi ba'i mgo:_phra phyag pho mo de dag kyang:_gcer bu khro nyams stangs stabs can:_stag gzig sham thabs 'phyang zhing rgyug:_g.yas pas lcags kyu g.yon pa na:_phur bu 'dril zhing bgegs la 'debs:_me dpung rngams pa'i klong na 'gying:_rang 'dra'i pho nya'i 'du 'phro ni:_sprul pa yang sprul nying sprul dang:_sum sprul bye ba rdul ltar 'khrigs:_go mtshams med par gtams par gyur:_'bar ba chen po'i dkyil 'khor shar:_gsum pa sprul sku phur pa rdzas kyi dkyil 'khor las byed pho nya mo'i 'khor dang bcas pa bsgom pa ni/_oM badz+ra ma hA kro d+ha maN+Da la hU~M:_zla gam 'khyil pa gsum gyi steng:_gtso bo yab yum sbyor mtshams nas:_hU~M yig bdun tshan gsum du spros:_'od kyis khams gsum gdug can bsgral:_snang srid phur bu'i da lar rdzogs:_bde gshegs rgyal ba rab 'byams kyi:_sku gsung thugs kyi byin rlabs bsdus:_hU~M la thim pas skad cig gis:_mdun du thugs kyi sras mchog mthing:_g.yas su sku yi sras ljang nag:_g.yon du gsung gi sras dmar nag:_kun kyang zhal gsum phyag drug can:_g.yas g.yon dkar dmar zhal ni brjid:_dang pos rdo rje me chen spro:_bar pas dgra s+t+wa khaT+wAM gdengs:_tha mas phur bu 'dril ba yi:_sku la dur khrod dpal chas rdzogs:_sku smad 'bar ba'i phur bu'i dbal:_gnam lcags me 'khrugs tshwa tshwa 'phro:_chu srin kha nas thon pa yi:_dug sbrul sdom dang sdig pa 'phyo:_dgra bgegs dkar nag snying gi mtshams:_phur rtse gzir bas srid gsum bsgral:_mtshan ma rdzas kyi dkyil 'khor rdzogs:_dpal chen gsang ba gsum du gyur:_oM badz+ra kro d+ha kI la ya hU~M phaT:_gru chad shar nas phyogs bzhi ru:_gau ri dkar mo zhing dbyug 'phyar:_tsau ri ser mo mda' gzhu 'gengs:_pra mo dmar mo chu srin 'phyar:_bai ta ljang mo rdo rje gdengs:_mtshams bzhir puk+ka rgyu zhags ser:_g+hasma ljang gu b+han khrag 'thung:_tsaN+Da ser mo rgyu zhags 'jib:_sme sha mthing ga bam chen za:_ha ha ha ha ha ha ha ha DA ki ni pheM b+h+yo:_gser khyams phyogs mtshams re re bzhin:_sing ha smug nag ro la za:_byA gr-i dmar mo lag bsnol te:_sri la nag mos byis bam ldag:_shwa na spyang mthing ro thogs pa:_gr-i d+ha ser mo rgyu zhags 'dren:_kang+ka dmar mo zhing phrag khur:_kA ka nag mo b+han gri thogs:_u lu mthing gas rdo rje gsor:_kun kyang khro mo 'jigs pa'i gzugs:_gzig sham rus pa'i rgyan gyis sgeg:_thod skam phreng gsol zhabs brkyang bskum:_ral gsigs mche gtsigs sdang mig can:_zla gam gzhal yas rdzogs par rol:_he he he he he he he he a ral+li pheM b+h+yo:_gtso bo'i sbyor mtshams dzaHhU~M ba~M:_hoHyi yi ge bzhi spros pas:_shar du sgo ma lcags kyu ma:_dkar mo rta yi gdong pa can:_lho ru sgo ma zhags pa ma:_ser mo phag gi gdong pa can:_nub tu sgo ma lcags sgrog ma:_dmar mo kang+ka'i gdong pa can:_byang du sgo ma dril bu ma:_ljang gu spyang ki'i gdong pa can:_kun kyang g.yon pas phur pa 'dril:_gcer mo ral gsigs gzig sham can:_gtum chen rngam pa'i gad rgyang sgrogs:_pad nyi bam ro'i steng na 'gying:_dzaHhU~M ba~M hoH_khrag khyams dpal gyi bka' sdod che'i:_mthing nag e yi dal re rer:_shar stod srin mo tshangs pa dang:_lha chen mo gsum shar smad du:_gtog 'dod gzhon nu brgya byin ma:_lho stod rdo rje bdud rtsi zla:_be con srin mo za ba smad:_nub stod dga' stobs rdo rje ma:_'dod pa nor srung rlung lha smad:_byang stod gsod byed phag mo me:_rgan byed sna chen chu lha smad:_rdo rje nag mo ser mo dang:_dmar mo ljang nag phyi'i sgo bzhir:_rim par g.yag sbrul gzig sre dred:_dom dang pha waM chu srin sdig:_khra wa khwa ta stag bya rgod:_rta dom khyi shwa skyin phag gdong:_bya rog glang sbrul khu byug seng:_sbrul gyi gdong can mtshon cha 'phen:_gru gsum dal du khrag mtsho'i klong:_bam ro'i steng 'gying khro mo'i gzugs:_phyogs bzhir las bzhi sgrub pa yi:_pho nya bran dang mngag gzhug ma:_ma mo mkha' 'gro'i dkyil 'khor ni:_las byed chen po'i tshul du gsal:_b+h+yo b+h+yo b+h+yo b+h+yo b+h+yo b+h+yo b+h+yo:_b+h+yo b+h+yo b+h+yo b+h+yo b+h+yo b+h+yo b+h+yo:_b+h+yo b+h+yo b+h+yo b+h+yo b+h+yo b+h+yo b+h+yo:_b+h+yo b+h+yo b+h+yo b+h+yo b+h+yo b+h+yo b+h+yo:_ma ma kro d+hI DA ki ni maN+Da la hU~M b+h+yo:_slar yang phyogs mtshams bcu gnyis kyi:_e la dpal chen kI la ya'i:_bran dang bka' nyan pho nya'i tshogs:_khrag khyams shar du shwa na mthing:_lag g.yas thod pa'i phreng ba 'dren:_g.yas su thabs kyi skyes bu dkar:_lho ru kr-i ta mu kha ser:_lag g.yas 'bar ba'i lcags kyu gdengs:_g.yas su gshin rje'i skyes bu nag:_nub tu sri la mu kha dmar:_lag g.yas snying gi phreng ba 'dren:_g.yas su bdud kyi skyes bu dmar:_byang du shri ga mu kha ljang:_lag g.yas gnam lcags rdo rje gdengs:_g.yas su gnod sbyin skyes bu ljang:_ma mo rnams kyi g.yon phur pa:_gdong dang mtshungs pa'i chibs la zhon:_yab rnams shel gri khram shing dang:_dar dmar be con g.yon phur pa:_shar stod re ma ti mthing nag:_phyag bzhi srid pa'i phur pa dang:_me long zhags thogs shar bdud sbyor:_lho stod re ma tri ser nag:_bdud rtsi'i bum thogs lho bdud sbyor:_nub stod re ma dzaHdmar nag:_nad rkyal rdebs shing nub bdud sbyor:_byang stod re ma dzu ljang nag:_khram shing thogs shing byang bdud sbyor:_yab rnams g.yas g.yon dung khrag tho:_chibs su bong bu sha ba