JKCL-KABUM-Volume-01-KA-Full Text Tibetan-wylie

🚧 This website is under continued development. We appreciate your patience!

[!3Q ,R F K k f 3 +A /) 2 :) 2 c 3 ; =A = 4 / 3 2A @ < +A (,,,] @#/____/many+dzug+hoShad+harmas+yamatInAMbud+d+haMbargamAyAlilatsanamabiharatisma/____//__@#/____/'jam dbyangs chos kyi blo gros kyi rtogs pa brjod pa sgyu ma'i rol rtsed ces bya ba bzhugs so//____//__ bla ma mtshungs med 'gro ba'i mgon/____/bka' drin can rnams zhabs pad mor/____/sgo gsum gus pas 'dud byas nas/____/rnam thar brdzun gtam mdor bsdus dbye/____/skye ngan bdag gi skye ba'i yul/____/sa yi mdud bzhir grags pa las/____/re khe zhes pa'i yul gyi ljongs/____/gser ldan chu klung 'bab pa'i 'gram/____/a byams zhes pa'i sa yi char/____/bskyed pa'i yab ni thugs rje dang /______/sku drin mtshungs bral rig pa 'dzin/____/'gyur med tshe dbang rgya mtshor grags/____/sku rus bdud 'dul gdung brgyud ni/____/rgyal sras pad+ma dbang rgyal gyis/____/gsang gsum byin gyis brlabs pa yi/____/nus ldan nam mkha'i rnal 'byor zhes/____/gter ston rig 'dzin chen po yi/____/sku sras dam pa de nyid dang /______/a lcags 'bru yi rigs las ni/____/a mdo gser gyi bya bral ba/____/zhes grags grub thob de nyid kyi/____/rigs son tshul khrims mtsho zhes pa'i/____/bu ru chu mo sbrul gyi lo/____/ston zla'i skor zhig skyes par grags/____/gza' skar rmi ltas la sogs pa/____/yab yum thugs snang spros med pas/____/yig thor bkod sogs ma byung 'dug_/de nas rim gyis skyed bsring ste/____/lo drug tsam du son pa na/____/zhang po bla ma dge legs mdun/____/yig ngo bstan par 'jog byas te/____/ka smad sum cu 'dogs bcas dang /______/maN+Dal dgongs 'dus yan lag bdun/____/slob khul byas te skabs shig tu/____/brag dmar yid bzhin dbang rgyal las/____/tshe dbang zhig kyang chos 'brel thob/____/lo bdun lon dus kaHthog nas/____/si tu ma hA paN+Di tas/____/phebs bsur btang ba dgun zla'i tshes/____/'og min dpal gyi kaHthog tu/____/'byor nyin kha ba chen po babs/____/rten 'brel legs pa'i dge mtshan bcas/____/rdzong mgo bkra shis khang gsar gyi/____/klong gsal gzim khang nang der bsdad/____/gza' tshes dge bar skyabs rje yis/____/lha chen dpal 'bar thub dbang mdun/____/gtsug phud blangs te ming btags gnang /______/'jam dbyangs blo gros rgya mtshor 'dogs/____/mi ring dge rgan bka' drin can/____/thub bstan rig 'dzin rgya mtsho dang /______/lhan cig bar khrod chos gling du/____/bsdad nas klog la legs par bslabs/____/lo gcig khongs su yig dkar nag_/pusti bcu skor legs par byang /______/rang lo dgu pa'i dgun de ru/____/si tu bla brang 'bru ldom du/____/hor por phyin tshe lo chung bas/____/sdug bsngal dka' tshegs dpag med byung /______/gling dkar chos rgyal yab yum mjal/____/gang blo ma zhig blo nas bshad/____/bla ma dran pa'i gdung shugs kyis/____/yab yum gnyis kas spyan chab bsil/____/de nas bzung ste mchod yon gnyis/____/dam gtsang sel med dad brtse che/____/yongs 'dzin sku drin can de las/____/snga rjes bris dang sngon 'gro'i khrid/____/ngag sgron sum rtags lan gnyis dang /______/spyod 'jug yon tan rin chen mdzod/____/dbyangs can sgra 'grel bskyed rim khrid/____/de rnams go don bshad khrid stsal/____/ngag sgron gzhan la bshad khul byas/____/dge rtse paN chen bka' 'bum lung /______/cho ga phyag len zhib par stsal/____/za gyon byed lugs tshun chad kyi/____/blang dor gnas rnams ston pa yi/____/sku drin da lta bsam tsa na/____/mig nas mchi ma 'khrugs pa yod/____/byang chub bar du thugs rjes zungs/____/nga la yon tan ci yod pa/____/rje de kho na'i thugs rje yin/____/de dag rnams kyi skabs rnams su/____/skyabs rje thams cad mkhyen pa las/____/bka' brgyad 'dus mdo bka' ma dang /______/snying thig ya bzhi zhi khro sogs/____/dbang lung rgya chen thob gyur kyang /______/rang nyid na phra thob yig ni/____/bkod ma btub pas cher ma gsal/____/si tu paN chen dang lhan cig_/mkhyen brtse'i mchod dpon shes rab las/____/sa skya bka' 'bum rtse le yi/____/gsung 'bum lung sogs nos pa byung /______/thams cad gzigs pas mkhan po dang /______/las slob rig 'dzin rgya mtsho sogs/____/dge 'dun 'tshogs las dge tshul gyi/____/sdom pa'i bka' drin stsal ba dang /______/gtsug lag lung rig nyi ma ni/____/smra ba'i seng ge zhes byar btags/____/'di nas bzung ste rten bsgyur bar/____/rtsa ba bzhi dang 'gal ba med/____/klong gsal bdud 'dul dbang yongs rdzogs/____/rje yi zhal snga nas thob cing /______/lung rnams zhing skyong rje dbon gsungs/____/de las kyang ni snga rjes su/____/mkhyen gsung 'thor bu pod gnyis dang /______/mgon po tshogs bdag pod lung dang /______/bka' 'dus ma Ni bka' 'bum gyi/____/lung dang mngon dga'i zhing sbyong gi/__dbang sogs chos 'brel mang du thob/____/dman la thugs gtsigs cher mdzad de/____/pha ma lta bu'i sku drin bskyangs/____/kaHthog dbyar dgun sgrub mchod kyi/____/tshogs thog snga rjes 'ga' zhig phyin/____/lo grangs bcur son de nyid la/____/dbyar gnas bsdad cing bshad bya'i yan lag_/'tshogs rgyugs phul ba'i khul yang byas/____/bcu gcig lo der yongs 'dzin las/____/dbyangs can sgra 'grel ri mo sbyangs/____/de yi bar la nyag khog tu/____/'bru ldom dbyar stod khrom khog sogs/____/dkar ldom phyin cing bcu gnyis lor/____/sa ris lnga bsdus zla gsum ring /______/slob dpon zhal gyi rjes zlos dang /______/mdzub mos brda sprod kho na las/____/cung zad tsam yang ma shes so/____/kaHthog 'du khang zhing sgrub kyi/____/'tshogs phyin bde smon bshad pa byas/____/kun gyis ya mtshan che bar brtsi/____/khrom khog 'gro skabs 'brug sgar du/____/bka' drin mtshungs med rig 'dzin rje/____/sna tshogs rang grol gser zhal mjal/____/rje yi dag snang bsngags brjod dang /______/tshe dbang gnang sbyin rgya cher mdzad/____/snga phyir lan grangs mang du mjal/____/dgongs zang klong snying smin grol dang /______/bla ma yang tig rje nyid kyi/____/gter gsar skor dang rdzogs chen gyi/____/khregs thod ngo sprod bogs 'don gnang /______/lugs gnyis bka' drin tshad med che/____/bcu gsum lo der sku drin can/____/dge rgan de nyid zhing du gshegs/____/da phrug thang dkyil lus par gyur/____/long ba mgon med bzhin du 'khyams/____/yongs 'dzin dam pa de nyid ni/____/lo gsum btud mar bad kan bsnyungs/____/de rnams kun la rang kher bus/____/ja bkol chu len bsnyun g.yog sogs/____/zhabs phyi dka' ba med par sgrub/____/de yis sgrib pa cung byang snyam/____/dgung zhag tshar nas rdo rje 'chang /______/grwa lag dgon du phebs pa yi/____/zhabs phyir bkri zhing bar mtshams su/____/gsang ba snying po blor blangs shing /______/'brog sder ldom bskor la yang phyin/____/slar 'byor mngon rtogs rgyan rtsa bzung /______/dgun der tshogs chen 'dus pa yi/____/rgyal tshab byas shing rgyud sde'i grwar/____/zhugs nas 'jam bstod gang blo dang /______/khyad par 'phags bstod lha phul byung /______/phung lnga'i rab dbye spyod 'jug dang /______/sdom gsum yon mdzod yid bzhin mdzod/____/mkhas 'jug mngon rgyan 'byed gnyis dang /______/rgyud bla mdo rtsa dbu rgyan sogs/____/si tu paN chen kun dpal dang /______/bstan bzang a ka la sogs pa'i/____/zhal nas bshad pa rgya cher nos/____/kun gzigs 'khor lo'i mgon po las/____/sems bskyed srol gnyis sgyu 'phrul gyi/____/zhi dang khro bo'i dbang bskur sogs/____/dbang lung 'ga' dang rnying rgyud lung /______/gsang snying bshad pa rgya cher nos/____/khyad par mkhan chen bla ma ni/____/kun bzang dpal ldan chos grags kyis/____/thugs brtse chen pos legs bskyangs te/____/snga rjes gzhung gi dka' gnad sogs/____/bka' drin stsal las a mye yi/____/go ba rgyud la chags tsam byung /______/bcu bzhi lor yang gzhung lugs la/____/sbyangs shing bar skabs dbang lung dang /______/dbyar gnas la sogs 'tshogs su phyin/____/bco lnga'i lo der rdzong gsar gyi/____/yang srid zhing gzhan 'phos pa dang /______/gong ma'i sku dbon bsnyung ba yi/____/'da' ka'i zhal chems si tu rjer/____/gnad bkar stabs kyis dkor rkyal bdag_/gdan sa'i steng du 'khod dgos byung /______/rang nyid ma gtogs sku bcar ba/____/gzhan med rang tshugs bzung khul byas/____/sngon gyi las ngan 'ga' zhig gi/__byed pas gang zag res 'ga' yi/____/mig sngar mi mdza' sdang gyur kyang /______/snyems pa med pa'i brtul zhugs kyis/____/gdan sa ma shor tsam zhig byung /______/byams pa chen po la gnas pas/____/sdang zhi rang la 'dun par gyur/____/skyabs rje dam pa'i bka' phebs nas/____/mkhan po skal bzang dbang phyug las/____/byams chos ma thob lhag rnams dang /______/mngon mdzod dbu ma rtsa 'jug dang /______/sher phyin sdud pa sbyangs brtson byas/____/de skabs rdzong gsar dgon pa yi/____/grwa pa nyi shu skor tsam la/____/spyod 'jug sdom gsum mdo sdud dang /______/rgyud bla bzang spyod la sogs bshad/____/sa bya lo la rdo rje 'chang /______/dran pas snying gi gdung sel mgon/____/blo gter dbang po'i zhabs pad bcar/____/dgyes pas gos chen si'u yi/____/snyel 'bol bcas pa'i gdan steng 'jog_/sngon las 'brel ba mthu btsan pas/____/gus shing dad gdung chen po skyes/____/de nas mi ring rdo rje 'chang /______/de nyid dang ni brag ra nas/____/bkra shis rnam gnyis lhan rgyas pas/____/rgyud sde'i dbang chen dbu tshugs shing /______/rigs kyi bdag po chen po yis/____/zhen pa bzhi bral don bdun ma'i/____/khrid skor shin tu mang po dang /______/dbu ma lugs kyi sems bskyed dang /______/rigs gsum spyi dkyil nas brtsams te/____/dbang chen mang po dag kyang nos/____/lam 'bras slob bshad khrid tshang dang /______/kye rdor rgyud bshad rgyas pa nos/____/slob bshad kun gzhi rgyu rgyud kyi/____/lta ba 'khor 'das dbyer med skabs/____/sems 'tshol ngo sprod nyin bdun mdzad/____/sems ngo'i go don phyogs tsam rigs/____/rdo rje 'chang chen 'di nyid la/____/lung rtogs bstan pa'i nyi ma yi/____/man ngag snying tig myong khrid kyi/____/don brgyud zab mo dag kyang bzhugs/____/don gnyer 'ga' la don bdun ma'i/____/bshad pa zhig kyang byed khul dang /______/mkhan chen gzhan phan rin po ches/____/rgyud bshad skyor chen mdzad pa yi/____/spyi rnam ljon shing phyed yan la/____/yang skyor byed pa'i khur yang blang /______/mkhas dbang de las mdo rtsa yi/____/bshad pa tshar gcig legs par nos/____/thar rtse mkhan chen ma pheb pa'i/____/rkyen gyis rnal 'byor rgyud rdzogs nas/____/mi tra brgya rtsa ngor dkyil bdun/____/rwa tshar 'jigs byed dbang chen dang /______/lam 'bras ngag chos khrid yig steng /______/sum khrid bkra shis zhabs las thos/____/rgyud btus phyir 'gyang gyur pa dang /______/zla ba bdun tsam thal gyur cing /______/yab rje rig 'dzin chen po nyid/____/gter mdzod gnang bar phebs yod kyang /______/gal gnad che chung lta bu yi/____/de bar rdzong sar bzhugs yod pa'i/____/sems khral chen pos dgongs pa zhus/____/lha dang bla mar 'phreng bzhin du/____/rang gnas bkra shis lha rtser 'byor/____/lcags khyi cho 'phrul zla ba yi/____/gza' skar bzang po nas brtsams te/____/'dus pa mdo dbang dong sprugs sogs/____/dbang chen rnams kyis sgo phyes nas/____/rin chen gter mdzod chen po dang /______/mchog gling gter gsar yongs rdzogs kyi/____/dbang lung zla ba brgyad la gnang /______/bka' drin tshad med bla ma rje/____/byang chub snying po'i mthar thug bar/____/sku drin