JKCL-KABUM-Volume-10-THA-Full Text Tibetan-wylie
@#/__/mda' bsnun zhabs kyi snyan brgyud thabs lam gyi dum bu bzhugs/__/
sor rtogs ye shes me bo che/__/rab dmar chags pa'i 'od 'bar bas/__/brtan g.yo'i dwangs bcud zhu ba'i rgyun/__/thig le bde ba chen por smin/__/dwangs ma'i rang gzugs tsa na ka__/'khor lo'i lte bar brtan pa las/__/'gro dang ldog pa cir yang shar/__/res 'ga' ye shes phyag rgya'i sku/__/res 'ga' yi ge'i dbyibs su'ang shar/__/phal cher thig le'i rnam pa ste/__/ma rtogs pas ni 'khor ba skyed/__/srid pa'i 'khor lo rgyun mi chad/__/rnal 'byor lam gyi thabs ldan pas/__/rtsa rlung thig le'i grong dang gnas/__/longs spyod rnam pa thams cad pa/__/rig pa'i skyes bus longs spyod pas/__/ma dag rgyu ba dbyings su 'ching /__/dwangs ma ye shes stabs su smin/__/de yang bum pa'i dbang gis bskyed/__lus ni lha skur smin pa dang /__/dbyibs dag pas ni rdzogs pa yi/__/gsang ba'i dbang gis smin par bya/__/rlung dang gtum mo 'bar ba'i klong /__/thig le ri bong 'dzin zhu ba'i/__/bde ba'i ye shes sred pa las/__/rab grol sred med d+hu tir 'bab/__/lus gnas rtsa la khyab pa dang /__/dwangs ma 'khor lo bzhi'i lte bar/__/dga' bzhi'i ye shes bcud du rdzogs/__/de nas phyag rgya mtshan ldan ma/__/yid 'ong mthong bas bde skyed ma/__/rgyud smin blo sbyongs byas pa nyid/__/khams bskyed blta bcangs lag sbrel dang /__/'o byed dga' ba'i glus bskul ba'i/__/rjes chags bde ba 'bar ba'i tshe/__/sbyor thabs rnam pa sna tshogs pas/__/'du shes gsum gyi rnal 'byor dang /__/bsnyen sgrub yan lag bzhis rdzogs shing /__/pha rol phyin pa bcu dag dang /__/tshogs dang sbyor mthong sgom pa'i lam/__/phyi nang gnas dang sa bgrod dang /__/bo la kak+ko lar zhugs pas/__/thabs mchog he ru ka dpal ni/__/ha~M yig gangs ri zhu ba'i rgyun/__/'khor lo'i gnas nas rim bzhin byon/__/dbang bzhi rdzogs par byas pa'i mthar/__/dkar dmar zhal sbyor de yi mod/__/lhan skyes dpe yi ye shes kyi/__/bde mchog stong pa'i mkha' dbyings ngos/__/brtan g.yo'i gzugs brnyan sna tshogs 'char/__/slar yang 'khrul 'khor byed thabs dang /__/khyad par rig pa thabs shes kyis/__/mda' gzhu'i 'khrul 'khor rmad byung bas/__/gtsug tor nor bu'i rtse mor 'phang /__/de yi de ma thag nyid du/__/bcu drug phyed phyed thig le can/__/yan lag med pa'i rtsis las 'das/__/rdul bral shin tu dwangs ma'i gzugs/__/de yi 'od zer rab 'phros pas/__/snang ba thams cad bde bar shar/__/bde ba'i de nyid stong pa nyid/__/khams gsum lus dang ngag yid kyi/__/dri ma thams cad rnam dag pa'i/__/mchog tu mi 'gyur ye shes sku/__khyab bdag rnam pa thams cad pa/__/'dis 'grub dpal ldan he ru ka'i/__/go 'phang gsang ba dam pa ni/__/dka' ba med par thob par 'gyur/__/e ma shin tu gsang ba yi/__/rgya che'i dum bu bzhi bcu pa/__/mda' bsnun bdag gi gsang ba'i tshig__/sprul pa'i rig 'dzin la gtad pa/__/mngon du snang ba'i skabs med kyang /__/dum bu gcig gi bye brag ni/__/ye shes rdo rje'i snying la snang /__/'di yi sa bon rab 'phros pas/__/rig 'dzin grub par mngon snang 'gyur/__sa ma ya:__rgya rgya rgya:__ces pa'ang kho bo pad+ma ye shes rdo rje 'chi med 'phags ma'i bsnyen sgrub kyi chu sbrul dbo zla'i tshes 8la rig ngor snang ba dang /__mda' bsnun gyi ye shes sku 'ol tsam mjal ba dang bris pa'o//___//
@#/__/snyan brgyud yang phur sbrag ma'i zab tig gi rdzogs rim gud sbas bzhugs so/__/
shrI he ru ka haM:__smin cing grol bar byed pa yi:__zab mo'i khrid kyi rim pa ni:__sngon 'gro dngos gzhi rjes gsum moH'khor bar nges par 'byung ba yi:__mi rtag 'chi ba rjes dran cing :__las 'bras blang dor brtson pa dang :__dal 'byor rnyed dka'i rang bzhin lam:__skyabs 'gro sems bskyed sgrib sbyangs rnams:__tshogs bsags bla ma'i rnal 'byor bsgoms:__gsal gdab dbang blang thugs yid bsre:__khyad par bskyed pa'i rim pa ni:__zung 'jug chen por yongs grub laHkun brtags lha yi phyag rgya ni:__zab gsal chen po mthar thug pa:__nyams lnga mthar phyin bar du sgom:__gsal ba tshad du phyin pa'o:__de ni bum dbang lam khyer ro:__ngag dang rdo rje'i bzlas pa yi:__rlung sngags 'gro 'ong stobs su smin:__mi shigs dwangs mar smin pa las:__brjod pa rdo rje nA da'i sgra:__gsung gi rgyan du rang byung ba'o:__dngos gzhi rlung gi dug bsal nas:__stong ra bsgom zhing lte ba ru:__raM yig bsgom la sems gtad cing :__'og rlung bskum dang me sbar zhing :__kum+b+ha kha sbyor cho ga yis:__bde drod ye shes rim gyis skye:__mi rtog gnyug ma'i ngang du bzhag:__slar yang bde chen sgrub pa ni:__lus gnas 'khor lo bzhi ldan gsal:__dbu ma'i yar sna he ru ka:__dkar po bde ba'i nyams ldan gsal:__lte 'og me dang dbyer med pa'i:__phag mo dmar mo gsal ba la:__sems gtad kum b+ha'i sbyor ba yi:__shes rab stong pa'i mes bskul bas:__'khor lo'i rtsa 'dab thams cad bsregs:__bla ma'i sku las bdud rtsi drangs:__'khor lo'i gnas rnams thams cad dang :__khyad par shes rab sgyu mar thim:__'bar 'dzag bde chen dgyes mchod sprin:__mkha' dbyings khyab par 'phros pa yis:__rtsa gsum zhi khro'i tshogs rnams kun:__spyan drangs thabs mchog dpa' bor bstim:__de ltar dmigs pa drag tu bzung :__he ru ka dpal snying gar byon:__phag mo bde ba'i gar 'khyugs nas:__snying gar 'dzom dang dgyes par rol:__mthar ni byang sems thig ler gyur:__de la sems gtad thig le ni:__dbu ma'i yar snar spros pa dang :__sna rtse rdo rje nor bu'i rtser:__res mos bzung zhing mtha' ru ni:__snying gar mthar ni stong chen dbyings su thim:__bstim la gsal stong gi:__lta ba mtha' dang bral bar bskyangs:__gsang dbang lam byed rim pa'o:__thig le sngo skya hU~M mtshan pa:__gsum pa'i lam la brten pa yi:__drod thob rnal 'byor brtsams par bya:__rigs can lnga po dgug byas nas:__drang nges chos bshad zab dbang bskur:__'dod pa'i bde ba spel byas nas:__rol thabs brgyad dang 'du shes bzhis:__snyoms 'jug dga' bzhi lugs 'byung gi:__ye shes ngos bzung dbab bskyil bzlog:__lugs ldog bcu drug mthar son gyi:__bde ba'i ye shes rdul dang bral:__'gyur med bde ba chen po ni:__'pho med kun la khyab pa'o:__yan lag lus sbyangs 'dren bkram bzlog:__'khrul 'khor lta ltangs 'bad par bya:__pho nya'i lam gyi rim pa'o:__bzhi pa'i don gyi ye shes ni:__mtshan mtshon kun las rab 'das pa'i:__yang dag grub pa chen po dang :__rig pa'i ye shes phur pa ste:__snang srid 'khor 'das chos rnams kun:__rtsal rdzogs chen por lhun gyis grub:__ru shan phyi nang dbye ba dang :__sgo gsum rnal du dbab pa ni:__ka dag lta ba nam mkha'i dbyings:__rgya chad phyogs lhung kun bral ba:__yid dpyod bsam las 'das pa ru:__bla ma'i drin gyis rang thog sprod:__thams cad rang grol chen por blta:__shar grol dbyer med chen po'o:__gang byung spyod pa'i rtsis gdab bral:__lhun grub chen po'i gnas lugs ni:__sgron ma bzhi yis mngon du byed:__snang bzhi mthar phyin e ma ho:__bzhi pa'i lam gyi rim pa'o:__sgo gsum dpal chen khro rgyal gyi:__sku bzhi'i ngo bor byang chub nas:__thams cad rig pa rang snang gi:__rang byung khro bo'i sar bkod pas:__'gro don 'khor ba dong sprugs 'gyur:__i thi:__kha thaM:__rgya rgya rgya:__man+t+ra gu h+ya:__brda thim:__kho bo rang byung pad+ma gling pa la:__rig 'dzin mkhas grub rgyal po rnam pa bzhi'i:__yi dam mnog chos stsal ba'i yang phur gnyis:__ji bzhin nyams len skal ba dben gyur kyang :__bsnyen sgrub 'brel 'jog byed pa'i gnas skabs su:__bla ma lhag pa'i lha yi byin rlabs las:__rig stong 'od gsal klong lnga'i sgrom las thon:__ring du gsang zhing shing mo lug gi lor:__rang dang rigs mthun rdo rje'i mched po ni:__kun gzigs mang+ga'i mtshan can mchog la phul:__dge bas dpal chen go 'phang myur thob shog::__::__
ye shes mgon po gdong bzhi ba'i srog gtad bzhugs/__gu ru rje la gus btud nas/__dben pa'i gnas su stegs bu'i khar/__/rdul tshon maN+Dal gzhi mthing nag__/gru gsum dmar nag 'khor rtsibs bzhi/__/lte bar zla gam thod ras bskor/__/phyi rol rdo ra me ris brgyan/__/de dbus bum pa thod chang dang /__/sin+d+hU'i me long sa bon mtshan/__/sku tsaka sngags phreng phyag mtshan dgod/__/phyi nang mchod gtor 'dus byas la/__/sgrub po he ru ka bskyed cing /__/bzlas pa sngags kyi nus ldan bya/__/mdun du chos skyong bskyed bstim dang /__/bzlas pa skong bshags nan tan dang /__/bum par zhal bzhi bskyed bzlas sgrub/__/las bum bdud rtsi 'khyil pas bsang /__/slob ma snod ldan khrus nas dbyung /__/bgegs phral srung ba'i 'khor los bcing /__/chos bshad lo rgyus maN+Dal phul/__dus gsum sangs rgyas 'gro ba'i mgon/__/dkyil 'khor mnga' bdag he ru kas/__/brtse ba chen pos dgyes dgongs nas/__/gdong bzhi 'khor bcas dbang bskur stsol/__/lan gsum rgyud sbyongs sdom bzung rjes/__/slob ma zhal bzhi par bskyed nas/__/ye shes dbab bstims brtan par bya/__dbang lha spyan drangs bum pa'i chus/__/spyi bo nas blug dbang bskur gyur/__/dbang bskur rdo rje chen po ni/__/khams gsum kun gyi bdag po che/__/rgyal ba'i gsang gsum las byung ba'i/__/ye shes bdud rtsi'i chus dbang bskur/__/sngags mthar ka la sha btags sbyin/__rjes 'brel sku gsung thugs dbang bskur/__hoHye shes chos skyong kun gyi gtso/__/dregs pa'i lha chen yongs kyi rje/__/zhing skyong chen po gdong bzhi pa'i/__/sku yi dbang bskur khyod la sbyin/__/sngags mthar/__kA ya a b+hi Shiny+tsa oM/__AH__ji snyed brjod pa kun gyi gsung /__rdo rje sngags kyi sgra gdangs kyis/__/rlung sngags dbu mar dengs pa dang /__/mi shig nA da'i gsung 'grub shog__/wAka a b+hi Shiny+tsa AH__sngags kyi bzlas lung sbyin par bya/__/dam ldan thun min srog chu sbyin/__/thugs ni phyag mtshan snying gar bstim/__hU~M/__thugs ni rang byung ye shes te/__/phyag mtshan gzugs su shar ba yi/__/mi rtog ye shes mngon gyur nas/__/bde chen srog tu smin par shog__/sngags mthar/__tsit+ta a b+hi Shiny+tsa hU~M/__gsang dbang thod pa'i bdud rtsi sbyin/__bla ma he ru ka yab yum/__/rjes chags bde ba'i glus bskul bas/__/zhing skyong yum bzhir snyoms zhugs pa'i/__/gsang ba'i dbang bskur sbyin par bya/__/a ho ma hA su kha hoHsin+d+hu'i me long snying gar gtad/__hoHchos rnams kun gyi 'byung gnas che/__/bde chen bskyed pa'i phyag rgya ni/__/'di gar snyoms zhugs bde bas rol/__/s+t+waM pad+ma b+han+dza mo k+Sha hoHrdo rje'i tshig gi ngo sprod bya/__aH'khor 'das thams cad rang gi sems/__/sems nyid gdod nas skye 'gags bral/__/gnyis med rang byung bde chen por/__/'khor 'das chos kun stong srog gi/__ye shes phyag rgya'i klong du sdom/__/d+harma d+hA tu a a aHmtha' rten gnod byed dgra bgegs kyi/__/rU pa bshams pa dam brdar zhing /__/dgug gzhug bsgral mchod mdor bsdus bya/__/ling ro hom du bsregs par bya/__sa ma ya:__rje bla ma'i phyag bris dngos las dag par zhal bshus so//___//
rang rig blo bral ngang nas 'dud/__gu ru sa ra ha'i sgrub thabs/__de la sbyor dngos rjes gsum yod/__/sbyor ba bla ma'i sku 'bag bshams/__/dben par bsdad la lus gnad bsrang /__aHblo bral chos dbyings stong gsal dkyil 'khor du/__/rang rig bla ma gu ru sa ra ha/__/rang grol 'dzin med ngang nas skyabs su mchi/__/mkha' mnyam 'gro ba sgrol bar sems bskyed do/__/bka' bsgo zhing mtshams bcad ni/__gnyis 'dzin ltar snang 'khrul pa'i bgegs/__/mi shig gnyug ma'i phyag rgyar dengs/__/rang snang srung ba'i gur khang la/__/mtshams kyi 'du 'phro lhun gyis grub/__badz+ra rak+Sha b+h+rU~M/__mchod pa byin brlab ni/__oM AHhU~M/__chos dbyings dang mnyam snod yangs su/__/phyi nang gsang ba'i mchod pa ni/__/ngo bo bzang la gya nom pa/__/kun bzang rnam 'phrul mtha' klas gyur/__byin dbab pa ni/__hU~M hrIHbde chen 'bar ba'i pho brang nas/__/he ru ka dpal gshegs su gsol/__/mi shig dbu ma'i grong khyer nas/__/dpal mgon bla ma gshegs su gsol/__/gar bzhugs dag pa'i zhing khams nas/__/grub thob chen po gshegs su gsol/__/gnas khang dag pa'i zhing du bsgyur/__/mos pa'i bu la byin chen phobs/__/mchog dang thun mong dngos grub stsol/__/oM AHhU~M gu ru badz+ra d+ha ra sa ra ha pa dA e a ra li hrIng hrIng pheM pheM hU~M hU~M hU~M/__zhes pas byin dbab bo/__/dngos gzhi dam tshig bskyed pa ni/__aHgzung 'dzin mtshan ma dbyings su dengs/__/gzhi snang rang gdangs lhun grub tu/__/rig pa rdo rje lu gu rgyud/__/'ja' zer thig le bkra ba'i dbus/__/seng khri pad+ma nyi dkyil steng /__/srog bral bam chen bsgyel ba'i steng /__/rang rig bla ma sa ra ha/__/gzhon tshul zhi ma khro yi nyams/__/dbu skra ral pa'i thor cog can/__/lhag ma sku rgyab sil bur grol/__/sma ra thugs ka'i gzhi mdor slebs/__/thod skam rus rgyan stag sham gsol/__/zhabs gnyis dpa' bo rol stabs bzhugs/__/thabs shes phyag gnyis mda' smyug bsrang /__/zur mig spyan gyis de la gzigs/__/sku lus rtsa gsum zhi khro yi/__/til gyi gong bu bzhin du bzhugs/__/gnas gsum rdo rje'i 'bru gsum mtshan/__/ma bskyed ye rdzogs chen por gsal/__/ye shes pa spyan 'dren pa ni/__hU~M hrIHgnyug ma zang thal bral ba'i dbyings/__/gzhon nu bum pa sku yi sbubs/__/tshogs brgyad dur khrod rol pa'i klong /__/he ru ka dpal gshegs su gsol/__/steng phyogs me ri 'bar ba yi/__/dur khrod tshang tshing 'khrigs pa nas/__/grub thob chen po sa ra ha/__/dpa' bo mkha' 'gro'i tshogs bcas gshegs/__/snod bcud ye nas rnam par dag__/'gro 'ong bral ba'i zhing khams nas/__/gdod ma'i mgon po sa ra ha/__/blo bral ngang nas gshegs su gsol/__/gzhi snang lhun grub ta la la/__/sku dang tshom bu shigs se shig__/ye shes khro bo'i stangs stabs kyis/__/kyai 'dir gshegs dbang bskur byin chen phobs/__/mchog dang thun mong dngos grub stsol/__/oM badz+ra a we sha ya hrIng hrIng pheM pheM dzaHhU~M ba~M hos dbyer med byas/__a/__gdod nas dam tshig ye shes pa/__/du ma snang yang ro gcig tu/__/chu la chu bzhag ji bzhin du/__/mi 'bral rtag par bzhugs su gsol/__/sa ma ya tiSh+Tha lhan/__phyag 'tshal ba ni/__na mo/__skye 'gag 'gro 'ong thams cad bral/__/rang byung byang chub sems kyi dbyings/__/bde stong zung 'jug bla ma rjer/__/rang rig brda yis phyag bgyi'o/__/na mo na ma mi/__mchod pa ni/__oM AHhU~M/__de bzhin dbyings nyid bde ba chen po'i snod/__/rang snang tshogs drug ma 'gags 'dod yon rgyan/__/rdo rje'i longs spyod dag pa ci mchis pa/__/mnyam nyid ro mnyam ngang nas mchod pa 'bul/__/oM sarba pany+tsa ka ma gu Na ta na ga na gu h+ye bo d+hi tsit+ta ma hA su kha pU dza ho/__bstod pa ni/__a/__'khor 'das byed po byang chub sems/__/ma bcos thig le chen por rdzogs/__/stong pa'i phyag rgya'i ngo bor shar/__/rdo rje'i sku la phyag 'tshal bstod/__/'gro 'ong 'pho ba dbu mar dengs/__/rlung lnga nA da mi shig pa/__/stong chen chos kyi rang sgra sgrogs/__/ma 'gags gsung la phyag 'tshal bstod/__/nam mkha' lta bur mtha' dbus bral/__/'pho 'gyur mtshan ma kun las 'das/__/rang byung ye shes chen por gsal/__/brjod bral thugs la phyag 'tshal bstod/__/e ma ho/__brjod med brjod pa kun las 'das/__/skye 'chi bral ba 'od kyi lus/__/rdo rje mi shig ti la ka__/bde stong chen por phyag 'tshal bstod/__/dzab[i] bzla ba ni/__thugs kar 'od kyi gur khyim dbus/__/pad nyi rdo rje rtse lnga pa/__/lte bar hU~M yig mthing kas mtshan/__/mtha' mar sngags kyi phreng bas bskor/__/'od 'phros rgyal mchod byin rlabs bsdus/__/'gro ba'i sgrib sbyangs dag pa'i sku/__/gzhom bral sngags kyi rang sgra sgrogs/__/snang srid 'og min chen por rdzogs/__/oM AHhU~M/__badz+ra gu ru sa ra hA sa ma ya dzaHdzaHsarba sid+d+hi phA la hU~M AH__bdun phrag gsum du bzla bar bya/__/dngos nyams rmi lam ci rigs su/__/bla ma lha yis rjes su 'dzin/__/nyams rtogs ye shes yon tan 'char/__/rdzogs rim dug bsal lus gnad bsrang /__/dbu mar hU~M yig mthing ka las/__/'od zer sngon po 'phros pa yis/__/snang srid thams cad 'ubs kyis bsdus/__/spyi bo nas zhugs hU~M la thim/__/lus nang 'od zer sngon pos khyab/__/sgrib gnyis dri ma sangs bar bsam/__/hU~M yig gtsug tor rtse mor son/__/'od zer lnga ldan drwa ba yis/__/lus g.yogs de dang dbyer med 'dres/__/hU~M thim de nyid skar mda' ltar/__/'og min bla ma he ru ka'i/__/thugs dang dbyer med 'dres pa las/__/bsam gyis mi khyab rdzogs pa che/__/ye babs gzhi yi dgongs pa de/__/rtsol med lam gyi bgrod pa las/__/'bras bu de nyid mngon du 'char/__/slar yang 'gro la rjes chag pa'i/__/sprul pa sgyu ma lta bur ldang /__/de ltar yang yang 'bad byas na/__/rlung sems gnyis med lha skur 'grub/__/rnam rtog 'od gsal dbyings su deng /__/rig pa chos sku'i rgyal sa zin/__/__!_gsum pa rjes kyi rim pa la/__/tshogs kyi mchod pa 'bul ba ni/__aHrang byung bde skyong yangs pa'i snod/__/tshogs rdzas rigs lnga bdud rtsi lnga/__/ma bcos ma bslad gtsang sme bral/__/chos kyi dbyings kun khyab par gyur/__/oM hU~M tra~M hrI a/__aHphyi nang zang thal sgrib g.yog bral/__/zhal phyag mtshan ma kun dag par/__/dbyings ye zung 'jug tshogs mchod 'bul/__/byang chub sems kyi dngos grub stsol/__/'khor lo lnga yi grong khyer nang /__/bla ma mkha' 'gro'i tshogs bcas la/__/bde chen dga' bzhi'i tshogs mchod 'bul/__/zhu bde stong pa'i dngos grub stsol/__/tsit+ta 'od kyi drwa ba na/__/gdod ma'i mgon po sa ra ha/__/gzhi snang lhun grub tshogs mchod 'bul/__/byin chen 'phro ba'i dngos grub stsol/__/kun brtags nyes pa thams cad bshags/__/gzhan dbang ma dag bsgral ba las/__/dag pa yongs grub chen po yi/__/go 'phang dam pa stsal du gsol/__/tshogs la rol zhing smon lam gdab/__lhag ma lhag la dbang bar sbyin/__dpal chen po yi pha 'bab la/__/rtag tu longs spyod lhag la dbang /__/'dir gshegs lhag ma'i mchod pa bzhes/__/phyi nang bar chad bzlog tu gsol/__/srung mar dam bsgrags gtor ma sbyin/__sngon tshe 'og min gsang ba cher/__/kun bzang he ru ka dpal gyi/__/rgyud gsum dam can dregs pa'i tshogs/__/gtor ma bzhes la phrin las sgrubs/__/rig pa shar grol chen po la/__/bar gcod kun rtog tshogs sgrol cig__/gsum pa rjes kyi rim pa la/__dngos grub blang ba ni/__sku bzhi'i ngo bo bla ma rdo rje 'chang /__/bdag gi spyi bor byon nas dbang bzhi bskur/__/byin gyis rlobs shig mchog thun dngos grub stsol/__/tshe 'di nyid la zung 'jug 'grub par shog__/bsngo smon shis pa brjod pa ni/__dpal mgon bla ma bsgrubs pa'i 'bras bu yi/__/bsod nams gang mchis 'gro ba'i rgyud la bsngo/__/kun kyang zung 'jug dam pa mngon gyur nas/__/'gro ba yongs kyi dpal du 'gyur bar shog__/shis brjod ni/__bla ma'i byin rlabs mkha' la sprin ltar 'khrigs/__/yi dam lha yis rtag tu byin gyis rlob/__/chos skyong srung mas bar chad thams cad bsal/__/rtsa gsum dkyil 'khor lha yi bkra shis shog__/de ltar bla ma sgrub pa'i thabs/__/zab pa'i man ngag dang bcas pa/__/pad+ma bdag gi legs par sbyar/__/skal ldan dpal du 'gyur bar shog__/sa ma ya rgya//___//
sha bA ri/__AH__chos rnams stong pa'i ngang nyid las/__/pad zla ri dwags pags pa'i steng /__/grub pa'i dbang phyug sha wA ri/__/dkar smug ras kyi smad g.yog dang /__/me tog phreng ba'i rgyan gyis spras/__/dbu skra thor cog chung ngu la/__/lhag ma g.yas g.yon ring du 'phyang /__/ut+pal phreng ba'i rtsa chings la/__/dpral bar thod skam gcig gis brgyan/__/sha ba'i ro ni phrag g.yon bkal/__/g.yas pas mda' dang g.yon pas gzhu/__/zhabs gnyis pus g.yas gyen du bslangs/__/g.yon pa gdan la brten byas shing /__/dpral bar bla ma rdo rje 'chang /__/mthing gsal rdor dril yum dang sbyor/__/mgrin par spyan ras gzigs dbang dkar/__/sems nyid ngal gso'i phyag rgya can/__/thugs kar 'khor lo sdom pa sngo/__/mthing nag rdo rje dril bu bsnams/__/phag mo yum dang gnyis med 'khril/__/lte bar sgrol ma khro gnyer can/__/mchog sbyin ral gri ut+pal bsnams/__/gsang bar ye shes mgon po mthing /__/zhal gcig phyag drug pad nyi dang /__/tshogs kyi bdag po'i steng na bzhugs/__/gnas gsum yig 'bru gsum las ni/__/'od 'phros ye shes spyan drangs thim/__/dbang lhas dbang bskur rigs kyi bdag__/'od dpag med pas dbur rgyan gyur/__/las kyi rim par spyan 'dren ni/__hrI phai/__'og min chos dbyings zhing khams dang /__/longs spyod rdzogs dang sprul pa'i zhing /__/gnas yul dur khrod brgyad sogs nas/__/grub pa'i dbang phyug sha wA ri/__/mkha' 'gro rgya mtsho'i tshogs dang bcas/__/gdugs dang rgyal mtshan thibs se thib/__/rol mo mang po'i sgra dang bcas/__/gnas 'dir spyan 'dren gshegs su gsol/__/gshegs nas byin gyis brlab tu gsol/__/oM e h+ye hi badz+ra sa ma dzaHdzaHhU~M ba~M ho/__tshogs bsags pa la/__rgyas par yan lag bdun pa dang /__bsdu na rgyun bshags byas la/__slar yang /__oM AHhU~M/__rab 'byams zhing kun thams cad na/__/phyi nang gsang ba'i mchod pa ni/__/kun bzang rnam rol las byung ba/__/'dzad med nam mkha' mdzod kyi sprin/__/rig 'dzin dkyil 'khor lha la 'bul/__/oM gu ru sarba ta thA ga ta sa pa ri wA ra badz+ra ar+g+haM nas/__shab+da/__rU pa nas/__spaR+she ma hA sarba pany+tsa a mr-i ta ra sa ya na rak+ta ba liM ta ta na g+ha Na d+harma d+ha tu pU dza hoHe ma mchod pa mchod pa che/__/'khor 'das mnyam nyid byang chub sems/__/gzung 'dzin mtshan ma las 'das pa/__/de kho na nyid mchod pa'i rgyal/__/bstod pa ni/__e ma hoHgrub pa'i rig 'dzin kun gyi rje/__/sangs rgyas kun gyi rnam par 'phrul/__/pad+ma gar dbang sha wA ri/__/gang 'dul cir yang bsgyur la bstod/__/ye shes rgya mtsho thugs mnga' ba/__/bdag med seng ge'i sgra dang ldan/__/gzi brjid phreng ba lta na sdug__/he ru ka dpal khyod la bstod/__/kun tu bzang po kun bdag nyid/__/sems dpa' rdo rje de rang bzhin/__/kun tu thogs med spyan ldan pa/__/grub brgya'i 'khor los bsgyur la bstod/__/de ltar bstod pa'i glu 'di ni/__/zhing khams kun tu rab tu khyab/__/kun gyi mthun par bsgrags pa yi/__/byang chub rdo rje la 'god shog__/gsal dag brtan pa'i nga rgyal bya/__/bzlas dmigs ni/__lha rnams thugs kar khro bo la nyi ma/__/zhi ba rnams la zla ba/__nyi zla la/__/so so'i sa bon sngags kyis mtshan/__/'od 'phros 'phags mchod don gnyis bya/__/snod bcud bla ma'i dkyil 'khor shar/__/oM AHma hA gu ru badz+ra d+hA ra sarba sid+d+hi hU~M:__oM AHlo ki shwa ra kha sar pa Ni sarba sid+d+hi hU~M:__oM AHhrI ha ha hU~M phaT:__oM sarba bud+d+ha DA ki ni ye swA hA:__oM ta re tut+ta re tu re hU~M phaT swA hA:__oM badz+ra ma hA kA la k+ShiM k+She tra big+h+nAn bi na ya ka hU~M hU~M phaT swA hAHrnams bzla bar bya'o/__/de rnams las rang gang mos pa de gtso bor bzla zhing /__de yang bla ma las bdud rtsi 'bebs sbyong gi dbang bzhi blangs pa'i dmigs pa dang /__thugs chen las rigs drug gnas sbyongs/__yi dam bde mchog las pho nya gsum gyi byin bsdu dang phra thig gi dmigs pa/__sgrol ma las las bzhi'i sgrub pa dang /__mchog gi bde ba chen po sgrub pa/__mgon po las drag po'i phrin las kyi dmigs pa rnams bya'o/__/rjes tshogs mchod ni spyi khyab ltar la/__mchod cing bstod de nongs pa bshags/__snod bcud thams cad 'od du zhu nas rang la thim/__rang phyi nang lha dang bcas pa stod smad nas rim bzhin bsdus te bde mchog 'khor lor thim/__de gsal bzhin pa'i ngang spro na dril bu rim lnga'i rdzogs rim sgom/__mi spro na/__de yang 'od du zhu nas thig le sngo dmar 'dres pa rgya sran tsam du gsal ba rlung rig dbyer med du gtad la gzung 'dzin gyi rtog pas ma bslad pa ci gnas su bzhag mthar de yang dmigs med stong chen gyi ngang du bzhag go__/rjes spyod lam la 'jug pa na cir snang thams cad stong gzugs ye shes sgyu ma'i rnam rol du lam du khyer bar bya'o/__/ces pa'ang me sprel smin zla'i tshes la ma ga d+hA'i shar lho dur khrod bsil ba'i tshal du song nas sha wA ri pa'i sgrub phug tsan+dan shing sdong po rkang gcig pa'i drung du nyams kyi snang bar grub chen de nyid kyi byin rlabs kyi mtshan ma cung zad thob pa'i rkyen gyis gang shar gang dran du many+dzu d+harma ma ti'am pad+ma ye shes rdo rjes yi ger btab pa'o//___//
grub rgyal/__gzung 'dzin mi dmigs bsam brjod bral/__/kun snang snying rje sgyu ma'i ngang /__/rang rig hrIHdkar 'od zer 'bar/__/'ja' zer thig le'i klong chen por/__/pad dkar zla ba rgyas pa'i dbus/__/hrIHbab skad cig dran rdzogs su/__/grub pa'i rgyal mo sku mdog dkar/__/dung la pho tshos byugs 'dra ba'i/__/cung zad dmar ba'i mdangs dang ldan/__/zhi 'dzum dar dang rin chen rgyan/__/dbu skra thor tshug phyed grol zhing /__/pany+tsa li ka dkar po yi/__/gzan gyis dkris shing zhabs gnyis ni/__/long bu bsnol zhing tsog pu'i tshul/__/phyag g.yas mda' dar g.yon thugs ka__/thod pa bdud rtsis gang ba'i dbus/__/tshe bum dmar po bdud rtsis gtams/__/gnas gsum yig 'brus mtshan pa dang /__/'od 'phros ye shes spyan drangs thim/__phrin las las byang du rgyas 'dod na mkhyen brtse'i zhabs kyi dag snang 'ja' lus rdo rje'i srog sgrub sbyar/__mchan/__dam tshig ye shes 'du 'bral med/__/rang rig mjal ba'i phyag gis btud/__/snang srid ye rdzogs mchod pa 'bul/__/bsam mi khyab pa'i ngang du bstod/__/thugs kar tshe dpag med mgon ni/__/mnyam bzhag tshe bum longs sku'i chas/__/gos dkar yum dang gnyis med sbyor/__/thugs dbus nyi zla'i ga'u ru/__/hrIHmthar sngags kyi phreng bas bskor/__/spyi bor bla ma pad+ma 'byung /__/mtsho skyes rdo rje dkar dmar mdangs/__/rdo rje thod pa tshe bum 'dzin/__/man+da ra ba dmar gsal ni/__/mda' dar tshe bum 'dzin dang sbyor/__/oM b+h+rU~M badz+ra a yu She sa ra re shwa ra re hU~M/__zhes gsol ba mang du btab/__sku las 'od 'phros 'khor 'das kyi/__/bcud bsdus bla mar thim pa dang /__/sku las bdud rtsi'i rgyun bab pas/__/rang lus bdud rtsi'i gang bar bsam/__oM gu ru A yur sid+d+hi hrIHhU~M b+h+rU~M a ma ra ni dzi wan+ti ye swA hA/__zhes bzlas dbang blang /__thugs yid bsre zhing lta ba bskyang /__rang gi thugs ka'i sngags phreng las/__/'od zer spro bsdus snod bcud kyi/__/sgrib sbyangs dwangs bcud tshur bsdus shing /__/slar yang rgyal ba sras bcas kyi/__/byin rlabs bsdu bstim phyogs bcu yi/__/gdon gyis brku 'phrog nyams pa rnams/__/a nr-iHhrIHdang 'od lnga yi/__/rnam par bsdus nas thim pa dang /__/bla tshe bkrag mdangs yar ba dang /__/'byung lnga'i khams nas tshe nyams gsos/__/bla srog brtan cing rtsa thig rlung /__/mi 'gyur bde ba chen por smin/__/'chi med rdo rje'i srog thob bsam/__oM gu ru a yur+dz+nyA na hrIHb+h+rU~M na mo b+hA ga wa te a pa ri mi ta sogs/__tshe yi gzungs sngags 'bum phrag dang /__/gong gi bsnyen sngags 'bum phrag bcu/__/bzlas pas rdo rje'i sku thob pa'i/__/dngos nyams mtshan ltas bzang po 'byung /__/de tshe dngos grub spyi ltar blangs/__/rjes chog tshogs kyi mchod pa sogs/__/'ja' lus rdo rje'i srog sgrub ltar/__/sbyar bas don rnams tshang bar 'gyur/__/skabs su rdzogs pa'i rim pa ni/__/rlung dug bsal zhing stong ra sgom/__/rtsa 'khor lnga bskyed 'khor lo lnga/__/'byung khams dwangs ma'i thig le sgom/__/bum can bzung zhing thig le las/__/'byung ba so so'i bcud bsdus bstim/__/lte bar hrI dmar spyi bor haM/__/'bar 'dzag 'phro 'du'i bde 'od kyis/__/'khor 'das bsregs bzhus thig ler bstim/__/mthar ni snying kha'i hrIHla bsdu/__/mi rtog ye shes tshe dpag med/__/don gyi rang zhal mngon sum bskyangs/__/bogs 'byin nam mkha'i zas za dang /__/phyi rol nyi zla'i bcud bsdus te/__/nang gi nyi zlar bstim par bya/__/thabs ldan rig ma mtshan ldan la/__/sbyor bas pad+ma'i bcud bsdus bstim/__/bya bas lam gyi bogs 'don 'gyur/__/smin byed dbang gi rim pa yang /__/srog sgrub dbang ltar bskur bas 'grub/__sa ma ya:__ces pa 'di la rje grub pa'i rgyal mo'i byin rlabs kyi mtshan ma shas tsam snga nas thob cing /__'di'i sgrub skor sa gter zhig yod snyam byed kyang gsal cha ma byung /__chu sbrul hor zla brgyad pa'i tshe phur pa'i bsnyen pa skabs kyi tshes nyer dgu'i snga thun la sku yi rnam pa nyams la gsal bas rkyen byas te pad+ma ye shes rdo rjes gang shar bris pa bstan 'dzin skyes chen rnams 'chi bdag bdud las rgyal ba'i rgyur gyur cig__/mang+ga laM//___//
snyan brgyud dam pa'i bla sgrub snying thig gi/__dbang chog ye shes bcud thig bzhugs/__pha gcig dam pa rje la 'dud/__shin tu gsang ba'i rnal 'byor ni/__/nyams blangs smin par byed pa'i thabs/__/dkyil 'khor dmar zlum lte ba ru/__/thig le mthing ga chen po'i dbus/__/hrI d+hI mU~M gyi sa bon bkod/__/bum pa thod chang rig tsag dang /__brtul zhugs spyod pa'i chas rnams dang /__/tshe yi dngos grub rdzas rnams bkram/__/me long shel rdo dang bcas mthar/__/phyi nang mchod tshogs ci 'byor bshams/__/slob dpon rang nyid nus ldan sgrub/__/dbang rdzas dbyangs gsal rten snying gis/__/byin gyis brlab cing nus ldan bya/__/ting nge 'dzin gyi dbang blangs shing /__/rnam par 'joms pas las bum sgrub/__/slob ma khrus dbyungs bgegs bsal zhing /__/lo rgyus ji ltar rigs pa brjod/__/maN+Dal phul ba gsol ba btab/__/sangs rgyas kun bdag ngo bo nyid/__/he ru ka dpal dam pa rjer/__/gus pas gsol btab bdag rgyud ni/__/yongs su grol bar mdzad du gsol/__/lan gsum/__skyabs sems tshogs bsags dang /__/sdom bzung ji ltar rigs par bya/__/dngos gzhi lhar bskyed ye shes dbang /__/tiSh+Tha badz+ras brtan par bya/__/dbang lha spyan drangs mchod gsol gdab/__/de nas dbang rnams rim par bskur/__/bum pa bzang po che ba'i mchog__/yon tan kun gyi rgyan ldan pa/__/byang chub sems kyi rgyun bzang pos/__/skal ldan khyod la dbang bskur sbyin/__/ji ltar bde gshegs rgyal rnams kyis/__/de bzhin sras rnams dbang bskur ltar/__/dbang bskur rdo rje chen po 'dis/__/des ni khyod la dbang bskur ro/__/oM sarba ta thA ga ta a b+hi She ka ta sa ma ya shrI ye hU~M/__oM badz+ri b+ha wa ab+hi Shiny+tsa hU~M/__spyi bo nas ni dbang bskur zhing /__/sgrib dag byin brlabs lus gang zhing /__/bde ba chen po nyams su myongs/__/chu lhag spyi bor lud pa las/__/pad+ma'i rigs kyi gtsor gyur pa'i/__/dbang lhas dbur brgyan rgyas gdab bya/__dbang lha bstim zhing brtan bzhugs dang /__/mnga' gsol shis brjod ci rigs bya/__/bla ma'i smin mtshams oM yig las/__/oM dang sku 'phros bum dbang thob/__/sku yi gsang ba'i byin rlabs zhugs/__/brtan byed snang brnyan spyi gtsug bzhag__/oM/__sangs rgyas kun gyi sku yi bdag__/he ru ka dpal dpa' bo che/__/dam pa sangs rgyas 'gro mgon gyis/__/sku yi byin brlabs sbyin par bya/__/sngags mthar/__kA ya a b+hi Shiny+tsa oM/__bla ma'i mgrin pa'i AH__yig las/__/AH__dmar sngags kyi phreng ba 'phros/__/gsung gi gsang ba'i byin rlabs zhugs/__/bzlas lung sbyin cing bgrangs phreng ni/__/mgrin par bzhag cing brtan par bya/__AH__ji snyed brjod pa kun gyi gzhi/__/sgra tshig las 'das rang byung gi/__bdag med seng+ge'i sgra ldan pa/__/kun tu brjod pas dbang bskur ro/__/sngags mthar/__wA ka a b+hi Shiny+tsa AH__thugs ni tsit+ta dmar po ni/__/hU~M gis mtshan pa snying dbus bzhag__/bla ma'i thugs nas 'od dmar gyi/__/gong bu hU~M gis mtshan pa spros/__/snying ga'i dbus su thim par bsam/__hU~M/__mi rtog ye shes bsam las 'das/__/gzung 'dzin spros pa kun zhi ba/__/rig stong 'od gsal thugs kyi dbang /__/'pho 'gyur med pa mngon gyur shog__/sngags mthar/__tsit+ta a b+hi Shiny+tsa hU~M/__bum dbang rtogs bskyed gsang dbang sbyin/__AH__rang byung pad+ma b+hany+dza'i snod/__/bla ma he ru ka dpal nyid/__/dgyes pa chen pos snyoms zhugs pa'i/__/byang chub sems kyi bdud rtsi'i bcud/__/skal ldan lce la bzhag pa yis/__/rtsa khams yi ge'i 'khor lor smin/__/rlung bcu rnam par dag gyur te/__/de bzhin gshegs pa'i gsang ba che'i/__/ye shes thig le'i bcud thob shog__/a ho ma hA su kha hoH/__bde ba'i ye shes ngo sprad cing /__/dbang gi rtogs bskyed sher dbang sbyin/__/rig pa'i gzugs brnyan la sogs pa/__/dbang po'i rim pa dang bstun bya/__/hoHchos rnams kun gyi 'byung gnas che/__/bde ba chen po gsang ba'i yum/__/rigs kyi bu la sbyin par bya/__/sngon byon rgyal ba thams cad kyang /__/thabs mchog 'di la brten nas grol/__/'di spangs na ni dngos grub med/__/de bas blo gros thabs chen pos/__/gsang ba mchog la spyod par bgyi/__/pad+ma b+hany+dza mo k+Sha hoHrjes chags snyoms zhugs bde chen ni/__/rnam bcas stong nyid sgyu ma'i 'phrul/__/ngo sprod de yi don bskyangs shing /__/rjes 'brel brtul zhugs chas rnams sbyin/__/e ma hoHdgyes pa'i gar gyis rnam rol pa/__/bde mchog brtul zhugs grub pa che/__/rdo rje'i gnas yul kun tu rgyu/__/'jigs pa med pa'i brtul zhugs kyis/__/zhum med snang ba zil gnon cing /__/mkha' 'gro'i rus rgyan/__stag sham/__DAr rkang /__ro gdan/__kha T+wA~M/__rten 'brel gal rta rnams/__tshogs dang skal mnyam phyir/__/rnal 'byor rol pa'i chas 'di longs/__/sngags dang dbyangs gsal rten snying mthar/__tsaR+Ya a b+hi Shiny+tsa hU~MHdbang gi rtogs bskyed tshig dbang sbyin/__/me long shel rdo'i brdas mtshon te/__oM AHhU~M hoHa ho ye/__skye med stong pa'i rang sgra las/__/tshig tu brjod pa kun tu snang /__/don gyi yum chen sher phyin ni/__/kun tu bzang po'i dgongs pa'i klong /__/ye nas rang la rdzogs pa la/__/spang thob bral ba'i chos kyi dbyings/__/gting gsal 'dus ma byas pa la/__/ngo bo sku dang ye shes rdzogs/__/lam lnga'i rtog pa dbyings su chod/__/rten 'brel sgyu ma ltar snang yang /__/don la bri gang 'pho 'gyur bral/__/de bzhin nyid dbyings klong du a/__a a a/__zhes dgongs pa gtad cing rig pa bsre/__/dbang gi rtogs bskyed mtha' rten du/__/tshe yi dngos grub sbyin cing bskul/__/tshe yi 'brang rgyas bzang po thogs/__/hrIH'chi med ye shes 'od kyi sku/__/tshe bdag 'dus pa'i ngo bo nyid/__/'ja' lus rdo rje'i sku brnyes pa/__/he ru ka dpal dam pa rje'i/__/'chi med tshe yi dbang bskur bas/__/skye 'chi'i rtogs pa dbyings su gzhom/__/tshe dpag med mgon yab yum gyi/__/gsang gsum rtag pa'i dbang bskur sbyin/__/sngags mthar/__oM badz+ra a yu She tshe b+h+rUMnr-i dza sarba sid+d+hi pha la hU~M/__oM a mA ra Ni dzI wan+ti ye swA hA/__zhes brjod tshe 'brang tshe rdzas dngos grub sbyin/__/shis pa brjod cing dga' ston bya/__/dam tshig bsgrags bzung gtong rag 'bul/__/des ni yongs su smin par 'gyur/__/sa ma ya/__gu h+ya/__rgya rgya rgya/__ces pa'ang kho bo pad+ma ye shes rdo rje rang lo 65ba me bya zla 12tshes 22la dam pa sangs rgyas de nyid kyi sku yi snang brnyan ra ris 'char ba'i rkyen gyis yid ngor shar ba bzhin/__rje bla ma pad+ma 'od gsal mdo sngags gling pa'i dam pa'i bla sgrub dag snang snyan brgyud kyi smin byed du yin par rlom nas 'bras ljongs mkha' spyod DA ki'i pho brang ngo mtshar sprul pa'i zhing gi gtsug lag khang chen po'i 'gram log gi ba gam du shar mar bris pa nongs par gyur na snying nas bshags shing sgrib par mi 'gyur ba dang /__legs byas kyis gdul bya skal bzang rnams rgyud yongs su smin cing pha gcig dam pa'i gsang ba gsum gyi byin rlabs snying la sim pa'i rgyur gyur cig__/sarba dA mang+ga laM/__shu b+haM/__gong gi rgyal zla'i tshes 20skor 'gos lo'i deb ther sngon po mjal bas zhi byed skor gyi rnam thar lam tsam re bltas skabs/__dam pa sangs rgyas sku mdog dmar smug dbu skra nag po ral pa ring po'ang min pa/__thung ngu'ang min pa arbad can lta bu phyag gnyis res dpral bar nam mkha' mdzod rgya can/__res DA ru thod pa bsnam pa zhig yid ngor lam lam gsal ba byung ngo /__/sarba dA mang+ga laM//___//
rmad du byung ba'i slob dpon chen po dge bsnyen zla ba'i zhabs kyi sgrub thabs ye shes rang gsal bzhugs/__a/__chos kun mi dmigs stong pa'i ngang /__/pad dkar zla ba'i gdan gyi steng /__/hrIHdkar yongs su gyur pa las/__/rmad du byung ba'i slob dpon che/__/tsan+d+ra go mi zla ba'i zhal/__/shin tu mdzes shing gzhon tshul ldan/__/na bza' dkar po 'dung ma dmar/__/dbu skra zur phud bcings pa yi/__/lhag ma lcang lo rgyab tu bsnyil/__/phyag g.yas klu shing steng ral gri/__chos 'chad g.yon ut+pa steng nor bu/__mnyam bzhag__/glegs bam bsnams shing dbu gtsug tu/__/'phags pa sems nyid ngal bso bzhugs/__/pad dkar zla ba rgyas pa'i steng /__/zhabs gnyis phyed krung stabs kyis 'gying /__/gnas gsum yi ge 'bru gsum las/__/'od 'phros ye shes pa spyan drangs/__/dam ye gnyis su med par gyur/__/spyan ras gzigs dngos mi yi gzugs/__/sangs rgyas bstan pa gsal mdzad cing /__/'gran zla kun bral bla ma rjer/__/sgo gsum gus pas phyag 'tshal lo/__/lus dang longs spyod dge tshogs rnams/__/kun tu bzang po'i mchod pas mchod/__/tshe rabs thog med nas bsags pa'i/__/sdig ltung skye med ngang du bshags/__/'phags dang so skyes bsags pa yi/__/legs byas dge bar rjes yi rang /__/zab dang rgya che'i chos 'khor lo/__/rtag pa rgyun du bskor bar bskul/__/mya ngan 'da' bar bzhed pa rnams/__/bskal pa ji srid bzhugs gsol 'debs/__/zag bcas zag med dge tshogs kun/__/nam mkha'i mtha' mnyam 'gro la bsngo/__/dge bas byang chub chen po yi/__/go 'phang dam pa thob gyur cig__/kun bzang rnam rol mchod pa'i sprin rgya mtsho/__maN+Dal gcig tu legs par bzlums byas te/__/dpal ldan bla ma'i zhabs la dmigs te 'bul/__/rmad byung tshogs gnyis yongs su rdzogs par shog__/a ho ngo mtshar rmad du byung /__/dri med zla ba rgyas pa'i zhal/__/'phags pa'i sku nyid dge bsnyen gzugs/__/zla ba'i zhabs la phyag 'tshal bstod/__/'jig rten kun gyi mig gcig pu/__/mkhyen dang brtse ba'i ye shes gter/__/rgyal sras rigs gsum sems dpa' dang /__/dbyer med chen por phyag 'tshal bstod/__/gang gis khyod la gsol btab pas/__/de la de ma thag byin rlobs/__/dngos grub 'dod dgu stsol mdzad pa/__/bla ma mchog la phyag 'tshal lo/__/de ltar phyag 'tshal bstod pa'i mthus/__/zla ba'i zhabs kyis rjes bzung nas/__/mkhyen gnyis ye shes rgyas pa dang /__/grub pa mchog gi dngos grub stsol/__/thugs dbus pad dkar ze 'bru'i dbus/__/zla steng hrIHd+hIHdkar 'tsher 'bar/__/rdo rje'i sngags kyi rang sgra 'phros/__/snod bcud dag mnyam chen por rdzogs/__/oM AR+Ya lo ki shwa ra many+dzu shrI mu~M hrIHa ra pa tsa na d+hIHwa kye daM na maHpradz+nyA dz+nyA na sarba sid+d+hi pha la hU~M swA hA/__zhes pa'i gsang sngags bcud dril 'di/__/'bum phrag bcu bdun sum bzlas pa/__/zhal mthong gsung thos rig rtsal 'bar/__/dbang po'i skal ba dang 'tshams pa'i/__/dngos grub rnam gnyis thob par 'gyur/__/sa ma ya/__ces pa'ang me sprel smin zla'i tshes gsum la 'bras ljongs nas rgya gar chos 'byung nang tsan+d+ra gau mi'i rnam thar mjal ba na mos gus kyi zil las nyams kyi snang bar ra rir 'char ba dang rang rig klong nas thol byung bri 'dod byung ba ltar de 'phral yi ger btab ba 'dis kyang dngos grub rnam gnyis yid bzhin du 'jo ba'i rgyur gyur cig/___//__hrI d+hIHhrI d+hIH
srong btsan sgam po'i bla sgrub ye shes rang shar bzhugs/__bod la bka' drin che ba yi/__/sprul pa'i rgyal po'i rnal 'byor ni/__/nyams su blang bar 'dod pa na/__/bde ba'i stan la bag phab nas/__/nges 'byung skyabs 'gro sems bskyed bya/__a/__stong pa'i ngang las mdun gyi mkhar/__/nor bu chu shel las grub pa'i/__/gzhal med khang chen yangs pa'i nang /__/rat+nas brgyan pa'i khri steng du/__/dar zab 'bol chen brtsegs pa'i steng /__/sprul pa'i rgyal po srong btsan rje/__/dkar gsal zhi 'dzum mtshan dpes spras/__/rgyal po'i cha byad ber phyams gsol/__/phyag g.yas chos 'chad g.yon mnyam bzhag__/nor bu dbang gi rgyal po bsnams/__/dbu la dar dkar la thod bcing /__/spyi bor 'od dpag med pa bzhugs/__/zhabs gnyis rgyal po rol pa'i stabs/__/thugs kar 'phags pa bcu gcig zhal/__/de yi thugs kar spyan ras gzigs/__/kha sar pa Ni phyag gnyis pa/__/bzhengs pa'i stabs kyis bzhugs par gsal/__/gnas gsum yi ge 'bru gsum las/__/'od 'phros ye shes spyan drangs gyur/__ma lus sems can kun gyi=__sogs brjod nas spyan drangs/__bcom ldan 'dir ni=__sogs dang /__bdag dang 'gro la=__sogs/__de srid bcom ldan dbyer med bzhugs/__/dzaHhU~M ba~M hoHsa ma ya tiSh+Tha lhan/__dam ye dbyer med du bstim/__bzang spyod kyi lan lag bdun pa/__mchod phreng rgyas bsdus ci rigs dang /__maN+Dal kyang 'bul la/__gsol ba 'debs so 'phags mchog spyan ras gzigs/__/gsol ba 'debs so sprul pa'i rgyal po mkhyen/__/gsol ba 'debs so srong btsan sgam po rje/__/gsol ba 'debs so byin gyis brlab tu gsol/__/mchog dang thun mong dngos grub stsal du gsol/__/byang chub sems mchog 'byong bar byin gyis rlobs/__/'gro don dpag med 'byung bar byin gyis rlobs/__/sprul pa'i rgyal po khyod dang mtshungs par shog__/ces dang /__oM AHma hA gu ru lo ki shwa ra ni rma kA ya d+harma ra dza sarba sid+d+hi hU~M/__zhes kyang bzla/__sprul pa'i rgyal po'i gnas rnams nas/__/sku dang sngags phreng phyag mtshan tshogs 'od zer dang bcas char ltar babs/__/rang la thim zhing dbang bskur thob/__/sgrib dag sku bzhi'i sa bon bzhag__/mthar ni bla ma rang la thim/__/rang nyid sprul pa'i rgyal por gsal/__/thugs kar zla steng hrIHyig mthar/__/sngags kyi phreng bas bskor ba las/__/'od 'phros rang gzhan don gnyis byas/__/snod bcud 'phags pa'i skur gyur bsam/__/oM ma Ni pad+me hU~M/__ces dang zhal bcu gcig pa'i gzungs ring bzla/__mthar ni lha dang bla ma rnams/__/rang sems gcig gi rol par blta/__/stong dang snying rje dbyer med pa'i/__/rig pa'i gshis lugs ngang la bzhag__/mthar ni dge bsngo smon shis dang /__/rjes spyod chos spyod rnam bcur brtson/__/des ni don gnyis mthar phyin 'gyur/__/de ltar bla ma'i rnal 'byor 'di/__/yer pa zla ba phug tu ni/__/smin drug zla ba'i tshes drug gi/__srod la nyams shar ji bzhin du/__/yi ger bkod pa'i dge ba yis/__/bstan 'gro'i bde skyid 'phel ba dang /__/bla ma sprul pa'i chos rgyal che'i/__/byin rlabs 'jug pa'i rgyur gyur cig__/sarba mang+ga laM//___//
@#/__/nyang nyi ma 'od zer gyi bla sgrub rig 'dzin snying thig bzhugs/__/
gu ru pad+ma 'byung gnas dang /__/chos rgyal tshangs pa dngos snang ba/__/gter bton grub pa'i rgyal po ni/__/nyang ral nyi ma 'od zer gyi/__/bla sgrub zab mo'i rnal 'byor dbye/__/de la sngon 'gro dngos gzhi rjes gsum gyi/__/dang po skyabs su 'gro ba ni/__/na mo/__dkon mchog rtsa gsum 'dus pa'i dngos/__/bla ma rig 'dzin chen po la/__/bdag dang mtha' yas sems can rnams/__/mi phyed gus pas skyabs su mchi/__/gnyis pa sems gnyis bskyed pa ni/__bdag gzhan gnyis su 'dzin pa rnams/__/gnyis 'dzin 'khrul rtog rgyu 'bras las/__/bsgral nas gnyis med byang chub la/__/'god phyir bla ma bsgrub par bgyi/__/gsum pa bka' bsgo mtshams gcod ni/__e ma nga ni rang byung ba/__/dpal chen khro rgyal nyid kyi bka'/__/bgegs tshogs 'dug pa'i skabs med pas/__/da lta nyid du so sor dengs/__/'dug na brlag par gdon mi za/__/hU~M hU~M hU~M sum b+ha ni yi sngags kyis bskrad/__hU~M/__khro bo'i tshogs rnams slar 'dus pas/__/phyag mtshan 'bar ba'i gur du gyur/__/khro tshogs me dpung 'khyil ba yis/__/bdud bgegs dmigs med dbyings su bsregs/__/badz+ra rak+Sha b+h+rU~M/__bzhi pa byin chen 'bebs par bskul/__hU~M hrIHbrdal khyab chos sku'i pho brang nas/__/ka dag bla ma gshegs su gsol/__/rang grol chen por byin phob la/__/'khrul pa dag pa'i dbang mchog skur/__/rang bzhin longs sku'i pho brang nas/__/lhun grub bla ma gshegs su gsol/__/'od gsal chen por byin phob la/__/ye shes rgyas pa'i dbang mchog skur/__/thugs rje sprul sku'i pho brang nas/__/'gro 'dul bla ma gshegs su gsol/__/rig rtsal chen por byin phob la/__/shar grol chen po'i dbang mchog skur/__/oM AHhU~M ma hA gu ru dz+nyA na badz+ra sa ma ya A be sha ya a AH__hring hring phaiM phaiM hU~M hU~M hU~M dzaHhU~M ba~M hoHlnga pa mchod rdzas brlab ba ni/__ra~M ya~M kha~M/__oM AHhU~M/__gnas yul dag pa'i zhing khams che/__/phyi nang gsang ba'i mchod tshogs ni/__/nam mkha' lta bur 'dzad pa med/__/kun tu bzang po'i sprin du gyur/__/oM badz+ra ar+g+haM nas/__shab+da rU pa shab+da gan+d+herA sa spaR+she pU dza AH__hU~M/__oM AHhU~M sarba pany+tsa a mr-i ta rak+ta ba ling+ta hU~M hrIHTha/__badz+ra s+pha ra Na khaM/__gnyis pa dngos gzhi'i las rim la/__dang po rten dang brten pa bskyed/__hU~M/__ma bcos ka dag dbyings kyi ngang /__/kun snang snying rje chen por shar/__/rig rtsal rgyu yi yi ge hrIHdkar dmar mkha' las 'ja' ltar shar/__/de las e ya~M ra~M ba~M la~M/__/'phros pas 'byung lnga ri rab steng /__/rdo rje'i srung 'khor chen po'i nang /__/sna tshogs rdo rje pad rwa dang /__/'od zer 'phro ba'i klong dkyil na/__/b+h+rU~M las gzhal med khang chen po/__/rgyan dang bkod pa lhun rdzogs pa'i/__/lte bar pad nyi bam ro'i steng /__/nam mkhar gnas pa'i hrIHyig bab/__/spro bsdu'i bdag nyid chen po yi/__/phyag mtshan gri gug thod khrag gyur/__/de las spro bsdus yongs gyur pa/__/dus gsum sangs rgyas skyed pa'i yum/__/sangs rgyas mkha' 'gro dkar dmar mdangs/__/zhal gcig phyag gnyis gri thod 'chang /__/zhabs gnyis gar stabs rin po che/__/rus pa'i rgyan dang lha rdzas kyi/__/stod g.yogs smad g.yogs dar dpyang dang /__/dbu skra sil grol spyan gsum pa/__/bzhad pa'i nyams ldan khro chags can/__/ye shes me 'od 'bar ba'i klong /__/rtsa gsum rab 'byams dgyes par bskul/__/spyi bor pad zla nyi ma'i steng /__/rtsa ba'i bla ma nyi ma 'od/__/he ru ka yi cha byad can/__/spyan zlum dbu skra thor cog rtser/__/rdo rje phyed pa'i tog gis brgyan/__/dkar dmar khro 'dzum mtshan dpes mdzes/__/phyag g.yas rdo rje thugs kar bsgyings/__/g.yon pas mnyam bzhag thod chang bsnams/__/mchan g.yon rdo rje'i kha T+wA~M brten/__/zhabs zung rgyal po rol pa'i stabs/__/spyi bor snang mtha' mgrin spyan gzigs/__/thugs kar o rgyan rdo rje 'chang /__/lte bar gsang ye DA ki lnga/__/gsang bar dpal mgon ma ning nag__/rgyud gsum dregs tshogs rgya mtshos bskor/__/gzhan yang phung khams skye mched kun/__/ma skyes ye rdzogs chen por gsal/__/gnas gsum rdo rje gsum gyis mtshan/__/ye shes lnga yi dbang mchog bskur/__/oM AHhU~M/__oM AHhU~M swA hA/__gnyis pa spyan drangs bzhugs su gsol/__hU~M hrIHngo bo 'od gsal sku gsum gyi/__/zhing khams rgya mtshor bzhugs pa yi/__/phyogs bcu dus bzhi'i rtsa ba gsum/__/mi mngon dbyings nas thugs rjes gzigs/__/rnal 'byor rig 'dzin mched lcam gyis/__/gdung ba'i dbyangs kyis bskul lags na/__/mkha' la sprin ltar brdol nas kyang /__/gnas mchog 'di ru byin gyis rlobs/__/sgrub mchog bdag la dbang chen bskur/__/mchog dang thun mong dngos grub stsol/__/oM AHhU~M badz+ra gu ru dz+nyA na DA ki nI maN+Da la de wa ga Na d+harma pA la sa pa ri wA ra badz+ra sa ma ya dza dzaHdzaHhU~M ba~M hoHhU~M/__bde bar gshegs so rig 'dzin tshogs/__/dam tshig dkyil 'khor 'di nyid la/__/dgyes pa'i gar gyis bzhes nas kyang /__/gnyis su med pa tiSh+Tha lhan/__/gsum pa rang rig brda phyag 'tshal/__na mo/__dus gsum bde gshegs 'dus pa'i dngos/__/yi dam rgyal ba 'dus pa'i tshogs/__/mkha' 'gro rgya mtsho'i spyi gzugs cher/__/rang rig brda yi phyag bgyi'o/__/a ti pu hoHpra tIts+tsha hoHbzhi pa phyi nang gsang bas mchod/__oM AHhU~M/__gnyis snang bral ba'i dngos 'byor tshogs/__/mchod pa'i phyag rgya chen po ni/__/sems kyi yid bzhin sprin tshogs kyi/__/nam mkha' gang ba'i rgyan du che/__/dag pa dbyings kyi rol pa'i rgyan/__/kun tu bzang po'i smon lam las/__/byung ba'i ting 'dzin mkha' ltar khyab/__/yul dang dbang po gnyis med pa/__/bde ba chen pos dgyes par rol/__/oM badz+ra ar+g+haM nas/__shab+da pra tIts+tsha swA hA/__oM/__gzugs sgra dri ro reg bya'i tshogs/__/'dod yon lha mo dpag med 'phro/__/nam mkha' sa gzhi bar snang gang /__/thams cad kun bzang bde ba che/__/bde mchog bde ba'i mchod pa bzhes/__oM badz+ra rU pa nas spaR+she AH__hU~M/__oM/__rtsa brgyad stong la sbyar ba'i sman/__/rgyud drug bsgral ba'i rak+ta dang /__/snod bcud yongs rdzogs gtor ma dang /__/sbyor sgrol gsang ba'i mchod pas mchod/__/oM AHhU~M sarba pany+tsa a mr-i ta rak+ta ba ling+ta ma hA su kha sarba pU dza hoHAH__mchod dang mchod yul dmigs gtad bral/__/rang byung lhun grub mchod pa che/__/gnyis med dag mnyam chen po'i ngang /__/spang blang bsal bzhag bral bar mchod/__/a d+harma d+hA tu dz+nyA na At+ma kau\u0f85 haM/__lnga pa rdo rje'i glu yis bstod/__oM/__ye shes sku ni mkha' ltar khyab/__/mtshan dang dpe byad mdzes pa'i sku/__/dpag med bsam yas yon tan ldan/__/rdo rje'i sku la phyag 'tshal bstod/__AH__brtan g.yo'i sgra skad thams cad kun/__/grags stong rang grol rdo rje'i gsung /__/gsung mchog sgra dbyangs 'gag pa med/__/rdo rje'i gsung la=__/hU~M/__gzung 'dzin sgrib tshogs dbyings su dag__/nam mkha' lta bu mtha' dbus bral/__/ye shes ting 'dzin zab gsal thugs/__/rdo rje'i thugs la=__swA/__gang gi rang bzhin brjod las 'das/__/byang phyogs yon tan rdzogs pa'i dpal/__/ma 'dres sku bzhi'i bdag nyid can/__/yon tan rdo rjer phyag=__hA/__lhun gyis grub pa'i phrin las ni/__/rtag khyab 'bad pa med pa yi/__/phrin las rgyun mi chad pa'i bdag__/brtan g.yo kun khyab phyag 'tshal bstod/__/drug pa bsnyen cing sgrub pa ni/__spyi bo'i bla ma'i thugs ka ru/__/ye shes sems dpa' pad+ma 'byung /__/mthing gsal rdor dril yum dang sbyor/__/de yi thugs dbus nyi zla'i sbubs/__/ye shes 'od lnga'i gong bu'i klong /__/hrIHmthar sngags kyi phreng bas bskor/__/'od 'phros rgyal mchod snod bcud sbyangs/__/rig 'dzin bla ma'i dkyil 'khor rdzogs/__/oM AHhU~M badz+ra gu ru pad+ma sid+d+hi hU~M/__spyi bor snang mtha'i thugs ka ru/__/aM mthar sngags kyi phreng bas bskor/__/'od 'phros rgyal ba'i byin rlabs bsdus/__/snod bcud bde chen zhing du gsal/__/aM a ro likra.oM pad+ma d+ha ra hrIHmgrin pa'i thugs rje chen po yi/__/thugs kar hrIHmthar sngags kyis bskor/__/'od 'phros bdag gzhan sgrib kun sbyang /__/thugs rje chen po'i dkyil 'khor rdzogs/__/oM ma Ni pad+me hU~M hrIHlte bar gsang ye'i thugs ka ru/__/chos 'byung pad nyir hrIHdmar po/__sngags kyis bskor las 'od 'phros pas/__/bde chen ye shes rgyas par mos/__/oM AHhU~M hrIHd+hu ma g+ha ye na ma swA hA/__dz+nyA na badz+ra rat+na pad+ma karma ha ri ni sa DA ki nI ra tsa hri ya sarba sid+d+hi pha la hU~M/__gsang ba'i mgon po'i thugs dbus su/__/nyi steng hU~M mthar sngags kyis bskor/__'od 'phros bdud bzhi dbyings su bsgral/__/byad phur gdon bgegs tshar bcad mos/__/oM shrI ma hA kA la ga Na gu h+ya raM sid+d+hi hU~M phaTaHshA sa na'ang bzla/__rang nyid sangs rgyas mkha' 'gro yi/__/thugs dbus pad dkar zla dkyil ba~M/__/sngags kyis bskor las 'od zer 'phros/__/'phags mchod 'gro ba'i don byas shing /__/tshur 'dus rang thim sngags 'od 'bar/__/spyi bo'i bla ma rtsa gsum gyi/__/sku yi nang gang bdud rtsi'i rlan/__/drangs te gnas bzhir thim pa yis/__/dbang thob sgrib dag mchog thun gyi/__/dngos grub thams cad rdzogs par mos/__/oM AHba~M dz+nyA na bud+d+ha DA ki nI ma hA su kha kA ya wA ka tsit+ta sarba sid+d+hi pha la hU~M hoHzhes bzla stong tshig mchod bstod 'bul de ni dngos gzhi'i rim pa'o/__/rjes kyi rim pa'i dang po ni/__tshogs kyi mchod pa yang dag bshams/__hU~M/__bdag nyid lha yi thugs ka nas/__/yi ge ra~M ya~M kha~M gsum 'phros/__/tshogs kyi dngos 'dzin bag chags sbyangs/__/oM AHhU~M gis bdud rtsir bsgyur/__/'dod yon nam mkha' mnyam par spel/__/gnyis pa tshogs zhing spyan 'dren ni/__hU~M hrIH'og min sku gsum zhing khams nas/__/bla ma rgya mtsho tshogs la gshegs/__/yi dam zhi dang khro bo'i tshogs/__/dgyes pa'i gar gyis gshegs su gsol/__/dpa' bo mkha' 'gro rgya mtsho'i tshogs/__/rdo rje'i bro gar dang bcas gshegs/__/chos skyong nor lha gter bdag tshogs/__/rngams brjid stabs kyis gshegs su gsol/__/badz+ra sa ma ya dzaHdzaHhU~M ba~M hoH/__gsum pa mchod bshags bsgral bstab bya/__hU~M hrIHbla ma rtsa gsum lha tshogs la/__/tshogs mchod 'dod yon dwangs re spro/__/tshogs gzhong pad+ma rgya re yangs/__/lha mo lnga yi sprin spro ba/__/rdo rje'i dbang pos dgyes dgur rol/__ma hA ga Na tsakra pU dza hoHhoHbdag gis tshe rabs thog med nas/__/bsags pa'i sdig sgrib nyes ltung kun/__/'dod yon tshogs kyi mchod pas bshags/__/dag cing tshangs par stsal du gsol/__/sa ma ya shud+d+he a a/__hU~M/__e dbyings 'bar ba'i brub khang du/__/bdag tu lta ba'i ru tra bkug__/bdag med rtog pa'i mtshon gyis bsgral/__/lnga phung rdul phran bzhin du bcom/__/oM badz+ra kI li kI la ya sarba sha trU~M big+h+nan mA ra ya rbad phaTaHye shes bdud rtsir bsgyur byas nas/__hU~M/__rtsa gsum dkyil 'khor lha tshogs la/__/dgra bgegs lnga phung bdud rtsir bsgyur/__/'bar ba chen po'i zhal du bstab/__/bzhes shig lhag ma med par mdzod/__/sarba sha trU~M big+h+nAn mA ra ya kha kha khA hi khA hi/__ha ha ha hi hi hi hU~M hU~M hU~M/__phaT phaT phaT/__tshogs la tshim par rol zhing spyod/__nang dang gsang ba'i tshogs 'khor bya/__lhag mar zhal chab bran byas te/__pheM pheM/__hU~M/__dkyil 'khor mu ran la gnas pa'i/__/lhag la dbang ba dregs pa'i tshogs/__/bka' sdod pho nya 'khor bcas rnams/__/'dir gshegs lhag ma'i mchod pa bzhes/__/bcol pa'i phrin las grub par mdzod/__/oM uts+tshiSh+Ta ba liM ta khA hiHhoHrig 'dzin rtsa gsum dkyil 'khor du/__/bde chen tshogs kyi mchod pa yis/__/bdag gzhan 'gro ba ma lus kun/__/dkyil 'khor gcig tu 'grub par shog__/bzhi pa gtor ma skyong ba ni/__hU~M hrIHsngon tshe bar dang tha ma'i dus/__/kun bzang rdo rje 'chang chen gyis/__/rgyud gsum dregs pa'i dpung tshogs rnams/__/dbang du bsdus shing dam la btags/__/tha tshig gnyan po bzhes pa yi/__/srung ma dam can rgya mtsho rnams/__/'dir gshegs gtor ma 'di bzhes la/__/rnal 'byor rig 'dzin bdag cag gi/__ji ltar bsgo ba chud ma gsan/__/dam tshig gnyen po dran gyis la/__/bcol pa'i las rnams myur du sgrub/__/sarba sa ma ya ba liM ta khA hi/__brtan ma bshal chas mchod byas la/__hU~M/__bod khams skyong mdzad brtan ma che/__/bdud mo gnod sbyin sman mo bzhi/__/'dir gshegs gtor ma'i bshal chu bzhes/__/kla klo gdug pa'i 'tshe ba zlog__/ma ma ba liM ta khA hi/__gtor gzhong sbubs la rta bro bya/__hU~M/__mun pa chen po'i gting rum du/__/dam sri 'byung po gzir zhing mnan/__/rdo rje'i rta bro chen po brdung /__/nam yang ldang bar ma gyur cig__/s+t+waM b+ha ya nan/__lnga pa mchod bstod dngos grub blang /__oM AHhU~M/__rig 'dzin dkyil 'khor lha tshogs rnams/__/bsnyen cing bsgrubs pa'i zhag grangs them/__/dngos grub stsol ba'i dus la bab/__/mi gnas ye shes gsang gsum gyi/__/mthu byin dbang dang dngos grub stsol/__/oM AHhU~M badz+ra gu ru d+he wa d+hA ki nI kA ya wA ka tsit+ta sarba sid+d+hi pha la hoHdrug pa nongs bshags bsdu ldang ni/__hoHdkyil 'khor lha tshogs gsan cing dgongs/__/bdag cag ma rig 'khrul pa yi/__/nyes par gyur pa'i tshogs ci mchis/__/gnong zhing 'gyod pa'i sems kyis bshags/__/yi ge brgya pa mang du brjod/__/bdun pa dge bsngo shis brjod ni/__hoHbdag gzhan dus gsum bsags pa yi/__/dge tshogs ci mchis 'gro la bsngo/__/rig 'dzin bla mas rjes bzung nas/__/rang gzhan don gnyis mthar phyin shog__/oM/__rig 'dzin rtsa brgyud bla ma yi/__/byin gyis brlab pa'i bkra shis shog__/yi dam dngos grub sbrang char 'bebs/__/grub gnyis dpal gyi bkra shis shog__/mkha' 'gro chos skyong nor lha yi/__/phrin las thogs med bkra shis shog__/gnas skabs mi mthun 'gal rkyen zhi/__/mthar thug mchog dngos bkra shis shog__/ces pa'i rig 'dzin sgrub pa 'di/__/zhe chen rtogs ldan bla ma ni/__/pad+ma 'od gsal gyis bskul zhing /__/rang nyid mos ba'i rkyen byas te/__/pad+ma ye shes rdo rje yi/__/rig ngor gang thon chu 'brug lo'i/__/dbo zla'i tshes la bris pa yi/__/dge bas 'di 'brel sems can kun/__/rig 'dzin rnam bzhi'i lam la bgrod/__/bla ma mnga' bdag chen po yis/__/skye ba kun tu rjes bzung nas/__/ston 'khor dgongs pa dbyer med shog__/sarba mang+ga laM/__shu b+haM//___//
@#/__/bla sgrub rig 'dzin thugs tig gi/__dbang bskur byin rlabs snying po bzhugs/__/
dben pa'i gnas su dkyil 'khor ni/__/gzhung dang mthun pa legs par bshams/__/dbang rdzas legs par tshogs byas la/__/dkyil 'khor sgrub mchod tshul bzhin bya/__/bdag nyid nus par ldan sgrub ste/__gzhugs par nod cing slob ma bos/__/khrus byas bgegs bskrad maN+Dal phul/__/mig dar me tog cod paN gtad/__/de nas slob mas gsol ba btab/__e ma bla ma 'gro ba'i mgon/__/dkyil 'khor mnga' bdag dbang phyug cher/__/bdag cag gus pas gsol ba 'debs/__/smin grol gdams mchog stsal du gsol/__/bla mas/__khyed rnams 'jug pa skal ba bzang /__/dad dang spro ba rgya cher bskyed/__/gsang sngags dam tshig thub par srungs/__/dkyil 'khor chen por gzhug par bya/__/rgyud sbyang sdom bzung spyi ltar rjes/__/dam tshig bdud rtsi'i chu nan sbyin/__/mgo bor rdo rje bzhag byas te/__kye ho/__khyed rnams gsang ba'i dam la 'dir/__/'jug nas dam tshig tshul bzhin srungs/__/dam tshig nyams na dmyal bar ltung /__/bsrung na dngos grub tshe 'dir thob/__/badz+ra sa ma ya amr-i ta Tha Tha Tha/__badz+ra na ra kan/__slob ma lhar bskyed ye shes dbab/__ye shes myong ba brtan par bya/__/dngos grub ltas brtags me tog dor/__kye ho/__bskal pa sngon nas 'brel ba yi/__/rigs kyi lha mchog gang yin la/__/me tog bzang po 'di phul bas/__/brtse ba chen pos bzhes su gsol/__pra tIts+tsha ho/__me tog blangs nas spyi bor bkod/__/sngon nas smon pa'i lha mchog 'di/__/khyod kyi spyi bor bstim pa dang /__/dbang rtags cod paN 'di bzung la/__/lhag pa'i lha mchog sgrub par gyis/__/puSh+pe sid+d+hi a be sha ya s+t+waM/__mig dbye gser gyi thur ma thogs/__kye hoHkhyed rnams dkyil 'khor mthong ba la/__/sgrib byed ma rig mun pa dbye/__/ye shes spyan ni thob pa dang /__/gsang ba'i dkyil 'khor mthong gyur cig__/badz+ra tsak+Shu pra we sha ya phaTaHltos shig dkyil 'khor 'di ltos shig__/bskal mang bsags pa'i sdig sgrib dag__/ye shes lha zhal mjal ba las/__/dngos grub chen po de rnyed do/__/dkyil 'khor brda don legs par bshad/__/maN+Dal phul zhing gsol ba btab/__kye ho bla ma rdo rje 'chang /__/bdag rgyud rdo rje bzhi sgrub phyir/__/dbang gi rim pa ma lus pa/__/deng 'dir bdag la stsal du gsol/__/bla mas bum pa thogs byas te/__hU~M/__dbang bskur rdo rje chen po ste/__/khams gsum pa yi phyag byas pa/__/sangs rgyas kun gyi gnas thob phyir/__/mi bskyod chu yi dbang bskur ro/__/hU~M badz+ra ak+She b+h+yaHa b+hi Shiny+tsa oM/__dbu rgyan cod pan spyi bor bcings/__swA/__gsang ba gsang sngags kun gyi rje/__/bdud las rgyal ba'i dpa' bo che/__/de bzhin gshegs pas rab bsngags pa/__/rin 'byung cod paN dbang =__/traM rat+na saM b+ha wa mu gu tra a b+hi Shiny+tsa traM/__snang mtha' rdo rje'i dbang bskur sbyin/__hrIHye shes dpag med rgyal po che/__/sems dpa' srid pa gsum gcig pa/__/rdo rje'i rang bzhin rdo rje'i bdag__/snang mtha' rdo rjes dbang =__/oM pad+ma d+hA ra a b+hi Shiny+tsa hrIHdon grub dril bu'i dbang bskur te/__AH__las rnams ma lus kun sgrub cing /__/las kyi sems dpa' kun gyi gtso/__/don yod rgyal po de bzhin gshegs/__/don grub dril bu'i dbang bskur ro/__/ha a mo g+ha pa sha gaN+De a b+hi Shiny+tsa AH__rnam snang ming gi dbang bskur sbyin/__oM/__rnam snang 'khor los bsgyur ba che/__/sangs rgyas kun 'byung de bzhin gshegs/__/rigs rnams kun bdag sku yi mchog__/rnam snang ming gi dbang =__/oM bud+d+ha bai ro tsA na ch+gai mo zhes bya ba a b+hi Shiny+tsa a/__slar yang rnam rgyal bum pa thogs/__oM/__bkra shis rnam par rgyal ba'i bum pa na/__/rig 'dzin rtsa ba gsum gyi lha tshogs bzhugs/__/'od zhu byang chub sems kyi chus dbang bskur/__/phung khams skye mched lha skur smin par shog__/sngags mthar/__oM badz+ri b+ha wA a b+hi Shiny+tsa hU~M/__ye shes lha yi phyag rgya sbyin/__hrIHpad+ma 'byung gnas grub pa'i gtso/__/dkyil 'khor bdag po chos kyi rgyal/__/rig 'dzin nyi ma 'od zer gyi/__/skal ldan bu la dbang bskur ro/__/zung 'jug grub pa mngon gyur shog__/sngags/__oM/__rigs kyi bdag po 'od dpag med/__/chos sku snang ba mtha' yas kyi/__/skal ldan bu la=__/ka dag 'od skur grol bar shog__/sngags mthar kA ya a b+hi Shiny+tsa hU~M/__hrIHpad+ma gar dbang thugs rje'i bdag__/'gro 'dul sems dpa' spyan ras gzigs/__/skal ldan bu la=__gzhan don phrin las mthar phyin shog__/sngags/__hU~M/__dkyil 'khor kun gtso rdo rje 'chang /__/bla ma rig 'dzin gsang ba 'dus/__/stangs dpyal gnyis su med pa yi/__/skal ldan bu la=__/rig 'dzin byin rlabs rdzogs par shog__/sngags/__hrIHdngos grub rgya mtsho'i gter 'chang ba/__/gnas gsum mkha' 'gro'i tshogs kyi rje/__/d+hA ki gsang ba ye shes kyi/__/skal ldan bu la=__/phrin las ma lus lhun grub shog__/sngags/__hU~M/__gnyis med 'chol ba'i khro rgyal ni/__/rgyud gsum dregs pa'i sde dpon che/__/dpal mgon ma ning nag po yi/__/skal ldan bu la=__/bstan dgra ma lus tshar gcod shog__/sngags/__ba~M/__/sangs rgyas kun yum dbyings phyug ma/__/ma lus rgyal ba thams cad bskyed/__/rnam snang sangs rgyas mkha' 'gro yi/__/skal ldan bu la dbang bskur ro/__/bde chen ye shes rgyas par shog__/sngags/__bzlas pa sngags kyi lung sbyin nas/__/sngags kyi phreng ba mgrin par bzhag__/AH__grags stong brjod pa bral ba'i gsung /__/sngags kyi phreng bas dbang bskur bas/__/ngag rlung 'gyu ba rang dag nas/__/brjod med gsung du smin par shog__/wA ka a b+hi Shiny+tsa AH__thugs dgongs skye med ngang du bzhag__/me long drangs pa snying gar gtad/__hU~M/__me long dag cing gsal ba'i ngang /__/sna tshogs gzugs brnyan 'char ba bzhin/__/rang sems ngo bo dag cing gsal/__/lhun rdzogs chen por dbang bskur ro/__/tsit+ta a b+hi Shiny+tsa hU~M/__slob ma khrir bzhag rdor dril gtad/__/dung dang glegs bam po ti sbyin/__oM AHhU~M/__thabs dang shes rab dbyer med pa'i/__/rdo rje dril bu 'di byin cing /__/rdo rje rgyal por dbang bskur bas/__/gzhan don rab 'byams dbang thob shog__/badz+ra gan+d+he a nu rA ga badz+ra swA b+hA wa at+ma kau\u0f85haM/__mchod cing bkra shis mnga' gsol bya/__/de nas gsang ba'i dbang bskur sbyin/__/pad+ma b+hany+dza thogs byas la/__oM AHhU~M hoHde bzhin gshegs pa thams cad ni/__/rjes chags zhu ba'i bdud rtsi 'di/__/skal ldan lce la dbang bskur bas/__/gsang ba'i dbang mchog thob par shog__/a ho ma hA su kha hoHme long sin+d+hu snying gar bkod/__AH__dga' ba'i gnas ster lha mo ni/__/sna tshogs gzugs can yid 'ong ma/__/khyer cig 'di la rol ba dang /__/dga' ba'i ye shes rgyas par shog__/pad+ma b+hany+dza mo k+Sha hoHshel dang me long thogs byas pa/__ho/__dpe yi ye shes mthar phyin pas/__/don dam lhan skyes ye shes ni/__/rdul bral mkha' ltar rnam dag pa/__/rang rig rgyal po rang gtso'o/__/d+harma d+hA tu a ti hoHrjes la gtor ma'i dbang bskur sbyin/__hU~M hrIH'gro ba 'dren mdzad o rgyan thod phreng rtsal/__/rig 'dzin rtsa gsum rgya mtsho'i tshogs rnams kyis/__/skal ldan bu la byin gyis brlab tu gsol/__/mchog dang thun mong dngos grub stsal du gsol/__/sngags mthar/__kA ya wA ka tsit+ta gu Na karma sarba sid+d+hi pha la hU~M/__gnas gsum bzhag bstim dngos grub sbyin/__/dbang rjes rim pa spyi ltar bya/__/de ltar dbang gi rim pa 'di/__/bka' gter gang yang ma yin cing /__/rang snang gang shar bris pa la/__/nyes skyon mchis na bla mar bshags/__/dge bas sku gsum mchog thob shog__/pad+ma 'od gsal dad pa'i sngas/__/bskul ba ring du 'gyangs pa dang /__/chu 'brug cho 'phrul zla 2tshes 6la/__/rig ngor gang thon nyid du ni/__/pad+ma ye shes rdo rjes spel/__/sarba dza ga taM//___//
bla sgrub 'od gsal snying thig gi brgyud 'debs byin rlabs char rgyun bzhugs/__ye grol dang po'i sangs rgyas kun tu bzang /__/rtsol med thugs rje'i rang gzugs rdo rje sems/__/theg mchog chos kyi shing rta dga' rab rje/__/gsol ba 'debs so byin rlabs dngos grub stsol/__/'pho med rdo rje'i sku brnyes 'jam dpal bshes/__/rig 'dzin grub pa'i tshogs rje shrI seng ha/__/brgyud gsum bla ma dbyer med pad+ma 'byung /__/gsol ba 'debs so=__/las can rnal 'byor dbang phyug rje 'bangs grogs/__/bka' bab bdun ldan pad+ma mdo sngags gling /__/'jam pa'i dbyangs dngos ye shes rdo rje la/__/gsol ba 'debs so=__/rigs kun khyab bdag rtsa brgyud bla ma dang /__/rab 'byams yi dam kun 'dus dpal chen lha/__/gnas gsum mkha' 'gro rgyud gsum dam can la/__/gsol ba 'debs so byin rlabs dngos grub stsol/__/dbang gi rgyud smin nges 'byung dam tshig dang /__/snang srid bla mar shar ba'i bskyed rim dang /__/ye shes lhan skyes mngon gyur 'bras bu'i sar/__/dpal ldan bla ma'i go 'phang mngon gyur shog__/ces 'di kun gzigs bla ma rje'i/__/bka' yi gnang ba rtsal ba bzhin/__/gus slob mang+ga'i ming can gyis/__/bris 'dis gnas lugs rtogs par shog__/sman mchod skabs/__gsol ba 'debs so sogs/__sman mchod 'bul lo byin rlabs dngos grub stsol/__/oM sarba pany+tsa a mr-i ta kha raM khA hi/__zhes kha bsgyur mthar/__kA ya wAka tsit+ta sid+d+hi hU~M:__zhes sbyar ro//___//
@#/__/bla ma'i sgrub pa 'od gsal snying thig ces bya ba bi dza ha raM/__/
na mo gu ru/__shin tu rnam dag rdul bral stong pa'i mkhar/__/ye shes nyi ma 'bar ba'i gzi byin gyis/__/rmongs pa'i mun pa stug po bsal mdzad pa/__/dpal ldan bla ma dang po'i sangs rgyas kyi/__/zhal skyin snying dbus pad dkar bzhad pa'i dbus/__/mi 'bral snying gi dbyig tu mchod byas nas/__/de yi sgrub thabs 'od gsal snying tig gi/__zab lam yang bcud cung zad dbye bar bya/__/de la 'dir bla ma'i byin rlabs dang dbang gi rgyud smin par byas pa'i gang zag thar pa rnam grol don du gnyer bar 'dod pa rnams kyis gnas dben par rtsa gsum gyi snang brnyan bris 'bur ci rigs bkram pa'i spyan sngar phyi nang gsang ba'i mchod tshogs ci 'byor pa bshams la/__stan bde bar 'dug la/__nges 'byung dang byang chub kyi sems rin po cher blo sbyangs ba sngon du btang nas/__sbyor ba sngon 'gro'i chos la skyabs 'gro ni/__mdun gyi nam mkhar bla ma sku gsum gyi lha tshogs bkra lam gyis sad de bzhugs par bsam la/__rang gzhan sems can thams cad kyis dad mos drag pos/__na mo/__bdag dang mtha' yas sems can kun/__/deng bzung byang chub ma thob bar/__/bla ma sku gsum lha tshogs la/__/mi phyed gus pas skyabs su mchi/__/zhes lan ci nus dang /__sems bskyed pa ni/__rtog 'khrul gyur pa'i sems can rnams/__/srid pa'i mtsho las sgrol ba'i phyir/__/zab mo'i rnal 'byor bsgom pa yi/__/sku gsum go 'phang thob par bya/__/'gro rnams bde ldan sdug bsngal bral/__/bde ba mchog dang mi 'bral zhing /__/phyogs dang ris med 'gro ba la/__/bla med byang chub sems mchog bskyed/__/ces blo sbyongs dang 'brel bar ci nus sgom/__bgegs bskrad pa ni/__hU~M hrIHgnyis snang 'khrul pa'i gdon bgegs tshogs/__/ma dag snang sems gtor ma longs/__/gnas 'dir ma 'dug gzhan du dengs/__/'das na brlags par gdon mi za/__hU~M bzhi'i sngags dang gul yungs kyis tsha rngam bya/__mtshams gcod pa ni/__hU~M hrIHbdag rtog gnyis 'dzin bdud bgegs rnams/__/bdag med lta bas mtshams bcad cing /__/rig stong ye shes rdo rje'i gur/__/me dpung 'bar bas phyogs mtshams dkrigs/__/oM badz+ra rak+Sha tik+Na dz+wa la ra~M hU~M phaTaHbyin chen 'bebs pa la thod rnga gsang ba'i gling bu spos rol dbyangs dang bcas/__hU~M hrIHbrdal khyab thig le chen po'i dbyings/__/rang snang don gyi 'og min nas/__/bla ma chos sku'i lha tshogs rnams/__/gnas 'dir byin chen dbab tu gsol/__/'od gsal 'ja' 'od 'khrigs pa yi/__/lhun grub gzhal med khang chen nas/__/bla ma longs sku'i lha tshogs rnams/__/gnas 'dir byin chen dbab tu gsol/__/gang 'dul bkod pa tshad med zhing /__/rig rtsal sprul pa'i zhing khams nas/__/bla ma sprul sku'i lha tshogs rnams/__/gnas 'dir byin chen dbab tu gsol/__/sgrub pa'i gnas mchog nyams re dga'/__/mchod rdzas 'dod yon dwangs re spro/__/sku yi gar stabs sngags sgra 'ur/__/bde chen dgongs pa'i rtsal bskyed la/__/ye shes chen po'i byin dbab gsol/__/oM AHhU~M badz+ra gu ru d+he wa d+hA ki ni sarba maN+Dal dz+nyA na a be sha ya a/__ai a ral+li hring hring phaiM phaiM/__zhes drag tu brjod la snod bcud thams cad ye shes kyi 'khor lor byin gyis brlab bo/__/mchod pa byin brlabs ni/__ra~M ya~M kha~M/__gnas yul bde chen dag pa'i zhing /__/dngos 'byor yid sprul mchod pa'i sprin/__/nam mkha' mdzod kyi 'khor lor spel/__/kun bzang bde stong rol par shar/__oM sarba pU dza me g+ha sa ma ye hU~M/__lan gsum gyis brlabs/__badz+ra spa ra Na khaM gis rgyas par spel/__dngos gzhi bdag lhar bskyed cing rten gsal gdab pa la/__aHchos kun gdod nas dag pa'i klong /__/stong chen de bzhin nyid dbyings las/__/snying rje sgyu ma kun tu snang /__/gsal ba'i ye shes 'gags pa med/__/rig pa hrIHyi cho 'phrul las/__/phyi snod dag pa gzhal med khang /__/'byung lnga yum gyi mkha' klong du/__/rdo rje'i srung ba'i 'khor lo'i nang /__/thar pa chen po'i gzhal med khang /__/gru bzhi sgo bzhi rgyan rta bab/__/mtshan nyid thams cad yongs rdzogs dbus/__/pad+ma nyi zlar dam sri dang /__/dregs pa gza' klu'i gdan gyi steng /__/rgyu yi hrI yig yongs gyur las/__/bdag nyid dbang chen rta mchog dpal/__/dmar smug zhal gcig phyag gnyis pa/__/pad+ma gri gug thod khrag 'dzin/__/dbu gtsug rta gdong rngam bzhad 'tsher/__/zhabs gnyis brkyang bskum dor stabs 'gying /__/dpal dang dur khrod chos kyis brgyan/__/sbyor yum rnal 'byor ma dpal ni/__/dmar gsal zhal gcig phyag gnyis pa/__/gri thod 'dzin cing rus pa dang /__/dar dpyangs ut+pal phreng bas brgyan/__/rjes chags bde ba chen pos 'khril/__/ye shes me dpung klong na bzhugs/__/spyi bor pad+ma nyi zla'i steng /__/rtsa ba'i bla ma thod phreng rtsal/__/zhi 'dzum khro chags nyams dang ldan/__/mthing nag rdor dril thugs kar bsnol/__/mtsho rgyal dkar mo gri thod 'dzin/__/spyi gtsug chos sku 'od dpag med/__/dmar gsal sprul sku'i cha byad can/__/mnyam bzhag tshe yi bum pa bsnams/__/mgrin par longs sku spyan ras gzigs/__/dmar po pad phreng bum pa 'dzin/__/rang 'od gsang ye dmar mor 'khril/__/thugs kar badz+ra he ru ka__/zhal gcig phyag gnyis rdo rje dang /__/dung khrag bsnams shing khro chas rdzogs/__/rang 'od kro d+hi shwa rir sbyor/__/sku la dpal chen sgrub sde brgyad/__/nyi dang 'od zer bzhin du gsal/__/lte bar chos 'byung pad 'dab bzhir/__/rdo rje phag mo mthing 'od 'bar/__/dbu gtsug phag zhal ngur sgra sgrogs/__/brkyang bskum dor stabs pad nyi dang /__/bam ro'i steng na rnam par 'gying /__/'dab bzhir rigs bzhi'i mkha' 'gro ni/__/dkar ser dmar ljang rang rtags kyi/__/phyag mtshan gri thod gar stabs bzhengs/__/kun kyang dur khrod chas kyis brgyan/__/gsang bar e klong khrag mtsho khol/__/sngags srung rdo rje khros ma nag__/ral gcig spyan gcig tshem gcig ma/__/phyag g.yas zhing dbyug tsit+ta bsnams/__/sprul pa lcags spyang khra thabs 'gyed/__/'ja' sprin dkar po'i stod g.yogs gsol/__/pad nyi ro gdan steng du ni/__/brkyang bskum gar gyi rnam par bzhengs/__/g.yas g.yon mdun dang rgyab tu ni/__/mgon po gza' mchog gang btsan dang /__/dur khrod ma mo chen mor gsal/__/gtso 'khor kun gyi gnas gsum du/__/rdo rje gsum gyi yi ges mtshan/__/de las 'phros pa'i 'od zer gyis/__/sku gsum zhing khams rab 'byams nas/__/ye shes pa rnams spyan drangs gyur/__/spos rol gdung ba'i shugs kyis bskul la/__spyan 'dren pa ni/__hU~M hrIHchos dbyings 'og min bde ldan zhing /__/dang po'i sangs rgyas 'od dpag med/__/rang snang bsam brjod 'das pa'i 'khor/__/gnas 'dir spyan 'dren gshegs su gsol/__/nges pa lnga ldan longs sku'i zhing /__/pad+ma drwa ba'i zhing khams nas/__/thugs rje chen po'i lha tshogs rnams/__/gnas 'dir spyan 'dren=__/thugs rje tshad med zhing khams nas/__/'gro 'dul sprul sku thod phreng rtsal/__/rig 'dzin grub thob rgya mtsho'i tshogs/__/gnas 'dir spyan 'dren=__/dgu klong 'bar ba'i dkyil 'khor nas/__/dpal chen badz+ra he ru ka__/zhi khro rgya mtsho'i tshogs dang bcas/__/gnas 'dir=__/mkha' spyod rdo rje btsun mo'i zhing /__/chos 'byung brdal ba chen po'i klong /__/mkha' 'gro rgya mtsho gtso 'khor rnams/__/gnas 'dir=__/e yig gru gsum khrag mtsho 'khrugs/__/dur khrod rab 'jigs rngam pa nas/__/rgyud gsum chos srung rgya mtsho rnams/__/gnas 'dir spyan 'dren=__/hU~M hrIHhe ru ka yi gnas bcu nas/__/pad+ma dbang chen rta mgrin ni/__/dpal bo d+hak+ki'i 'khor gyis bskor/__/sku ni dur khrod chas dang ldan/__/gsung gis 'dzab dbyangs sngags sgra sgrogs/__/thugs mchog 'gyur med rdo rje'i klong /__/gar dgu'i nyams dang ldan pa yi/__/sgrub pa'i gnas 'dir gshegs su gsol/__/ma g.yel thugs dam gnyen po dgongs/__/rtags dang mtshan ma myur du ston/__/lus ngag yid la byin gyis rlobs/__/sgo gsum rdo rjer smin pa dang /__/mchog dang thun mong dngos grub stsol/__/oM AHhU~M sarba ma hA gu ru maN+Da la d+he wa d+hA ki d+harmA pa la sa pa ri wa ra badz+ra sa ma dzaHe h+ye hi/__sa ma ya dzaHdzaHhU~M ba~M ho/__dbyer med du bstims/__bzhugs gsol ni/__hU~M hrIHdur khrod gzhal yas nyams re dga'/__/pad+ma nyi zla rgya re che/__/sku gsum bla ma'i lha tshogs rnams/__/dgyes shing brtan par bzhugs su gsol/__/dz+nyA na sa ma ya/__a we sha ya tiSh+Tha lhan/__zhes pas dam ye dbyer med du byas la phyag mchod bstod pa'i las rim ni/__na mo/__skye 'gags 'gyur med phrin las rdzogs/__/rang byung thugs rjes 'gro rnams sgrol/__/yid bzhin dngos grub char 'bebs pa'i/__/dkyil 'khor lha la phyag 'tshal lo/__/a ti pu ho/__pra tits+tsha ho/__zhes pas phyag bya/__hU~M hrIHrtsa gsum bla ma'i dkyil 'khor lha tshogs la/__/dngos su 'byor dang yid kyis rnam sprul pa'i/__/mchod yon zhabs bsil me tog bdug spos dang /__/mar me dri chab zhal zas rol mo'i sgra/__/gzugs mdzes sgra snyan dri zhim ro mngar dang /__/reg 'jam chos kyi 'byung gnas rnams kyis mchod/__/dgyes par bzhes la dam skong dngos grub stsol/__/oM AHhU~M gu ru d+he wa d+hA ki ni maN+Da la sa pa ri wa ra ar+g+haM nas/__shab+da'i bar dang /__rU pa shab+da gan+d+ha ra sa spaR+she pra tIts+tsha swA hA/__hU~M hrIHyid 'phrog 'jo sgeg ldan pa'i lang tsho can/__/bcu drug rig mas rdo rje'i gar stabs bsgyur/__/rdo rje'i glu dbyangs nam mkha'i dbyings khyab pa/__/zag med bde ba bskyed phyir bzhes su gsol/__/oM badz+ra wi ni/__waM se/__mr-I taM gim ra dze/__la s+ya/__ma l+ya/__girtI/__nirti/__d+hU pe/__puSh+pe/__a lo ke/__gan+d+he/__rU pa/__rA sa/__spaR+she/__d+harma d+hA tu AH__hU~MHoM/__rab yangs b+han+dzi'i snod nang du/__/rtsa brgyad stong la sbyar ba'i sman/__/ye shes lnga ldan grub pa'i rdzas/__/rnam dag bdud rtsi'i mchod pa 'bul/__/oM sarba pany+tsa a mr-i ta khA hiHmtshan don sbyar/__AH__nyon mongs rgyu drug gcod pa'i rdzas/__/dmar chen rak+ta'i lbu phreng 'khrigs/__/'dod chags dbyings su bsgral ba'i phyir/__/dmar gyi mchod pa bzhes su gsol/__/ma hA rak+ta khA hi/__hU~M/__skye med dbyings kyi b+han+d+ha ru/__/rig pa rang snang gtor tshogs bshams/__/'dod yon rgya mtsho'i sprin chen pos/__/rtsa gsum lha tshogs mnyes gyur cig__/oM ma hA ba ling+ta khA hi/__ho/__rdo rje pad+mo rol pa las/__/byang chub sems kyi dgyes sprin gyis/__/dga' bzhi'i ye shes dbu mar sbyar/__zag med bde ba rgyas phyir 'bul/__/a nu rA ga ma hA su kha pU dza ho/__/rnam thar gsum gyi e dbyings su/__/gnyis 'dzin rU tra'i tshogs rnams bkug__/bdag med rdo rje'i mtshon gyis bsgral/__/sgrol ba'i mchod pa bla na med/__/sarba sha truM ma ra ya rbad phaTaHAH__mchod bya mchod byed mchod yul sogs/__'khor gsum spros pa las 'das shing /__/rang bzhin 'od gsal byang chub sems/__/mchog gi mchod pa chen po'o/__/sarba d+harma d+ha rtu at+ma ko\u0f85 haM/__bstod pa ni/__hU~M hrIHma bcos spros bral chos kyi sku/__/ma 'gags rang gsal longs spyod rdzogs/__/thugs rje rig rtsal sprul par shar/__/sku gsum bla ma'i tshogs la bstod/__/zhi khro'i gar ni rnam par ston/__/mchog thun dngos grub stsol ba'i bdag__/gang 'dul rol gar bsam mi khyab/__/yi dam zhi khro'i tshogs la bstod/__/gnas gsum mkha' 'gro yongs kyi gtso/__/rdo rje phag mo bde ba'i bdag__/sna tshogs gzugs can grub pa mo/__/DAk+ki'i tshogs la phyag 'tshal bstod/__/bdud dang dam sri 'dul ba'i gshed/__/pad+ma ta kr-iT khro bo'i rgyal/__/khams gsum dbang du sdud mdzad pa/__/rta mgrin dbang gi rgyal por bstod/__/dam nyams dgra bgegs tshar gcod cing /__/dam ldan rnal 'byor bu bzhin skyongs/__/phrin las rnam bzhi thogs med sgrub/__/rgyud gsum dregs tshogs rgya mtshor bstod/__/gzhan yang dpal gyi bka' nyan pa/__/ma tshogs dbang phyug ging lang+ka/__/dregs pa sngags bdag srung ma'i tshogs/__/bka' sdod sprul par bcas la bstod/__/zhes bstod par bya'o/__/dzaba? bzla ba la/__thugs dam bskul ba ni/__hU~M hrIHbla ma sku gsum lha tshogs rnams/__/mi mngon dbyings nas brtser dgongs shing /__/dzaba? kyi thugs dam rgyud bskul na/__/mchog thun dngos grub stsal du gsol/__/dzaba? kyi bzlas dmigs ni/__spyi bo'i rig 'dzin bla ma yi/__/thugs dbus badz+ra he ru ka'i/__/thugs kar nyi steng rdo rje'i dbus/__/sngags kyi phreng bas bskor ba las/__/'od 'phros snang srid snod bcud sbyangs/__/dag pa rab 'byams 'khor lor rdzogs/__/oM AHhU~M badz+ra gu ru pad+ma sid+d+hi hU~M/__zhes dang /__skabs su rdo rje'i tshig bdun dang /__khyab bdag rdo rje thod phreng gi/__thugs srog hrIHyi 'od zer gyis/__/rtsa brgyud rig 'dzin bla ma yi/__/byin brlabs bsdus nas thugs kar thim/__/de las bdud rtsi chu bo'i rgyun/__/gnas bzhir bab pas dbang bzhi thob/__/sgrib pa bzhi sbyongs lam bzhi yi/__/snod ldan sku bzhi'i ngo bor smin/__/rdo rje bzhi dang dbyer med gyur/__/thod phreng rtsal gyi dzaba? sngags bzla/__spyi bo'i rigs bdag thugs ka ru/__/pad zla'i steng du hrIHdmar mthar/__/sngags kyis bskor las 'od zer 'phros/__/'khor 'das srid zhi'i tshe bcud bsdus/__/dus min 'chi ba'i 'jigs pa sbyongs/__/tshe dang ye shes rgyas par bsam/__/oM gu ru a yu sid+d+hi hU~M hrIHa mA ra Ni dzI wan+ti ye swA hA/__zhes dang /__tshe gzungs bzla/__mgrin pa'i spyan ras gzigs dbang gi/__thugs kar hrIHmthar sngags kyis bskor/__/'od 'phros rigs drug 'khrul snang sbyangs/__/snod bcud pad+ma drwa bar shar/__/oM AHhU~M hrIHoM ma Ni pad+me hU~M/__d+hU ma g+ha ye na ma swA hAHzhes bzla/__dpal chen badz+ra he ru ka'i/__/thugs srog sa bon sngags bcas las/__/'od zer spro bsdus don gnyis byas/__/phyi snod dag pa rab 'byams zhing /__/nang bcud snang ba 'jam dpal sku/__/sgra grags pad+ma dran rtog tshogs/__/yang dag bya byed kI la ya/__/zag med yon tan che mchog dal/__/tshar gcod rjes 'dzin phrin las sgo/__/mngon rdzogs drag sngags dregs pa 'dul/__/kun gyi khyab bdag thod phreng rtsal/__/rig 'dzin bla ma'i gsang ba ni/__/mi zad rgyan gyi 'khor lo yis/__/dkyil 'khor chen por lhun rdzogs gyur/__oM badz+ra kro d+ha ma hA shrI he ru ka badz+ra tsaN+Da sarba duSh+Tan ta ka ha na da ha pa tsa ru lu ru lu hU~M b+h+yo hU~M phaT/__zhes ci nus bzla/__lte bar phag mo'i thugs ka ru/__/chos 'byung dga' 'khyil ba~M gyis mtshan/__/de las sngags kyi phreng ba 'phros/__/snang sems dbang du 'dus par bsam/__oM ba~M badz+ra b+ha ra hi kro d+hi kA li ha ri ni sa A we sha ya/__zhes bzla/__gsang bar ma mo'i thugs ka ru/__/nyi steng traka yig sngags kyis bskor/__/'od 'phros dregs pa rgyud gsum gyi/__/srog snying dbang du 'dus par bsam/__/ma ma traka rak+sha e ka tsa ti ma hA kA la sha sa na badz+ra sa d+hU tri rak+Sha ra hu la rA li pra ma ni hU~M b+h+yo hU~M/__zhes bzla/__rang nyid rta mgrin gsal ba yi/__/thugs kar pad nyi hrIHmas mtshan/__/de mthar sngags kyi phreng bas bskor/__/'od 'phros ma dag snod bcud sbyangs/__/rtsa gsum rgyal ba'i byin rlabs bsdus/__/slar yang yab yum sku'i dbyibs brgyud/__/sngags kyi phreng ba 'khor ba las/__/mchog thun dngos grub bcud bsdus shing /__/snang ba lha la grags pa sngags/__/dran rtog 'od gsal thig ler rdzogs/__/oM hrI pad+man+ta kr-ita badz+ra kro d+ha h+ya grI wa hu lu hu lu hU~M phaTaHrA tsa hrI ya sarba sid+d+hi hU~M/__zhes bzla/__spyi dril bzlas pa ni/__rtsa gsum lha tshogs thams cad kun/__/sngags kyi dzaba? sgra dir dir sgrogs/__/byin rlabs gzi byin dpal du 'bar/__/'khor 'das dag mnyam dbyer med pa/__/ye shes chen po'i srog tu bzungs/__/oM AHhU~M badz+ra gu ru d+he wa d+hAk+ki ni sarba sid+d+hi pha la hU~M/__las sbyor gyi bzlas dmigs bya bar spro na/__lha tshogs thugs ka'i sngags rnams las/__/'od zer dkar ser dmar ljang 'phros/__/sdig sgrib zhi zhing tshe bsod rgyas/__/snang sems dbang 'dus dgra bgegs sgrol/__/las bzhi'i phrin las 'grub par bsam/__spyi dril sngags mthar/__dzaHshan+tiM ku ru swA hA/__hU~M pUSh+TiM ku ru oM/__ba~M wa shaM ku ru ho/__hoHma ra ya phaTaHso sor 'dogs la cung zad re bzla'o/__/mthar stong tshig gi mchod bstod 'bul/__tshe 'gugs bya bar spro na/__tshe mda' g.yab ste/__hU~M hrIHdbyings dang ye shes pho brang nas/__/tshe yi bdag po bcom ldan 'das/__/gtso dang 'khor du sprul pa dang /__/yang sprul pho nya mgyogs ma'i tshogs/__/gnas 'dir brtser dgongs dngos grub stsol/__/bdag cag bla tshe chad pa dang /__/yar dang 'thor dang nyams pa dang /__/phyogs skyong sde brgyad 'byung po yi/__/brkus dang 'phrog dang khyer ba rnams/__/a nr-I hrIHyi rnam par bsdus/__/bkra shis tshe yi rdzas la bstim/__/'khor 'das srid zhi'i tshe yi bcud/__/'ja' 'od zer thag sbrengs se sbreng /__/thig le mang po ta la la/__/tshe yi dngos grub rdzas la thim/__/rnal 'byor srog gi kwa ba tshugs/__/'chi med rdo rje grub par mdzod/__/tshe sngags brjod/__rgyas gdab ni/__aHsrid zhi'i tshe yi dwangs bcud rnams/__/mi shig srog gi thig ler thim/__/yum lnga'i klong du rgyas btab pas/__/ye shes lnga la skye 'chi med/__/b+h+rU~M dz+nyA nA badz+ra rak+Sha a aHzhes rgyas btab bo/__/rjes la tshogs kyi mchod pa ni/__thabs shes kyi rdzas bza' btung ci 'byor par bshams la bdud rtsi bran te/__hU~M/__bdag nyid lhar gsal thugs ka nas/__ra~M ya~M kha~M 'phros me rlung chus/__/dngos 'dzin dri ma bsreg gtor bkrus/__/snod ni bde chen ka pA lar/__/bcud ni rigs lnga'i dam tshig rdzas/__/'dod yon tshogs kyi 'khor lor gyur/__/ra~M ya~M kha~M/__oM AHhU~M ha ho hrIHlan gsum brjod pas rgyas par spel/__hU~M hrIH'og min bde chen zhing khams dang /__/o rgyan d+hu ma tha la sogs/__/mkha' spyod sa spyod gnas yul nas/__/rtsa gsum chos srung rgya mtsho'i tshogs/__/'dod yon tshogs la spyan 'dren gshegs/__/tshogs gtor 'di la bcud cig phobs/__/lus ngag yid la bde chen spor/__/mchog dang thun mong dngos grub stsol/__/ai a ra li hrIng hrIng phaiM phaiM dz+nyA na a we sha ya a aHtshogs phud rim par spros la/__AH__skye med dbyings kyi b+han+d+ha ru/__/rig pa rang gsal tshogs gtor bshams/__/bla ma ngo bo nyid skur 'bul/__/ye shes rdo rje'i dngos grub stsol/__/bde chen thig le'i ka pA lar/__/rang byung sgron ma'i tshogs gtor bshams/__/bla ma chos sku'i tshogs la 'bul/__/thugs kyi rdo rje'i dngos grub stsol/__/'gro 'ong rlung gi ka pA lar/__/a dI ka dI'i tshogs gtor bshams/__/bla ma longs sku'i tshogs la 'bul/__/gsung gi rdo rje'i dngos grub stsol/__/lus gnas rtsa yi ka pA lar/__/sku gsum lhun grub tshogs gtor bshams/__/bla ma sprul sku'i tshogs la 'bul/__/sku yi rdo rje'i dngos grub stsol/__/snod kyi 'jig rten ka pA lar/__/bcud kyi sems can tshogs gtor bshams/__/bla ma rtsa gsum tshogs la 'bul/__/'ja' lus rdo rje'i dngos grub stsol/__/ma hA ga Na tsakra pU dza khA hi/__bshags pa ni/__bdag cag thog ma med dus nas/__/tha ma da lta thug gi bar/__/ma rig gti mug dbang gis ni/__/rang bzhin kha na ma tho dang /__/bcas pa'i sdig ltung ci mchis pa/__/gnong 'gyod drag pos mthol lo bshags/__/dag tshangs mchog gi dngos grub stsol/__/yig brgya brjod/__tshogs tha ma bsgral bstabs ni/__e nr-i tri sarba sha trun big+h+nAn dzaHhU~M ba~M ho/__hU~M/__nga ni pad+ma he ru ka__/dbang chen rdo rje rta yi mgrin/__/srid gsum 'dir gnas bdud dang bgegs/__/gdug pa'i tshogs rnams bkug cing gzir/__/lnga phung dug lnga rtsad gcod de/__/ye shes dbyings su bsgral bar bya/__/sarba sha truM mA ra ya rbad phaTaHsha khrag bdud rtsir spar byas la/__hU~M/__dgra bgegs sha khrag rus pa ni/__/dug gsum dbyings su dag pa'i rdzas/__/za byed dbang chen khros pa yi/__/zhal du bstab bo kha raM khA hi/__/mgul du bstim mo bzhes su gsol/__/ma hA maM sa rak+ta kiM ni ri ti khA hi/__skabs 'dir rtsa gsum spyi skongs gsang thig bla ma mkha' 'gro la sbyar rgyu snying po skor lnga nas khol phyungs lta bu sbyar/__de nas tshogs bar ba brda dang brda len gyis tshim par rol/__lhag ma bsngo ba ni/__tshogs lhag la kha chus bran te/__pany+tsa a mr-i ta hU~M ha ho hrIHhrI phaiM/__dpal gyi bka' nyan lhag sdud ni/__/zhing skyong dbang phyug ging lang+ka/__/pho nya sum brgya drug cu'i tshogs/__/'dir gshegs dpal gyi tshogs lhag bzhes/__/bcol pa'i phrin las 'grub par mdzod/__/ma ma hrIng hrIng ba ling+ta khA hi/__lhag gtor phyir mchod/__de nas rdo rje'i glu gar bya zhing /__/rig 'dzin bla ma'i dkyil 'khor du/__sogs kyis smon lam gdab bo/__/gtor ma sbyin zhing chad tho bsgrags pa ni/__oM AHhU~M hoHsa gtor ma byin gyis brlabs/__oM shrI d+harma pA la sa pa ri wa ra i daM bA ling+ta kha kha khA hi/__lan gsum gyis bsngos la/__hU~M hrIHsngon tshe dpal chen he ru ka'i/__/spyan sngar khas blangs dam bcas pa'i/__/rgyud gsum dregs pa'i dpung tshogs kun/__/'dir gshegs dam tshig gtor ma longs/__/khas blangs dam bca' dran gyis la/__/ji ltar bcol ba'i las rnams kun/__/'bad med myur du bsgrub pa dang /__/zab gsang rdo rje theg pa yi/__/bstan pa phyogs bcur rgyas par mdzod/__/sarba sa ma ya bA ling+ta khA hi/__gtor gzhong bshal te brtan mar bran/__hU~M hrIHg.ya' gangs mtsho gling gnas rnams su/__/ma sring brtan ma bcu gnyis dang /__/sman mo 'bum phrag yangs pa'i tshogs/__/'dir gshegs gtor ma'i bshal chu bzhes/__/bod khams so kha bsrung ba dang /__/mtha' dmag gdug pa'i rgyu 'grul chod/__/nad yams dal kha dgra la bsgyur/__/snod bcud bstan 'gro'i legs tshogs spel/__/gangs ljongs bde ba'i phrin las mdzod/__/ma ma sarba d+hAk+ki ni bA ling+ta khA hi/__gtor gzhong sbubs rdo rje'i phyag rgyas btab ste rta bro bya ba ni/__hU~M hrIHnga ni pad+ma dbang chen te/__/khams gsum 'di na su yang rung /__/nga las che ba su yang med/__/srid gsum 'di ni nga yi zas/__/rta yi rdo rje'i zhabs bro yis/__/srid pa gsum po g.yo zhing 'gul/__/dam sri gdon bgegs pho mo rnams/__/ri rab lhun po'i 'og tu mnan/__/rdo rje 'bar ba'i phyag rgyas btab/__/byang chub sems ni ma skyes bar/__/nam yang ldang bar ma gyur cig__/hi hi hi/__shAn+ting pUSh+Ting wa shaM mA ra ya rbad s+t+waM b+ha ya nan/__de nas dngos grub gsol ba ni/__hoHrtsa gsum lha tshogs bdag la dgongs su gsol/__/bdag cag khyed kyi gdung 'tshob brgyud 'dzin phyir/__/rtse gcig gus pas bsnyen cing sgrub lags na/__/thun mong mchog gi dngos grub deng 'dir stsol/__/oM AHhU~M badz+ra gu ru d+hA+e wa d+hAk+ki nI kA ya wAk+ka tsit+ta sarba sid+d+hi pha la hoHzhes bskul dngos grub blang bar bya'o/__/de nas gtang rag gi mchod bstod dang /__yig brgya dang /__ma rnyed yongs su ma tshang sogs kyis bzod gsol bya/__/dbang blang zhing dkyil 'khor bsdu ba ni/__spyi bo'i bla ma lus dkyil gyi lha dang bcas pa la dmigs te gsol 'debs spros bral chos dbyings ma dang /__spros bral bde chen ma gang rung gis gsol 'debs byas la/__bla ma'i lha tshogs gnas gsum du/__/oM dkar AH__dmar hU~M mthing las/__/'od zer bdud rtsi'i chu rgyun ni/__/'bru gsum sgra dang bcas te 'bab/__/rang gi lus ngag yid gsum la/__/rim dang gcig char thim pa yis/__/dbang bzhi thob cing sgrib bzhi dag__/sku bzhi thob pa'i sa bon 'jog__/mthar ni bla ma 'od du zhu/__/mthing sngon bdud rtsi'i gong bu ni/__/gsal zhing phra la gting dpag dka'/__/rang gi snying dbus thim pa yis/__/rig stong 'od gsal rdo rje'i sems/__/gnyug ma bya rtsol bral ba'i ngang /__/dus gsum rtog pas ma bslad par/__/rig stong 'od gsal chen por bzhag__/a a AH__thugs yid bsres la ci gnas su mnyam par bzhag__/mdun dkyil yod na rten bzhugs dang /__bsdu ldang ni/__hU~M hU~M hU~M/__snod bcud gzhal yas khang dang bcas/__/rang nyid lhar gsal la thim zhing /__/de yang yas mar rim gyis zhu/__/hrIHmar thim zhing de yang bsdud/__/mi dmigs 'od gsal ngang du bzhag__/pha[i]Ta pha[i]Ta pha[i]TaHslar yang rang nyid rta mgrin skur/__/lam gyis gsal zhing gnas gsum du/__/oM AHhU~M gis mtshan par gyur/__/dge bsngo shis brjod bya ba ni/__rtsa gsum lha tshogs sgrub pa yi/__/legs spyad dge ba gang mchis pa/__/bstan dang 'gro la yongs bsngos pas/__/sku bzhi'i go 'phang myur thob shog__/ces dang /__rtsa gsum gdung sems gsol 'debs smon lam kun mkhyen klong chen pas mdzad pa sogs spro na bya'o/__/rig 'dzin bla ma'i byin rlabs sprin phung 'khrigs/__/yi dam dngos grub bdud rtsi'i sbrang char 'bebs/__/mkha' 'gro'i tshogs kyi bar chad kun bsal nas/__/grub gnyis dpal la rol pa'i bkra shis shog__/ces dang /__gzhan yang zhal nas gsungs pa'i tshig bcad sogs rgya cher bya'o/__/'dir 'bad dge ba gang+ga'i rgyun/__/shas tsam thob ba'i legs byas 'di/__/sems can kun la yongs bsngos nas/__/rnam grol byang chub mchog thob smon/__/rmongs pas tshig phreng sbyar ba la/__/byin rlabs cung zad med na yang /__/dam pa'i gsung gi legs bskul bas/__/brtsam pa'i nyes tshogs ci mchis bshags/__/'on kyang sgrub gzhi bde gshegs snying /__/sgrub byed thabs kyi lam zab mo/__/kun gyi yang snying 'di kho na/__/de phyir don la rton pa yi/__/thar 'dod rnams kyis nyams blangs rigs/__/ces pa'ang sde snod 'dzin pa chen po kaHthog mkhan rin po che tshul khrims nyi mas gnang skyes bzang po dang bcas ngos kyi bla sgrub thun mong ma yin pa nyams su blangs bde zhig bris yang yang gsung nan chen pos bskul ba rang la sbyor 'os ma che yang /__rtsa gsum kun 'dus o rgyan rdo rje 'chang gi rnam thar rjes su dran pa'i dad mos kyi gsos tsam du bla sgrub 'od gsal snying tig tu grags pa 'di yang mkhas grub rgya mtsho'i spyi rje pad+ma 'od gsal mdo sngags gling ba'i byin brlabs kyi snang ba las rang shar ba'i tshul gyis rje de nyid kyi phrin las kyi byed por smon pa 'jam dbyangs chos kyi blo gros sam/__rig 'dzin kun bzang 'od gsal snying po rtsal gyis sa pho byi ba'i lor dbo zla ba'i gral tshes bzang por smras rim bzhin du yi ge'i byed po rmugs sangs mchog sprul pad+ma kun grol gyis bgyis pa 'dis kyang rang gzhan rnams kyi rgyud la o rgyan rdo rje 'chang gi byin rlabs snying dbus su 'jug pa'i rgyur gyur cig__/sarba mang+ga laM//___//