dang:_chu glang rnga mo gwa pa chibs:_shar smad ya byin seng zhon nag:_lho smad de byin 'brug zhon ser:_nub smad bse byin glog zhon nag:_byang smad phag byin chu srin zhon:_ging chen sde bzhi rta dang khyung:_bya glag bse g.yag kham pa zhon:_yum rnams nyi zla thog ser ri:_rgya mtsho thogs pa gnyis re'o:_phyogs mtshams gru gsum re re'i nang:_bzhugs pa'i ma mo bcu gnyis kyi:_las byed pho nya 'bar ba'i sku:_bdud gza' btsan dang klu'i bu mo:_phyogs skyong 'dul ba'i khyi mo brgyad:_dkar ser dmar ljang phyogs mtshams rgyug:_gnam khyi ngar ma klad la lding:_bse khyi dmar pos ri klung nyul:_khyung khyi gzan la 'jab cing 'khyugs:_stag khyi khrag rngub sha rjes nyul:_lcags kyi spyang brgyad dgra sha za:_dung gi khyi brgyad nga ro sgrogs:_gser gyi 'phar brgyad bya ra byed:_zangs kyi khyi brgyad 'ur 'ur zug:_stag chen brgyad kyis mchong zhing rtse:_sbrul chen brgyad kyis 'khyugs shing 'gro:_byi la brgyad kyis bla la 'jab:_khyung gi phra men brgyad 'phur 'phyo:_sprul pa'i pho nya rdul ltar 'tshubs:_mtshon cha'i char pa spro zhing rgyug:_sgrol byed bka' sdod chen po yi:_dkyil 'khor nyid du lhun gyis grub:_oM badz+ra kI li kI la ya d+harma pA la ma hA kro d+ha maN+Da la b+h+rU~M:_de ltar snang srid rdo rje phur pa'i dkyil 'khor gsum gyi rang bzhin du gsal gdab pa la sku gsung thugs kyi ye shes kyi phyag rgyas 'debs pa ni/_hU~M:_sangs rgyas kun gyi ye shes sku:_ngang nyid rdo rje chos dbyings las:_'bar ba'i khro bo mi bzad pa'i:_sku yi dbyig tu bdag bskyed cig:_oM sarba ta thA ga ta ma hA kA ya badz+ra swa b+hA wa at+ma ko\u0f85 haM:_oM sarba ta thA ga ta ma hA wAka badz+ra swa b+hA wa at+ma ko\u0f85 haM:_oM sarba ta thA ga ta ma hA tsit+ta badz+ra swa b+hA wa at+ma ko\u0f85 haM:_dkyil 'khor gyi lha rnams kyi dpral bar oM/_mgrin par AH_thugs kar hU~M gis mtshan pa las 'od zer 'phros/_sangs rgyas thams cad kyi sku gsung thugs rdo rje'i rnam par spyan drangs gnas gsum du thim pas/_de rnams kyi gsang ba gsum dang gnyis su med par gyur/_dbang bskur ba ni/_yang thugs ka nas 'od 'phros dbang gi lha thams cad spyan drangs pas dbang bskur bar gyur/_hU~M:_thabs kyi spyod pas 'gro don du:_byams dang snying rjes gang 'dul ba:_sangs rgyas phrin las rdzogs mdzad pa'i:_dbang dang byin rlabs deng stsol cig:_oM ma hA shU n+ya ta dz+nyA na badz+ra swa b+hA wa at+ma ko\u0f85haM:_oM ma hA ar+sha dz+nyA na badz+ra swa b+hA wa at+ma ko\u0f85haM/_oM ma hA sa ma ta dz+nyA na badz+ra swa b+hA wa at+ma ko\u0f85haM:_oM ma hA pra t+ya be k+Sha na dz+nyA na badz+ra swa b+hA wa at+ma ko\u0f85haM:_oM ma hA kr-i t+yA nuSh+Tha na dz+nyA na badz+ra swa b+hA wa at+ma ko\u0f85haM:_spyi bo'i gnas lngar dbang lha yab yum rjes chags rgyas pa'i zhu bde'i byang chub sems kyi chu rgyun gyis dbang bskur/_nyon mongs pa lnga'i dri ma sbyangs/_phung po lnga rigs lnga'i sangs rgyas su gnas gyur/_chu yi lhag ma spyi bor 'khyil ba las gtso bo la rdo rje mi bskyod pa dang*/_'khor rnams la so so'i rigs kyi bdag pos dbur brgyan par gyur/_bzhi pa ye shes kyi 'khor lo spyan 'dren pa ni/_dkyil 'khor gyi lha tshogs rnams kyi thugs ka'i 'od zer gyis bskul bas rang bzhin gyi gnas nas bla ma rig 'dzin sangs rgyas dang byang chub sems dpa' dpa' bo mkha' 'gro thams cad sangs rgyas kun gyi phrin las kyi rnam rol mi bzad 'bar ba dpal chen rdo rje gzhon nu'i dkyil 'khor gyi lha tshogs dam can srung ma dang bcas pa'i rnam par badz+ra sa mA dzaH_hU~M hrIH_chos dbyings mtha' dbus bral ba nas:_rang byung ye shes he ru ka:_dpal chen karma kI la ya:_'jigs mdzad rdo rje gzhon nu che:_thabs kyi spyod pas gang 'dul du:_sangs rgyas phrin las rdzogs mdzad pa'i:_ye shes khro bo chen po ni:_'khor gyi dpal chen khro rgyal bcu:_sras dang sprul pa bka' sdod bcas:_ma lus 'khor bcas gshegs su gsol:_gnas 'di nyid du gshegs nas kyang:_rtags dang mtshan ma bstan pa dang:_kI la ya yi dngos grub stsol:_oM badz+ra kI li kI la ya hU~M:_sarba sa ma ya dzaHdzaH_lnga pa dam ye gnyis med du bstim pa ni/_hU~M hrIH_bde chen dbyings kyi gzhal yas dbus:_rang snang rig pa'i lha tshogs rnams:_gnyis su med par bzhugs nas kyang:_sku gsung thugs kyi dngos grub stsol:_sarba sa ma ya tiSh+Tha lhan:_drug pa phyag 'tshal ba ni/_hU~M hrIH_sangs rgyas kun gyi ye shes sku:_ngang nyid rdo rje chos dbyings las:_'bar ba'i khro bo mi bzad pa:_dkyil 'khor lha la phyag 'tshal lo:_a ti pU hoH_pra tIts+tsha hoH_bdun pa mchod pa la/_nyer spyod sman raka gtor ma dang*/_/sbyor dang sgrol ba'i mchod pa gsum/_/zhes nang gses su gsum du dbye ba'i dang po thun mong nyer spyod kyi mchod pa la zhi drag gnyis las/_dang po ni/_hU~M:_bla med mchog gi mchod pa dam pa ni:_ye shes lnga yi 'od zer rnam par 'phro:_'dod pa'i yon tan lnga yis rab brgyan te:_dam tshig bzhin las ci bder bzhes su gsol:_oM shrI badz+ra ku mA ra sa pa ri wA ra ar+g+haM pA d+yaM nas/_shab+da pany+tsa kA ma gu Na de wi sa mu dra s+pha ra Na sa ma ye AHhU~M:_gnyis pa ni/_hU~M hrIH_'bar ba'i nga rgyal chen po yis:_khams gsum gdug pa bsgral ba'i phyir:_dam nyams snying khrag mchod yon dang:_myos byed dug chu'i