gzhal bya'i yul las 'das/____/rtag tu bla mar mchod pa 'bul/____/lcags phag rdo rje 'dzin pa'i rgyal/____/mkhan chen bsam gtan blo gros las/____/sgrub thabs kun las btus pa yi/____/smin grol yongs su rdzogs pa dang /______/mkha' spyod pod lung sogs kyang thob/____/'di lo yab rje rig pa 'dzin/____/pad+ma 'od kyi grong du gshegs/____/dgongs rdzogs mchod sprin dag kyang spros/____/chu byi lo la wa ra yi/____/thar rtse zhabs drung rin po che/____/byams pa kun bzang bstan nyi las/____/rnal 'byor bla med man chod kyi/____/rgyud sde'i dbang chen grangs mang po/____/zla ba bzhi lhag tsam zhig zhus/____/mkhas btsun bzang po'i yon tan ni/____/'gran zla med par bzhugs gyur kyang /______/sku tshe ring po ma thub pas/____/'gyod pa chen pos gdung bar gyur/____/kun bzang dpal ldan chos grags las/____/tshad ma rnam 'grel bshad khrid dang /______/dus 'khor rgyud 'grel sogs kyang thob/____/mkhas dbang bkra shis chos 'phel las/____/shangs chos dus 'khor la sogs pa'i/____/bka' drin rgya che grangs mang nos/____/rang lo nyer lngar son pa na/____/go 'jo'i ljongs su gdul byar song /______/'dis mtshon gdan sar 'byor nas kyang /______/dbyar dgun dkor sdud mang du byas/____/dad rdzas chud zos ma shor ba/____/bshad sgrub sde tshogs gsar 'dzugs dang /______/gong ma'i gsung rab pusti kaH/__bcu gsum lhag tsam par du bskrun/____/mkha' spyod be'u bum pod gsum dang /______/'dus mdo'i 'grel dang gsang snying Tika/__mi pham gsung pod gnyis lhag dang /______/mdo sngags gzhung 'grel rtsa ba sogs/____/snga phyir glegs bam mang po brkos/____/sa rta rang lo nyer drug dus/____/bshad sgrub dar rgyas gling chen po'i/____/chos sde btab nas mkhan chen pa/____/gzhan phan byams pa'i go cha yi/____/thugs bskyed rgyun las da lta'i bar/____/ma nyams gnas pa 'di nyid kyis/____/bstan la cung zad phan par gyur/____/'di lo phug dgon sman sgrub zhor/____/ru dam bsam gtan gling du phyin/____/brtan mkhas bzang po'i yon tan phul/____/blo gsal zhabs las bsnyen rdzogs kyi/____/sdom pa thob kyang rten 'brel 'bring /______/phug dgon bka' brgyad sman sgrub skabs/____/zhe chen rgyal tshab rdo rje 'chang /______/gser zhal thog mar mjal ba dang /______/yang snying kun 'dus tshe dbang nos/____/thun min dgyes brtses khyab par mdzad/____/de rjes rdzong gsar phyag phebs nas/____/rgyun ring bzhugs stan chags pa dang /______/byang gter la sogs gter rnying skor/____/dbang lung rgyun dkon mang du stsal/____/sa sprel rgyal tshab rin po ches/____/smin gling dbang lung 'ga' zhig dang /______/sku bsnyun zhabs brtan gsol btab zhus/____/byang phyogs rdo sgar phyin nas ni/____/kun mkhyen bstan pa'i nyi ma mjal/____/rigs 'dus thig rgya'i smin byed dang /______/klong snying bka' khrid gsang snying gi/__spyi don ljags bshad bka' drin stsal/____/bslab bya zhal gdams lhug par gnang /______/mgon po gang gi gsung rab rnams/____/lung ma thob kyang spel chog pa'i/____/bka' lung nos shing thugs brtse ba'i/____/shin tu gzigs pa chen pos bskyangs/____/las gling mjal nas phur skor dang /______/grol thig smin grol thob pa byung /______/chu byi so gnyis lon pa'i dus/____/zhe chen chos grwa chen po yi/____/ri khrod bkra shis bde mchog gling /______/'khor lo'i mgon po pad+ma'i mtshan/____/seng ge'i khri la bzhugs pa dang /______/ston 'khor phun sum tshogs pa las/____/sgrub brgyud shing rta che brgyad kyi/____/gzhung gdams man ngag mdzod chen po'i/____/smin grol rgyab brten bcas pa dang /______/gter mdzod bka' rgya'i smin grol stsal/____/skyabs rje yid bzhin nor bu 'dis/____/lugs gnyis brtse ba chen pos bskyangs/____/mtshungs med thugs rje'i gter gcig go/__pad+ma dri med blo gros las/____/kun bzang rnam rgyal bka' 'bum dang /______/snying tig lugs gnyis mdo dbang sogs/____/snga rjes dbang chos rgya cher thob/____/sde dge chos rgyal gong ma yi/____/drwa sgang sgrub sde nyams pa la/____/phog theb 'bri ma brgya lhag dang /______/rdil tshad sum cu skor tsam bzhag_/sgrub gshag gsar du bzhengs par byas/____/gsung ngag nyams len gtsor byas pa'i/____/snyan brgyud sgrub sde dag kyang btsugs/____/de nas khyung po'i nang khul du/____/gzhung gi mkhan chung dbang nor gyis/____/gdan zhus ya bzhi klong snying sogs/____/dbang chos 'brel pa ci rigs byas/____/chu glang lha gdan gnas bskor dang /______/jo shAka mdun du phyag mchod phyin/____/smon lam yid ni tshim par btab/____/rgyal dbang thub bstan rgya mtsho yi/____/mtshan dpe mjal dang byang chub kyi/____/lam sgron chos kyi bka' 'brel nos/____/zhabs pad brtan pa'i 'dun smon zhus/____/gong ma'i rnam thar rjes mthun par/____/smin grol chos kyi gling chen du/____/ngag dbang thub bstan nor bu las/____/bsnyen rdzogs sdom pa bskyar te bsgrub/____/lo de'i zla bar khyung por 'byor/____/lam rgyud gnas brtan mchog gling dang /______/rtsi ke sprul sku rin po che/____/sogs las mchog gling gter chos sogs/____/dbang chos 'ga' nos skabs de ru/____/dran pas srid zhi'i gdung sel mgon/____/si tu thams cad mkhyen pa che/____/chu glang lo la sku gshegs pa'i/____/gtam ngan skal med rna bar son/____/dgongs rdzogs gsol 'debs mchod 'bul byas/____/rje de gshegs nas lo mang por/____/rmi lam gnas skabs phal cher mjal/____/mgon khyod dbyings su gshegs na yang /______/bdag nyid thugs brtses bzung nges snyam/____/dga' skyo 'dres mar rgyun du mchis/____/sa dbang sman stod bka' phebs bzhin/____/chab mdo byams pa gling du 'byor/____/gzhung rim gshin rje'i bzlog pa dang /______/gnas brtan cho ga la sogs sgrub/____/blon chen nyid la dbang khrus dang /______/chos dbyings mdzod kyi bshad khrid byas/____/mkhas dbang dge bshes 'jam rol las/____/gsang 'dus dbang chen la sogs pa/____/snga phyir dbang chen 'ga' re nos/____/'jigs byed lha khang yang rtse ru/____/bde mchog tshe sgrub cho ga yis/____/ngos la ring 'tsho'i rten 'brel mdzad/____/rang gnas 'byor rjes zhe chen du/____/skyabs rje rgyal tshab rin po cher/____/mtshams zhus mjal dar phul bar btang /______/de yi gsung lan phyag bris mar/____/kaHthog si tu paN chen gshegs/____/rgan bu yang ni 'chi nyer gyur/____/rnying bstan snum zad mar me ltar/____/gyur pa 'di la khyod nyid kyis/____/blo stobs rgya cher bskyed byas te/____/bstan la bya ba byed par rigs/____/zhes pa gsung gi tha mar stsal/____/de nas mi ring dbyings su gshegs/____/dgongs rdzogs 'byor phebs dpa' 'og tu/____/sdod nub rmi lam du mjal zhing /______/bdun gsum bar du dgongs rdzogs kyi/____/mchod sprin gsol 'debs yang yang zhus/____/sku gdung zhugs 'bul la sogs byas/____/mkhan chen kun bzang dpal ldan las/____/spyod 'jug sems bskyed bshad khrid zhus/____/rang gnas 'byor 'phral mtshams zhig bsdad/____/grol rjes dpal gyi kaHthog 'byor/____/bshad grwa nyams gso rgyas par byas/____/rten bzhengs 'phro lhag thams cad kyang /______/rang rgyu dang ni phyag rdzas kyis/____/'phros dzar rnams kyis thub chen khang /______/rten dang brten pa la sogs bzhengs/____/rdzogs chen lnga pa'i dgongs nyams la/____/shar ba'i sprul pa khrir bkod dang /______/dbu 'don la sogs rang 'dod kyi/____/'khri ba med pa'i tshul du byas/____/snga phyi lo grangs bco lnga tsam/____/kaHthog bstan par zhabs tog bgyis/____/de dag rnams kyi bar mtshams su/____/dgyes pa rdo rje'i bsnyen chen sogs/____/bsnyen sgrub bzlas brjod mang tsam byas/____/snyan brgyud 'dzin pa kun gyi rgyal/____/sga ston chos rje rdo rje 'chang /______/legs pa'i zhabs las gsung ngag ni/____/tshad ma bzhi ldan snyan brgyud kyi/____/lam 'bras slob bshad zab mo dang /______/mkha' spyod 'jigs mdzad mgon po sogs/____/snyan brgyud smin grol gdams zab thob/____/shin tu thugs brtse dgongs pa gtad/____/bka' drin zla med bla ma rje/____/rdzong gsar phur sgrub spros bcas lugs/____/gsar 'jog rten gsum mang po bzhengs/____/stag tshang sgrub sde nyung ngu 'dzugs/____/snga phyi sgrub chen mang po dang /______/kun gzigs si tu'i dgongs pa bzhin/____/ma Ni dung sgrub srol chen sogs/____/yul khams kun tu khyab par byas/____/bde skyid 'byung ba'i gzhi rtsar grub/____/dam pa rnams kyi zhal sgo las/____/snga phyi chos 'brel thob pa ni/____/rdzogs chen lnga pa'i zhal snga nas/____/'dzin pa rang grol dkon spyi dang /______/ye shes bla ma'i rtsal dbang dang /______/bla sgrub byin rlabs snying po sogs/____/dbang chos gnad chen 'ga' re nos/____/mkhan chen rgyal mtshan 'od zer las/____/snga rjes dbang chos mang po dang /______/gter ston dri med 'od zer las/____/yi dam dgongs 'dus dbang chen dang /______/nyid gter gshin rje'i skor la sogs/____/dbang dang rkyen sel snga rjes su/____/bka' drin chen pos khyab par mdzad/____/rag sprul thub bstan bshad sgrub las/____/gnam chos dbang lung tshang ma dang /______/rat+na la sogs mang du nos/____/mkhan chen ngag dbang dpal bzang las/____/klong gsal bdud 'dul dbang lung dang /______/bka' brgyad gsang rdzogs dbang chen dang /______/mkha' 'gro yang tig dbang khrid sogs/____/rgya cher thugs rjes bskyangs par mdzad/____/mkhas dbang legs bshad 'byor ldan las/____/'jigs gling bka' 'bum 'ja' tshon dang /______/bka' ma'i chog khrigs skor lung nos/____/zur mang drung pa rin po cher/____/bde mchog snyan brgyud smin grol dang /______/rdor gling lta ba klong yangs dang /______/chos drug phyag chen khrid sogs thob/____/gnas dgon mchog gling yang srid las/____/gter gsar thugs sgrub rnam gnyis dang /______/rdzogs chen sde gsum la sogs thob/____/ke la'i sprul sku rin po cher/____/thugs sgrub bsam lhun dbang chen dang /______/rig 'dzin srog sgrub lung sogs thob/____/zla bzang sprul sku rin po cher/____/rgyal rgyam lha dgu phag mo'i dbang /______/mkhyen brtse'i rgyal ba rgya mtsho sogs/____/smin grol 'ga' zhig thob pa dang /______/gter sprul rol pa'i rdo rje las/____/rol rdor gter chos yongs rdzogs nos/____/dpal spungs byams mgon si tu las/____/rgya chen spyod brgyud sems sdom dang /______/dgyes rdor dbang chen sgrol dkar sogs/____/snga rjes chos bka' mang du thob/____/tsA 'dra'i kong sprul yang srid las/____/rata phur dbang dang kong chen pa'i/____/gter byon yang dag la sogs thob/____/zhe chen rab 'byams rin po cher/____/nyang gi khros nag dbang bsdus dang /______/dregs 'joms dbang sogs mang du nos/____/kaHthog kun bzang bstan 'dzin las/____/spyi mdo dgongs 'dus bshad lung dang /______/ngal bso skor gsum theg mchog mdzod/____/sogs kyi bshad khrid mang du thob/____/pad+ma thugs rje'i dbang phyug las/____/las gling gter chos bka' ma yi/____/dongs sprugs rnam gnyis dbang lung thob/____/sangs rgyas mnyan pa khra sprul dang /______/bstan bzang mkhar mgo sprul sku sogs/____/chos kyi 'brel pa mang du nos/____/gter sras tshe dbang nor bu las/____/chung dus bsam lhun dbang chen dang /______/pad+ma bka' thang lung sogs nos/____/mchog sprul bkra shis dpal 'byor las/____/rgyud phur dbang dang rje nyid kyi/____/dgongs gter dbang lung mang po dang /______/bka' brgyud sngags mdzod jo nang pa'i/____/bka' 'bum lung sogs mang du nos/____/'bri gter 'od gsal rdo rje yi/____/tshe gegs bsal zhing nyid kyi gter/____/sgrol ma'i dbang dang tshe dbang sogs/____/snga rjes chos 'brel 'ga' re thob/____/'di nyid gter