@#/__/byin rlabs bla ma'i thugs sgrub kyi dbang bskur 'od gsal bcud thig bzhugs so/__/
oM swasti/__bla ma dpal ldan rdo rje 'chang /__/rigs rnams kun bdag dngos grub gter/__/ye shes chen po'i mdzod 'dzin rje'i/__/zhabs la gus btud dbang bskur dbye/__/de la gang du bya ba'i gzhi stegs bu khebs ldan gyi steng dkyil 'khor sgo rdzogs pad+ma 'dab brgyad kyi lte bar rdo rje rtse lnga hU~M mtshan can bkram/__ma 'dzom na maN+Dal tshom bu bkod pas kyang rung /__many+dzu+i'i khar bum pa/__thod chang /__me long /__sin+d+hU ra hrI mthar sngags phreng gis brgyan pa/__shel rdo/__lha tsag__/sngags phreng /__rdo rje rtse lnga/__rdor dril/__tshe 'brang /__tshe ril/__chang /__tshe mda' rnams dang /__sman raka gtor gsum/__phyi mchod/__tshogs/__dkar bgegs/__chad brtan sogs bshams pa/__las byang gi dbu nas brtsams skyabs sems yan lag bdun pa'i rjes dkar gtor spyi 'gre ltar/__rang nyid dbang chen skur gsal nas/__bgegs gtor bsngo zhing /__bka' bsgo nas bstod pa rdzogs kyi bar btang /__b+h+rU~M bi shwa bi shud+d+he sarba ma hA gu ru maN+Dal phaT dzaHces dzab[i] khang dbye nas bdag mdun spro bsdu'i bzlas pa rnams btang /__bum bskyed zur du spro na/__gzungs thag 'dogs/__bum pa rang byung gi gzhal med khang du gu ru rtsa ba gsum gyi lha tshogs skad cig gi gsal bar gyur/__rang gi thugs ka nas sngags phreng gzungs thag la 'khril te song ba lha tshogs rnams kyi thugs rgyud bskul/__sku yi cha thams cad nas byang sems bdud rtsi'i rgyun bab pas bum pa gang bar gyur/__ces brjod la gzungs thag nas bzungs te bsnyen sgrub sngags rnams ci nus bzlas mthar stong tshig mchod bstod dang /__bum pa'i lha bde stong chen po'i ngo bor 'od du zhu nas bum chu dang dbyer med du gyur/__ces brjod la mchod yon phul/__brjod med don bshags sngon du 'gro bas tshogs drangs pa'i mgo bar btang /__las bum du rta mgrin bskyed bzlas spyi ltar bya/__rig me dor la slob ma 'jug par gsol ba gdab/__slob ma rnams sgo drung du khrus nas dbyung /__bgegs gtor bsngo zhing mtshams bcad srung 'khor bsgom la/__chos bshad ci rigs dang /__de la 'dir gang zhig gsan par bya ba'i chos ni/__dus gsum gyi rgyal ba thams cad kyi spyi gzugs dge ba'i bshes gnyen rdo rje slob dpon gyi gzugs su bsgyur nas slob ma'i rgyud byin gyis rlobs pa dang /__gang de'i dkyil 'khor du dbang rdzogs pas dkyil 'khor thams cad du dbang yang rdzogs par 'gyur zhing mchog dang thun mong gi yon tan dang dngos grub thams cad la dbang 'byor bar 'gyur te/__sgra thal 'gyur las/__rten pa de las yon tan ni/__/dpag bsam shing dang yid bzhin nor/__/'dod 'jo'i ba dang 'dra ba las/__/yon tan dpag tu med pa thob/__/de la dmigs te bla ma bsten/__/'khor ba'i g.yul ngor bzlog par byed/__/ces dang /__sdom 'byung las/__mchod pa thams cad yongs spangs nas/__/bla ma mchod pa yang dag rtsoms/__/de mnyes pa las kun mkhyen gyi/__/ye shes mchog ni thob par 'gyur/__/ces dang /__sgyu 'phrul las/__bla ma dkyil 'khor thams cad kyi/__/dbang phyug longs spyod lngas mchod na/__/dkyil 'khor thams cad mchod pa yin/__/nye ba'i dkyil 'khor smos ci dgos/__/zhes sogs sngags rgyud rgya mtsho nas yang yang bsngags shing /__khyad par bka' drin mnyam med o rgyan rdo rje 'chang chen po nyid sgrub pas rtsa gsum rab 'byams rgya mtsho sgrub par 'gyur ba ni rdo rje'i gsung las/__nga sgrub sangs rgyas thams cad sgrub/__/nga mthong sangs rgyas thams cad mthong /__/nga ni bde gshegs 'dus pa yin/__ces dang /__khyad par byin rlabs dngos grub myur 'dod na/__/pad+ma nga bsgom mchod dang sus bsgrub pa/__/ji ltar yid bzhin nor bu rin chen las/__/dgos 'dod thams cad ngang gis 'byung ba bzhin/__/rgyal ba rgya mtshos byin brlab bu bzhin bsrung /__/dam can mkha' 'gros dngos grub char ltar 'bebs/__/snang srid dregs pa ci bcol las rnams sgrub/__/phrin las lhun grub sems can mtha' yas sgrol/__/de ltar thams cad bdag nyid dran las 'byung /__/ces dang /__khyad par yar mar gyi tshes bcu sogs la brtson pas byin rlabs lhag par che ba yang /__/bde mchog rtsa rgyud las/__rang 'dod las la rnal 'byor pas/__/cho ga ji bzhin sbyin par bya/__/mar gyi ngo yi tshes bcu dang /__/zla ba yar ngo gang gyur la/__/myur du 'bad pas mchod bya ste/__/zhes dang /__gu ru'i zhal nas/__dus kyi rgyal po tshes bcu thams cad la/__/dbang khrid mchod bstod la sogs dge ba'i las/__/byas na brgya stong khri dang 'bum 'gyur 'byung /__/pad+ma nga nyid 'byon pa'i tshes grangs yin/__/ces slob dpon chen pos mdzad pa'i dus chen tshes bcu bzung na byin rlabs lhag par che ba sogs/__mdor na bla ma sgrub cing mchod pa kho na gal che bas/__sngags kyi zab lam mthar thug pa yin pas/__de la sngon du smin byed kyi dbang bskur ba thob dgos pa ni/__sgyu 'phrul las/__dbang bskur thob par ma byas shing /__nyan pa la sogs brtson pa rnams/__/'bras bu med cing brlag par 'gyur/__zhes dbang bskur thob pa gal che bas de nyid sgrub pa la/__bdag gi bgyi 'os grub nas khyed rnams kyi ngo skal du gyur pa la smin byed gsan pa'i yon du dmigs nas maN+Dal 'bul bar zhu/__zhes brjod pas mtshams sbyar/__maN+Dal 'bul/__tsak+Shu b+han+d+ha sogs kyis mig dar dang /__a khaM wi ra hU~M gis me tog sbyin/__gsol ba 'debs pa 'di yi rjes zlos mdzod/__/slob dpon chen po dgongs su gsol/__/rtsa gsum kun 'dus dkyil 'khor du/__/thugs rje chen pos nyer bzungs nas/__/bdag cag 'jug par mdzad du gsol/__/zhes gsol ba btab nas slar yang gnang ba sbyin pa ni/__legs 'ong bu khyod skal pa bzang /__/rtsa gsum dkyil 'khor chen po 'dir/__/khyed cag bdag gis gzhug par bya/__/rnam dag dam tshig srung bar gyis/__/de nas rgyud dag par bya ba'i slad du/__tshogs zhing rtsa gsum rgyal ba rgya mtsho'i tshogs dang bcas pa mngon sum bzhin du bzhugs pa'i spyan sngar bdag gzhan sems can thams cad 'khod de yan lag bdun pa bgyi ba'i blos 'di'i rjes zlos/__rdo rje slob dpon sogs lan gsum/__sdom pa bzung ba ni/__tshogs zhing de rnams dpang por bzhugs pa'i spyan sngar rdo rje theg pa'i sdom pa spyi dang khyad par gyi dam tshig mtha' dag bzung bar bgyi'o snyam pa'i blos rjes zlos/__/bde bar gshegs pa khyed ci 'dra sogs lan gsum/__dam la bzhag pa ni/__bdud rtsi'i chu nan byin te/__'di ni rdo rje'i dam tshig chu/__/bsrung na tshe 'dir dngos grub thob/__/ma srung nyams na dmyal bar ltung /__/rdo rje bdud rtsi'i chu 'thung zhig__/badz+ra sa ma ya u da ka Tha Tha ThaHdkyil 'khor gyi lha tshogs rnams la phyag bya bar mos te thal mo gnas gsum du sbyar ba dang bcas/__oM na ma te hU~M/__na ma me hU~M/__na mo na ma hU~M/__zhes pas phyag byas nas dkyil 'khor gyi shar sgor 'khod par gyur/__ye shes dbab pa la sgo gsum gyi gnad gcun te dmigs pa 'di bzhin mdzod/__slob dpon dkyil 'khor gyi bdag por bzhugs pa'i thugs ka nas ye shes kyi 'od zer 'phros te slob ma'i phung khams skye mched thams cad stong par gyur/__stong pa'i ngang las rig pa'i ngo bo hrIHyig dmar po'i 'phro 'du las pad+ma zla nyi dam sri dang sogs nas/__ye shes pa rnams spyan drangs gyur/__'bebs pa'i rdzas bdug__/DA dril dbyangs dang bcas/__hU~M hrIHchos dbyings 'og min sogs kyis thugs dam bskul zhing /__rtsa sngags mthar/__dz+nyA na A bai sha ya a a hrIM hrIM phaiM phaiM/__zhes btags pa mang du brjod pas byin dbab/__rdo rje mgor bzhag__/tiSh+Tha badz+ras brtan par bya'o/__/de nas dkyil 'khor la me tog 'dor ba ni/__rang rig smon pa'i lha la me tog 'bab par shog cig snyams pas rjes zlos/__hoHtshe rabs sngon nas 'brel ba yi/__/rigs kyi lha mchog gang yin par/__/rig pa'i me tog 'di dor bas/__/lhag pa'i lha dang mjal bar shog__/puSh+pe pra tIts+tsha hoHzhes phul ba slar yang spyi bor bzhag ste/__puSh+pe sid+d+hi sa ma ya s+t+waM/__/rigs kyi lha de spyi bor thim par mos/__/ma rig pa'i sgrib g.yogs mig dar dang lhan cig bsal bar gyur/__/nga ni ye shes rgyal po ste/__/khyod kyi ma rig mun pa bsal/__/ye shes spyan ni thob gyur cig__/dkyil 'khor lha dang khyod sprod do/__/dz+nyA na tsak+Shu pra be sha ya phaT/__ces rdo rje'i mig dbye/__dkyil 'khor mthong ba bstan pa ni/__legs 'ong bu khyod skal pa bzang /__/ltos shig dkyil 'khor 'di la ltos/__/mthong bas sdig sgrib thams cad dag__/tshul bzhin bsgom pas dngos grub thob/__/'di na rtsa ba gsum gyi dkyil 'khor gyi lha tshogs bzhugs pa thams cad kyang /__nang du rang lus lhun grub dag pa rab 'byams rgyal ba'i dkyil 'khor chen por rdzogs pa dang /__gsang ba rang rig byang chub sems kyi ngo bo dbyer med pa mngon sum bzhin du mthong bar mos/__des dkyil 'khor du 'jug pa'i chos rnams sogs nas dngos gzhi'i dbang bskur zhu ba'i yon du maN+Dal phul/__gsol ba 'debs pa 'di yi rjes zlos/__byang chub rdo rje sogs lan gsum/__slob dpon gyi thugs ka nas 'od zer 'phros pas nam mkha' gang ba'i dbang gi lha tshogs spyan drangs pa rnams dang lhan cig pas rnam par rgyal ba'i bum pa ye shes bdud rtsi'i bcud kyis gtams pas spyi bo'i gnas lnga nas dbang bskur bar gyur/__oM/__til gyi gong bu bzhin gang ba'i/__/rgyal bas bum pa bzung nas ni/__/byang chub sems kyi bdud rtsi'i chus/__/bde gshegs rigs lngar dbang bskur ro/__/oM hU~M trA~M hrIHaHsarba ta thA ga ta a b+hi She ka te sa ma ya shrI ye hU~M/__oM badz+ri b+ha wa a b+hi Shiny+tsa hU~M/__zhes gsungs shing bum chu'i spyi bo nas dbang bskur/__sku gang dri ma dag__/chu'i lhag ma spyi bor yar lud pa las de bzhin gshegs pa rigs lngas dbu brgyan par gyur/__de ltar dbang bskur bas nyon mongs pa lnga dag__/phung po lnga rigs lnga'i sangs rgyas su gnas gyur/__/ye shes lnga mngon du byas/__/rigs lnga'i go 'phang thob pa'i skal ba rgyud la bzhag go__/dkyil 'khor gyi lha tshogs las phyag rgya gnyis pa re 'phros te gnas so sor thim par gyur/__hU~M/__bcom ldan rta mchog he ru ka__/rdo rje phag mo yum dang sbyor/__/yab yum gnyis su med pa yi/__/rigs kyi bu la dbang bskur ro/__/rang sngags mthar/__kA ya a b+hi Shiny+tsa AH__hU~M/__bla ma rdo rje thod phreng rtsal/__/mtsho rgyal yum dang mnyam par sbyor/__/thabs dang shes rab gnyis med pas/__/rigs kyi bu la dbang bskur ro/__/sngags mthar/__kA ya a=__hrIHbcom ldan mgon po tshe dpag med/__/rigs kyi bdag po sprul pa'i sku/__/tshe dang ye shes dngos grub bdag__/rigs kyi bu la=__rang sngags dang /__kA ya a=__oM/__thugs rje chen po pad+ma'i rgyal/__/gsang ba ye shes yum dang sbyor/__/bde stong 'du 'bral med pa yis/__/rigs kyi bu la=__sngags mthar/__kA ya a=__hU~M/__dpal chen badz+ra he ru ka__/kro d+hI shwa ri yum dang sbyor/__/phyag rgya rgya chen rtag pa'i skus/__/rigs kyi bu la=__sngags mthar/__kA ya a=__hU~M/__bcom ldan rdo rje phag mo ni/__/mkha' 'gro rgya mtsho'i tshogs dang bcas/__/bde chen 'bar ba'i gzi byin gyis/__/rigs kyi bu la=__sngags dang /__kA ya a=__hU~M/__rdo rje khros ma kun tu bzang /__/bde chen dbyings kyi ral gcig ma/__/rgyud gsum dregs pa'i tshogs bcas kyis/__/rigs kyi bu la dbang bskur ro/__/sngags dang /__kA ya a=__deng phyin chad brtan g.yo thams cad ye shes phyag rgya'i sku bsgom pa dang ma bral bar gyis shig__/gsung bzlas lung gi slad du slob dpon gyi thugs ka nas sngags phreng 'phros/__khyed rang gi snying gar thim pa dang 'od zer spro bsdus don gnyis byas/__snod bcud dag mnyam chen por rdzogs shing brtan g.yo'i sgra skad sngags kyi 'khor lor gyur par mos la/__bsnyen sgrub las gsum sngags rnams bzla/__deng phyin chad 'byung 'jug gnas gsum sngags kyi 'khor lor bsgom pa dang ma bral bar gyis shig__/de brtan pa'i slad du sngags phreng mgrin par bzhag__/AH__sngags kyi rang sgra sgrogs pa yi/__/snying po'i phreng ba 'di gtad pas/__/rlung sngags yi ge brtan pa dang /__/gzhom med rdo rje'i srog 'grub shog__/wA ka a b+hi Shiny+tsa A/__thugs kyi dbang bskur ba'i slad du lha sngags kyi mtshon pa'i brtan g.yo'i snang ba 'di dag rig stong 'od gsal thugs kyi ngo bor rdzogs par mos la dgongs pa skye med kyi ngang du mnyam par bzhag__/de brtan pa'i slad du rdo rje rtse lnga snying gar bzhag ste/__hU~M/__rig stong thugs kyi rdo rje 'di/__/rgyal ba kun dang mnyam par sbyor/__/ye shes rang byung phyag rgya yis/__/thugs mchog 'grub par dbang bskur ro/__/tsit+ta ab+hi Shiny+tsa hU~M/__rtog tshogs thams cad rang rig byang chub sems kyi dkyil 'khor du rnam par dag go__/rdo rje slob dpon gyi dbang gi slad du rdor dril lag tu gtad de/__hU~M/__thabs dang shes rab dbyer med pa'i/__/rdo rje dril bu'i phyag rgya 'dis/__/slob dpon chen por mnga' gsol zhing /__/'gro don byed par dbang bskur ro/__/oM ma hA badz+ra gaN+De dz+nyA na badz+ra swA b+ha wa at+ma ko\u0f85 haM/__rten snying dang su pra tiSh+Thas brtan par bya/__de ltar bum pa'i dbang bskur bas lus rtsa dbyibs kyi sgrib pa dag__/bskyed rim bsgom pa la dbang /__/'bras bu sprul pa'i sku 'grub pa'i skal ba rgyud la bzhag go__/gsang ba'i dbang gi slad du/__de bzhin gshegs pa thams cad bla ma yab yum gyi sku la zhugs pa rjes chags bde ba chen por byang chub sems kyi bdud rtsir zhu ba thod pa'i nang du bskyil bas dbang bskur bar gyur/__thod pa'i bdud rtsi thogs la/__hU~M/__ji snyed sangs rgyas thams cad kyis/__/rab tu bsngags pa gsang ba'i dbang /__/byang chub sems kyi bdud rtsi che'i/__/bde ba chen por dbang bskur ro/__/bod+hi tsit+ta a ho ma hA su khA ho/__/de ltar gsang ba'i dbang bskur bas ngag dang rlung gi sgrib pa dag__/srog rtsol rlung gi rnal 'byor dang /__gtum mo bsgom pa la dbang /__'bras bu longs sku 'grub pa'i skal ba rgyud la bzhag go__/shes rab ye shes kyi dbang gi slad du rdo rje btsun mo'i chu skyes kyi ngo bo sin+d+hu ra'i me long sngags kyis brgyan pa gtad de/__hU~M/__dga' ba'i gnas sbyin lha mo 'di/__/sna tshogs gzugs can yid 'ong ma/__/'di khyer rtag tu mchod par gyis/__/'di spang mchog gi dngos grub med/__stAM pad+ma b+hany+dza mok+Sha ho/__'du shes gsum gyis mnyam sbyor bas/__/dga' bzhi'i ye shes skyes par mos/__de ltar gsum pa'i dbang bskur bas/__/yid dang thig le'i sgrib pa dag__/rang byin rlabs dang dkyil 'khor 'khor lo sgom pa la dbang 'bras bu chos sku thob pa'i skal ba rgyud la bzhag go__/dbang bzhi pa'i slad du/__rdo rje sems dpa'i man shel gyi brdas mtshon te/__hoHdbyings kyi stong pa shel lta bu/__/rang bzhin gsal ba 'ja' tshon bzhin/__/thugs rje'i rig rtsal phyogs bcur 'phro/__/dbyer med don gyi gnas lugs ltos/__d+harmA d+hA tu dz+nyA na badz+ra a a a/__dbyings rig bsres la mnyam par bzhag__/de ltar dbang bzhi pa tshig dbang rin po che bskur bas/__kun gzhi dang sgo gsum cha mnyam gyi sgrib pa sbyangs/__lam rig stong 'od gsal rdzogs pa chen po bsgom pa la dbang /__'bras bu ye shes rdo rje ngo bo nyid sku thob pa'i skal ba rgyud la bzhag go__/mtha' rten du bkra shis tshe yi dbang bskur zhu ba'i yon du maN+Dal phul/__gsol ba 'debs pa 'di yi rjes zlos/__kyai/__dus gsum sangs rgyas 'gro ba'i mgon/__/tshe bdag bla ma rin po ches/__/bdag gi dus min 'chi ba sol/__/tshe yi dbang bskur stsal du gsol/__/zhes lan gsum gsol ba btab/__bla ma rigs bdag tshe dpag med mgon gyi sku las tshe 'gugs pa'i lha mo nyi zer gyi rdul 'tshubs pa ltar 'phros pas 'khor 'das kyi tshe bcud thams cad bsdus nas khyed rang dang tshe yi rten rdzas rnams la thim par mos/__tshe mda' thogs la tshe 'gugs bskul/__tshe 'brang thogs te/__tshe 'brang tshe dpag med mgon du gsal ba spyi bor bzhag pas bdud rtsi'i rgyun babs lus kyi nang gang /__sku rdo rje tshe yi dngos grub thob par gyur/__oM/__bkra shis 'chi med bum pa ni/__/tshe dpag med mgon bzhugs pa yi/__/bdud rtsi'i rgyun gyis dbang bskur bas/__/gzhoms bral rdo rje'i skur smin shog__/tshe sngags dang /__kA ya a b+hI Shiny+tsa oM/__bdud rtsi thogs te/__'khor 'das kyi dwangs bcud bdud rtsir gyur pa ngag tu blud pas gsung 'gags med rdo rje'i dbyangs su smin par mos/__AH__srid dang zhi ba'i dwangs bcud kun/__/grub pa'i bdud rtsir bskyil ba 'dis/__/las rlung rgyu ba dbyings su dag__/'gags med rdo rje'i gsung thob shog__/tshe sngags dang /__wA ka a b+hi Shiny+tsa AH__tshe ril thogs la/__srid zhi'i 'byung bcud dwangs ma'i thig le bde stong ril bu'i gzugs su shar ba myong bas skye 'chi med pa thugs rdo rjer smin par mos/__hU~MH'khor dang mya ngan 'das pa'i bcud/__/bde stong rdo rje tshe'i ril bu/__/myong bas srog gi dwangs mar smin/__/thugs kyi rdo rje'i dbang thob shog__/sngags dang /__tsit+ta a b+hi Shiny+tsa hU~M/__rgyas gdab spyi bor tshe mda' rgya gram bzhag la/__AH__srid zhi'i sogs kyis rgyas gdab par bya'o/__/des dbang gi dngos gzhi rnams song nas/__dbang don gyi ye shes brtan par bya ba'i slad du shis pa brjod pas rdo rje gsum gyi ye shes gong 'phel du gyur pa'i mos pa mdzod/__bkra shis dang /__dam tshig bsgrags gzung /__gtang rag maN+Dal lus 'bul dge bsngo rnams byas la/__slob ma rnams grol/__rjes la tshogs rol zhing lhag ma btang ba sogs mthug gi las rim rnams bya'o/__/de ltar rang blos sbyar ba yi/__/cho gas smin pa'i nges pa ni/__/'on kyang dad mos ldan pa la/__/bla ma'i lam gyis grol bar 'gyur/__/de phyir legs byas dge ba gang /__/mkha' khyab yid can skye rgu rnams/__/gtan bde'i sa la 'god pa dang /__/sku bzhi'i go 'phang myur thob shog__/ces bla sgrub 'od gsal snying thig gi smin byed 'od gsal bcud thig ces bya ba 'di sde snod 'dzin pa chen po kaHthog mkhan rin po che tshul khrims nyi mas rten dang bcas gsung bskul bzhin/__chos kyi blo gros pas dbo zla'i tshes bcur zhus rim bzhin yi ge pa ni kun gzigs mchog sprul rin po che mang+ga las bka' drin bskyang ba 'dis kyang sems can dpag tu med pa la phan pa rgya chen po 'byung ba o rgyan rdo rje 'chang gis byin gyis brlab tu gsol/__sarba dA mang+ga laM/__/'di yi chos sgo dang po lcags yos zla tshes la dbye zin ma thag khri 'du bla gsar gnyer pas mnyam med dwags po'i thugs rus phul ba rten 'brel shin tu bzang bar byung ngo //___//
bla sgrub snying gi thig le'i rgya:__AH__spros med don gyi rnal 'byor gyis:__ye shes bla ma bsgrub 'dod na:__rang rig bla ma kho thag chod:__sbyor dngos rjes kyis nyams su longs:__a+thi+-i:__ye dag bla mar skyabs su mchi:__re dog bral ba sems bskyed do:__AH__snang stong phung khams rnam par dag:__gsal stong zung 'jug ye shes kyi:__lhun grub bde chen rdo rje'i sku:__ka dag rang gsal 'dzum bag zhi:__snang srid rgyan rol 'gags sham klubs:__ma yer mi bsgom chos gos gsol:__dbu la ye grol saM zhu mdzes:__ye bsgoms 'gyur med sgom thag 'khyud:__phyag g.yas rtsal rdzogs rdo rje 'dzin:__g.yon pas gsang bcud thod chang bsnams:__'gyur med rdo rje skyi krung bzhugs:__ye shes lnga ldan 'od 'bar gsal:__rtsol med thugs rje'i byin gyis rlobs:__lta ba rang gsal mchod pa 'bul:__sgom pa grol bde ngang du bzhes:__spyod pa sna tshogs brda ston bstod:__'bras bu chos zad dbyings su bzhag:__oM AHgu ru ma hA su kha badz+ra dz+nyA na sarba sid+d+hi pha la hU~M:__zhes pa rang gsal ngang nas bzlas:__gdeng thob skye med klong du bzhag:__AH__AH__AH__hU~M hU~M hU~M:__phaT:__phaT:__phaT:__'thar ni brjod med ngang du gnas:__ye shes bla ma dbyer med 'grub:__sa ma ya:__rang sems ye dag chos kyi sku:__gsal sgrub dmigs med klong las grol:__phyogs lhung bral ba kun tu bzang :__gzhan grub med pa e ma hoHzhing snang sgyu ma'i rnam rol shar:__dmigs med khyab brdal ngang du a:__khyab brdal 'gro snang 'khor 'das kun:__dbyer med sangs rgyas klong du phaT:__rang byung chos nyid klong yangs las:__gsang snying phyung ba a+thi+-i rgya:__gter sras rig pa 'dzin pa yis:__bskul phyir mkhyen sprul pa yis spel/__dge'o//___//
- /__guruR+Yogatsit+tatilakaMkashAlokebiharatisma/__/__
@#/__/bla ma'i rnal 'byor snying thig gsal sgron bzhugs so//___// na mo gu ra we/__/rang rig bla mar phyag 'tshal nas/__/rdo rje'i ye shes 'bebs pa'i thabs/__/byin brlab bla ma'i rnal 'byor ni/__/mdor bsdus nyung gsal snying por spel/__/bde ba'i stan la bag phebs te/__/nges 'byung byang sems rgyud sbyongs nas/__aHrang rig ka dag chos kyi sku/__/rang gsal lhun grub longs spyod rdzogs/__/rig rtsal thugs rje sprul pa'i sku/__/rang ngo shes pas skyabs su mchi/__/zhes lan gsum/__aHma rig 'khrul pa'i sems can rnams/__/sku gsum sa la 'god pa'i phyir/__/smon 'jug byang chub sems sbyangs shing /__/rang grol chen por sems bskyed do/__/lan gsum/__sems can bde dang ldan gyur cig__/sdug bsngal kun dang bral bar shog__/bde dang rtag tu mi 'bral zhing /__/chos kun btang snyoms la gnas shog__/ces tshad med bzhi sgom/__aHmdun mkhar 'ja' 'od 'khrigs pa'i klong /__/seng khri pad+ma zla nyi brtsegs/__/stag lpags sder bzhi bgrad pa'i steng /__/pad+ma ye shes rdo rje ni/__/he ru kaHdpal rnal 'byor spyod/__/dmar smug 'dzum khro'i nyams ldan pa/__/phyag g.yas thod pa'i DA ru 'khrol/__/g.yon pas mnyam bzhag thod pa bsnams/__/rus rgyan stag sham dril g.yer sgrogs/__/mchan g.yon rdo rje'i kha TA~M bzung /__/snang srid zil gnon chen por gsal/__/gnas gsum rdo rje'i 'bru gsum mtshan/__/'od 'phros ye shes spyan drangs thim/__hU~M hrIHrang bzhin rnam dag pho brang nas/__/skye med chos sku'i bla ma gshegs/__/gsal rdzogs khyab brdal pho brang nas/__/'gag med longs sku'i bla ma gshegs/__/rig rtsal 'gro 'dul pho brang nas/__/gnas med sprul sku'i bla ma gshegs/__/sku gsum dbyer med pho brang nas/__/rdo rje'i bla ma gshegs su gsol/__/rnal 'byor bdag la byin gyis rlobs/__badz+ra sa mA dzaHdzaHhU~M ba~M hoHtshogs bsags pa ni/__oM AHhU~M/__rang snang rnam dag bla ma la/__/mtshan 'dzin bral bas phyag 'tshal lo/__/dag mnyam chos sku'i mchod pa 'bul/__/sdig sgrib skye med klong du bshags/__/ma byas dge la rjes yi rang /__/gzhom med brjod bral chos 'khor bskor/__/mi 'gyur rtag pa'i khri la bzhugs/__/zag med chos dbyings chen por bsngo/__/sku gsum go 'phang myur thob shog__/maN+Dal 'bul ba ni/__oM AHhU~M/__bdag dang mtha' yas sems can gyi/__/lus dang longs spyod dge tshogs kun/__/phyi nang gsang ba'i maN+Dal gyis/__/bla ma rgyal ba sras bcas mchod/__oM gu ru sarba ta thA ga ta rat+na maN+Dal pU dza hoHzhes dbul/__gsol btab dbang blang bya ba ni/__phyi ltar rgyal sras chos kyi blo gros rje/__/nang ltar 'jam dpal dri med bshes gnyen dang /__/gsang ba mtshan rdzogs he ru kaHdpal la/__/gsol ba 'debs so bdag rgyud byin gyis rlobs/__/thugs dam rgyud bskul bzlas pa ni/__oM AHgu ru shrI pad+ma he ru ka sarba sid+d+hi pha la hU~M/__thun mthar dbang blangs dngos grub zhu/__bla ma'i gnas gsum yig 'bru las/__/'od zer dkar dmar mthing gsum byung /__/rang gi gnas gsum thim pa yis/__/dbang bskur byin rlabs dngos grub thob/__/bla ma 'od zhu rang la thim/__/ma bcos 'dzin bral ngang du bzhag__/thun mthar dge bsngo spyi ltar bya/__/rjes thob bla ma'i lam khyer brtson/__/de ltar zab pa'i rnal 'byor 'di/__/rang la sbyar 'os mi che yang /__/lha rigs bde skyong dbang mo ni/__/g.yu sgron mchog gi gsung bskul ngor/__/chos kyi blo gros zhes bya bas/__/cho 'phrul zla ba'i tshes bcu la/__/gang shar thol byung nyid du bris/__/dge bas 'khor ba dongs sprug shogs ma p+ta a+thi+-i//___// @#/__/tshogs mchod ye shes dpal ster bzhugs so/__/ rang rig bla ma bde chen gtso/__/dkyil 'khor bdag por gus btud nas/__/zab mo bla ma'i rnal 'byor gyi/__/tshogs mchod ye shes dpal ster dbye/__/de la 'dir dbang thob cing dad pa dang dam tshig ldan pa'i rnal 'byor bas tshogs kyi yo byad ma dA na dang /__bA la sogs thabs shes kyi rdzas ci 'byor pa bshams la chu chang gis bran/__ra~M ya~M kha~M/__phyi snod bde chen ka pA la/__/nang bcud ye shes tshogs gtor che/__/zag med bdud rtsi'i sprin chen po/__/'dod yon nam mkha' khyab par spel/__/oM AHhU~M ha ho hrIHlan gsum brjod/__tshogs zhing spyan 'dren pa ni/__sku gsum zhing khams rab 'byams nas/__/bla ma yi dam mkha' 'gro'i tshogs/__/'dir gshegs tshogs la byin chen phobs/__/rnal 'byor rig pa'i nyams rtogs spor/__/rtsa rlung thig ler byin rlobs la/__/mchog dang thun mong dngos grub stsol/__/oM ma hA gu ru badz+ra sa mA dzaHdzaHhU~M ba~M hoHtshogs phud rim pa gsum spros la dang po mchod pa ni/__oM AHhU~M/__bla med tshogs kyi mchod pa ni/__/ye shes rnam lnga'i 'od zer 'phro/__/bla ma sku bzhi'i dkyil 'khor rnams/__/tshogs kyi mchod pas mnyes gyur cig__/bar pa bskang zhing bshags pa ni/__hU~M hrIH'og min gsang mchog zhing khams cher/__/dbyings kyi b+han+d+ha rgya re yangs/__/tshogs gtor 'dod yon bcud re che/__/rnal 'byor rig pa dwangs re spro/__/rig rtsal kun bzang mkha' khyab sprin/__/phyi nang gsang mchod dpag yas kyis/__/bla ma sku bzhi'i lha tshogs rnams/__/thugs dam gnyen po dgyes par bskang /__/bdag cag mi shes gti mug pas/__/bsags pa'i sdig sgrib nyes ltung kun/__/dam rdzas tshogs kyi mchod pas bshags/__/dag cing tshangs par stsal du gsol/__/badz+ra sa ma ya aHyig brgya brjod/__tha ma bsgral bstab ni/__e dbyings 'bar ba'i hom khung du/__/gnyis 'dzin rtog pa'i ru tra bkug__/bdag med phur bu'i mtshon gyis bsgral/__/ye shes rab 'bar zhal du bstab/__ma traM ru tra mA ra ya rbad/__i daM ba ling ta kha kha khA hi/__phung khams skye mched lhar gsal bzhin/__ye shes la ni ye shes rol/__/tshogs la longs spyod mthar/__hoHrig 'dzin bla ma'i lha tshogs la/__/tshogs kyi mchod pa phul ba yis/__/bdag gzhan 'gro ba ma lus kun/__/dkyil 'khor gcig tu 'grub par shog__/ces smon lam btab/__lhag ma bsdus la kha chu bran/__phaiMlhag la dbang ba'i bka' nyan sde/__/mkha' 'gro ging lang dbang phyug ma/__/ma bdun sring bzhi 'bar ma sogs/__/lhag gtor bzhes la phrin las sgrubs/__/uts+tshiSh+Ta ba ling ta khA hiHspro na rdo rje'i glu gar bya/__/rjes la chad tho'i gtor ma phul/__hU~M hrIHbrgyud gsum rig 'dzin bla ma yis/__/dam la btags pa'i srung ma rnams/__/sman raka bdud rtsis dgyes pa bskyed/__/dgra bgegs sha khrag gtor ma bzhes/__/mi mthun 'gal rkyen bar chad sgrol/__/zab gter bstan pa rgyas pa dang /__/bcol pa'i phrin las 'grub par mdzod/__/sa ma ya a mr-i ta rak+ta ba ling ta khA hi/__bshal chus brtan ma bskyang zhing mchod/__b+h+yoHrten 'brel bcu gnyis gnas dag pa'i/__/bden don rnam pa bcu gnyis gzugs/__/bod skyong brtan ma bcu gnyis tshogs/__/'dir byon gtor ma'i bshal chu bzhes/__/bcol pa'i las rnams 'grub par mdzod/__/'jig rten bde ba'i phrin las spel/__/rtag tu bsrung zhing skyob par mdzod/__/ma mA hrIng hrIng ba ling ta khA hiHrjes la mchod bstod dngos grub blang /__hoHrig 'dzin bla ma'i lha tshogs la/__/phyi nang gsang ba'i mchod pa 'bul/__/yul dang dbang po gnyis med rol/__/spangs blang 'dzin bral ngang du bzhes/__/oM badz+ra ar+g+haM nas/__shab+da rU pa shab+da gan+d+he rA sa spaR+she ma hA a mr-i ta rak+ta ba ling ta khA hi/__hU~M hrIHrang byung 'od gsal ngang las ma g.yos kyang /__/ma 'gags rol pa longs spyod rdzogs pa'i sku/__/thugs rje gang 'dul sprul sku'i lha tshogs la/__/mi g.yo mnyam pa chen pos bstod par bgyi/__/oM AHhU~M/__rig 'dzin bla ma'i thugs dam dus la bab/__/bde stong ye shes chen po'i sgo phyes la/__/mchog dang thun mong dngos grub ma lus pa/__/da lta nyid du stsal zhing brtan par mdzod/__/oM AHhU~M badz+ra ma hA gu ru kA ya wA ka tsit+ta sarba sid+d+hi pha la hoHdngos grub blang zhing nongs pa bshags/__/tshogs mgron rten yod na brtan bzhugs bya/__dbang blang dang bla ma bsdu bstim ni bla rnam gzhung ltar bya/__bsngo smon ni/__bdag sogs mkha' mnyam 'gro ba kun/__/skye kun bla mas rjes su bzung /__/smin grol bdud rtsis rgyud phyug ste/__/sku bzhi'i go 'phang myur thob shog__/shis brjod ni/__brgyud gsum bla ma'i sprin phung 'khrigs/__/yi dam dngos grub sbrang char 'bebs/__/mkha' 'gro chos skyong 'brug sgra sgrogs/__/srid zhi'i dge mtshan rgyas gyur cig__/ces sogs shis pa brjod la rgyun gyi lam khyer la 'jug go__/zhes pa'ang sde dge lha rigs sras mo g.yu sgron nas rten dang bcas te gsung gis bskul ba dang /__/mkhyen gzigs mchog sprul rin po che mang+ga las kyang bris na legs pa'i gsung bskul ngor/__de 'phral nyid du 'jam dbyangs blo gros rgya mtsho'am pad+ma ye shes rdo rjes zhus rim bzhin mchog sprul rin po ches yi ger mdzad pa 'dis kyang rang gzhan rnams kyi rgyud la tshogs gnyis rlabs po che gong du 'phel ba'i rgyur gyur cig__/sarba dkA l+yA NaM b+ha wan+tu//___// @#/__/zab lam snying thig gsal sgron gyi dbang chog bdud rtsi'i bum bzang zhes bya ba bzhugs so/__/ rang rig bla mar gus btud nas/__/zab mo bla ma'i sgrub pa yi/__/dbang bskur ye shes chu rgyun ni/__/sgrub par 'dod pas stegs bu la/__/maN+Dal chos 'byung dmar po'i dbus/__/pad 'dab bzhi dang mtha' skor du/__/pad phreng rdo rwa me ris mdzes/__/de steng bum pa thod chang dang /__/me long sngags mtshan man shel bshams/__/phyi nang mchod pa tshogs byas te/__/rnal 'byor bde ba'i stan la 'dug__/bla ma'i sgrub pa gzhung bsrangs shing /__/bum thod dbyangs gsal rten snying gis/__/byin gyis brlabs shing tshogs mchod bya/__/slob dpon dgongs pa g.yo med dang /__/snod ldan slob ma khrus nas dbyungs/__/bgegs bskrad srung ba'i 'khor los bcing /__/nges 'byung chos 'chad spro ba bskyed/__/maN+Dal phul la gsol ba gdab/__/rtsa gsum rgya mtsho 'dus pa'i dngos/__/rdo rje'i bla ma dgongs su gsol/__/bdag cag skal ldan bu rnams la/__/snying po don gyi dbang mchog stsol/__/gsol btab gnang ba sbyin pa ni/__e ma skal ldan rigs kyi bu/__/dad dang dam tshig mos ldan na/__/yang gsang bla ma sgrub pa yi/__/snying po don gyi dbang bskur sbyin/__/de nas rgyud sbyong rim pa ni/__/dam chu sbyin cing dam bsgrags pa/__hoH'di ni rdo rje'i dam tshig chu/__/bsrungs na dngos grub tshe 'dir thob/__/ma bsrung nyams na dmyal bar ltung /__/de bas khe nyen shes par gyis/__/badz+ra sa ma ya na ra kan/__/zhes brjod rdo rje spyi bor bzhag__/ye shes dbab phyir lus bsrang zhing /__/rlung bzung dmigs pa rtse gcig gtad/__bla ma he ru kar gsal ba'i/__/thugs nas me 'od 'phros pa yis/__/slob ma'i phung khams bsregs shing sbyangs/__/de las skad cig dran rdzogs su/__/rdo rje phag mo sku mdog dmar/__/gri gug thod khrag dor stabs 'gying /__/dar dang rin chen rus pas brgyan/__/thugs kar bde ba'i thig le ni/__/dga' ba 'khyil pa dkar dmar dbus/__/ba~M dang yan lag bzhi la ni/__/ha ri ni sas mtshan par bsgom/__/spyi bor bla ma he ru ka__/cang te thod pa bsnams pa ni/__/bde ba'i nyams dang ldan par gsal/__/thugs nas 'od 'phros ye shes pa/__/spyan drangs dbyer med thim par bsam/__/ye shes 'beb pa'i sngags kyis dbab/__/ye shes phebs pa'i rtags byung na/__/nyams ni byung rgyal dag tu bskyang /__/ma pheb bla mar mos gus bskyed/__/rjes chags 'od kyis bskul byas te/__/snying ga'i dga' 'khyil g.yon drag 'khor/__/dgongs pas gzer zhing dbyings rig bsre/__dz+nyA na badz+ra tiSh+Tha sa ma ya/__zhes brjod rdo rje rgya gram 'jog__/dngos gzhi'i dbang bskur sbyin pa la/__bla ma'i dpral ba'i oM dkar las/__/oM dang rang 'dra dpag med 'phros/__/dpral bar thim pas lus sgrib dag__/bum pa'i dbang bskur thob par bsam/__/oM gyi glu dbyangs brjod pa dang /__/brtan byed bum pa'i chus dbang bskur/__oM/__snod bcud yongs rdzogs bum pa na/__/rig 'dzin rgyal ba'i dkyil 'khor bzhugs/__/skal ldan khyod la bskur ba yis/__/phung khams lha skur smin par shog__/badz+ra ka la sha a b+hi Shiny+tsa hU~M/__bum chu blud cing gnas bzhir gtor/__/dbang don ngo sprod rtogs pa brjod/__/de nas gsang ba'i dbang bskur ni/__bla ma'i mgrin pa'i AH__dmar las/__/'od dmar sngags phreng dpag med 'phros/__/mgrin par thim pas ngag sgrib dag__/gsang ba'i dbang bskur thob par dmigs/__/AH__yi glu dbyangs bsgrags pa dang /__/b+han+d+ha'i bdud rtsi sbyin byas te/__AH__rang byung b+han+d+ha'i snod nang du/__/bla ma yab yum snyoms zhugs pa'i/__/byang sems bdud rtsi'i rgyun dbang bskur/__/ngag rlung dbu mar thim par shog__/b+ho d+hi tsit+ta a b+hi Shiny+tsa hU~M/__a ho ma hA su kha hoHzhes myong bde stong ngang la bzhag__/don ngo sprod cing rtogs pa brjod/__/sher dbang pho nya'i dbang mchog ni/__bla ma'i thugs ka'i hU~MHsngon las/__/'od sngon phyag mtshan tshogs spros pas/__/slob ma'i snying gar thim pa dang /__/yid sgrib dag nas sher dbang thob/__/dam tshig phyag rgya'i rten mtshon par/__/me long sngags kyis mtshan pa gtad/__/hU~M gi glu dbyangs sgrogs pa dang /__e ma hoHmchog tu bde ba che/__/bde ba 'di ni rmad du byung /__/sangs rgyas kun gyis dgyes rol pa'i/__/bde mchog thar pa spyod par gyis/__/sa ma ya hoHsa ma ya s+t+waMHa nu rA ga ya hoHa nu rA ga ya mi/__dzaHhU~M ba~M hoHdz+nyA na badz+ra ma hA su kha at+ma ko\u0f85haM/__zhes brjod bde ba'i ye shes skyong /__/don ngo sprod cing dag pa brjod/__/de nas bzhi pa'i dbang bskur sbyin/__bla ma'i lte ba'i hoHyig las/__/'od zer ser po gser mdog dang /__/bai DUR+Ya mdog nor bu spros/__/slob ma'i lte bar thim pa dang /__/bzhi pa'i dbang thob sgrib dag dmigs/__/hoHyi glu len man shel thogs/__hoHshin tu rnam par dag pa yi/__/ye shes mchog gis kun tu khyab/__/mtshan mtshon brjod pa las 'das pa'i/__/rang byung ye shes ngo mtshar che/__/d+harma d+hA tu dz+nyA na a ti hoHdbyings rig dbyer med ngang du bzhag__/de nas rig pa rtsal gyi dbang /__/slob dpon dgongs pa mi g.yo'i ngang /__/thugs kar a yig gsal ba la/__/slob mas rtog pa thams cad spangs/__/rig pa de la gtad pa dang /__/a zhes dgongs pa'i drod bskyed de/__/phaT kyis rig pa'i rtsal chen spar/__a hoHsangs rgyas kun gyi gsang ba che/__/rang byung rig pa lhun gyis grub/__/'od gsal chen po'i dgongs pa la/__/mi g.yo rtag tu mnyam par spyod/__/a la la hoHzhes brjod lta stangs dbyings la gzir/__/don ngo sprod cing rtogs pa brjod/__/rjes la dam tshig rgya yis gdab/__hoH'di ni gsang ba chen po ste/__/gsang ba gzhan la smra mi bya/__/'das na dam tshig nyams 'gyur zhing /__/sgrub pas dngos grub mchog thob 'gyur/__/zhes bsgrags dam tshig khas blang sogs/__/dbang rjes rim pa spyi ltar bya/__sa ma ya/__zhes pa'ang mchog sprul rin po che bkra shis dpal 'byor dang /__DA ki tshe ring chos sgron/__spar rko chos 'phel sogs kyis nan tan chen pos yang yang bskul bas rkyen byas te/__shing lugs zla'i dkar phyogs kyi dga' ba dang por smras rim bzhin yi ge'i byed po rang slob blo gros mchog ldan gyis bgyis pa 'di yang don dang ldan par gyur cig__/sarba mang+ga laM//___//
- /__dz+nyAnaMswArolkAnamaguruR+YogANAMgatelikhitaMbiharatisma/__//__
@#/__/bla ma'i rnal 'byor gyi zin bris ye shes gsal sgron zhes bya ba bzhugs so/__/ na mo gu ru dz+nyA na kA yA ya/__/ye shes sku can nyin mor byed pa'i gzis/__/srid gsum rmongs pa'i mun pa kun sel ba/__/dkon mchog kun 'dus rtsa gsum 'dus zhal che/__/khyab bdag dpal ldan bla mar gus btud nas/__/sangs rgyas kun gyi gsang ba'i nye lam che/__/bla ma'i rnal 'byor snying gi ti la ka__/rgyud lung man ngag zab don 'dus pa'i bcud/__/ye shes gsal ba'i sgron me nyung ngur dbye/__/de la dkyil 'khor chen po gang du dbang rdzogs par thob pa'am/__yang na sdom pa gsum sbyin par mdzad pa nyid dang /__/khyad par gnyug ma'i ye shes ngo sprod par mdzad pa po ni rtsa ba'i bla ma yin la/__de nyid la dad pa dang dam tshig la ngos lkog dang g.yo sgyu med pas gsol ba snying gi dkyil nas 'debs par nus na byin rlabs 'jug pa the tshom med pas de la dbang po rab 'bring tha ma gsum gyi bla ma'i rnal 'byor nyams su len tshul la dbang dman rnams kyis/__rang la bka' drin dngos su thob pa'i 'dren mchog bla ma de nyid sangs rgyas byang sems thams cad gcig tu bsdus pa dge ba'i bshes gnyen tha mal pa'i gzugs su bsgyur nas bdag la lam ston par mdzad cing /__de la kha zhe ngos lkog med par dad mos gdung bas phyag mchod gsol 'debs la brtson na chu snod dwangs par zla gzugs 'char ba bzhin bla ma'i byin rlabs slob ma'i rgyud la 'pho ba rten 'brel gyi chos nyid yin pas des na bla ma nyid mdun gyi nam mkhar bla ma'i sku'i rnam pa ltar bsgom pa'am gu ru pad 'byung sogs gang mos bsgom pa bla ma sprul sku'i sgrub pa dang /__de las blo che bar gyur pas bla ma nyid kyi gsang gsum rdo rje gsum gyi dkyil 'khor du gdod nas lhun gyis rdzogs par bzhugs pa nyid la the tshom bral ba'i nges shes brtan pos rang sems gnyug ma'i rol pa bla ma zhi dang khro bo'i gtso bor shar ba bsnyen sgrub yan lag bzhis bcings de bsgom pa bla ma longs skur sgrub pa dang /__de las kyang blo che ba rnams kyis yul dang yul can gnyis su med pa rang rig 'od gsal mtshan mtshon brjod pa thams cad las 'das pa skye med chos sku/__'gags med longs sku/__gnas med sprul sku ste sku gsum dbyer med rang rig bde ba chen po'i ngo bor byar med rtsol bral 'dzin med rang bab tu bzhag pa bla ma chos skur sgrub pa ste gsang sgrub yin la/__don snying sems rtog rtsol sgrub dang bcas pa'i ring la bla ma'i rnal 'byor dang /__bskyed rdzogs sgom pa thams cad thun mong ba dang /__sems chos nyid kyi dbyings su thag bcad nas rig stong rjen pa'i ngang nas bla rnal sogs gang bsgom pa thams cad thun min shin tu zab pa yin/__de'ang rtsa ba'i bla ma de nyid dus da res tsam min pa tshe rabs thog med nas rang sems gnyug ma'i rtsal snang zhig phyi rol du dag dang ma dag cir yang bsgyur nas dngos dang brgyud nas rang la phan 'dogs shing bka' drin can dang 'bral ba med pa yin pa la/__da res sngon bsags bsod nams kyi stes dbang gis dge ba'i bshes kyi rnam par snang zhing las dbang btsan pos 'brel te mjal rgyu byung nas zab dang rgya che'i gdams ngag gi bdud rtsi sbyin nas bka' drin chen pos khyab par mdzad pa dang /__da dung yang 'di nas byang chub bar du skad cig tsam yang 'bral mi shes shing /__'on kyang dam tshig nyams pa'i skyon byung na chu snod rnyogs ma can du zla gzugs mi 'char ba ltar bla mas nye ring mdzad pa min kyang rang gi blo skyon gyis re zhig 'bral ba ltar snang ba yin no/__/bla ma la so skye dang /__nyan rang dgra bcom dang /__byang chub sems dpa' slob pa dang /__mi slob pa gang mthong ba de dang 'tshams pa'i dngos grub thob pa yin la/__rtsa ba'i bla ma tha mal pa'i rnam pa can du mthong ba'i skabs dngos grub spyi dang /__khyad par rang sems gnyug ma'i ye shes la phyogs tsam nye bar dka' zhing /__des na bla ma'i gsang ba gsum gyi gnas tshul zag med rang byung ye shes kyi sku 'khor 'das srid zhi kun khyab kyi bdag nyid chen po rtsa sprul sku/__rlung longs sku/__thig le bde ba chen po chos kyi sku/__sku gsum dbyer med ngo bo nyid kyi sku dang /__bla ma'i thugs rang byung rig pa ngo bo stong pa chos sku/__rang bzhin gsal ba longs sku/__/thugs rje rig pa sprul sku ste/__mdor na sku bzhi dbyer med rnam pa zhi dang khro bo'i rol gar cir yang ston zhing /__gang la gang 'dul de la der ston gyi sprul pa sna tshogs pas 'gro khams rgya mtsho gdul ba'i thabs mkhas phrin las kyi rol pa cir yang bsgyur zhing /__nges don du bla ma yi dam mkha' 'gro chos skyong nor lha thams cad 'dus pa'i spyi gzugs mos blos yar gzhal ba tsam min pa'i bla ma nyid dkyil 'khor rgya mtsho spro ba'i byed po rigs thams cad 'dus pa'i bdag nyid can du yin par shes dgos pa las/__nga'i bla ma 'di ban rgan bzang po yon tan skyon med tsam yin/__bka' dpe cha nas bla ma sangs rgyas yin zer ba 'dug pas sangs rgyas su mos pa byed dgos 'dra snyam pas/__dper na mi zhig gos bzang pos g.yogs pa 'dra zhig red shor na ci'ang mi lo/__lar sangs rgyas dngos byon kyang gdul bya log sred can gyis yang dag pa zhig mjal bar dka'/__da lta'i dus na nga 'dra ba'i rgyud ma rungs ba dag gis bla ma'i sku la mi mdzes pa sogs kyi skyon dang /__gsung smra lugs mi legs pa dang /__chos gsungs pa la'ang rtog ge'i rigs pa lta bus skyon mang po dang /__thugs la 'khrul pa dang /__lugs gnyis ci'ang mi shes pa dang /__gzhan yang sgo du ma nas legs pa'i tshogs cher ma mthong zhing /__skyon du rtog pa shas che bas/__kha nas bla ma rdo rje 'chang zhes dang /__gsol 'debs sogs nyab nyob mang po 'don pa de 'dras ci'ang go mi chod ngo ma red/__lar dang po nas sangs rgyas su mthong ba dka' mo red kyang /__dang po bcos te mos gus bsgom/__bka' drin yang yang dran/__skyon rtog thams cad rang blo'i skyon yin par gobla ma la skyon de mi bgorang sems dag na snang srid thams cad bla mar shar rgyu yin/__rang blo ma dag na mkhris nad can gyi dung dkar ser por snang ba bzhin/__skyon can ma gtogs mi shar/__de dad pa dang dag snang chung bas lan pa yin no/__/khyad par du'ang rang rig chos sku'i bla mar shes pa la/__gzhi gnas lugs kyi lta ba ngo sprod gnang ba'i dpal mgon rtsa ba'i bla ma de phyi rol na yod pa ltar snang yang /__don la rig stong dbyer med pa'i rtsal snang phyi rol du go 'phos pa tsam las/__rang dang rgyud tha dad du grub pa med de/__yul dang yul can dbyer med rang rig lta ba'i ngo bo de nyid bla ma sku gsum dbyer med/__de nyid kyi ngang yengs med 'dzin med du bskyang ba bsgom pa/__de las ma g.yos par cir snang ci shar bla ma'i lam khyer gyis dus 'da' ba spyod pa/__rang rig bla ma'i ngo bor byang chub pa 'bras bu ste/__gzhi lta ba/__lam sgom pa/__'bras bu spyod pa rnams bla ma'i ngo bo bla ma dang dbyer med chen por nyams su blangs shes na bla ma sgrub pa'i srog mkhar tshugs pa'o/__/de ni gang zag rig pa rang snang gi blo can rnams kyis nyams su blangs bya yin la/__'bring dang tha ma rnams kyis mos pa lam byed kyis bsgom dgos te/__de'ang bka' drin can gyi bla ma de ni phyogs bcu dus bzhi'i de bzhin gshegs pa thams cad kyi ye shes sgyu ma'i sku yin pa la/__rang dang 'dra ba'i gang zag phal pa'i rnam pa ston kyang sku ni dge 'dun dkon mchog yin te/__de ni rig grol gyi zag med 'dus ma byas kyi yon tan gyis mngon par 'byed pas na yon tan de dag bla mar tshang zhing /__dge 'dun gyi mdzad pa de bla mas kyang mdzad pa'i phyir dang /__gsung chos kyi phung po bsam gyis mi khyab pa lam bden lung gi chos thugs la mnga' zhing rtogs pa'i chos 'gog bden dam pa mngon du mdzad pa dang /__mkhyen pa dang brtse bas bdag cag la legs par 'doms pas gsung gi phrin las 'gags pa med pa dang /__thugs ni sangs rgyas rnams dang dgongs pa ro gcig pa bka' lung man ngag rigs pa tshad ma dag gis grub cing /__de ltar dkon mchog kun 'dus bla ma de la dgongs brda snyan brgyud kyi bla ma thams cad de la 'dus pa yin te chos nyid don dam gyi ngos nas dbyer med pa dang /__chos can kun rdzob kyi ngos nas nam mkha'i zla ba gcig chu snod brgyar 'char ba bzhin gdul bya'i snang ngor de dang der shar ba las don du rgyal ba thams cad ye shes gcig gi ngo bor bsdus pa yin no/__/des na dkyil 'khor gang du dbang bskur rdzogs par sbyin pa dang /__rgyud rdo rje bzhi'i ngo bor smin byed kyi sa bon btab mkhan de rdo rje slob dpon yin zhing /__/bka' drin gsum ldan gyi bla ma de la bla ma gzhan thams cad 'dus pa yin/__bla ma'i rnal 'byor gsar rnying gi lugs gang bsgom kyang rtsa ba'i bla ma de bsgom pas chog la so sor sgom dgos pa min/__rtsa ba gsum dang /__chos skyong nor lha gang bsten kyang rtsa ba'i bla ma dang dbyer med du bsgrub pa'i gnad shes na 'grub thag nye zhing bar chod chung bar gsungs/__skyabs 'gro sems bskyed nas bzung phrin las rgyas bsdus gang bton kyang rang sems bla ma'i ngo bor gdod nas rang chas su gnas pa des snang cha 'gags med du shar ba/__dper na skyabs 'gro lta bur mtshon na/__rang sems gsal ba dge 'dun dkon mchog__/stong pa chos/__zung 'jug sangs rgyas/__de'i gdangs phyir shar ba skyabs yul/__de rnams du ma ro gcig tu shes pa rgyu 'bras kyi skyabs 'gro ngo bo gcig pa/__de bzhin du sems bskyed/__srung 'khor/__lha bskyed sogs la'ang shes par bya zhing /__lha sngags gang la'ang /__de dang bdag rtog dbyer med bden gnyis mnyam pa chen po dgongs pa mi 'gyur ba'i gzer gyis ma thebs na lha sngags 'grub par dka' zhing /__dngos grub chen po thob par mi 'gyur bas/__des na rang rig bla ma sku gsum/__rtsa ba gsum gyi ngo bor shes pa gnad du che zhing /__de ltar nyams len byas na gang bsgrub thams cad bla ma sgrub pa'i bye brag tu go ba ni gnad gsang gal po che'o/__/des na zab lam bla ma'i rnal 'byor bsgom pa na bla ma sgrub pa'i gnad dang /__gdams ngag rnams mi brjed pa'i dran pa dang /__bla ma sgrub pa'i phan yon/__bla ma'i sgrub pa dang ma 'brel ba'i lam rnams dngos grub la ring ba'i tshul rnams yang yang dran par byas nas/__ye shes bla ma sgrub pa dngos la zhugs pa'i tshe nges 'byung gis blo bcos/__byang chub kyi sems la blo sbyongs/__rig stong gnyug ma chos nyid kyi lta ba'i ngang nas ma yengs par tshig rjes don dran gyi dmigs pa'i rtsal snang 'gags med du 'char zhing cir yang bsgyur nus pa zhig dgos rgyu las kha yengs mig yengs ne tso'i ma Ni 'don pa lta bus ci yang sa mi chod pas/__dran shes kyi 'jur mig nas bton te/__nyams len gyi bcud ma shor ba/__gdams ngag bor zag tu ma song ba/__yid smon tsam du ma lus pa zhig gis stan thog tu sdod tshugs/__sgom sran dang snying rus bskyed/__'jig rten chos brgyad dang /__bre mo'i gtam dang /__gnyid dang le lo'i dbang du ma shor ba/__dad pa dang dag snang gi rgya bskyed de gsol ba snying nas 'debs na byin rlabs myur du 'gugs pa'i lcags kyus thebs pas rdo rje'i ye shes btsan thabs su 'bebs par gdon mi za ba nyid do/__/rdo rje theg pa rnal 'byor bla med kyi dbang gi rnam grangs dbang bzhir 'dus shing /__de lam du byed tshul bla rnam la ji ltar tshang na/__bla ma'i sku gdan gsum rdo rje'i bdag nyid du gsal btab nas sems 'dzin pa bum dbang /__de'i rang bzhin gsal stong du shes pa gsang dbang /__de bsgom pas rang sems la bde stong gi ye shes skye ba sher dbang /__bla ma dang rang sems dbyer med du shes pas brjod bral blo 'das kyi ngang bskyang ba dbang bzhi pa'o/__/bsnyen sgrub yan lag bzhi dang sbyar na spyi bor sgom nas gsol 'debs bsnyen pa/__thugs dam rgyud bskul gyi bzlas pa nye bsnyen/__dbang blang ba sgrub pa/__thugs yid bsre ba sgrub chen dang /__mdor na lam bskyed pa'i rim pa dang /__rdzogs pa'i rim pa mtha' dag dang sbyar rgyu yod kyang 'dir zhib par spro bar ma nus/__snying por dril na nyams len mtshan bcas mtshan med thams cad bla ma'i rnal 'byor gyis khog phug__/lam gyi gzhung shing du byas te nyams len thams cad der 'du bar bsgom/__mnyam bzhag tu'ang de ltar sgom/__rjes thob kyang snang grags rig gsum bla ma'i lam khyer gyis bskyangs/__gtum mo dang /__rmi lam dang /__sgyu lus/__'od gsal/__'pho ba/__bar do rnams kyang bla ma'i lam kho nas bsgrod rgyu yin pa gsar rnying gi khrid gzhung rnams su gsal/__tshe 'di phyi bar do'i lam khyer thams cad bla ma'i sgrub par shes nas brtson pa 'di ni/__nad brgya sman gcig__/dkar po chig thub yin pa dang /__gzhi lam 'bras gsum gyi dbang thams cad kyang bla mas bskur te/__gzhi rigs rang bzhin rnam dag gi bla ma des thugs rje chen po'i rtsal phyir shar rdo rje slob dpon gyis rdul tshon dang /__ras bris/__tshom bu/__lus dkyil sogs slob ma'i blo nus dang 'tshams par rgyu dus kyi dbang bskur bas gzhi rigs sad par byed cing rdo rje bzhi'i sa bon thebs/__lam dus su bla ma las dngos su dbang blang ba'am/__rang gi dkyil 'khor sgrub mchod kyi bdag 'jug blangs pa dang /__ting nge 'dzin gyi dbang rgyas bsdus dag kyang bla ma las dbang blangs ba dang /__'bras dus su bla ma rdo rje 'chang chen pos 'bras dbang bskur nas rdo rje 'chang gi sar dbugs dbyungs ba'o/__/des na bla ma la ma brten pa gcig kyang med/__ji ltar 'jig rten gyi rig shes thams cad kyang slob dpon zhig las khrid dgos pa dang /__nyan rang byang sems gyi lam thams cad kyang /__mkhan po dang /__dge ba'i bshes gnyen la bsten dgos pa dang /__rdo rje theg pa'i rgyud dag kyang bla ma las dbang mnos te/__de yi dam tshig dag legs par bsrung nas dngos grub sgrub pa dang /__bla med theg pa ni sngar smos pa ltar dang /__khyad par rang sems gnyug ma'i ye shes ni bla ma'i byin rlabs kho na las gzhan ci byar med de/__lung las/__rang sems lhan cig skyes pa'i ye shes ni/__/tshogs bsag sgrib pa dag pa'i lag rjes dang /__/rtogs ldan bla ma'i byin rlabs kho na las/__/thabs gzhan bsten pa rmongs par shes par bya/__/zhes sogs rgya cher mdo rgyud bstan bcos kun nas gsungs shing /__de lta'i bla ma de'ang bsam pa rnam par dag pas bsten tshul rgyu mtshan shes pa'i dad pa dang /__blo sna gzhan gyis 'phrog mi nus pa'i mos gus brtan pos bsnyen dgos shing /__sbyor ba gus sbyor dang /__rtag sbyor gyi brtson 'grus drug pos rab sgom sgrub kyi mchod pas mnyes pa/__'bring lus ngag gi zhabs tog gis mnyes pa/__tha ma bkur bsti zang zing gis mnyes pa sgrub pa las mi mnyes pa skad cig kyang mi bya zhing /__ci gsung tshad ma/__ci mdzad legs mthong gis rang gi blo mig dag par byas nas gdams ngag gi bdud rtsi nos/__bla ma sAts+tsha'i bskos phor lta bu/__slob ma rang nyid 'jim pa'i gong bu lta bu la bskos phor gyi ri mo dod thub pa zhig byung na bla rnam la brtson pa'i don grub pa yin/__de min bla mas gsol ras gnang sbyin gsung bzang zhal yag gnang dus dga'/__dad pa yod mdog__/rang gi zhe la mi 'bab pa'i bka' bkyon thugs sdang /__don ma 'grub pa sogs byung na ma gus pa byed pa rang gzhan thams cad de 'dra mang bas bla ma'i thugs rjes ma gzigs pa ma red kyang /__kha byang ltas kyi phug par nyi ma mi shar ba bzhin du byin rlabs 'jug pa dka' mo yin par gda' lags/__de ltar bla ma'i rnal 'byor gnad du zab pa'i lung sbyor 'ga' zhig bkod na/__'khor lo sdom pa'i bshad rgyud kun spyod las/__/gang gi drin gyis bde chen nyid/__/skad cig nyid la 'char ba gang /__/zhes dang /__sdom 'byung las/__bla ma sangs rgyas bla ma chos/__/de bzhin bla ma dge 'dun te/__/kun gyis byed po bla ma yin/__/bla ma dpal ldan he ru kaHzhes dang /__rdo rje gur gyi rgyud las/__/slob dpon ston par gyur pa ni/__/sangs rgyas rnams kyis phyag mdzad pa/__/bdag cag rnams kyi pha dang mar/__/'di nyid yin pa shes par bya/__/zhes dang /__ba tshwa can gyi mdo las/__lnga brgya tha mar gyur pa na/__/nga nyid mkhan po'i gzugs 'dzin te/__/nga yin snyam du yid byos la/__/de tshe de la gus pa bskyed/__/ces dang /__rdo rje dril bu pas/__bla ma'i byin brlab tsam gyis ni/__/skad cig nyid la 'byung gang yin/__/'khor lo sdom par sbas pa yi/__/byin brlab rim pa de bshad bya/__/zhes dang /__sa ra has/__bla mas smras pa gang gi snying zhugs pa/__/lag pa'i mthil du gnas pa'i gter mthong 'dra/__/zhes dang /__spyi mdo dgongs 'dus las/__/bskal pa stong gi sangs rgyas las/__/bla ma gnyan par shes pa bya/__/ci phyir bskal pa'i sangs rgyas rnams/__/bla ma dag la bsten nas 'byung /__/ces dang /__dbang bskur ba na sangs rgyas thams cad bla ma'i sku la bzhugs nas byin gyis rlobs pa ste/__'di yis don ldan 'ga' zhig la/__/nga ni de yi lus gnas te/__/sgrub po gzhan las mchod pa len/__/de mnyes de yis rang gi rgyud/__/las kyi sgrib pa dag byed do/__/zhes gsungs/__dam tshig mchog gi rgyud las/__dngos grub 'dod pa'i dad pa can/__/dngos grub bla ma mnyes las 'byung /__zhes dang /__/sgra thal 'gyur las/__bsten pa de las yon tan ni/__/dpag bsam shing dang yid bzhin nor/__/'dod 'jo'i ba dang 'dra ba las/__/yon tan dpag tu med pa 'thob/__/de la dmigs te bla ma bsnyen/__/'khor ba'i g.yul ngo bzlog phyir ro/__/zhes dang /__gsang snying las/__bla ma dkyil 'khor thams cad kyi/__/dbang phyug longs spyod lngas mchod na/__/dkyil 'khor thams cad mchod pa yin/__/nye ba'i dkyil 'khor smos ci dgos/__/nyes pa thams cad 'dag pa dang /__/yon tan mchog rnams thob par 'gyur/__/zhes dang /__bskyed rim bskal par sgom pa bas/__/bla ma skad cig dran pa mchog__/bzlas brjod sa ya dung phyur las/__/bla ma'i gsol 'debs thun cig mchog__/ces dang /__kun 'dus rin po che'i rgyud las/__gang gis bskal pa 'bum phrag tu/__/lha sku 'bum phrag bsgom pa bas/__/bla ma cung zad dran la mchog__/zhes dang /__/rje sa paN gyis/__nyi ma'i 'od zer rab tsha yang /__/me shel med par me mi 'byung /__/de bzhin sangs rgyas byin brlabs kyang /__/bla ma med par 'byung mi 'gyur/__zhes dang /__mgon po 'bri gung pas/__bla ma sku bzhi'i gangs ri la/__/mos gus kyi nyi ma ma shar na/__/byin rlabs kyi chu rgyun mi 'beb pas/__/sems mos gus 'di la nan tan mdzod/__/ces dang /__kun mkhyen dri med 'od zer gyis/__dpal ldan yon tan mchog gis yongs gang ba/__/srid gsum 'dren pa'i bla ma dam pa la/__/'di phyi'i don sgrub slad du gus pas bsten/__/rnam grol yon tan mchog gis yongs gang ba/__/srid gsum 'dren pa'i bla ma dam pa la/__/'di phyi'i don sgrub slad du gus pas bsten/__/rnam grol yon tan mdzod mang thob par 'gyur/__/dus rnams rtag tu drin yang mi brjed par/__/rtsa ba'i bla ma sangs rgyas kun bas lhag__/de mnyes pa las yon tan kun 'byung bas/__/skal ldan rnams kyis gtsang ma'i spyi bos bsten/__/mdzad spyod phrin las rnam bzhi'i rjes 'gro ba/__/zhi dang khro tshul sna tshogs thabs kyis 'dul/__/dgongs spyod rgya mtsho dpag gis mi long ba/__/de 'dra'i bla ma g.yo med gus pas bsten/__/zhes dang /__'jigs med gling pas/__bla ma sgrub pa'i rnal 'byor phyi nang gnyis/__/bskyed rdzogs sgrub rgyu'i ngo bo 'dir 'dus pas/__/mdo rgyud kun nas sangs rgyas nyid du bstan/__/rmongs pa phal cher gzugs brnyan 'bri zhing sgom/__/dngos su bzhugs la rim gro bgyi ba med/__/gnas lugs bsgom zer bla ma'i thugs mi shes/__/sgrub dang bsgrub bya 'gal ba nyon re mongs/__/mos gus med bzhin bar dor mjal ba mtshar/__/dang po bla ma brtags la mkhas pa dang /__/bar du bla ma bsten la mkhas pa dang /__/tha mar dgongs spyod bslab la mkhas pa yi/__/skyes bu de ni yang dag lam du 'gro/__/zhes sogs rgya cher 'byung ba la dran pa nye bar bzhag ste yid ches bskyed pa gal che/__bla ma bsten par nyes shing dam las nyams na nyes pa'ang ches cher lci ba yin te/__sgyu 'phrul drwa ba las/__bla ma la ni smod pa dang /__/thugs dkrugs pa yi nyes pa ni/__/phyi yi rgya mtsho chen po las/__/chu thig skra yis gtor nus pa/__/de yi tshad du dmyal bar ltung /__/rdo rje'i dmyal bar grags pa yin/__/zhes gsungs pa dang /__rdo rje mkha' 'gro las/__slob dpon smad par mi bya ste/__/'di ni sangs rgyas kun dang mnyam/__/slob dpon la ni gang smod pa/__/tshe 'di nyid la sdug bsngal 'gyur/__/rims dang dug dang dbyig dug dang /__/mkha' 'gro rnams kyis 'tshe ba dang /__/gdon dang log 'dren gtum po yis/__/bsad nas sems can dmyal bar ltung /__/zhes sogs nyes dmigs rgya cher gsungs shing /__sngags kyi theg pa la zhugs pa rnams yar 'gro mar 'gro'i lam gnyis las gsum pa zhig med pas/__shin tu sgrims te dam tshig bsrung bar gces shing /__nyams na thun tshod las ma 'das pa'i bshags pa dang /__tshogs dang /__bdag 'jug sbyin sreg__/na raka skongs bshags sogs kyis rang rgyud rnam par dag pa'i thabs la brtson pa shin tu gces so/__/de ltar bla ma bsten cing sgrub pa'i rnal 'byor lam du byas pas sangs rgyas thams cad sgrub par 'gyur ba dang /__/ting nge 'dzin ma skyes pa bskyed/__skyes pa bogs dbyungs/__gegs dang gol sa rang chod/__nyams rtogs brtan cing mthar phyin par 'gyur ba yin no/__/de rnams kyi go don spyir bshad nas/__da ni skabs don dngos la 'jug ste/__de'ang bla rnam snying thig gsal sgron zhes pa'i ming che ba 'di ni/__dad pa dang ldan pas nan tan chen pos gsung gi bskul bas gang dran bris pa la dgos pa chung zhing /__rang la bla rnam sbyor yul gyi yon tan rus sbal gyi spu dang mtshungs kyang /__rgyal tshab byams pas/__gang zhig rgyal ba'i bstan pa 'ba' zhig gi/__dbang byas rnam g.yengs med yid can gyis bshad/__/thar pa thob pa'i lam dang rjes 'brel ba/__/de yang drang srong bka' bzhin spyi bos blangs/__/zhes gsungs pa ltar/__snyigs dus 'dir phran lta bu skye bo ngan pas rdo rje slob dpon gyi khur khyer nas gsang sngags kyi dbang chos rnams la ji mi snyam du zhugs pa mang por gyur song bas dbang chos kyi 'brel thob rnams kyis dam tshig mi nyams rten tsam du 'don kyang mi rung rgyu med cing /__rgan mo khyi so ring bsrel gyi dpes dad pa yod na byin rlabs 'jug pa'ang srid pas/__des na 'di nyid la rnal 'byor du bya bar 'dod pa dag gis nyin mo skye bo'i rgyu 'grul dang /__mtshan mo sgra yi glags cor med pa'i gnas dben pa dam pa gong mas byin gyis brlabs pa'i sgrub gnas lta bur bsam gtan gyi khang bur phyag dar bya/__bla ma'i sku 'bag sogs rten yod na bkram ba'i mdun mchod pa rnam bdun bkod mdzes dang /__maN+Dal kyang 'du bya/__stan nang tshangs can gyi steng du bde bar lus drang por 'khod de thog mar rlung ro lan gsum bsal bas nad gdon sdig sgrib thams cad rlung dkar dmar nag pa kha dog mi gsal ba'i rnam pa phyir bus pas rlung dwangs snyigs 'byed cing lus kyi nang thams cad stong sangs sangs gyur par bsams la cung zad ngal gso/__de nas 'chi ba mi rtag pa/__'khor ba'i nyes dmigs las rgyu 'bras rnams dran gang thub bya/__thog mar nam mkha' dang mnyam pa'i sems can thams cad kyi don du zab lam bla ma sgrub par bgyi'o snyam pa'i sems bskyed yun ring du bsgom nas sa phyogs dag pa'i zhing khams chen por gsal ba'i mdun gyi nam mkhar pad zla'i gdan la rtsa ba'i bla ma sku gzi brjid dang ldan pa sgom la/__de nyid dkon mchog kun 'dus su shes pa dang bdag gzhan sems can thams cad mngon sum bzhin du 'khod de sgo gsum 'dun pa chig bsgril gyis/__aHrang rig ka dag chos kyi sku/__/rang gsal lhun grub longs spyod rdzogs/__/rig rtsal thugs rje sprul pa'i sku/__/rang ngo shes pas skyabs su mchi/__/zhes grangs ci nus byas mthar skyabs yul gyi sku las 'od zer 'phros rang gzhan sems can thams cad la phog__/las nyon sdig sgrib thams cad byang /__mkhyen brtse nus pa'i byin rlabs rgyud la zhugs/__lus zag med 'ja' lus rdo rje'i sku dang /__sems rtog med chos kyi skur gyur par bsams la rang sems gnyug ma 'bras skyabs kyi ngo bor blta/__de nas skyabs yul rang gzhan sems can thams cad la thim par mos pa'am/__sems bskyed kyi dpang por bzhugs kyang rung /__sems bskyed pa ni/__aHma rig 'khrul pa'i sems can rnams/__/sku gsum sa la 'god pa'i phyir/__/smon 'jug byang chub sems sbyangs shing /__/rang grol chen por sems bskyed do/__/zhes tshig brjod pa dang /__mkha' mthar gtugs pa'i sems can rnams pha mar ma gyur pa med kyang las nyon gyi lcags sgrog dam pos bcings/__sdug bsngal gyi rgya mtsho chen por bying nas/__sdug bsngal sna tshogs kyis shin tu mnar pa'i sems can de rnams la byams dang snying rje chen po'i shugs kyis drangs te/__bdag kho nas gtan bde la 'god par bya/__de yi ched du bla ma'i rnal 'byor sangs rgyas kun gyi gsang ba'i nye lam 'di la brtson par bgyi'o snyam du yang yang dran par bya/__dbugs 'gro 'ong dang bstun pa'i blo sbyong sgom/__sems can bde dang ldan gyur cig__/sdug bsngal kun dang bral bar shog__/bde dang rtag tu mi 'bral zhing /__/chos kun btang snyoms la gnas shog__/ces tshad med bzhi sgom pa ste/__bde ba dang ldan 'dod kyi byams pa/__sdug bsngal dang bral 'dod kyi snying rje/__bde ldan sdug bsngal bral ba'i dga' ba/__nye ring chags sdang med pa'i btang snyoms bzhi po/__dus tshad med pa byang chen la thug gi bar/__sems can tshad med pa nam mkha'i mtha' khyab/__thob byed lhag bsam tshad med pa/__thob bya'i 'bras bu tshad med pa rnam pa thams cad mkhyen pa la dmigs pa ste khyad par rnam pa bzhi dang ldan pas bsgom/__mthar sems bskyed bya bskyed yul/__skyed byed rnams rang rig byang chub sems kyi ngo bor mnyam par bzhag gong du skyabs yul ma bsdus na 'dir bsdu bar bya/__/de nas rten bskyed pa la/__aHzhes brjod pa dang gnyis snang gi chos thams cad skye 'gags gnas pa 'gro 'ong rtag chad thams cad dang bral ba'i chos nyid kyi dbyings ngo bo stong pa chen po/__rgyu mtshan ma med pa/__'bras bu smon pa med pa'i rnam thar sgo gsum gyi rang bzhin chos dbyings 'dus ma byas pa'i klong chen por thim pa dang /__kun tu snang ba'i rtsal ma 'gags pa snying rje chen por shar ba'i dbyings dang ye shes zung du 'jug pa'i cho 'phrul chen po las/__mdun mkhar 'ja' zer sogs brjod pa dang sgom don snang srid snod bcud rnams gdod nas dag pa rab 'byams bde chen zhing gi bkod pa lta bu phyogs bcu kun tu 'byams klas shing kun tu gsal ba/__phyi dang nang med pa zhing khams dang rgyan gyis bkod pa/__'dod yon mchod sprin bsam gyis mi khyab pa khor yug thams cad rin chen sna bdun gyi ri bo/__spos chu'i klung chen yan lag brgyad ldan gser gyi bye ma 'dren pa/__mtsho dang /__rdzing bu/__lteng ka sogs dang /__spu sdug mdzes shing yid du 'ong ba'i bya rigs sna tshogs pa skad snyan sgrogs pa dang /__ri dwags mang po'i rtse dga' 'khrab pa/__shing ljon pa rin chen sna tshogs las 'khrungs pa yal 'dab lo 'bras phun sum tshogs pa la rin po che'i 'phyang 'phrul sna tshogs pa/__baiDUr+ya dang /__a mo ni ka la sogs pa sa gzhir gcal du bkram pa/__lha dang mi'i me tog sna tshogs pas khebs pa/__dri zhim po brjod las 'das pa/__rol mo sna tshogs kyi sgra sgrogs pa/__nam mkha' nas lha mo rnams kyis gdugs dang rgyal mtshan ba dan sgrengs shing /__gur gum sogs kyi char 'bebs pa/__de lta bu'i zhing khams sangs rgyas dang byang chub sems dpa'i smon lam gyi mthu las byung ba de ltar gsal yang yang btab pa ni/__zhing sbyong ba ste dmigs pa'i gsal snang thebs nges bsgom/__rang nyid gzhi lus yi dam gyi lhar gsal ba'am/__tha mal du gnas kyang rung la/__'on kyang rgyun gyi yi dam gang yin gsal na legs/__rang gi mdun gyi nam mkhar rang byung gi ye shes 'od lnga'i zer thag dang drwa ba mig mang ris su 'brel ba'i nang seng ge brgyad kyis btegs pa'i rin po che'i khri/__nor bu rin po che 'od 'bar ba sna tshogs kyi rgyan gyis spras pa mtho zhing mdzes pa yangs shing rgya che bar gsal ba'i steng du khu rdul rlung gsum dag pa'i sna tshogs pad+ma 'dab ma 'bum ldan dang /__zla ba nyi ma'i dkyil 'khor brtsegs pa'i gdan la/__nga rgyal rtsad nas 'joms shing snang srid zil gyis gnon cing /__dregs tshogs las la bkol ba'i brdar stag lpags gsar pa sder bzhi ma nyams pa mgo bo mdun tu bstan pas bkab ba'i steng /__rig 'dzin gyi rgyal po rdo grub thams cad mkhyen pas gsang sngags kyi dkyil 'khor du bcug nas dbang gi gsang ba'i ming pad+ma ye shes rdo rje zhes don gyi dgongs pa dgos 'brel du ma dang ldan pa'i ming gi cod pan thogs pa nyid/__gzhi gnyug ma rig pa rang byung he ru ka'i khro bo chen po ste/__rgyud las/__he ni snying rje chen po dang /__/ru ni tshogs dang bral ba ste/__/ka ni gang du'ang mi gnas pa'o/__/zhes snying rje dang /__stong pa zung du 'jug pa ste srid zhi kun khyab/__yang na ru d+hi ra khrag ste bdud bzhi dbyings su bsgral ba'i khrag 'thung dpal chen po brtan g.yo'i spyi dpal du gdod nas lhun rdzogs chen por bzhugs pa nyid/__rnam pa rig 'dzin rnal 'byor spyod pa'i skur bzhengs pa ste/__de'ang gsung pad+ma'i rigs gtso che bas ma chags chags bral chags pa chen po sor rtog ye shes kyi rang mdangs su shar bas sku mdog dmar smug__/dbu skra thor cog spyi bor bcings pa'i rtser rdo rje phyed pa'i tog gis mtshan pa gdul byar snying rje chen pos 'dzum pa la snyigs dus ma rungs pa'i dam sri rgyal 'gong lha min bdud sde'i gshed du gyur pas smin mtshams su khro bo'i gnyer ma cung zad dang bcas zhal nas he zhes sgrogs pa lta bu'i yid tsam gdangs pa/__thabs shes kyi phyag gnyis g.yas bcu drug ltag sprod kyi thod pa'i DA ma ru snyan gyi thad kar 'khrol bas bde stong gi phraiM hU~M phraiM hU~MHzhes pa'i sgra gdang gis dpa' bo mkha' 'gro'i tshogs rnams bskul zhing /__g.yon bde stong zag med kyi ting nge 'dzin las mi g.yo bar mtshon pa'i phyag mnyam bzhag gi steng rtog med bde skyong ka pA la'i snod dum bu gcig pa'i nang du 'chi ba med pa'i bdud rtsis bkang ba kha dog dri ro phun sum tshogs pa dbus nas cung zad gyen las phyur ba'i rnam pa can dang /__sku la phar phyin drug dang rgyal ba rigs drug rdzogs pa'i rus rgyan drug ste/__thod skam gyi dbu rgyan/__snyan rgyan/__mgul chu/__gdu bu/__se ral kha/__ska rags dang /__de'i sna la stong nyid chos kyi sgra sgrogs pa'i dril bu g.yer khas mtshan pa/__sku smad la lha rdzas kyi aM rag dang /__stag sham mgo bo g.yas su bstan pa'i sham thabs/__sku shin tu grim pa spyan gnyis lta stang gi 'bru tshugs su gzigs pa/__mchan khung g.yon du shes rab dbyings yum sbas pa'i tshul gyis kha T+wA~M rtse gsum rwa long dang ldan pa/__thod pa skam rlon rnyid gsum dang bum pa sna tshogs rdo rje dril bu DA ma ru dar dpyangs dang bcas pa 'phyang ba/__yu ba brgyad gzhogs/__rtsa bar rdo rje phyed pas brgyan pa ni rdo rje'i srung 'khor gzhal yas khang 'phags lam yan lag brgyad sku gsum sogs mtshon pa ste rnal 'byor nang ba'i bskyed rdzogs kyi mtshon don sogs dang sbyar rgyu yod kyang 'dir de tsam mo/__/de ltar gsal ba'i dpral ba ste smin mtshams su sku rdo rje rnam snang gi ngo bo oM dkar po/__mgrin par gsung rdo rje snang mtha'i ngo bo AH__dmar po/__snying khar thugs rdo rje mi bskyod ngo bo hU~M sngon po rnams 'od zer gzi brjid ldan par gsal btab/__de'ang gdod nas rdo rje gsum lhun gyis grub pa gsal gdab pa tsam yin no/__/des na dam ye gnyis med rang byung lhun grub kyi chos gzugs dbyer med du bzhugs pas spyan 'dren pa sogs mi dgos kyang /__dang po'i las can 'ga' zhig gi spros par 'dod pas/__longs spyod rdzogs pa dang /__sprul pa'i sku yi zhing mu mtha' med pa rnams dang /__khyad par du sa spyod sprul pa'i zhing khams dpal ri pad+ma 'od kyi pho brang chen po/__rgya nag ri bo rtse lnga'i zhing rnams na bzhugs pa'i bla ma yi dam sangs rgyas byang sems mkha' 'gro chos skyong sogs rtsa gsum rab 'byams rgya mtsho dang /__o rgyan pad+ma 'byung gnas paN chen bi ma mi tra gnyis la 'khor rig 'dzin grub thob rgya mtsho/__khro bo khro mo dpa' bo mkha' 'gro sogs kyi dri zhim spos kyi dud sprin/__'ja' 'od kyi gur khang /__lha'i sil snyan dang /__rol mo/__hU~M dang phaT sgra/__gdugs dang /__rgyal mtshan/__bstod pa'i glu dbyangs dang /__bkra shis me tog gi char 'bebs pa sogs gnam sa 'gengs pa tsam du spyan 'dren gyi tshig brjod pa dang byon nas spyi bo'i bla ma la thim par bskul ba'i gsang ba'i sngags rgya dang /__ye shes pa nam mkhar byon pa rnams/__dzaHzhes nye bar dgug__/hU~M gis bstim/__ba~M gyis dbyer med du byas/__hoHsa dgyes pa bskyed do/__/de yang rgyud sde 'og ma rnams ltar gshegs thag ring nas spyan 'dren pa min la/__nam mkha' la gza' skar bkra ba ltar skad cig gi ye shes pa'i lha tshogs bkra lam gyis sad par bsam pa ni sngags bla med kyi lugs rmad du byung ba'o/__/de ltar bstim pas slar yang dgyes pa chen pos gzi byin lhag par 'bar bar mos/__tshogs bsags la gzhung tshig gi yan lag brgyad pa don dam brjod pa tshig gi gsal 'debs yin kyang /__dang po'i las can gyis kun rdzob kyi dmigs pas gsal 'debs par bya ste/__nga rgyal gyi gnyen por sems can thams cad dang lhan cig tu lus zhing gi rdul snyed du sprul nas ma lnga sa la phab pa'i phyag bya ba dang /__'dod chags dang /__ser sna'i gnyen por bdag pos bzung ba dang ma bzung ba'i lha mi'i longs spyod dngos 'byor yid sprul kun tu bzang po'i ting nge 'dzin gyis rnam par 'phrul pa las byung ba'i phyi nang gsang ba de kho na nyid kyi mchod pa'i sprin rab 'byams rgya mtsho 'bul ba dang /__zhe sdang gi gnyen por tshe rabs thog med nas bsags pa'i sdig pa mi dge ba bcu/__mtshams med lnga/__nye ba lnga/__log pa brgyad/__lci ba bcu drug__/gsung rab kyi glud zos pa/__dam pa'i chos spangs pa/__'phags pa la skur pa btab pa/__sems can la gnod pa'i las bgyis pa sogs rang bzhin gyis kha na ma tho ba dang /__ston pas bcas pa'i khrims/__dge bsnyen/__dge tshul slong gi sdom pa dang 'gal ba/__byang sems kyi nag po'i chos bzhi/__rtsa ltung bco brgyad/__smon 'jug gtong ba/__nyes byas zhe drug sogs byang sa'i tshul khrims gsum dang 'gal ba/__gsang sngags phyi nang gi dam tshig dang /__khyad par nang pa thabs chen theg pa'i ma hA/__a nu/__a ti'i dam tshig dang /__bla ma'i sku gsung thugs kyi dam tshig nyer bdun/__rtsa ltung bcu bzhi/__sbom po brgyad/__yan lag gi dam tshig nyer lnga/__med phyal cig pu lhun grub kyi dam tshig rgyal po bzhi sogs dang 'gal ba'i dran pa dang ma dran pa'i sdig sgrib nyes ltung