zhabs bsil 'khrugs:_dbang po lnga yi me tog dang:_tshil chen dud pa 'khrigs pa'i spos:_zhun gyi mar me mdangs gsal zhing:_mkhris sna khrag zhag byug pa'i rtsi:_sha rus don snod mAM sa'i zas:_thod rnga mi rkang gling bu sogs:_ru tra chen po'i longs spyod kyis:_khrag 'thung rdo rje'i lha tshogs bskang:_oM badz+ra rU pa shab+da gan+d+he rA sa spar+she ru tra pU dza sa ma ya hoH_gnyis pa khyad par gyi mchod pa la gsum las/_sman gyi mchod pa ni/_hU~M:_rang byung pad+ma b+hany+dza'i snod:_bde chen rdo rje'i sbyor ba las:_'bar ba dkyil 'khor dgu'i byang sems:_ye shes klong dgu'i phyag rgya'i sprin:_rang bzhin lhun rdzogs mchod pa che:_bdud rtsi ra sa yA na'i dngos:_bla med dam tshig rdzas kyi mchog:_oM a mr-i ta khA hi:_brgyud mchod ni/_dgongs pa brda dang snyan nas brgyud pa yi/_/byin rlabs sprin phung ye shes char chen 'bebs/_/rig 'dzin rtsal 'chang rtsa brgyud bla ma la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__khyab bdag ston pa chos sku kun tu bzang*/_/longs spyod yongs rdzogs rdo rje sems dpa' dang*/_/sprul sku mkha' 'gro las kyi dbang mo la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__phur pa'i rig 'dzin pra b+ha hasti dang*/_/'pho chen sku brnyes bi ma la mi tra/_/dkyil 'khor kun bdag pad+ma 'byung gnas la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__dbyings phyug DA ki bde chen mtsho rgyal dang*/_bdud rtsi phur grub dz+nyA na ku mA ra/_/mnga' bdag chen po sog po lha dpal rje/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__bka' bab bdun ldan rdo rje gzi brjid dang*/_/gter 'byin mdo sngags gling dang ma ti'i mtshan/_/chos bdag rig 'dzin brgyud par bcas pa la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__rdo rje gzhon nu bdud 'dul khro bo bcu/_/phra thabs sras mchog sgo ma phur srung sogs/_/dngos grub mchog stsol bsam yas dkyil 'khor la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__dpal gyi bka' sdod phrin las glog ltar 'khyug_/ma sring mkha' 'gro dam can rgya mtsho dang*/_/snang srid gzhir bzhengs rdo rje'i maN+Da lar/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/_dngos grub blang ba ni/_oM AHhU~M:_dam tshig rdzas kyi bdud rtsi las:_ye shes snying po'i dngos grub dbyig:_mtheb srin nyi zla'i gwa'u yis:_rdo rje'i lce la bzhag cing myang:_kA ya wAka tsit+ta a mr-i ta sid+d+hi pha la ho:_gtor ma'i mchod pa ni/_hU~M hrIH_rdo rje'i phung khams thams cad kyang:_'dod yon rmad byung gtor mar shar:_rang bzhin rdzas kyi dkyil 'khor che:_lhun gyis grub pa'i ba liM ta:_snang srid ma lus lhun rdzogs pa'i:_mchod pa kun gyis yang dag mchod:_oM ma hA ba rak+ta khA hi:_rak+ta'i mchod pa la spyi dang bye brag gnyis las/_dang po ni/_hU~M hrIH_gdug pa'i snying gi khrag rgyun dang:_gIrti'i rang byung gsang ba'i khrag:_khams gsum chags pa'i bcud chen po:_dmar nag lbu phreng 'khrugs pa'i mtsho:_'bar ba gtum chen rngam pa la:_gnyis med rol pas dgyes dgur bzhes:_ma hA ba liM ta khA hi:_gnyis pa bye brag rak+ta tshar gsum ni/_phud dang rak+ta bsres pa dang po bka' sgo ba'i phyir phul la/_hU~M:_dngos grub bar chad byed pa'i bgegs:_gdug cing sdang sems ldan pa rnams:_zung zhig rgyob cig rnam par chings:_gtogs shig grogs dang bral bar gyis:_rings par khug la smyor chug cig:_phob cig rnam par gzir bar gyis:_nga yi dbang du gyur nas kyang:_bsgo ba'i bka' la nyan par byos:_ma hA rak+ta khA hi:_gnyis pa dam can gnad du dbab pa'i phyir 'bul ba ni/_hU~M:_bran dang bka' nyan pho nya'i tshogs:_khyed kyi dam tshig dus la bab:_sngon chad ji bzhin bcas pa yi:_mngon spyod phrin las myur du mdzod:_ma hA rak+ta khA hi:_gsum pa mthu dang rdzu 'phrul 'phrog pa'i phyir 'bul ba ni/_hU~M:_dngos grub bar chad byed pa'i bgegs:_gdug cing sdang sems ldan pa rnams:_lha'am 'on te bdud kyang rung:_nga la bar chad byed pa rnams:_mthu dang rdzu 'phrul med par gyis:_ma hA rak+ta khA hi:_gsum pa sgrol mchod ni/_hU~M hrIH_khams gsum ma hA ru tra'i tshogs:_kun tu khros pas bsgral ba las:_sha chen brtsegs pa'i ri rab dang:_rus chen bsgral ba'i gram bur spungs:_dmar nag khrag gi rgya mtsho 'bul:_dug gsum dag pa'i dngos grub stsol:_ma hA maM sa rak+ta keM ni ri ti khA hi:_bzhi pa sbyor mchod ni/_hU~M hrIH_'bar ba khro mo'i e klong du:_gtum chen khro bo'i rdo rjes brdung:_bar du gcod na lha yang rung:_bsgral ba'i las kyi mchod pa 'bul:_kha taM kha taM kha taM:_hU~M hU~M hU~M:_phaTa? phaTa? phaTa?:_ha ha ha:_brgyad pa bstod pa ni/_hU~M hrIH_bskal pa me ltar 'bar ba'i klong:_rang byung dur khrod chen po'i dbus:_dpal chen 'bar ba he ru ka:_rdo rje gzhon nur phyag 'tshal bstod:_'jigs rung sku ni gar dgus sgeg:_mthing nag baiDU'i lhun po bzhin:_nyi ma 'bum gyi gzi brjid kyis:_khams gsum zil gyis gnon la bstod:_rab 'jigs rdo rje'i gad mo ches:_gdug pa can rnams srog rtsa 'dar:_rgod gshe drag shul rol pa che'i:_hU~M phaT gad rgyangs sgrog la bstod:_mi g.yo thugs ni rab tu zhi:_snying rje rngams pa'i gdung ba ches:_bdud dang ru tra gdul dka' 'dul:_rdo rje srin po'i tshul la bstod:_yon tan bsam yas cho 'phrul gyis:_'phags pa'i rnam thar ma lus rdzogs:_mi