ston dngos yin kyang /______/sku gshis gyong bas 'gro don dman/____/bshes gnyen chen po 'jam rgyal las/____/kye rdor rgyu lam bdag med dbang /______/slob bshad khrid lung la sogs pa/____/chos kyi bdud rtsi rgya cher nos/____/thugs brtse chen pos khyab par mdzad/____/sa ngor bstan pa'i rgyan gcig pu/____/sde gzhung mchog sprul rin po cher/____/sgrub thabs rgya mtsho'i rjes gnang dang /______/bde dril lus dkyil mkha' spyod sogs/____/smin grol gnad chen 'ga' re nos/____/gzim 'og mchog sprul zhal snga nas/____/kye rdor rgyu lam lam zab dang /______/zhal gyi dbang khrid tshang bar nos/____/grub dbang shAkya shrI dz+nyA na/____/dngos ma mjal yang 'phrin lam nas/____/thugs rje chen pos khyab pa dang /______/dgongs pas byin brlabs rig rtsal spar/____/thugs sras 'phags mchog rdo rje las/____/bla ma bde mchog dbang sogs thob/____/rgyal dbang karma bco lnga pa/____/mjal ba'i skal pa phra na yang /______/rmi lam du ni zhal mjal zhing /______/de yi skye srid bcu drug pa/____/rig pa'i rdo rje'i dgyes zhal mjal/____/dad gus drag po dang bcas te/____/dbu zhwa mthong grol chen mo dang /______/gsung gi bdud rtsis khyab par mdzad/____/rdor 'dzin b+ho d+hi b+ha dra las/____/mi 'khrugs kye rdor mkha' spyod kyi/____/dbang dang khrid bka' legs par nos/____/sbas pa'i rnal 'byor bstan 'phel las/____/thang stong snyan brgyud gur mgon gyi/____/dbang dang rjes gnang zab khrid dang /______/mkha' spyod la sogs mang du thob/____/e wa~M thar rtse mkhan chen las/____/kye rdor rgyu lam dbang bskur dang /______/lam zab byin rlabs dag kyang nos/____/mkhan chen don dpal zhabs nyid las/____/tshe rta zung 'brel dbang bskur dang /______/klu lding rgyal sras rin po cher/____/dkar po lha gsum rjes gnang dang /______/rdor 'dzin dpal ldan 'jam dbyangs las/____/bde mchog lU hi'i dbang chen dang /______/zhal gyi smin grol tshang bar nos/____/'jam dbyangs mkhyen rab mtha' yas las/____/dus kyi 'khor lo'i dbang chen dang /______/'jigs byed zhal gyi pod lung nos/____/thar lam sprul sku rin po cher/____/sa ngor zhu chen bka' 'bum gyi/____/ljags lung nos shing gtsang sprul las/____/phur pa stod smad dbang chen dang /______/mgon po rnam sras skor sogs thob/____/nam mkha' kun bzang bstan rgyal las/____/tshe dpag lha dgu stag zhon gyi/____/dbang rjes nos shing shar bla ma/____/dkon mchog bstan 'dzin zhal snga nas/____/gur mgon rjes gnang yongs rdzogs dang /______/bka' khrid zhib rgyas sgrol dkar ni/____/'od zer drug sbrags rjes gnang thob/____/mdor na yongs 'dzin brgyad cu lhag_/brten nas dam chos rgya cher thob/____/zhe brgyad mjug nas nad mnar gyis/____/lo shas shin tu gdung gyur kyang /______/bla ma mchog gsum thugs rje yis/____/srog rang ma bral tsam zhig byung /______/rtsa gsum zhal mjal gsung thos sogs/____/las ngan dkor sgrib che ba yis/____/phra ba'ang yod pa zhig min pas/____/yi ger bri rgyu cang ma mchis/____/brtson 'grus zhan la shes rab dman/____/'dzin blo chung zhing go ba 'bring /______/bsdus grwa'i rig lam zhig sbyangs na/____/rtsod pa'i rig pa skyon med tsam/____/'byung ngam snyam yang dgos pa chung /______/'jam dpal mtshan brjod klong snying gi/__rtsa gsum ma mgon la sogs dang /______/ngor lugs 'tshogs 'don 'ga' re zhig_/tshar grangs gnyis gsum bton pa yis/____/blo la byung ba der bltas na/____/tshe sngon bag chags dge'am snyam/____/rnam 'joms gzungs ni blor blangs tshe/____/srod dus zla ba'i dkyil 'khor la/____/bltas pa'i rkyen gyis yid skyo zhing /____dpal ldan sa skya'i chos grwa de/____/yang yang dran pas tshe sngon mar/____/'khon gdung zhig tu skyes pa yi/____/bag chags yad yud dran par gyur/____/mnga' ris paN chen lha btsun che/____/ngag dbang blo bzang rgya mtsho dang /______/tshangs dbyangs rgya mtsho dpal mkhyen sogs/____/thar thor tsam zhig skabs rer dran/____/rang nyid nga rgyal che ba yi/____/rtog pa rgod pas dran pa las/____/skyes chen dam pa de rnams kyang /______/bdag 'dra'i skye ngan mi blangs bas/____/des na gtan tshigs cang ma mchis/____/chung dus sngags kyi srung ma yis/____/bskyangs pa'i rmi lam zhig byung ba/____/'khor lo'i mgon por snyan gsol bas/____/klong gsal sngags srung thon cig gsungs/____/thang stong rgyal pos shel gong gi/__rig pa'i gnas lugs ngo sprod dang /______/'phags pa'i gnas brtan yan lag 'byung /______/bi ma mi tra klong chen pa/____/rmi lam du'ang zhal mjal zhing /______/mkhyen brtse'i dbang por tshe dbang dang /______/dpal sprul sems dpa' chen po las/____/klong snying sngon 'gro'i khrid lung nos/____/gnub chen sangs rgyas ye shes kyis/____/sngags gzhung mang po'i bka' gtad byin/____/lam 'bras bla ma 'ga' re dang /______/mi la sa paN tsong kha pa/____/lha btsun nam mkha' 'jigs med kyis/____/sngags kyi spyod pa'i brda bstan sogs/____/byin rlabs thob pa'i nyams rmis dang /______/dngos dang brdzu ba gang yin ni/____/ma 'byed chab chob 'ga' mchis kyang /______/bdag bzung ci yang ma byas pas/____/zhib cha dran par ma gyur to/____/gsar rnying bka' gter rtsa gsum gyi/____/bsnyen sgrub nyams len byed 'dod blo/____/skom pas chu ltar gdung gyur kyang /______/chos brgyad rnam g.yeng dbang du thal/____/rag rim bgyis pa 'di lta ste/____/chung dus 'jam dpal bstod sgrub ni/____/zla gcig tsam la 'don khul kyang /______/phal cher rnam g.yeng kho nar 'phyan/____/'jam dkar 'bum gsum dbyangs can gyi/____/bsnyen pa 'bum lnga zhig bton kyang /______/dran rgyu mang zhing don gnad chung /______/rata phur gsang sgrub rgyun khyer dang /______/kong+ka dAt+ta'i phag dkar dang /______/dgongs gter shes rab gsal byed bsnyen/____/drag po rta khyung seng gdong ma/____/bla sgrub thig rgya phur pa bsnyen/____/zhal ni tshe 'phel lan gnyis dang /______/klong snying sngon 'gro 'bum rnams bsags/____/phyag ni khri bzhi las ma nus/____/dgyes rdor bsnyen chen rgyas pa dang /______/'byung 'dul mi tra'i tshe dpag ni/____/bka' gter gnyis dang gsang thig phur/____/lan gnyis snyan brgyud phur pa dang /______/'od gsal snying thig phur gshin gnyis/____/mchog phur khro rgyal stobs 'dus dang /______/klong gsal phyag rdor dzaM ser bcas/____/bdud phur gsang sgrub dpal chen 'dus/____/'jam dpal rgyud lugs bsnyen pa rgyas/____/rgya chen rdo rje gro lod dang /______/karma gu ru sgrol dkar dang /______/dwangs ma bcud 'dren rnams kyang bsnyen/____/dmag zor tshe sgrub rigs gsum spyi/____/bla ma gsang 'dus spyi 'dus dang /______/bar chad kun sel bsam lhun dang /______/chos bdag bar chad sel byed kyi/____/sgrol ma phyag rdor sme ba brtsegs/____/nyang gi bde 'dus bka' 'dus dang /______/snyan brgyud gshin rje lan gnyis bsnyen/____/pha rol rgol 'joms snga rjes gnyis/____/ba ri lugs kyi rnam rgyal 'joms/____/'phags ma'i snying thig snga rjes gsum/____/bi ma'i bla sgrub byin rlabs snying /______/drang srong dri med lan grangs gnyis/____/thugs sgrub tshe dmar king kang dmar/____/grol thig yang bzlog nA ga rak+sha/____/jo lugs sgrol dkar zhig gling dang /______/klong snying sgrol dkar ba ri lugs/____/snga rjes gnyis dang phyag drug dkar/____/smin gling rdor sems drag dmar dang /______/thugs sgrub gro lod gur mgon gyi/____/srung ba rdo rje'i brag rdzong ma/____/thengs gsum gur gyi yi ge bdun/____/'bum phrag brgyad cu skor tsam bsnyen/____/mgon po 'di yis bdag nyid la/____/rtag par thugs rjes gzigs snyam yod/____/rnam rgyal mgon khang nyams gsos skabs/____/rab gnas bgegs bskrad dus su ni/____/rig pa'i ngar bskyed gzir ba'i mthus/____/lha rten dngos su 'gul ba ni/____/rang gzhan 'ga' res mthong bar gyur/____/sa phur bsnyen pa 'bum nyi shu/____/thugs sgrub rgyal ba'i gdung 'dzin dang /______/bla ma smra seng dam pa'i lugs/____/smra seng mkha' 'gro gsang 'dus kyi/____/dkyil 'khor yongs rdzogs rgyun khyer dang /______/zhi rgyas dbang gi phag mo bsnyen/____/grol tig gdung ba zhi byed dang /______/sa lugs rigs byed mkha' spyod ma/____/thang rgyal tshe sgrub lugs gnyis dang /______/phyag drug mthing ga'i bla rnam dang /______/dpal mgon zhal gyi gsang sgrub dang /______/gdugs dkar mchog grub khri gcig 'don/____/tshe lha rnam gsum bla rnam dang /______/skyer rta khyung khra 'jam nag dang /______/phyag rdor u tsar gos sngon can/____/sa 'jam sbags te sgrub pa dang /______/sa man+ta shrI dbyangs can ma/____/phur bu'i lugs kyi dbyangs can dang /______/bik+Sha pa ra'i gsang sgrub dmar/____/jo lugs sme brtsegs grol thig gi/__dam grib nyes pa kun sel dang /______/mi g.yo dkar po nyi sbas kyi/____/rtsa ba'i sgrol ljang dzaM dmar dang /______/zhal gyi tshe sgrub gur bdun ma/____/grub pa'i rgyal mo'i tshe sgrub dang /______/sgra mi snyan gyi tshe sgrub bsnyen/____/nyang gi khros nag mkhyen brtse yi/____/phyag rdor rdo rje me 'bar dang /______/gnyen po lha lnga snyan brgyud kyi/____/rta mchog rol pa'i thugs tig dang /______/dregs sgrol gnam lcags me 'khor dang /______/zhi byed gdugs dkar rma bya che/____/nyang gter phyag bzhi tshe 'phel dkar/____/rong zom pad+ma mkha' 'gro dang /______/gnam chos gur drag phur sham can/____/mkha' 'gro yang tig bla sgrub dang /______/tshe sgrub lcags kyi sdong po bsnyen/____/gling gter tshe yum mkhyen brtse yi/____/tsaN+Da li ni thengs gnyis dang /______/mchog gling bi ma'i seng gdong dang /______/chos dbang sgrol dkar la sogs kyi/____/bsnyen sgrub bzlas brjod kha khral blangs/____/sems ni rnam par g.yeng ba yi/____/ji tsam bzlas kyang 'bras mi 'byin/____/zhes pa'i lung don mngon gyur nas/____/thun mong grub rtags tsam ma thob/____/da dung 'chi bas ma gtugs na/____/bsnyen sgrub cung zad byed 'dod yod/____/de bzhin 'grub par o rgyan rjes/____/byin gyis rlobs par mdzad du gsol/____/rdo rje slob dpon phyi nang gi/__de nyid bcu dang mi ldan zhing /______/rgyud sde chen po'i bsnyen pa yang /______/rgya cher ma thon hom bskyed kyis/____/bla ma'i khur bzung zhu ba'i ngor/____/gdams mdzod tshar gsum sgrub btus bzhi/____/rin gter chen mo'i dbang lung dang /______/lam 'bras slob bshad thengs gcig dang /______/tshogs bshad lan gnyis dgyes rdor gyi/____/rgyud bshad lan gsum gur saM gyi/____/rtsa ba'i bshad lung mkhyen brtse yi/____/nye brgyud gsungs pa'i bshad khrid ni/____/'bad pa chen pos mnyan byas pa/____/snga rjes lan gnyis ngor dkyil bdun/____/lan gsum sbyong dkyil tshar gsum dang /______/dus 'khor jo zhal lan drug dang /______/mi pham rgyud 'grel tshar gcig bshad/____/bde mchog lU nag lan mang dang /______/snyan brgyud bde mchog lan gcig bton/____/mkha' spyod dbang khrid lan mang dang /______/be'u bum lung gnyis sa ngor gyi/____/bka' 'bum thengs gcig gur zhal gyi/____/dbang khrid thengs gnyis 'jigs byed kyi/____/pod lung thengs gcig dbang 'ga' bskur/____/lam rim chen mo'i lung tshar gcig_/rnying ma'i bka' ma lan gnyis dang /______/rnying rgyud bklag lung tshar gcig 'don/____/gsang snying spyi mdo rtsa dum gyi/____/rgyud bshad bka' ma'i gzhung rnying rnams/____/tshar bzhi rin gter bka' rgya skor/____/smin byed lan gsum bon lung gnyis/____/snying thig ya bzhi tshar gsum dang /______/yang tig rnam gnyis lan 'ga' 'don/____/mdzod bdun bklags lung tshar gnyis dang /______/ngal bso la