dri ma'i tshogs thams cad la gnod 'gyod drag pos mi 'chab/__mi sbed par mthol zhing stobs bzhi tshang ba'i sgo nas bshags pa dang /__phrag dog gi gnyen por 'phags pa slob pa dang mi slob pa/__so skyes bsags pa'i dge ba'i rtsa ba rnams la dga' zhing phrag pa mi dog par rjes su yi rang ba dang /__log par lta ba 'dzin pa'i gnyen por theg pa gsum gyi rigs can mtha' dag la/__rang rang gi blo dang 'tshams pa'i zab pa dang rgya che ba'i drang nges kyi chos 'khor bskor bar bskul zhing /__gti mug gi gnyen por sangs rgyas byang sems skyes bu dam pa gang dag mya ngan las 'da' bar bzhed pa rnams la bskal pa'i bar du bzhugs par gsol ba 'debs pa dang /__the tshom gyi gnyen por sangs rgyas 'phags pa nas so skye yan chod kyis dus gsum du bsags pa'i dge ba zag bcas zag med thams cad chos kyi dbyings dmigs med bsam brjod bral ba'i dbyings su yang dag par bsngo ba dang /__'das da lta ma 'ongs pa'i sems can thams cad la ji ltar bsngos pa de bzhin yongs su 'grub pa'i smon lam kun tu bzang po'i rjes su 'gro bar gyur cig__/ces pa'o/__/don dam par ni/__rang snang chos sku'i bla ma rang zhal mjal ba'i phyag dang /__snang srid gdod nas dag pa'i mchod pa dang /__sdig sgrib rang bzhin skye med du shes pa'i bshags pa dang /__bya rtsol bral ba'i dge bar rjes su yi rang /__ngag tshig rtsol bral gyi chos 'khor/__'gyur med skye 'chi las 'das pa'i brtan bzhugs/__bsngo bya sngo byed bral ba'i bsngo ba/__rang rig sku gsum gyi rang zhal mjal ba'i smon lam ste/__dmigs bcas dmigs med zung 'jug gi ngang nas tshogs bsags/__dngos su phyag grangs ba sogs na skabs 'dir bya'o/__/maN+Dal 'bul ba ni/__gser dngul dang /__li mkhar ba/__shing dang rdo sogs las bzos pa'i maN+Dal/__tshom bu'i rgyu rin po che/__sman spos/__dri bzang /__'bru dkar sna tshogs rnams rdul med par byas/__dri bzang gi chus bkru dag cing gtsang ba dang /__gur gum sogs kyis 'bru mdog bsgyur/__zhing dang bsam pa dngos po gsum dag pas sgrub pa'i maN+Dal tshom bu lnga pa yod na stegs kyi khar bzhagade tshogs zhing gsal btab pa'i dmigs rten yin/__med kyang rung /__mchod pa'i maN+Dal byi dor legs par byas la dri dang ba byung byugs/__rgyas par ni tshom bu so bdun/__bsdu na tshom bu bdun ma dang /__ngag 'don kyang rgyas bsdus de ltar bya ba'am/__rgyun du/__oM AHhU~M/__bdag dang mtha' yas sems can gyi/__/lus dang longs spyod dge tshogs kun/__/phyi nang gsang ba'i maN+Dal gyis/__bla ma rgyal ba sras bcas mchod/__oM gu ru sarba ta thA ga ta rat+na maN+Dal pU dza ho/__zhes dbul/__grangs ched du bsogs na 'bum ther longs par 'don/__dmigs pa ni rtsa ba'i bla ma'i thugs ye shes chen po'i rtsal snang las rang shar ba'i tshogs kyi zhing bsgom kyang rung /__yang na kun 'dus nor bu lugs su sngar gsal btab pa la 'bul bas chog__/rang gi lus longs spyod dus gsum dge tshogs rgyur byas te/__rnam pa gling bzhi ri rab nyi zla bye ba phrag brgya lha mi'i longs spyod dpal 'byor phun sum tshogs pa srid zhi'i khams na ji snyed mchis pa maN+Dal du spungs te chos kyi dbyings rgyas par 'gengs te 'bul bar bya zhing /__de la phar phyin drug kyang tshang ba ste/__maN+Dal gyi mdo las/__ba lci chur bcas sbyin pa ste/__/byi dor byed pa tshul khrims yin/__/srog chags bsal ba bzod pa ste/__/brtson 'grus bya ba byed la brtson/__/bsam gtan der sems skad cig ma/__/ri mo legs 'bar shes rab bo/__/zhes gsungs pa ltar phar phyin drug tshangs shing /__bsags sbyangs gnyis ka phrugs gcig la 'gro ba yin no/__/de nas gsol ba 'debs pa ni/__ji skad du/__bla ma sangs rgyas bla ma chos/__/de bzhin bla ma dge 'dun te/__/kun gyi byed po bla ma yin/__sogs dang /__rdo rje sems dpa' dkyil 'khor gtso/__/bla ma sangs rgyas kun dang mnyam/__/zhes sogs sngar gong du'ang lung mang du spros pa dang /__nam mkha' dri ma med pa'i mdo las kyang /__kun dga' bo/__de bzhin gshegs pa ni sems can thams cad la snang ba'ang ma yin gyi/__dge ba'i bshes gnyen ni yongs su snang bas chos ston cing thar pa'i sa bon 'debs pa'i phyir/__de bzhin gshegs pa rnams las dge ba'i bshes gnyen lhag par zungs shig__/ces gsungs pa ltar/__yon tan gyi ngos nas sangs rgyas dang mnyam pa las lhag pa min yang /__bka' drin gyi ngos nas lhag ste/__sangs rgyas kyi zhal rang res ma mjal/__gsung ma thos/__dge ba'i bshes gnyen gyi sku dngos su ston/__gsung gdams pa'i bdud rtsi ster/__thugs brtse bas dgongs te byin gyi brlab par mdzad pas sku drin 'khor mtha' med pa yin/__dgongs pa nam mkha' ltar mtho/__rang bzhin ri rgyal ltar brtan/__mkhyen brtse nyi zla ltar gsal/__thugs rje chu klung ltar shugs drag__/byin rlabs glog ltar myur bas rang res gsol ba 'debs nus na bla mas byin gyis rlobs nges red kyang /__rang re rnams/__rnam rtog rgod/__dad pa mi brtan/__the tshom che/__dag snang chung bas dngos grub bul ba yin/__o rgyan chen pos/__yid khyed shes kyi dad pas dngos grub 'byung /__/sems the tshom dang bral na ci bsam 'grub/__/ces gsungs pas/__rkang gi khongs/__snying gi dkyil/__rus pa'i gting nas kha tsam tshig tsam min pa/__bsam rgyu bla ma las med pa/__blo sna mos gus kyis 'phrog nus/__ci mdzad 'gro ba 'dul ba'i thabs mkhas kyi rol par shes pa/__mos gus kyis tha mal gyi snang ba rang 'gag tu 'gro ba zhig ma byung gi bar du gsol ba 'debs shing /__res 'ga' skad gdangs mthon po/__res 'ga' snyan pa'i dbyangs la drangs nas blo rgyud 'khul nges par dgos/__bdag lta bu dkor rkyal sdom shor/__chos med kyi dred po gdol spyod pa rgyal ba'i sras dang /__'jam dpal dang /__he ru ka ga la yin yang ming thams cad 'dod rgyal du/__dper na mi zhig la sangs rgyas seng ge btags kyang de gnyis ka min pa dang 'dra/__'on kyang skyes chen mchog gzigs dam pa rnams kyis rang la dbugs dbyungs mdzad pa dang /__ma 'ongs pa na 'khor ba mtha' can du 'gyur ba dang /__gzhi rang bzhin rnam dag gi sangs rgyas skye 'gro thams cad la khyab par bzhugs pa dbang btsan du byas nas gsol 'debs kyi tshig 'di bris pa la bdag 'brel rnams kyis ra gan la gser du sgom nas dad mos kyi 'don na/__chos rnams thams cad rkyen bzhin te/__/'dun pa'i rtse la rab tu gnas/__/zhes pa ltar byin rlabs med pa'ang ma yin/__gsol ba btab nas 'dod don ci zhu na bdag rgyud byin gyis brlab tu gsol/__zhes pa ste/__bdag gi rgyud kyi las nyon gyi sgrib pa dang /__shes bya'i sgrib pa bag chags dang bcas pa byang zhing dag__/bsod nams dang ye shes kyi tshogs gnyis rdzogs/__blo chos su 'gro ba/__chos lam du 'gro ba/__lam gyi 'khrul pa zhi ba/__'khrul snang ye shes su 'char ba/__tshe 'di nyid la rig stong gnyug ma'i ye shes ngo shes rtsal rdzogs brtan pa thob nas 'ja' lus 'pho ba chen po'i go 'phang 'grub par byin gyis brlab tu gsol/__tshe 'di la ma grol na 'chi kha'i bar do ngo shes shing /__grol ba dang /__der yang ma grol na srid pa'i bar do shar tsam nas bla ma mchog gi thugs rjes drangs te bde chen dag pa'i zhing du 'dren par mdzad du gsol/__snyam pa sogs kyis 'dod don zhu ba las/__nged nad med tshe ring bde skyid 'dzom/__phyi ma ngan song du mi skye ba sogs kyi gsol ba 'debs pa ni shin tu dman pa yin no/__/thugs dam rgyud bskul gyi bzlas pa ni/__mi yi ming nas bos na myur bar gam du 'byor ba ltar/__bla ma'i srog sngags nas bos na thugs rgyud rang dbang med par bskul nus yin/__de yang /__oM ni ye shes lnga ldan sngags kyi mgo 'dren nam/__sku yi ngo bo dpal dang mchog ster ba'i don dang /__AH__ring po gsung gi ngo bo grags stong brjod pa bral ba chos rnams kun gyi 'byung gnas/__gu ru shrI ni dpal dang bla ma zhes pa don gnyis phun sum tshogs pa'i dpal dang ldan/__bla ma yon tan gyi khur gyis lci ba/__pad+ma ni so sor rtogs pa'i rig rtsal chags bral bde ba chen po'i ngo bo sku dang ye shes lhun gyis grub pa la/__mchan/__he ru ka khrag 'thung chen po gzung 'dzin gnyis snang gi rtog tshogs thams cad dbyings su bsgral ba'i khrag dang /__gsang sngags kyi don las gol ba'i bdud dang ru tra'i snying khrag dron mo 'thung ba dang /__snying rje chen pos sems can la dgyes shing rjes su chags pa'i rak+ta bzhes pa'am 'thung ba/__de lta bu'i he ru ka chen po'i sarba sid+d+hi ste gsang gsum yon tan phrin las dang bcas pa'i dngos grub thams cad pha la ni bzang po stsol zhes pa dang /__hU~M ni thugs kyi ngo bo gzung 'dzin gnyis bral gyi yi ge des brtan par byed pa ste sku gsung thugs kyi yi ge'i bar du bla ma'i srog sngags them du bcug cing thugs srog 'phrog pas rdo rje'i ye shes btsan thabs su 'beb par byed pa'o/__/mtshan sngags bzla ba'i skabs bla ma'i sku la sems gtad pa dang /__yon tan bsam zhing mos gus bya ba dang /__bka' drin rjes su dran pa dang /__res lta ba'i ngang du bzhag pa dang /__sems can la snying rje bsgom pa dang /__khyad par du dbang blang ba'i dmigs pa yang yang bya ba gnad du che zhing sngags 'bru 'bum dang /__gsol 'debs 'bum phrag gcig bton na legs/__thun mthar dbang dang dngos grub zhu ba ni/__bla ma'i gnas gsum sogs brjod rim bzhin/__bla ma'i gnas gsum gyi 'bru gsum gsal ba'i dpral ba'i oM dkar po las 'od zer 'phros/__rang gi spyi bor thim pas bum pa'i dbang thob/__rags pa lus kyi sgrib pa dag__/lam bskyed rim dbyibs kyi rnal 'byor bsgom pa la dbang /__'bras bu sku rdo rje thob pa'i skal ba can du byas/__mgrin pa'i AH__dmar po las 'od zer 'phros/__rang gi mgrin par thim/__gsang dbang thob/__ngag rags pa'i sgrib pa sbyangs/__lam rtsa rlung gtum mo bsgom pa la dbang /__'bras bu gsung rdo rje longs sku thob pa'i skal ba can du byas/__thugs ka'i hU~M mthing ka las 'od zer 'phros/__rang gi snying gar thim/__sher dbang thob/__yid rags pa'i sgrib pa dag__/lam thig le'i rnal 'byor bsgom pa la dbang /__'bras bu thugs rdo rje chos sku thob pa'i skal ba can du byas/__slar yang 'bru gsum las 'od zer dkar dmar mthing gsum cig char du 'phros/__rang gi gnas gsum du cig char du thim pas dbang bzhi pa thob/__kun gzhi'i sgrib pa phra ba dang bcas pa dag__/lam rdzogs pa chen po khregs chod thod rgal bsgom pa la dbang /__'bras bu ye shes rdo rje ngo bo nyid kyi sku thob pa'i skal ba can du byas par mos la dbang so so'i mthar dbang don gyi ye shes la mnyam par bzhag__/mthar bla ma nyid dgyes pa chen pos gdan seng khri nas yar 'od du zhu/__thor cog gi rtse nas mar 'od du zhu ste thugs ka'i thad du 'od dmar smug gting gsal ye shes lnga yi 'od gdangs 'dres pa'i gong bu zhig tu gyur pa rang gi snying dbus su sib kyis thim par mos la/__sgo gsum bla ma'i gsang ba gsum dang dbyer med ro gcig tu 'dres te dus gsum gyi rtog pas ma bslad pa'i shes rig gnyug ma zang ka ma'i ngang la sgom med yengs med 'dzin med ma bcos lhug par bzhag pa ni bla ma chos sku'i rang zhal blta ba ste/__kun byed rgyal po'i rgyud las/__kye/__nga ni kun byed rgyal po byang chub sems/__/nga la sgro skur bya ba'i yul med pas/__/gang la'ang sems par ma byed sgom ma byed/__/sgo gsum ma bcos ji bzhin lhug par zhog__/ji ltar shar yang rang bzhin ngang gis grol/__/skye med nam mkha' lta bur phyogs brdal bas/__/rang bzhin rdzogs pa chen por shes par gyis/__/zhes dang /__ma bcos rnal ma kun gyi chos nyid yin/__/chos nyid las ni sangs rgyas gud na med/__/sangs rgyas ming du btags pa bla dwags yin/__/chos nyid bya ba gzhan med rang sems te/__/rang sems ma bcos chos kyi sku ru bshad/__/ma btsal ngang la ye nas skye med pas/__/skye med don la btsal zhing sgrub tu med/__/btsal zhing sgrub pas byar med 'grub mi 'gyur/__/zhes dang /__byar med 'di la gang gnas pa/__/lus ni gang zag lha mi yang /__/dgongs pa chos nyid sangs rgyas yin/__/zhes sogs rdzogs pa chen po'i rgyud lung man ngag__/bla ma'i gdams ngag gi bzhag thabs bstan pa ltar yengs ba rgya 'byams su ma shor zhing /__gzung 'dzin gyis ma rnyogs par rang shar rang gnas rang grol du mnyam par bzhag par bya'o/__/thun de las ldang ba na snang grags rig gsum bla ma'i rdo rje gsum gyi khyer so dang ma bral ba'i ngang /__'gro 'chag nyal 'dug gang gi skabs su'ang bla ma'i thugs kyi ngo bo rig stong rjen pa'i ngang las mi g.yo bar dran shes kyi rtsi dang ma bral ba dang /__gnyid dus snying dbus su bzhugs pa'i thugs ka'i a yig phra ba la sems gtang de 'od gsal bzung ba dang /__mgrin par aM dmar po la sems gtad nas rmi lam sbyor ba dang /__spyi bor bsgom nas rang rig a yig gi rnam pas thugs kar spar te 'pho ba dang /__'jigs skrag byung dus bla ma bsgom nas bar do sbyong ba dang /__gzhan yang zas kyi rnal 'byor skabs mgrin pa dang /__gos gsar pa gyon pa na bla mas thog mar gsol nas rang la bzhes 'phro dngos grub tu stsol bar mos shing /__gtum mo'i skabs bla ma yab yum ha~M dang /__a thung gi rnam pas 'bar 'dzag bde stong gi mchod pa bya ba sogs mdor na bla ma'i lam khyer kho nas dus 'da' bar bya dgos pa yin no/__/tshogs mchod bya na dbang blang gi gong du bya/__ye shes sku mchog gi bshags pa btang ba'am/__rgyas par ni bla ma'i sku la zhi khro'i lha tshogs bzhugs par mos nas na raka skong bshags rgyas par btang na legs/__tshogs kyi rgyu thabs shes kyi rdzas rnams ser snas ma sbags pa sdig dang ma 'dres pa'i tshogs rdzas rnams tshogs snod thod pa dum bu gsum pa yangs shing rgya che ba'i nang tshogs rdzas sha lnga bdud rtsi lnga ye shes lnga yi ngo bor gyur pa mos la/__tshogs zhing spyan 'dren bla ma'i steng 'og phyogs mtshams mtha' bskor du bzhugs par mos la/__tshogs kyi zhal zas las 'dod yon lnga 'phro bas mchod pa dang /__bskang bshags/__bdag rtog gi ru tra bsgral zhing stobs pa dang /__bar pa bdud rtsir rol pas lus dkyil gyi lha mnyes/__gtsang dman gcig tu bsre zhing zhal chab kyis bran pa'i lhag mas he ru ka'i bka' nyan gyi lhag sdud mnyes/__smon lam btab/__/rdo rje'i glu gar bya ste tshogs mgron gyi lha tshims pa/__bdag gi lus dkyil 'khor tshims pa/__dkyil 'khor pa mchod pas tshims pa/__rnal 'byor pa zas kyis tshims pa/__'byung po rnams gtor mas tshims pa/__skye mched kyi lha rnams rdo rje'i glu gar gyis tshims pa ste tshogs 'khor tshims pa drug ldan gyi rnal 'byor zab mo dang /__rjes rgyud gsum dregs tshogs rgya mtshor chad tho bsgrags pa'i sgo nas/__gtor skyongs rta bro dang /__dbang blangs/__bsngo smon shis brjod bya ba bcas kyis grub bo/__/slar smras pa/__bdag lta skyabs kyi yul du 'os min yang /__/dad ldan 'ga' yi dgos zhes bskul ba'i ngor/__/bla rnam mang dag bris las khyad par du/__/sde bzhi dge bcu'i rigs kyi myu gu ni/__/dge blos rgyud phyug rnam dkar spyan ras mdzes/__/g.yu yi sgron mas nan tan gsung bskul gyi/__/rkyen las rig pa'i rtsal las rang shar ba'i/__/snying thig gsal ba'i sgron ma 'di rmad byung /__/rang bris rang 'grel shin tu mi mdzes kyang /__/dad ldan slob ma'i ngag nan ma gcog par/__/bris pa'i dge 'dis mkha' khyab 'gro ba rnams/__/gu ru pad+mas rjes su 'dzin gyur cig__/bstan la 'tshe ba'i bdud sde'i phru ma bcom/__/bstan pa'i rin chen nor bu'i 'od gsal zhing /__/bstan 'dzin skyes rnams zhabs pad brtan pa dang /__/bstan pa'i sbyin bdag dar shing rgyas gyur cig__/ces pa'ang rang slob spar brkos chos 'phel nas rten bcas snga phyir nan tan chen pos bskul ba don yod pa'i phyir du 'jam dbyangs chos kyi blo gros pas rten bskyed kha bsgyur tsam las bla rnam gzhan la'ang cung zad phan par 'gyur snyams nas sug bris su bstar ba 'dis kyang sems can la phan thogs par gyur cig__/sarba mang+ga laM//___//'jam mgon bla ma'i ye shes dgongs pa'i bcud/__/zab gsang bla ma sgrub pa'i rdo rje'i tshig__/sa skyongs bdag mo'i chos skal legs shar ba/__/skal bzang dad ldan 'dod 'jo'i btsas su dar/__/slar yang zab don gsal byed khrid yig bcas/__/kun dga' phrin las gzhan phan rgya mtsho yi/__/thugs bskyed zla snang gsar pa'i dge mtshan dang /__/bsod 'phel dad brtson bdud rtsi'i dpal las byung /__/legs byas snang bas skye kun bla ma rje'i/__zhabs kyi chu skyes legs bsnyen smin grol gyis/__/gsang gsum rdo rje'i ye shes chen po ru/__/mngon par byang chub go 'phang brnyes gyur cig__/ces gus slob mang+ga la shrI b+hU tis bris pa sid+d+hi rastu/__/__!_bstan pa'i dpal gyur bla ma'i zhabs pad brtan/__/bstan 'dzin skyes bus sa steng yongs la khyab/__/bstan pa'i sbyin bdag mnga' thang 'byor pa rgyas/__/bstan pa yun ring gnas pa'i bkra shis shog__/gang ljongs ris med bstan pa rgya mtsho'i bdag__/ngo mtshar bka' babs bdun gyi 'khor los bsgyur/__/'jam dpal dbyangs dngos mkhyen brtse'i dbang po yi/__/ring lugs bstan pa dar rgyas bkra shis shog__/dge'o/__/dge'o/__/dge'o/__/de ltar 'jam mgon thams cad mkhyen gzigs 7rdo rje 'chang gi gsung byin rlabs can 'di'i rtsa 'grel gnyis kyi dngos bstan du ma gsal ba'i zhal rgyun la/__grub thob spyi 'gre ltar dbu brgyan gyi dpral bar pad+mas brgyan pa dang thod skam gcig la me tog gi phreng ba g.yas g.yon du gnyis re/__zhabs rgyal po rol stabs su g.yon bskum/__g.yas kyi zhabs mthil gdan la bstan cing pus mo gyen du bslang ba'i tshul can/__sgom thag phrag pa g.yon par bkal te/__g.yas kyi mchan 'og tu bzheng pa/__bzhugs gdan kr-iSh+Na sA ra'i pags pa byas kyang chog par gsungs ba'i tshul zhal nas snyan du brgyud pa dag las shes so//___//__!__pad+ma ni so sor rtogs pa'i rig rtsal chags bral bde ba chen po'i ngo bor sku dang ye shes lhun gyis grub pa la/__/'chan//___// @#/__/zab lam snying thig gsal sgron gyi dbang chog bdud rtsi'i bum bzang gi mdzes rgyan nor bu'i chun 'phyang zhes bya ba bzhugs/__/ gang gi drin las 'od gsal lhan cig skyes/__/ye shes nam mkha'i gzugs kyang mngon sum du/__/'char mdzad 'khor lo'i dbang phyug bla ma rje/__/mos gus gzhal med khang du legs mchod nas/__/rdo rje bzhi yi dkyil 'khor du/__/smin pa'i skal bzang sgrub byed thabs/__/zab mo'i dbang gi cho ga la/__/mdzes rgyan nor bu'i chun 'phyang spel/__de yang sbyor ba yo byad kyi shoms ni dbang gzhung du gsal ba ltar legs par 'du byas la bla ma'i rnal 'byor snying thig gsal sgron gyi las gzhung bsrangs/__gsol 'debs dang bzlas pa la 'bad/__bum thod kyi bdud rtsi gdod nas bde stong gnyis med ye shes kyi rol par shes pas dbyangs gsal rten snying bzlas pas byin gyis brlabs/__bka' srung gi gtor 'bul/__tshogs mchod bcas btang la dbang len gyi dmigs pas bdag nyid 'jug cing nus ldan du bya/__snod du gyur pa'i slob ma bdun las mi mang bar sgo drung du khrus bya/__nang du 'jug pa na bgegs bskrad/__srung ba'i 'khor lo sgom pa spyi ltar sngon du 'gro bas/__'o na mkha' khyab kyi yid can srid zhi'i mtha' gnyis la mi gnas pa'i byang chub chen po'i go 'phang la 'god par bya/__de'i ched du rdo rje theg pa'i myur lam zab mo'i sgor zhugs nas thabs mkhas dang thugs rje'i rnam 'phrul bsam gyis mi khyab pa'i rgyal ba'i sras kyi spyod pa la bslab cing byang chub tu sems bskyed pa'i g.yar dam bzung snyams pas gsan 'tshal/__de la 'dir gang gsan bya'i chos ni spyir bdag cag rnams shin tu rnyed dka' ba'i lha bas lhag pa'i khams drug dang ldan pa'i rten khyad par can thob/__chos kyi mthun rkyen thams cad tshogs/__'gal rkyen dang bral ba'i skal ba bzang po rnyed pa'i skabs 'dir myur du chos la brtson par ma byas na/__snod bcud 'jig rten skye dgu mchog dman/__bde sdug dpal 'byor thams cad yun du mi rtag pa 'pho 'gyur rgud pa'i chos las ma 'das par shes pas blo sna rtag tu bstung /__nam zhig 'chi ba'i gnod pas skabs btsal ba'i tshe yang med du mi 'gro ba 'jig rten phyi ma'i srid pa la 'jug pa'i tshe 'dir snang gi bya bzhag gang gis kyang phan pa med pa shul du bor nas sngon bsags las kyi rjes su 'brang /__las ni nam yang chud mi za bar srid pa'i gnas kyi bde sdug thams cad 'du byed/__da lta rang re so so'i skye bo'i las phal cher sdig pa las ma 'das/__cung zad sgrub pa'i dge ba'ang sdig pa dang ngang gis 'dres shing mngon mtho tsam gyi rgyu ru dmigs pa ches mang bas na rtag tu 'khor ba'i rgya mtsho chen por tshud ste/__sdug bsngal chu srin gyi mche bas gzir ba 'di ya re cha/__srid pa ni mtho dman gang du skyes kyang sdug bsngal gsum gyi rang bzhin 'ba' zhig las ma 'das pas myur du de las thar pa'i thabs la brtson dgos/__de yang rang cag ni de ru gnas shing 'ching ba lnga yis bcings te las dang nyon mongs pa'i gzhan dbang du song bas rang stobs kyis thar bar mi nus pas rgyal ba'i sras po zhi ba lhas/__dpa' la brten nas 'jigs pa chen po ltar/__/gang la brten nas yud kyis sgrol 'gyur ba/__/de la bag can rnams kyis cis mi bsten/__/zhes gsungs pa ltar ded dpon mtshungs med/__skyabs gnas kun 'dus/__'khor lo'i dbang phyug dpal mgon bla ma'i zhabs pad bsnyen te thugs kyi gsang mdzod brtol ba dang gsang gsum ye shes rdo rje'i dkyil 'khor la 'jug cing smin pa'i thabs zab mo la brten pas gnas skabs dang mthar thug gi dpal yon mtha' yas pa bskyed pas na shin tu gces pa'i tshul thams cad mkhyen pa pradz+nyA rasmis/__rgyal ba'i bka' dang rjes su mthun pa yi/__/bla ma bzang las rnam dag dkyil 'khor du/__/phyi nang gsang ba'i rten 'brel legs bsgrigs pa'i/__/smin grol lam mchog stsol cig thod phreng rtsal/__/zhes gsung /__der ma zad rgyal bas chos phung brgyad khri bzhi stong gis bstan pa'i lam thams cad kyi snying po'i thabs gnad kyang bla ma'i rnal 'byor gcig kho na la tshang zhing /__mngon mtho dang nges legs kyi yon tan thams cad kyang bla ma'i bka' drin gyis bskyed pa mdo rgyud kun nas lan gcig ma yin par yang yang bsngags pas na gcig chog rgyal po bla ma'i rnal 'byor du grags pa don la gnas pa ste/__de la'ang 'phags bod gsar rnying kun la rnam grangs mi 'dra ba du ma zhig bzhugs pa'i kun gyi nang nas zab myur byin rlabs kyi tshan kha khyad par du 'phags pa snying thig gsal ba'i sgron me 'di ni/__sgrub gzhi kun bzang gdod ma'i mgon po nyid theg mchog seng ge'i sgra dbyangs gangs can ri bo'i sul na khyab par bsgrags phyir 'phags yul gyi rgyan drug shing rta chen po'i rnam dpyod gcig tu spungs pa kun mkhyen chos kyi rgyal po rgyal ba klong chen rab 'byams dang /__rig 'dzin 'jigs bral gling pa yab sras rnams gzhan phan 'ba' zhig gi phyir 'phags bod kun tu sku'i skye ba du ma bzhes pa'i ya gyal/__phyi ma'i dus 'dir 'gran zla thams cad dang bral ba'i mkhas grub chen po nyi zla zung gcig ste 'jigs bral gyi slob dpon chen po mkhyen brtse'i lha'i zhal nas/__'di 'og ye shes rdo rje'i rol pa yis/__/rdo rje snying po'i ring lugs bslang nas slar/__/da lta gshe zhing bskur pa 'debs pa'i don/__/sprul pa sna tshogs bsgyur ba gsol ba 'debs/__/zhes rdo rje'i lung gis gsal bar bsngags pa ltar ngo mtshar ba'i rnam thar dang phrin las kyi mu khyud kyis ris med bstan 'gro'i khyon la gcig tu brdal ba'i bdag nyid chen po grub dbang he ru ka dpal 'jigs med ye shes rdo rje dang /__thub bstan yongs rdzogs kyi shing rta chen po 'jam dbyangs mkhyen brtse'i dbang po dbyer med pa'i sgyu 'phrul rnam pa lnga yi ya gyal du ye shes spyan ldan rnam snang lo tsA chen po dngos su byon pa 'jam mgon chos kyi rgyal po blo gros mtha' yas pa'i sdes dus gsum shes bya kun tu gzigs pas lung bstan te bsngags pa'i me tog gis mnga' gsol ba bzhin/__mkhas grub skyes chen bgrang las 'das pa'i zhabs pad mnyes pa gsum gyis bsten te thugs bcud mtha' dag bzhes/__mkhas btsun grub pa'i rnam thar mtshungs zla ma mchis pas gangs can ris med bstan pa'i srog mthud de deng gi dus 'gran zla dang bral ba'i bstan pa'i shing rta chen por gyur pas na mnga' ris paN chen rin po che'i gter lung las/__nga yi thugs rjes sprul pa'i rig 'dzin ni:__pad+ma rgyal po ye shes rol pa rtsal:__phyi ltar rab byung sngags pa'i cha lugs can:__nang ltar sems bskyed bstan pa'i bya ba brtson:__gsang ba gnyis med rdzogs chen don dang ldan:__chos rgyal yab sras mtsho rgyal smon lam gyis:__sprul pa'i gzugs kyis ma 'gags spyod pa bskyangs:__zhes rdo rje'i lung gi seng ge'i sgra chen po'i gsal bar bstan pa'i don dang mthun par gyur pa'i skyes bu chen po 'jam dbyangs bla ma chos kyi blo gros sam gsang mtshan pad+ma ye shes rdo rje gang /__sgrub byed kyi lam dang ldan lha yi rigs kyi thig les gsol ba btab ste rtsa ba'i dgongs gter bstan bcos kyi tshul du gtan la phab pa'i bla ma'i rnal 'byor snying thig gsal ba'i sgron me zhes kun mkhyen chos kyi rgyal po yab sras 'di dag gi ye shes kyi sku'i rjes su bzung ba'i nye brgyud byin rlabs don gyi brgyud pa bar ma chad cing /__dus kyi tha ma'i rjes 'jug rnams la mkhyen brtse'i ye shes kyi 'jug pa lhag par myur ba'i ngo mtshar gyi tshan kha che ba sogs khyad par gyi chos du ma dang ldan pa'i smin byed sgrub pa la bdag cag gi bgyi 'os song nas khyed rnams kyi ngo skal du gyur pa'i dbang bskur zhu ba'i yon du maN+Dal phul/__phyogs dus rgyal ba'i ye shes kyi spyi gzugs dpal ldan dkyil 'khor rgya mtsho'i khyab bdag mchog la gsol ba 'debs pa 'di'i rjes zlos mdzod/__rtsa gsum rgya mtsho=__bla mas kyang rdo rje'i snod ldan gyi rigs su nges par dbyung ba'i phyir mos gus shug drag tu bskyed pas mkhyen brtse'i ye shes kyis rjes su dgongs te gnang ba byin pa ni/__e ma skal ldan rigs=__chos dbyings khyab par brdal ba'i dkon mchog rtsa gsum gyi lha tshogs thams cad bla ma sku gsum gyi ye shes las gzhan du ma gyur pa'i yid ches kyi dad pa rtse gcig pas skyabs gnas kun 'dus kyi ngo bor byang chub snying po'i bar du skyabs su 'gro snyams pas rjes zlos/__aHrang rig ka dag chos kyi sku/__/rang gsal lhun grub longs spyod rdzogs/__/rig rtsal thugs rje sprul pa'i sku/__/rang ngo shes pas skyabs su mchi/__/lan gsum/__mkha' khyab gyi yid can rnam grol bla med kyi sa la 'god pa'i phyir lam zab kun 'dus bla ma'i rnal 'byor la brtson par bya/__de'i ched du gsang gsum rdo rje'i dkyil 'khor du smin pa'i thabs kyi sgor 'jug snyams pas rjes zlos/__aHma rig 'khrul pa'i sems can rnams/__/sku gsum sa la 'god pa'i phyir/__/smon 'jug byang chub sems sbyangs shing /__/rang grol chen por sems bskyed do/__/lan gsum/__tshogs kyi zhing khyad par can gyi spyan sngar bsags sbyangs kyi thabs rmad du byung ba yan lag bdun gyi dmigs rnam dang ma bral ba 'di'i rjes zlos/__rdo rje slob dpon sogs/__lan gsum/__rgyud sdom pa dang ma ldan na dbang gi snod du mi rung bas so byang sngags kyi dam tshig dang sdom pa bzung ba'i gnang bkag ma nor bas dam bca' rnam pa gsum ldan du bzung snyams pas rjes zlos/__bde gshegs sras bcas bdag la dgongs/__/bdag ming 'di zhes bgyi ba yis/__/byang chub snying por mchis kyi bar/__/so so thar dang byang chub sems/__/rig 'dzin nang gi sdom pa'i tshogs/__/ma lus yongs su bzung bar bgyi/__/lan gsum/__de nas dbang gi gzhi 'god pa ye shes pa dbab pa'i sngon du rdo rje'i chu nan sbyin zhing 'da' dka'i tha tshig bsgrags pas dam la bzhag pa ni/__ho/__'di ni rdo rje'i dam=__dam chu sbyin zhing rdo rje spyi bor bkod/__khyed rnams sgo gsum gyi gnad gcun la dmigs pa 'di ltar du mdzod cig__/bla ma he ru ka=__las gzhung gi spyan 'dren mthar/__dz+nyA na A bai sha ya a A:__zhes btags pa yang yang brjod/__gdung shugs bskyed cing spos dang DA dril bcas drag tu dbab/__ma phebs na spog pa'i cho ga ni/__slar yang spyi bor bzhugs pa'i bla ma la mos gus kyis gsol ba drag tu btab pas bla ma'i spyan rjes chags su g.yo ba dang chabs cig thugs ka nas bde ba'i rang bzhin can gyi 'od zer dmar po drod dang bcas pa tsha lam gyis byung ba rang rdo rje phag mor gsar ba'i snying dbus kyi dga' 'khyil la reg pas g.yon bskor du shugs drag tu 'khor bas lus nang bde ba'i 'od kyis gang bar bsam la dmigs pa rtse gcig tu gtad ste dgongs pa bskyangs zhing /__spos rol drag tu bya/__phebs rtags lus 'phar g.yo gar sogs byed pa/__ngag saM skr-i ta'i skad dang brda' glu sgrogs pa/__yid la bde gsal mi rtog pa'i ting 'dzin skye ba sogs byung na nyams byung rgyal bskyang du gzhug__/spyi bor rdo rje rgya gram du bkod la/__dz+nyA na badz+ra ti Sh+Tha sa ma ya/__zhes brjod ste brtan par bya/__de dag gis sngon 'gro 'jug pa'i chos rnams song nas dngos gzhi'i dbang bskur ba la thog mar bla ma sku rdo rje sprul pa'i sku'i dbang bskur ba la 'di ni gtso bo ting nge 'dzin gyi dbang yin pas 'dun mos 'di ltar gnang mdzod/__bla ma'i dpral ba'i=__zhes dang /__oM/__gyi glu dal bu'i brjod/__bla ma'i smin mtshams nas spros pa'i gdan gsum tshang ba'i lha tshogs kyis rin po che'i bum pa ye shes bdud rtsi'i chu rgyun gyis gang bas dbang bskur bar mos la/__oM/__snod bcud yongs rdzogs=__zhes bum chu blud cing gnas bzhir 'thor/__de dag gis phyi mtshan ma'i dkyil 'khor du bum pa'i dbang thob/__rags pa lus dang phra ba rtsa yi sgrib pa dag__/lam snang srid bla mar 'char ba'i bskyed rim sgom pa la dbang /__'bras bu sprul sku mngon du byed ba'i skal ba dang ldan par mos mdzod/__gnyis pa bla ma gsung rdo rje longs spyod rdzogs sku'i gsang ba'i dbang bskur ba la dmigs pa ni/__bla ma'i mgrin pa'i=__AH__yi glu brjod/__byin rlabs kyi rgyun brtan pa'i phyir bla ma he ru ka stang dpyal mnyam par rol pa'i byang chub sems kyi bdud rtsi lce thog tu bzhag par mos/__b+han+d+ha'i gsang rdzas byin la/__AH__rang byung b+hany+dza'i=__de ltar byin pa'i bdud rtsi/__a ho ma hA su kha hoHzhes ngoms pa'i tshul gyis rol pas/__nang rdo rje lus kyi dkyil 'khor du gsang ba'i dbang thob/__rags pa ngag dang phra ba rlung gi sgrib pa dag__/lam rang lus bde ba chen po bla ma'i dkyil 'khor du sgom pa la dbang /__'bras bu longs sku mngon du byed pa'i skal ba dang ldan par mos mdzod/__gsum pa bla ma thugs rdo rje chos kyi skus shes rab ye shes kyi dbang bskur ba la dmigs pa ni/__bla ma'i thugs ka'i=__hU~M gi glu len te/__dbyings rnam kun mchog ldan gyi stong nyid mi 'gyur ba bde ba chen po'i ye shes zung 'jug mtshon pa'i me long sin+d+hU ra'i rdul gyis mtshan pa'i rdzas kyis ngo sprad ste/__e ma ho mchog tu=__zhes brjod ste sin+d+hU ra'i thig le snying khar bkod/__'du shes gsum ldan gyi rig mas mnyam par sbyor ba'i dga' ba bzhi'i ye shes rgyud la skyes par mos/__sa ma ya hoH=__'khyud rgya bya/__des gsang ba phyag rgya'i chu skyes kyi dkyil 'khor du shes rab ye shes kyi dbang thob/__rags pa yid dang phra ba thig le'i sgrib pa dag__/lam pho nya'i rnal 'byor la brten te bla ma lhan cig skyes pa'i ye shes kyi zhal blta ba la dbang /__'bras bu sprul sku mngon du byed pa'i skal ba dang ldan par mos mdzod/__bzhi pa bla ma ye shes rdo rjes tshig dbang bskur ba'i dmigs pa ni/__bla ma'i lte ba'i=__brda' don rdo rje'i tshig la brten nas don ngo sprad pa'i phyir man shel bstan te/__hoHshin tu rnam par=__zhes brjod ste mnyam par bzhag bla ma'i thugs kar a yig mthing gsal nam mkha' dwangs pa'i kha dog can ling nger gnas pa la slob ma rnams rtog pa'i 'du 'phro spang ste rtse gcig tu rig pa de la gtad pa dang chabs cig a zhes dgongs pa'i drod bskyed ste thugs yid bsres pas lhod kyis klod pa dang /__phaT ces rig rtsal spar nas sdig 'dzub snying gar gtad la/__a ho/__sangs rgyas kun gyi gsang ba=__zhes ngo sprad lta ltangs gzir/__de ltar don dam ye shes kyi dkyil 'khor du bzhi pa tshig gi dbang thob/__rags pa kun gzhi dang phra ba shes bya'i sgrib pa dag__/lam dbyings rig zung 'jug bla ma ye shes rdo rje'i rnal 'byor sgom pa la dbang /__'bras bu ngo bo nyid kyi sku mngon du byed pa'i skal ba dang ldan par mos mdzod/__de ltar rdo rje bzhi yi dkyil 'khor chen por smin par byas nas dngos grub kyi sgo myur du thob pa'i phyir gsang ba zab mo'i dam tshig gi rgya yis gdab pa ni/__hoH'di ni gsang ba=__de ltar khe nyen shes pas bla ma'i rdo rje gsum gyi dam tshig las mi 'da' bar khas blang ba 'di yis rjes zlos mdzod/__gtso bos ji ltar=__gtang rag lus 'bul dge bsngo bcas dang /__slob dpon gyis bla sgrub gzhung gi rjes rim bcas gsang ba spyi ltar rdzogs par mthar dbyung ngo /__/sangs rgyas kun gyi ye shes dkyil 'khor du/__/'jug pa'i skal bzang lam 'dis mngon gyur te/__/'od gsal snying po bla ma rang rig tu/__/rtogs pa'i snang bas sa gsum brdal gyur cig__/ces pa'ang zab gsang bdud rtsi'i thog ma'i 'dus pa ru dbugs dbyung ba'i skal bzang mngon du gyur pas rang nyid la nyer mkhor gyur pa dang /__khyab bdag 'khor lo'i mgon po dgyes pas bka' yi gnang ba stsal zhing /__dad slob spar brkos tshe dbang chos 'phel gyis kyang rten bcas bskul ngor dad spro'i shugs 'byung gi ji ltar stsal ba'i phyag bzhes mi nyams ba'i zin khyug tu rgyal khams pa mang+ga la'i ming gis zil khrom gangs kyi rwa ba'i shar phyogs bkra shis lha mtsho'i sman ljongs nas sa zla'i tshes 15la bris pa 'dis kyang dpal ldan bla ma'i byin rlabs kyi bdud rtsis tshe rabs kun tu snying gi pad+mor 'thung ba'i rgyur gyur cig__/mang+ga laM/__/ phun tshogs mngon mtho nges legs mtha' dag gi/__yon tan 'dod dgu'i 'byung gnas bla ma rje'i/__/rdo rje'i dkyil 'khor smin byed mtshams sbyor yang /__/spar gyi sgron mas ye shes mngon gyur shog__/ces spar byang smon tshig 'di yang rdo rje'i slob grwa mang+ga las smon pa dge legs 'phel//___// @#/__/snying thig gsal sgron bla ma mchod pa'i tshul du spros pa'i lhan thabs ngo mtshar nor bu'i phreng ba zhes bya ba bzhugs so/__/ chos kyi dbyings klong mkhyen brtse'i blo gros mthu/__/ye shes 'od gsal sprin gyis rab 'byams zhing /__/mdzes brdal dge legs char gyis srid zhi'i dpal/__/'dod 'jo dpal ldan bla ma rgyal gyur cig__/khyod zhabs dad pa'i bsnyen bkur 'ba' zhig gis/__/mngon mtho nges legs yon tan zad med du/__/stsol phyir rdo rje'i gsung gi gsang ba la/__/mdzes rgyan ngo mtshar nor bu'i phreng ba spel/__/rje btsun bla ma thams cad mkhyen gzigs mchog gi dgongs klong ye shes kyi gsang mdzod las phyungs pa'i bla ma'i rnal 'byor rdo rje gsang ba'i tshig thun mong ma yin pa snying thig gsal sgron nyid bla ma mchod pa'i tshul du cung zad spros te nyams su len pa'i tshul la gsum/__dang po sbyor ba yo byad kyi shoms ni/__gnas khang phyag dar rgyan gyis spras pa'i gung du bla ma'i sku 'bag sogs rten khyad par can gyi mdun maN+Dal steng dri bzang gis spag pa'i tshom bu gcig bkod pa'i mdun du sman raka gtor gsum/__nyer spyod kyi mchod pa gtsang zhing rgya che ba ji ltar 'byor pa bkod mdzes su bstar/__rang gi mdun du'ang maN+Dal/__rdor dril/__rol mo'i rigs sogs 'du byas ste rten dang zhal sprod kyi tshul du 'khod pas/__dad pa dang nges 'byung gi blo bcos/__byang chub sems kyi kun slong dang ma bral bas sgo gsum gcig dril du nyams su len par bya dgos shing /__de yang skyabs 'gro dang /__sems bskyed/__tshad med bzhi'i rgyud sbyang ba rnams gzhung ltar grub pa'i rjes gnas yo mchod rdzas byin gyis brlabs pa ni/__swa b+hA was sbyangs/__stong pa'i ngang las dbyings dang ye shes gnyis su med pa'i cho 'phrul gyi bkod pa snod bcud rnam dag 'og min rdo rje dbyings kyi zhing khams chen po lhun gyis rdzogs pa mnyam zhing mdzes pa'i rin po che'i sa gzhi dang lhun po'i bkod pa yid du 'ong zhing /__phyogs kyi khyon dag tu spos chu'i rgyun dal gyis 'babs pa gser gyi bye ma 'dren pa dang /__mtsho dang rdzing bu ldeng ka du mas brgyan pa/__rin po che sna bdun gyi brag ri dang gangs ris bskor ba/__nags tshal dang me tog gi phreng bas khyab pa la sprul pa'i bya dang ri dwags bung ba'i tshogs rnams bag phebs te rgyu ba/__sa gzhi dang bar snang du nor bu'i sprin dang 'ja' zer gyi drwa ba las mchod pa'i tshogs du ma sgeg cing rgyan dang ldan ba'i lha mo'i tshogs kyis bsti stangs dang bcas te 'bul ba/__rin po che dang sman dang me tog sna tshogs pa'i char dang /__gdugs dang rgyal mtshan ba dan du ma phyogs kun nas dkar phyogs kyi lhas bsgrengs ba/__mdor na sangs rgyas dang byang chub sems dpa'i smon lam dang ting nge 'dzin gyi mthu las byung ba'i dag pa'i zhing chen po bde ba can la sogs pa'i bkod pa tshad med pa bzhin chos kyi dbyings dang mnyam par rtag tu 'byung zhing rgyas par gyur cig__/oM badz+ra ar+g+haM nas/__shab+da AH__hU~M dang /__mchod pa'i sprin gzungs kyang bzla/__oM sarba pany+tsa a mr-i ta AH__hU~M/__oM ma hA ba liM ta AH__hU~M/__oM ma hA rak+ta A hU~M/__badz+ra s+pha ra Na khaM/__gnyis pa dngos gzhi gzhung gi rten bskyed/__aHmdun mkhar 'ja' 'od sogs nas/__chen por gsal/__zhes pa'i bar grub pa'i rjes/__sangs rgyas thams cad kyi ngo bo rigs kun gyi khyab bdag dpal ldan bla ma mchog gi dbu'i spyi bo'i gtsug tu 'jam dbyangs bla ma mkhyen brtse'i dbang po rdo rje gzi brjid rtsal sku mdog dkar gsal rab tu byung ba'i chas ngur smrig gi na bza' can/__phyag g.yas mchog sbyin gyi phyag rgya pus mo g.yas pa'i steng du brkyang bas rdo rje 'dzin cing /__dril bu dang bcas pa'i phyag g.yon pa mnyam bzhag gi phyag rgya can/__g.yas g.yon gyi phyag las skyes pa'i ut+pala'i sdong bu 'dab ma snyan gyi thad sor rab tu rgyas pa'i ze'u 'brur g.yas su tshe bum dang /__g.yon du glegs bam ral gris mtshan pa/__dbu la sde snod rab 'byams 'dzin pa'i paN zhu gsol zhing zhabs rdo rje'i skyil mo krung gis dar zab dmar ser gyi gdan la bzhugs pa'i dbu gtsug tu slob dpon chen po 'jam dpal bshes gnyen paN+Di ta'i chas can phyag g.yas chos 'chad dang g.yon pas mnyam bzhag gi steng glegs bam gyis mtshan pa 'dzin pa'i mdun du o rgyan gyi slob dpon chen po pad+ma saM b+ha wa/__g.yas su rig 'dzin dga' rab rdo rje/__g.yon du slob dpon shrI sing ha sogs zab don man ngag brgyud pa'i bla ma thams cad kyis bskor ba/__gtso bo'i dbu gtsug tu de bzhin gshegs pa thams cad kyi ye shes kyi sku rje btsun 'jam dpal dbyangs gser btso ma'i mdog can ral gri dang glegs bam bsnams ba/__zhabs rdo rje'i skyil krung gis pad zla 'od zer gyi klong na bzhugs pa/__rigs bdag 'jam dbyangs bla ma mkhyen brtse'i dbang po'i g.yas phyogs su gangs can rgyud sde'i shing rta chen po bi ma la mi tra 'chi med ye shes rdo rje'i sku can ljang ser gzi byin rab tu 'bar ba paN+Di ta'i chas can dar sngo skya'i stod g.yog can/__phyag mnyam bzhag gi steng na 'chi med ye shes kyi bdud rtsi'i gang ba'i tshe bum 'dzin pa/__shangs rtser skye med kyi yi ge a dkar pos mtshan pa/__slob dpon bi ma la'i mtha' skor du slob dpon sangs rgyas gsang ba/__paN chen sgeg pa'i rdo rje/__gnubs chen sangs rgyas ye shes/__gnyags dz+nyA na ku mA ra/__rma lo rin chen mchog__/so ye shes dbang phyug__/gsang bdag zur mes dbon gsum la sogs pa snga 'gyur rdo rje theg pa'i shing rta chen po lo paN mkhas grub du mas bskor ba/__g.yon du bod yul sgrub sde'i shing rta mnga' bdag chos kyi rgyal po khri srong sde'u btsan 'khor los bsgyur ba'i cha byad can/__phyag mnyam bzhag gi steng gser gyi 'khor lo rtsibs stong ldan pa bsnams shing /__g.yas g.yon du pad+ma'i sdong bu'i steng ral gri dang glegs bam gyis spras pa/__mtha' bskor du mkha' 'gro las kyi dbang mo/__bka' bab rig 'dzin rnam dgu/__rje 'bangs snying gi bu dgu la sogs pa gsang ba rgya mtsho'i mnga' bdag gyur pa'i grub brnyes mkha' 'gro'i tshogs kyis bskor ba/__gtso mchog bla ma he ru ka chen po'i g.yas su 'jam mgon blo gros mtha' yas dang /__g.yon du mchog gyur bde chen gling pa la dgongs brda' snyan brgyud kyi bla mas bskor te bzhugs pa/__de dag gi mdun du kun mkhyen chos kyi rgyal po rgyal ba klong chen rab 'byams la mdo sgyu sems klong man ngag gi brgyud pa dang bka' gter dag snang gi mkhas grub rig pa 'dzin pa'i tshoms bu mtha' yas pa dang bcas pa/__g.yas su 'phags mchog mig mi 'dzum dngos kun gzigs rgyal ba'i dbang po ngag dbang blo bzang rgya mtsho la bka' gdams gsar rnying gi rgyal sras byang chub sems dpa' 'brel tshad don ldan gyi skyes bu'i tshogs dang bcas te bzhugs pa/__rgyab tu gangs can rdo rje 'dzin pa'i rgyal po grags pa rgyal mtshan la gsang chen lam 'bras bus tshogs slob bka' bab sa ngor tshar gsum gyi mkhas grub rnal 'byor gyi skyes bu brgyud pa'i phreng ba bsam mi khyab pas mdzes pa/__g.yon du mnyam med dwags po lha rje la rtogs pa don brgyud kyi ye shes chen po'i gzi brjid dpal du 'bar ba'i bka' brgyud grub pa'i khyu tshogs rab 'byams zhing gi rdul dang mnyam pas bskor ba/__gzhan yang de dag gi bar mtshams su dpal ldan shangs pa bka' brgyud/__dam chos sdug bsngal zhi byed/__zab mo bdud kyi gcod yul/__dpal ldan dus kyi 'khor lo/__rdo rje'i bsnyen sgrub kyi rnal 'byor sogs sgrub brgyud shing rta chen po brgyad dang /__gangs can bshad pa'i bka' srol bcu la sogs pa rgyal bstan rin po che 'dzin spel skyongs ba'i skyes chen ris su ma chad pa'i tshogs thams cad rig 'dzin bla ma'i gsang gsum ye shes sgyu 'phrul drwa ba'i bkod pa dngos gcig du ma'i cho 'phrul 'byams klas pas mdzes pa'i mtha' bskor du rgyud sde drug gi yi dam dkyil 'khor gyi lha tshogs/__sangs rgyas dang byang chub sems dpa'/__gnas gsum gyi dpa' bo mkha' 'gro/__rdo rje'i chos skyong ba'i srung ma'i tshogs dang bcas pa dwangs pa'i mkha' la char sprin dkrigs pa ltar chos kyi dbyings dang mnyam par 'byams klas pa'i bkod pa chen po lhun gyis grub pa mngon sum bzhin du bzhugs par gyur/__de ltar gsal ba'i lha tshogs rnams kyi gnas gsum du de bzhin gshegs pa thams cad kyi sku gsung thugs rdo rje'i ngo bo 'bru gsum gyi mtshan pa las byung ba'i 'od zer dang /__mos gus gdung ba'i shugs kyis sku gsum dag pa'i zhing khams rab 'byams nas bla ma rgyal ba sras dang bcas pa spyan drangs te mdun gyi nam mkhar bzhugs pa'i rig 'dzin bla ma'i lha tshogs rnams dang gnyis med du bzhugs par gyur/__zhes gsal btab ste bla sgrub gzhung gi spyan 'dren tshang bar btang rjes/__oM/__rab 'byams zhing gi rgyal ba sras dang bcas/__/dpal ldan bla ma'i ye shes cho 'phrul te/__/gang 'dul sgyu 'phrul drwa ba'i bkod pa kun/__/dad ldan mos pa'i gnas 'dir gshegs su gsol/__/ngo bo gshegs bzhugs spros pa mi mnga' yang /__/rnam pa thugs rje yul la 'jug pa'i mthu/__/dad ldan mos pa'i snang ngor gang 'dul gar/__/'gags med cir yang 'char bas gshegs su gsol/__/mkhyen brtse nus pa'i phrin las rmad byung bas/__/snyigs dus sangs rgyas mdzad pa mngon sum can/__/rtag tu mi 'bral dgongs pas byin brlab ste/__/rdo rje'i ye shes chen por ro gcig mdzod/__oM sarba ta thA ga ta ma hA gu ru maN+Da la sa pa ri wA ra e h+ye hi badz+ra sa mA ya dzaHmos gus mchod sprin bsam mi khyab pa'i dbus/__/dad pa'i 'dab stong bkra ba'i ke sa raHtshogs gnyis rin chen seng ge'i khri rkang steng /__/dgyes shing mi g.yo brtan par bzhugs su gsol/__sa ma ya tiSh+Tha lhan:__pad+ma ka ma lA ya s+t+wa~M/__de nas bsags sbyang gi snying po yan lag bdun pa rgyas par 'bul ba la dang po phyag 'tshal ba ni/__grub na lus phyag dngos su 'tshal ba dang bcas/__yid 'ong rdzing bu'i nang na gnas pa yi/__/'char ka'i pad+ma kha 'bus bye 'dra ba/__/lag gnyis spyi bor thal sbyar bstod dbyangs bcas/__/lus dpag med pa sprul nas gus phyag 'tshal/__/bla ma mnyam med sangs rgyas rin po che/__/dus gsum bde gshegs sras bcas thams cad kyi/__/sku gsung thugs kyi rang bzhin byin brlabs pa/__/bka' drin chen po'i zhabs la phyag 'tshal lo/__/phyogs dus sangs rgyas kun gyi ye shes sku/__/dam chos char 'bebs dge 'dun 'dus pa'i gtso/__/yi dam mkha' 'gro chos skyong rgya mtsho'i dngos/__/dpal ldan bla ma'i zhabs la phyag 'tshal lo/__/gdul dka' snyigs ma skyobs pa'i ded dpon mchog__/khyod ni sangs rgyas kun gyi gsang mdzod 'dzin/__/zab rgyas chos sgo 'byed dang sdud la dbang /__/bstan pa'i nyin byed mchog la phyag 'tshal lo/__/skyes rabs du ma'i thugs bskyed mdzad pa ni/__/rab 'byams zhing du chos kyi sgron me sbar/__/rgyal kun phrin las shing rta'i kha lo ba/__/phan bde'i rtsa lag chen por phyag 'tshal lo/__/ston pas legs gsung dam chos bdud rtsi'i mtsho/__/phyogs su ma lhung gsan bsam gru yis brgal/__/thub bstan nor bu'i 'byor pas yongs su phyugs/__/bstan pa'i mnga' bdag mchog la phyag 'tshal lo/__/srid gsum che dgu'i 'byor pa mtha' dag las/__/chos kyi nying khu mchog tu gces pa ru/__/gzigs nas chos tshol 'dzin dang spel ba'i mthus/__/don gyi shing rta chen por phyag 'tshal lo/__/dbyings na bzhugs pa'i rgyal ba sras dang bcas/__/lha dang DA kis dngos su byin gyis brlabs/__/thun min chos kyi sgo gtad dgongs don gyi/__/gting dpog bdag por gyur la phyag 'tshal lo/__/zab don bdud rtsi'i nying khu'i thugs la sim/__/nye brgyud bka' bab lam srol 'dod dgur bye/__/skal bzang yid kyi shing rta yongs gang bas/__/rdzogs ldan dang por bzhad la phyag 'tshal lo/__/bla mchod 'bring pa'i skabs 'og g.yung drung rtags bar bzhag kyang rung ngo /__/ma bcos spros bral bla ma chos kyi sku/__/bde chen longs spyod bla ma chos kyi rje/__/pad sdong las 'khrungs bla ma sprul pa'i sku/__/sku gsum rdo rje 'chang la phyag 'tshal lo/__/rang bzhin lhun grub 'od gsal 'dus ma byas/__/ma bcos ka dag zung 'jug rol pa'i ngang /__/dgongs pa brda dang snyan khung gter la sogs/__/dgu ldan brgyud pa rnams la phyag 'tshal lo/__/skyes bu gsum gyi lam gyi rgyud sbyangs nas/__/mtha' yas sems can bde la 'god mdzad pa'i/__/dpal ldan jo bo rje la sogs pa yi/__/bka' gdams brgyud pa rnams la phyag 'tshal lo/__/snang gsum rgyud gsum snyan brgyud man ngag gis/__/dbu mar 'gros bzhi thim nas mchog brnyes pa/__/dbang phyug biR+Wa pa la sogs pa yi/__/lam 'bras brgyud pa rnams la phyag 'tshal lo/__/rdo rje'i lus la rlung sems rten 'brel 'grigs/__/dga' bzhi ye shes bde stong gar gyis rol/__/zung 'jug 'od gsal 'gro 'ong med par rtogs/__/mar pa bka' brgyud rnams la phyag 'tshal lo/__/sgyu lus rmi lam zab mos rgyud sbyangs nas/__/zung 'jug phyag rgya che la mnga' brnyes pa'i/__/mkhas grub khyung po rnal 'byor la sogs pa/__/shangs pa bka' brgyud rnams la phyag 'tshal lo/__/thabs shes rten 'brel lam gyis rgyud sbyangs nas/__/phyi nang 'gal rkyen chos sku chen por rtogs/__/rje btsun dam pa rgya gar la sogs pa'i/__/zhi byed brgyud pa rnams la phyag 'tshal lo/__/sbyang bya med pa'i don la rgyud sbyang nas/__/ro snyoms spyod pas gang byung thad kar spyod/__/ma gcig lab kyi sgron ma la sogs pa'i/__/gcod yul brgyud pa rnams la phyag 'tshal lo/__/mi g.yo sum ldan rdo rje'i rnal 'byor gyis/__/rlung sems dag pa'i rtags bcu mngon du gyur/__/d+hU ti'i lam sbyangs 'od gsal ngang la bzhugs/__/sbyor drug brgyud pa rnams la phyag 'tshal lo/__/sku yi rdo rje'i gnad kyis rgyud sbyangs pas/__/gsung gi rdo rjes rlung sems dbu mar zhugs/__/thugs kyi rdo rjes ye shes sku bsgrubs pa/__/bsnyen sgrub brgyud pa rnams la phyag 'tshal lo/__/mdor na ngo mtshar chos kyi chu klung 'bum/__/khyod las spro zhing gcig tu 'dus pa'i srog__/lung rtogs dbyig gi gter gyis phyur bur gang /__/yongs rdzogs bstan pa'i mnga' bdag phyag 'tshal lo/__/khyad par pad+ma'i ring lugs dngosaX gteraX gyi/__/gsang ba rmad byung gser gyi rtsib stong ldan/__/snyigs ma'i rgud sel chos nor 'dod dgu'i rdzas/__/thogs med yid bzhin stsol la phyag 'tshal lo/__/o rgyan rje 'bangs 'dus pa'i smon lam dang /__/thugs bskyed mthus bskrun chos kyi sgo rab 'byams/__/slar yangaX bod yul bstan 'gro'i rgud sel gteraX/__/spel ba'i khyim bdag mchog la phyag 'tshal lo/__/rig stong dgongs rtsal rdzogs pa'i snying stobs kyis/__/legs blang mkhyen brtse nus pa'i mtshon cha yis/__/dbang 'byor dgongaXs gteraX nam mkha' mdzod chen pos/__/skal ngan g.yul ngo bzlog la phyag 'tshal lo/__/chos rgyun ting 'dzin lang tsho'i kun dga'i tshal/__/rtsa gsum dgyes pa'i rtsed 'jo'i rol pa las/__/mthar klas chos kyi dga' ston sna tshogs pas/__/dbugs dbyung dgaX snangaX chos brnyes phyag 'tshal lo/__/gsang ba rmad byung snying po'i lus stobs rgyas/__/snyanaX brgyudaX gdams pa'i rin chen rgyan gyis sgeg__/nges pa'i lam bzang bsgrod la mi ngal bas/__/dngos grub gter mchog sbyin la phyag 'tshal lo/__/skyes rabs gling bzhi'i khyon nas legs blang ba'i/__/gsang ba rjesaX su dranaX pa'i dpal 'byor gter/__/gzungs spobs blo gros snang bas ma nyams par/__/tshul bzhin stsol bar mdzad la phyag 'tshal lo/__/thub dbang pad+ma'i ring lugs ri dbang la/__/sngon med rnam thar nyi zlas g.yas su bskor/__/bka' bab rin chen bdun gyi mnga' thang can/__/'jam mgon bla ma'i zhabs la phyag 'tshal lo/__/phyogs bcu'i rnam 'dren kun las 'jaXm dpal dbyangaXs/__/rnam thar dpal gyi che bas ches 'phags pa'i/__/dang tshul ma sbas rtsod dus mun pa'i gshed/__/mkhyenaX brtse'iX dbang phyug gyur la phyag 'tshal lo/__/srid pa las 'das rgyal sras ngang tshul gyi/__/sgyu 'phrul bkod pa'i zlos gar kun gyi phul/__/chosaX kyiX srog 'dzin bloX grosaX spobs pa'i mthu/__/'gran bral bshes gnyen chen por phyag 'tshal lo/__/las nyon mi gtsang rnyogs pa'i mtshor byings shing /__/sdug bsngal 'bu srin 'khrugs pas nyams nga ba'i/__/bdag sogs thar lam nyin byed 'dren pa'i bdag__/bka' drin mnyam med bla mar phyag 'tshal lo/__/rgyal ba rgya mtsho'i sku dang srog gis kyang /__/yun ring sgrub pa'i chos kyi sgo mtha' dag__/lhug par stsal bas dbugs 'byin chos kyi rje/__/sangs rgyas las kyang lhag khyod phyag 'tshal lo/__/sangs rgyas sras kyi gdul bya'i yul min pa'i/__/rmu rgod bdag cag brtse bas rjes 'dzin zhing /__/thar grol sgo 'phar yangs por 'gyed mdzad pa'i/__/rnam 'dren 'khor lo'i bsgyur rgyal phyag 'tshal lo/__/snying nas dad pa'i rlabs kyis legs bskul ba'i/__/gus phyag 'khri shing zhing gi khyon 'gengs pa'i/__/zlos gar sgo gsum 'jug pa gcig dril bas/__/mi phyed gus pa chen po'i phyag 'tshal lo/__/nges pa'i don du bla ma rang gi sems/__/rig stong gnyug ma mi phyed rdo rje'i dbyings/__/gdod nas 'du 'bral med pa'i gnas lugs kyi/__/rang zhal mngon sum mjal bas phyag 'tshal lo/__/bla ma mchog dang rang rig don gyi dbyings/__/bzang ngan blang dor yul du ye mi gnas/__/kun kyang mi gnas chos sku'i dkyil 'khor du/__/mngon sum lhun gyis grub pas phyag bgyi'o/__/oM sarba ta thA ga ta rat+na gu ru maN+Da la sa pa ri wA ra kA ya wAk+tsit+ta pra Na me Na b+han+d+ha naM ka ro miHzhes phyag bya/__khrid yig ye shes gsal sgron dgongs pa ltar nyams chags bshags pa gtsor byed na skabs 'dir na raka skong bshags kyi/__e ma hoHphyogs bcu dus bzhi kun gyi bdag nyid che sogs nas/__zhi khro'i lha tshogs mtshan nas brjod zhes pa'i bar btang zhing lus phyag kyang 'tshal/__/gnyis pa mchod pa 'bul ba'i yan lag ni/__oM/__snang srid ma lus bla ma'i dkyil 'khor che/__/snod bcud kun bzang rdo rje'i longs spyod sprin/__/chos dbyings mu mtha' med par rgyas 'gengs ba'i/__/ye shes rol pa'i 'khor lo mchog tu gyur/__/na maHsarba ta thA ga ta b+h+yo bi shwa mu khe b+h+yaHsarba tha khaM ut+ga te s+pha ra Na i maM ga ga na khaM swA hA/__lan gsum/__badz+ra s+pha ra Na khaM zhes pas mchod sprin spro bas/__rang don yid byed rnyogs bral sems mchog mtshor/__/gzhan phan mu tig lbu phreng rlabs kyis sgeg__/tshogs gnyis bdud rtsi'i ro bcud phun tshogs pas/__/rgyal sras dbang phyug dpal ldan bla ma mchod/__/oM gu ru sarba ta thA ga ta sa pa ri wA ra ar+g+haM pra tIts+tsha swA hA/__dbang dang stobs bcu'i phyag zhabs sor mo'i khyon/__/'od zer drwa bas 'brel ba dag byed chab/__/rgyud gsum rnam dag rdo rje'i zhabs bsil gyis/__/rnal 'byor dbang phyug dpal ldan bla ma mchod/__/oM gu ru sarba=__pa d+yaM zhes sbyar/__nges 'byung gsher ldan kun dga'i do ra'i ngogs/__/mos gus ge sar rab rgyas zil mngar phyug__/nyams rtogs 'dab stong rnam bkra'i me tog tshal/__/grub brgya'i ded dpon dpal ldan bla ma mchod/__oM gu ru sarba=__puSh+pe=__rdo rje'i dbang bzhi'i ljon bzang las skyes pa'i/__/rim gnyis dngar po'i bsung gi rdzi phyogs kyis/__/kun tu sim ster lhan skyes sbyar ba'i sros/__/rtogs pa'i dbang phyug dpal ldan bla ma mchod/__/oM gu ru=__d+hU pe=__dam chos rtsi bcud reg pas legs bskrun pa'i/__/sdug bsngal mun tshogs zhi byed 'od brgya'i phreng /__/kun tu snang ba dam pa'i gter chen po'i/__/'khrul pa rang grol dpal ldan bla ma mchod/__/oM gu ru=__A lo ke=__mchog tu mi 'gyur bde ba'i karbu ra/__/rnam kun mchog ldan dbyings su sim pa'i rgyun/__/kun khyab rdo rje'i dri mchog dam pa'i phul/__/dang po'i sangs rgyas dpal ldan bla ma mchod/__oM gu ru=__gan+d+he=__snang stong mi phyed rdul bral rin chen snod/__/rdo rje nA da ro brgya'i bza' btung bskyil/__/mkha' khyab lhan skyes ye shes zhal gyi zas/__/rdo rje sems dngos dpal ldan bla ma mchod/__/oM gu ru=__nai wid+ya=__smin byed dbang bzhi'i zab don rdo rje'i glu/__/rim gnyis lam gyi tam+bu rar sbyar bas/__/dngos grub dga' ston 'gug pa'i rol mo'i mchog__/rig 'dzin rgyal po dpal ldan bla ma mchod/__/oM gu ru=__shab+da=__zhes thun mong nyer spyod kyi mchod pa dang /__zhu bde'i 'jo sgeg gzugs dang sgyu ma'i sgra/__/'khrul rtog kun sbyangs dri mchog 'od gsal bcud/__/rlung sems dag pa'i reg bya chos dbyings rgyan/__/rdo rje'i 'dod pa'i yon tan rgya mtsho 'bul/__/oM gu ru=__pany+tsakA ma gu Na pra tIts+tsha ho/__gang dang 'phrad pas rgyal sras chos kyi khab/__/'dod dgur dbang byed phun tshogs bsod nams mthus/__/legs bskrun rgyal srid rin chen rnam pa bdun/__/byang chub yan lag rdzogs pa'i tshul du 'bul/__/oM gu ru=__sap+ta rat+na pra tIts+tsha ho/__phul byung yon tan bye ba'i bkod pa 'bum/__/ches cher mdzes pa'i bde gshegs rin chen gling /__/myur bsgrod 'phags lam yan lag brgyad rdzogs pa'i/__/bkra shis rtags mchog brgyad kyis bla ma mchod/__/oM gu ru=__aSh+Ta mang+ga la pra tIts+tsha ho/__phun sum tshogs pa'i rdzu 'phrul mthu sbyin pa'i/__/ting 'dzin bkod pa'i khyad par las gyur pa'i/__/ngo mtshar rnam thar brgyad kyi rang gzugs che/__/bkra shis grub pa'i rdzas mchog rnams kyis mchod/__/oM gu ru=__mang+ga la dra byaM pra tIts+tsha ho/__smon lam dpag bsam ljon pa'i dga' tshal dang /__/tshogs gnyis rin chen nor gi gter kha brdol/__/gzungs dang ting 'dzin gter gyi bum pa bzang /__/zag med 'byor pa rgya mtshos yongs su mchod/__/oM gu ru=__ma hA pU dza pra tIts+tsha ho/__zhes khyad par gyi mchod pa dang /__skabs 'dir maN+Dal tshoms bu so bdun ma dang /__oM AHhU~M/__bdag dang mtha' yas sogs maN+Dal bsdus pa bla sgrub gzhung las 'byung ba ltar grangs bsags/__/phung khams sgyu ma rdo rje bkod pa'i lha/__/dbyings rig drwa ba sdom pa'i cho 'phrul che/__/snang stong mi phyed mkha' khyab dam tshig rdzas/__/ye shes lnga ldan bdud rtsi'i phud kyis mchod/__/ma hA a mr-i ta khA hi/__/srid rtsa 'khrugs pa'i ru tra sde dang bcas/__/rnam thar sgo gsum mkha' ru bsgral ba'i rdzas/__/rang shar srog stsol dag pa'i nA da'i dpyid/__/zhom med rdo rje'i ru d+hI ra yis mchod/__/ma hA rak+ta khA hi/__mtshan 'dzin kun bral dbyings kyi b+hany+dza ru/__/gtad med 'od gsal chos sku'i gtor chen bshams/__/cir snang ye shes rgyan gyi longs spyod che/__/thugs kyi rdo rje'i dkyil 'khor dbang phyug mchod/__/ma hA ba liM ta khA hi/__zhes dang gsang sngags bla med kyi dam tshig rdzas kyi mchod pa dang /__brgyad gnyis lang tsho'i me tog 'khri shing ni/__/dga' bzhi'i sgyu rtsal gsar pas g.yo dang bcas/__/pi waM gling bu rnga zlum rdza rnga can/__/rdo rje'i lha mos sku yi dkyil 'khor mchod/__/oM badz+ra wI ni hU~M:__oM badz+ra waM se trA~M:__oM badz+ra mr-i taM ge hrIHoM badz+ra mu rdza AH__blta na sdug pa'i gzugs kyi brtan pa ni/__/mchog dga'i nor bu'i me long 'phos pa'i gar/__/sgeg bzhad glu dang gar gyi nyams 'gyur gyi/__/rdo rje'i lha mos gsung gi dkyil 'khor mchod/__/oM badz+ra la s+yA+e hU~M/__oM badz+ra mA le trA~M/__oM badz+ra gIrti hrIHoM badz+ra nIrti AH__gzhon mdzes mtshar sdug rdzogs pa'i ri dwags can/__/khyad par dga' ba'i gzugs kyi re khAs bkra/__/me tog bdug spos mar me dri chab kyi/__/rdo rje'i lha mos thugs kyi dkyil 'khor mchod/__/oM badz+ra puSh+pe hU~M/__oM badz+ra d+hU pe trA~M/__oM badz+ra A lo ke hrIHoM badz+ra gan+d+he AH__lang tsho'i kun tu myos pa'i mig yangs ma/__/lhan cig skyes dga'i sgyu rtsal cir yang ston/__/gzugs reg ro dang chos kyi dbyings mtshon pa'i/__/rdo rje'i lha mos ye shes dkyil 'khor mchod/__/oM badz+ra rU pa oM/__oM badz+ra rA sa hrIHoM badz+ra spaR+she trA~M/__oM badz+ra d+harmA d+hA tu a/__zhes yang gsang rdo rje'i mchod pa bcas dgyes dgur bstabs la/__ngo bo brjod 'das nam mkha'i klong /__/rang bzhin 'od gsal longs spyod rdzogs/__/thugs rjes 'gro kun yongs la khyab/__/skyabs mchog dpal ldan bla ma bstod/__/snying rje'i klong du ye nas grol/__/gsal snang zhing khams chen por rgyas/__/thams cad mnyam sbyor nam mkha'i ngang /__/dpe bral khyod la phyag 'tshal bstod/__/ye nas kun bzang rol pa'i ngang /__/khyod ni rtag tu mnyam bzhag kyang /__/nor bu ji bzhin gzhan don mdzad/__/yid bzhin khyod la phyag 'tshal bstod/__/ting nge 'dzin dang mngon shes kyis/__/gdul bya'i 'jig rten ma lus kun/__/gdod ma'i dbyings su khrid mdzad pa/__/ded dpon khyod la phyag 'tshal bstod/__/'khor bar mgon med rab 'khyams shing /__/sdug bsngal rgya mtsho'i klong yangs las/__/sgrol bar mdzad pa'i gru bo che/__/brtse chen khyod la phyag 'tshal bstod/__/las dang nyon mongs 'khrul 'khor gyis/__/yun ring srid par dub pa la/__/spang gnyen rang grol mngon sum lam/__/ston mchog khyod la phyag 'tshal bstod/__/gang zhig mthong bas rab dad cing /__/thos pas the tshoms drwa ba gcod/__/reg pas byin rlabs dngos grub 'byung /__/mtshungs bral khyod la phyag 'tshal bstod/__/mdor na srid zhi'i legs tshogs kun/__/khyod mtshan thos dang dran pas kyang /__/yid bzhin rjes su stsol mdzad pa'i/__/dpal mgon bla mar phyag 'tshal bstod/__/gang zhig khyod sku mthong ba dang /__/khyod gsung thos dang 'dzin pa yi/__/'gro ba de dag kun la yang /__/rtag tu bdag ni phyag 'tshal bstod/__/zhes bstod pa'i dbyangs kyis kyang dgyes pa bskyed/__gsum pa sdig bshags sogs yan lag lhag ma rnams ni/__sngar na raka bskang bshags sbyar na/__aHbdag gi spyi bor pad zla'i steng :__bla ma rdor sems he ru ka:__yab yum thugs ka'i sngags phreng dang :__sku las byang sems bdud rtsi'i rgyun:__sbyor mtshams nas byung tshangs bug zhugs:__lus gang sdig sgrib nyes ltung rgyu:__'bras bu nad gdon sdug bsngal kun:__dag cing dri ma med par bsam:__zhes brjod la yig brgya bsags mthar/__gal te na raka skong bshags dang ma 'brel na 'og gi bshags pa 'di kho nas chog go__/dus gsum sangs rgyas thams cad kyi ngo bo bla ma dam pa dang phyogs bcu'i rgyal ba sras dang bcas pa dgongs su gsol/__bdag ming 'di zhes bya ba thog mar 'khrul pa nas bzung ste dus de ring la thug gi bar du ma rig pa'i gzhan dbang du song ste/__kun 'byung gi nye bar len pas nyon mongs pa 'dod chags dang /__zhe sdang dang /__gti mug mngon par 'du byas te/__lus kyi sgo nas srog bcad pa dang gsod sems skyes pa dang /__ma byin pa blangs pa dang /__'dod pas log par g.yems pa'i rigs/__ngag gi sgo nas brdzun/__phra ma/__tshig rtsub/__ngag kyal/__yid kyi sgo nas brnab sems/__gnod sems/__log lta ste mi dge ba bcu/__de bzhin gshegs pa'i sku la ngan sems kyi khrag 'byin pa sogs mtshams med pa lnga/__de dang nye ba lnga la sogs te mi dge ba'i phyi mo rnams kyi steng /__bcas pa'i khrims dge bsnyen dang /__dge tshul dang /__dge slong ste so so thar pa'i sdom pa rigs bdun la pham ltung dang nyes byas byung ba dang /__byang chub sems dpa'i smon 'jug gi bslab bya spyi dang /__rtsa ltung dang sbom po'i rnam grangs tha dad pa dang 'gal ba dang /__khyad par du rig pa 'dzin pa'i tshul khrims kyi bslab pa'i gzhi las/__rdo rje theg pa'i 'dul ba dang 'gal ba'i nongs pa bla ma smod pa la sogs pa'i rtsa ba'i ltung ba bcu bzhi dang /__yan lag sbom po'i rnam grangs brgyad las pham pa dang /__kha na ma tho ba'i mthus bcom te gsang sngags kyi dam tshig spyi dang bye brag phra zhib srung dka' ba las 'das pa thams cad dang /__rang bzhin du nyon mongs pa'i gzhan dbang gis sems zil gyis non nas dkon mchog gsum dang bla ma la brnyas pa dang /__dam pa'i chos spang ba dang /__mkhan po la ma gus pa dang /__byang chub sems dpa' la bskur pa btab pa dang /__pha ma'i drin lan ma 'tshal ba dang /__dkon mchog gi dkor phrog pa dang /__tshangs par mtshungs spyod sun phyungs ba dang /__bsam gtan sgom pa'i thugs dkrugs pa dang /__dge ba can gyi tshogs bsags pa dang /__dad pa can sun phyungs ba dang /__rgyu 'bras la skur ba btab pa dang /__sems can la gnod pa'i las byas pa dang /__khrel dang ngo tsha spangs pa la sogs te mdor na sdig pa mi dge ba'i las rang gis bgyis pa dang /__gzhan la byed du bcug pa dang /__byas pa la rjes su yi rangs pa la sogs pa de dag kyang rtag pa'i sems dang /__mngon par zhen pa dang /__gnyen po stobs zhan pa dang /__yul khyad par can dang /__gzhi las byung ba la sogs pas kha na ma tho ba chen por gyur pas mtshon/__mdor na mngon par mtho ba dang nges par legs pa'i go 'phang thob pa la bar du gcod cing /__'khor ba dang ngan song gi rgyur gyur pa thams cad sangs rgyas dang byang chub sems dpa' kun tu thogs med kyi gzigs par ldan pa rnams kyi spyan sngar shin tu gnong zhing 'gyod pas mthol lo bshags so/__/sngon chad kyi bka' las 'das so/__/da ni nyes par mthong ba lags pas mi 'chab bo/__/mngon gyur du sgrogs pas mi sbed do/__/phyin chad srog la bab kyang sdom lags so/__/mgon po thugs rje chen po dang ldan pa rnams kyis sdig ldan bdag la dgongs shig__/deng bdag gi 'gyod tshang dang du ma bzhes na skyabs med do/__/mgon med do/__/dpung gnyen dang bral lo/__/de bas na sems can nyon mongs pa'i gzhan dbang can la dgongs te tshangs par stsal du gsol/__hoHzhi khro rab 'byams dgongs su gsol sogs na rag skong bshags/__bshags bya bshags byed gnyis med grol:__zhes pa'i bar dang rdor sems sgom bzlas mjug gi.oM/__bla ma dpal ldan rdo rje sems:__bdag la re sa khyed las med:__thugs rje'i spyan gyis gzigs mdzod la:__nyams chag sdig ltung sbyong mdzad gsol:__bdag cag nyon mongs gzhan dbang dang :__mi shes bag med ma gus pas:__rang bzhin kha na ma tho dang :__bcas pa'i bslab las 'gal ba kun:__dag cing tshangs par stsal du gsol:__khyad par rdo rje'i theg pa yi:__rtsa ba sku gsung thugs mchog dang :__yan lag dam tshig nyi shu lnga:__med phyal gcig pu lhun grub sogs:__rang bzhin lta ba'i dam tshig las:__nyams 'gal ral bar gyur pa kun:__snying nas 'gyod pas mthol bshags na:__sgrib med tshangs pa'i dngos grub stsol:__nyid dang dbyer med byin rlobs shig:__snying nas gdung bas gsol btab pas:__bla ma rdo rje sems dpa' yis:__sdig ltung dag pa'i gnang ba stsal:__dgyes pas 'od zhu rang la thim:__rang yang kun gzhi ma bcos pa'i:__ngang la yid ni 'dzin pa bral:__rnam dag spros bral chos kyi sku:__chos kyi sku la gnyis su med:__ye srung thig le nyag gcig ngang :__spang blang las 'das phyal ba che:__rang byung rang shar lhun gyis grub:__nyams chag rtog sgrib dbyings su grol:__ma bcos rdzogs pa chen po'o:__a a aHna raka skong bshags kyi/__hU~M:__chos kyi dbyings nyid sogs klong bshags tshang bar sbyar/__rdzogs sangs rgyas dang byang chub sems dpa' dang /__/'phags gnyis so so'i skye bo ma lus pa'i/__/dus gsum dge ba bgyis dang bgyid stsal dang /__/bgyid par gyur pa kun la rjes yi rang /__/glo bur nyon mongs dang ldan sems can rnams/__/khams de'i rang bzhin dag pa mthong bya'i phyir/__/phyi nang gsang ba bla na med pa yi/__/chos kyi 'khor lo rmad byung bskor du gsol/__/sangs rgyas 'jig rten nyi ma gang du byon/__/'gro ba'i gnyen gyur sras dang bcas pa kun/__/srid pa'i mun nag 'thib po bsal slad du/__/'gro ba ji srid sgron me mdzad par gsol/__/yon tan dger 'os rgyal ba'i byang chub mchog__/skye rgu kun gyis thob par bya ba'i phyir/__/bsod nams phung po yongs su bsngo bgyis pas/__/'gro kun thar pa'i grong du phyin par shog__/zhes grub na yan lag bdun pa rgyas pa dang /__bla sgrub dkyus kyi yan lag bdun pa grang bsags pa spel te bya/__de nas gsol 'debs dngos la rje bla ma rdo rje 'chang gi zhal gsung ma skyes 'phreng gsol 'debs rgyas bsdus gnyis dang /__gsol 'debs lha yi rnga chen rnams kyang sbyar/__gzhung gi gsol 'debs nyid grang bsags pa dang bcas te mos gus rtsal du bton pas gsol ba rtse gcig tu gdab/__gzhan yang sdom gsum brgyud pa'i gsol 'debs dang sgrub brgyud shing rta brgyad kyi gsol 'debs sogs dgos pa dang 'brel na sbyar du rung la/__mthar mtshan sngags kyang bzla/__de dag gi skabs su nyams len gyi snying po mos gus yin pas khrid gzhung las 'byung ba ltar gnad du brdeg pa cis kyang gal che/__thun mthar na raka bskang bshags kyi sman raka gtor ma mar me'i skong ba dang smon lam/__tshogs kyi mchod pa bcas rgyas par bya/__bla ma'i rnal 'byor cho ga grang bsags sogs kyi skabs 'di nas gzhung gi dbang len bsdus pa sbyar/__slar yang skyabs sems nas brtsams dkyus la 'jug__/grang rdzogs pa dang dbang len rgyas par byas pas grub pa'o/__/dbang len dkyus ltar ram/__cung zad rgyas par mos na/__sku bzhi'i dbang phyug rgyal ba rdo rje 'chang /__/bdag sogs 'gro la thugs rje'i nyer dgongs nas/__/bum gsang shes rab ye shes de kho na'i/__/ye shes mchog gis bdag rgyud gtams par mdzod/__/zhes gsol ba btab pas/__bla ma'i dpral ba'i oM dkar po las 'od zer 'phros/__rang gi spyi bor thim pas bum pa'i dbang thob/__rags pa lus kyi sgrib pa dag__/lam bskyed rim dbyibs kyi rnal 'byor bsgom pa la dbang /__'bras bu sku rdo rje thob pa'i skal ba can du byas/__mgrin pa'i AH__dmar po las 'od zer 'phros/__rang gi mgrin par thim pas gsang dbang thob/__ngag rags pa'i sgrib pa sbyangs/__lam rtsa rlung gtum mo bsgom pa la dbang /__'bras bu gsung rdo rje longs sku thob pa'i skal ba can du byas/__thugs ka'i hU~M mthing ga las 'od zer 'phros/__rang gi snying gar thim pas sher dbang thob/__yid rags pa'i sgrib pa dag__/lam thig le'i rnal 'byor bsgom pa la dbang /__'bras bu thugs rdo rje chos sku thob pa'i skal ba can du byas/__slar yang 'bru gsum las 'od zer dkar dmar mthing gsum gcig char du 'phros/__rang gi gnas gsum du cig char du thim pas dbang bzhi pa thob/__kun gzhi'i sgrib pa phra ba dang bcas pa dag__/lam rdzogs pa chen po khregs chod thod rgal sgoms pa la dbang /__'bras bu ye shes rdo rje ngo bo nyid kyi sku thob pa'i skal ba can du byas par mos la dbang don gyi ye shes bskyangs/__bla ma he ru ka dpal nyid:__dgyes pa chen po'i rang la thim:__rang yang kun gzhi ma bcos pa'i:__ngang la yid ni 'dzin pa bral:__rnam dag spros bral chos kyi sku:__zhes pa'i don la mnyam par bzhag__/snang ba'i dngos kun mkha' khyab ye shes sku/__/sgra grags gzhom med rdo rje'i dbyangs su rdzogs/__/dran rtog rang grol bde stong nam mkha'i dkyil/__/rdo rje gsum gyi ngo bor e ma ho/__/zhes snang srid bla ma'i dkyil 'khor du dag pa chen po'i lam khyer bya/__gzhung gi bsngo smon shis brjod dang /__legs pa'i yon tan thams cad 'byung ba'i gnas/__/dus gsum rgyal ba sras bcas bskyed pa'i yab/__/sangs rgyas kun las lhag pa'i bka' drin can/__/dpal ldan bla ma'i zhabs la phyag 'tshal lo/__/rigs brgya'i khyab bdag drug pa rdo rje 'chang /__/snyigs dus slob dpon gzugs su rnam par rol/__/mkhyen brtse nus pa'i mnga' bdag chos kyi rje/__/thar pa'i lam 'dren de la gus pas 'dud/__/ma rig mun sel nyin mor byed pa ste/__/nyon mongs gdung sel zla ba'i dkyil 'khor mchog__/dgos 'dod kun 'byung nor bu rin po che/__/bde chen srog ster bdud rtsi'i rgya mtsho nyid/__/phyogs bcu'i rnam 'dren slob mar bcas pas kyang /__/khyod la mchod cing bsnyen bkur byas nas bsngags/__/khyod kyis bzung rnams gtan bde'i dpal la sbyor/__/ngan 'brel tsam yang 'khor ba mtha' can mdzad/__/khyod la ma brten thar pa yongs med pas/__/dus dang phyogs dang rnam pa thams cad nas/__/mos gus bsam mi khyab pa skye ba dang /__/mnyes pa tshul bzhin 'grub par byin gyis rlobs/__/dbang bskur mchog thob rdo rje slob dpon la/__/'jig rten 'dren pas dus gsum phyag mdzad na/__/mgon med byis pas smos kyang ci zhig 'tshal/__/sgo gsum gus pas rtag tu 'dud gyur cig__/mchog la mnyes pa du mas bsnyen bkur zhing /__/bla ma khyim pa'am ni gsar bu'ang rung /__/dus skabs phyed pas dngos brgyud sri zhu yis/__/nam yang mi mnyes skad cig mi sgrub shog__/dam tshig rtsa ba slob dpon slob ma yi/__/'brel pa brtag la rnam dpyod blo thob cing /__/brtse med 'dod khro khengs pa'i dbang gyur sogs/__/mi dge'i bshes dang skye kun mi 'phrad shog__/brtan dul blo gros la sogs thun mong drug__/sngags rgyud sbyor ba shes sogs khyad par gyi/__/mtshan nyid dgu tshang dpal ldan bla ma nyid/__/rnyed nas 'bral ba med par bsten par shog__/slob dpon brnyas na sangs rgyas kun la brnyas/__/mthong chos sdug bsngal phyi ma dmyal mes sreg__/gus mchod 'di gtan bde ba'i dpal la sbyor/__/de bas bsten tshul phyin ci ma log shog__/tshe 'dir byang chub stsol mdzad bla ma rjer/__/lus srog longs spyod kun gyis bsti stang sgrub/__/dam tshig legs srung bla mas bzhed pa'i dngos/__/cung zad gang mchis zhen med 'bul nus shog__/bla ma mchod pas rgyal kun mchod cing mnyes/__/bsod nams tshogs rdzogs dngos grub mchog thob phyir/__/lha dang bla ma dbyer med rdo rje 'chang /__/gcig tu nges pas skyabs gzhan mi 'tshol shog__/sku yi grib ma 'gom yang sangs rgyas kyi/__/mchod rten bshigs 'dra'i sdig pa thob pas na/__/bzhon pa nyer spyad la sogs nam du yang /__/mi spyad mi 'gong gtsang sbra lhur len shog__/dngos grub 'byung gnas bla mas bgo ba yi/__/bka' las mi 'da' gang gsung 'bad pas sgrub/__/mi nus nges pa tshig gi zhu gsol gyis/__/gnang ba'i skabs phyed zur tsam mi gcog shog__/bla ma'i rdzas ni srog bzhin bsrung ba dang /__/bla ma'i thugs zin bla ma nyid bzhin bkur/__/bla ma'i 'khor yang rang gi gnyen du lta/__/nyon mongs dbang gis sdig pa mi gsog shog__/spyan sngar mi 'os pa dang ma gus pa'i/__/bya ba ngan pa gzhar yang mi byed cing /__/'os shing gus bcas bka' bzhin rjes sgrub pa'i/__/spyod lam nga rgyal med pas bkur bar shog__/bla ma bzhugs pa'i yul du ma gnang bzhin/__/slob dpon las dang bla ma'i spyan snga ru/__/rang la gus mchod dang du len spang nas/__/gus pas bla ma nyid la mchod nus shog__/bdag nyid dran brtson drag pos mi nyams shing /__/mched lcam bla ma'i bya ba tshul bzhin du/__/sgrub las 'das tshe dga' zhing snyan pa yis/__/bzlog nas brtul zhugs mchog la 'god par shog__/nad kyis gzir sogs rang dbang ma gyur pas/__/gnang ba ma thob bkag pa spyad dgos kyang /__/gus bcas dge ba'i yid dang ma bral bas/__/rnam smin rtsub mo'i rgyu ru mi 'gyur shog__/mdor na dngos grub slob dpon rjes 'brang phyir/__/bla ma dgyes byed gang yin rtag tu sgrub/__/mi mnyes byed kun dug ltar spang nas su/__/thugs yid gcig 'dres myur du 'tshang rgya shog__/mtha' yas 'gro rnams dpal ldan bla ma yis/__/rjes bzung kun gyis mnyes pa tshul bzhin sgrub/__/dka' ba med par rdo rje 'dzin pa yi/__/go 'phang mchog thob don gnyis lhun grub shog__/ces sogs smon lam rnam par dag pas rgyas gdab par bya'o/__/yang skabs 'ga' zhig tu bla mchod nyid grang bsags pa'am/__'jug pa bde ba 'bring po'i tshul du byed na rten dang mchod pa sogs gzhung ltar nas/__mchod pa byin rlabs sbyar/__tshogs rten bskyed pa snying thig gsal sgron rdo rje'i tshig rkang dngos nyid nas/__yan lag bdun pa'i phyag kyang cung zad bsdu chog pa mchan gsal ltar dang /__mchod phreng bshags pa sogs gzhan dkyus ltar dang /__dbang len sku bzhi'i dbang phyug sogs bsngo smon bcas byas na'ang rgyas bsdus mtshams par 'gyur bas shes par bya'o/__/spyir bla sgrub rtsa ba nyid nyams su blang na rdo rje'i tshig rkang ma nyams pa byin rlabs che zhing don 'dus par yod bzhin rang bzo'i bsre slad mang po ma dgos kyang /__bla mchod la sogs pa'i skabs cung zad rgyas na legs pa'i yan lag tu bsam nas bkod pa la lha dang bla ma DA ki'i tshogs kyis rang gzhan gyi rgyud la nyes pa'i rgyur mi 'gyur zhing ye shes gzigs pa'i byin rlabs khyad par can thob par mdzad du gsol/__'dis kyang ye shes zab mo nam mkha' ltar/__/rgyud la 'char bas phan bde'i nyin byed gsal/__/kun 'byung mun pa'i go skabs 'phrog pa'i mod/__/dge legs 'dab stong grol bas mdzes gyur cig__/ces pa'ang e wa~M khang gsar zhabs drung mchog sprul 'jam dbyangs chos kyi grags pa bkra shis rgyal mtshan dpal bzang po dang /__dad dam rnam par dkar ba 'jam dbyangs seng ge zung nas ched du bskul ba ltar rje btsun bla ma mchog gis thun mong ma yin pa'i bka' drin chen po'i rtag par skyongs shing dad slob kun gyi gral mthar 'khod pa bkra shis dpal 'byor rang byung 'od gsal thugs mchog rdo rjes sbas gnas chen mo 'bras ljong sprul pa'i zhing gi lte ba brag dkar bkra shis lding zhes rang byung grub pa chen po du mas byin gyi brlabs pa'i sman ljongs su chos rje 'jam pa'i dbyangs kyi dus chen nyin grub par sbyar ba 'dis kyang 'gro kun dpal ldan bla ma'i zab gsang ye shes kyi 'khor lor mngon par byang chub pa'i rgyur gyur cig__/mang+ga laM//___//
@#/__/bla ma'i rnal 'byor snying thig gsal sgron gyi tshe sgrub ye shes srog tig bzhugs/__/
na mo gu ru dz+nyA na badz+ra kA yA ya/__khyab bdag 'jam mgon bla ma'i ye shes dgongs pa'i gsang mdzod las byon pa'i bla sgrub snying thig gsal sgron la tshe sgrub sbyor bar 'dod na/__rtsa dbang dang 'brel na bum pa'i mdun du tshe 'brang sogs bkod/__tshe sgrub rnal 'byor gyi skabs rdul mtshon gyi pad+ma 'dab brgyad dam/__'bru dkar gyi tshom bu'i steng tshe 'brang /__g.yas g.yon du tshe ril/__tshe chang /__nyer spyod mchod pas bskor/__dgos pa dang 'brel na tshogs gtor sogs kyang 'du byas la/__mtshan sngags bzlas pa gzhung ltar grub pa'i rjes/__'chi med ye shes sku can bla ma rje'i/__/thugs ka dpal gyi be'ur pad zla'i steng /__/ngo bo 'ja' lus sku can bi ma la/__/rnam pa tshe sbyin yid bzhin 'khor lo'i tshul/__/rab dkar zla ba zhun ma'i mtshan dpe can/__/phyag g.yas mchog sbyin g.yon pas ut+pa la/__/rdo rje'i skyil krung longs spyod rdzogs pa'i chas/__/ye shes spyan bdun rnam bkra sems ma'i tshul/__/longs spyod 'khor lor ngo bo pad+ma 'byung /__/rnam pa tshe dang ye shes dpag tu med/__/dkar gsal rdo rje'i skyil krung mnyam bzhag steng /__/'chi med tshe bum bdud rtsi'i gtams pa bsnams/__/bde chen 'khor lor ngo bo shrI seng ha/__/rnam par rgyal ma gtsug tor las 'khrungs lha/__/dkar gsal tshe bum lcags kyu mchog sbyin rgya/__/dri med chu shel dwangs ma'i kha dog can/__/kun kyang zhi 'dzum sgeg mdzes rgyan gyis spud/__/dpag yas 'od kyi gzi byin 'bar bas bzhugs/__/gzhan yang 'khor dang sku yi ba spu tshun/__/rab 'byams rtsa gsum tshe lha'i dkyil 'khor ba/__/gang 'dul sgyu 'phrul rol pa bsam mi khyab/__/snang stong zung 'jug bkod pas bskor ba gsal/__hrIHhrIHhrIHkhyab brdal ka dag 'chi med 'od mtha' yas/__/rang bzhin lhun grub rgyal yum 'phags ma'i tshul/__/gnyis med las kyi sems dpa' rnam rgyal ma/__/rigs kun khyab bdag bla ma'i gsang gsum lhar/__/mi phyed gdung shugs dad pas gsol 'debs na/__/nad gdon 'gal rkyen dus min 'chi ba zhi/__/tshe dang ye shes bsod nams dpal kun rgyas/__/snang srid dwangs ma'i rlung sems dbang 'dus nas/__/bdud bgegs bar chad 'gal rkyen tshar gcod mdzod/__/khyad par mi shigs rdo rje'i sku gsung thugs/__/skye 'chi gzhom gzhig bral ba'i bcud kyi dbang /__/mngon sum thob nas sdug bsngal srid pa'i nad/__/kun zhi 'chi med rdo rje'i srog 'grub mdzod/__/gsol btab gdung bas thugs dam rjes bskul mthus/__/bla ma lus dkyil bcas pa'i sku'i 'od zer/__/lnga ldan zer thag lha mo mgyogs ma'i sprin/__/mkha' khyab zhing kun brdal bas phyi snod khams/__/nang bcud tshe dpal bsod nams dwangs ma'i bcud/__/don dam mi shigs ye shes tshe'i bcud kun/__/lnga ldan bdud rtsi'i zil mngar zer thig 'khyug__/shis pa'i re khA bkra ba'i rnam par bsdus/__/bla ma'i skur thim lhag par gzi brjid 'bar/__/gnas gsum lha yis bum pas dbang bskur zhing /__/tshe yi bdud rtsi'i bla ma'i sku'i cha kun/__/rab gang byin rlabs zeg ma char du bab/__/rang gi spyi bo nas thim lus kun gang /__/sdig sgrib las nyon nad gdon 'gal rkyen bkrus/__/'chi med tshe dang zad med bsod nams dpal/__/nyams rtogs ye shes snang ba sad par byas/__/rags pa'i phung khams rdo rje'i skur smin nas/__/rdo rje tshe yi dngos grub thob par bsam/__/oM gu ru shrI pad+ma he ru ka hrIHb+h+rU~M tA~M badz+ra dz+nyA na A yu She swA hA/__zhes ji tsam nus pa bzla/__thun mthar tshe 'gugs ni/__hrIHdbyings kyi tshe ni rdo rje'i srog__/mi 'gyur mi shigs 'od du gsal/__/dwangs ma gzi brjid bkrag 'tsher ba/__/'khor 'das kun khyab chen po'i klong /__/'pho 'gyur med pa dgyes dgu'i lha/__/tshe dbang rig 'dzin bi ma la/__/shrI seng ha thod phreng rtsal/__/gnyis med ye shes rol pa'i gar/__/rje btsun bla ma dengs 'dir dgongs/__/rdo rje'i sku ni skye 'chi bral/__/rnam par rgyal ma tshe yi lha/__/sprul pa'i sems dpa' mkha' khyab spros/__/phyi snod 'byung lnga nang phung khams/__/don dam mtshan dpe ye shes sku'i/__/srog bcud dkar gsal bdud rtsi'i sprin/__/bdag gi lus la sib sib thim/__/rdo rje'i lang tsho'i dpal grub nas/__/skye 'chi'i g.yul las rgyal bar mdzod/__/'gags med gsung gi rdo rje'i lha/__/gar gyi dbang phyug rigs kun bdag__/tshe yi 'gyogs mas brtan g.yo'i sgra/__/rlung sngags nus pa'i bcud kun bsdus/__/dwangs ma'i bdud rtsir zhu ba yang /__/mgrin par ngag dang gnyis med thim/__/gzung 'dzin 'khrul pa'i las rlung dag__/a wa d+hU tir zhugs gnas thim/__/gzhom med rdo rje nA da'i rgyud/__/'pho bral rdo rje'i gsung thob mdzod/__/'khrul bral tshe dang ye shes ster/__/myur ma dpal mo rigs kyi gtsos/__/dwangs ma sdud pa'i pho nya spros/__/nam yang mi shigs mi 'gyur srog__/rdo rje nam mkha' lta bu'i tshe/__/zab zhi chos nyid klong nas bsdus/__/gnyis su med par rgyas thob la/__/'khrul pa'i rgyu 'bras ka dag dbyings/__/don dam nges pa'i gsang ba ru/__/'du 'bral med pas dbang bsgyur te/__/ye shes dgongs klong rtsal rdzogs mdzod/__/badz+ra dz+nyA na AH__yu She dzaHdzaHaHchos nyid khyab brdal nam mkha'i khams/__/gzod nas 'pho 'gyur bgres rgud dang /__/yongs bral ye shes snying po'i srog__/mngon sum klong du rgyas btab po/__/d+harma d+hA tu a a a:__zhes sbyar nas/__tshogs mchod dgos na phul/__dbang len nas brtsams las rim pa thar dbyung ba'o/__/'di la brten nas tshe yi dbang bskur dgos na sgrub rdzas la dmigs pa'i spro bsdu bcas gong ltar bya/__bla sgrub dkyus kyi dbang bskur dang 'brel na dam tshig khas blang bar btang nas 'di mtha' brtan du sbyar na legs la/__tshe dbang kho na'i skabs/__de la 'dir gnas skabs dang mthar thug gi don chen po mtha' dag sgrub pa'i gzhi gcig pu ni ring du 'tsho ba'i tshe yin la/__de nyid nyams na gso ba dang /__gnas pa gong 'phel du bya ba'i thabs kun las khyad par du 'phags pa ni rdo rje theg pa'i lam lha sngags ting nge 'dzin gyi rnal 'byor nyid ches zab cing tshad mas grub pa yin la/__las dang dngos grub thams cad bla ma la ma bsten par sus kyang sgrub mi nus pas na skabs 'dir bla ma'i rnal 'byor snying thig gsal sgron la bsten nas tshe dang ye shes kyi dngos grub sgrub pa'i thabs dang rjes su 'brel ba'i dbang bskur bgyi ba la sogs kyis mtshams sbyar nas maN+Dal nas brtsams/__skyabs sems/__byin 'bebs bar rtsa dbang ltar grub pa'i rjes/__da dngos gzhi tshe yi dbang bskur ba la/__thog mar tshe 'gugs shing bcud bsdu pa'i phyir rtsa gsum rgya mtsho'i khyab bdag dpal mgon bla ma'i gsang gsum 'chi med tshe yi lha mchog gsum gyi dkyil 'khor gdod nas lhun grub du rdzogs pa'i 'khor lo las 'od zer lcags kyu'i dbyibs can dang pho nya mgyogs ma'i tshogs nyi zer gyi rdul lta bu 'khor 'das brtan g.yo'i khams khyab par spros pas/__khyed rang rnams kyi bla tshe 'khyams pa yar ba stor cing chad nyams su gyur pa rnams dang /__'byung ba sa chu me rlung gi dwangs bcud/__stong gsum srid pa gsum na gnas pa'i skye 'gro rnams kyi tshe bsod dpal 'byor/__rtsa gsum rgyal ba rgya mtsho'i thugs rje byin rlabs nus pa'i bcud thams cad bdud rtsi 'od zer kha dog sna tshogs pa'i rnam par bsdus ste khyod rnams kyi ba spu nas sib kyis zhugs/__snying dbus mi shigs pa'i thig le'i gsos byas/__sgo gsum 'chi med ye shes rdo rje'i sku gsung thugs dang dbyer med du gyur pas bla tshe dbang thang nyams pa sor chud/__'chi ba med pa tshe'i dngos grub thob/__mdun gyi tshe rdzas rnams la thim pas rdo rje'i bcud len 'khor 'das brtan g.yo'i nyid khu ru gyur par sgoms shig__/mda' dar g.yab la/__hrIHdbyings kyi tshe ni sogs tshe 'gugs sngags bcas brjod/__tshe 'brang gtsug tor rnam par rgyal ma tshe yi rig 'dzin brgyud pas byin thibs se bskor ba spyi bor byon sku las 'chi med bdud rtsi'i rgyun byung /__lus kyi nang thams cad gang bas mi 'gyur rdo rje'i sku yi tshe dbang thob par mos shig__/tshe 'brang spyi bor bzhag la/__oM/__ye shes 'od lnga 'khyil ba'i bum pa ru/__/rnam par rgyal ma tshe yi dkyil 'khor lhas/__ye shes bdud rtsi'i dbang bskur byin rlabs pas/__/'pho med rdo rje'i sku ru smin par shog__/kA ya a d+hiSh+Tha na a b+hi Shiny+tsa oM/__sku mi zad pa rgyan gyi 'khor lo'i ye shes kyi tshe yi phyag rgya gtsug tor rnam par rgyal ma'i gsang ba dang gnyis su med par thob par gyur cig__/spros na shis brjod bya/__brtan g.yo'i bcud kyi snying po bdud rtsi byang chub sems kyi zil mngar gsung rdo rje tshe mtha' yas pa'i byin rlabs dngos grub kyi rgyun myang bas 'gags med pad+ma gsung gi tshe dbang thob par mos shig__/tshe chang sbyin ste/__AH__bde stong zag pa med pa'i byang chub sems/__/'chi med ye shes bdud rtsi'i bcud du 'khyil/__/gnyis med mnyam par rol pa'i rdzas su ster/__/'gags med rdo rje'i gsung du rdzogs par shog__/wAka a d+hiSh+ThA na a b+hi Shany+tsa AH__gsung mi zad rgyan gyi 'khor lo'i ye shes bdud rtsi'i tshe yi khyab bdag mgon po tshe dpag tu med pa'i gsang ba dang gnyis su med par thob par gyur cig__/srid zhi'i snying po 'pho med gnyug ma'i bdag nyid du byin gyis brlabs pa'i tshe yi ril bu ye shes sems dpa' yid bzhin 'khor lo'i rnam pa ru byon nas snying dbus su bzhugs pas 'khrul med rdo rje'i tshe dang ye shes kyi bdag nyid rje btsun yid bzhin 'khor lo'i thugs kyi tshe dbang thob par mos shig__/tshe ril sbyin la/__hU~M/__'od gsal snying po ye shes don gyi lha/__/yid bzhin 'khor lo'i bde stong dwangs ma'i bcud/__/thig le gcig zlum tshe yi ril bu sbyin/__/'khrul med rdo rje'i thugs dgongs sad gyur cig__/tsit+ta a d+hiSh+Tha na a b+hi Shiny+tsa hU~M/__thugs mi zad pa rgyan gyi 'khor lo 'chi med tshe dang ye shes mchog sbyin rgyal yum yid bzhin 'khor lo'i ye shes kyi gsang ba dang gnyis med du byin gyis rlabs par gyur cig__/de ltar khyed rnams kyi lus ngag yid gsum la 'chi med dkyil 'khor gyi lha tshogs rnams kyi sku gsung thugs kyi byin gyis brlabs shing dbang bskur bas rdo rje'i gsang ba gsum dang dbyer med par gyur nas 'chi med tshe yi dngos grub thob/__/skye 'chi 'khrul pa'i rtog pa dbyings su dag__/tshe dang ye shes kyi dpal 'dod dgur longs spyod pa'i dga' ston nam yang nyams pa med pa'i phyir tshe mda' rin chen 'bar ba spyi bor rgya gram du bzhag pas rgyas btab par mos shig__/aHchos nyid khyab brdal sogs brjod/__tshe mda' spyi bor rgya gram du bkod/__rten snying gi thog drangs pa'i shis brjod rgyas par bya/__spro na mtha' rten bkra shis rdzas rtags rin chen bdun gyi mnga' dbul bya/__dam tshig khas blang /__gtang rag bcas phul te dge ba bsngo/__slob dpon nas rjes kyi las rim mthar dbyung bas grub pa'o/__/bla ma yid bzhin nor bu dngos grub dang /__/phrin las 'byung gnas nges phyir tshul 'di yang /__/dam pa'i bka' yis bskul bas dad mos kyis/__/yid la ji ltar shar bzhin ma bcos bris/__/gzu lum spyi brtol dbang zob ma yin zhing /__/dad dang mos gus nyer len las byung phyir/__/skal bzang dngos grub dga' ston nyid gyur cing /__/rang la nongs pa'i dri ma mi 'byung shog__/ces pa'ang gter chen rdo rje gling pa'i gdung rigs du 'khrungs shing /__'jam dbyangs bla ma'i dngos slob bka' rnying zung 'jug gi rdo rje slob dpon mkhyen rtogs rmad byung 'jam dbyangs ye shes seng ge'i lha rdzas kyi rten bcas gsung bskul nan du gnang ba bzhin/__rje btsun bla ma thams cad gzigs pas thun mong ma yin pa'i brtse ba chen po'i rjes su bzung zhing byin gyis brlabs pa'i sprang 'khyam rgan po 'jigs med mkhyen brtse'i 'od zer bkra shis dpal 'byor gyis lho 'brug gsang zab chos rdzong du bris pa khyab bdag bla ma'i ye shes kyi gzigs pa 'jug pa'i cha rkyen du gyur cig/___/