slob 'bras bu'i de nyid kyi:_gsang ba rgyan gyi 'khor lor bstod:_mkha' khyab 'gro ba kun 'dul ba'i:_phrin las dpag yas gang 'dul ston:_srid zhi'i rgyan du rdzogs pa'i lha:_gnyis med mnyam pa'i ngang du bstod:_dngos gcig thig le chen po'i gzugs:_rab 'byams gtso dang 'khor gyi tshul:_bsam yas bkod pa'i cho 'phrul can:_ma lus kun la gus pas bstod:_dgu pa bzlas pa la/_bsnyen sgrub las gsum las/_dang po bsnyen pa la gnyis las/_dbang dang sgrub pa'i skabs dzab khang dbye dgos shing*/_dkyus kyi bzlas pa'i dang po gtso bo yab yum la brten pa'i bsnyen dmigs kyi bsnyen pa bkod pa'i bzlas pa ni/_bdag nyid thugs kar ye shes sems:_rdor sems dkar gsal longs sku'i chas:_rdo rje dril bsnams phyed skyil bzhugs:_tshon gang 'od kyi phung po ni:_rin chen zur brgyad dbus na bzhugs:_de yi thugs kar tsit+ta ni:_mthing smug mchong gi gur ltar mdzes:_lte bar nyi steng rdo rje ni:_rtse dgu nas kyi 'bru tsam bsgrengs:_rdo rje'i lte bar hU~M mthing nag:_mtha' bskor snying po 'bru dgu 'bar:_sngags phreng mtshams su gsung rdo rje:_rta mgrin dmar pos bar chad srung:_'od zer spro bsdus don gnyis byas:_dpal chen sku dang gnyis med gyur:_zhes gsal snang rtse gcig tu sgrub la/_oM badz+ra kI li kI la ya hU~M phaTa?:_ces bsnyen sngags 'bru dgu pa nyid bzla/_goms pa brtan pa dang*/_gnyis pa nye bsnyen do li'i bzlas pa ni/_sngags phreng bdag mdun zhal dang mkha'i:_sbyor mtshams nas brgyud 'od zer las:_sku sngags phyag mtshan mtshon cha me:_spro bsdus snang srid lha dang sngags:_ye shes rol par 'byams klas te:_srid pa rdo rje phur pa'i lha:_brtan g.yo rtsi shing nags tshal kyang:_thams cad phur pa'i dal du rdzogs:_zhal nas sngags kyi sgra sgrog cing:_kun kyang kI li'i dzapa sgra sgrogs:_snang srid phyag rgya chen po'i dbyings:_dag pa'i ye shes rol par shar:_zhes spro bsdu'i ting 'dzin dang bcas/_oM badz+ra kI li kI la ya sarba big+h+nAn baM hU~M phaTa? dzaHhU~M a:_sgrub sngags 'bru bcu bdun pa dang*/__gnyis pa sgrub pa la sgrub pa dang sgrub pa chen po gnyis kyi/_dang po la'ang gnyis las/_dang po kI la rigs bzhi'i bzlas dmigs ni/_dpal gyi thugs ka'i 'od zer gyis:_rigs bzhi'i khro bo'i rgyal po bskul:_spro bsdu'i mdzad pas don gnyis sgrub:_khyad par rgyal kun sku gsung thugs:_ye shes rdo rje'i byin rlabs bsdus:_'gro ba'i lus ngag yid sgrib sbyangs:_mchog gi phrin las bzhi 'grub gyur:_oM badz+ra kI li kI la ya dip+ta tsakra ha na ha na ru lu ru lu hU~M b+h+yo hU~M:_oM rat+na kI li kI la ya dip+ta tsakra ha na ha na ru lu ru lu hU~M b+h+yo hU~M:_oM pad+ma kI li kI la ya dip+ta tsakra ha na ha na ru lu ru lu hU~M b+h+yo hU~M:_oM karma kI li kI la ya dip+ta tsakra ha na ha na ru lu ru lu hU~M b+h+yo hU~M:_gnyis pa sras mchog nyer gcig gi bzlas pa ni/_dpal chen sku yi gnas gsum las:_byung ba'i 'od kyis khams gsum bsgral:_srid pa rdo rje phur pa'i zhing:_rdo rje'i dam tshig gsum du dag:_oM badz+ra kro d+ha kI la ya hU~M phaT:_gnyis pa la gnyis las/_dang po khro rgyal yab bcu'i bzlas pa ni/_gtso bo'i 'od kyis phyogs mtshams su:_bzhugs pa'i khro rgyal yab bcu bskul:_'od zer spro bsdus 'jig rten khyab:_gdug pa'i phyogs skyong sde brgyad btul:_stobs bcu'i byin rlabs nus pa bsdus:_tshar gcod rjes 'dzin phrin las kyis:_dngos grub mtha' dag 'grub par gyur:_oM badz+ra kro d+ha hU~M kA ra hU~M:_gardza gardza hU~M phaTa?:_oM badz+ra kro d+ha bi dza ya hU~M:_ha na ha na hU~M phaTa?:_oM badz+ra kro d+ha nI la daN+Da hU~M:_da ha da ha hU~M phaTa?:_oM badz+ra kro d+ha ya mAn+ta ka hU~M:_pa tsa pa tsa hU~M phaTa?:_oM badz+ra kro d+ha Ar+Ya a tsa la hU~M:_b+han+d+ha b+han+d+ha hU~M phaTa?:_oM badz+ra kro d+ha ha ya gr-I wa hU~M:_hu lu hu lu hU~M phaTa?:_oM badz+ra kro d+ha a pa ra dzi ta hU~M:_tiSh+Tha tiSh+Tha hU~M phaTa?:_oM badz+ra kro d+ha a mr-i ta kuN+Da lI hU~M:_tshin+d+ha tshin+d+hahU~M phaTa?:_oM badz+ra kro d+ha trai lokya bi dza ya hU~M:_b+hin+d+ha b+hin+d+ha hU~M paTa?:_oM badz+ra kro d+ha ma hA ba la hU~M:_s+pho Ta s+pho Ta hU~M phaTa?:_zhes khro bo bcu so sor bzla/_gnyis pa khro mo bcu'i bzlas dmigs ni/_rdo rje gzhon nu yab yum gyi:_thugs srog 'od kyis khro mo bskul:_de dag las spros 'od zer gyis:_'gro kun phar phyin mdzad par bskul:_ser sna la sogs sgrib sbyangs nas:_snod bcud ye shes rol par blta:_oM badz+ra kro d+hI dI pa ya ti hU~M:_oM badz+ra kro d+hI lA s+ya ki hU~M:_oM badz+ra kro d+hI tI tA ru hU~M:_oM badz+ra kro d+hI sh+ma shA na pa ti hU~M:_oM badz+ra kro d+hI mu ha la hU~M:_oM badz+ra kro d+hI dza ya ti hU~M:_oM badz+ra kro d+hI sa bya ti hU~M:_oM badz+ra kro d+hI sa bya ma ti hU~M:_oM badz+ra kro d+hI mA ra ya hU~M:_oM badz+ra kro d+hI muN+De maM hU~M:_zhes so sor bzla/__gsum pa las sbyor la bzhi las/_dang po phra men nyi shu'i bzlas pa ni/_gtso mo'i 'od kyis khro bcu bskul:_de dag thugs ka'i 'od kyi phreng:_phra men tshogs bskul rang 'dra spros:_sa gsum khyab pa'i spro bsdu yis:_'jig rten dregs tshogs gzir zhing dngangs:_bka' nyan dbang bsdus zil gyis mnan:_gdug pa can rnams ma lus bsgral:_'bar ba gar dgu'i rol rtsed kyis:_mngon spyod phrin las rdzogs par gyur:_oM