sogs mang du bshad/____/bla ma dgongs 'dus dbang chen gnyis/____/bka' brgyad dbang chen de mtshungs dang /______/dgongs pa zangs thal lan gnyis dang /______/thang rgyal snyan brgyud lan gsum bton/____/dag snang rgya can smin gter rnams/____/lan grangs gsum bzhi re yang bton/____/'dod 'jo'i bum bzang thengs gnyis dang /______/smin gter rtse le'i bka' 'bum lung /______/thengs re bdud 'dul klong gsal gyi/____/dbang lung tshar gnyis klong snying gi/__smin grol snga rjes tshar mang dang /______/yon mdzod bshad pa lan gsum byas/____/mkhyen brtse'i gter chos yongs rdzogs dang /______/bka' 'bum lung ni tshar gnyis bton/____/mchog gter tshang ba thengs gnyis sogs/____/mdor na zhu ba su byung ngor/____/rang rang 'dod chos dbang rjes gnang /______/byin rlabs khrid bka' bar med byas/____/gong ma 'jam mgon bla ma de/____/grub mtha' kun la ma ltar mdza'/____/rang rang rgyud lung man ngag gi/__rnam dbye ma 'dres so sor mkhyen/____/phan tshun bsre lhad mi mdzad cing /______/gang la gang 'dul chos ston pas/____/sa dge dkar rnying thams cad kyis/____/rang gi bla ma bzhin du 'dzin/____/bdag ni de ltar ma lags kyang /______/bod yul shing rta che brgyad po/____/kun la dag snang cher bskyed cing /______/log rtog sgrib pas ma gos pa/____/gshe skur grub mtha'i phyogs 'dzin spangs/____/dbang khrid man ngag rgyud lung rnams/____/rgyun bzhugs thams cad 'bad pa ches/____/nyan dang mnyan par 'gyur bar smon/____/bstan pa ring du gnas pa yi/____/lhag bsam bzang pos thob pa rnams/____/phyogs ris med par spel ba dang /______/skye 'gro mchog phal thams cad la/____/zur za phrag dog brnyas bcos spangs/____/kun la phan pa'i bsam pa ni/____/dung dang pad rtsa ltar dkar ba'i/____/sems bskyed smon lam bzang po btab/____/'brel pa thams cad don yod byas/____/de ni rnam thar snying po yin/____/da ni rang lo brgya phyed la/____/'dod yon bse ru'i grangs lhag son/____/gter ston dang ni grub thob kyi/____/shas tsam bdag la mi bdog kyang /______/re zhig ma shi gson gyur na/____/rang don sgrub pa'i zhar byung du/____/gzhan la phan pa'ang cha shas 'byung /______/de phyir kun gzigs gong ma rje'i/____/gsang ba'i lung gi tshig zur dang /______/'jam mgon kong chen zhal 'phros sogs/____/dam pa rnams kyi lung byang dang /______/rang gi rig ngor thon pa bzhin/____/tshe lam phyag rgya'i rten 'brel bsgrigs/____/theg dman sor sdom phul byas shing /______/der bsten rtogs pa mi ldan kyang /______/sems bskyed dge ba nyid du sgrub/____/'di yi phan par 'gyur ba yi/____/dam bca' byed du ma mchis kyang /______/rang gzhan rkyen dbang ma gyur na/____/re zhig 'tsho bar 'gyur yang srid/____/rang bsags sdig pa'i khur chen pos/____/'bras bu sdug bsngal myong ba la/____/rgyu 'bras bslu ba med pa'i phyir/____/mgon po thugs rje can rnams kyis/____/sdig ldan bdag la gzigs shig kye/____/sdug bsngal 'dam las drang du gsol/____/sdom pa gsum gyi bcas mtshams kyi/____/ltung ba rnams ni char bzhin babs/____/rang bzhin kha na ma thos gos/____/de dag rnams la 'gyod bshags ni/____/snying nas dran no byang bar mdzod/____/'chi bar dga' spro'i gding med pas/____/mi tshe lhag ma ji yod kyang /______/dam pa'i chos la spyod pa dang /______/khyad par gzhan phan byang chub sems/____/ri rgyal lta bur brtan pa yi/____/sems can kun gyi 'dod pa sgrub/____/sems can rnams kyi don byed shog_/mgon po kun gzigs 'jam pa'i dbyangs/____/mkhyen brtse'i gter chen rin po che'i/____/thugs bzhed phrin las lhag ma rnams/____/ma lus bdag gis sgrub par shog_/bdag dang bdag la 'brel thob dang /______/bdag gi ming tsam thos pa kun/____/las nyon sdig sgrib kun byang nas/____/nub phyogs bde chen zhing khams su/____/pad+mo'i sbubs su rdzus te skyes/____/byang chub lung bstan thob pa dang /______/sa bcu lam lnga bgrod byas te/____/rnam mkhyen sku bzhi thob par shog_/de skad rang byas rag rim gyi/____/rtogs pa brjod pa skyon gyi cha/____/sbas shing yon tan phyogs gtogs rnams/____/mdo tsam smras pa 'di nyid kyang /______/tshe rabs sngon nas 'brel ba yi/____/smon lam gcig tu mthu grub pa/____/snying gi grogs mchog chos kyi bshes/____/kun gzigs mchog sprul rin po che/____/bkra shis dpal gyis 'byor pa yi/____/bka' stsal bzlog tu ma nus pas/____/gnyis spangs 'khyams po blun rgan ni/____/chos kyi blo gros zhes bya des/____/gang shar gang dran shar mar bris/____/dge bas bzang 'brel ngan 'brel rnams/____/rim gyis grol ba'i rgyur gyur cigaslad nas dad ldan gyi slob mas spar du brko bar brtsams pa na cung zad bsnan pa dge'o/____/sarba mang+ga laM/____/oM swa sti/____/bka' drin thob pa'i bla ma sangs rgyas dngos/____/mdo rgyud kun nas mthun par rab bsngags bzhin/____/dad slob dam tshig blo mig dag pa ni/____/kun dga' bsod nams rab rgyas zhes bya bas/____/spar du bskrun pa'i legs byas 'di nyid kyis/____/bdag gzhan thams cad bla ma'i lam gyis grol/____/tshogs rdzogs sgrib dag sku bzhi'i rgyal sa brnyes/____/don gnyis lhun gyis grub pa'i bkra shis shog_/bla ma'i rtogs brjod brgyad ldan lha yi chab/____/bar gyi yur bar 'dren byed bsod 'phel bas/____/rnam gsum dad pas bgyis pa'i legs byas kyis/____/mtshan ldan bla mas rnam kun rjes 'dzin shog_/sarba dza ga taM//____//__

[! ,QA X : 0 0 <A ! @ ? f .A 2 ! < / 3 2A S $ < 4 N f /0E x / 2# f $q 2A 3R e f ! = 2A @ < !A (,,,,] @#/____/trishrad+d+hApuN+DarIkahAsas+yadibakAranAmabib+hugurutsakras+yanA/__pad+madz+nyAnabadz+ras+yaguh+yabimok+Shas+yakalAbiharastisma//____//__ @#/____/khyab bdag bla ma 'khor lo'i mgon po pad+ma ye shes rdo rje'i gsang ba'i rnam thar gyi cha shas dad gsum pad dkar bzhad pa'i nyin byed ces bya ba bzhugs so/____/ oM swa sti/__rdo rje 'chang nyid rdor 'dzin mchog gi sgyu 'phrul rol rtsed kyis/____/bdag dang bdag 'dra'i skal dman tshogs la lhag par rjes brtse bas/____/rdo rje theg pa'i nye lam zab mos lan brgyar smin mdzad pa'i/____/dpal ldan bla ma'i bka' drin bsam bzhin gsol ba rgyun du 'debs/____/phyogs dus rgyal ba sras dang bcas pa'i ye shes sku can 'ja~Xm pa'i dbyanga~Xs/____/phyogs dus kun khyab brgyad khri bzhi stong cho~Xs kyi~X 'od zer rtag tu 'phro/____/phyogs dus kun bral rigs can gsum gyi blo~X grosa~X pad+mo rgyas pa'i gnyen/____/phyogs dus rgyal ba'i phrin las byed po lha yi bla ma gtsug na mchod/____/'ja~Xm dpal dbyanga~Xs dang gnyis su med cing 'jam dbyangs mkhyen brtse'i phrin las rnam rol sku/____/mdo rgyud kun gyi glegs bam gcig gyur shing rta brgyad kyi zab gdams kun 'dus mtsho/____/yongs rdzogs bstan pa'i khur chen bsnams nas bshad sgrub cho~Xs kyi~X rgyal mtshan srid rtser bsgrengs/____/blo~X grosa~X spobs pa'i gter brgyad grol zhing rgyal ba rgya mtsho'i rnam thar bskyangs la 'dud/____/rang snang 'od gsal chos sku'i klong du gdod nas mnyam nyid rtogs gyur kyang /______/gcig tu dge ba'i sngon smon thugs dam zab mo'i dpung shugs btsan po yis/____/gzhan snang gdul bya'i skal ba dang 'tshams sprul pa'i zlos gar sna tshogs kyis/____/srid mtha'i bar du 'gro kun skyobs mdzad khyed kyi bka' drin yang yang dran/____/gang 'dul sna tshogs sprul pa'i sku ni zhing khams rgya mtsho'i rdul gyi rjes su bsnyegs/____/grags stong skye med rdo rje'i gsung ni srid gsum sgra dbyangs brjod pa kun gyi ngo bor gyur/____/rig stong dbyer med rdo rje'i thugs ni rgyal ba kun gyi dgongs pa'i klong du rnam dbyer med/____/nam yang 'gags med phrin las kyis ni dus gsum dus med shes bya kun khyab kho bos nges/____/de phyir khyed kyi gsang rnam nam mkha'i pha mthar brgal/____/phyogs bzhi'i rgya mtsho yis kyang zab pa'i dper mi bzod/____/nyin byed bye bas kyang ni mtshon par mi nus na/____/me khyer byis blos dpag pa shin tu ngal ba'i rgyu/____/'on kyang zab gsang rin bral dbyig gi sil ma 'di/____/rang 'dod rmongs tshig phal gyi dri mas ma sbag par/____/gcig tu gus pa'i sor rtses dad pa'i mgul rgyan du/____/dkyus su legs par bstar la nongs pa med snyam rloms/____/de yang 'gro ba lha dang bcas pa'i skyabs gcig_/rgyal bstan yongs rdzogs kyi bdag po/__bka' gter gsar rnying gi gdams pa'i glegs bam gcig gyur/__snyigs dus kyi rgud mun sel ba'i nyin byed/__shin tu skal dman gyi 'gro ba rnams 'khor ba'i mtsho las bsgral ba'i ded dpon/__gangs ljongs rdo rje 'dzin pa yongs kyi rgyal po mchog_/bdag cag gi dpal ldan bla ma dam pa mtshan brjod par dka' ba/__don gyi slad du mtshan nas smos na7'jam dbyangs chos kyi blo gros ris med bstan pa'i rgyal mtshan dpal bzang po zhes mtshan snyan gyi grags dkar sa gsum du khyab pa 'di nyid ni/__tshur snang gdul bya'i ngor/__7'jam dbyangs mkhyen brtse'i dbang po kun dga' bstan pa'i rgyal mtshan dpal bzang po'am/__mtshan gzhan pad+ma 'od gsal mdo sngags gling pa de nyid kyi phrin las mchog gi zlos gar yin pa la/__de nyid ni 'jam pa'i dbyangs chos rgyal khri srong gi sku dang /____gu ru pad+ma'i gsung /____nam mkha'i snying po'i thugs/__bi ma la'i yon tan/__lang gro lo tsA ba'i phrin las bcas gcig bsdus kyi sprul pa'i sku yin par gsungs shing /____rje bla ma 'di nyid rang gi skye phreng gsol 'debs zhal gsungs ma'i mgor yang /____rgyal ba sras dang bcas pa'i ye shes sku/____/phyogs dus mu mtha' med par khyab pa'i bdag_/rang byung dang po'i sangs rgyas bcom ldan 'das/____/mgon po 'jam dpal dbyangs la gsol ba 'debs/____/zhes sprul gzhi rje btsun 'jam pa'i dbyangs yin pa zhal gyis bzhes pa dang /____de nyid kyi sprul pa yang sprul ni 'das ma 'ongs da lta'i dus gsum/__phyogs bcu'i zhing khams kun tu khyab cing /____de'ang mchog gi sprul sku nas dmyal ba pa'i sems can nam/__'bu srin yan gyi skye ba'i tshul dang /____ri gling rgya mtsho nas rtsi shing sman bcud/__chu yi zil pa yan gyi rnam par bstan pa sogs bsam gyis mi khyab cing /____bye brag tu zhing khams 'di'i bye brag gi char/__'phags bod gnyis su tshur mthong gdul 'os kyi ngor/__rje bla ma'i sku sngon ma'i skye phreng cha shas 'ga' re tsam ngos zin pa/__ye shes kyi gzigs par sgrib thogs kun bral gyi dam pa mchog gis rnam thar chen mo'i nang du/__rje gong ma'i rnam thar chen mo 'jam mgon kong sprul gyis mdzad pa'i nang gi sku skye phreng yongs rdzogs khar/__de'i nang ma gsal ba rje bla ma rang gi zhal gsung gsol 'debs dang /____rtogs brjod nyung gsal bcas kyi nang gsal ba de rigs rgyu mtshan dang bcas bkod mdzad 'dug pa dang /____da dung de gnyis su ma gsal ba'i gsang rnam 'ga' re'i nang zur tsam gsal rigs kyang dper na/__grub chen ku ku ri pa dang /______/rigs ldan 'jam dbyangs grags pa/__lha sras mu tig btsad po/____/rje phag mo grub pa/__bla chen 'brog mi shAkya ye shes/____/rje rin po che blo bzang grags pa/__smin gling gter sras pad+ma 'gyur med/__nang chen bde ba'i rdo rje/__kun mkhyen bsod nams seng+ge/__sa skya'i gong ma phyogs kyi glang po/__sa skya kun rin sras badz+ra rat+na/__kong gter rig 'dzin 'ja' tshon snying po/__ngor mkhan chen byams pa kun dga' bstan pa'i rgyal mtshan/__rong ston bde gling sogs mang po zhig yod par nges kyang so skye rmongs brtul gyis mtha' mi chod par ma zad/__de lta bu'i bla ma 'jam pa'i rdo rje de'i rnam par thar pa'i mtha' ngo ma ni dus gsum gyi rgyal ba thams cad kyis kyang ga la chod/__'on kyang dad pa'i mig dang ldan zhing /____blo gros kyi pad+mo yangs pa rnams kyi ngor rje bla ma rang gi phyag bris ngo ma'i gsang rnam skor gyi shog dril kha shas shig dus dbang gis re zhig mi mngon par gyur kyang /____rjes sor thugs sras kyi gtso bo'i phyag son byung 'dug pa de rnams 'dir bcos bslad med par 'bri bar bya'o/____/_!