gsol 'debs dril sgrub bzhugs/__gu ru d+he ba DA ki ni ye/__byin rlabs bla ma'i rnal 'byor phyi nang gsang gsum dril sgrub ni/__a/__gnas yul snod bcud dag pa'i zhing /__/mdun mkhar 'ja' 'od 'khrigs pa'i klong /__/mchod sprin rgya mtshos gang ba'i dbus/__/seng khri pad nyi zla ba'i steng /__/bla ma o rgyan rdo rje 'chang /__/dkar dmar mtshan dpe'i gzi brjid 'bar/__/gsang gos 'dung ma chos gos dang /__/za 'og ber smug brjid par gsol/__/dbu la pad zhwa phyag g.yas pas/__/rdo rje 'phyar zhing g.yon mnyam bzhag__/thod zhal tshe yi bum pa bsnams/__/zhabs gnyis rol pa'i stabs kyis bzhugs/__/mchan g.yon kha T+wA~M ga bsten cing /__/snang srid zil gnon chen po yi/__/spyi bo dung khang nang dag tu/__/bla ma gu ru bde ba che/__/phyag gnyis mnyam bzhag ka pa la/__/bdud rtsi ba~M yig dkar pos mtshan/__/dbu la she'u'i snyan zhu dang /__/sku la gsang gos pod ka dang /__/chos gos gsol zhing rdor skyil bzhugs/__/mgrin par mtsho skyes rdo rje ni/__/zhi 'dzum dkar dmar mtshan dpes mdzes/__/phyag gnyis rdo rje thod chang bsnams/__/gcer bu dar dang rin po che'i/__/rgyan dang ut+pal phreng ba dang /__/gsang yum man+d+ha ra ba ni/__/gri thod 'dzin dang mnyam par sbyor/__/thugs kar pad+ma nyi ma'i steng /__/rgyal bsen bsnol ba'i gdan steng du/__/rdo rje drag rtsal sku mdog mthing /__/khro chags gar dgu'i nyams ldan pa/__/zhal gcig phyag gnyis rdor dril 'dzin/__/gsang gos phod ka mgo rlon phreng /__/sbrul chun rus rgyan stag glang dang /__/mi lpags g.yang gzhi la sogs gsol/__/gar dgu'i nyams ldan me dpung dbus/__/yum mchog rnal 'byor dmar mo ni/__/gri thod 'dzin dang 'khril stabs su/__/zhabs gnyis g.yas bskum g.yon brkyang bzhengs/__/gnas gsum rdo rje gsum gyis mtshan/__/'od 'phros ye shes spyan drangs gyur/__/sngon bskal ma'i gdung dbyangs kyis bskul/__oM AHhU~M badz+ra gu ru pad+ma thod phreng rtsal badz+ra sa ma ya dzaHdzaHhU~M ba~M hoHdbyer med du bstims la/__na mo/__bla ma bde gshegs 'dus pa'i sku/__sogs skyabs sems yan lag bcu pa sbrel/__gsol 'debs ni/__dus gsum sangs rgyas gu ru rin po che/__sogs ci nus dang /__thugs dam rgyud bskul bzlas pa ni/__oM AHhU~M badz+ra gu ru pad+ma thod phreng rtsal d+he wa d+hA ki ni badz+ra sa ma ya dzaHsid+d+hi pha la hU~M/__zhes dang /__badz+ra gu ru ci nus bzla/__thun mthar/__spyi bo'i bde ba chen po las/__/byang sems bdud rtsi'i rgyun babs pas/__/mtsho skyes rdo rje yab yum gyi/__/sku yi dbyibs brgyud drag rtsal gyi/__/sku gang lha rnams rjes chags kyi/__/zhu bde'i byang sems bdud rtsi'i rgyun/__/dkar la dmar ba'i mdangs can babs/__/rang gi lus kyi rtsa rnams khengs/__/sgrib dag dbang dang dngos grub thob/__/bla ma dgyes pa chen po yi/__/tshangs bug nas zhugs bdag gi lus/__/gzhal yas khang gyur tsit+ta ni/__/rin chen 'od kyi gong bu'i nang /__/dgyes pa chen pos bzhugs par mos/__thugs yid bsre zhing dgongs pa skyong /__skabs su bzlas pa bya 'dod na/__drag po'i thugs kar pad nyi'i steng /__/gser gyi rdo rje rtse lnga pa'i/__/lte bar hU~M sngon gsal ba las/__/sngags kyi phreng ba sgrar bcas 'phros/__/rgyal mchod byin bsdus snod bcud rnams/__/bla ma rig 'dzin 'khor lor rdzogs/__sid+d+hi dang gong gi thod phreng rtsal gyi sngags bzla/__/thun mthar snod bcud 'od gsal bsdu/__/lhar ldang dge bsngo shis brjod bya/__/tshogs mchod bya bar spro na thugs sgrub rnam gnyis kyi phrin las 'bring po gang rung ltar bgyis pas grub bo/__/ces pa'ang pad+ma ye shes rdo rjes sa khyi lo snron zla'i tshes nyer dgu la yid ngor shar bzhin rdo rje gling du bris pa'o/__/'dis kyang 'brel tshad kyi rgyud la gu ru'i byin rlabs 'jug pa'i rgyur gyur cig__/sarba mang+ga laM//___//
@#/__/rtsa gsum 'jam dpal snying thig las:__rdo rje'i dbang gi cho ga bzhugs:__
'jam dpal ye shes sgron mer 'dud:__gdod nas bzhugs pa'i ye shes sems:__srid zhi las 'das srid zhi'i bdag:__ye shes gnyis med tshul 'chang ba:__gzhon nu'i lus can nyid du bzhugs:__ma rtogs 'khrul pa'i yid can rnams:__rgyun ring 'khor bar ya re nga :__gzung 'dzin gnyis su snang bas 'khrul:__rang ngo shes na da lta yang :__ye shes dbyings su 'du 'bral med:__'phel 'grib bri gang bral bar bzhugs:__rdo rje theg pa'i gsang ba ni:__thabs mang dka' ba med pa dang :__dbang po'i thabs kyi khyad par gyis:__gtor dang blugs pa'i cho ga yis:__gang zag smin na mngon sum mthong :__lam kun rtsa ba dbang nyid de:__dbang ni rang sems nyid la rdzogs:__kun rdzob brda' yi nus pa las:__brten pas don gyi dbang bka' thob:__mngon du gyur na rgyud dang lung :__man ngag ma lus gcig tu dril:__de phyir thog mar dbang nyid gces:__bsgrub gzhi gnyug ma'i rdo rje bzhi:__sku gsung thugs dang ye shes kyi:__dkyil 'khor nyid du lhun gyis grub:__sgrub byed dbang gi bum pa dang :__gsang ba sher ye bzhi pa ste:__phyi nang gsang ba de kho na'i:__tshul du yang dag nges par gnas:__sgrub po rdo rje slob dpon ni:__dkyil 'khor kun gyi khyab bdag che:__sku bzhi dbyer med he ru ka:__drug pa rdo rje 'chang du bzhengs:__thabs rnams tshogs pa'i rten 'byung gi:__nus pas cir yang rung bas na:__rang bzhin yon tan brgyad ldan pas:__rim pa dbang gi cho ga yis:__rdo rje'i slob ma rjes 'dzin bya:__sa ma ya:__de la dang po sa'i cho ga:__yan lag bcas pa las rung tshe:__lha dang bum pa slob ma rnams:__lhag par gnas pas nye bar bsnyen:__dngos gzhi bkra shis stegs yangs par:__rdul tshon cho gas sgrub pa yi:__dkyil 'khor tshad dang ldan par bzhengs:__sku gsung thugs kyi rten rnams dang :__bum pa b+han+d+ha bdud rtsis gtams:__me long li khri'i rdul ldan par:__rdo rje sems dpa'i man shel 'god:__mchod pa rgyan gyis mdzes par bres:__bdag mdun cho gas yang dag sgrub:__bskyed dang bzlas pas las rung bya:__snod du gyur pa'i slob ma rnams:__byung bsal bgegs kyi 'jug pa bskrad:__phyogs bcings dad pas 'khod pa la:__blo bcos lo rgyus rgyas par bshad:__maN+Dal phul la gsol ba gdab:__e ma yang dag dkyil 'khor che:__rdo rje 'chang dbang kun gyi rje:__dmigs med brtse bas nyer dgongs la:__bdag cag dkyil 'khor 'jug par mdzod:__skyabs sems bsags sbyangs sdom pa bzung :__mig dar 'ching zhing me tog gtad:__slob ma rang nyid sras su bskrun:__rgyas gdab mig 'byed mthong ba bstan:__rigs nges shes phyir me tog dor:__dbang rtags tshul du spyi bor bcings:__mdun bskyed 'od kyis ye shes bskul:__mngon sum byin dbab dmigs pa gzir:__brda dang spos rol dbyangs kyis bskul:__brtan par byed pa nang 'jug go:__slar yang gsol ba gdab pa ni:__byang chub rdo rje dkyil 'khor gtso:__ye shes gnyis med tshul 'chang ba:__gsang ba rdo rje'i yang dag dbang :__bdag la nges par stsal du gsol:__slob dpon lha yi 'od zer gyis:__mkha' khyab gdan gsum dbang gi lha:__mdun du spyan drangs mchod cing bstod:__gsol ba gdab pas nyer bskul te:__thog mar bum dbang sbyin pa ni:__hU~M:__bkra shis rin chen bum pa na:__ye shes bdud rtsi'i bcud kyis gtams:__sgyu 'phrul drwa ba'i dbang bskur gyis:__rdo rje'i sku gsung thugs su shog:__oM kA la sha a b+hi Shiny+tsa oM hU~M trA~M hrIHAH__bdud rtsi sbyin zhing 'thor 'thung bya:__spro na rigs pa'i dbang lnga bskur:__lus gang ye shes mngon du gyur:__snang stong lha yi phyag rgyar sad:__brtan phyir nus pa 'jug dbang ni:__oM:__ye shes sku ste sku yi mchog:__gzhon nu'i lus can many+dzu shrI:__dkyil 'khor kun gyi dbang phyug ni:__yab yum gnyis med dbang bskur ro:__oM a ra pa tsa na d+hIHkA ya a b+hi Shiny+tsa oM:__hU~M:__zag pa zad pa rdo rje'i rigs:__dkyil 'khor kun bdag che ba'i mchog:__rigs kyi bdag po lnga rnams kyis:__yab yum gnyis med dbang bskur ro:__oM hU~M trA~M hrIHAH__kA ya a=__hU~M:__skye med dag pa gzung 'dzin 'das:__gnyis su med kyang du mar snang :__rgyal sras sems dpa' lcam dral ste:__yab yum gnyis med dbang bskur ro:__oM b+ho d+hi sa twa kA ya a:__hU~M:__nyon mongs dag pa'i ye shes kyis:__ma lus 'gro ba sgrol ba'i lha:__rig pa'i skyes bu chen po ni:__thub pa drug gis dbang bskur ro:__ma hA mu ne a=__hU~MHtshad med dag pa 'gro ba'i mgon:__rang byung khro rgyal dkyil 'khor skyongs:__mthar byed sgo ba rnam pa bzhi:__yab yum gnyis med dbang bskur ro:__dzaHhU~M ba~M hoHkA ya=__rdo rje'i bzlas pa'i lung sbyin zhing :__sngags kyi phreng ba mgrin par bzhag:__AH__gsang sngags rgyal po drug ldan zhing :__dngos grub kun gyi gzhi 'dzin pa:__brjod pa kun gyi rgyu yi mchog:__yang dag rol pas dbang bskur roHwA ka a b+hi Shiny+tsa AH__phyag mtshan gtad la don ngo sprad:__hU~M:__ye shes sku ste rang byung ba:__'gro ba'i mar me ye shes sgron:__gnyis chos rdo rje bde ba che'i:__dkyil 'khor 'di ni rtag tu gnas:__tsit+ta a b+hi Shiny+tsa hU~M:__yon tan rgyan chas yan lag gtad:__hoHpha rol phyin bcu'i dag pa'i mtha':__zag med dkyil 'khor 'byung ba'i gzhi:__yon tan ldan pa yon tan shes:__rin chen kun bdag dbang mchog sbyin:__rat+na A lang+ka gu Na a b+hi Shiny+tsa trA~M:__phrin las sna tshogs rdo rje gtad:__hoHsangs rgyas phrin las byed pa'i mgon:__'gro la phan pa'i byed pa can:__tshar gcod rjes su 'dzin pa yi:__sgyu 'phrul 'di ni khyod la sbyin:__bi shwa karma a b+hi Shiny+tsa AH__gsang ba'i dbang la dkyil 'khor gtso:__sbyor ba'i sgra dang 'od zer gyis:__phyogs bcu'i bud+d+ha bkug cing bstim:__zhal zhugs thugs kar chags pas zhu:__mkha' gsang nas spros lhag pa'i sems:__bu yis len nam yang na sbyin:__aHbde chen rol pa'i ye shes niHdkar dmar byang chub sems kyi gzugs:__bcu drug phyed phyed thig le 'chang :__rtog bral gsang ba'i dbang bskur ro:__oM bo d+hi tsit+ta gu h+ya a b+hi Shiny+tsa ma hA su kha hoHmgrin par ro rnams 'dus pa'i rtsar:__brgyud de lus gang rtog pa bcom:__thabs kyi bde bas drangs pa yiHye shes nyid la yang dag blta:__shin tu gsang ba rdo rje'i lus:__don gyi nges pa'i dbang nyid do:__blo ldan brtul zhugs rigs can la:__mtshan ldan rigs kyi bu mo btsal:__rgyud sbyangs snod du gyur pa dag:__rdo rje'i gzungs mar gtad nas su:__hoHyang dag sangs rgyas kun gyi lamaHsna tshogs gzugs can dbyings las byung :__khyer la rol cig dpa' bo che:__bde mchog brtul zhugs grub par gyis:__rma mu dra dz+nyAn maN+Da la a b+hi Shiny+tsa A:__'du shes gsum gyi rol pa las:__byung ba'i yas bab mas brtan gyi:__rgyu 'bras dga' ba ngo sprad pas:__bcu drug phyed phyed thig le 'chang :__zhu bas dga' ba skyes pa na:__bde bas myos tshe stong par blta:__gnyis med gnyis su lhun grub pas:__nam mkha'i de nyid ngo sprod gces:__thabs kyi gsang ba bla med pa'i:__lam 'di sangs rgyas kun gyi srog:__rnam grol zhi ba'i mthar thug pa:__rang ngo 'phrod pa shin tu gnad:__bzhi pa ye shes dbang bskur ni:__mi phyed cod pan 'chang ba steHshel dang me long brda yi thabs:__bde ba'i rjes skyong gnad kyi gsang :__rdo rje'i tshig gi mtshams sbyar bas:__ye shes sems dpa'i zhal mthong 'gyur:__aHka dag me long dwangs ma'i ngogs:__lhun grub 'od gsal zer dang ldan:__kun khyab kun las 'das pa yi:__ye shes dam pas khyod smin bya:__e ma sangs rgyas gdod nas dag:__rdo rje'i rigs te dkyil 'khor gtso:__mnyam nyid dbang 'di bla med paHrang nyid de nyid ngang ltos shig:__'jam dpal dpal gyur rdzogs pa'i sku:__phyag byar 'os pa bla ma'i rab:__ngo bo nyid du lhun grub pa:__ltos shig ltos shig rigs kyi bu:__snying dbus ye shes gsang ba che'i:__shes rab rang byung sgron ma ni:__chos kun 'byung gnas dam pa ste:__sku lnga'i bdag nyid shes par gyis:__dbyings dang rig pa gnyis su med:__ngo bo bltas pas sa ler mthong :__'od gsal bla na med pa'i lam:__rang ngo 'di la yang dag rdzogs:__'di ste don gyi many+dzu shrI:__nam mkha' chen po yongs su dag:__de ko nges pa'i rdo rje sems:__khyod kyi snying la yang dag gnas:__d+harma d+hA tu dz+nyA na a b+hi Shiny+tsa a a:__ngo bo ma bcos ngang la bzhag:__phaT kyis rtog pa'i 'phro 'du bcad:__sal le hrig ge'i don ngos bzung :__snying po'i gnad kyi ngo sprod gdab:__dbang lha slob ma nyid la bstim:__dag bya dag byed ngo 'phrod pas:__dbang bskur bas kyang lam rnams rdzogs:__rdo rje gsang ba'i snod du 'gyur:__nyan 'chad bsgom dang slob ma bsdu:__chos kyi rgyal por mnga' dbang bsgyur:__rjes la gtang rag lus 'bul zhing :__dam tshig khas blangs bsngo smon bya:__phrin las rim pa mthar dbyung bas:__yang dag 'bras bu'i sar sbyor 'gyur:__ye shes lus can 'jam dpal gyi:__lha dang sngags kyi gsang ba 'di:__dus gsum rgyal ba'i thugs la gnas:__nges pa'i mthar thug 'di yin pas:__zab cing rgya che bla na med:__bsam mi khyab par snang ba las:__kun gyi mthar thug snying po'i lam:__de nyid nges pa'i don ston pa:__thugs kyi ti la ka 'di nyid:__slob dpon 'jam dpal bshes gnyen la:__ye shes sems dpa' nyid kyis stsal:__dngos grub 'bad med phyogs par byung :__khyab brdal spel bar shin tu phongs:__'on kyang tha ma'i gdul bya rnams:__yar bar dor ba blos ma bzod:__smon lam btsan pos rgyas btab pas:__bdag gi ye shes sgyu ma ni:__dus gsum cir yang snang ba las:__snyigs ma'i dus kyi skyes bu ni:__'jam dpal chos kyi bshes gnyen zhes:__zab rgyas chos kyi bka' bab bdun:__thub pa'i bstan la mchog tu sman:__de yi skal bar gtad rgyas gdab:__phyi nang rten 'byung legs tshogs na:__rig pa'i rtsal gyi cho 'phrul ni:__yi ge sprin gyi 'khor lor snang :__bcas bcos ma byed gtan la phob:__dad brtson brtul zhugs ldan la sbyin:__tshul bzhin nyams blang drod thob pas:__don gnyis rgya cher 'grub par 'gyur:__sa ma ya:__rgya rgya rgya:__a+thi gu h+yaHbrda thimaH!'jam pa'i dpal dang ldan pa yi/__/ye shes sgyu ma zhi dang khro/__/ji snyed snang ba thams cad kun/__/gdul bya'i rgyud dang mthun par shar/__/de las rab mchog gsang ba yi/__/bla med nges par thig pa ni/__/'jam dpal zhi khro'i lha rgyud bcud/__/stong srog yi ge'i rnam par shar/__/rdo rje'i sgra chen mtha' yas pa/__/'gags med phyag rgya zil gyis gnon/__'khor 'das kun la khyab pa yi/__/ya ma mon pa bdud kyi tshogs/__/ma gshin bdun brgya nyi shu rnams/__/rdo rje'i sngags 'di las shar ba'i/__/rang byung gsang ba'i yi ge che ho/__/brjod med brjod pa kun gyi gzhi/__A li kA li'i srog ldan pa/__/thabs shes zung 'jug phyag rgya che/__/don dam rdo rje'i sgra dbyangs ni/__/cir yang 'phro zhing cir yang snang /__/de la a+ye a+ye a+ye rnam thar gyi/__/sgo gsum chos kyi 'byung gnas che/__/a kro te ka 'jam pa'i dpal/__/dpa' bo chen po rang byung ba/__/ya man+ta ka gshin rje'i rgyal/__/ya ma ye yi bdag po ni/__/kA la rU pa ka pa ye/__/khro gshin gzugs kyi rgyal po gang /__/hrIHSh+T+ri a pa ye phyogs skyong /__/bdag po chen po a a ne/__/a a ne ste gshed chen rnams/__/u u ne a ne 'chi srog__/du du ne du ne bdud kyi gshed/__/a i u e o aM dbyangs/__/bcu gnyis bdag po 'jig rten rgyal/__ra rI la lI srin po'i rgyal/__/du ru ye ni klu bdud gshed/__/bya tsha ye ni mkha' 'gro dang /__/sid+ha yeHyi rig pa 'dzin/__/hrI da ye ni zhi khro'i tshogs/__/b+hi ta ye te gza' bdud dang /__/tsit+ta ye yi ru tra'i tshogs/__/ha la ye ni 'phrog par byed/__/mu ka ye ni rmu bdud dang /__/u u ne u u ne sngags kyi bdag__/byi tri ta ni 'dre rnams dang /__/a a na na btsan gyi tshogs/__/ya ma rA dza gshin rje'i rgyal/__/ya ma rak+sha srin gshin rnams/__/ya ma raka a lha yi btsan/__/ya ma rak+Sha ro langs dang /__/'byung po'i tshogs rnams thams cad dang /__/bai ta li ni za byed ma/__/kro tI shwa rI dbang mo'i tshogs/__/ma mo mkha' 'gro 'bar srin mon/__/e ka dzA Ti ral gcig ma/__/de ma kha la baM ril ni/__/lha ma srin dang sde brgyad dang /__/bgegs rgyal 'byung po ji snyed kun/__/ru lu ru lu'i sgra ldan pa'i/__/drag por khros pa ma lus rnams/__/shrI badz+ra kro d+ha ste/__/dpal chen rdo rje srin po yi/__/ya ma karma ro Sha Na/__/phrin las gshed bu mi g.yo ba/__/kro d+ha tsaN+Da rak+sha mon+ta ni/__/khro bo'i bka' las mi 'da' zhing /__/'da' na klad pa tshal par 'gem/__AH__hU~M dzaHyis srog mnan pa'i/__/spu gri chen po 'bar ba ste/__/rab tu 'joms byed gsang sngags rgyal/__/dus gsum dus med kun tu snang /__/brtan dang g.yo ba'i sgra skad kun/__/'di yi srog las mi 'da' zhing /__/dus gsum rgyal ba zhi dang khro'i/__/gsung dbyangs snying po'i rdo rje'i sgra/__/rang byung gzhom med rang shar ba/__/rdo rje'i lce yi sus bklag pa'i/__/yon tan bskal par brjod mi shes/__/las rnams thams cad 'dis 'grub bo/__/bstan pa kun gyi 'phro ba'i gzhi/__/'jam dpal zhi khro'i lha rgyud kyi/__/snying po'i snying po gsang sngags che/__/'di kho na nyid nges pa'i don/__/mthar thug don dam bde ba che/__/rang byung gsang ba chen po'i sngags/__/don gyi gsal byar byed pa 'di/__/rdo rje'i rig pa 'dzin pa yi/__/tsit+ta'i dkyil du a thaM rgya/__/dus su bab tshe snang bar 'gyur/__/i thi sa ma ya/__rgya rgya rgya/__/man+t+ra gu h+ya gar+b+ha a ti hoH:__::__
@#/__/yar 'brog stag lung gnas kyi mdo byang bzhugs/__/
rang byung gsang ba'i lha la 'dud/__/o rgyan mkhan po bdag nyid kyis/__/bod yul thams cad rdzu 'phrul gyis/__/zhabs bcags sa gzhi byin gyis brlab/__/bod la bkra shis 'byung ba yi/__/gnas chen brgya rtsa gnas phran stong /__/byin gyis brlabs shing he ru ka'i/__/gnas yul rnams dang dbyer mi phyed/__/chos nor gter kha dpag med sbas/__/sprul pa'i rig 'dzin rnams kyis bton/__/sa ma ya/__de las dbus gtsang khams gsum gyi/__/bye brag yar mo 'brog gi stod/__/mtsho chen gling dgu'i nye ba'i char/__/phyi ltar gza' mchog chen po dang /__/bar du lcang lo can gyi zhing /__/gsang ba'i bdag po dgyes pa'i gnas/__/mchod bstod dregs pa'i dkyil 'khor che/__/gsang ba he ru ka dpal dang /__/rdo rje phag mo dgyes rol pa'i/__/stag mo gling gi dpal de'u/__/rin chen sna tshogs 'byung ba'i ri/__/chos nor gter kha dpag med dang /__/ri rtser phyag rdor gsang phug dang /__/phyogs mtshams dur khrod brgyad kyis bskor/__/shar ngos sman gyi de'u dang /__/lho phyogs rin chen spungs pa dang /__/nub phyogs bde ldan pad+ma bkod/__/byang phyogs rngam pa sgra sgrogs te/__/de dag rnams su ya mtshan gyi/__/bkod pa bsam mi khyab pa snang /__/dbus kyi de'u dregs pa phug__/shin tu bsgrod dka' mun pa dang /__/rlung nag rab tu 'tshubs pa'i nang /__/phug tu rak+ta'i mtsho chen dbus/__/brag ri tsit+ta 'dra ba yi/__/gsang ba'i sgo mo rang grub nang /__/mchod bstod dregs pa'i dkyil 'khor ni/__/shin tu gsal bar tshom bur grub/__/gzhan yang sku gsung thugs kyi rten/__/rang byung dz+hi k+ShiM las grub pa'i/__/sku dang phyag mtshan pu ri sogs/__/dzam bu gling na che ba dang /__/o rgyan mkha' 'gro'i gsang mdzod nas/__/pad+ma bdag gis drangs byas te/__/thugs dam gsang ba'i phyag dpe ni/__/rnam mang bgrangs las 'das pa dang /__/gzhan yang dkor cha bsam mi khyab/__/shar na zhi khro shel phug dang /__/lho na pad+ma gsang ba'i phug__/nub na bde chen dbang phug che/__/byang du drag sngags rdo rje phug__/de dag rnams su nga nyid dang /__/DA ki mtsho rgyal man+da ra/__/bkra shis khye'u 'dren rdo rje 'tsho/__/chos rgyal bai ro ngan lam dang /__/'brog mi dpal seng dpal ye dang /__/nam snying dpal rdor gnub mchog dbyangs/__/de dag rnams kyi byin brlab las/__/sku dang sngags phreng phyag mtshan gyis/__/rang byon rnam pa mang po dang /__/bla ma mchod bstod dgongs 'dus dang /__/dmod pa drag sngags gtsor gyur pa'i/__/sgrub sde'i zab gter dpag med sbas/__/phyi ltar srung ma klu sman dang /__/gnod sbyin zu ra ra skyes che/__/lha bdud btsan dang ging rnams dang /__/gnod sbyin gang ba bzang po che/__/brtan ma chen mo rnam gnyis sogs/__/gnas gter srung ma dpag med dang /__/nang du gza' mchog khyab 'jug dang /__/dregs pa sde brgyad gza' gdong gi/__'khor tshogs bsam mi khyab pas bskor/__/gsang ba dpal mgon ma ning che/__/mgon chen sde lnga sngags srung ma/__/skyes mchog badz+ra sa d+hU dang /__/rdo rje g.yu yi sgron ma sogs/__/mi 'bral rtag tu 'du zhing 'go__/de lta'i gnas 'dir dbang po dang /__/mtshams pa'i dad mos phyag mchod dang /__/tshogs dang bsnyen sgrub 'bad gyur na/__/rang rang skal ba'i dngos grub thob/__/nad gdon rkyen zhi bar chad sel/__/mchog thun dngos grub nges thob 'gyur/__/gtsang smad gnas chen kun gyi gtso/__/bod yul bde skyid 'byung 'dod na/__/'di nyid ma nyams bsrung ba dang /__/tshogs dang sbyin sreg byin 'bebs dang /__/sgrub dang sgrub chen mdos gtor dang /__/bsad mnan bya ba la sogs pas/__/mtha' dmag gdug pa'i 'tshubs 'gyur ni/__/nges bar bzlog la the tshom med/__/sa ma yaHgnas kyi mdo byang snying po ni/__/pad+ma bdag gi thugs kyi sras/__/bi ma chos rgyal byin brlab thob/__/pad+ma ye shes rdo rje yi/__/rang byung rig pa'i klong du sbas/__/dus la bab tshe snang bar 'gyur/__/phyi ma'i dus su 'gro don spyod/__/shin tu rgyas par bstan par 'gyur/__/sa ma yaH/__ces pa'ang dbang chen sprel lo zla ba bdun pa'i tshes 13la/__stag lung rtse grwar sdod pa'i skabs rmi lam du ri la khyab 'jug chen po'i sku yi rnam par phyag rdor gyi gnas yin ba'i rmi lam gyi nying 'khrul la brten tshes 14snga char shugs 'byung bcos med du gang shar bris pa dge'o/__/d+hIHspu rgyal gangs kyi ri bo'i gnas kyi mdo byang bzhugs so/__/o rgyan mkhan po bdag gis ni/__/rgya gar yul gyi gnas rnams su/__/brtul zhugs spyod pas bgrod pa na/__/rig 'dzin dpa' bo mkha' 'gro yi/__/dbang bskur rgyud bshad byin gyis brlabs/__/bdag nyid ye nas sangs rgyas kyang /__/slar yang grub pa chen po yi/__/phyag rgya'i rig 'dzin mthar sbyor nas/__/lhun gyis grub pa'i go 'phang thob/__/bod yul gdong dmar srin po'i yul/__/pre ta pU ri'i grong khyer du/__/sngon gyi smon lam stobs btsan pas/__/sangs rgyas kyis kyang spangs pa'i yul/__/chos rgyal chen po dang 'brel bas/__/ldog tu med par phyin pa dang /__/sa gzhi btul zhing lha srin rnams/__/dam la btags shing thugs dam gyi/__/gtsug lag khang chen bzhengs pa dang /__/lo paN spyan drangs mdo sngags kyi/__/dam chos dpag med bsgyur bshad byas/__/gsang sngags nang pa thabs chen gyi/__/theg pa'i dbang rgyud man ngag rnams/__/rje 'bangs gzungs ma rnams la gdams/__/brtse bas rang rang nyams blangs nas/__/rang rig grub pa mngon du brnyes/__/sa ma yaHde tshe bdag nyid snang sems la/__/dbang bsgyur chen po brnyes pa'i mthus/__/bsam mi khyab pa'i cho 'phrul gyis/__/bod khams mtha' dbus thams cad kun/__/gsang ba gsum gyi byin gyis brlabs/__/brda' rtags phyag mtshan yi ge sogs/__/ngo mtshar chen po 'byung ba'i gnas/__/gangs brag mtsho gling thams cad kun/__/rgya gar yul dang o rgyan sogs/__/gcig las gnyis par 'phos pa yi/__/he ru ka yi bstan pa'i gnas/__/rnam pa mang po snang bar byas/__/nga nyid srin yul gshegs pa'i rjes/__/d+hA ki'i gtso mo mtsho rgyal mas/__/chos nor gter kha dpag med sbas/__/der spyod skal ldan da lta'i dus/__/rje 'bangs 'dus par smon lam gyi/__/las dbang btsan pos sbrel ba dang /__/bdag gi dgongs pa gtad pa'i mthus/__/skal ldan rig 'dzin 'byung 'gyur nas/__/gnas gter rnams la spyod pa yi/__/bstan 'gror bde skyid 'byung bar 'gyur/__/sa ma yaHde las bye brag bod chen gyi/__/dngul zla sgang gi sa yi char/__/gangs ri nyer gcig la rgyal ni/__/spur rgyal gangs kyi ri bo che/__/brjid chags rtse mtho lhun mtho zhing /__/phyogs mtshams gangs kyi rwa bas bskor/__/dbus ri seng chen 'gying ba dang /__/shar ri dpal gyi gtor ma dang /__/lho ri 'brang rgyas 'bar ba'i dbyibs/__/nub ri zla gam byang gi ri/__/zur gsum rtse rno mtshon gzengs 'dra/__/g.yu mtsho 'o mtsho sin+d+hu'i mtsho/__/khrag gi mtsho mo la sogs pa/__/mtsho chen mtsho phran brgya rtsa brgyad/__/phyogs mtshams kun tu gangs ri dang /__/rdza brag ri bo nags kyi tshal/__/phreng bas bskor zhing lho phyogs nas/__/'jug pa'i sgo chen lcags kyi 'phrang /__/nub nas gcong rong che ba'i gnas/__/gcan gzan gdug pa'i ngar sgra sgrogs/__/byang sgo shel gyi sgo mo nas/__/shel gyi pha waM shel mkhar sogs/__/ngo mtshar che ba'i bkod pa dang /__/shar sgo pha wa~M rgya rtags can/__/o rgyan bdag gi zhabs rjes ni/__/'dom gang tsam dang rje 'bangs kyi/__/rdzu 'phrul phyag rjes la sogs pa/__/du mas mtshan pa de rnams kyi/__/sgo chen gang nas gshegs kyang rung /__/shar dang lho gnyis 'jug pa bde/__/lho yi sgo nas las can gyi/__/skyes bus snang bar byas pa na/__/sbas pa'i yul mchog gsang sngags kyi/__/snod du rung ba'i yul grub ni/__/che chung ran tsam yod pa der/__/bod kyi skye 'gro sdug pa'i dus/__/chos mdzad ban bon gnas der bsgrod/__/skabs su 'jigs med ngal 'tsho thob/__/'phags pa spyan ras gzigs dbang phyug__/khro rgyal rta mgrin tshe dpag med/__/phag mo bde mchog gshin rje dang /__/rig 'dzin bla ma sgyu 'phrul gyi/__/lha tshogs dpag tu med pa dang /__/ma mgon zhing skyong sde dpon tshogs/__/lha klu gza' bdud ging chen sogs/__/ban bon gnas gter srung ba'i lha/__/'go zhing rtag chags bsam mi khyab/__/sha rul sbrang ma bzhin du 'du/__/gshin rab bon rigs brgyud pa dang /__/rnam mkhyen gshin ston stong rtsa dang /__/dran pa yab sras gsum la sogs/__/dgyes par bzhugs shing dbal sras dang /__/khro rgyal stag lha ge khod dang /__/byams ma rnam par rgyal ma sogs/__/dngos su thim pa'i gshin bstan gyi/__/mi nub mchod sdong chen po yi/__/'di nyid ji tsam rgyas pa na/__/gshen rab bon bstan de tsam rgyas/__/de bas 'di la gces par zungs/__/ban bon rig sngags 'chang ba ni/__/dpa' bo tshe dbang bde chen gling /__/dus bab rig 'dzin khyad 'phags pas/__/gnas kyi bkod pa gsal bar byas/__/de 'das drug cu mtshams shed na/__/ma nges 'gro 'dul rig 'dzin ni/__/chos kyi rgyal po'i skye mtha' zhig__/shar nas glog bzhin 'khyugs pa yi/__/dgongs pa'i rtsal las gnas de ru/__/rten 'brel cung zad 'grigs pa'i tshe/__/gnas kyi mdo byung bag tsam gsal/__/de nas phyi ma'i dus shig na/__/slar yang 'gro 'dul sprul pa yi/__/gnas gter zab mo'i sgo 'byed cing /__/gsang ba'i tha ram rgya bkrol nas/__/shin tu gsal bar yid ches 'gyur/__/brda' thim/__sa ma yaHrgya rgya rgya/__ces pa'ang shing lug zla 8tshes 16la dpa' d+ha sum mdor 'byor skabs rang slob nang chen tshes bcu'i bla ma mchod dpon mchog ldan nas bskul yang yid ngor ma 'char/__tshes 19la ka la'i gsas mkhar gyi la thogs nas gnas kyi bkod pa mthong ba dang /__re chu mdor sgar babs pa na yid ngor lam lam 'char zhing bri 'dod byung bzhin sug ris su rgyas pa/__'di yi mgor o rgyan skad dang /__zhang zhung skad kyi gnas ming zhig dran yang shes nyams spu sud ma chab chob bris mkhas bas bzhad gad kyi gnas su 'gyur bas ma bkod do//___//
dga' ba lung ngam rdo rje sman gyi lung /__/rdza dang g.ya' brag spang ljongs nags kyi tshal/__/o rgyan bdag dang bi ru sa ra ha/__/Dom+b+hi la sogs 'phags yul paN grub dang /__/bod kyi mtsho rgyal 'brog ban bdud 'joms dang /__/klu dbang srung dang mi la thang stong sogs/__/grub pa'i rig 'dzin rnams kyis sgrub pa'i gnas/__/brag phug brgyad dang thugs mgon gri gug can/__/dgyes par rol pa'i dpal gyi de'u dang /__/tshe dpag med dang rig byed sgrol ma sogs/__/sangs rgyas byang sems rnams kyi byin brlab pa'i/__/phyag zhabs rjes dang sku gsung thugs kyi rten/__/ngo mtshar bkod pa bgrangs las 'das pa dang /__/gser mtsho 'o mtsho rak+ta'i mtsho chen sogs/__/'chi med lha yi bdud rtsi'i tshe chu dang /__/ljon shing bzang po DA ki mched lnga brten/__/spangs ljongs 'bur mo me long ltar 'jam pa/__/cung zad mtho bar lha khang rten gsum bzhengs/__/des ni lha min gdug pa'i tsha ngar zhi/__/rnal 'byor rig 'dzin grub pa'i gnas bcas nas/__/tshe yi 'phrang sgrol phrin las mtha' ru phyin/__/gsang sngags bstan pa phyogs bcur rgyas par 'gyur/__/shin tu gsang ba'i zab gter rnyed pa'ang srid/__/mkha' spyod dga' ba'i lung gi mdo byang ni/__/shin tu nyung ngur khri srong skal bar gdams/__/sa ma yaHde las yang gsar gud du sbas/__/de lta'i gnas de'i nye logs su/__/sbas pa'i yul ni rin chen sdengs/__/brag ri'i bskong ba'i nang dag tu/__/thang chen sman 'bras me tog rigs/__/bzang shing sna tshogs 'dres pa'i tshal/__/mtsho rdzing zur cig dag la ni/__/sgrol ma dkar sngon dgyes par gnas/__/shin tu yid 'ong ri dwags mdzes/__/bya bye'u gsung snyan sgrog pa der/__/'chi med rdo rje'i ke'u tshang /__/ma rA ti ka gnyis pa yod/__/mkha' 'gro gsang ba'i phug pa dang /__/yi dam sgrub pa sde dgu yi/__/dpal chen dgyes pa'i phug pa sogs/__/phug dang bya skyibs nyams dga' bar/__/gnas der phyin pa tsam gyis kyang /__/rlung rig dwangs shing bde dga' 'bar/__/tshul bzhin sgrub dang tshogs mchod sogs/__/byas na 'phral gegs thams cad zhi/__/phyi ma rnga yab dpal rir skye/__/de lta bu yi gnas mchog der/__/snying nas dam chos sgrub 'dod rnams/__/phyin na mtha' dmag 'jigs las skyobs/__/tshe ring nad med bde ldan zhing /__/bkra shis phun sum tshogs bar 'gyur/__/sa ma ya/__gu h+ya//___//
gze rgyal gnas yig__/rang byung pad+ma rgyal po ras/__/dzaM gling gnas yul byin gyis brlab/__/de las kha ba can gyi ljongs/__/mdo smad sa yi lte ba ni/__/gci zla gnyis kyi g.yas bar dag tu/__/gze yi ma yo chen po ni/__/mngon rdzogs rgyal po he ru ka__/dgyes par rol pa'i pho brang che/__/phyogs mtshams rnams su lung chen dang /__/lung phran brgya dang nyi shu yod/__/mtsho chen brgya rtsa khyad par du/__/dkar dmar byang sems rgya mtsho che/__/de yi bar nas sbas pa'i lung /__/o rgyan rang byung gsang phug nang /__/rje 'bangs 'dus pa'i phug chen po/__/bdud rtsi gsar ba'i phug pa dang /__/rang byung rdo rje phag mo'i phug__/dag pa shel gyi ri bo ni/__/lhun po rtse mtho rngam brjid ldan/__/shar du yang dag lhor bdud rtsi/__/sman dil nad kun sel byed pa'i/__/khrus chab brgya rtsa lho phyogs su/__/rngam brjid gshin rje'i pho brang che/__/lho nub ma la ya yi ri/__/tsan+dan sdong pos mtshan pa dang /__/nub phyogs bde ldan bkod pa'i zhing /__/nub byang tshe dpag med mgon dang /__/tshe yi bum pa 'chi med kyi/__/bdud rtsi'i chu bo brgyad ldan 'bab/__/byang phyogs nor bu spungs pa ru/__/phyag rdor lcang lo can gnyis pa/__/gnod sbyin dgyes pa'i dga' ba'i tshal/__/byang shar hi ma la ya ru/__/spyan ras gzigs dang sgrol ma sogs/__/mngon sum bzhugs pa de lta bu'i/__/bkod pa mdor bsdus dkar chags 'di/__/las can skyes bu'i snying la gab/__/dus su bab tshe snang bar 'gyur/__/lha yi dge bsnyen mched gsum pos/__/skal ldan de la grogs su gyis/__/mdo byang rgyas pa d+hA yi brag__/chos 'byung gsang ba'i phug par sbas/__/shes rab tshe dang dpal dang ni/__/bde ba'i ming sogs 'dzoms gyur na/__/rten 'brel mngon du snang bar 'gyur/__/sa ma ya/__brda' thim/__gze yi rta lung gdong du shing lug zla 8tshes 6la gang shar bris pa'o//___//
a)/__dpa' 'og dbang chen brag gi dkar chags/__rang byang gsang ba chen po las:__ngo mtshar brda' yi ri mo bkra:__pad+mo bkod ba'i byang gi char:__dpa' bo rta mgrin dbang chen brag:__ngo mtshar zla gam dbang gi phug:__ya mtshan bkod pa cir yang 'char:__ri bo glang chen 'gying ba la:__rta mgrin zhi khro'i lha tshogs dang :__dbus ri shel phug gsang ba'i rdzong :__rig 'dzin bla ma'i lha tshogs dang :__dpa' bo mkha' 'gro 'du ba'i gnas:__de yi yang rtser dga' rab rje'i:__byin brlab phug pa zang thal ba:__g.yas logs 'chi med tshe yi phug:__tshe dpag med pa'i lha tshogs bzhugs:__g.yon du tsaN+Da li yi phug:__tshe bum tshe chu'i rgyun bzang dang :__gab pa'i mtsho ni 'o ma dang :__sin+d+hu ra dang chang gi mtsho:__dri zhim ngad pa thul ba yi:__nad gdon sel zhing sdig sgrib zhi:__gnas kyi yang snying dpa' bo'i dil:__rta mgrin phug mo che dang ni:__dpal mgon dgyes par rol pa'i phug:__sku gsung thugs kyi rten mchog dang :__ngo mtshar brda' ris zab mo'i gter:__mang pos gtams shing 'don pa yi:__skyes bu pad+ma'i ming can dang :__DA ki a yu'i ming can gyis:__'don par 'gyur srid phyi ma'i dus:__'gro 'dul dpa' bo'i mtshan can gyis:__spyod nas bod khams bde bar byed:__gnas 'dir bsnyen cing sgrub pa dang :__phyag mchod bkur sti byas pa yi:__smyo 'bogs brgyal nad zhi ba dang :__sdig sgrib zhi zhing tshe bsod rgyas:__mthar thug pad+ma 'od du skye:__sa ma yaHphyag bris las zhal bshus zhus//___//
@#/__/d+hi)/__shA ri gsang chen gnas kyi mdo byang /__rang byung pad+ma rgyal la 'dud:__o rgyan rang byung dur khrod ni:__bsil tshal gnyis pa gsang chen zhing :__bkod pa khyad 'phags lhun gyis grub:__tsit+ta gsang ba'i sa 'dzin spo:__ri rgyal lhun po brjid chags pa:__lta na sdug pa'i byang gi phyogs:__phyogs mtshams gnas yul bkod pa dang :__ngo mtshar khyad 'phags lhun chags pa:__g.yu lung rdo rje'i brag gi ra:__pad+ma bkod dang gnyis med pa:__lhun rdzogs gsang ba'i gnas mchog der:__rang byung sbas gnas khyad du 'phags:__dbus na zangs mdog dpal gyi ri:__rtsa gsum dpa' bo mkha' 'gro bzhugs:__shar na rdo rje bkod pa dang :__lho na rin chen brtsegs pa dang :__nub na pad+ma dga' ba 'khyil:__byang na drag shul rngam chen sgrogs:__shar lho phur pa'i pho brang dang :__lho nub bam chen brtsegs pa'i ri:__nub byang dga' ba 'khyil ba'i lung :__byang shar ma mo'i sbas lung dang :__gzhan yang lung lnga rdzong gsum sogs:__ngo mtshar bsam mi khyab pa dang :__dbus ri pad+ma bdag dang ni:__rje 'bangs yongs su rdzogs pa yi:__tshom bu tshogs kyi sgrub pa'i phug:__pho brang gzhal med khang chen gyi:__phug na rang byung brda yig bdud rtsi'i chu:__dpal chen bka' brgyad bka' 'dus dang :__rtsa gsum dgongs pa 'dus pa yi:__dkyil 'khor lha tshogs rang byon dang :__nye log phag mo gsang ba'i phug:__mkha' 'gro dgongs 'dus lha tshogs dang :__chos skyong dgongs pa 'dus pa yi:__gsang ba'i phug pa chen po yod:__rang byung thugs rje'i sgrub phug tu:__thugs rje chen po'i dkyil 'khor dang :__rig 'dzin brgyad dang rje 'bangs kyi:__sgrub pa'i brag gi ba gam dang :__ngo mtshar chos gter sna tshogs dang :__zab mo'i gter chen nyer lnga dang :__gter phran bsam mi khyab pa sbas:__shin tu gnyen pa'i mtsho chen gsum:__gab pa'i mtsho mo mang po dang :__klu rgyal dung skyong rol pa'i gnas:__'o ma'i mtsho dang shel gyi brag:__bdud rtsi'i bum pa bzang po sogs:__nyams dga' bag phebs yid du 'ong :__sa ma ya:__de lta'i bkra shis 'byung ba'i gnas:__sbas gnas chen po 'di nyid ni:__bod yul gnas chen kun las 'phags:__rtsa gsum mkha' 'gro sprin ltar gnas:__chu bo ru lu'i sgra dang ldan:__sman dang rtsi shing nags tshal rgyas:__'dod rgu phun sum tshogs pa'i gnas:__mthong bas las kyi sgrib pa dag:__tshogs 'khor gcig gi mkha' 'gro stong :__bshos drangs mnyam pa'i bsod nams thob:__bskor bas nad gdon bgegs rnams zhi:__zab mo bsnyen dang sgrub pa yi:__mtha' dmag dus kyi 'tshub 'gyur bzlog:__bstan 'dzin skyes rnams sku tshe bsrings:__'jig rten khams kun bde bar 'gyur:__sa ma ya:__gnas kyi mdo byang snying po 'di:__chos rgyal lang gro'i thugs la bstim:__ma 'ongs cher snyigs rgud pa'i dus:__rig 'dzin gnas yul bgrod pa'i tshe:__phyogs der lhungs bas rkyen byas te:__nges gsang rig pa'i brda' yi sgor:__gsal tshe shin tu snang ba byas:__des ni rten 'brel phun sum tshogs:__skal ba bzang rnams grol bar 'gyur:__sa ma yaHces pa'ang shing lug khrum zla 7tshes 10la rtsol med du gnas de'i mdun rol bde chen thang du shar mar bris pa dge'o/__/!/__glang lo'i zla tshes la rmi nyams 'dres ma'i snang char/__ba so lta bu nar mo las grub pa'i sngags srung ma'i sku nyal thabs yod pa zhig gi lung ston pa/__shar phyogs bde chen pad+ma brtsegs pa zhes/__/brag ri dmar po gnam du bsnyegs pa'i zhol/__/bai ro'i sgrub phug zla gam 'khyil pa der/__/mtshal gyi g.yung drung brda' yi ri mo yod/__/cho 'phrul zla ba'i tshes bcu'i dus la'o/__/zhes pa tshig ris cung zad nyams yod na las don de bzhin byung snang shar/__/__!_shes nyams za za'i 'char lung /__sa khyi zla 7pa'i tshes 19snga char rdo rje gling du yod skabs rig khams dwangs par/__shar glang chen 'gying 'dra'i gangs kyi rtser/__/rje dus gsum sangs rgyas bzhugs pa'i gnas/__/gtsug lag khang mi chung tsam bzhengs na/__/spyir sangs rgyas bstan la phan pa dang /__/sgos spur rgyal bod kyi rgyal khams bde/__/zhes thol dran du byung ba'o//___//__!__sa 'dzin yongs kyi rgyal po/__/gangs can ri yi steng 'dir/__/dus gsum sangs rgyas gtsor gyur/__/bzhugs pa'i lha khang bzhengs nas/__/mchod pa'i phreng ba tshugs na/__/'dzam gling spyi dang bod khams/__/bde skyid dpal yon rgyas 'ong /__/de skad du yang brjod pa 'di/__/don dang ldan min gang yin kyang /__/skabs su brdol ba'i mgrin glu thal/__/gzhan la bshad pa dgos pas dben/__/rten 'brel ngang gis 'grigs na bzang //___//
@#/__him+tasukhaHdzImutaHdzalaMmarkaTakauripabadz+rasanas+yatiSh+Thasan+nipatatsoditaka__/biharasti/__//__
@#/__/chu sprel lo kaHthog rdo rje gdan gyi gnas 'dus la bskul ba'i gtam phan bde'i char sprin ces bya ba bzhugs so/__/
@#/__/dzinashAkyas+yasaMs+thod+hanaMs+yaragra/__/dzin+sut+p+rad+hanaMsarbadz+nyAko'uripa/__
@#/__/rgyal ba shAkya'i ring lugs 'dzin pa'i tog__/rgyal sras thu bo kun mkhyen kaHthog pa/__
@#/__/dzin+shas+t+rashasanasad+d+hakatushikhaM/__/dzin+sarbak+ShamaMsanAnakArabAr+tho/__
@#/__/rgyal bstan bshad sgrub rgyal mtshan rtse mor bkod/__/rgyal rnams shis pa'i dbyar rnga sgrogs gyur cig__/
stong nyid dbyings las bde chen rdo rje'i sgyu 'phrul gar gyi rol pa las/__/rjes chags brtse ba'i rigs kyi lang tsho mtshan dpe'i gzi 'od 'bar ba'i sku/__/gsung dbyangs brjod med brjod pa kun gyi gzhir gyur rdo rje nA da'i dbyangs/__/zab zhi 'od gsal rnam kun mchog ldan bla ma shAkyi rgyal po mchod/__/mkhyen rab ye shes rdul dmar spungs las 'jam pa'i dpal gyi nyi ma ni/__/gser bsreg mdog 'dra kun nas rab rgyas rgyal ba'i thugs kyi ze'u 'brur bzhugs/__/dbang sngon mdog mtshungs ral gri'i shugs kyis srid zhi'i drwa ba gcod mdzad pa/__/rgyal sras mthu bo bstan pa'i 'khor lo khyod 'dra mtshungs pa med pas bsngags/__/zla shel zhun ma'i lhun po mchog la snying rje'i pad+ma dkar po'i mtshan/__/mthon mthing ral pa'i cod pan che la nor bu'i tog gi gzi 'od 'phro/__/brtse ba'i spyan zung dkyus ring yangs pas nam mkha'i mtha' mnyam 'gro la gzigs/__/spyan ras gzigs zhes rtag par rab bsngags gang gi zhabs kyi chu skyes mchod/__/rgyal rnams mthu stobs bskal pa'i me chen lag na rdo rje phyin pa las/__/log 'dren bgegs kyi klad pa 'gem la mi bzlog rab 'jigs khro bo'i rgyal/__/'jigs rung gad mos srid gsum rab bsngags bdud sde phye mar 'thag mdzad cing /__/dpa' bo chen po'i zhabs mthil khrag gis bgos der bdag gi mgo bos btud/__/margad ltar ljang thugs rje 'gro la shin tu myur ba'i rje btsun ma/__/snying rje'i dbang phyug zhal gyi chab las legs 'khrungs 'phags bzhi bskyed pa'i yum/__/zhing khams rgya mtshor sgrol ma zhes pa'i mtshan gyi snyan pa'i sprin yig gis/__/'jig tshogs ma lus sel bar byed pa'i dngos grub dpa' mor gus pas mchod/__/rab 'byams phyogs bcu'i rgyal ba gang+ga'i bye klung brgya phrag rdul snyed kyi/__/gsang gsum yon tan phrin las rang gzugs mtsho skyes rdo rjes 'gro ba'i mgon/__/snang srid zil gnon sku gsum rigs 'dus ma ha gu ru rdo rje 'chang /__/b+ho tra'i rgyan gcig pad+ma 'byung gnas zhabs pad byang chub bar du 'dud/__/'jam dpal dbyangs kyis rjes bzung zhi ba mtsho/__/'jam dpal rgyal por rol pa khri srong zhabs/__/'jam pa'i thugs mnga' mkhas pa bai ro dang /__/ka cog zhang sogs bka' drin rjes su dran/__/bstan pa'i sgron me di paM kA ra dang /__/gong ma rnam lnga mar mi dwags po dang /__/'jam dbyangs bla ma blo bzang grags pa sogs/__/ris med skyes mchog rnams kyang phyag gis 'dud/__/khyad par snga 'gyur mdo sgyu sems gsum gyi/__/bshad sgrub rig 'dzin rdo rje rin po che/__/phreng ba brgyud mar byon pa thams cad la/__/mi phyed dad pas snying gi dkyil du bzhugs/__/lnga bdo'i 'gro skyob dbugs 'byin ded dpon che/__/nyang gur byang sogs gter 'byin grub tshogs kyi/__/rnam thar yid mkhar yang yang bkod pa las/__/dad gsum snang byed gzhon nu rab tu 'char/__/gangs kyi ri bo'i yul 'dir grags pa'i ba dan dkar po thogs pa mang na yang /__/phyogs las rnam par rgyal ba'i spobs pa ma snyem rgyal ba gnyis pa kaHthog pa/__/'jig rten gsum gyi khyu mchog chen po chos kyi rgyal po prany+dza seng ha yi/__/zhabs brten bkra shis 'khor lo de ring bdag gi spyi bor zhol la byin gyis rlobs/__/bstan pa'i 'khor lo'i mkhyen pa'i ye shes phyag na pad+mo'i brtse ba dang /__/gsang ba'i bdag po'i nus mthu gcig bsdus o?~X rgyana?~X bla ma'i bstana?~X pa 'dzi?~Xn/__/bshad bsgrub phrin las sa gsum kun khyab mdo sngags bka' gter rgya mtsho'i mdzod/__/chos kyi rgyal mtshan chos kyi dbang phyug bka' drin mnyam med des skyongs shig__/ces yul dam pa rnams la mchod par brjod pa dang /__shis pa'i tshig gi skabs dbye ste/__gang gleng bar bya ba ni/__gdod ma'i mgon po kun bzang rdo rje 'chang chen po des dgongs pa 'pho 'gyur bral ba'i ngang las sku gsum gyi zhing khams rab 'byams rgya mtsho'i sprin bkod de 'dul bya dang 'dul byed kyi rnam par rol pa tshad med bsgrangs las 'das pa ston pa nyid kyi mkhyen pa las sa bcu pa'i byang chub sems dpa' chen po rnams kyi'ang spyod yul las 'das pa yin na bdag 'dras brjod pa'i ngal bas ci zhig byed/__de las re zhig stong gsum mi mjed kyi 'jig rten khams zhes mchog gi sprul pa'i sku bdag cag gi ston pa rtsod ldan gyi 'gro ba 'dul ba'i thugs bskyed pad+ma dkar po ltar bsngags pa thub mchog rgyal ba shAkya seng+ge'i gdul bya'i zhing stong gsum mi mjed kyi 'jig rten khams chen po 'di nyid/__rnam par snang mdzad chen po'i thugs kyi ze'u 'brur chags pas zhing khams gzhan las khyad par du 'phags pa kun bzang thugs kyi bstan pa dar ba'i gnas su rab tu bsngags pas bye brag gling bzhi pa'i 'jig rten gyi khams lho gling dbus ma dzaM bu'i gling 'dir dbus na bskal pa bzang po'i sangs rgyas rnams mngon par byang chub pa'i gnas ma ga d+ha badz+ra pa na/__/shar phyogs ma hA tsi na'i yul na 'phags pa 'jam dpal gyi pho brang ri bo rtse lnga/__/lho phyogs na 'phags pa 'jig rten dbang phyug gi gzhugs gnas ri po tA la dang dpal ldan 'bras spungs kyi mchod rten/__/nub phyogs na o DaN+ya nar dpal he ru kI gzhal med khang rgyud sde rgya mtsho'i 'byung gnas/__byang phyogs su sprul pa'i rigs ldan chos kyi rgyal pos rdo rje theg pa'i chos 'khor bskor ba'i gnas sham b+ha la rnams yod pa las/__/rdo rje gdan gyi byang phyogs rigs gsum sprul pa'i chos rgyal gyi bzung ba'i gnas kha ba can gyi ljongs ni/__/bka' gdams gsang ba'i glegs bam du/__o rgyan d+hu ma tha la'i ye shes DA ki'i rdo rje mgur las/__shar rdo rje gdan gyi byang phyogs na/__/gnas spur rgyal bod ces bya ba yod/__/ri mthon po gnam gyi ka ba yod/__/mtsho dma' mo g.yu yi maN+Dal yod/__/gangs dkar po shel gyi mchod rten yod/__/spangs ser po gser gyi lhun po yod/__/dri zhim po sman gyi bdug spos yod/__/tshon bkra ba gser gyi me tog yod/__/dbyar bkra ba g.yu yi me tog yod/__/kye gangs ri'i mgon po spyan ras gzigs/__/gnas de na khyod kyi zhing khams yod/__/zhing de na khyod kyi gdul bya yod/__/ces rgya cher bsngags pa mdzad pa'i bod yul 'dir/__stod mnga' ri'i skor gsum rdzing lta bu/__bar dbus gtsang ru bzhi yur ba lta bu/__smad mdo khams sgang drug zhing sa lta bur grags pa rnams su yod pa de dag kyang gsar rnying gi rgyud sde chen po rnams su nang gi lus kyi khams nyi shu rtsa bzhi po phyi rol gdod nas grub pa'i gnas chen po nyer bzhi dang /__yul chen po so gnyis kyis grangs bsgrangs ba'i nang du'ang 'du ste/__hi ma la ya ste gangs can dang /__pre ta pU ri bod yul yin pa dang /__de wi ko tri dngos rgya gar lho phyogs su yod pa mkhas pa dag gis bshad kyang bka' brgyud kyi grub thob gong ma rnams kyis de wi ko tri mkha' spyod dpal gyi tsa ri tra bod kyi lho phyogs 'di dngos yin par bzhed la/__zhing de rnams su rgyud las rangs ma ni sgang par 'brel bas hi ma la ya'o/__/shin tu gzugs can mtshan ma na ste pre ta pU ri'o/__/sgom pa ma ni mig gi phyir rol te de wI ko tra'o/__/zhes gsungs pas/__yul nyer bzhi he ru ka'i gnas bcu dang sbyar na/__brtag gnyis las/__gnas dang nye ba'i gnas dang ni/__/zhing dang nye ba'i zhing nyid dang /__/tshan+d+ho nye ba'i tshan+d+ho dang /__/de bzhin 'du ba nye 'du ba/__/'thung gcod nye ba'i 'thung gcod nyid/__/dur khrod nye ba'i dur khrod nyid/__/'di rnams sa ni bcu gnyis te/__/zhes gsungs pa ltar na/__hi ma la ni nye ba'i tshan+d+ho/__pre ta pU ri ni 'du ba'i nang gses/__de wi ko tri ni rtag tu nye ba'i zhing gi sde tshan yin par gsungs shing /__de lta bu'i gnas yul chen po de dag tu dpal o rgyan chos kyi rgyal po rje 'bangs dang bcas pa rnams kyis skyes bus lag pa brkyang bskum dang mig 'byed 'dzum gcig gi yun la'ang sgyu 'phrul gyi bkod pa mtha' yas pa bod khams mtha' dbus thams cad rta mig tsam yang ma lus par zhabs kyis bcags shing grub par mchog gi nus pa'i mthu dang /__gsang gsum rdo rje'i ye shes 'bebs pa byin gyis brlab par mdzad pa'i gnas chen dang /__gnas phran mtha' yas pa de rnams su chos nor gyi zab gter mtha' yas pas gtams par mdzad pas bstan 'gro'i rgud pa bsal zhing phan bde'i dga' tshal dar la bab par mdzad/__de las bod dbus kyi rdo rje gdan lha gdan sprul pa'i gtsug lag khang chen po nas shar nas shar du dpag tshad brgya brgal ba na mdo khams sgang drug las 'bri zla zal mo'i sgang zhes grags pa'i 'bri klung dam pa chos kyi 'byor pas phyug sa'i char sde bzhi dge ba bcu yi dpal gyi mngon par 'byor pa'i ljongs chen por gser ldan chu bo chen po g.yas nas dal gyis 'babs shing /__shar phyogs traM khog gi spos chu'i klung chen rin chen sna tshogs kyi bye ma 'dren te g.yon nas dal gyis lho phyogs su 'babs te/__g.yu 'brug ma bu 'phrod pa'i khug pa mtshan thos pas kyang 'khor ba mtha' can du byed cing /__dus gsum gyi rgyal ba rnams kyis byin gyis brlabs pa'i gnas kaHthog rdo rje gdan zhes grags pa'i dung chen dkar po 'dzin ma'i 'khor yug tu khyab par sgrogs pa'i zhing khams 'di ni 'og min gyi zhing rgyan ltug po bkod pa'i byin rlabs las me long du byad kyi gzugs brnyan bzhin ljongs 'dir 'phos pa'i sa la spyod pa'i 'og min chen po 'phags yul gyi rdo rje gdan dang byin rlabs nges par mnyam par 'phags chen gyi sa la bzhugs pa'i rig 'dzin gong ma rnams gsung gcig dbyangs gcig tu bsngags pa'i me tog puN+Da ri ka yang yang 'thor bar mdzad pa dang /__dus gsum kun mkhyen pad+ma 'byung gnas kyi bden gsungs dpal gyi mgur las/__lan gcig min pa gter kha tshad thub mnga' bdag nyang gur sangs rgyas gling pa/__rdor gling sogs sprul pa'i gter chen brgyud mar byon pa dag gi gter lung du yang kaHthog ces pa sa yi dbus su bzung ba'i phyogs mtshams su gang zag khyad par can mang po 'byung tshul dang /__nus ldan nyer gcig gi ya gyal gter chen stag sham rdo rjes/__DA ki mtsho rgyal gyi rnam thar thang yig tu/__khyad par ma 'ongs lnga brgya phrag lnga dus:__'di nas shar phyogs kaHthog zhes bya la:__gu ru seng ge sgra sgrogs bstan pa'i gzhi:__pad+ma 'byung gnas rab gnas bcu gsum mdzad:__ri bo seng ge 'gying 'dra'i mgul ba ru:__yang zab gter sbas ma 'ongs rten 'brel bsgrigs:__pad 'byung yab yum 'gro don phyogs der dar:__dam pa bde gshegs mtsho rgyal nga nyid sprul:__gsang sngags a ti'i bstan pa mtha' ru gnas:__skab skabs 'jig kyang las can rim bzhin 'byung :__mtsho rgyal gdul bya tha ma de ru babs:__zhes gnas dang gang zag shin tu gsal bar bstan pa dang /__gter chen klong gsal snying po'i gter lung du/__sham po gang gi ra ba na:__theg pa chen po'i gnad gsal zhing :__zhes sogs 'byung zhing /__sprul pa'i gter chen o rgyan mchog gyur gling pas/__dpa' bo dbang chen brag nas spyan drangs pa'i khams phyogs gnas chen nyer lnga'i mdo byang chen po las/__phrin las gnas kyi gtso bo bstan pa ni:__bod kyi mdo khams 'bri klung phyogs dag tu:__kaHthog ri bo seng chen 'gying 'dra'i mgul:__rin chen 'dra ba'i brag la pad 'byung bdag:__lo gcig bzhugs pa'i sgrub gnas ke'u tshang :__nang du sgyu 'phrul lha tshogs rang byon bzhugs:__ma 'ongs 'di ru nga sprul bde gshegs mtshan:__bstan pa'i me ro smad nas slong bar byed:__pad 'byung brgyud 'dzin bstan pa'i bdag po ru:__seng chen 'dra ba'i mi rabs bcu gsum 'byung :__zhes sku gsung thugs yon tan phrin las kyis dbye ba'i/__phrin las kyi gnas chen lnga yi dbye gzhi gtso bo yin par gsungs shing /__snga 'gyur bka' gter gyi bshad sgrub thams cad rtsa ba gdan sa 'di las 'phros shing bstan pa'i 'byung gnas dam pa dang /__gsang ba snying po'i bstan pa'i gzhi ma 'gran zla dang bral ba yin pa'i phyir/__de yang 'phags yul gyi slob dpon chen po zhi ba lha dang /__grub chen ka h+na pa sogs kyi sku yi skye ba chos rje rin po che dam pa bde bar gshegs pa'i dgung grangs so brgyad par sa mo yos kyi lor gdan sa chen po btab par mdzad pa nas bzung ste da lta'i bar gdan rabs rig gsum mgon po'i sprul pa mkhas dang grub pa'i dbang phyug chen po gser ri'i phreng ba ltar zam ma chad par byon nas/__mkhas btsun bzang gsum/__'chad rtsod rtsam gsum/__bshad sgrub las gsum gyi sgo nas rgyal bstan gsal bar mdzad pa'i gnas chen 'di/__chos rgyal srong btsan sgam pos gangs dkar spun gsum dang lhan cig sa gzhi byin gyis brlab/__chos rje dam pa'i gzigs snang sa rdo ri brag thams cad tha mal pa'i snang ba med par dag pa ye shes kyi 'khor lor gzigs shing /__gnam 'khor lo rtsibs dgu/__sa pad+ma 'dab brgyad/__mdun ri sprel khyim gyi g.yon ngos spyang re gdugs/__de'i yar 'dabs rta ka rang spang dang /__su ru'i skyed 'phel gyi gser nya/__sprel khyim gyi dbu rtser dung g.yas 'khyil/__gser khang gi chu mgor pad+ma/__khra ring nags su bum pa/__'og phe'i mar 'dabs na dpal be'u shin tu gsal ba ltar mi mngon pas thugs kyi gsang ba mtshon/__'og phe'i g.yon zur brag gi dar gyi shams bu gnyis rgyal mtshan te/__bar bkra shis rtags brgyad kyi mtshan pa/__rgyab ri mtho bas bkra shis/__byang ri skyor bas dgra med/__mdun 'dud pa'i 'khor byams/__mdun ri ba dan rtse gsum dbyibs kyis snyan grags 'phel/__lho spungs bas longs spyod 'phel ba sogs gtsug lag gi gzhung nas 'byung ba'i sa yi dpyad tshangs shing gnas ri'i dbyibs dpal chen po g.yas su 'gying ba'i sku yi rnam pa zhabs phyed skyil du yod pa'i mdun me skye zhes pa'i sa yi lung pa dang ri gdong gi ri mo sgrol ma sngon mo g.yon brkyangs gis phyed skyil du bzhugs pa'i zhabs g.yas gnyis bsnol ba ste/__de yang sgrol ma phrin las kyi lha mo/__ngo bo gnam zhal dbyings phyug ma dang dbyer med pas bskyed rdzogs zung 'jug grub pa'i gnas dang phrin las thams cad 'byung ba'i gzhi yin pa dang /__mdo yi sa gru gsum bla med mngon rdzogs he ru ka'i gnas/__gsang gnas bde skyong gi 'khor lo chos 'byung gi gdan la/__'jig pa med pa'i seng ge'i khri'i steng du lte ba'i sprul 'khor rdo rje gzhon nu'i gnas su rdo rje gdan gyi sprul pa'i gtsug lag khang /__snying kha chos kyi 'khor lo'i g.yon zur ri rtsibs chos 'khor bstan pa mtha' rgyas gling zhes sngar dus bshad sgrub kyi chos grwa chen po byung /__sa 'di chos rje dam pa'i gzigs snang du sgyu 'phrul zhi ba'i lha tshogs bzhi bcu rtsa gnyis dang /__'jam dbyangs dmar ser gnyis 'chad rtsod mdzad pa gzigs pa'i gdan sa 'dir rig pa'i gnas lnga mkhyen pa'i skyes chen du ma 'byung zhes lung bstan pa bzhin bar ma chad pa byung /__ri rtsibs kyi brag gong ma rnams zhi ba'i lha tshogs/__'og ma rnams 'bar ba khrag 'thung gi lha tshogs su bzhugs/__mgrin pa longs spyod kyi g.yon zur bar khrod 'od gsal gling mkha' spyod gsang ba rdo rje brag rir bde gshegs kun 'dus kyi pho brang dang /__skal bzang sangs rgyas stong rtsa bla ma dgongs 'dus kyi lha tshogs bzhugs pa'i gnas/__spyi bor bde chen 'khor lo'i g.yon zur yang khrod bsam gtan gling zhes khrag 'thung khro bo'i lha tshogs dang /__chos rje dam par 'od dpag med kyis zhal gzigs shing /__ring pad zhes bsngags rgyab ri'i dbu rtser bdag cag gi ston mchog thub pa'i dbang po'i gzugs brnyan rdza spang gi ri mos mtshan pa/__seng ge'i khri steng lha chen gyi gtsug lag gi them pa'i nang ngos la rdo rje rgya gram gyi rang byon dang de'i g.yas phyogs gsal byed kyi thog ma yig ge kaHyi rang byon yod pas kaHthog gi mtshan thogs/__'di la dam pa bde gshegs kyi gsang sngags pho brang chen po mdzad pa'i gdan sa'i lte bar rten gsum ye shes pa dngos su thim pa'i byin rlabs kyi gzi 'od 'bar ba bgrangs yas bzhugs pa'i rten gtso thub dbang thog gdugs ma zhes bdag cag gi ston pa dgung lo brgyad pa'i sku tshad lha sa'i jo bo rin po che dang ngos mnyam pa dang /__spyan snga bsod nams 'bum pas bzhengs pa'i byams chen/__klong gsal snying pos bzhengs pa'i gu ru gsung 'byon sogs bzhugs/__gsang sngags pho brang gi g.yas phyogs 'bru gsum rang byon/__gsung mchog yig ge drug ma rang shar/__de dang nye bar dbyangs kyi dang po skye med rang byung gi yi ge chos thams cad 'byung ba'i gzhi a dkar po/__skar chung chu mgo'i brag dang /__chu mig sgrol ma dkar mo dang /__'od dpag med kyi gnas/__zur ban gdong gi chu mgo dang /__brag sgrol ma nyer gcig gi gnas/__yi ge ta~M rang byon/__de'i gong rdo dkar ma mgrin pa'i rtsa yig mtshon byed a rang byon/__chos rje rin po che rnam gsum dang /__'bum pa gsum gyi mchod sdong bzhugs pa'i sku 'bum ring mo ni/__rgya gar gyi dpal ldan 'bras spungs kyi mchod rten dang ngos mnyam zhing /__rdo rje sems dpa' gsang chen rigs gcig dang /__phyag rdor/__mi g.yo ba sogs kyi gnas dang /__der drung rin po che'i phyag rjes/__de'i gong du sgrol ma dang /__gu ru rin po che'i gnas/__thugs rje chen po'i sprul pa rta mchog b+ha la ha dang /__chos rje dam pa'i chibs dril gyi zhabs rjes/__de'i gong du dzaM ser nag rang byon/__de dang nye bar sprul pa'i bya chung /__gur drag__/bka' brgyad/__gro lod rang byon rnams bzhugs/__dam phug ri bo ta la 'di ni/__bai ro tsa na'i sgrub phug yin la/__sku 'bum du klong gsal khang gi rgyab phyogs/__bai ros mtha' 'dul du bzhengs pa'i mchod rten yod/__phug pa 'dir chos rje dam pa rin po che dang por bzhugs pa yin/__dpal gro stag tshang dang /__dam tshangs rong dang ngos mnyam/__pha waM brgyad sleb rgya gar dur khrod bsil ba tshal gyi pha waM rus sbal nag po dang mtshungs shing de yi steng dam pa'i rdzu 'phrul gyi phyag lcags rjes rgya gram bzhugs/__dam can lha khang dbu ru zhwa yi lha khang dang byin rlabs mtshungs/__'og 'phel 'od gsal sgang 'ja' lus grub pa rnams kyi thod brgal gzigs gnas dang /__sku 'bum gyi g.yon zur dung dkar gdong la grub thob ma Ni rin chen gyi zhabs rjes dang /__bskor lam chen mor rig 'dzin klong gsal snying po'i chibs 'brang nag gi rjes dang /__phyag zhabs rjes sogs bgrangs las 'das/__ke thag phur 'jam dbyangs dang tshe dpag med kyi gnas/__ral gri rang byon tshe bum gyi dbyibs dang tshe chu byin can/__ka thil rje btsun rdo rje rnal 'byor ma'i grong khyer/__rdo gnyen mgul gyi brag ri rig 'dzin gyi gral ma zhig ba mtshon byed dang /__sangs rgyas stong dang sgrol ma dkar mo'i rang byon/__'di nas bdud 'dul rdo rjes sgrol ma'i chos gter bzhes/__sangs rgyas tshag rag sgang rgya stag thur rgyug 'dra ba g.yon spyi 'jam sgang glang chen sa la rab brtan gyen du rgyug pa la chos kyi phung po bkal ba'i dbyibs/__gnas gshis phu sa gnam grub gsum rak+ta'i mtsho ma nyam pa bstan dgra bsgral ba'i gnas/__pha waM brgyad slebs kyi mar tsam na rdo gnyen rmad bu'i 'khu ldog bcings pa'i dam pa'i phyag lcags rjes dang /__rdzu 'phrul gyi 'ded skabs rdo sna phug pa/__chos dbang sras go kun grol 'bum gyi dbu skra gtor ba las 'khrungs pa'i be yi nags tshal/__khyad par du gu ru rin po che'i rdzu 'phrul gyi zhabs rjes/__gnyags chen dz+nyA na/__nam mkha'i snying po/__'brog ban khye'u chung lo tsA/__DA ki mtsho rgyal/__rma thog rin chen/__bai ro sogs kyi zhabs rjes dang sku rjes sogs mang bo yod par gsungs/__gter chen bdud 'dul rdo rjes gnas 'di'i chu 'thung tshad la ngan song med ces bsngags/__theg mchog rnam gsum gyi sku gdung rgyab kyi shug sdong /__bde mchog dngos su bdud 'dul gyis gzigs/__gzhan yang gzigs snang mtha' yas byung tshul bdul 'dul zhal lung klong gsal snying pos bkod pa'i nang du gsal/__karma pa rang byung rdo rjes kyang /__ji skad du/__shar phyog kaHthog bya ba de/__/shing bu rde'u yan chod kyang /__/lha dang lha mo'i tshogs mthong zhes/__/tshogs mchod phul ba'i maN+Dal gyi/__/rjes sogs rdo la mngon sum yod/__/ces 'byung ba dang /__grub thob ma Ni rin chen/__mkha' 'gro mnga' ri rgyal mo/__gter chen klong gsal snying po sogs kyis gnas 'di'i sa rdo ri brag thams cad rtsa gsum zhi khro'i ngo bor gzigs snang 'byams klas/__gu ru yab yum/__nam snying /__rma gnyags gnubs chen sogs kyi rdzu 'phrul gyi bkod pas phebs/__lo chen bai ros sku dngos kyi zhabs kyis bcags shing byin gyis brlabs/__gzhan yang chos rgyal 'phags pa/__grub chen thang stong rgyal po/__byang bdag bkra shis stobs rgyal/__rig 'dzin karma gu ru/__sa bcu'i dbang phyug gter chen bdud 'dul rdo rje/__gnam chos mi 'gyur rdo rje sogs nas dus phyis gter chen mchog gyur gling pa/__'jam pa'i dbyangs mkhyen brtse'i dbang po/__kong sprul rin po che/__dpal sprul sems dpa' chen po/__mi pham ma hA paN+Dita sogs mkhas dang grub pa'i skyes bu nam mkha'i skar tshogs tsam gyi zhabs kyis bcags shing rgyun ring por bzhugs/__chos kyi 'khor lo bskor bar mdzad/__lha chen gyi gtsug lag khang 'di bdud 'dul dang klong gsal gnyis kas/__rgya gar rdo rje gdan dang nges par mtshungs shing byin rlabs mnyam par gsungs shing /__'jam dbyangs smra seng dang /__spyan ras gzigs seng ge sgra'i gnas kyang yin te/__dam pa rin po che 'jam dbyangs dang /__chos rje gtsang ston spyan ras gzigs kyi sprul pa yin pas so/__/gnas 'di'i shar phyogs gnas ra lcogs dang seng ri gnas gsar gnyis/__lho mkhar chu/__nub gsang ba yang dgon/__byang dpal spungs 'khor lo sdom pa'i gnas rnams 'di'i yan lag yin pa dang /__dus phyis gter ston gsang sngags gling pa'i shog ser las bsgyur ba'i kaHthog gnas kyi mdo byang chen mo las 'byung ba ni/__de yang /__khams yul gnas kyi rgyal po sbas pa'i yulaH'khor lo lnga ldan kaHthog rdo rje'i gdanaHde yi sgrub gnas brgya dang nyi shu bzhi:__zhes khams phyogs kyi sgrub gnas thams cad kyi rgyal por bsngags shing /__dam phug phyogs rdor sems/__mi g.yo ba/__khro gnyer can/__sgrol ma'i gnas dang rang byon/__dbus kyi ri sked mkha' spyod ma'i gnas dang /__pad+ma'i sgrub phug sogs mang po dang /__de'i g.yon 'jam dpal khro bo/__khyung nag gi gnas dang /__sgyu 'phrul snying po yang gsang dgongs 'dus kyi gnas dang /__g.yas phyogs rdo rje'i rdzong chen/__g.yas ri'i rgyab sbra mgo byang sems sogs la rje 'bangs grogs bdun sgrub phug dang /__gur drag__/seng sgra/__gro lod/__rigs gsum/__rdo rje bdud rtsi'i gnas sogs dang /__las bzhi lhun grub kyi pha waM g.yon ri phyogs gnas brtan bcu drug__/yang dag rdo rje'i thugs kyi gnas/__tshe dpag med lha lnga rang byon/__dmod pa drag sngags kyi gnas dang /__kong btsun de mo'i bla mkhar sogs bsgrangs las 'das shing /__gnas yig de dang /__bla ma gong ma rnams kyi zhal lung dang mthun par so sor shing byang 'dzugs pa la zhib bcas gzigs pas khyab cing /__de ltar che ba du ma dang ldan pa'i gnas 'dir 'ja' lus chen por gshegs pa yang /__bai ro'i phug tu bla ma 'bum rten/__lho phyogs sA la'i tshal sogs su/__bla ma mgon rgyal/__dbus pa ston 'bum/__mi nyag 'jang ston/__rgyal po gling gi dge slong shes rab/__snga tsha za hor/__rong pa brtson 'grus bzang po/__'bru cha sgom pa'i dpon po shAkya sogs shin tu mang po dang /__lus ma spang pa mkha' spyod gshegs pa dang /__grub pa thob nges pa 'bum phrag tsam byung bar gna' sgros dang gter chen byang chub rgyal mtshan gyi dag snang las gsal ba dang /__lha yi drang srong rnams kyis kyang phyag mchod byed par gsungs shing /__bskor ba'i 'gyur khyad kyang /__gsang sngags pho brang bskor ba gcig la sngon gyi dam pa gong mas yig drug 'bum 'gyur cig__/gnam chos mi 'gyur rdo rjes yig drug 'bum bzhi 'gyur khyad kyang gsungs/__rgyang bskor gcig la gsang sngags pho brang gi bskor ba sum cu so lnga 'gro/__bskor ba 'bum 'ther dang lha sa'i bskor ba 'bum ther mnyam/__gang zag rab kyi bskor ba bcu gnyis la yig drug dung phyur gcig__/'bring gi bskor ba nyer lnga yig drug dung phyur/__tha mas bskor ba sum cu so gnyis la dung phyur/__sdig po ches bskor ba brgya la yig drug dung gcig gi 'gyur khyad/__gza' klu rgyal gdon gyis zin pa rnams kyis gsang sngags pho brang la bskor ba 'bum ther gcig gi tshad bskor bas nad las grol ba gnas yig snga ma rnams su 'byung la/__gter chen mdo sngags gling pa'i gzigs snang gi mnal lam a tsa ras zhus len skabs dbus gtsang mnga' ris phyogs kyi rten la sdig chen rnams kyi brnab sems dang /__chags pas ltas shing /__grib phog pa'i skyon gyis gtsang dbus kyi theg pa chen po'i chos kha bshad du song la/__gsang sngags 'bras bu'i chos ni gnas 'dir dar rgyas smin par 'gyur ro gsungs pa sogs shin tu yid ches pa'i gnas yin no/__/de yang gsang sngags pho brang zhes pa ni da lta'i ma mo khang 'di yin pas gong gi bskor tshad ni gtso bo 'di la dgongs ste gsungs shing /__phyis gter chen bdud 'dul rdo rje'i ye shes sgyu ma'i rol gar pad+ma tshang pa dri med zhing skyongs mgon pos bsam 'grub lha khang gu ru mthong grol chen po bzhengs pa sogs gdan rabs brgyud mar byung ba rnams dang /__khyad par du skyabs mgon si tu thams cad mkhyen pa chen pos sku gsum gyi pho brang chen po dpal ri pad 'od gnyis pa o rgyan rin po che dngos kyis rab tu gnas pa mdzad nges pa'i khyad par can sogs rten gsum mdo smad tsam na 'gran zla bral ba bzhugs pas sngar smos pa'i rgyun gyi bskor tshad sum 'gyur du 'gro nges pa dang /__lhag par sprel lo 'di o rgyan chos kyi rgyal po sin+d+hU rgya mtshor sku bltams pa'i dus chen khyad par can la rig 'dzin gong ma rnams kyi yang gnas 'dus mdzad pa'i phyag srol bzhin chu sprel gyi gnam lo hril por gnas chen rnams kyi byin rlabs 'dir 'dus shing phyi nang gi dpa' bo mkha' 'gro'i 'du ba dang nye ba'i 'du ba rgya chen po bzhugs pa dang /__khyung dang phug lug nag rtsis kyi stag zla bcu gcig pa dang /__mkha' 'gro rgya mtsho/__dgongs 'dus skar mdzod gyi stag zla bcu gnyis pa dang /__hor lugs kyi zla ba dang po stag zla ngos 'dzin tshul mi 'dra ba'i sprel zla ba yang ho zla lnga pa drug pa bdun pa gsum ka yin la 'di lo zla ba lnga pa bshol dang bcas pas/__zla ba bzhi yi ring la byin rlabs ches cher myur bas/__mthar skor/__bar skor/__gtsug lag khang bskor ba dang /__skyabs 'gro sems bskyed/__gsol 'debs/__yan lag bdun pa/__mar me/__spos/__zhal zas/__maN+Dal/__dar lcogs/__smyung gnas/__bsnyen gnas/__gzungs sngags khyad par can bzla ba dang /__mchod sbyin/__tshe thar/__bsang gsur sogs dang /__khyad par tshes bcu nam shar la tshogs kyi mchod pa rgya chen po dang /__smon lam bkra shis sogs chos spyod dge ba'i rim pa dang /__lhag pa'i lha yi bsnyen sgrub/__rlung dang gtum mo'i rnal 'byor/__man ngag snying tig gi nyams len sogs la 'bad na tshogs gnyis kyi dge tshogs rlab po che 'phel zhing /__khyad par sa ga zla ba'i tshes brgyad la sangs rgyas sku bltams pa dang /__tshes bco lnga la sangs rgyas pa dang /__mya ngan las 'das pa te dus chen gsum 'dzom/__hor zla drug pa'i tshes bzhir chos 'khor bskor ba'i dus chen/__tshes bco lnga la lhums su zhugs pa'i dus chen/__hor zla dgu pa'i tshes nyer gnyis lha babs kyi dus chen/__hor zla dang po cho 'phrul chen po'i dus chen te/__dus chen de rnams la dge sgrub byas pa'i phan yon kyang /__ji skad du/__de ltar dus chen rnam bzhi la/__/lhag bsam dag pas nas phul gang /__/sbyin pa btang na nas phul ni/__/sa ya phrag brgyad 'gyur ba'i phyir/__/nas khal brgyad 'bum sum khri dang /__/sum stong sum brgya sum cu gnyis/__/'byung bar rgyal ba nyid kyis gsungs/__/zhes dang /__jo bo rjes/__dus chen bzhi po gang rung dus/__/dge ba 'bum du rgyal ba'i gsungs/__/sher snying tshar gcig ston pa na/__/'bum tshar nyi shu bton par 'byung /__/tshul khrims ldan pa'i dge slong ni/__/gcig la gdugs shod bshos drangs na/__/dge slong sa ya phrag brgya la/__/'tsho ba phul ba'i bsod nams thob/__/ces dang /__nyi zla gza' yis zin pa'i skabs 'gyur khyad shin tu chen po yod de/__paN chen shAkya shrI zhal nas/__nyi ma gza' yi zin pa'i dus/__/bye ba dag ni 'bum 'gyur te/__/zla ba bye ba bdun 'gyur ro/__/dus chen bzhi po nyi zla bzung /__/de dag bsod nams khyad par 'phags/__/ces mdo sa'i bu myang 'das las kyang de bzhin gsungs pa dang /__/zla ba byung ngo cog gi tshes bcu la rtsa gsum kun 'dus o rgyan rdo rje 'chang gi mdzad chen te/__ston pa'i dus chen dang /__rnal 'byor pa rnams la nang rdo rje'i lus la rtsa thig rlung gi 'du ba khyad par can las mchog tu mi 'gyur ba bde ba chen po'i ye shes 'dren pa dang /__de yi byed pas phyi rol du yang dpa' bo d+hA ki bsam gyis mi khyab pa byon pas sgrub po byin gyis brlabs pa sogs phan yon bsam gyis mi khyab pas tshogs kyi mchod pa ma chad par brtson pa gal che zhing /__o rgyan rdo rje 'chang nyid kyi gsung gis/__nang re dgongs re bod kyi don la byon:__khyad bar tshes bcu'i dus su dngos su byonaHces dang /__khyad par du dbang chen sprel lo sprel zla'i tshes bcu dus chen thams cad kyi rgyal po 'di yi skabs gu ru rin po che dngos su byon pa la zhal bzhes bslu med the tshom dang bral ba ste/__gsang 'dus gnad yig las/__sprel lo sprel zla'i tshes bcu'i nyin zhag la:__o rgyan nga nyid bod yul thams cad duHnges par 'byon pa nga yi tha tshig yin:__zla re'i tshes bcu byung ngo cog la yang :__sprul pa'i bod khams khyad par mi 'byon reHdam tshig yin no pad 'byung bslu mi srid:__bdag la mos gus blo gtad byed pa rnams:__spos ldan gtor ma rin chen 'bar ba bzhes:__thod pa ltag sprod rol mo'i sgras bskul bzhin/__/tshig bdun gsol 'debs gdung ba'i dbyangs kyi bosaHo rgyan nga nyid rnga yab dpal ri nasaHgces pa'i bu ngu ma yi mi bzod ltar:__byin gyi rlob byon dam tshig na ra kan:__ces dang /__'di ltar nga yi tshes bcu la:__brtson zhing gsol ba 'debs pa deH'khor bar ltung na nges shes kyi:__glo snying brang gsum nga la gtod:__ces sogs gter kha du ma nas yang nas yang du rgya cher bka' rtsal bas na/__dad mos gdung shugs drag pos rtse gcig gus pas phyag bskor gsol 'debs smon lam dbang blang byas na dam chos sgrub pa'i 'gal rkyen bar chad thams cad zhi zhing 'di phyi'i bsam don thams cad yid bzhin 'grub pa'i bka' dang bstan bcos kyi lung tshad ma dag gis 'grub ste/__phyag 'tshal ba'i phan yon kyang /__'dul ba lung las/__dge slong dag__/khyod kyi de bzhin gshegs pa'i dbu skra dang /__sen mo'i mchod rten la dad pas phyag 'tshal ba de'i rnam par smin pa ni/__ji srid du tshang pa mtshungs bar spyod pa rnams la khong khro ma skyes pa de srid cig dbang chen gser gyi sa gzhi la thug gi bar gyi rdul phra rab kyi grangs dang mnyam pa'i 'khor lo'i bsgyur ba'i rgyal po'i bde ba myong zhing lha dang mi rnams kyi nang du byin bar 'gyur ro/__/zhes dang /__yan lag bdun gyi bsags sbyong tshar gcig sbyor dngos rjes gsum tshang ba la yang phan yon mtha' yas pa ste/__dpal spal gyi zhus pa las/__gang zhig phyogs bcu'i sangs rgyas la/__/dmigs la thal mo sbyar byas te/__/phyag 'tshal de bzhin mchod byed dam/__/bsod nams dag la yi rang zhing /__/sdig pa dag kyang 'chags par bgyid/__/bskul zhing gsol ba 'debs gyur pa/__/de yi bsod nams phung po ni/__/nam mkha' gang bar rtag tu 'byung /__/ces dang /__mchod rten la bskor ba'i phan yon kyang /__/mkhas pa gang gi sangs rgyas mchod rten la/__/dga' ba'i sems kyis goms pa gcig por ba/__/dzaM bu'i chu klung gser srang 'bum phrag snyed/__/de ni de dang mtshungs pa yod ma yin/__/ces de bzhin gshegs pa'i ring bsrel bzhugs pa'i mchod rten la dad pa'i shugs kyi sa gom gang spo ba la yang phan yon de 'drar bden gsungs seng ge'i dbyangs kyi rgya cher bka' stsal pa dang /__khyad par gnas 'di'i phan yon kyang /__/dpal chos kyi rdo rje dri med zhing gi gnas bstod las/__'og min stug po bkod pa dngos nyid de/__/gsang ba mchog gi grub pa rnyed sla sogs/__/gsang chen rol pa'i dur khrod dang mtshungs kyi/__/lam du zhugs pa'i gang zag tshogs rnams kyang /__/gzhan du lo gsum bsgom las 'dir zla ngos/__/bsgom pas skyed chen nye mtshan mang mnga' bas/__de phyir bod yul sa yi snying gi gsang /__/zhes dang /__gnas gter gyi mdo byang o rgyan rin po che'i gsung las/__gang zhig kaHthog 'khor lo lnga gdan gyi:__gnas mchog 'di la dad mos sus byas paHgnas skabs rkyen rnams ngang gis sel bar 'gyur:__nang bskor gcig gi phan yon bstan pa niHgrangs las gzhal na sid+d+hi dung phyur gsum:__tshad las gzhal na rgyal ba thams cad la:__mnyes pa'i mchod pa dus gcig byas pa bsamaHdad mos brtan po'i bskor ba gcig byed lhagaHphyag dang maN+Dal tshogs bskang mchod sgrub sogs:__dge ba gang byas gnas mchog gzhan las kyang :__khyad du 'phags pa'i bsod nams bdun 'gyur cheHbar skor gcig gi phan yon bstan pa ni:__grangs la gzhal na sid+d+hi dung phyur lnga:__tshad la gzhal na stong gsum 'bru yi bkang :__bde gshegs rnams la mchod pa phul ba bas:__dad dang ldan pas bar bskor gcig gi bsngags:__zhes dang /__de bzhin du/__phyi bskor gcig la sid+d+hi dung phyur bdun gyi phan yon gsungs ba dang /__tshogs 'khor gcig gi bsod nams rgyu'i tshogs rdzogs:__sgom sgrub gcig gi 'bras bu ye shes tshogs:__tshogs gnyis zung 'jug dus gcig rdzogs par 'gyur:__zhes dang /__gnas skabs bar chad rkyen bgegs 'di yis sel:__phyi ma sa lam bar chad 'di yis bzlog:__gsol ba gang btab yid bzhin nor ltar 'grub:__smon lam gang byas chud zos song re kan:__zhes rdo rje'i tshig gi nges pa yang dag pa ste/__/rgya gar paN+Di ta chos mchog gis/__/lung ni yid ches tshig yin te/__/nyes pa zad pas rdzun gyi tshig__/smra bar mi 'gyur rgyu med phyir/__/nyes zad lung du shes par bya/__/zhes gsungs pa ltar ro/__/gnas chen gyi 'du ba'i skabs su/__gong gi bskor ba'i 'gyur khyad kyang sum 'gyur du 'phel bar 'gyur ba yin la/__ci'i phyir zhe na/__sangs rgyas dang byang chub sems dpa'/__rtsa gsum rgyal ba zhi khro rab 'byams til gyi gong bu bzhin bung ba pad+ma'i tshal la 'du ba ltar/__dus chen khyad par can la tshogs kyi zhing dang mgron du 'du ba yin pa'i phyir gnas kyi byin rlabs yang lhag par je cher 'gro ba ste/__rgyud las/__mos pa du ma'i sems can la/__/spyod pa sna tshogs ston mdzad de/__/sna tshogs tshul gyi gdul bya la/__/thabs 'di sna tshogs ston pa yin/__/ces pa ltar rgyal ba rnams thabs mkhas la thugs rje chen po dang ldan pas/__/mdzad pa dang phrin las bsam gyis mi khyab pa'i bdag nyid can yin pa'i phyir na yid ches drag po bskyed de dal 'byor gyi rten la snying po blangs ba la brtson 'grus drag po bya bar rigs so/__/slar yang smras pa/__gang zhig bstan pa'i nyi ma 'bar ba yang /__/'grib med gsal 'di chos nyid yin phyir snod bcud dag pa chen po la/__/kun brtags blo yi rig pa ma yin gzod nas ye shes phyag rgyar grub/__de ltar na yang srin bu'i blo can thar pa'i mig ldongs dbugs 'byin sdud/__/rdo rje'i tshig dang dam pa'i zhal lung gser thur bzang pos ling tog bsal/__/mtho ris gnas la gdong ni gyen du phyogs pas mig mi 'dzum bltas pas/__/ngan song me dbal thur du mnal zhing skad cig bde bar byed pa dang /__/mchog tu 'dzin na lha dbang ral pa gdan du bting mdzad thub mchog de'i/__dam chos zhi bsil lha yi chab kyis sdug bsngal rdul bcas bkru ba la/__/sems ldan su zhig gus par mi byed de snying gdon gyis thebs pa'am/__/dbugs bral lcags kyi gong bu yin la dogs pa ma mchis shin tu rmongs/__/srid mtshor dbyings nas sdug la bsring ba'i blo ngan dor ste nges legs kyi/__/yang dag thar pa mchog la gzhol phyir rtsa gsum dgyes pa'i gnas mchog 'di/__/ngal bas ma btsal bstan 'gro'i mchod sdong lhun gyis grub 'dir gus pas bsnyen/__/gang de'i mthu yi mi mthun dgra zla spangs shing lha yi dpal yang 'du/__/mig 'phrul lta bu'i tshogs chen myur rdzogs sku bzhi'i go 'phang 'thob par 'gyur/__/'dir dges bsod nams 'phel ba gang yod rnams/__/bstan dang bstan 'dzin rgyas dang 'gro la bsngo/__/rang gzhan mkhyen gnyis shes rab rtsal rdzogs nas/__/kun mkhyen mi yi seng ge mchog brnyes shog__/bla ma'i byin rlabs rdo rje'i lhun po la/__/yi dam dngos grub rol pa'i mchog chen 'khyil/__/mkha' 'gro dam can klu dbang tshogs rnams kyis/__/bkra shis nor bu'i gru char bsnyil gyur cig__/kaHthog pa zhes hi ma la yi mkhas grub bye bas mgrin gcig bsngags/__/grags pa don ldan blo?X grosa?X snyinga?X po'i?X ring lugs 'od mtshan stong 'bar bas/__/rgyal ba'i bstan pa nor bu'i tog gi gdugs dkar srid zhi'i bla na mtho/__/de ba'i phrin las bzang po'i dar shams phyogs bcu kun tu khyab gyur cig__/ces shis brjod kyi mtha' brgyan pa'i gnas 'dus la bskul ba'i gtam phan bde'i char sprin zhes bya 'di yang kun mkhyen kaHthog si tu paN+Di ta chen po'i bka' 'bangs gi grwal mthar 'khod pa'i 'jam dbyangs mkhyen brtse'i dbang po'i phrin las kyi sprul ming 'dzin pa gtsug lag lung rigs nyi ma smra ba'i seng+ge thub bstan bshad sgrub rgyal mtshan dpal bzang po zhes ming gi snyan pa'i thun mongs snyoms las pas gser gdong dga' ba 'khyil pa'i ri khrod kyi sgrub khang bdud las rnam rgyal phrin las kun khyab gling nas bris rdo rje gdan gyi gtsug lag khang du sbyar ba sarba dA ka l+ya NaM b+ha wa tu/__/mang+ga laM//___//