badz+ra su ka ra mu kha hU~M:_oM badz+ra i Shu pa mu khi hU~M:_oM badz+ra byA gr-i mu kha hU~M:_oM badz+ra gr-i d+ha mu khi hU~M:_oM badz+ra tsa ma ra mu kha hU~M:_oM badz+ra ta nA mu khi hU~M:_oM badz+ra ha ri Na mu kha hU~M:_oM badz+ra U lu ka mu khi hU~M:_oM badz+ra t+ya ki mu kha hU~M:_oM badz+ra pre ta mu khi hU~M:_oM badz+ra pi T+wa la mu kha hU~M:_oM badz+ra pak+Shi ta mu khi hU~M:_oM badz+ra sr-i ga la mu kha hU~M:_oM badz+ra pany+tsa ra Na mu khi hU~M:_oM badz+ra siM ha mu kha hU~M:_oM badz+ra ti ti la mu khi hU~M:_oM badz+ra rak+Shi sa mu kha hU~M:_oM badz+ra na ku la mu khi hU~M:_oM badz+ra rak+Sha sa mu kha hU~M:_oM badz+ra ka shi ka mu khi hU~M:_sngags so sor bgrangs/_gnyis pa gnas yul gyi ma mo bcu drug gi bzlas pa ni/_dpal chen rnams kyi sbyor mtshams nas:_bde chen 'od zer dmar ljang spros:_gnas yul DA ki'i snying gar reg:_rjes chags phyag rgya'i 'od zer gyis:_'jig rten g.yo 'gul dbang med brdeg:_'khrul snang bar chad gdon bgegs bsgral:_snang grags rig pa lha dang sngags:_ye shes gcig gi cho 'phrul rdzogs:_oM badz+ra gau ri ha:_oM badz+ra tsau ri ha:_oM badz+ra pra mo he ha:_oM badz+ra bai ta li ha:_oM badz+ra puk+ka si ha:_oM badz+ra gasma ri ha:_oM badz+ra tsaN+Da li ha:_oM badz+ra sme sha ni ha:_oM badz+ra siM ha mu kha he:_oM badz+ra byA gr-i mu kha he:_oM badz+ra shri la mu kha he:_oM badz+ra shwa na mu kha he:_oM badz+ra gr-i d+ha mu kha he:_oM badz+ra kang+ka mu kha he:_oM badz+ra kA ka mu kha he:_oM badz+ra U lu ka mu kha he:_zhes so sor bzla/_gsum pa dkyil 'khor nang gi sgo ma bzhi'i bzlas pa ni/_lha tshogs thugs ka'i 'od zer gyis:_phrin las sgo ma'i thugs rgyud bskul:_tshad med 'od kyis 'gro kun sbyangs:_me long la sogs ye shes bzhis:_sa la dbugs dbyung phrin las mdzad:_oM badz+ra krod+hI ang+ku sha dzaH_oM badz+ra kro d+hI pA sha hU~M:_oM badz+ra kro d+hI s+pho Ta ba~M:_oM badz+ra kro d+hI gaN+De hoH_bzhi pa dbang phyug nyer brgyad kyi bzlas pa ni/_he ru ka dpal khrag 'thung lha'i:_sbyor mtshams 'od dkar spro bsdu yis:_shar gyi ma bdun las la bskul:_nyon mongs zhi ba'i las mdzad gyur:_ma nu rak+sha si b+h+yo:_prah+ma ni b+h+yo:_rau trI b+h+yo:_biSh+Na b+h+ya b+h+yo:_ku mA ri b+h+yo:_in+d+ra NI b+h+yo:_sing ga laM b+h+yo:_shin+taM ku ru swA hA:_he ru ka dpal khrag 'thung lha'i:_sbyor mtshams 'od ser spro bsdu yis:_lho yi ma bdun las la bskul:_ye shes rgyas pa'i las mdzad gyur:_a mr-i taM b+h+yo:_sau mye b+h+yo:_daN+Ta daM b+h+yo:_rak+sha si b+h+yo:_b+hak+Sha si b+h+yo:_ra ti badz+ra b+h+yo:_ru ti ra ma ti b+h+yo:_puSh+TiM ku ru oM:_he ru ka dpal khrag 'thung lha'i:_sbyor mtshams 'od dmar spro bsdu yis:_nub kyi ma bdun las la bskul:_rlung sems dbang bsdu'i las mdzad gyur:_e ka tsa ti Ni b+h+yo:_ma nu ha raM b+h+yo:_si ti kaM b+h+yo:_wA ya we b+h+yo:_ma hA ma ra Na b+h+yo:_ag+ni badz+ra b+h+yo:_b+ha ra hi b+h+yo:_wA shaM ku ru hoH_he ru ka dpal khrag 'thung lha'i:_sbyor mtshams 'od zer ljang nag 'phros:_byang gi ma bdun las la bskul:_gzung 'dzin tshar gcod las mdzad gyur:_tsa mun+ti b+h+yo:_su ta ni b+h+yo:_wa ru Na b+h+yo:_ma hA kA li b+h+yo:_tsa ka la b+h+yo:_kuM b+ha kar+Na b+h+yo:_lam+b+ho d+hA ra b+h+yo:_mA ra ya phaTa?:_sngags bdun tshan rnams sbrel te bzla/_de dag kyang nye bsnyen dang bsnyen sngags gtso bor bzla/_sgrub pa dang sgrub chen snga ma'i phyed cha/_las sbyor sgrub pa'i phyed cha bcas skabs phyed par bzla zhing*/_dbang dang sgrub chen gyi skabs bsnyen sgrub kyi bzlas pa grangs mnyam par bzlas kyang rung ngo*/_/thun mthar dbyangs gsal rten snying bzlas pas lhag chad kha skang zhing byin rlabs brtan par byas te/_gtang rag gi mchod bstod 'bul/_yig brgya bzla/_bka' gter srung ma spyi dang khyad par 'di nyid kyi bka' srung ye shes mgon po dang*/_gter srung dregs pa sde lnga'i gtor chog rgyas par btang*/__gsum pa rjes rim la/_tshogs mchod bskul dang chad tho 'bul/_/brtan ma rta bro dngos grub blang*/_/nongs bshags bsdu ldang bsngo smon gdab/_/shis brjod rgyun spyod 'jug pa bcu/_/zhes pa'i dang po la'ang brgyad las/_thog mar byin gyis brlab pa ni/_dkyil 'khor gyi mdun du zhing ngam gcan gzan gyi pags pa'i steng thabs shes bza' btung gi rdzas rnams bkram/_dgos pa dang 'brel na phyag dang skong bshags kyi cho ga spyi ltar bya/_tshogs kyi dam rdzas la chu chang nang mchod kyis bran te/_zhu bskul sngon du 'gro bas/_ra~M ya~M kha~M:_chos kun sgyu ma lta bu yi:_rig pa'i ye shes ra~M ya~M kha~M:_stong gsal rnam par mi rtog pa'i:_rang bzhin dpal gyi thugs las spros:_tshogs kyi rdzas kun bsregs gtor bkrus:_rlung me thod sgyed gsum gyi steng:_AHlas ye shes ka pA lar:_ngo bo ye shes lnga'i rang bzhin:_rnam pa sha lnga bdud rtsi lnga:_byed las zag med bde skyed pa'i:_rang bzhin bla med dam tshig rdzas:_'bru gsum las byung kha dog dang:_dri ro mchog ldan zegs ma las:_'dod yon dpag med 'char bar gyur:_oM AHhU~M:_lan mang du brjod/_gnyis pa tshogs zhing spyan 'dren pa ni/_spos rol cang te'u dril bu dang bcas te/_hU~M:_dpal chen rdo rje gzhon nu dang:_yum chen 'khor lo rgyas 'debs ma:_gnyis med rol pa'i sras mchog dang:_khro