__'jam dbyangs blo gros rgya mtshos rkyag brdzun nying 'khrul gyi gtam nges la ma nges tsam bri na/__rab byung bcu drug pa'i me yos zla ba gnyis pa'i tshes bcu nas thugs sgrub bye ba phrag brgya'i yang snying bar chad kun sel bsnyen sgrub skabs snga phyir tshe dpag med kyi 'jim sku spar btab pa bla ma gong ma'i gdung tshwa yin rgyu'i gras nang gser btab pa che tsam gcig dang /____gzhan yang /____bar chad kyi ltas kyang rje bla ma'i gzim mal 'dra zhal lan gnyis 'jig 'dug pa las phran nas zhig gsos byed grab kyi zhig yag ma shor bas lha 'dis bar chad sel lam snyam/__yang nub gcig gzim mal 'dra zhal gzi byin rgyas pa'i mdun mchod me mang po kha cung zad zad pa 'od gsal ba bltams/__dbang khang yang de bzhin 'dug_/yang rgyal po thang theb tog sgro mang yod pa gzims skyil ltag ma'i tshom der 'dug pa dang /____ngos dang gri 'thab byas pas kho'i mgo la rma mang du byas kyang khrag 'ong rgyu mi 'dug mthar mgul pa bcad de nas snying rje zhig skyes pas rke dang ma 'brel bar mgo bar snang du mtho gang tsam dpag pa zhig byas nas 'jog pa rmis pas snying rje des cung nongs sam snyam/__yang dung dkar mang po dang /____de'i nang nas gser ljang brdung gshog can che cha gcig sogs dang /____skra bkru ba rmis/__yang pha wang che tsam la gu ru rin po che'i sku rang byon shin tu che ba grang gser byugs yod pa zhig dang /____yang rgyal ba'i bka' bstan 'gyur gser bris bri shom byas mthar bstan 'gyur ma bzhengs bka' 'gyur bri chags/__mthar bka' 'gyur nges don pod drug bris pas 'thus rgyu byas/__skyabs rje si tu rin po che nub phal che ba rmis 'di nub shin tu gzi brjid can gsung gleng mang po gnang yang gcig kyang ma dran/__!__yang nag zla'i tshes nyer drug nub/__rmi lam skyabs rje si tu rin po che dang mjal zhal 'phros mang po dang lung pa nya lhung lta bu zhig tu phran dang grogs kha shas kyis ye bzang ma 'chi ba'i bsngo rten dkar yol bkra shis rtags brgyad de chu khar khur nas chu nang bcug na steng du 'phar yong byas dkar yol chur bcug pas steng du lan mang 'phar nas mthar dkar yol chus gang ba bye slebs 'phur ba ltar sa phug gar yin bab nags ri zhig gi rtser yang bab/__de btsal bar song nags de'i rtser ne tso zhig gis brag chung ngu zhig gi gseb tu tshong bca' shom gyi thang bal sogs bsdu nas 'gro 'dug_/brag nags 'dres pa'i dil 'bur che ba gnas yin rgyu zhig gi phug pa nang nas yar skas ring po 'dzegs te phyin pas brag sked phug pa der rgyal ba rigs lnga'i mchod rten yin zer rtsig 'bum dkar smug che ba kha shas 'dug pa de la bskor de steng brag phug zhig tu dregs can zhig 'dug der song min brjed/__slar mar babs/__yang dkar yol btsal/__slar sngar gyi phug pa nang btsal bas grogs kha shas skas la 'dzegs te steng du phyin/__ngos rang 'gro snyam gyis skas phyed tsam la song kyang skas de ring ba dang /____cung yo 'dzug byas/__gos smad sham ring ba sogs kyis da lta phyin zin pas da mi 'gro snyam phyir babs dkar yol ni ma rnyed pa de 'dra zhig rmis mthar sad/__'di nyin yi ger bkod/__!__tshes 27la 'khrul rmis/__kaHthog rgyud sde lha khang gi gtsug lag khang gi nang du rab gsal gyang dem steng skyabs rje rin po che'i bzhugs sgrom nang bzhugs gdan 'dings yod pa'i nang nga rang sdod grab byas a rab lta bu de gnyis gang yin ma 'byed pa der khrid byung bas ngos nas gdan nang gi sta mgo der yang skyabs rje'i bzhugs gdan gzim mal zhig 'dug pa'i steng khos rkang pas brdzis par nged khros nas khyod kyi der brdzi chog don med khyed nged gnyis mi 'dra nga la skyabs rje nyid kyi sngar nas don gyi bstan pa gtad pa yin pha shul bus 'dzin dgos zhes gsungs byas nas tshig gis spyos mthar brdung bid sogs ci thub byas/__de nas sngar gyi nad pa yang 'byor nas sdod/__nged rang skyabs rje'i bzhugs mal 'khris der gdan bting ba la sdod nas rta mgrin gnam lcags me 'khor gyi dbang bskur grab byas ye bzang kyang 'dug pa me dbang dpal 'bar bzos byas bum pa sogs bshams yi ge spar ma zhig steng dbang bsgrub rgyu ma byung bskur grab byas kyang yi ge ma 'grigs pa ang grangs 14yang 14zhes nyis ldeb sha stag 'dug pas bskur dka' mo byung ba dbang zhus grwa pa mang po 'tshub byung bas mang po la mi bskur snyam nas mang po de rnams g.yo zol gyis las bum thogs te dbang rdzas zhig sbyin nas gzhan rnams gyes 'gro thabs bya bsam ngang thams cad phyir ded nas bskur grab byas pas khrom khri 'dug_/kaHthog 'du khang 'khor dis 'bur yan chod gang 'dug zer grwa pa dbang rdzas thogs pa mang po 'dug sgrub chen skabs lta bu dang po de rnams la dbang rdzas byin/__de nas ser sbreng lta bus rgyud sde chos ra 'byor tsam la gnyid sad pas thams cad mi 'dug i kotshes 29la thog gnyis pa zhig gi 'og khang nas rdo skas 'dug par 'dzegs te phyin pas kha de nas mi skya kha shas kyi ro zhig gyam 'ong ba ma 'ong ma 'ong nga yod byas kyang ma nyan/__kha nas mgo mjug bsgyur bskyur byung ba 'og der 'phangs ji zhig na 'chi med pa lta bu'i a od mang po zer mgo ris skra se chob be ba zhig 'dug_/nged rang steng khang phyin pas me rdza chang bum lta bu zhig gi nang ro dmar sgur ba pus brang bsnol nas me dmar hu re ba'i nang 'dug tshig dri du dri ni mi 'dug_/'og gi ro de yang sos/__'di yang sos i 'ong zer nged nas sngags mchil dang phu brgyab kyang sos ma byung ba zhig rmis/____/e ma ho/__rang rig thabs shes rgyal po la/____/rang grol skye med 'khor gyis bskor/____/rang rig sku gsum lha tshogs rnams/____/rang snang dbyings kyi tshom bur brdal/____/a ho/__sgra tshig brjod pa kun las 'das/____/kun bzang gzhon nu bum sku yi/____/phyi rgya ral las mngon du gyur/____/gong du 'phel ba gzhan med do/____/chos can rtog pa'i 'phro 'du kun/____/chos dbyings 'od gsal mkha' la dengs/____/gang snang spros pa'i gzebs las grol/____/brdal khyab bde chen thang la rgyu/____/e ma ho/__a la la ho/__hU~M hU~M hU~M/__phaT phaT phaT/__a la la d+hIHhaM/__chu byi zla 2tshes 8nyi shar rgyab la/__'gro 'dul dpa' bo rdo rje de nyid dmar smug dbu skra dkar po thor cog can rus rgyan gyis spras shing nam mkha' 'ja' 'od kyi klong nas phar nub phyogs la byon zhing g.yas DA ru snyan thad brdungs pa dang /____g.yon thod pa/__'khor mkha' 'gro'i tshogs dang bcas pas bskor ba snang nyams ni min la/__shes nyams brtan mi brtan tsam ngang gsung gi glu dbyangs kyis gong gi tshig 'di gsungs pa'i snang ba la yid dpyod dang 'dres shas che/__mi chos bla ma'i brdzun du gyur na snying nas bshags so/____/don la mos gus che ba zhig byung ngo /______/!mkhyen no mkhyen no bla ma mkhyen no/____/a ho/__ka dag rig stong 'od gsal pho brang gi dbus nas/____/sna tshogs 'gro 'dul dpa' bo rdo rje yis gzigs shig_/mkhyen brtse nus pa'i byin rlabs da lta rang stsol cig_/dgongs rgyud 'pho ba chen po'i dbang bskur zhig zhu'o/____/'od gsal snang ba chen po rgyun 'byams kyi dbus nas/____/ngo mtshar don dam bla ma gter bzhad kyi snying po/____/gsang gsum dgyes pa'i gar gyi mig 'phrul zhig rtsen pas/____/tha mal snang ba rig gdangs 'od gsal du thim song /______/rig 'dzin mkhas grub kun gyi thor cog gi rtse la/____/zhabs sen bkod pa sna tshogs rang grol de mkhyen no/____/kun bzang bde chen rgyal pos byin gyis rang rlobs shig_/thugs rgyud dgongs pa'i byin rlabs snying dbus su 'phos nas/____/blo 'das bya rtsol bral ba rdzogs chen gyi gnas lugs/____/gzhan nas ma btsal rang gi snying dbus su sad pas/____/sku gsum rig 'dzin bla ma'i rang zhal de mjal byung /______/yid dpyod dang bral rang bab cog bzhag gi gnad la/____/rtag tu gom pas ka dag gdod ma yi gzhi dbyings/____/ye stong chen po bsam gyis mi khyab pa'i gnas lugs/____/khyad par gnad gsum 'khor lo'i man ngag la brten pas/____/sku dang zhing khams yon tan lhun grub kyi snang ba/____/mngon sum 'bras bur smin pa'i khyad chos zhig 'dug go/__de la ngo shes rtsal rdzogs brtan pa zhig thob na/____/'khrul zad chos sku'i go 'phang tshe 'di la thob nas/____/srid pa'i 'khrul snang grong khyer rgyun thag ni gcod do/____/'di yang kun bzang khyab bdag bla ma yi drin gyis/____/rang gnas rig pa bla ma'i ngo bo ru 'phrod pas/____/grub 'bras bla ma'i go 'phang thob pa las gzhan med/____/mdor na gsang gsum byin rlabs bdag rgyud la zhugs nas/____/don gnyis lhun gyis grub par byin gyis rang rlobs shig_/de'i phyi dror bris/__!__sa rta zla tshes la hor po gter khob tsher rtsar sdod pa'i nub mo nam phyed yol tsam rmi lam la/__dang po sde dge dang /____bod mda' dpon bkras mthong sogs rmis mthar/__byis pa zhig gar yongs med de byung /____de sprul sku zhig yin rgyu 'dra byed kyin 'dug_/skabs shig gru mo bsam lha byung nas/__de la khyod kyi bu 'di bdag la gtad dgos lab/__des bu 'di/__me 'brug zla 7tshes 78'khrungs/__skyes ma thag nas gcin lta bu'i chu mang ba zhig bab/__kha drag du zer/__nged nas bu de la gtsug phud phul byas pas lo 16dus yin zer/__khyed nged rtsar i 'gro dris pas/__rdor brag sprul sku red ni gsungs/__nga dang skye ba sngon ma nas nyid 'brel i myong dris pas/__myong zer/__nga'i skye ba sngon ma gang red dris pas khri srong /____de la sprul pa mang po mang po yod pa'i nang gang red dris pas/__thogs med ces ma dran pa lta bus yang 'or byed 'dug pa/__nged kyis lnga pa e yin byas pas/__'o rgyal dbang lnga pa rgyal dbang lnga pa zhes lan gnyis 'or/__gtsug phud 'bul ming mgon po dbang phyug btags dgos snyam/__je zhig rdzong sar shar mthong du/__byis pas rdor zhwa nag gyon 'don pa mang po byed kyin 'dug_/nged gzim chung rab gsal nas 'dir shog byas pas thogs med byung /____zhwa phud nged la 'dris tshor chen po byas/__je zhig nged nyal ba'i rum du byung /____ma hA su khas mchod yang byis pa des/__gsang bdag cig kho la dgos kho'i skye ba mang po'i lha yin zer/__khyed kyi skye ba gtan gtan ngo ma shod byas pas/__don du drang srong tshe sgrub pa snga phyi gnyis de yin zer/__nged kyis 'di pad phrin dang smin gter zung 'jug gi skye mtha' yin snyam/__ming la/__'gyur med gsang bdag mgon po dbang phyug zer dgos snyam ngang gnyid sad/__zhib par brjed 'dug!sa lug lo dbyug zla'i tshes 30la/__'ju tshar ge sar gsol mchod byas shing smin zla'i tshes 1hag mdar ba chung rtsar 'dug nub/__rdzong shod lcam me spun gsum lta bu'i spang rdza brag 'dres pa'i ri kha shar lhor blta ba zhig tu bdag dang grwa pa kha shas bcas 'byor 'dug pa skabs shig tu ngos kyi phyag zhabs 'ong ba red zer nas mi ngo mi shes pa sba dbyug btsugs pa kha shas thag ring a kyo lta bu shin tu mang ba dang kha ta byas pas zhib tu brjed/__de nas rkang 'gros kyis phyin pas rdo mu nam la 'byor/__gangs la mthon po zhig gi nyag phrag tu slebs dbyar ka lta bu smug pa phyogs mang du 'khrigs 'dug_/ri 'di nas gzhi bdag sogs yongs rdzogs mthong zhes mi ngo mi shes pa zhig gis zer/__bltas pas nga 'dra sogs shar dang /____nub byang nas thag ring po zhig mthong /____mi des rma rgyal skyes lta bu