oM swasti/__rtsa gsum 'dus pa'i spyi dpal chen po ni/__/ma hA gu ru rdo rje thod phreng rtsal/__/thugs rje byin rlabs glog ltar myur ba yi/__/bden pas byin brlab shis pa stsal du gsol/__/zhes swasti ka ma la yi dbyangs snyan gyi me tog 'thor bas skabs phyes te/__mdo khams gnas chen nyer lnga'i ya gyal yon tan phrin las kyi gnas seng chen gnam brag 'di/__sngon dus gter chen bdud 'dul rdo rjes gnas zhal phyes shing gnas yig rgyas par bkod pa dang /__dus phyis gter chen mchog gyur bde chen gling pas zab gter rgya cher spyan drangs par mdzad pa'i gnas 'dir/__dus kyi rgyal po dbang chen sprel gyi lo yi zla ba lnga pa/__drug pa/__bdun pa gsum dang /__yang sbrul lo'i sbrul zla dang po la mchog gling gis zab gter 'don pa'i dus chen yin pas/__lo dang zla ba de rnams kyi skabs su/__bsnyen sgrub/__tshogs skong /__sbyin bsreg sogs dang /__bskor ba re la ma Ni dungs phyur bdun re'i phan yon bdud 'dul rdo rjes yod par gsungs shing /__de'ang gu ru rin po che'i rdo rje'i gsung las/__da ni gnas kyi phan yon brjod pa ni:__phyag bskor byas tshad ngan song skye sgo chod:__bskur bsti byas na mtho ris gnas su skye:__tshogs 'khor lan gcig bsod nams tshogs chen rdzogs:__tshogs 'khor lan gnyis las kyi rnam smin sbyong :__tshogs 'khor lan gsum o rgyan pad+ma bdag:__dngos nyams rmi lam brda yi tshul du mjal:__tshogs 'khor brgya rtsa mkha' spyod gnas su skye:__mchog thob 'dod na rtse gcig bsgrub pas 'grub:__'brel tshad don ldan gnas mchog e ma hoHzhes gsungs pa la dad gus drag pos dran pa nyer bar bzhag ste/__dge sgrub sdig spangs spyi dang /__khyad par rngon ri dwags bsad pa sogs mi bya zhing gnas 'dus skabs su bskor phyag mchod 'bul sogs la brtson na nad gdon bar chad zhi zhing /__bsam rgu yid bzhin 'grub pa la the tshom med pas thar 'dod skye 'gro rnams dad brtson drag pos 'bad par rigs so/__/zhes pa'ang mkhyen brtse'i sprul ming 'dzin pa chos kyi blo gros pas shing lug zla 7tshes 1/__seng brag phu nas bris pa dge legs su gyur cig__/mang+ga laM//___//
[']dpal ldan sangs rgyas pad+ma rgyal:__rig sngags 'chang ba'i 'khor los bsgyur:__kun mkhyen sngags bdag chen po yi:__rang snang 'khor los bsgyur ba las:__snang srid kun kyang thig ler zlum:__ye shes drwa ba chen po las:__du mar snang zhing cir yang 'char:__ma dag rdul tsam mi dmigs shing :__dag pa rab 'byams 'byams klas pas:__'og min chen po'i bkod pa rdzogs:__de yi bye brag 'dzam gling 'dir:__byang phyogs shing gis mtshan pa yi:__rdo rje gdan gyi phyogs mtshams su:__gnas yul bkod pa cir yang ston:__yul chen so gnyis dur khrod brgyad:__dpa' bo mkha' 'gro 'du ba'i zhing :__ji snyed brjod pa'i mtha' las 'das:__de la byang phyogs kha ba'i ljongs:__mnga' ri gtsang dbus bod chen gyi:__ljongs 'dir gnas yul bkod pa snang :__mdo smad sgang drug ya gyal gyi:__gser ldan chu klung byang phyogs kyi:__pad+ma shel gyi phug pa'i shar:__khyung chen dpal gyi rdzong chen po'i:__bkod pa sa 'dzin lte ba ru:__ye shes sprul pa'i bya khyung gis:__byin rlabs sku yi dkyil 'khor gyi:__thugs kar ye shes gsang ba'i phug:__kun bzang rgyal ba zhi khro'i gnas:__bltar yod bsgrod du med pa dang :__dbu rtse dga' rab rdo rje'i phug:__lte ba'i g.yas zur khyung chen phug:__khyung chen bka' brgyad yongs rdzogs gnas:__sku gsung thugs kyi gter mchog dang :__yon tan phrin las 'dzad med gter:__khyung chen rigs lnga'i dam rdzas sogs:__nad gdon kun 'joms gter chen bzhugs:__de g.yas gu ru'i gsang phug dang :__'og zur mtsho rgyal gsang ba'i phug:__g.yon phyogs gong du man+dA ra'i:__rdo rje tshe yi phug pa dang :__'chi med tshe chu'i rgyun bzang bzhugs:__btung dang khrus byas sdig sgrib zhi:__tshe bsod ye shes 'phel bar 'gyur:__gsang gnas bde chen rdo rje'i phug:__chos 'byung gru gsum gzhal med khang :__mkha' 'gro chos skyong 'du ba'i gnas:__der bsgom nyams rtogs dga' bzhi rgyas:__gsang ba rdo rje bdud rtsi'i rgyun:__de yis khrus bya btung byed na:__shin tu sos dka'i klu gdon rnams:__'joms shing bde skyid ldan pa 'gyur:__gshog g.yas rig 'dzin bi ma dang :__bai ro ting 'dzin bzang po dang :__g.yon rtser shrI seng chos rgyal sogs:__rig 'dzin du mas byin brlabs pa'i:__sgrub phug nyams dga' yid du 'ong :__g.yon logs zhi khro'i tshogs khang du:__o rgyan rje 'bangs tshom bu'i tshogs:__bdud rtsi sman sgrub bya ba'i gnas:__khyung chen 'dod 'jo rigs lnga yi:__dpal gyi de'u sman shing rgyas:__'dzad med nor gter bsam mi khyab:__rdor sems sgrub phug bkra shis 'byung :__de la rigs lnga'i sku gsung thugs:__phyag rgya'i mtshan ma ci yang shar:__sprul pa'i khyung gi gdul bya ru:__klu rgyal gdol pa nag po yi:__rang gzugs dug sbrul gdon chen gzugs:__smin pa'i kha chus skye 'gro yi:__srog la gzan pa ltar snang yang :__don la dpal chen che ba'i rtags:__phyogs mtshams sa rdo ri brag sogs:__ma la ya yi bkod pa rdzogs:__gnas 'dir rig 'dzin rgyal po ni:__ye shes khyung drag zhes bya bas:__gsang gter drangs shing de yi 'og:__pad+ma bde chen g.yung drung sogs:__rig 'dzin du mas byin gyis brlabs:__de 'og rdo rje'i ming 'chang dang :__ye shes rdo rje drag rtsal sogs:__mang du 'byung zhing zab gter dbang :__gnas der phyag mchod bsnyen sgrub dang :__tshogs kyi 'du bar spyod gyur na:__tshe 'dir bar chad kun sel zhing :__nad dang gdon gyis mi tshugs shing :__tshe bsod nyams rtogs ye shes rgyas:__mthar thug pad+ma 'od kyi zhing :__skye 'gyur the tshom med do rgya:__sa ma ya:__de ltar gnas kyi bkod pa ni:__mdo tsam rig 'dzin thugs gsang du:__sbas pa rten 'brel dus bab tshe:__dgongs pa'i klong nas rang brdol te:__bstan 'gro phan pa'i btsas su 'gyur:__rgya:__rgya:__rgya:__zhes pa'ang chu 'brug zla tshes gnas der ljongs rgyur gnas tshe/__tshe ring phun tshogs dang /__mdzod tshe dpal zung gis bskul pa na/__DA ki'i grogs kyi brda' yis bskul te pad+ma ye shes rdo rjes gang shar nyid du bris pa 'dis kyang bstan 'gror phan pa rgya chen por 'byung ba'i rgyur gyur cig__/mang+ga laM//___//
gong 'dir 'khod pa'i khyung chen bka' brgyad bye brag pa'i gsal byed ni/__shar ri'i brag dkar khri srong /__de 'og nam snying /__chu ru lu'i sgra ldan/__de g.yas bai ro/__de g.yas mtsho rgyal/__lung mdo brag dmar rta mgrin mchog dbyangs/__de'i g.yas 'brog mi'i thang shing gong phug dang /__ma mo'i gnas/__ri gdong phur 'dra ba phur pa/__mkhar chen dpal dbang dang /__de'i g.yas dpal rdor/__de'i g.yas mchod bstod gnas/__rlangs chen dpal seng phug__/zang mdog dpal ri/__mtsho rgyal phug 'og sin+d+hU rgya mtsho/__lam ltag gro lod sgrub phug sku rjes/__gshog pa'i g.yas logs che mchog he ru ki gnas/__gnyag dz+nyA na dang /__bi ma la'i phug__/khyung chen gyi g.yas gnyan dpal dbyangs phug__/de g.yas zag med bde chen phug 'di zur bza'i sgrub phug de'i rgyab ldan ma rtse mang /__de'i gong nyang ting 'dzin bzang po'i phug pa sogs/__de'i bar du gshin rje'i sgrub gnas/__zur du rig 'dzin bla ma'i sgrub gnas/__pad 'byung gu ru'i gsang phug__/phyar thul sgrub phug__/gnub chen sgrub phug sogs chu rba phyar/__de'i gong srib la lha sras dam 'dzin sgrub phug__/de'i gong rdzu 'phrul phug__/gnas kyi lte ba'i g.yon logs lung shur du/__gza' bdud gnas gsang phug dang lto zhal/__brag dil dkar po chung ngu gnam thel dkar po/__de'i gong brag them lta bu'i phug pa nyid ku mAr ma ti'i phug pa/__brag ngos dmar po lung sgor bstan pa'i rtse mor shar phyogs man+dA ra'i phug pa sku rjes dang /__tshe chu rgyun 'bab/__mgon po a g+ho ra dang nam gru ma gnyis/__gshog pa g.yas pa'i brag ma ning dang /__mdung dar dbyibs gsal po/__de'i ngo sa shrI seng sgrub phug__/de nas yar 'gro ba na zhi khro'i tshogs khang sogs/__gshog g.yon rgyab srib/__bdud rtsi'i rang byung gsang ba'i phug__/a dang rdo rje/__thod pa/__gu ru'i zhabs rjes/__dregs tshogs zil gnon gyi bzhugs khri dang /__dung dkar rang byon can/__khyung gi lte ba'i 'og brag dil dang /__thang shing /__dam can gnas/__de'i gnas g.yu sgron ma bcas/__phug pa sats+tsha yod pa zhi khro'i tshogs khang chen mo/__rma thog rin chen phug pa/__lung mda' dug chu'i skor dmod pa drag sngags kyi gnas dang dpal gyi phug ring rnams yod/__brdzun gtam gang shar gang dran du bris pa dge'o//___//
khyung ltag gnas yig rgya rong mkha' 'gro chen mo'i dgongs nyams/__e ma ho:__'gags med rang byung rnal 'byor ma:__mnyam pa nyid kyi klong chen las:__ma 'gags rig pa'i brda' ris shar:__rig 'dzin dpa' mo dgyes pa'i glu:__phyogs bzhir do ra yangs par brdal:__phyi ltar 'og min chos dbyings zhing :__nang ltar dpa' bo mkha' 'gro'i grong :__gsang ba bde mchog thugs kyi gnas:__shar phyogs gnas ni mgon po che:__ma ning dang ni tshogs kyi bdag:__dpal mgon bdun cu'i tshogs kyis bskor:__phyag mtshan sna tshogs mngon par gsal:__thugs kar shrI he ru ka'i:__phyag rgya'i gzugs brnyan mngon par bkra/__lho phyogs brag ri dmar gtor 'dra:__rol pa rkya bdun 'khor gyis bskor:__mtshams su rbod gtong ma mo'i gnas:__mi lpags bla bre zhing rgya mtshan:__rgyu ma glo snying drwa phyed 'phyang :__mdun du mi lpags rkang gsum dbyibs:__tshil chen dud pa'i sprin phung 'phro:__drag po'i shing ni rngam brjid ldan:__skam ring dag gis mtha' nas bskor:__nub phyogs pad+ma dbang gi gnas:__brag ri zla gam dbyings can la:__mtha' nas pad+ma 'bum gyis bskor:__pad+ma'i rigs kyi mkha' 'gro ma:__lcags kyu zhags thogs grangs med bzhugs:__g.yas su dge bsnyen rta nag zhon:__lag na ba dan mdung dar thogs:__'khor du dge bsnyen 'bum sdes bskor:__pad+ma gsung gi zab gter bzhugs:__byang phyogs dmod pa drag sngags zhing :__brag ri khyung chen gnam lding 'dra:__phyogs mtshams bka' brgyad lha tshogs zhing :__bdun brgya nyer lnga'i tshom bu bkra:__log+ti zab gter dngos grub 'byung :__ma rung rgyal bsen dam sri 'dul:__byad kha rbod gtong mkhan dag gis:__nam yang rbod par mi nus shing :__a kro te ka'i rang byon rdol:__byang shar mtshams su rnam sras la:__dzaM lha rigs lnga'i 'khor gyis bskor:__dzaM gling nor gter dbul phongs sel:__ne'u dang ni nor bu spungs:__bskor bas 'dod rgu 'bad med 'byung :__byang shar mtshams na dur khrod ni:__he chen brdal bar mi lpags brgyang :__rdo yi ling+ga rtags kyis mtshan:__shar lho'i mtshams na dur khrod ni:__klu mo che la dur bya dang :__rdo yi dur mi mchod rten yod:__bar mtshams dur khrod lang+ka brtsegs:__chu glang mdog dbyibs brag ri'i rtser:__dur shing yod pa'i mtha' bskor du:__chu mig mang po dag gis bskor:__nub byang dur khrod baMm ro brtsegs:__g.yang gzhi gan rkyal bsgyel ba'i steng :__dur bdag pho mo mang po ni:__rus pa'i rgyan ldan bro gar byed:__de yi g.yas phyogs 'jigs brgyad las:__skyobs pa'i sgrol ma'i sku dang sngags:__yi ge bcu pa'i rang byon dang :__mdun du ka pA la yi gzugs:__brag gi mdun nas tshe chu ni:__chu bo'i rgyun dang 'dres par yod:__tA re tA~M sogs sngags sgra sgrogs:__de'i g.yas phug pa gshin rje'i gnas:__brag ri rtse mtho mtshon gzings 'dra:__de ru brag phug gting zab pa:__ya man+ta ka'i sgra sgrogs yod:__gshin rje'i dmag tshogs dpag med bzhugs:__de mtshams sha za DA ki yi:__'du gling sha za 'bum khrag gnas:__g.yas g.yon chu rgyun dbus rdol khri:__zur bzhis mtshan pa gnas chen por:__tshogs mchod 'bul ba'i tshul du yod:__de nas yar la 'ong ba na:__sman bla mched brgyad gnas chen por:__brag ri bum pa'i dbyibs can rtser:__kha rgyan shing gi sdong pos brgyan:__'og nas chu bo shar du 'babs:__yan lag brgyad ldan bdud rtsi'i chus:__nad rigs bzhi brgya rtsa bzhi sel:__shar phyogs ma cig lab sgron phug:__brag dkar nam mkhar lding ba yod:__ma yi sras brgyud mched lngas bskor:__mdun du dur khrod dga' ba 'khyil:__de ru gnyan gcod byas gyur na:__yum chen skye med dgongs pa rtogs:__skra sen 'phang bas 'brel pa thob:__de nas yar la 'ong ba na:__sman btsun mched lnga'i gnas mchog ni:__brag ri DA ki gar byed ltar:__snga tshom tshul du yod pa la:__dpag bsam shing dang chu mig bskor:__de steng rang byung shar ba'i gnas:__zab gter sna tshogs lde'u mig yod:__de g.yon rdo rje g.yu sgron gnas:__brag ri shel gyi ba gam brtsegs:__gshams la gos kyi sul lta bu:__brag dbyibs lha mo'i sku yi tshul:__mtha' bskor sman mo 'bum phrag gnas:__lha klu mi yi longs spyod 'byung :__de bskor longs spyod ldan par byed:__de rnams sgo srungs tshul du yod:__dbus kyi rdo rje'i khyung brag che:__phyi ltar de wI ko Ti dang :__nang du bde mchog 'khor lo sdom:__gsang ba ye shes khyung chen phug:__g.yas su mkhar chen mtsho rgyal phug:__g.yon du tshogs khang pad+ma brtsegs:__dbus su rig 'dzin gsang ba'i phug:__'bum phrag dpa' bo mkha' 'gro 'du:__bsnyen sgrub zab mo'i don bsgom na:__mchog thun dngos grub nges thob cing :__mchog rnams phung po 'od skur grol:__shar phyogs yang dag sgrub gnas cher:__phug dkar zla ba tshes pa 'dra:__hU~M chen kA ra'i sgrub phug yod:__rdo rje sems dpa'i chos skor sbas:__de nas yar la 'ong ba na:__rdo rje phur bu'i gnas chen po:__phur pa'i dbal dbyibs slob dpon ni:__shAn+tiM gar+b+ha'i sgrub phug yod:__dmod pa drag sngags chos gter bzhugs:__de ru bsnyen sgrub brtson byas na:__bdud las rgyal zhing mtha' dmag gis:__byad kha rbod gtong gnod pa bzlog:__de nas tshur la 'ong ba na:__dbus kyi yang rtser rgya gar gyi:__sa ra ha pa'i rang byon dang :__grub chen brgyad cu rtsa bzhi yi:__brag skyibs che chung ma nges yod:__rin chen nor bu spungs 'dra ba'i:__dil 'bur che chung mchod pa'i tshul:__dbus gnas shar ri spang brag gi:__ri bo dpal ldan lha mo'i gnas:__mi lpags rgyal mtshan rma bya'i gdugs:__tsit+ta'i tog gis mdzes par brgyan:__'khor du ma mo mdung thung can:__'bum phrag tshogs kyi dbus na bzhugs:__mdun du dur khrod ro thang brdal:__mi ro zhing lpags gdan btings 'dra:__de 'og sman mo'i bro ra ni:__gru bzhi chos 'byung bsnol ma na:__sman mos bro gar khrig se khrig:__kha nas brda glu sna tshogs ston:__lho phyogs 'jam dpal bshes gnyen phug:__d+hIHdang hrIHyig rang byon gsal:__de yi bar gyi mtshams shed na:__o rgyan sprin nag 'khrigs pa'i phug:__mdun du ljon shing lo 'dabs kyis:__bskor ba'i skyed tshal rngams chen brjid:__nye bar sman gyi drang srong gi:__bzhugs gnas brag skyibs kha nub bstan:__drang srong tshom bu'i dbyibs can dang :__sman shing sna tshogs mang du gsal:__de nas phar la bsgrod pa na:__gshin rje'i sgrub gnas phyi ltar na:__me dud 'khrigs pa'i dbyibs can dang :__nang du gshin rje'i pho brang che:__de ru gshin rje'i dong kha ni:__zhal nang ling+ga'i rang byon can:__'thor rlung drag po rab tu 'khrugs:__yang cig yar la song ba na:__ku ru kul+le'i sgrub gnas der:__dbyangs can lha mo'i sku dang ni:__phyag mtshan rang byon ma 'dres gsal:__mda' gzhu lcags kyu me phreng sogs/__de nas tshur la 'ong ba na:__ri ni bum pa'i dbyibs can ni:__steng du bug pa yod pa ni:__dpal gyi rdo rje'i sgrub pa'i phug:__rlung sems dbu mar thim pa'i rtags:__brag gi klad pa'i mthil zangs thal:__steng nas phar la bsgrod pa na:__ri dbyibs mkha' 'gro gar byed la:__brag dmar rngam brjid che ba ruHkha T+wA~M gri thod rang byon gsal:__mkha' spyod sgrub pa'i phug pa ni:__b+ha ga'i dbyibs can gnas de ru:__bsnyen sgrub brtson pas mchog dngos myur:__g.yas brag ma hA de wa'i gnas:__dbang gi zab gter mang po sbas:__g.yon phyogs ma hA gu ru'i phug:__pad 'byung yab yum byang sems kyi:__gter yod tshos dus bzang por 'bab:__myong bas dga' bzhi'i ye shes bskyed:__de nas tshur 'ong brag skyibs ni:__bi ma mi tra'i 'od gsal phug:__dam pa rgya gar bzhugs pa'i gnas:__de yi sku rjes rang byon dang :__DA ma ru dang gling bu'i rjes:__de ru 'od gsal bsgom byas na:__tshe 'dir grol ba'i gding chen rnyed:__de lta'i gnas mchog dam pa de'i:__tshes grangs dus chen bzang po la:__rtse bskor gcig la yig drug dang :__sid+d+hi dung gnyis phan yon thob:__rgyun bskor nyi shu rtsa lnga la:__yig drug sid+d+hi dung phyur re:__bar bskor gcig la lhag bsam bzang :__rnal 'byor dag pas bskor ba rer:__yig drug dung dang sid+d+hi ni:__dung phyur gsum gyi 'gyur khyad yod:__mtha' bskor gnas ri yongs rdzogs ni:__bskor ba gcig la yig drug dang :__sid+d+hi dung phyur bdun re yi:__phan yon thob cing gnas 'di ru:__phyag mchod bskor dang tshogs 'khor dang :__bsnyen sgrub sbyin bsreg brtson gyur na:__dus 'khrugs bzlog cing bstan la phan:__rang gzhan bsod nams tshogs chen rdzogs:__sgrib dag phyi mar rnga yab kyi:__dpal ri pad+ma 'od zhing du:__gu ru'i zhal mthong dbang bskur thob:__rig 'dzin gral du 'khod par 'gyur:__de 'og brag ri rta phag gnas:__rta mgrin phag mo'i rang byon dang :__de yi shar 'dabs e yi gru gsum gling :__phug tu zab gter lde'u mig yod:__dpal gyi ming can snying ga ru:__sme bas mtshan pas spyod par 'gyur:__ces pa'ang rab byung bcu drug pa'i chu sbrul lor gro bzhin zla tshes brgyad la DA ki d+harma tsan+d+ra la chos kyi blo gros pas bskul ban nyams ngor ji ltar gsal ba gsung rim bzhin du bskul ba po rang nyid kyis yi ger btab pa dge legs su gyur cig/___//__
[(]lde'u mig bzhugs:__o rgyan rje la phyag 'tshal nas:__d+ha ki mtsho rgyal nga nyid kyis:__gnas chen grang med dkar chags btab:__de las zal mo 'bri zla'i sgang :__ru dam gangs kyi ra ba yi:__gnas kyi snying po zil khrom gyi:__sbas pa'i yul lung chen po yi:__lung chen bzhi dang lung phran brgyad:__gsang sngags dar ba'i yul gra yang :__phyi nang bco brgyad sbas pa las:__dbus kyi snying po'i pho brang ni:__gsang sngags rdo rje bkod pa che:__rtsa gsum dgyes pa'i dga' tshul cher:__'jug pa'i sgo ni shar dang lho:__dang po sngar byon rten 'brel las:__cung zad 'jug par dka' yang srid:__lho phyogs mi 'gyur 'khor lo yi:__phyogs kyi sgo 'di 'jug pa yangs:__khro bo rol pa'i lung chen gyi:__chu klung gyen du brgal ba yi:__phu na brag dkar ba gam mtho:__de yi sked pa tshe bum gyi:__brag ri yid du 'ong ba yi:__kha rgyan dpag bsam shing gi mtshan:__de yi g.yas zur tshe chu'i rgyun:__lhung lhung dal gyis 'bebs pa nasaHgyen 'ded gong du 'das pa na:__brag g.yang ngos gzar bgrod dka' la:__skas kyi gdong bu ring btsugs nas:__de brgal g.yon gyi phyogs dag nas:__gang brag rdza gsum 'dres pa'i ngogs:__ri brgal mtshams nas gyen du 'dzegs:__bad dkar yangs pa'i steng de ru:__shel gyi pha waM gur phub yod:__de la lha btsan chen po gnas:__dkar dmar skyems dang spos bzang dang :__gtsang ma'i zhal zas dag gis mchod:__bden bdar gu rus gsol 'debs dang :__mkha' 'gror tshogs skong me mchod brtson:__de nas gang sta rgyang grags na:__mtsho chen rngams pa sgra sgrogs yod:__klu rgyal nA ga rak+sha la:__klu sman gtsang gtor mchod byas la:__sde brgyad brngan pa'i cho ga bya:__de nas brag g.yang mthon po nas:__thabs la mkhas pa'i 'phrul thabs kyis:__dal gyis 'bebs nas rak+ta'i mtsho:__rngams zil 'jigs su rung ba der:__mkha' 'gro dgyes pa'i mdos skong tshogs:__chos skyongs gtor tshogs rgyas par bya:__de nas dpag tshad tsam brgal tshe:__nags tshal 'jigs su rung ba la:__zhugs tshe dpa' bo me sgyogs dang ::__::_____________________________________________________@#/__/yer pa'i gnas chen la bstod pa lha'i rnga sgra zhes bya ba bzhugs/__
yer pa'i gnas chen la bstod pa lha'i rnga sgra zhes bya ba/__na mo many+dzu shrI ye/__lha yi lhar gyur bcom ldan 'das/__/dkyil 'khor khyab bdag many+dzu shrI/__/ye shes sku ste sku yi mchog__/rnam pa thams cad pa la 'dud/__/byang chub sems dpa' dbang 'byor gyi/__/smon lam stobs las rang byung ba/__/'byung ba chen po la sogs pa/__/ngo mtshar gdod nas byin gyis brlabs/__/ji ltar skyes bus rtsol med par/__/zla nyi nor bu dpag bsam dang /__/lha yi rnga sgra ji bzhin du/__/rdo rje'i gnas yul kun tu snang /__/de las byang phyogs kha ba can/__/yul dbus 'phrul snang gtsug lag che'i/__/srog 'dzin sa yi brtan phur ni/__/yer pa'i gnas 'di khyad du 'phags/__/chos rgyal lha yi dbang po ni/__/a mi d+he wa'i rnam par 'phrul/__/srong btsan grags pa'i ba dan des/__/yer pa lha ri snying po gsal/__/de'i mthus 'dzam gling mchod sdong che/__/chos 'khor dpal gyi mdun sa de/__/rdzu 'phrul chen po'i stobs nas 'khrungs/__/de las 'jam dpal rgyal por ston/__/rig sngags 'chang ba kun gyi rje/__/o rgyan pad+ma saM b+ha wa/__/byang chub sems dpa' zhi 'tsho sogs/__/mkhas dang grub pa'i ri bo'i spor/__/shel gyi rdul dkar brtsegs pa bzhin/__/cho 'phrul chen po brgya phrag gis/__/sa 'dir ngo mtshar gtam du snyan/__/chos nor gter kha grangs med pa/__/rdo rje'i brag dang ri sul sogs/__/sbas te bstan 'gror phan bde yi/__/btsas su srid pa ji srid bzhugs/__/slar yang ches cher snyigs ma'i dus/__/dpal ldan mar me mdzad yab sras/__/nyi zla bzhin du lham mer gsal/__/theg chen chos kyi rang sgra 'ur/__/bka' gdams bstan pa'i pad tshal 'di/__/ches cher bzhad pa'i dang po ni/__/lhun gyis grub pa'i gnas mchog gi/__byin gyis brlabs las rgyas par gyur/__/dga' ldan lha brgya'i bdag po dang /__/'phags pa'i gnas brtan chen po sogs/__/dgyes par rol pa'i dga' tshal ni/__/mthong bas sems kyi gdung ba zhi/__/chu shel ba gam bkod re legs/__/rtsi shing nags tshal gar gyis rtsen/__/yan lag brgyad ldan chu bo'i rgyun/__/lhung lhung 'bab pas sim pa bskyed/__/dag pa'i zhing mchog bde ba can/__/ljongs 'dir mngon sum 'phos pa lta'i/__/yer pa'i gnas mchog 'di nyid la/__/rtag tu bsnyen cing sgrub par shog__/gnas gtsang 'di 'dra'i gzhal med khang chen du/__/byang chub lam gyi rim par blo sbyang zhing /__/theg chen rdo rje rtse mo'i nying khu yis/__/rig stong 'ja' lus rdo rje'i skur smin shog__/ces pa'ang smin zla'i tshes 17la 'jam dbyangs dga' ba'i go chas zla ba phug tu bris pa'o//___//
@#/__/byang rwa sgreng rgyal ba'i dben gnas la bstod cing smon lam du bya ba rgyal ba dgyes pa'i mchod sprin zhes bya ba bzhugs so/__/
na mo gu ru shAkya mu ni ye/__rgyal ba nyi ma 'jig rten gsum gyi mgon/__/thub pa'i dbang po byams pa 'jam dbyangs dang /__/pad dkar 'chang ba 'phags ma sgrol ma sogs/__/dgyes par rol pa'i dga' ba'i tshal chen po/__/'phags tshogs bzhugs pa'i bsti gnas nyams dga' ba/__/sa yi dpyad legs dri zhim ngad pa 'thul/__/lha shug ljon pa'i tshal chen stugs po 'khrigs/__/sprul pa'i bya rigs sna tshogs skad snyan sgrogs/__/yan lag brgyad ldan chu klung dal gyis 'bab/__/spang ljang g.yu yi maN+Dal bkram pa la/__/lha mi'i me tog mtshar sdug mdzes pas khengs/__/rin chen sna tshogs khams kyi rdo ba bkra/__/mkha' 'gro dpa' bo bung ba'i glu dbyangs sgrogs/__/drang srong rig 'dzin grub pa til gong ltar/__/mngon sum bzhugs pa'i gnas 'di bde ba can/__/sa 'dir 'phos pa lta bu'i ngo mtshar byin/__/lhar bcas kun tu dga' ba'i do ra 'dir/__/snang mtha' pad+ma las grol dngos snang ba/__/dI paM kA ra'i thugs kyi sras gcig pu/__/dkon mchog 'bangs zhes rgyal ba'i 'byung gnas che/__/byin brlabs sprul pa'i lha khang 'jam pa'i dbyangs/__/mngon sum bzhugs pa'i 'dzam gling rten mchog 'di/__/kha ba ri pa'i bsod nams dpal du 'khrungs/__/kye ma 'di ni 'og min zhing khams che/__/phyogs bzhi mtshams brgyad ljon shing rin po che/__/sangs rgyas byang sems dpag med dgyes pa'i 'dzum/__/'od zer drwa bas kun tu rab mdzes shing /__/bdud rtsi'i chu gter nad gdon sdig sgrib sel/__/nor bu'i brag ri ba gam bkod pa mdzes/__/chos dang nor gyi gter khas rab tu gtams/__/rgyal ba dgyes pa'i dga' tshal chen po 'di/__/chos bzang lha yi 'dun sa dngos dang mtshungs/__/'jam pa'i rdo rje gur gum lhun po la/__/'char kha'i nyi gzhon gsar pas 'khyud pa 'dra/__/blta bas mi ngoms mtshan dpe dpal du 'bar/__/srid zhi kun gyi khyab bdag chen por snang /__/rgyal ba dkon mchog 'bangs kyi rnam par 'phrul/__/rgyal ba'i 'byung gnas mthong na dga' ba la/__/rigs gsum 'phags tshogs sprul pa'i 'khor grangs med/__/gser ri tshar du dngar ba rim par brgyud/__/rgyal ba'i gsang ba gsum gyis byin brlabs pa'i/__/rten mchog nor bu'i lhun po ltar spungs pa/__/'dzam gling 'gro ba kun gyi bsod nams rten/__/tshogs gnyis yongs su rdzogs pa'i dpal du grub/__/ngur smrig 'dzin pa'i 'dus sde ngang pa'i tshogs/__/chos spyod rnam bcur g.yel ba med pa dang /__/zhi dul bag yod ldan pa'i phreng ba che/__/lha mi kun gyis phyag byar 'os pa'i gnas/__/rten dang brten pa sa dang lhun po 'di/__/ji srid gnas par de srid mi nyams par/__/rdo rje gdan ltar brtan par bzhugs gsol 'debs/__/bdag gis bsags dang gzhan gyis bsags pa yi/__/dus gsum dge ba'i tshogs rnams blos blangs te/__/rgyal ba dgyes pa'i mchod sprin chen por stobs/__/kun kyang bstan pa rgyas pa'i rgyu ru bsngo/__/bdag kyang skye dang tshe rabs thams cad du/__/bka' gdams rnam thar gtsang ma 'dzin pa dang /__/jo bo yab sras snying gi ze 'brur bzhugs/__/dngos nyams rmi lam kun tu mjal bar shog__/theg mchog gsung gi bdud rtsis 'tsho ba dang /__/bdag gi sgo gsum bya ba ci bgyid pa/__/pha ma sems can don du 'gyur ba dang /__/ji srid 'khor ba ma stong bar gnas shog__/'brel pa thob dang ming tsam thos pa yang /__/ngan song sdug bsngal mtsho las rab sgrol zhing /__/thar pa'i sa bon rgyud la thebs pa dang /__/mthar gyis byang chub chen po'i 'bras thob shog__/kun mkhyen rgyal ba'i bstan pa dar zhing rgyas/__/bstan 'dzin skyes bu'i zhabs pad brtan pa dang /__/'jig rten kun tu dge legs dpal 'byor rgyas/__/mi mthun dus kyi rgud pa zhi gyur cig__/ces pa'ang rang nyid bgrang bya re gsum du son pa na byang rwa sgreng rgyal ba'i dben gnas su 'byor skabs snying nas dad cing gus pas gsol ba 'debs pa po 'jam dbyangs chos kyi blo gros te/__de bzhin 'grub par byin gyis brlab tu gsol//___//
lho brag gnas chen mkhar chu la bstod cing gsol ba 'debs pa bzhugs so/__/na mo gu ru pad+ma rA dzA ya/__'og min gnyis pa sa la 'phos 'dra/__/rdo rje'i gnas chen lho brag mkhar chur/__/o rgyan slob dpon pad 'byung yab yum/__/rje 'bangs rnams dang 'phags yul rig 'dzin/__/mkhas grub rnams kyis yang yang byin brlabs/__/khyad par yang dag sgyu ma bde mchog__/mngon sum grub brnyes nam mkha'i snying po/__/rdzu 'phrul rtogs pa lta dgongs phul phyin/__/dpa' bo mkha' 'gro bye ba sa ya/__/til gong bzhin du dgyes par rol pa'i/__/gnas kyi mchog tu gyur pa 'di ni/__/chu bur mig gi spyod yul gyur pa/__/bdag cag las dang skal ba bzang zhing /__/ngo mtshar rdo rje'i brag gi ba gam/__/dbyibs legs sra brtan bkod pa lhun chags/__/rtsa ba gsum gyi phyag rgya'i snang brnyan/__/gsang ba gsum gyi byin rlabs gzi 'bar/__/ne'u gseng spang ljongs g.yu yi maN+Dal/__/lha yi me tog kha dog rnam bkra/__/ljon shing sna tshogs mgo lcog ldem me/__/'bras bu bzang po'i khur gyis lci ba/__/lha bya spu sdug mdzes pa'i gsung snyan/__/yan lag brgyad ldan bdud rtsi'i chu bo/__/rnam mang lhung lhung dal gyis 'bab cing /__/rnal 'byor rig 'dzin grub pa pho mo/__/snang dang mi snang bgrang las 'das shing /__/chos nor zab gter 'dzad pa med pas/__/yongs su gtams pa'i sgrub gnas chen por/__/gsol ba 'debs so byin gyis rlobs shig__/rdo rje'i gnas mchog de bI ko Ti/__/rnal 'byor bdag gi lus la zhugs nas/__/phyi nang gzhan gsum gcig tu tshogs pas/__/rlung sems snang ba dbang du 'dus te/__/dpa' bo DA ki'i tshogs dang dgyes rol/__/bde mchog yang dag 'khor lo sdom pa'i/__/go 'phang mngon du byed par shog cig__/ces pa'ang rig 'dzin kun bzang 'od gsal snying po rtsal me sprel lor gnas 'dir rgyu ba'i skabs sprel zla'i tshes 20la gsol ba btab pa sid+d+hi rastu//___//
gnas byang /__a ma hoHyul gyi khyad 'phags mkha' spyod DA ki'i zhing /__/sbas yul rgyal po 'bras mo ljongs gi sar/__/nub byang mtshams kyi ri bo'i ngos kyi char/__/dga' ba lung ngam rdo rje sman gyi lung /__/rdza dang g.ya' brag spang ljongs nags kyi tshal/__/o rgyan bdag dang bi ru sa ra ha/__/Dom+b+hi la sogs 'phags yul paN grub dang /__/bod kyi mtsho rgyal 'brog ban bdud 'joms dang /__/klu dbang srung dang mi la thang stong sogs/__/grub pa'i rig 'dzin rnams kyis sgrub pa'i gnas/__/brag phug brgyad dang thugs mgon gri gug can/__/dgyes par rol pa'i dpal gyi de'u dang /__/tshe dpag med dang rig byed sgrol ma sogs/__/sangs rgyas byang sems rnams kyi byin brlab pa'i/__/phyag zhabs rjes dang sku gsung thugs kyi rten/__/ngo mtshar bkod pa bgrangs las 'das pa dang /__/gser mtsho 'o mtsho rak+ta'i mtsho chen sogs/__/'chi med lha yi bdud rtsi'i tshe chu dang /__/ljon shing bzang po DA ki mched lnga brten/__/spangs ljongs 'bur mo me long ltar 'jam pa/__/cung zad mtho bar lha khang rten gsum bzhengs/__/des ni lha min gdug pa'i tsha ngar zhi/__/rnal 'byor rig 'dzin grub pa'i gnas bcas nas/__/tshe yi 'phrang sgrol phrin las mtha' ru phyin/__/gsang sngags bstan pa phyogs bcur rgyas par 'gyur/__/shin tu gsang ba'i zab gter rnyed pa'ang srid/__/mkha' spyod dga' ba'i lung gi mdo byang ni/__/shin tu nyung ngur khri srong skal bar gdams/__/sa ma yaHde las yang gsar gud du sbas/__/de lta'i gnas de'i nye logs su/__/sbas pa'i yul ni rin chen sdengs/__/brag ri'i bskong ba'i nang dag tu/__/thang chen sman 'bras me tog rigs/__/bzang shing sna tshogs 'dres pa'i tshal/__/mtsho rdzing zur cig dag la ni/__/sgrol ma dkar sngon dgyes par gnas/__/shin tu yid 'ong ri dwags mdzes/__/bya bye'u gsung snyan sgrog pa der/__/'chi med rdo rje'i ke'u tshang /__/ma rA ti ka gnyis pa yod/__/mkha' 'gro gsang ba'i phug pa dang /__/yi dam sgrub pa sde dgu yi/__/dpal chen dgyes pa'i phug pa sogs/__/phug dang bya skyibs nyams dga' bar/__/gnas der phyin pa tsam gyis kyang /__/rlung rig dwangs shing bde dga' 'bar/__/tshul bzhin sgrub dang tshogs mchod sogs/__/byas na 'phral gegs thams cad zhi/__/phyi ma rnga yab dpal rir skye/__/de lta bu yi gnas mchog der/__/snying nas dam chos sgrub 'dod rnams/__/phyin na mtha' dmag 'jigs las skyobs/__/tshe ring nad med bde ldan zhing /__/bkra shis phun sum tshogs bar 'gyur/__/sa ma ya/__gu h+ya//___//
sbas gnas 'bras mo ljongs kyi rtogs brjod ku hu'i mgrin glu zhes bya ba/__/oM swasti/__lha dang drang srong grub pa rnams kyis nyer bsten pa/__/sras bcas rgyal ba dgyes pa'i dga' tshal snod min gyi/__/spyod yul las 'das sbas pa'i gnas mchog 'bras mo ljongs/__/pad+mo 'od kyi bkod pa yongs rdzogs bde ldan gnas/__/ri rgyal chu shel lhun po'i rdul brtsegs ni/__/mes po ti se yan lag 'byung bsten pa'i/__/rgyud las byung ba'i phreng ba dpal dang ldan/__/phyogs mtshams kun nas yongs su bskor bas mdzes/__/lha dang dge bsnyen shel gyi go zu dang /__/dung gi ya lad bsgos shing gzi brjid kyi/__/lta na sdug pa brgya byin sras po'i tshogs/__/tshar du dngar bas 'jig rten snang bar byas/__/tshangs pa'i sras mo pad dkar lang tsho can/__/mnyen lcugs 'jo sgeg ldan pa'i tshogs dag gis/__/mig gi zur mda' 'phang tshe 'phags chen rnams/__/thugs kyi brtan pa 'phrog na gzhan lta ci/__/nor bu'i ba gam bkod legs mdzes par lha klu'i khyad nor rnam mang dang /__/dar zab dkor cha bsam mi khyab pas 'dzad med phyur bur gtams pa na/__/rin chen khri rkang zab chen 'bol dang lha rdzas gsar pas bkab pa'i steng /__/lha dbang tshogs rnams btsun mo'i 'khor gyi dbus na dga' mgur rol pas rtse/__/sras blon sprul pa'i tshogs rnams ni/__/gcig tu 'dun zhing la la dag__/rngams brjid khros pa'i sdang mig bgrad/__/phyi nang lha min tshogs rnams 'joms/__/sngon byon 'chi med rig pa 'dzin pa'i rje/__/pad+ma las 'khrungs yi shes DA ki dang /__/rig pa 'dzin pa'i tshogs bcas ljongs rgyu tshe/__/rdo rje'i ye shes chen po'i byin chen dbab/__/chos nor rten mchog bgrang las 'das pa ni/__/ri brag sul dang g.yu yi mtsho rnams la/__/gter du sbas te gter bdag mthu rtsal can/__/srung mar bskos nas dus babs las can sprod/__/mthong ba tsam gyis yid dga' zhing /__/kun tu rgyu tshe rlung rig gi/__rnyogs pa thams cad rab tu dwangs/__/bde chen mi rtog ye shes bskyed/__/rin chen sna tshogs khams las grub pa yi/__/brag ri'i ba gam rtse mo rno ba sogs/__/dbyibs dang kha dog sna tshogs lta na sdug__/'khor mo yug tu lcags ri lta bus bskor/__/klu rgyal gtsug na rin chen gyi/__/chu gter che las drangs pa yi/__/lha chab mu tig phreng ba'i rgyun/__/rba rlabs chal chil g.yo zhing 'phyar/__/nyon mongs med pa'i ca co dang ldan zhing /__/kun nas phan tshun 'gran pa lta bur ngom/__/skal ldan rnams la sngags kyi sgra ldan pas/__/ma bzlas par yang sngags kyi 'khor lor rdzogs/__/ljon shing sna tshogs 'chi med sked phra ma/__/rin chen me tog rgyan gyis spud pa dang /__/rkang pas gar bsgyur mgo lcog ldem ldem byed/__/chags ldan rnams la dbang med sim pa ster/__/gcig tu ma nges sna tshogs pa/__/grangs med phyogs bcu'i zhing rnams kyi/__/shing dang me 'bras rigs mtha' dag__/gnas 'dir byed pos spungs sam snyam/__/ne'u gseng g.yu yi maN+Dal lar/__/lha yi me tog brdal ba dang /__/sman gyi rnam pa sna tshogs pas/__/srid pa'i gcong nad 'byin par byed/__/spu sdug mdzes pa'i bya dang ri dwags sna tshogs dang /__/'jigs su rung ba'i gcan gzan gtum pos ngar skad 'byin/__/klu chen rab 'khyug lce rkyong dam nyams snying la 'big__/dga' dang skyo ba 'jigs shing bsngangs pa dus gcig ston/__/lho mon smyug ma'i tshal dang bsil ldan bod/__/phan tshun 'gran par chas pa lta bu yi/__/bar gyi sbas yul rin chen 'bras mo gshongs/__/lung chen gsum dang lung phran brgya nyer lnga/__/g.yu mtsho gtan 'khyil brgya phrag bzhir lhag pa'i/__/dbus na nor bu chu shel brag ri dkar/__/bkra shis sdings zhes sa 'dzin lte ba ni/__/ge sar rab tu rgyas pa'i ze 'brur mtshungs/__/de dbus mtsho skyes rdo rje'i dkyil 'khor tshogs/__/dgyes par rol pa'i mtshan dpe'i gzi brjid 'bar/__/yon tan bsam yas brjod pa'i spobs pa la/__/rdo rje'i ljags kyang ngal ba'i tshul bstan na/__/phal gyis ro 'dzin bskyod pa'i ngang tshul 'di/__/blo gros che rnams gad mo bgad pa'i rgyu/__/rdo rje'i brag skyibs mchog thun dngos grub gnas/__/ma bzos rang byung grub pa'i phug chen dang /__/yan lag brgyad ldan mchod yon gtsang ma'i chab/__/sman shing me tog dri bsung dngar po 'thul/__/de na lha dang drang srong grub pa rig 'dzin dpa' bo mkha' 'gro rnams/__/nyin bzhin gsang chen rmad byung gsang ba mchog gi dga' ston la rol zhing /__/lha yi me tog char dang bkra shis sil snyan glu dbyangs sna tshogs sgrogs/__/de lta'i gnas mchog de nyid na/__/rtsa gsum rab 'byams phyag rgya'i gzugs/__/gsang ba gsum gyi byin rlabs rnams/__/brda rtags ya mtshan cir yang snang /__/ming can ming med zab mo'i gter/__/d+hu ma tha la'i gsang mdzod bzhin/__/dpag tu med pa rgyud gsum gyi/__/mkha' 'gro dam can phyag tu 'dzin/__/phal gyi 'dren byed dag gis ni/__/mthong min grong dang grong brdal dang /__/'brog dang yul khyim grong khyer dag__/phun sum tshogs pa'i 'byor pas brgyan/__/'ga' dang 'ga' yang slad nas mngon/__/de ltar sa 'dzin nyams dga' lha yi gnas/__/chos ldan rgyal pos nye bar bsten pa yi/__/'bras mo ljongs zhes grags pa'i gnas chen 'dir/__/zhugs pa'i rnal 'byor bdag ni nyams dga' 'o/__/sngon tshe 'dir bgrod 'phen pa yis/__/tshe 'di la yang rtsol med phyin/__/da dung skye ba gzhan dag tu/__/gnas gter chos la spyod par nges/__/phun sum tshogs pa brgya phrag 'byung ba'i gzhir gyur pa/__/bkra shis dge legs gcig tu spungs pa'i ri bo che/__/'bras dkar sA lu thang mar brdal ba'i ljongs chen gyi/__/rten dang brten par rtsa gsum rab 'byams bkra shis stsol/__/ces pa'ang mkhyen brtse'i sprul ming 'dzin pa 'jam dbyangs chos kyi blo gros sam/__pad+ma ye shes rdo rje 'phags yul gnas bskor du bgrod lam 'bras ljongs la chen brgyud 'dod shod thang du zhag par sdod skabs bris pa dge zhing bkra shis par gyur cig/___/__
'phags yul ma ga d+ha'i byang chub chen po'i bzhugs gnas rten dang brten par bcas pa'i gsol smon bkra shis 'khyil pa zhes bya ba bzhugs so/__/na mo b+ha ga wa te shAkya mu ni ye/__stobs bcu'i dbang phyug kun mkhyen zas gtsang sras/__/rgyal ba kun gyi dbus na pad dkar ltar/__/rab bsngags lha mi'i bla ma rkang gnyis gtso/__/thub dbang nyi ma mchog la phyag 'tshal lo/__/mchog zung gtad rabs bdun dang gnas brtan che/__/nyan thos rang rgyal byang sems 'khor gyi tshogs/__/bsam yas dbus na 'jigs med seng+ge'i sgras/__/tshangs dbyangs chos sgra sgrogs la phyag 'tshal lo/__/rab 'byams zhing kun sku yi bkod pas khyab/__/de bzhin gshegs pa'i tshogs dang bka' bgros shing /__/'dul ba rnam bzhi'i cho 'phrul pha mtha' yas/__/shAkya seng+ge'i zhabs la phyag 'tshal lo/__/byang chub dam pa mngon du brnyes pa'i gnas/__/rdo rje gdan gyi 'jigs med seng ge'i khri/__/byang chub ljon pa'i shing gis mdzes pa der/__/thub dbang don kun grub la phyag 'tshal lo/__/gang gi rnam thar mkha' dang rgya mtsho'i mjings/__/'phags pa'i blos kyang gzhal dka'i gnas gyur na/__/byis blo'i skra rtses 'thor ba'i ngal bas ci/__/'on kyang cha shas dad pas bstod pa'i mthus/__/bdag sogs 'di bzung skye ba thams cad du/__/yongs 'dzin bshes gnyen dam par 'phrad pa dang /__/kun mkhyen thub pa chen pos rjes bzung nas/__/theg mchog dam pa'i chos la spyod par shog__/nam zhig rgyal tshab ma pham mgon po yis/__/badz+ra pA nar chos 'khor bskor ba'i dus/__/'khor gyi thog mar lung bstan dbugs dbyungs thob/__/byang chub spyod pa rgya mtsho mthar phyin shogadal 'byor rten thob tshul khrims phung po rdzogs/__/bde bar gshegs pa'i chos mdzod rab 'dzin te/__/rdo rje gdan gyi spo la mngon 'tshang rgya/__/nam mkha' mnyam pa'i 'gro rnams sgrol bar shog__/gnas 'dir dad mos 'brel bas bsdus pa yi/__/gtso byas ma gyur rigs drug sems can rnams/__/'khor ba ngan song sdug bsngal las grol te/__/bde ldan zhing du brdzus te skye bar shog__/bstan 'dzin skyes rnams sku tshe'i ljon bzang brtan/__/bstan pa'i sbyin bdag dbu rmog rab tu btsan/__/dge 'dun 'dus pa li khri'i chu gter rgyas/__/rgyal bstan dar zhing rgyas pa'i bkra shis shog__/ces pa'ang rang slob g.yag ze ba 'gyur med grags pas bkra shis pa'i lha reg rin chen gnyis pa'i 'khor lo dang /__nor bu'i dbyibs can gyi dbyig rdo bcas bskul ba bzhin/__me bya lo zla 11tshes 30la rdo rje gdan gyi gan+d+ho la byang chub chen po'i mdun du 'jam dbyangs chos kyi blo gros pas smras rim bzhin drung tshe ring bkra shis kyis gus pas bris pa dge legs 'phel//___//
gnas mchog wA rA Na sIr bstod pa bzhugs/__/oM swasti/__bkra shis brgya phrag 'byung ba'i gzhi gcig bu/__/bkra shis chos kyi 'khor lo 'byung ba'i gnas/__/bkra shis ri dwags nags kyi tshal chen por/__/bkra shis drang srong chen pos shis pa stsol/__/sa rnams nyams dga' 'chi med lha yi grong /__/khyon 'dir mngon sum 'phos pa dang mtshungs pa/__/drang srong lhung ba zhes pa'i gtam snyan gyis/__/dus gsum kun tu rna ba'i bdud rtsir gyur/__/thub mchog nyi ma brgya pa'i gzi brjid kyis/__/'jig rten skye dgu'i 'od rnams mog por byed/__/lhan gcig 'byung po'i mig kyang zum byas nas/__/dge legs snang ba dkar pos khyab la phyogs/__/rdo rje gdan gyi rdo rje'i khri chen por/__/mi g.yo skyil krung gcig gis bcing byas te/__/byang chub snying po gang der gshegs mdzad nas/__/ljongs 'dir dal gyis phebs pas dge bar gyur/__/de la 'dus pa dang po'i 'khor gyi tshogs/__/lnga sde bzang po nga rgyal rgun chang gis/__/rab myos bstings tshig yi dam 'cha' ba rnams/__/zhugs la 'phrad pa'i rtsa sbur bsregs pa ltar/__/skyes bu'i khyu mchog mthong ba'i mod nyid la/__/lha rdzas bzang po'i stan ni bshams pa dang /__/lus kyi 'khri shing shing chen 'gyel ba ltar/__/dad pa'i phyag stobs gus pa'i tshig gis brel/__/de tshe mi yi seng ge'i thugs rje'i 'od/__/rab bskul brgya byin dang ni skye dgu'i bdag__/mdun du lhags te skye lnga'i sgra dbyangs dang /__/gser sbyangs 'khor lo rtsibs stong 'bar ba thogs/__/chos kyi 'khor lo dam pa bskor bar bskul/__/de tshe gdong lngas btegs pa'i chos kyi khrir/__/'jigs med seng ge'i nga ro'i sgra bsgrags te/__/bzlas pa gsum gyis lnga sde 'bras bur bcas/__/snga na med pa'i 'khor lo rin chen ni/__/bla med bskor ba srid rtse'i bar bsgrags shing /__/lha bu brgyad khris bden pa mthong bar gyur/__/grags snyan srid rtse'i bar du khyab par sgrogs/__/de ltar mchog tu 'phags pa'i gnas 'di ni/__/sangs rgyas mdzad pa kun gyi phul byung ba/__/mchog gi sprul sku'i gsung gi phrin las kyi/__/rol mos 'gro rnams gti mug gnyis las dkrog__/dri zhim spos kyi ljon pa sna tshogs dang /__/rin chen ri bo brag skyibs ne'u gsing /__/spang ljongs g.yu yi maN+Dal ltar bkram dang /__/me tog dkar dmar phan tshun phrag pa dog__/khrus kyi rdzing bu yan lag brgyad ldan chab/__/zla ba nor bu chu shel khang pa bzang /__/a mo ni rka'i spang leb bkram pa'i ngogs/__/sna tshogs gzugs brnyan cir yang 'char zhing bkra/__/spu sdug mdzes pa'i ri dwags rtse zhing dgod/__/lha yi bya tshogs snyan 'gyur mgrin dbyangs sgrogs/__/chu klungs lbu phreng chal chil rnam par 'thor/__/lha dang drang srong grub pa rnams kyis bsten/__/chos kyi rgyal po mya ngan med pa yi/__/mdzad pa'i phyag rjes bzang po'i shul dag ni/__/mthong bas dad dang spro la skyo ba yang /__/rab tu skye bas yid ni rtab rtab gyur/__/slar yang snyigs ma ches cher bdo ba'i dus/__/sing ga la yi d+harma pA la zhes/__/chos rgyal grags pa can gyis rgud pa rnams/__/nad kyis btab pa mal nas slong ba bzhin/__/rin chen gser sbyangs nor bu'i sgrom chen du/__/dwangs pa'i chu shel gong bu pad+mas btegs/__/de na thub dbang nyi ma'i gnyen mchog gi/__sku gdung dkar dang gnag pa'i mdangs ldan zung /__/lhar bcas 'gro ba kun gyis mchod pa'i gnas/__/bsod nams dpag med bsags pa'i zhing gyur ba/__/yid bzhin nor bu brgya phrag dag gis kyang /__/char yang gzhal bar mi bzod rten mchog rgyal/__/gzhan yang 'dzin ma'i 'og tu sngon byon gyi/__/mkhas dang grub pas phyag bstar yibs pa rnams/__/gter chen brdol ba lta bu ji snyed pa'i/__phreng ba tshar du dngar rnams mthong grol dngos/__/de ltar rten dang brten par bcas pa 'di/__/nam yang mi nyams rdo rje'i rang bzhin du/__/bstan pa gnas kyi bar du rtag bzhugs nas/__/bkra shis dge legs 'od snang rgyas par mdzod/__/ces pa'ang gtsug lag lung rigs nyi ma smra ba'i seng ge'am/__chos kyi blo gros pas gnas chen de nyid du bris pa dge'o//___//
lum+bi nI la bstod pa pad+ma dkar po bzhugs/__oM swasti/__kun tu snyan pa'i ba dan che/__/srid pa gsum na rab sgrengs pa/__/mtshan mchog ldan pa zla ba'i zhal/__/thub pa'i dbang po la phyag 'tshal/__/ngo mtshar gzigs pa rnam pa lngas/__/lha bu dam pa tog dkar po/__/dzam gling ser skya'i grong khyer du/__/zas gtsang sras su nyer bltams tshe/__/yum chen sgyu ma chen mo yi/__/gser mngal nor bu'i gzhal med khang /__/byin gyis brlabs shing chos ston mdzad/__/sa bcu'i grangs ni rdzogs pa'i tshe/__/gnod pa med par rtsib g.yas nas/__/skyes bu gzhon nu byon pa na/__/tshangs dang brgya byin ras dkar gyis/__/sku lcibs dang bcas nye bar 'khrungs/__/de tshe gom pa bdun 'dor sar/__/dri bral pad+ma gzhon nu ni/__/nye bar bzhad dang lhan cig tu/__/'od kyi snang ba chen pos khyab/__/lha yi bdud rtsis dag byas shing /__/mtshan mkhan gyis ni legs brtags tshe/__/'khor los bsgyur ba'am sangs rgyas su/__/'gyur ro zhes ni rab tu bsgrags/__/de yi dus su lha rnams ni/__/smin ma'i gzings mtho gad mo sgrogs/__/bdud kyi tshogs rnams dpa' zhum ste/__/smre sngags dang ni cho nge 'don/__/'jig rten dge ba'i ltas bzang po/__/grangs med dag kyang lhan cig snang /__/rtsod pa'i dus 'dir smon lam bzang /__/lnga brgya'i bden 'bras mngon du snang /__/de ltar skyes bu khyu mchog gi/__gzhon nu'i rol rtsed mdzad pa dang /__/byang chub snying bor gshegs nas kyang /__/chos kyi rnga chen rab tu bsgrags/__/dgra bcom 'phags pa'i tshogs rnams kyis/__/nye bar bsten pa'i gnas 'di ni/__/grags pa don dang ldan pa yi/__/mthong grol chen por dad pas 'dud/__/de ltar bstod bsngags phul ba'i dges/__/zhing khams rgya mtshor rdzogs smin sbyangs/__/dpag tu med pas 'gro rnams sgrol/__/thub chen go 'phang mchog thob shog__/ces pa'ang gnas mchog 'di nyid mjal ba'i tshe dwangs pa'i yid kyis drangs pa'i tshig gi me tog mngon par btus pa 'jam dpal dga' ba'i go chas so//___//
mnyan yod gnas la bstod pa rgyal ba dgyes rol bzhugs/__oM swasti/__bcom ldan lha yi lha mchog shAkya seng /__/mi yi khyu mchog 'jig rten 'dren pa'i gtso/__/sku gsum zhing khams kun tu khyab pa las/__/tshu rol mthong ba'i gdul bya 'dul mdzad rgyal/__/mdzad pa'i cho rol mig 'dzum yun la yang /__/brgya phrag mang po spro dang sdud mdzad pa'i/__/gnas kyi mchog gyur mnyan du yod pa zhes/__/thub dbang dgyes pa'i dga' tshal la phyag 'tshal/__/dge 'dun 'dus pa ngur smrig 'od kyis ni/__/mkha' la rab 'khyud mtshams sprin gsar pa bzhin/__/rgyal byed tshal zhes grags pa'i ljongs chen po/__/mgon med zas sbyin bsod nams mthus bskrun pa/__/chos kyi kun dga' ra ba chen po na/__/thub dbang gser gyi lhun po ltar brjid des/__/lta ba ngan pa'i chang gis rab myos pa'i/__/dregs ldan glang po sde drug spyi gtsug ni/__/rab tu 'gem pa'i cho 'phrul che bstan pas/__/dud mo'i sgra yis sa steng khyab dang bcas/__/bdud kyi sde rnams thams cad spa bkong zhing /__/yang dag chos kyi rgyal rnga lan brgyar brdung /__/de 'dra'i cho 'phrul chen po mngon sum du/__/lha mi skye bo kun gyi mig dang ni/__/snying la sim pa'i bdud rtsir sbyin pa yi/__/ngo mtshar rnam thar dus kyi mthar yang gleng /__/gzhan las khyad 'phags sha rA bsti ru/__/bcu phrag gnyis la nyag ma lnga lhag tu/__/rkang gnyis gtso bo gshegs dang bzhugs mdzad par/__/yang yang dran cing gus pas mchod par bgyi/__/skye ba 'di bzung tshe rabs thams cad du/__/bla ma thub pa'i dbang pos rjes su bzung /__/'phags pa dgyes pa'i brtul zhugs la gnas shing /__/zab dang rgya che'i chos kyis tshim par shog__/kun mkhyen bstan dang bstan 'dzin dar zhing rgyas/__/bstan pa'i sbyin bdag tshe bsod dpal 'byor 'phel/__/bstan la 'khu ba'i lha min 'jug pa zhi/__/bstan pa rin chen snang ba 'bar gyur cig__/ces pa'ang 'jam dbyangs chos kyi blo gros pas me sprel lor gnas mjal du bskyod skabs ston pa'i rnam thar dran bzhin rab tu dad pa'i sems kyis bris pa dge legs 'phel//___//
lha babs gnas la bstod pa bzhugs so/__/oM swasti/__bcom ldan rgyal ba shAkya seng+ge yi/__/zhabs rten 'khor lo rtsibs stong bkra ba la/__/spyi bos btud de lha las babs pa yi/__/ngo mtshar gnas chen bdag gis bstod par bgyi/__/phyogs mtshams tha gru yangs shing rgya che la/__/sman dang me tog nags tshal rgyas pa'i ljongs/__/shin tu nyams dga' sum rtsen bkod pa la/__/co 'dri byed pa 'dzam gling mdzes pa'i rgyan/__/lha yi chu bo gser dngul bye ma 'dren/__/rin chen sna tshogs 'byung ba'i gter chen po/__/rma bya la sogs mdzes pa'i zlos gar bsgyur/__/yid 'ong skad snyan chos kyi sgra sgrogs shing /__/lha mi'i 'du tshogs mig 'phrul lta bur rtsen/__/mthong bas nyams dga' sdod na bag phebs shing /__/rlung rig rnyogs pa thams cad ngang gis dwangs/__/thub dbang dgyes pa'i dga' tshal chen po der/__/nyi ma'i gnyen mchog bskyed pa'i sgyu 'phrul lta/__/sgyu ma'i rtse 'jo'i dga' ston rol pa yis/__/gnas der dmigs med brtse ba'i shing rtas drangs/__/dbyar gyi dpal mos dus ston ngom pa na/__/tshangs pa'i dbyangs kyis chos kyi rnga chen sgrogs/__/lha rnams bag med gnyid du yur ba las/__/dkrogs nas dam chos snang ba'i zer bkyes bas/__/bden pa mthong ba'i sa gzhi rab dul zhing /__/byang chub myu gu legs par 'khrungs par gyur/__/e ma lha rnams sngon chad ma mthong ba'i/__/chos kyi dga' ba brgya phrag nyams su myong /__/bstod dbyangs sil snyan rnam par 'khrol ba yis/__/lha yi zla ba yun du 'da' ba dang /__/slar yang thub mchog sa 'dir 'pho dgongs tshe/__/lha las babs pa'i gtam snyan rgyud mang gi/__sgra ni mkha' las rang grags gyur pa dang /__/rin chen baiDUR+Ya yi them skam las/__/glang chen stabs kyis mdzes par gshegs pa dang /__/lha yi 'khor tshogs mchod rdzas bsam mi khyab/__/nyi zer rdul ltar 'khrigs pas lha lam khengs/__/dal gyis 'bab pas skye bo mtha' dag gi/__chu bur mig gi dga' ston gyur pa dang /__/zhal tshab skrun pa'i thub pa'i dbang po yang /__/gom bdun bor te phan tshun 'gran bzhin chas/__/de tshe rgyal ba lha las babs pa yi/__/thugs rjes byin brlabs mchod sdong rin po che/__/bsod nams bsags pa'i zhing gi dpal du grub/__/bkra shis dge mtshan shin tu rgyas par gyur/__/ston pa mtshungs bral mnyam med bu ram shing /__/des gsung zhi bsil bdud rtsi dam pa'i chos/__/de 'dzin 'phags pa'i dge 'dun tshogs bcas kyi/__/bstan pa 'jig rten khams 'dir dar zhing rgyas/__/de ltar rgyal ba thub chen dpal kyi lhun/__/gang gi mdzad chen bstan pa'i phyogs tsam zhig__/gzhir byas bstod bsngags skra rtse'i zeg 'thor bas/__/tshogs gnyis dam pa yongs su rdzogs par shog__/bdag gzhan skye ba tshe rabs thams cad du/__/bcom ldan lha yi lhar gyur mchog nyid kyis/__/rjes su bzung nas sa bcu lam lnga bgrod/__/rang gzhan don gnyis lhun gyis grub par shog__/ces pa'ang shing pho spre'u'i lor 'phags yul du gnas mjal phyin skabs/__shi kha pA sar grags pa gsal ldan lha las babs pa'i gnas chen mjal nas/__/gnas de'i nye 'dabs su 'jam dbyangs chos kyi blo gros pas bris pa skye ba kun tu bde bar gshegs pa la bstod pa'i rol mo mngon par sgrogs nus pa'i rgyur gyur cig__/mang+ga laM//___//
rtsA mchog grong la bstod pa bzhugs so/__/oM swasti/__'gro ba'i bla ma shAkya seng ge yi/__/mdzad pa tha ma nye bar ston pa'i gnas/__/grong khyer rtswa can rgyal bas bsngags pa der/__/rab tu gus shing dad pa'i phyag gis 'dud/__/phyogs mtshams kun tu pad+ma bkram pa ltar/__/khyon yangs rin chen sna tshogs khams ldan pa'i/__/brag ri dang ni sman shing bzang po dang /__/mtshar sdug rnam bkra'i me tog tshar du dngar/__/yid 'ong spang ljongs chu gter skyed tshal sogs/__/dag pa'i zhing khams sa 'dir 'phos par bsngags/__/lha dang drang srong rnams kyi bsti gnas che/__/byang chub zhing gi bkod pa rab rdzogs der/__/skyes mchog nyi ma'i gnyen de rdo rje'i sku/__/'chi ba spangs kyang sangs rgyas 'byung ba la/__/rab tu dkon dang rtag 'dzin bzlog pa'i phyir/__/sA la zung gi bar du gzim khri bshams/__/sgra gcan 'dzin dang kun dga' bo sogs la/__/zhal gyi gdams pa nye bar bstan pa dang /__/seng ge'i gzim stabs dbu ni byang bstan du/__/gzugs sku'i bum nas 'pho tshul bstan la 'dud/__/de tshe 'jig rten gsum po mun par gyur/__/lhar bcas 'gro ba thams cad cho nge 'debs/__/dgra bcom mang po mya ngan 'das la gshegs/__/rgyal tshab 'od srung chen po la sogs pa/__/legs par gdan 'dzom ye shes zhugs kyis sbyangs/__/mche ba bzhi dang sku gdung ring bsrel tshogs/__/bsod nams mchod pa'i zhing du byon pa rnams/__/so sor gdan drangs mchod pa'i rten du 'bar/__/phrin las 'dzad pa med la gus pas bstod/__/legs gsung bka' bsdu chen po rnam gsum byung /__/gtad rabs chen po bdun sogs rim par byon/__/mdor na rgya gar rgya nag bal bod sogs/__/bstan dang bstan 'dzin ji snyed byon pa rnams/__/thub dbang nyid kyi thugs rje'i byin rlabs las/__/byon dang 'byon 'gyur rnams kyang rgyal ba'i mthu/__/yang yang bka' drin rjes su dran pas mchod/__/de ltar ston pa mnyam med sangs rgyas dang /__/skyob pa zhi bsil dam pa'i chos chen po/__/'dren pa phul byung dge 'dun rin po che/__/mi phyed snying nas gus pas gsol ba 'debs/__/nges 'byung tshul khrims byang chub sems mchog skye/__/yang dag lta ba mngon sum rtogs pa dang /__/sa bcu lam lnga ma lus kun rdzogs nas/__/shAkya'i rgyal po khyed dang dbyer med shog__/ces pa'ang gtsug lag lung rigs nyi mas 'phags yul gnas mjal skabs 'bol rtsom du dang ba'i ngag gis gsol ba btab pa de bzhin du 'grub par byin gyis rlobs shig gu/__//__
rgyal po'i khab kyi gnas/__bya rgod spungs ri na len+d+ra sogs la bstod pa rab dga'i dbyangs zhes bya ba/__mgon po 'jam pa'i dbyangs la phyag 'tshal lo/__/gnyis snang sgrib tshogs mun pa gtan nas bcom/__/kun mkhyen ye shes gsal ba'i 'od po che/__/'jig rten gsum na gdugs zla med pa yi/__/lhar bcas 'gro ba'i bla ma la phyag 'tshal/__/byang chub shing drung ga la bar gshegs nas/__/bdud brtul mngon 'tshang rgya zhing chos 'khor bskor/__/'dul ba rnam bzhi dpag med rab bstan nas/__/rtswa mchog grong du mya ngan 'das phyag 'tshal/__/mdzad pa brgya phrag de las khyad par du/__/gnyis skyes rgod dkar gyen rgyug spungs pa lta'i/__/rdo rje'i ri bo dbyibs legs ljon shing gi/__'bras bu sna tshogs spud pa la=__/baiDUR+Ya ni dkar ser sngo dang ljang /__/du bas spras pa'i brag ri mthong bas dga'/__/zla ba chu shel bzhus pas zhal zhal byas/__/ba gam bkod legs rnam mang la=__/rin chen khri rkang seng glang pad+mas brgyan/__/'khor yug mu khyud lcags ris mdzes pa der/__/bcom ldan lha yi lha khyod rab bzhugs tshe/__/phyogs bcu'i zhing nas 'khor tshogs 'dus=__/dam chos rgya mtsho bsrubs pa'i snying po ni/__/dus gsum rgyal ba'i yum gyur chen mo'i mdo/__/gsung gcig nyid kyis sor sor ston=__/dgra bcom gnas brtan lam phran chen po dang /__/ri rgyal ngos yangs bkra shis bzang po'i rir/__/klu'i sde 'khor tshogs rtag bzhugs la=__/yan lag brgyad ldan chu klung ltengs ka dang /__/khrus kyi rdzing bu dbyangs can rol pa'i mtsho/__/spang ljongs ne'u gseng 'od ma'i tshal la sogs/__/zas gtsang sras po'i dga' tshal la=__/bsod nams bye ba brgya phrag gis thob pa'i/__/chos kyi rgyal po gzugs can snying po zhes/__/de bzhin gshegs pa bsnyen bkur byed pa'i phul/__/mi dbang lha yi lha der phyag 'tshal lo/__/dang por gnag pas bsod nams min spyod kyang /__/blo gros che rnams bdud kyis 'thib mi nus/__/bcom ldan seng ge'i zhabs la rab btud nas/__/bden mthong sa yi rje bo la=__/sangs rgyas gsung rab dgra bcom thugs mnga' rnams/__/rgyal tshab 'od srung chen po gtsor mdzad pas/__/bka' yi bsdu ba dang po mdzad pa yi/__/snyan pas srid rtser khyab pa la=__/de ltar rA dza dgyes pa'i dga' tshal nas/__/gnod sbyin phyogs su nye bar phyin pa na/__/shrI nA len+d+ra zhes bya ba yi/__/sprul pa'i chos sde chen po la=__/rgya khyon 'khor yug dpag tshad kyis gzhal bar/__/sangs rgyas byang sems bzhugs pa'i gtsug lag khang /__/khyams dang kun dga' ra ba chos khri sogs/__/ngo mtshar bsam pa'i blo las 'das=__/'dzam gling mdzes par byed pa'i rgyan rnams dang /__/rmad byung slob dpon la sogs paN+Di ta/__/mda' bsnun zhabs sogs grub pa che rnams kyis/__/yongs su bsten pa'i gnas de la=__/sprul pa'i nyan thos nyi zla zung mchog ni/__/bltams pa'i gnas de nye bar 'dzin pa las/__/sangs rgyas bstan pa'i rming gzhi chos 'khor che/__/'dzam gling 'gran zlas dben pa la=__/da lta tha mal snang ngor sgyu ma yi/__/ngang tshul lta bur snang yang nges pa'i don/__/'jig pa mi mnga' mngon dga'i zhing khams cher/__/chos ston mdzad bzhin bzhugs pa la=__de ltar 'phags yul ma g+ha d+ha yi char/__/bde bshegs bzhugs dang 'chag dang phrin las rgyun/__/mngon par bskyangs pa'i gnas kyi bkod pa la/__/cha shas tsam zhig bstod pa'i dge ba'i mthus/__/bsod nams grub pa rin chen lhun po 'di/__/bstan dang 'gro la bde skyid rgyas phyir sbyin/__/bdag kyang skye ba'i phreng ba thams cad du/__/bla ma thub dbang de dang mi 'bral shog__/ces dad pa'i shugs kyis drangs pa'i rmongs rtsom tshigs bcad kyi phreng ba 'di'ang 'jam dbyangs blo gros rgya mtshos g+ha ya'i kri sing gi khang bzang du sbyar ba mang+ga laM/__/dge'o//___//
rgya gar ka la ka ta'i grong khyer chen po la bstod pa/__oM swasti/__dpal ldan 'jig rten dbang phyug gi/__bkod pa lha chen ma hA de'i/__/yum chen dgyes pa'i tshal chen po/__/rnam 'phrul 'chi med ljongs 'dir 'phos/__/bzo rigs bco brgyad 'du ba'i gnas/__/'dzam gling skye 'gro'i rigs mtha' dag__/ma bos par yang 'du ba'i gnas/__/rkang drug me tog rtsi sdud bzhin/__/rnam pa mang po'i nor gyi dbyig__/rnam thos bu yi bang mdzod kyi/__/gter ni yongs su 'byed pa ltar/__/srid pa'i dkor nor ma tshang med/__/mdzes sdug bar ma'i skye 'gro ni/__/sa chen rdul gyi grangs snyed ltar/__/gcig gis gcig la 'gran pa 'dra/__/mig stong ldan yang bltar mi bzod/__/'khrul 'khor rnam pa mang po dag__/brgya stong bye ba 'bum gyi sgras/__/sa gzhi 'gul dang rdo rje'i thog__/grul bum dri za'i skad sna tshogs/__/sgra 'dzin bzod par dka' snyam byed/__/sa gzhi bstar legs gang+gA yis/__/rin chen bye ma 'dren bzhin du/__/gru gzings 'gro 'ong skar ltar bkra/__/ljon shing sna tshogs 'bras bur ldan/__/gzhan yang ljon pa bzang po yi/__/nags tshal dra bas kun nas mdzes/__/khang bzang ba gam lta na sdug__/rin chen sna tshogs sgo dang ni/__/mthongs skar mang po yid du 'ong /__/rin chen glog gi sgron me yang /__/dkar dmar ser dang sngo ljang gis/__/nyin mtshan phyed par mi 'gyur ba'i/__/rmongs pa rnams la the tshom skyed/__/bza' btung gos rgyan phreng ba dang /__/byugs pa la sogs gang mkho ba/__/de yi mod la 'byung ba ni/__/byang chub sems dpa'i smon lam mthu/__/lha yi bkod pa dang 'dra zhing /__/mi yi 'jig rten khams su ni/__/mi srid snyam yang mngon sum du/__/mthong bas 'khrul pa med par nges/__/de bzhin gshegs pa'i ring bsrel ni/__/rdo rje rin chen kun gyi mchog__/srid zhi'i khyon gyi dngos po rnams/__/gcig tu spungs kyang char mi nye/__/lha mi'i mchod pa bsam yas kyis/__/mngon par mdun bdar mthong bas grol/__/'dzam gling mdzes pa'i rten mchog la/__/lha mis mchod 'os gnas su gyur/__/de ltar nyams mtshar brjod 'di yang /__/blo gros rgya mtshos rgyal zla ba'i/__/dpa' bo mkha' 'gro'i 'du bar spyod/__/dkar phyogs chos bcur sbyar ba dge/__//__
dpal kA lI de wIr bstod pa dpal lha dgyes pa'i dbyangs snyan bzhugs so/__/na mo shrI ma hA kA lI de wI ye/__/dpal chen thugs las sprul pa'i lha mo ni/__/bdag med stong pa don dam chos kyi dbyings/__/rnam pa kun gyi mchog dang rab ldan ma/__/'khor 'das kun khyab kun tu bzang por bstod/__/de bzhin nyid dbyings spros mtshan mi rtog kyang /__/skye med ngang las skye ba'i cho 'phrul ston/__/zhi dang khro chags sna tshogs rab bsgyur ma/__/ming brgya mtshan stong ma la bstod par bgyi/__/lha mo par+Na sha ba ri dang ni/__/gau rI brgyad sogs rnam 'gyur cir yang 'char/__/srid gsum dbang bsgyur rdo rje 'phrul mo che/__/dpal ldan dbyings kyi rgyal mor phyag 'tshal bstod/__/snang srid 'byung chen lnga po'i rang bzhin ni/__/sra mnyan dro dang skyed byed bdag nyid che/__/dus bzhi'i dpal 'dzin nam mkha'i gos can ma/__/'khor 'das skye ba'i yum chen ma la bstod/__/rdo rje btsun mo'i chu skyes rgyas pa'i dbus/__/rab 'byams dkyil 'khor til gyi gong bu bzhin/__/rtag tu bzhugs pa'i 'og min gsang ba cher/__/gsang 'dzin dbang mo rnal 'byor ma dpal bstod/__/ngo bo rang bzhin med cing bdag rtog spangs/__/spros pa'i mtshan ma thams cad nyer zhi zhing /__/'od gsal rnam pa kun gyi mchog ldan ma/__/shes rab pha rol phyin ma'i ngo bor bstod/__/stong pa'i dbyings las gzugs kyi skur bzhengs pa/__/longs spyod yongs rdzogs de bzhin gshegs ma lnga/__/sa dang pha rol phyin bcu'i rtse mor phyin/__/dpal ldan rang byung rgyal mor phyag 'tshal bstod/__/he ru ka dang dregs pa'i lha chen sogs/__/gcig tu ma nges thabs chen rnam mang dang /__/kha sbyor bzhi yi rol rtsed ston mdzad ma/__/sgyu 'phrul lha mo chen mor phyag 'tshal bstod/__/'dzag pa'i dri ma thams cad rnam spangs shing /__/zag med bde ba mchog gi longs spyod kyis/__/rtag tu myos shing haM yig ri bong gi/__bdud rtsi'i cha yis yongs su gang la bstod/__/dmigs med snying rjes skye 'gro thams cad la/__/ma gcig bu la brtse bzhin rtag tu gdung /__/byams pa chen po'i spyan gyis gzigs mdzad pa/__/ma gcig byang chub sems ma chen mor bstod/__/dus gsum kun tu sngon 'gro rjes su 'jug__/dus bzhi kun khyab snod bcud phywa chen mo/__/sprul pa'i gzugs ni du ma mang por ston/__/rgyun mi chad pas 'gro ba 'dul la bstod/__/dbyings la gnas kyang zhi ba'i mthar ma lhung /__/srid par rjes su chags pa'i sgyu thabs kyis/__/nam yang 'gogs pa med pa'i phrin las ni/__/'khor ba gnas kyi bar du ston la 'dud/__/lha la dbang bsgyur lha mo nam gru ma/__/klu la dbang bsgyur klu mo dung skyong ma/__/srin po'i chung ma 'bod sgrogs rgyal mo che/__/mkha' 'gro'i gtso mo rje la phyag 'tshal bstod/__/gsang sngags rgyud sde kun gyi gnyer 'dzin ma/__/'og min dur khrod me ri 'bar ba ru/__/bka' yi srung ma khro mo rag gdong ma/__/srid zhi'i dgra las rnam rgyal ma la bstod/__/re ma dza dzi dzu dang rab brtan ma/__/dmag dang zor gyi las mdzad drag mo rgyal/__/rdo rje gshog rgod srog sgrub ma la sogs/__/bstan srung du mar 'phrul la phyag 'tshal bstod/__/khyod kyi rjes 'brang kong srin ba lang gdong /__/'brog srin chu srin gdong dang dred gdong sogs/__/gzhan yang nag mo bye ba 'bum sde'i tshogs/__/rlung nag 'tshubs mar 'khyil la rab tu bstod/__/stong khams 'di na drag rtsal mthu mo che/__/stobs shugs bskal pa'i me bzhin rab 'bar ma/__/bstan srung kun la dbang bsgyur chen mo ni/__/dpal ldan 'dod khams lha mo khyod la bstod/__/ma ltar byams dang sring ltar rab gdung zhing /__/rnam 'byor sgrub pa'i grogs mo chen mo ni/__/byang chub bar gyi mdza' mor mnga' gsol zhing /__/mi 'bral dang ba'i sems kyis bstod par bgyi/__/de ltar bstod pa'i dbyangs kyi rol mo 'dis/__/re ma ti yi thugs dam gnyen po bskangs/__/'gal 'khrul nyams chags thams cad bzod bzhes la/__/tshangs pa mchog gi dngos grub stsal du gsol/__/'jig rten 'jig rten 'das pa'i dngos po kun/__/blo yis blangs te 'dod khams bdag mor 'bul/__/khyod thugs dgyes pa chen po rab bskyed de/__/rnam bzhi'i phrin las ma lus 'grub par mdzod/__/kun mkhyen nyi ma'i gnyen gyi bstan pa dang /__/bstan 'dzin sde rgyas lung rtogs bshad sgrub 'phel/__/chos ldan rgyal po sbyin bdag dbu 'phang mtho/__/nag phyogs sder bcas rtsad nas 'joms gyur cig__/rnal 'byor bdag cag yon mchod 'khor bcas la/__/gnod par byed pa'i gzugs can gzugs med tshogs/__/zhi dang rgyas dang dbang gi las gsum gyis/__/byams pa'i sems dang ldan pa'i phrin las mdzod/__/zhi bas mi 'dul sdang sems ldan pa rnams/__/sdong skam me la rgyab pa ji bzhin du/__/ming dang rus dang brgyud par bcas pa rnams/__/ming tsam med pa rdul du brlag par mdzod/__/mdor na gang bsam cir snang thams cad pa/__/rang gi sems kyi cho rol nyid du shar/__/dbyings kyi rgyal mo e ka tsa ti ru/__/ngo shes thag chod thig le nyag gcig klong /__/bya rtsol bral ba'i phrin las lhun grub mdzod/__/ces pa'ang rgya gar ka la ka ta'i dpal lha mo'i grong khyer du khrag 'thung dpa' bo pad+ma ye shes rdo rjes shar mar bris pa'o//___//
bal yul yang le shod kyi mdo byang bsdus pa bzhugs so/__/dpal chen he ru ka la phyag 'tshal lo/__/rang byung gsang ba chen po las/__/skye med skye ba'i cho 'phrul gyis/__/rdo rje'i yi ge rang shar ba/__/ngo mtshar mchog tu e ma hoH__bdag 'dra pad+ma 'byung gnas ni/__/o rgyan yul gyi nub byang mtshams/__/sin+d+hu'i rgya mtshor pad sdong rtser/__/mngal gyis ma gos rang byung 'khrungs/__/o rgyan rgyal po'i sras su byas/__/brtul zhugs spyod pas 'gro don mdzad/__/dur khrod brgyad du spyod pa bskyangs/__/grub pa'i slob dpon mang po dang /__/paN+Di ta las mdo sngags kyi/__/chos tshul mang po mnyan byas te/__/ma ra ti kar nye rgyu'i lam/__/bsten nas 'chi med rig 'dzin sgrub/__/tshe dpag med pas zhal yang bstan/__/khyad par yang le shod brag tu/__/dpal chen phyag rgya mngon sgrub nas/__/bar chad bgegs rnams rdo rje khros/__/ting 'dzin mthu yis bcom byas te/__/phyag rgya'i rig 'dzin mthar phyin nas/__/rdo rje 'chang gral sar gshegs so/__/de ltar sgrub pa'i gnas 'di ni/__/he ru ka yis byin gyis brlab/__/sngon tshe ru tra bsgral ba'i dus/__/khog pa gzhal med khang 'dir snang /__/sa gzhi dpyad legs 'dod rgu tshang /__/gsang bdag 'jam dbyangs la sogs dang /__/byang chub sems dpa' mang po dag__/gnas 'dir mngon sum lhags pa dang /__/phyogs mtshams dur khrod brgyad kyis bskor/__/khyad par thub pa chen po nyid/__/glang rir rdzu 'phrul zhabs bcags tshe/__/'dir byon byang sems dgra bcom tshogs/__/'khor dang bcas pa thams cad dang /__/'chi med drang srong rig 'dzin dang /__/lha klu gnod sbyin tshogs rnams la/__/zab rgyas chos kyi 'khor lo bskor/__/thun min grub pa'i rig 'dzin la/__/he ru ka rnams mngon 'byung ba'i/__/rgyud sde'i chos kyi sgra dbyangs sgrogs/__/gsang sngags gter chen mang po sbed/__/'phags yul grub chen mda' bsnun sogs/__/'dir byon 'dir sgrub 'dir bsten pas/__/grub pa mchog gi dngos grub brnyes/__/de phyir gsang sngags bstan ba ni/__/rgyas par 'dod pas 'dir mchod cing /__/'dir sgrub don dang ldan par 'gyur/__/dngos grub skal ba chen po rnyed/__/bstan 'gror bde skyid rgyas par 'gyur/__/sa ma ya/__!gnas kyi mchog gyur bal po'i mthil/__/dus gsum sangs rgyas 'byung ba'i gnas/__/byin brlab ring srel mchod sdong che'i/__/dbang phyogs dpal chen dgyes pa'i gnas/__/he ru ka yi tshogs khang che'i/__/rang byung gsang ba'i phug pa ru/__/rdo rje phag mo mngon sum bzhugs/__/dpa' bo mkha' 'gro dgyes par rol/__/bde chen grub pa'i dga' tshal che/__/mthong bas las kyi sgrib pa 'dags/__/thos pas ngan song skye sgo chod/__/tshul bzhin sgrub pas mchog dngos grub/__/phyi nang gsang ba'i tshogs 'khor lo/__/dam tshig ldan pas spyod gyur na/__/he ru ka dang skal pa mnyam/__/rdo rje'i brtul zhugs grub rnams kyi/__/gsang ba chen po'i gar bsgyur na/__/rtsa thig rlung gi snyigs ma dwangs/__/rig pa'i ye shes stobs 'bar zhing /__/sbyor dang sgrol ba lam du lhongs/__/gsang ba'i gsang chen de nyid nges/__/bden don rtogs pa'i mthar thug 'gyur/__/sa ma ya/__nam zhig bod khams sdug pa'i dus/__/du ru ka yi tsha ngar rgyas/__/mi bde sna tshogs 'byung ba'i dus/__/pad+ma bdag gi thugs bskyed dang /__/mnga' bdag chen po'i smon lam dus/__/gnas 'dir glog bzhin 'khyugs nas su/__/bstan 'gro'i bde skyid spel bar byed/__/dngos gter mi spyod mdo byang 'di/__/mngon du phyungs nas phyi ma'i dus/__/nai pa la yi chos rgyal ni/__/b+haM ga'i ming can gyur nas su/__/zab mo gter la dbang 'byor shing /__/bstan 'gror phan bde'i sgo 'phar 'byed/__/sa ma ya/__spre'us gar rtse bya la zhon/__/sa la lhungs nas khyi bzhin nyul/__/phag ltar rgyugs nas byi ltar yibs/__/de nas glang gi rwa rtse la/__/dar tshon kha dog sna lngas brgyan/__/'dzam gling yud tsam bde ba dang /__/gnas gter 'di yang gsal bar 'gyur/__/sa ma ya/__/ces pa'ang me sprel lo kho bo pad+ma ye shes rdo rje 'phags bal du bstan 'gror bde skyid 'byung phyir gnas mjal skabs zla 12tshes 1la yang phur sbrags ma'i tshogs mchod skabs yid la lam lam gsal ba/__tshes 2snga char rang slob nang chen tshes bcu bla ma mchod dpon blo gros mchog ldan nas shog gu gtad de gang dran zhig bris zhes bskul rkyen gyis gnas de nyid du bris nas gshams 'phags pa shing kun du 'byor 'phral bris pa shes nyams la mi 'char dgu 'char gang dran thol byung du bris pa'o/__/mang+ga laM//___//
bal yul yang le shod kyi gnas bstod bzhugs so/__/shrI badz+ra he ru ka na mo/__'bar ba'i sku ni gcig tu 'khyil/__/ye shes grub pa'i phyag rgya che/__/gdod nas grub pa'i 'og min ni/__/sa 'dir 'phos pa rmad du byung /__/rdo rje'i lus kyi bkod pa ni/__/phyi rol dngos po'i chos su shar/__/dpyad legs rnam shes dag pa yi/__/bkra shis rtags kyi mtshan mas spras/__/haM dang a thung snyoms zhugs kyi/__/kha sbyor rtags su shel dkar ri/__/nags tshal stug po'i rnam par mdzes/__/sprul pa'i 'khor lo sa 'dzin ni/__/zlum po thig le gcig tu 'khyil/__/dran pa rnam bkod dwangs bsil rdzing /__/rngam la ro drug 'dod yon mchod/__/bde skyong lha mo'i gar gyis rtsen/__/a don skye med stong pa'i sgra/__/su ras myos pa'i brtul zhugs kyis/__/dbang chen rngam pa'i sgra sgrogs pas/__/bdag 'dzin ru tra rnam gsum gzhom/__/dpal chen sku sngags phyag mtshan sogs/__/phan tshun 'gran pa bzhin du bkra/__/pad+ma rgyal po thod phreng rtsal/__/yang dag grub pa chen po yi/__/srod la bdud rnams kI las bsgral/__/tho rangs mngon par byang chub brnyes/__/de yi byin brlabs sgrub gnas che/__/sa chen 'di na 'gran zla dben/__/phyi nang gsang ba'i de nyid dang /__/legs sbyar bkod pa'i sgra dbyangs kyis/__/srid gsum 'gro ba kun bsgral nas/__/gsang ba mchog gi grong 'jug shog__/slar yang chos gter bang mdzod rnams/__/pha nor bu yis spyod pa dang /__/sa gsum rab dga'i dbyangs sgrogs pas/__/'dzam gling kun tu khyab par shog__/ces pa'ang rdo rje gzi 'bar rtsal gyis so//___//
bal yul mchod sdong 'phags pa shing kun la gsol ba 'debs pa bzhugs so/__/e ma ho/__rang byung chos sku'i mchod sdong chen po ni/__/rgyal ba rnams kyi thugs kyis byin brlabs shing /__/rdo rje'i zam zhes grags pa chen po der/__/ngo mtshar bsam mi khyab la gsol ba 'debs/__/shAn+ta pu ri'i grong khyer sa spyod zhing /__/he ru ka yi sprul pa'i dkyil 'khor bzhugs/__/'phags pa shing kun gzugs sku'i mchod sdong che/__/go ma sa la gan+d+hor gsol=__/dus gsum rgyal ba rnams kyis zhabs bcag cing /__/sngon byon sangs rgyas rabs bdun ring bsrel gyi/__/nor bus phyur bur gtams pa'i mchod sdong che/__/gus pas phyag mchod rtag tu gsol ba 'debs/__/sdig bshags yi rang chos 'khor bskor bar bskul/__/bzhugs gsol 'debs shing dge tshogs 'gro la bsngo/__/sku gsum go 'phang dam pa mngon byed shog__/rten mchog 'di yis 'dzam bu'i gling kun bde/__/kun mkhyen thub pa'i bstan pa dar zhing rgyas/__/bstan la gnod pa mtha' dag zhi ba dang /__/phan bde'i dge mtshan rgyas pa'i bkra shis shog__/ces pa'ang chos kyi blo gros pas rten mchog nyid kyi drung du gsol ba btab pa'o//___//
mchod rten bya rung kha shor la gsol ba 'debs pa bzhugs so/__/na mo gu ru/__rgyal ba rnams kyi thugs mchog chos kyi sku/__/mtshon par byed pa'i mchod sdong chen po ni/__/srid zhi'i khams na nyi ma ltar lham me/__/mthong grol chen po de la gsol ba 'debs/__/sangs rgyas 'ong srung chen po'i ring bsrel gyis/__/phyur bur gtams pa'i sku gdung rin po che/__/mkha' 'gro bde mchog thugs bskyed las bskrun pa'i/__/rten mchog yid bzhin nor bur gsol ba 'debs/__/mkhan slob chos rgyal rnams kyi byang phyogs su/__/thub bstan spel ba'i g.yar dam sems bskyed bzhes/__/lha mi rnams kyis bsod nams bsags pa'i zhing /__/mtshungs zla med la gus pas phyag 'tshal zhing /__/mchod dang sdig bshags dge la rjes yi rangs/__/chos bskul mya ngan mi 'da' gsol btab dang /__/dge tshogs nam mkha'i mthar thug 'gro la bsngo/__/sangs rgyas bstan dar bstan 'dzin zhabs pad brtan/__/dus 'khrugs zhi zhing bde dga'i dpal yon rgyas/__/'brel pas bsdus pa'i gshin gson pho mo rnams/__/bla med byang chub mchog la myur 'god shog__/ces pa'ang rten mchog nyid kyi drung du chos kyi blo gros bas smon pa'o//___//
stag mo lus sbyin mchod sdong la gsol smon bzhugs so/__/na mo/__phyogs bcu dus bzhi'i rgyal ba sras bcas dang /__/ston pa mnyam med shAkya'i rgyal po yi/__/zhabs rdul spyi bo'i rgyan du mchod byas nas/__/gsol 'debs smon pa'i gnas 'di 'grub bar mdzod/__/sngon tshe thub dbang byang sems snying stobs che/__/gyur tshe stag mo bu lnga dang bcas par/__/sku lus sbyin btang lhag mar lha'i dbang pos/__/mchod sdong bzhengs par mdzad la gsol ba 'debs/__/'dzam bu'i gling gi rten mchog khyad par can/__/bsod nams bsags pa'i dpal zhing dam pa la/__/phyag mchod gsol ba btab pa'i byin rlabs kyis/__/bdag gzhan 'gro bas byang chub myur thob shog__/bdag ni 'khor bar ji tsam gnas kyi bar/__/gzhan phan sgrub la spro ba skyes pa dang /__/skyo ngal med cing bzod pa'i go cha brtan/__/dmyal me bzod dka'i gnas su'ang 'jug nus shog__/rgyal ba'i chos tshul mtha' dag rab 'dzin cing /__/sangs rgyas byang sems ma lus mchod pa dang /__/zhing khams mtha' dag yongs su sbyong ba dang /__/bde bar gshegs pa'i chos rnams yongs rdzogs shog__/mdor na 'jam dpal dbyangs kyi thugs bskyed dang /__/mdzad pa smon lam ji bzhin 'grub gyur nas/__/nam mkha'i mtha' mnyam 'gro ba ma lus pa/__/kun tu bzang po'i go 'phang la 'god shog__/ces pa'ang chos kyi blo gros pas smon tshig tu bris pa de bzhin 'grub par gyur cig/___/__
nai pa la'i mchod rten rnam gsum gyi gsol 'debs bzhugs so/__/e ma ho/__dus gsum sangs rgyas rnams kyi byin gyis brlabs/__/sprul pa'i ring bsrel 'dzad pa med pa'i gter/__/chos sku'i mchod rten 'phags pa shing kun la/__/mi phyed gus pa chen pos gsol ba 'debs/__/sangs rgyas 'od srung mchog gi byin rlabs las/__/mkha' 'gro bde mchog sras dang bcas pa yis/__/legs par bzhengs pa'i mchod sdong chen po ni/__/'phags pa bya rung kha shor la gsol ba 'debs/__/byang chub sems dpa' snying stobs chen po yis/__/stag mor sbyin pa'i sku gdung lhag ma las/__/bskrun pa'i bsod nams zhing mchog mchod rten la/__/dad pas phyag 'tshal gus pas gsol ba 'debs/__/lus dang longs spyod dus gsum dge tshogs bcas/__/kun bzang mchod pa'i sprin du 'bul ba dang /__/phyag 'tshal sdig bshags yi rang chos bskul zhing /__/bzhugs gsol dge tshogs byang chub chen por bsngo/__bdag gzhan skye dang tshe rabs thams cad du/__/mngon mtho'i rten thob nges 'byung tshul khrims dang /__/byams dang snying rje byang chub sems mchog dang /__/yang dag lta ba rgyud la skye bar shog__/sangs rgyas bstan pa dar zhing rgyas pa dang /__/'gro rnams bde skyid 'phel zhing rgud pa sel/__/bstan la gnod pa thams cad rab zhi zhing /__/bstan 'dzin skyes rnams zhabs pad brtan gyur cig__/ces pa'ang chos kyi blo gros pas bya rung kha shor mdun du bris pa'o//___//
rdo rje'i gnas mchog mtsho pad+ma can la bstod pa 'chi med pad ma dkar po'i phreng ba zhes bya ba/__oM swasti/__rgyal dang de sras sems dpa' che rnams kyi/__/mkhyen nus brtse ba gcig tu bsdus pa'i sku/__/rig 'dzin rgyal po pad+ma thod phreng gis/__/phyogs dus gnas skabs kun tu shis pa stsol/__/lha yi gnas mchog sa la 'phos srid kyang /__/ye shes rgya mtsho pad+mas brgyan pa 'di'i/__/char mi nye zhing 'gran pa'i zla dang bral/__/gnas mchog khyad par can la bstod par bgyi/__/rab dkar chu shel rdul brtsegs hi ma lar/__/mu tig brgyus 'dra'i phreng bas mdzes pa dag__/la la sprin dkar dum bu g.yos pa lta'i/__/mkha' la gar stabs lang ling bsgyur snyam byed/__/phyogs mtshams khor yug kun tu gser gyi ri/__/tsan+dan sa mchog ljon pa'i nags kyi klung /__/rin chen sna tshogs khams kyi brag ri la/__/sku gsung thugs kyi phyag rgya'i ri mo bkra/__/rtsi shing me tog ljon pa'i tshal du 'bras bu'i bcud ldan khur gyis non/__/bza' shing sna tshogs skyes bu'i bkres skom gdung ba sel byed 'di sbyin zhes/__/ched du bos 'dra'i sems pa bral yang yid kyi g.yo ba dang 'dra ba'i/__/'dod dgu kun ster 'bad med lhun grub ngang gis 'jo ba'i gnas der bstod/__/lha yi chu bo lha yul nas ma byung /__/klu dbang gis kyang bzos pa ma yin pa'i/__/rdo rje'i sku brnyes pad+ma 'byung gnas des/__/tsha gsher go ldog rdzu 'phrul mthu yis bskrun/__/'bar ba'i me lce tsan dan zhugs rnon khro bas kha gdangs pa/__/'chi med sku de snang ba'i mod la ngo tsha ltar bros nas/__/bsil dwangs chu gter dri med dag byed 'jig rten gsum na dkon/__/pad+ma'i 'byung gnas pad+ma dpal gyi rang byung e ma ho/__/sangs rgyas kun gyi thugs rje gcig tu bsdus/__/pad+ma rgyal po mkha' 'gro yongs kyi gtso/__/mngal gyis ma gos brdzus skyes sprul pa'i sku/__/pad+ma kun tu 'chang ba chen por 'dud/__/shes rab 'chi med man+dA ra ba dang /__/rjes chags sgyu ma'i rol rtsed nyams brgya'i gar/__/sa gsum kun tu khyab par snyan pa yi/__/'chi med mtsho skyes rdo rjer gus pas bstod/__/za hor yul gyi rgyal khams dkar por btang /__/gdul dka' 'dul ba'i phrin las bsam mi khyab/__/grub pa'i rig 'dzin rgya mtsho'i gnas gzhir grub/__/rten dang brten par bcas la gus pas bstod/__/skye kun sangs rgyas gnyis pas rjes su bzung /__/thun min man ngag gsang ba'i mdzod chen gyi/__/lung bstan dbugs dbyung chos kyi snod gyur nas/__/gdul bya rgya mtsho smin cing grol bar shog__/rnga yab gling nas thugs rjes 'dir dgongs la/__/bdag sogs skal ldan byin gyis brlab pa dang /__/'phags bod ljongs su thub bstan dar zhing rgyas/__/nag phyogs dus kyi rgud pa zhi gyur cig__/ces pa'ang mtsho pad+ma'i nye logs su pad+ma'i 'bangs tha chos kyi blo gros pas gsol ba btab pa sid+d+hir+b+ha ban+tu//___//
@#/__/dge 'dun 'dus pa'i bca' yig rab gsal me long zhes bya ba bzhugs so/__/
