DKR-KABUM-02-KHA-026-wylie
<div class="wylie-content"
a/__ka dag dbyings kyi rang mdangs rnal 'byor ma'i/__/bde chen 'khor lo'i pad+ma'i ge sar rtser/__/sku gsum lhun grub mtsho skyes rdo rje dang*/__/dbyer med pad+ma 'od gsal mdo sngags gling*/__/rig pa skur smin gos dkar lcang lo'i chas/__/snang bzhi mtshan dpe'i gzi byin 'bar bar bzhugs/__/rang snang rang ngo shes pa'i bla ma la/__/phyag 'tshal 'od gsal mchod sprin rgya mtshos mchod/__/glo bur blos byas nyes pa ma lus bshags/__/sku dang ye shes rdzogs la rjes yi rang*/__/zab gsang chos 'khor rgyun mi chad par bskul/__/'pho med rdo rje'i gsang gsum rtag bzhugs nas/__/lhun rdzogs 'bras bu gnyis med mngon gyur shog__/rang snang rig pa don gyi bla ma la/__/rang rig mngon sum rtogs pas gsol 'debs na/__/rtag par rgyun mi chad pa'i byin rlabs kyis/__/gnas lugs rtogs grol dus mnyam dngos grub stsol/__/'ji~Mgs meda~M rdo rje snying po'i bla ma rje/__/mkhyena~M brtse~M'i 'oda~M zera~M 'bum phrag 'phro ba yi/__/'gro kun sgrol mdzad khyed la gsol ba 'debs/__/'di phyi bar do kun tu thugs rjes bzung*/__/bdag rgyud blo sna dam pa'i chos la bsgyur/__/chos kyang 'jig rten 'das pa'i lam la zhugs/__/lam gyi 'khrul snang ye shes klong sel ba'i/__/'od gsal rdo rje'i gsang mdzod dbang bskur shog__/badz+ra gu ru'i bzlas pa la 'bad/__mgon po bsod nams kyi ngor mdo khams pa mkhyen brtse'i 'od zer gyis 'og min mtshur phu'i gdan sa nas bris pa'o/___/mang+ga laM/__dge'o//__//
