JKW-KABUM-18-TSHA-003-004

🚧 This website is under continued development. We appreciate your patience!

Previous Text Back to Volume Page Next Text

དཔལ་ལྡན་ས་སྐྱ་པའི་རིང་ལུགས།

Wylie title	dpal ldan sa skya pa'i ring lugs
Location	mkhyen brtse'i bka' 'bum Volume 18, sde tshan 3, Text 4, Pages 372-442 (Folios 25b3 to 60b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal ldan sa skya pa'i ring lugs. In 'jam dbyangs mkhyen brtse'i dbang po'i bka' 'bum, Vol. 18: 372-442. Khams sde dge rdzong sar dgon: Rdzong sar blo gros phun tshogs, 2020.
Genre	Monastic Chronicles - gdan rabs

1 Texts in this Section (sde tshan or chos tshan)

4 372-442	དཔལ་ལྡན་ས་སྐྱ་པའི་རིང་ལུགས། dpal ldan sa skya pa'i ring lugs Monastic Chronicles - gdan rabs	Text page View PDF
	[[\|འཇམ་དབྱངས་མཁྱེན་བརྩེའི་དབང་པོ་ ()]]

[edit]

དེ་རྗེས་དཔལ་ས་སྐྱ་པའི་རིང་ལུགས་རྒྱས་པར་གྱུར་ཏེ། དེ་ཡང་རྒྱ་གར་རྡོ་རྗེ་གདན་ནས་བྱང་ཕྱོགས་སུ་དཔག་ཚད་བརྒྱ་བགྲོད་པའི་ས་མཚམས་གངས་ཅན་བོད་ཀྱི་རྡོ་རྗེ་གདན་གཙང་ལ་སྟོད་གྲམ་པ་ས་སྐྱ་ནི། འཁོན་དཀོན་མཆོག་རྒྱལ་པོས་དགུང་ལོ་བཞི་བཅུ་པ་ཆུ་གླང་ལོར་བཏབ། སྲས་ས་ཆེན་ཀུན་དགའ་སྙིང་པོ་སོགས་དེང་སང་བར་གདུང་བརྒྱུད་མ་ཆད་པས་འཛིན་སྐྱོང་གནང་ཞིང་། བར་སྐབས་ལྷ་ས་རྫོང་པའི་དུས་ཉམས་ཆག་ཆེ་ངེས་བྱུང་ཡང་། སྔགས་འཆང་ཆེན་མོ་ཀུན་དགའ་རིན་ཆེན་གྱིས་ཉམས་གསོ་མཛད་པ་ནས་བཟུང་གོང་འཕེལ་དུ་གྱུར་པས། ཕྱིས་སུ་ས་སྐྱ་པའི་བསྟན་པ་ལ་འདི་ཁོ་ན་བཀའ་དྲིན་ཆེ་བར་བྱའོ། །དེ་ཡང་རྒྱ་གར་འཕགས་པའི་ཡུལ་དུ་མང་པོས་བཀུར་བའི་གདུང་རབས་དང་། གངས་ཅན་གྱི་ལྗོངས་འདིར་འཁོན་ས་སྐྱ་པའི་གདུང་རབས་ཀྱི་རྟོགས་པ་བརྗོད་པ་ནི་བསོད་ནམས་ཚད་མེད་པའི་འཇུག་ངོགས་ཉིད་དོ། །ཞེས་མཁས་པ་རྣམས་ཀྱིས་བསྔགས་པའི་རྗེས་སུ་འབྲངས་ཏེ་འདིར་མཚན་ཙམ་ཞིག་བརྗོད་ན། ཡུལ་མཐོ་ཞིང་གཙང་བ་མངའ་རིས་ཀྱི་སྟོད་དམ། བྱང་གི་ཤེལ་ཚ་རྒྱལ་མོའི་གངས་འགྲམ་དུ་འོད་གསལ་གནམ་ལྷ་མཆེད་གསུམ་བསིལ་ལྗོངས་བསོད་ནམས་ཀྱི་མགྲོན་དུ་བབས་པ་ལས་བར་པ་གཡུ་༡རིང་དང་དམུ་བཟའ་ལྡེམ་བུའི་སྲས་མ་སངས་སྤུན་བདུན་བྱོན་པའི་གཅེན་དྲུག་ཡབ་བཅས་ལྷ་ཡུལ་དུ་གཤེགས། བདུན་པ་མ་སངས་༢སྤྱི་རྗེ་དང་། ཐོག་ལྕམ་འུར་མིའི་སྲས་དཔའ་བོ་སྟག །དེའི་སྲས་སྟག་པོ་འོད་༣ཅན་ཏེ། འདི་རྣམས་མི་ལས་འདས་པའི་གཟུགས་བཟུང་སྟེ་བར་སྣང་དུ་བཞུགས། དེའི་སྲས་གཡའ་༤སྤང་སྐྱེས་ཏེ་འདི་ཡན་ལ་འོད་གསལ་༡ལྷའི་རིགས་ཅེས་གྲགས། དེས་སྲིན་པོ་ཁྲག་མིག་མ་བསད་ཅིང་། དེའི་ཆུང་མ་གཡའ་འབྲུག་སི་ལི་མ་ཁབ་ཏུ་བཞེས་པས། ལྷ་དང་སྲིན་པོ་འཁོན་པའི་བར་དེར་སྲས་གཅིག་འཁྲུངས་པ་འཁོན་བར་སྐྱེས་ཞེས་བཏགས་ཤིང་འཁོན་གྱི་གདུང་དུ་མཚན་ཆགས། དེ་སྲས་འཁོན་དཔལ་པོ་ཆེ། དེའི་སྲས་གཅེན་སློབ་དཔོན་རིན་པོ་ཆེ་པདྨ་འབྱུང་གནས་ཀྱི་ཐུགས་སྲས་མཁན་ཆེན་བོ་དྷི་སཏྭཱ་ལས་བསྙེན་པར་རྫོགས་པའི་སད་མི་མི་བདུན་གྱི་ནང་ཚན་ནཱ་གནྡྲེ་རཀྵི་ཏ་སྟེ་ཀླུ་དབང་སྲུང་བ་ཞེས་གྲགས་པ་དང་། གཅུང་རིག་སྔགས་གྲུབ་པ་རྡོ་རྗེ་རིན་ཆེན་མཆེད་གཉིས། རྡོ་རྗེ་རིན་ཆེན་གྱི་སྲས་བདུན་བྱོན་པ་ལས་གདུང་བརྒྱུད་ཀྱང་མང་དུ་འཕེལ་ཞིང་། དྲུག་པ་ཤེས་རབ་ཡོན་ཏན་གྱི་སྲས་གསུམ་གྱི་ནང་ཚན་ཚུལ་ཁྲིམས་རྒྱལ་པོ། དེ་ལ་སྲས་གསུམ་བྱོན་པའི། གཙུག་ཏོར་ཤེས་རབ། དེ་ལ་སྲས་བདུན་གཅུང་དང་བཅས་པ་བྱོན་པ་ལས། ཆེ་བ་དགེ་མཐོང་གི་སྲས་བལ་པོ། དེ་སྲས་ཤཱཀྱ་བློ་གྲོས། དེ་སྲས་ཤེས་རབ་ཚུལ་ཁྲིམས་དང་། འགྲན་ཟླ་མེད་པའི་མཁས་གྲུབ་དཀོན་མཆོག་རྒྱལ་པོ་གཉིས་ལས། ཤེས་རབ་ཚུལ་ཁྲིམས་ཡན་གསང་སྔགས་རྙིང་མའི་རིག་པ་འཛིན་པ་ཟམ་མ་ཆད་པར་བྱོན་ཞིང་། ཡི་དམ་ཡང་ཕུར་གྱི་སྒོ་ནས་དངོས་གྲུབ་གཉིས་བརྙེས། ཆོས་སྐྱོང་དཀར་བདུད་ལྕམ་དྲལ་སོགས་བྲན་དུ་ཁོལ། དཀོན་མཆོག་རྒྱལ་པོའི་སྔོན་སྨོན་དང་ཕྲིན་ལས་ཀྱི་སྒོ་ཕྱི་འགྱུར་གསར་མ་ལ་བྱེད། དཔལ་ས་སྐྱའི་ཆོས་གྲྭ་ཆེན་པོ་བཏབ་པ་ནས་བཟུང་འཁོན་ས་སྐྱ་པ་ཞེས་གྲགས་ཏེ། དེ་ལྟར་ན་ལྷ་རིགས་འཁོན་གདུང་ས་སྐྱ་ཞེས་མཚན་མཆོག་གསུམ་ལྡན་གྱི་གྲགས་དཀར་འཛམ་གླིང་ཐམས་ཅད་དུ་ཁྱབ། དེ་སྲས་སྤྱན་རས་གཟིགས་དངོས་དཔལ་བརྩེ་བ་ཆེན་པོ་ཀུན་དགའ་སྙིང་པོ་ནི། ཆུང་ངུ་ནས་དམ་པའི་རིགས་སད། དགུང་ལོ་བཅུ་གཅིག་པར་རྗེ་བཙུན་འཇམ་དཔལ་དབྱངས་ཀྱིས་རྗེས་སུ་བཟུང་བས་ཕ་རོལ་ཏུ་ཕྱིན་པའི་ལམ་གྱི་གནད་ཐམས་ཅད་དུས་གཅིག་ཏུ་གཟིགས། རྣལ་འབྱོར་གྱི་དབང་ཕྱུག་གྲུབ་ཆེན་བིཪྺ་པ་དངོས་སུ་བྱོན་ནས་རྒྱུད་སྡེ་རྒྱ་མཚོའི་གསང་བའི་མཛོད་ཆེན་པོ་བྱིན། བྲང་ཏི་དར་མ་སྙིང་པོ་སོགས་ལས་མདོ་ཕྱོགས་དང་། རང་གི་ཡབ་དང་། བླ་མ་བ་རི་ལོ་ཙཱ་བ། མལ་ལོ་ཙཱ་བ་སོགས་ལས་གསང་སྔགས་སྤྱི་དང་། ཞང་སྟོན་ཆོས་འབར་ལས་གསུང་ངག་རིན་པོ་ཆེའི་བདུད་རྩི་གསོལ་བས་ཉམས་རྟོགས་ཀྱི་པདྨོ་གསར་དུ་བཞད་པའི་ཚུལ་བཟུང་། མྱ་ངན་ལས་འདས་པའི་ཚེ། སྐུའི་རྣམ་འཕྲུལ་བཞིར་བསྟན་ནས་དག་པའི་ཞིང་སོ་སོར་གཤེགས་པའི་སྣང་བས་མཚོན་རྫུ་འཕྲུལ་རྡོ་རྗེའི་བཀོད་པ་ཟད་མི་ཤེས་པ་ལ་དབང་འབྱོར། སློབ་མ་ཡང་མཆོག་ཐོབ་པ་གསུམ་དང་། བཟོད་ཐོབ་པ་བདུན་སོགས་མཁས་གྲུབ་ནམ་མཁའི་མཐའ་དང་མཉམ་པ་བྱུང་། དེ་སྲས་ཀུན་དགའ་འབར། བསོད་ནམས་རྩེ་མོ། གྲགས་པ་རྒྱལ་མཚན། དཔལ་ཆེན་འོད་པོ་རྣམས་ལས། ཀུན་དགའ་འབར་རྒྱ་གར་དུ་གཤེགས། སློབ་དཔོན་རིན་པོ་ཆེ་བསོད་ནམས་རྩེ་མོ་ནི་འཕགས་ཡུལ་གྱི་ཆུ་བོ་གངྒཱ་ཚུན་ཆད་དུ་མཁས་པའི་གྲགས་པས་ཁྱབ། ཡེ་ཤེས་ཀྱི་ཌཱ་ཀི་མ་རྣམས་ཀྱིས་རྡོ་རྗེ་གདན་གྱི་སྒོ་གོང་དུ་མི་ཐུབ་ཟླ་བའི་རྣམ་འཕྲུལ་གནས་ལྔ་རིག་པའི་པཎྜི་ཏ་ཆེན་པོར་བསྔགས་པའི་ཡི་གེར་བཀོད། བཤད་སྒྲུབ་ཀྱི་ཕྲིན་ལས་བསམ་གྱིས་མི་ཁྱབ་པའི་ངང་འཇའ་ལུས་རྡོ་རྗེའི་གོ་འཕང་ཆེན་པོར་བྱོན། རྗེ་བཙུན་གྲགས་པ་རྒྱལ་མཚན་ནི། འཕགས་པ་འཇམ་དཔལ་དབྱངས་ཀྱིས་རྗེས་སུ་བཟུང་བས་སྡེ་སྣོད་དང་རྒྱུད་སྡེ་རབ་འབྱམས་ལ་མཁྱེན་པའི་གཏེར་མཛོད་གྲོལ། རྗེ་བཙུན་ས་སྐྱ་པས་འོད་གསལ་གྱི་ངང་དུ་ལམ་འབྲས་ཉེ་བརྒྱུད་ཀྱི་གདམས་པ་སྩལ་ཞིང་གྲུབ་པའི་གོ་འཕང་མཐོན་པོར་གཤེགས། མཁས་བཙུན་གྲུབ་པའི་ཡོན་ཏན་བསམ་གྱིས་མི་ཁྱབ་པས། མ་བྱོན་སངས་རྒྱས་གསུམ་པ་ཁ་ཆེ་པཎྜི་ཏ་ཤཱཀྱ་ཤྲཱི་བྷ་དྲས་ཀྱང་རྡོ་རྗེ་འཛིན་པ་གསང་བ་འདུས་པ་ཞེས་བསྔགས་པའི་རྒྱུད་མང་བསྒྲེངས། ཁེངས་པའི་རུ་ཚོན་དབྱིངས་སུ་བརྟུལ་ནས། གཙུག་གི་ནོར་བུའི་ཞབས་བརྟན་གྱི་པདྨོ་ལ་ཕྱག་བྱས་ཏེ། གསུང་གི་བདུད་རྩི་གསོལ་བར་མཛད་པས་འཕགས་བོད་རྡོ་རྗེ་འཛིན་པ་བྱེ་བའི་གཙུག་རྒྱན་དུ་ངེས་པ་རྙེད། སྐུ་ཚེའི་འདུ་བྱེད་ཀྱང་ཡུན་རིང་དུ་བྱིན་གྱིས་བརླབས་ཏེ་ཟབ་རྒྱས་ཀྱི་བསྟན་པ་ནམ་ལངས་པའི་རྗེས་སུ་ཉི་མ་ཤར་བ་ལྟར་མཛད། གཅུང་གྲུབ་པའི་རིག་འཛིན་དཔལ་ཆེན་འོད་པོ་ལ་སྲས་ས་སྐྱ་པཎྜི་ཏ་དང་། ཟངས་ཚ་བསོད་ནམས་རྒྱལ་མཚན་གཉིས་འཁྲུངས་པའི། འཇམ་དབྱངས་ས་སྐྱ་པཎྜི་ཏ་ཆེན་པོ་ནི། མི་ནས་མིར་གྱུར་པའི་སྐྱེ་བ་ཉི་ཤུ་རྩ་ལྔར་རྗེ་བཙུན་བརྟན་པའི་འཁོར་ལོས་དགེ་བའི་བཤེས་སུ་མཛད་པས། སྐུ་ཚེ་འདིར་ཡང་ཕྱི་ནང་རིག་པའི་གནས་མཐའ་དག་ལན་རེ་འམ། ཟུང་རེ་གསན་པ་ཙམ་གྱིས་ཁོང་དུ་ཆུད། ལྷག་པར་ལམ་ཟབ་བླ་མའི་བྱིན་རླབས་ལ་བརྟེན་ནས་རྗེ་བཙུན་རིན་པོ་ཆེ་གྲགས་པ་རྒྱལ་མཚན་དང་། འཇམ་དཔལ་དབྱངས་དབྱེར་མེད་དུ་གཟིགས་པས་ཕྱི་ནང་གསང་བའི་རྟེན་འབྲེལ་ཐམས་ཅད་དེར་འགྲིགས། མཁས་ཤིང་གྲུབ་པའི་ཡོན་ཏན་དང་། གཞན་ཕན་ཕྲིན་ལས་ཀྱི་ཀློང་བརྡོལ། འཕགས་ཡུལ་ནས་རྒྱ་ནག་གི་བར་དུ་སྙན་པའི་གྲགས་པས་ཁྱབ། རིག་པའི་གནས་མཐའ་དག་ལ་ཤིན་ཏུ་བྱང་ཞིང་འཇིག་རྟེན་པའི་ལྷ་ལས་དངོས་གྲུབ་ཀྱང་ཐོབ་པ་ཕྱི་རོལ་པའི་སྟོན་ཆེན་འཕྲོག་བྱེད་དགའ་བོ་སོགས་དྲུག་ལུང་དང་། རིགས་པ་དང་། ལྷག་པའི་ལྷས་རྗེས་སུ་བཟུང་བའི་མཐུས་བརྟུལ་ནས་ནང་པའི་བསྟན་པ་ལ་བཅུག །མཐར་རྒྱ་ནག་གོ་དན་རྒྱལ་པོས་སྤྱན་དྲངས་ཏེ་བྱང་ཕྱོགས་སྤྲུལ་པ་སྡེའི་ལྷ་ཁང་དུ་ངོ་མཚར་བའི་རྣམ་འཕྲུལ་བསམ་གྱིས་མི་ཁྱབ་པས་གཟུགས་སྐུའི་བཀོད་པ་བསྡུས། ཟངས་ཚ་བསོད་ནམས་རྒྱལ་མཚན་ལ་སྲས་ཆོས་ཀྱི་རྒྱལ་པོ་འཕགས་པ་དང་། གྲུབ་པའི་དབང་ཕྱུག་འགྲོ་མགོན་ཕྱག་ན་གཉིས་འཁྲུངས་པ་ལས། ཆོས་རྒྱལ་འཕགས་པ་རིན་པོ་ཆེ་བློ་གྲོས་རྒྱལ་མཚན་ནི། ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་བསམ་བཞིན་དུ་མིའི་སྲིད་པར་བཟུང་བས། ཐོག་མ་ནས་རིགས་དང་། བརྩེ་བ་དང་། བྱང་ཆུབ་སེམས་དཔའི་སྤྱོད་ཚུལ་སོགས་གཞན་ལས་ཆེས་ཁྱད་པར་དུ་གྱུར་པས། འཕགས་པ་ཞེས་པའི་མཚན་གྱི་མེ་ཏོག་ཕྱེ། རིག་པ་དང་གྲོལ་བའི་སྤོབས་པ་ཟད་མི་ཤེས་པའི་གཏེར་བརྡོལ། ཡན་ལག་ལྔ་མཚོན་རྣོན་པོས་སོ་སོར་ཕྲལ་བ་རྒྱལ་བ་རིགས་ལྔའི་བཀོད་པར་བསྟན་པ་སོགས་རྫུ་འཕྲུལ་གྱི་སྤྱོད་པ་དང་། སྐུ་གསུང་ཐུགས་ཀྱི་མཛད་པ་ཕུན་སུམ་ཚོགས་པས་གདུག་ཅན་ཧོར་གྱི་རྒྱལ་པོའང་མི་ཕྱེད་པའི་དད་པ་འཁྲུངས་ཏེ་དབང་བསྐུར་ལན་གསུམ་གསན་པའི། དང་པོའི་དབང་ཡོན་དུ་དབུས་གཙང་ཁྲི་སྐོར་གསུམ། བར་པར་བོད་ཆོལ་ཁ་གསུམ། ཐ་མ་རྒྱ་ཡི་ལི་ཡུལ་ཆེན་མོ་ཕུལ་བས་ཕན་བདེའི་ཉེར་འཚོ་བླ་ན་མེད་པར་གྱུར། འཇམ་དཔལ་རྩ་རྒྱུད་ལས། ཡི་གེ་དྷི་དྷི་ཞེས་པ་བློ་གྲོས་ཀྱི་སྐད་དོད་ཡིན་པས་མཚན་གྱི་ཟུར་དང་པོ་བསྟན། ཞེས་སྡོམ་བརྩོན་ཉིད། །སྟོན་པའི་བསྟན་པ་གསལ་བར་བྱེད། །ཅེས་ལུང་གིས་བསྟན་པ་ལྟར། སྡོམ་བརྩོན་རྒྱལ་པོའི་ཚུལ་བཟུང་ནས། གྲུབ་མཐའ་ལ་ཉེ་འཁོན་མེད་པར་བསྐྱངས་པས་ཡོངས་རྫོགས་བསྟན་པའི་བཤད་སྒྲུབ་དང་། གངས་ཅན་གྱི་བདེ་སྐྱིད་ཉིན་མོ་ལྟར་གསལ་བར་མཛད། མང་དུ་ཐོས་པའི་མཆོག་སྣར་ཐང་པ་བཅོམ་ལྡན་རིག་པའི་རལ་གྲི་ཡང་གྲུབ་པའི་ཡོན་ཏན་གྱིས་རང་དབང་མེད་པའི་དད་པར་བཀོད་པ་སོགས་རྣམ་ཐར་བསམ་གྱིས་མི་ཁྱབ་ཅིང་། ཁམས་གསུམ་ཆོས་ཀྱི་རྒྱལ་པོར་བསྔགས་པའི་སྤྲིངས་ཡིག་འཇིག་རྟེན་གསུམ་ན་གྲགས་པ་ཉིད་དོ། །འགྲོ་མགོན་ཕྱག་ནའི་སྲས་ཆོས་སྐྱོང་སྲུང་བས་གདན་ས་ལོ་ཤས་མཛད་ཅིང་། དེ་ནས་ཟངས་ཚའི་སྲས་སློབ་དཔོན་ཡེ་ཤེས་འབྱུང་གནས་ཀྱི་སྲས་བདག་ཉིད་ཆེན་པོ་བཟང་པོ་དཔལ་གདན་སར་ཕེབས། དེ་ལ་བཙུན་མོ་བདུན་བཞེས་པ་ལས་སྲས་མིང་སྲིང་བཅོ་ལྔ་འཁྲུངས་པའི་ཏི་ཤྲཱི་ཀུན་དགའ་བློ་གྲོས་ཀྱིས་གཅུང་རྣམས་ལ་བླ་བྲང་ཁག་བཞིར་བགོས་ནས་གནང་བས། གཞི་ཐོག་བླ་བྲང་། བླ་བྲང་རིན་ཆེན་སྒང་པ། ལྷ་ཁང་བླ་བྲང་། དུས་མཆོད་བླ་བྲང་བཞིར་བྱུང་བ་ལས། གཞི་ཐོག་བླ་བྲང་ནི། མཁས་བཙུན་ནམ་མཁའ་ལེགས་པ་ནས་བདག་ཆེན་བློ་གྲོས་དབང་ཕྱུག་གི་བར་དུ་མཁས་གྲུབ་མང་དུ་བྱོན། བླ་བྲང་རིན་ཆེན་སྒང་པར། ཀུན་དགའ་ཉི་མ། འཇམ་དབྱངས་དོན་ཡོད་རྒྱལ་མཚན། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་ཏེ་སྐུ་མཆེད་གསུམ་ལས། བླ་མ་དམ་པ་བསོད་ནམས་རྒྱལ་མཚན་ནི་མཁས་ཤིང་གྲུབ་པའི་འཁོར་ལོས་སྒྱུར་བ་ཆེན་པོར་གྱུར། སྙན་བརྒྱུད་རྒྱ་མཚོ་ལྟ་བུའི་བཀའ་བབས། གངས་ཅན་གྱི་མཁས་གྲུབ་ཕལ་མོ་ཆེས་ཞབས་པད་ལ་བཏུད་པས་ཐུགས་སྲས་ཀྱང་། སྔགས་ཀྱི་རྒྱལ་ཚབ་ཆེན་པོ་གཉིས། གསུང་གི་གསང་བ་འཛིན་པ་བརྒྱད། ཡོངས་གྲགས་ཀྱི་མཁས་པ་བཅུ་གཅིག་སོགས་བསམ་གྱིས་མི་ཁྱབ་པར་བྱོན་ཏེ། དེང་སང་གི་བར་དུ་རྗེ་བཙུན་ས་སྐྱ་པའི་ཚོགས་དང་། སློབ་མར་བཤད་པའི་སྙན་བརྒྱུད་རྣམས་མ་ཉམས་པར་གནས་པ་འདི་རྗེ་ཉིད་ཀྱི་ཕྲིན་ལས་ཁོ་ན་ཡིན། འཇམ་དབྱངས་དོན་ཡོད་རྒྱལ་མཚན་གྱི་སྲས་བླ་ཆེན་ཀུན་དགའ་རྒྱལ་མཚན། དེ་སྲས་འཇམ་དབྱངས་ནམ་མཁའ་རྒྱལ་མཚན། དེ་སྲས་རྒྱ་གར་པ་ཤེས་རབ་རྒྱལ་མཚན་དང་། སྙན་བརྒྱུད་རྒྱ་མཚོའི་གཏེར་མཛོད་བདག་ཆེན་བློ་གྲོས་རྒྱལ་མཚན་སོགས་ཀྱི་བར་དུ་བྱོན་ནས་མགོན་པོ་ཆེ་ཆུང་སོགས་ཐུན་མོང་མ་ཡིན་པའི་གདམས་པ་ཞལ་ངོ་ནང་བརྒྱུད་དུ་གྲགས་པས་མཚོན་བསྟན་པའི་སྲོག་ཤིང་མཚུངས་པ་མེད་པར་གྱུར། ལྷ་ཁང་བླ་བྲང་པ་ནི། ངག་དབང་ཀུན་དགའ་ལེགས་པའི་འབྱུང་གནས་དང་། ཀུན་དགའ་རྒྱལ་མཚན་མཆེད་གཉིས་ནས་བཟུང་། ཆོས་ཀྱི་རྒྱལ་མཚན་དང་ཀུན་དགའ་ལེགས་པའི་བར་མཁས་བཙུན་གྲུབ་པའི་ཡོན་ཏན་ཅན་དུ་བྱོན། དུས་མཆོད་བླ་བྲང་ནི་ད་ལྟའི་གདུངས་རབས་འདི་ཉིད་ཀྱི་རྩ་བ་སྟེ། དེ་ཡང་བཟང་པོ་དཔལ་གྱི་སྲས་བདག་ཆེན་ཀུན་དགའ་ལེགས་འབྱུང་སོགས་མཆེད་གསུམ། ཀུན་དགའ་ལེགས་འབྱུང་སྲས་གྲགས་པ་རྒྱལ་མཚན། དེ་སྲས་རྣམ་སྲས་རྒྱལ་མཚན། དེ་སྲས་ནམ་མཁའ་ལེགས་པ། དེ་སྲས་ནམ་མཁའ་རྒྱལ་མཚན། དེ་སྲས་ས་ལོ་འཇམ་པའི་རྡོ་རྗེ་རབ་མཛེས། ཀུན་དགའ་བསོད་ནམས། ངག་གི་དབང་ཕྱུག །འཇམ་དཔལ་གྲགས་པ། སངས་རྒྱས་ཚེ་བརྟན་ཏེ་མཆེད་བཞི་ལས། ཕྱི་མ་ལ་སྲས་གཅེན་བདག་ཆེན་ཀུན་དགའ་བསམ་འགྲུབ་དང་། གཅུང་སྔགས་འཆང་ཆེན་པོ་ཀུན་དགའ་རིན་ཆེན་གཉིས་འཁྲུངས་པ་ལས། སྔ་མ་རྩེ་གདོང་དུ་བཞུགས་ནས། ངག་དབང་ནོར་བུ་རྒྱན་པའི་བར་གྱི་རྩེ་གདོང་གི་གདུང་བརྒྱུད་རྣམས་བྱོན། ལོ་ཆེན་བཻ་རོ་དང་རྗེ་བཙུན་གྲགས་པ་སོགས་ཀྱི་རྣམ་འཕྲུལ་སྤྲུལ་པའི་སྐྱེས་མཆོག་སྔགས་འཆང་ཆེན་མོ་དཔལ་ས་སྐྱར་བྱོན། ས་ལོ་ཆེན་པོ་དང་དཀོན་མཆོག་ལྷུན་གྲུབ་སོགས་བརྟེན་ནས་ལུང་དང་མངོན་པར་རྟོགས་པའི་ཡོན་ཏན་རྒྱ་མཚོ་ལ་དབང་འབྱོར།

གདན་ས་ཆེན་པོར་བར་སྐབས་ཉམས་ཆག་བྱུང་བ་ལ་ཐུགས་ཀྱིས་མ་བཟོད་པ། རྡོ་རྗེའི་ཆོས་སྐྱོང་རྣམས་བྲན་དུ་བཀོལ་བས་ཕས་རྒོལ་རྣམས་མིང་གི་ལྷག་མར་བྱས། ཕྱི་གཙུག་ལག་གི་ཁང་། ནང་དཀོན་མཆོག་གི་རྟེན། བར་དགེ་འདུན་གྱི་སྡེ། མཚན་ཉིད་ཀྱི་བཤད་སྲོལ། སྔགས་ཀྱི་ཕྱག་ལེན། སྙིང་པོའི་ཉམས་བཞེས་སོགས་འཁོར་ལོ་གསུམ་གྱི་མཛད་པས་དཔལ་ལྡན་ས་སྐྱ་པའི་བསྟན་པ་སྡེ་དང་བཅས་པ་ལ་བཀའ་དྲིན་ཆེན་པོས་ཁྱབ་པར་མཛད། དེ་ལ་སྲས་འཇམ་དབྱངས་བསོད་ནམས་དབང་པོ་དང་། སྔགས་འཆང་གྲགས་པ་བློ་གྲོས་གཉིས་འཁྲུངས། འདི་ནས་བཟུང་སྟེ་བར་སྐབས་སུ་གདན་ས་ཆེན་པོར་སྙན་བརྒྱུད་ཀྱི་གདམས་པ་ཅུང་ཟད་ཉག་ཕྲ་བར་གྱུར་པའང་རིམ་གྱིས་འཕེལ་བའི་མགོ་ཚུགས། ཕྱི་མའི་སྲས་འཇམ་མགོན་ཨ་མེས་ཞབས་ཀུན་དགའ་བསོད་ནམས་ཀྱིས། བསོད་ནམས་དབང་པོ་མཆེད་དང་། མུས་ཆེན་སངས་རྒྱས་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་ངག་དབང་ཆོས་གྲགས་སོགས་དམ་པ་དུ་མ་བརྟེན་ནས་མདོ་སྔགས་སྙན་བརྒྱུད་དང་བཅས་པའི་གདམས་པ་རྒྱ་མཚོ་ལྟ་བུ་གསན། འཆད་སྤེལ་གྱི་ཕྲིན་ལས་དང་། བདེ་གསང་གཤེད་སྐོར་ཀྱཻ་རྡོར་ཕུར་པ་སོགས་ཀྱི་ཆོས་འབྱུང་དང་རྣམ་བཤད་ཀྱིས་མཚོན་གསུང་རྩོམ་ཀྱང་མང་དུ་མཛད། དེ་སྲས་འཇམ་དབྱངས་བསོད་ནམས་དབང་ཕྱུག་གིས་ཡབ་དང་། ཞྭ་ལུ་མཁན་ཆེན་སོགས་ལས་གསན་བསམ་མཛད་ཅིང་ཆོས་སྲིད་ཀྱི་ཕྲིན་ལས་གོང་དུ་འཕེལ། དེ་སྲས་ངག་དབང་ཀུན་དགའ་བཀྲ་ཤིས་ཀྱིས་ཨ་མེས་ཞབས་ཡབ་སྲས་དང་། བྱམས་པ་ངག་དབང་རྣམ་རྒྱལ། ལྷུན་གྲུབ་དཔལ་ལྡན། བྱམས་པ་ངག་དབང་ལྷུན་གྲུབ། བཟང་པོ་རྒྱལ་མཚན། སྨིན་གླིང་ལོ་ཆེན་སོགས་བསྟེན་ཅིང་གསུང་གི་བདུད་རྩི་གསོལ། དེ་སྲས་འཇམ་མགོན་བསོད་ནམས་རིན་ཆེན་གྱིས་ཡབ་རྗེ་དང་། བཅོ་བརྒྱད་པ་མཁྱེན་བརྩེ་རབ་བརྟན། སྤྲོ་ལུང་པ་བསོད་ནམས་ཆོས་འཕེལ། ངོར་ཆེན་བསོད་ནམས་བཟང་པོ། ཐར་རྩེ་ནམ་མཁའ་བསམ་གྲུབ་སོགས་ཡོངས་འཛིན་དུ་མ་ལས་གསན་བསམ་མཛད། དེ་སྲས་སྙིགས་དུས་བསྟན་པའི་ཉི་མ། འཇམ་མགོན་ངག་གི་དབང་པོ་ཀུན་དགའ་བློ་གྲོས་མཆེད་གཉིས་སོགས་བྱོན་པ་ལས། འཇམ་མགོན་ཀུན་དགའ་བློ་གྲོས་ནི། འཕགས་མཆོག་ཕྱག་ན་པདྨོའི་ཡེ་ཤེས་སྒྱུ་འཕྲུལ་དྲྭ་བའི་རྣམ་རོལ་ལས། འཕགས་པའི་ཡུལ་དུ་འཆི་མེད་གྲུབ་པའི་དབང་ཕྱུག །ཛཻ་ཏཱ་རི་དགྲ་ལས་རྣམ་རྒྱལ་དང་། གངས་ཅན་གྱི་ལྗོངས་འདིར་བརྩེ་ཆེན་ཀུན་དགའ་སྙིང་པོ་དང་། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་སོགས་དམ་པའི་སྐྱེས་བུ་བརྒྱུད་མར་འཁྲུངས་ཤིང་། སྐུ་ཚེ་འདིར་ཡང་གསུང་བྱེ་བ་ཙམ་ནས་ཨ་ར་པ་ཙ་ན་དྷཱི་ཞེས་གསལ་བར་གསུངས་པས་མཚོན་མཁྱེན་རབ་ཀྱི་པདྨོ་བྱེ། ཐུགས་རྗེའི་གྲིབ་བསིལ་རྒྱས། དམ་པས་བསྔགས་པའི་ཡོན་ཏན་ཐམས་ཅད་ལ་དབང་འབྱོར། ཡབ་རྗེ་དང་། རྗེ་བཙུན་མཁའ་སྤྱོད་དབང་མོ། ཐར་རྩེ་ནམ་མཁའ་བསམ་འགྲུབ། བྲག་རྩ་པ་བློ་གསལ་བསྟན་འཛིན། ངོར་ཆེན་སངས་རྒྱས་ཡེ་ཤེས་སོགས་ཡོངས་འཛིན་དུ་མ་ལས་རང་ལུགས་གཙོ་བོར་གྱུར་པའི་གྲུབ་མཐའ་རིས་མེད་ཀྱི་དབང་ལུང་མན་ངག་བསམ་གྱིས་མི་ཁྱབ་པ་དང་། ཁྱད་པར་གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས་ལས་ལམ་འབྲས་སློབ་བཤད་སོགས་སྙན་བརྒྱུད་ཀྱི་སྐོར་ཡོངས་སུ་རྫོགས་པ་དང་། རྒྱལ་བའི་བཀའ་འགྱུར་རིན་པོ་ཆེ་སོགས་ཟབ་རྒྱས་ཀྱི་གདམས་པ་རྒྱ་མཚོ་ལྟ་བུ་གསན། དཔལ་ཀྱེ་རྡོ་རྗེའི་གཞི་བསྙེན་ལན་གསུམ་སོགས་དུས་དང་། རྒྱུན་དུའང་ལྷག་པའི་ལྷ་སུམ་ཅུར་ཉེ་བ་སོགས་ཀྱི་སྒོམ་བཟླས་ཀྱིས་མཚོན་ཐུགས་དམ་ཉམས་བཞེས་རྩེ་གཅིག་ཏུ་གནང་པས་ལྷག་པའི་ལྷ་དུ་མས་རྗེས་སུ་བཟུང་། རྡོ་རྗེའི་ཆོས་སྲུང་རྣམས་ཀྱིས་ཕྲིན་ལས་སྒྲུབ་པར་ཁས་བླངས། དམ་ཅན་པུཏྲ་ལྕམ་སྲིང་དང་། ཕུར་སྲུང་དཀར་བདུད་ཀྱིས་བྲན་བཞིན་དུ་བྱ་བ་བྱེད། དབང་དང་གདམས་ཁྲིད་སོགས་ཇི་ལྟ་བུ་ཞིག་གསུང་ནའང་ཐུགས་ནས་ཤར་གྱིས་གསུང་བ་སོགས་མཁས་པ་དང་། ལམ་འབྲས་སློབ་བཤད་དུས་བིར་སྲུང་ཕྱི་མ་གནང་སྐབས་ཉི་འཛིན་ཡོང་བར་བྱེད་གྲུབ་དགོངས་མཐུན་དུ་རི་མོས་གཏན་ལ་ཕེབས་ཀྱང་། རྗེ་དེ་ཉིད་ཀྱིས་རྣལ་འབྱོར་དབང་ཕྱུག་གི་སྐུར་བཞེངས་ཏེ་རོ་མའི་རླུང་དྷཱུ་ཏིར་ཞུགས་སུ་མ་སྟེར་བས་ཉི་འཛིན་མི་མངོན་པར་བྱིན་གྱིས་བརླབས་པ་སོགས་གྲུབ་པའི་མཚན་མ་འབྱམས་ཀླས། སྔ་ཕྱིར་རྟེན་བཞེངས་མང་པོ་དང་། ཁྱད་པར་འཆད་སྤེལ་གྱི་ཕྲིན་ལས་རྒྱུན་མི་འཆད་ཅིང་། གསུང་རྩོམ་ཀྱང་པོད་ཆེན་བཅུ་གཉིས་ཙམ་གནང་བས་བསྟན་པའི་སྲོག་མཐུད་པ་ལྟ་བུའི་བཀའ་དྲིན་བསྐྱངས། ཞལ་སློབ་ཀྱི་གཙོ་བོ་གདུང་སྲས་སྐུ་མཆེད། ཐར་རྩེ་རྡོ་རྗེ་འཆང་ནམ་མཁའ་འཆི་མེད། གནས་གསར་མཆོག་སྤྲུལ་ནམ་མཁའ་ལེགས་པ། བཅོ་བརྒྱད་ཁྲི་ཆེན་མཆེད། གཟིམ་འོག་སྤྲུལ་སྐུ་བསྟན་འཛིན་ཕྲིན་ལས། ས་སྐྱའི་ཟུར་འཆད་པ་རིན་ཆེན་རྒྱལ་མཚན། ལྔ་རིག་པ་ཀུན་དགའ་བཀྲ་ཤིས། རི་ཁུ་སྤྲུལ་སྐུ་ཀུན་དགའ་མཁས་གྲུབ་དབང་པོ་སོགས་བསྟན་པ་འཛིན་ངེས་ཀྱི་སྐྱེས་བུ་དམ་པ་མང་དུ་བྱོན་པ་ལས། དེང་སང་ཡང་རྗེ་བཙུན་ས་སྐྱ་པའི་དབང་ལུང་མན་ངག་ཕྱག་འཁྲིད་སོགས་ཀྱི་བཀའ་སྲོལ་མ་ཉམས་པར་ཡོད་པ་འདི་ཁོ་ནའི་བཀའ་དྲིན་ཡིན། དེ་སྲས་འཇམ་མགོན་དབང་སྡུད་སྙིང་པོ་དང་། ཀུན་དགའ་ཕན་བདེ་རྒྱ་མཚོ་མཆེད་ཞལ་གྱིས། ཡབ་རྗེ་གཙོ་བོར་གྱུར་པའི་དམ་པ་དུ་མ་ལས་གདམས་པ་རྒྱ་མཚོ་ལྟ་བུ་གསན། འཆད་སྤེལ་དང་གྲུབ་པའི་ཕྲིན་ལས་ཀྱིས་བསྟན་འགྲོའི་ཕན་བདེ་སྤེལ། སྔ་མའི་སྲས་ཁྲི་ཆེན་པདྨ་བདུད་འདུལ་དབང་ཕྱུག་གམ་ཀུན་དགའ་བཀྲ་ཤིས། སྔགས་འཆང་ཀུན་དགའ་རིན་ཆེན། འཇམ་མགོན་ཀུན་དགའ་རྒྱལ་མཚན། མགོན་པོ་དངོས་གྲུབ་དཔལ་འབར་རྣམས་བྱོན་པ་ལས། ཡབ་རྗེ་དང་། གནས་ལྔ་རིག་པའི་པཎྜི་ཏ་ཀུན་དགའ་བཀྲ་ཤིས་ལས་རང་ལུགས་གཙོ་བོར་གྱུར་པའི་གདམས་པའི་གསན་བསམ་ཉམས་བཞེས་འཆད་སྤེལ་སོགས་གནང་། ཁྲི་ཆེན་སྲས་ཁྲི་ཆེན་བཀྲ་ཤིས་རིན་ཆེན་གྱིས་ཡབ་རྗེ་དང་། ཐར་རྩེ་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་ལས་གསན་བསམ་དང་། སྔགས་འཆང་ཀུན་དགའ་རིན་ཆེན་སྲས་འཇམ་མགོན་རྡོ་རྗེ་རིན་ཆེན་གྱིས་ཡབ་རྗེ་དང་། འཇམ་མགོན་ཀུན་དགའ་རྒྱལ་མཚན། ཡོངས་འཛིན་བློ་གྲོས་རྒྱ་མཚོ་སོགས་ལས་ཟབ་རྒྱས་ཀྱི་གདམས་པ་རྒྱ་མཚོ་ལྟ་བུ་གསན། སྐུ་ན་ཕྲ་མོ་ནས་དམ་པའི་རིགས་སད་པའི་སྤྱོད་པ་ངོ་མཚར་བསམ་གྱིས་མི་ཁྱབ་པ་དང་། འཆད་སྤེལ་གྱི་ཕྲིན་ལས་རྒྱུན་མི་འཆད་པར་མཁས་དང་གྲུབ་པའི་གཙུག་གི་ནོར་བུར་ཞབས་ཀྱི་པདྨོ་བརྟན་བཞིན་པ་འདི་ལྟར་ལགས་སོ།། །། ༈ གདན་ས་འོག་མ་གཙང་རྩེ་གདོང་ནི། བདག་ཆེན་ཀུན་དགའ་བསམ་འགྲུབ་སོགས་དུས་མཆོད་བླ་བྲང་གི་གདུང་རབས་རྣམས་ཀྱིས་སྐྱོང་། ཁྲི་ཆེན་བསོད་ནམས་ལྷུན་གྲུབ་སོགས་བསྟན་འཛིན་དམ་པའང་མང་དུ་བྱོན། ཕྱིས་སུ་གདུང་རབས་མེད་ཀྱང་། བར་སྐབས་སྐྱེ་སྤྲུལ་རིམ་བྱོན་དང་། དེང་སང་ས་སྐྱ་ནས་ཞལ་འཛིན་གནང་།། །། ༈