bcu yab yum phyag brnyan bcas:_phrin las sgo ma phur skyong rnams:_he ru ka yi 'du bar spyon:_tshogs khang rang snang rgyan gyi zhing:_rnal 'byor pho mo rig pa 'dzin:_snang srid rnam dag brdal ba che:_rgya chad phyogs lhung ma dmigs pa'i:_gnas 'dir dpal gyi tha tshig dgongs:_dkyil 'khor chen por byin gyis rlobs:_dam rdzas bdud rtsi'i phud chen por:_dngos grub gnas su mdzad du gsol:_shrI he ru ka e a ral+li hriM hriM phaiM phaiM dzaHdzaH_zhes spyan drangs pa la/_mchod pa'i lha mo'i tshogs spros pas mchod pa ni/_rdo rje sgeg mos dga' bas mchod bya zhing*/_/rdo rje phreng mas rab tu brgyan byas te/_/rdo rje glu mas gsang ba'i glu blangs nas/_/rdo rje gar mas mdzes pa'i gar bsgyur ma/_/phyogs bcu'i 'jig rten nam mkha'i khams bkang nas/_/bla ma dkyil 'khor dam can srung ma la/_/rnam dag mos pa'i blo yis bdag 'bul na/_/bzhes shig kI la ya yi dngos grub stsol/_/oM badz+ra lA s+ya hU~M/_oM badz+ra mA l+ya trA~M/_oM badz+ra gIrti hrIH_oM badz+ra nIrti AH_rdo rje bdug pas ma lus tshim byas nas/_/rdo rje me tog ma yis mdzes par bkram/_/rdo rje sgron me ma yis dgyes pa bskyed/_/dri mchog ma yis dri zhim byug byed pa/_/phyogs bcu'i 'jig rten nam mkha'i khams bkang nas/_/bla ma dkyil 'khor dam can srung ma la/_/rnam dag mos pa'i blo yis bdag 'bul na/_/bzhes shig kI la ya yi dngos grub stsol/_/oM badz+ra d+hU pe hU~M/_oM badz+ra puSh+pe trA~M/_oM badz+ra A lo ke hrIH_oM badz+ra g+han+d+he AH_gsum pa tshogs dang po mchod pa ni/_hU~M:_rdo rje'i dam tshig bla na med:_gtsang dme bral ba'i rdzas kyi mchog:_gnyis 'dzin dag pas 'bul lags na:_dgyes dgur rol la dngos grub stsol:_ga Na tsakra pU dza hoH_bzhi pa bskang zhing bshags pa ni/_bskang rdzas byin brlab sngon du 'gro bas rtsa gsum spyi dang*/_khyad par rdo rje phur pa bka' gter srung ma dang bcas pa'i bskang bshags rgyas par sbyar/_tshogs kyi bshags pa dngos ni/_hoH_thog med dus nas da lta'i bar:_'gal 'khrul nongs pa mchis so cog:_mi 'chab gnong zhing 'gyod sems kyis:_ye shes chen po'i rdzas kyis bshags:_sa ma ya shud+d+he AH_yig brgya bzla/__lnga pa bsgral bstab la bzhi/_rgyas par mtshan ma rdzas kyi phur bu'i smad las dgra bgegs bsgral ba dang*/_de dang rjes 'brel dmar chen gtor zlog gi skabs kyi bsad las ni so so'i gzhung du shes la/_'dir las byang dkyus tsam du/_tshogs phud gsum pa la dmigs rten du byas te/_dang po 'gugs pa ni/_na mo/_rig 'dzin rtsa brgyud kyi dpal ldan bla ma dam pa rnams kyi bka' bden pa dang*/_sangs rgyas kyi bka' bden pa dang*/_chos kyi bka' bden pa dang*/_dge 'dun gyi bka' bden pa dang*/_gsang sngags dang rigs sngags dang gzungs sngags dang snying po dang phyag rgya dang ting nge 'dzin gyi bden pa dang*/_chos nyid gdod nas stong kyang chos can rgyu 'bras bslu ba med pa'i bden pa dang*/_khyad par du bcom ldan 'das dpal chen rdo rje phur pa'i dkyil 'khor gyi lha tshogs bka' sdod dam can rgya mtsho'i tshogs dang bcas pa rnams kyi bden pa dang*/_bden pa chen po'i mthus ma rungs pa'i sems can bsgral ba'i zhing du gyur pa thams cad mtshan ma rdzas kyi rten 'di la mchis par gyur cig_/nr-i yaM dzaH_nr-i badz+ra aM ku sha dzaH_tri yaM dzaH_tri badz+ra ang+ku sha dzaH_dzaHhU~M ba~M hoH_zhes dgug gzhug bcings te/_gnyis pa thugs dam bskul ba ni/_dzaH_dam tshig chen po'i dus la bab:_sprul pa chen po'i dus la bab:_phyag brnyan chen po'i dus la bab:_shwa na mu kha'i dus la bab:_bdag nyid chen mo'i dus la bab:_sa bdag chen mo'i dus la bab:_bsgral bar bya ba'i dus la bab:_khyod kyi phrin las dus la bab:_mthu rtsal dbyung ba'i dus la bab:_gsum pa bsgral ba ni/_phur pa 'dril te/_hU~M:_byang chub mchog tu sems bskyed cing:_dus gsum rgyal ba'i gdung 'tshob pa:_rig 'dzin bdag cag rnams la ni:_gnod cing gdug pa'i dgra dang bgegs:_bdud dang bar du gcod pa rnams:_khro bo chen po'i byin rlabs kyis:_yud tsam gyis ni 'dir bkug nas:_mngon spyod tshul bzhin bsgral ba dang:_lus ngag rdul du brlags nas kyang:_sdug bsngal nyams su myong bar mdzod:_oM laM hU~M laM s+t+waM b+ha ya nan:_mo ha g+hA ta ya b+ha ga wAn hrIHSh+T+rI bi kr-i ta badz+ra hU~M kA ra hU~M hU~M hU~M phaTa? phaTa? phaTa?:_badz+ra kI li kI la ya dzaHhU~M ba~M hoH_sarba big+h+nAn badz+ra kI li kI la ya hU~M phaTa?:_badz+ra hU~M kA ra hU~M phaTa?:_hU~M kA ra hU~M a:_zhes tshe khrus gnas gsum gyi dgongs pa dang ldan pas bsgral/_bzhi pa zhal du bstab pa ni/_hU~M:_khams gsum gdug can bsgral ba yi:_dug gsum sha khrag rus pa kun:_khrag 'thung rdo rje'i lha la 'bul:_'khor ba rdo rjer sgrub mdzod cig:_ma hA maM sa rak+ta keM ni ri ti kha kha khA hi:_zhes phul ba dang chabs cig_/hU~M:_'khril ba'i mchod chen mnyam sbyor ba:_thabs dang shes rab gnyis med pa'i:_pad+ma la ni rdo rje zhugs:_bdag nyid mchod pas mnyes par bya'o:_oM badz+ra kI li kI la ya:_dzaHhU~M ba~M hoHbo d+hi tsit+ta ma hA su khaM:_a nu rA ga ya mi:_lha tshogs thams cad rang rang gi phyag rgya dang snyom par zhugs pa'i sbyor bas dga' ba bzhi'i ros tshim par gyur/_drug pa tshogs la rol pa ni/_mched lcam rnams la thabs shes kyi rdzas bsnol mar stob pa brda yis 'bul len byas la phyi nang