zer yang zhib par ma dran de rigs kyang mthong zer/__nag shod dang thang lha'i phyogs kyang mthong zer yang dngos smug pas ma mthong /____de phyogs kyi dgon pa gcig nas zhag po gnyis kyis rma rgyal skyes la 'byor de 'dra thag yod kyang 'di nas rig dar zer/__re zhig na mu nam dbu rtse ri che ba zhig la nged kyi 'dom gang gi 'khril nas lag yas phrag nyag zhig dang /____lag yas dbu rtser ngo ma thug dngos grub yin snyam gyi bdud rtsi lta bu khar ldag ril bu lta bu mang du zos gzhan kha shas la byin mthar ri de btang nas ri dpal gtor 'dra ba'i gshog ya nas gangs tshe ril lta bu sra ba mang po sen mos bred myong 'dug nyag phrag de nas mar tsam la g.ya' ma gru bzhi'i steng gnye 'jam nas bcas zer gtor ma dmar po mtshon khra'i rgyan can dpal gtor brang kha nor bu yod pa mtshal rtsi bkon pa gtso 'khor lnga tsam 'dug_/bar zhig gtor ma de dngos grub tu rol pa phyed tsam lus/__'khor rnams mi 'dug_/gtor gdan de rdul tshon dkyil 'khor 'dra zhig byug 'dug_/phyed lus pa des ru rtsi byas nas gsar du bca' shom byed nas zan brdzi ngang gnyid sad/__'di la shin tu mang po yod kyang sad nas mang che ba ma dran/__me stag zla 2tshes 19lam 'bras sher dbang gi khrid nyin dang po'i nub rmi lam shin tu mang bar rmis kyang brjed/__lam 'bras kyi chos khri khar bsdad nas pod dmar gyi bir srung skor rnams 'don nas rang nyid kyi srung ba sogs byas nas mthar lag g.yas gdan la brten/__g.yon sdigs mdzub gyen la bstan/__gdong de phyogs su sgyur nas rang biR+Wa pa yin snyam pa'i nga rgyal 'dra zhig skyes nas sdod pa rmis/__de'i sngon nang bskyed rim gyi skabs shig yin snyam/__chos rim khar rje btsun kIrti d+h+wa dza dkar chas rdo rje thugs kar bsgyings dril bu dkur brten sku shin tu che ba mi tshad las ches cher mtho ba zhig yid nyams la shar ba'i ngang mos gus drag pos bde gsal gyi nyams zhig skyes kyang yid 'khrul cha mi dran dgu dran mi shar dgu shar rkyag brdzun gyi shes snang la gtad so ci yod/__dngos nyams ni gtan nas ma red lags/__!__chu bya zla 9tshes 21la rmi lam du ngos spang ljongs zhig tu shar phyogs nas 'ong ba snyam byed pa'i mi gzugs ring mgo zlum na bza' phying gos g.yogs dkar rnying song mnab pa zhig byung ba mngon shes yod pa skad can la lkog gyur 'ga' dri dgos snyam dang /____de nyid kyis khyed nas gshed dmar lta bu'i gshin rje dang /____ni gu'i nyams len mthar phyin byas k+She tra pA la srung mar bsten na bzang zer/__yang ngos rang gi gdugs dkar kha thon gyi dpe leb lta bu zhig gi khar shog bu zhig la/__'jam dbyangs grags pa smon lam zer ba 'dra zhig dang /____yang bltas pas/__gong gi mthar smon lam mthar phyin dang /____yang de mthar mkhyen brtse phyogs las rnam rgyal zhes pa thig dmar chung ngu rgyab pa zhig 'dug_/bar skabs nas de yi gong mkhyen brtse'i phyag bris kyi sngags skad tshigs bcad can shwa lo ka gcig 'dug pa'i nang gong gi ming de'i skad dod shes/__de min ha ma go de 'dra zhig bstan 'dug pa res 'ga' bla ma/__!__chu bya smin drug zla ba'i tshes nyer bdun 'jigs byed lha bcu gsum ma'i dbang bskur nub/__rang gi yi dam gyi lha gang yin brtag pa bgyis pa'i nam smad la/__rmi lam dang nyams 'dres mar/__mkhyen brtse rdo rje 'chang sku chos rnying dreg can dang /____paN zhu mnab nas bzhugs pa'i zhal nas yi dam 'jam dpal rdo rje dang /____rdo rje 'jigs byed yin ces lan gsum bzhi 'jam dpal zhi khro yin ces 'or/__de nas bzhengs te tshe mda' g.yab nas tshe dbang 'dra zhig mdzad/__de rjes khang bzang 'dra ba gcig gi nang mal khri legs po zhig nang mi zhig nyal yod pa'i snang ba dang /____dar cig nas mi rgan sha rtsa sngo dmar thod gnyer mang ba zhig gi ro stod gcer bu 'bud tsam byung bas dang po gang yin ma shes ngang /____yud tsam nas la li ta badz+ra red pas dbang zhu dgos bsam pa'i mod mi rgan de nam mkha' la gcer bur 'phags/__zhabs gnyis long bu bsnol ba'i 'ga' 'dug gi/__phyag gnyis de'i bar nas 'dzugs pa zhig tu gyur pa dang /____snang ba zing chom me gyur ngang /____dbyings mthing 'od chen por badz+ra b+he ra wa'i dkyil 'khor sprul nas skad cig gis bum gsang bskur byang sems blud/__sher dbang skabs rig ma gtad ro langs mar gyur nas mnyam par sbyor bas bde ba chen po'i nyams brjod mi shes pa ring tsam byung /____A li sogs rang gis bzlas snang /____bzhi pa'i skabs mi rgan de langs nas ral gris rang gi bem rgog la brgyab pa rnam shes a yig gcig pur gyur pa de ma thag rdul bral stong gzugs badz+ra b+he ra war gyur pa'i mthar gnyid sad pa dang /____lus sems shin tu dwangs/__bla ma de'i sku yi snang ba ni de rjes yang yang yid la shar/__brjod bral bde stong gi nyams sogs ni ci'ang gnas mi 'dug_/phyi nyin yang lus sems shin tu dwangs pa zhig ni red/__gu h+ya/__yang gong 'phros skye ba gsum nas sangs rgyas pa'i ming /____drag po thod pa rtsal zer/__sham+b+ha lar skye 'gro rgyu 'dra yang gsal ma gsal bshad/__ga!chos dbang phur pa spu gri'i rgyun bsnyen la zhugs pa'i skabs zhig nyams snang la rdo rje 'chang kun dga' bzang po thugs ka na thub dbang rin po che yod pa zhig kyang mjal nyams shar/__kha!tshes 12tho rangs snga char lam dus 'don skabs ngor chen rdo rje 'chang la mos gus rkyen gyis mun pa'i nang rje rdo rje 'chang dngos su bzhugs snyam lta bu'i gsal snang dad mos byas/__yang bar chad yin nam snyam shes nyams lta bas zil gyis mnan pas tshur je nyer byung ba dang 'od zer nyi 'od lta bu'i zer sne mor dkar phrom phrom mang por yod pa de gnas gyur te phyag na rdo rje zhal gcig phyag gnyis g.yas rdo rje g.yon sdigs mdzub mdzad pa zhig tu gyur nas rang la thim pa dang /____rang phyag rdor gyi skur gyur pa'i snang ba byung ngo /______/!tshes 15phyi thun nang zhig la dbu ma 'jug pa zhig yid ngor dran rkyen gyis/__mdun mkhar dpal ldan zla ba grags pa saM skr-i ta'i chas ne'u zhwa rdo zhu lta bu pad kha can/__dkar gsal rgya gram phran bu yod pa phyag gnyis pusti tA la'i lo mar bris pa dbu 'jug yin rgyu zhig bsnams pa la/__saM skr-i ta'i skad gyi yud tsam zhig la bklags pa sgra drug 'gyur zer ba yin nam dran/__de nas rang la thim pa dang rang lus d+hIHgser mdog chen por gyur pa las 'od zer gyi rtse mo thig le dkar phrom yod pa mang po 'phros/__yang gser gyi rdo rje rtse lngar gyur pa'i rtse mor tshe dpag med dkar po longs sku'i chas can bzhugs pa lte ba sa bon hrIHyig yod pa/__yang tshe dpag med rdo rje'i khong seng nas mar bab pa sogs nyams shar ba zhag gsum bar yi ger 'god pa ma byung bas brjed ngas su gyur/__4de'i ming yin nam snyam/__skabs rer gzhan zhig la 'dogs rgyu yin snyam ngang /____bla ma de pad+ma shel phug la 'gro zer nas byon song ba rmis/__phyi nyin lha babs dus chen gyi nam langs pa dang /____ja sbra tshang gi bu tshe dbang bde chen shing khyi lo 12pa can skra phud byung ba ming kun dga' 'jam dpal grags pa 'dogs pa dang /____yang 'dan del mgo'i bu zhig gi don rtsa yang de nyin 'phros mang du byung ba gnyis gang la blta rgyu yod dam sems/__dpyad dka'/__!__chu bya zla 12tshes 20la bla ma rin po che 'jam rgyal byon nas lam 'bras rdo rje'i tshig rkang gi rnam 'grel bcu gcig spar phud skyes su bstsal nub lung rgyun zhig yod na ci ma rung snyam bla ma sa chen la gsol ba btab nas nyal ba'i nam smad kyi char gnyid srab mo'i rmi lam du bla ma sa chen da lta'i bris cha dang mtshungs pa zhig gi phyag na bla mas gnang rgyu dpe cha de 'dra bsnams nas spyi bor 'jog_/yang dpe las du ba sngon po lta bu 'od khyug khyug pa 'phros rang la thim/__mthar bla ma sa chen dgyes rdor zhig tu gyur nas rang la thim pas bde stong gi nyams 'bar ba'i mthar sad par gyur to/____/_!__me glang zla 8tshes 17la/__lha khang rnying pa zhig tu/__grwa pa ngo ma shes pa mang po tshogs/__der rten gsum mang po yod skad kyis/__grwa pa zhig gis 'di 'og min tshogs chen 'dus pa'i sman sgrub snod kyi thod pa yin zer nas thod pa ser po kha sbyor dum bu gcig pa shin tu che ba mthong ma myong ba zhig bstan nas grwa pa des kha phyes song bas nang ya ma log gnyis phal cher rus pa'i snying po can gyi khug gcig na sman sgye 'jog snod mdzub gang tsam gyi rjes yod pa zhig 'dug_/yang lha khang der logs bris shin tu mang po dang /____khyad par 'dus mdo'i bla brgyud mang po/__de rnams mi zhig gi dpe tshan gcig thogs nas de dang ra sbrags te bshad shom byed ngang bshad rgyu ma byung /____chos rtsigs shin tu mang po 'dug_/phal cher grol nas 'dug pa rgyud sde pod so gnyis tsam rnams yar bcings nas brtsigs/__dar gcig nas skyabs rje si tu rin po ches rgyud sde zhig la bshad pa rgyas pa mang po mdzad nas thugs khros nyams kyis grwa pa zhig la thang ka sgril ba zhig gis mang po rgyab/__phran la'ang bka' bkyon gnang shom lta bus mda' gnyis phyag tu btang bas nged kyi lag mthil gzhung la tsha nges zhig gnang /____mthar shog chag kha shas dang /____mda' gnyis kaHthog sku zhabs la sprod gsungs pa sogs mang po rmis mthar sad/__phyir nang kaHthog nas rin po che'i rnam thar 'byor byung /____zla 8tshes 23la kaHthog lha chen khang 'dra ba zhig mgon po'i 'dag sku chen po zhig phyogs gzhan zhig tu skyal grabs kyis sku de bsgul nas drud/__gnam mthong zhig nas chang zhig bsnyal yod pa'i dri ma chil le ba dang /____chang de mgon po gdan drangs dus mkho zer/__de nas rdzong sar rten khrod bang ba'i nang phyin pa sgo khud nas mgon sku de drangs song ba lta bu'i stong pa 'dra zhig red 'dug pas blo pham 'dra ba 'dug_/yang chu tshur kha zhig tu sgar pa lta bu byas yod pa/__nged rang chu pha ri zhig tu song nas thang gzhung zhig tu nyal/__de nas yang song bas khang stong yin rgyu sa chung ngu zhig 'dug der bsdad pas/__re zhig nas de'i phar sne khang pa zhig tu cho ga zhig gsungs pa gu ru'i byin 'beb 'don pas gar 'khrab pa'i rgyal tshab rin po che nged kyi gam du byon dgyes pa mdzad pa rmis mthar sad/__yang rdzong sar gzims skyil du yod par sog mo a tshang nas rten thod mang po khyer byung ba'i bdud 'dul dbu thod mes tshig pa'i nang gu ru tshon gang pa dang /____yang rtse thod zhig gi dpral bar a dkar po zhig de mkha' la bkyag pas de'i nang bud+d+ha he ru ka yin snyam khro bo zhal gsum pa shin tu dkar zhing sgros pa hril bu zhig 'dug pa mjal ba dang yid la bde stong gi nyams dpag med shar/__bdud 'dul dbu thod la byin rlabs zhu 'dod pas 'khris der grwa pa zhig gis gri ltag brgyab pas thod pa'i rgyab der phur pa lta bu'i khro bo chen po zhig 'dug pa dum bu gnyis su gas pas a tshang nas ci zer snyam bag tsha/__yang rten thod gcig la bse ru'i rwa lta bu'i gris bkas pas dum gnyis tsam blangs/__de rin po che tshe dbang dar rgyas kyi dbu thod yin snyam dang /____yang la dkar mthu stobs nas sa le sbram gyi dzam lha 'dra ba zhig bstan/__kho rang song si tu rin po che nged 'dug sar bzhugs nas phed klog mdzad 'dug pa sngas kyi shag 'then nang /____dzam lha de dang /____mthu stobs kyi srung 'khor/__phreng ma sogs der bcug nas lus 'dug_/rin po ches rab gsal nang nas mar gzigs pas pha ri na rdo rje 'chang chung ngu mang po bzhugs gsungs pa sogs rmis/__!