oM swasti/__thub rnams spangs rtogs rgya mtsho'i pha mthar son/__/don gnyis lhun gyis 'grub pa'i dpal mnga' zhing /__/'khor ba'i nyes 'byin zhi bsil dam pa'i chos/__/de 'dzin 'phags pa'i tshogs dang bcas la 'dud/__/gangs ri'i spo na smra ba ngan 'joms shing /__/kun mkhyen rgyal ba'i bstan pa 'dzin pa la/__/zla med mkhas dang grub pa'i gtam gyis ljid/__/snyan par rab grags sa skya pa la 'dud/__/khyad par thub pa'i lung gi rab bsngags pa/__/kun dga' bzang po sangs rgyas chos mdzod 'dzin/__/rnam thar mtshungs med pad+ma dkar po bzhin/__/kun mkhyen e waM pa der gus pas 'dud/__/'jam dbyangs bla ma brgyud par bcas pa dang /__/grub gnyis ster mkhas yi dam zhi dang khro/__/rab 'bar 'jigs rung bstan srung rgya mtsho yis/__/bkra shis me tog phyogs bcur bkram du gsol/__ces 'dud cing shis pa'i tshig gis dge legs su bya ste/__mdo smad bde chen ljongs kyi byang phyogs a mdo'i yul rje sa skya ba'i ring lugs 'dzin pa sa sgang thub bstan dge 'phel gyi gtsug lag khang chen por bzhugs pa'i dge 'dun pa rnams la khrims su bya ba ni/__slob dpon dbyig gi gnyen pos/__tshul gnas thos dang bsam ldan pas/__/sgom pa la ni rab tu sbyor/__/ces pa'i don dang mthun par thugs nyams su bzhes dgos pa la dgon pa la rang gi grwa rigs kyi khongs su gtogs pa rnams 'dzin bdag gzhan 'khyar med pa dang /__chos gral bzhugs pa rnams skyabs sdom dang /__dge tshul rnams sgrub nas klog gi slob dpon bsten te klog bslab pa dang /__chos spyod/__bskang gso/__cho ga sogs blo la byang par dgos shing /__sgrub mchod sogs kyi phyag len/__thig dang rdul mtshon/__gtor bzo/__'bud bkrol brdung gsum sogs las sner brkos pa dang /__ma brkos pa rnams nas kyang rang rang gi blo dang 'tshoms par sbyongs rgyu dang /__blo chen rnams kyis mdo sngags rigs gnas la slob sbyongs dgos shing /__lo grangs son pa na sa ngor sogs la 'gro thub na rab/__de min mkhan slob sdom ldan las bsnyen rdzogs sgrub te bslab gzhi nyams pa med par bsrungs dgos shing nyams na nyes dmigs chen po thob par 'gyur te/__ji skad du/__gang zhig ston pa thugs rje'i bstan pa la/__/yang bar sems shing cung zad 'da' byed pa/__/de nas de las sdug bsngal gzhan dbang thob/__/smyig tshal breg pas a mri'i tshal nyams bzhin/__/ces pa ltar dge sbyong gi gnas las nyams par 'gyur bas/__rtsa bzhi chang lnga dang /__lhag ma/__spang lhung sogs/__bcas pa'i khrimasalas mi 'da' zhing /__dge sbyong gi chos bzhi dang ldan pa dang /__khyad par dgon nang du bud med rgyu 'grul zhag sdod sogs dang /__chang gtso btung sogs mi rung zhing mo bca' chang khrims dam par bsdam pa dang /__dgon pa'i nye 'khor du drag zhen sus kyang sems can gyi srog gcod pa dang /__ki sgra 'bod sgra tshogs pa min pa'i 'bud dkrol sogs spyod ngan gyi rigs mi chog pa dang /__bslab skyon byung na dge 'dun gyi gral nas gnas dbyung dgos pa dang /__dus rtag tu grwa ba rnams grong du 'khyam pa spangs nas dgon nang du sdod tshug pa dang /__bslab sbyongs dang bsnyen sgrub sogs la 'bad pa gal che zhing /__dgon nang du 'thab 'dzing 'khrug bslangs mi bya ba dang /__cho ga chos spyod thams cad mthong ba brgyud pa'i phyag bzhes ma nyams shing /__tshogs bsgrig thams cad gong 'phel du 'byung dgos pa dang /__dgon pa gzhung gi rten mchod/__spyi thebs sogs nyams 'khyar mi chog cing de 'dra byung na rtsis tshab dgos pa dang /__grub mtha' chos lugs gzhan rjes su mi rgyugs shing /__dpal ldan sa skya'i mdo sngags kyi blta' srol dri ma med pa'i lta spyod 'dzin dgos shing /__dbyar gnas gso sbyongs rang lugs 'jam mgon ngag dbang legs grub kyi gzhi gsum cho ga bzhin phyag bzhes mdzad dgos pa dang /__spyi dkor chud zos su ma song bar dge 'dun pa'i phyag tu 'byed pa dang /__rten bzhengs bya ba sogs dge 'dun thugs yid ches pa dgos rgyu rnams gtso bor smos shing nang khrims bca' 'os pa rnams dge 'dun spyi khrims gal che rigs 'dir tshig zin yod med la ma ltos par sdom dgos shing /__mdor na kun mkhyen shAkya seng ge'i bka' dri ma med pa so sor thar pa'i mdo nas bshad pa bzhin bslab pa la gus pa dang /__dran shes bag yod kyi sgo gsum bsdom par bya ba gal che ste/__de nyid las/__dge slong dbang dul kun dbang po/__/sangs rgyas mi 'gyur rab byung ba/__/nges par thar pa 'dod rnams kyis/__/so sor thar pa rtag tu srung /__/rab tu byung ba gzhan la gnod pa dang /__/gzhan la 'tshe ba dge sbyong ma yin no/__/mig ldan 'gro ba yod pa yi/__/nyam nga ba dag ji bzhin du/__/mkhas pas 'tsho ba'i 'jig rten 'dir/__/sdig pa dag ni yongs su spangs/__/zhes dang /__lhag pa'i sems la yang dag sbyor/__/'di ni sangs rgyas bstan pa yin/__/ces gsungs pas/__dal 'byor gyi rten la rnyed dka' ba'i 'du shes/__rgyal ba'i bstan pa rin chen dang 'phrad par dka' ba/__dal ba'i rten bzang yun ring du mi gnas pa/__bstan pa rin chen yun ring du gnas pa'i 'du shes bskyed de lhag pa'i bsam pa rnams par dag pa bskyed pa gal che zhing /__sngon bskal pa bzang ba'i dus khrims nyis brgya lnga bcu srungs ba zhig dang /__snyigs dus 'dir bslab gzhi sna gcig 'dzin pa gnyis phyi ma bsod nams che bar gsung ste/__ting 'dzin rgyal po las/__gang gi dam chos rab tu 'jigs pa dang /__/bde gshegs bstan pa 'gags par 'gyur ba'i tshe/__/nyin mtshan du ni bslab pa gcig spyod pa/__/bsod nams de ni de bas khyad par 'phags/__/ces gsungs pa la blo bzhag nas snyigs ma lnga chos bdo zhing sangs rgyas kyi bstan pa mar me 'chi ga ma lta bu'i skabs 'dir bstan pa 'dzin pa dge 'dun gyi sde la rags las pas thugs mthun khrims gtsang gi sgo nas ston pa mnyams med thugs rje can gyis bstan pa rin po che bslab pa gsum gyi bang mdzod la klog pa thos bsam dang /__spang ba bsam gtan gyi 'khor lor shin tu 'bad par bya dgos te/__rnga sgra'i tshig bcad las/__bdag gi nor ni gtong la lus bsrung ngo /__/nor dang lus kyang gtong la srog bsrung ngo /__/nor dang lus dang de bzhin srog rnams kyang /__/thams cad gtong la 'dir ni chos bsrung ngo /__/zhes shin tu gces pa'i lus srog dang /__lha dbang gi longs spyod lta bus cha tsam mtshon du med cing de thams cad nyam na sla yi bstan pa dam pa'i chos 'jig na srid zhi'i dge legs thams cad stor bas shin tu gces par srung dgos pa dang /__mdor na sgo gsum bag med kyi khyim pa sun 'byin ma dad pa'i spyod pa las ldog nas g.yo sgyu spangs pa'i ltag pa'i bsam pa dang ldan pas sgo gsum drang por bsrang zhing bag yod pa kho nas sangs rgyas kyi chos rnams rdzogs par 'gyur ba dang /__rtag tu legs nyes brtag pa'i dran shes bzhin dang ldan pa gal che ste/__zhi ba lhas/__sems bsrung 'dod pa rnams la ni/__/dran pa dang ni shes bzhin dag__/srog la babs kyang srung shig ces/__/bdag gi de ltar thal mo sbyar/__/ces gsungs pa ltar spyod lam kun tu zhi dul lhod gsum ldan pas dge 'dun gyi bca' bsgrigs las mi 'da' ba byas na 'jig rten gyi khams su dge legs rgya chen po 'byung shing dge 'dun sgrig 'og nas 'tshang rgya zhes nges par 'byung bas rang bstan rang gces kyi lha mi kun gyi bsod nams kyi zhing mchog tu 'gyur ba'i thabs la 'bad pas brtson par bya ba rigs so/__/slar smras pa/__gang zhig 'dus pa'i tshogs ni shin tu 'grogs na bde/__/rtag par rab mthun rnam gsum gtsang ma'i gos kyis brgyan/__/skye bos mthong na rab dga' dad pas 'bras thob cing /__/lha mi'i rgyan gyur zla med dge 'dun bkra shis shog__/bstan 'dzin skyes bu'i zhabs brtan cing /__/bstan pa'i sbyin bdag dar zhing rgyas/__/bstan la gus rnams bde skyid 'phel/__/bstan la gnod pa zhi gyur cig__/thubaX pa'i bstanaX pa rin chen mdzod kyi gzhi/__/bkraX shisaX dgeX 'pheXl glingaX gi chos grwa che/__/bshad dang sgrub pa'i bya bar mi g.yel zhing /__/bstan pa dar rgyas yun du gnas par shog__/ces pa'i bca' yig 'di'ang sde dge rdzong gsar dgon nas 'jam dbyangs mkhyen brtse'i dbang po'i sprul ming 'dzin pa chos smra ba 'jam dbyangs chos kyi blo gros pas sa stag rgya zla'i tshes la bris pa dge legs su gyur cig__/mang+ga laM//___//
rigs grol gyi yon tan brgyad kyi mngon par mtho bas 2kun mkhyen rgyal ba'i bstan pa spyi dang /__khyad par dpal sa skya pa chen po'i bka' srol lung rtogs bshad sgrubs kyi bstan pa rin po che 'dzin pa la mdo smad kyi ljongs tsam na mtshungs zla ma mchis pa chab mdo skyo mda' bsam 'grub gling gi dge 'dun 'dus pa rgya mtsho'i las su bya ba mdor bsdus pa'i tshul gyi gleng ba ni/__mkhas mchog dbyigs gnyen gyis/__/tshul gnas thos dang bsam ldan pas/__/bsgom pa la ni rab tu sbyor/__/ces gsung pa ltar/__gzhi tshul khrims rnam par dag pa ni sa gzhi dang mtshungs pa yon tan kun gyi gzhi rten dam par med du mi rung ba yin pas de la yang thog mar/__tho btsun rnams grwa sar zhugs nas skyabs gsum sngon du 'gro ba'i sdom pa slob dpon gyi drung du blang ste skra bcad cing gtsug phud breg pa dang /__ming 'dog pa sogs byas nas klog gi slob dpon bsten te bod kyi yi ge'i sbyor ba dbu can dbu med thams cad la sbyang pa phul du phyin pa dang /__rang lugs kyi chos sde'i chos spyod/__bskang gso sgrub mchod sogs 'don chog skor blo la 'dzin cing bsgrang bya nyi shu son pa las ma snga ma phyi bar sa ngor du grwa sar song ste bstan pa'i snying po sdom pa gsum gyi rgyud yongs su bsdoms par byas te 2dus gsum rgyal ba kun gyi bgrod pa gcig pa'i lam gsung ngag rin po che lam 'bras bu dang bcas pa'i smin grol gyi gtsos dbang lung khrid gsum ci thob bya ba la nan tan brtson pa dang /__grwa sa nas phyir 'byor 'phral phyag na rdo rje 'byung po 'dul byed dang /__dgyes rdor bsnyen chen/__kun rig bsnyen pa tsam zhig ma sdod thabs bral dang /__khyad par kun rig bsnyen pa ma song bar gshin skor la longs mi spyod pa 3dpal e waM chos ldan gyi phyag bzhes yin srol la kun gyi lag len du thebs pa dang /__blo gros rno zhing thos bsam la mos pa can mchis na chos sde der slob grwa 'dzug rgyu byung na dang /__ma byung tshe rang lugs kyi mtshan nyid mchad nyan dar ba'i chos grwar phebs nas dbu phar 'dul mdzod/__sdom rigs kyai rdor rgyud bshad bcas la thos bsam gyi snying por byed pa gal che zhing /__dkyil 'khor 'bri tshon 'bud rdungs/__bkrol gsum/__gar thig dbyangs gsum/__gtor bzo mchod gshom sogs la sngar rgyun ma nyams pa'i slob dpon mkhas pa'i zhal khrid rang bzo dang mdzes chos su ma song bar phyag bzhes nyams med la sbyang brtson dang /__khrims su bca' ba'i snying po bstan pa'i sgor zhugs nas ming dang bsam pa rtags gsum brje ba'i rab tu byung ba'i dngos por bsgrub zin nas dgon nang du sdod pa las/__grong nag du 'gro sdod spang ba dang /__so thar gyi sdom pa'i rtsa bzhi chang lnga bsrung sdom ma nyams pa zhig byung na dang yang dus dbang gis bskal pa bzang dus kyi dge slong rab zhig dang ngo bo ma nyams dgos rgyu yin zhes bla ma gong ma rnams kyis gsung srol yod pa dang /__lung las kyang /__/gang zhig dam chos rab tu 'jig pa dang /__/bde gshegs bstan pa 'gags par gyur pa'i tshe/__/nyin mtshan du ni bslab pa gcig spyod pa/__/bsod nams de ni de bas khyad par 'phags/__/ces gsung pa ltar bslab gzhi rnams la mig gi 'bras bu ltar bsrung ba dang /__khyad par du bud med ni nyes pa kun gyi rtsa ba tshul khrims kyi srog 'phrogs pa byed cing ngan song dmyal ba chen por sdug bsngal gyi tshor bas yun ring du myong bar byed pa yin pas rnam pa kun tu bag yod pa dang /__de yang ji skad du dpungs bzang gi zhus pa las/__/lcags kyi thang gshol rab tu 'bar ba yis/__/mig ni rnam par bkabs pa chos sla yis/__/nyes na dran pa nyams byed bud med kyi/__/dkyus ring mig can bzhin ni ma mthong sla/__/ces gsung pa ltar/__nyes shin tu che bas dgon nang du dbang chos sogs dmigs gsal gyi skabs ma gtogs par bud med rgyu 'drul dang zhag sdod sogs gtan nas mi chog pa dang /__chang ni nyes pa du ma skyed pa'i rtsa ba yin pas dgon gshag nang du brtso ba dang gzhan las nyo rgyu sogs mi chog cing /__ston pa'i bcas pa la nga yis nyan thos rnams kyis chang ni rtswa rtse'i zil pa tsam yang btung bar mi bya bar gsung ste 'dul ba lung las/__nga la ston pa khas 'che ba'i dge bsnyen yan chad kyis chang mi brtso mi blud/__mi btung /__de ltar mi byed na/__de nga yis 'khor min la/__nga yang de'i ston pa min no/__/zhes pa dang /__dga' ba can gyi mdo las myos 'gyur gyi nyes pa nyer lnga sogs la dran pa nye bar bzhag ste dug bzhin du 'dzem pa gal che zhing /__dkyil 'khor gcig bsten pa dang /__dbang chos su dam tshig gcig 'brel gyi rdo rje'i mched grogs rnams nang 'khrugs par gyur na spyir na khong khro'i nyes pa bsam gyis mi khyab cing /__khyad par dge 'dun nang 'thabs byung na sangs rgyas bstan pa 'jig pa'i rgyu yi gtso bo yin pa ma zad phyi ma rdo rje dmyal ba las 'gro sa med pas dge 'dun thams cad thugs mthun pa kho na snyigs dus 'dir gal che zhing /__nang mthun par ma gyur na/__rten bzhengs stobs 'byor/__tshogs dus mchod sogs ci tsam yod kyang bstan pa rgyas pa dang 'phel bar mi 'gyur bas/__don 'di gnad don gal che bas kun gyi thugs la yang yang zhugs pa dang dge tshul slong rnams kyis gdeng chos lhung bzed sogs 'dzoms na legs shing /__dbu skra sor gcig yan las ring bar mi 'jog pa dang /__gos dkar po dang /__phu dung can dang /__gri ring 'dogs rung pa ma yin cing rgyun char gzan sham dang mi 'bral par byas na sangs rgyas kyi bstan pa rtags tsam gyis 'dzin pa la'ang phan yon bsam gyis mi khyab cing khyim pa rnams kyang dad pa'i rgyur 'gro ba dang /__grwa sar 'khor nas zhing rmo brnga brdung gsum sogs khyim pa'i las thams cad ring du dor zhing sgo gsum zhi dul dang ldan pa dran shes bag yod dang mi 'bral par bslab pa rgan gzhon gyi gral rim dang /__gong mas 'og ma la byams skyongs/__'og mas gong mar bskur bstir bya ba dang /__khyad par bla sprul/__las sne sogs la rtsi bskur ci gsung bka' bsgrub zhu dgos shing /__de dag gis kyang rang 'dod thogs lhung med pa'i gzhung thig drang por bsrangs te lugs gnyis kyi khrims dang mi 'gal ba'i mdzad spyod la rtag dpyad zhib theng dang 'brel bstan pa dar rgyas su 'gro ba'i thabs la brtson dgos/__phyi nang sus kyang dgon nang du rta zhon gri drangs ki bso ha rgyag sogs byed mi chog__/nang rtsod phran tshegs re byung na nang 'dum bya ba'am las sne sogs kyis rtsod pa chos phyogs su zhi thabs dang /__gri mtshon sogs kyis 'khrug slong bya nyen tshab chen byung na phyir lam khebs pa'i nyes ched btang pa dang /__skyid sdug nas dbyung ba sogs dgos rgyu las rang gar bzhag mi 'os shing grwa tshangs rnams shwo bag rtse ba dang /__glu bzhad gro gsum sogs kyang chos phyogs pa'i las su bya ba ma yin shing /__sgo gsum g.yeng bar ma shor bar dpe cha slob gnyer mtshams bsnyen sgrubs mdzad rgyu sogs la brtson pa gcig bsgril du bya ba dang /__'tshogs gral du 'chil lham phud pa dang /__ngag 'khyal bsdoms pa dang /__bzhugs tshug drangs por bsrangs zhing gsung gral bsgrigs pa sogs spyod lam bstun pa la dge 'dun bsgrigs 'og nas sangs rgyas zer ba'i dpe ltar legs na grwa tshang thams cad kyis bstan pa'i mig ltos gang 'phel du 'gro ba'i thabs la brtson pa gal che zhing /__'dzam gling byang phyogs kyi thub dbang gnyis pa mkhan chen byang chub sems dpa' zhi ba mtshos bka' chems las/__ma 'ong dus su dge sbyong rnams/__/dge sbyong chos bzhi mi ldan pas/__/khro ba rnams la slar khro bas/__/dge sbyong pham pa'i rgyu ru byed/__/bshe pa rnams la slar bshe bas/__/rgyal ba'i bstan pa ring du bcad/__/rdeg pa rnams la slar rdeg pas/__/dge sbyong g.yul du chas nas su/__/ston pa'i bstan pa myur du bshigs/__/de ni bdud kyi dge sbyong yin/__/bdud las rang gi mi shes pas/__/zhal chems sgrogs shing bag yod kyis/__/bzod pa dam pa brten pa dang /__/dka' thub spong pa'i brtul zhugs kyis/__/rtag tu dgon du gnas par gyis/__/ma 'ong tshe dang ldan pa la/__/bar chad khrong khro 'di 'byung bas/__/spyod lam zhi zhing dul bar gyis/__/ston pa'i bstan pa rin chen 'di/__/gangs can ljongs su ngas gsal bas/__/bdag gi rjes su zhugs nas kyang /__ston pa'i bstan pa mchog tu zung /__/zhes gsung pa ltar/__gshe yang slar mi gshe/__brdeg kyang slar mi rdeg__/khong khro yang slar mi khro/__mtshangs 'bru yang slar mi 'bru ba ste dge sbyong gi chos bzhi la gnas pa dang /__sdig zas kyi nang nas nyes dmigs che shos sha za ba 'di yin cing rang gzhan mchog dman thams cad kyi gtan spong dka' rung /__bshas nyo bshas tshong dang /__dus mchod kyi cha rkyen du bshas byed cing sha khrag gi dge 'dun mchod pa ni/__rgyal ba la mchod pa dang /__thugs mnyes rgyur mi 'gro bar ma zad/__dge sbyong gi ngang tshul 'jig cing /__ji skad du/__dam pa'i chos la skyabs song nas/__/'tshe zhing gnod pa'i sems dang bral/__/zhes skyabs 'gro'i bslab bya dang 'gal ba dang /__'dul ba las/__rab tu byung bas gzhan la 'tshe ba dang /__/gzhan la 'tshe ba dge sbyong ma yin no/__/zhes gsung pa dang /__byang sems kyi skabs su sems can blos spang gi rtsa ltung dang /__sngags kyi theg par bde gshegs bka' 'das kyi rtsa ltung du 'gyur ba yin pas srog gcod spongs pa der bzhugs rnams kyis spang blang mdzad grub byung na dge tshogs rlabs po che'i gyur 'gyur ba dang /__'dul ba gzhi gsum 'di sangs rgyas bstan pa'i srog shing yin pas/__gso sbyong /__dbyar gnas/__dgags dbye gsum la rang lugs kyi gzhi gsum cho ga 'jam mgon ngag dbang legs grub kyi mdzad pa ltar phyag bzhes su gnang dgos/__gtsug lag khang thams cad la gad phyis mchod pa sogs gtsang dag thon pa dang /__gling bar du zhag kha shas re'i mtshams rdul phyag dang /__gshor khyi rnams phyir dbyung pa sogs rgyun ldan dgon pa dngos gtsang dwangs ba 'dren thub pa zhig 'byung thabs gal che/__mdor na/__bdag cag gi ston pa nyid kyi gso sbyong gi tshigs su bcad pa/__sdig pa ci yang mi bya zhing /__/dge ba phun sum 'tshogs par spyad/__/rang gis sems ni yongs su 'dul/__/'di ni sangs rgyas bstan pa yin/__zhes gzhan gnod gzhi dang bcas pa las ldog cing /__gzhan phan gzhir bcas bsgrub pa la sangs rgyas bstan pa zhes nges 'dzin cing /__bstan pa'i snying po lung rtogs bshad sgrub yin pas thos bsam sgom gsum dang /__chos spyod bcu la brtson dgos ste/__de yang /__yi ge 'bri mchod sbyin pa dang /__/nyan dang klog dang 'dzin pa dang /__/'chang pa kha ton byed pa dang /__/de sems pa dang bsgom pa ste/__spyod pa 'di bcu bdag nyid ni/__/bsod nams phung po dpag tu med/__/ces gsung pa ltar la dus dang rgyun du mi g.yel bar mdzad dgos pa yin no/__/de ltar bca' yig mdor bsdus pa 'di yang /__rab byung bcu drug gi lo chu stod zla ba'i gral tshes dge bar mkhyen brtse'i dbang po'i sprul ming 'dzin pa 7'jam dbyangs chos kyi blo gros pas rdzong sar bkra shis lha brtse'i chos grwa nas phul ba dge zhing bkra shis par gyur cig__/'gro ba'i sdug bsngal sman gcig pu/__/bde ba thams cad 'byung ba'i gnas/__/bstan pa rnyed dang bskur bsti dang /__/bcas te yun ring gnas gyur cig/___/dge legs 'phel//___//
@#/__/dbyug zla'i phur sgrub chen mo'i bca' yig blangs dor rab gsal ces bya ba bzhugs so/__/
chos dbyings mkha' la thugs rje'i chu 'dzin dkrigs pa las/__/rnam mang zhi dang khro bo'i rol gar mtha' bklas pa'i/__/phrin las rtsal shugs dus mtha'i me chen 'bar ba'i sku/__/bla ma dpal chen rdo rje gzhon nus shis pa stsol/__/bde stong gnyis med zung 'jug grub pa'i dbang /__/mthu stobs nus pas srid gsum thal mar 'byin/__/snang srid yongs grub phur pa'i dkyil 'khor shar/__/'khon ston rig 'dzin brgyud par phyag bgyi'o/__/brtse chen lag na pad dkar 'chang ba kun dga' snying /__/mkha' spyod mngon gyur rtse mo'i zhabs pad grags pa'i mtshan/__/kun dga'i mtshan dang 'phags chen blo gros rgyal mtshan rje/__/bsod nams mtshan sogs 'jam dbyangs rnams bdun zhabs la 'dud/__/dri med mdo sde'i lung gis bstan pa kun dga' bzang /__/rab gsal rnam 'phrul blo gsal rgya mtsho snyan brgyud bdag__/'jam dpal gzhon nu gos dkar lcang lo'i gzugs bsgyur ba/__/sngags 'chang yab sras brgyud par bcas kyi zhabs la 'dud/__/khyad par 'jam dpal grub pa'i rgyal po nyid/__/snyigs dus ngur smrigs 'chang ba'i gzugs su ston/__/gangs can mkhas grub rgya mtsho'i spyi mes che/__/'jam dbyangs mkhyen brtse'i dbang po spyi bos mchod/__/ces shis pa'i tshig gis me tog 'thor bas skabs dbye ba ste/__dkyil 'khor rgya mtsho'i rdo rje slob dpon chen po gral gyi dbur bzhugs pa'i rig pa 'dzin pa'i dge 'dun pa rnams kyi snyan lam du zhu ba/__da lan/__phun sum tshogs pa lngas sgrub pa'i gzhi gzung ba dang 'brel ba ste/__kA la ya me lce gsang ba'i rgyud las/__gnas dang bdag nyid 'khor rdzas dus/__/phun sum tshogs pa lngar ldan na/__/las rnams gang 'dod 'grub par 'gyur/__/ces gsungs pas/__gnas kyi dbang du byas na/__/dpal o rgyan gyi slob dpon chen pos byin gyis brlabs pa'i rdo rje'i gnas chen mang pos phyogs mtshams thams cad bskor ba rtsa gsum rgya mtsho'i 'du bas byin che zhing /__grub thob rig 'dzin gong ma'i zhabs kyis bcags pas bkra shis pa gtsug lag gi gzhung dang mthun zhing /__drag po'i sa dpyad tshang bas yi dam gyi lha sgrub thag nye zhing /__yid dang mthun pas nyams dga' ba/__ting nge 'dzin ngang gis 'phel ba yon tan rin po che du ma'i 'byung gnas/__phyi ltar na rdzong sar bkra shis lha rtse'i chos grwa/__nang ltar na dpal na lan+Da gnyis pa/__gsang ba 'og min sprul pa'i zhing khams chen po 'di gnas phun sum tshogs pa lags/__ston pa mchog gi rdo rje slob dpon chen po yang /__theg chen gyi chos la thugs ring du sbyangs shing rgyud goms pa/__bskyed rdzogs kyi ting nge 'dzin gsal ba/__theg dgu'i sde snod kyi don la mkhas shing dad pa brtan pa/__'khor la thugs brtse ba dang /__'khor gyi dbus na bag tsha ba med pa/__rgyud bzang ba/__ngang ring zhing snying rje che ba/__sgrub la mos pa ste/__sbyangs ba'i yon tan dang rang bzhin gyi yon tan gnyis dang ldan pa 'jigs med rdo rje'i khri la zhabs pad brtan bzhin bzhugs pa ni ston pa phun sum tshogs pa'i dbang du byas pa lags/__'khor sgrub pa po rnams kyang /__dad pa dang ldan pa dam tshig ma nyams pa/__bla ma dang lhag pa'i lha la gus pas brtan cing /__shes rab gsum la blo sbyangs ba/__rtsa ba'i sngags bzlas shing gtsang rme chung ba/__dkyil 'khor 'bri ba la mkhas pa/__bka' blo bde ba/__gyong khengs med pa/__brtul zhugs che ba/__phyi so thar gyis lus ngag gi spyod pa sdoms pa/__nang smon 'jug byang sems kyis thugs rgyud sbyong ba/__gsang ba tha mal gyi mtshan rtog dag mnyam bde ba chen po'i rgyas thebs pas rig 'dzin sngags kyi sdom pa dang ldan pa de lta bu ni 'khor phun sum tshogs pa lags/__sgrub pa'i dus kyang /__rngam glog las/__rig byed dag gi yan lag las/__/dus rnams shes par bya ba ni/__/bkra shis lha yi nyi ma dang /__/sbyor ba dus tshod bzang ba ni/__/mtshan ma'i rtog pa yin mod kyang /__/brtags na dngos grub mtshan ma 'byung /__ces gsungs pa ltar/__zla ba dang /__tshes dang /__skar ma sbyor ba phun sum tshogs pa ste/__dus 'khor ba'i ston tha rags zhib mthun par rgyu skar gyi lha mo tha skar ram dbyug gu'i nya ba'i zla ba/__rgya rtsis pa'i dgun 'bring lcags pho byi zla che ba/__rta bdun dbang po sdig pa'i khyim du rtsen zhing dgug pa'i las 'grub pa'i dus bzang po'i tshes bcu bzhi la bla ma sa skya pa chen po'i dus dran/__tshes bco brgyad la jo bo a ti sha dga' ldan du gshegs pa'i dus dran/__tshes nyer gnyis la rdzogs pa'i sangs rgyas ston mchog shAkya'i seng+ge sum cu rtsa gsum du dbyar bzhugs nas yum la chos ston te lha yi them skas las grong khyer gsal ldan du babs pa'i dus chen/__tshes nyer lngar grub chen b+hud+d+ha shri'i dus chen bcas dang /__khyad par bdag cag gi skyabs mgon byams chen rgyal ba dngos snang shar kaHthog chen po ta'i si tu thams cad mkhyen gzigs o rgyan chos kyi rgyal mtshan dpal bzang po de nyid rnga yab dpal ri pad+ma 'od kyi pho brang chen por mkha' 'gro'i tshogs dpon du gshegs pa'i dus mchod gtso bor byed pa dang /__lhag par du'ang dpal o rgyan chos kyi rgyal pos bal yul yang le shod du dpal chen yang dag he ru ka sgrub pa'i skabs klu gyong po gnod sbyin rgod ma kha/__bar snang glog ma sprin rnams kyis tho 'tshams pa na dpal rdo rje gzhon nu'i skur bzhengs te/__dam sri 'byung po rnams dmigs med kyi klong du bsgral ba'i dus khyad par can ma sgrigs rang grub phun sum tshogs pa lags/__rdzas dang yo byad kyang /__sku gsung thugs kyi rten khyad par can dang /__'tsho ba zas/__rkyen bzlog sman/__lha sgrub pa'i rten/__thams cad bskang ba'i mchod rdzas/__dgra bgegs bsad pa'i yo byad/__phyi nang gsang ba'i mchod rdzas/__gar 'chams chas gos/__phyag rgya rang rtags sogs gang la gang dgos bar sna tshogs kyis ma sbags shing sngags kyi byin rlabs ste rang gnas dang ldan pa ni rdzas dang yo byad phun sum tshogs par lags/__de ltar phun sum tshogs pa lnga dang ldan pas gang bsgrub par bya ba yi dam gyi lha mchog dpal chen rdo rje gzhon nu 'di dus gsum rgyal ba thams cad kyi phrin las kyi stobs 'dus khro bo thams cad kyi rje btsan/__khams gsum gyi dbang phyug__/bdud dang ru tra thams cad gnya' non/__srid zhi'i spyi dpal chen po/__sangs rgyas thams cad kyi thugs rdo rje chos kyi dbyings kyi ye shes rang byung 'dus ma byas pa nyid/__rnam pa gang la gang 'dul gyi rtags kyi phyag rgya gzugs kyi skur bzhengs pa ste/__rtsa dum las/__byams dang snying rjes gang 'dul ba/__/sangs rgyas phrin las rdzogs mdzad nas/__/zhes gsungs pa ltar/__phrin las phur pa rol pa'i dkyil 'khor la/__/bka' gter dag snang gi bka' srol mang du bzhugs pa las/__ring brgyud bka' ma la rgyud dang sgrub thabs gnyis las/__rgyud la rtsa ba lta bus rgyud gsum/__bshad pa'i rgyud lnga/__cha mthun pa'i rgyud gsum/__rgyud phyi ma gnyis/__phyi ma'i phyi ma gsang ba sde drug__/bskyed rim gtso bor ston pa'i rgyud lnga/__rdzogs rim gtso bor ston pa'i rgyud lnga la bzla ba'i rgyud lnga/__drag po rme thebs kyi rgyud gnyis/__phrin las gtso bor ston pa 'bum skos dang sum cu rtsa bdun bzhugs pa las/__phur pa'i rgyud bi to ta ma la 'bum sde las rdo rje rigs kyi le'u las zur du phyung ba'i rtsa dum gyi rgyud chos rje sa paN+Di tas bsgyur ba nyid la brten pa lags/__sgrub thabs kyi bka' srol la'ang /__rgyal po lugs/__jo mo lugs/__lcam lugs/__sna nam lugs/__gnub lugs/__'khon lugs su grags pa rnams las 'di gu ru pad+ma 'byung gnas kyis sgra bsgyur sad ma'i mi bdun gyi ya gyal 'khon nA gin+Da rak+Sha ta la rgyud lung man ngag bcas pa rnams mnog chos su bstsal ba de nas brtsams 'khon sa skya par yab chos yang phur gnyis kyi bka' babs/__grub brnyes gser gyi phreng ba bar ma chad par byon te mkha' la rig 'dzin brgyud pa'i gral ma zhig__/bar du sman rag bdud rtsi'i mtsho ma skam/__sa la dkyil 'khor sgrub pa'i bkrag ma yal/__mched lcam rdo rje'i gral ma zhig__/dam nyams dang rtog ges bsre slad ma zhugs/__byin rlabs kyi rgyud pa zam ma chad pa'i zab chos 'di nyid nyams su len pa la/__bslab pa'i mtha' bcus gsang sngags kyi sgor zhugs dgos te/__sgo dbang gis phye/__srog dam tshig gis bzung /__thag lta bas bcad/__la spyod pas dor/__nyams su ting nge 'dzin gyis blangs/__don man ngag gis sgrub/__rgyud thos pas grol/__sgo kun nas bsdu/__shes bya phyogs med du bslab/__dgos don du ma ro gcig tu bsdu ba rnams lags/__de thams cad las kyang dam tshig rnam par dag pa kho nas bgrod dgos te/__a ti bkod pa chen po las/__snga rabs 'das pa'i sangs rgyas kyang /__/dam tshig 'di la brten de byung /__/da lta bzhugs pa'i sangs rgyas kyang /__/dam tshig 'di la rab tu gnas/__/slad kyis 'byon pa'i sangs rgyas kyang /__/dam tshig 'di la rab tu bsgrub/__/ces 'byung bas dam tshig rnam par dag pa gal che/__sgrub pa po rnams kyang /__cir snang lha yi phyag rgya/__sgra grags sngags kyi snying po/__dran rtog 'od gsal gyi 'char cha/__gang spyad sgyu ma'i rol mo/__cir spyod thabs mkhas kyi 'phrul che/__gang snang chos nyid kyi rol par gdengs su tshud pa'am/__mos pa brtan pos dkyil 'khor rnam pa gsum gyis khog phub/__bsnyen sgrub yan lag bzhis gzhung bsrang /__sgrub pa'i rjes rim rnams mtha' rgyas su rgyas par rig 'dzin brgyud pa'i phyag bzhes zol med du sgrub pa mthong /__thug grub pa'i 'bras bu la longs spyod pa ste/__de ltar thugs nyams su bzhes pa la spang blang gi gnas nyung ngu'i ngag gis bsnyad pa la/__sgrub mchod 'di tshogs dgos ba rnams kyis stod las byang chub sgrubs pa dang /__smad las drag po bsgrol dbang gi rjes gnang 'don cha'i lung bcas mnos nas/__rab bsnyen pa 'bum phrag bcu drug sbyin sreg bcas bya ba'am/__tha na'ang gong ma kun blos mdzad pa sogs rgyun khyer gang rung zhig la brten bsnyen pa 'bum phrag bzhi re ma 'grub thabs med yin pas bsnyen pa thon ma thon gyi rtsis bshar dang /__/bsnyen pa ma thon na mar me brgya mchod re'i chad pa gcod dgos rgyu dang /__'don chog skor blo 'don las dpe ltos mi chog pa 'di dang /__de yang bla chos nas rgyug bshar ngos len zhib cha dang phur pa gsar bzhugs yin kyang lo gnyis tshun blo rgyug rdzogs par dgos/__de las 'gal na chad pa 'os btun bya/__gtan nas ma sbyangs shing ma 'phrod na dngul srang gsum dang lcags shar nyer lnga re'i chad pa dang /__dpe cha blo len dang /__'cham sogs sbyongs mi sbyongs zer mi chog__/bla chos kyi ngag la mi nyan pa gal srid de 'dra byung na dngul srang lnga re dang /__lcags shar lnga bcu re'i chad pa yod/__'cham sbyangs rgyu sngags 'chang chen mo'i 'cham dpe snang ba 'gyur thub dang /__slob dpon gyi zhal khrid ltar las/__pho tshod/__rang bzo/__snang ba gang mdzes mi nag mgo bskor bya mi chog cing /__ger rgyug 'phrod nges kyi byang cha 'grigs thub pa dang /__lus stod la seng chags pa/__rked pa la 'khrigs chags pa/__tshigs bzhi la 'phrul chags pa/__gzhag sha la lhod chags pa/__sha 'gyur la mer chags pa/__rnam 'gyur la 'gying chags pa/__spyod pa la dal chags pa/__sgyid pa la ldem chags pa/__rkang mgo la bde chags pa/__phyag rgya g.yas su bcas na 'grol ba g.yon/__g.yon du bcas na 'grol ba g.yas/__dbus su bcas na 'grol ba thad kar blta zhing 'gying ba ste bca' bsgyur bshig pa la mkhas pa/__phod ka'i thang sha bcad/__ral pa'i 'khril bshig__/lus kyi 'dzum bstan pa/__kun tu dpa' zhing brjid chags pa gal che/__'jigs rngam gyi gar la lus ha cang gsor che na skyon/__'gying gnyan gyi gar la ha cang lus bcos che na skyon/__'khyug cing bde ba'i gar la ha cang stab stob che na skyon/__dal zhing lhod pa'i gar la ha cang sgyid lugs che na skyon/__sgegs cing chags pa'i gar la ha cang bsgyur na skyon yin pas spangs bar bya/__mdor na rkang stabs lag stabs phur dar dang /__thod pa'i lcang lo 'phel phyogs sogs gra 'grigs kho nar gces/__de rigs gang rung nor na chad pa nor ba che chung dang bstun phyag bcu nas brgya yi bar dang /__chang bzi sogs kyis 'cham la ma dod pa byung na lcags shar nyi shu re bcad dgos/__rnga 'chams skabs rnga 'char byung na chad pa dar re dang /__ngan g.yo byas te ma 'cham ma sbyangs na lcags shar so lnga re dang /__'cham rjes ma zin na nas bre re'i chad pa dang /__'cham sbyangs skabs nyin re chags na gor phyed re'i chad pa gcod dgos/__'cham bsgrigs chen skabs gzan sham gzab 'phyor dang /__yod pos phugs su mi sba/__med pos med mgo mi khur ba yod po'i rigs las g.yar dgos/__'cham dar gyis gzan sdom mi chog__/bstan pa'i mig brgyan la mi bsam par gang byung chog bzod byas na 'bru zho re'i chad pa dang /__'cham la ltos pa'i chad pa 'di rnams 'cham pa spyi khar 'jog nas ci dgos byed/__'cham bsgrigs 'di rnams las thog 'cham dpon dang dge skos gnyis kas lta dgos/__tshogs brda byung ba dang 'du khang sgor tshogs nas gzan zlum khyer gyi yar byon dus slob dpon dang bla ma las sne rnams sngon du phebs/__de rjes tshogs pa rnams phebs/__gral du dal bus bzhugs/__dge bskos nas spos 'dren skabs 'byon med na phyag brgya re'i chad pa dang /__gtsugs lag khang du yar mar phebs skabs dang /__tshogs gral du rtsed mo dang /__ngag 'khyal/__long gtam mgo sgril/__lag g.yug__/gzhogs sngas byas te lus drang por ma bsrang ba dang /__gzan sne g.yon pas pang steng mi phabs pa phrag gzar byed pa rnams spangs/__snab lud 'phyi ba dang sna dud sogs gzan zhabs nas mi mngon par bya/__gzan gyis mgo bstum dang a rdi'i gzan gyon sogs cha lugs mi mdzes pa spangs/__dpung bcad dang gzan 'thugs dgos/__sku bsang grol nye bar na chab ril ba gnyis kyis chab rgyugs dgos/__tshogs grol dus dge bskos kyi lha sgo phye nas sgo phyir bzhengs te sdod/__tshogs pa rnams gral 'dug nas rim bzhin dal bus bzhengs nas byon pa las tshogs grab nges par bgyid mi chog__/bla ma las sne rnams rjes ma byas/__yar tshogs dus dbu che rnams sngon phebs gong bzhin/__dge bskos rjes mar sdod/__slob dpon rnams gral du bzhugs rim dang bstun tshogs pa thams cad lhan cig bzhugs dgos/__tshogs snga ma/__grol phyi ba/__khog grims la 'don pa dal ba/__dbyangs rol ring thung skabs phyed cing 'tshams par bya/__dbu mdzad pas ja brda btang nas/__'dren pa rnams snga phyi med par lhan cig 'dzom pa dang /__gral rim ltar rgyug__/ja thug gsol tshar nas phyir 'gro dus lhan cig 'gro/__gad phyi bdar gtsang bar bya/__ja thug bzhes skabs mchod zhal mnyam len dang /__sgra dang bcas par gza' btung mi bya/__nyin gung gsol ja dang /__snga phyi dro'i thug pa rnams tshim par bzhes/__gsol ja gzhan rnams sum skor dang /__'phar ja byung na lnga skor re dang /__grwa mang gis gsol zin nas kyang nyung shas re'i gsol rgyu lus yong pa de 'dra mi mdzes pas de rnams dang 'gal na dge bskos nas phyag mar me'i chad pa 'os bstun/__tshogs su 'thab rtsod ngan cher byung na de ma thag bkyigs gzung khrims las dang /__de las chung ba rnams la lcags shar dang /__phyag mar me bab 'phri gcod/__gral bzhugs pa rnams la zhwa dmar rdor dril rigs lnga dar dpyangs rnams 'dzom dgos/__rdor dril sa ljen steng mi 'jog__/rol mo cha bzhi'am brgyad/__sil snyan cha de mtshungs/__lag lnga cha bcu drug gam sum cu so gnyis tsam re gra 'grigs pa dang /__phur pa'i 'cham dbyangs/__dkyil chog gi dbyangs/__sgrub thabs gdang dbyangs sogs lhun grub steng gi dbu mdzad chen mo'i phyag bzhes gsungs gdangs ltar dang /__sgrub thabs la dbyangs gdangs 'di ga'i sngon gyi 'then rgyun yod rung dbyangs kyi mtshan nyid nyams 'gyur cung zad lhun grub steng gi 'then rta legs pas sgrub mchod phyag bzhes kyang gtso bor de dag gi phyag khrid yin stabs rkang mtshungs byas pa legs/__gang ltar yang lta ba grub mtha' ma 'khyug na dbyangs rol gyis khyad par bag tsam res bstan pa'i gnad chen po 'khyugs rgyu med/__rol mo'i nyams 'gyur rtsis bgrangs sogs phyag len che phra gdan sa chen po dpal ldan sa skya pa dang /__dpal ldan lhun grub steng gi rdor slob kyi phyag khrid ltar ma nor ba gal che/__dbyangs kyi mtshan nyid kyang /__zhwa lu'i mkhas pa tsan+Da shrI'i zhal nas/__ring yang mgo lus 'tshams pa dang /__/thung yang yan lag rdzogs pa dang /__/brjid dang ldan yang sgegs chags dang /__/snyan yang rus pa ma shor ba/__/gyong yang skabs su khug pa dang /__/dig kyang tshig gi gong gsal dang /__/ma sgur mi dgye drang por 'dug__/grims zhing spobs pa ldan pa yi/__zhes dang /__sa paN+Di tas/__'dren pa dus su 'drongs pa dang /__/bsgyur tshe bsgyur dang 'gugs pa yi/__/dus su khug dang ldengs la 'jam/__/thams cad du ni mnyen pa dang /__/ces sogs dang /__dbyangs la 'phel 'grib stabs pa dang /__ha cang mgyogs bum btsir nas 'don/__/bcos shing smra ba gdangs kyi skyon/__/rnam 'gyur ya ya bzhin sdud dang /__/mi lta ba dang phyugs ltar blta/__/gzir dang 'tshab pa lus kyi skyon/__zhes gsungs pa ltar skad phra sbom gra 'grigs par kho nar gnad che ba las/__'don dbyangs thams cad mi res dbu mdzad re mi bya bar dbu mdzad chen mo dang bstun dgos/__rol mo brdung tshul yang /__ji skad du/__pho sgra ding zil ldan par brdung /__/mo sgra snyan cing 'jeb par brdung /__/phye ma dwang khrol chags pa brdung /__/zhi la sbrang char zil bu ltar/__/rgyas la rdzi char g.yos pa ltar/__/dbang la drag char 'bab pa ltar/__/drag la thog ser 'byin pa ltar/__/zhes dang /__bar snang mi g.yug gdong mi dgab/__/brang dang pus mo la mi brdab/__/ces sogs gsungs pa bzhin zhi drag skabs phyed pa sogs slob dpon gyi phyag khrid ltar nan tan bya/__rol mo 'khrol mi shes pa la mi ster/__rol mo mkhan po rnams las gzhan su byung gis 'khrol mi chog__/dung chen dang rkang gling 'bud tshig__/rgya gling btang mi btang gi rnam dbye rnams kyang legs par phye dgos rgyu las gcig shes kun grol mi chog__/rnga pa rnams kyis rnga yu gdong dang rang gi pus g.yon gyi zur sprad/__rnga yu'i smad la lag gis bzung /__rnga gral bsgrigs mtho dma' med par bya spu non bya zhing lag pa'i sor tshig la 'phrul btsal te rnga lcags rang ljid kyis bskul/__zhi drag che chung skabs phyed pa rol mo dang bstun/__byin dbab rol mo brdung skabs kha 'don skad chen gtan nas mi bya 'di brdung bas mngon rtogs rgyas 'bring bsdus gsum sgom pa'i go chod gsungs/__tshig 'don la rnga lcags gis brdeg pa 'jam la gral 'grigs brdeg dgos/__'jog dus rnga pa gong la de'i g.yon zur rnga gnyis re steng 'og tu bzhag__/len dus gong ma des sngon du blangs/__gral 'og pas rjes nas len/__bzhag dus gral 'og pas sngon la 'jog__/gong mas rjes la 'jog__/rnga lcags rang gi mdun du rnga thel phyir bstan nas 'jog__/zhwa mo gzhog g.yas kyi pus zur du rtse mo g.yas phyogs 'ong bar byas nas 'jog dgos/__rnga 'char phog na phyag bcu re'i chad pa yod/__rol 'char la'ang de mtshungs yin/__mchod dpon nas dkyil 'khor bri thig__/tshon chen gyi rdul mtshon blugs rgyu dang /__ri mo pa tra rgyas pa gzab spros gang rgyas las bsdu mi chog__/mchod pa'i rdzas la 'phri ba dang gsog 'jog mi byed cing gtsang sbra thon pa dang /__phyag len khog la tshud pa dal zhing dod la nyams dang ldan pa gnad che/__grwa spyi gsum nas gtong sgo dgos rigs de bas yig ltar chad bul med pa bya mig yar ltos kyi gsol mchod je rgyas btang ba las dus ngan mnam ngan la khag 'jog pa'i gsol rgyun bcad na rang nyid bsod nams 'dzad pa'i rgyur 'gro bas mi gcod par ci nas gal che/__'cham chas yo byad rnams rgyun du nyar tshag gang legs gnad che dgos shing /__'cham chas sprod sdud skabs sprod len mkhan gnyis kas zhib ltas dang /__zhwa 'bag grum pa/__rnga la skyon byung ba/__'cham dar gos sogs 'thor brlag brdzon skyon byung na nges par skyin 'tshab snga ma do nges 'jal dgos/__'tshogs su rnga rol sogs dang /__phur cha mchod chas la skyon byung na so so'i khong nas 'jal dgos nges yin/__thugs dam gtor ma rnams dkyil 'khor gshegs rjes phud thog khar gshegs/__de'i 'phror cha bzhir bgos nas lha gnyer/__mchod dpon/__spyi g.yog__/'dren pa rnams la bgo bsha' bya/__lha gnyer dang 'dren pa rnams nas gtsug lag khang nang snga mo tshogs pa ma 'du gong nas rdul phyag zhib bca' dang /__spyi g.yog rnams kyis 'cham byed pa'i sngar nyin nas rdo bcal dang lam bar thams cad rdul phyag gtsang seng nge dgos/__ngor chen rdo rje 'chang gi zhal nas/__sgrub mchod sngags kyi che ba zhes gsungs pas rtsa sngags stong phrag las mi nyung ba bzla ba gnad che/__rig 'dzin bskul skabs spos sna/__rgya gling /__slob dpon dbu mdzad rol pa sogs nyung shas dkyil 'khor rtsar phebs/__gzhan rnams gtsug lag nang ngos 'khor mor bzhengs/__rol pa rnams kyis gzan sne gnyis 'di skabs phrag g.yas g.yon bzar chog__/sngags 'chang rgya gar sher bzang gi rgyud bskul gyi dbu tshugs nas bskor bar byed bzhin 'jug slob dpon dkyil 'khor dang nye bar phebs pa na rdzogs par bya/__phyi rol mar phebs skabs spos sna dang rgya gling bcas gral gyi rim pa ltar byon/__phyi rol gyi drag rol rgyab tshar ba dang tshogs pa bying gi zhwa phrag bskal/__yar byon skabs slob dpon gyis rting mnan te byon rgyu sogs mthong rgyud ltar bya'o/__/gzhan yang tshogs nas glo bur 'gro dgos rkyen byung na chos khrims la dgongs zhus byas nas 'gro dgos/__gzhan na tsha sogs rkyen ngan byung na'ang de bzhin dgongs zhus bya/__tshogs nang du gnyid yur byed pa/__zhwa gyon snga phyi/__rdor dril sogs 'gril shor ba/__rnga rol yas mas blang 'jog skabs sgra chom byung ba sogs dge bskos nas de ma thag phyag 'os btun bcad dgos/__zhwa bzhes skabs slob dpon gyis bzhes grub nas thams cad kyis dus gcig la gyon dgos/__nang mchod thig gtor ba dang bdag 'jug skabs bde gshegs rgyal ba tshar gnyis pa'i tshe rigs lnga bshams/__rigs lnga bzhes phud kyang dus gcig la sgrim/__rdor dril gsor bkrol/__phyir 'jog yar blangs phyag rgya sogs gral 'grigs mdzad rgyu dang /__ye shes sku mchog gi phyag 'tshal lugs sa skya rang gi phyag bzhes ltar bya/__rdul mtshon dkyil 'khor steng 'bru mi 'thor/__phur chung bsgrigs 'cham la/__dge bskos che ba dpon g.yog rnams dang /__ru dar dkar nag rnams dang /__spos sna rgya gling rjes slob dpon dang gral bzhugs pa dang /__sku 'cham pa rnams byon/__phur chen bsgrigs 'cham la byon lugs gong bzhin la rnga 'cham pa rnams kyis bla brang khang gsar gyang sne bar rnga g.yon du bya nyal/__de nas rnga g.yas su bya nyal 'cham ra steng nas g.yon nyal gyis bzung /__rnga 'cham dbyangs yod med skabs rnga bzung lugs mthong rgyud ltar dgos/__phur chen dngos gzhi'i skabs/__sngon du dge bskos dpon g.yog__/de rjes dkar bdud ru dar/__de rjes ha shang 'khor bcas/__de rjes spos sna rgya gling /__slob dpon/__gral bzhugs pa/__'cham pa rnams sogs byon rgyu gong ma bzhin lag__/phur pa'i rdul mtshon mchod dpon nas rgyud sde gzhan gyi rdul mtshon tshur gshegs skabs spyan drangs dgos/__de ltar spangs blang tshul bzhin bgyid te sgrub pa chen po'i dga' ston nyams su myong ba'i skabs 'dir gnad gal che ba'i dam tshig ni/__gsang ba yongs rdzogs kyi rgyud las/__bla ma bskur zhing gsung mi bcag__/thun bzhi'i rnal 'byor yengs mi bya/__/lha dang sngags la the tshom spangs/__/mched lcam rnams la gdung sems bskyed/__/sems can rnams la snying rjes skyong /__/nga rgyal rlom sems zhe sdang spangs/__/'dod chags phrag dog khar mi gtang /__/gsang sngags lta spyod zung du 'brel/__/rdzogs bsnyen sgrub pa mtha' ru dbyung /__/le lo gnyid dang chang dbang spangs/__/zhes gsungs pa ltar mos gus dag snang la gzhi 'cha'/__lha sngags ting 'dzin gyis gzhungs bsrangs/__sdom pa dam tshig gi srog 'khor brten/__gnyid dang le lo chang sogs bag med pa'i rgyu dang ltung ba 'byung ba'i sgo rnams spangs nas dad spro brtson 'grus drag pos 'bad pa gal che/__dge 'dun bsgrigs 'og nas sangs rgyas zer ba de yin pas thams cad kyis rlon pa rang 'gugs/__skam pos rang 'bar/__ba rnga rang lcags kyi dpes rang bstan rang gis mi bshig__/rang sems rang gis bsrung ste bsgrigs lam la 'bad dgos/__bsgrigs med na a mye rnams 'tshogs pa dang 'dra/__mkhas pas gzigs na thugs khrel rgyu las mi 'ongs/__sngar 'gyur rig 'dzin brgyud pa'i phyag srol 'di yi lugs la/__rgyud sgrub thabs dang 'brel/__sgrub thabs chog khrid dang 'brel/__chog khrig phyag bzhes dang 'brel/__phyag bzhes bla ma brgyud pa'i man ngag dang 'brel ba ste/__'brel pa bzhi ldan zhig dgos gnad che bas las sne thams cad kyis phyag len phra rags zhib bca' sbyangs par gal che rgyu las deng sang rang gzhan sus kyang nan gtan mi dgos par phyogs tsam re shes pa na ngas shes nga mkhas kyi snang ba mtho zing zing gi rigs de 'dras ci yang mi lo/__dper na 'jam dbyangs bsod nams dbang po'i phur pa'i dbyangs dpe'i mjug na/__dbu mdzad mgo dkar ba 'jam dbyangs bsod nams dbang pos sngags 'chang chos kyi rgyal po'i drung nas gsung dbyangs lan bcu bdun du thos shing byang chub par byas nas dpe ris bris tshul gsungs pa de 'dra'i bslab sbyangs nan gtan dgos pa ni rnam pa kun tu gnad che ba yin par 'dug lags/__des na dbu mchod/__'bud bkrol pa rnams kyis brgyud pa'i phyag bzhes ltar las rang bzo dang /__pho tshod/__mdzes chos/__snang ba gang shar mi bya bar gsol ba 'debs pa'o/__/de bzhin mdzad na gsang sngags kyi 'bras bu 'grub par 'gyur te/__ji skad du/__dad brtson drag pos sgrub gyur na/__/'tshams med lnga pa spyod pas kyang /__/dngos grub thob pa gsang sngags khyad/__/ces gsungs pa yin pas dga' spro rgya chen po dang ldan pas dal 'byor gyi rten bzang don yod par mdzad 'tshal lo/__/slar smras pa/__'di 'bad bsod nams nam mkha'i rjes 'gro mtha' klas pa/__/blo yis blangs te rdo rje 'dzin pa'i bdag po dang /__/yi dam lhar bcas gus pas mchod nas 'gro la bsngo/__/rab dkar mthu yis bsod nams rgya cher rol par shog__/de ltar blang dor rab gsal las byung ba'i/__/spang blang nyung ngu'i ngag gi phreng mdzes 'di/__/rig 'dzin 'dus pa'i thod du bcings pa na/__/kun tu rab dga'i sa la myur du 'gro/__/bla ma'i bkra shis byin rlabs sprin phung skal bzang dad pa'i mkha' la 'khrigs/__/yi dam bkra shis dngos grub char rgyun zil bur 'bebs pas grub gnyis smin/__/mkha' 'gro'i bkra shis 'od zer dpag yas phyogs kun brtan g.yo'i dwangs bcud sdud/__/rtsa gsum rgya mcho'i bkra shis dam pas dus gsum kun tu dge legs shog__/ces shis pa'i mtha' brgyan pa'i bca' yig 'di yang mkhyen brtse'i phrin las kyi sprul pa'i ming 'dzin 'jam dbyangs chos kyi blo gros pas bris pa dge legs su gyur cig__/sarba mang+ga laM//___//
@#/__/rdzong gsar phur sgrub 'don 'grig ma deb bzhugs/__/
oM swAsti/__dbyings dang ye shes zung du 'jug pa'i sgyu 'phrul drwa ba'i rol gar ni/__/srid dang zhi ba'i khyab bdag chen po rigs dang dkyil 'khor kun gyi gtso/__/skyabs gnas kun 'dus dpal ldan bla ma dran pas snying gi gdung sel dang /__/dbyer med lha mchog rdo rje gzhon nu byang chub bar du gtsug na rgyal/__7rgyal ba'i yab gcig 'jam dpal gzhon nu mi yi srid pa la chags pas/__/yongs rdzogs bstan pa'i ring lugs dri med bsil ldan ljongs 'dir gsal mdzad pa'i/__/sa skya'i dad sgrol dbang po'i grangs gtsos 'khon ston rig 'dzin brgyud pa'i tshogs/__/dad gus mos pas gsol ba 'debs na rnam gnyis dngos grub char du bsnyil/__/rdo rje'i g.yar dam 'gog pa med pas bstan dang bstan 'dzin la bzhu ba'i/__/yid srub dpung bcas phye mar brlags nas 'dod pa'i don kun bde blag tu/__/ster mdzad mthu ldan bstan srung rgya mtshor nor lha gter bdag tshogs rnams kyis/__/legs spyod 'di la srid mtha'i bar du mi nyams dge ba'i grogs mdzad cig__/de la 'dir/__/'gro ba yongs kyi phan pa dang bde ba ma lus pa'i 'byung gnas gcig pur gyur pa ni mnyam med bu ram shing pa'i mdo sngags kyi bstan pa rin po che 'di yin la/__'di nyid phyogs dus kun tu 'phel zhing rgyas pa dang /__de la bar chad bgegs kyi 'tshe ba zhi ba'i thabs tshul du ma yod pa las/__mchog tu zab pa rgyal kun phrin las gcig bsdus lha mchog badz+ra kI la ya 'di yin la/__don gyi dbang 'di gzigs nas/__gangs ljongs mdo sngags bstan pa'i shing rta chen po kun gzigs 'jam dbyangs mkhyen brtse'i dbang po'i gdan sa rdzong gsar bkra shis lha rtse'i chos grwa chen por 'dir/__'jam dbyangs bla ma'i phrin las mi zad pa rgyan gyi 'khor lo'i rang gzugs/__snyigs dus bstan pa'i nyi ma/__bdag cag gi rtsa ba'i bla ma mchog sprul rdo rje 'chang 'jam dbyangs chos kyi blo gros ris med bstan pa'i rgyal mtshan dpal bzang po'i thugs bskyed rlabs po che'i mthu las mkhon lugs rdo rje phur pa'i sgrub mchod spros bcas kyi lugs gsar 'dzugs gnang ba la/__shing rta lor ngos 'khor gdan sa 'dir yun ring gdan 'jags nas rje btsun sa skya pa'i zab chos snyan brgyud bum pa gang 'dod bgyid skabs/__gdan sa chen po dpal ldan sa skya'i phyag bzhes ltar nor 'khrul med pa'i dag ther gtan 'beb dgos pa'i bka' rtsal phebs don lhur blangs don smin byung 'phral/__slad nas kyang rgyun mi nub cing mi 'chol ba'i ched du phyag debs zhib tu 'god pa la/__hor zla dgu tshes 15nyin 'du khang steng mkhar rnga brdung 'phral 'tshogs pa rnams 'dus 'bum bskyor/__de nas phur khang du phebs nas tshogs dpon gyis/__'o/__de la 'dir/__lo tshes gang yin gyi ming 'jug__/phur sgrub chen mo'i chos bsgrig gi skabs/__'dir sa chog nas bsgrig dgos pas/__thog mar sngon 'gro gtor ma nas brtsam te/__sa sbyang ba/__lha sta gon gyi bar dang /__dngos gzhi ji ltar bltoms pa nas mjug bkra shis kyi bar mdzad par/__phyag len du gda' bas/__da lam yang mdzad par zhu zhes dang /__de nas bskul te/__su yin gyis sngon 'gro gtor ma/__de nas rang gi mig sogs nas dkyil 'khor bris zhes pa'i bar gzhung bzhin la/__hU~M chos dbyings nas ru rti ra maN+Da la sogs bar gdangs ring /__maN+Da la bar gdangs thung /__zhal nas dkyil 'khor bris bar sngags bcas gdangs ring ja gcig yong bas de'i mtshams su mchod/__de nas oM badz+ra kro d+ha sogs/__shu n+ya tA sogs/__d+harma d+hA tu sogs nas/__dam tshig la dgongs/__'khod par gyur zhes pa'i bar/__de nas ji ltar bltams pa sogs nas/__dad mos che bas dngos grub thob kyi bar dbyangs gdongs sogs rgyun bzhin la grangs gsog gi rigs mi mdzad/__zhwa gyon/__skye med chos sku nas/__dngos grub rnam gnyis rtsol ba'i bkra shis shog bar gdangs/__'dir zhwa phud/__tshogs dpon gyis/__'o/__'di lo phur sgrub chen mo'i cho ga__/phyag len/__dbyangs rol/__gar 'chams/__dung chen skabs na bza' gzab spros mdzad dgos sogs so so nas thugs khur bskyed pa'i/__bla ma gang ma'i dgongs rdzogs dang /__chos sde bstan pa'i zhabs tog tu 'gyur nges rang dgos rgyu yin pas de bzhin dang /__'chams sbyong dngos gzhi'i skabs thams cad du pad skor dang 'chams sna sogs du mdzad/__thams cad kyis 'chams dpon la gzigs nas zang zing du ma song ba zhig dang /__da lta ka 'chams sbyong la hrub ste phebs pa zhu/__gsung grub pa dang so sor gyis/__phur chung 'chams dngos gzhi skabs/__sngon du dge skos dpon g.yog dkar bdud ru dar/__de rjes ha shang 'khor bcas/__de rjes spos sna rgya gling slob dpon gral la bzhugs/__'chams pa rnams sogs byon bzhugs gong ma bzhin la/__gser phreng /__rol khang su phebs grub nas bsangs kyi bcom rol nang bzhin/__de nas je myur gyis chems brdungs la 'chams pa rnams rim gyis thon nas 'chams dngos gzhi la 'jug__/'di skabs 'chams ja gsum yang ba la rkyang 'gros rdzogs nas gsol ja/__gzhal yas khang rdzogs nas gung seng /__yum chen rdzogs nas gsol ja/__phyed 'gros nas rkang rus bar tshar gnyis re dang /__rgya gram gcigagazhal yas khang la sgo bzhi/__bstan skyong dbyangs skor gnyis/__rjes ma la b+h+yo 'dren mi 'jug__/bran dang g.yog 'khor nas grub par mdzod bar shur ma/__dam tshig 'di las la/__hU~M/__ngang sogs rang dbyangs 'di tshugs nas phyi la gyel de'i mjug tu chems brdung /__de nas 'cham dpon gyi dzam blang la log 'cham grub nas rol bskor 'beb bcas/__gser phreng gang bzhin grol nas sgrub khang du hU~M chen ka ra sngags dbyangs bcas tshang ma gcig__/rnam par rgyal ba man mi dgos/__steng phyogs tshangs pa yas bsdu/__ma bsdu dbyangs bcas gcig__/ki la ya'i 'gros gcig__/tshes 16la sa chog mgor dkar chab/__gsol ja/__gtor skad dgos/__sngon 'gro gtor ma/__gnas yo byin rlabs/__byin dbab bsdus pa'i rgyas pa/__gsol ja/__phur chung sman rag la gtor skad dbyangs mi dgos/__bcom rol bsangs bzhin/__hU~M 'dren med pa'i gdan steng bdag nyid sho lo ka gcig la sgeg cing ma'i dbyangs thung rol mo/__/bcom ldan rdo rje gzhon nu'i sogs la sgeg cing ma'i dbyangs rol chems mjug sbram 12bde bar gshegs sogs mjug chems brdung /__gsum brdeg len can/__sgeg phreng bdud rtsi 'bul ba bsnyen sgrub gsal byed bzhin/__dam tshig chen mo/__/he ru ka__/bla med ma rnams bsnyen sgrub gsal byed bzhin rnga brdung rol mo rgyun bzhin/__sgeg cing ma tshig rkang lnga la sgeg cing ma'i dbyangs thung rol mo/__/hU~M mdzad nas shur/__bgegs 'dul yan bsnyen sgrub gsal byed bzhin la mjug gsum brdeg len can bsdus pa chems brdung sbram/__12hU~M badz+ra nas dngos grub stsol/__gsol ja/__bsnyen bsgrub gsal byed bzhin la dung sogs rgyun bzhin/__de nas slob dpon gyis/__gtor ma byin rlabs mdzad pa zhu gsung dgos/__gtor bsngo bshags pa gcig__/bskang rdzas byin rlabs/__bcom rol/__spyan 'dren rgyal ba kun gyi gang gi rang bzhin byang shar ha ha gsum la dbyangs rol dur bdag spyan 'dren/__dkar mo spyan 'dren mjug__/chem brdungs/__mjug sbram/__12byon skyems mjug chem brdung sbram/__12rol bskor 'beb bcas/__'dul sngags mchod sprin yongs rdzogs/__phyi mchod/__nang mchod/__phrin bcol sogs rgyun bzhin/__bstan srung rgya mtsho/__khyad par bstan pa'i/__byin rlabs thugs rje gsum la dbyangs rol/__'phrin bcol dbyangs bcas bdun/__bskang gsol gyi phrin bcol dang bzlog pa/__sngags dbyangs/__bstod pa nam mkha' ma/__mdo lugs bkra shis smon lam tshogs byin rlabs/__tshogs bsdus pa/__mjug tu gsum brdeg len can/__gsol ja/__rang gi mig sogs nas bdag gis don yod dkyil 'khor bris bar chog bsgrig bzhin/__gung seng /__'dus nas phyogs bzhi gsol gdab/__de nas dbu mdzad pas bskul nas badz+ra kI la ya nas kro d+ha tiSh+Tha ma le AH__zhes pa'i mjug rol mo tod blangs kyi sbram sbram sogs chem brdung /__de nas sbram sbram/__1byas/__2byas/__3byas/__gsum 9bgegs bskrad la/__hU~M/__ngang sogs la dam tshig chen mo'i phya g.yang lugs tshar gsum char la chems brdungs/__sngags gzhung bzhin/__dang po gnyis la chem brdung rdzogs nas sbram sbram/__1byas/__2byas/__3byas/__1nas/__9byas gsum/__9dbyangs mjug la sbram gnyis nan len gyi go chod/__gzhan rol mo gong bzhin/__gsum pa'i mjug ru gsum brdeg len can gnang nas grol/__de nas lha khang rdo bcags phebs pa dang gser skyems/__rig 'dzin 'gugs/__phur kha bsgyur ba rnams phur zlog nang bzhin la chem brdung la phur pa phyir bsgril/__mjug gsum brdeg len can/__gser phreng gong bzhin rol pa 'du phebs nas bcom rol gong bzhin/__'chams pa rnams rim bzhin thon/__thon 'tshams grub 'tshams/__slob dpon gyi 'chams bshad rdzogs nas pad kor gcig_/rol 'gros/__sa gzhi khod sogs/__gsol ja bzhi yod pa/__dang po mgo gugs rdzogs nas/__gnyis pa rgya gram rdzogs nas/__gzhal yas khong rdzogs nas gung seng /__yum chen rdzogs nas gsol ja gsum pa/__byang sgo rdzogs nas gsol ja bzhi pa/__zhal lhor gzigs nas ling ro sgo phyir 'thor/__sku 'chams rnams tshar gsum re spor/__rgya gram gnyis/__gzhal yas khang sgo bzhi char/__log 'chams grub nas rol bskor 'beb bcas gser phreng 'chams pa rnams gong bzhin/__sgrub khang du phebs nas/__hU~M chen ka ra nas/__stobs chen yan 'cham yig dang bdag mjug bzhin/__phur bsgril la kI la ya tshar gsum re spor/__de nas tho phur bsnom nas steng phyogs tshangs pa la dbyangs/__kI la ya 'gros gnyis la bzhugs/__gsum pa la dbu byed rnams phebs nas/__rnga rol bzhes nas rdzogs nas chem brdung /__oM badz+ra kro ta sogs nas phur btab mdzad nas/__de nas rol mo sbram sbram/__1byas/__2byas/__3byas/__gcig nas/__9byas/__9byas/__9byas/__9shar phyogs man tshig la gnas pa'i dgu brdung /__chems brdung la rnga gzhung bzhin sbram sbram nas/__9byas/__9bar gong bzhin/__'og phyogs rdzogs nas gsum brdeg len can/__steng yong song nas b+haN+Da ra Na hU~M phaT/__me ris sngags kyi bar phyag rgya dbyangs dang bcas phyag len bzhin/__de nas phyag rgya'i gar 'cham gyi sgo nas zhes gsol nas ka wa tsi hU~M phaT bar snang ba 'gyur thub nang bzhin/__de nas gyes/__rol phod/__'chams chas rnams bsdus/__'dus nas gtor 'bul/__dpal mgon ma hA kA la rnams dang po ja/__bkra shis bsdus pa/__grol dung /__'gro bde bcas so/__/ches 17nyin dkar chab/__gsol ja/__sngon 'gro gtor ma/__gnas yo byin rlabs/__byin 'bebs/__bsdus pa'i bsdus pa/__phur 'bring lugs/__skyabs 'gro nas bzung /__tsita a b+hi khan+tsa yan phur chen lugs la ye shes sku mchog la mi dgos/__sdom gsum sku gsum gyi mjug tu bcom rol chung gsum yan bsang bzhin la sbram/__1dor bas/__nyis brdeg len can 'phags mchog ma la dbyangs/__gsol ja/__gtor skad dgos/__sman reg la dbyangs med/__bcom ldan rdo rje gzhon nu la sged cing ma'i dbyangs rol/__mjug chems brdung sbram/__12yang dag don du dbyangs med rol mo mjug chem brdung /__sbram 12bde bar gshegs sogs mjug chem brdung /__de'i chem brdung la dkar dung nges par mi 'bud/__sbram 12bde bar gshegs pa sogs nas/__karma kro d+hi shwa ri AH__zhes pa'i mjug rol mo gsum brdeg len can/__gsol ja/__de nas sta gon/__oM badz+ra kro d+hA nas/__snyan gsan dbab pa yan/__gsol ja/__bdag mjug nang bzhin/__'khor ba phur bu dbyangs/__snyan gsan dbab pa rdzogs nas gung seng /__'dus nas slob dpon gyi bum bskyed mdzad pa zhu gsung dgos/__bum bskyed tshar nas gtor ma byin rlabs mdzad pa zhu gsung dgos/__thug pa/__gtor bsngo nas/__sngags dbyangs bar sa chog bzhin/__bstod pa rab 'bar ma/__mdo lugs bkra shis smon lam/__tshogs bsdus pa/__gtor 'bul/__mjug chog mchod pa byin rlabs bdag mjug bzhin/__rang gi snying kha nas sogs rang bzhin sems kyi sogs dgos/__bkra shis rgyas pa/__grol dung gong bzhin/__dgong mo phur 'god la sangs rgyas chos dang nas/__a pa na tiSh+Than+tu bar bdag mjug bzhin/__gsol ja/__rgyal chen 'tho 'dzug ni/__thog mar/__oM badz+ra kro d+ha a mr-i ta nas chen por gyur bar/__de nas mchod rol sdug bsngags 'don/__sgang dung /__1de nas sangs rgyas chos sogs rdzogs nas/__sa ma dzaHbar de nas/__dri zang gang gi bdag po shwa lo ka gcig la yang dag don du ma'i dbyangs rol/__chem brdung sdug bsngags/__sgang dung /__1gsum brdeg len can/__gtsang zhing gtsang ma sho lo ka 1la dbyangs rol gong bzhin/__chems brdung /__thugs sngags/__sgang dung 1/__sbram/__12zhes bzhag__/de nas gtor ma 'bul/__de nas shar phyogs na ni shwa lo ka gnyis la dbyangs rol gong bzhin/__de nas na mo sogs nas/__tiSh+Tha badz+ra bar/__de bzhin du 'og ma rnams la'ang rigs 'gre/__de nas gzhan rnams kyi rnga rol sogs dang /__bum pa 'bul ba la slob dpon dang mchod dpon gyis zhabs bskor lan gsum/__las bum la gcig__/de nas slob dpon rol sil ba sogs kyis zhabs dbu zhwa phud nas bskor lan gsum char ba dang 'dus tshogs kyis dkyil 'khor gsol btab mdzad/__'gro bde/__tshes 18la dkar chab/__byin 'bebs rgyas pa'i rgyas pa/__gsol ja/__phur chen dbyangs nyin gnyis la bkral/__steng pad ma/__nam mkha' 'phags mchog__/rtsi med/__sman rag dbyangs/__gtso bo rdo rje rtse dgu sho lo ka1'dul gdong rol mo/__hU~M mdzad/__sgo ma/__dib+ta/__'phor ba/__phur bu rnams grol bar dgos/__rtsi med/__khro rgyal bsdus pa/__gung seng /__sgeg cing /__rdor sgeg__/thabs mkhas/__phrin ched/__rtsi med/__dbyangs gsar/__he ru/__gru gsum/__de dang gnyis med/__dzaHsprul/__gung seng /__dpal thung /__bdag nyid/__rtsi med/__shwa thung /__sa bdag__/rtsi med/__kaM ka d+ha ra/__'dod chags khros pa rang dbyangs/__byang chen rnams yin/__de nas phyir rol gtor ma bdag 'jug bzhin/__'di'i nyin dkyil 'khor gsol gdab mi dgos/__gung seng /__dngos gzhi la ja/__11dkar chab la ja/__zabs 'gro la ja/__dbus su mgo thug pa/__'phos bu la ja/__spru mthing la gsol ba/__bdag nyid mgo ja/__bsnyen pa ja/__bum bskyed ja/__rigs lnga'i mgo ja/__gtor chog thug pa/__gsol ka mgo ja/__nag po gnod sbyin rdzogs nas ja/__tshogs mgor ja/__gung seng bsdus nas/__ji ltar bltams pa nas/__bdag 'jug bzhin/__gtor bsngo/__bshags pa 3gung seng /__bsdus nas bskang rdzas byin rlabs/__spyan 'dren shwa lo ka 3/__dbyangs rol/__dur bdag__/dkar mo ba /__na 'dren/__chems brdungs sbram/__12byon skyems mjug chems brdung /__sbram/__12rol 'bebs bcas/__thugs sngags mchod sprin yongs rdzogs/__phyi mchod/__nang mchod/__phrin bcol rgyun bzhin/__bstan srung /__khyad par/__byin rlabs thugs rje/__dbyangs rol/__gzhan yang ma dbyangs bcas3/__lha mchog ma dbyangs dang po/__rak+ta dmar chen/__dam rdzas/__zhal bzhi dring pa bcas byang ro/__oM AHhU~M/__chos dbyings spros bral bde chen sgrub ma/__nag po gnod sbyin ma dbyangs bcas/__1dkar chung /__gtum chen ma dbyangs bcas/__3sku dang gsung thugs dbyangs bcas/__3byin rlabs thugs rje ma dbyangs bcas/__1'phrin bcol dbyangs bcas/__7bskang gsar 'phrin bcol dang /__bzlog pa/__bstod pa nam mkha' ma/__tshogs rgyas pa/__mjug chag rang bzhin sems kyi sogs gong bzhin/__tshes/__19nyin byin 'beb rgyas pa'i bsdus pa/__phur dbyangs ye shes sku mchog__/nam mkha'i 'dur gdangs gong bzhin lhun grub srin po/__e las/__dbus su bdag nyid shwa lo ka gnyis la 'dur gdangs rol mo/__/yum rta mgrin bskyed med ma/__yang dag__/bde ba/__gung seng /__hU~M mdzad/__rang byung ma/__drin can/__'cham dbyangs/__bla med/__skye 'gro/__thams cad dbang lus/__gung seng /__dpal ring /__dkyil 'khor phyi rim/__shwa ring /__de'i las mkhan/__rtsi med/__'dod shwa dzam dbyangs/__/phur sgrub skabs rig 'dzin bskul la bi ma la'i dbyangs rol/__bal bo nas shur/__'jam dbyangs kun dga' bsod nams nas dbyangs mdzad/__byang chog yod tshe rgya gar shar bsangs dbyangs mdzad/__de'i nyin nas bzung dkyil 'khor gsol gdab dang /__bum bskyed bcas dgos/__'di nas bzung bying rnams tshes 18dang 'dra/__tshes 20la byin 'beb 'bring po'i rgyas pa/__dbyangs tshes 18dang 'dra/__tshes 21la byin 'bebs 'bring po'i bsdus pa/__tshes 22la rgyas pa'i bsdus pa/__tshes 23la byin 'beb 'bring po'i rgyas pa/__tshes 24la byin dbabs bsdus pa'i rgyas pa/__tshes 25la byin dbab bsdus pa'i bsdus pa/__tshes 26la bsdus pa'i rgyas pa/__tshes 242526gsum la phur bur/__nam mkha'i shwa lo ka 'dur gdangs rol mo/__/dbus su bdag nyid shwa lo ka ka 'dur gdang /__rol mo sged cing ma sho lo ka 'dur gdangs rol mo/__grub mthing sho lo ka gcig la 'dur gdangs rol mo/__'dod chags khros pa'i 'dur gdangs/__tshes 25nyin gral mchod gdab kha dang po/__rig 'dzin bskul mi dgos/__tshes 24nas tshes 26bar/__che ba'i stos gdangs mi dgos/__grol nyin bzang ba sa chog bzhin/__tshes 24la gser phreng tshes 15dang 'dra/__tshes 24la 'chams sbyong skabs phya'i dbyangs rnga 'chams rnam tshar gnyis re spo/__rgya gram gcig__/'di'i phya'i dbyangs ni/__bla ma rig 'dzin nas/__thugs rje yi bar tshig bzhi la dbyangs 'khor/__2phur kha bsgyur ba steng bar gnyis yin/__nga rgyal bskyed pa ni/__nga ni rdo rje nas/__bdag nyid gnas la tshig bzhi la dbyangs 'khor/__2gsol ja/__brgyud gsum ma ni/__mdzad du gsol bar tshig bzhi las dbyangs 'khor gnyis/__log mchams grub mcham rol bskor 'beb bcas gung seng /__de nas gsal phebs byung ba dang /__rol mo hod blangs kyis sbram sbram sogs chem brdung /__de nas 'phar med kyi sbram chung /__3sbram/__123byas/__123byas/__che gcig__/dzam nyug dang po'i bskul ba ni/__hU~M/__rab 'jig rngam pa'i zhal gdangs mche ba gtsigs/__dmar ser skra mdzes thod pa'i phreng bas brgyan/__'jigs pa'i gzugs 'dzin yang sprul nyi shu po/__dam nyams sgrol ba'i slad du gnas 'dir spel/__gnyis pa'i sku ni/__hU~M dur khrod sha za kun gyi gtso/__rab dkar keng rus 'jig pa'i gzugs/__/dam tshig can la brtser dgongs te/__/nor gyi bdag po yab yum yang /__/'khor dang bcas pa thams cad kyang /__/dngos grub rtsol phyir gshegs su gsol/__/dkar mo ba'i spyan 'dren dbyangs/__hU~M/__dpal chen thugs las sprul pa'i pho nya mo/__/gnod sbyin mjigs ma bdud rtsi gsod byed ma/__/dgra bgegs sgrol ba'i slad du spyan 'dren na/__/glog ltar myur ba'i thugs rjes 'dir gshegs shig__/gsum pa'i bskul ni/__hU~M/__/'jigs rung dmar nag me rlungs 'khrugs pa'i dbus/__/shin tu phros pa'i dam nyams tshar gcod cing /__/sgrub po skyong mdzad dam can bcu gnyis po/__/ma rung 'dul phyir gnas 'dir gshegs su gsol/__/bskul gsum hU~M mdzad sgra 'byin shwa lo ka gcig la dbyangs rol mjug je myur gyi 'chems brdung /__log nas rol bskor 'bebs bcas/__de nas hU~M mdzad sgra 'byin shwa lo ka gcig la dbyangs rol mjug je myur gyi 'chems brdungs 'chams rnams thon nas/__'chams dpon gyis dbus su bskor ba gcig rdzogs nas/__'gug gzhug tshar gcig pad bskor dzaM sogs 'chams yig nang bzhin la/__seng ge'i brjid 'chams nas dred mong yan tshar gnyis re spor/__dam tshig chen mo'i ring mas brdung /__mas brdung yin/__phyi nang gsang ba yas brdung /__mas brdung /__de'i nyin gsol ja/__gcig yongs ba/__spyang ku rdzogs nas gsol ja/__'gug gzhug rjes ma chems brdung zhig dgos/__'gug gzhug ngo ma mi dgos/__'chams sbyong dngos gzhi gnyis char la gdab tshul ma yin pa'i gsol ja mchod grub 'phral chem brdung re gnang nas/__gcig ge gnyis gsum byas sogs kyis 'chams tshul mdzad pa phyag len yin/__tshes 25la tshogs yan gong bzhin/__tshogs mjug gsum brdeg len can/__grol phral gsum brdeg len can gung seng /__rnga bya ltar g.yas g.yon re med/__gser phreng gong bzhin/__de'i nyin sku mchams rnams tshar gsum re spor/__phyi dbyangs ni dbyangs 'khor sngon ma gnyis 'chams sbyong lugs/__/gser skyems la phyi nang bar chad tshig gnyis gsol ja/__phur kha bsgyur ba 'og nga rgyal bskyed pa snang zhing /__srid pa'i tshig gnyis/__dpan gzugs la mthu dang rdzu 'phrul tshig gnyis de rnams 'phar/__rgyud gsum ma gnyis rdzogs nas gsol ja/__rgya gram gnyis/__log 'chams rol bskor 'beb bcas/__gung seng 'dus nas/__gser phreng /__gsum gdan steng phyag cha ban phur bsnams nas zhal byang gzigs la mchod dpon pas phud phor thogs nas/__gser skyems bla ma rig 'dzin phur zlog bzhin/__dus phyis slob dpon gyi gnang /__rig 'dzin bskul phur bzlog bzhin/__phur kha bsgyur ba phur bzlog bzhin/__'chams dpon lhor gzigs/__dgug gzhug 'og tu mdzad pas 'dir mi dgos/__lha srungs spyan 'dren phur bzlog bzhin la byang gzigs/__de'i sngags phyag la lhor gzigs/__/nga rgyal bskyed pa phur bzlog bzhin byang gzigs/__de'i sngags phyag la lhor gzigs/__dIp+ta tsakra phur bzlog bzhin lhor gzigs/__rgyud gsum la phur bzlog bzhin byang gzigs/__rgyud gsum ma'i mtha'i dgu brdung mthar gsum brdeg len can/__de nas slob dpon rol sil rnga gral rnams phebs nas shar gzigs/__dzaM nyug rnams kyi bcam rol 'chams sbyong nang bzhin dad pa'i bskur rdzogs nas thon/__log grub nas 'di rnams la 'chams sbyong dngos gzhi gnyis char la rol bskor 'bebs bcas dgos/__/de nas nor skyongs yab yum gnyis kyi bskul/__dur khrod sha za shwa lo ka gcig gi mjug tu/__'khor dang bcas pa thams cad kyang /__dngos grub rtsol phyir gshegs su gsol/__zhes tshig rkang drug la dkar mo ba'i /__na 'dren gyi dbyangs rol mo 'phar med nyis brdeg len can je myur gyi chems brdung /__phebs grub nas nas dzaM nyul tsho gnyis 'chams sbyong nang bzhin/__gung seng /__'dus nas bcam rol mi dgos/__hU~M mdzad dgra 'byin shwa lo ka gsum dang kha bskangs/__gnod sbyin 'jigs ma bdud rtsi gsod byed ma/__/dam nyams dgra bgegs sgrol phyir gnas 'dir gshegs/__/zhes sogs dbyangs 'khor gsum rdzogs nas je myur gyi chems brdungs la 'chams sna ba thon song ba dang /__'chams pa rnams rim bzhin thon/__slob dpon gyi rkyang 'gros ling+ga'i mthar 'khor ba dang rnga rol sgra bzhags/__dgug gzhug tshar gsum sogs phur bzlog bzhin/__de nas bskul mchams dngos gzhi mjug 'di'i nyin sku 'chams tshar gsum re spor/__de nas dgugs gzhug tshar gcig la tshe srog ye shes su bsgyur ba mi dgos/__dam tshig chen mo dang phyi nang gsang ba sogs tshig kun tshangs ma/__grub mchams/__seng stag spyang gsum rdzogs nas gsol ja/__pho nya dran gdangs rdzogs nas sku seng /__'dus nas rdo rje gsang ba nas log 'chams bar snang ba 'gyur thub nang bzhin/__log 'chams grub nas rol bskor 'beb bcas/__gser phreng /__sgrub khang phebs nas gtor 'bul mjug chog rnams gong bzhin/__grol nyin gzhan gang bzhin la lhag ma rgyas pa/__gtor 'bul phyi 'bul/__lha lnga zhabs su Ta bskral/__de nas thog khar phebs nas rol mo bcu bzhi brdeg rdzogs nas rol bskor 'bebs bcas/__gsol ja/__de nas gtor 'bul bstan skyongs rnams rgyas pa/__srid zhi'i dpal 'byor ma/__de nas phyi rol gtor ma/__gshegs gsol la badz+ra mu/__chos skyongs rnams rang bzhin gyi gnas su gshegs zhal bsgyur dgos/__de nas sgrub khang du phebs nas slob dpon dang /__rol sil bcas pa'i dkyil 'khor la bskor ba lan gsum/__yig brgya 'don/__de nas dkyil 'khor gyi mthar bskor bskor ba 'khor ba dang rol mo bzhag__/mchod pa byin rlabs rgyas pa bya/__sgeg phreng sogs kyi phyi mchod/__rang byung gdod nas sogs shwa lo ka gcig gi nang mchod/__sgeg cing dpa' dang sogs kyi bsred pa bya/__thal sbyar ye shes lnga ldan sogs lan gsum gyi dang po la gdangs ring /__gnyis par de las thung tsam/__gsum par de bas kyang thung tsam/__de nas slob dpon gyis gsur bsngo/__de nas yig brgya lan gsum/__ma 'byor pa dang sogs/__phyogs bcu nas swa hA bar rgyun bzhin/__brten pa lha'i tshogs rnams zhes gsung dgos/__rten gyi dkyil 'khor nas ye shes pa rnams de nas oM khyed kyi sogs gdongs ring ba gnyis/__thung ba/__1de nas rol mo dang bcas dkyil 'khor gyi yo byad rnams bsdu tshar nas slob dpon gral la byon nas dung gsal/__rol mo bzhag__/oM shrI badz+ra ku mA ra dang /__oM badz+ra ka ba tsi sogs/__rang bzhin sems kyi sogs/__dge ba 'di yis mtha' yas sogs/__dge ba 'di yis nam mkha'i sogs/__bkra shis rgyas par brjod la mthar rol chen/__grol dung bcas/__slar smras pa/__/'dir 'bod rnam dkar dge ba'i nyin mor byed/__/phan bde'i 'od stong 'bar ba'i gzi byin gyis/__/'gal rkyen mun pa'i tshogs kun dbyings su zhi/__/don gnyis pad+mo'i 'dab brgyad 'dzum gyur cig__/'jam dbyangs ye shes dag pa'i nor 'dzin las/__/lung rtogs chos kyi bsdong po rab tu brlings/__/blo gros 'bras bu'i dpal gyi phyugs pa gang /__/bskal pa rgya mtshor zhabs pad bstan gyur cig__/de mthus thub bstan spyi dang bye brag tu/__/'khrul bral sa skya'i mdo sngags bstan pa'i rgyun/__/bshad bsgrub phrin las bzang po mi nyams pas/__/yid can yongs la phan pa sbyin gyur cig__/bkra shis gang zhig dad dang 'dun pa yis/__/skyabs su bzung bas 'dod rgu'i dpal 'jo zhing /__/rnam grol bde ba'i nor bu sbyin mdzad pa'i/__/mchog gsum bkra shis snang bas srubs gyur cig__/ces pa'ang 'jam pa'i rdo rje mchog gi sprul pa'i sku rin po che'i bka' phebs gnang don ltar shrIHsa skya phun tshogs pho brang pa'i 'khon gdung ngag dbang kun dga' bsod nam 'jigs bral phyogs las rnam rgyal dpal bzang pos rgyal ba zhes pa shing pho stag lo smin drug zla ba'i tshes la sbyar ba sarba dA ka l+yA NaM b+ha wa tu//___//'di chos kyi blo gros gsung min yang dpe dkon pas phur sgrub tsa lag skor dkyus gcig tu bkod pa'o//___//
na mo gu ru many+dzu shrI ye/__gang mtshan bsod nams phung po bye ba'i 'od/__/khyad par bkye bas snying gi mun sel ba/__ston mchog smra ba zla med shAkya'i tog__/gang zhabs chu skyes spyi bo'i gtsug tu mdzes/__/chos kun mkhyen pa'i me long gtsang ma'i ngogs/__/'khor 'das chos khams tshon sna ma 'dres bkra/__ye shes 'od brgyas 'gro blo'i mun sel ba/__/bla ma 'jam pa'i dbyangs kyi shis pa stsol/__/bde gshegs thub pa'i bstan pa ni/__/dge 'dun rnams kyis 'dzin pa'i phyir/__/de yang ston pas bcas pa bzhin/__/ma nor 'jug pa shin tu gces/__/mdo 'dul gsung rab rgya mtsho las/__/blang dor spyod pa'i gnas rnams ni/__/legs btus bslab khrims bca' yig las/__/snying por dril ba 'di yin no/__/ces yul dam pa la mchod pa brjod cing shis pa'i tshig gi pad+ma dkar po cung zad 'thor bas dge legs su byas te+e/__kaHthog brgyud sde lha khang dkon mchog pho brang bshad sgrub nor bu'i lhun po thub rgyal kun mkhyen gling bzhugs kyi dge 'dun pa rnams kyi ji ltar bya ba'i rim pa gsal bar ston pa'i bca' yig__/de bzhin gshegs pa'i bstan pa'i gdugs dang rgyal mtshan dang /__ba dan bsgrengs ba ces bya bar rgyas par spros shing /__'dir de las snying por bsdus te bca' khrims kyi rkang grangs tsam bzung pa la/__bsgrigs 'dir thog mar zhugs pa gzhi byos gang yin dge tshul slong gi sdom pa thob pa mi gzhi bzang ba la brtags dpyad legs par gnang ba dang dam bca' khas blang bris thos sogs nan tan gyi grangs bzhi bcu rtsa gnyis las phyir mi nyung ba dang /__lo lnga bar brje dkrol sogs med rgyu nges can yin/__gal te shin tu rgyu rkyen chen pos dgongs pa gnang dgos byung na rkyen bstan bdag rin po che snyan bsgron zhus te bka' gnang thob tshe tshogs su mang rten dngul srangs mang ja mar me brgya mchod bcas sgrub dgos pa las zhu gnang ltab bde mi chog__/bslab khrims mi tshangs spyod/__srog gcod/__ma byin len/__brdzun smra ba ste pham pa'i chos bzhi dang /__myos 'gyur gyi chang btung ba dang /__dge 'dun lhag pa'i dang po khu ba 'byin pa rnams mthong thos nges gsal byung tshe g+haN+Di brdung ba sogs 'dul ba ltar gyi gnas dbyung dang /__khong khro 'thab 'dzing chen po byung na de ma thag gnas dbyung dang /__gnas dbyung sa yang rgyud sde'i gling nas phyir skrod pa ni/__dam pa'i chos kyi lugs dang /__de rjes bla dpon kyi rgyal khrims dang mthun pa'i zhib dpyod nges pa dgos/__khong khro chung ngu la phyag lnga brgya mar me nyer lnga re'i chad pa dang /__mkhan gnas dge bskos rnams kyi zhal bsgos bya/__kha 'dzings 'thab mo lan cig la mar me brgya mchod re sgrub dgos/__gtsug lag khang gi nang dang gling stod shod rnams su bud med drag zhan thams cad 'gro mi chog__/bla brang steng kha'i mja' kha sngar rgyun bzhin gser kha gi lho sgo nas btang dgos/__khrim 'gal byung na bud med de'i skra gcod rgyu dang /__mar me brgya mchod gnyis re'i chad pa sgrub dang /__dge 'dun pa tshes bcu dgu gtor sogs kyi skabs khrom gseb nyul ba/__bud med dang cig pur gtam smra ba/__bro glu bzhad gsum dang /__chags sdang gi gtam smra mi chog cing dge bskos la dgongs pa ma zhus par rgyud sde'i gling rgyab 'gro mi chog cing de rnams 'gal na mar me nyer lnga re'i chad pa dang /__so so'i gshag nang du skyes pa zhag sdod byung na mar me nyis brgya re'i nyes pa/__dge 'dun spyi gnyer nas bshas nyo gshas tshong mi chog cing bsngos sha yin min rtsad dpyad nas de 'dra min pa la longs spyod/__gzhan dag las bu lon thob min byung na dge bskos la zhu ba las rang shed 'thab 'dzings byas na mar me brgya mchod dang /__g.yo sgyu bre srang leg pa 'dzug pa dang /__gzhan las brdung 'phrog bcom gsum gyi rgyu nor blangs ba dang /__dkon mchog gi dkor la bag med du spyod pa spangs/__spyi dkor nyar tshag dge bskos gnyis nas tshur 'ong tho dang phar 'gro song gnyis ka yi ge zhib bca' dang /__brje mtshams dge 'dun thugs yid chos pa'i dag thor zhu dgos/__dngos rdzas nyo tshong gling nang mi bya/__dngos po chud zos byung na mjal dgos rnye+ed pa bgo dus ston pa'i sku snyal bzhag nas thams cad 'dra mnyam bgo__/las tshan so sor rtsis sprod/__'thor brlag chud zos byung na mjal dgos/__chog bzod hom bsgyur rgyab na rgyu rtsa de'i rin thang log po'i nyo bsgrub dang /__rang rang gi gshags nang du rtsed mo ku re sogs ngag khyal dang tshig don 'brel med kyi chos rtsod ha bgad sogs dang /__gling stod shod nas 'bod lan byed pa dang /__gtsug lag tu dgos don gnad chen yod na las ngag smra ba gtan nas spangs/__de rnams dang 'gal na phyag brgya nas bcu yi bar 'os dpyad dang /__gtsug lag tu ngag smra ba lan re mar me re 'bul dgos/__gshags cig gi nang grwa pa gnyis re lhan du sdod pa dang /__phan tshun zhag sdod spangs/__nyin thun dang mtshan thun la dge bskos gling nyul ma lan gsum re 'gro/__dgon pa'i nang 'gro dgos na dge bskos la dgongs pa zhu/__dgongs pa thob kyang phyi rol du zhag la mi sdod/__byon bzhugs thams cad la spyod lam zhi dul dang /__gos dkar po bgo ba dang /__ring 'gags dang sham thabs lcags ri med pa dang /__glo cha/__khab shub/__mo cha/__dpa' thung sogs 'dogs mi chog__/gzhan gyi gtam po nyar tshag mi bya/__tshogs bsgrigs la gdangs dbyangs phyag len 'bud bkrol sogs sbyangs brdar dang /__gsung gra bsgrigs pa sogs dwangs ba 'dren thub pa dang /__dge tshul slong gi yo byad rnams tshags su tshud cing /__khyad par gdeng ba gtsug lag du rgyun 'ding dang /__chos gos med mi rung /__dge slong rnams snam sbyar yang 'dzoms na phan yon che/__chos ston pa'i dge ba'i bshes gnyen la bkur bsti rim gro bya/__thugs krug ngan chog byas na gnas dbyung sogs gong bzhin bya dgos/__rgyun du yi ge 'bri ba/__mchod pa/__sbyin pa/__nyan pa/__klog pa/__'dzin pa/__'chad pa/__kha ton byed pa/__don la sems pa dpyad 'jog gi bsgom pa ste/__chos spyod bcur btson pa las sos dal skad cig tsam yang mi sdod/__mdo sngags kyi gzhung 'chad nyan byed pa'i sngon du sems sdom 'bog chog dang /__so sor bstan pa la dbang ba'i smin byed rnams zhu dgos/__mdo sngags kyi gzhung che chung nyer lnga la shin tu nan tan sbyangs shing khyad par rgyud gsang ba snying por 'chad nyan rtsal du bton/__shes rab che chung dang bstun nas/__mdo sngags kyi gzhung /__rtsa ba spyi don blo la byang nas bshad rgyugs 'bul ba byung na legs po'i bdag rkyen yod/__bshad lung bgyid dgos rnams 'chad pos kyang rgyun legs par mnos te bshad rgyun mi chad par bya/__bslabs sbyangs la brtson 'grus byed mi mkhan po dge bskos kyi brtan te lan gsum gyi bar zhal brgos dang /__gtan nas ma sbyang na gnas dbyung bya/__rgyun tshogs dang chos 'chad nyan/__skyor sbyang dang /__nyin thun/__mtshan thun rnams gal chen khrigs su tshud pa dgos/__rgyun tshogs snga phyi gso sbyongs gnyis/__dus mchod sogs la ma 'tshogs na/__re re chag na mar me bcu re yon kha 'tshogs rgyu chag mkhan der rnyed pa de rkang chad thun gnyis po chag na/__phyag sum brgya/__mar me nyi shu'i chad/__nyin thun la mi gnyis lhan sdod byung na mar me gsum re/__mtshan thun la mi gnyis lhan du sdod na mar me bcu gsum/__phyag brgya re/__thun sgang rab gsal phyi nang blta res byas na mar me gsum re'i chad pa yin/__gzhung rgyug sprod skabs thams cad nas legs par gsan dgos/__ma gsan na phyag brgya nas nyer lnga yan babs bstun/__ma sbyangs pa'i rtags mngon gyur gyi rgyug ma phrod na mar me gnyis brgya/__rgyun 'tshogs la bslab gral bsgrigs/__zla 9tshes 15nas/__zla 3tshes 15bar stod 'bog gyon/__zla 3tshes 15nas/__zla 9tshes 15bar dpung bcad/__de dang 'gal na phyag lnga brgya/__zla ba gnyis re'i mtshams tshes brgyad la dbu skra lhan du bsil/__chan pas mi brog gzan snam ther gang byung las a thi sogs dang zhabs chang ko lham yu ba can du mi gyon/__'di rnams dang 'gal na mar me bcu nas gsum gyi bar 'os bstun/__sna rwa mi khyer/__phor pa smin gling bsgrigs zhal dang /__bsod sder gang rung las gzhan khyer mi chogasna rwa dang phor pa 'dra min khyer 'ong na bcag rgyu dang /__sgrub mchod tshogs dus gding chos rtse zhwa rdor dril med na brgya phyag gsum re dang de 'phral 'dzom pa dgos/__'du khang la dge tshul ja 'dren pa dang /__lha gnyer nas phyag dar byi dor 'od chags pa dang /__dbyar sngo phyis/__yon chab brgya tshar bshams/__chos rwa dang rang rang gi sgo khang zhag lnga re'i mtshams phyag dar ma byas na phyag bco lnga re/__gling thog kha ba phyag rgyu skyor dpon dge bskos dbu mdzad las thog ma gtog tshang ma byon dgos/__chos ra'i rdul dang kha ba ma chen pas phyag pa/__gser khang steng shod rdul kha ba gser khang lha gnyer nas phyag dgos/__dpe gnyer bas dpe cha sbyangs dus ma gtogs g.yar mi chogagator brlag byung na byed mkhan de'i tshab dgos/__rgyud sde'i sgo chen dmigs bsal gnang ba'i skabs las rgyun du 'byed mi chog__/ja me dus bzhi blangs bar lhan du byon rgyu dang /__bla brang steng thogs nas phyi nang su'ang gyang ngos la 'dzegs nas bgrod na mar me lnga re'i nyes chad dang rgyun tshogs la nad pa sogs shin tu mi khom mi lcogs sogs nges can la chos khrims nas dgongs pa gnang 'os min brtags dpyad dgos/__dge 'dun spyi gros kyi chos khrims 'os 'du bstan bdag rin po cher phul nas dge bskos gnyis lo rer bskos bzhag dang de gnyis ka nas nyi ring phyogs lhung med pa thig shing drang por bzhag pa lta bu'i bca' yig nang 'khod kyi bsgrigs lam gong 'phel bsam sbyor rnam dag gi rtog zhib tshags su tshud pa las gang byung des chog rgyu 'bras 'gal ba byas na skyabs mchog 'das bzhugs rnams kyi chos dam 'gal nges dang /__mdor na spangs blang gi gnas 'di rnams dang /__mi 'gal ba tshul bzhin sgrub pa rnams rdo rje'i chos skyongs ba rnams kyi srungs skyobs sdong grogs dang /__dge 'dun gyi khrims dang 'gal zhing dam nyams sde krug byad lto'i rigs rnams shrI ma hAHkA li'i de wis de yi snying khrag dron mo la rol cig lo dang zla ba ma bzhag__/zhag dang za mar ma 'gyangs skad cig nyid la bsgrol/__ces gnyer du gtad pa yin pas 'di don spangs blangs 'gal med dran shes bag yod ldan pas bsrungs pa gal che/__bstan pa'i snying po gsang chen snga 'gyur pa'i/__/bstan pa bshad dang sgrub pas dar shing rgyas/__/bstan pa'i ring lugs phyogs brgyar 'phel ba dang /__/bstan 'gror dge mtshan rgyas pa'i bkra shis shog__/ces rab byung bcu drug pa'i rgyal zla'i tshes la dge'o/__/dge'o/__/sarba mang+ga laM/__shu b+haM//___//
@#/__kaHthog pa'i bshad sgrub nor bu'i lhun po'i bca' yig bzhugs/__/