གཞན་ཡང་དཔལ་ས་སྐྱ་པའི་བརྒྱུད་འཛིན་གྲགས་ཆེ་བ་འགའ་ཞིག་གི་གདན་ས་ལ།  ངོར་ཨེ་ཝཾ་ཆོས་ལྡན་ནི།  འཇམ་མགོན་ས་སྐྱ་པཎྜི་ཏ་ཆེན་པོའི་ཡེ་ཤེས་གཟིགས་པའི་ནོར་བུའི་མེ་ལོང་གཙང་མར་ཇི་ལྟར་ཤར་བ་བཞིན་རྡོ་རྗེ་འཆང་ཀུན་དགའ་བཟང་པོས་དགུང་ལོ་ཞེ་བརྒྱད་པ་ས་བྱ་ལོར་བཏབ།  དེ་ལ་རྗེ་རྡོ་རྗེ་འཆང་འདི་ཉིད་ནི།  འཕགས་པ་དགེ་བའི་རྩ་བ་ཡོངས་སུ་འཛིན་པའི་མདོ་ལས།  དེ་ཚེ་འཇིག་རྟེན་མགོན་པོའི་སྤྲུལ་པ་འབྱུང་།  །དེ་ཚེ་དགེ་སློང་ཀུན་དགའ་བཟང་པོར་སྤྲུལ།  །ཚུལ་ཁྲིམས་ཀྱིས་ཀྱང་ཁྱད་པར་འཕགས་གྱུར་ལ།  །ཐོས་པ་མང་ཞིང་ཕ་རོལ་ཕྱིན་པས་འཕགས།  །ཞེས་སོགས་དང་།  མདོ་སྡེ་པདྨ་དཀར་པོ་ལས།  ཀུན་དགའ་བཟང་པོ་ང་ཡི་ཆོས་འཛིན་པ།  །བདེ་གཤེགས་བྱེ་བ་དྲུག་ཅུ་མཆོད་བྱས་ནས།  །མ་འོངས་དུས་ཀྱི་ཚེ་ན་རྒྱལ་བར་འགྱུར།  །ཞེས་རྡོ་རྗེའི་ལུང་གིས་གསལ་བར་བསྔགས་པ་བཞིན་འོད་གསལ་འཁོན་གྱི་རིགས་སུ་འཁྲུངས།  ཆུང་ངུ་ནས་དད་བརྩོན་ཤེས་རབ་སོགས་རིགས་ཀྱི་རྟགས་རྣམས་སད།  ཤར་ཆེན་ཡེ་ཤེས་རྒྱལ་མཚན།  གྲུབ་ཆེན་བུདྡྷ་ཤྲཱི།  ས་བཟང་འཕགས་པ་གཞོན་ནུ་བློ་གྲོས་སོགས་ལས་ཟབ་རྒྱས་ཀྱི་གདམས་པ་རྒྱ་མཚོ་ལྟ་བུ་གསན།  མདོ་སྔགས་རིག་གནས་དང་བཅས་པ་ལ་ཐོས་བསམ་གྱི་སྒྲོ་འདོགས་བཅད།  བསྒོམ་པས་ཉམས་སུ་བླངས་པས་གྲུབ་པའི་གོ་འཕང་མཐོན་པོར་གཤེགས།  འོད་གསལ་གྱི་སྣང་བར་རྗེ་བཙུན་ས་སྐྱ་པ་ཡབ་སྲས་སོགས་ཀྱིས་རྗེས་སུ་བཟུང་།  འཆད་སྤེལ་གྱི་ཕྲིན་ལས་ཀྱིས་རྒྱལ་བའི་བསྟན་པ་ལ་སྟོན་པ་གཉིས་པའི་བྱ་བ་མཛད།  སྔགས་ཕྱོགས་གཙོ་བོར་གྱུར་པའི་གསུང་རབ་གླེགས་བམ་བཞི་བཞུགས།  ལྷག་པར་རྒྱུད་སྡེ་བཞིའི་སྨིན་གྲོལ་གྱི་གདམས་པ་མཁའ་ཁྱབ་ཏུ་སྤེལ་བས་རྡོ་རྗེ་ཐེག་པའི་བསྟན་པ་ལ་བཀའ་དྲིན་མཚུངས་པ་མེད་པའི་ཕྱིར་རྩོད་པའི་དུས་ཀྱི་རྡོ་རྗེ་འཆང་ཞེས་གྲགས་དཀར་གྱི་ཡི་གེ་ཕྱོགས་ཀྱི་བུ་མོའི་རྣ་ལུང་དུ་བཀོད།  མཁས་ཤིང་དངོས་གྲུབ་བརྙེས་པའི་ཞལ་སློབ་ཀྱང་བསམ་གྱིས་མི་ཁྱབ་པ་བྱོན་པས་སྟོད་མངའ་རིས་ནས་སྨད་རྒྱ་མཚམས་ཡན་ཆད་དུ་ཕྲིན་ལས་གྱི་རྒྱུན་སྐྱོང་བའི་ཆོས་སྡེ་ཆེ་ཕྲ་བགྲང་གིས་མི་ལང་།  དེ་ལྟར་རྗེ་རྡོ་རྗེ་འཆང་ཉིད་དགུང་ལོ་དོན་ལྔ་པར་གྲུབ་མཐའ་རྙོགས་ནས་གཟུགས་སྐུའི་བཀོད་པ་བསྡུས་པའི་རྗེས་གདན་སར་འཁོར་ལོ་སྡོམ་པ་ངུར་སྨྲིག་གར་གྱིས་རོལ་པ་མུས་ཆེན་སེམས་དཔའ་ཆེན་པོ་དཀོན་མཆོག་རྒྱལ་མཚན་བཞུགས་ཏེ།  དེ་ཡང་མུས་སྟག་མོ་གླིང་སྐྱར་ཞང་གི་རིགས་སུ་འཁྲུངས།  རོང་སྟོན་དང་།  རྡོ་རྗེ་འཆང་སོགས་ཡོངས་འཛིན་བཞི་བཅུ་ཙམ་བསྟེན་ནས་ཐོས་བསམ་སྒོམ་གསུམ་གྱི་ཕ་རོལ་སོན།  རྡོ་རྗེ་འཆང་གཤེགས་རྗེས་གདན་ས་ལོ་གསུམ་དུ་མཛད་ཅིང་།  གཤེགས་རྗེས་ཀྱི་བྱ་བ་དང་།  འཆད་སྤེལ་གསུང་འབུམ་པོད་གཅིག་ཡོད།  རྒྱུན་བསྲིངས།  ཞལ་སློབ་ཀྱང་ཀུན་མཁྱེན་བསོད་ནམས་སེང་གེ་སོགས་ཚོགས་བཤད་དང་།  བདག་ཆེན་རྡོ་རྗེ་འཆང་སོགས་སློབ་བཤད་ཀྱི་བརྒྱུད་འཛིན་རྣམས་བྱོན་པས་ཚོགས་སློབ་ཐམས་ཅད་ཀྱི་འབྱུང་གནས་ཀྱང་རྗེ་འདི་ཉིད་ཡིན་ནོ།  །ཕྱིས་མུས་བསམ་གཏན་ཕུག་ཏུ་ཐུགས་དམ་གོང་འཕེལ་དུ་མཛད་ཅིང་གྲུབ་པའི་སར་གཤེགས།  དགུང་ལོ་བརྒྱད་ཅུ་རྩ་གསུམ་པར་གཟུགས་སྐུའི་སྤྲོས་པ་བརྟུལ།  དེ་ནས་རིམ་པར་གཙང་ཆུ་མིག་པ་འགར་སྟོན་འཇམ་དབྱངས་འཇམ་དབྱངས་ས་པཎ་གྱིས་རྗེས་སུ་བཟུང་།  གསུང་རབ་མང་ཙམ་བཞུགས། ཤེས་རབ་༣རྒྱ་མཚོ།  ངོར་ཆེན་གྱི་དབོན་གྲུབ་ཆེན་བིཪྺ་པའི་རྣམ་འཕྲུལ་རྒྱལ་ཚབ་དམ་པ་ཀུན་དགའ་༤དབང་ཕྱུག  །གསུང་འབུམ་པོད་གཅིག་བཞུགས།  དཔལ་ས་སྐྱ་པའི་བསྟན་འཛིན་མདོ་སྔགས་གཉིས་ཀ་ལ་མཁས་པ་གོ་བོ་རབ་འབྱམས་པ་ཀུན་མཁྱེན་བསོད་ནམས་སྔགས་ཕྱོགས་གླེགས་བམ་བཞི་དང་།  མདོ་ཕྱོགས་ཤིན་ཏུ་མང་བར་བཞུགས།  སེང་གེ་༥སྟེ་འདི་ཡན་ཐམས་ཅད་རྗེ་རྡོ་རྗེ་འཆང་གི་ཐུགས་སྲས་ཡིན།  ངོར་ཆེན་དབོན་རྒྱུད་ཡོངས་འཛིན་དཀོན་འདི་སྐབས་རྗེ་རྡོ་རྗེ་འཆང་གི།  བསྟན་པ་དཀར་འབྱམས་སུ་བཏང་།  ལུང་བསྟན་གནང་བ་ལྟར་བསྟན་པ་དར་རྒྱས་ཆེ།  མཆོག་འཕེལ་བ༦།  མུས་ཆེན་དབོན་མཁས་གྲུབ་ཆེན་པོ་སངས་༧རྒྱས་ལམ་འབྲས་ཁྲིད་ཡིག་སོགས་གསུང་འབུམ་པོད་གཅིག  རིན་ཆེན།  སློབ་དཔོན་བསོད་ནམས་རྩེ་ངོར་ཆེན་དབོན་བརྒྱུད།  མོས་རྗེས་སུ་བཟུང་བའི་རྒྱལ་བ་ལྷ་མཆོག  །སེང་གེ༨།  ངེས་པར་ཐམས་ཅད་མཁྱེན་ཡོངས་འཛིན་རིན་པོ་ཆེའི་སྣག་དབོན།  དངོས་འཇམ་དབྱངས་དཀོན་མཆོག་ལྷུན་གྲུབ༩།  བཀའ་འབུམ་པོད་བཞི་བཞུགས།  ཆོས་ཀྱི་རྒྱལ་པོ་འཕགས་པ་རིན་པོ་ཆེའི་རྣམ་འཕྲུལ་མདོ་སྔགས་རབ་འབྱམས་སྨྲ་བ་འཇམ་དབྱངས་སངས་རྒྱས་སེང་ངོར་ཆེན་དབོན་བརྒྱུད།  གེ་༡༠།  མཁས་ཤིང་དངོས་གྲུབ་བརྙེས་པའི་མཚུངས་མེད་དཀོན་མཆོག་དཔལ་ལྡན༡༡།  དཀོན་མཆོག་ལྷུན་གྲུབ་རུས་དབོན་བརྒྱུད་ཡིན།  གསུང་རབ་ཀྱང་འགའ་ཞིག་ཡོད།  བྲང་ཏི་མཁས་པའི་རིགས་འཁྲུངས་གནས་ལྔ་རིག་པའི་མ་ཧཱ་པཎྜི་ཏ་ཐར་རྩེ་ནམ་མཁའ་དཔལ་བཟང་༡༢།  རྡོར་ཕྲེང་སོགས་ལེགས་བཤད་པོད་གསུམ།  དཔལ་ས་སྐྱ་པའི་སྐུ་ཞང་བདག་ཆེན་ཤར་པའི་རིགས་འཁྲུངས་བྱམས་པ་ཀུན་དགའ་བཀྲ་ཤིས༡༣།  དཔལ་ས་སྐྱ་པ་རྩེ་གདོང་ཁྲི་ཆེན་འཇམ་དབྱངས་ཀུན་དགའ་བསོད་ནམས་ལྷུན་གྲུབ༡༤།  མཁས་ཤིང་གྲུབ་པའི་དབང་ཕྱུག་སྒྲུབ་ཁང་པ་དཔལ་ས་སྐྱའི་དབོན་ཆེན་འོད་ཟེར་སེངྒེའི་བརྒྱུད་པར་འཁྲུངས།  གསུང་རབ་པུ་ཏི་གཅིག་ཡོད་པ་ལེགས་བཤད་རྒྱ་ཆེ།  ལྡན་དོན་གྲུབ༡༥།  བྲང་ཏི་མཁན་ཆེན་གྲུབ་པའི་དབང་ཕྱུག་ནམ་མཁའ་སངས་རྒྱས༡༦།  དཔལ་ལྡན་ཨ་ཏི་ཤའི་རྣམ་འཕྲུལ་མཁྱེན་རབ་དང་ཕྲིན་ལས་ཚད་མེད་པ་ཤར་ཆེན་ཤེས་རབ་འབྱུང་གནས༡༧།  བྲང་ཏི་མཁན་ཆེན་ནམ་མཁའ་རིན་ཆེན༡༨།  བདག་པོ་རྒྱལ་རྩེ་བ་བྱང་པ་ངག་དབང་བསོད་ནམས་རྒྱལ་མཚན༡༩།  ངོར་ཚར་གཉིས་ཀའི་བརྒྱུད་འཛིན།  སྣར་ཐང་དཔལ་འབྱོར་གླིང་པ་ཁང་གསར་མཁན་ཆེན་༢༠བསོད་ནམས་རྒྱ་མཚོ།  སྒྲུབ་ཁང་པའི་དབོན་མཁན་ཆེན་འཇམ་དབྱངས་དཔལ་མཆོག་རྒྱལ་༢༡མཚན།  འདིར་སྡེ་དགེར་ཕེབས་པའི་མཁན་རབས་ཀྱི་ཐོག་མ།  ཧོར་སེ་ཆེན་གན་གྱི་བརྒྱུད་ལས་འཁྲུངས་པའི་འདྲེན་མཆོག་ནམ་མཁའ་དཔལ་འདི་ཐར་རྩེར་གདན་ཚབ་མཛད།  བཟང་༢༢།  ཤར་མི་ཉག་གི་སྟོན་པ་འཇམ་མགོན་ལྷུན་གྲུབ་དཔལ་ལྡན༢༣།  མངའ་རིས་སྨད་པ་སྙིགས་དུས་བསྟན་པའི་ཉི་མ་མཁན་ཆེན་འཇམ་པའི་དབྱངས་སངས་རྒྱས་ཕུན་༢༤ཚོགས།  བདག་ཆེན་ཤར་པའི་རིགས་འཁྲུངས་བྱང་ཆུབ་སེམས་དཔའ་ཆེན་པོ་སངས་རྒྱས་བསྟན་འཛིན༢༥།  ཤབས་སྟོད་རྫི་ལུང་པ་མཁན་ཆེན་བྱམས་པ་ཤེས་བྱ་བཟང་༢༦  ཐར་རྩེའི་སྣག་དབོན།  པོ།  ཤར་མི་ཉག་ར་བ་སྒང་པ་འཇམ་དབྱངས་ངུར་སྨིག་གར་རོལ་བྱམས་པ་ཚུལ་ཁྲིམས་དཔལ་བཟང་༢༧།  གཙང་ཕྱུག་གཞུང་སྤེལ་སྐྱ་བ་མཚུངས་མེད་བསོད་ནམས་དཔལ་ལྡན༢༨།  མཁན་ཆེན་སངས་རྒྱས་ཕུན་ཚོགས་ཀྱི་ཕྱག་ཕྱིར་སྡེ་དགེར་ཡང་ཕེབས།  ཁང་གསར་པ་གྲུབ་པའི་དབང་ཕྱུག་འཇམ་མགོན་བྱམས་པ་བསོད་ནམས་བཟང་པོ༢༩།  དཔལ་མར་མེ་མཛད་ཀྱི་རྣམ་འཕྲུལ་གཙང་མདོ་མཁར་བ་མཁན་ཆེན་བཀྲ་ཤིས་ལྷུན་གྲུབ༣༠།  མཁྱེན་རབ་མཐའ་ཡས་པའི་མངའ་བདག་བྱམས་པ་ཚུལ་ཁྲིམས་ལྷུན་གྲུབ༣༡།  ཤར་དར་རྩེ་མདོར་འཁྲུངས།  བྲང་ཏི་མཁན་ཆེན་གྲུབ་པའི་དབང་ཕྱུག་བྱམས་པ་ནམ་མཁའ་བསམ་འགྲུབ༣༢།  རྣལ་འབྱོར་དབང་ཕྱུག་གི་རྣམ་འཕྲུལ་མཁན་ཆེན་རྡོ་རྗེ་འཆང་དཔལ་ལྡན་ངོར་སྤྲེལ་གྲོང་དུ་འཁྲུངས།  ཆོས་སྐྱོང་༣༣།  མཚུངས་མེད་མཁས་ཤིང་གྲུབ་པ་འཇམ་མགོན་སངས་རྒྱས་དཔལ་༣༤བཟང་།  ཁང་གསར་པ་མཁན་ཆེན་བྱམས་པ་བསོད་ནམས་ལྷུན་༣༥གྲུབ།  ཤར་ཆེན་བྱང་ཆུབ་སེམས་དཔའ་རིན་ཆེན་མི་འགྱུར་རྒྱལ་མཚན༣༦།  མཁན་ཆེན་བཀྲ་ཤིས་ལྷུན་གྲུབ་སྐུ་དབོན་འཇམ་དབྱངས་ཆོས་ཀྱི་བླ་མ་སངས་རྒྱས་༣༧ཡེ་ཤེས།  འཇམ་དབྱངས་ཆོས་ཀྱི་རྗེ་དཀོན་མཆོག་གྲགས་པ༣༨།  ཁང་གསར་པ་ངག་དབང་ཆོས་སྐྱོང་བཟང་པོ།  ༣༩མཁས་གྲུབ་སངས་རྒྱས་གྲགས་པ༤༠།  མཚུངས་མེད་ཕུན་ཚོགས་དོན་གྲུབ༤༡།  མཁས་གྲུབ་ཆེན་པོ་བྱམས་པ་ཀུན་དགའ་བསོད་ནམས༤༢།  བྲང་ཏི་མཁན་ཆེན་ཐམས་ཅད་མཁྱེན་པ་བྱམས་པ་ནམ་མཁའ་༤༣འཆི་མེད།  རབ་འབྱམས་ཤེས་བྱ་ཀུན་གཟིགས་མཁས་གྲུབ་ངག་དབང་དམ་ཆོས༤༤།  སྨྲ་བའི་དབང་ཕྱུག་མཁན་ཆེན་བསོད་ནམས་དཔལ་༤༥འབྱོར།  བྲང་ཏི་མཁན་ཆེན་རྡོ་རྗེ་འཆང་བྱམས་པ་ཀུན་དགའ་༤༦བསྟན་འཛིན།  ཁང་གསར་པ་ངག་དབང་བློ་གྲོས་བཟང་༤༧པོ།  ༠༠༠  རབ་འབྱམས་སྨྲ་བའི་དབང་པོ་ཡོངས་འཛིན་པཎྜི་ཏ་དཔལ་ལྡན་ཆོས་ཀྱི་རྒྱལ་མཚན༤༨།  མཁན་ཆེན་དཔལ་ལྡན་ཆོས་སྐྱོང་གི་སྐུ་དབོན་རིན་ཆེན་མཆོག་གྲུབ་ཀྱི་རྣམ་འཕྲུལ་བྱམས་པ་དཔལ་ལྡན་བཟང་པོ།  བྲང་ཏི་མཁན་ཆེན་བྱང་ཆུབ་སེམས་དཔའ་རིགས་བརྒྱའི་ཁྱབ་བདག་རྣལ་འབྱོར་འཇམ་དཔལ་བཟང་༥༠པོ།  ཁང་གསར་པ་མཁན་ཆེན་མཚུངས་མེད་ངག་དབང་བློ་གྲོས་བརྟན་འཛིན་གྱི་བར་དུ་བྱོན་ནས་པཎྜི་ཏས་བཤད།  ལོ་ཙཱ་བས་བསྒྱུར།  གྲུབ་ཐོབ་ཀྱིས་བསྒོམ།  མཁས་པ་རྣམས་ལ་ཚད་མར་གྲགས་པའི་མདོ་རྒྱུད་བསྟན་བཅོས་དང་བཅས་པ་རྗེ་བཙུན་ས་སྐྱ་པ་ཡབ་སྲས་དང་ངོར་ཆེན་རྡོ་རྗེ་འཆང་ཆེན་པོས་ཇི་ལྟར་བཀྲལ་བ་བཞིན་དུ་ལུང་རིགས་ཀྱི་བཤད་པ།  སྒོམ་སྒྲུབ་ཀྱི་ཉམས་ལེན།  ཆོ་གའི་ཕྱག་ལེན་ཕྲ་མོ་ཚུན་ཚད་ཀྱང་གཞན་དང་མ་འདྲེས་པར་བསྐྱངས་པས་དཔྱད་པ་གཙང་ཞིང་བློ་གྲོས་ཀྱི་པདྨོ་རྒྱས་པ་རྣམས་ཀྱིས་གཅིག་ཏུ་བསྔགས་པའི་གཞིར་གྱུར་པ་ཡིན་ནོ།།    །། ༈

འཕེན་ཡུལ་ནཱ་ལེནྡྲ་སྟེ་བོད་སྐད་དུ་རྒྱུན་གྱི་དབང་པོར་གྲགས་པའི་ཆོས་གྲྭ་ནི། པཎྜི་ཏ་ཀ་མ་ལ་ཤཱི་ལ་དང་། རྨ་ལོ་ཙཱ་བ་རིན་ཆེན་མཆོག་གི་རྣམ་འཕྲུལ་རོང་སྟོན་སྨྲ་བའི་སེངྒེ་ཤེས་བྱ་ཀུན་མཁྱེན་ཤེས་རབ་རྒྱལ་མཚན་གྱིས་དགུང་ལོ་བདུན་ཅུ་པ་མེ་འབྲུག་ལོར་བཏབ། གཟིམ་ཁང་འོག་མ་ཀུན་མཁྱེན་བཀྲ་ཤིས་རྣམ་རྒྱལ་སོགས་ཀྱིས་བསྐྱངས། སྔར་མཚན་ཉིད་ཀྱི་གྲྭ་ས་ཆེན་པོར་གྱུར་ཀྱང་། བར་སྐབས་ཉམས་ཆག་བྱུང་བའི་རྐྱེན་གྱིས་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས། ལོ་ཙཱ་བ་ལྕེ་ཁྱི་འབྲུག་སོགས་ཀྱི་རྒྱུད་ལས་འཁྲུངས་པ་ཞྭ་ལུ་སྐུ་ཞང་མཁྱེན་རབ་ཆོས་རྗེ་རིན་ཆེན་མཆོག་གྲུབ་འབྱོན་པར་བསྐུལ་ཏེ་སྔགས་ཀྱི་གྲྭ་ཚང་དུ་བསྒྱུར་བས། ཕྱིས་མཁྱེན་རབ་བསྟན་འཛིན་བཟང་པོ་དང་། མཁྱེན་རབ་བྱམས་པ་ངག་དབང་ལྷུན་གྲུབ། དབོན་མཁྱེན་བརྩེ་རབ་བརྟན་སོགས་ཆོས་རྗེ་བཅོ་བརྒྱད་པ་གོང་འོག་རྣམས་དང་། ཞབས་དྲུང་ནོར་བུ་ལགས་ཀྱི་སྐུ་སྐྱེ་མཁས་གྲུབ་སངས་རྒྱས་བསྟན་འཛིན། ཐམས་ཅད་མཁྱེན་པ་བྱམས་པ་ངག་དབང་བསྟན་འཛིན་ཕྲིན་ལས། ལྕེ་བཙུན་བྱམས་པ་ངག་དབང་བསྟན་འཛིན་སྙན་གྲགས་བར་གྱི་གཟིམ་འོག་སྐུ་ཕྲེང་རིམ་བྱོན་གྱིས་ཟབ་གསང་སློབ་བཤད་ཀྱི་སེངྒེའི་སྒྲ་ཆེན་པོ་སྒྲོགས་པས་མཚོན། རྒྱུད་དང་མན་ངག་རྒྱ་མཚོའི་འཇུག་ངོགས་སུ་གྱུར།། །། ༈ གངས་དཀར་རྡོ་རྗེ་གདན་ནི། མཐུ་སྟོབས་ཀྱི་དབང་ཕྱུག་བུ་སྟོན་ཀུན་དགའ་རྣམ་རྒྱལ་གྱིས་བཏབ། ས་སྐྱ་རྫོང་ལུགས་དང་། བུ་ལུགས་འདྲེས་མའི་ཆོས་རྒྱུན་བསྐྱངས། བར་སྐབས་སུ་དར་རྒྱས་ཤིན་ཏུ་ཆེ་བར་བྱུང་ཞིང་། དེང་སང་ཡང་རྒྱུད་སྡེ་བཞི་དང་འབྲེལ་བའི་སྨིན་གྲོལ་སྒྲུབ་མཆོད་སོགས་རྒྱུན་ཕལ་ཆེར་མ་ཉམས་པར་ཡོད།། །། ༈

གཙང་ངོམས་རིང་གི་ཆོས་སྡེར།  མཁན་པོ་ཤཱཀྱ་སེངྒེ་སོགས་རིམ་པར་བྱོན།  མཚན་ཉིད་ཀྱི་གྲྭ་ས་ཆེ་ཤོས་གཅིག་ཡིན།།    །། ༈

གཙང་རོང་འབྲས་ཡུལ་སྐྱེད་ཚལ་ནི། བྱམས་ཆེན་རབ་འབྱམས་པ་སངས་རྒྱས་འཕེལ་གྱིས་དགུང་ལོ་སོ་དགུ་པ་ས་སྦྲུལ་ལོར་བཏབ་ཅིང་། མཚན་ཉིད་ཀྱི་གྲྭ་ས་ཆེན་པོར་གྱུར། དེ་ལས་མཚན་ཉིད་པའི་གྲྭ་སའང་མང་དུ་ཡོད།། །། ༈ གཙང་གསེར་མདོག་ཅན་ནི། པཎ་ཆེན་དོན་ཡོད་དཔལ་བས་བཏབ། པཎ་ཆེན་ཤཱཀྱ་མཆོག་ལྡན་དགུང་ལོ་ཞེ་གཉིས་ལོན་པའི་ཚེ་ཕེབས་ནས་དར་རྒྱས་སུ་མཛད་པས། བར་སྐབས་དགོན་མ་ལག་དང་བཅས་པ་ཤིན་ཏུ་དར་བར་གྱུར་ཀྱང་། དེང་སང་ནི་དགེ་འདུན་གྱི་སྡེ་མ་སྟོང་ཙམ་ལས་མེད། ། ༈ གཙང་རྟ་ནག་ཐུབ་བསྟན་རྣམ་རྒྱལ་གླིང་ནི། ཀུན་མཁྱེན་གོ་བོ་རབ་འབྱམས་པ་བསོད་ནམས་སེངྒེས་དགུང་ལོ་ཞེ་ལྔ་པ་ཆུ་སྦྲུལ་ལོར་བཏབ། དེང་སང་ཡང་བཤད་གྲྭ་མ་ཉམས་པར་ཡོད་ཅིང་། དཔལ་ས་སྐྱ་པའི་ལྷ་ཁང་ཆེན་མོའི་མཚན་ཉིད་གྲྭ་ཚང་ཡང་འདིའི་བཤད་རྒྱུན་ལས་བྱུང་བ་སོགས་དགོན་ལག་ཀྱང་མང་དུ་འཕེལ།། །། ༈

གཉན་ཡོད་བྱ་རྒོད་གཤོང་ནི།  པཎ་ཆེན་འབུམ་ཕྲག་གསུམ་པས་དགུང་ལོ་ང་བདུན་པ་ས་བྱ་ལོར་བཏབ།  མཚན་ཉིད་ཀྱི་རིང་ལུགས་འཛིན་པ་ཆེ་ཤོས་ཞིག་ཡིན།།    །།  ༈