gsang ba'i tshogs kyi rnal 'byor dang ldan pas tshim par rol/_spro na phur pa rtsa dum sogs rgyud klog pa cho ga bzhin dang*/_rdo rje'i glu len pas dkyil 'khor gyi lha tshogs mnyes par bya/_bdun pa lhag ma ni/_stegs bu zhing lpags kyis bkab pa'i steng gtsang dme'i lhag ma dkyil 'khor gyi drung du mtho dman du bkod la mchod pas bskor te/_kyai:_dang po phud kyis mi mchod rgyu:_dpal chen dkyil 'khor tshogs kyi bdag:_bar du bshags pa mi bgyid rgyu:_rnal 'byor ldan la dam tshig gnyan:_tha ma bsgral bstab mi bgyid rgyu:_rtogs pas bdag rgyud sngon bsgral phyir:_da lta lhag mas mi mchod rgyu:_ma tshogs dbang phyug ging lang+ka:_pho nya sum brgya drug cu sogs:_kun kyang dpal chen sprul pa yin:_lhag ma kha chus mi bran rgyu:_dam tshig gcig tu bsre ba'i phyir:_'bangs thog rje yis mi mnan rgyu:_ci bcol las la bskul ba'i phyir:_rje la 'bangs kyis mi rgol rgyu:_drag shul las thabs myur ba'i phyir:_pany+tsa a mr-i ta ha hoHhrIH_lhag ma'i dam tshig 'dod yon gyi phung po zad mi shes pas nam mkha' gang bar gyur/_zhes bdud rtsi bran te byin gyis brlabs/_e a ral+li hriM dzaH_phaiM:_bshugs glu rol mos mgron rnams dam tshig gi gnas su spyan drangs par/_oM badz+ra puSh+pe nas/_shab+da pra tIts+tsha swA hAs mchod la/_lhag gtor dngos ni/_hU~M b+h+yo:_bran dang bka' nyan pho nya'i tshogs:_dkyil 'khor chen po'i mu ran skyong:_phur pa'i srung mar zhal bzhes pa'i:_mkha' 'gro ging lang dbang phyug che:_ma sring sha za phra men ma:_shugs 'gro gnas nyul chen mo rnams:_lhag ma'i gtor ma 'di bzhes la:_bcol ba'i phrin las 'grub par mdzod:_uts+tshiSh+Ta ba liM ta b+hak+Sha si hoH_zhes rol mo'i sgra dang bcas te phyi rol gtsang sar 'bul/_brgyad pa thams cad rdo rje'i rigs su smon lam gdab pa ni/_hoH_chos dbyings rnam par dag pa'i dkyil 'khor du:_rdo rje slob dpon gnyen dang gzungs ma dang:_rdo rje'i srog gis 'brel ba'i mched lcam rnams:_nam yang mi 'bral ting 'dzin rtse gcig pas:_rdo rje theg pa'i rigs su skye ba dang:_bum gsang shes rab ye shes dbang bzhi pa'i:_skal pa mchog dang ldan par rab gyur te:_de dang de yi dam tshig rnam dag shog:_bskyed pa'i rim pas snang ba lha skur dag:_rdzogs rim zab mos rtsa rlung thig ler rdzogs:_rdzogs pa chen po'i ye shes mngon smin te:_spang thob med pa'i 'bras bu lhun grub shog:_dz+nyA na sa ma ya a a a:_gnyis pa thugs dam bskul ba ni/_hU~M:_chos dbyings spros pa kun bral yang:_ma 'gag bde chen sgyu mar rol:_bcom ldan rdo rje gzhon nu dang:_khro bcu phra phyag sgo ma'i tshogs:_las la bzhengs shig sa ma ya:_da dus snyigs ma lnga bdo bas:_bdud dang bar chad 'byung pos 'tshe:_byang chub sgrub pa'i gegs gyur kun:_dbyings su sgrol ba'i phrin las mdzod:_khyed rnams stobs bcu mthar son pas:_'dod pa'i las la thogs pa med:_ma g.yel thugs dam rtsal sprugs la:_ye shes dgongs pa'i mthu rtsal bskyed:_'gal rkyen mi mthun kun zhi zhing:_tshe dpal lung rtogs ye shes bskyed:_snang srid dbang du 'dus ba dang:_khams gsum snying rjes sgrol bar mdzod:_gsum pa chad tho bsgrags pa ni/_hU~M b+h+yo:_sngon tshe bskal pa'i dang po la:_bcom ldan karma he ru kas:_chos dbyings bya rtsol bral ba'i rgyud:_rig mchog 'bum phrag bstan pa'i tshe:_zhal bzhes rig rtsal pho nya'i tshogs:_tha tshig ma bsnyel phrin las mdzod:_de 'og bar gyi bskal pa la:_bram ze pra b+ha hasti cher:_mchod rten bde byed brtsegs pa ru:_mkha' 'gro las kyi dbang mo ches:_phra men g.yu sgrom gtad pa'i tshe:_bka' srung zhal bzhes srung ma rnams:_gtor ma longs la phrin las mdzod:_de rjes bskal pa'i dus gnyan la:_paN chen bi ma mi tra yis:_snang srid phur bu'i zhing chen du:_bsgyur nas gnyags chen lo tsA bar:_rgyud lung man ngag kun bstan tshe:_bka' gter srung mar zhal bzhes kun:_thogs pa med pa'i phrin las mdzod:_gzhan yang grub pa'i rig pa 'dzin:_slob dpon pad+ma thod phreng dang:_mkhar chen ye shes mtsho rgyal sogs:_phur bu'i rig 'dzin che rnams kyi:_spyan sngar khas blangs bka' srung tshogs:_rgyan gyi gtor ma 'di bzhes la:_ma lus phrin las myur du mdzod:_tha ma las can dag pa'i ngor:_gar gyi dbang phyug he ru ka:_klong chen nam mkha' 'od gsal la:_sngon gyi smon lam dus bab pas:_bka' srung ye shes mgon po ches:_shog ser dngos su gtad nas kyang:_rdo rje phur pa'i smin grol gyi:_bka' bab dbang bskur thob pa'i tshe:_zhal bzhes chos srung rgya mtsho yis:_rgyan gyi gtor ma 'di bzhes la:_bcol ba'i phrin las ma lus mdzod:_bzhi pa brtan ma mchod pa ni/_bshal chu'i bdud rtsis gtor mar bran pas byin gyis brlabs te/_hU~M:_brtan ma skyong mdzad ma dang sring:_tshogs dang bka' yi tshogs bcas nyid:_khrag 'thung de bzhin nam mkha'i sku:_slob dpon pad+ma thod phreng dang:_rlangs chen dpal seng la sogs pas:_zhing chen brdal ba'i khri steng du:_tshogs kyi gral du bcug nas kyang:_dpal gyi pho nyar mnga' gsol ba'i:_bdud dang gnod sbyin sman mo che'i:_bu mo brtan ma bcu gnyis rnams:_gangs ri can gyi yul lha ste:_rnal 'byor skyong ba'i ma mo mchog:_bshal chu'i bdud rtsi 'di bzhes la:_gsang sngags bstan pa skyong ba dang:_mu stegs kla klo'i rgyu 'grul srungs:_mtha' bzhi'i dmag gi so kha gyis:_bcol ba'i las kun sgrub par