JKW-KABUM-01-KA-001-004

🚧 This website is under continued development. We appreciate your patience!

Previous Section Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 4, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

རྫོགས་པའི་སངས་རྒྱས་ལ་བསྟོད་པ་ཡོན་ཏན་མཐའ་ཡས་པའི་རོལ་མོ། རྒྱ་གར་སྐད་དུ། གུ་ཎ་ནནྟ་བཱདྱཾ་ནཱ་མ་སཾ་བུདྡྷ་སྟུ་ཏི། བོད་སྐད་དུ། རྫོགས་པའི་སངས་རྒྱས་ལ་བསྟོད་པ་ཡོན་ཏན་མཐའ་ཡས་པའི་རོལ་མོ་ཞེས་བྱ་བ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དཔལ་ལྡན་ཡོན་ཏན་བྱེ་བའི་འབྱུང་གནས་གྲགས་པའི་གཞིར་གྱུར་རྨད་བྱུང་བ། །རྫོགས་པར་བཟུང་བའི་མཚན་གྱི་ངོ་མཚར་གང་དུ་སྣང་བའི་ལེགས་བྱས་ཀྱིས། །བཀྲ་ཤིས་རྟག་པ་དམ་པའི་ངལ་འཚོས་ཀུན་དགའི་འདོད་པ་འཇོ་བའི་དཔྱིད། །ཐམས་ཅད་མཁྱེན་པ་ཤཱཀྱའི་གཙོ་བོས་ས་གསུམ་དགེ་ལེགས་སྦྱིན་གྱུར་ཅིག ༡ །གང་ལ་སྐྱོན་ཀུན་མི་མངའ་ཞིང་། །དྲི་མེད་རིག་དང་སྙིང་རྗེ་སོགས། །བསྔགས་འོས་རྒྱ་མཚོའི་མཐར་སོན་ཕྱིར། །སེམས་ཤེས་སུ་ཞིག་འདུད་མི་བགྱིད། ༢ །དེ་སླད་བདུད་རྩིའི་ཟླ་བ་དང་། །དྲི་ཡིས་ཙནྡན་ནགས་ཀླུང་བཞིན། །སྨན་མཛད་ཁྱོད་ཀྱི་རྣམ་པར་ཐར། །བསྔགས་པའི་རོལ་མོས་ཅུང་ཟད་མཚོན། ༣ །གང་ཚེ་བྱང་ཆུབ་སྤྱོད་པའི་ཕུལ། །བསྲུབས་སྐྱེས་དཔག་བསམ་ལྗོན་པ་ནི། །ཐམས་ཅད་མཁྱེན་ཅེས་གྲགས་འབར་བ། །སྲིད་དང་ཞི་བའི་ཕ་མཐར་འཁྲུངས། ༤ །གཟོད་ནས་རྣམ་གྲོལ་མཆོག་བརྙེས་བཞིན། །ཤིན་ཏུ་གདུལ་དཀའི་འགྲོ་བ་ལ། །བརྩེ་བས་སྲིད་པ་ཐ་མའི་ཚུལ། །འཆི་མེད་རིགས་ཀྱི་ཚལ་དུ་མཛེས། ༥ །དེ་ཚེ་སྨན་དང་བཅས་པ་ཡིས། །འཇིག་རྟེན་དགེ་བའི་གཏམ་གྱི་དབྱངས། །ལེགས་ལྡན་དཔྱིད་ཀྱིས་བཟུང་བ་ཡིས། །པདྨོ་ལྟ་བུར་རྒྱས་པར་གྱུར། ༦ །ནམ་ཞིག་བསོད་ནམས་གྲངས་མེད་པས། །བསྐྲུན་པའི་མཚན་དཔེའི་ཆ་ཤས་རེས། །འཕགས་པའི་ཚོགས་ཀྱང་ཟིལ་མནན་ནས། །གཉིས་འཐུང་དབང་པོའི་ཟོལ་གྱིས་འོང་། ༧ །གང་དུ་དགེ་མཚན་སྣང་བ་ནི། །མཐའ་དག་བཟུང་བའི་མདུན་ས་དེར། །ངོ་མཚར་བྱེ་བའི་རོལ་སྒེག་ཅན། །སྔོན་མེད་ཨུཏྤལ་མཆོག་གཅིག་དགོད། ༨ །རིང་ནས་གོམས་པའི་ས་བོན་ཅན། །ཁྱོད་གཅིག་ཁོ་ནར་སྨོས་ཅི་འཚལ། །རྨད་བྱུང་གཟུགས་སྐུའི་མེ་ཏོག་ཁུར། །འཛིན་བཟོད་ལྗོན་པ་འདི་ངོ་མཚར། །ལེགས་སྤྱོད་རྫོགས་ལྡན་སྤྲིན་ཆེན་ལས། །བྱུང་བའི་འབྱོར་པས་ཡིད་ཅན་རྣམས། །ངལ་འཚོའི་དགའ་སྟོན་མི་ཟད་པས། །དོན་ཀུན་གྲུབ་པའི་མཚན་སྙན་ལེན། ༡༠ །རྡུལ་དང་བྲལ་བའི་མཁྱེན་རབ་མཆོག །སཱ་ལའི་ཤིང་ཆེན་རྒྱས་པ་ལས། །ཇི་སྙེད་ཤེས་བྱའི་མེ་ཏོག་ནི། །བདུད་རྩིས ་བྲན་པ་བཞིན་དུ་མཛེས། ༡༡ །ཨེ་མ་ཁེངས་པའི་ཡིད་ཀྱི་མཚོ། །འབྲི་བྱེད་དུས་ཀྱི་ཉི་མ་དང་། །སྐལ་བཟང་བློ་གྲོས་ཆུ་གཏེར་ཆེ། །འཕེལ་བའི་ཟླ་བ་ལྷན་ཅིག་འཆར། ༡༢ །འདམ་སྐྱེས་རྫབ་ཀྱིས་མ་གོས་བཞིན། །ཁྱོད་ཐུགས་སྲིད་ལས་རིང་འདས་ཀྱང་། །འཇིག་རྟེན་མཐུན་པར་འཇུག་པའི་སླད། །བཙུན་མོའི་འཁོར་གྱིས་རོལ་པ་ན། ༡༣ །ས་བདག་མཆོག་ཏུ་དགྱེས་པ་དང་། །འབངས་རྣམས་ཤིས་པར་འཚོ་བ་དང་། །དེས་ཀྱང་གཞན་ལ་སྨན་པ་སྟེ། །གསུམ་པོ་འདི་ནི་མཉམ་དུ་བྱུང་། ༡༤ །དེ་ལྟར་ན་ཡང་ཡོངས་འདུའི་ལྗོན། །ལྷ་རྣམས་བསོད་ནམས་དང་བ་སྟེ། །འཕགས་པའི་ཚོགས་ཀྱི་ཡེ་ཤེས་ཀྱང་། །ཞི་བའི་ནགས་སུ་འཁྲུངས་གཟིགས་ནས། ༡༥ །བྷཱ་བཏྣི་རྒ་ཎ་ཧི་མཱ་ན། སྲིད་ལས་ངེས་འབྱུང་ཁ་བ་ཡི། །སྨཱི་ཏཱི་མ་ན་སྱ་གངྒཱ་སུ། འཛུམ་ལྡན་ཡིད་ཀྱི་གངྒཱ་ནི། །མོཀྵ་ཏྲི་བནྠ་ཙཱར་ཎྱེ། ཐར་པའི་ལམ་གསུམ་རྒྱུ་བ་ལ། །བཱཪྻཱ་ནྟ་རཀ་ཐཱ་སཱཧ། བཟློག་པའི་གོ་སྐབས་ཇི་ལྟར་བཟོད། ༡༦ །ཨ་པ་ར་དྲྀ་ཥྟས་མཱ་དྷྱཻ། ཚུ་རོལ་མཐོང་བའི་ཏིང་འཛིན་གྱིས། །བྷ་བཱ་གྲཱམྟ་ར་གཱ་ཏཱ་པི། སྲིད་རྩེའི་བར་དུ་བགྲོད་ནས་སླར། །ཀུན་མཁྱེན་ཡེ་ཤེས་དེ་ལྟ་བུའི། །སྤྱོད་ཡུལ་ཉིད་ལས་འདའ་སྨོན་སླད། ༡༧ །ནཻ་རཉྫ་ནའི་འགྲམ་ངོགས་སུ། །རླབས་བཞིན་ངལ་མེད་བརྩོན་འགྲུས་ཀྱིས། །མཁའ་ཁྱབ་ཏིང་འཛིན་དམ་པའི་རོ། །སྦྲང་རྩི་ལྟ་བུར་བཏུང་མཛད་མཐར། ༡༨ །ཤིན་ཏུ་མཁྲེགས་པའི་རྡོ་བ་ལ། །ཕྱག་རྒྱའི་རེ་ཁཱ་བཀོད་པ་བཞིན། །རིང་ནས་རྗེས་སུ་དགོངས་པ་ཡི། །དམ་བཅའི་འབྲས་བུ་རྫོགས་པའི་སླད། ༡༩ །གང་དུ་གཤེགས་ན་འཕགས་རྣམས་ཀྱིས། །བྱང་ཆུབ་བརྙེས་པའི་ཤིང་དྲུང་དུ། །རྡོ་རྗེའི་སྐྱིལ་ཀྲུང་གཅིག་ཁོ་ནས། །མཐའ་གཉིས་བཅོམ་པའི་སྙིང་སྟོབས་བཟུང་། ༢༠ །མཛད་འཕྲོ་ལུས།། །། ༈