'dir thog mar zhugs skabs gzhi byes gang yin kyang mi gzhi bzang ngan sogs brtags dpyad dang dam bcas khas blangs gi bris thol sogs zhib bca' dngaH__chos 'dul rgya mtsho'i snying po lhag pa tshul khrims kyi bslab sdom rang rang gi khas blangs kyi thob pa ma nyams pa mig gi 'bras bu ltar srung dgos te/__bsrung bya'i rnams grangs yang bsnyen gnas kyi khrims yan lag brgyad yongs rdzogs dge bsnyen gyi rtsa bzhi chang lnga/__dge tshul gyi rtsa ba rags pa bcu dang /__zhib mor dbye na blangs 'das so gsum dge slong gi bslab bya la dgag pa'i bslab bya dang bsgrub pa'i bslab bya gnyis/__dang po la/__pham pa bzhi/__lhag ma bcu gsum/__spang ltung sum bcu/__ltung byed 'ba' zhig pa dgu bcu/__sor bshags bzhi/__nyes byas brgya dang bcu gnyis/__gnyis pa bsgrub pa'i bslab bya bzhi bcu bdun rnams te/__rgyas par 'dul gzhung chen po rnams su shes shing /__mdor na bcas pa dang /__rjes bcas gnang ba dang /__rjes gnang bzhi'i don go bar byas te/__de yang byis pa nyid dang /__mi shes pa dang ma gus pa dang bag med pa dang ltung ba 'byung po'i sgo bzhi po la bag yod par/__dge tshul slong gi sdom pa ma thob pa yin na sdom pa sbyin pa mdzad nas/__bslab pa kun gyi rtsa ba pham pa'i chos bzhi po la/__dang po/__mi tshangs spyod pa'i pham pa ni pho mo ma ning mi dang dud 'gro sogs gang gis gson po'i lus phyed du langs pa'i ro lta bu'i kha bshang lam zag byed gsum po gang rung du nor bu bcug cing reg pa las byung ba'i bde ba rdzogs par nyams su myong na nyams pa bcom pa lta bu'i pham par 'gyur ba dper na shing tA la'i mgo bcad na sngon po 'gyur du mi rung zhing 'phel zhing rgyas pa dang yangs pa 'gyur du mi rung ba bzhin slar gsor mi rung pa'i chos can du 'gyur bas 'dir bzhugs pa rnams bslab pa'i gnas 'di dang mi 'ga' bar bya ba ni bca' khrims dang po'o/__/gnyis pa ma byin len gyi pham pa ni/__gzhan gyi dngos po rin thang tshang ba rang gi dngos su brkus pa'am/__gzhan la skur bcug pa ste rin thang gi tshad ni kaR+sha pa Ni bzhi cha bskus na pham pa'i dngos gzhi rdzogs pa ste de yang mkhas pa rnams kyi bzhed srol mang yang ka ma la'i ka ri ka'i 'grel bshad kyi dgongs pa ltar dngul zho gang gi tshad can ma byin blangs na nyams par 'gyur pas de dang mi 'ga' ba ni bca' khrims gnyis pa'o/__/gsum pa srog gcod kyi pham pa ni shes bzhin du mi'am mngal du yod pa'i me mer po la sogs mir chags pa mtshon dug rig sngags kyis bsad pa'am/__gzhan la gsod du bcug kyang rung ste/__mdzod las/__dmag la sogs pa don cig phyir/__thams cad byed pa po bzhin ldan/__/zhes pa ltar rang gi gsod dam/__gzhan las gsod du bcug gam/__de 'chir 'jug gam/__'chi ba'i sngags pa brjod kyang rung dge slong gang nyams par 'gyur ba ni/__bcas pa'i khrims gsum pa'o/__/bzhi pa mi chos bla ma'i rdzun smra ba'i pham pa ni/__mi'i rten la sgrub par bya ba'i chos ma yin pa de dge gong ma'am bla ma lta bur gyur pa'i yon tan zhig ma thob bzhin du thob ces smras te/__lha klu 'dre srin sogs ma mthong bzhin du mthong ces smras ba dang /__bden bzhi sogs shes par smra ba dang /__ma mkhas mkhas brdzun/__ma rtogs rtogs rdzun/__ma grub grub rdzun sogs kyang 'di'i rang bzhin las ma 'das shing /__sa ga'i lhas/__'dir ni sgrib pa rnam pa lnga/__mi rnams kyi ni chos su thos/__de ma zad bla ma'i chos su 'dod/__ces pa/__'dod pa la 'dun pa/__gnod sems/__gnyid rmug rgod 'gyod/__the tshom ste sgrib pa lnga po ni mi rnams kyi rang bzhin gyi chos yin la/__de zad na khams gong ma'i sems thobs pa ste/__de lta bu'i sgrib pa ma zad bar gong ma'i yon tan thob par/__smra bas gzhan bslu bar 'dod pas brdzun smras na nyams par 'gyur ba ste bca' khrims bzhi pa'o/__/de yang gzhi bsam sbyor ba mthar thug bzhi ka tshang ba pham pa'i dngos gzhi dang yan lag sna re ma tshang na sbom po/__de'ang yan lag mang nyung gi lci yang gnyis su yod do/__/rtsa ba bzhi po 'di dang 'og tu bcas pa'i chang dang lnga po sngags kyi skabs su rgyud rgyal dus kyi 'khor lo'i brtul zhugs nyer lnga'i nang gi bsrung bya lnga po yin pas sngags la zhugs pas kyang 'chol nyog tu spyad par bya ba min no/__/lhag ma bcu gsum gyi dang po shin tu 'byung nye ba khu ba 'byin pa'i lhag ma 'dis sdom pa'i lhag ma tsam lus shing lus kyi stobs nyams shes rab 'chal ba dang /__brjed ngan che ba gzi brjid nyams pa tshe thung nad mang rgas sla ba dkar phyogs kyi lhas mi skyobs pa sogs thun mong ba dang /__sngags rdo rje theg pa las kun rdzob kun+da lta bu ste/__don dam bde ba'i gzugs can no/__/zhes dang /__rten kun rdzob byang chub sems kyi thig le spang bas brten pa don lam byang chub kyi sems spang shing ngo spangs bas tshe 'di la mchog thun gyi dngos grub bzang po'i skal ba chad nges pa dang /__sngags kyi rgyud las rtsa ltung lnga par 'gyur bas phyi mar rdo rje'i dmyal bar lhung ba 'gyur ba sogs nyes pa bsam gyi mi khyab cing rnam smin mi zad pa nyams su myong bar 'gyur ba ste dpal ldan dus kyi 'khor los 'grel chen dri med 'od las de kho na nyid mi shes pas dbang po gnyis sbyor kyi bde bas sangs rgyas thob par 'dod pa'i blos khu ba btang na mda' ste+e rtsa ba'i ltung ba lnga por 'gyur ro/__/zhes 'bras dus gzugs sku 'grub byed kyi rgyu nyams par gsungs pa dang /__'di las dge 'dun gyi dbyen dang 'byed pa dang /__rtsod pa sogs nyes pa brgya phrag du mi'i tshang chen po yin pas 'di dang mi 'gal bar bya ba ni bca' khrims lnga pa'o/__/lhag ma gzhan bud med kyi lus kyi cha shas la reg pa'am 'dzin pa'i lhag ma sogs gzhan rnams kyang mi 'gal bar bsrung dgos/__'bru'i chang dang /__bcos pa'i chang /__myos par 'gyur ba bag med pa'i gnas su gsung ste/__/dran nyer las chang ni dug gi tshogs yin te/__/chang 'thung pa la brten mi bya/__/chang 'thung pa la brten pa ni/__/dge ba'i chos rnams nyams par 'gyur/__/chang 'thung pa la gnas pa'i skyon/__/nor zad ngan pa brjod byed cing /__/le lo shin tu brtan par byed/__/de lta bas na de spongs shig__/chang gi 'dod chags bskyed byed cing /__/de bzhin khro dang gti mug dag__/yang dang yang du bskyed byed pas/__/de lta bas na chang spongs shig__/chang ni nyes pa kun gyi gzhi/__/rtag par don kun med par byed/__/ngan song gsum gyi them skas yin/__/mun nag gnas ni chen po ste/__/chang gi sems can dmyal bar 'gro/__/ces sogs rgya cher gsungs pa ltar mi dge ba thams cad kyi 'byung khung /__dug gi nang nas dug chen po/__ngan song gsum gyi them skas legs tshogs yon tan thams cad 'grib pa'i rgyu dang ston pas kyang nga yi nyan thos rnams kyi chang ni rtswa rtse'i zil pa tsam yang btung bar mi bya zhes khrims bcas pa bzhin dngos lkog gnyis kar btung mi chog cing /__tshogs chang yang dam tshig gi rdzas nyung ngu las 'jog mi chog pa ste khrims drug pa'o/__/khong khro 'khrugs slong ni rgyu zhe sdang gi kun nas bslang bas rnam smin gyi dmyal bar 'phen te/__zhi ba lhas/__zhe sdang lta bu'i sdig pa med/__/bzod pa lta bu'i dka' thub med/__/de bas bzod la nan tan du/__/sna tshogs tshul gyi bsgom pa bya/__/ces pa ltar/__mkhan po dang slob dpon sogs mchod 'os rnams la ma gus pa dang ngan sems bskyed na de'i grangs kyi dmyal bar bskal par gnas pa gsungs te/__zhi ba lhas/__gang zhig de 'dra'i rgyal sras sbyin bdag la/__/gal te ngan sems skyes par na/__/ngan sems skyes pa'i grangs bzhin bskal pa ru/__/dmyal bar gnas par 'gyur zhes thub pas gsungs/__/ces pa ltar mkhan slob sogs la ngo tshad 'dzugs gsung phyir rdzogs sogs thugs sun byungs na nyes pa shin tu lci ba dang /__grogs mched nang phan tshun dbyen bcos te dngos lkogs kyi phra ma byed pa dang /__tshig rtsub smra ba dang /__gnod pa'i sems dang ldan pas rtag tu mnar sems dang /__gzhi byes dum bur chad nas shog bsgrigs byed pa dang /__dge 'dun mi bde ba'i gzhi yin cing /__de'i nang phar tshun 'byed pa 'gyur zhing /__legs pa zhugs pa sogs kyi don dang 'gal ba shin tu nyes pa lci bas khong khro chen po nyes pa bshags med dang /__chung ngu byung ba tsam nas brgya phyag lnga re dang mar me nyer lnga re'i chad/__mkhan po gnas brtan dge bskos sogs kyi lan gnyis lan gsum gyi bar du bsgo shing zhi ba byed dgos/__des kyang ma zhi na nyes pa bzlog med dang /__ji skad du/__dge 'dun mthun pa bde ba ste/__/mthun pa rnams kyi dka' thub bde/__/zhes dang /__dge 'dun mi phyed ces pa'i don yin pas thugs mthun pa kho na gal che ba ste/__bca' khrims bdun pa'o/__/dge 'dun gyi spyi khrims 'di bdun po gang byung na de ma thag mi rgyu sogs kyi ngor mi btang pa chos 'dul ba ltar gyi gnas dbyung drag po bya ste/__phyir 'dzug gnas mi chog__/kha 'dzings thab mo chung ngu lan gcig la mar me brgya mchod re sgrub dgos/__mi tshangs spyod kyi pham pa'i char btogs gtsug lag khang gi nang dang gling nang dang /__steng thog rnams su bud med kyi rgyu 'grul mtho dman drag zhan su yang gtan nas 'dzug mi chog__/klog pa'i gtsug lag khang gi steng kha gnyis bskyil du skyabs rje rin po che zhal bzhugs skabs mjal kha zhu bar gser khang gi lho sgo nas btang srol bzhin nyes pa med cing /__de las gzhan du 'gal ba byung na skra sna gcod zer yang skra nges par gcod nas mar me brgya mchod gsum re chad sgrub dang /__tshes bcu dgu gtor sogs dus chen skabs khrom gseb tu nyul ba dang khrims grogs med pa bud med la cig pur gtam smra ba dang mig gi ring du blta ba 'dzum rgod sogs dang /__bro glu bzhad gsum dang skyes pho mo chags pa'i gtam dang /__dge bskos la dgongs pa ma zhu par phyir 'gro ba bya mi chog cing de rnams dang 'gal na gang byung la mar me nyer lnga re sgrub rgyu dang so so'i grwa khang nang du skyes pa zhag sdod gtan nas mi chog gal te byung na sdod yul sdod mkhan gnyis kar mar me gnyis brgya re sgrub dgos pa sde khrims brgyad pa'o/__/srog gcod kyi char gtogs dmag 'khrugs 'thab rtsod sogs kyi ngag 'khyal dang /__sgrungs pa sogs chags sdang gi gzhi dang /__khyad par bshas nyo gshas tshong gi dge 'dun spyi byer nas mi chog cing /__dge 'dun spyi yi sha nyo dgos na rnam gsum dag pa'i sha la longs spyod pa las bsngo sha sogs gtan nas spongs shing /__sha 'tshong ba po las kyang ched du bsngos pa yin min zhib rtsad bya dgos pa dang /__bu lon lta bu lon mi lon dus dge bskos dang mdzod pa sogs zhu ba las rang shed kyi 'thab 'dzing sogs byas na mar me brgya mchod re sgrub dgos te/__de rnams ni bca' khrims dgu pa'o/__/ma byin len gyi char gtogs dge 'dun spyi byer sus kyang g.yo sgyus kun nas bslangs te bre srang log pa 'dzug pa dang gzhan las brdung 'phrog bcom gsum gyis blangs ba dang /__dkon mchog gsum gyi dkor la bag med du longs spyod pa spang shing /__dge 'dun gyi spyi dkor nyar tshag__/grwa gnyer rnams nas gtong ba mchod pa 'gyed sogs ji byas tshur 'ong phar song gi tho zhib bca' dang /__brje mtshams skabs dge 'dun thugs yid ches pa'i dag ther zhu rgyu dang /__nyo tshong bsgrigs gtam sogs chos ra nang bya mi chog pa dang /__bor zegs chud zos byung na grwa gnyer rang gi dngos pos mjal sgrub dang /__rnyed pa bgo ba ston pa'i sku skal bzhag nas thams cad 'dra mnyam su bsgo ba dang /__dpe gnyer pa dang /__mchod dpon/__dge bskos/__mgon bla sogs las tshan so sor rtsis sprod rnams chag grum bug khral/__'thor zegs byung na nyams skyon bcos shing de tshab spus ldan thog las yig stong lag rgyud kyi rtsis sprod len sogs gtan nas mi chog cing /__chog bzod ham bsgyur gyi ji mi snyom du mdor na rgyu dngos po de'i rin thang ji gnas log po'i nyes chad gtsang sgrub dgos pa ste bca' khrims bcu pa'o/__/brdzun gyi char gtogs don med kyi mi mang lhan du 'tshogs nas ngag rkyal sna tshogs pa dang /__rtsed mos ku re/__bzhad gad/__chos la brnyas pa'i tshig gi don 'brel med kyi thal rtsod sogs spangs shing /__gling stod shod nas gsung skad chung ngu smra ba dang se gol gyi brda' byed pa las 'bod lan sogs skad rgyangs 'ur zhog chen po byed pa dang /__gtsug lag tu zhugs nas dge ba'i gnad don smra dgos nges byung na las ngag smra ba sogs mi chog cing /__de rnams gang byung nyes pa che chung dang bstun nas phyag brgya nas bcu yi bar dang /__gtsug lag khang dang tshogs la zhugs nas ngag shor ba la mar me re'i chad pa sgrub dgos pa ste bca' khrims bcu gcig pa'o/__/dge 'dun lhag ma'i char gtogs grwa khang so sor grwa pa gnyis re lhan sdod mi chog cing phan tshun zhag ma sdod pa dang spongs shing mtshan thun gyi skabs la dge bskos thengs gsum re gling nyul nges par 'gro shing /__dgon pa'i nang la 'gro dgos byung na chos khrims la dgongs pa zhu ba las byung rgyab tu 'gro mi chog__/dgongs pa thob kyang phyi rol du zhag sdod mi chog cing /__mdor na smra ma spangs te skyor sbyangs sogs kyi skabs las gzhan du rang rang cig pur gnas pa la gal che ste/__kun mkhyen bla mas byis dang 'grogs pa'i nyes pa tshad med de/__/sdig pa 'phel zhing mi dge ngang gis 'go__/dge ba 'grib cing rtsod dang nyon mongs skye/__/byis pa mi bzod nam yang mgu bar dka'/__/don mang bya ba lang shing 'du 'dzin g.yengs/__/me dang sbrul dang gcan gzan khrod 'dra ba'i/__/byis pa rnams las thag ring bye bar bya/__/ces gsungs pa ltar/__grogs ngan pa dang 'grogs pa'i nyes pa tshad med cing dkar po'i chos snang ba'i sgo thams cad 'gogs par 'gyur bas spangs pa shin tu gnad zab cing 'di rnams dang 'gal na/__nyes che chung dang bstun nas phyag stong nas brgya yi bar/__mar me brgya nas nyer lnga'i bar gyi nyes pa bshags dgos pa ste/__bca' khrim bcu gnyis pa'o/__/byon bzhugs thams cad la mgo rkyog cing bsgril ba dang rkang pa sgra bcas drag por rgyug mchong rgyab lagalag sbrel/__'dams mthong sogs spyod lam mi mdzes pa dang rgyan po ste cho lo bkye ba dang /__gzhan gyi glu bro byed sa blta ba rnams spangs shing /__so so'i grwa khang du nyin bar gnyid dang glo nyal sogs dang /__khyim pa'i gos dkar po bgo ba ring 'gags shan med sham thabs lcags ri med pa dang glo 'dogs rig sogs dang gri mtshon chang ba dang gzhan gyi dngos rdzas gtam po nyar tshags rnams mi chog__/tshogs bsgrigs la ngag ring bcad/__bzhugs stangs drangs por gnas shing /__gsungs gdang /__ra skad lug skad gang byung min pa'i 'don bsgrigs lhod mnyen 'bol gsum ldan pa dang /__phyag stabs rol cha sogs grwa sa gong ma'i phyag bzhes ltar grwa 'grigs las snang ba gang shar gang byung des chog mi bya ba/__'ding ba lhung gzed chos gos sogs dang 'bral bar mi bya zhing phyi dro'i kha zas spangs ba spangs ltung byin brlab sogs kyang 'grub na bya ste 'di rnams dang 'gal na phyag stong nas bcu yi bar/__mar me brgya nas bcu yan chod 'os bstun gcod dgos pa ste bca' khrims bcu gsum pa'o/__/rang rang la bka' drin che ba'i bla ma dang /__dge ba'i bshes gnyen dang /__mkhan po dang slob dpon/__gnas brtan rgan po sogs mchod 'os kyi zhing gong ma rnams la bsnyen bkur dang /__khyad par chos smra ba'i bshes gnyen dang sngags kyi rdo rje slob dpon la gus pa bskyed cing dam tshig ma nyams par bsrung ba kho na gal che ste/__sdud pa las sangs rgyas chos rnams dge ba'i bshes la brten te zhes/__yon tan kun gyi mchog mnga' rgyal bas de skad gsungs ces dang /__chos kyi rgyal po klong chen pas/__ji lta nad pas sman pa'i rgyal po dang /__/dmangs kyi rgyal po mgron pos skyel ma dang /__/tshogs pas ded dpon gru pa mnyan pa star/__/nyon mongs gzhil phyir nyes kun gnod bral phyir/__/skye shi'i 'jigs phyir don gnyis lhun grub phyir/__/srid mtsho brgal phyir bla ma brten pa bya/__/ces dang /__zla gsang thig le las/__dam tshig sdom pa nyams pa la/__/sangs rgyas byang chub sems dpa' rnams/__/byin gyis rlobs par mi mdzad do/__/spos dang me tog la sogs pa/__/phul yang bzhes par mi 'gyur te+e/__/nad dang dug dang zab rnams kyi/__/bsad nas sems can dmyal bar 'gro/__zhes dang /__/gang phyir rdo rje 'dzin pa yi/__/dngos grub slob dpon rjes 'brang gsungs/__/de bas de la brtan pa ni/__/rtsa ba'i ltung ba dang por bshad/__/ces gsungs pa shin tu sgo gsum gus pa chen pos dad pa dang dam tshig ngos lkogs med par nyes pa gsum gyi bstan par bya ba las bka' bcag__/thugs sun 'byin na 'gal ba chen po ste gong du smros pa'i gnas dbyung gi nyes chad las ma 'das shing /__mkhan slob gis kyang thugs brtse ba chen pos nye bar skyangs shing phan 'dogs dgos te/__'dul ba las/__deng phyin chad khyed kyi mkhan po la pha yi 'du shes nye bar bzhag par bya'o/__/mkhan pos kyang khyed la bu yi 'du shes nye bar bzhag par bya'o/__/sogs bka' rtsal ba'i gnas 'di las mi 'da' ba shin tu gal che ba dang grogs tshangs pa mtshungs par spyod pa rnams dang /__gnas brtan dang /__bar ma'i rigs/__gsar bu ba rnams dang gus pa dang zhe sa dang 'jigs pa dang bcas te/__cig sems cig gi bsrung bar bya dgos pa ni bca' khrims bcu bzhi pa'o/__/de rnams kyi bsrung bya tshul khrims rnam dag dang nyams len spyod pa rnam dag la gdam pa'ang ci rigs pa ste mdor na gshe yang slar mi gshe khro kyang slar mi khro ste/__rtog kyang slar mi rtog mtshangs 'bru yang slar mi 'bru ba ste dge sbyong ba'i chos bzhi dang /__dge 'dun pa rnams kyi bya ba ni chos spyod rnams pa bcu yi bdag nyid de/__rgyab tshab byams pas/__yi ge 'bri mchod sbyin pa dang /__/nyan dang klog dang 'dzin pa dang /__/'chad dang kha ton byed pa dang /__/de sems pa dang sgoms pa ste/__/spyod pa 'di bcu'i bdag nyid ni/__/bsod nams phung po dpag tu med/__/ces pa ste/__bka' dang bstan dang lung dang gdam ngag gi dpe med du mi rung ba rnams rin po che'i khu bas bri ba'am mtshal snag sogs kyi dkar shog gi dpe la rang gi bri ba dang /__gzhan la 'brir bcug pa dang slob dpon tshad ma'i gsung ba rgyun zin thun btab pa sogs dang /__shog bu/__snag smyug sogs gzhan la sbyin pa gang rung ngo /__/mchod pa ni rang gang du gnas pa'i phyogs phyag dar dang rkyang nul legs par bya dri bzang po'i chags chags btab/__dkon mchog gi rten ca 'byor pa dang /__mchod pa'i dngos po rnams bkod legs gtsang sgra dang ldan pas mdzes shing yid du 'ong ba bshams/__spos dri zhim po'i bdug pa bdul te bsag sbyong gi gnad bsdus pa yan lag bdun pa dang /__maN+Dal sogs rgyas bsdus ci rigs pa dang /__nyin dang mtshan mo lan gsum du/__/phung po gsum pa 'don bya zhing /__/rgyal dang byang chub sems brten nas/__/ltung ba'i lhag ma de zhi bya/__/zhes gsungs pa ltar byang chub ltung bshags sogs kyang gdon skyabs gsum sngon du 'gro ba'i byang chub sems bskyed kyi sdom pa blangs ba sogs bya dgos te/__jo bo bka' gdam pa rnams kyi phyag bzhes rnam thar lta bu la mig bltos 'cha' nas gtsang song nger sdod pa gal che/__sbyin pa'ang gtong ba dang /__gtong ba chen po dang /__shin tu ba gsum du yod cing zang zing dang /__chos dang mi 'jigs pa sbyin pa rnams ci nus su bsgrub cing chos nyan skyor gyi skabs su dam pa gsum gyis zin pa byas nas lha klu sogs 'dus pa'i 'khor la 'chad par bsam pa sogs gtso bor chos kyi sbyin pa gal che/__zang zing gi sbyin pa la mtshon dang dug dang /__sdig pa'i kha zas sbyin pa sogs ma dag pa'i sbyin pa 'gyur bas spangs dgos pa'o/__/chos nyan pa la/__chos thun dbu bzung tsam nas sems bskyed bzang pos zin pa dang /__dngos gzhi'i skabs bla ma thub pa chen po yin snyams pa sogs dang lus kyi 'dug stangs drang por gnas shing /__rna bas chos kyi tshig sgra la sems gtod/__yid kyi don gyi khyad par la dpyod pa ste/__mdor na dga' ba dang gus pa dang /__dad pa dang bcas te chos nyan pa'i snad kyi skyon gsum dri ma drug mi 'dzin pa lnga sogs spangs nas/__pha rol du phyin pa drug dang 'du shes bzhi dang ldan pa'i sgo nas legs par bstan par bya/__klog pa na chos bskul dang /__bdud tshar gcod pa'i sngags rnams bklag nas bka' dang bstan bcos gang bklag kyang gsal dag brtan gsum ldan pas klog pa ni rang gis kyang ngam/__gzhan la bklag tu bcug kyang rung ngo /__/'dzin pa'ang /__spyir shes bya gang slobs kyang blo la byung ba kho na gal che/__de nas 'jam pa'i dbyangs sa skya paN+T-i tas/__rigs pa glegs bam la gnas dang /__/ma sgrub pa yi gsang sngags rnams/__/dgos pa'i dus su bslu ba mang/__/ces gsungs pa ltar/__gzhung gang yin kyang rtsa ba blo la nges pa dang /__'grel ba'i dka' gnad rnams dang /__gzhung de'i bsdus don spyi rnams blo la 'char bar shin tu gal che/__rgyun gyi tshogs 'don chos spyod rnams blo la thon na stabs bde zhing mig sngar kyang mdzes khrigs che bas des na blo sbyongs kho na gal che/__'chad pa'i skabs na gzhan la phan pa'i lhag bsam dang ldan pas brel myur 'tshams po tshig sdab ldib 'khrugs pa gong 'og nor ba zlos skyon sogs spangs nas nyan pa po'i rna bar snyan cing mdzes pa tshig don la sgro 'dogs gcod nas gzhung don dpyis phyin pa/__mtshams rnams su skyo ba bsal ched ngo mtshar ba'i gtam rgyud sogs kyi spro bar bya/__'jug bsngo bas mtshams sbyor ba sogs bya/__kha ton byed pa ni bka' dang bstan bcos rang gi blor nges pa dang /__ma nges kyang mi brjed pa'i rten du yang yang bskyar te 'don pa dang /__gzung sngags zab mo sgrogs pa dang /__bstod pa'i tshogs dang /__sher phyin sogs sgrogs pa rnams dang sngags kyi cho ga sogs la nan tan du bya ba'o/__/de sems ni chos kyi tshig thos pa'i don la bsam byung gi shes rab kyi rnam par dpyad nas sgro 'dogs chod par bya ba/__sngags la zhugs pas bskyed rjogs kyi man ngag dang /__rgyud don la zhib 'grel byed pa gal che/__sgom pa ni thos bsam gyi don la dpyad sgom dang /__'jog sgom gang yin kyang the tshom med pa yin lugs kyi don la rnam pa rtog pas ma krugs par sems rtse gcig tu shes rab kyi gsal cha dang bcas pas gnas pa'o/__/de ltar chos spyod bcu po dag la rnams par bya ba ni bca' khrims bco lnga pa'o/__/gzhan yang gos dang zas dang gnas mal sman rnams kyang bzang po don du gnyer ba 'dod pa bsod nams kyi mtha' dang /__ngal zhing dul pa'i mtha' gnyis spangs nas sbyang pa'i yon tan bcu gnyis la gnas pa lta bu'i 'dod chung chog shes/__lhag pa'i bsam pa g.yo sgyu med pas drang por gnas pa la gdams pa'o/__/'dul ba las/__khyed kyi bag yod par sgrub shig ces tshig nyung la don rgya che ba'i gdam ngag ste/__zhi ba lhas/__shes bzhin nyam pa'i cham rkun dag__/dran pa nyams pa'i rjes 'brang nas/__/chom pos bcom pa ji bzhin du/__/sgron me lag pa gcer bur 'gro/__/ces dang /__bslab pa bsrung bar 'dod pa yi/__/dran pa dang ni shes bzhin dag__/rab tu bsgrim nas bsrung shig ces/__/bdag gi de ltar thal mo sbyar/__/ces byang chub sems dpa' chen po shan+ta de was gdam ngag bdud rtsi'i snying khu lta bu 'di rnams gdams ngag phal pa brgya yi do zla med pas kun gyi thugs la gzhag nas phyag len du thebs pa dang rgyu bde gshegs snying po dang rten dal 'byor mi lus/__rkyen dge ba'i bshes gnyen thams cad 'dzom pa'i skabs 'dir dal 'byor gyi nor bu'i gling du phyin nas stong log tu ma song ba dam chos bsam 'phel dge 'byung dbang gi rgyal po la sgo gsum chig dril du brtson pas byi dor byed cing snying po blangs pa rig cing 'thad pa yin no/__/da ni rtogs don lta ba rnam dag dang 'brel ba thos bsam bya rgyu'i mdo sngags kyi bka' dang bstas bcol kyi rkang grangs 'chad pa la/__de yang /__ji skad du/__chos rnams thams cad bka' dang bstan bcos gnyis su 'du/__/legs par gsungs dang de yi dgongs 'grel ba/__/de yi dbang gis shAkya'i bstan pa 'di/__/'jigs rten khams 'dir yun ring gnas par 'gyur/__/ces bka' rtsal ba ltar/__chos 'khor rim pa gsum dang 'brel ba'i brjod bya bslab pa gsum brjod byed gsung rab yan lag bcu gnyis de yang sde snod gsum ming tshig yi ge sil bu du ma 'dus pa'i rang bzhin can thog mtha' bar gsum dang dge zhing tshig don bzang la ma 'dres pa yongs su rdzogs pa dang /__dag pa dang byang ba'i bdag nyid can ni bka' dang /__bstan bcos ni 'chos skyobs kyi yon tan gnyis dang ldan pa/__ngan pa drug dang bral zhing /__don dang ldan pa sdug bsngal spongs pa sgrub pa lhur len pa gsum gyi bdag nyid can re 'dul ba la snang /__mdo sde la 'jug__/mngon pa'i chos nyid kyi don dang mi 'gal ba mkhas grub lo paN rnams kyi thos bsam sgom pas gtan la dbab pa zhig la rang re rnams kyang thos bsam bya ba gal che/__de la yang gzhung chen gcig gi steng du gzhung gzhan gyi don rnams spol te lo zla mang po bshad pas cig shes kun grol du 'ong ba'i 'chad tshul dang /__gzhung rnams so sor tshig don mthar chag su bshad pa dang /__rtsa ba'i 'bru brnan gtso bor mi byed pa spyi don thal phreng gi gtan la dbab pa'i 'chad tshul rnams las/__rang lugs gzhung so so'i spyi don rnam par bshad/__tshig don zhib par bkrol/__brgal lan lung rigs kyi gtan la 'bebs/__bsdus don gyi khog dbub pa'i sgo nas 'chad tshul ngo mtshar rmad du byung ba'o/__/de yang bshad rgyud dang lung rgyun yod pa rnams bstan pa'i rgyun ma nub tsam gyi dgongs pa bdag cag gi skyabs mgon kun gzigs chos kyi rgyal po de nyid kyi bzhed par sbyangs shing nan tan byed pa'i gzhung dang /__thos pas bag chags 'jog pa'i gzhung gnyis su rkang grangs mdzad cing /__de yang 'phags yul mkhas pa'i gtsug rgyan chen po rnams kyi rtsa ba'i gzhung dang /__dgongs 'grel rnams byang phyogs b+ho Ta'i ljong 'dir bshad rgyun 'dogs pa'i ka chen bcu zhes rnam snang lo tsA ba'i sprul pa ma hA gu ru'i rdo rje'i lung gi lta ba rnam par dag pa'i lung brtan thob pa 'phags yul mkhas pa'i bzhed gzhung mtha' dag dang /__bod snga phyi'i bzhed pa mtha' dag ma 'dres thugs la legs par byang ba smra ba'i dbang phyug kun mkhyen chen po shAn+ta spu ri'i zhal nas/__gangs can 'gro mang gtsug gi khrir 'khod pa/__/spyan ras gzigs dbang sa skyong sprul pa'i sku/__/sngon gyi chos rgyal lha gcig btsan po des/__/gangs ri'i khrod kyi ston pa dang po yin/__/gangs can smra ba'i srol 'byed sam+b+ho TA/__/dgra bgegs log 'dren tshar gcod badz+ra shr-is/__/mdo sngags bstan pa'i gzhi gyur pa gor zhabs/__/mtshungs bral bod kyi sgra bsgyur ska cog zhang /__/rgyal bas lung bstan sprul pa'i lo chen gnyis/__/gnas lnga rigs pa'i mthar son sa skya pa/__/yongs rdzogs bstan pa'i mnga' bdag rin chen grub/__/byang phyogs bshad rgyun 'degs pa'i ka chen bcu/__/drang srong chen po thams cad gzigs pa yis/__/'gro kun byang chen bkri ba'i them skas su/__/'khor lo rnams gsum rgyud sde bzhi la sogs/__/mdo sngags chos kyi dril chen 'dzam gling bsgrags/__/legs gsung 'dul ba'i pho brang nang zhugs nas/__/nyis brgya lnga bcu spang ba'i tshul khrims dang /__/bcu bdun blang bya 'jug pa'i tshul khrims te/__/'khor lo dang po'i lam gyi rim pa'o/__/'phags pa'i yul du bsdu ba gnyis pa'i rjes/__/mdo lung dgongs 'grel gyes pa bco brgyad byung /__/yod smra'i dgongs 'brel yon shag rnam gnyis dang /__/bshes gnyen drug sogs 'phags yul mkhas rnams so/__/gangs ri'i khrod 'dir bshad srol rnam gsum byung /__/kun gyi bka' babs bu ston rin chen grub/__/kha ba can 'dir 'phags mchog gnyis par gyur/__/thar 'dod rnams kyang grol de'i rjes su zhugs/__/mkhyen gsum thos bsam skya ba 'dzin mkhas shing /__/nyams len sbyor bzhi'i gzings la brten na ni/__/chos sku lhun po'i mdzes pa blta ba yis/__/'khor lo 'bar ba'i sbas don lo rim des/__/dag ldan gnas su mi pham chos rjes bkral/__/'phags pa'i yul du bka' babs rnam par drug__/rgyan gyi dgongs 'grel bshad srol rnam mang yang /__/gang de 'grel la 'phags pa'i khyad par 'phags/__/de dag bzhed gzhung rngog lo'i thugs 'tshor babs/__/sher phyin rgyas mdzad 'bre ar rnams gnyis kyis/__/'chad rtsom nyi zla'i 'od zer 'bum phrag gis/__/gangs can mun pa'i nags khrod gsal bar mdzad/__/rtag chad mthar lta'i yongs su ma byung zhing /__/zung 'jug lta ba'i them skas la 'dzegs nas/__/nges don chos sku'i khang bzang bgrod pa yi/__/'khor lo bar pa'i dngos bstan lam rim des/__/rgya gar yul du 'phags mchog klu yis bkral/__/legs ldan 'byed dang sangs rgyas bskyangs gnyis kyis/__/klu sgrub zhabs kyi dgongs pa 'grel tshul las/__/'phags pa'i yul du thal rang srol gnyis gyes/__/gangs ri'i khrod 'dir dpal ldan phywa pa yis/__/rang rgyud mkhas pa'i srol chen dar bar mdzad/__/bsnyengs bral zla ba'i legs bshad ma nyams pa/__/gang des bshad srol phul byin pa tshab lugs/__/klu sgrub dgongs pa sa gsum 'phags pa yi/__/rig pas bkral ba'i legs bshad bdud rtsi'i rgyun/__/grub pa'i dbang phyug dpal ldan chos skyong dang /__/'jam dbyangs rnam 'phrul sa chen thugs mtshor babs/__/gzung ba'i chos kun nam yang yod min cing /__/'dzin byed shes pa'ang 'khrul bar gdon mi za/__/gnyis med ye shes sbyang gzhir bzhag pa ste/__/'khor lo tha ma'i lam gyi rim pa'o/__/mi pham mgon dang klu sgrub snying po yis/__/byams pa'i chos bzhi bstod tshogs gzhung gis bkral/__/thogs med mched kyi gsung rab nyi 'od kyi/__/'khor lo tha ma'i nges don chos cher gsal/__/gangs ri'i khrod 'dir mi pham rgyal ba dang /__/thogs med mched kyi gzhung bzang ngo mtshar can/__/dbu sems so sor 'grel byed rnams mang yang /__/gang de dbu ma'i gzhung du gdon mi za/__/chos mngon rgya mtsho'i bka' babs 'ban rog tho/__/byams chen gzhung gi nges don 'grel pa la/__/bshad dang sgrub pa'i bka' babs rnam pa gnyis/__/de dag rim bzhin rngog dang btsan la babs/__/thos bsam sgom pas so sor khyad par 'phags/__/chos kun rig pa'i lam nas legs drangs te/__/gnas skabs gsung rab kun la lta ba'i mig__/mthar thugs kun mkhyen sgrub pa'i lam gyi srol/__/phyogs glang grags pa'i ring lugs bla na med/__/'phags pa'i yul du sde bdun dgongs 'grel la/__/lha shag bram ze rgyan dang chos mchog sogs/__/la la don nyung tshig gi phreng ba dang /__/'ga' zhig dpyod ldan mkhas pas byas pa'ang yod/__/ngo bo nyid med rnal 'byor spyod pa dang /__/'jig rten grags sde'i dbu mar 'grel pa yi/__/gangs ri'i khrod 'dir bshad srol rnam pa gsum/__/kun las khyad 'phags sa skya pa yi lugs/__/sde snod mang thos grags ldan mkhas rnams kyang /__/legs sbyar mi shes 'phags yul mkhas pa'i gzhung /__/rang bzhin rkyen dang rnam dbye'i 'jug tshul sogs/__/gang 'chad de la su zhig de ston byed/__/rgyal ba'i bka' dang dgongs 'grel bstan bcos la/__/rnam dpyod brtson pas thos pa'i pha mthar son/__/tha snyad gtsug lag smra mkhan blo ldan de/__/gzur gnas mkhas mang tshogs pa'i mdun sar mdzes/__/sgra snyan sde sbyor zlos gar mngon brjod sogs/__/tha snyad gtsug lag nyan dang 'chad 'dod na/__/skad gnyis smra ba'i gtsug rgyan shangs ston dang /__/blo brtan gsum pa'i bshad srol rmad du byung /__/gzhi thabs mi 'phrog rgyud gsum gtan dbab nas/__/sbyor dang rgyal mchog rnam gnyis rjogs rim lnga/__/thig le bzhi sogs bskyed rdzogs la bsgom pa/__/dpal ldan 'dus pa'i lam gyi rim pa'o/__/'dus pa'i rgyud la klu sgrub yab sras dang /__/ye shes zhabs kyi rim par bkral ba la/__/'phags pa'i yul du 'dus pa 'phags lugs dang /__/ye shes zhabs lugs rgya bod mkhas rnams bzhed/__/lo chen 'gos dang mar rong chags dpyal dang /__/lo chen rin bzang gnyos dang rwa lugs sogs/__/gangs can 'dir yang 'dus pa'i srol rnams byung /__/'gos lo'i lugs bzang brgyud 'dzin 'od stong can/__phyi nang rang lus dkyil 'khor lha yi tshogs/__/rtsa yig bdud rtsi dpa' bo rnal 'byor ma/__/rim pa lnga dang rim bzhi'i rnal 'byor sogs/__/'khor lo sdom pa'i lam gyi rim pa'o/__/rnal 'byor gsang mtha' 'khor lo sde mchog rgyud/__/lu hi pa dang grub chen dril bu pa/__/nag po'i zhabs kyis rim par bkral ba las/__/'phags pa'i yul du lu dril rnam gsum lugs/__/grub chen mal dang mar do pu khrang pa/__/rong g.yag rnam gnyis sbal pa'i lugs la sogs/__/bde mchog srol rnams bod yul ljongs su babs/__/rje btsun mal gyis gzhung bsgyur gtan la phab/__/rgyur gnas spyod dang lta ba rgyud sde bzhin/__/rim zhugs smin byed mchog mthun mngon rtogs dang /__/grogs dang 'bras bu rnam gnyis la sbyor ba/__/dgyes pa rdo rje'i lam gyi rim pa'o/__/dgyes rdor rgyud la mtsho skyes nag po pa/__/mi thub zla ba rin chen 'byung gnas dang /__/nA ro pa dang me tri'i lugs rnams te/__/'phags pa'i yul du dgyes rdor srol chen drug__/'brog 'gos gyi jo mal dpyal rom lugs sogs/__/gangs ri'i khrod 'dir bshad srol rnam mang yang /__/'brog mi'i lugs bzang dpal ldan sa skya pas/__/bshad dang sgrub pa'i rgyal mtshan rtse la bkod/__/'jig rten khams dang nang lus rnam dag dang /__/bcu gcig dbang bskur thun mong dngos grub dang /__/lam mchog dngos grub tshe 'dir sgrub byed dang /__/dpal ldan dus 'khor lam gyi rim pa'o/__/thabs shes gnyis med lus kyi 'khor lo'i rgyud/__/zla bzang la sogs sprul pa'i chos rgyal bdun/__/'jam dpal grags sogs rigs ldan nyer lnga dang /__/dus zhabs sa dang rtsi lu paN chen gyis/__/sham+b+ha la dang 'phags pa'i yul du spel/__/gyi jo tsa ma'i rA 'bro rnam pa gnyis/__/chag dpyal rong pa jo zhal lugs sogs kyi/__/gangs can bstan pa'i pad tshal gsal bar mdzad/__/rwa 'bro'i bshad srol nyi zla'i 'od ris can/__/slob dpon dbang bskur rang rgyud smin byas nas/__/bdag mdun gnyis ka dag pa'i sku ru bskyed/__/ye shes spyan drangs de nyid nga rgyal bzung /__rnal 'byor rgyud kyi lam gyi rim pa'o/__/rnal 'byor rgyud kyi dgongs pa 'grel pa las/__/sangs rgyas gsang ba shAkya bshes gnyen dang /__/yongs rdzogs paN chen kun dga' snying po ste/__/bshes gnyen rnam gsum bstan pa'i rgyan du shar/__/dang po'i srol 'byed lo chen brgyud par bcas/__/bar du dar mdzod tswa snur 'dzim gsum sogs/__/tha mar spel mdzad kun mkhyen rin chen grub/__/gang 'di snyigs dus rgyal ba gnyis pa'o/__/chu dbang sogs kyis rang rgyud smin byas nas/__/mdun bskyed thugs kar yig 'bru'i sa bon bkod/__/rje dpon ltar bu dngos grub len byed pa/__/bya ba'i rgyud kyi lam gyi rim pa'o/__/rdo rje dril bu'i dbag gis smin byas nas/__/bdag mdun gnyis ka'i thugs kar yig 'bru bkod/__/grogs po ltar bu dngos grub len byed pa/__/spyod pa'i rgyud pa'i lam gyi rim pa'o/__/bya spyod shi rta'i srog 'byed byang chub mchog__/sangs rgyas gsang ba'i bshad srol phun sum tshogs/__/gangs can 'dir yang bya spyod rgyud sde la/__/ngo mtshar bshad pa'i rgyud 'dzin bgrang yas byon/__'phags pa'i yul dang gang ri'i khrod 'dir yang /__/mdo sngags gnyis kyi 'gros chen ma 'khrul ba/__/sngon rab mkhas pas bkral ba'i bshad srol te/__/sa gsum rgyal ba kun gyi gshegs bzhugs yin/__/ces gsung pa ltar/__thog mar 'jam dbyangs rnam 'phrul thon mi saM b+ho TAs 1yi ges brda' chad kyi gzhung mdzad/__snga dar gyi dus/__b+he 2 ro ska 3 cog zhang pa 4 sogs kyi mdo sngags kyi chos bsgyur bshad 'chad nyan gyi gtan la dbab/__gnub sangs rgyas ye shes 5sogs kyis mdo dgongs 'dus sgyu 'phrul gyi bshad rgyun spel/__phyi dar la lo chen rin 6 bzang dang /__rngog blo ldan shes rab 7 gnyis kyi mdo sngags kyi chos dpag tu med pa bsgyur bshad mang po'i srol gtod/__de dag dang gzhan las 'ongs pa'i bshad rgyun mtha' dag rje btsun sa skya pa 8khu dbon 9dang /__kun mkhyen bu ston rin po ches 10bzung ba ste mdo sngags bshad rgyun gyi bka' bab skyes bu chen po bcu ste de rnams kyi rjes su 'brangs nas mdo sngags legs par 'chad na bstan pa rin po cher bya ba byas pa yin la/__de min gzhan du byin pa'i blo gros kyi bka' dang bstan bcos rang stobs kyis bkral ba ni log pa'i lam du 'phyan pa ma las 'das so/__/de yang rje btsun re 'da' ba/__gzhon nu blo gros yan la dbu phar 'dul mdzod bzhi 'chad pas bka' bzhi pa dang de steng tshad ma bsnan pa/__bka' lnga pa gnyis grags che zhing /__rgyal tshab dar mas pusti bcu la bshad srol gtod/__phyin chad bka' bcu pa grags che bas/__sngar gyi bzhi po'i ste tshad ma rnam 'grel sogs gzhung ci rigs bsnan pa dang /__sa lugs su phar tshad gnyis/__'dul mdzod gnyis/__dbu ma/__sdom gsum ste gzhung lugs drug gi grangs nges dang /__rab 'byams zhes pa'i mtshan bsgrogs kyang byams chen rab 'byams pa sangs rgyas 'phel man chad nas byung bar grags shing /__dka' phyogs su nang brtag rgyud gsum gyi bshad srol dang /__rnying phyogs su rgya gzhung chen po rnams dang /__rang lugs man ngag lta phreng /__pad+ma'i lam rim/__sgyur 'phrul rtsa bshad dang /__sgyur 'phrul lam rim che chung sogs chos rje dam pa'i thog__/spyi kun mkhyen chos kyi rgyal pos mdzod chen rnam bdun/__ngal bso skor gsum mnga' ris paN chen gyi sdom gsum/__kun mkhyen phyi ma'i yon tan mdzod sogs bshad rgyun rgya cher bzhugs pa rnams snying dus 'dir mar me 'chi kha mar ltar bu gyur pa bstan pa mi nus pa'i btsas su dgongs te/__chos grwa chen po 'di nyid du rgyal bstan ris med kyi bshad sgrub kyi rgyun bzang po 'dzugs nas bstan pa'i grog rtsa 'thud par bzhed pa'i dgongs zab bzhugs pa dang 'brel/__thog mar sbyangs shing nan tan byed pa'i gzhung gi skor la 'jam dpal gyi rigs gtad sngon du 'gro bas 'jam dpal gyi bstod pa gang blo ma'i legs bshad kyis sgo yangs por phyes nas byang sdom 'bog chog sngon du 'gro bas byang chub sems pa'i spyod pa la 'jug pa rtsa ba dang 'grel pa thog med dang kun bsod/__sher 'grel ke ta ka rgal lan dang bcas pa/__'dul lung sde bzhi'i rtsa ba'i lung /__sor thar pa'i mdo bi ma'i rgya cher 'grel dang /__dge 'dun grub kyi Ti ki mdo rtsa mtsho sna ba'i mchan Tig dang /__'grel pa nyi ma'i 'od zer/__mngon pa 'og ma mdzod mi pham mchan trig dang mchims chen dang dpon slob mchan 'grel mngon pa gong ma/__kun brgyud dang 'grel pa sa bzang /__dbu ma 'jug pa mi pham rin po che'i mchan 'grel dang go ram spyi don rnams sbyar dbu ma rtsa ba mi pham rin po che'i mchan dang 'grel pa bud+ha pa li dbu ma bzhi brgya pa 'grel ngag dbang dpal bzang gis mdzad pa dang lta ngan mun sel rnams sbyar/__dbu ma rgyan kun mkhyen mi pham rin po che'i 'grel tshad ma rnam 'grel dang trig ka mi pham rin po che'i/__tshad ma rigs gter ngor dpon slob 'jam dbyangs blo gter dbang pos mchan/__sher phyin sdud pa mi pham rin po che'i 'grel mdo sbyar dang bcas pa go ram pa'i spyi don sbyar/__mngon rtogs rgyan mi pham rin po che'i mchan trig dang /__dpal sprul spyi don 'bru 'grel mdo rgyan mi pham rin po che'i 'grel/__man ngag lta ba'i phreng ba gu ru rin po che'i gsungs/__'grel rong zom chos bzang gtsang ston rin po che'i mdzad pa dang /__rgyud bla ma mi pham rtsa mchan dang /__dom trig 'byed rnam gnyis mi pham rin po che'i tri kA bcas kyi rgya gzhung rnams re zhig rdzogs pa dang /__snga 'gyur rang gzhung gi thog mar zab gsang bstan pa'i shing rta chen po shar kaHthog pa dam pa shes rab seng ge'am bde gshegs spob pa mtha' yas kyi mdzad pa'i thog sa spyi cing pa dang /__'grel bu 'bor ba mkhas grub chen po ye shes rgyal mtshan gyi mdzad pa spyi don shAkya rdo rjes kun 'dus rig pa'i sgron me/__kun mkhyen chos kyi rgyal po'i yid bzhin mdzod rtsa 'grel cha lag dang bcas pa/__mnga' ris paN chen rin po che'i sdom gsum rnam nges dang 'grel lo chen rin po che'i mdzad pa/__kun mkhyen phyi ma'i yon tan rin po che'i mdzod/__'grel dge mang yon tan rgya mtshos mdzad pa/__mi pham rin po che'i gzhung nges shes rin po che'i sgron me/__'grel mkhan chen kun bzang dpal ldan gyi mdzad pa/__mkhas pa'i tshul la 'jug pa'i sgo zhes bya ba'i bstan chen po/__/brda' shan 'byed rang mchan don rnam nges lhag bsam rgyal mtshan gyi mdzad pa/__rgyud rgyal gsang ba snying po'i skor la 4lo dang po 'grel spar khab skyabs rje'i mtshan don dang spyi don legs bshad rol mtsho nan tan sbyangs pa dang /__spyi don rin chen mdzod sde/__lo gnyis par dgong rgyan dang zhal lung 'di gnyis nan tan sbyangs/__lo gsum par gsung trikA o rgyan chos grags kyi spyi don/__lo bzhi par nam mkha' 1dpal ba'i rgyud 'grel dngul dkar me long dang bka' mchis phu ma/__lo lnga 3par phyogs bcu mun sel/__spyi don yid kyi mun sel dang /__'od gsal snying po/__dkon mchog 'grel bcas/__sangs rgyas gsang ba'i lam chen 'grel dz+nyA na ke rus mdzad pa bcas kyi sngags gzhung re zhig rdzogs/__gnyis pa thos pas bag chags 'jog pa'i gzhung la bka' bstan bcos gnyis las bka' dri ma med pa'i skor ni gtsug gtor rnam rgyal 'grel rnam 'joms mi pham mchan 'grel/__gdugs dkar 'grel dge phyogs tshe mdo 'grel tA ra nA tha/__'da' dka' ye shes mi pham don 'grel dang rgya 'grel shes rab snying po 'grel gzhung brgya dngos grub dpal 'bar/__byang chub ltung bshags jo trig__/bzang spyod 'grel lo chen dang /__'ju grags rgyal gyi mdzad pa/__byams smon 'grel grags rgyal/__sgrol ma 'grel dge 'dun grub dang tA ra nA tha/__dkon mchog rjes dran 'grel mi pham/__mdo brten 'brel snying po dang bshes springs mi pham 'grel/__sa lu ljang pa'i mdo/__'grel bstan bzang chos bzhi pa'i mdo 'grel 'phags pa thog med bcas/__dgongs 'grel bstan bcos kyi skor la shing rta chen po 'phags pa klus kA ri ka rig tshogs la rtsod bzlog 'grel sa sa khu/__stong nyid bdun bcu 'grel dang rig pa drug bcu pa 'grel zla grags/__zhib mo rnams 'thag 'grel pa khu/__rang bzhin gsum 'jugabarten 'brel snying po mi pham mchan 'grel/__rin chen phreng ba/__rgya 'grel 'phags pa lha'i ye shes snying po kun las btus mi pham mchan trikazla grags kyi dbu ma shes rab la 'jug pa/__shing rta chen po thog med kyi mngon pa kun btus 'grel pa sa bzang /__sum cu pa/__nyi shu pa theg bsdus pa rnam mi pham mchan/__phyogs glang gi tshad ma kun btus mi pham mchan trikA/__shakya 'od kyi dge tshul gyi tshig le dgra bcom pa sa ga lha'i me tog phreng rgyud/__rong trikAdapa' bos skyes rab rang byung rdo rje'i kha skongs dang bcas/__mi pham rin po che'i grub pa'i rgyab chos/__zhi ba lha'i bslab btus bi ma la'i skyabs 'gro yan lag drug pa/__tsaN+Da go mi sdom pa nyi shu pa/__bla ma lnga bcu pa/__slob dpon legs ldan 'byed kyi dbu snying po/__'grel tog ge 'bar ba/__b+ha we lha'i bsam gtan chos sgron/__ka ma la shi la'i sgom rim tho btsun grub rjes khyad par 'phags bstod/__bde byed bdag po'i lha las phul byung gnyis 'grel sher 'byung /__sbrul nag stong snang ba lhar sgrub/__rong zom pa'i theg chen tshul 'jug__/chos rje paN+Ti ta'i mkhas 'jug__/rab dbye/__thub pa'i dgongs gsal/__chos rje dam pa'i 'dra mthun khyad 'phags/__rgyal ba klong chen pa'i ngal bso skor gsum/__rang grol skor gsum/__grub mtha' mdzod/__chos dbyings mdzod rtsa 'grel/__ngor chen rin po che'i bya spyod spyi rnams/__mi pham rin po che'i bya spyod tshul gnas/__bsam gtan phyi ma'i rgyud 'grel/__sbyin sreg gi lam rim/__rgyal sras gzhan phan mtha' yas kyi phung po rab dbye/__mnyam med dwags po'i thar rgyan/__karma rang byung rdo rje'i zab mo sngags don/__snying po ston pa/__rnam shes dang sems 'byed pa rnams kong sprul rin po che'i 'grel/__zhe chen rgyal tshab bstan bcos rin po che'i nges don sgron me/__dgyes rdor rtsa rgyud 'jam mgon gu Na'i 'grel/__dus 'khor rgyud 'grel mi pham thams cad mkhyen pa'i gsungs gsang ba 'dus pa'i rgyud 'grel/__jo nang bde mchog rgyud 'grel rje btsun grags pa/__dus 'khor 'grel chen dri med 'od/__mtshan brjod rgyud 'grel bi ma dang /__dga' rab gsungs dge 'dun rgya mtsho dang /__tsha ba rin chen rnam rgyal 'grel/__sgyur 'phrul thugs thig dang /__dam tshig gsal bkra/__mdo dgongs 'dus rtsa 'grel bka' brgyad spyi don/__yang dag gsang 'grel/__phur pa rtsa dum 'grel 'bum nag dang rje gu Na'i 'grel/__rog gi phur trika nyi ma'i 'od zer/__bab drug las bzhi'i 'grel/__bdud rtsi gsang nan rgyun bshags yan lag brgyad/__dam bca' nyer brgyad/__bde gshegs spyi bshags/__brjod med don bshags/__rgyud lung man ngag gi bshags pa so so'i 'grel bcas/__ma mo gsang ba las kyi thig le/__byang sems bsgom pa rdo la gser zhun rnams mi pham mchan/__sgra thal 'gyur rtsa 'grel/__skyabs mgon tshe dbang mchog grub kyi pad+ma'i lam rim 'grel chen/__bskyed rim 'og min bgrod pa'i them skas/__lam rim ye shes snying po rtsa 'grel/__mdzod lnga'i shi rta blo gros mtha' yas kyi bstan bcos chen po shes bya kun khyab rtsa 'grel/__mtha' mar dge ba dong sprug smon lam dang 'grel mi pham/__kun mkhyen prany+dza ra smi'i mdo sngags smon lam kun mkhyen phyi ma'i trika__/rgya rong nam sprul kun bzang theg mchog rdo rje'i tri ka__/zhal nas gsungs pa'i bkra shis kyi tshigs su bcad pa'i 'grel/__snga 'gyur bstan pa rgyas pa'i smon lam chos rgyal dgyes pa'i zhal lung /__'grel ze chen rgyab tshab rin po che 'gyur med rnam rgyal gyi mdzad pa rnam bshad lung gi rgyun ma chad tsam du skabs mtshams rnams su 'gro gang che bya dgos shing bod snga phyi'i gzhung khung ma 'di rnams dpyad pa gsum gyi dag pa'i gzhung bzang rtsom pa po bstan bcos rtsom pa'i rgyu gsum tshang ba 'phags chen gyi mdzad pa sha stag yin cing 'phags yul shing rta chen po rnams kyi gzhung dang dbyer mi phyed pa ste/__rgyal tshab byams pas/__gang zhig rgyal ba'i bstan pa 'ba' zhig gi/__dbang byas rnam g.yeng med yid can gyis bshad/__/thar pa thob pa'i lam dang rjes 'brel ba/__/de yang drang srong bka' bzhin spyi bos blangs/__/ces gsung pa ltar the tshom med pa'i gus pa brtan po dang ldan pas bslab brtson la 'bad pa dang /__khyad par rang gzhung gser sa li traM ltar bu 'di rnams gal chung snyom bskur du mi bya bar khog pa'i snying ltar gces spras bya dgos te/__kun mkhyen chen po shes rab 'od zer gyis/__tshad ldan gzhung bzhin 'chad pa'i mkhas rnams kyis/__/sngon rab mkhas pa'i bshad srol gzhungs drangs nas/__/'chad rtsod tsom pas thub bstan bzung ba na/__/kun mkhyen rgyal ba'i bstan pa gnyis shig 'byung /__/nyan bshad thub bstan 'dzin par rlom rnams kyang /__/gzhan gzhung 'jigs dang rang gzhung bsgrub pa'i phyir/__/khung med tshig phreng sbu ba'i zol gyis ni/__/rang phyogs 'khyar ba'i rtsod pas thub bstan dkrugs/__/la la rgyal ba'i bka' dang dgongs 'grel gyi/__/tshad ldan gzhung gi nyan bshad kun dor nas/__/rang rang 'dod pas sbyar ba'i gzhung lugs la/__/nyan bshad bgyid pas tshe lo 'da' ba mtshar/__/ces gsungs pa shin tu thugs gzu bor gnas pa'i gtam spyod ldan rna ba'i bdud rtsi kho na yin pas/__des na 'dir yang gzhung tshad ma mang du 'chad nyan byed pa'i dgos pa'ang de 'dra la dgongs pa'o/__/sngags phyogs kyi rgyud dang bstan bcos dang /__sgrub mchod gsungs rgyu rnams kyi dbang lung nges par thob dgos te/__rgyud las gsang sngags rang nyid len pa ni/__/lus can dmyal ba 'ba' zhig tu/__/zhes dang /__gsang snying las/__slob dpon mnyes par ma byas shing /__/dbang rnams thob par ma byas pa/__/nyan pa la sogs rtsom pa ni/__/'bras bu med cing brlag par 'gyur/__/ces gsungs pas nan tan du bya'o/__/de yang mang du thos pa ni/__'jig rten gyi rgyan dam pa gyur pa dang /__bstan pa rin po che'i rtsa lag dam par gyur cing /__gang mang du thos pa de phyogs thams cad du blo gros kyi lus stobs rgyas shing shes rab kyi spyan yangs pa/__gsungs rab thams cad gdam par 'char ba dang ris med pa'i bstan pa la dag snang phyogs med du 'phel zhing /__kun gyi bkur bsti bstod sngags kyi yul du gyur cing skyes bu dam par gyur pa dang /__rim gyi rnam pa thams cad mkhyen pa'i dngos rgyur 'gro ba sogs phan yon tshad med pa'i bdag nyid de/__ched du brjod pa'i tshom las/__thos pas chos rnam shes par 'gyur/__/thos pas sdig las bzlog par 'gyur/__/thos pas don ma yin pa spongs/__/thos pas mya ngan 'das pa thob/__ces gsungs te/__de yang rim pa bzhin phyi nang gi grub mtha' shes pas blang dor gyi gnas shes/__tshul khrims kyi bslab pa thos pas nyes spyod las bzlog__/sems kyi bslab pa thos nas don med pa'i 'dod pa yongs su spangs/__shes rab kyi bslab pa thos nas zag med mngon du byas pa'i myang 'das thob pa sogs phan yon mtha' yas pa dang /__ji skad du/__thos pa gti mug mun sel sgron me yin/__/rkun po rnams kyi mi khyer nor gyi mchog__/thabs tshul man ngag ston pa'i grogs kyi mchog__/ces pa dang /__sdud pa las/__shes rab kyis ni chos kyi rang bzhin yongs shes nas/__/khams gsum ma lus pa las myur du 'da' bar 'gyur/__/zhes srid pa'i sa bon du drung nas 'byin par byed pa dang /__mi pham pas/__rig pa'i gnas lnga dag la brtson par ma byas na/__/'phags mchog gis kyang thams cad mkhyen nyid 'thob mi 'gyur/__/de bas gzhan dag tshar bcad rjes su bzung phyir dang /__/bdag gi kun shes bya phyir de la de brtson bya/__/ces dang /__zhi ba lhas/__rgyal sras rnams kyi mi bslab pa'i/__/dngos de gang yang yod ma yin/__/de ltar gnas pa'i mkhas pa la/__/bsod nams mi 'gyur gang yang med/__/ces dang /__chos rje sa skya paN+Ti tas/__rang la dgos pa'i bstan bcos 'ga'/__/nyi ma re la tshig re bzung /__/grong mkhar dang ni sbrang tsi ltar/__/ring por mi thogs mkhas par 'gyur/__ces dang /__rig pa nang par 'chi yang bslab/__/tshe 'dir mkhas par ma gyur kyang /__/skye ba phyi mar bcol ba yi/__/nor la rang nyid len dang mtshungs/__/zhes dang /__kun mkhyen chos kyi rgyas pos/__de yi phan yon dran dang ting 'dzin dang /__nyon mongs rnyogs bral spobs pa zad mi shes/__/chos mdzod 'dzin dang bde gshegs chos thos dang /__lha ma'i stobs cing grags dang bsam pa 'grub/__/tshe rabs kun tu chos dang mi 'bral zhing /__/myur du bde gshegs chos char 'bebs pa thob/__/ces pa gnas skabs mthar thug gi thos pa'i phan yon/__rgya cher/__gsungs pa rnams la skal bzang blo gros dang ldan pa dag gi 'bad pa chen pos dam chos phyogs med la thos bsam byed pa kho na gal che ste/__me tshogs pu gri'i so yang brgal nas ni/__/phyi mthar thug gi bar du dam chos bzungs/__/zhes gsung ste rgyal sras chen po rnams kyi dam bca' ba'i tshig don la nam yang mi g.yel bar bya dgos shing /__rang cag blo chung rnams kyi rje bla mas gzhung brgya 'chad nyan 'dzugs pa la zur za bar byed kyang mang du thos pa thams cad skyon can du 'gyur na/__sngar gyi gsar snying gi mkhas grub dam pa mang po yang skyon can du thal lo/__/de skad du'ang /__rje btsun sgrol ba'i mgon pos/__phyi rabs kyi gtam la ma dgos shing /__sngar gyi mkhas pa grub thob yin/__/deng sang gi mkhas pa mkhas brdzun tu 'dug__/ces gsungs bzhin no/__de ltar nan tan du byed pa'i gzhung rnams yang nas yang du sbyongs pas gom par bya dgos shing /__gus sbyor dang rtag sbyor gyi brtson 'grus med du mi rung ste/__/brtson 'grus ldan pa 'jig rten kun gyis bstod/__/btson 'grus ldan pa mi yi bsam pa 'grub/__/brtson 'grus ldan pa yon tan tshogs 'phel zhing /__brtson 'grus ldan pa mya ngan 'da' bar 'gyur/__/ces rgya cher sngags pa'o/__/de'ang 'dir zhugs pa rnams sbyong ba la brtson 'grus byed min mkhan po dang chos khrims sogs kyi brtag nas lan gsum gyi bar du bsgos kyang bsgo ba rnar gzon gyi gsong ba rgya 'byams byed na gnas nas dbyung zhing /__drag po'i khrims kyi tshar bcad par bya ba dang /__rgyun du nam langs pa dang chos khrims kyi brda' bskul nas thams cad kyi mchil lham phud/__gzan zlum khyer gyis tshogs nas snga phyi med pa lhan cig tu rnam rgyal ma'i gzungs dang /__bsam lhun/__sgrom ma/__sdom gsum gso sbyongs rgyun du bsdus pa dang /__nya stong gi dus su rgyas pa bton/__chos thun gyi brda' byung ba dang chos grwa 'tshogs chos thun gyi gong du ming yig bab pa des rgyugs 'bul zhus nas chos 'chad nyan la 'jug__/rang gi dbang po rno btul dang bstun pa'i gzhung che phra gang yin la sbyangs pa gnad du phig pa tshar kha yar re sbyangs bsam mkhan yod/__nan tan byed pa'i gzhung rnams la thos bsam spyi 'gro mthar phyin pa dang /__gzhung gang la nan rgyur byed bsam pa de la lhag par sbyangs te mkhan pos kyang sku tshegs la mi gzigs par nyin re chos thun mi 'dra ba gang dgos gsung ba dang chos thun grol nas gung tshig byas rjes brda' bskul te chos rwa skyor sbyangs dang thun brda' byung nas rang rang grwa khang du thun la zhugs nas dpe cha skyor/__nyi thal tsam na brda' byung bstun ba/__sngar bzhin 'tshogs nas/__rnam rgyal gzungs dang /__rtsa gsum dril sgrub kyi bskyed bzlas sngon du 'gro bas rdo rje'i chos skyong ba'i srung ma rnams la gtor bsngos spyi byer gyi rigs dang /__zla ba byung ngo cog gi dgu gsum la dpal lha mo'i gsol mchod 'bring po zab rgyas dang /__yar mar gyi tshes bcu gnyis la rtsa gsum dril sgrub kyi tshogs mchod bya/__gtor bsngos grol rjes/__skyor dpon gyi skyor sbyang dgos na bya/__dgongs ja bzhes 'phral mun rub tsam na thun brda' bskul te mar me gtam dpe skyor dang /__blo bshar ci rig pa byas nas brda' byung ba dang grol/__snga phyi'i tshogs dang gso sbyong gnyis dus mchod sogs chag na mar me bcu re dang yon kha chag na rnyed pa chad rgyu dang /__nyin thun dang mtshan thun rkang chad byung na brgya phyag gsum re dang mar me nyi shu re'i chad pa dang /__nyin thun la mi gnyis re lhan du sdod yod na mar me gsum re/__mtshan thun tshugs nas nam langs bar mi gnyis lhan sdod byung na mar me bcu gsum/__brgya phyag re rab gsal nas thun gyi sgong mgo bltas byas na mar me gsum re/__'di rnams chos khrims nas thun sgang la gling nyul lan gnyis re 'gro bas zhib gtogs bya dgos pa dang /__3)gzhung re re tshar nas spyi rgyugs sprod len skabs grwa tshang thams cad 'tshogs nas gsan dgos shing /__gal te 'gal na phyag brgya nas nyer lnga yan bab bstun/__ma sbyangs pa'i rtags dang 'grel ba'i rgyugs ma phrod na mar me brgya mchod kyi nyes 'khri dang /__slar zhal bsgos bya/__de yang sbyangs ma sbyangs mkhan po dang /__dge bskos bsam yod rnams nas zhib 'jug gi dbye gsal zhib bca' gnang mos ltar ngan pa'i rgyab skyor mdzad mi 'os pa dang /__gral du bslab pa rgan gzhon gyi bsgrigs rim dang /__zla ba dgu pa'i tshes bco lnga nas gsum pa'i bco lnga bar stod 'bog gyon pa dang /__dpyid zla gsum pa'i bco lnga nas dgu pa'i bco lnga bar dpung bcad dgos/__'di dang 'gal na brgya phyag re'i nyes chad dang /__zla ba gnyis re'i mtshams tshes brgyad dbu skra lhan cig bsil/__chan pas breg mi chog tshogs nang du sna rwa khyer mi rung /__gzan snam ther gang rung las/__ga da dang /__a thi ras sogs kyi gzan gyon mi chog__/phor pa dngul shan dang /__dkar yol gu shel sogs bzhes spyad ma yin spangs shing /__smin gling bsgrig zhal dang /__bsod nams lder mo gang rung dgos/__zhabs chag rko lham yu ba can gyon mi rung /__'di rnams dang 'gal ba sna rwa phor pa lcog pa dang /__gzhan rnams la mar me bcu nas gsum gyi bar nyes pa sgrub dgos pa/__bod zla ba dang po'i tshes gcig lo gsar dga' ston la grwa gnyer nas mchod pa ci 'byor gyi sangs gling gnas chog mkhyen rtse'i ljag bsgrig steng nas gsungs/__hor zla gsum pa'i tshes bcu gcig nas sa chog dang bco lnga la dngos gzhi khel bar byas te/__dus 'khor sgrub mchod rdul tshon la brten pa nyin 7la/__sa zla'i tshes nyer gsum nas rgyud lugs 'jam dpal sgrub mchod rdul tshon la brten pa nyin bdun la/__zla ba lnga hril po gsang snying rgyud chog khams lugs sgyur 'phrul zhi ba'i sgrub mchod rdul tshon dang 'brel ba can nang rgyud kyi bshad pa yang 'gro dgos/__grol rjes ljongs rgyu nyin bdun/__zla ba drug pa'i tshes bcu bzhi dbyar gnas bca' yig ltar la dgag dbye grol rjes ljongs rgyu nyin gsum/__zla ba dgu pa'i tshes bzhi la skyabs rje rin po che'i 'das mchod rdor sems cho ga mchod pa gzab rgyas/__rgyal zla tshes bco brgyad la kun mkhyen dri med 'od zer mngon par byang chub pa'i dus chen la snying thig rtsa gsum tshogs dang mchod pa gzab rgyas dang /__sku mchod 'di gnyis la/__tshogs su bshad pa'i maN+Dal gyi mchod sprin spro nus pa byung na shin tu legs/__zla ba bcu gnyis pa'i tshes nyer gsum nas tshe bdag gtor bzlog zor 'dzin bsnyen song zhig dbu bzhugs byang lugs phyag bzhes gzab rgyas/__cho ga 'di rnams kyang gdangs dbyangs 'bud bkrol bca' bzo sogs la dbu mdzod sogs las mtshan rnams kyis sbyongs brdar dang /__'tshogs dus gding chos rtse zhwa/__rdol dril rnams ma 'dzom na brgya phyag re dang /__'phral 'dzom dgos shing gsung grwa bsgrig pa dang /__phyag stabs sogs gang cir dwangs ba 'dren thub pa dgos/__6)'du khang la phyag dar dang ja 'dren pas dbyar sngo phyis/__yon chab brgya tshar bshams rgyu dang /__'dren pa yang dge tshul rnams dang /__dge slong snam sbyar med pa rnams ros mos rgyug dgos/__phyi yi kun dga' ra ba dang rang rang gi sgo khong rnams zhag lnga re nas phyag dar ma byas na phyag bcu re dang /__gling thog kha ba phyag rgyu la skyor dpon dang /__dge bskos dbu mdzad las thogs rnams ma gtog tshang mas phyag dgos/__gling gshags nang gi chos ra rdo gcal gyi rdul dang kha ba rgyud sde'i ma chen nas 'phyags rgyu/__gser khang rdul dang kha ba lha gnyer nas 'phyags dgos/__7)dpe gnyer nas dpe cha rnams sbyangs dus ma gtogs g.yar mi chog__/brdzad skyon gtor brlag mi shor ba'i sprod len zhib bca' gal che/__gal te ma tshang na dpe brlag mkhan de'am dmigs bsal med na dpe gnyer nas mjal dgos pa dang /__grwa tshang spyi dgon nang nye skor btang bzhugs 'dren pa dge tshul dang chab ril ba ma chen rnams btang /__shing pa nas grwa pa rer rdul sdud spus ldan lo re bzhin 'bul dgos/__8)rgyun tshogs dang dus mchod la nad pa dang /__shin tu mi khom pa'i rgyu rkyen shar tshe chos khrims la dgongs zhus kyi dgongs pa gnang 'os min skabs phyed cing legs par brtags nas blangs dor lung ston shes dgos so/__/10)'dir ma 'dus pa'i dge 'dun spyi khrims 'jog dgos nges byung na mkhan po gnas brtan rgan pa rnams dang dge bskos rnams thugs gros steng khrims bca' 'os pa bcas mdor na kun chen pradz+nyA rasmris/__ne rtso'i 'don pas mkhas pa rlom pa dang /__/tshul chos spyod pas btsun par chos pa dang /__/stong pa'i 'ud kyis bzang por brdzu ba yi/__/klog pa ba de 'jig rten sgyu ma mkhan/__/'gro kun srid pa'i mtsho las bsgral ba'i phyir/__/gcig tu bstan pa 'ba' zhig ster dgongs nas/__/rnam dag gzhung lugs nyan dang 'chad pa yi/__/klog pa ba de lha mi'i mchod gnas yin/__/ces log pa'i lam la rtog 'chos pa'i klog pa ba dang yang dag pa'i blta spyod la zhugs pa'i klog pa ba'i mtshan nyid nyung ngu'i tshul gyi 'dom pa mdzad pa don thugs la gzhugs pa gsol ba 'debs pa'o/__/lhar bcas 'jig rten kun gyi rgyan/__/tshul gnas lung rig 'od 'phro ba/__/rnam dag gtsug gi nor bu'i phreng /__/bstan 'gro'i 'dod 'byung bsam 'phel dngos/__/grags pa tsam min don gyis lci/__/mkhas tshul gsum gyi bya ba yi/__/rgyal bstan gsal ba'i 'od dkar de/__/gling bzhi'i mtshan mo'i mgon du gyur/__/sa 'dir blo gsal bye ba brgya'i/__/blo yi ku mud 'byed gyur cing /__/spobs pa'i gter chen brgyad la dbang /__/'jam dpal dkyil 'khor mchog grub shog__/ces pa'ang bar skabs kyi tshigs su bcad pa'o/__/de ltar kun mkhyen thub mchog don kun grub pa chen pos bstan pa rin po che snyigs dus 'dir gang gi 'dzin 'chang spel ba de ni phan yon tshad med pa ste/__ting 'dzin rgyal po las/__bskal pa bye ba gang+gA'i bye snyed du/__/dad pa'i sems kyi zas dang skom rnams dang /__/gdugs dang ba dan mar me'i phreng ba yi/__/sangs rgyas bye ba khrag khrig rim gror byed/__/gang zhig dam chos rab tu 'jig pa dang /__/bde gshegs bslab pa 'gags par gyur pa'i tshe/__/nyin mtshan du ni bslab pa cig spyod pa/__/de ni de bas bsod nams khyad par 'phags/__/ces bden pa'i tshig yang dag pas bka' stsal ba ltar/__bde bar gshegs pa rnams kyi gdugs 'tshob pa dang /__chos kyi mdzod 'dzin pa dang /__gdul bya'i lhag ma skyongs ba'i rgyal sras sems dpa' chen po theg pa chen pos dge 'dun legs par zhugs pa rig par zhugs pa drang por dang mthun par zhugs pa/__lha mi kun gyi mchod gnas phyag dang bkur bsti stobs pa'i yul/__bsod nams kyi dpal zhing yongs su sbyongs ba chen po'i tshogs kyi zhing dam par gyur pa lags na/__de yang bstan dang 'gro ba mtha' yas pa dang /__khyad par spur rgyal bod kyi ljongs 'dir chos rgyal me dbon rnams kyi thugs bskyed kyi shing rtas drangs pa'i rgyal bstan yongs rdzogs kyi phyi mo snga 'gyur bka' gter dag snang gi bstan pa rin po cher bshad pa dang sgrub pa'i sgo nas phyogs kyi tha gru thams cad zlum por bcings shing /__bstan pa'i gdugs dang rgyal mtshan ba dan srid rtser sgrengs bas chu srin gyi rgyal mtshan shin tu dma' ba'i gnas su bsnyal zhing bde gshegs bstan pa'i seng ges log rtog wa skyes kyi ri dwags thams cad bcom nas gang gi mkhyen rab gzi byin nyi ma 'bum phrag gi 'od kyis kun tu rmongs pa'i dgra chen gyi snying la mi bde bar sbyin par mdzad cing /__yang dag pa'i bstan pa'i pad tshal phyogs brgyar rgyas pa dang /__legs bshad kyi sbrang rtsis skal bzang blo gsal bung ba'i tshogs rnams kyi lus sems rgyas par byed pas snyan brjid kun tu dga' ba'i chos kyi sgra dbyangs dar dir du sgrogs pas 'jig rten gyi rgud pa thams cad ming gi tha mar byas shing rdzogs ldan gsar ba'i dga' ston la longs spyod pa'i thugs bskyed bzang po mnyam pa med pa'i byang chub kyi sems bsam pa sa lta bu nas/__sprin chen po'i dpes mtshon pa'i bar du gong nas gong du 'phel ba la bslab dgos shing /__des srid zhi gnyis ka'i mtha' la mi gnas pa'i byang chub chen po'i go 'phang thob par 'gyur ba gdon mi za ba yin te/__'phags pa klus/__ri dbang rgyal po ltar brtan dang /__/phyogs mtha' gtugs pa'i snying rje dang /__/gnyis la mi brten ye shes lags/__/ces dang /__zhi ba lhas/__dngos sam yang na brgyud kyang rung /__/sems can don las gzhan mi bya/__/ces dang /__bslab btus las/__bdag gi lus dang longs spyod dang /__/dus gsum dge ba spel ba rnams/__/sems can kun la btang ba dang /__/de srung dag pa spel ba'o/__/zhes bdag tu 'dzin pa'i gzhi gsum btang ba dang /__'gyur ba dang /__dag pa dang /__spel ba dang /__bzhis sems can gyi don sgrub cing /__ji skad du/__gzhan phan las la mthu med kyang /__/de yi bsam pa rtag tu bya/__/gang la bsam pa de yod pa/__/de ni de la don gyis zhugs/__/ces gsungs pa bzhin/__bstan 'gror lhag pa'i bsam pa zla ba yar tshes lta bu bskyed pa la ma bslab cing /__thos bsam gyi bya ba rdzogs nas grong nag tu 'khyams pa dang /__dkor rjes sogs chos brgyad kyi sgeg mos bslu brid ring du byos te rang 'dod kyi 'khri ba med par dgos/__prany+dzA rasmis tshe 'di'i che thabs rnyed bkur lhur blangs nas/__/pha rol bsdus dang phrag dog 'gran sems kyi/__rang nyid bsgom dang gzhan la 'dom kyang rung /__/sgo gsum bya ba phal cher don med yin/__/ces gsungs pa ltar kun slongs dug can spangs nas gzhan dag la 'chad spel sogs ci nus dgos pa dang /__ma nus kyang 'gal ba med de/__sor thar pa'i mdo las/__mang du thos pa nags kyi nang dag tu/__/lang tsho yol ba rnams kyi gnas pa bde/__/ces dang /__kun mkhyen chen pos/__shes bya nam mkha'i gza' skar 'dra/__/bslab dgos gnas la zad pa med/__/da res 'gyur med chos sku'i rdzogs/__/mi 'gyur btsan sa bzung na legs/__/ces dang /__shan+ta pU ris/__rig pa'i gnas la thos bsam mthar phyin nas/__/thos pa'i don rnams don yod bya ba'i phyir/__/ting 'dzin bsgom pa'i bya ba lhur blangs nas/__/dben pa'i gnas su bdag rgyud smin par mdzod/__/ces legs par 'dom 'tsham pa mdzad pa ltar rgyal ba gong mas bstan cing bsngags pa'i dben pa'i ri khrod du thabs snying rje chen po dang /__shes rab stong pa nyid zung du 'jug pa'i lam la brten nas rnam par grol ba'i gong 'phang don du gnyer dgos te/__mdo las/__thabs dang bcas pa'i shes rab ni lam mo/__/shes rab dang bcas pa'i thabs ni lam mo zhes gsungs pa ltar thabs shes zung 'jug gi bskyed rdzogs kyi nyams len zab mo dang /__khyad par 'od gsal rdo rje snying po 'od zer bkod pa rgyan gyi rol mo mtha' yas shing gsang ba bsam gyi mi khyab pa'i nyams len la gzhom nas 'ja' lus rdo rje'i sku mchog mngon du gyur nas 'khor ba dong nas sprugs nus pa zhig mdzad na dar 'byor thob pa don yod du byas pa legs so/__/slar smras pa/__gang zhig zag med chos khams rgya mtshor dbang 'byor dkon mchog rin chen gsum/__/grags pa'i dpal gyi gzi 'od 'phro bas bskal bzang zhing 'di snang bar byas/__/phyogs bcu'i zhing nas rgyal dang de sras rdzu 'phrul stobs kyis 'dir lhag ste/__/dge legs shis pa'i rol mo 'khrol dang phan bde'i me tog char du bsnyil/__1/__bstan dang 'gro ba'i rig sngags kyis sgrub lha mi kun gyi mchod sdong che/__/dam chos rin chen mdzod kyi gtam shing bslab gsum bang rim mngon par mtho/__/mkhyen dang brtse ba'i gser dugs g.yas 'khor thabs shes nyi zla'i tog gi mdzes/__/gang la skyabs song gang yin de la bdud dang bdud kyi gnod 'tshe bral/__2/__tshul 'dir kun chen nyi ma'i shing rta yi/__/thugs bskyed skya rengs gsar pa'i snang bas drongs/__/gti mug kun gyi dgra zlar gyur pa ni/__/shes rab 'od chen 'jigs med stobs la bsten/__3/__gang gi snying la zhugs pa'i de ma thag__/de la blo gros spyan stong rnam par bkra/__/legs gsung dam chos nor bu'i mdzod khang la/__/ci dgar blta ba'i skal bzang 'di ko rmad/__4/__tshul khrims gtsang ma'i sa gzhi yangs pa la/__/byang chub sems kyi baiDU'i myu gu 'khrungs/__/thos mang thos ldan thos bsam snye ma rgyas/__/mtha' yas 'gro rnams nyer 'tsho'i rten du nges/__5/__dge 'dun mthun pa don rnams kun grub cing /__/mi phyed bden pa chen po'i byin brlabs kyi/__/bden pa'i tshig kyang myur du 'grub pa yi/__/bstan 'gro'i legs byas g.yas su 'khyil bar shog6/__'dir 'bad 'jam mgon bla ma'i bzhed don gyi/__/cha shas tsam zhig 'grub la gegs med par/__/mchog ldan rgyal ba sras bcas thugs rje yi/__/phyogs las rnam rgyal bkra shis dpal thob shog7/__bkra shis gdugs dang shes rab gser nya dgos 'dod kun 'byung bum pa bzang /__/srid zhi'i 'jigs 'phrog dpal gyi be'u mi mthun kun gcod 'khor lo dang /__/chags pa kun bral pad+ma dang ni chos kyi dbyangs snyan g.yas 'khyil dung /__/phyogs rnams kun las rnam par rgyal ba'i mtshan bzang bkra shis rtags brgyad kyi/__/dus gsum kun tu bkra shis grags pa'i snyan grags bzang po'i bkra shis shog__/ces pa'ang /__'khor lo'i mgon po thams cad mkhyen gzigs chen po de nyid kyi bca' yig chen mo mdzad bzhed/__mchod brjod biR+Wa ta bcas ljags rtsom gnang ba rten 'brel gyi mdzad pa 'phro can du gyur pa skyabs mgon dge rtse'i mchog sprul rin po ches bskul ba dang sde snod rgya mtsho'i dpal gyis 'byor pa mkhan legs bshad 'byor ldan gyis kyang gsung gi bskul ba la sten chos rje kaHthog pa chen po de nyid kyi zhabs rdul spyi bos reg cing gang gi thugs rje tshad med pa'i bka' drin gyis nye bar 'tsho ba 'jam dbyangs mkhyen rtse'i dbang po'i phrin las kyi byed por yid dam du bca' ba 'jam dbyangs blo gros rgya mtsho dpal bzang pos kaHthog rdo rje gdan gyi chos grwa chen por bris pa dge legs 'phel/__rnam par rgyal bar gyur cig__/sarba dA kal+yA naM b+ha tu/__mang+ga laM/__shu b+haM//___//
oM swasti/__mkha' khyab zhing gi 'gro ba mtha' dag gi/__ston pa mnyam med shAkya'i rgyal po dang /__/de sras 'jam dbyangs byams chen la sogs pa/__/'phags tshogs 'dus par bcas pas shis pa stsol/__/de la dpal sa skya pa chen po yab sras brgyud par bcas pa'i ring lugs dri ma med pa 'dzin pa'i spo lu dgon thub bstan bsam 'grub dar rgyas gling 'di/__bla chen chos rgyal 'phags pa'i zhal slob rgya byon pak+shis btab cing /__rgyal ba mus pa chen po sangs rgyas seng+ge'i thugs sras shes rab rgyal mtshan gyis zhabs kyis bcags/__bla chen gzi sangs rgyas dpal bzang sogs kyi gdan sa/__rdo rje 'chang kun dga' bzang po'i chos kyi khri la bzhugs pa'i mkhan chen dpal ldan chos skyongs sogs kyi zhabs kyis bcag pa'i chos sde 'di'i dge 'dun pa rnams la bsgrigs khrims du bya ba mdor bsdus pa ni/__rang gi bka' gtan 'dzin khong gi grwa rtsed chos gzhis ma nyams pa dang /__grwa khral zhib sdud dang khang pa tshags don bskyangs gal dang /__smyung gnas dbang dang /__/mcham sogs dmigs gsal kha shas las bud med 'grul sdod mi chog pa dang /__grwa sar rnams la klog bslab rgyu dang /__'don blo sbyangs sogs rgyugs len tshags su tshud pa byed dgos/__lo nyi shu tshun grwa sar 'gro nas mar 'khor 'phral/__'byung 'dul/__kun rig__/kye rdor rnams kyi bsnyen pa sdod dgos shing /__kun rig bsnyen pa ma thon na gshin skor za mi chog pa dang /__rtsa bzhi chang lnga 'di sdom pa'i rtsa ba yin pas mig 'bras ltar bsrungs dgos pa dang /__chang btso btung gtan nas mi chog__/dbyar gnas gso sbyongs bstan pa'i gzhi ma chags nyams btang mi chog cing je rgyas 'byung dgos pa dang /__dus mchod gzhan thams cad kyang ma nyams pa dang /__tshogs bsgrig legs pa dgos shing /__'don rta dbyangs/__dkyil 'khor bri thig__/gtor bzo 'bud krol sogs phyag bzhes khungs thub sbyangs dgos pa dang /__blo gros chen po rnams kyis phyi nang rig gnas sogs bslab shes sbyangs dgos/__sho bag rgyab rgyu/__sog chas sprod pa/__skra ring por 'jog pa/__gri ring 'dogs pa/__ko l+h+wam sbubs dung gyon pa sogs mi chog cing dge slong rnams gling bar byon dus gzan sham 'bral med dgos/__lha khang dang /__gling bar tshun phyag bdar gtsang ba/__lha khang du mchod pa legs po gtsang sbra ldan pa/__dbyar gnas la gding chos/__snam sbyar/__spyi blugs/__lhung bzed/__maN+Dal sogs 'dzom dgos/__sgrub mchod sogs bsgrigs chen rigs la ther phrug snam dmar gang rigs las/__'bu ras gzan dang /__a gzan sogs gyon mi chog cing /__'du khang du ngag bcad dam po dgos/__spyi gnyer rnams nas rten thebs rtsa ba rtsis sprod yig stong shog brgyud du ma song ba dngos po ngo ma yod dgos rgyu dang /__skyed kyis gtong sgo ma nyams gong 'phel 'byung dgos/__dgon nang du rgyab 'dre 'khon rtsed mi bya bar phan tshun thugs mthun mi brgya sems gcig tu dril nas bstan pa 'dzin dgos/__de ltar gyi khrims 'di rnams dang 'gal tshab che chung dang bstun pa'i chad las zhi drag gang dgos mkhan po bla chos dang /__dgon bdag mdun 'og ma bcas nas mdzad dgos shing /__mdor na gong ma rnams la bkur bsti dang /__dman pa rnams la brtse bskyang gis rang bstan rang bca'/__rlon pas rang shes/__skam po rang 'bar gyis sangs rgyas kyi bstan pa rin po che lung rtogs bshad sgrub kyi 'dzin dgos pa lags/__me yos zla tshes la mkhan po bla chos/__dgon bdag bcas nas gsung bskul bzhin 'jam dbyangs mkhyen brtse'i sprul skus bris pa dge legs 'phel rgyas shog/___//__
bro brdung dgon pa'i bca' yig__/na mo gu ru/__gang zhig gang la brten nas srid pa yi/__/'jigs 'phrog zla med dkon mchog rin chen gsum/__/mtshan gyis zeg ma rna bar lhung bas kyang /__/'khor ba'i gnas las ldog par mdzad de 'dud/__/ces pa'i tshig gis drangs nas/__snga 'gyur bka' gter gyi bstan pa'i bdag po shar kaHthog pa chen po'i chos brgyud rngu pa grub thob chos kyi rdo rjes thang shing thams cad dpa' bo mkha' 'gro'i rang bzhin gyis 'khrab par gzigs pa'i sa der dgon sa btab par mdzad pa'i bro brdung gsang sngags chos gling gi grwa sar zhugs pa rnams kyis las su bya ba ni/__bdag po mchod yon gyis bkas bcad grwa rtsa ban khongs nyams med tshags su tshud pa dang /__grwa rtsa ma gtogs kyang grwa zhugs mkhan la sus kyang bkag 'gogs med cing /__grwa gsar de rnams dge rgan rnams kyis byams skyong mkhas pas yig dkar nag byang bar sbyangs rgyu dang chos spyod rgyun mkho rigs blo la blangs rgyu dang /__lo bcu yan chad dge tshul bsgrub dgos shing /__lo bcu dgu skor nas dge slong zhu rgyu kaHthog 'ong dgos pa dang /__cho ga chos spyod rnams rgyal ba kaHthog pa dang o rgyan smin grol gling pa'i phyag bzhes ltar mdzad dgos shing /__dbyar rgun bca' ba zla ba gnyis re rgyun sdod dang /__bca' ba gnyis gang rung gcig rkang chags gyur na gor nyi shu re'i chad pa gcod nges byed rgyu dang /__'dul bstod las/__ji ltar 'di na shing rtsa gtso bo ste/__/rnam par 'phel dang kun 'dzin gnyis kyi gzhi/__/de bzhin dam chos tshogs rnams kun gyi yang /__/gzhi dang rtsa ba 'dul ba yin par bshad/__/ces pa ltar/__bstan pa'i gzhi ma 'dul ba yin pas dge tshul slong thams cad kyis/__srog bcad/__ma byin len/__mi tshangs spyod/__mi chos bla ma'i brdzun smra ba/__chang rag btung ba lnga po 'di legs par srung sdom dang /__rgyun par mo bca' chang khrims dam par bya dgos/__de las 'gal na 'ba' yig ltar nyes chad sgrub/__dbyar gnas gso sbyong med ka med red pas tshugs thabs dang /__lag rgyud bzang po la bris dang /__blo gsal rnams la phyi nang rig gnas/__dbu mchod sogs kyis thig rdul tshon gtor bzo dkar rgyan/__cho ga phyag len/__'bud brdung dkrol gsum/__dbyangs rol sogs mkhas par sbyangs/__skra ring por 'jog pa dang /__hab gri 'dog pa sogs mi bya/__khong khro 'thab 'dzing la nyes chad 'phral btang dgos/__shin tu rgyu med yin na ma tog grwa khang 'dzom dgos/__dgon du sdod ci tshugs las grong nag tu rgyun ring 'khyams pa mi dge'i rtsa ba yin pas/__bya mig gyen ltos kyi dal 'byor don yod bya/__mdor na las 'bras spangs blangs/__thugs mthun blo mnyam/__phyi nang thub pa bsrungs sdom gtsang ba gal che zhing /__zhib bca' sprul sku blo gsal lags kyis zhal bsgos dwangs len zhu rgyu dang /__skyid sdug la ngos cag gis kyang rgyab gnyer yod pas blangs dor gyi gnas ma 'dzol ba gal che bas nges par gyis/__me byi cho 'phrul zla ba'i tshes la kaHthog khri 'dzin zhing skyongs dang /__'jam dbyangs mkhyen sprul thun mongs nas spel//___//
oM swasti/__phyogs dus rgyal ba'i mkhyen brtse'i rdzogs ldan sprin/__/dge legs phan bde'i gru char 'bum 'jo bas/__/sa gsum srid zhi'i gdung sel bla ma rje/__/mtsho skyes rdo rjes shis pa'i me tog stsol/__/gdan gsum yongs rdzogs sgyu 'phrul drwa ba'i gzugs/__/byin brlabs dngos grub phrin las zlos gar gyis/__/don gnyis 'dod dgu'i dga' ston spel mdzad pa/__/rab 'byams rtsa gsum lha tshogs rgyal gyur cig__/zab gsang 'dod dgu'i dbyig gi gzi byin las/__/smin grol nor bu'i gru char mi zad pas/__/gangs can kun dga'i mchog sbyin gter chen rje/__/o rgyan mchog gyur gling pa grags gang rgyal/__/ris med bstan pa'i mnga' bdag mkhyen brtse'i dbang /__/bka' gter mdzod lnga'i srol 'byed blo mtha' yas/__/lung rig seng ge'i sgra 'byin mi pham pa'i/__/rnam thar rab dwangs yid kyis lan brgyar bsngags/__/rdo rje theg pa'i gseng lam rmad byung ba'i/__/snying po bsnyen sgrub yan lag bzhi'i shing rtas/__/grub gnyis 'byor pas mi zad 'phel ba'i lam/__/tshul bzhin brtson pa don ldan bgyi ba nyid/__/zhes shis par brjod pa'i snyan tshig gi sbyor bas dge legs kyi lam srol yangs par phyes te deng gi dus 'dir/__gangs can bstan 'gro'i phan bde'i btsas dang /__o rgyan sangs rgyas gnyis pa'i phrin las phyogs kun tu 'phel rgyas su bya ba'i thugs bskyed ston zla ltar dkar zhing /__dad dang gtong ba nus pa mkhyen rtogs kyi yon tan phun sum tshogs pa sngags chen bla ma bkra shis dpal ldan nas 'bad rtsol chen pos byang phyogs snga 'gyur bstan pa'i lcags ri/__spyan ras gzigs dngos zhabs dkar tshogs drug rang grol gyi gdan sa/__zho 'od gsang sngags dar rgyas gling gi gtsug lag khang du bod yul sa 'og kun gyi gter gcig__/thugs sgrub bye ba phrag brgya'i yang snying /__gnas dus gdul bya 'di la dgongs te rtsod bral sprul pa'i gter chen gsum gyi bka' drin las byon pa'i bla ma'i thugs sgrub rnam gnyis dang /__yang gter rtsa gsum dril sgrub rnams chig dril gyi sgrub chen gsar du btsugs pa'i rten 'byung dang po shar ba dang ngos nas sgrub pa'i rten gyi sku gsung thugs rten byin ldan mang du bsrings pa dang /__bsam sbyor 'phel rgyas su 'byung ba'i dmigs 'dun skyabs srung bgyis shing /__7'jam mgon mkhyen brtse'i zlos gar dis mgon mkhyen sprul nas rin chen gter mdzod chen mo'i smin grol tshang bar stsal zhing sgrub pa'i phyag len zhib bslab bgyis pa bzhin/__sgrub pa'i sta gon nas brtsams tha mar dge ba grol dbang gi bar sngags sde de'i khongs su gtogs pa'i sngags pa mchog dman che chung thams cad 'du dgos pa dang /__rdo rje slob dpon dbu mdzad/__chos khrims sogs rang rang gi las skal bzhin byang chub pa bslab shing mthar phyin pa dang /__rdo rje slob dpon rgyal tshab rgyal thebs rnams nas thugs sgrub rnam pa gnyis ka'am/__tha na gang rung re'i bsnyen bzlas tshad du 'khyol ba dang /__gral dbu 'dzin nas bzung sgrub pa ma grol bar tshogs khang du sdod rgyu las khyim du mi 'gro/__sngags grwa kun gyis zhwa/__zla gam/__rdor dril sogs 'tshogs pa'i yo byad rigs re re bzhin tshang ba dang /__chos thog 'di'i ched du sems can gyi srog bcad pa dang /__sngags pa rnams kyis gri sogs 'tshon cha 'chang ba dang /__chang dang kha sna'i dud pa 'then mi chog__/phan tshun khong khro 'thab rtsod kyi rigs mi bya/__tshogs khang gi sgor son pa nas ral pa phab ste bag yod pas gral du 'khod/__gdangs dbyangs rol mo rnams phyag len bzhin ma nor ba dang /__tshogs dang mchod pa gtor ma'i rigs la gtsang sbra/__nyin mtshan gyi bsnyen rgyun bar ma chad pa bcas zhib par chos khrims nas bka' bkod 'byung ba ltar legs par zhi dul bag yod dang ba 'dren pa bcas byas nas/__gnas skabs dad ldan sbyin bdag kyi tshogs rdzogs/__snod bcud kyi dge mtshan rgyas/__snyigs ma'i rgud pa zhi/__mthar thug rig 'dzin bzhis lam mthar son pas dngos grub rnam gnyis 'bad med du thob pa rdo rje'i lung las gsung pa ltar nges pas kun gyi thugs la gzhug par zhu/__rmad byung thugs bskyed chu gter las 'ong zhing /__/tshogs gnyis cha shas yongs rdzogs nam mkha'i nor/__/phan bde'i 'od zer rab 'byams zhing brdal ba'i/__/sangs rgyas gnyis pas dus kun srung gyur cig__/sbyangs gzhi 'od gsal ye shes snying po'i khams/__/bde myur sngags kyi theg pas legs sbyangs nas/__/rig 'dzin rnam bzhi'i 'bras bu g.yur za ba'i/__/ngo mtshar dga' ston ljongs der 'char bar shog__/sgrub pa mchog 'dir 'brel ba'i skye bo kun/__/tshe 'dir mi mthun 'gal rkyen mtha' dag zhi/__/ma hA gu ru'i mngon sum rjes bzung nas/__/tshoms bu gcig tu mngon par byang chub shog__/ces pa'ang sngags chen bkra shis dpal ldan nas lha rdzas bcas gsung bskul ltar 'jam dbyangs mkhyen brtse'i sprul ming 'dzin pa 'jam dbyangs chos kyi blo gros dang /__dil mkhyen 'jigs med mkhyen brtse'i 'od zer zung nas sde dge rdzong sar bkra shis lha rtse'i gtsug lag khang nas spel ba dge legs kyi pad+mo mchog tu rgyas pa'i rgyur gyur cig__/sarba dA mang+ga laM//___//
@#/__/bca' yig phan bde'i sa bon ces bya ba bzhugs so/__/