__zla ba 8 pa'i tshes 25yum bka'i tshogs me mchod nub/__chu chen dwangs pa zhig gi 'gram nas yar phyin pas zam pa brgyud brag 'gag zhig nas 'ongs pa'i phug brag khung zhig tu gyen la 'dzul bas yar sna rtsig pas char ba/__de'i nang nas chu chen babs/__rtsig pa bshigs pas phug sgo zang thal rgyab bde thang du phyin pas khang chung gcig gnyis kyang 'dug der hor po'i 'ug sgron langs nas 'gro 'dug pas gtam bshad/__yang pha tshad zhig bud med mdzes pa g.yu yi pad kor btags pa/__dung so 'khor ma can gyis 'dzum nyams cher bstan/__'ug sgron la nga rang gi lag phyis khrus ras dkar po de g.yab pas/__mos de 'ju nas phar 'then tshur 'then byas/__khrus ras 'di'i da phyin dzar zhig sus btags na 'ug sgron gyi gnod pa khog zer nas g.yugs pa sogs rmis/__!__tshes 26nub sa skya gong du tshom zhig tu 'byor ba'i khang pa'i gzhung der gzim khri stong pa zhig 'dug par mkhyen brtse khri pa'i gzim khri de ga gshegs pa yin snyam byed/__gong ma sku gzhon zhig dang gsung gleng mo la/__gshegs rgyu de'i rten sgam rnams mjal bas phag gru'i na bza' yin rgyu'i phrug dkar dri bsung phun sum tshogs pa bro ba zhig las dad rten zhus/__gzhan yang byin rten mang po klog pa 'dus mdo'i chos sman bde chen thig le zhes pa'i shog chags zhig gi nang sman sgrub legs pa rang gis myong /____gzhan la byin pa rmis mthar sad/__!__tshes 27nub rtags can mang du rmis kyang brjed/__skye phyi'i ming /____bkra shis chos rgyal dpal 'byor 'jam dbyangs grags pa bstan 'dzin bzang po/__zer ba rmis kyang sa gdong skya bo ma yin pa'i la dkar tshang gi skor mang rmis/__!__bla ma la phyag 'tshal lo/__me glang zla ba 12tshes 10la gsung ngag rin po che'i sgo 'byed sgrol dkar dang ri khrod ma'i rjes gnang byas/__tshes 11nas khrid dbu tshugs pa'i tshes 12tho rangs 'brog mi stod gos dmar po phu dung /____smad phyam rtse smug po gsol ba zhal ras mdzes pa/__dbu skra co sreg_/g.yas rdo rje thugs kar bsgyings/__g.yon dril bu dkur brten pa can zhig gsal ba rang la thim pas rang nyid de yin snang lta bu'i gsal snang shar/__de'i sku'i rnam pa de rjes yang yid ngor rtag tu dran pa zhig byung /____yang snang gsum skabs nyin gcig chos rim gyi phyag mchod gang drin ma gsungs pa'i sgang zhig la yid kyi gsal snang lta bur/__rje btsun rin po che lam 'bras bris thang rnying pa na yod pa lta bu'i bsgres nyams dkar chas can/__mchan khung du rdo rje kha TA~M bzung pa la/__'khor brgyud pa'i bla ma rab tu mang ba/__'khor rnams de tsam mi gsal ba la mos gus byas pas rje btsun rang la thim pas bde nyams cung zhig skyes/__!__yang tshes 26nub 'jam rgyal rin po che sogs 'tshogs pa nas bsod rtse'i sku bstod 'don pa zhig rmis/__!__zla ba de'i tshes 27nub rmi lam spang ri ser po ngos yangs zhig nas phar rgyu nas 'di khyung gi gshog pa lta bu rong pas 'di'i rtse mor sa 'debs dgos zhes song ba/__ri sna de'i gdong brag ri rdzong shin tu che ba'i rtse nas mar tsam song ba rdo skyag steng nas bltas pas/__de'i smad tsam na sgrub khang legs po zhig 'dug_/de'i rting pa'ang brag red/__mtho ches pas skyi g.ya' ba'i ngang /____yar phyir nud byas 'byar bas gsas mkhar lta bu la brang gtad pas/__rdo yi nor bu zhig 'dug pa je cher gyur nas steng du slebs pas mi kha shas nas nor bu shin tu je cher 'phel song zer der biR+Wa pa'i sku lta bu rdo la brkos pa'i nag dam pa mtho gcig drag zhig kyang 'dug_/gzhan rdo sku kha shas 'dug kyang ma dran pas/__lam 'bras 'dis kha'u brag rdzong pa'i lcags 'brug tha skar zla ba'i tshes 19nub rje lho brag mar pa lo tsA chen po'i sku dkar chas can ha cang mi bsgres pa dbu skra sogs deng sang gi bri rgyun ltar sems snang la mjal bar mos gus tshad med byas pa'o/____/_!__lo de'i zla 10tshes 15nub chos kyi rje sa skya paN+Di tar gus gdung drag po byas rkyen gyis chos rje'i sku yi snang ba dang /____dbang blang zhing sngar byung gi rmi lam dang cha 'dra ba de nyid rig 'dzin rnal 'byor spyod pa sku mdog sngon po pus mo g.yon bskum nas nam mkhar spyod pa/__lag na ral gri 'chang bas bdag lus bsgral ba sogs kyi snang ba byung mthar sad/__phyir nang rnam bzang gis yi ge pa byas nas bstod pa rtsom/__!__zla ba de'i tshes 16skor/__tho rangs rmi lam gsal mo la sgrol dkar yid bzhin 'khor lo'i sku'i snang bas many+dzu mang+ga'i skye gnas brda bstan yang byung ba'i ming A yu a k+Sha ra 'dogs gsungs pa byung /____yang zla ba de'i dmar phyogs kyi dgong mo nad khams 'khrugs nas mnal ba'i nam gung tsam la rA dza shugs ldan gyi dmag yin rgyu mang po bar snang nas byung ba dang /____rA dza nyid mdog smug nag gser theb can byung ba/__gur drag ye 'bar gyi srung ba'i 'khor lo chen po gnyis kyi bar du ltem pas cher 'khrugs pa'i rnam pas mi do ba snyam byed pa na/__de'i thog tu shog bu lta bu'i rgya phibs zhig 'dug par bdag nyid gtum drag dmar nag gi gsal snang ches cher brtan pa las/__lcags sdig chen po zhig spros nas/__de za ru bcug pas za rgyu yang med pa 'dra/__yang rang nyid shog bu'i rgya phibs kyi steng nas mar brdzis te 'jigs rngam byas pas cung zad zhum par gyur/__mthar rig 'dzin klong gsal snying po'i nga rgyal gyis rdo rje dang lcags sdig thogs nas bsdigs pas shin tu zhum ste 'dud byung bar/__nga ni klong gsal snying po yin/__khyod ni dam las bstan pa la cung phan pa'i rten 'brel yin nam snyam/__!__gnam gang snga mar rmi lam du/__ba so sogs spras pa'i sgam zhig grwa pa zhig gis gtad de kha phyes nas mdun du 'jog par/__mgon po phyag bzhi pa rgya gar li ser gyi sku blta bas chog mi shes pa 'od zer 'phro ba rgyang mtho gang drag zhig yod pa la dga' ba chen po skyes/__nam tho rangs khar yid kyi gsal snang la/__mgon po phyag bzhi pa shin tu gsal ba la mos gus kyis rang la thim pas rang mgon por gyur pa'i gsal snang sogs byung /____!_lcags 'brug lor zla ba 11tshes 10nas zla ba 12tshes 6bar/__bdud phur gsang sgrub steng nas bsnyen pa 'bum 13khri4/__zla ba de'i tshes 8nas/__'chi med 'phags ma bsnyen thengs gsum pa la zhugs/__lcags sbrul zla ba 1tshes 10la dngos grub blangs/__yig bcu 'bum4/__dril sgrub 'bum lnga khri7/__sems dpa' gnyis 'bum re re/__rigs bzhi 'bum re/__sgo bzhi khri re bzlas/__yang zla 1pa'i tshes 11nas bka' brgyad phyag rgya rkyang sgrub bsnyen/__bar skabs brel ba cung byung yang /____zhi ba b+ho d+hi 'bum lnga khri lnga/__che mchog 'bum1/__gzhan rnams khri lnga re/__bka' sdod khri1/__drag sngags so lnga khri1/__khro bo spyi dril 'bum bzhi khri lhag bcas grub nas lcags sbrul zla ba 3tshes 14la dngos grub blangs/__de'i dgong mo nas gshin rje hrIHdmar bsnyen/__'bum10/__zla ba de'i tshes 29la zhog_/bzhi pa'i tshes 1nas/__bud+d+ha tsu ru ka bsnyen/__tshes 8la 'bum lnga kha skong bcas grub/__tshes 9la 'jam dpal rmi brtags khri1/__!__lcags sbrul zla ba 2pa'i yar tshes nang skor zhig_/tho rangs snga cha zhig la ngor chen rdo rje 'chang ma 'da' zhig_/sogs mang po zhig 'don nas mgor rdo rje bzhag lcer bdud rtsi blud nas dam la bzhag pas klong gsal snying po'i bum pas gar khyab kho yi gnod pa mi byed zer ngang gnyid sad/__yang de skor rmi lam zhig tu gser gyi rgya phibs mang po la gser gsos byed dgos pa red zer nas byug pa dang /____tshes 26nub stag bla'i red zer nas mchod sgam zhig gi kha nas thang rnying kha shas blangs byung ba gcig phyes pas so ye shes dbang phyug red zer ba'i thang zhu mnab pa dang /____gcig phyes pas stod la zur chen dang /____smad la gnub chen yin zer ba'i ral pa se bo can zil che ba rdo rje nam mkhar phyar ba dang /____thang ka de gnyis phyi gling gi mtshon mdangs lta bu'i bkrag che zhing 'od dang /____'gul ba snyam byed pa dang /____yang mchod sgam du gser dngul bkra ma'i mchod chas mang po yod pa rmis pa dang /____yang kaHthog seng+ge rnga ma'i ngos leb pha bong zhig gi steng mi gtsang ba 'dor ba na/__rgan mo gos nag can zhig gis pha bong steng nas kha ba phyags te/__nged der sdod nas pho ba sbyong ba na dri chu dang 'khru khu gnyis rgan mo des lag pa gnyis kyis bcus nas 'thung ba na rang ngo tsha ba'i rnam pa sogs ni 'di skabs gsang ba snying po bshad pa na bla ma chos skyong dgyes pa'i rtags yin nam snyam/__!__tshes 13srod la dga' rab rdo rje yin rgyu sku mdog dkar gsal byis pa lo bzhi lta bu'i tshod tsam la zhabs phyed skyil gyis rkang g.yon brkyang ba'i rta babs khri yi steng bzhugs pa res sa'i sku res dngos yin snyam phyag g.yas skyabs sbyin thad kar gdeng /____g.yon gdan la brten pa aM rag dang rin po che'i dbu rgyan sogs yod par gsal ba tshur yer gyis byon nas ha ha zhes gsungs rang la thim rig pa rtog bral zang thal rjen pa'i ngang dar cig lus/__rjes shes bla sgrub zhig bri rgyu yod snyam shar/__mi tshad gcig chos gos rnying pa sku dreg can bzhes pa la mos gus byas shing /____sngon ma dang 'dra ba'i bsnyen rdzogs zhig yang bskyar thob na snyam pa'i ngang /____rje yi zhal nas/__chos rnams thams cad rgyu las byung sogs nas/__thams cad du ni sdom pa legs/__zhes pa'i bar gsungs pa'i sems snang byung /____zla ba de'i mar ngo'i nang shed thub dbang rin po che rgya gar tshon spar 'od 'bar ba zhig gi thad sdig nag zhig yod pa rmis pa/__rgyal gdon gyis rang gzhan gang yin zhig la/__bslab par bar chad yod ltas yin nam snyam/__!__tshes 27la/__sgrol ma lhag lha rgyun brten yin pa'i brda dang /____skyabs rje rgyal tshab skas 'dam bag can nas yar byon pa'i rjes rang yang song nas/__skas khar rgyal tshab rin po ches phyag bsil ba gnang ba'i chu yi grogs dan nged nas byed pa dang /____bla ma legs pa yin snyam gyis dung kar shin tu chen po gser gshog can zhig nged la bzhengs bzhin du gnang ba dang /____khang pa gcig tu khri gcig 'dug par sprul sku chung chung zhig khri khar bzhag rgyu yod pa'i rmi lam sogs/__!__sa zla'i tshes 3tho rangs snga char/__rang nyid kI la ya'i nga rgyal gyis sku shin tu che ba bar snang gang zhing /____khro bo'i tshogs kyang rme shod lung pa gang ba snyam byed pas/__rang nyid kyi phyag mtshan phur zor sogs 'phangs/__khro bo rnams yam yam g.yo 'gul dang bcas pas 'byung po brlag par rmis/__yang kaHthog bar khrod lta bu'i lam sked zhig ban+de gcig smyo bar 'dug nged la btul rogs zer bas/__rkang dung snar rgyun slas zhig yod pa blangs te ban+de gcer bu'i steng mgon po'i yig bdun dang shA sa na bzlas brdungs pas/__g.yo 'gul mi shes shing bag 'khums/__lus kyi mtha' nas yar je chung je chung lta bu gyur pa rmis/__!__yang zla ba de'i tshes 4nub/__ngos rang gi ma de bla brang gi nub kyi tshom chen ja khang 'dra ba zhig tu 'dug snyam/__nged dbang khang du yod pas thog mar yab rje 'das pa'i sku dbyibs 'dra ba'i mi gcig byung nas khro tshig 'dra mang pos khyed 'gro zer/__nged grwa 'bor nang nas yar 'then grab byed 'dug bar/__yid la 'gro rgyu 'phreng bzhin du sku sgam sogs nyer spyad rnams bsdus/__a ma rtsar slebs pas kyang 'gro dgos skad mang po zer/__mthar a mas/__snang shes snang yul ma phyed cham mer bskyur thong /______/rnying ma bka' gter gyi grub mtha' 'dzin pa e yong i go/__sogs/__tshig ris dang po mi 'dra ba dang /____tshig rkang gnyis pa zlos pa 'dra mang po zhig brjod byung ba/__de nyin mi pham zhal gdams tshig de 'dra zhig gi spar tsha zhu dag byas pa'i sems rmis 'dra yin nam/__tshig ris phal che de 'dra yang zhib cha brjed/__mthar a mas/__da ni khyed rang sngar sku tshe ring por zhabs pad brtan par bzhugs/__sgrol dkar gyi mdun mar me de yang sngar gcig gi ming nas smos kyang brjed 'dug_/dus ltar shin tu gsal po 'bar kyin gda' zhes brjod byung bas/__'gro dgos ma song snyam sems la dga' tshor chen po yod 'dug pa rmis/__'di skor zhib bca' ni ma dran/__!