གཙང་ཉང་སྟོད་ཤེལ་མཁར་རྒྱལ་རྩེའི་ཆོས་སྡེ་ནི། ཆོས་རྒྱལ་རབ་བརྟན་ཀུན་བཟང་འཕགས་ཀྱིས་བཏབ། ས་བུ་དགེ་གསུམ་གྱི་གྲྭ་ཚང་ཁག་བཅུ་དྲུག་ཙམ་ཡོད་ཅིང་དེང་སང་ཡང་དར་རྒྱས་ཆེ། ། ༈ གཙང་སྟོད་འདར་གྲང་མོ་ཆེ་ནི། ཚར་ཆེན་བློ་གསལ་རྒྱ་མཚོའི་གདན་སའི་མཐིལ་དུ་མཛད། དེང་སང་ཡང་དེའི་རིང་ལུགས་འཛིན་པའི་སྡེ་མ་ཉམས་པར་ཡོད།། །། ༈ ཡར་ཀླུང་བཀྲ་ཤིས་ཆོས་སྡེ་ནི། ཚར་ཆེན་གྱི་སློབ་མ་མཐུ་སྟོབས་ཀྱི་དབང་ཕྱུག་ཡོལ་པ་རྡོ་རྗེ་འཆང་གཞོན་ནུ་བློ་གྲོས་ཀྱིས་བཏབ། ཕྱིས་སུ་ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན་སོགས་གནས་གསར་པའི་དབོན་དང་སྐུ་སྐྱེ་རིམ་བྱོན་གྱིས་སྐྱོང་། དེ་ཡང་དཔལ་ས་སྐྱ་པའི་སྙན་བརྒྱུད་རྒྱ་མཚོའི་མཛོད་འཆང་བ། ཆོས་རྗེ་ཚར་པའི་ལུགས་སྲོལ་འདི་ནི། གསུང་ངག་རིན་པོ་ཆེ་ལམ་འབྲས་བུ་དང་བཅས་པ་གཙོ་བོར་ངོར་ཆེན་རྡོ་རྗེ་འཆང་ནས་མུས་ཆེན་སེམས་དཔའ་ཆེན་པོ་དང་། དེས་བདག་ཆེན་རྡོ་རྗེ་འཆང་ཉིད་ལ་ཆིག་བརྒྱུད་དུ་གནང་། གཞན་ཡང་ཡབ་འཇམ་དབྱངས་ཆོས་རྗེ་ནས་བརྒྱུད་པ་སོགས་བརྒྱུད་སྲོལ་གསུམ་གྱི་བཀའ་ཐམས་ཅད་བདག་ཆེན་རྡོ་རྗེ་འཆང་ལ་བབས། དེ་བཞིན་དུ་གསེར་ཆོས་བཅུ་གསུམ་དང་། མགོན་པོ་ཆེ་ཆུང་སོགས་ཆོས་རྗེ་བླ་མ་དམ་པ་ནས་ཡར་ཀླུང་པ་རྣམས་ལ་བརྒྱུད་པ་དང་། ཞལ་ངོ་ཆིག་བརྒྱུད་དུ་བྱོན་པ་སོགས་དཔལ་བརྩེ་བ་ཆེན་པོའི་རྣམ་འཕྲུལ། མཁས་པའི་ཅོད་པན། གྲུབ་པའི་གཙུག་རྒྱན། ཟབ་རྒྱས་གདམས་པའི་རྒྱ་མཚོ་བདག་ཆེན་རྡོ་རྗེ་འཆང་ཉིད་ལ་བཀའ་བབས། དེ་ལ་ཞལ་གྱི་བདུད་རྩི་བཞེས་པའི་སློབ་མ་བསམ་གྱིས་མི་ཁྱབ་ཀྱང་། ཐུན་མོང་མ་ཡིན་པའི་སྙན་བརྒྱུད་ཀྱི་གདམས་པ་བུམ་པ་གང་འབྱོར་སྩལ་བའི་ཡུལ་ནི། སངས་རྒྱས་འཁོར་བ་འཇིག་ཉིད་འཕགས་བོད་ཀྱི་མཁས་གྲུབ་དུ་མའི་སྐྱེ་བའི་ཕྲེང་བར་བརྒྱུད་མར་བྱོན་པའི་རྗེ་བཙུན་རྡོ་རིང་པ་ཀུན་སྤངས་ཀུན་བཟང་ཆོས་ཀྱི་ཉི་མ་བློ་ལྡན་ཤེས་རབ་རྒྱལ་མཚན་དཔལ་བཟང་པོ་ཉིད་ཡིན་ཏེ། རྗེ་འདིས་སྤྱིར་རྡོ་རྗེ་འཆང་ཀུན་དགའ་བཟང་པོ་ཡབ་སྲས་སོགས་གསར་རྙིང་རིས་མེད་ཀྱི་མཁས་གྲུབ་དམ་པ་བདུན་ཅུ་རྩ་གཉིས་བསྟེན། མདོ་སྔགས་ཀྱི་གདམས་པ་རྒྱ་མཚོར་ལུང་རིགས་ཀྱི་སྒྲོ་འདོགས་བཅད། ཁྱད་པར་བདག་ཆེན་རྡོ་རྗེ་འཆང་གི་ཞབས་པད་མཉེས་པ་གསུམ་གྱིས་བསྟེན་ནས་གསུང་ངག་རིན་པོ་ཆེས་མཚོན་པའི་སྙན་བརྒྱུད་ཚད་མ་བཞི་ལྡན་གྱི་གདམས་པ་མཐའ་དག་གསན་བསམ་མཐིལ་ཕྱིན་པར་མཛད། ཕྱག་ལེན་ཕྲ་མོ་ཚུན་ཆད་ཀྱང་བྱང་ཆུབ། ཁའུ་བྲག་རྫོང་ནག་པོའི་རི་ཁྲོད་སོགས་དབེན་པའི་རི་སུལ་རྣམས་སུ་སྐུ་ཚེ་རིལ་པོར་ཐུན་བཞིའི་རྣལ་འབྱོར་ལས་ནམ་ཡང་མི་འདའ་བས་གྲུབ་པའི་གོ་འཕང་མཐོན་པོར་གཤེགས། ཟབ་གསང་སེངྒེའི་སྒྲ་དབྱངས་རྒྱུན་མི་འཆད་པར་བསྒྲགས་ཏེ་སྙན་བརྒྱུད་ཟབ་མོའི་གདམས་པ་སྲིད་མཐར་སྤེལ་བས་རྗེ་བཙུན་ཁའུ་པའི་རིང་ལུགས་ཞེས་གྲགས་པའི་རྒྱུད་མང་བསྒྲེངས། དེ་ལ་སློབ་མ་མང་དུ་བྱོན་པའི་ནང་ནས་ཐུགས་ཀྱི་སྲས་གཅིག་པུ་ཚར་ཆེན་ཆོས་ཀྱི་རྒྱལ་པོ་བློ་གསལ་རྒྱ་མཚོ་ནི། རྒྱ་གར་འཕགས་པའི་ཡུལ་དུ་གྲུབ་ཆེན་བི་རཱུ་པ་དང་གངས་ཅན་གྱི་ལྗོངས་འདིར་རྩོད་པའི་དུས་ཀྱི་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་སོགས་མཁས་པ་དང་གྲུབ་པའི་སྐྱེ་བའི་ཕྲེང་བ་མེ་ཏོག་མནྡཱ་རའི་ཕྲེང་བ་ལྟ་བུ་ཚར་དུ་དངར་བ་བཟུང་བའི་མཐར། མང་མཁར་མུ་གུ་ལུང་དང་ཉེ་བའི་ནོར་འཛིན་གྱི་ཐིག་ལེར་མཚན་དཔེའི་མེ་ཏོག་ཐོག་མར་འཁྲུངས་པ་ནས་མཁས་བཙུན་བཟང་པོའི་ཡོན་ཏན་ངང་གིས་སད། རྡོ་རྗེའི་ཆོས་སྲུང་རྣམས་ཀྱིས་རྣམ་འཕྲུལ་དུ་མས་ཕྲིན་ལས་བསྒྲུབས། གདན་གསུམ་རྡོ་རྗེའི་དཀྱིལ་འཁོར་གསལ་བར་གཟིགས་པ་སོགས་དང་། ངོ་མཚར་པའི་རྣམ་ཐར་དུ་མ་དང་བཅས་ཆོས་གྲྭ་ཆེན་པོ་བཀྲ་ཤིས་ལྷུན་པོར་མཚན་ཉིད་ཀྱི་ཐེག་པ་ལ་སྦྱངས་པས་ལུང་རིགས་སྨྲ་བ་རྣམས་ཀྱི་ཁེངས་པའི་རུ་ཚོན་བརྟུལ། སྔོན་གྱི་སྨོན་ལམ་སད་པས་རྗེ་བཙུན་ས་སྐྱ་པའི་རིང་ལུགས་དང་། གྲུབ་པའི་ཁྱུ་མཆོག་རྡོ་རིང་པར་འཕྲོག་ཏུ་མེད་པའི་དད་པས་རྒྱུ་བྱས། རྡོ་རྗེ་རྣལ་འབྱོར་མས་མངོན་སུམ་དུ་ལུང་གི་སྐབས་དབྱེ་བས་རྐྱེན་སྦྱར་ཏེ་གངས་རིའི་ཁྲོད་ཀྱི་ཨོ་ཌཱི་ཡ་ན་གཉིས་པ་ཁའུ་བྲག་རྫོང་ནག་པོའི་རི་ཁྲོད་དུ་ཕེབས། ས་སྐྱ་ཚད་ཀྱི་རྣ་བར་མ་གྲགས་པའི་སློབ་བཤད་སྙན་བརྒྱུད་ཚད་མ་བཞི་ལྡན་གྱིས་མཚོན། ཟབ་རྒྱས་ཀྱི་གདམས་པ་བསམ་གྱིས་མི་ཁྱབ་པ་གསན། དེ་ཡང་གསན་ལོ་ཙམ་དུ་མ་བཞག་པར་ཕྱག་ལེན་ཕྲ་མོ་ཚུན་བསམ་བྱུང་གིས་སྒྲོ་འདོགས་བཅད་དེ། བསྒོམས་པས་ཉམས་སུ་བླངས་པས་དྲོད་རྟགས་མངོན་དུ་གྱུར། ཆོས་ཉིད་ལྷན་ཅིག་སྐྱེས་པའི་ཡེ་ཤེས་གཟིགས། ཆོས་ཅན་གྱི་སྣང་བ་ཐམས་ཅད་ལྷའི་འཁོར་ལོར་ཤར། རྡོ་རྗེའི་ཆོས་སྐྱོང་རྣམས་ཀྱིས་བྲན་བཞིན་དུ་བྱ་བ་བྱེད། ཁྱད་པར་ཀུན་མཁྱེན་བུ་སྟོན་རིན་པོ་ཆེའི་ཁྲི་ལ་ཞབས་པད་བཀོད་པ་ན་འཆི་བདག་ལས་ཀྱི་གཤིན་རྗེས་དམ་ཚིག་གི་རྡོ་རྗེ་སྤྱི་བོར་བླངས་པས་དཔྱོད་ལྡན་རྣམས་ཀྱིས་འཇམ་དཔལ་ཁྲོས་པ་ངུར་སྨྲིག་གར་གྱིས་རོལ་པར་ངེས་པ་རྙེད། གཞན་ཡང་རིས་མེད་པའི་དམ་པ་དྲུག་ཅུ་རྩ་གསུམ་བསྟེན་ནས་གངས་ཅན་གྱི་ལྗོངས་སུ་ཡོད་དོ་ཅོག་གི་མཆོག་ཐུན་གྱི་དངོས་གྲུབ་སྒྲུབ་པའི་གདམས་པ་ཟབ་མོ་མཐའ་དག་གི་བཀའ་བབས་པས་སྙིགས་དུས་ཀྱི་རྡོ་རྗེ་འཆང་གཉིས་པར་གྱུར། འདར་གྲང་མོ་ཆེ། མང་མཁར་ཐུབ་བསྟན་དགེ་འཕེལ། ཆ་ལུང་རྡོ་རྗེའི་བྲག་རྫོང་སོགས་སུ་བཞུགས་ནས་བཤད་སྒྲུབ་སྤེལ་མར་མཛད་གསུང་རབ་པོད་བཞི་ཙམ་ཡོད། པས། མཁས་པ་དང་གྲུབ་པའི་པདྨའི་རྫིང་བུ་དར་ལ་བབས་པའི་གྲགས་དཀར་སྦྲང་རྩིའི་བསུང་ཞིམ་གྱིས་རང་དང་གཞན་གྱི་དམ་པའི་སྐྱེས་བུ་སྐལ་བཟང་གི་བུང་པའི་ཚོགས་སྤྲིན་བཞིན་དུ་ངང་གིས་འདུ་བ་ལ། སྙན་བརྒྱུད་ཟབ་མོའི་བདུད་རྩི་ལྷུག་པར་སྩལ་བས་ལུང་དང་། མངོན་པར་རྟོགས་པས་རྒྱུད་ཕྱུག་པའི་ཞལ་སློབ་བསམ་གྱིས་མི་ཁྱབ་པ་ཞིག་བྱུང་བ་ལས། གཙོ་བོར་གསུང་གི་གསང་བ་ཇི་བཞིན་དུ་འཛིན་པ་ནི་སྐུའི་སྐྱེ་བ་དུ་མར་ཡབ་སྲས་སུ་འབྲེལ་བས་སྐུ་ཚེ་འདིར་ཡང་ཚར་ཆེན་ཡབ་སྲས་ཞེས་མཚན་གྱི་ཡི་གེ་འབྲེལ་མར་གསལ་ཞིང་ནང་ཐུགས་ཀྱི་སྲས་གཅིག་པུར་གྱུར་པ་ལྷ་རིགས་འ་ཞྭའི་རྒྱུད་དུ་འཁྲུངས་པ་གནས་གསར་པ་འཇམ་དབྱངས་མཁྱེན་བརྩེའི་དབང་ཕྱུག་སྟེ། དམ་པ་འདིས་བདག་ཆེན་དང་། རྡོ་རིང་པ་གཉིས་ཀའི་ཐུགས་སྲས་རྗེ་བཙུན་སྒོ་རུམ་པ་ཀུན་དགའ་ལེགས་པ་དང་། རྗེ་ཚར་ཆེན་གཙོ་བོར་གྱུར་པའི་གསར་རྙིང་གི་མཁས་གྲུབ་དུ་མ་ལས་གསར་མའི་ཕྱོགས་ལ་དབང་བཀའ་ཆེན་པོ་བརྒྱ་དང་བཅུ་དྲུག །བྱིན་རླབས་དགུ་བཅུ་རྩ་བཞི། རྗེས་གནང་ཟུར་བཀའ་བརྒྱ་དང་དོན་བརྒྱད། ཁྲིད་བཀའ་བརྒྱ་དང་ཉེར་གཅིག་ལྷག་པ། རྙིང་མའི་ཕྱོགས་ལ་དབང་ཆེན་བརྒྱ་དང་དོན་གཅིག །དབང་ཕྲན་སུམ་ཅུ་རྩ་གཅིག །ཁྲིད་བཀའ་སུམ་ཅུ་རྩ་བརྒྱད་སོགས་དང་། དེ་དག་གི་རྒྱབ་བརྟེན་ལུང་གི་རིམ་པ་གླེགས་བམ་བརྒྱ་ཕྲག་མང་པོར་གསན་བསམ་གྱིས་སྒྲོ་འདོགས་བཅད། དཔེ་ཆ་དང་དཀྱིལ་ཐང་སོགས་བཞེངས། ཐ་ན་གཏོར་བཤམས་དང་། རྡོར་དྲིལ་འཛིན་ལུགས་སོགས་ཕྱག་ལེན་ཕྲ་མོ་ཚུན་ཆད་ཀྱང་མ་འདྲེས་པར་མཁྱེན། མདོ་སྔགས་ཀྱི་གཞུང་ལུགས་རྒྱ་མཚོར་བཤད་སྒྲུབ་ཀྱི་ཕྲིན་ལས་ནམ་མཁའ་དང་མཉམ་ཞིང་བུ་སྟོན་རིན་པོ་ཆེའི་གདན་སའང་མཛད། ལྷག་པར་སྙན་བརྒྱུད་ཚད་མ་བཞི་ལྡན་གྱི་སྐོར་ལ་ཐོས་བསམ་སྒོམ་གསུམ་གྱི་མཐར་སོན། གསུང་སྒྲོས་ཟིན་ངེས་ཀྱི་བཀའ་རྩོམ་སྙན་བརྒྱུད་གཙོར་གྱུར་གླེགས་བམ་བཞི། ཀྱང་མང་དུ་གནང་བས་བརྒྱུད་འཛིན་རྣམས་ཀྱི་མིག་གཅིག་པུར་གྱུར། མདོར་ན་མཁྱེན་བརྩེ་ནུས་གསུམ་གྱི་ཡོན་ཏན་གྱིས་མཁས་པ་རྣམས་མགུ་ཞིང་གྲུབ་པའི་སྐྱེས་བུ་རྣམས་ཀྱིས་ཕྱག་བྱ་བའི་ཡུལ་དུ་འོས་པ་ཁོ་ནར་ངེས། གཞན་ཡང་འཇམ་མགོན་ས་སྐྱ་པཎྜི་ཏས་བྱིན་གྱིས་བརླབས་པས་མཁྱེན་རབ་ཚད་མེད་པ། རིག་པར་སྨྲ་བ་ཐམས་ཅད་ཀྱི་གཙུག་གི་ནོར་བུ། མཉན་ཡོད་བྱ་རྒོད་གཤོངས་ཀྱི་མཁན་ཆེན་དབྱངས་ཅན་མགྲིན་པར་ཆགས་པ་དཔལ་མང་དུ་ཐོས་པ་ཀླུ་སྒྲུབ་རྒྱ་མཚོ་མདོ་སྔགས་གཉིས་ཀའི་ཕྱོགས་གསུང་རྩོམ་པོད་བཅུ་གཅིག་ཙམ་ཚིག་དོན་ཕུན་སུམ་ཚོགས་པར་ཡོད། མཉན་ཡོད་སྦས་པའི་རྣལ་འབྱོར་གྱི་རྣམ་འཕྲུལ་མཁས་བཙུན་གྲུབ་པའི་ཡོན་ཏན་འགྲན་ཟླ་དང་བྲལ་བ་སྣེ་གདོང་རྩེ་ཚོགས་མཁན་ཆེན་ཡོལ་པ་གཞོན་ནུ་བློ་གྲོས། སྙན་བརྒྱུད་ཀྱི་མངའ་བདག་མཐུ་སྟོབས་ནུས་པའི་དབང་ཕྱུག་བོད་མཁར་བ་མཻ་ཏྲི་དོན་གྲུབ་རྒྱལ་མཚན་བཞི་ནི་ཐུགས་སྲས་ཀྱི་གཙོ་བོ་དང་། གཞན་ཡང་ཡབ་སྲས་གཉིས་ཀའི་སློབ་མ་མཁན་ཆེན་བསླབ་གསུམ་རྒྱལ་མཚན་དང་། རྡོ་རྗེ་འཆང་དབང་ཕྱུག་རབ་བརྟན་སོགས་མཐའ་ཀླས་སོ། །འཇམ་དབྱངས་མཁྱེན་བརྩེའི་དབང་ཕྱུག་ལ་སློབ་མ་མང་དུ་བྱོན་པའི་ནང་ནས་བོ་དོང་མཁན་ཆེན་རམ་སྡིང་བ་མ་བསླབ་གསུམ་རྒྱལ་མཚན། སྐུའི་དབོན་གནས་གསར་བ་རྡོ་རྗེ་འཆང་དབང་ཕྱུག་རབ་བརྟན། མཐུ་སྟོབས་ཀྱི་དབང་ཕྱུག་འབྲས་བུའི་སྔགས་འཆང་དགོན་གསར་བ་བསོད་ནམས་ཆོས་འཕེལ་གསུམ་ལས་རིམ་པར་བརྒྱུད་དེ། ཚར་ཆེན་རིན་པོ་ཆེའི་རྣམ་འཕྲུལ་ཁྱབ་བདག་བཀའ་འགྱུར་བ་ཆེན་པོ། གནས་གསར་དབོན་རིན་པོ་ཆེ་མགོན་པོ་བསོད་ནམས་མཆོག་ལྡན། རྒྱུད་སྡེ་རྒྱ་མཚོའི་མངའ་བདག་ཞྭ་ལུ་མཁན་རིན་པོ་ཆེ་བསོད་ནམས་མཆོག་གྲུབ། དཔལ་ནཱ་ལེནྡྲའི་མཁན་ཆེན་བཅོ་བརྒྱད་པ་ལྕེ་བཙུན་མཁྱེན་རབ་བྱམས་པ་ངག་དབང་ལྷུན་གྲུབ། སྙིགས་དུས་བསྟན་པའི་ཉི་མ་མདོ་སྔགས་རབ་འབྱམས་སྨྲ་བའི་དབང་ཕྱུག་རྨོར་ཆེན་ངག་དབང་ཀུན་དགའ་ལྷུན་གྲུབ། ཁྱབ་བདག་བཀའ་འགྱུར་བའི་རྣམ་འཕྲུལ་གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས། དཔལ་ས་སྐྱ་པ་འཇམ་མགོན་ཀུན་དགའ་བློ་གྲོས། གནས་གསར་བའི་རྣམ་འཕྲུལ་ཡར་ཀླུང་མཆོག་སྤྲུལ་རིན་པོ་ཆེ་ནམ་མཁའ་ལེགས་པ་ལྷུན་གྲུབ་ཞལ་སློབ་དང་བཅས་པ་དང་། རྗེ་དེ་ཉིད་ཀྱི་མཆོག་སྤྲུལ་བསྟན་པའི་སྣང་བྱེད་ཆེན་པོ་འདི་ཉིད་ཀྱི་བར་དུ་བྱོན་ནས་སློབ་བཤད་ཐུན་མོང་མ་ཡིན་པའི་བསྟན་པ་ཉིན་མོ་ལྟར་མཛད། གཞན་ཡང་མཐུ་སྟོབས་ཀྱི་དབང་ཕྱུག་གཞོན་ནུ་བློ་གྲོས་ལས། ས་སྐྱ་པ་འཇམ་དབྱངས་བསོད་ནམས་དབང་པོས་བཀའ་ཆོས་ཅུང་ཟད་གསན་པས་གདན་ས་ཆེན་པོར་ཡབ་ཆོས་དར་བའི་རྟེན་འབྲེལ་འགྲིགས། མང་ཐོས་ཀླུ་སྒྲུབ་དང་། སྔགས་འཆང་བསོད་ནམས་ཆོས་འཕེལ་གཉིས་ཀའི་སློབ་མ་མཁན་ཆེན་ངག་དབང་ཆོས་གྲགས་ནས། དཔལ་ས་སྐྱ་པ་འཇམ་མགོན་ཨ་མེས་ཞབས་སོགས་ས་སྐྱ་དང་། རྒྱལ་རྩེ་བ་ངག་དབང་བསོད་ནམས་རྒྱལ་མཚན་སོགས་ཀྱིས་ངོར་ཨེ་ཝཾ་པའི་ཕྱོགས་སུའང་དར། བོད་མཁར་བས་ཞྭ་སེར་བསྟན་པའི་ཉི་མ་རྒྱལ་དབང་བསོད་ནམས་རྒྱ་མཚོ་རྗེས་སུ་བཟུང་བས་རི་བོ་དགེ་ལྡན་པའི་ཕྱོགས་སུ་ཕྲིན་ལས་ཀྱི་སྒོ་བྱེ། བཀའ་འགྱུར་བ་དང་ཞྭ་ལུ་མཁན་ཆེན་ལས་རྒྱལ་དབང་ལྔ་པ་རིན་པོ་ཆེས་སྙན་བརྒྱུད་མཐའ་དག་གསན་པས་སློབ་བཤད་བསྟན་པའི་སྨན་ཡོན་ཆེན་པོར་གྱུར། བཀའ་འགྱུར་བ་དང་། རྨོར་ཆེན་ལ་སོགས་ལས་རྡོ་རྗེ་བྲག་རིག་འཛིན་པདྨ་ཕྲིན་ལས་དང་། རིག་འཛིན་གཏེར་བདག་གླིང་པ་སོགས་ཀྱིས་ཀྱང་ཟབ་ཆོས་ཀྱི་བདུད་རྩི་བཞེས་པས་གསང་ཆེན་རྙིང་མའི་བསྟན་འཛིན་ཆེན་པོ་རྣམས་ཀྱང་ཕྱོགས་འདི་ལ་ཐུགས་མོས་ཀྱི་པདྨོ་ལྷག་པར་བྱེ། ལྷག་པར་ཁྱབ་བདག་གནས་གསར་པ་ལས། འཇམ་མགོན་ཀུན་དགའ་བློ་གྲོས་ཀྱིས་སྙན་བརྒྱུད་མཐའ་དག་གསན་པས་གདན་ས་ཆེན་པོ་གཙོ་བོར་གྱུར་པའི་གཙང་དབུས་ཁམས་གསུམ་གྱི་སློབ་བཤད་བསྟན་པའི་ཆུ་མགོ་ལྟ་བུར་གྱུར། རྡོ་རྗེ་འཆང་མཁྱེན་རབ་བྱམས་པ་དང་། དེའི་སྐུ་དབོན་མཁྱེན་བརྩེ་རབ་བརྟན། རྩེ་གདོང་ཁྲི་ཆེན་མཁྱེན་རབ་བསྟན་འཛིན་ལྷུན་གྲུབ། གནས་གསར་པའི་ཞལ་སློབ་རྫོང་ཤར་བོད་འབྲུག་པ་ཆོས་རྗེ་བློ་གསལ་ཕུན་ཚོགས། དེའི་ཞལ་སློབ་བཅོ་བརྒྱད་ཁྲི་ཆེན་ངག་དབང་ཀུན་དགའ་མཁྱེན་རབ། འཇམ་མགོན་ཀུན་བློའི་ཞལ་སློབ་རྩེ་གདོང་ཁྲི་ཆེན་དགེ་འདུན་བཀྲ་ཤིས་དཔལ་འབྱོར་དང་། གཟིམས་འོག་པ་ངག་དབང་བསྟན་འཛིན་ཕྲིན་ལས་གོང་འོག་སོགས་ཀྱིས་དཔལ་རྩེ་གདོང་སྲིད་གསུམ་རྣམ་རྒྱལ་དང་། ནཱ་ལེནྡྲར་སློབ་བཤད་ཀྱི་བདུད་རྩི་སྤེལ། ཁྱབ་བདག་བཀའ་འགྱུར་བ་དང་། ཞྭ་ལུ་མཁན་ཆེན། རྨོར་ཆེན་རྡོ་རྗེ་འཆང་སོགས་ཀྱིས་དཔལ་ཞྭ་ལུ། རྡོ་རྗེ་གདན། ཐུབ་བསྟན་རབ་སྨད་སོགས་ཀྱང་སློབ་བཤད་ཀྱི་བརྒྱུད་འཛིན་དུ་གྱུར། ཐར་རྩེ་མཁན་ཆེན་ཐམས་ཅད་མཁྱེན་པ་བྱམས་པ་ནམ་མཁའ་འཆི་མེད་ཀྱིས་དཔལ་ཨེ་ཝཾ་ཆོས་ལྡན་དང་སྡེ་དགེ་ལྷུན་གྲུབ་སྟེང་སོགས་སུ་སློབ་བཤད་ཟབ་མོའི་ཤིང་རྟའི་སྲོལ་གསར་དུ་ཕྱེ་བས་སྐུའི་དབོན་རྣམ་གཉིས་ཀྱིས་གཙོས་སྙན་བརྒྱུད་ཚད་མ་བཞི་ལྡན་གྱི་བསྟན་འཛིན་མཐའ་ཀླས་པ་བསྐྲུན་པ་སོགས་མདོར་ན་ཚར་ཆེན་ཆོས་ཀྱི་རྒྱལ་པོའི་ཕྲིན་ལས་ཀྱིས་རང་དང་གཞན་གྱིས་གྲུབ་མཐའ་ཕལ་མོ་ཆེར་ཁྱབ་པར་གྱུར་པས་སྙིགས་མའི་དུས་འདིར་རྒྱལ་བའི་བསྟན་པ་སྤྱི་དང་བྱེ་བྲག་རྡོ་རྗེ་ཐེག་པའི་ལམ་སྲོལ་ལ་སྟོན་པ་གཉིས་པའི་བྱ་བ་མཛད་པ་ཡིན་ནོ།། །། ༈ བོད་ཆེན་པོའི་ལྗོངས་ཀྱི་ཐིག་ལེ་ཕལ་མོ་ཆེར་བསོད་ནམས་སྟོབས་ཀྱི་འཁོར་ལོས་སྒྱུར་བ། སྡེ་དགེ་ཆོས་ཀྱི་རྒྱལ་པོ་རིམ་བྱོན་གྱི་གདན་ས་དཔལ་ལྷུན་གྲུབ་སྟེང་ཞེས་གྲགས་པའི་མེ་ཏོག་དྲེགས་ལྡན་བྱེ་བའི་གཙུག་ན་ངལ་འཚོ་བ་འདི་ཉིད་ནི། སློབ་དཔོན་པདྨ་སཾ་བྷཱ་ཝ་མངལ་སྐྱེས་ཀྱི་ཚུལ་དུ་བྱོན་པ་གྲུབ་ཆེན་ཐང་སྟོང་རྒྱལ་པོ་དང་། སྡེ་དགེ་བོ་ཐར་བཀྲ་ཤིས་སེང་གེ་མཆོད་ཡོན་གྱིས་བཏབ། གྲུབ་ཆེན་འདི་ངོར་ཆེན་རྡོ་རྗེ་འཆང་གི་སློབ་མ་ཡིན་པས་དེང་དུས་ཆོས་རྗེ་ངོར་པའི་ཕྲིན་ལས་ཀྱི་རྒྱུན་སྐྱོང་བའི་རྟེན་འབྲེལ་དུ་གྱུར། དེ་ཡང་བར་སྐབས་སུ་སྡེ་དགེ་སྐུ་ཕྲེང་རིམ་བྱོན་བཞུགས་ཤིང་། ཕྱིས་སུ་ཤར་ཆེན་ཀུན་དགའ་བཀྲ་ཤིས་ཐོག་མར་ཕེབས། དེ་རྗེས་བླ་ཆེན་བྱམས་པ་ཕུན་ཚོགས་ཀྱིས་སྒྲུབ་ཁང་པ་དཔལ་མཆོག་རྒྱལ་མཚན་ཆེད་ཀྱིས་སྤྱན་དྲངས་ཏེ་ལྟར་སྣང་ཆོས་ལྟར་བཅོས་པ་ཐམས་ཅད་སུན་ཕྱུང་། ལུང་རིགས་ཀྱི་བཤད་པ། ཆོ་གའི་ཕྱག་ལེན། སྙིང་པོའི་ཉམས་བཞེས་ཐམས་ཅད་ངོར་ཆེན་རྡོ་རྗེ་འཆང་ཆེན་པོའི་བཀའ་སྲོལ་ཇི་ལྟ་བ་བཞིན་ཕྱེས། ངོར་ལུགས་དཀྱིལ་འཁོར་རྣམ་པ་ལྔས་མཚོན་པའི་སྒྲུབ་མཆོད་ཀྱི་རྒྱུན་བཙུགས། དེ་ནས་རིམ་པར་མཁན་ཆེན་སངས་རྒྱས་ཕུན་ཚོགས། འཇམ་མགོན་བཀྲ་ཤིས་ལྷུན་གྲུབ། རྡོ་རྗེ་འཆང་དཔལ་ལྡན་ཆོས་སྐྱོང་། ཤར་ཆེན་མི་འགྱུར་རྒྱལ་མཚན། ངག་དབང་ཆོས་སྐྱོང་བཟང་པོ། བྲང་ཏི་ནམ་མཁའ་འཆི་མེད། རྗེ་དེ་ཉིད་ཀྱི་སྐུའི་དབོན་དང་། ཐུགས་ཀྱི་སྲས་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་དང་། རྣལ་འབྱོར་འཇམ་དཔལ་བཟང་པོ་མཆེད་གཉིས་ཀྱི་བར་དུ་བྱོན་པ་དང་། གཞན་ཡང་འཇམ་མགོན་བཀྲ་ཤིས་དཔལ་ལྡན། མཁས་གྲུབ་སངས་རྒྱས་དཔལ་བཟང་། འཇམ་དབྱངས་སངས་རྒྱས་ཡེ་ཤེས། མཁས་བཙུན་ཀུན་དགའ་ཆོས་འཕེལ། བླ་མ་བཀྲ་ཤིས་དབང་ཕྱུག །སློབ་དཔོན་འཇམ་དཔལ་གྲགས་པ་དང་། མཁན་ཆེན་ཞི་བ་འཚོའི་རྣམ་འཕྲུལ་ཞུ་ཆེན་མ་ཧཱ་པཎྜི་ཏ་ཚུལ་ཁྲིམས་རིན་ཆེན་སོགས་དམ་པ་དུ་མས་ངོར་ཨེ་ཝཾ་པའི་རིང་ལུགས་སྲིད་མཐར་སྤེལ། འཇམ་དབྱངས་བསོད་ནམས་དབང་ཕྱུག་ཡབ་སྲས་ཀྱི་ཕྲིན་ལས་ལ་བརྟེན་ནས། ཁྲི་ཆེན་བླ་མ་སངས་རྒྱས་བསྟན་པས་དཔལ་ས་སྐྱ་པའི་ཡབ་ཆོས་བཅོམ་ལྡན་འདས་རྡོ་རྗེ་གཞོན་ནུའི་སྒྲུབ་མཆོད་བཙུགས་པ་ནས་བཟུང་རྗེ་བཙུན་ས་སྐྱ་པའི་རིང་ལུགས་གོང་དུ་འཕེལ་ཞིང་། ས་སྐྱ་སྨན་ལ་བླ་མ་དང་། ཕུར་པ་བླ་མ་རིམ་བྱོན་གྱིས་དེའི་རྒྱུན་སྐྱོང་། བྱང་ཆུབ་སེམས་དཔའ་བསྟན་པ་ཚེ་རིང་གིས་གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས་སྤྱན་དྲངས་ཏེ། བཅོམ་ལྡན་འདས་དུས་ཀྱི་འཁོར་ལོའི་སྒྲུབ་མཆོད་བུ་ལུགས་དང་། ལྷག་པར་ཕོ་བྲང་གི་ཤར་དུ་ཚར་ལུགས་ཐུན་མོང་མ་ཡིན་པའི་ཕྱག་བཞེས་ལྟར་རྡོ་རྗེ་ནག་པོ་ཆེན་པོ་གཙོ་འཁོར་གྱི་སྣང་བརྙན་གསར་དུ་བཞེངས། རྒྱུན་དང་དུས་གཏོར་བཙུགས། ཐུབ་བསྟན་མཁན་ཆེན་བཟང་པོ་རྒྱལ་མཚན་དང་། རྨོར་ཆེན་སློབ་མ་མཁས་གྲུབ་སངས་རྒྱས་རྒྱ་མཚོ་སོགས་ཀྱིས་ཆོས་རྗེ་ཚར་པའི་ཕྲིན་ལས་ཀྱི་སྒོ་ཕྱེས། ཕྱིས་སུ་གནས་གསར་པ་མཆོག་སྤྲུལ་རིན་པོ་ཆེ་གོང་འོག་དང་། སྡེ་དགེ་བླ་ཆེན་བྱམས་པ་ཀུན་དགའ་སངས་རྒྱས་བསྟན་པའི་རྒྱལ་མཚན་མཆོད་ཡོན་སོགས་ཀྱིས་སྙན་བརྒྱུད་ཟབ་མོའི་བསྟན་པ་ཆེས་ཆེར་དར་བར་མཛད། དེ་ལྟར་གཙོ་བོར་དཔལ་ལྡན་ས་ངོར་ཚར་གསུམ་དང་། གཞན་ཡང་འཇམ་དཔལ་ཚེ་བདག་སོགས་གསང་ཆེན་རྙིང་མས་མཚོན་གྲུབ་མཐའ་རིས་མེད་ཀྱི་བཤད་སྒྲུབ་དར། མཁན་ཆེན་བཀྲ་ཤིས་ལྷུན་གྲུབ་དང་། དཔལ་ལྡན་ཆོས་སྐྱོང་སོགས་ཀྱིས་རིམ་པར་བསྐུལ་བ་ལས་རྒྱལ་བའི་བཀའ་བསྟན་འགྱུར། དཔལ་ས་སྐྱ་པའི་བཀའ་འབུམ་སོགས་ངོ་མཚར་སྤར་གྱི་ཕྱི་མོ་མང་པོ་བཞེངས་པས་དམ་པའི་ཆོས་ཀྱི་མཛོད་གཅིག་པུར་གྱུར་ཏོ། །དེ་ལ་གདན་ས་འདིར་བཀའ་དྲིན་ཆེ་བའི་སྡེ་དགེ་གོང་མ་རྣམས་ཀྱི་རྣམ་ཐར་ནི་དྲུང་ཡིག་བསྟན་འཛིན་གྱི་རྒྱལ་རབས་སོགས་དང་། མཁན་ཆེན་དཔལ་མཆོག་རྒྱལ་མཚན་ནས་ཆོས་སྐྱོང་བཟང་པོ་ཡན་ཆད་ཀྱི་རྟོགས་པ་བརྗོད་པ་ནི་སོ་སོའི་རྣམ་ཐར་ལས་ཤེས་པར་བྱ་ཞིང་། འདིར་སྐབས་སུ་བབས་པ་བྲང་ཏི་མཁན་ཆེན་རྡོ་རྗེ་འཆང་བྱམས་པ་ནམ་མཁའ་འཆི་མེད་དང་། བྱམས་པ་ཀུན་དགའ་བསྟན་འཛིན་མཆེད་ཞལ་བཅས་བཀའ་དྲིན་ཆེ་བའི་བླ་མ་གསུམ་གྱི་རྣམ་ཐར་ས་བོན་ཙམ་བརྗོད་ན། མཁན་ཆེན་ཐམས་ཅད་མཁྱེན་པ་བྱམས་པ་ནམ་མཁའ་འཆི་མེད་ནི། སྔོན་གྱི་དུས་ན་བོད་ཆོས་རྒྱལ་འཇམ་དཔལ་དབྱངས་དངོས་ལྷ་བཙན་པོ་ཁྲི་སྲོང་ལྡེའུ་བཙན་གྱི་བླ་སྨན་མཁས་པ་མི་དགུ་ཞེས་གྲགས་པའི་ཡ་གྱལ་བྲང་ཏི་རྒྱལ་གཉེན་མཁར་ཕུག་དང་། བྲང་ཏི་ལོ་ཙཱ་བ་ཛ་ཡ་རཀྵི་ཏ་དང་། བྲང་ཏི་དར་མ་སྙིང་པོ་སོགས་མཁས་ཤིང་དངོས་གྲུབ་བརྙེས་པའི་དམ་པའི་སྐྱེས་བུ་བར་མ་ཆད་པར་བྱོན་པའི་རྒྱུད་དུ་སྐྱེ་བའི་འཁྲི་ཤིང་བཟུང་སྟེ། གཞོན་ནུའི་དུས་ནས་བྱིས་པའི་སྤྱོད་པ་ལས་འདས་པའི་དམ་པའི་རིགས་ཀྱི་མེ་ཏོག་བྱེ། སྔོན་གནས་རྗེས་སུ་དྲན། སྡུག་བསྔལ་བདེན་པའི་མཚན་ཉིད་གཟིགས་ཤིང་ཅིར་ཡང་སེམས་སུ་རྟོགས་པ་སོགས་ཡོན་ཏན་བསམ་གྱིས་མི་ཁྱབ་པ་མངའ། དེ་ནས་ཤྲཱི་ཨེ་ཝཾ་ཆོས་ལྡན་ཐར་པ་ཆེན་པོའི་དགའ་བའི་ཚལ་གྱི་ཡང་རྩེར་ཕེབས་ནས་ཐུབ་བསྟན་རིན་པོ་ཆེའི་གདུགས་དཀར་པོའི་གྲིབ་མར་ཞུགས། ཕྱི་ནང་གི་རིག་གནས་དང་། དཀྱིལ་འཁོར་བྲི་ཐིག་ལས་རབ་འབྱམས་ཐམས་ཅད་ལ་བྱང་ཆུབ། ཀུན་ཏུ་དགོས་པའི་གཞུང་བདུན་དང་། རྒྱུད་ཆུང་བཞི་སོགས་མདོ་སྔགས་ཀྱི་གཞུང་ལུགས་དུ་མ་ཐུགས་ལ་བཟུང་ཞིང་ཐོགས་པ་མེད་པར་སྨྲ་བའི་པཎྜི་ཏར་གྱུར། ཁང་གསར་མཁན་ཆེན་ངག་དབང་ཆོས་སྐྱོང་བཟང་པོ་ལས་གསུང་ངག་རིན་པོ་ཆེའི་བདུད་རྩི་བཞེས། ལྷག་པར་གངས་ཅན་བོད་ཀྱི་རྡོ་རྗེ་གདན་དཔལ་ས་སྐྱར་ཐུབ་བསྟན་ལྷ་ཁང་དུ་མཁན་ཆེན་བྱམས་པ་སྦྱིན་པ་བཀྲ་ཤིས་ལས་པཎ་ཆེན་ཤཱཀྱ་ཤྲཱི་དང་། འཇམ་དབྱངས་ས་པཎ་སོགས་ལས་བརྒྱུད་པའི་བསྙེན་རྫོགས་ཀྱི་སྡོམ་པ་རྣམ་པར་དག་པ་དང་། འཇམ་མགོན་ཀུན་དགའ་བློ་གྲོས་ལས་སེམས་བསྐྱེད་སྲོལ་གཉིས་དང་། དཔལ་ཀྱེ་རྡོ་རྗེའི་རྒྱུ་དུས་ཀྱི་དབང་བསྐུར་ཕྱིན་ཅི་མ་ལོག་པར་གསན་པས་སྡོམ་པ་གསུམ་ལྡན་དུ་མཛད་ཅིང་སོ་སོའི་བསླབ་བྱ་ལ་མིག་གི་འབྲས་བུ་ལྟར་གཅེས་སྤྲས་ཀྱིས་བསྐྱངས། ཁྱད་པར་འཇམ་མགོན་དེ་ཉིད་ལས་དཔལ་ས་སྐྱ་པའི་ལམ་འབྲས་ཚོགས་སློབ་གཉིས་ཀྱིས་ཐོག་དྲངས་པའི་སྙན་བརྒྱུད་ཚད་མ་བཞི་ལྡན་གྱི་གདམས་པ་མཐའ་དག་ལ་ཐོས་བསམ་གྱི་སྒྲོ་འདོགས་བཅད། བསྒོམ་པས་ཉམས་སུ་བླངས་པས་བསྟན་པའི་བདག་པོར་དབང་བསྐུར་བའང་ཐོབ། གཞན་ཡང་ཕན་བདེ་ཁང་སྐུ་དབོན་རིན་ཆེན་མཆོག་གྲུབ། སྐྱོ་མདའ་བ་མང་ཐོས་ཀུན་དགའ་བསོད་ནམས་སོགས་ཡོངས་འཛིན་དམ་པ་བཅུ་ཕྲག་ལྔ་ལྷག་ལས་ཟབ་རྒྱས་གདམས་པའི་བདུད་རྩི་ངོམས་པ་མེད་པར་གསོལ། ཕྱག་ལེན་ཕྲ་མོ་ཚུན་ཆད་ལའང་གཅེས་སྤྲས་ཀྱིས་བཟུང་། དུས་དང་རྒྱུན་གྱི་ཉམས་བཞེས་ཐུན་བཞིའི་རྣལ་འབྱོར་ལས་མ་གཡེལ་བས་ས་ལམ་ཀྱི་གོ་འཕང་མཐོན་པོར་གཤེགས། གྲུབ་པའི་སློབ་དཔོན་པདྨ་སཾ་བྷཱ་ཝ་སོགས་ལྷག་པའི་ལྷ་རབ་འབྱམས་ཀྱིས་རྗེས་སུ་བཟུང་། རྡོ་རྗེའི་ཆོས་སྐྱོང་རྣམས་ཀྱིས་བཀའི་ཅོད་པན་སྤྱི་བོར་འཛིན། འཆི་འཕོ་སྐྱེ་བ་སོགས་འབྱུང་འགྱུར་མངོན་སུམ་དུ་གཟིགས་པ་དང་། སྲ་མཁྲེགས་ཀྱི་བྲག་ལ་ཕུར་པ་བཏབ་པ་སོགས་གྲུབ་པའི་མཚན་མའང་སྐལ་པ་དང་ལྡན་པ་རྣམས་ཀྱི་ངོར་སྣང་། མདོར་ན་མཁས་བཙུན་གྲུབ་པའི་ཡོན་ཏན་རྒྱ་མཚོའི་མཐར་སོན་ཀྱང་། རང་གི་ཡོན་ཏན་བུམ་ནང་གི་མར་མེ་ལྟར་སྦ་བར་མཛད་པ་ཇོ་བོ་བཀའ་གདམས་པའི་རྣམ་ཐར་ལ་ཐུགས་ཕྱོགས་པས་རང་ཉིད་མཁས་པ་དང་གྲུབ་པར་ནམ་ཡང་ཞལ་གྱིས་མི་བཞེས་པས་འདི་ཁོ་ནའི་ངོ་མཚར་ཀྱང་བསམ་གྱིས་མི་ཁྱབ། རྗེ་རྡོ་རྗེ་འཆང་གི་ཁྲི་ལ་ཞབས་པད་བཀོད་དེ། ངོར་ཨེ་ཝཾ་པའི་ཕྱོགས་སུ་གཏོགས་པ་རྣམས་བལ་དམག་གི་འཇིགས་པ་ལས་བསྐྱབས་པ་སོགས་ཆོས་དང་འཇིག་རྟེན་གྱི་སྒོ་ནས་ཕན་འདོགས་པ་མཛད། དེ་ལྟ་བུའི་སྙན་པའི་གྲགས་པས་ཐུགས་འཕྲོགས་ཏེ། ས་སྐྱོང་སྡེ་དགེ་ཆོས་རྒྱལ་ཡུམ་སྲས་ཀྱིས་སྤྱན་དྲངས་ཏེ་གུས་པས་མཆོད། དཔལ་ལྷུན་གྲུབ་སྟེང་སོགས་ཕྱོགས་དེའི་ཆོས་སྡེ་ཆེ་ཕྲ་དུ་མར་དབང་ལུང་མན་ངག་གི་འཆད་སྤེལ་དང་། ཆོ་གའི་ཕྱག་ལེན། རིམ་གཉིས་ཀྱི་རྣལ་འབྱོར་སོགས་བཤད་སྒྲུབ་ཀྱི་བསྟན་པ་འཁྲུལ་མེད་དུ་སྤེལ། སྔ་ཕྱིར་གསུང་ངག་ཚོགས་བཤད་ལན་དུ་མ་དང་། སློབ་བཤད་ལན་གཉིས་ཀྱིས་མཚོན་ཟབ་རྒྱས་ཆོས་ཀྱི་འཁོར་ལོ་རྟག་ཏུ་བསྐོར་བའི་གྲུབ་འབྲས་སྐུའི་དབོན་མཆེད་སོགས་བསྟན་འཛིན་གྱི་སྐྱེས་བུ་མང་དུ་བསྐྲུན། བཤད་སྒྲུབ་ལས་གསུམ་གྱི་ཕྲིན་ལས་བསམ་གྱིས་མི་ཁྱབ་པའི་ངང་རེ་ཞིག་ཞིང་འདིའི་གདུལ་བྱ་དེ་ཙམ་དུ་གཟིགས་ནས་དབོན་རིན་པོ་ཆེ་བྱམས་པ་རྣལ་འབྱོར་འཇམ་དཔལ་བཟང་པོ་ལ་ཕྱི་མཐའི་ཞལ་ཆེམས་ལྷུག་པར་སྩལ་ཞིང་དགུང་ལོ་ལྔ་བཅུ་རྩ་དྲུག་པར་ངོ་མཚར་བའི་ལྟས་དུ་མ་དང་བཅས་ཏེ་དཔལ་ལྷུན་གྲུབ་སྟེང་གི་བླ་བྲང་ཕན་བདེ་ཀུན་ཁྱབ་གླིང་དུ་གཟུགས་སྐུའི་བཀོད་པ་བསྡུ་བའི་ཚུལ་བསྟན། གཤེགས་རྗེས་ཀྱི་བྱ་བ་རྣམས་སྐུའི་དབོན་མཆོག་དང་། སྡེ་དགེ་ཆོས་རྒྱལ་ཆེན་པོ་མཆོད་ཡོན་གྱིས་མཐར་ཕྱིན་པར་མཛད་དོ།། །། ༈ རྗེ་འདི་ཉིད་ཀྱི་སྐུའི་དབོན་དང་ཐུགས་ཀྱི་སྲས་སུ་གྱུར་པ་བདག་ཅག་ལྷ་དང་བཅས་པའི་སྐྱབས་གཅིག་མཁན་ཆེན་རྡོ་རྗེ་འཆང་ཆེན་པོ་མཆེད་ཞལ་གཉིས་ཏེ། དེ་ལ་རིགས་དང་དཀྱིལ་འཁོར་རྒྱ་མཚོའི་ཁྱབ་བདག་མཁན་ཆེན་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་ནི། རབ་བྱུང་བཅུ་གསུམ་པའི་མེ་སྤྲེལ་ལོར་བྲང་ཏི་མཁས་པའི་རིགས་སུ་འཁྲུངས། སྐུ་གཞོན་ནུ་ནས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཕེབས། ངེས་འབྱུང་སྙིང་རྗེ་ངང་གིས་འཁྲུངས། མཁྱེན་རབ་ཀྱི་གཏེར་མཛོད་གྲོལ་བས་རྒྱུན་གྱི་བྱ་བ་ཆོས་སྤྱོད་ནས་བརྩམས་ཏེ། ཀུན་ཏུ་དགོས་པའི་གཞུང་བདུན་སོགས་མདོ་སྔགས་ཀྱི་གཞུང་ལུགས་ཆེན་པོའི་བར་ཐམས་ཅད་དཀའ་བ་མེད་པར་ཐུགས་སུ་ཆུད། རྡོ་རྗེ་འཆང་ནམ་མཁའ་འཆི་མེད་ལས་སྡོམ་པ་གསུམ་གྱི་བཀའ་དྲིན་ནོས་ཏེ་ཐུབ་བསྟན་ཡོངས་སུ་རྫོགས་པའི་ནོར་བུའི་ཁྲི་ལ་ཞབས་བཀོད་བཅས་པ་དང་རང་བཞིན་ཉེས་ལྟུང་ཕྲ་མོས་ཀྱང་མ་གོས་པའི་ཕྱིར་ཚུལ་ཁྲིམས་ཀྱི་དྲི་བསུང་ཞིམ་པོས་གར་བཞུགས་ཀྱི་ཕྱོགས་ཐམས་ཅད་དུ་ཁྱབ། མཁན་ཆེན་དམ་པ་གཙོ་བོར་གྱུར་པའི་ཡོངས་འཛིན་ཉི་ཤུ་རྩ་ལྔ་ལས་རྗེ་བཙུན་ས་སྐྱ་པའི་སྙན་བརྒྱུད་ཚད་མ་བཞི་ལྡན་སོགས་ཟབ་རྒྱས་ཀྱི་གདམས་པ་རྒྱ་མཚོ་ལྟ་བུ་གསན་ཅིང་། དེ་དག་གི་ཚིག་གི་སྡེབ་སྦྱོར། དོན་གྱི་དགོངས་པ། ཕྱག་ལེན་ཕྲ་མོ་ཚུན་ལའང་བསམ་བྱུང་གིས་སྒྲོ་འདོགས་བཅད་པས་འཁྲུལ་མེད་དུ་མཁྱེན། དཔལ་དགྱེས་པ་རྡོ་རྗེའི་བསྙེན་པ་ལན་གཉིས་སོགས་ལྷག་པའི་ལྷ་དུ་མའི་གཞིའི་བསྙེན་པ་དང་། རྒྱུན་གྱི་ཉམས་བཞེས་རིམ་གཉིས་ཟབ་མོའི་རྣལ་འབྱོར་རྩེ་གཅིག་ཏུ་བསྒོམས་པས། ལྷན་ཅིག་སྐྱེས་པའི་ཡེ་ཤེས་གཟིགས། བྱང་ཆུབ་སེམས་གཉིས་འབྱོངས། ཐུབ་དབང་གནས་བརྟན་བཅུ་དྲུག་དང་། སློབ་དཔོན་སངས་རྒྱས་གཉིས་པ་སོགས་ཀྱིས་དགྱེས་པའི་འཛུམ་ཞལ་བསྟན། རྡོ་རྗེའི་སྲུང་མ་དང་དཀར་ཕྱོགས་སྐྱོང་བའི་གཞི་བདག་རྣམས་ཀྱིས་ཕྲིན་ལས་སྒྲུབ། རྗེ་རྡོ་རྗེ་འཆང་གི་ཆོས་ཀྱི་ཁྲི་ལ་བགྲང་བྱ་དགུའི་བར་དུ་བཞུགས་ནས་འཆད་རྩོད་རྩོམ་གསུམ་དང་། མཁྱེན་བརྩེ་ནུས་པའི་ཕྲིན་ལས་ཀྱིས་རྒྱལ་བ་གཉིས་པའི་བསྟན་པ་ཉིན་མོ་ལྟར་མཛད། སྐབས་དེར་སྡེ་དགེ་ཆོས་རྒྱལ་ཆེན་པོས་སྤྱན་དྲངས་ཏེ་ཞབས་པད་ཤིང་རྟའི་ཁ་ལོ་བོད་ཆེན་པོའི་བསོད་ནམས་ཀྱི་མགྲོན་དུ་སྔ་ཕྱིར་ལན་གཉིས་བསྒྱུར་ཏེ་འབྲེལ་ཚད་དོན་ལྡན་གྱི་ཕྲིན་ལས་སྐྱོང་། སྨིན་གྲོལ་ཕྱག་ལེན་གྱི་རྒྱུན་ཉམས་པ་གསོས། མེད་པ་གསར་དུ་སྤེལ། འཁྲུལ་པའི་དྲི་མ་ཐམས་ཅད་བསལ་ཏེ་ཡོངས་རྫོགས་བསྟན་འགྲོ་སྤྱི་དང་། ལྷག་པར་བརྩེ་ཆེན་སྙིང་པོའི་རིང་ལུགས་ལ་བཀའ་དྲིན་ཆེན་པོས་ཁྱབ་པར་མཛད། ཆོས་རྒྱལ་ཆེན་པོ་ཉིད་བསྙེན་པར་རྫོགས། གདན་ས་གོང་འོག་སོགས་སུ་ལམ་འབྲས་ཚོགས་བཤད་ཚར་དུ་མ། སློབ་བཤད་ཚར་གསུམ། རྡོ་རྗེ་ཕྲེང་བ་ཚར་གཉིས་སོགས་ཆོས་ཀྱི་འཁོར་ལོ་བར་མེད་དུ་བསྐོར་བས་གསུང་གི་གསང་བ་འཛིན་པའི་ཐུགས་སྲས་ཀྱང་། དཔལ་ས་སྐྱ་པ་ཁྲི་ཆེན་འཇམ་མགོན་ཀུན་དགའ་བཀྲ་ཤིས། དེ་སྲས་བཀྲ་ཤིས་རིན་ཆེན། ཡར་ཀླུང་མཆོག་སྤྲུལ་རིན་པོ་ཆེ། སྡེ་དགེ་བླ་ཆེན་བྱམས་པ་ཀུན་དགའ་སངས་རྒྱས་བསྟན་པའི་རྒྱལ་མཚན། སྐུའི་དབོན་ཡོངས་རྫོགས་བསྟན་པའི་ཉི་མ་ཀུན་དགའ་འཇམ་དཔལ་གྲགས་པ་དང་། མཁྱེན་རབ་ཀྱི་དབང་ཕྱུག་མཚུངས་མེད་ཞབས་དྲུང་གཅུང་རིན་པོ་ཆེ་སོགས་ཀྱིས་མཚོན། མདོར་ན་དུས་འདིར་དཔལ་ལྡན་ས་ངོར་ཚར་གསུམ་གྱི་བསྟན་འཛིན་རྣམས་ཀྱི་གཙུག་ན་སངས་རྒྱས་གཉིས་པ་ལྟར་འཚོ་ཞིང་གཞེས་པ་སྟེ། སླར་ཡང་ཇི་སྲིད་བསྐལ་པ་རྒྱ་མཚོར་ཞབས་པད་རྡོ་རྗེའི་ཁམས་སུ་བརྟན་ཅིང་ཕྲིན་ལས་མཁའ་མཐའ་བརྡལ་བར་གསོལ་བ་འདེབས་པ་ལགས་སོ།། །། ༈ རྗེ་འདི་ཉིད་ཀྱི་སྐུ་མཆེད་རྡོ་རྗེ་འཆང་བྱམས་པ་རྣལ་འབྱོར་འཇམ་དཔལ་བཟང་པོ་ནི། རབ་བྱུང་བཅུ་གསུམ་པའི་ས་མོ་བྱ་ཡི་ལོར་དམ་པའི་རིགས་སུ་འཁྲུངས། ངོར་ཨེ་ཝཾ་ཆོས་ལྡན་དུ་བྱོན་ནས་རྡོ་རྗེ་འཆང་ནམ་མཁའ་འཆི་མེད་ཀྱི་སྤྱན་སྔར་ཐུབ་བསྟན་རིན་པོ་ཆེའི་སྒོར་ཞུགས། རིམ་གྱིས་གཞུང་ལུགས་ཆེ་ཕྲ་ཐུགས་འཛིན་སོགས་བསླབ་སྦྱོང་ལ་བརྩོན་པའི་སྐབས་རྣམས་སུ་འོད་གསལ་གྱི་སྣང་བར། རྗེ་བཙུན་རྣལ་འབྱོར་གྱི་དབང་ཕྱུག་དང་། དཔལ་ས་སྐྱ་པ་ཆེན་པོས་ཡང་ཡང་བྱིན་གྱིས་བརླབས། མཁན་ཆེན་ཐམས་ཅད་མཁྱེན་པ་བྱམས་པ་བསོད་ནམས་དཔལ་འབྱོར་ལས། དཔལ་ཨེ་ཝཾ་པའི་སྐྱེས་བུ་དམ་པ་རྣམས་རིམ་པར་བརྒྱུད་པའི་སྡོམ་རྒྱུན་རྣམ་པར་དག་པ་ལས་བསྙེན་པར་རྫོགས་ཤིང་ཚུལ་ཁྲིམས་ཀྱི་བསླབ་པས་གཞི་བཟུང་སྟེ། རྡོ་རྗེ་འཆང་ནམ་མཁའ་འཆི་མེད་ཀྱི་ཞབས་པད་མཉེས་པ་གསུམ་གྱིས་བསྙེན་ནས་མདོ་སྔགས་ཀྱི་གདམས་པ་རྒྱ་མཚོ་ལྟ་བུ་གསན་ཞིང་། བསམ་བྱུང་གིས་སྒྲོ་འདོགས་བཅད། རིམ་གཉིས་ཟབ་མོའི་ཉམས་བཞེས་ལ་རྩེ་གཅིག་ཏུ་གཞོལ་བས་ངེས་འབྱུང་དང་སྙིང་རྗེ་ཆེན་པོ་རྩོལ་མེད་དུ་འཁྲུངས། བླ་མ་དང་ལྷག་པའི་ལྷ་དབྱེར་མེད་དུ་གཟིགས་ནས་བཅོས་མིན་གྱི་མོས་གུས་མངའ་བ་སོགས་ནང་དུ་ཡང་དག་པའི་ཡོན་ཏན་བརྙེས། ཉམས་ལེན་དང་ཕྱག་ལེན་ཕྲ་རགས་ཐམས་ཅད་མཁན་ཆེན་བླ་མའི་ཕྱག་བཞེས་ཇི་ལྟ་བ་འཁྲུལ་མེད་དུ་སྐྱོང་། གཞན་ཡང་ཡོངས་འཛིན་དུ་མ་ལས་ཟབ་རྒྱས་ཀྱི་གདམས་པ་མཐའ་ཀླས་པ་གསན། དུས་རྒྱུན་དུའང་ཅིས་ཀྱང་དགོས་མེད་ཐུགས་ལ་མངའ་ཞིང་ཆོས་བརྒྱད་ཀྱི་སྣང་བ་ཐམས་ཅད་རྨི་ལམ་ལྟ་བུར་གཟིགས། ཆོས་དང་འཇིག་རྟེན་གང་གི་ཐད་ནས་ཀྱང་ཆགས་སྡང་ཕྱོགས་ལྷུང་གི་རྟོག་པ་གཏན་ནས་མི་མངའ་བ་འདི་ཁོ་ནའང་ངོ་མཚར་བསམ་གྱིས་མི་ཁྱབ། རྡོ་རྗེ་འཆང་ནམ་མཁའ་འཆི་མེད་ཀྱིས་ཡེ་ཤེས་གཟིགས་པ་དམ་པས། ལུང་བསྟན་པ་བཞིན་ཀུན་མཁྱེན་གཉིས་པ་བཟང་པོའི་ཆོས་ཀྱི་ཁྲིར་ལོ་བདུན་དུ་བཞུགས་ནས་ཆོས་དང་ཟང་ཟིང་གི་དགའ་སྟོན་སྤེལ། འདུས་སྡེའི་བསྒྲིགས་ལམ་ཀུན་སྤྱོད་སོགས་ཀྱང་དམ་པ་གོང་མའི་དུས་ལྟར་གོང་འཕེལ་དུ་གནང་བས་ངོར་ཨེ་ཝཾ་པར་ཕྱི་མཐའི་བར་དུ་བཀའ་དྲིན་ཆེན་པོས་ཁྱབ་པར་མཛད། དེ་ནས་ལམ་ཟབ་མོའི་སྒྲུབ་པ་ལ་གཞོལ་པའི་ཐུགས་འདུན་ཐུན་མོང་མ་ཡིན་པ་མངའ་ནའང་། བསྟན་པའི་སྦྱིན་བདག་སྡེ་དགེ་ཆོས་རྒྱལ་ཆེན་པོ་དམ་ཚིག་རྡོ་རྗེ་མཆེད་ཞལ་གྱིས་སྤྱན་དྲངས་ཏེ་ལྷུན་གྲུབ་སྟེང་གི་ཆོས་གྲྭར་ཕེབས། མཆོག་དམན་ཐམས་ཅད་ཀྱི་གུས་པས་མཆོད་ཅིང་སོ་སོར་བསྡུ་བའི་དངོས་པོ་རྣམ་བཞིའི་སྒོ་ནས་འབྲེལ་ཚད་ཕན་བདེར་སྦྱོར་བའི་ཕྲིན་ལས་བསམ་གྱིས་མི་ཁྱབ་པའི་ངང་འཚོ་ཞིང་གཞེས་པ་སྟེ། སླར་ཡང་རྒྱལ་བ་གཉིས་པ་མ་ཕམ་པའི་ཆོས་ཀྱི་བདུད་རྩིས་འཛམ་གླིང་སྣང་བར་མཛད་པའི་བར་དུ་སྐུ་གསུང་ཐུགས་རྡོ་རྗེའི་རང་བཞིན་དུ་བརྟན་ཅིང་། ཕྲིན་ལས་ཀྱི་འཇུག་པ་ཟླ་བས་རེག་པའི་ཆུ་གཏེར་བཞིན་དུ་རྒྱས་པར་གསོལ་བ་འདེབས་ན་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །དེ་ལྟར་ཆོས་གྲྭ་ཆེན་པོ་ལྷུན་གྲུབ་སྟེང་གིས་གཙོས་མདོ་ཁམས་སྡེ་དགེའི་མངའ་ཁུལ་དུ་གཙོ་བོར་ངོར་ཨེ་ཝཾ་བའི་རིང་ལུགས་འཛིན་པ་འདུས་སྡེ་ཆེ་ཕྲ་མང་དུ་མཆིས་ཀྱང་ཕལ་ཆེར་ཁྲི་ཆེན་སངས་རྒྱས་བསྟན་པ་དང་། བསྟན་པ་ཚེ་རིང་སོགས་ཀྱི་དུས་ཉམས་གསོ་གནང་བ་ཙམ་ལས། དང་པོར་སུས་བཏབ་ཞིབ་པར་མ་ངེས།། །། ༈ གཞན་ཡང་སྒ་སྟོད་དུ་སྐྱེ་སྒུ་དོན་གྲུབ་གླིང་སོགས་ཆོས་སྡེ་ཆེ་ཕྲ་དུ་མ་དང་། ཨ་མདོ་ལྔ་པའི་ནང་གདུ་བུ་ཆོས་རྗེའམ་ཨ་ལི་ཆོས་རྗེར་གྲགས་པའི་གདན་ས། སྔགས་དང་མཚན་ཉིད་ཟུང་འབྲེལ་གྱི་གྲྭ་གཙང་ཆེ་བས་མཚོན། སྟོད་མངའ་རིས་ནས་བཟུང་སྟེ། སྨད་རྩཱི་ནའི་ཡུལ་གྲུ་ལ་ཐུག་གི་བར་དུ་ཆོས་སྡེ་ཆེ་ཕྲ་མང་དུ་མཆིས་པ་སོ་སོར་སྨོས་ཀྱིས་མི་ལང་བ་ཉིད་དོ། ། དེར་མ་ཟད་གངས་རིའི་ཕྲེང་བས་བསྐོར་བའི་ལྗོངས་འདིར་གྲུབ་པའི་མཐའ་མི་འདྲ་བ་དུ་མ་ཞིག་མཆིས་ཀྱང་། དེ་དག་ཕལ་ཆེར་དངོས་དང་བརྒྱུད་པའི་སྒོ་ནས་རྗེ་བཙུན་ས་སྐྱ་པའི་རིང་ལུགས་ལས་བྱུང་བ་དང་གུས་པ་ཅན་ཤ་སྟག་ཡིན་ཏེ། གསང་སྔགས་རྙིང་མར་གྲགས་པའི་སོ་ཟུར་གནུབས་གསུམ་གྱི་གདུང་རིགས་དང་། སྤྲུལ་པའི་གཏེར་སྟོན་གུ་རུ་ཆོས་ཀྱི་དབང་ཕྱུག་སོགས་བཀའ་གཏེར་གྱི་སྐྱེས་ཆེན་དུ་མ་དང་། བཀའ་གདམས་བྱ་ཡུལ་བ། དོ་ཀོང་བ། ནམ་མཁའ་འབུམ། མཆིམས་ནམ་མཁའ་གྲགས། བཅོམ་ལྡན་རིག་པའི་རལ་གྲི་སོགས་ཆེན་པོར་རློམ་པ་དུ་མས་ཀྱང་ཆོས་རྗེ་ཁུ་དབོན་གྱི་གསུང་གི་བདུད་རྩི་བླངས། བསིལ་ལྗོངས་ཐུབ་པའི་རྒྱལ་ཚབ་རྔོག་ལོ་ཆེན་པོའི་བརྒྱུད་འཛིན་རིག་པའི་དབང་ཕྱུག་ཕྱྭ་པ་ཆེན་པོ་དང་། ཉང་བྲན་པ་ཆོས་ཀྱི་སེངྒེ་སོགས་ཀྱིས་ས་ཆེན་གྱི་དངོས་སློབ་སྐྱུར་ཨ་སེང་ལས་ཟབ་དོན་གྱི་སྨིན་གྲོལ་གསན། བཀའ་བརྒྱུད་སྟོང་གི་ཆུ་མགོ་ལྟ་བུ་དཔལ་ཕག་མོ་གྲུ་པ་ནི་ས་ཆེན་གྱི་ཞབས་པད་ལོ་བཅུ་གཉིས་སུ་བསྟེན། ལམ་འབྲས་ཀྱི་གཞུང་བཤད་མཛད། ཕྱིས་རྗེ་བཙུན་གྲགས་པ་ལའང་གསུང་གི་བདུད་རྩི་གསོལ་ཏེ་ཉམས་རྟོགས་ཀྱི་པདྨོ་རྒྱས་པ་ཉིད། དྭགས་པོ་རིན་པོ་ཆེས་བོགས་འདོན་པར་མཛད་པས་བརྒྱུད་འཛིན་གྱི་སློབ་མ་གྲགས་པ་ཅན་ཡིན་ཞིང་། འདི་ལས་འབྲི་སྟག་ཁྲོ་གླིང་འབྲུག་པ་སོགས་བཀའ་བརྒྱུད་ཕལ་མོ་ཆེ་བྱུང་། ཀམ་ཚང་བཀའ་བརྒྱུད་ཀྱི་ཐོག་མ་ཀརྨ་པ་དུས་གསུམ་མཁྱེན་པས་ས་ཆེན་གྱི་དངོས་སློབ་དཔལ་རྒ་ལོ། ཁམ་པ་ཨ་སེང་། གཤེན་རྡོར་སེང་རྣམས་ལས་ལམ་འབྲས་སོགས་གསན། ཤངས་པ་བཀའ་བརྒྱུད་ཀྱི་གྲུབ་ཆེན་རྨོག་ཅོག་པས་ཁམས་པ་ཨ་སེང་དང་། གཉེན་སྟོན་སྦས་པའི་རྣལ་འབྱོར་གྱིས་རྗེ་བཙུན་གྲགས་པའི་ཞབས་པད་ཡུན་རིང་དུ་བསྟེན་ནས་ལམ་འབྲས་སོགས་ཟབ་དོན་བླངས། ཀུན་མཁྱེན་བུ་སྟོན་རིན་པོ་ཆེས་ས་སྐྱ་པ་ནས་བརྒྱུད་པའི་སྔགས་དང་མཚན་ཉིད་ཕལ་ཆེར་གསན་ནས་འཆད་རྩོད་རྩོམ་གསུམ་རྩལ་དུ་བཏོན། རྗེ་བཙུན་གྲགས་པས་ཡེ་ཤེས་ཀྱི་སྐུས་རྗེས་སུ་བཟུང་། ཇོ་ནང་པ་ཀུན་མཁྱེན་ཆོས་སྐུ་འོད་ཟེར་ནི་ས་པཎ་གསུང་ལས་སྐྱེས་པའི་སློབ་མ་ཡིན་ཞིང་། དོལ་བུ་པ་ཤེས་རབ་རྒྱལ་མཚན་ཡང་ས་སྐྱར་མཚན་ཉིད་ཀྱི་ཕྱོགས་ལ་སྦྱངས་ཤིང་། སྐུ་ཚེའི་སྨད་ས་སྐྱ་པཎྜི་ཏས་བྱིན་གྱིས་རླབས་པས་ཐལ་འགྱུར་པའི་ལྟ་བ་ཐུགས་ལ་འཁྲུངས་ཞེས་ཀྱང་གཏམ་དུ་གྲགས། ཤངས་སྟོན་ལོ་ཙཱ་བ་རྡོ་རྗེ་རྒྱལ་མཚན་ནས་བཟུང་སྟེ་བོ་དོང་ཕྱོགས་ལས་རྣམ་རྒྱལ་གྱི་བར་དུ་བྱོན་པ་རྣམས་ས་སྐྱ་པའི་དགེ་བའི་བཤེས་གཉེན་དུ་གཏོགས་ཤིང་། ཕྱོགས་ལས་རྣམ་རྒྱལ་གྱིས་གྲུབ་མཐའ་ས་སྐྱ་པར་ཞལ་གྱིས་འཆེས་ཚུལ་རྣམ་ཐར་ན་གསལ། རྒྱལ་སྲས་ཐོགས་མེད་པས་ཀྱང་ཆོས་རྗེ་བླ་མ་དམ་པ་སོགས་ལས་ས་ལུགས་ཀྱི་གདམས་པ་བསམ་གྱིས་མི་ཁྱབ་པ་གསན། དེང་དུས་ཉི་ཟླ་ལྟར་རི་བོ་དགེ་ལྡན་པའང་། ས་སྐྱའི་ལས་ཆེན་རེད་མདའ་པ་གཞོན་ནུ་བློ་གྲོས་ཀྱི་སློབ་མ་རབ་འབྱམས་སྨྲ་བ་བདུན་གྱི་ནང་ཚན། སྲས་ཀྱི་མཆོག་གྱུར་བློ་བཟང་གྲགས་པ་དང་། རྩོད་པའི་མཆོག་གྱུར་དར་མ་རིན་ཆེན་དང་། ཞེས་གསུངས་པའི་ཡབ་སྲས་འདི་གཉིས་བྱུང་བ་ཡིན་ཞིང་། གཞན་ཡང་རྗེ་རིན་པོ་ཆེས་བླ་མ་དམ་པ་དང་། ས་བཟང་མ་ཏི་པཎ་ཆེན་སོགས་ལས་ཟབ་ཆོས་མང་དུ་གསན། མཚན་ཉིད་ས་ལུགས་དང་། སྔགས་བུ་ལུགས་གཙོ་བོར་སྟོན་པའི་ཚུལ་འཇམ་མགོན་བླ་མ་རང་ཉིད་ཀྱི་རྣམ་ཐར་ལས་ཀྱང་འབྱུང་བས་མཚོན། ཇི་སྐད་དུ། འཛམ་གླིང་ཐུབ་པའི་རྒྱལ་ཚབ་ས་སྐྱ་པའི། །ཆོས་ཀྱི་བརྒྱུད་པ་འཛིན་པའི་སློབ་མ་རུ། །མ་གྱུར་གངས་རིའི་ཁྲོད་འདིར་བསྟན་འཛིན་དུ། །ཞལ་གྱིས་འཆེས་པའི་མཁས་པ་འགའ་ཡོད་མིན། །ཞེས་ཆེད་དུ་བརྗོད་པའང་དོན་གྱི་སྙིང་པོས་ལྕི་བ་ཉིད་དོ། ། དེ་ལྟ་བུའི་དཔལ་ས་སྐྱ་པའི་བསྟན་པ་ལ་བཀའ་དྲིན་མཆོག་ཏུ་ཆེ་བ་ནི། འཁོན་དཀོན་མཆོག་རྒྱལ་པོའི་དུས་སུ་གསང་སྔགས་ཕྱི་འགྱུར་གྱི་བསྟན་པའི་དབུ་བརྙེས། དཔལ་བརྩེ་བ་ཆེན་པོས་སྲོལ་བཏོད། རྗེ་བཙུན་སྐུ་མཆེད་ཀྱིས་དར་ཞིང་རྒྱས་པར་མཛད། ཆོས་རྗེ་ཁུ་དབོན་གྱི་སྐུ་རིང་ལ་གངས་ཅན་ཐམས་ཅད་ས་སྐྱ་པའི་ཆོས་སྲིད་ཀྱི་གདུགས་དཀར་པོའི་གྲིབ་མར་དབང་དུ་བསྡུས་ཏེ་ཤིན་ཏུ་དར་བར་མཛད་པ་ལས། བཤད་པའི་རྒྱུན་ཐམས་ཅད་ཤར་ནུབ་གུང་གསུམ། །སྒྲུབ་པའི་རྒྱུན་ཚོགས་ཉན་ཞང་གསུམ་སོགས་ཀྱིས་བཟུང་། ཆོས་རྗེ་བླ་མ་དམ་པ་ལ་བཤད་སྒྲུབ་ཐམས་ཅད་ཀྱི་བཀའ་བབས། དེ་རྗེས་མདོ་ལ་མཁས་པ་གཡག་ཕྲུག་སངས་རྒྱས་དཔལ་དང་། ཀུན་མཁྱེན་རོང་སྟོན་ཤེས་བྱ་ཀུན་རིག་སྟེ། གཡག་རོང་རྣམ་གཉིས་སམ། རེད་མདའ་བ་གཞོན་ནུ་བློ་གྲོས་ཏེ་གཡག་གཞོན་རྣམ་གཉིས། སྔགས་ལ་མཁས་པ་ངོར་ཆེན་རྡོ་རྗེ་འཆང་ཀུན་དགའ་བཟང་པོ་དང་། རྫོང་པ་ཀུན་དགའ་རྒྱལ་མཚན་སྟེ་ཀུན་དགའ་རྣམ་གཉིས། གཉིས་ཀ་ལ་མཁས་པ་ཀུན་མཁྱེན་གོ་བོ་རབ་འབྱམས་པ་བསོད་ནམས་སེངྒེ་དང་། གསེར་མདོག་པཎ་ཆེན་ཤཱཀྱ་མཆོག་ལྡན་ཏེ་གོ་ཤཱཀ་རྣམ་གཉིས་ཞེས་རྗེ་བཙུན་ས་སྐྱ་པའི་བསྟན་འཛིན་གངས་ཅན་མཛེས་པར་བྱེད་པའི་རྒྱན་དྲུག་བྱོན་ནས་བཤད་སྒྲུབ་ཀྱི་དགའ་སྟོན་ཕྱོགས་བརྒྱར་སྤེལ། གཞན་ཡང་ཉ་དབོན་ཀུན་དགའ་དཔལ་དང་། མཁན་ཆེན་བརྩོན་འགྲུས་དཔལ་ཏེ་མཁས་པ་ཉ་བརྩོན་རྣམ་གཉིས། སེམས་དཔའ་ཆེན་པོ་གཞོན་ནུ་རྒྱལ་མཆོག །བྱམས་ཆེན་རབ་འབྱམས་པ་སངས་རྒྱས་འཕེལ། སྨར་ཁམས་གྲགས་པ་བཟང་པོ། ཀུན་མཁྱེན་ནམ་མཁའ་བསོད་ནམས། རོང་སྟོན་དོན་ཡོད་དཔལ། འཇམ་དབྱངས་ཀུན་དགའ་ཆོས་བཟང་། མུས་རབ་འབྱམས་པ་བྱམས་པ་ཐུགས་རྗེ་དཔལ་བཟང་། འབུམ་རབ་འབྱམས་པ་བྱམས་པ་ཆོས་ཀྱི་དོན་གྲུབ། གཞུང་བརྒྱ་པ་དངོས་གྲུབ་དཔལ་འབར། མངའ་རིས་པ་ལྷ་དབང་བློ་གྲོས། སྟག་ཕྱག་པ་ཀུན་དགའ་དཔལ་འབྱོར། ཤེལ་གྲོགས་པཎ་ཆེན་བློ་གྲོས་ཆོས་ཀྱི་རྒྱལ་པོ། གཟི་བཀའ་བཅུ་ཤཱཀྱ་བློ་གྲོས། མང་ཐོས་ཀླུ་སྒྲུབ་རྒྱ་མཚོ། མཁན་ཆེན་ངག་དབང་ཆོས་གྲགས། ངག་དབང་བསྟན་པའི་རྡོ་རྗེ་སོགས་བགྲང་གིས་མི་ལང་བ་ཞིག་བྱོན་ནས། པོད་ཆེན་དྲུག་གཙོར་གྱུར་པའི་དཔལ་ས་སྐྱ་པའི་མཚན་ཉིད་ཀྱི་བཀའ་སྲོལ་ལ་འཆད་རྩོད་རྩོམ་གསུམ་གྱིས་གཏན་ལ་ཕབ་ཅིང་། བཤད་རྒྱུན་འཁྲུལ་མེད་དུ་འཛིན་པའི་ཆོས་གྲྭ་ཆེན་པོ་མང་དུ་བཏབ། ཁྱད་པར་སྔགས་ཕྱོགས་ལ། དཔལ་ས་སྐྱ་པའི་གདན་ས་གོང་འོག་ཏུ། ཐེག་ཆེན་ཆོས་རྗེ་ཀུན་དགའ་བཀྲ་ཤིས། རྒྱ་གར་པ་ཤེས་རབ་རྒྱལ་མཚན། བདག་ཆེན་བློ་གྲོས་རྒྱལ་མཚན། ས་ལོ་ཀུན་དགའ་བསོད་ནམས། སྔགས་འཆང་ཀུན་དགའ་རིན་ཆེན་ནས། ངག་གི་དབང་པོ་ཀུན་དགའ་བློ་གྲོས་ཡབ་སྲས་བརྒྱུད་འཛིན་དང་བཅས་པ་དང་། རྩེ་གདོང་ཁྲི་ཆེན་བསོད་ནམས་ལྷུན་གྲུབ་རྣམས་བཀའ་དྲིན་ཆེ་ཞིང་། སྤྱིར་ཡང་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས། མི་ཤེས་གདོལ་པའི་ཕྲུ་གུ་ཕོངས་པ་ཡི། །འཁོར་གྱིས་བཏགས་ལ་འཇིག་རྟེན་འདྲེན་པ་ཞེས། །སྨིག་རྒྱུར་འབབ་ཆུར་སྒྲོགས་པའི་གྲགས་སྟོང་སྒྲས། །འཇིག་རྟེན་ཡམ་ཡོར་བྱེད་དང་འདི་མི་མཚུངས། །ཞེས་པ་ལྟར་གདུང་བརྒྱུད་རིན་པོ་ཆེ་འདི་རྣམས་མཁྱེན་རབ་དང་། མཐུ་སྟོབས་སོགས་སྐྱེས་ཐོབ་ཀྱི་ཡོན་ཏན་ཁོ་ནའང་གཞན་སྤྲུལ་པའམ། གདུང་བརྒྱུད་ཆེས་ཆེན་པོར་རློམ་པ་རྣམས་ཀྱིས་ཀྱང་ཆ་ཙམ་བསྐྲུན་དུ་མེད་པ་ནི་དེང་སང་གི་བར་དུ་མངོན་སུམ་ཚད་མས་གྲུབ། བྱེ་བྲག་ཏུ་ངོར་ཆེན་རྡོ་རྗེ་འཆང་ཆེན་པོའི་བཀའ་སྲོལ་འཛིན་པ་ལ། མུས་ཆེན་དཀོན་མཆོག་རྒྱལ་མཚན། ཀུན་མཁྱེན་བསོད་ནམས་སེངྒེ། ཐམས་ཅད་མཁྱེན་པ་དཀོན་མཆོག་ལྷུན་གྲུབ། པཎ་ཆེན་ནམ་མཁའ་དཔལ་བཟང་། སྒྲུབ་ཁང་པ་མཁས་གྲུབ་དཔལ་ལྡན་དོན་གྲུབ། འཇམ་མགོན་སངས་རྒྱས་ཕུན་ཚོགས། ཞུ་ཆེན་མ་ཧཱ་པཎྜི་ཏ་ཚུལ་ཁྲིམས་རིན་ཆེན་རྣམས་ནི་འགྲན་ཟླ་དང་བྲལ་བའི་མཁས་གྲུབ་ཡིན་ཞིང་གཞན་ཡང་མཁན་ཆེན་བཀྲ་ཤིས་ལྷུན་གྲུབ། རྡོ་རྗེ་འཆང་དཔལ་ལྡན་ཆོས་སྐྱོང་། རིན་ཆེན་མི་འགྱུར་རྒྱལ་མཚན་སོགས་མཁྱེན་རབ་དང་ཕྲིན་ལས་རྒྱ་ཆེ་བའང་མང་དུ་བྱོན། རྫོང་པའི་བཀའ་སྲོལ་ལ། མུས་སྲད་པ་རྡོ་རྗེ་རྒྱལ་མཚན་དང་། ཀུན་མཁྱེན་རྡོ་རྗེ་གདན་པ་ཀུན་དགའ་རྣམ་རྒྱལ་སོགས་བརྒྱུད་འཛིན་དང་བཅས་པས་བཤད་སྒྲུབ་མཛད། སྙན་བརྒྱུད་རྒྱ་མཚོའི་མངའ་བདག་ཚར་བ་ཆོས་རྗེའི་རིང་ལུགས་ནི། འཇམ་དབྱངས་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན་སོགས་ནས། གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས་སྐུ་གོང་འོག་གི་བར་དུ་བྱོན་པའི་སློབ་བཤད་རྩ་བའི་བརྒྱུད་པ་དང་། གཞན་ཡང་མང་ཐོས་ཀླུ་སྒྲུབ་རྒྱ་མཚོ། བོད་མཁར་བ་མེ་ཏྲི་དོན་གྲུབ་རྒྱལ་མཚན། དགོན་གསར་པ་བསོད་ནམས་ཆོས་འཕེལ། མཁན་ཆེན་ངག་དབང་ཆོས་གྲགས། རྒྱལ་དབང་ལྔ་པ་རིན་པོ་ཆེ་ངག་དབང་བློ་བཟང་རྒྱ་མཚོ། གྲུབ་ཆེན་སངས་རྒྱས་རྒྱ་མཚོ་སོགས་ཀྱིས་སྤེལ། ཆོས་རྗེ་ཚར་པའི་བརྒྱུད་པ་ལས་བྱུང་བའི་ནཱ་རོ་མཁའ་སྤྱོད་མའི་སྐོར་སོགས་སྙན་བརྒྱུད་གསེར་ཆོས་ཀྱི་སྐོར་རྣམས་རྨོར་ཆེན་ནས། འཇམ་དབྱངས་བདེ་བའི་རྡོ་རྗེ། སྟག་ཕུ་པ་བློ་བཟང་བསྟན་རྒྱན། ལྕང་སྐྱ་རོལ་པའི་རྡོ་རྗེ། ཐུའུ་ཀྭན་བློ་བཟང་ཆོས་ཀྱི་ཉི་མ། སྟག་ཕུ་པ་ཆོས་ཀྱི་དབང་ཕྱུག་སོགས་དང་། གནས་གསར་བ་ལས་ཞི་བ་ལྷ་འཕགས་པ་དགེ་ལེགས་རྒྱལ་མཚན་གྱིས་གསན་པས་དགེ་ལུགས་པའི་ཕྱོགས་སུ་ཤིན་ཏུ་དར་ཞིང་ཡིག་ཆའང་མང་དུ་མཛད་སྣང་ངོ་། ། དེ་ལྟར་དཔལ་ས་སྐྱ་པ་བརྒྱུད་འཛིན་དང་བཅས་པའི་རྣམ་ཐར་རྒྱས་པ་ནི། དཀོན་མཆོག་ལྷུན་གྲུབ་ཀྱིས་མཛད་པའི་བསྟན་པ་སྤྱིའི་ཆོས་འབྱུང་བསྟན་པའི་རྒྱ་མཚོར་འཇུག་པའི་གྲུ་ཆེན་འཇམ་མགོན་སངས་རྒྱས་ཕུན་ཚོགས་ཀྱི་ཞལ་སྐོང་དང་བཅས་པ། མང་ཐོས་ཀླུ་སྒྲུབ་པའི་བསྟན་རྩིས། མཁན་ཆེན་ངག་དབང་ཆོས་གྲགས་ཀྱི་པོད་ཆེན་དྲུག་གི་འབེལ་གཏམ་རིན་ཆེན་མཛེས་པའི་ཕྲ་ཚོམ། ཐུབ་བསྟན་པ་ཆོས་རྣམ་རྒྱལ་གྱི་ཆོས་འབྱུང་འབེལ་གཏམ་ཉུང་ངུ་མེ་ཏོག་སར་པའི་དོ་ཤལ། དཀོན་མཆོག་ལྷུན་གྲུབ་ཀྱི་ས་སྐྱའི་གདུང་རབས་ཚིགས་བཅད་དང་། ཨ་མེས་ཞབས་ཀྱིས་མཛད་པའི་གདུང་རབས་ཆེན་མོ་ངོ་མཚར་བྱེ་བའི་བང་མཛོད། དེའི་ཁ་སྐོང་ཀུན་བློས་མཛད་པ། ས་ལོ་ཆེན་པོ་དང་། སྔགས་འཆང་ཀུན་དགའ་རིན་ཆེན་ནས། ཀུན་བློ་ཡབ་སྲས་བར་སོ་སོའི་རྣམ་ཐར་རྒྱས་པ། རྗེ་བཙུན་བིཪྺ་པ་ནས་མཁན་ཆེན་བཀྲ་ཤིས་ལྷུན་གྲུབ་ཡན་ངོར་ལུགས་གསུང་ངག་དང་གདན་རབས་ཀྱི་རྣམ་ཐར་རྒྱས་པ་པོད་གསུམ། དེ་ཕྱིན་དཔལ་ཆོས། མི་འགྱུར་རྒྱལ་མཚན། ཆོས་སྐྱོང་བཟང་པོ་སོགས་སོ་སོའི་རྣམ་ཐར། མཁན་ཆེན་སངས་རྒྱས་ཕུན་ཚོགས་ཀྱིས་མཛད་པའི་ངོར་པའི་གདན་རབས་ནོར་བུའི་ཕྲེང་བ་དང་། དེའི་ཁ་སྐོང་དཔལ་ཆོས་སོགས་ཀྱིས་མཛད་པ་དཀོན་མཆོག་གྲགས་པ་ཡན་གྱི་རྣམ་ཐར་མདོར་བསྡུས། བདག་ཆེན་རྡོ་རྗེ་འཆང་ནས་གནས་གསར་བ་ལེགས་པའི་འབྱུང་གནས་བར་གྱི་ཚར་ལུགས་བླ་མ་བརྒྱུད་པའི་རྣམ་ཐར་འདི་ལས་ཞྭ་ལུ་མཁན་ཆེན་ཡན་འབྲས་སྤུངས་སུ་པར་ཡོད། པོད་ལྔ། འཇམ་དབྱངས་མཁྱེན་བརྩེས་མཛད་པའི་སློབ་བཤད་ཁོག་ཕུབ་ཁ་སྐོང་དང་བཅས་པ། འཇམ་མགོན་ཨ་མེས་ཞབས་ཀྱིས་མཛད་པའི་ལམ་འབྲས་ཆོས་འབྱུང་ཆེན་མོ་རྩ་འགྲེལ། བདེ་མཆོག །གསང་འདུས། གཤེད་སྐོར། མགོན་པོ་རྣམས་ཀྱི་ཆོས་འབྱུང་། ཕུར་པའི་རྣམ་བཤད་ཀྱི་ཐོག་མའི་ལོ་རྒྱུས་ཚར་ཆེན་དང་ངག་དབང་ཆོས་གྲགས་སོགས་ཀྱིས་མཛད་པ་མགོན་པོའི་ཆོས་འབྱུང་། ངག་དབང་ཆོས་གྲགས་ཀྱིས་མཛད་པའི་ལམ་འབྲས། བདེ་མཆོག །གཤེད་སྐོར་སོགས་ཀྱི་ལོ་རྒྱུས། དམར་པོ་སྐོར་གསུམ་གྱི་ལོ་རྒྱུས་སོ་སོའི་གླེགས་བམ་ལས་འབྱུང་བ། ཐུའུ་བཀྭན་ཆོས་ཀྱི་ཉི་མས་མཛད་པའི་རྣལ་འབྱོར་མའི་བླ་མ་བརྒྱུད་པའི་ལོ་རྒྱུས་སོགས་ལས་ཤེས་པར་བྱ་ཞིང་། དེ་ལྟ་བུའི་བསྟན་འཛིན་གྱི་སྐྱེས་བུ་དམ་པ་ཚད་ལྡན་རྣམས་ཀྱི་དོན་གྱི་རྣམ་ཐར་ཀྱང་མདོར་བསྡུ་ན། རྗེ་བཙུན་ས་སྐྱ་པཎྜི་ཏ་ཆེན་པོས། ཐོག་མར་ཤེས་བྱ་ཀུན་ལ་མཁས་པར་བྱ། །བར་དུ་མཁས་པའི་ཚོགས་སུ་ལེགས་པར་བཤད། །ཐ་མ་འདྲིས་པའི་དོན་ལ་བརྩོན་པས་བསྒོམ། །དུས་གསུམ་རྒྱལ་བ་ཀུན་གྱི་བཞེད་གཞུང་ཡིན། །ཞེས་གསུངས་པ་ལྟར། གཞི་ཚུལ་ཁྲིམས་རྣམ་པར་དག་པས་བཟུང་ཏེ། པཎྜི་ཏ་དང་ལོ་ཙཱ་ཆེན་པོ་རྣམས་ཀྱིས་བསྒྱུར་ཞིང་གཏན་ལ་ཕབ། མཁས་གྲུབ་རྣམས་ཀྱིས་བཤད་ཅིང་ཉམས་སུ་བླངས་པས་བློ་གྲོས་དང་ལྡན་པ་ཐམས་ཅད་ལ་ཚད་མར་གྲགས་ཤིང་གྲུབ་པའི་མདོ་སྔགས་ཀྱི་གཞུང་ལུགས་རྒྱ་མཚོ་ལྟ་བུ་ལ་མང་དུ་ཐོས་པའི་མཐར་སོན་པར་བྱས། དེ་དག་གི་ཚིག་གི་སྡེབ་སྦྱོར། དོན་གྱི་དགོངས་འགྲེལ། ཆོ་གའི་ཕྱག་ལེན་ཕྲ་མོ་ཚུན་ཆད་ལའང་དངོས་དང་བཏགས་པ། དགོངས་གཞི་དང་དགོས་པ། རང་གཞན་གྱི་གྲུབ་མཐའི་ཁྱད་པར་སོགས་བསམ་བྱུང་གི་རིག་པས་སྒྲོ་འདོགས་ཞིབ་མོར་བཅད། གཞན་ལ་འཆད་པ་དང་། བསྟན་བཅོས་རྩོམ་པ་སོགས་གང་གི་ཚེའང་ལུང་དང་རིགས་པས་གྲུབ་ཅིང་། བླ་མ་བརྒྱུད་པའི་མན་ངག་ལས་ཇི་ལྟར་འབྱུང་བ་འཁྲུལ་མེད་དུ་སྐྱོང་བ་ལས་གཞན་གཞུང་གི་ཟེར་སྒྲོས་དང་། རང་བཟོའི་དྲི་མ་ཕྲ་མོ་ཙམ་གྱི་བསྲེ་སླད་ཀྱང་མི་མཛད། ཟབ་མོའི་ལམ་སྤྱི་དང་། ཁྱད་པར་ཁྱབ་བདག་རྡོ་རྗེ་འཆང་ཆེན་པོ་དང་གྲུབ་ཆེན་བིར་ཝ་པ་ནས་རྒྱ་བོད་ཀྱི་མཁས་གྲུབ་ཟམ་མ་ཆད་པར་བརྒྱུད་ཅིང་། མི་བར་དུ་ཁྱི་མ་ཞུགས། མཁའ་འགྲོའི་ཞལ་རླངས་མ་ཡལ་བའི་གསུང་ངག་རིན་པོ་ཆེ་སྙན་བརྒྱུད་ཚད་མ་བཞི་ལྡན་ཐུགས་ཉམས་སུ་བཞེས་ཏེ། དང་པོ་རྒྱུ་དུས་ཀྱི་དབང་གིས་སྨིན་པར་བྱས། བར་དུ་ལམ་དུས་ཀྱི་དབང་གི་ཆུ་བོ་མ་ནུབ་པ་ཐུན་བཞིར་བླང་བས་གསོས་ཏེ་རིམ་པ་གཉིས་ཀྱི་ལམ་བཞི་ལ་གོམས་པས། མཐར་འབྲས་བུའི་དུས་ཀྱི་དབང་གིས་ཚེ་འདིའམ་བར་དོ་སོགས་ངེས་པར་ཕྱག་རྒྱ་ཆེན་པོ་མཆོག་གི་དངོས་གྲུབ་ལ་གཤེགས་པའི་ལམ་གཞན་ལས་ཆེས་ཁྱད་པར་དུ་འཕགས་པ་དང་། གཞན་ཡང་མཆོག་སྒྲུབ་པས་ཐུན་མོང་ཞར་ལ་འབྱུང་བ་དང་། ཐུན་མོང་སྒྲུབ་པས་མཆོག་ཞར་ལ་འབྱུང་བའི་ཟབ་རྒྱས་ཀྱི་གདམས་པ་ལག་ཏུ་ལོན་ངེས་པ་དུ་མས་རང་གཞན་ཐམས་ཅད་ལ་གནས་སྐབས་དང་མཐར་ཐུག་གི་དངོས་གྲུབ་རྣམ་གཉིས་ལ་བདེ་བླག་ཏུ་སྦྱོར་བར་མཛད་པ་ཡིན་ལ། གཞན་ཡང་རང་གི་གྲུབ་མཐའ་མ་འཁྲུལ་པར་སྐྱོང་བ་ལས་གཞན་ལུགས་ཀྱི་རྗེས་སུ་མི་འབྲང་ཡང་། དེ་དག་ལུང་རིགས་ཀྱི་དཔྱད་པ་རེ་ཙམ་མ་གཏོགས་རྒྱུ་མཚན་མེད་པའི་སྡང་ཞེན་གྱིས་སྨོད་པ་སོགས་གྲུབ་མཐའི་ཆགས་སྡང་མི་མཛད། ནང་དུ་ཉམས་རྟོགས་དང་། མངོན་པར་ཤེས་པ་སོགས་རྒྱ་ཆེ་བ་མངའ་ཡང་སྦས་པའི་ངང་ཚུལ་ལྟ་བུར་མཛད་དེ། དཔལ་གསང་པ་འདུས་པ་ལས། ཕྱི་རུ་ཉན་ཐོས་སྤྱོད་པ་སྐྱོང་། །ནང་དུ་འདུས་པའི་དོན་ལ་དགའ། ཞེས་གསུངས་པ་ལྟར། ཕྱག་ལེན་དུ་བཏབ་པས། མདོ་སྔགས་རིག་གནས་དང་བཅས་པའི་གཞུང་ལུགས་རབ་འབྱམས་རྒྱ་བོད་ཀྱི་ཤིང་རྟ་ཆེན་པོ་རྣམས་ཀྱི་བཞེད་སྲོལ་ཇི་ལྟ་བ་བཞིན་དུ་སྨྲ་བའི་པཎྜི་ཏ་དང་། རྒྱུད་སྡེ་ནས་གསུང་པའི་ལམ་འཁྲུལ་མེད་བསྒོམས་པས་ཕྱག་རྒྱ་ཆེན་པོའི་ཡེ་ཤེས་དང་ས་ལམ་གྱི་ཡོན་ཏན་མཚན་ཉིད་པ་རྒྱུད་ལ་སྐྱེས་པའི་གྲུབ་ཐོབ་རྣལ་འབྱོར་གྱི་དབང་ཕྱུག་བསམ་གྱིས་མི་ཁྱབ་པ་ཞིག་བྱོན་པ་ཡིན་ནོ། ། དེ་དག་གིས་བཤད་སྒྲུབ་མཛད་པའི་ཆོས་ཀྱི་རྣམ་གྲངས་དེང་སང་རྒྱུན་བཞུགས་པའང་། བསྟན་པ་རིན་པོ་ཆེའི་སྒོར་ཞུགས་པ་དང་། ཞུགས་པའི་རྟེན་དེ་དང་ཐོས་བསམ་བྱ་བའི་ཡུལ་གཉིས། དང་པོ་ནི། སོ་སོ་ཐར་པའི་སྡོམ་རྒྱུན། པཎ་ཆེན་ཤཱཀྱ་ཤྲཱི་ནས་འཇམ་དབྱངས་ས་པཎ་ས་སྐྱ་ལྷ་ཁང་ཆེན་མོའི་སྡོམ་རྒྱུན། སོགས་ནས་བརྒྱུད་པ་དང་། མཁན་ཆེན་རྡོ་རྗེ་དཔལ་སོགས་ནས་ཐམས་ཅད་མཁྱེན་པ་ཀུན་དགའ་བཟང་པོ་ཡབ་སྲས་ལས་བརྒྱུད་པའི་སྡོམ་རྒྱུན་ངོར་པའི་སྡོམ་རྒྱུན། ཕྱག་ལེན་དང་བཅས་རྣམ་པར་དག་པ། གཉིས་པ་ལ། རྒྱུ་མཚན་ཉིད་ཀྱི་ཐེག་པ་དང་། འབྲས་བུ་གསང་སྔགས་རྡོ་རྗེ་ཐེག་པ་གཉིས་ལས། དང་པོ་ནི། ལས་དང་པོ་པ་འཇུག་པའི་སྒོ་བསྡུས་ཚད་ཀྱིས་རིག་པའི་ལམ་ཕྱེས་ནས། ཚད་མ་རྣམ་འགྲེལ་དང་། རིག་གཏེར་སོགས་ཚད་མའི་གཞུང་དང་༡། འདུལ་བ་མདོ་རྩ༢། མངོན་པ་མཛོད༣། ཕར་ཕྱིན་མངོན་རྟོགས་རྒྱན༤། དབུ་མ་འཇུག་པ༥། མདོ་སྔགས་སྤྱིའི་གཞུང་སྡོམ་༦གསུམ་སྟེ་པོད་ཆེན་དྲུག་གི་བཤད་སྲོལ་ཕུལ་དུ་བྱུང་བ་ས་སྐྱ་ཐུབ་བསྟན་ལྷ་ཁང་ཆེན་མོ། རྟ་ནག་རྣམ་རྒྱལ། སྐྱེས་ཚལ་གོང་འོག །ཐུབ་བསྟན་རབ་སྨད། རྣམ་རབ་དྭགས་པོ་གྲྭ་ཚང་། ཨ་མདོ་གདུ་བུ་དགོན་སོགས་སུ་རྒྱ་ཆེར་དར་ཞིང་། དེས་མཚོན་པའི་གཞུང་མང་པོའི་ལུང་སེམས་བསྐྱེད་ལུགས་གཉིས། བློ་སྦྱོང་ཞེན་པ་བཞི་བྲལ་དང་། དོན་བདུན་མ་སོགས་ཉམས་ལེན་གྱི་སྐོར་རྣམས་སོ། ། གཉིས་པ་ལ་སྤྱིར་རྒྱུད་སྡེ་བཞིའི་སྐོར་དང་། བྱེ་བྲག་ཏུ་སློབ་བཤད་གསེར་ཆོས་ཀྱི་སྐོར་དང་། རྗེས་འབྲེལ་བླ་མའི་གསུང་འབུམ་རྣམས་ལས། དང་པོ་ལའང་སྤྱི་བཀའ་དང་། ཟུར་བཀའ་གཉིས་ལས། དང་པོ་ནི། རྡོ་རྗེ་ཕྲེང་བའི་དབང་། སྒྲུབ་ཐབས་བརྒྱ་རྩ། རྒྱ་མཚོ། སྣར་ཐང་བརྒྱ་རྩ་སོགས་ཀྱི་རྗེས་གནང་དང་། གཉིས་པ་ལ། ཐོག་མར་བྱ་བ་སྤྱིའི་རྒྱུད་ལ་རིགས་གསུམ་སྤྱིའི་དབང་བསྐུར་བ། སོ་སོའི་རྒྱུད་ལ། དེ་བཞིན་གཤེགས་པའི་རིགས་ཀྱི་གཙོ་བོ་ཐུབ་དབང་གནས་བརྟན་བཅུ་དྲུག །འོད་ཟེར་དྲི་མེད། སྨན་བླ། ཀླུ་དབང་རྒྱལ་པོ་སོགས་དང་། རིགས་ཀྱི་བདག་པོ་འཇམ་དཔལ་མ་ཏི་ལུགས། གང་བློ་མ། ཤེས་རབ་འཁོར་ལོ། །སྨྲ་སེང་སོགས་ཀྱི་སྐོར། རིགས་ཀྱི་ཡུམ། སྲུང་བ་ལྷ་ལྔའི་དབང་། འོད་ཟེར་ཅན། གཟའ་ཡུམ། རིགས་ཀྱི་གཙུག་ཏོར་གདུགས་དཀར་ལྷ་ཉེར་བདུན་མ་དང་། ལྷ་བཅུ་བདུན་མ། གཙུག་གཏོར་དྲི་མེད་སོགས་ཀྱི་དབང་། རིགས་ཀྱི་ཁྲོ་བོ་མི་གཡོ་བ་དཀར་སྔོན་གྱི་སྐོར། པདྨའི་རིགས་ཀྱི་གཙོ་བོ་ཚེ་དཔག་མེད་ལྷ་དགུ་དང་། འཆི་མེད་རྔ་སྒྲ། མི་ཏྲིའི་ལུགས་ཀྱི་ཚེ་དཔག་དཀར་པོ། །སྒྲ་མི་སྙན་གྱི་རང་གཟུངས། རིགས་ཀྱི་བདག་པོ་སྤྱན་རས་གཟིགས་ཀླུ་སྒྲུབ་ལུགས་ལྷ་སོ་བདུན་མའི་དབང་། བཅུ་གཅིག་ཞལ་དཔལ་མོ་ལུགས། ཐུགས་རྗེ་ཆེན་པོ་སྐྱེར་སྒང་ལུགས། ས་ལུགས་ཐུགས་རྗེ་ཆེན་པོ་དང་ཕྱག་རྒྱ་ཆེན་པོ་ཟུང་འཇུག་དང་། གཙོ་འཁོར་གསུམ་པ། དོན་ཡོད་ཞགས་པ་ལྷ་ལྔ། སེངྒེ་སྒྲ་སོགས་ཀྱི་རྗེས་གནང་མན་ངག་དང་བཅས་པ། རིགས་ཀྱི་ཡུམ་སྒྲོལ་དཀར་བཀའ་བབས་དགུ་ལྡན་དང་། འོད་ཟེར་དྲུག་སྦྲགས་ཀྱི་རྗེས་གནང་ཟབ་ཁྲིད་མན་ངག་དང་བཅས་པ། སེང་ལྡེང་ནགས་སྒྲོལ་གཙོ་རྐྱང་། ཇོ་ལུགས་སྒྲོལ་མ་ཉེར་གཅིག་དང་། སྒྲོལ་མ་བར་ཆད་ཀུན་སེལ། དབང་གི་སྒྲོལ་མ་དམར་མོ་སོགས་ཀྱི་རྗེས་གནང་། མཎྜལ་བཞི་བའི་མན་ངག །ལྷ་མོ་ཤྲ་མ་ཎའི་སྐོར། རིགས་ཀྱི་ཁྲོ་བོ་རྟ་མགྲིན་ཟླ་རྒྱལ་ལུགས། གྲུབ་རྒྱལ་ལུགས། རིགས་ཀྱི་ཁྲོ་མོ་རི་ཁྲོད་མ་སེར་མོའི་རྗེས་གནང་མན་ངག་དང་བཅས་པ། རྡོ་རྗེའི་རིགས་ཀྱི་གཙོ་བོ་མི་འཁྲུགས་པ་ལྷ་དགུའི་དབང་། རིགས་ཀྱི་བདག་པོ་ཕྱག་ན་རྡོ་རྗེ་འགྲོ་བཟང་ལུགས། རྣམ་འཇོམས་བ་རི་ལུགས། རིགས་ཀྱི་ཕོ་ཉ་སྨེ་བརྩེགས་ས་ལུགས་དང་། ཇོ་ལུགས་མན་ངག་བཅས། རིགས་ཀྱི་ཕོ་ཉ་མོ། ཁྲོ་མོ་སྨེ་བརྩེགས་སོགས་སོ། །ནོར་ཅན་གྱི་རིགས། བ་རི་ལུགས་ཀྱི་ཛམ་སེར་ནག །ཇོ་ལུགས་ཛམ་དཀར་འབྲུག་ཞོན་མན་ངག་དང་བཅས་པ། རྣམ་སྲས་སེར་ཆེན་སོགས་རྗེས་གནང་རིགས་མི་འདྲ་བ་འདི་ལ་རྒྱུད་སྡེ་གོང་འོག་ཅི་རིགས་པར་ཡོད། བཅུ་བདུན་དང་། མན་ངག་རབ་ཏུ་མང་པོའི་ལུགས་བཅས་བཞུགས་པ་ཡིན་ནོ།། །། ༈ གཉིས་པ་སྤྱོད་རྒྱུད་ལ། གཤེགས་རིགས་ཀྱི་བདག་པོ་འཇམ་དབྱངས་ཨ་ར་པ་ཙ་ན་ལྷ་ལྔའི་དབང་དང་། དཔལ་གཅིག་པའི་རྗེས་གནང་། གསུམ་པ། རྣལ་འབྱོར་གྱི་རྒྱུད་ལ་ཆ་མཐུན་གྱི་རྒྱུད་སྦྱོང་དཀྱིལ་བཅུ་གཉིས་དང་། ཀུན་རིག །ཕྱག་རྡོར་འཆི་འཇོམས་སོགས་དང་། ཀུན་རིག་གི་གཞུང་གཞན་ཕན་སྐོར་གསུམ་སོགས་ཡིག་ཆ་མང་པོའི་ལུང་། རྒྱུད་སྡེ་བཞི་པ་བླ་མེད་ཀྱི་རྒྱུད་ལ་གསུམ་ལས་དང་པོ་ཕ་བརྒྱུད་ལ། གསང་འདུས་མི་བསྐྱོད་པ། འཇམ་པའི་རྡོ་རྗེ། སྤྱན་རས་གཟིགས་རྣམས་ཀྱི་དབང་ལུང་། གཤེད་དམར་ལྷ་ལྔའི་དབང་ཟབ་འཁྲིད་དང་བཅས་པ། དགྲ་ནག་བཅུ་གསུམ་མ། འཇིགས་བྱེད་ས་ལུགས་དང་། རྭ་ལུགས་རོ་ལངས་བརྒྱད་སྐོར། ར་ལུགས་བཅུ་གསུམ་མ་རྣམས་ཀྱི་དབང་། སྐྱོ་ལུགས་རྭ་རྩེ་སེམས་འཛིན་དང་། རྭ་ལུགས་མཁའ་འགྲོའི་སྙན་བརྒྱུད་ཀྱི་འཁྲིད། རྒྱབ་བརྟེན་ལུང་པོད་བཞི། དུག་དབང་རྨ་བྱ་རྒྱས་པ་དང་། འཇིགས་བྱེད་དཔའ་གཅིག །ལས་གཤིན་རིགས་བཞི་དང་བཅས་པའི་རྗེས་གནང་། དེ་དག་གི་རྒྱབ་བརྟེན་ལུང་པོད་བཞི། གཉིས་པ་མ་རྒྱུད་ལ་སྒོ་དྲུག་ལས། ཧེ་རུ་ཀའི་རིགས་ཀྱི་རྒྱུད་བདེ་མཆོག་དུས་འཁོར་ལྟར་བཀྲལ་བ་མཁའ་འགྲོ་རྒྱ་མཚོ་དང་། རྣལ་འབྱོར་གསང་མཐའ་ལྟར་བཀྲལ་བ་ལཱུ་དྲིལ་ནག་གསུམ་དང་། བདེ་མཆོག་བོང་ཞལ་ཅན་ཀྱི་དབང་། དཔྱལ་ལུགས་ཕག་མོ་སྐོར་དང་། ཕག་དཀར་ཤེས་རབ་གསལ་བྱེད་རྣམས་ཀྱི་བྱིན་རླབས། པདྨ་གར་དབང་གི་རིགས་སུ་གཏོགས་པ། ཀུ་རུ་ཀུལླེ་ལྷ་ལྔའི་དབང་། ཚེ་འདི་རྒྱུད་སྡེའི་རིགས་སུ་ཧེ་རུ་ཀའི་རིགས་སུ་གཏོགས། དཔག་གྲུབ་རྒྱལ་ལུགས་ཀྱི་བྱིན་རླབས། ཐུགས་རྗེ་ཆེན་པོ་ཚེམ་བུ་ལུགས་ཀྱི་ཁྲིད། འདི་ཕ་རྒྱུད་དུ་བཞེད་པའང་ཡོད། རྟ་མཆོག་གི་རིགས་བཅོམ་ལྡན་འདས་རྡོ་རྗེ་གཞོན་ནུའི་དབང་བསྐུར་མན་ངག་དང་བཅས་པ། ཉི་སྦས་ལུགས་ཀྱི་སྒྲོལ་མ་ཉེར་གཅིག་གི་རྗེས་གནང་། གསུམ་པ་གཉིས་མེད་ཀྱི་རྒྱུད་ལ། དཔལ་ཀྱེ་རྡོ་རྗེ་མན་ངག་ལུགས། འགྲེལ་པ་ལུགས། མཚོ་སྐྱེས་ལུགས། ནག་པོ་ལུགས་སྐུ་གསུང་ཐུགས་སྙིང་པོ་ཀྱེ་རྡོ་རྗེ་དང་བཅས་བཀའ་བབས་བཞི་ལ་དབང་ཀ་བདུན། ཡུམ་བཀའ་བདག་མེད་ལྷ་མོ་བཅོ་ལྔ། བཤད་རྒྱུད་རྡོ་རྗེ་གུར། ཆ་མཐུན་གྱི་རྒྱུད། སམ་བུ་ཊ་རྣམས་ཀྱི་དབང་། གུར་གྱི་ལས་རྒྱས་པའི་ལྷ་གསུམ་ཞེས་ཕྱག་ན་རྡོ་རྗེ་འབྱུང་པོ་འདུལ་བྱེད། ཤེར་འདིའི་ཟུར་ཀ་ཡོད་མེད་དཔྱད། ཕྱིན་དཀར་མོ། སོ་འབྲང་དཀར་མོ་རྣམས་ཀྱི་རྗེས་གནང་། དཔལ་དུས་ཀྱི་འཁོར་ལོའི་སྐུ་གསུང་ཐུགས་ཡོངས་རྫོགས་ཀྱི་དབང་། རྒྱུད་དེ་ཉིད་ལས་གསུངས་པའི་ལས་རྒྱས་པའི་ལྷ་གསུམ་ཞེས། རྡོ་རྗེ་ཤུགས། རྡོ་རྗེ་ཁྱུང་ཁྲ། སྣ་ཚོགས། ཡུམ་རྣམས་ཀྱི་རྗེས་གནང་སོགས་སོ། །གཉིས་པ་ཐུན་མོང་མ་ཡིན་པ་སྙན་རྒྱུད་གསེར་ཆོས་ཀྱི་སྐོར་ལ། ཐོག་མར་གསུང་ངག་རིན་པོ་ཆེར། དཔལ་ཀྱེ་རྡོ་རྗེ་མན་ངག་ལུགས་ཀྱི་རྒྱུ་དབང་། ཨཥྟའི་བཟླས་ལུང་། ལམ་དབང་། ཡིག་བརྒྱའི་བཟླས་ལུང་། ལམ་ཟབ་ཕྱི་ནང་། བླ་མ་རིན་འབྱུང་། ཚར་གསུམ་ཁུག་པ། བིར་སྲུང་ཕྱི་ནང་། བདག་མེད་མ། ལམ་སྦས་བཤད། བརྡ་དོན་གསལ་བ། བརྡ་ཆིག་བརྒྱུད་ཐུན་མོང་དང་། ཐུན་མིན། སྒྲུབ་པ་ལུང་སྦྱིན། གསང་བཅུའི་རྒྱས་གདབ། རྣམ་འཇོམས་བིར་ལུགས། རྟེན་འབྲེལ་སྲུང་བ་རྣམས་ཀྱི་བྱིན་རླབས། ལམ་འབྲས་ལུགས་ཀྱི་མགོན་རྐྱང་གི་རྗེས་གནང་། ལམ་འབྲས་ཚོགས་བཤད་དང་། སློབ་བཤད་སོ་སོའི་ཉམས་ཁྲིད། ལུས་སྦྱོང་དང་འཁྲུལ་འཁོར་གྱི་ཕྱག་ལེན། རྒྱབ་བརྟེན་ལུང་གི་རིམ་པར། ཚོགས་སློབ་སོ་སོའི་རྣམ་ཐར་གླེགས་བམ་དུ་མ། ལམ་འབྲས་གླེགས་བམ་པོད་སེར་ལམ་སྐོར་དང་བཅས་པ། པོད་དམར། པོད་ནག །སྟོང་ར་བའི་པོད་སྔོན། གཞུང་བཤད་སྲས་དོན་མ། ཚར་ཆེན་གྱི་རྣམ་བཤད་ཉི་ཟེར་སོགས་དང་། མཁྱེན་བརྩེའི་ཁྲིད་ཡིག་སོགས་ཀླུ་སྒྲུབ་དང་། ངག་དབང་ཆོས་གྲགས། ངག་དབང་བརྟན་རྡོར་སོགས་བླ་མ་ཕྱི་མའི་གསུང་རབས་བཅས་རབ་ཏུ་མང་པོའི་ལུང་དང་། ལྕགས་རིའི་ཁོངས་ལས་མི་འདའ་བའི་སྙན་བརྒྱུད་གསེར་ཆོས་བཅུ་གསུམ་ཞེས་གྲགས་པ་ལ་མཆོག་བསྒྲུབས་པ་ལ་ཐུན་མོང་ཞར་ལ་འབྱུང་བ་དམར་མོ་སྐོར་གསུམ་མམ། མཁའ་སྤྱོད་སྐོར་གསུམ་ཞེས་གྲགས་པར། ནཱ་རོ་མཁའ་སྤྱོད་༡མ་ངོར་ལུགས་དང་། ཚར་ལུགས་སོ་སོའི་བྱིན་རླབས། བསྐྱེད་རྫོགས་ཀྱི་ཉམས་འཁྲིད། ཆོས་ཉིད་དངོས་བསྟན་གྱི་བྱིན་རླབས། རྩ་དབུ་མ་ཆེ་བའི་འཁྲིད། ཨིནྟྲ་༢དང་། མཻ་ཏྲི་༣མཁའ་སྤྱོད་ཀྱི་བྱིན་རླབས། རྒྱབ་བརྟེན་ལུང་པོད་གསུམ། ཐུན་མོང་སྒྲུབ་པས་མཆོག་ཞར་ལ་འབྱུང་པ་དམར་པོ་སྐོར་གསུམ་ལ། ཀུ་རུ་ཕྱི་སྒྲུབ་ཀུལླེ་ངོར་ལུགས་ཐུན་མོང་དང་ཐུན་མོང་མ་ཡིན་པའི་རྗེས་གནང་། ཚར་ལུགས་ནང་སྒྲུབ། ཐུན་མོང་དང་ཐུན་མོང་མ་ཡིན་པའི་རྗེས་གནང་། ཌོམྦཱི་ལུགས་ཀྱི་གསང་སྒྲུབ་ལྷ་ལྔའི་བྱིན་རླབས། ལུང་པོད་གཅིག ཚོགས་བདག་དམར་ཆེན་ངོར་ལུགས་ཐུན་མོང་མ་ཡིན་པ། ཚར་ལུགས་དམར་ཆེན་ཕྱག་བཅུ་གཉིས་པ་ཐུན་མོང་མ་ཡིན་པ། དམར་ཆེན་ཁྱད་པར་ཅན། ཇོ་ལུགས་ཚོགས་བདག་དཀར་པོ་ཆགས་པ་རྡོ་རྗེ་དང་། ཕྱག་བཞི་པའི་རྗེས་གནང་སྟེ་ལྔ། ལུང་པོད༡། ཁྲོ་བོ་ཀག་ཆོལ་འདོད་པའི་རྒྱལ་༦པོ་ལ་ངོར་ལུགས་ཐུན་མོང་མ་ཡིན་པ་འདོད་པ་ལྷའི་རྗེས་གནང་དང་། གསང་སྔགས་སྒྲའི་རྗེས་གནང་གཉིས། ལུང་པོད༡། དེ་རྣམས་ཀྱི་ཕྱག་ལེན་དམར་ཁྲིད་ཀྱི་རྒྱུན་དང་བཅས་པ། དམར་ཆུང་སྐོར་གསུམ་མམ་གཉན་ལོའི་དབང་གི་ལྷ་གསུམ་དུ་གྲགས་པ། ཀུ་རུ་ཀུལླེ་དཔལ་༧མོ་གསེར་གྱི་སྙིང་ཐག་ཅན། ནོར་རྒྱུན་མ་དམར་མོ། །ལྷ་མོ་ཏི་ནུ་མ་༩རྣམས་ཀྱི་རྗེས་གནང་མན་ངག་གི་ལུང་དང་བཅས་པ། སེང་གདོང་སྔོན་མོ༡༠། །འཇམ་དཔལ་ནག་པོ༡༡། རྡོ་རྗེ་ཁྱུང་ཁྲ༡༢། ཛམ་དམར་སྲོག་༡༣སྒྲུབ་རྣམས་ཀྱི་རྗེས་གནང་། སོ་སོའི་མན་ངག་གི་ལུང་དང་བཅས་པ། གཞན་ཡང་གསེར་ཆོས་བཅུ་གསུམ་གྱི་སྟེང་། སེངྒེ་སྒྲའི་ངག་སྲུང་༡༤འགྲོལ་གྱི་རྗེས་གནང་ལུང་དང་བཅས་པ་བསྣན་པས། ཀླུ་པའི་གསེར་ཆོས་བཅུ་བཞི་གྲགས་ཤིང་། གསེར་ཆོས་སུ་གཏོགས་པ་ཚེ་དཔག་མེད་སྤྲུལ་སྐུའི་རྗེས་གནང་། གཉན་ལོའི་གསེར་ཆོས་ཛམ་བྷ་ལ་སུམ་བསྒྲིལ་གྱི་སྒོམ་ལུང་། ལྷ་མོ་དབྱུ་གུ་སྤུན་གསུམ་གྱི་མན་ངག་གི་ལུང་བཅས་སོ། ། དཔལ་ས་སྐྱ་པ་ཡབ་སྲས་རྣམས་ལ་བསྟན་པ་སྲུང་པའི་མཚོན་ཆ་རྡོ་རྗེའི་ཆོས་སྲུང་རྒྱ་མཚོ་ལྟ་བུ་ཞིག་བཀའ་བབས་པ་ལས་གཙོ་བོར་གྱུར་པ་ནི་རྡོ་རྗེ་ནག་པོ་ཆེན་པོ་གུར་ཞལ་གཉིས་ཏེ། དེ་ཡང་གུར་གྱི་མགོན་པོའི་སྐོར་ལ་བཀའ་བབས་བཞི་ལས། ག་ཡ་དྷཱ་ར་ནས་བརྒྱུད་པ་ལམ་འབྲས་༡ལུགས་ཀྱི་མགོན་རྐྱང་དང་། སྒྲུབ་ཐབས་བརྒྱ་རྩ་ནས་འབྱུང་བའི་བ་རི་ལུགས་ཀྱི་མགོན་རྐྱང་གཉིས་ཀྱི་རྗེས་གནང་། སོ་སོའི་མན་ངག་གི་ལུང་། །ཁ་ཆེ་༣པཎྜི་ཏ་ནས་བརྒྱུད་པའི་སྤུ་གྲི་སྐོར་གསུམ་གྱི་ལུང་། ཤིན་ཏུ་ཟབ་ཅིང་རྒྱ་ཆེ་བ་བླ་མ་མལ་ལས་བརྒྱུད་པའི་སྐོར་ལ། སྨིན་གྲོལ་རྒྱབ་བརྟེན་དང་བཅས་པ་ལས། དང་པོ་༤ལ། དབང་བཀའ་མ་ནུབ་པ་དང་། རྗེས་གནང་བཀའ་མ་ནུབ་པ་གཉིས་ཀྱི་དང་པོ་ནི། མགོན་པོ་ལྷ་ལྔ། ལྷ་བརྒྱད། ལྷ་བཅུ་གཅིག་མ། ལྷ་བཅུ་བདུན་མ། གྲི་འདི་ག་ཡ་དྷ་ར་ནས་བརྒྱུད་པ་ཡིན། གུག་ལྷ་ལྔ་སྙན་བརྒྱུད་ལུགས་ཀྱི་དབང་བཅས་ལྔ། གཉིས་པ་ལ། ལྕམ་དྲལ། ལྷ་གསུམ། ལྷ་བརྒྱད་ཐུན་མོང་དང་། ཐུན་མོང་མ་ཡིན་པ། ངོར་ལུགས་ལྷ་བརྒྱད། ལྷ་བཅུ་གཉིས་མ་ཐུན་མོང་དང་། ཐུན་མོང་མ་ཡིན་པ། ཕྱི་ཁྲིད་ཁྲོ་བཅུ། གསང་ཁྲིད་ལྷ་དགུ། ཞར་བྱུང་མོ་རྐྱང་དུ་སྒྲུབ་པ་དུད་སོལ་མ་ཕྱི་སྒྲུབ་དང་། གསང་སྒྲུབ་ཀྱི་རྗེས་གནང་གཅེར་བུ་ཟངས་གྲི་ཅན། བེར་ནག་ཟངས་གྲི་ཅན། པུ་ཏྲ་ཐུན་མོང་དང་ཐུན་མིན། བྲན་བདུད་ནག་པོ་ཐུན་མོང་དང་། ཐུན་མིན་རྣམས་སོ། །གཉིས་པ་ལས། ཕྱི་ཁྲིད། གསང་ཁྲིད། ཞར་བྱུང་མགོན་པོ། དཀར་པོའི་ཚེ་ཁྲིད་བཅས། གསུམ་པ་ལ། གླེགས་བམ་མེ་འབར་མ། ཁ་སྐོང་། སྙན་བརྒྱུད། ཡང་སྐོང་སྟེ་སྙན་བརྒྱུད་འཛིན་པ་ཕྱི་མའི་གསུང་རབ། ཡང་སྐྱོ་མདའ་བསོད་ནམས་དབང་ཕྱུག་གིས་བསྒྲིགས་པའི་ཁ་སྐོང་པོད་ཆེན༢། གྱི་ལྗང་པོད། དུད་སོལ་པོད་བཅས་སོ། །ཞིང་སྐྱོང་ཞལ་བཞི་པའི་སྐོར་ལ། བསྙེན་༡དུས་ཐུན་མོང་། སྒྲུབ་དུས་ཐུན་༢མོང་། ཐུན་མོང་མ་ཡིན་༣པ། གདོང་བརྙན་༤ཅན། གསང་ཁྲིད་སྔོན་༥འགྲོའི་རྗེས་གནང་། དཀར་པོ་ཚེ་འཕེལ་ཐུན་༦མོང་དང་། ཐུན་མོང་མ་༧ཡིན་པ། སེར་པོ་རྒྱས་བྱེད། དམར་པོ་དབང་༩བསྡུད། སྔོན་པོ་༡༠བགེགས་འཇོམས། ནོར་སྒྲུབ་སེར་པོ་ལྷ་༡༡དགུ། གནད་དབབས་༡༢མགོན་པོ། ཁྱུང་ཞལ་ཅན༡༣། ཤི་ས་བསྟན་པ༡༤། བྲམ་ཟེ་མངགས་༡༥གཏད། ཡེ་ཤེས་ཀྱི་༡༦མགོན་པོ་སེངྒེ་ནག་པོ། བྲམ་ནག་བཤན་པ་༡༧དྲུག་སྐོར། ངོར་ལུགས་བསྙེན་དུས། དེའི་བཀའ་སྲུང་བེགྩེ་ལྕམ་སྲིང་ལྷ་གསུམ་དང་། འཁོར་མང་རྣམས་ཀྱི་རྗེས་གནང་། ཞལ་གྱི་གསང་ཁྲིད་ཚེ་ཁྲིད་དང་བཅས་པ། ཐུན་མོང་བ་དཀར་ཆག་ནོར་བུའི་དོ་ཤལ་གྱིས་ཟིན་པ་པོད༡། ཐུན་མོང་མ་ཡིན་པ་ཆིག་བརྒྱུད་ཧ་ལ་ནག་པོ་མ་བུ་པོད་གཅིག །བེགྩེའི་པོད་གཅིག །གཞན་ཡང་མགོན་དཀར་དམག་ཟོར་མ་དུར་ཁྲོད་བདག་པོ་ཡབ་ཡུམ་རྣམས་ཀྱི་རྗེས་གནང་། སོ་སོའི་མན་ངག་གི་གླེགས་བམ། གནུབས་ལུགས་སྟག་ཞོན། ལེགས་ལྡན་མཆེད་བྱ་རྒྱུད། གསུམ་སོགས་ཀྱི་རྗེས་གནང་བཞུགས་སོ། །གསུམ་པ་གསུང་འབུམ་སྐོར་ལ། ས་སྐྱ་གོང་མ་ལྔའི་བཀའ་འབུམ་པོད་བཅོ་ལྔ། རྒྱལ་སྲས་ཐོག་མེད་བཀའ་འབུམ་པོད་གཅིག །ངོར་ཆེན་རྡོ་རྗེ་འཆང་བཀའ་འབུམ་པོད་བཞི། མུས་ཆེན་གཅིག །ཀུན་མཁྱེན་བསོན་ནམས་སེངྒེའི་སྔགས་ཕྱོགས་བཞི། དཀོན་མཆོག་ལྷུན་གྲུབ་བཞི། དཔལ་ལྡན་དོན་གྲུབ་གཅིག །ཞུ་ཆེན་པཎྜི་ཏ་༡༠རྣམས་ཀྱི་བཀའ་འབུམ་ཡོངས་རྫོགས་དང་ཚར་ཆེན་ཡབ་སྲས། པཎ་ཆེན་ནམ་མཁའ་དཔལ་བཟང་། ངག་དབང་ཆོས་གྲགས། སངས་རྒྱས་ཕུན་ཚོགས། རྨོར་ཆེན་ཀུན་དགའ་བློ་གྲོས་སོགས་ཀྱི་གསུང་འབུམ་ཐོར་བུ་བཅས་ཀྱིས་མཚོན་མདོ་སྔགས་ཀྱི་ཟབ་ཆོས་རྒྱ་མཚོ་ལྟ་བུ་ཞིག་བཞུགས་ཤིང་། ས་ངོར་ཚར་གསུམ་གྱི་རིང་ལུགས་འཛིན་པའི་དགོན་སྡེ་རྣམས་སུའང་། བྱ་རྒྱུད་ཚེ་དཔག་ལྷ་དགུ། རྔ་སྒྲ། མི་འཁྲུགས་པ། རྣམ་རྒྱལ། རྣམ་འཇོམས། སྒྲོལ་དཀར། རྣལ་འབྱོར་རྒྱུད་ཀུན་རིག །འཆི་འཇོམས་རྣམས། བླ་མེད་ཕ་རྒྱུད་གསང་འདུས་མི་བསྐྱོད་པ༣༢། འཇམ་རྡོར༡༩། མ་རྒྱུད་བདེ་མཆོག་༦༢ལཱུ་ནག་༦༣གཉིས། གཉིས་མེད་རྒྱུད་ཀྱེ་རྡོར་མན་ངག་ལུགས། གུར༤༥། སམྦུཊ་༡༧སྟེ་ངོར་ལུགས་དཀྱིལ་འཁོར་བདུན་དུ་གྲགས་པ་དང་། བདག་མེད་ལྷ་མོ་བཅོ་ལྔ། གཤིན་རྗེ་གཤེད་དམར་ནག་འཇིགས་གསུམ། འཇིགས་བྱེད་བཅུ་གསུམ་མ། མཁའ་འགྲོ་རྒྱ་མཚོ། ཡབ་ཆོས་ཡང་ཕུར་གཉིས། དཔལ་དུས་ཀྱི་འཁོར་ལོ་སོགས་ཀྱི་སྒྲུབ་མཆོད་དང་། བཅོམ་ལྡན་འདས་རྡོ་རྗེ་འཇིགས་བྱེད་དང་། རྡོ་རྗེ་ནག་པོ་ཆེན་པོ་སོགས་ཀྱི་གཏོར་ཟློག་གིས་མཚོན་ཏེ་བཤད་སྒྲུབ་གྱི་ཕྲིན་ལས་གོང་གོང་དཀར་རྡོ་རྗེ་གདན་དང་། བཀྲ་ཤིས་ཆོས་སྡེ་སོགས་སུ་ས་ལུགས་དང་། བུ་ལུགས་འདྲེས་མའི་སྒྲུབ་མཆོད་ཤིན་ཏུ་མང་པར་བཞུགས་སོ། །འཕེལ་དུ་བཞུགས་པ་ལགས་སོ། ། ས་སྐྱ་པ་ཞེས་གྲགས་པའི་སྒྲ་དོན་ནི། རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱི་ཞལ་ནས། ས་དཀར་པོ་སེངྒེའི་གདོང་པ་འདྲ། །དཔལ་ལྡན་ས་སྐྱ་སེངྒེའི་ལུས། །འགྲོ་དྲུག་གི་བསམ་པ་འགེངས་པ་པོ། །རྗེ་རྡོ་རྗེ་འཆང་གི་བཞུགས་གནས་ཡིན། །ཞེས་གསུངས་པ་ལྟར་གནས་ཀྱི་མིང་གང་ཟག་ལ་ཆགས་པ་ཡིན་ནོ། །