oM swasti/__mchog gsum nyi ma brgya pa'i snang ba yi/__/sgrib gnyis mun pa ma lus kun bcom ste/__/rnam grol thar pa dam pa'i snang ba ni/__/sbyin mdzad ston pa mchog des shis pa stsol/__/de yang phun sum tshogs pa'i dge 'dun pa 'gro ba lha mir bcas pa rnams kyi phyag bya ba'i 'os su gyur cing /__bsod nams kyi dpal dam par bzhugs pas bstan 'gro'i rgud pa zhi zhing /__phan bde'i legs tshogs gong 'phel du gyur pa'i rtsa lag dam pa yin pas tshul dang mthun pa'i mdzad 'phrin bzang pos bstan pa rin po che'i rjes su bslab pa la/__slob dpon dbyig gnyen gyis/__tshul gnas thos dang bsam ldan pas/__/bsgom pa la ni rab tu sbyor/__/ces gsungs pa ltar gzhi tshul khrims rnam par dag pa la brten dgos shing /__de'ang dge bsnyen dang /__dge tshul gyi sdom pa lo bco lnga man chad la nges par thob nas che ba dang yon tan kun gyi rtsa ba yig ge'i phyi mo slob pa nas bzung chos spyod sogs blo 'dzin dang /__dkyil 'khor gyi las rim thig rdul tshon/__gtor bzo gar 'chams/__'bud brdung bkrol gsum sogs rang rang la dgos pa'i yon tan rnams sbyangs brdar rgyus thon dang /__blo mchog tu gyur pa rnams kyis phyi nang gi rig gnas la bslab sbyang bya zhing /__ma mtha' yang spyod 'jug sdom gsum tsam mi shes ka med dang /__lo nyi shu lon nas sdom pa'i mchog bsnyen par rdzogs pa dge slong gi dngos po legs par bsgrub nas bslab bya'i rtsa ba pham lhag gi ma gos pa dang /__khyad par dge tshul slong yin phyin pham pa bzhi chang dang lnga po la bsrung bsdom bya ba khrims kyi rtsa ba yin pas/__rgyun du mo khrims dang chang khrims/__dud 'gro gsod pa dang /__bshas tshong byed pa rnams legs par khrims su bca' ba dang /__'gal ba byung na nyes chad lugs gnyis kyi tshul dang mthun pa gnang 'os dang /__de'ang ji skad du/__gal te thos pa mang gyur kyang /__/tshul khrims legs par mi bsdam na/__/de ni tshul khrims phyir smad cing /__/de yi thos pa phun tshogs min/__/ces dang /__/tshul khrims 'chal ba de ni ngan 'gror 'gro/__/de la thos pa mang pos skyob mi nus/__/zhes gsungs pa ltar ro/__/dus dang rgyun du bag yod dang khrel ngo tsha'i rten gzan sham dang mi 'bral ba dang /__dran shes bag yod kyis rang las rgan pa la bskur bsti dang /__'og ma la byams brtse/__mnyam pa la 'gran sems dang phrag dog sogs spangs nas sems zhi dul dang ldan pas dge sbyong gi chos bzhi dang mi 'bral zhing /__kun la dag snang sbyangs ba gal che ba dang /__bstan pa'i gzhi ma'am snying po ni gso sbyong /__dbyar gnas/__dgag dbye ste 'dul ba rgya mtsho'i snying po gzhi gsum po 'di yin pas rgyun ldan du yod na/__ston pa rin po che bka' drin rjes su bsams pa dang /__rang gi khas blangs pa'i nyes ltung thams cad 'gogs pa dang /__bslab pa gsum gong nas gong du 'phel/__bag med pa'i gnas las ldog cing sems can rnams gnod 'tshe las skyobs/__dkar phyogs kyi lha rnams dgyes pa dang /__sa phyogs kun tu bkra shis kyi dpal 'phel bar 'gyur ba sogs phan yon dang dgos pa bsam gyis mi khyab pas brtson pa dgu 'gyur du bskyed de gzhi gsum phyag len tshad ldan dang /__dbyar gnas kyi skabs su sor mdo'am/__sdom gsum lta bu'i chos 'chad nyan gyi bya bas dus 'da' ba gal che/__dus dang rgyun du tshul min gyi spyod pa spyi dang khyad par dmag jag gi gtam/__sgrung glu bzhad dang /__ku co 'chong rgyugs sogs gtan nas spangs shing /__chos spyod kha ton dang bslab sbyang bzlas brjod la brtson pa dang /__khyad par du so sor thar pa las/__/dge 'dun mthun pa bde ba ste/__/mthun pa rnams kyi dka' thub bde/__/zhes dang /__zhi ba lhas/__rtag tu dge 'dun mthun pa dang /__/dge 'dun don yang 'grub par shog__/ces smon lam mdzad pa ltar/__dge 'dun rnams spyod lam kun nas gcig sems gcig gis 'dzin te/__thugs mthun kho nas snyigs dus 'dir shin tu gces pa'i khrims gal po che dang /__mdor na gson gshin gyi dkor la longs spyod pa rnams kyis sems rgyud yang dag par sdam par ma byas na nyams nyes par 'gyur te/__lung rnam 'byed las/__lcags gong me lce 'bar ba dag__/zos par gyur pa mchog yin gyi/__/tshul 'chal yang dag mi bsdam pa/__/yul 'khor bsod snyoms za ba min/__/ces pa ltar/__tshul khrims mi nyams pa dang /__chos spyod bcu la rtag tu brtson par bya ba ni ston pa'i rjes su zhugs rnams kyi nyams len gyi mthil yin te/__ma pham pas/__yi ge 'bri mchod spyin pa dang /__/nyan dang klog dang len pa dang /__/'chad dang kha ton byed pa dang /__/de sems pa dang sgom pa ste/__/spyod pa 'di bcu'i bdag nyid kyi/__/bsod nams phung po dpag tu med/__/ces pa ltar/__klog pa thos bsam dang spangs ba bsam gtan gong nas gong du 'phel ba'i thabs la 'bad pas ston pa'i bstan pa 'dzin par 'gyur ba yin pas/__bslab pa'i gnas la bag yod par sgrub pa'i sems dang ldan pas rang gzhan gyi don gnyis mthar phyin pa bya ba gces so/__/slar smras pa/__lhag pa'i tshul khrims gtsang ma'i nor gyis phyug__/byang chub sems kyi bdud rtsi'i lus stobs rgyas/__/rim gnyis ting 'dzin zab mor legs gnas pa'i/__/'dus pa'i tshogs kyi sa steng kun khyab shog__/ces dam pa gong ma rnams kyi gsung dang mthun par dge 'dun 'dus pa'i sde la bslab bya'i bca' yig 'di yang 'jam dbyangs mkhyen brtse'i sprul ming gi bsnyad pa 'jam dbyangs chos kyi blo gros ris med bstan pa'i rgyal mtshan dpal bzang pos spel ba dge legs su gyur cig__/sarba mang+ga laM/__shu b+haM//___//
@#/__/rdzong sar g.yar gnas tshul shing byang bzhugs/__/
oM swasti/__srid zhi'i khams na zla med pa/__/rkang gnyis khyu mchog nyi ma'i gnyen/__/rnam 'dren stong gi dbus na brjid/__/bde gshegs gser gyi ri dbang rgyal/__1/__des gsung bstan pa'i gzhi ma dam pa'i chos/__/'dul ba 'bum sde'i sdud po nye ba 'khor/__/gangs khrod thub dbang gnyis pa zhi ba 'tshor/__/thub bstan gsal mdzad shAkya shrIr la 'dud/__2/__gang zhig bstan na nyes kun zad par byed/__/srid pa'i me dpung ma lus gzhil bar mdzad/__/bdud kyi bu mo'i bzhin ras zum byed pa/__/so sor thar pa'i mdo 'di spyi bos mchod/__3/__sangs rgyas bstan pa'i rin chen sgron me ni/__/thub pa'i btul zhugs 'dzin pa'i dge 'dun sde/__/dmar ser ngang pa'i rgyal po'i tshogs chen po/__/gang na rgyas pa de na bstan pa gnas/__4/__bslab pa'i tshul khrims nyams pa med pa dang /__/gnas ral grum pa bcos shing kha ton 'phel/__/de sogs dgos pa mang ldan dbyar gnas pa/__/tshul 'dis bstan pa yun du gnas par byed/__0/__de phyir bskal bzang chos kyi dga' ba'i tshal/__/sngon byon dgra bcom tshogs kyis brtan pa'i gnas/__/gzhi gsum pad+ma dkar po'i phreng ba bstar/__/da dung du yang dad dang brtson pas 'dzin/__5/__rab byung bcu drug pa yi nang gses su/__/dngos po zhes pa shing pho khyi yi lor/__/ma smad bsam sbyor gangs ri ltar dkar bas/__/bstan pa'i rnam bzhag snying po nyams su myong /__0/__de yang ngang mos bag yod lhur len pa/__/bstan 'dzin rab tu rgyas pa'i blo gros can/__/bdag gi so so thar pa'i mdo bton shing /__/dri med gzhung lugs legs par bshad pa byas/__6/__dge slong bcu phrag bdun la dgus lhag pa/__/dge ba'i tshul gnas brgyad la gcig gi mdzes/__/tshul shing blangs te dbyar gyi cho ga sgrub/__/legs par grub pa'ang thub dbang 'khor bcas drin/__7/__de slad byang chub bar du gus mchod cing /__/rnam gsum gtsang ma'i gos kyi mdzes byas te/__/sdom pa'i tshul khrims skyon med la gnas pa'i/__/'dus pa'i tshogs kyis sa steng gang gyur cig8/__'di yi dge tshogs bsags las thob pa yi/__/rnam dkar dang po ji snyed mchis pa rnams/__/bstan dang 'gro la phan bde'i phyir bsngo'o/__/don gnyis phun tshogs bkra shis dge legs shog9/__sarba dza ga taM/__mang+ga laM/__mkhan po bstan 'dzin blo gros kyi ngor chos kyi blo gros pas bris//___//
'jam dbyangs dgyes pa zla ba'i 'od/__blo gros ku mud gnyen du gyur/__legs mdzad phan bde'i 'od stong 'phro/__gzhon nu chu skyes zhabs la 'dud//___//__!__oM swasti/__bkra shis kun gyi 'byung gnas dam pa'i dpal/__/dpal ldan bzang po'i snyan grags sgo gsum khyab/__/khyab bdag mgon po 'jam pa'i dbyangs zhes grags/__/grags pa mtha' yas rgyal bas shis pa stsol/__/tshe dpal 'byor pa'i ljon bzang rgyas/__/rgyas mdzad AR+Ya tA re ma/__/ma lus 'gro ba'i skyabs gnas mchog__/mchog tu bdag la 'chi med stsol/__/snag bum gsar pa'i phud kyis zla 4tshes 29la bris//___//__!__rab dkar rmongs mun sel ba'i mkhyen pa'i 'od/__/mkha' dbyings khyab par dkrigs pa'i 'jam dpal dbyangs/__/ye shes ral gri ye shes me yis 'khyud/__/srid pa'i drwa ba dral mdzad khyod la 'dud/__/chos 'phel gyis bris smyugs gsar phul gyis bris pa dge'o//___//__!__rang rig ngo bo o rgyan rin po cher/__/mi phyed gus pas rtse gcig gsol ba 'debs/__/gnyid dang 'od gsal 'dres par byin gyis rlobs/__/gnas lugs rang ngo shes par byin gyis rlobs/__/ces pa'ang chos 'phel nas 'bri smyugs phul bas bris pa'o//___//__!__oM swasti/__rdo rje 'chang dbang blo gsal rgya mtsho la/__/bkra shis lha yi reg bya 'di phul bas/__/dam pa'i chos kyi mdzod 'dzin blo gros rgyas/__/mkhyen gnyis ye shes snang ba 'bar gyur cig__/sarba mang+ga laM//___//
bla ma yang tig gi spar byang /__oM swasti/__bskal pa bzang po'i mtshan gyis rab brjid pa'i/__/rnam 'dren stong gi bstan pa rin po che'i/__/rab tu snang ba'i 'od kyis kun tu khyab/__/de las khyad 'phags bstan pa rnam gsum byon/__1/__srid pa mang por mtshan tsam thos dka' zhing /__/thos pas rnam grol byang chub bde blag thob/__/'dren pa mtshungs med thub mchog nyi ma'i gnyen/__/gang gi drin gyis nges gsang theg pa snang /__2/__rdo rje sems dpa' dga' rab dpa' bo zhes/__/rig 'dzin yongs kyi 'khor los bsgyur ba ches/__/sar gnas sems dpa' rnams la brda brgyud nas/__/lnga brgya'i gtsug rgyan bi ma'i mkhyen mtshor babs/__3/__chos rgyal tshangs pa nyang ban chen po sogs/__/gzungs sprin ting 'dzin rgya mtshor dbang bsgyur tshogs/__/rim par brgyud pa'i 'od gsal nor bu'i sgrom/__/dri med 'od zer mig stong ldan pas blangs/__4/__rdzogs pa chen po'i rgyud lung man ngag bcud/__/snying po'i snying por dril te kun tu bzang /__/mngon sum lag pa'i mthil nang bkram pa dang /__/mtshungs pa'i bla ma yang tig yid bzhin nor/__5/__man ngag chos sde lnga bcu rtsa drug gi/__smin grol gdams pa tshul bzhin nos pa dang /__/mi 'phrog dad dang dam tshig brtan po yi/__/nyams su blangs tshad 'khor bar phyir mi ldog6/__de phyir ngo mtshar chos sbyin 'phrul gyi spar/__/gcig las brgya phrag mang po 'phel ba dang /__/dpe yi phongs pa med pa'i chos sbyin 'di/__/kun mkhyen rgyal ba'i bstan pa'i sbyin bdag che/__7/__spoms mda' sku ngo stangs dpyal zung gis bskrun/__/dge bas sku gshegs bsod nams bde skyid gtsos/__/mkha' mnyam 'gro ba'i byas bsags sdig sgrib zhi/__/skye dang skye bar theg mchog chos la spyod/__8/__'od gsal rdo rje snying po'i rigs sad cing /__/dam pa nyin byed mgon gyis rjes bzung nas/__/dgongs pa'i rtsal rdzogs sku gsum mngon du gyur/__/khams gsum ma lus rnam grol sar 'god shog9/__chos tshul 'di yang mi nub dar zhing rgyas/__/phrin las 'dzad med 'dzin ma'i khyon kun khyab/__/gdod ma'i grol sar gshegs pas ri sul khengs/__/snying po'i bstan pa dar zhing rgyas par shog11/__ces pa'ang sbyin bdag chen po nas snying thig skor rnams kyi spar gsar gyi glegs bam gnang sbyin du stsal ba dang /__spar byang bris shig ces lha rdzas bcas gsung bskul ngor/__mkhyen brtse'i dbang po'i sprul pa'i cha shas su ming gi dbang bskur thob pa/__'jam dbyangs chos kyi blo gros ris med bstan pa'i rgyal mtshan du 'bod pas/__sa phag zla dang po'i dmar phyogs kyi rdzogs pa lnga par 'bras ljongs sgang thog gi gtsug lag khang du bris pa dge zhing bkra shis par gyur cig/___//__
oM swasti/__rgyal bas chos tshul ji snyed gsungs pa gang /__/dpal ldan rgyud kyi rgyal po 'di la dgongs/__/lung gi spyi chen theg pa kun gyi 'grel/__/'di ni srid zhi kun gyi tog tu gyur/__/rim gyis 'jug pa'i sa rnams bkod pa ni/__/gsang ba'i snying por 'gro ba'i lam po che/__/'dir gzhol 'dir 'babs rgya mtsho chen po la/__/'dzam gling chu klung ji snyed 'bab dang mtshungs/__/kun tu bzang po rdo rje sems dpa' yi/__/thugs kyi gsang ba'i brnag pa 'di kho na/__/'di med rgyud rnams kun gyi snying dang bral/__/de phyir tan+ta kun gyi srog snying dngos/__/dngos po'i rang bzhin gshis kyi gnas tshul dang /__/ma rtogs 'khrul tshul thugs rjes ji ltar gzigs/__/de nyid skye dang 'gro don mdzad tshul bcas/__/spyi don lnga yi bdag nyid gsang ba snying /__/rgyal ba rig 'dzin gang zag so so la/__/dgongs rig rna bar brgyud pa'i rgyud chen 'di/__/che ba brgyad ldan dbang rab rnams kyi yul/__/'di nyid snang ba bzhi dang rgyud gsum gnas/__/rgyu shes lta dang rkyen 'jug ting nge 'dzin/__/'bras mthar phyin te mtshan nyid gsum du 'chad/__/dbang rim mtshan bstan rnam dbye 'bru gnyer dgrol/__/shes bya'i rgyud don lta spyod dkyil 'khor dbang /__/dam tshig phrin las bsgrub pa ting nge 'dzin/__/mchod 'ching zlos sngags phyag rgya rnam bcu ste/__/zab mo'i rgyud kyi bsdus don 'di lta bus/__/legs par 'chad pa'i bka' srol rnam gnyis las/__/'phur 'gro'i slob dpon pad+ma rgyal po yis/__/rgyal ba mchog dbyangs rma gnyags sogs la bshad/__/bka' srol khyad 'phags man ngag snyan brgyud kyis/__/rgyud don 'grel pa kha 'bab rnam bzhi'i rgyun/__/bde ldan zhing na sems dpa' blo gros snying /__/ma 'ongs rgyal ba tshe dpag med ces grags/__/kha ba can du chos rje kaHthog pa/__/dam pa bde bar gshegs kyi thugs mtshor bskyil/__/de'i gsung bdud rtsis lus stobs rab rgyas pa/__/rdo rje rgyal mtshan rgyal ba'i sras chen des/__/phyi rabs 'gro la brtse ba chen po yis/__/mngon par snang byas rgyud kyi 'grel chen 'di/__/dus kyi dbang gis nub pa ltar gyur kyang /__/kun tu bzang po'i phrin las 'gog med mthus/__/thams cad mkhyen gzigs chos kyi rgya mtsho la/__/pu sti glegs bam dbang bskur thob pa dang /__/ring brgyud tshogs slob gang+gA sin+d+hU klung /__/gang thugs dpal gyi be'ur 'khyil ba dang /__/nye brgyud byin rlabs gzi 'od stong 'phro bas/__/snga 'gyur chos kyi snying po gsal bar byas/__/de phyir gcig tu rin thang lci ba yi/__/nor bu bsam 'phel gyis kyang mi mtshon pa'i/__/glegs bam 'di nyid spar du bskrun pa'i dges/__/kun mkhyen bla ma'i zab dgongs rdzogs par shog__/'dir brtson bdag gzhan sgyu 'phrul drwa ba yi/__/de kho na nyid mngon du rtogs pa'i mthus/__/nges pa'i lam mchog bgrod nas rdo rje sems/__/mi bskyod rgyal po'i go 'phang thob gyur cig__/bstan 'dzin skyes rnams zhabs pad yun du brtan/__/bstan la gnod byed ming tsam med par gyur/__/bstan pa'i snying po bshad dang sgrub pa 'phel/__/bstan pa phyogs bcur rgyas pa'i bkra shis shog__/gzhi yi rang bzhin mngon sum rtogs pa dang /__/lam gyi snang ba ma lus bgrod byas te/__/'bras bu bde gshegs snang ba'i 'od chen gyis/__/srid gsum mun pa drung nas 'byin gyur cig__/chos 'di'i phrin las 'dzad med bskal pa'i tha mar yang /__/rig 'dzin rnams kyis legs bzungs skal ba can la snang /__/ma nor rtogs shing yang dag lam mchog snang bar byas/__/dam ldan chos skyong srung mas 'di yi gnyer mdzod cig__/ces pa'ang khams gsum chos kyi rgyal po 7'jam dbyangs mkhyen brtse'i dbang po'i byin rlabs kyi cha shas tsam thob pa rnam dkar sgrub pa po 'jam dbyangs blo gros rgya mtsho rang nyid kyi spar byang smon tshig tu bris pa dge legs rnam par rgyal bar gyur cig/___//__
oM swasti/__rgyal gsungs bka' dang dgongs 'grel thams cad kyi/__/bstan don rig pa'i lam nas gsal byed cing /__/ston pa'ang rnam dag tshad mar sgrub byed pa'i/__/bstan bcos 'di ni 'gro ba kun gyi mig1/__bstan pa'i 'khor los phyogs kyi glang po la/__/gsungs gis bskul ba'i tshad ma kun las btus/__/de don rnam par 'grel ba'i gzhung bzang 'di/__/phyogs las rnam rgyal chos kyi grags pas phyes/__2/__gzhung 'di snang ba'i mod la mu stegs rnams/__/sa 'og mun pa'i khang bur zhugs pa dang /__/thub bstan rnam par rgyal ba'i rgyal mtshan che/__/srid rtser bsgrengs pa bstan bcos 'di yis mthu/__3/__de phyir mkhas 'dod rnams kyis bslab dgos dang /__/'ja?~Xm dpal dbyanga?~Xs kyi byin brlab snang ba yis/__/cho?~Xs kyi?~X tshul la blo?~X grosa?~X gom bya'i phyir/__/chos sbyin spar gyi 'phrul chen dbye ba las/__/thob pa'i legs byas ji snyed mchis pa rnams/__/bde bar gshegs kyi bstan pa rgyas phyir bsngo/__/tshe rab kun tu ston pa tshad ma yi/__/rjes su slob cing rig bzhir dbang 'byor shog__/ces pa'ang rnam dkar sgrubs po rang nyid kyis smon pa dge legs rnam par rgyal bar gyur cig__/sarba mang+ga laM/__shub+haM//___//
oM swasti/__dus gsum rgyal ba'i phrin las gcig bsdus pa/__/o Di ya ni'i slob dpon chen po yi/__/thugs dam rgyud bskul rdo rje'i sgra dbyangs tshig__/rang byung gsang ba chen po'i mdzod khang gi1/__zab don nor bu'i tha ram bkrol ba la/__/rtogs pa'i gdeng ldan dgongs pa'i rtsal rdzogs shing /__/sde snod rgyud don mkhyen pa'i rig 'dzin las/__/rtog ge khengs rlom can gyi spyod yul min/__2/__mtsho skyes bla ma rdo rje gzi brjid kyi/__/sras kyi thu bo mi pham 'jam pa'i dbyangs/__/'gran zla kun bral phyogs las rnam rgyal sdes/__/rdo rje'i tshig gi sbas don gter gyi mdzod/__3/__chos spyan rdul bral dag pas mthong ba dang /__/tshad ma gsum gyi rnam dpyod dpung bzang gis/__/gzhom med 'od gsal klong lnga'i sgrom bu nas/__/legs bshad pad+ma dkar po'i lde mig phyung /__4/__chos sbyin mi zad spar du bskrun pa'i dges/__/snod bcud sgyu 'phrul drwa ba'i 'khor lor rdzogs/__/ji srid nam mkha' gnas kyi bar dag tu/__/chos 'di nub med yongs su khyab gyur cig5/__ces pa'ang rnam dkar sgrub pa po 'jam dbyangs chos kyi blo gros pas ched du brjod pa sarba sid+d+hi rastu/__mang+ga laM//___//
oM swasti/__dbu ma'i gnas lugs mthar thugs ston mkhas jo nang pa'i/__/bzhed srol zla med blo dman khongs par ma tshud pa'i/__/ngan tshig 'byung pos thebs pa lta bu'i smyo ba'i ngag__/smra ba rnams kyi ro 'dzin gcod pa'i spu gri 'di/__/rdo grub bstan pa'i nyi ma yis/__/legs par bshad 'di'i chos sbyin spar/__/dge rab gnyer chen sog mo yis/__/bzhengs 'dis yang dag lam 'jug shog__/sarba mang+ga laM//___//__!__oM swasti/__rgyal kun mkhyen pa'i ye shes sku/__/gsung rabs rgya mtsho'i gter chen po/__/smra ba'i seng ge 'jam dpal dbyangs/__/rten 'dir bzhugs la mkhyen gnyis stsol/__/oM su pra tiSh+Tha badz+ra ye swA hA//___//__!__oM swa sti/__dmigs med thugs rje'i dpal dang ldan/__/gnyen lcugs 'khril ldem zhi tshul can/__/bcom ldan bde gshegs zhi ba'i lha/__/rten 'dir bzhugs nas ngan song skyobs/__/oM su pra tiSh+Tha badz+ra ye swA hA//___//__!__oM swasti/__ston pa mnyam med shAkya'i tog__/lhar bcas 'gro ba'i gtsug gi rgyan/__/thub dbang 'khor bcas rten 'di la/__/brtan bzhugs tshe 'das srid mtshor sgrol/__/oM su pra tiSh+Tha badz+ra ye swA hA//___//__!__rnal 'byor slob dpon sbyin pa'i bdag po dang /__/yul phyogs dang bcas rtag tu srungs zhing skyongs/__/dgra jag chom rkun rgyu ba kun bcad cing /__/btsa' sad ser ba'i gnod pa bzlog pa dang /__/mi phyugs nad yams dus 'khrugs rgyun chad cing /__/snod bcud phywa g.yang 'dod rgu'i sprin phung 'khrigs/__/rdzogs ldan gsar pa'i snang bas khyab gyur cig__/ces pa'ang mkhyen brtse'i sprul ming chos kyi blo gros pas bris pa dge zhing bkra shis par gyur cig/___//__!oM swa sti/__dus gsum rgyal ba rgya mtsho gshegs pa'i lam/__/brgyud gsum rig 'dzin rgya mtsho'i thugs kyi bcud/__/rab 'byams rgyud sde rgya mtsho'i sbas pa'i don/__/'od gsal ye shes rgya mtsho'i snying po ni/__1/__bcu bdun rgyud zhes rgyal mtshan tog ltar mtho/__/gsang ba'i bdag po dga' rab dpa' bo la/__/ston pa rdo rje sems dpa'i thugs mdzod byin/__/de las rim brgyud rdzogs chen sde gsum las/__2/__snying khrag dwangs ma lta bu'i man ngag sde/__/theg kun mthar thug lhun po'i rtse mo bzhin/__/gang der shing rta'i bka' srol rnam gnyis kyi/__/man ngag snyan nas snyan dang thugs brgyud nas/__/deng dus kun mkhyen bla mar bka' bab pa/__/rjes 'jug rnams la thugs brtses gdams pa'i gter/__/tshe 'di nyid la mngon sum grol ba'i chos/__/kun tu bzang po'i gsang mdzod 'di rmad byung /__/theg mchog rgyal po'i rigs can snod ldan la/__/phan par 'gyur snyams spar gyi 'phrul chen 'di/__/'od gsal snying po'i bstan pa'i btsas su bskrun/__/dge 'dis bdag gzhan sku gsum ngang grol shog__/ces pa'ang rnam dkar sgrub pa po 'jam dbyangs chos kyi blo gros pas bris pa dge legs 'phel/__/__!_oM swasti/__rgyal dang de sras thams cad bskyed pa'i yum/__/brjod bya sher phyin rjod byed lung gi chos/__/rgyas 'bring bsdus pa'i don bcud rin po che/__/sdud pa yid bzhin nor bu'i spar gyi 'phrul/__/dge legs bkra shis brgya phrag spos pa'i khar/__/mi mthun g.yul las rnam rgyal rdo rje yis/__/dad dang brtson pas bzhengs pa'i legs byas mthus/__/kun mkhyen go 'phang myur du thob par shog__/ces pa'i spar byang smon tshig 'di yang chos kyi blo gros pas smon pa sid+d+hir b+ha wa tu/__mang+ga laM//___//__!__oM swasti/__'jigs rung sgyu ma khros pa'i gar/__/gtum chen rngams pa'i gad mo can/__/dpal chen khro bo'i rgyal po rnams/__/rten 'dir bzhugs nas 'khor ba sgrol/__/oM su pra tiSh+Tha badz+ra ye swA hA//___//
mdzad bcu thang ka so so'i gtso bo'i smin mtshams oM/__mgrin par AH__thugs kar hU~M/__de'i 'og tu mu ne/__lte bar swA/__gsang bar hA/__de 'og rten snying /__su pra tiSh+Tha dang badz+ra a yu She sogs bri/__de 'og 'dod gsol shwa lo ka re bri ba la/__dga' ldan gnas nas dam pa tog dkar po'i/__/cod pan ma pham mgon po'i dbur bcings nas/__/gzigs pa rnam lngas 'dzam bu'i gling du gshegs/__/don kun grub pas dus gsum shis gyur cig__/sgyu 'phrul lha mo sa zla'i bco lnga la/__/gso sbyong gnas tshe rgyal sras dam pa ni/__/glang chen thal dkar stabs kyis lhums su zhugs/__/bcom ldan shAkya seng ges shis gyur cig__/lum ba'i tshal du thub pa sku bltams shing /__/tshangs sogs 'jig rten mchod 'os rnams kyis btud/__/mtshan dpe'i dpal 'bar bsod nams brgya pa'i sku/__/zas gtsang sras pos byin brlabs snang ba stsol/__/glang chen 'dul dang yi ge rkyal la sogs/__/drug cu rtsa gnyis sgyu rtsal legs sbyang zhing /__/gzhon nu'i rol rtsed mdzad pa rmad byung ba'i/__/rkang gnyis gtso bos phun tshogs dge legs stsol/__/'jig rten tshul dang mthun par 'jug pa yis/__/khab tu srid skyong btsun mo'i 'khor gyis bskor/__/gang 'dul thabs mkhas phrin las pha mtha' yas/__/mi yi seng ges 'dod dgu'i gru char phobs/__/nges 'byung gis bskul rnam dag drung du gshegs/__/mthon mthing dbu skra sngo sangs ral gri yis/__/bregs nas brgya byin gyis phul ngur smrig mdzes/__/mgon po mchog gyur de yis shis gyur cig__/chu bo'i 'gram du dka' thub la brten nas/__/mkha' khyab ting 'dzin che la lo drag gnas/__/legs skyes 'o thug bsnyen bkar bzhes pa yis/__/thub chen gser gyi mdog 'bar der snang shog__/rtswa tshong bkra shis de las rtswa blangs te/__/rdo rje gdan gyi byang chub ljon pa'i drung /__/skyil krung gcig gis byang chub dam bca' brtan/__/bskal bzang rnam 'dren bzhi pas bdag skyongs shig__/bdud kyi yid 'khrugs rgol bar lhag pa dang /__/brtan mas dpang gyur mdzes ma'i bslu brid kyis/__/ma tshug bdud kyi g.yul las rnam par rgyal/__/byams pa'i mtshon 'chang thub pas 'gro 'di srungs/__/sa ga zla ba'i bco lnga'i thun gyi mthar/__/byang chub chen por mngon par rdzogs sangs rgyas/__/ye shes rgya mtsho yon tan 'dzad med bdag__/bcom ldan shAkya'i rgyal pos dge legs stsol/__/zhag gi phung po bdun phrag bdun gyi mthar/__/bkra shis snang ba'i sgo 'phar rab phyes te/__/tshangs dang brgya byin gyis bskul chos 'khor bskor/__/nyi ma'i gnyen gyi gsung gis 'tsho bar shog__/bcu phrag brgyad kyi tha mar dpyid zla yi/__/bco lnga'i nangs par mgon po mya ngan 'das/__/nges pa'i don la rtag brtan chen por bzhugs/__/srid zhi'i 'dren pas byang chub sar 'god shog/___//__!oM swasti/__zla med ston pa rnam 'dren shAkya'i tog__/rtsod ldan lnga brgya'i 'gro ba skyobs pa'i gnyen/__/spangs rtogs yon tan mtha' klas thub dbang che'i/__/snang brnyan legs bris pir gyis bris pa 'dir/__/ye shes sems dpa' mi 'bral rtag bzhugs nas/__/bdag sogs yid can sdug bsngal gyis gzir rnams/__/thub dbang nyi ma'i mgon gyi snang ba yis/__/rtag tu srungs nas legs gsungs bka' yi chos/__/bshad dang sgrub pas yun du 'tsho bar shog/___//__!oM swasti/__zab zhi spros bral 'od gsal snying po'i don/__/ji bzhin gzigs pa dam pa'i mthar thug kyang /__/'dul ba'i slad du drang srong nags kyi tshal/__/zhi ba'i dbyings su snyoms zhugs bstan pa na/__/tshangs dang brgya byin la sogs 'khor tshogs ni/__/mang por 'dus te chos kyi 'khor lo che/__/bskor bar gsol btab bden bzhi'i chos 'khor ni/__/lnga sde'i tshogs la thog mar bka' stsal zhing /__/gdul bya'i khams dbang bsam pa'i rim pa bzhin/__/chos kyi 'khor lo rim pa gsum po yi/__/bkra shis dge mtshan dpal du 'bar ba de'i/__/bkod pa'i snang brnyan dus gsum rgyal gyur cig/___//__!oM swasti/__dpal mo dbyig gi mdzod 'dzin bcom ldan 'das/__/dge legs bye bas brgyan pa'i lha mo che/__/ngal bsos po dang gnod gnas dbang po rnams/__/snang brnyan 'di la brtan par bzhugs su gsol/__/phu chu snyan pa'i sgra sgrogs mi zad gter/__/rlabs phreng chil chil g.yo las 'dod 'jo'i ma?X/__/dpal chen zhes pa rgyal bas mngon par bsngags/__/sngon gyi thugs bskyed dam bca' slar dgongs nas/__/brtan dang g.yo ba'i dwangs ma bcu bzhi po/__/ma 'bad mkha' la chu 'dzin bzhin du 'du/__/log 'tsho dang bral chos mthun 'byor pas phyug__/rang bzhin don kun 'grub pa'i rgyur gyur cig__/ces pa'i zhal byang smon tshig 'di yang 'jam dpal dga' ba'i go chas rtse gcig gsol ba btab bzhin bris pa phun sum tshogs pa'i 'dod rgu la longs spyod pa'i rgyur gyur cig__/dge'o//___//__!__oM swasti/__rgyal kun gsang ba'i mdzod 'dzin rdo rje can/__/'jam dpal dbyangs dang pad dkar 'chang ba yi/__/snang brnyan bzhengs las kun dga' phrin las kyi/__/sdig sgrib byang zhing duHkha'i skye sgo khegs/__/lcang lo can dang bde can zhing khams su/__/brdzus te skyes nas rgyal ba zhal mthong zhing /__/gtsang ma'i gnas su dal gyis 'byor thob nas/__/tshe chos bsod nams dpal gyis phyug par shog__/ces zhal byang smon tshig 'di yang 'jam dbyangs chos kyi blo gros pas gsol ba btab pa dmigs yul de'i sdig sgrib byang nas mi khom pa'i gnas las bral zhing dge ba'i chos kyis phyug pa'i lus rten gtsang ma thob pa'i rgyur gyur cig/___//__
oM swAsti/__rgyal ba'i yon tan gcig bsdus pa/__/gu ru pad+ma dzam b+ha la/__/dbang mdzad sbas pa'i lha mor bcas/__/thugs rje'i byin rlabs snang ba stsol/__/ces dge bar byas te/__grwa mngon dzaM dmar gyi sgo nas sgrub pa'i thod pa dum bu gsum pa mtshan nyid ldan par khrus dang /__dri bzang dang /__g.yang rdzas kyis phyugs par rgya bod kyi sa sna chu sna/__rta phyug mang po'i spu sna/__rgya dkar nag gi 'bru yi bang mdzod kyi nas/__/mkhyen kong sogs kyi phyag sdud g.yang rdzas/__rin chen ril bu/__dpal spungs sku zhabs rin po che'i phyag sdud dzam dmar kyi rdzas dang /__rin chen sna tshogs/__bzang sman/__zas sna/__tsan+dan dmar por bris pa'i sku dang /__srog 'khor lnga tshan lnga yi rdzas/__rten snying gi me tog sogs kyis phyur bur gtams te sbyongs khrus sngon 'gro'i ngos nas nyin mang por sgrub pa rten bzhugs shis brjod smon lam bcas byas pa 'dis kyang mchog gzigs rin po che'i zhabs pad brtan cing dpal 'byor 'dod rgu'i sprin las nor bu'i gru char 'jo bas rgyal bstan spyi dang /__rgyal ba 'jam dpal snying po'i bstan pa der 'dzin sbyin bdag dang bcas pa dar shing rgyas pa'i rgyur gyur cig__/rab 'byams bla ma nor lha rgya mtsho yi/__/byin brlabs phywa g.yang nor bu'i sprin chen gyis/__/gru char bsnyil bas bstan 'gro'i rgud pa zhi/__/nam mkha' mdzod kyi gter la dbang 'byor shog__/ces pa'ang mkhyen brtse'i sprul ming 'dzin pa chos kyi blo gros pas dkar chag mdor bsdus su phul ba dge legs 'phel/__/sarba mang+ga laM//___//
na mo gu ru/__rtsa gsum mchog gsum srungs mar bcas rnams dang /__/khyad par o?X rgyana?X rdo rje gro lod kyi/__/thugs rje bden pa chen pos byin brlabs kyis/__/gnas 'di bkra shis rtag tu rgyas par mdzod/__/the?Xg mchoga?X snying po'i bstan pa yun du gnas/__/ngesa?X gsa?Xng rdo rje rtse mo'i rgyal mtshan bsgrengs/__/thuba?X bstana?X bshad dang sgrub pas 'phela?X rgyasa?X glinga?X /__/phyogs dus kun tu dar shing rgyas par shog__/de yi mthu las snod bcud rgud pa zhi/__/yul khams kun tu bde zhing skyid pa dang /__/skye 'gro thams cad byams pa'i sems dang ldan/__/dge bcu'i dpal yon rtag brtan yun gnas shog__/ces stag mo dgon gsar gyi gtsug lag khang la o rgyan theg mchog nges gsang thub bstan 'phel rgyas gling zhes pa'i mtshan 'dogs dang 'brel ba 'di'ang /__dgon 'di'i gzhi 'ding ba'i lhag bsam byed po dngul ra bla ma blo gros nas bskul ngor mkhyen brtse'i sprul ming 'dzin pa 'jam dbyangs chos kyi blo gros pas smon tshig tu bris pa dge zhing bkra shis par gyur cig/___//__
@#/__/ma 'ongs lung bstan gsal byed sgron me zhes bya ba bzhugs so/__/
dkon mchog gsum la phyag 'tshal lo/__/bcom ldan 'das kyis dus ngan bskal pa 'byung ba'i dus/__de la phan pa'i yi ge 'di gsungs pa ni/__chos 'di zhes bya ba'i lam dang 'dra'o/__/de ci yi phyir zhe na/__lam 'di la skye 'gro sems can thams cad dang 'dra'o/__/de'i phyir chos 'di ni lam dang 'dra zhes bya'o/__/bcom ldan 'das byang chub shing drung na bzhugs dus/__'dzam bu gling gi skye 'gro sems can thams cad la gzigs nas/__lnga brgya dus kyi tha ma la/__dus ngan bskal pa 'byung ba'i dus/__skye 'gro kun gyi bya ba rtog pa ni/__rnam par dag pa bcu'i sgo nas yi ge 'di dang 'phrad pa'i mi rnams bsod nams che'o/__/chos 'di dang ma 'phrad pa'i mi rnams ni bsod nams chung ba dang /__nyon mongs pa'i sdug bsngal shin tu che'o/__/sa steng gi mi rnams ni mtshon cha'i 'og tu gtubs pa 'dra bar snang /__de nas tshe dang ldan pa kun dga' bos bcom ldan 'das la zhus pa/__bcom ldan 'das khyed kyis mi rnams snying re rje dgongs pa'i don du sdug bsngal 'di las thar bar mdzad du gsol zhes zhus pa dang /__bcom ldan 'das kyis tshe dang ldan pa kun dga' bo la bka' stsal pa/__ngas khyed la bshad do/__/nga nam mkha'i dbyings na bzhugs pa yin/__'dzam bu gling gi skye 'gro rnams la ngas gzigs par dgongs pa yin/__khyed rnams nga yi bka' la nyon/__chos kyi yi ge 'di dus ngan bskal pa 'byung ba'i dus su phan pa'i chos yin no/__/'di bris pa dang 'don pa dang thugs rje chen po'i bsgoms bzlas byas na myur du sdig sgrib byang bar 'gyur ro/__/chos kyi yi ge 'di la spos dang me tog gis legs par mchod na sems can kun kyang bde ba la 'god/__yi ge 'di bri 'don byas na tshe rabs thams cad du skye ba bzang po thob/__de nas shing de'i rtsa bar mtsho chen po zhig yod do/__/de'i 'gram du thugs rje chen po'i sprul pa bzhugs pas skye 'gro sems can thams cad snying re rje thugs rjes dgongs par mdzad nas spyan chab drag tu byung ngo /__/de nas bcom ldan 'das kyis bka' stsal pa/__thugs rje chen po khyed legs par nyon dang spyan chab 'chor mi dgos gsungs 'di la legs par nyon dang lo gsar stag gi zla ba'i nang du mi'i yul du byon par dgongs pa yin/__de'i dus su bskal pa ngan pa'i sems can thams cad 'khor ba sdug bsngal gyi rgya mtsho las sgrol/__sdig pa thams cad spong ba yin/__dmyal bar ltung ba'i sems can thams cad kyang ngas 'dren pa yin/__de'i dus su chos kyi yi ge 'di dar ba yin no/__/yi ge 'di bri 'don byas na nad thams cad chad/__mi gcig gis bris na grong khyer gcig la phan/__grong khyer gcig gis bris na rgyal khams kun la phan/__mi rnams bsod nams 'phel ba dang rkyen ngan bar chad bzlog pa dang dmyal ba'i sdug bsngal las thar bar 'gyur ro/__/tshe 'di dang phyi ma gnyis ka la phan/__'gro ba rigs drug gi sems can thams cad la mkho ba'i lam yin no/__/dper na mtsho dang chu la gru gzings 'gro ba lta bu yin/__yi ge 'di la dad pa dang mos gus rnam par dag pa gal che'o/__/byams pa mi yul du ma byon bar du phan pa'i yi ge rgya chen 'di yin no/__/chos 'di bris zhing gzhan la spel na tshe gcig lus gcig la bsod nams dpag tu med pa 'phel lo/__/'khor ba khrag gi rgya mtsho skems par 'gyur ro/__/sems rnam par ma dag pa bcu'i sgo nas dang po nyon mongs pa'i dbang du 'gyur/__sems can thams cad snying re rje/__'di'i rgyab tu gnyis pa mi'i yul du khrag gis lung pa gang /__gsum pa lo tog so nam byas pa rang gi spyod dbang med/__bzhi pa mi rnams sdug bsngal shin tu mang /__lnga pa lam la 'gro ba'i mi mi mthong /__drug pa gcan gzan sna tshogs kyis grong khyer bkang bar 'gyur/__bdun pa rgyal khams dang khang pa rnams stong par 'gyur/__brgyad pa gcan gzan gar 'ong cha med du 'gro ba mthong /__dgu pa mi re re tsam yod kyang 'dug mi phod/__bcu pa yi dwags gdon gyi grong khyer nyul ba snang /__rnam par ma dag pa bcu'i sgo nas de 'dra 'byung ngo /__/gcig gis gcig la ma gus pa dang rang bstod gzhan smad byed par snang /__mi'i nang rigs bzhi yod do/__/rgyal rigs dang rje rigs dmangs rigs bram ze'i rigs te/__de dag kun kyang yi ge 'di la dad pa dang mos gus byas na dus bskal pa bzang po 'ong /__bcom ldan 'das kyi bka' stsal pa/__yi ge 'di la dad log byas na gcig gis gcig khrid nas dmyal ba mnar med du ltung /__chos kyang mi thos ngu 'bod kyis gnam sa gang /__tshe 'di la yang nad rims bskal pa 'ong /__chos kyi yi ge 'di thos ma thag tu 'bri 'don byas na nad rims dang mu ge kun zhi bar 'gyur/__skye ba bzang po thob par 'gyur ro/__/gzhan yang 'jig rten na sdug bsngal bdun yod/__dmyal ba tsha grang gi sdug bsngal dang gcig__/yi dwags bkres skom gyi sdug bsngal dang gnyis/__dud 'gro blun rmongs kyi=__mi la skye rga na 'chi dang mi khom pa dang dbul 'phong lta ba log 'dzin gyi sdug bsngal=__lha ma yin 'thab rtsod gyi=__lha 'chi 'pho ltung gyi=__srid pa bar do'i sdug bsngal dang bdun yod do/__/de rnams la phan pa'i yi ge 'di la dad pa byas na bsam pa thams cad 'grub cing nad rims thams cad chad par 'gyur/__sngon gyi bskal pa bzang po dang ldan par 'gyur ro/__/de ci'i phyir zhe na/__me pho rta'i lor nam mkha'i dbyings nas rdo bong ba tsam zhig babs nas mtsho chen po gcig gi 'gram du phog__/gnam rdo de gas pas yi ge 'di byon/__chos kyi yi ge 'di sba gsang med par gcig gis gcig la ston pa gal che'o/__/'di gcig dang gnyis kyi don ma yin/__'gro ba sems can thams cad kyi don du bkod pa yin/__'khor ba'i sdug bsngal thams cad zad par shog__/ma 'ongs lnga brgya dus kyi tha ma la/__/sangs rgyas bstan pa mar 'grib dus/__/dge slong tshul khrims nyams pa'i dus/__/bsam ngan yid la dran pa'i dus/__/mna' sdig kha zas za ba'i dus/__/mi dge bcu la spyod pa'i dus/__/sngags pas ngan sngags 'don pa'i dus/__/dug lnga khog du bcug pa'i dus/__/lus ngag log par spyod pa'i dus/__/chos ston mar mar 'gro ba'i dus/__/bya spu ri la skyes pa'i dus/__/shing lcags snod la bcug pa'i dus/__/skye bos las ngan byed pa'i dus/__/las ngan nyes rkyen de rnams kyis/__/'jigs pa'i dus ngan nges par 'ong /__/dus ngan rkyen bzlog yi ge 'di/__/mthong ba tsam gyis bri 'don bya/__/dus ngan bzlog par the tshom med/__/i bden mi bden ltos dang chog__/bden par smra zhing brjod par bgyi/__/mi bden zer ba'i mi rnams kun/__/skra yi rtse mo man chod dang /__/rkang pa'i mthi'u chung yan chod la/__/kha rtags nad kyis theb par 'ong /__/bcom ldan 'das kyis de skad ces bka' stsal pa dang /__thugs rje chen po dang /__byams pa dang /__kun dga' bo dang /__mi dang /__lha ma yin dang dri zar bcas pa'i 'jig rten yi rangs te bcom ldan 'das kyi gsungs pa la mngon par bstod do/__/de nas bcom ldan 'das kyis mtshan dang dpe byad kyis legs par brgyan pa'i phyag g.yas pa sa la brdab ste/__nag po bdud rigs 'khor dang bcas pa 'joms par byas so/__/bdag dga' ba dang yid bde ba bsam gyis mi khyab pa thob pa dang /__nad dang bdud thams cad rab tu zhi bas 'dul bar byed pa'i shes rab kyi pha rol tu phyin pa 'di la bslab par bya'o/__/de nas sangs rgyas bcom ldan 'das gang gi ting nge 'dzin la bzhugs nas gsungs rab mdo sde thams cad nas bsdus pa'i yi ge 'di gsungs/__yang kun dga' bos bcom ldan 'das la zhus pa/__bcom ldan 'das khyed chos gsungs pa 'di don 'khor ba'i rkyen ngan bar chad bzlog__/sa pho sprel gyi lo la nad yams ni 'ong /__de la phan pa'i rim gro zab mo gal che'o/__/sems can rnams kyi 'di 'dra mi bden bsam nas yi ge 'di la ma dad pa dang btang snyoms su lus nas dar ma thub na nag po bdud rigs rnams dga' bar 'gyur ro/__/yi ge 'di bris pa dang dad pa byas na shin tu bde ba 'ong /__chos kyi yi ge 'di yis phan par 'gyur ro/__/bcom ldan 'das kyis legs so legs so shin tu legs so/__sngon nas kun tu ston par bgyi/__/dge ba phun sum legs par 'gyur/__/bsod nams yon tan kun tu rgyas/__/rdzogs pa'i sangs rgyas kun gyis gsungs/__/dga' bo nyer dga' khyed rnams kyis/__/'gro la phan don 'di brtson dang /__/ma 'ongs dus kyi tha ma la/__/'di yi yon tan bsam mi khyab/__/'di la dad pa sus byas na/__/'dod pa thams cad 'grub par 'gyur/__/rkyen ngan bar chad bzlog par 'gyur/__/sangs rgyas bstan la dad pa'i mi/__/spos dang me tog mchod par bgyi/__/de nas byams pa mgon pos nam mkha'i dbyings nas gzigs pas/__mi rnams kyi mig nas khrag gi 'chi ma byung ba mthong nas/__bcom ldan 'das kyi drung du phyin nas zhus pa/__bcom ldan 'das ma 'ongs pa la tshig nyung la don 'dus pa byin rlabs che ba'i chos gnang bar mdzad du gsol/__/bcom ldan 'das kyis bka' stsal pa/__byams pa legs so/__/khyed kyis nga yi bka' la nyon/__/tshangs pa dang ni brgya byin sogs/__/sems can don du bskos pa yin/__/skye 'gro kun la phan pa'i phyir/__/nga yi tshig don 'di dag gsungs/__/'di la gus shing brtson par gyis/__/dge ba phun sum tshogs pa yin/__de nas me pho rta yi lo ston zla ra ba dang /__sa pho sprel lo la yi ge 'di la dad pa med pa'i mi sdig can rnams 'chi bar 'gyur ro/__/yi ge 'di bri 'don byas na mi rnams tshe ring ba dang /__nad med pa dang bsod nams che bar 'gyur ro/__/dus ngan gnod byed kun kyang grong khyer la nyul ba 'ong /__mi'i mi mthong bar gang yod cha med du 'gro zhing gab/__de'i dus su chos kyi yi ge 'di yi byin rlabs kyis 'dre gdon gnod byed thams cad kyang 'dar cing bros par 'gyur ro/__/yi ge 'di rgyal khams kun la spel ba gal che/__mi bden bsam nas the tshom ma byed/__sangs rgyas rig pa dang zhabs su ldan pa bde bar gshegs pa/__'jig rten mkhyen pa/__skyes bu 'dul ba'i kha lo sgyur ba/__bla na med pa lha dang mi rnams kyi ston pa sangs rgyas bcom ldan 'das de'i gsungs pa'i chos 'di la ma dad pa rnams ni/__me rta'i lo la sa 'gul chen po ni 'byung /__de'i dus su dus ngan shar nas me mo lug gi lo la 'gril nas 'chi/__la la ni 'gro lam du 'chi/__la la ni dran pa nyams nas 'chi/__sa pho sprel gyi lo la chu'i 'jigs pa 'ong /__dbyar la mu ge'i nad kyis 'chi/__de'i dus su gdon rigs kyis rgyal khams gang /__chos 'di 'bri 'don byas na gdon bgegs thams cad kyis mi tshugs so/__/sa mo bya'i lor gzhan la gnod pa mi byed/__sha khrag mi za sdom pa bsrung ba gal che/__lcags pho khyi'i lo la stag gzig dom dred 'phar spyang sogs gcan gzan gyis rgyal khams dang grong khyer thams cad gang nas de'i dus su mi rnams grol ba'i thabs chos 'di 'bri 'don byed pa gal che/__lcags mo lug gi lo la 'gro ba sems can thams cad shog skya rlung gis skyod pa ltar 'dug pa'i rang dbang med par 'ong /__mtsho chen po 'phyur ba dang 'dra'o/__/de'i dus su yi ge 'di la mi dad pa'i mi rnams 'chi/__de nas bcom ldan 'das kyis thugs rje chen po la bka' stsal pa/__byi ba'i lo la nam mkha'i dbyings nas chos kyi sgra snyan pa zhig 'ong /__nyi zla'i 'od bzhin du sangs rgyas kyi byin rlabs nus mthus phyogs bzhi mtshams brgyad kun la gsal ba'i yi ge 'di 'bri 'don byas na/__byams pa ma byon bar du phan pa'i yi ge 'di yin no/__/'di 'bri 'don byas na/__/bsod nams ri bo lta bu thob/__/ri bo po tA la yi pho brang na/__/sangs rgyas gsung gi sprul pa bzhugs/__/byang chub sems dpa'i 'khor gyis bskor/__/steng 'og phyogs bcu ma lus pa'i/__/skye 'gro sems can bde la bkod/__/yang thugs rje chen pos mi rnams thams cad snying re rje dgongs nas 'gro ba sems can gyi don du spel ba yin/__mi bden bsam nas the tshom byas na/__dbyar zla ra ba dang 'bring po gnyis la nad rims dar nas 'ong /__snga dro na nas dgong mo 'chi/__de'i dus su dus ngan gyi bskal pa dar nas rtsi shing nags tshal thams cad kyang rked pa nas chad/__brag ri thams cad rtsa ba nas zhig__/sa gzhi thams cad 'dar nas 'dug bzod med/__mi bcu yi nang nas gcig las mi lus/__'di mi bden ma bsam bcom ldan 'das kyi bka' yin/__sems can thams cad snying re rje/__de nas me mo lug gi lo dang sa pho sprel lo la lnga brgya'i dus ngan 'char ba yin/__phyogs bzhi mtshams brgyad kun nas 'khrugs pa 'ong /__mi rnams 'khrugs rtsod nang rme byed nas zad/__dus ngan dag las thar pa'i chos 'di ni/__mthong ba tsam gyis 'bri 'don de ltar byas na 'khrugs pa 'jom/__shin tu bde ba thob/__dge ba dpag med 'byung zhing 'jigs skrag kun las thar/__chos kyi yi ge 'di gcig dang gnyis kyi don ma yin/__'gro ba sems can thams cad kyi don du mdzad pa yin/__chos kyi yi ge 'di rgyal khams phyogs kun du dar na mi rnams la bde skyid bzang po 'ong /__dge ba phun sum tshogs pa yis/__/sems can sdug bsngal med par mdzod/__zla ba lnga drug la yi ge 'di rjes su dran nas brtson par ma gyur na nad rims kyi bskal pa 'ong /__la la ni tsha ba na nas 'chi/__la la ni grang ba na ste 'chi/__la la smyo nas 'chi/__la la ni lkog ma na nas 'chi/__la la snying na nas 'chi/__la la rgyu gzer nad kyis 'chi/__la la ni mchin pa na nas 'chi ba sogs 'ong /__nad gdon 'di rnams la phan pa'i bsrung ba'i yi ge 'di rigs kyi bu dang bu mo gang la la zhig gi lus la 'chang na lha'i gdon dang /__klu'i gdon dang /__'byung po'i gdon dang nad rims de dag thams cad las thar bar srung ba'i sngags/__e ma ho/__phan no phan no swA hA/__pho'i g.yas dang mo'i g.yon du btags so/__de ltar byas na nad rims thams cad las thar/__skye ba bzang po thob par 'gyur/__'di 'bri 'don dang dad pa byas na 'khor ba sdug bsngal khrag gi rgya mtsho las thar bar the tshom med do/__/'jig rten khams kyi mi rnams snying re rje/__mi rnams dus min 'chi ba'i nad thams cad rab tu zhi bar gyur cig__/sngon gyi bskal pa bzang po dang ldan par gyur cig__/bsod nams dpag tu med pa thob par gyur cig__/chos kyi yi ge 'di la ma dad pa'i 'gro ba rnams ni thar pa'i dus med/__grong khyer la yang gdon rigs kyis gang ba 'ong /__de dus mi rnams ngu 'bod kyis gnam sa gang /__'bru bcud yod kyang za dbang med/__/mi grangs mang pos bdud zas byed/__/de nas thugs rje chen po 'phags pa spyan ras gzigs dbang phyug gis sems can gyi rgyud la snying rje skye ba'i don du yan lag 'di gsungs so/__bcom ldan 'das khyed kyis yi ge 'di nyid byin gyis brlabs du gsol/__dbang du bsdu ba'i rab gnas mdzad du gsol/__yang bcom ldan 'das kyi bka' stsal pa/__yi ge 'di la mos gus dang dad pa bsnyen bkur byas na/__dus ngan thams cad zad do/__/sa yi steng gi mi rnams kun/__dus ngan nad mug mtshon 'khrugs mi bde ba thams cad las thar nas bsod nams dpag tu med par thob/__bskal pa bzang po dang ldan par gyur cig__/ces smon lam btab pa bzhin du dge ba'i phyir/__khyad par du rta zla dang yos zla gnyis la 'don na phan pa'i yon tan bsam gyis mi khyab pa yod de/__yi ge 'di 'bri 'don byas na mi rnams tshe ring ba dang /__nad med pa dang /__bde skyid dang ldan par gyur cig__/'di cha gcig bris na bskal pa ngan pa'i gnod byed thams cad rang sar zhi'o/__/'di sngon byung 'brug lo la gcig dar/__'jig rten khams su dar ma thub par snang /__dus ngan shar stobs de las byung /__de'i rjes su me pho rta'i lo la chos kyi yi ge 'di spel ba yin/__chos kyi yi ge 'di dus ngan bzlog pa'i thabs yin/__rgyal khams kun la dar ma thub na/__lo tog btsa' sad ser gsum gyis khyer nas mu ge 'ong ba dang /__nad ngos mi zin pa'i rims nad 'ong nas sdug bsngal zhing yid mi bde ba 'ong /__'di bri 'don byas na sdug bsngal kun las thar bar the tshom med do/__/rgyal ba byams pa mgon po 'jig rten khams su ma byon gyi bar du 'gro ba'i skyabs byed pa'i chos kyi yi ge 'di yin te/__de la dad pa dang mos gus byas na sdig sgrib dang bag chags thams cad byang zhing dag par gyur cig__/lo 'bras rtag tu legs par gyur cig__/dge ba phun sum tshogs par gyur cig__/nor bu'i dgos 'dod 'byung bar gyur cig__/'di bzhugs rgyal khams thams cad bkra shis par gyur cig__/sa phyogs su byin chags par gyur cig__/rgyal khams nad mug 'khrugs rtsod nyer zhi nas/__/lo legs char 'bebs ci bsam lhun 'grub shog__/rgyal ba'i zhing khams dpal 'byor rab rgyas nas/__/chos 'khor bskor zhing rtag tu brtan gyur cig__/bcom ldan 'das kyis de skad ces bka' stsal nas/__/thugs rje chen po dang byams pa dang kun dga' bo dang /__lha dang mi dang lha ma yin dang dri zar bcas pa'i 'jig rten yi rangs te bcom ldan 'das kyi gsungs pa la mngon par bstod do/__/ma 'ongs lung bstan gsal byed sgron me zhes bya ba rdzogs so//___//__!__mnyam med rdzogs pa'i sangs rgyas kyis/__/gsungs pa'i ma 'ongs lung bstan 'di/__/dad ldan rnams kyi 'chang byed du/__/par bskrun zhus pa rnam dkar gyi/__/dge bas snyigs dus rgud pa sel/__/rdzogs ldan bskal pa'i dbug dbyung thob/__/bde skyid nam mkha'i nor bu shar/__/gtan bzang bla med myur thob shog__/ces mkhyen sprul pas smon pa dge legs 'phel//___//swasti/__dus gsum gzigs pa ston pa mchog de yis/__/'byung 'gyur lung bstan gsal bar gsungs pa rnams/__/rdo rje 'chang dngos chosa?~X kyi?X blo?X grosa?~X kyis/__/snyigs dus 'gro la brtse bas phyogs bsdus mdzad/__/bstan 'gror lhag bsam gcig tu dkar ba yi/__/dad cing gus pas 'di sgrub 'gro ba kun/__/gnas skabs 'jigs chen bcu las rab grol nas/__/mthar thug rnam mkhyen go 'phang myur thob shog__/mang+ga laM//___//
@#/__/skyabs rje mkhyen brtse rin po ches gsar bzhag gnang ba'i rten gsum mchod cha yo byad rten rtsa dngul dang zhing bcas gtan bzhag gnang ba'i ma deb mgo brjod bzhugs/__
gshams gsal 7skyabs rje mkhyen brtse rin po ches gsar bzhag gnang ba'i rten gsum mchod cha yo byad rten rtsa dngul dang zhing bcas la las sne tshang mas bdag tshag gces spras kyis 'thor brlags chag grum skyon byung kyi?~X bzhag rigs dang /__rten rtsa chag nyams sus kyang mi chog pas de don nges par gyis/__
me byi zla 11tshes 25la lhun grub steng nas/__
[!,,6B < LA j = > RA ! k +: &N ! : ?) P @ 3 < > Q @A, ,S $R X) TF]/[ ?) ; 2 ; 2) ?) 0 KJ @A 6B @) 3 < EA +,,]
@#/__/dzirab+d+hirbalashak+tikar+m+matuHcaikaHsaMgrahamArashatruhi/__/b+hAgot+taMpr-i/__saMyubang+gabaMsaMpad+hehidzihaMmarANitu/__/
@#/__/rgyal ba rgya mtsho'i mthu stobs phrin las rnams/__gcig bsdus bcom ldan bdud kyi dgra chen po/__bla ma dpal chen rdo rje gzhon nu yis/__bdud las rnam par rgyal ba'i shis pa stsol/__
@#/__/na mo gu ru badz+ra ku mA ra ya/__bde stong rdo rje nam mkha'i sku can brtan g.yo kun khyab mi 'gyur srog__/de gang rang bzhin 'bar ba'i phyag rgya sems dpa' rdo rje 'dzin rgyal ni/__/snying rjes rab khros gar dgu'i nyams ldan sa gsum kun na gar mdzad pa/__/bdud kyi sde 'dul bgegs rnams skrag mdzad bla ma dpal chen rdo rje gzhon nu rgyal/__/o D+y-I na'i grub rigs rgya mtsho yi/__/ded dpon gtsug gi nor bu pad+ma 'byung /__/grub thob bye bas zhabs brten pad+mo la/__/gus btud rgyal dbang pad+ma las grol mchod/__/rdo rje'i rigs 'dzin rdo rje'i sku brnyes shing /__/rdo rje gzhon nu'i rdo rje'i gseng lam las/__rdo rje'i grub brnyes rdo rje gsum mchog dang /__dbyer med brgyud gsum bla ma'i tshogs la 'dud/__sa gsum 'di na mtshungs zla kun bral gling bzhi'i dbus na lhun po ltar/__/rgyal bstan yongs rdzogs bshad dang sgrub pas gangs ljongs chos kyi phung por bskrun/__/mu stegs glang po'i klad pa 'gem mdzad phyogs las rnam rgyal sa skya pa/__/snyan pa'i ba dan 'jig rten gsum grags skyob pa mchog des bdag skyongs shig__/ces dge legs su bya ba'i tshig gis me tog gi mdun bsus nas/__'dir kun mkhyen rgyal ba shAkya seng ge'i bstan pa rin po che dar shing rgyas pa dang /__khyad par du 'jam pa'i dbyangs dpal ldan sa skya pa chen po'i mdo sngags kyi bstan pa yun du gnas pa dang /__'khon gdung rin po che khyad par 'phags pa chad med du byon cing /__da ltar bzhugs pa rnams zhabs pad brtan cing /__'khor lo gsum gyi mdzad phrin phyogs brgyar 'phel ba dang /__bstan pa'i sbyin bdag chen po rnams dbu 'phang mtho zhing /__khyad par sde dge lha rigs chos rgyal chen po'i chab srid kyis rtsa lag brlings shing phan bde'i snang ba rgyas pa dang /__de rnams la 'khu ba'i nag phyogs kyi bdud dang dam sri rgyal 'gong kla klo'i bar du gcod pa rnams gzhom par bya ba'i phyir khro rgyal stobs 'dus lha mchog rdo rje gzhon nu'i sgrub mchod o rgyan gyi slob dpon chen pos 'khon ston klu dbang srung ba la gnang ba nas/__deng sang gi bar lhag pa'i lha mchog 'di la brten nas sngags 'chang grub brnyes rig 'dzin rtsal 'chang mthu stobs nus pa'i dbang phyug bar ma chad du byon pa'i 'khon sa skya pa'i yab chos thugs dam phur pa'i sgrub mchod chen po gangs can bstan pa yongs rdzogs kyi mnga' bdag bka' bab bdun ldan pad+ma 'od gsal mdo sngags gling pa'i 'jam dbyangs mkhyen brtse'i dbang po'i zab dgongs rdzogs phyir/__de nyid kyi phrin las la dbang 'byor du ming gi dbang bskur thob pa 'jam dbyangs chos kyi blo gros pas/__rab byung bcu drug pa'i gnam lo thog mar tshes pa'i me yos lor bla brang bkra shis 'chi med grub pa'i dga' tshal du ras bris sgrub mchod byas shing sa 'brug lor 'du khang chen por spros bcas rdul tshon la brtan pa'i/__sgrub mchod rgyas spros nyin bcu gnyis 'dzugs pa'i sgrub chas dang /__gar 'cham bcas kyi tho dang gteng debs rten rtsa/__de'i skyed 'gres kyi bgyid sgo ji ltar dgos tshul bcas kyi deb gsal bar bkod pa la/__rnga rol sil/__dung rgyag__/'cham chas skor phur sgrub 'tshogs ring la rang rang la rtsis sprod pa ltar/__lag tshags gces spras kyi bor brlag chag grum skyon shor rnams gsar bzo/__tshabs 'dzugs snga ma do nges btsugs pa las/__spus zhan byas lo mi chog pa/__bla chos grwa spyi gsum dang mchod dpon gnyis bcas nas 'gan hril len tshags su tshud nges dgos pa bcas/__thog mar/__zhal thang la/__kye rdor/__bde mchog__/gsang 'dus mi bskyod pa/__dpal dus kyi 'khor lo/__'jigs byed lha bcu gsum ma bcas/__rgyud sde'i thang sku che lnga/__mkha' spyod zhing bkod bcas drug la/__gtso thang lcim khab sngon po shin tu rgyu bzang /__gzhan rnams jus ljang gu ni gong sham/__ling ser zhal kheb/__dril tog rag gser/__'dog lung dngul las byas pa/__thang sgam shan lcag gser las byas pa spus ldan/__mgon thang gnyis gzab sgres/__lcags gser bkra ma'i bsgril tog__/rgyal chen bzhi'i zhal thang la/__bzang gos gong gsham/__rag gi bsgril tog__/hu tshus zhal kheb can/__'jam dbyangs mi gzugs su byon pa sa skya pa skyabs mgon 7gong ma khri 'dzin drag shul rin po ches rtsal ba'i bla ma dam pa bsod nams rgyal mtshan gyi sgrub phur sher shing las grub pa brkos ma sgros ldan la shu tshang sna lnga kha tshar can gyi na bza' bcas dam ldan khyad 'phags byin che gcig__/gong ma'i mnab 'bag byin ldan sgros legs la shing brkos nor bu'i rtse bran/__bzang gos sna lnga'i rtse bran can/__na bza' shu tshang sngon po dang /__a she/__sgril tshar zangs gser las gsar bzhengs rdo rje gzhon nu'i sku phyag mtshan me ri bcas cha tshang khru gang pa/__phur pa tsan+dan dmar po la brkos pa'i gtso phur lcags gser bkra ma'i gshog pa can che phur gdan shing mtshon can/__skyon med dang /__tsan dmar las brkos pa'i phur pa khro bo bcu/__za gsod nyi shu/__sgo ma bzhi bcas/__rang rang phyag mtshan/__lcags gser bkra ma'i gshog pa can phur gdan rdo mnyan brkos ma/__seng ldeng las brkos pa'i dbang phyug nyer brgyad dang dam can bcu gnyis bcas kyi gdab phur/__rgya mdud can rdo mnyan phur gdan bcas/__sras mchog rigs lnga'i phur pa lnga la/__shus tshang kha dog lnga/__gos sna lnga re'i cod paN/__yungs kar thum bcas rtags 'byar/__lcags gser bkra ma'i phur gdan gcig__/dngul bum rag gser kha mchu can shin tu sgros ldan cha gcig shub 'byar sgro shub de mtshungs cha la re re g.yu byer phra gnyis re/__tsan+dan chu 'dzin/__bzang gos gser ma spras pa'i phyi nang gsum re nang sha bzang gos can bum gos gnyis bum gdan thor rnam pad+ma 'dab brgyad/__bum sgro che legs/__gzung thag dngul gyi rdo rje dang /__bye ru chung drug cu re lnga nang phye?~X 'dra chung gcig yod g.yu ril che chung gnyis/__gzi stag so can gcig__/mu man gcig__/spel shel gcig__/byer zhib do shal drug gi dzar ldan/__dung chos lcug ra bcas kyi snod 'byar ma/__bum lcog bzang gos sho khrig mar nying khrus dmar smug mtha' shan 'ja' can kha gsar la sgril tshar ldan pa/__dngul gyi gtor 'gu che legs la mchu shub gser gan brdung g.yu drug dkar phra yod pa/__dngul thebs bdun bcas shub 'byar/__nyi phyis dung yor bzhi nang gsum la gas skyon phran bu re/__zangs kyi bum pa dngul gyi 'bu ris can shub 'byar cha gcigabum pa dngul gyi kha mchu dang zhabs stegs can cha gcigabazang gos lhan grub can gyi drag mchod 'di rnams btsud sa sgam chung gcig__/shar drug__/rtags brgyad chung ba gcig__/sna bdun dpe 'bring cha gcig__/mda' drwa tshon skud gru/__mda' bcu la mda' dar ling kha bab dam 'byar bcu/__rag gser gyi me long chung bcu/__ras sngo khra 'di la sprus kyi skyon bcu gnyis tsam 'dug__/rgyud bzang btegs kheb gcig__/ras khra bsgrigs kyi stegs kheb kha bab la bug skyon yod pa/__rol mo phur sgrub skabs su rgyun brdung nyi zer 'gag ma spus ldan khyad nam can cha gcig__/bar tshang /__rgya nag chu 'khor ma sbub chal che gcig__/bar tshang /__'cham rol rgya sbug che shin tu rgyu bzang spus ldan/__bar tshang bzang gos/__zar bab gdong bsgril can/__phyi bsgril rtsi khrus dang /__o ro su yi ras dmar smug__/brub 'cham la mkho bo'i lcags thog gser dngul bkra ma'i gdab phur gsum/__dngul gar blug sman rag cha gcig gdan kheb rag gser la/__tog brtsab bye ru re re bcas spus ldan/__dngul gyi sbren thur cha gcig g.yu byer phra ldan/__rnam lnga chas dngul gyi ting phor che bzhi la/__zangs gser gyi stegs bzhi/__bzang gos gor bu bzhi/__zangs gser spos phor/__spos dbyug dkris can/__zangs gser me bum gcig__/dngul gyi mtshan thub gcig__/bu sprug nas bzhag pa'i dngul ting che legs bdun cha/__phug gtor dang sa lha gter mar 'dzugs rgyu mda' drug__/gtor gdugs hu tshus/__dkar ser po shar gnyis/__ljang ling sngon bcas shar lnga dam 'byar/__hu tshus dmar kha phyed do la phyag dam med/__tshogs chang snod thod pa dngul shan can/__dngul phyi phud khag byer phra gnyis ldan/__gur yungs thun rdzas snod lcags gser brab spar lhu gsum pa spus ldan/__'jam mgon ngag dbang legs grub kyi phyag Dar ba so'i DA ma ru/__dbyibs dngul dkris can bye phra gsum/__g.yu phra drug__/gos can Dar phan dzar ldan pa/__gzi nar stag so gcig__/bye ru dkrug ma gcig la gas skyon gnyis dngul gyi spyi blugs mchu la g.yu phra byer gas mda' yod phra gnyis yod pa gcigabasgral chas lcags gser bkra ma'i tho ba gru gsum yu ba can/__chu gri yu ba chung srin rdo rje lcags brkos/__spyi chung nas gsar bzhag gser skyems snod dngul lder 'degs srang bco lnga yod pa gcig__/tsha gser bya bum phud phor sde ru/__phud khab bye phra spus ldan zangs gser can gcig__/sman rag snod rag gi thod pa chung ngu kheb med brgyad cu/__dkyil 'khor yol gos chen ser po spos rgya ris zhing dgu yod pa/__'ja' gnyis/__gong ba hu tshus dmar po'i phur ma a lung nang sha bcas cha 'dzoms spus ldan shar gnyis bzang gos bkra ma'i rgyal mtshan bzhi la mgo phor shing gor bzhi/__'phan shar bzhi/__dkyil 'khor steng bzang gos kyi gdugs chen hu tshus dkar po'i phur ma can zangs gser tog ldan zi dkar mgo phor/__shing gi gdugs rtsib bcas/__bu sprug nas 'cham pa bzhi bcu zhe gcig la gor brgyad res brdungs pa'i b+han+d+ha zangs kyi nang shar 'byar ma bzhag pa gsham 'cham chas khongs 'khod/__sras mchog rigs lnga'i rgyan shing lnga/__sa gtor rgyan shing tshon ma gcig__/dam rdzas rtse bran bcu/__bskang gtor rgyan shing bcu/__rgyan gor che chung sum cu so bdun/__drag bshos rtse bran gnyis/__dbang lnga'i chas rgyan shing bdun/__sras mchog gtor gdan tshon phra can lnga/__sa gtor gdan tshon ma spus legs/__zhi drag gnyis dang dbang lnga'i gdan tshon khra chung gsum/__dam rdzas dang bskang ba gnyis kyi gdan rgya 'bo bzhi/__gos sgom skya ma che chung gsum/__gzhi khri tshon khra can mtho dman gnyis/__gzhi gdan shing leb ring gnyis/__gtor tshad shing tril bu lnga/__tshogs gdan shing leb sgo srog can gnyis/__rgyan gdan mkhrig leb shar gcig bcas dang /__'cham chas la/__bla ma'i 'bag byin ldan gang gsal/__gzab spros skabs sku ber o ro su'i rgya gser gzhi tshon ma 'ja' zar bab dang hus sngo nag 'ja' can/__gser zhwa nam mkha' rab 'byams zhwa tog la sgro gor gyi rjes skyon yod pa gcig__/stod khebs gos ser gser ris can d+ho gor gcig__/gos ya shi nag po'i gzhi la khro zhal ldan pa'i stod kheb rgyab mdun la rus brkos byang bu dgu re yod pa'i rus rgyan/__rgyab dar hu tshus 'dom re zhing gson mdog__/dkar ser/__dmar ljang /__sngo/__rag gser phur pa rgya mdud can/__phur dar hu tshus zhing gson 'dams phyed re yod pa'i/__dkar/__ser/__dmar/__ljang /__sngo/__gser theb dar hu tshus zhing brkas kyi phyed la kha gsum lhag re yod pa'i/__dmar ljang ser sngo gdugs dar sngon po zhing brkas can la kha do re med pa re/__gser rnga gnyis/__rnga lcags sba yu chu srin shing brkos tshon ma/__rnga dar hu tshus dmar ser zhing gson kha gang lhag__/dngul gyi me long che/__me long dar hu tshus dmar po zhing gson kha do med rtsam/__lcags gser ral gri yu ba rag gser nor bu can/__gri dar hu tshus dmar po kha lnga/__sked dar nang mdzod shar gcig__/dngul thod nang zang can/__b+han+d+ha gcig__/stong skud nag po'i b+han tshar/__b+han dar hu tshus ngur ser zhing gson kha phyed drug__/stong skud nag po'i skra tshab spu ma nag po'i mgo phor la ras dkar nang sha can/__spang kheb gos nag khro zhal can mtha' la stong skud kha dog dzar lo yod pa/__dri len spang kheb khrus ras dkar po/__rgyun tshar/__rgang thur gnyis 1la skyon yod/__dngul me chung /__sgro thig nyi shu yod pa'i sgro gor gcig__/rma bya'i sgro shar bzhi bcu zhe brgyad bcas//___//__!__'cham mgo mtha' gnyis la/__gser zhwa nam mkha' rab 'byams tog la skyon phran yod1/__ras 'dag tshon/__zhwa gsar bzos1/__gser rnga gnyis re/__'cham dpon rnga la bug skyon/__'bag sgam ang gcig pa dang /__41gnyis nang /__'cham gos sngo nag tshon skud gser ris 'brug ma zi dkar nang sha cha 'grigs/__stod kheb gos rta pag dmar po'i rdo gor cha/__gos sngon gzhi can khro zhal yod pa'i stod kheb cha/__rus rgyan byang bu brkos ma dgu re yod pa'i rus rgyan po ral kha gnyis/__rgyab dar hu tshus zhing gson 'dom re yod pa/__dkar/__ser/__dmar po la bug skyon phran bu/__ljang /__sngo rag gser phur pa rgya mdud can gnyis la/__gcig la lcags kyi bshud pa/__phur dar hu tshus zhing gson 'dams phyed re yod pa'i dkar/__ser/__dmar/__sde skyon ljang /__sngo/__gdugs dar hu tshus dkar po zhing bkas kha do med/__zhwa dar hu tshus zhing bkas dmar/__ser/__sngo/__ljang bcas kha phyed rer kha gsum lhag re/__rnga lcags sba yu chu srin shing brkos tshon ma re/__rnga dar hu tshus dmar ser zhing gson kha gang lhag re/__dngul me che re/__me long dar hu tshus dmar po kha gang lhag re/__dngul b+han nang zangs can re/__rus b+han re/__stong skud nag po'i b+han tshar re/__b+han dar hu tshus dmar por kha bzhi med tsam re/__gcig la bug skyon cung yod/__lcags gser ral gri zangs gser yu ba rdo rje can re/__gri dar hu tshus dmar po zhing gson kha phyed drug re yod pa shar re/__gcig la bug skyon chung /__sked dar a she re/__stong skud nag po'i skra tshab 'go phor spu ma nag po nang sha ras dkar can re/__gos nag gzhi can spang kheb khro zhal mtha' la stong sked sna tshogs tshar lo yod pa re/__rgyun tshar re/__sgro thig 21re yod pa'i sgro gor gnyis/__rgang thur gnyis re/__dngul me chung re/__rma bya'i sgro shar 20bcas dar rnams la sgril tshar re//___//__!__yang sgam ang gnyis pa gsum pa gnyis la/__'cham gos ser po tshon skud gser 'brug can cha gcig__/stod kheb rta pag ljang gu'i sba le cha/__gzhi gos nag khro zhal can stod kheb cha/__rus rgyan rus phreng gnyis gshib po ral kha re/__rgyab dar hu tshus 'dams re yod pa'i zhing gson/__dkar ser dmar ljang sngo rag phur gnyis phur dar hu tshus 'doms phyed re yod pa zhing gson sna lnga/__zhwa dar hu tshus zhing bkas/__dmar ser ljang sngo ring thung kha ba gsum por gsum re/__gdugs dar re tshus zhing bkas/__dkar ljang gnyis kha do med do/__/dar rnams sgril tshar re re lcags gser ral gri yu ba shing brkos tshon rtsi can re/__dngul b+han nang zangs can re/__rus b+han re/__stong skud nag po'i b+han tshar re/__stong skud nag po'i skra tshab mgo phor yam bu ras dkar nang sha can re/__rnga lcags sba yu chu srin shing brkos tshon ma re/__rnga dar hu tshus dmar por zhing bkas la kha gsum la cung chag re/__rgyun tshar re/__sgro thig bco brgyad nyer gcig yod pa gnyis/__sgro gor snod zi dkar khug ma/__rgang thur gnyis re/__dngul me chung re bcas dang /__gser rnga gnyis re/__ras 'dag tshon zhwa re/__!yang sgam ang bzhi lnga gnyis 'khod la/__'cham gos dmar po shing lo gser ris tshon skud can cha gcig__/stod khebs rta pag dkar po sba le can cha/__rgyu rtsa kha dog ring thung gong mtshungs rgyab dar sna lnga'i nang gi dkar po la nag dri cung yod/__phur dar/__zhwa dar/__gdugs dar/__rnga dar rag phur/__dar rnams la sgril tshar re/__ral gri/__rnga lcags/__rus rgyan/__rus dngus b+han+d+ha/__b+han tshar/__skra tshabs rgyun tshar/__sgro thig bcu dgu/__nyi shu rtsa gnyis re yod pa'i sgro gor gnyis/__rgang thur dngul me chung bcas dang /__gser rnga gnyis re/__ras 'dag tshon zhwa re//___//__!__yang sgam ang drug bdun gnyis 'khod nang /__'cham gos dkar po shing lo gser ris tshon skud can cha/__stod kheb rta pag sngon po sba le cha/__rgyu rtsa kha dog ring thung gong mtshungs rgyab dar/__sna lnga dkar po'i sner bug skyon chung /__phur dar/__zhwa dar gdungs dar/__rnga dar/__dar rnams/__sgril tshar/__rag phur/__ral gri/__rnga lcags/__rus brgyan/__rus dngul b+han+d+ha gnyis/__b+han tshar/__skra tshab/__rgyun tshar/__sgro thig nyer gnyis re yod pa'i sgor gor gnyis/__rgang thur/__dngul me/__bcas dang /__gser rnga gnyis re/__ras 'dag tshon zhwa re/__'baga.ang brgyad dgu gnyis la/__sgro thig nyer dgu po gnyis yod pa'i sgro gor gnyis/__rgang thur/__dngul me/__gser rnga gnyis re/__ras 'dag tshon zhwa re/__dur khrod/__zing dkar stod gos re/__rgyab dar hu tshus sna lnga re/__zing dkar smad gos gnyis/__smad g.yog gser tram dmar smug gong ba mja' dmar ser can sman tshe dang ling dmar ser sman tshe dang ling dmar phur ma nyis brtsegs/__rgyu ma'i ska rags re gdugs dar gser tram dmar smug kha phyed re/__lag shub gnyis la g.yas su thod dbyug re/__ras tshos gnyis ma'i bsgril tshar re/__ha shang gi gos mdzod gos ser po kha bab nang sha gos chen sngo nag rgya gos rag gi sgrog rdil bzhi zer nang dngul gyi sgrog rdis gnyis yod bsgril tshar can//___//__!__ang bcu pa bcu gcig pa 'khod pa'i sgam la/__'cham gos ser po tshon skud ser 'brug can rgyab stod gos ser spos rgya can cha/__rta pag sngon po'i sba le cha/__rgyu rtsa kha dog ring thung gong mtshungs rgyab dar/__phur dar kha dog nang nas dar ljang la bug skyon chung /__zhwa 4dar gdugs dar dkar/__rnga dar/__dar rnams/__sgril tshar/__rag phur/__ral gri/__lnga lcagasarus rgyan/__rus dngul b+han d+ha/__b+han tshar/__skra tshab/__rgyun tshar/__sgro thig nyer bdun/__nyer gnyis can sgro gor gnyis/__shub zi dkar khug ma/__rgang thur/__dngul me/__gser lnga gnyis re/__ras 'dag tshon zhwa re/__'bag/___//__!yang ang bcu gnyis bcu gsum la/__'cham gos dmar po tshon skud gser 'brug khog stod gser tram dmar smug can cha gcig__/stod kheb gos dkar po tshon skud shing lo can sba le cha/__rgyu rtsa kha dog ring thung gong mtshungs rgyab dar/__phur dar/__kha dog nang nas gcig ser po'i sner bug skyon chung /__zhwa dar/__gdugs dar sngo/__rnga dar bcas la/__sgril tshar re/__rag phur/__ral gri/__rnga lcags/__rus rgyan rus dngul b+han d+ha gnyis/__b+han tshar/__skra tshab/__rgyun dzar/__sgro thig nyer gcig__/bco brgyad/__yod pa'i sgro gor gnyis/__rgang thur/__dngul me/__gser rnga gnyis re/__ras 'dag tshon zhwa re/__'bag re//___//__!__ang bcu bzhi bco lnga gnyis 'khod sgam la/__'cham gos sngo nag tshon skud gser 'brug can rgyab stod sngo nag gser tram can cha/__stod kheb rta pag dmar po'i sba le cha/__rgyu rtsa kha dog ring thung gong 'grigs kyi rgyab dar/__phur dar/__zhwa dar/__gdugs dar sngo/__rnga dar bcas la sgril tshar/__rag phur/__ral gri/__rnga lcags/__rus rgyan/__rus dngul b+han+d+ha/__b+han tshar/__skra tshab/__rgyun tshar/__sgro thig nyer gnyis/__nyi shu re yod pa'i sgro gor gnyis/__shub zi dkar khug ma/__rgang thur/__dngul me/__gser rnga gnyis re/__ras 'dag tshon zhwa re/__'bag re//___//__!__yang ang bcu drug bcu bdun can la/__'cham gos ser po shing lo gser ris tshon skud can cha/__stod kheb rta pag sngon po'i sba le cha/__rgyu rtsa kha mdog ring thung gong mtshungs/__rgyab dar/__gcig sngon po'i sner bug pa chung gsum yod/__phur dar/__zhwa dar/__ser po gcig gi sner bug skyon chung yod/__gdugs dar sngo/__rnga dar bcas ras kyi sgril tshar/__rag phur/__ral gri shing brkos/__rdo rje rgya gram/__shing brkos dril bu/__rnga lcags rus rgyan/__rus dngul b+han+d+ha/__b+han tshar/__skra tshab/__rgyun tshar/__sgro thig nyi shu dang /__nyer gcig yod pa'i sgro gor gnyis/__rgang thur/__dngul me/__gser rnga gnyis re/__ras 'dag tshon zhwa re/__'bag/___//__!sgam ang bco brgyad/__bcu dgu gnyis la/__'cham gos dmar po tshon skud gser ris 'brug ma/__rgyab stod gos dmar smug gser tram can cha 'grigs/__stod kheb dkar po shing lo can sba le cha/__rgyu rtsa kha dog ring thung gong mtshungs rgyab dar/__kha dog nas ser po'i sner bug skyon chung /__phur dar dmar po gcig sner ral skyon/__zhwa dar/__gdugs dar sngo/__rnga dar/__rag phur/__ral gri/__shing brkos lcags kyu/__rnga yab/__rus rgyan/__rnga lcags/__rus dngul b+han d+ha gnyis/__b+han tshar/__skra tshab/__rgyun tshar/__sgro thig nyi shu/__bcu bdun yod pa'i sgro gor gnyis/__zi dkar khug ma/__rgang thur/__dngul me/__gser rnga gnyis re/__ras 'dag tshon zhwa re/__'bag/___//__!yang ang nyi shu nyer gcig can la/__'cham gos ljang nag shing lo tshon skud gser ris can/__stod kheb dmar ser gser ris sba le cha/__rgyu rtsa kha dog ring thung gong mtshungs/__rgyab dar ang nyi shu pa'i rgyab dar ljang bug skyon chung /__phur dar/__gdugs dar dkar dmar/__rnga dar/__bcas la ras kyi sgril tshar/__rag phur/__ral gri/__shing brkos me ri/__shing brkos dbyug tho/__rnga lcags/__rus brgyan/__rus dngul b+han+d+ha/__b+han tshar/__skra tshab/__rgyun dzar/__sgro thig nyi shu nyer gcig can sgro gor gnyis/__rgang thur/__dngul me/__gser rnga gnyis re/__ras 'dag tshon zhwa re/__'bag/___//__!ang nyer gnyis nyer gsum can sgam la/__'cham gos ser po tshon skud gser ris 'brug ma rgyab stod gos ser spos rgya can cha/__stod kheb rta pag dmar po'i sba le cha/__rgyu rtsa ring thung gong mtshungs/__rgyab dar/__phur dar/__zhwa dar/__gdugs dar dmar/__rnga dar bcas ras kyi phyi sgril re/__rag phur/__ral gri/__shing brkos dbyug tho/__shing brkos dgra s+t+wa/__rnga lcags/__/rus rgyan/__rus dngul b+han+d+ha gnyis/__b+han tshar/__skra tshab/__rgyun dzar/__sgro thig bco brgyad/__nyi shu yod pa'i sgro gor gnyis/__gcig gi ngos nas sgro rtsa'i me tog gcig med/__phyi snod zi dkar khug ma/__rgang thur/__dngul me bcas dang /__gser rnga gnyis re/__ras 'dag tshon zhwa re/__'bag/___//__!ang nyer bzhi nyer lnga gnyis la/__'cham gos rgyan bzhi sngo nag 'brug ma cha/__stod kheb rta pag dkar po'i sba le cha/__yang stod kheb gos nag gzhi khro zhal can cha rgyu rtsa ring thung kha dog gong mtshungs/__rgyab dar/__kha dog yod nas ang nyer lnga pa'i rgyab dar ser po'i sner bug skyon/__phur dar/__zhwa dar/__ser po'i sner ral skyon/__gdugs dar dmar/__rnga dar/__phyi sgril bcas/__rag phur/__ral gri/__shing brkos ral gri dang /__zhags pa/__rnga lcags/__rus rgyan/__rus dngul b+han d+ha/__b+han tshar/__skra tshab/__rgyun dzar/__sgro thig nyer gcig__/bco brgyad yod pa'i sgro gor gnyis/__rgang thur/__dngul me bcas gser rnga gnyis/__ras 'dag tshon zhwa re/__'bag/___//__!ang nyer drug__/nyer bdun gnyis la/__'cham gos brgyan bzhi dmar po cha/__stod kheb rta pag ser po sba le cha/__rgyu rtsa ring thung kha dog gong mtshungs/__rgyab dar/__kha dog nas ang nyer drug pa'i rgyab dar dkar po la dmar tshos nag thig skyon/__phur dar/__kha dog nas ang nyer bdun pa'i dar dkar po la dri mas skyon phran yod/__zhwa dar/__gdungs dar dmar/__rnga dar/__ras kyi phyi sgril re/__rag phur/__ral gri/__sbrul zhag__/shing brkos pad ma/__rnga lcags/__rus rgyan/__rus dngul b+han d+ha/__b+han tshar/__skra tshab/__rgyun tshar/__sgro thig nyer gnyis/__bco brgyad yod pa'i sgro gor gnyis/__zi dkar khug ma rgang thur/__dngul me bcas/__gser rnga gnyis re/__ras 'dag tshon zhwa re/__'bag/___//__!ang nyer brgyad/__nyer dgu gnyis la 'cham gos ser smug tshon skud gser 'brug rgyab stod gos ser spos rgya can cha/__stod kheb rta pag dmar po'i sba le cha/__rgyu rtsa ring thung kha dog gong mtshungs/__rgyab dar/__phur dar/__zhwa dar/__gdugs dar dmar/__rnga dar/__ras kyi sgril tshar/__rag phur/__ral gri/__shing brkos rdo rje/__'khor lo/__rnga lcags/__rus rgyan/__rus dngul b+han+d+ha gnyis/__b+han tshar/__skra tshab/__rgyun tshar/__sgro thig nyer gcig sum cu yod pa'i sgro gor gnyis/__rgang thur/__dngul me chung bcas dang /__gser rnga gnyis re/__ras 'dag tshon zhwa re/__'bag/___//__!ang sum cu/__so gcig gnyis la 'cham gos gos chen ljang nag shing lo gser ris tshon skud can cha/__stod kheb rta pag dkar po'i sba le cha/__rgyu rtsa kha dog ring thung gong mtshungs/__rgyab dar/__phur dar/__zhwa dar/__gdugs dar ljang dmar/__rnga dar re bcas ras kyi phyi sgril/__rag phur/__ral gri/__shing brkos rgya gram dang /__be con/__rnga lcags/__rus rgyan/__rus dngul b+han d+ha gnyis/__b+han tshar/__skra tshab/__rgyun dzar/__sgro thig bcu dgu/__nyer brgyad yod pa'i sgro gor gnyis/__phyi snod zi dkar khug ma/__rgang thur dngul me bcas/__gser rnga gnyis re/__ras 'dag tshon zhwa re/__'bag/___//__!ang sum cu so gnyis/__so gsum gnyis la/__'cham gos dmar po tshon skud gser 'brug can rgyab stod gos dmar smug gser tram can cha/__stod kheb rta pag sngon po'i sba le cha/__yang stod kheb gzhi gos nag la khro zhal yod pa cha/__rgyu rtsa ring thung kha dog gong mtshungs/__rgyab dar/__phur dar/__kha mdog nang gis ang so gnyis pa'i dar dmar po zur nas ral skyon/__zhwa dar/__gdugs dar ljang /__rnga dar/__ras kyi phyi sgril/__rag phur/__ral gri/__shing brkos rdo rje dang /__rtse gsum/__rnga lcags/__rus rgyan/__rus dngul b+han+d+ha gnyis/__b+han tshar/__skra tshab rgyan dzar/__sgro thig bco brgyad/__nyi shu re yod pa'i sgro gor gnyis/__rgang thur dngul me bcas/__gser rnga gnyis re/__ras 'dag tshon zhwa re/__'bag/___//__!yang ang sum cu/__so bzhi so lnga gnyis la/__'cham gos sngo nag tshon skud gser 'brug can rgyab stod gos sngon gser traM can cha/__stod kheb dkar po shing lo can sba le cha/__rgyu rtsa ring thung kha dog gong mtshungs/__rgyab dar/__phur dar/__zhwa dar/__gdugs dar ljang /__rnga dar/__ras kyi phyi sgril/__rag phur/__ral gri/__shing brkos phyag mtshan tho ba dang /__gtun shing /__rnga lcags/__rus rgyan/__rus dngul b+han+d+ha gnyis re/__b+han tshar/__skra tshab/__rgyun tshar/__sgro thig nyi shu/__nyer gnyis yod pa'i sgro gor gnyis/__phyi snod zi dkar khug ma/__rgang thur/__dngul me bcas dang /__gser rnga gnyis re/__ras 'dag tshon zhwa re/__'bag/___//__!ang so drugaso bdun gnyis la/__'cham gos dkar po shing lo tshon skud gser ris can/__stod kheb rta pag sngon po'i sba le cha/__rgyu rtsa kha dog ring thung gong mtshungs/__rgyab dar/__ang so bdun pa'i dkar la ral skyon/__phur dar/__zhwa dar/__gdugs dar ljang /__rnga dar/__ras kyi phyi sgril/__rag phur/__ral gri/__shing brkos lcags kyu/__zhags pa/__rnga lcags/__rus rgyan/__rus dngul b+han d+ha/__b+han tshar/__skra tshab/__rgyan dzar/__sgro thig bcu bdun/__bco brgyad yod pa'i sgro gor gnyis/__rgang thur/__dngul me bcas/__gser rnga gnyis re/__ras 'dag tshon zhwa re/__'bag/___//__!ang so brgyad/__so dgu gnyis la/__'cham gos dmar po tshon skud gser 'brug__/rgyab stod dmar smug gser tram can cha/__stod kheb rta pag dkar po'i sba le cha/__rgyu rtsa kha dog ring thung gong mtshungs/__rgyab dar/__phur dar/__zhwa dar/__ang so brgyad pa'i/__dar ljang zur bug skyon/__gdugs dar ljang /__rnga dar/__ras kyi phyi sgril/__rag phur/__ral gri/__lcag sgrogs/__shing brkos dril bu/__rnga lcags/__rus rgyan/__rus dngul b+han+d+ha/__b+han tshar/__skra tshab/__rgyun dzar/__sgro thig nyer bzhi/__bco brgyad yod pa'i sgro gor gnyis/__phyi snod zi dkar khug ma/__rgang thur/__dngul me bcas/__gser rnga gnyis re/__ras 'dag tshon zhwa re/__'bag bcas dang /__spang kheb zi khrim dkar po kha phye bcu bzhi re yod pa'i zhing gson shar bzhi/__lcags gser ral gri shing brkos yu ba can gcig__/a rtsa ra'i 'bag gcig__/zha mo gcig__/ling gdan tshon ma che gcig__/brda' ro/__/grwa mang nas bzhag pa'i 'ga' nag khra'i ling kheb gcig__/ha shang la/__bo d+hi krug ma'i phreng ba che gcig__/zangs kong /__ras 'dag tshon ma/__dge brkos la rma bya'i sgro dbyug bcas/__//__!phur pa'i 'gro song gtong sgo dgos pa?~Xr/__mchod chas rgyan mar rgya nyer gnyis/__mar me rgya mchod re la rgya bzhi re rtsis pa'i sa chog nyin mar me nyer lnga la rgya gang /__sta gon nyin mar me lnga bcu la rgya do/__dngos gzhi nyin dgu la brgya mchod re rtsis mar rgya sum cu so drug__/dkyil 'khor mdun zhi mchod drag mchod gnyis kyi tshe 'bar gnyis la mar rgya drug__/slob dpon/__bla ma gsum/__chos khrims gnyis/__ma chen/__gtor ma bca' skabs mchod dpon bcas la phye mar rgya dgu ja mar nyin re rgya phyed brgyad re 'bor rgya dgu bcu/__nyin bcu gnyis la mchan rdor rgya nyer bzhi/__nyin brgyad la phye thub rdo+or rgya brgyad/__bkra shis dgu brtsegs rnams la phye mar rgya gcig__/tshogs rdzas gro slas bzo dpyad mar rgya brgyad/__gong 'bor mar rigs phyogs gcig sdom pa'i 'dir phan sde dge gzhung gi mar rgya lnga bcu brtsis pa'i mar rgya nyis brgya dang bdun/__ma gor chig stong dang sum cu so lnga thob/__bskol ja bag bcu drug la bag re la gor phyed bzhi re rtsis gor lnga bcu nga drug__/de la ma gor nyis brgya brgyad bcu thob/__yon 'bul bla gra dgu bcu phyed go gsum/__grwa re gor bzhi re rtsis gor sum brgya dang bdun cu/__yang rnam bzhag gor bcu gnyis/__tshong rdzas bur gor nyer drug la gor drug bcas 'bor sum brgya dang brgyad cu gya brgyad/__de la ma gor chig stong dgu brgya bzhi bcu/__gong 'bor 'gro song phyogs gcig bsdang dus gor drug brgya nga gcig__/de la ma gor sum stong nyis brgya lnga bcu nga lnga la/__rdil tshad nyi shu dang gor lnga bcu nga lnga 'bab/__tshogs sha bub gcig la gor nyer drug__/spos gor drug__/tshon mal gor bzhi bum rdzas/__'bri mog__/gu gul bcas rin gor phyed gnyis/__bul tog gor gnyis bcas 'bor phyed bzhi bcu la/__rten rtsa ma gor chig brgya phyed go brgyad thob//___//__!__gro nas 'gro song la/__gtor gzhi la mchod tsam gra 'bo sum bcu/__nyin bcu gcig la tshogs tsam/__mchod tsam nyin re 'bo gsum re rtsis 'bo sum cu so gsum mchod nas 'bo drugatshogs chang rgyu 'bo gcig__/tshom bu dang /__bkra shis dgu brtsegs bcas la gro 'bo gang /__rtsam spar/__rtsi gzar bcas 'bo bcu/__tshogs mchur/__thud mchur bcas 'bo bco lnga/__gro slas bzo spyod gro 'bo brgyad/__thugs rtsam nyin brgyad la 'bo nyer lnga/__nyin bcu gnyis la gro mchan re yi chas/__gro 'bo bdun cu don gnyis/__gong 'bor phyogs gcig sdom grwa 'bo nyis brgya dang gcig__/rtsam mal dam pa brgyad cu phyed gya gsum/__thig tshon dam pa drug bcas la/__dam pa phyed dgu bcu la thebs rtsa bkra thang zhing so?~Xn 'gro gsham gsal/__khams thang sa chus mgo nas grwa 'bo nyis brgya dang bcas 'ong dgos//___//__!__phur pa'i mchod rgyun/__ja skyo/__sku yon bcas kyi/__rten rtsa dngul rdil tshad bcu dgu nang gor lnga chag yod/__'cham ja rten rdil tshad gcig__/sde dge'i phur gto'i chas sku tshab nas sprod rgyu skor gyis sngar rgyun phur gtor tshogs rgyu dang /__sde dge'i debs 'khod kyi 'bru mal bkra thang spyi zhing gsar bcad gsham 'khod dang /__ja mar sha gsum zhib brtsis kyi/__shing phag lor rin po ches rten thebs gsar bzhag gor bzhi brgya bzhi bcu zhe brgyad la skyed gor lnga la drug rtsis sgor phyed dgu cu/__bcas bsdam rdo?~X tshad nyi shu gor 'di sde dge gzhung mar rgya lnga bcu'i la 'di nang brtsis grwa mang phyag la rdil tshad gsum dang /__gor bdun bcu don dgu/__spyi chen lag la rdil tshad bzhi dang /__gor chig brgya zhe gnyis/__spyi chung lag la rdil tshad bzhi dang /__gor chig brgya zhe gnyis/__'phros mdun phu ma rdo tshad gcig__/mdun gru mo la rdo tshad gcig__/mdun gnas ra la rdo tshad gcigangan phrad la gor brgyad cu/__nya nyi ma gor brgyad cu/__mdzo sho la gor brgyad cu/__bso tshe la gor brgyad cu/__bya mo la gor brgyad cu/__rtsag rda la gor brgyad cu/__ba sug la gor brgyad cu/__ba chung la gor brgyad cu/__spag tshi la gor brgyad cu/__gong 'di tshur blangs te rang me rdo tshe nor bu la rtse shod thugs grol gi~Xs lcag stag zla 11tshes 30re gza' nyi ma sprid blags zhus pa rdo tshe nor bu ba'i zhu rdab/__bra bo la gor brgyad cu/__mkhar rke la gor brgyad cu/__rjes rug la gor brgyad cu/__sgom phrug la gor brgyad cu bcas rdil tshad phyed bcu la skyed lo re sgor lnga la drug rtsis sprod dgos rgyu'i gan yig rtags 'byar zur yod ltar dang /__sa zhing gter lung khams thang du/__ris bla'i zhing grangs dang /__sa bon tho la/__yid khung khrul gnyis la/__sa bon/__1 20dkar po khrul gcig__/sa bon/__3 00'bu ru chu kha khrul gcig la/__sa bon/__0 20la lung khrul gcig la sa bon/__2 00zam pa'i chu kha khrul gcig la/__sa bon/__2 20'ja' thang khrul gcig__/sa bon/__3 00'brug dar khrul gcig la/__sa bon/__2 00gnam stong khrul gcig la/__sa bon/__0 20dis rnu khrul gcig la/__sa bon/__1 20ne 'brang khrul gcig la/__sa bon/__2 00ra khog khrul gcig la/__sa bon/__2 00thang bkram phug zhing khrul gcig la/__sa bon/__1 20lus zhing khrul gcig la sa bon/__1 10khang rgyab khrul gcig la/__sa bon/__2 20mkha' bshang khrul gcig la/__sa bon/__1 30srub rtsi ma khrul gcig la/__sa bon/__0 15bcas son khal nyer bdun mal dang /__bkra thang du rdzong gsar spyi pa'i zhing sngar yod tha ba lus pa chu bya lo spyi che chung gi?~X bun ma 'phrod rigs la tha bcad sku tshab ngag dbang shes rab skabs su 'jog pa spyi bun byang dag tshar nas da lan 'dir sde dge'i phur gto'i 'bru mal du rten rtsa bzhang pa khrul gnyis la sa bon khal nyer drug 'gro mal bcas yod pa dge/__shriHbi dza yan+tu/__bkra shis nyi ma gsar pa'i snang bas phyogs kyi tha gru kun tu khyab/__/bkra shis legs byas pad tshal bzhad cing dge legs ge sar lta na sdug__/bkra shis phun sum tshogs pa'i rol mo rgyun mi chad par sgrogs pa dang /__/bkra shis rdzogs ldan snang ba'i dus ston nub pa med pas khyab gyur cig__/dpal chen rdo rje gzhon nu khros pa'i dpal/__/dpal gyi dbang phyug mchog gi thugs rje'i dpal/__/dpal dang bskal pa bzang po rab smin dpal/__/dpal ldan grub gnyis mchog dpal thob par shog__/tshe rabs kun tu rje btsun sa skya pa'i/__/gsung gi bdud rtsis rtag tu 'tsho ba dang /__/badz+ra kI la ya yi srid gsum bsgral/__/mi gnas mya ngan 'das la 'god par shog__/bstan dang bstan 'dzin dbu 'phang dgung bas mtho/__/mthu stobs nus pa bskal me bzhin du 'bar/__/log 'dren bdud kyi sde tshogs nyams smad cing /__/bstan pa'i rgyal mtshan phyogs las rgyal gyur cig__/sarba dA mang+ga laM/__ces pa'i debs yig 'di yang /__shing phag lor mkhyen brtse sprul sku dang /__sde dge chos rgyal chen po'i sku tshab gnyer zur pad rdor/__rdzong gsar bla chos/__spyi pa lhan rgyas kyis gtan 'bebs bgyis nas gsal bar bkod pa dge legs su gyur cig__/shu b+haM//___//__!__gong gi ma yig nang ma 'khod pa skyabs rje rin po che'i mdun nas gsar bzhag__/gser dngul bkra ma'i rkang gling tsha shad shub 'byar/__gtor snod dngul gzhong gser shan can/__spos phor chung 1dngul thag bye ru lnga pu shel gcig__/o ro su'i rgya gser 'cham gos/__gser zhwa 1tog la skyon cung yod/__dngul gyi chu bum spus legs/__mdzod tshe dpal nas gnang ba'i stag lpags spus legs/__3gnyer pad rdor rol mo spus ldan/__bya mo tshang gi rol mo//___//