mdzod:_ma ma hrIM hrIM ba liM ta pU dza hoH_lnga pa rta bro ni/_gtor gzho ri rab tu gsal ba'i 'og tu sgab 'dre dam sri mnan par rdo rje'i rgyas btab ste/_hU~M:_snang srid rdo rje phur pa'i lha:_zhal nas kI li'i dzapa bzla zhing:_sku ni cir yang 'gyur ba che:_khams gsum e yi da lar rdzogs:_bdag lta'i dam sri sgab 'dre rnams:_mnan no ri rab 'og tu gzir:_zhabs gnyis rdo rje'i bro chen pos:_pho nya sprin ltar gtibs pa kun:_'bar ba chen po'i glu dang bro:_cir yang bsgyur bas s+t+waM b+ha ya:_byang chub sems mchog ma skyes bar:_nam yang ldang bar ma byed cig:_oM laM:_hU~M laM:_s+t+waM b+ha ya nan:_drug pa dngos grub blang ba ni/_bsnyen sgrub las sbyor grub pa'am rgyun gyi dngos grub len pa'i don du gtang rag gi mchod bstod mdor bsdus sngon du 'gro ba dang bcas/_hU~M:_dpal chen 'bar ba kI la ya:_sangs rgyas kun dang gnyis su med:_bde chen yum dang mnyam par sbyor:_sprul pa'i dkyil 'khor bsam yas ston:_kun kyang thugs dam rjes su dgongs:_rig 'dzin rnal 'byor bdag cag gis:_sgrub pa'i dam tshig da nang thems:_rdo rje srin po'i nam yang langs:_dngos grub stsol ba'i dus la bab:_snang stong ye shes rdo rje'i skus:_skye 'chi med pa'i dngos grub stsol:_rdo rje gsung gi dkyil 'khor nas:_zab rgyas gsang ba'i dngos grub stsol:_mi shigs thugs kyi dgongs pa yis:_srid zhi'i dpal gyur dngos grub stsol:_mdor na mchog dang thun mong gi:_grub pa ma lus bstsal du gsol:_oM badz+ra kI li kI la ya sarba big+h+nAn baM hU~M phaTa?:_kA ya wAka tsit+ta sarba sid+d+hi pha la hU~M AH_zhes sgrub rdzas rnams gnas gsum du gtug la dbang blang*/_bdud rtsir rol pa sogs bya'o/__/bdun pa nongs bshags ni/_ma rnyed yongs su ma tshang dang*/_/gang yang nus pa ma mchis pa/_/'dir ni bgyi ba gang nongs pa/_/de kun khyod kyis bzod mdzad rigs/_/zhes dang*/_yig brgya bzlas pas nyes ltung sor chud par bya/_brgyad pa bsdu ldang ni/_tshogs mgron dang mdun bskyed rnams sgrub pa'i rten la brtan bzhugs bya/_bdag bskyed kyi rim pa ni/_snang srid phur pa'i dkyil 'khor du bsgoms pa thams cad gzhal yas khang la thim/_de 'khor gyi lha tshogs la thim/_de gtso bo yab yum/_de ye shes sems dpa'/_de thugs srog hU~M/_de yang zhabs kyu nas nA da'i bar thim/_de yang mi dmigs pa 'od gsal stong pa nyid rnam kun mchog ldan gyi dbyings dang ro gcig tu gyur par bsam la mnyam par bzhag_/slar yang rang nyid skad cig gis spyi dpal chen po karma he ru ka zhal gcig phyag gnyis phur pa 'dril ba'i skur gsal zhing snang grags rig pa sku gsung thugs rnam pa thams cad pa'i dkyil 'khor gyi 'khor lor 'char bar gyur/_oM AHhU~M:_badz+ra kA wA tsi rak+Sha haMH_zhes go bgo bar bya'o/__/dgu pa bsngo smon ni/_khrag 'thung rigs su skyes pa dang*/_/snyems med rdo rje gzhon nu nyan/_/snying rje ldan zhing bla mar gus/_/skye zhing skye bar 'gyur bar shog_/lag na rdo rje phur bu 'dzin/_/zab mo'i chos ni klog pa dang*/_/btsun mo'i khu ba mnyam zas can/_/skye zhing skye bar 'gyur bar shog_/rdzas kyi phur bus dgra bgegs rtsad nas gcod/_/srid pa'i phur bus snang zhen lha skur dag_/byang sems phur bus sa lam dbu mar rdzogs/_/rig pa'i phur bus ye shes skur smin shog__/bcu pa shis brjod ni/_snang srid rnam dag rdo rje phur pa'i lha/_/bdud bzhi 'joms mdzad stobs rtsal rmad du byung*/_/don gnyis lhun grub rdo rje bkod pa yi/_/dge legs dpal gyis 'byor pa'i bkra shis shog__/ces shis pa brjod cing snang grags rig pa lha sngags chos sku'i lam khyer dang ma bral bas spyod lam rgyun gyi rnal 'byor la 'jug par bya'o/__/phur pa bka' gter chos kyis sa steng brdal/_/tshul bzhin nyams len byed pa nyin skar tsam/_/grub 'bras mngon rtags med pa 'di mthong tshe/_/gsar chos spel ba'i re bas ci zhig bya/_/'on kyang bla ma'i bka' dang dam pa 'gas/_/smin grol rgyun gsan don gnyer dbyu gu yis/_/bskul bas las byang 'jug bde lha'i rnga sgras/_/'gro kun bdud bzhi'i g.yul las rgyal gyur cig_/theg mchog bstan mtshor de 'dzin ngang mos rtsen/_/zab rgyas chos kyi mgrin rnga snyan par 'khrol/_/bshad sgrub pad+ma'i lang tsho dar ba yis/_/grub gnyis sbrang rtsi'i zil mngar myong gyur cig_/ces gnyags lugs rdo rje phur pa dkyil 'khor brgya dang bcu gnyis pa'i las byang khrigs bsdebs 'di ltar gyis zhes rgyal kun phrin las kyi spyi gzugs 'jam dbyangs mkhyen pa'i gter mdzod chos kyi blo gros rin po ches bka' lung gser gyi sgrom bu tshangs gnas su bstsal ba dang*/_snyigs dus bstan 'gro'i dpung gnyen zhwa de'u'i 'khrul zhig mchog sprul rin po che 'gyur med mdo sngags bstan 'dzin dang*/_snying po don gyi rnal 'byor pa klong chen ye shes rdo rje sogs don gnyer can du mas bskul ba'i rkyen gyis zab mo'i chos 'di'i bka' bab klong chen nam mkha' 'od gsal o rgyan mdo sngags gling pas spa gro skyer chu'i gtsug lag khang dang 'dabs 'brel ba'i phun tshogs bkra shis dga' 'khyil du bris pa'i yi ge pa ni 'od gsal rdo rje snying po'i bstan pa dang de 'dzin la rgyu mtshan shes pa'i dad blo'i snang ba thob pa rnying btsun 'gyur med theg mchog bstan 'dzin gyis bgyis pa 'dis kyang snyigs dus kyi rgud pa zhi zhing bstan pa rin po che dar rgyas yun ring du gnas pa'i dge mtshan gyi dpal du gyur cig/_//