དཔལ་ས་སྐྱ་པའི་རིང་ལུགས་ལ་དགག་པ་མཛད་མཁན་ཆེར་མ་བྱུང་མོད། འོན་ཀྱང་མཁས་གྲུབ་དགེ་ལེགས་དཔལ་བཟང་སོགས་དགེ་ལུགས་པའི་ཕྱོགས་དང་། ཀུན་མཁྱེན་བུ་སྟོན་རིན་པོ་ཆེ་དང་། བོ་དོང་པ་ཕྱོགས་ལས་རྣམ་རྒྱལ་སོགས་ཀྱིས་ཀྱང་ཅུང་ཟད་དགག་པ་གནང་བའི་ལན་ངོར་ཆེན་རྡོ་རྗེ་འཆང་དང་། ཀུན་མཁྱེན་བསོད་ནམས་སེངྒེ་སོགས་ཀྱིས་གསུང་རབས་ལས་ཤེས་པར་བྱ་ཞིང་། པཎ་ཆེན་ཤཱཀྱ་མཆོག་པས་སྡོམ་གསུམ་ལ་དོགས་པ་འདྲི་བ་བཀོད་པ་དང་། ཐམས་ཅད་མཁྱེན་པ་པདྨ་དཀར་པོས་ཀྱང་སྡོམ་གསུམ་གྱི་ཐད་ནས་དགག་སྒྲུབ་ཅུང་ཟད་དང་། བརྟགས་གཉིས་འཆད་པ་རྣམས་ལ་དྲི་བ་གནང་བ་སོགས་ཀྱི་ལན་ཀུན་མཁྱེན་རིན་པོ་ཆེ། གློ་བོ་མཁན་ཆེན། ཀླུ་སྒྲུབ་རྒྱ་མཚོ། ངག་དབང་ཆོས་གྲགས་སོགས་ཀྱིས་རིམ་པར་གནང་བ་དང་། ཆོས་རྗེ་ངོར་པ་ལ་རྫོང་ལུང་བས་དགག་པ་བྱས་པའི་ལན་ཐམས་ཅད་མཁྱེན་པ་དཀོན་མཆོག་ལྷུན་གྲུབ་དང་། ངག་དབང་བརྟན་པའི་རྡོ་རྗེ་སོགས་ཀྱིས་མཛད་པ་དང་། ཇོ་ནང་པ་སོགས་ཀྱི་ཕྱོགས་ནས་གསང་ཆེན་སློབ་བཤད་པའི་རིང་ལུགས་ལ་ཟུར་ཟ་མཛད་པར། མང་ཐོས་ཀླུ་སྒྲུབ་དང་། མཁན་ཆེན་ངག་དབང་ཆོས་གྲགས་ཀྱིས་ལན་ཟབ་ཅིང་རྒྱ་ཆེ་བར་གནང་བ་རྣམས་ལ་བློ་གྲོས་ཀྱི་མིག་བསྒྲུབས་ན་ལོག་རྟོག་གི་དྲི་མ་དང་བྲལ་ནས་སླར་ཡང་རྒྱུ་མཚན་ཤེས་ནས་མི་ཕྱེད་པའི་དད་པ་ཐོབ་པར་འགྱུར་རོ།། །། ༈