[edit]

rdzogs pa'i sangs rgyas la bstod pa yon tan mtha' yas pa'i rol mo/__ rgya gar skad du/__gu Na nan+ta bAd+yaM nA ma saM bud+d+ha stu ti/__bod skad du/__rdzogs pa'i sangs rgyas la bstod pa yon tan mtha' yas pa'i rol mo zhes bya ba/__'phags pa 'jam dpal gzhon nur gyur pa la phyag 'tshal lo/__/dpal ldan yon tan bye ba'i 'byung gnas grags pa'i gzhir gyur rmad byung ba/__/rdzogs par bzung ba'i mtshan gyi ngo mtshar gang du snang ba'i legs byas kyis/__/bkra shis rtag pa dam pa'i ngal 'tshos kun dga'i 'dod pa 'jo ba'i dpyid/__/thams cad mkhyen pa shAkya'i gtso bos sa gsum dge legs sbyin gyur cig__1_/gang la skyon kun mi mnga' zhing /__/dri med rig dang snying rje sogs/__/bsngags 'os rgya mtsho'i mthar son phyir/__/sems shes su zhig 'dud mi bgyid/__2__/de slad bdud rtsi'i zla ba dang /__/dri yis tsan+dan nags klung bzhin/__/sman mdzad khyod kyi rnam par thar/__/bsngags pa'i rol mos cung zad mtshon/__3__/gang tshe byang chub spyod pa'i phul/__/bsrubs skyes dpag bsam ljon pa ni/__/thams cad mkhyen ces grags 'bar ba/__/srid dang zhi ba'i pha mthar 'khrungs/__4_/gzod nas rnam grol mchog brnyes bzhin/__/shin tu gdul dka'i 'gro ba la/__/brtse bas srid pa tha ma'i tshul/__/'chi med rigs kyi tshal du mdzes/__5__/de tshe sman dang bcas pa yis/__/'jig rten dge ba'i gtam gyi dbyangs/__/legs ldan dpyid kyis bzung ba yis/__/pad+mo lta bur rgyas par gyur/__6__/nam zhig bsod nams grangs med pas/__/bskrun pa'i mtshan dpe'i cha shas res/__/'phags pa'i tshogs kyang zil mnan nas/__/gnyis 'thung dbang po'i zol gyis 'ong /__7__/gang du dge mtshan snang ba ni/__/mtha' dag bzung ba'i mdun sa der/__/ngo mtshar bye ba'i rol sgeg can/__/sngon med ut+pal mchog gcig dgod/__8__/ring nas goms pa'i sa bon can/__/khyod gcig kho nar smos ci 'tshal/__/rmad byung gzugs sku'i me tog khur/__/'dzin bzod ljon pa 'di ngo mtshar/__/legs spyod rdzogs ldan sprin chen las/__/byung ba'i 'byor pas yid can rnams/__/ngal 'tsho'i dga' ston mi zad pas/__/don kun grub pa'i mtshan snyan len/__10__/rdul dang bral ba'i mkhyen rab mchog__/sA la'i shing chen rgyas pa las/__/ji snyed shes bya'i me tog ni/__/bdud rtsis_ bran pa bzhin du mdzes/__11__/e ma khengs pa'i yid kyi mtsho/__/'bri byed dus kyi nyi ma dang /__/skal bzang blo gros chu gter che/__/'phel ba'i zla ba lhan cig 'char/__12_/'dam skyes rdzab kyis ma gos bzhin/__/khyod thugs srid las ring 'das kyang /__/'jig rten mthun par 'jug pa'i slad/__/btsun mo'i 'khor gyis rol pa na/__13_/sa bdag mchog tu dgyes pa dang /__/'bangs rnams shis par 'tsho ba dang /__/des kyang gzhan la sman pa ste/__/gsum po 'di ni mnyam du byung /__14__/de ltar na yang yongs 'du'i ljon/__/lha rnams bsod nams dang ba ste/__/'phags pa'i tshogs kyi ye shes kyang /__/zhi ba'i nags su 'khrungs gzigs nas/__15__/b+hA bat+ni rga Na hi mA na/__srid las nges 'byung kha ba yi/__/smI tI ma na s+ya gang+gA su/__'dzum ldan yid kyi gang+gA ni/__/mok+Sha tri ban+tha tsAr N+ye/__thar pa'i lam gsum rgyu ba la/__/bAR+YA n+ta raka thA sAha/___bzlog pa'i go skabs ji ltar bzod/__16__/a pa ra dr-i Sh+tas mA d+h+yai/__tshu rol mthong ba'i ting 'dzin gyis/__/b+ha bA grAm+ta ra gA tA pi/__srid rtse'i bar du bgrod nas slar/__/kun mkhyen ye shes de lta bu'i/__/spyod yul nyid las 'da' smon slad/__17_/nai rany+dza na'i 'gram ngogs su/__/rlabs bzhin ngal med brtson 'grus kyis/__/mkha' khyab ting 'dzin dam pa'i ro/__/sbrang rtsi lta bur btung mdzad mthar/__18__/shin tu mkhregs pa'i rdo ba la/__/phyag rgya'i re khA bkod pa bzhin/__/ring nas rjes su dgongs pa yi/__/dam bca'i 'bras bu rdzogs pa'i slad/__19__/gang du gshegs na 'phags rnams kyis/__/byang chub brnyes pa'i shing drung du/__/rdo rje'i skyil krung gcig kho nas/__/mtha' gnyis bcom pa'i snying stobs bzung /__20__/mdzad 'phro lus//___//__!_