[edit]

dpal ldan sa skya pa'i ring lugs/ de rjes dpal sa skya pa'i ring lugs rgyas par gyur te/__de yang rgya gar rdo rje gdan nas byang phyogs su dpag tshad brgya bgrod pa'i sa mtshams gangs can bod kyi rdo rje gdan gtsang la stod gram pa sa skya ni/__'khon dkon mchog rgyal pos dgung lo bzhi bcu pa chu glang lor btab/__sras sa chen kun dga' snying po sogs deng sang bar gdung brgyud ma chad pas 'dzin skyong gnang zhing /__bar skabs lha sa rdzong pa'i dus nyams chag che nges byung yang /__sngags 'chang chen mo kun dga' rin chen gyis nyams gso mdzad pa nas bzung gong 'phel du gyur pas/__phyis su sa skya pa'i bstan pa la 'di kho na bka' drin che bar bya'o/__/de yang rgya gar 'phags pa'i yul du mang pos bkur ba'i gdung rabs dang /__gangs can gyi ljongs 'dir 'khon sa skya pa'i gdung rabs kyi rtogs pa brjod pa ni bsod nams tshad med pa'i 'jug ngogs nyid do/__/zhes mkhas pa rnams kyis bsngags pa'i rjes su 'brangs te 'dir mtshan tsam zhig brjod na/__yul mtho zhing gtsang ba mnga' ris kyi stod dam/__byang gi shel tsha rgyal mo'i gangs 'gram du 'od gsal gnam lha mched gsum bsil ljongs bsod nams kyi mgron du babs pa las bar pa g.yu 1ring dang dmu bza' ldem bu'i sras ma sangs spun bdun byon pa'i gcen drug yab bcas lha yul du gshegs/__bdun pa ma sangs 2spyi rje dang /__thog lcam 'ur mi'i sras dpa' bo stag__/de'i sras stag po 'od 3can te/__'di rnams mi las 'das pa'i gzugs bzung ste bar snang du bzhugs/__de'i sras g.ya' 4spang skyes te 'di yan la 'od gsal 1lha'i rigs ces grags/__des srin po khrag mig ma bsad cing /__de'i chung ma g.ya' 'brug si li ma khab tu bzhes pas/__lha dang srin po 'khon pa'i bar der sras gcig 'khrungs pa 'khon bar skyes zhes btags shing 'khon gyi gdung du mtshan chags/__de sras 'khon dpal po che/__de'i sras gcen slob dpon rin po che pad+ma 'byung gnas kyi thugs sras mkhan chen bo d+hi satwA las bsnyen par rdzogs pa'i sad mi mi bdun gyi nang tshan nA gan+d+re rak+Shi ta ste klu dbang srung ba zhes grags pa dang /__gcung rig sngags grub pa rdo rje rin chen mched gnyis/__rdo rje rin chen gyi sras bdun byon pa las gdung brgyud kyang mang du 'phel zhing /__drug pa shes rab yon tan gyi sras gsum gyi nang tshan tshul khrims rgyal po/__de la sras gsum byon pa'i/__gtsug tor shes rab/__de la sras bdun gcung dang bcas pa byon pa las/__che ba dge mthong gi sras bal po/__de sras shAkya blo gros/__de sras shes rab tshul khrims dang /__'gran zla med pa'i mkhas grub dkon mchog rgyal po gnyis las/__shes rab tshul khrims yan gsang sngags rnying ma'i rig pa 'dzin pa zam ma chad par byon zhing /__yi dam yang phur gyi sgo nas dngos grub gnyis brnyes/__chos skyong dkar bdud lcam dral sogs bran du khol/__dkon mchog rgyal po'i sngon smon dang phrin las kyi sgo phyi 'gyur gsar ma la byed/__dpal sa skya'i chos grwa chen po btab pa nas bzung 'khon sa skya pa zhes grags te/__de ltar na lha rigs 'khon gdung sa skya zhes mtshan mchog gsum ldan gyi grags dkar 'dzam gling thams cad du khyab/__de sras spyan ras gzigs dngos dpal brtse ba chen po kun dga' snying po ni/__chung ngu nas dam pa'i rigs sad/__dgung lo bcu gcig par rje btsun 'jam dpal dbyangs kyis rjes su bzung bas pha rol tu phyin pa'i lam gyi gnad thams cad dus gcig tu gzigs/__rnal 'byor gyi dbang phyug grub chen biR+Wa pa dngos su byon nas rgyud sde rgya mtsho'i gsang ba'i mdzod chen po byin/__brang ti dar ma snying po sogs las mdo phyogs dang /__rang gi yab dang /__bla ma ba ri lo tsA ba/__mal lo tsA ba sogs las gsang sngags spyi dang /__zhang ston chos 'bar las gsung ngag rin po che'i bdud rtsi gsol bas nyams rtogs kyi pad+mo gsar du bzhad pa'i tshul bzung /__mya ngan las 'das pa'i tshe/__sku'i rnam 'phrul bzhir bstan nas dag pa'i zhing so sor gshegs pa'i snang bas mtshon rdzu 'phrul rdo rje'i bkod pa zad mi shes pa la dbang 'byor/__slob ma yang mchog thob pa gsum dang /__bzod thob pa bdun sogs mkhas grub nam mkha'i mtha' dang mnyam pa byung /__de sras kun dga' 'bar/__bsod nams rtse mo/__grags pa rgyal mtshan/__dpal chen 'od po rnams las/__kun dga' 'bar rgya gar du gshegs/__slob dpon rin po che bsod nams rtse mo ni 'phags yul gyi chu bo gang+gA tshun chad du mkhas pa'i grags pas khyab/__ye shes kyi DA ki ma rnams kyis rdo rje gdan gyi sgo gong du mi thub zla ba'i rnam 'phrul gnas lnga rig pa'i paN+Di ta chen por bsngags pa'i yi ger bkod/__bshad sgrub kyi phrin las bsam gyis mi khyab pa'i ngang 'ja' lus rdo rje'i go 'phang chen por byon/__rje btsun grags pa rgyal mtshan ni/__'phags pa 'jam dpal dbyangs kyis rjes su bzung bas sde snod dang rgyud sde rab 'byams la mkhyen pa'i gter mdzod grol/__rje btsun sa skya pas 'od gsal gyi ngang du lam 'bras nye brgyud kyi gdams pa stsal zhing grub pa'i go 'phang mthon por gshegs/__mkhas btsun grub pa'i yon tan bsam gyis mi khyab pas/__ma byon sangs rgyas gsum pa kha che paN+Di ta shAkya shrI b+ha dras kyang rdo rje 'dzin pa gsang ba 'dus pa zhes bsngags pa'i rgyud mang bsgrengs/__khengs pa'i ru tshon dbyings su brtul nas/__gtsug gi nor bu'i zhabs brtan gyi pad+mo la phyag byas te/__gsung gi bdud rtsi gsol bar mdzad pas 'phags bod rdo rje 'dzin pa bye ba'i gtsug rgyan du nges pa rnyed/__sku tshe'i 'du byed kyang yun ring du byin gyis brlabs te zab rgyas kyi bstan pa nam langs pa'i rjes su nyi ma shar ba ltar mdzad/__gcung grub pa'i rig 'dzin dpal chen 'od po la sras sa skya paN+Di ta dang /__zangs tsha bsod nams rgyal mtshan gnyis 'khrungs pa'i/__'jam dbyangs sa skya paN+Di ta chen po ni/__mi nas mir gyur pa'i skye ba nyi shu rtsa lngar rje btsun brtan pa'i 'khor los dge ba'i bshes su mdzad pas/__sku tshe 'dir yang phyi nang rig pa'i gnas mtha' dag lan re 'am/__zung re gsan pa tsam gyis khong du chud/__lhag par lam zab bla ma'i byin rlabs la brten nas rje btsun rin po che grags pa rgyal mtshan dang /__'jam dpal dbyangs dbyer med du gzigs pas phyi nang gsang ba'i rten 'brel thams cad der 'grigs/__mkhas shing grub pa'i yon tan dang /__gzhan phan phrin las kyi klong brdol/__'phags yul nas rgya nag gi bar du snyan pa'i grags pas khyab/__rig pa'i gnas mtha' dag la shin tu byang zhing 'jig rten pa'i lha las dngos grub kyang thob pa phyi rol pa'i ston chen 'phrog byed dga' bo sogs drug lung dang /__rigs pa dang /__lhag pa'i lhas rjes su bzung ba'i mthus brtul nas nang pa'i bstan pa la bcug__/mthar rgya nag go dan rgyal pos spyan drangs te byang phyogs sprul pa sde'i lha khang du ngo mtshar ba'i rnam 'phrul bsam gyis mi khyab pas gzugs sku'i bkod pa bsdus/__zangs tsha bsod nams rgyal mtshan la sras chos kyi rgyal po 'phags pa dang /__grub pa'i dbang phyug 'gro mgon phyag na gnyis 'khrungs pa las/__chos rgyal 'phags pa rin po che blo gros rgyal mtshan ni/__sa chen po la bzhugs pa'i byang chub sems dpa' bsam bzhin du mi'i srid par bzung bas/__thog ma nas rigs dang /__brtse ba dang /__byang chub sems dpa'i spyod tshul sogs gzhan las ches khyad par du gyur pas/__'phags pa zhes pa'i mtshan gyi me tog phye/__rig pa dang grol ba'i spobs pa zad mi shes pa'i gter brdol/__yan lag lnga mtshon rnon pos so sor phral ba rgyal ba rigs lnga'i bkod par bstan pa sogs rdzu 'phrul gyi spyod pa dang /__sku gsung thugs kyi mdzad pa phun sum tshogs pas gdug can hor gyi rgyal po'ang mi phyed pa'i dad pa 'khrungs te dbang bskur lan gsum gsan pa'i/__dang po'i dbang yon du dbus gtsang khri skor gsum/__bar par bod chol kha gsum/__tha ma rgya yi li yul chen mo phul bas phan bde'i nyer 'tsho bla na med par gyur/__'jam dpal rtsa rgyud las/__yi ge d+hi d+hi zhes pa blo gros kyi skad dod yin pas mtshan gyi zur dang po bstan/__zhes sdom brtson nyid/__/ston pa'i bstan pa gsal bar byed/__/ces lung gis bstan pa ltar/__sdom brtson rgyal po'i tshul bzung nas/__grub mtha' la nye 'khon med par bskyangs pas yongs rdzogs bstan pa'i bshad sgrub dang /__gangs can gyi bde skyid nyin mo ltar gsal bar mdzad/__mang du thos pa'i mchog snar thang pa bcom ldan rig pa'i ral gri yang grub pa'i yon tan gyis rang dbang med pa'i dad par bkod pa sogs rnam thar bsam gyis mi khyab cing /__khams gsum chos kyi rgyal por bsngags pa'i springs yig 'jig rten gsum na grags pa nyid do/__/'gro mgon phyag na'i sras chos skyong srung bas gdan sa lo shas mdzad cing /__de nas zangs tsha'i sras slob dpon ye shes 'byung gnas kyi sras bdag nyid chen po bzang po dpal gdan sar phebs/__de la btsun mo bdun bzhes pa las sras ming sring bco lnga 'khrungs pa'i ti shrI kun dga' blo gros kyis gcung rnams la bla brang khag bzhir bgos nas gnang bas/__gzhi thog bla brang /__bla brang rin chen sgang pa/__lha khang bla brang /__dus mchod bla brang bzhir byung ba las/__gzhi thog bla brang ni/__mkhas btsun nam mkha' legs pa nas bdag chen blo gros dbang phyug gi bar du mkhas grub mang du byon/__bla brang rin chen sgang par/__kun dga' nyi ma/__'jam dbyangs don yod rgyal mtshan/__dpal ldan bla ma dam pa bsod nams rgyal mtshan te sku mched gsum las/__bla ma dam pa bsod nams rgyal mtshan ni mkhas shing grub pa'i 'khor los sgyur ba chen por gyur/__snyan brgyud rgya mtsho lta bu'i bka' babs/__gangs can gyi mkhas grub phal mo ches zhabs pad la btud pas thugs sras kyang /__sngags kyi rgyal tshab chen po gnyis/__gsung gi gsang ba 'dzin pa brgyad/__yongs grags kyi mkhas pa bcu gcig sogs bsam gyis mi khyab par byon te/__deng sang gi bar du rje btsun sa skya pa'i tshogs dang /__slob mar bshad pa'i snyan brgyud rnams ma nyams par gnas pa 'di rje nyid kyi phrin las kho na yin/__'jam dbyangs don yod rgyal mtshan gyi sras bla chen kun dga' rgyal mtshan/__de sras 'jam dbyangs nam mkha' rgyal mtshan/__de sras rgya gar pa shes rab rgyal mtshan dang /__snyan brgyud rgya mtsho'i gter mdzod bdag chen blo gros rgyal mtshan sogs kyi bar du byon nas mgon po che chung sogs thun mong ma yin pa'i gdams pa zhal ngo nang brgyud du grags pas mtshon bstan pa'i srog shing mtshungs pa med par gyur/__lha khang bla brang pa ni/__ngag dbang kun dga' legs pa'i 'byung gnas dang /__kun dga' rgyal mtshan mched gnyis nas bzung /__chos kyi rgyal mtshan dang kun dga' legs pa'i bar mkhas btsun grub pa'i yon tan can du byon/__dus mchod bla brang ni da lta'i gdungs rabs 'di nyid kyi rtsa ba ste/__de yang bzang po dpal gyi sras bdag chen kun dga' legs 'byung sogs mched gsum/__kun dga' legs 'byung sras grags pa rgyal mtshan/__de sras rnam sras rgyal mtshan/__de sras nam mkha' legs pa/__de sras nam mkha' rgyal mtshan/__de sras sa lo 'jam pa'i rdo rje rab mdzes/__kun dga' bsod nams/__ngag gi dbang phyug__/'jam dpal grags pa/__sangs rgyas tshe brtan te mched bzhi las/__phyi ma la sras gcen bdag chen kun dga' bsam 'grub dang /__gcung sngags 'chang chen po kun dga' rin chen gnyis 'khrungs pa las/__snga ma rtse gdong du bzhugs nas/__ngag dbang nor bu rgyan pa'i bar gyi rtse gdong gi gdung brgyud rnams byon/__lo chen bai ro dang rje btsun grags pa sogs kyi rnam 'phrul sprul pa'i skyes mchog sngags 'chang chen mo dpal sa skyar byon/__sa lo chen po dang dkon mchog lhun grub sogs brten nas lung dang mngon par rtogs pa'i yon tan rgya mtsho la dbang 'byor/__ gdan sa chen por bar skabs nyams chag byung ba la thugs kyis ma bzod pa/__rdo rje'i chos skyong rnams bran du bkol bas phas rgol rnams ming gi lhag mar byas/__phyi gtsug lag gi khang /__nang dkon mchog gi rten/__bar dge 'dun gyi sde/__mtshan nyid kyi bshad srol/__sngags kyi phyag len/__snying po'i nyams bzhes sogs 'khor lo gsum gyi mdzad pas dpal ldan sa skya pa'i bstan pa sde dang bcas pa la bka' drin chen pos khyab par mdzad/__de la sras 'jam dbyangs bsod nams dbang po dang /__sngags 'chang grags pa blo gros gnyis 'khrungs/__'di nas bzung ste bar skabs su gdan sa chen por snyan brgyud kyi gdams pa cung zad nyag phra bar gyur pa'ang rim gyis 'phel ba'i mgo tshugs/__phyi ma'i sras 'jam mgon a mes zhabs kun dga' bsod nams kyis/__bsod nams dbang po mched dang /__mus chen sangs rgyas rgyal mtshan/__rdo rje 'chang dbang phyug rab brtan/__mkhan chen ngag dbang chos grags sogs dam pa du ma brten nas mdo sngags snyan brgyud dang bcas pa'i gdams pa rgya mtsho lta bu gsan/__'chad spel gyi phrin las dang /__bde gsang gshed skor kyai rdor phur pa sogs kyi chos 'byung dang rnam bshad kyis mtshon gsung rtsom kyang mang du mdzad/__de sras 'jam dbyangs bsod nams dbang phyug gis yab dang /__zhwa lu mkhan chen sogs las gsan bsam mdzad cing chos srid kyi phrin las gong du 'phel/__de sras ngag dbang kun dga' bkra shis kyis a mes zhabs yab sras dang /__byams pa ngag dbang rnam rgyal/__lhun grub dpal ldan/__byams pa ngag dbang lhun grub/__bzang po rgyal mtshan/__smin gling lo chen sogs bsten cing gsung gi bdud rtsi gsol/__de sras 'jam mgon bsod nams rin chen gyis yab rje dang /__bco brgyad pa mkhyen brtse rab brtan/__spro lung pa bsod nams chos 'phel/__ngor chen bsod nams bzang po/__thar rtse nam mkha' bsam grub sogs yongs 'dzin du ma las gsan bsam mdzad/__de sras snyigs dus bstan pa'i nyi ma/__'jam mgon ngag gi dbang po kun dga' blo gros mched gnyis sogs byon pa las/__'jam mgon kun dga' blo gros ni/__'phags mchog phyag na pad+mo'i ye shes sgyu 'phrul drwa ba'i rnam rol las/__'phags pa'i yul du 'chi med grub pa'i dbang phyug__/dzai tA ri dgra las rnam rgyal dang /__gangs can gyi ljongs 'dir brtse chen kun dga' snying po dang /__bdag chen rdo rje 'chang blo gros rgyal mtshan sogs dam pa'i skyes bu brgyud mar 'khrungs shing /__sku tshe 'dir yang gsung bye ba tsam nas a ra pa tsa na d+hI zhes gsal bar gsungs pas mtshon mkhyen rab kyi pad+mo bye/__thugs rje'i grib bsil rgyas/__dam pas bsngags pa'i yon tan thams cad la dbang 'byor/__yab rje dang /__rje btsun mkha' spyod dbang mo/__thar rtse nam mkha' bsam 'grub/__brag rtsa pa blo gsal bstan 'dzin/__ngor chen sangs rgyas ye shes sogs yongs 'dzin du ma las rang lugs gtso bor gyur pa'i grub mtha' ris med kyi dbang lung man ngag bsam gyis mi khyab pa dang /__khyad par gnas gsar pa ngag dbang kun dga' legs pa'i 'byung gnas las lam 'bras slob bshad sogs snyan brgyud kyi skor yongs su rdzogs pa dang /__rgyal ba'i bka' 'gyur rin po che sogs zab rgyas kyi gdams pa rgya mtsho lta bu gsan/__dpal kye rdo rje'i gzhi bsnyen lan gsum sogs dus dang /__rgyun du'ang lhag pa'i lha sum cur nye ba sogs kyi sgom bzlas kyis mtshon thugs dam nyams bzhes rtse gcig tu gnang pas lhag pa'i lha du mas rjes su bzung /__rdo rje'i chos srung rnams kyis phrin las sgrub par khas blangs/__dam can putra lcam sring dang /__phur srung dkar bdud kyis bran bzhin du bya ba byed/__dbang dang gdams khrid sogs ji lta bu zhig gsung na'ang thugs nas shar gyis gsung ba sogs mkhas pa dang /__lam 'bras slob bshad dus bir srung phyi ma gnang skabs nyi 'dzin yong bar byed grub dgongs mthun du ri mos gtan la phebs kyang /__rje de nyid kyis rnal 'byor dbang phyug gi skur bzhengs te ro ma'i rlung d+hU tir zhugs su ma ster bas nyi 'dzin mi mngon par byin gyis brlabs pa sogs grub pa'i mtshan ma 'byams klas/__snga phyir rten bzhengs mang po dang /__khyad par 'chad spel gyi phrin las rgyun mi 'chad cing /__gsung rtsom kyang pod chen bcu gnyis tsam gnang bas bstan pa'i srog mthud pa lta bu'i bka' drin bskyangs/__zhal slob kyi gtso bo gdung sras sku mched/__thar rtse rdo rje 'chang nam mkha' 'chi med/__gnas gsar mchog sprul nam mkha' legs pa/__bco brgyad khri chen mched/__gzim 'og sprul sku bstan 'dzin phrin las/__sa skya'i zur 'chad pa rin chen rgyal mtshan/__lnga rig pa kun dga' bkra shis/__ri khu sprul sku kun dga' mkhas grub dbang po sogs bstan pa 'dzin nges kyi skyes bu dam pa mang du byon pa las/__deng sang yang rje btsun sa skya pa'i dbang lung man ngag phyag 'khrid sogs kyi bka' srol ma nyams par yod pa 'di kho na'i bka' drin yin/__de sras 'jam mgon dbang sdud snying po dang /__kun dga' phan bde rgya mtsho mched zhal gyis/__yab rje gtso bor gyur pa'i dam pa du ma las gdams pa rgya mtsho lta bu gsan/__'chad spel dang grub pa'i phrin las kyis bstan 'gro'i phan bde spel/__snga ma'i sras khri chen pad+ma bdud 'dul dbang phyug gam kun dga' bkra shis/__sngags 'chang kun dga' rin chen/__'jam mgon kun dga' rgyal mtshan/__mgon po dngos grub dpal 'bar rnams byon pa las/__yab rje dang /__gnas lnga rig pa'i paN+Di ta kun dga' bkra shis las rang lugs gtso bor gyur pa'i gdams pa'i gsan bsam nyams bzhes 'chad spel sogs gnang /__khri chen sras khri chen bkra shis rin chen gyis yab rje dang /__thar rtse rdo rje 'chang byams pa kun dga' bstan 'dzin las gsan bsam dang /__sngags 'chang kun dga' rin chen sras 'jam mgon rdo rje rin chen gyis yab rje dang /__'jam mgon kun dga' rgyal mtshan/__yongs 'dzin blo gros rgya mtsho sogs las zab rgyas kyi gdams pa rgya mtsho lta bu gsan/__sku na phra mo nas dam pa'i rigs sad pa'i spyod pa ngo mtshar bsam gyis mi khyab pa dang /__'chad spel gyi phrin las rgyun mi 'chad par mkhas dang grub pa'i gtsug gi nor bur zhabs kyi pad+mo brtan bzhin pa 'di ltar lags so//____//__!_ gdan sa 'og ma gtsang rtse gdong ni/__bdag chen kun dga' bsam 'grub sogs dus mchod bla brang gi gdung rabs rnams kyis skyong /__khri chen bsod nams lhun grub sogs bstan 'dzin dam pa'ang mang du byon/__phyis su gdung rabs med kyang /__bar skabs skye sprul rim byon dang /__deng sang sa skya nas zhal 'dzin gnang //____//_! _gzhan yang dpal sa skya pa'i brgyud 'dzin grags che ba 'ga' zhig gi gdan sa la/__ngor e waM chos ldan ni/__'jam mgon sa skya paN+Di ta chen po'i ye shes gzigs pa'i nor bu'i me long gtsang mar ji ltar shar ba bzhin rdo rje 'chang kun dga' bzang pos dgung lo zhe brgyad pa sa bya lor btab/__de la rje rdo rje 'chang 'di nyid ni/__'phags pa dge ba'i rtsa ba yongs su 'dzin pa'i mdo las/__de tshe 'jig rten mgon po'i sprul pa 'byung /__/de tshe dge slong kun dga' bzang por sprul/__/tshul khrims kyis kyang khyad par 'phags gyur la/__/thos pa mang zhing pha rol phyin pas 'phags/__/zhes sogs dang /__mdo sde pad+ma dkar po las/__kun dga' bzang po nga yi chos 'dzin pa/__/bde gshegs bye ba drug cu mchod byas nas/__/ma 'ongs dus kyi tshe na rgyal bar 'gyur/__/zhes rdo rje'i lung gis gsal bar bsngags pa bzhin 'od gsal 'khon gyi rigs su 'khrungs/__chung ngu nas dad brtson shes rab sogs rigs kyi rtags rnams sad/__shar chen ye shes rgyal mtshan/__grub chen bud+d+ha shrI/__sa bzang 'phags pa gzhon nu blo gros sogs las zab rgyas kyi gdams pa rgya mtsho lta bu gsan/__mdo sngags rig gnas dang bcas pa la thos bsam gyi sgro 'dogs bcad/__bsgom pas nyams su blangs pas grub pa'i go 'phang mthon por gshegs/__'od gsal gyi snang bar rje btsun sa skya pa yab sras sogs kyis rjes su bzung /__'chad spel gyi phrin las kyis rgyal ba'i bstan pa la ston pa gnyis pa'i bya ba mdzad/__sngags phyogs gtso bor gyur pa'i gsung rab glegs bam bzhi bzhugs/__lhag par rgyud sde bzhi'i smin grol gyi gdams pa mkha' khyab tu spel bas rdo rje theg pa'i bstan pa la bka' drin mtshungs pa med pa'i phyir rtsod pa'i dus kyi rdo rje 'chang zhes grags dkar gyi yi ge phyogs kyi bu mo'i rna lung du bkod/__mkhas shing dngos grub brnyes pa'i zhal slob kyang bsam gyis mi khyab pa byon pas stod mnga' ris nas smad rgya mtshams yan chad du phrin las gyi rgyun skyong ba'i chos sde che phra bgrang gis mi lang /__de ltar rje rdo rje 'chang nyid dgung lo don lnga par grub mtha' rnyogs nas gzugs sku'i bkod pa bsdus pa'i rjes gdan sar 'khor lo sdom pa ngur smrig gar gyis rol pa mus chen sems dpa' chen po dkon mchog rgyal mtshan bzhugs te/__de yang mus stag mo gling skyar zhang gi rigs su 'khrungs/__rong ston dang /__rdo rje 'chang sogs yongs 'dzin bzhi bcu tsam bsten nas thos bsam sgom gsum gyi pha rol son/__rdo rje 'chang gshegs rjes gdan sa lo gsum du mdzad cing /__gshegs rjes kyi bya ba dang /__'chad spel gsung 'bum pod gcig yod/__rgyun bsrings/__zhal slob kyang kun mkhyen bsod nams seng ge sogs tshogs bshad dang /__bdag chen rdo rje 'chang sogs slob bshad kyi brgyud 'dzin rnams byon pas tshogs slob thams cad kyi 'byung gnas kyang rje 'di nyid yin no/__/phyis mus bsam gtan phug tu thugs dam gong 'phel du mdzad cing grub pa'i sar gshegs/__dgung lo brgyad cu rtsa gsum par gzugs sku'i spros pa brtul/__de nas rim par gtsang chu mig pa 'gar ston 'jam dbyangs 'jam dbyangs sa paN gyis rjes su bzung /__gsung rab mang tsam bzhugs/_shes rab 3rgya mtsho/__ngor chen gyi dbon grub chen biR+Wa pa'i rnam 'phrul rgyal tshab dam pa kun dga' 4dbang phyug__/gsung 'bum pod gcig bzhugs/__dpal sa skya pa'i bstan 'dzin mdo sngags gnyis ka la mkhas pa go bo rab 'byams pa kun mkhyen bsod nams sngags phyogs glegs bam bzhi dang /__mdo phyogs shin tu mang bar bzhugs/__seng ge 5ste 'di yan thams cad rje rdo rje 'chang gi thugs sras yin/__ngor chen dbon rgyud yongs 'dzin dkon 'di skabs rje rdo rje 'chang gi/__bstan pa dkar 'byams su btang /__lung bstan gnang ba ltar bstan pa dar rgyas che/__mchog 'phel ba6/__mus chen dbon mkhas grub chen po sangs 7rgyas lam 'bras khrid yig sogs gsung 'bum pod gcig__rin chen/__slob dpon bsod nams rtse ngor chen dbon brgyud/__mos rjes su bzung ba'i rgyal ba lha mchog__/seng ge8/__nges par thams cad mkhyen yongs 'dzin rin po che'i snag dbon/__dngos 'jam dbyangs dkon mchog lhun grub9/__bka' 'bum pod bzhi bzhugs/__chos kyi rgyal po 'phags pa rin po che'i rnam 'phrul mdo sngags rab 'byams smra ba 'jam dbyangs sangs rgyas seng ngor chen dbon brgyud/__ge 10/__mkhas shing dngos grub brnyes pa'i mtshungs med dkon mchog dpal ldan11/__dkon mchog lhun grub rus dbon brgyud yin/__gsung rab kyang 'ga' zhig yod/__brang ti mkhas pa'i rigs 'khrungs gnas lnga rig pa'i ma hA paN+Di ta thar rtse nam mkha' dpal bzang 12/__rdor phreng sogs legs bshad pod gsum/__dpal sa skya pa'i sku zhang bdag chen shar pa'i rigs 'khrungs byams pa kun dga' bkra shis13/__dpal sa skya pa rtse gdong khri chen 'jam dbyangs kun dga' bsod nams lhun grub14/__mkhas shing grub pa'i dbang phyug sgrub khang pa dpal sa skya'i dbon chen 'od zer seng+ge'i brgyud par 'khrungs/__gsung rab pu ti gcig yod pa legs bshad rgya che/__ldan don grub15/__brang ti mkhan chen grub pa'i dbang phyug nam mkha' sangs rgyas16/__dpal ldan a ti sha'i rnam 'phrul mkhyen rab dang phrin las tshad med pa shar chen shes rab 'byung gnas17/__brang ti mkhan chen nam mkha' rin chen18/__bdag po rgyal rtse ba byang pa ngag dbang bsod nams rgyal mtshan19/__ngor tshar gnyis ka'i brgyud 'dzin/__snar thang dpal 'byor gling pa khang gsar mkhan chen 20bsod nams rgya mtsho/__sgrub khang pa'i dbon mkhan chen 'jam dbyangs dpal mchog rgyal 21mtshan/__'dir sde dger phebs pa'i mkhan rabs kyi thog ma/__hor se chen gan gyi brgyud las 'khrungs pa'i 'dren mchog nam mkha' dpal 'di thar rtser gdan tshab mdzad/__bzang 22/__shar mi nyag gi ston pa 'jam mgon lhun grub dpal ldan23/__mnga' ris smad pa snyigs dus bstan pa'i nyi ma mkhan chen 'jam pa'i dbyangs sangs rgyas phun 24tshogs/__bdag chen shar pa'i rigs 'khrungs byang chub sems dpa' chen po sangs rgyas bstan 'dzin25/__shabs stod rdzi lung pa mkhan chen byams pa shes bya bzang 26__thar rtse'i snag dbon/__po/__shar mi nyag ra ba sgang pa 'jam dbyangs ngur smig gar rol byams pa tshul khrims dpal bzang 27/__gtsang phyug gzhung spel skya ba mtshungs med bsod nams dpal ldan28/__mkhan chen sangs rgyas phun tshogs kyi phyag phyir sde dger yang phebs/__khang gsar pa grub pa'i dbang phyug 'jam mgon byams pa bsod nams bzang po29/__dpal mar me mdzad kyi rnam 'phrul gtsang mdo mkhar ba mkhan chen bkra shis lhun grub30/__mkhyen rab mtha' yas pa'i mnga' bdag byams pa tshul khrims lhun grub31/__shar dar rtse mdor 'khrungs/__brang ti mkhan chen grub pa'i dbang phyug byams pa nam mkha' bsam 'grub32/__rnal 'byor dbang phyug gi rnam 'phrul mkhan chen rdo rje 'chang dpal ldan ngor sprel grong du 'khrungs/__chos skyong 33/__mtshungs med mkhas shing grub pa 'jam mgon sangs rgyas dpal 34bzang /__khang gsar pa mkhan chen byams pa bsod nams lhun 35grub/__shar chen byang chub sems dpa' rin chen mi 'gyur rgyal mtshan36/__mkhan chen bkra shis lhun grub sku dbon 'jam dbyangs chos kyi bla ma sangs rgyas 37ye shes/__'jam dbyangs chos kyi rje dkon mchog grags pa38/__khang gsar pa ngag dbang chos skyong bzang po/__39mkhas grub sangs rgyas grags pa40/__mtshungs med phun tshogs don grub41/__mkhas grub chen po byams pa kun dga' bsod nams42/__brang ti mkhan chen thams cad mkhyen pa byams pa nam mkha' 43'chi med/__rab 'byams shes bya kun gzigs mkhas grub ngag dbang dam chos44/__smra ba'i dbang phyug mkhan chen bsod nams dpal 45'byor/__brang ti mkhan chen rdo rje 'chang byams pa kun dga' 46bstan 'dzin/__khang gsar pa ngag dbang blo gros bzang 47po/__000__rab 'byams smra ba'i dbang po yongs 'dzin paN+Di ta dpal ldan chos kyi rgyal mtshan48/__mkhan chen dpal ldan chos skyong gi sku dbon rin chen mchog grub kyi rnam 'phrul byams pa dpal ldan bzang po/__brang ti mkhan chen byang chub sems dpa' rigs brgya'i khyab bdag rnal 'byor 'jam dpal bzang 50po/__khang gsar pa mkhan chen mtshungs med ngag dbang blo gros brtan 'dzin gyi bar du byon nas paN+Di tas bshad/__lo tsA bas bsgyur/__grub thob kyis bsgom/__mkhas pa rnams la tshad mar grags pa'i mdo rgyud bstan bcos dang bcas pa rje btsun sa skya pa yab sras dang ngor chen rdo rje 'chang chen pos ji ltar bkral ba bzhin du lung rigs kyi bshad pa/__sgom sgrub kyi nyams len/__cho ga'i phyag len phra mo tshun tshad kyang gzhan dang ma 'dres par bskyangs pas dpyad pa gtsang zhing blo gros kyi pad+mo rgyas pa rnams kyis gcig tu bsngags pa'i gzhir gyur pa yin no//____//_! 'phen yul nA len+d+ra ste bod skad du rgyun gyi dbang por grags pa'i chos grwa ni/__paN+Di ta ka ma la shI la dang /__rma lo tsA ba rin chen mchog gi rnam 'phrul rong ston smra ba'i seng+ge shes bya kun mkhyen shes rab rgyal mtshan gyis dgung lo bdun cu pa me 'brug lor btab/__gzim khang 'og ma kun mkhyen bkra shis rnam rgyal sogs kyis bskyangs/__sngar mtshan nyid kyi grwa sa chen por gyur kyang /__bar skabs nyams chag byung ba'i rkyen gyis bdag chen rdo rje 'chang blo gros rgyal mtshan gyis/__lo tsA ba lce khyi 'brug sogs kyi rgyud las 'khrungs pa zhwa lu sku zhang mkhyen rab chos rje rin chen mchog grub 'byon par bskul te sngags kyi grwa tshang du bsgyur bas/__phyis mkhyen rab bstan 'dzin bzang po dang /__mkhyen rab byams pa ngag dbang lhun grub/__dbon mkhyen brtse rab brtan sogs chos rje bco brgyad pa gong 'og rnams dang /__zhabs drung nor bu lags kyi sku skye mkhas grub sangs rgyas bstan 'dzin/__thams cad mkhyen pa byams pa ngag dbang bstan 'dzin phrin las/__lce btsun byams pa ngag dbang bstan 'dzin snyan grags bar gyi gzim 'og sku phreng rim byon gyis zab gsang slob bshad kyi seng+ge'i sgra chen po sgrogs pas mtshon/__rgyud dang man ngag rgya mtsho'i 'jug ngogs su gyur//____//_!_ gangs dkar rdo rje gdan ni/__mthu stobs kyi dbang phyug bu ston kun dga' rnam rgyal gyis btab/__sa skya rdzong lugs dang /__bu lugs 'dres ma'i chos rgyun bskyangs/__bar skabs su dar rgyas shin tu che bar byung zhing /__deng sang yang rgyud sde bzhi dang 'brel ba'i smin grol sgrub mchod sogs rgyun phal cher ma nyams par yod//____//_! _gtsang ngoms ring gi chos sder/__mkhan po shAkya seng+ge sogs rim par byon/__mtshan nyid kyi grwa sa che shos gcig yin//____//_!_ gtsang rong 'bras yul skyed tshal ni/__byams chen rab 'byams pa sangs rgyas 'phel gyis dgung lo so dgu pa sa sbrul lor btab cing /__mtshan nyid kyi grwa sa chen por gyur/__de las mtshan nyid pa'i grwa sa'ang mang du yod//____//__!_ gtsang gser mdog can ni/__paN chen don yod dpal bas btab/__paN chen shAkya mchog ldan dgung lo zhe gnyis lon pa'i tshe phebs nas dar rgyas su mdzad pas/__bar skabs dgon ma lag dang bcas pa shin tu dar bar gyur kyang /__deng sang ni dge 'dun gyi sde ma stong tsam las med/____/_!_ gtsang rta nag thub bstan rnam rgyal gling ni/__kun mkhyen go bo rab 'byams pa bsod nams seng+ges dgung lo zhe lnga pa chu sbrul lor btab/__deng sang yang bshad grwa ma nyams par yod cing /__dpal sa skya pa'i lha khang chen mo'i mtshan nyid grwa tshang yang 'di'i bshad rgyun las byung ba sogs dgon lag kyang mang du 'phel//____//__! _gnyan yod bya rgod gshong ni/__paN chen 'bum phrag gsum pas dgung lo nga bdun pa sa bya lor btab/__mtshan nyid kyi ring lugs 'dzin pa che shos zhig yin//____//__!_ gtsang nyang stod shel mkhar rgyal rtse'i chos sde ni/__chos rgyal rab brtan kun bzang 'phags kyis btab/__sa bu dge gsum gyi grwa tshang khag bcu drug tsam yod cing deng sang yang dar rgyas che/____/_!_ gtsang stod 'dar grang mo che ni/__tshar chen blo gsal rgya mtsho'i gdan sa'i mthil du mdzad/__deng sang yang de'i ring lugs 'dzin pa'i sde ma nyams par yod//____//__!_ yar klung bkra shis chos sde ni/__tshar chen gyi slob ma mthu stobs kyi dbang phyug yol pa rdo rje 'chang gzhon nu blo gros kyis btab/__phyis su khyab bdag bka' 'gyur ba mgon po bsod nams mchog ldan sogs gnas gsar pa'i dbon dang sku skye rim byon gyis skyong /__de yang dpal sa skya pa'i snyan brgyud rgya mtsho'i mdzod 'chang ba/__chos rje tshar pa'i lugs srol 'di ni/__gsung ngag rin po che lam 'bras bu dang bcas pa gtso bor ngor chen rdo rje 'chang nas mus chen sems dpa' chen po dang /__des bdag chen rdo rje 'chang nyid la chig brgyud du gnang /__gzhan yang yab 'jam dbyangs chos rje nas brgyud pa sogs brgyud srol gsum gyi bka' thams cad bdag chen rdo rje 'chang la babs/__de bzhin du gser chos bcu gsum dang /__mgon po che chung sogs chos rje bla ma dam pa nas yar klung pa rnams la brgyud pa dang /__zhal ngo chig brgyud du byon pa sogs dpal brtse ba chen po'i rnam 'phrul/__mkhas pa'i cod pan/__grub pa'i gtsug rgyan/__zab rgyas gdams pa'i rgya mtsho bdag chen rdo rje 'chang nyid la bka' babs/__de la zhal gyi bdud rtsi bzhes pa'i slob ma bsam gyis mi khyab kyang /__thun mong ma yin pa'i snyan brgyud kyi gdams pa bum pa gang 'byor stsal ba'i yul ni/__sangs rgyas 'khor ba 'jig nyid 'phags bod kyi mkhas grub du ma'i skye ba'i phreng bar brgyud mar byon pa'i rje btsun rdo ring pa kun spangs kun bzang chos kyi nyi ma blo ldan shes rab rgyal mtshan dpal bzang po nyid yin te/__rje 'dis spyir rdo rje 'chang kun dga' bzang po yab sras sogs gsar rnying ris med kyi mkhas grub dam pa bdun cu rtsa gnyis bsten/__mdo sngags kyi gdams pa rgya mtshor lung rigs kyi sgro 'dogs bcad/__khyad par bdag chen rdo rje 'chang gi zhabs pad mnyes pa gsum gyis bsten nas gsung ngag rin po ches mtshon pa'i snyan brgyud tshad ma bzhi ldan gyi gdams pa mtha' dag gsan bsam mthil phyin par mdzad/__phyag len phra mo tshun chad kyang byang chub/__kha'u brag rdzong nag po'i ri khrod sogs dben pa'i ri sul rnams su sku tshe ril por thun bzhi'i rnal 'byor las nam yang mi 'da' bas grub pa'i go 'phang mthon por gshegs/__zab gsang seng+ge'i sgra dbyangs rgyun mi 'chad par bsgrags te snyan brgyud zab mo'i gdams pa srid mthar spel bas rje btsun kha'u pa'i ring lugs zhes grags pa'i rgyud mang bsgrengs/__de la slob ma mang du byon pa'i nang nas thugs kyi sras gcig pu tshar chen chos kyi rgyal po blo gsal rgya mtsho ni/__rgya gar 'phags pa'i yul du grub chen bi rU pa dang gangs can gyi ljongs 'dir rtsod pa'i dus kyi thams cad mkhyen pa bu ston rin chen grub sogs mkhas pa dang grub pa'i skye ba'i phreng ba me tog man+dA ra'i phreng ba lta bu tshar du dngar ba bzung ba'i mthar/__mang mkhar mu gu lung dang nye ba'i nor 'dzin gyi thig ler mtshan dpe'i me tog thog mar 'khrungs pa nas mkhas btsun bzang po'i yon tan ngang gis sad/__rdo rje'i chos srung rnams kyis rnam 'phrul du mas phrin las bsgrubs/__gdan gsum rdo rje'i dkyil 'khor gsal bar gzigs pa sogs dang /__ngo mtshar pa'i rnam thar du ma dang bcas chos grwa chen po bkra shis lhun por mtshan nyid kyi theg pa la sbyangs pas lung rigs smra ba rnams kyi khengs pa'i ru tshon brtul/__sngon gyi smon lam sad pas rje btsun sa skya pa'i ring lugs dang /__grub pa'i khyu mchog rdo ring par 'phrog tu med pa'i dad pas rgyu byas/__rdo rje rnal 'byor mas mngon sum du lung gi skabs dbye bas rkyen sbyar te gangs ri'i khrod kyi o DI ya na gnyis pa kha'u brag rdzong nag po'i ri khrod du phebs/__sa skya tshad kyi rna bar ma grags pa'i slob bshad snyan brgyud tshad ma bzhi ldan gyis mtshon/__zab rgyas kyi gdams pa bsam gyis mi khyab pa gsan/__de yang gsan lo tsam du ma bzhag par phyag len phra mo tshun bsam byung gis sgro 'dogs bcad de/__bsgoms pas nyams su blangs pas drod rtags mngon du gyur/__chos nyid lhan cig skyes pa'i ye shes gzigs/__chos can gyi snang ba thams cad lha'i 'khor lor shar/__rdo rje'i chos skyong rnams kyis bran bzhin du bya ba byed/__khyad par kun mkhyen bu ston rin po che'i khri la zhabs pad bkod pa na 'chi bdag las kyi gshin rjes dam tshig gi rdo rje spyi bor blangs pas dpyod ldan rnams kyis 'jam dpal khros pa ngur smrig gar gyis rol par nges pa rnyed/__gzhan yang ris med pa'i dam pa drug cu rtsa gsum bsten nas gangs can gyi ljongs su yod do cog gi mchog thun gyi dngos grub sgrub pa'i gdams pa zab mo mtha' dag gi bka' babs pas snyigs dus kyi rdo rje 'chang gnyis par gyur/__'dar grang mo che/__mang mkhar thub bstan dge 'phel/__cha lung rdo rje'i brag rdzong sogs su bzhugs nas bshad sgrub spel mar mdzad gsung rab pod bzhi tsam yod/__pas/__mkhas pa dang grub pa'i pad+ma'i rdzing bu dar la babs pa'i grags dkar sbrang rtsi'i bsung zhim gyis rang dang gzhan gyi dam pa'i skyes bu skal bzang gi bung pa'i tshogs sprin bzhin du ngang gis 'du ba la/__snyan brgyud zab mo'i bdud rtsi lhug par stsal bas lung dang /__mngon par rtogs pas rgyud phyug pa'i zhal slob bsam gyis mi khyab pa zhig byung ba las/__gtso bor gsung gi gsang ba ji bzhin du 'dzin pa ni sku'i skye ba du mar yab sras su 'brel bas sku tshe 'dir yang tshar chen yab sras zhes mtshan gyi yi ge 'brel mar gsal zhing nang thugs kyi sras gcig pur gyur pa lha rigs 'a zhwa'i rgyud du 'khrungs pa gnas gsar pa 'jam dbyangs mkhyen brtse'i dbang phyug ste/__dam pa 'dis bdag chen dang /__rdo ring pa gnyis ka'i thugs sras rje btsun sgo rum pa kun dga' legs pa dang /__rje tshar chen gtso bor gyur pa'i gsar rnying gi mkhas grub du ma las gsar ma'i phyogs la dbang bka' chen po brgya dang bcu drug__/byin rlabs dgu bcu rtsa bzhi/__rjes gnang zur bka' brgya dang don brgyad/__khrid bka' brgya dang nyer gcig lhag pa/__rnying ma'i phyogs la dbang chen brgya dang don gcig__/dbang phran sum cu rtsa gcig__/khrid bka' sum cu rtsa brgyad sogs dang /__de dag gi rgyab brten lung gi rim pa glegs bam brgya phrag mang por gsan bsam gyis sgro 'dogs bcad/__dpe cha dang dkyil thang sogs bzhengs/__tha na gtor bshams dang /__rdor dril 'dzin lugs sogs phyag len phra mo tshun chad kyang ma 'dres par mkhyen/__mdo sngags kyi gzhung lugs rgya mtshor bshad sgrub kyi phrin las nam mkha' dang mnyam zhing bu ston rin po che'i gdan sa'ang mdzad/__lhag par snyan brgyud tshad ma bzhi ldan gyi skor la thos bsam sgom gsum gyi mthar son/__gsung sgros zin nges kyi bka' rtsom snyan brgyud gtsor gyur glegs bam bzhi/__kyang mang du gnang bas brgyud 'dzin rnams kyi mig gcig pur gyur/__mdor na mkhyen brtse nus gsum gyi yon tan gyis mkhas pa rnams mgu zhing grub pa'i skyes bu rnams kyis phyag bya ba'i yul du 'os pa kho nar nges/__gzhan yang 'jam mgon sa skya paN+Di tas byin gyis brlabs pas mkhyen rab tshad med pa/__rig par smra ba thams cad kyi gtsug gi nor bu/__mnyan yod bya rgod gshongs kyi mkhan chen dbyangs can mgrin par chags pa dpal mang du thos pa klu sgrub rgya mtsho mdo sngags gnyis ka'i phyogs gsung rtsom pod bcu gcig tsam tshig don phun sum tshogs par yod/__mnyan yod sbas pa'i rnal 'byor gyi rnam 'phrul mkhas btsun grub pa'i yon tan 'gran zla dang bral ba sne gdong rtse tshogs mkhan chen yol pa gzhon nu blo gros/__snyan brgyud kyi mnga' bdag mthu stobs nus pa'i dbang phyug bod mkhar ba mai tri don grub rgyal mtshan bzhi ni thugs sras kyi gtso bo dang /__gzhan yang yab sras gnyis ka'i slob ma mkhan chen bslab gsum rgyal mtshan dang /__rdo rje 'chang dbang phyug rab brtan sogs mtha' klas so/__/'jam dbyangs mkhyen brtse'i dbang phyug la slob ma mang du byon pa'i nang nas bo dong mkhan chen ram sding ba ma bslab gsum rgyal mtshan/__sku'i dbon gnas gsar ba rdo rje 'chang dbang phyug rab brtan/__mthu stobs kyi dbang phyug 'bras bu'i sngags 'chang dgon gsar ba bsod nams chos 'phel gsum las rim par brgyud de/__tshar chen rin po che'i rnam 'phrul khyab bdag bka' 'gyur ba chen po/__gnas gsar dbon rin po che mgon po bsod nams mchog ldan/__rgyud sde rgya mtsho'i mnga' bdag zhwa lu mkhan rin po che bsod nams mchog grub/__dpal nA len+d+ra'i mkhan chen bco brgyad pa lce btsun mkhyen rab byams pa ngag dbang lhun grub/__snyigs dus bstan pa'i nyi ma mdo sngags rab 'byams smra ba'i dbang phyug rmor chen ngag dbang kun dga' lhun grub/__khyab bdag bka' 'gyur ba'i rnam 'phrul gnas gsar pa ngag dbang kun dga' legs pa'i 'byung gnas/__dpal sa skya pa 'jam mgon kun dga' blo gros/__gnas gsar ba'i rnam 'phrul yar klung mchog sprul rin po che nam mkha' legs pa lhun grub zhal slob dang bcas pa dang /__rje de nyid kyi mchog sprul bstan pa'i snang byed chen po 'di nyid kyi bar du byon nas slob bshad thun mong ma yin pa'i bstan pa nyin mo ltar mdzad/__gzhan yang mthu stobs kyi dbang phyug gzhon nu blo gros las/__sa skya pa 'jam dbyangs bsod nams dbang pos bka' chos cung zad gsan pas gdan sa chen por yab chos dar ba'i rten 'brel 'grigs/__mang thos klu sgrub dang /__sngags 'chang bsod nams chos 'phel gnyis ka'i slob ma mkhan chen ngag dbang chos grags nas/__dpal sa skya pa 'jam mgon a mes zhabs sogs sa skya dang /__rgyal rtse ba ngag dbang bsod nams rgyal mtshan sogs kyis ngor e waM pa'i phyogs su'ang dar/__bod mkhar bas zhwa ser bstan pa'i nyi ma rgyal dbang bsod nams rgya mtsho rjes su bzung bas ri bo dge ldan pa'i phyogs su phrin las kyi sgo bye/__bka' 'gyur ba dang zhwa lu mkhan chen las rgyal dbang lnga pa rin po ches snyan brgyud mtha' dag gsan pas slob bshad bstan pa'i sman yon chen por gyur/__bka' 'gyur ba dang /__rmor chen la sogs las rdo rje brag rig 'dzin pad+ma phrin las dang /__rig 'dzin gter bdag gling pa sogs kyis kyang zab chos kyi bdud rtsi bzhes pas gsang chen rnying ma'i bstan 'dzin chen po rnams kyang phyogs 'di la thugs mos kyi pad+mo lhag par bye/__lhag par khyab bdag gnas gsar pa las/__'jam mgon kun dga' blo gros kyis snyan brgyud mtha' dag gsan pas gdan sa chen po gtso bor gyur pa'i gtsang dbus khams gsum gyi slob bshad bstan pa'i chu mgo lta bur gyur/__rdo rje 'chang mkhyen rab byams pa dang /__de'i sku dbon mkhyen brtse rab brtan/__rtse gdong khri chen mkhyen rab bstan 'dzin lhun grub/__gnas gsar pa'i zhal slob rdzong shar bod 'brug pa chos rje blo gsal phun tshogs/__de'i zhal slob bco brgyad khri chen ngag dbang kun dga' mkhyen rab/__'jam mgon kun blo'i zhal slob rtse gdong khri chen dge 'dun bkra shis dpal 'byor dang /__gzims 'og pa ngag dbang bstan 'dzin phrin las gong 'og sogs kyis dpal rtse gdong srid gsum rnam rgyal dang /__nA len+d+rar slob bshad kyi bdud rtsi spel/__khyab bdag bka' 'gyur ba dang /__zhwa lu mkhan chen/__rmor chen rdo rje 'chang sogs kyis dpal zhwa lu/__rdo rje gdan/__thub bstan rab smad sogs kyang slob bshad kyi brgyud 'dzin du gyur/__thar rtse mkhan chen thams cad mkhyen pa byams pa nam mkha' 'chi med kyis dpal e waM chos ldan dang sde dge lhun grub steng sogs su slob bshad zab mo'i shing rta'i srol gsar du phye bas sku'i dbon rnam gnyis kyis gtsos snyan brgyud tshad ma bzhi ldan gyi bstan 'dzin mtha' klas pa bskrun pa sogs mdor na tshar chen chos kyi rgyal po'i phrin las kyis rang dang gzhan gyis grub mtha' phal mo cher khyab par gyur pas snyigs ma'i dus 'dir rgyal ba'i bstan pa spyi dang bye brag rdo rje theg pa'i lam srol la ston pa gnyis pa'i bya ba mdzad pa yin no//____//__!_ bod chen po'i ljongs kyi thig le phal mo cher bsod nams stobs kyi 'khor los sgyur ba/__sde dge chos kyi rgyal po rim byon gyi gdan sa dpal lhun grub steng zhes grags pa'i me tog dregs ldan bye ba'i gtsug na ngal 'tsho ba 'di nyid ni/__slob dpon pad+ma saM b+hA wa mngal skyes kyi tshul du byon pa grub chen thang stong rgyal po dang /__sde dge bo thar bkra shis seng ge mchod yon gyis btab/__grub chen 'di ngor chen rdo rje 'chang gi slob ma yin pas deng dus chos rje ngor pa'i phrin las kyi rgyun skyong ba'i rten 'brel du gyur/__de yang bar skabs su sde dge sku phreng rim byon bzhugs shing /__phyis su shar chen kun dga' bkra shis thog mar phebs/__de rjes bla chen byams pa phun tshogs kyis sgrub khang pa dpal mchog rgyal mtshan ched kyis spyan drangs te ltar snang chos ltar bcos pa thams cad sun phyung /__lung rigs kyi bshad pa/__cho ga'i phyag len/__snying po'i nyams bzhes thams cad ngor chen rdo rje 'chang chen po'i bka' srol ji lta ba bzhin phyes/__ngor lugs dkyil 'khor rnam pa lngas mtshon pa'i sgrub mchod kyi rgyun btsugs/__de nas rim par mkhan chen sangs rgyas phun tshogs/__'jam mgon bkra shis lhun grub/__rdo rje 'chang dpal ldan chos skyong /__shar chen mi 'gyur rgyal mtshan/__ngag dbang chos skyong bzang po/__brang ti nam mkha' 'chi med/__rje de nyid kyi sku'i dbon dang /__thugs kyi sras rdo rje 'chang byams pa kun dga' bstan 'dzin dang /__rnal 'byor 'jam dpal bzang po mched gnyis kyi bar du byon pa dang /__gzhan yang 'jam mgon bkra shis dpal ldan/__mkhas grub sangs rgyas dpal bzang /__'jam dbyangs sangs rgyas ye shes/__mkhas btsun kun dga' chos 'phel/__bla ma bkra shis dbang phyug__/slob dpon 'jam dpal grags pa dang /__mkhan chen zhi ba 'tsho'i rnam 'phrul zhu chen ma hA paN+Di ta tshul khrims rin chen sogs dam pa du mas ngor e waM pa'i ring lugs srid mthar spel/__'jam dbyangs bsod nams dbang phyug yab sras kyi phrin las la brten nas/__khri chen bla ma sangs rgyas bstan pas dpal sa skya pa'i yab chos bcom ldan 'das rdo rje gzhon nu'i sgrub mchod btsugs pa nas bzung rje btsun sa skya pa'i ring lugs gong du 'phel zhing /__sa skya sman la bla ma dang /__phur pa bla ma rim byon gyis de'i rgyun skyong /__byang chub sems dpa' bstan pa tshe ring gis gnas gsar pa ngag dbang kun dga' legs pa'i 'byung gnas spyan drangs te/__bcom ldan 'das dus kyi 'khor lo'i sgrub mchod bu lugs dang /__lhag par pho brang gi shar du tshar lugs thun mong ma yin pa'i phyag bzhes ltar rdo rje nag po chen po gtso 'khor gyi snang brnyan gsar du bzhengs/__rgyun dang dus gtor btsugs/__thub bstan mkhan chen bzang po rgyal mtshan dang /__rmor chen slob ma mkhas grub sangs rgyas rgya mtsho sogs kyis chos rje tshar pa'i phrin las kyi sgo phyes/__phyis su gnas gsar pa mchog sprul rin po che gong 'og dang /__sde dge bla chen byams pa kun dga' sangs rgyas bstan pa'i rgyal mtshan mchod yon sogs kyis snyan brgyud zab mo'i bstan pa ches cher dar bar mdzad/__de ltar gtso bor dpal ldan sa ngor tshar gsum dang /__gzhan yang 'jam dpal tshe bdag sogs gsang chen rnying mas mtshon grub mtha' ris med kyi bshad sgrub dar/__mkhan chen bkra shis lhun grub dang /__dpal ldan chos skyong sogs kyis rim par bskul ba las rgyal ba'i bka' bstan 'gyur/__dpal sa skya pa'i bka' 'bum sogs ngo mtshar spar gyi phyi mo mang po bzhengs pas dam pa'i chos kyi mdzod gcig pur gyur to/__/de la gdan sa 'dir bka' drin che ba'i sde dge gong ma rnams kyi rnam thar ni drung yig bstan 'dzin gyi rgyal rabs sogs dang /__mkhan chen dpal mchog rgyal mtshan nas chos skyong bzang po yan chad kyi rtogs pa brjod pa ni so so'i rnam thar las shes par bya zhing /__'dir skabs su babs pa brang ti mkhan chen rdo rje 'chang byams pa nam mkha' 'chi med dang /__byams pa kun dga' bstan 'dzin mched zhal bcas bka' drin che ba'i bla ma gsum gyi rnam thar sa bon tsam brjod na/__mkhan chen thams cad mkhyen pa byams pa nam mkha' 'chi med ni/__sngon gyi dus na bod chos rgyal 'jam dpal dbyangs dngos lha btsan po khri srong lde'u btsan gyi bla sman mkhas pa mi dgu zhes grags pa'i ya gyal brang ti rgyal gnyen mkhar phug dang /__brang ti lo tsA ba dza ya rak+Shi ta dang /__brang ti dar ma snying po sogs mkhas shing dngos grub brnyes pa'i dam pa'i skyes bu bar ma chad par byon pa'i rgyud du skye ba'i 'khri shing bzung ste/__gzhon nu'i dus nas byis pa'i spyod pa las 'das pa'i dam pa'i rigs kyi me tog bye/__sngon gnas rjes su dran/__sdug bsngal bden pa'i mtshan nyid gzigs shing cir yang sems su rtogs pa sogs yon tan bsam gyis mi khyab pa mnga'/__de nas shrI e waM chos ldan thar pa chen po'i dga' ba'i tshal gyi yang rtser phebs nas thub bstan rin po che'i gdugs dkar po'i grib mar zhugs/__phyi nang gi rig gnas dang /__dkyil 'khor bri thig las rab 'byams thams cad la byang chub/__kun tu dgos pa'i gzhung bdun dang /__rgyud chung bzhi sogs mdo sngags kyi gzhung lugs du ma thugs la bzung zhing thogs pa med par smra ba'i paN+Di tar gyur/__khang gsar mkhan chen ngag dbang chos skyong bzang po las gsung ngag rin po che'i bdud rtsi bzhes/__lhag par gangs can bod kyi rdo rje gdan dpal sa skyar thub bstan lha khang du mkhan chen byams pa sbyin pa bkra shis las paN chen shAkya shrI dang /__'jam dbyangs sa paN sogs las brgyud pa'i bsnyen rdzogs kyi sdom pa rnam par dag pa dang /__'jam mgon kun dga' blo gros las sems bskyed srol gnyis dang /__dpal kye rdo rje'i rgyu dus kyi dbang bskur phyin ci ma log par gsan pas sdom pa gsum ldan du mdzad cing so so'i bslab bya la mig gi 'bras bu ltar gces spras kyis bskyangs/__khyad par 'jam mgon de nyid las dpal sa skya pa'i lam 'bras tshogs slob gnyis kyis thog drangs pa'i snyan brgyud tshad ma bzhi ldan gyi gdams pa mtha' dag la thos bsam gyi sgro 'dogs bcad/__bsgom pas nyams su blangs pas bstan pa'i bdag por dbang bskur ba'ang thob/__gzhan yang phan bde khang sku dbon rin chen mchog grub/__skyo mda' ba mang thos kun dga' bsod nams sogs yongs 'dzin dam pa bcu phrag lnga lhag las zab rgyas gdams pa'i bdud rtsi ngoms pa med par gsol/__phyag len phra mo tshun chad la'ang gces spras kyis bzung /__dus dang rgyun gyi nyams bzhes thun bzhi'i rnal 'byor las ma g.yel bas sa lam kyi go 'phang mthon por gshegs/__grub pa'i slob dpon pad+ma saM b+hA wa sogs lhag pa'i lha rab 'byams kyis rjes su bzung /__rdo rje'i chos skyong rnams kyis bka'i cod pan spyi bor 'dzin/__'chi 'pho skye ba sogs 'byung 'gyur mngon sum du gzigs pa dang /__sra mkhregs kyi brag la phur pa btab pa sogs grub pa'i mtshan ma'ang skal pa dang ldan pa rnams kyi ngor snang /__mdor na mkhas btsun grub pa'i yon tan rgya mtsho'i mthar son kyang /__rang gi yon tan bum nang gi mar me ltar sba bar mdzad pa jo bo bka' gdams pa'i rnam thar la thugs phyogs pas rang nyid mkhas pa dang grub par nam yang zhal gyis mi bzhes pas 'di kho na'i ngo mtshar kyang bsam gyis mi khyab/__rje rdo rje 'chang gi khri la zhabs pad bkod de/__ngor e waM pa'i phyogs su gtogs pa rnams bal dmag gi 'jigs pa las bskyabs pa sogs chos dang 'jig rten gyi sgo nas phan 'dogs pa mdzad/__de lta bu'i snyan pa'i grags pas thugs 'phrogs te/__sa skyong sde dge chos rgyal yum sras kyis spyan drangs te gus pas mchod/__dpal lhun grub steng sogs phyogs de'i chos sde che phra du mar dbang lung man ngag gi 'chad spel dang /__cho ga'i phyag len/__rim gnyis kyi rnal 'byor sogs bshad sgrub kyi bstan pa 'khrul med du spel/__snga phyir gsung ngag tshogs bshad lan du ma dang /__slob bshad lan gnyis kyis mtshon zab rgyas chos kyi 'khor lo rtag tu bskor ba'i grub 'bras sku'i dbon mched sogs bstan 'dzin gyi skyes bu mang du bskrun/__bshad sgrub las gsum gyi phrin las bsam gyis mi khyab pa'i ngang re zhig zhing 'di'i gdul bya de tsam du gzigs nas dbon rin po che byams pa rnal 'byor 'jam dpal bzang po la phyi mtha'i zhal chems lhug par stsal zhing dgung lo lnga bcu rtsa drug par ngo mtshar ba'i ltas du ma dang bcas te dpal lhun grub steng gi bla brang phan bde kun khyab gling du gzugs sku'i bkod pa bsdu ba'i tshul bstan/__gshegs rjes kyi bya ba rnams sku'i dbon mchog dang /__sde dge chos rgyal chen po mchod yon gyis mthar phyin par mdzad do//____//__! _rje 'di nyid kyi sku'i dbon dang thugs kyi sras su gyur pa bdag cag lha dang bcas pa'i skyabs gcig mkhan chen rdo rje 'chang chen po mched zhal gnyis te/__de la rigs dang dkyil 'khor rgya mtsho'i khyab bdag mkhan chen rdo rje 'chang byams pa kun dga' bstan 'dzin ni/__rab byung bcu gsum pa'i me sprel lor brang ti mkhas pa'i rigs su 'khrungs/__sku gzhon nu nas yon tan rin po che du ma'i 'byung gnas dpal e waM chos ldan gyi bla brang thar pa rtser phebs/__nges 'byung snying rje ngang gis 'khrungs/__mkhyen rab kyi gter mdzod grol bas rgyun gyi bya ba chos spyod nas brtsams te/__kun tu dgos pa'i gzhung bdun sogs mdo sngags kyi gzhung lugs chen po'i bar thams cad dka' ba med par thugs su chud/__rdo rje 'chang nam mkha' 'chi med las sdom pa gsum gyi bka' drin nos te thub bstan yongs su rdzogs pa'i nor bu'i khri la zhabs bkod bcas pa dang rang bzhin nyes ltung phra mos kyang ma gos pa'i phyir tshul khrims kyi dri bsung zhim pos gar bzhugs kyi phyogs thams cad du khyab/__mkhan chen dam pa gtso bor gyur pa'i yongs 'dzin nyi shu rtsa lnga las rje btsun sa skya pa'i snyan brgyud tshad ma bzhi ldan sogs zab rgyas kyi gdams pa rgya mtsho lta bu gsan cing /__de dag gi tshig gi sdeb sbyor/__don gyi dgongs pa/__phyag len phra mo tshun la'ang bsam byung gis sgro 'dogs bcad pas 'khrul med du mkhyen/__dpal dgyes pa rdo rje'i bsnyen pa lan gnyis sogs lhag pa'i lha du ma'i gzhi'i bsnyen pa dang /__rgyun gyi nyams bzhes rim gnyis zab mo'i rnal 'byor rtse gcig tu bsgoms pas/__lhan cig skyes pa'i ye shes gzigs/__byang chub sems gnyis 'byongs/__thub dbang gnas brtan bcu drug dang /__slob dpon sangs rgyas gnyis pa sogs kyis dgyes pa'i 'dzum zhal bstan/__rdo rje'i srung ma dang dkar phyogs skyong ba'i gzhi bdag rnams kyis phrin las sgrub/__rje rdo rje 'chang gi chos kyi khri la bgrang bya dgu'i bar du bzhugs nas 'chad rtsod rtsom gsum dang /__mkhyen brtse nus pa'i phrin las kyis rgyal ba gnyis pa'i bstan pa nyin mo ltar mdzad/__skabs der sde dge chos rgyal chen pos spyan drangs te zhabs pad shing rta'i kha lo bod chen po'i bsod nams kyi mgron du snga phyir lan gnyis bsgyur te 'brel tshad don ldan gyi phrin las skyong /__smin grol phyag len gyi rgyun nyams pa gsos/__med pa gsar du spel/__'khrul pa'i dri ma thams cad bsal te yongs rdzogs bstan 'gro spyi dang /__lhag par brtse chen snying po'i ring lugs la bka' drin chen pos khyab par mdzad/__chos rgyal chen po nyid bsnyen par rdzogs/__gdan sa gong 'og sogs su lam 'bras tshogs bshad tshar du ma/__slob bshad tshar gsum/__rdo rje phreng ba tshar gnyis sogs chos kyi 'khor lo bar med du bskor bas gsung gi gsang ba 'dzin pa'i thugs sras kyang /__dpal sa skya pa khri chen 'jam mgon kun dga' bkra shis/__de sras bkra shis rin chen/__yar klung mchog sprul rin po che/__sde dge bla chen byams pa kun dga' sangs rgyas bstan pa'i rgyal mtshan/__sku'i dbon yongs rdzogs bstan pa'i nyi ma kun dga' 'jam dpal grags pa dang /__mkhyen rab kyi dbang phyug mtshungs med zhabs drung gcung rin po che sogs kyis mtshon/__mdor na dus 'dir dpal ldan sa ngor tshar gsum gyi bstan 'dzin rnams kyi gtsug na sangs rgyas gnyis pa ltar 'tsho zhing gzhes pa ste/__slar yang ji srid bskal pa rgya mtshor zhabs pad rdo rje'i khams su brtan cing phrin las mkha' mtha' brdal bar gsol ba 'debs pa lags so//____//__!_ rje 'di nyid kyi sku mched rdo rje 'chang byams pa rnal 'byor 'jam dpal bzang po ni/__rab byung bcu gsum pa'i sa mo bya yi lor dam pa'i rigs su 'khrungs/__ngor e waM chos ldan du byon nas rdo rje 'chang nam mkha' 'chi med kyi spyan sngar thub bstan rin po che'i sgor zhugs/__rim gyis gzhung lugs che phra thugs 'dzin sogs bslab sbyong la brtson pa'i skabs rnams su 'od gsal gyi snang bar/__rje btsun rnal 'byor gyi dbang phyug dang /__dpal sa skya pa chen pos yang yang byin gyis brlabs/__mkhan chen thams cad mkhyen pa byams pa bsod nams dpal 'byor las/__dpal e waM pa'i skyes bu dam pa rnams rim par brgyud pa'i sdom rgyun rnam par dag pa las bsnyen par rdzogs shing tshul khrims kyi bslab pas gzhi bzung ste/__rdo rje 'chang nam mkha' 'chi med kyi zhabs pad mnyes pa gsum gyis bsnyen nas mdo sngags kyi gdams pa rgya mtsho lta bu gsan zhing /__bsam byung gis sgro 'dogs bcad/__rim gnyis zab mo'i nyams bzhes la rtse gcig tu gzhol bas nges 'byung dang snying rje chen po rtsol med du 'khrungs/__bla ma dang lhag pa'i lha dbyer med du gzigs nas bcos min gyi mos gus mnga' ba sogs nang du yang dag pa'i yon tan brnyes/__nyams len dang phyag len phra rags thams cad mkhan chen bla ma'i phyag bzhes ji lta ba 'khrul med du skyong /__gzhan yang yongs 'dzin du ma las zab rgyas kyi gdams pa mtha' klas pa gsan/__dus rgyun du'ang cis kyang dgos med thugs la mnga' zhing chos brgyad kyi snang ba thams cad rmi lam lta bur gzigs/__chos dang 'jig rten gang gi thad nas kyang chags sdang phyogs lhung gi rtog pa gtan nas mi mnga' ba 'di kho na'ang ngo mtshar bsam gyis mi khyab/__rdo rje 'chang nam mkha' 'chi med kyis ye shes gzigs pa dam pas/__lung bstan pa bzhin kun mkhyen gnyis pa bzang po'i chos kyi khrir lo bdun du bzhugs nas chos dang zang zing gi dga' ston spel/__'dus sde'i bsgrigs lam kun spyod sogs kyang dam pa gong ma'i dus ltar gong 'phel du gnang bas ngor e waM par phyi mtha'i bar du bka' drin chen pos khyab par mdzad/__de nas lam zab mo'i sgrub pa la gzhol pa'i thugs 'dun thun mong ma yin pa mnga' na'ang /__bstan pa'i sbyin bdag sde dge chos rgyal chen po dam tshig rdo rje mched zhal gyis spyan drangs te lhun grub steng gi chos grwar phebs/__mchog dman thams cad kyi gus pas mchod cing so sor bsdu ba'i dngos po rnam bzhi'i sgo nas 'brel tshad phan bder sbyor ba'i phrin las bsam gyis mi khyab pa'i ngang 'tsho zhing gzhes pa ste/__slar yang rgyal ba gnyis pa ma pham pa'i chos kyi bdud rtsis 'dzam gling snang bar mdzad pa'i bar du sku gsung thugs rdo rje'i rang bzhin du brtan cing /__phrin las kyi 'jug pa zla bas reg pa'i chu gter bzhin du rgyas par gsol ba 'debs na de de bzhin du 'grub par byin gyis brlab tu gsol/__/de ltar chos grwa chen po lhun grub steng gis gtsos mdo khams sde dge'i mnga' khul du gtso bor ngor e waM ba'i ring lugs 'dzin pa 'dus sde che phra mang du mchis kyang phal cher khri chen sangs rgyas bstan pa dang /__bstan pa tshe ring sogs kyi dus nyams gso gnang ba tsam las/__dang por sus btab zhib par ma nges//____//__!_ gzhan yang sga stod du skye sgu don grub gling sogs chos sde che phra du ma dang /__a mdo lnga pa'i nang gdu bu chos rje'am a li chos rjer grags pa'i gdan sa/__sngags dang mtshan nyid zung 'brel gyi grwa gtsang che bas mtshon/__stod mnga' ris nas bzung ste/__smad rtsI na'i yul gru la thug gi bar du chos sde che phra mang du mchis pa so sor smos kyis mi lang ba nyid do/__/ der ma zad gangs ri'i phreng bas bskor ba'i ljongs 'dir grub pa'i mtha' mi 'dra ba du ma zhig mchis kyang /__de dag phal cher dngos dang brgyud pa'i sgo nas rje btsun sa skya pa'i ring lugs las byung ba dang gus pa can sha stag yin te/__gsang sngags rnying mar grags pa'i so zur gnubs gsum gyi gdung rigs dang /__sprul pa'i gter ston gu ru chos kyi dbang phyug sogs bka' gter gyi skyes chen du ma dang /__bka' gdams bya yul ba/__do kong ba/__nam mkha' 'bum/__mchims nam mkha' grags/__bcom ldan rig pa'i ral gri sogs chen por rlom pa du mas kyang chos rje khu dbon gyi gsung gi bdud rtsi blangs/__bsil ljongs thub pa'i rgyal tshab rngog lo chen po'i brgyud 'dzin rig pa'i dbang phyug phywa pa chen po dang /__nyang bran pa chos kyi seng+ge sogs kyis sa chen gyi dngos slob skyur a seng las zab don gyi smin grol gsan/__bka' brgyud stong gi chu mgo lta bu dpal phag mo gru pa ni sa chen gyi zhabs pad lo bcu gnyis su bsten/__lam 'bras kyi gzhung bshad mdzad/__phyis rje btsun grags pa la'ang gsung gi bdud rtsi gsol te nyams rtogs kyi pad+mo rgyas pa nyid/__dwags po rin po ches bogs 'don par mdzad pas brgyud 'dzin gyi slob ma grags pa can yin zhing /__'di las 'bri stag khro gling 'brug pa sogs bka' brgyud phal mo che byung /__kam tshang bka' brgyud kyi thog ma karma pa dus gsum mkhyen pas sa chen gyi dngos slob dpal rga lo/__kham pa a seng /__gshen rdor seng rnams las lam 'bras sogs gsan/__shangs pa bka' brgyud kyi grub chen rmog cog pas khams pa a seng dang /__gnyen ston sbas pa'i rnal 'byor gyis rje btsun grags pa'i zhabs pad yun ring du bsten nas lam 'bras sogs zab don blangs/__kun mkhyen bu ston rin po ches sa skya pa nas brgyud pa'i sngags dang mtshan nyid phal cher gsan nas 'chad rtsod rtsom gsum rtsal du bton/__rje btsun grags pas ye shes kyi skus rjes su bzung /__jo nang pa kun mkhyen chos sku 'od zer ni sa paN gsung las skyes pa'i slob ma yin zhing /__dol bu pa shes rab rgyal mtshan yang sa skyar mtshan nyid kyi phyogs la sbyangs shing /__sku tshe'i smad sa skya paN+Di tas byin gyis rlabs pas thal 'gyur pa'i lta ba thugs la 'khrungs zhes kyang gtam du grags/__shangs ston lo tsA ba rdo rje rgyal mtshan nas bzung ste bo dong phyogs las rnam rgyal gyi bar du byon pa rnams sa skya pa'i dge ba'i bshes gnyen du gtogs shing /__phyogs las rnam rgyal gyis grub mtha' sa skya par zhal gyis 'ches tshul rnam thar na gsal/__rgyal sras thogs med pas kyang chos rje bla ma dam pa sogs las sa lugs kyi gdams pa bsam gyis mi khyab pa gsan/__deng dus nyi zla ltar ri bo dge ldan pa'ang /__sa skya'i las chen red mda' pa gzhon nu blo gros kyi slob ma rab 'byams smra ba bdun gyi nang tshan/__sras kyi mchog gyur blo bzang grags pa dang /__rtsod pa'i mchog gyur dar ma rin chen dang /__zhes gsungs pa'i yab sras 'di gnyis byung ba yin zhing /__gzhan yang rje rin po ches bla ma dam pa dang /__sa bzang ma ti paN chen sogs las zab chos mang du gsan/__mtshan nyid sa lugs dang /__sngags bu lugs gtso bor ston pa'i tshul 'jam mgon bla ma rang nyid kyi rnam thar las kyang 'byung bas mtshon/__ji skad du/__'dzam gling thub pa'i rgyal tshab sa skya pa'i/__/chos kyi brgyud pa 'dzin pa'i slob ma ru/__/ma gyur gangs ri'i khrod 'dir bstan 'dzin du/__/zhal gyis 'ches pa'i mkhas pa 'ga' yod min/__/zhes ched du brjod pa'ang don gyi snying pos lci ba nyid do/__/ de lta bu'i dpal sa skya pa'i bstan pa la bka' drin mchog tu che ba ni/__'khon dkon mchog rgyal po'i dus su gsang sngags phyi 'gyur gyi bstan pa'i dbu brnyes/__dpal brtse ba chen pos srol btod/__rje btsun sku mched kyis dar zhing rgyas par mdzad/__chos rje khu dbon gyi sku ring la gangs can thams cad sa skya pa'i chos srid kyi gdugs dkar po'i grib mar dbang du bsdus te shin tu dar bar mdzad pa las/__bshad pa'i rgyun thams cad shar nub gung gsum/__/sgrub pa'i rgyun tshogs nyan zhang gsum sogs kyis bzung /__chos rje bla ma dam pa la bshad sgrub thams cad kyi bka' babs/__de rjes mdo la mkhas pa g.yag phrug sangs rgyas dpal dang /__kun mkhyen rong ston shes bya kun rig ste/__g.yag rong rnam gnyis sam/__red mda' ba gzhon nu blo gros te g.yag gzhon rnam gnyis/__sngags la mkhas pa ngor chen rdo rje 'chang kun dga' bzang po dang /__rdzong pa kun dga' rgyal mtshan ste kun dga' rnam gnyis/__gnyis ka la mkhas pa kun mkhyen go bo rab 'byams pa bsod nams seng+ge dang /__gser mdog paN chen shAkya mchog ldan te go shAka rnam gnyis zhes rje btsun sa skya pa'i bstan 'dzin gangs can mdzes par byed pa'i rgyan drug byon nas bshad sgrub kyi dga' ston phyogs brgyar spel/__gzhan yang nya dbon kun dga' dpal dang /__mkhan chen brtson 'grus dpal te mkhas pa nya brtson rnam gnyis/__sems dpa' chen po gzhon nu rgyal mchog__/byams chen rab 'byams pa sangs rgyas 'phel/__smar khams grags pa bzang po/__kun mkhyen nam mkha' bsod nams/__rong ston don yod dpal/__'jam dbyangs kun dga' chos bzang /__mus rab 'byams pa byams pa thugs rje dpal bzang /__'bum rab 'byams pa byams pa chos kyi don grub/__gzhung brgya pa dngos grub dpal 'bar/__mnga' ris pa lha dbang blo gros/__stag phyag pa kun dga' dpal 'byor/__shel grogs paN chen blo gros chos kyi rgyal po/__gzi bka' bcu shAkya blo gros/__mang thos klu sgrub rgya mtsho/__mkhan chen ngag dbang chos grags/__ngag dbang bstan pa'i rdo rje sogs bgrang gis mi lang ba zhig byon nas/__pod chen drug gtsor gyur pa'i dpal sa skya pa'i mtshan nyid kyi bka' srol la 'chad rtsod rtsom gsum gyis gtan la phab cing /__bshad rgyun 'khrul med du 'dzin pa'i chos grwa chen po mang du btab/__khyad par sngags phyogs la/__dpal sa skya pa'i gdan sa gong 'og tu/__theg chen chos rje kun dga' bkra shis/__rgya gar pa shes rab rgyal mtshan/__bdag chen blo gros rgyal mtshan/__sa lo kun dga' bsod nams/__sngags 'chang kun dga' rin chen nas/__ngag gi dbang po kun dga' blo gros yab sras brgyud 'dzin dang bcas pa dang /__rtse gdong khri chen bsod nams lhun grub rnams bka' drin che zhing /__spyir yang thams cad mkhyen pa dkon mchog lhun grub kyis/__mi shes gdol pa'i phru gu phongs pa yi/__/'khor gyis btags la 'jig rten 'dren pa zhes/__/smig rgyur 'bab chur sgrogs pa'i grags stong sgras/__/'jig rten yam yor byed dang 'di mi mtshungs/__/zhes pa ltar gdung brgyud rin po che 'di rnams mkhyen rab dang /__mthu stobs sogs skyes thob kyi yon tan kho na'ang gzhan sprul pa'am/__gdung brgyud ches chen por rlom pa rnams kyis kyang cha tsam bskrun du med pa ni deng sang gi bar du mngon sum tshad mas grub/__bye brag tu ngor chen rdo rje 'chang chen po'i bka' srol 'dzin pa la/__mus chen dkon mchog rgyal mtshan/__kun mkhyen bsod nams seng+ge/__thams cad mkhyen pa dkon mchog lhun grub/__paN chen nam mkha' dpal bzang /__sgrub khang pa mkhas grub dpal ldan don grub/__'jam mgon sangs rgyas phun tshogs/__zhu chen ma hA paN+Di ta tshul khrims rin chen rnams ni 'gran zla dang bral ba'i mkhas grub yin zhing gzhan yang mkhan chen bkra shis lhun grub/__rdo rje 'chang dpal ldan chos skyong /__rin chen mi 'gyur rgyal mtshan sogs mkhyen rab dang phrin las rgya che ba'ang mang du byon/__rdzong pa'i bka' srol la/__mus srad pa rdo rje rgyal mtshan dang /__kun mkhyen rdo rje gdan pa kun dga' rnam rgyal sogs brgyud 'dzin dang bcas pas bshad sgrub mdzad/__snyan brgyud rgya mtsho'i mnga' bdag tshar ba chos rje'i ring lugs ni/__'jam dbyangs mkhyen brtse'i dbang phyug__/mkhan chen bslab gsum rgyal mtshan sogs nas/__gnas gsar pa ngag dbang kun dga' legs pa'i 'byung gnas sku gong 'og gi bar du byon pa'i slob bshad rtsa ba'i brgyud pa dang /__gzhan yang mang thos klu sgrub rgya mtsho/__bod mkhar ba me tri don grub rgyal mtshan/__dgon gsar pa bsod nams chos 'phel/__mkhan chen ngag dbang chos grags/__rgyal dbang lnga pa rin po che ngag dbang blo bzang rgya mtsho/__grub chen sangs rgyas rgya mtsho sogs kyis spel/__chos rje tshar pa'i brgyud pa las byung ba'i nA ro mkha' spyod ma'i skor sogs snyan brgyud gser chos kyi skor rnams rmor chen nas/__'jam dbyangs bde ba'i rdo rje/__stag phu pa blo bzang bstan rgyan/__lcang skya rol pa'i rdo rje/__thu'u kwan blo bzang chos kyi nyi ma/__stag phu pa chos kyi dbang phyug sogs dang /__gnas gsar ba las zhi ba lha 'phags pa dge legs rgyal mtshan gyis gsan pas dge lugs pa'i phyogs su shin tu dar zhing yig cha'ang mang du mdzad snang ngo /__/ de ltar dpal sa skya pa brgyud 'dzin dang bcas pa'i rnam thar rgyas pa ni/__dkon mchog lhun grub kyis mdzad pa'i bstan pa spyi'i chos 'byung bstan pa'i rgya mtshor 'jug pa'i gru chen 'jam mgon sangs rgyas phun tshogs kyi zhal skong dang bcas pa/__mang thos klu sgrub pa'i bstan rtsis/__mkhan chen ngag dbang chos grags kyi pod chen drug gi 'bel gtam rin chen mdzes pa'i phra tshom/__thub bstan pa chos rnam rgyal gyi chos 'byung 'bel gtam nyung ngu me tog sar pa'i do shal/__dkon mchog lhun grub kyi sa skya'i gdung rabs tshigs bcad dang /__a mes zhabs kyis mdzad pa'i gdung rabs chen mo ngo mtshar bye ba'i bang mdzod/__de'i kha skong kun blos mdzad pa/__sa lo chen po dang /__sngags 'chang kun dga' rin chen nas/__kun blo yab sras bar so so'i rnam thar rgyas pa/__rje btsun biR+Wa pa nas mkhan chen bkra shis lhun grub yan ngor lugs gsung ngag dang gdan rabs kyi rnam thar rgyas pa pod gsum/__de phyin dpal chos/__mi 'gyur rgyal mtshan/__chos skyong bzang po sogs so so'i rnam thar/__mkhan chen sangs rgyas phun tshogs kyis mdzad pa'i ngor pa'i gdan rabs nor bu'i phreng ba dang /__de'i kha skong dpal chos sogs kyis mdzad pa dkon mchog grags pa yan gyi rnam thar mdor bsdus/__bdag chen rdo rje 'chang nas gnas gsar ba legs pa'i 'byung gnas bar gyi tshar lugs bla ma brgyud pa'i rnam thar 'di las zhwa lu mkhan chen yan 'bras spungs su par yod/__pod lnga/__'jam dbyangs mkhyen brtses mdzad pa'i slob bshad khog phub kha skong dang bcas pa/__'jam mgon a mes zhabs kyis mdzad pa'i lam 'bras chos 'byung chen mo rtsa 'grel/__bde mchog__/gsang 'dus/__gshed skor/__mgon po rnams kyi chos 'byung /__phur pa'i rnam bshad kyi thog ma'i lo rgyus tshar chen dang ngag dbang chos grags sogs kyis mdzad pa mgon po'i chos 'byung /__ngag dbang chos grags kyis mdzad pa'i lam 'bras/__bde mchog__/gshed skor sogs kyi lo rgyus/__dmar po skor gsum gyi lo rgyus so so'i glegs bam las 'byung ba/__thu'u bkwan chos kyi nyi mas mdzad pa'i rnal 'byor ma'i bla ma brgyud pa'i lo rgyus sogs las shes par bya zhing /__ de lta bu'i bstan 'dzin gyi skyes bu dam pa tshad ldan rnams kyi don gyi rnam thar kyang mdor bsdu na/__rje btsun sa skya paN+Di ta chen pos/__thog mar shes bya kun la mkhas par bya/__/bar du mkhas pa'i tshogs su legs par bshad/__/tha ma 'dris pa'i don la brtson pas bsgom/__/dus gsum rgyal ba kun gyi bzhed gzhung yin/__/zhes gsungs pa ltar/__gzhi tshul khrims rnam par dag pas bzung te/__paN+Di ta dang lo tsA chen po rnams kyis bsgyur zhing gtan la phab/__mkhas grub rnams kyis bshad cing nyams su blangs pas blo gros dang ldan pa thams cad la tshad mar grags shing grub pa'i mdo sngags kyi gzhung lugs rgya mtsho lta bu la mang du thos pa'i mthar son par byas/__de dag gi tshig gi sdeb sbyor/__don gyi dgongs 'grel/__cho ga'i phyag len phra mo tshun chad la'ang dngos dang btags pa/__dgongs gzhi dang dgos pa/__rang gzhan gyi grub mtha'i khyad par sogs bsam byung gi rig pas sgro 'dogs zhib mor bcad/__gzhan la 'chad pa dang /__bstan bcos rtsom pa sogs gang gi tshe'ang lung dang rigs pas grub cing /__bla ma brgyud pa'i man ngag las ji ltar 'byung ba 'khrul med du skyong ba las gzhan gzhung gi zer sgros dang /__rang bzo'i dri ma phra mo tsam gyi bsre slad kyang mi mdzad/__zab mo'i lam spyi dang /__khyad par khyab bdag rdo rje 'chang chen po dang grub chen bir wa pa nas rgya bod kyi mkhas grub zam ma chad par brgyud cing /__mi bar du khyi ma zhugs/__mkha' 'gro'i zhal rlangs ma yal ba'i gsung ngag rin po che snyan brgyud tshad ma bzhi ldan thugs nyams su bzhes te/__dang po rgyu dus kyi dbang gis smin par byas/__bar du lam dus kyi dbang gi chu bo ma nub pa thun bzhir blang bas gsos te rim pa gnyis kyi lam bzhi la goms pas/__mthar 'bras bu'i dus kyi dbang gis tshe 'di'am bar do sogs nges par phyag rgya chen po mchog gi dngos grub la gshegs pa'i lam gzhan las ches khyad par du 'phags pa dang /__gzhan yang mchog sgrub pas thun mong zhar la 'byung ba dang /__thun mong sgrub pas mchog zhar la 'byung ba'i zab rgyas kyi gdams pa lag tu lon nges pa du mas rang gzhan thams cad la gnas skabs dang mthar thug gi dngos grub rnam gnyis la bde blag tu sbyor bar mdzad pa yin la/__gzhan yang rang gi grub mtha' ma 'khrul par skyong ba las gzhan lugs kyi rjes su mi 'brang yang /__de dag lung rigs kyi dpyad pa re tsam ma gtogs rgyu mtshan med pa'i sdang zhen gyis smod pa sogs grub mtha'i chags sdang mi mdzad/__nang du nyams rtogs dang /__mngon par shes pa sogs rgya che ba mnga' yang sbas pa'i ngang tshul lta bur mdzad de/__dpal gsang pa 'dus pa las/__phyi ru nyan thos spyod pa skyong /__/nang du 'dus pa'i don la dga'/__zhes gsungs pa ltar/__phyag len du btab pas/__mdo sngags rig gnas dang bcas pa'i gzhung lugs rab 'byams rgya bod kyi shing rta chen po rnams kyi bzhed srol ji lta ba bzhin du smra ba'i paN+Di ta dang /__rgyud sde nas gsung pa'i lam 'khrul med bsgoms pas phyag rgya chen po'i ye shes dang sa lam gyi yon tan mtshan nyid pa rgyud la skyes pa'i grub thob rnal 'byor gyi dbang phyug bsam gyis mi khyab pa zhig byon pa yin no/__/ de dag gis bshad sgrub mdzad pa'i chos kyi rnam grangs deng sang rgyun bzhugs pa'ang /__bstan pa rin po che'i sgor zhugs pa dang /__zhugs pa'i rten de dang thos bsam bya ba'i yul gnyis/__dang po ni/__so so thar pa'i sdom rgyun/__paN chen shAkya shrI nas 'jam dbyangs sa paN sa skya lha khang chen mo'i sdom rgyun/__sogs nas brgyud pa dang /__mkhan chen rdo rje dpal sogs nas thams cad mkhyen pa kun dga' bzang po yab sras las brgyud pa'i sdom rgyun ngor pa'i sdom rgyun/__phyag len dang bcas rnam par dag pa/__gnyis pa la/__rgyu mtshan nyid kyi theg pa dang /__'bras bu gsang sngags rdo rje theg pa gnyis las/__dang po ni/__las dang po pa 'jug pa'i sgo bsdus tshad kyis rig pa'i lam phyes nas/__tshad ma rnam 'grel dang /__rig gter sogs tshad ma'i gzhung dang 1/__'dul ba mdo rtsa2/__mngon pa mdzod3/__phar phyin mngon rtogs rgyan4/__dbu ma 'jug pa5/__mdo sngags spyi'i gzhung sdom 6gsum ste pod chen drug gi bshad srol phul du byung ba sa skya thub bstan lha khang chen mo/__rta nag rnam rgyal/__skyes tshal gong 'og__/thub bstan rab smad/__rnam rab dwags po grwa tshang /__a mdo gdu bu dgon sogs su rgya cher dar zhing /__des mtshon pa'i gzhung mang po'i lung sems bskyed lugs gnyis/__blo sbyong zhen pa bzhi bral dang /__don bdun ma sogs nyams len gyi skor rnams so/__/ gnyis pa la spyir rgyud sde bzhi'i skor dang /__bye brag tu slob bshad gser chos kyi skor dang /__rjes 'brel bla ma'i gsung 'bum rnams las/__dang po la'ang spyi bka' dang /__zur bka' gnyis las/__ dang po ni/__rdo rje phreng ba'i dbang /__sgrub thabs brgya rtsa/__rgya mtsho/__snar thang brgya rtsa sogs kyi rjes gnang dang /__ gnyis pa la/__thog mar bya ba spyi'i rgyud la rigs gsum spyi'i dbang bskur ba/__so so'i rgyud la/__de bzhin gshegs pa'i rigs kyi gtso bo thub dbang gnas brtan bcu drug__/'od zer dri med/__sman bla/__klu dbang rgyal po sogs dang /__rigs kyi bdag po 'jam dpal ma ti lugs/__gang blo ma/__shes rab 'khor lo/__/smra seng sogs kyi skor/__rigs kyi yum/__srung ba lha lnga'i dbang /__'od zer can/__gza' yum/__rigs kyi gtsug tor gdugs dkar lha nyer bdun ma dang /__lha bcu bdun ma/__gtsug gtor dri med sogs kyi dbang /__rigs kyi khro bo mi g.yo ba dkar sngon gyi skor/__pad+ma'i rigs kyi gtso bo tshe dpag med lha dgu dang /__'chi med rnga sgra/__mi tri'i lugs kyi tshe dpag dkar po/__/sgra mi snyan gyi rang gzungs/__rigs kyi bdag po spyan ras gzigs klu sgrub lugs lha so bdun ma'i dbang /__bcu gcig zhal dpal mo lugs/__thugs rje chen po skyer sgang lugs/__sa lugs thugs rje chen po dang phyag rgya chen po zung 'jug dang /__gtso 'khor gsum pa/__don yod zhags pa lha lnga/__seng+ge sgra sogs kyi rjes gnang man ngag dang bcas pa/__rigs kyi yum sgrol dkar bka' babs dgu ldan dang /__'od zer drug sbrags kyi rjes gnang zab khrid man ngag dang bcas pa/__seng ldeng nags sgrol gtso rkyang /__jo lugs sgrol ma nyer gcig dang /__sgrol ma bar chad kun sel/__dbang gi sgrol ma dmar mo sogs kyi rjes gnang /__maN+Dal bzhi ba'i man ngag__/lha mo shra ma Na'i skor/__rigs kyi khro bo rta mgrin zla rgyal lugs/__grub rgyal lugs/__rigs kyi khro mo ri khrod ma ser mo'i rjes gnang man ngag dang bcas pa/__rdo rje'i rigs kyi gtso bo mi 'khrugs pa lha dgu'i dbang /__rigs kyi bdag po phyag na rdo rje 'gro bzang lugs/__rnam 'joms ba ri lugs/__rigs kyi pho nya sme brtsegs sa lugs dang /__jo lugs man ngag bcas/__rigs kyi pho nya mo/__khro mo sme brtsegs sogs so/__/nor can gyi rigs/__ba ri lugs kyi dzam ser nag__/jo lugs dzam dkar 'brug zhon man ngag dang bcas pa/__rnam sras ser chen sogs rjes gnang rigs mi 'dra ba 'di la rgyud sde gong 'og ci rigs par yod/__bcu bdun dang /__man ngag rab tu mang po'i lugs bcas bzhugs pa yin no//____//__!_ gnyis pa spyod rgyud la/__gshegs rigs kyi bdag po 'jam dbyangs a ra pa tsa na lha lnga'i dbang dang /__dpal gcig pa'i rjes gnang /__ gsum pa/__rnal 'byor gyi rgyud la cha mthun gyi rgyud sbyong dkyil bcu gnyis dang /__kun rig__/phyag rdor 'chi 'joms sogs dang /__kun rig gi gzhung gzhan phan skor gsum sogs yig cha mang po'i lung /__ rgyud sde bzhi pa bla med kyi rgyud la gsum las dang po pha brgyud la/__gsang 'dus mi bskyod pa/__'jam pa'i rdo rje/__spyan ras gzigs rnams kyi dbang lung /__gshed dmar lha lnga'i dbang zab 'khrid dang bcas pa/__dgra nag bcu gsum ma/__'jigs byed sa lugs dang /__rwa lugs ro langs brgyad skor/__ra lugs bcu gsum ma rnams kyi dbang /__skyo lugs rwa rtse sems 'dzin dang /__rwa lugs mkha' 'gro'i snyan brgyud kyi 'khrid/__rgyab brten lung pod bzhi/__dug dbang rma bya rgyas pa dang /__'jigs byed dpa' gcig__/las gshin rigs bzhi dang bcas pa'i rjes gnang /__de dag gi rgyab brten lung pod bzhi/__gnyis pa ma rgyud la sgo drug las/__he ru ka'i rigs kyi rgyud bde mchog dus 'khor ltar bkral ba mkha' 'gro rgya mtsho dang /__rnal 'byor gsang mtha' ltar bkral ba lU dril nag gsum dang /__bde mchog bong zhal can kyi dbang /__dpyal lugs phag mo skor dang /__phag dkar shes rab gsal byed rnams kyi byin rlabs/__pad+ma gar dbang gi rigs su gtogs pa/__ku ru kul+le lha lnga'i dbang /__tshe 'di rgyud sde'i rigs su he ru ka'i rigs su gtogs/__dpag grub rgyal lugs kyi byin rlabs/__thugs rje chen po tshem bu lugs kyi khrid/__'di pha rgyud du bzhed pa'ang yod/__rta mchog gi rigs bcom ldan 'das rdo rje gzhon nu'i dbang bskur man ngag dang bcas pa/__nyi sbas lugs kyi sgrol ma nyer gcig gi rjes gnang /__gsum pa gnyis med kyi rgyud la/__dpal kye rdo rje man ngag lugs/__'grel pa lugs/__mtsho skyes lugs/__nag po lugs sku gsung thugs snying po kye rdo rje dang bcas bka' babs bzhi la dbang ka bdun/__yum bka' bdag med lha mo bco lnga/__bshad rgyud rdo rje gur/__cha mthun gyi rgyud/__sam bu Ta rnams kyi dbang /__gur gyi las rgyas pa'i lha gsum zhes phyag na rdo rje 'byung po 'dul byed/__sher 'di'i zur ka yod med dpyad/__phyin dkar mo/__so 'brang dkar mo rnams kyi rjes gnang /__dpal dus kyi 'khor lo'i sku gsung thugs yongs rdzogs kyi dbang /__rgyud de nyid las gsungs pa'i las rgyas pa'i lha gsum zhes/__rdo rje shugs/__rdo rje khyung khra/__sna tshogs/__yum rnams kyi rjes gnang sogs so/__/gnyis pa thun mong ma yin pa snyan rgyud gser chos kyi skor la/__thog mar gsung ngag rin po cher/__dpal kye rdo rje man ngag lugs kyi rgyu dbang /__aSh+ta'i bzlas lung /__lam dbang /__yig brgya'i bzlas lung /__lam zab phyi nang /__bla ma rin 'byung /__tshar gsum khug pa/__bir srung phyi nang /__bdag med ma/__lam sbas bshad/__brda don gsal ba/__brda chig brgyud thun mong dang /__thun min/__sgrub pa lung sbyin/__gsang bcu'i rgyas gdab/__rnam 'joms bir lugs/__rten 'brel srung ba rnams kyi byin rlabs/__lam 'bras lugs kyi mgon rkyang gi rjes gnang /__lam 'bras tshogs bshad dang /__slob bshad so so'i nyams khrid/__lus sbyong dang 'khrul 'khor gyi phyag len/__rgyab brten lung gi rim par/__tshogs slob so so'i rnam thar glegs bam du ma/__lam 'bras glegs bam pod ser lam skor dang bcas pa/__pod dmar/__pod nag__/stong ra ba'i pod sngon/__gzhung bshad sras don ma/__tshar chen gyi rnam bshad nyi zer sogs dang /__mkhyen brtse'i khrid yig sogs klu sgrub dang /__ngag dbang chos grags/__ngag dbang brtan rdor sogs bla ma phyi ma'i gsung rabs bcas rab tu mang po'i lung dang /__lcags ri'i khongs las mi 'da' ba'i snyan brgyud gser chos bcu gsum zhes grags pa la mchog bsgrubs pa la thun mong zhar la 'byung ba dmar mo skor gsum mam/__mkha' spyod skor gsum zhes grags par/__nA ro mkha' spyod 1ma ngor lugs dang /__tshar lugs so so'i byin rlabs/__bskyed rdzogs kyi nyams 'khrid/__chos nyid dngos bstan gyi byin rlabs/__rtsa dbu ma che ba'i 'khrid/__in+t+ra 2dang /__mai tri 3mkha' spyod kyi byin rlabs/__rgyab brten lung pod gsum/__thun mong sgrub pas mchog zhar la 'byung pa dmar po skor gsum la/__ku ru phyi sgrub kul+le ngor lugs thun mong dang thun mong ma yin pa'i rjes gnang /__tshar lugs nang sgrub/__thun mong dang thun mong ma yin pa'i rjes gnang /__Dom+bI lugs kyi gsang sgrub lha lnga'i byin rlabs/__lung pod gcig__tshogs bdag dmar chen ngor lugs thun mong ma yin pa/__tshar lugs dmar chen phyag bcu gnyis pa thun mong ma yin pa/__dmar chen khyad par can/__jo lugs tshogs bdag dkar po chags pa rdo rje dang /__phyag bzhi pa'i rjes gnang ste lnga/__lung pod1/__khro bo kag chol 'dod pa'i rgyal 6po la ngor lugs thun mong ma yin pa 'dod pa lha'i rjes gnang dang /__gsang sngags sgra'i rjes gnang gnyis/__lung pod1/__de rnams kyi phyag len dmar khrid kyi rgyun dang bcas pa/__dmar chung skor gsum mam gnyan lo'i dbang gi lha gsum du grags pa/__ku ru kul+le dpal 7mo gser gyi snying thag can/__nor rgyun ma dmar mo/__/lha mo ti nu ma 9rnams kyi rjes gnang man ngag gi lung dang bcas pa/__seng gdong sngon mo10/__/'jam dpal nag po11/__rdo rje khyung khra12/__dzam dmar srog 13sgrub rnams kyi rjes gnang /__so so'i man ngag gi lung dang bcas pa/__gzhan yang gser chos bcu gsum gyi steng /__seng+ge sgra'i ngag srung 14'grol gyi rjes gnang lung dang bcas pa bsnan pas/__klu pa'i gser chos bcu bzhi grags shing /__gser chos su gtogs pa tshe dpag med sprul sku'i rjes gnang /__gnyan lo'i gser chos dzam b+ha la sum bsgril gyi sgom lung /__lha mo dbyu gu spun gsum gyi man ngag gi lung bcas so/__/ dpal sa skya pa yab sras rnams la bstan pa srung pa'i mtshon cha rdo rje'i chos srung rgya mtsho lta bu zhig bka' babs pa las gtso bor gyur pa ni rdo rje nag po chen po gur zhal gnyis te/__de yang gur gyi mgon po'i skor la bka' babs bzhi las/__ga ya d+hA ra nas brgyud pa lam 'bras 1lugs kyi mgon rkyang dang /__sgrub thabs brgya rtsa nas 'byung ba'i ba ri lugs kyi mgon rkyang gnyis kyi rjes gnang /__so so'i man ngag gi lung /__/kha che 3paN+Di ta nas brgyud pa'i spu gri skor gsum gyi lung /__shin tu zab cing rgya che ba bla ma mal las brgyud pa'i skor la/__smin grol rgyab brten dang bcas pa las/__dang po 4la/__dbang bka' ma nub pa dang /__rjes gnang bka' ma nub pa gnyis kyi dang po ni/__mgon po lha lnga/__lha brgyad/__lha bcu gcig ma/__lha bcu bdun ma/__gri 'di ga ya d+ha ra nas brgyud pa yin/__gug lha lnga snyan brgyud lugs kyi dbang bcas lnga/__gnyis pa la/__lcam dral/__lha gsum/__lha brgyad thun mong dang /__thun mong ma yin pa/__ngor lugs lha brgyad/__lha bcu gnyis ma thun mong dang /__thun mong ma yin pa/__phyi khrid khro bcu/__gsang khrid lha dgu/__zhar byung mo rkyang du sgrub pa dud sol ma phyi sgrub dang /__gsang sgrub kyi rjes gnang gcer bu zangs gri can/__ber nag zangs gri can/__pu tra thun mong dang thun min/__bran bdud nag po thun mong dang /__thun min rnams so/__/gnyis pa las/__phyi khrid/__gsang khrid/__zhar byung mgon po/__dkar po'i tshe khrid bcas/__gsum pa la/__glegs bam me 'bar ma/__kha skong /__snyan brgyud/__yang skong ste snyan brgyud 'dzin pa phyi ma'i gsung rab/__yang skyo mda' bsod nams dbang phyug gis bsgrigs pa'i kha skong pod chen2/__gyi ljang pod/__dud sol pod bcas so/__/zhing skyong zhal bzhi pa'i skor la/__bsnyen 1dus thun mong /__sgrub dus thun 2mong /__thun mong ma yin 3pa/__gdong brnyan 4can/__gsang khrid sngon 5'gro'i rjes gnang /__dkar po tshe 'phel thun 6mong dang /__thun mong ma 7yin pa/__ser po rgyas byed/__dmar po dbang 9bsdud/__sngon po 10bgegs 'joms/__nor sgrub ser po lha 11dgu/__gnad dbabs 12mgon po/__khyung zhal can13/__shi sa bstan pa14/__bram ze mngags 15gtad/__ye shes kyi 16mgon po seng+ge nag po/__bram nag bshan pa 17drug skor/__ngor lugs bsnyen dus/__de'i bka' srung beg+tse lcam sring lha gsum dang /__'khor mang rnams kyi rjes gnang /__zhal gyi gsang khrid tshe khrid dang bcas pa/__thun mong ba dkar chag nor bu'i do shal gyis zin pa pod1/__thun mong ma yin pa chig brgyud ha la nag po ma bu pod gcig__/beg+tse'i pod gcig__/gzhan yang mgon dkar dmag zor ma dur khrod bdag po yab yum rnams kyi rjes gnang /__so so'i man ngag gi glegs bam/__gnubs lugs stag zhon/__legs ldan mched bya rgyud/__gsum sogs kyi rjes gnang bzhugs so/__/gsum pa gsung 'bum skor la/__sa skya gong ma lnga'i bka' 'bum pod bco lnga/__rgyal sras thog med bka' 'bum pod gcig__/ngor chen rdo rje 'chang bka' 'bum pod bzhi/__mus chen gcig__/kun mkhyen bson nams seng+ge'i sngags phyogs bzhi/__dkon mchog lhun grub bzhi/__dpal ldan don grub gcig__/zhu chen paN+Di ta 10rnams kyi bka' 'bum yongs rdzogs dang tshar chen yab sras/__paN chen nam mkha' dpal bzang /__ngag dbang chos grags/__sangs rgyas phun tshogs/__rmor chen kun dga' blo gros sogs kyi gsung 'bum thor bu bcas kyis mtshon mdo sngags kyi zab chos rgya mtsho lta bu zhig bzhugs shing /__sa ngor tshar gsum gyi ring lugs 'dzin pa'i dgon sde rnams su'ang /__bya rgyud tshe dpag lha dgu/__rnga sgra/__mi 'khrugs pa/__rnam rgyal/__rnam 'joms/__sgrol dkar/__rnal 'byor rgyud kun rig__/'chi 'joms rnams/__bla med pha rgyud gsang 'dus mi bskyod pa32/__'jam rdor19/__ma rgyud bde mchog 62lU nag 63gnyis/__gnyis med rgyud kye rdor man ngag lugs/__gur45/__sam+buT 17ste ngor lugs dkyil 'khor bdun du grags pa dang /__bdag med lha mo bco lnga/__gshin rje gshed dmar nag 'jigs gsum/__'jigs byed bcu gsum ma/__mkha' 'gro rgya mtsho/__yab chos yang phur gnyis/__dpal dus kyi 'khor lo sogs kyi sgrub mchod dang /__bcom ldan 'das rdo rje 'jigs byed dang /__rdo rje nag po chen po sogs kyi gtor zlog gis mtshon te bshad sgrub gyi phrin las gong gong dkar rdo rje gdan dang /__bkra shis chos sde sogs su sa lugs dang /__bu lugs 'dres ma'i sgrub mchod shin tu mang par bzhugs so/__/'phel du bzhugs pa lags so/__/ sa skya pa zhes grags pa'i sgra don ni/__rje btsun rin po che grags pa rgyal mtshan gyi zhal nas/__sa dkar po seng+ge'i gdong pa 'dra/__/dpal ldan sa skya seng+ge'i lus/__/'gro drug gi bsam pa 'gengs pa po/__/rje rdo rje 'chang gi bzhugs gnas yin/__/zhes gsungs pa ltar gnas kyi ming gang zag la chags pa yin no/__/ dpal sa skya pa'i ring lugs la dgag pa mdzad mkhan cher ma byung mod/__'on kyang mkhas grub dge legs dpal bzang sogs dge lugs pa'i phyogs dang /__kun mkhyen bu ston rin po che dang /__bo dong pa phyogs las rnam rgyal sogs kyis kyang cung zad dgag pa gnang ba'i lan ngor chen rdo rje 'chang dang /__kun mkhyen bsod nams seng+ge sogs kyis gsung rabs las shes par bya zhing /__paN chen shAkya mchog pas sdom gsum la dogs pa 'dri ba bkod pa dang /__thams cad mkhyen pa pad+ma dkar pos kyang sdom gsum gyi thad nas dgag sgrub cung zad dang /__brtags gnyis 'chad pa rnams la dri ba gnang ba sogs kyi lan kun mkhyen rin po che/__glo bo mkhan chen/__klu sgrub rgya mtsho/__ngag dbang chos grags sogs kyis rim par gnang ba dang /__chos rje ngor pa la rdzong lung bas dgag pa byas pa'i lan thams cad mkhyen pa dkon mchog lhun grub dang /__ngag dbang brtan pa'i rdo rje sogs kyis mdzad pa dang /__jo nang pa sogs kyi phyogs nas gsang chen slob bshad pa'i ring lugs la zur za mdzad par/__mang thos klu sgrub dang /__mkhan chen ngag dbang chos grags kyis lan zab cing rgya che bar gnang ba rnams la blo gros kyi mig bsgrubs na log rtog gi dri ma dang bral nas slar yang rgyu mtshan shes nas mi phyed pa'i dad pa thob par 'gyur ro//____//__!_

Footnotes

Other Information