__chu rta zla 12tshes 24la/__sku mchod mkha' 'gro gsang 'dus kyi tshogs 'don pa'i skabs zhig DA ki ma mang po dang /____stag lpags kyis bkab pa'i gdan mtho'i steng gtso mo stag sham can bzhugs pa dang /____byis pa'i bam ro zhig tshogs 'khor mdzad pa'i snang ba dang /____nyer bdun lhag ma'i skabs lhag mgron gtib pa'i nyams zhig rab rib byung /____!_zla 2pa'i tshes 5nub rmi lam du 'bri chu yin rgyu'i chu chen po log pa'i shul rdza rdo smug nag mang po yod pa nas song bas/__phyogs zhig nas 'bri chu sngo ljang mer 'bab pa dang /____logs shig nas chu mdog dmar po chen po zhig kyang bab/__mi zhig gis 'bri chu'i khug nas gter 'don rgyu yod zer bar gad pa zhig gi khug 'bri chu tshur 'khyil ba'i zur nas/__chu gnyer gyis ded pa'i skrag sngangs dang bcas chu nang du lag pa rgyab pas/__thod pa gsum bzhi nor snas gang ba dang /____rdo rje chung ngu li ma lta bu'i khu tshur gang pa dang /____de las chung 'ga' zhig lag tu zin kyang tshags byed rgyu ni ma byung ba sogs rmis kyang phal cher brjed/__!__tshes 9nub 'od zer can ma'i gzungs mdo lta bu'i ldeb mang po zhig 'don pa dang /____des rang gi nad la phan pa rmis kyang brjed/__tshes 10nub/__sa stegs lta bu gzhi sgam nar khrigs zhig tu/__bdud 'dul rdo rje'i gdung rus yod pa'i bum gter chen po gnyis kha 'byed pa'i nang gdung rus sa skyo 'dra zhig dang /____gdung rus ngo ma bcas 'dug par/__gnyis ka phran bu re lcer myong ba sogs rmis/__!__tshes 14la sgrol ljang bzhugs stabs mi 'dra ba byas pa/__lan re sku 'dra lta bu/__lan re 'od sku yin snyam lta bu rmis/__!__zla ba 2tshes 22nub rmi lam shin tu mang /____kaHthog 'du khang lta bur skyabs rje si tu rin po che yang bzhugs/__ge sar gyi 'cham rgyas pa tsho mang po 'cham/__phug zhig nas ge sar yin rgyu'i mi bang chen po dkar yol ha shang 'dra ba zhig gis nged shog zer nas mdzub brda' byas/__de'i khyams zhig nas gar stabs byas nas song /____nged drung du phyin pa na/__a 'bag nas bla dar dang dngul gyi me long /____glang brod phreng ba rgyan ldan/__da dung sne gcig brjed/__'di rnams nyar tshags dang /____nangs snga nyi shar la ske la thogs zhes zer nas dga' ba'i rnam 'gyur mang po byed/__khyed dgra lha rtse rgyal red zer snang /____yang gzhan zhig tu phyin pas sman mang po bsdus 'dug_/rten 'brel brtag dgos snyam g+hi waM dang thug pas rten 'brel bzang snyam pa sogs rmis/__phyir nang bla ma rin po che legs pa'i gdung rus sogs 'byor/__tho rangs ge sar dgra lha'i tshogs mang po yod pa'i snang nyams kyang byung /____!_tshes 23la sa skya'i phyag mdzod yin zer ba'i ban hor gzugs chen zhig gis bdud rtsi dang /____dpe bral ma'i phab gta' yin zer ba'i 'dam lag 'go tsam gor gor gsher can gnyis byin pa rmis pa pu tra yin nam snyam/__!__chu rta zla 3tshes 1nub 'jam mgon legs pa rin po che shag mig zhig tu bzhugs par/__dza bir gyi nam mkha' bcud len gyi dpe zhig 'dug par de'i thad gsung gleng mang po dang /____'dren bkram gyi 'khrul 'khor sogs kyang mang po zhes 'dug par/__rin po ches 'di gzhan nas kha bskang pa red 'dug_/'di'i rang lugs kyi 'khrul 'khor de yod na a pha pho zhes gsungs pa dang /____yang bshes gnyen chen po bla ma a stobs bzhugs/__snying thig rtsa gsum nyid mdun nas ngos kyis dbang thob rabs zhus kyang ma thob tshul gsungs/__nged nas thob tshul zhus pa sogs za zir mang /____!_zla de'i tshes 9snga ma'i nub sgrol ma'i sku byin sku chung ngu zhig_/de'i zhag shas gong 'dug sa spo skabs rnyed pa de 'dra zhig la/__mthar je cher gyur nas hril sku tshon gang pa zhig mtshal gser byugs pa 'jam mgon legs pa'i phyag spar yin rgyu zhig rmis/__yang pad+ma shel phug sgrub khang lta bu zhig 'dag sku chen por gyur pa khro bo zhig yin snyam byed/__dmar smug zhig 'dug pa'i smar smin zhal ngo'i gdong rnams la gser byugs pa dang /____yang bya brun dkar rags lta bu rnams shing dbyug zhig gis bzhar ba rmis kyang sku gang yin ma 'byed/__!__tshes 9phyi ma'i nyin gung /____'jam dbyangs blo gsal las lung nyan skabs 'thib par/__thig le nag po phub kyi sba gor lta bu che ba zhig gi phug gur mgon sku yongs su rdzogs pa shin tu gsal ba 'char te dar cig nas yal/__!__tshes 9snga ma'i nyin rgyal tshab gsung /____sgrol dkar bstod pa'i lung gsungs skabs/__smyo shul nas lung rtogs sprul sku a rdos sngar nged rang gis mkhan bde gshegs la phul ba'i sgrol ljang sogs kyi rten gsum dang /____ring 'tsho'i tshig lhug rnams 'byor bas rten 'brel dge zhing sgrol ma dang las 'brel che bar rtogs/__!__zla 3tshes 25tho rangs cung zhig mnal ba na/__khang pa che ba zhig tu nged nyal khri mtho ba zhig gi steng thul pa sogs gyon nas na 'dug par/__mkhan nus ldan dang /____rdzong sar slob grwa ba sogs mang po byung ba/__yar la dgye nas nged shin tu na zhes khug zhig tu lus chung ngu 'dra 'gyur nas yod/__chos 'brel zhig bya dgos rgyu'i mgur pod gras cig zhal dbyes pas dbu lha bal bris lta bu rnying pa ldeb kha shas 'dug pa chos rje dam pa bde gshegs kyi gsung yin rgyu'i ldeb mang shas bton/__de nas bla ma sa chen gyi rnam thar zhig bshad pas drangs nas thams cad kyis sku bstod zhig 'don kyang de snga yod pa zhig ma byung /____de nas byang chub spyod pa'i lam zhes bya ba phyi pa'i grub mtha' nas sngags bla med bar gyi lta grub spyod pa sogs tshigs bcad yod pa'i ldeb thung mchan bu can mang shas bton nas/__da bshad dgos snyam pa na yi ge de phreng ma mang po zhig tu gyur nas/__de rnams 'dzings nas bshad bya dngos ma rnyed pa lta bu la spyi bshad yam yam zhig bya ngang nyung shas zhig las phye thub tsam byung nas bshad bde 'dra zhig byung ba dang mnal sad/__de'i snga nub g.yon ru dpon bsod rgyal 'dra ba zhig gis phur pa li ser gyis stod byas pa zhal gsum yod pa dang zhal gsum phyag drug sku smad phur mjug can mang po bstan pa dang /____yang bde mchog dang /____spyan ras gzigs yin snyam gyi phyag mang po/__spyi blugs dang /____gzhu sogs yod pa/__stod li ser smad phur mjug gru gang sogs bstan pa rmis/__!__zla 3tshes 29gzhung rim tshugs/__stod rgya'i skad ngan 'byor nub thang ka khang pa'i sbug tu gab par/__nam mkha' nas seng+ge zhig babs pas rang bkab pa dang /____yang gser 'brug ser po zhig mkha' nas byung bar/__de la skrag nyams gyi ra spyi dmar po bub gcig lding thabs gyon pas 'brug de babs nas 'di 'dra byas nas bkab pa rmis/__bla ma kun seng rdo phur bros 'dug par/__nged kyang 'byor/__bang ba zhig gi nang 'dug_/mgo lod mas drel rgyab gcig bskal nas byung ba/__de yan la brag phug btsan po zhig yod pa de'i nang 'gro dgos zer ba sogs rmis/__!__gzhung rim 'don zin zla 4tshes 10la ngos lha sa bsam yas phyogs 'dra ba'i gtsang 'gram bye ma dkar po yun ring 'bog nas chu phug zhig tu ngos cag 'dug pa na/__nam mkha' nas khyi stag gang yin ma shes pa'i sems can rgya bo 'jigs su rung ba khal tsam zhig gi sder mos chu byis red zer/__sram 'dra ba zhig khyer nas 'phur 'dug par/__mthar ngos rtsar 'ong rgyu'i thang la bab nyer skyes pa rtsal can glog 'khyugs pa ltar sa la babs pa na/__dar dkar mdzod chen rgyu bzang kha shas kyis lus thams cad dkris pa ltar byas nas ngos rtsar byung ba dang /____rgyab yol lta bu'i bzhi sgam gcig la/__g.yu dang /____bye ru che chung mang po phyi nang bar mtshams med par brgyus nas 'tshem pa dang /____stag mgo gcig la gser zhwa legs pa chung ngu gcig kyang 'dzer 'dug_/gzhan phyi gling gi shog gu'i shubs 'dra gcig nang /____glog me sogs sne kha shas phul da dung dngos nor mang po 'bul rgyu yod shom byed ngang gnyid sad de la dpyad rgya yod/__rim gros cung phan pa yin nam dgra lha be har dgyes pa yin nam snyam/__!__chu rta zla 4tshes 8la sde sras tshe dbang bdud 'dul nyi ma phyed yol la gshegs/__tshes 9la skad ngan 'byor nas sems khral rkyen gyis nad khams 'khrug pa'i 'khrul snang la/__lho phyogs nas brag 'dres sras rin po che khrid pa/__ngos nas yi dam gyi nga rgyal gyis 'phrogs nas pad+ma 'od kyi zhing du khrid/__gu ru rin po che srin gzugs can gyi mdun du bskyal ba zhal du mid nas/__hU~M gi rnam pas mdun du bskyur ba zhig gi snang ba byung /____!_zla 5tshes 30la rol ko'i bu chung khrid byung /____byis pa'i la nye yag_/ming 'jam dbyangs kun dga' bkra shis btags/__rmi lam du kaHthog jo khang du byams sku gser zangs thog tshad ma shin tu mtho bar dbu gtsug nas gsar ma'i rgyud sku li ma khru gang pa mang po bsgrigs yod pa rmis/__!__zla ba 2tshes 39nub/__thugs sgrub bar chad kun sel gyi spyi chings zer ba dum chung gnyis tshem khongs shin tu mang ba zhal gdams snying byang gi thams cad la zin bris lta bu yod pa mjal ba dang /____mkhan bsam gtan blo gros kyis ngos kyi gwa'u 'jam dbyangs sku bzhugs pa de phyag bsnams kyis zhal phye nas/__de nyid 'jam dpal tshe bdag tu gnas gyur par tshe bdag gi thad kha shas gsungs pa sogs rmis/__de'i phyi nyin rol ko'i bu chung 'brug lo pa khrid byung /____!_rang lo lnga bcu par zla 7tshes 29skor yin snyam/__nangs snga mor bir srung nyams len skabs/__shes nyams la rnal 'byor dbang phyug khri steng smug nag mi tshad can mjal bar/__gsol ba btab pas tshur je nyer byung ba smin mtshams thad byon nas/__gsang ba'i rdo rje nged kyi khar 'dzud nas byang sems gnang bas lus sems la bde ba chen po skyes te/__tha mal gyi snang ba thim la khad dang /____lus 'phar ba sogs byung nas rang la thim pa dang rang rnal 'byor dbang phyug gi skur gyur pa zhig byung ba/__de nyin 'jam mgon legs pa rin po che'i snyan brgyud 'khor 'das dbyer med kyi gzhung rin chen snang ba rtsa 'grel/__sde gzhung mchog sprul rin po che 'jam dbyangs kun dga' rgyal mtshan las thob pa de'i ltas yin nam snyam/__yang rmi lam du dkar mo stag tshang lta bur khang pa zhig gi nang ngos 'dug par khug zhig tu ro chen po ral pa can zhig dang /____gshis su'ang ro gcig 'dug pa/__ma rgan lo mthon zhig gis de las bcad nas sha tshil 'dres pa zhu 'gro la khad lta bu mo rang kyang zos/__nged la'ang byin pas zos par rmis pas/__phyi nang sde gzhung sprul sku las lha mo rab brtan ma'i srog dbang thun min thob/__!__zla 8tshes la zhe chen kong sprul rin po che pad+ma dri med legs pa'i blo gros las mdo dbang gi dngos gzhi'i sta gon nangs par tho rangs snga char rmi nyams 'dres mar/__shel gyi mchod rten thog tshad gcig gi stod char mdo yi rig 'dzin bla ma/__bar du zhi khro'i lha tshogs/__smad du mkha' 'gro chos skyong bzhugs snyam gyis/__de rang la thim pas rdo rje sems dpa'i skur gyur/__yang 'od du zhu a dkar por gyur/__yang gnub chen sangs rgyas ye shes/__dbu skra se chob be ba/__ral pa rgyab bsnyil dge bsnyen chas/__snum 'ber ba gzi brjid can gyis/__dkyil 'khor zhig bshams nas bzhugs 'dug par snga 'gyur gyi gzhung gdams dpe rnying thams cad sngar yang thob pa yang bskyar zhu dgos snyam kyang de rnams zhu rgyu ni ma byung /____mdo yi dbang bzhi bsdus pa zhig gnang ba'i snang ba byung /____rmi lam 'dir 'khod de 'phral yi ge bri rgyu ma byung zhing zhag shas 'gyangs pas gsal por ma dran/__gu h+ya/__!__chu rta zla tshes 24nub/__rong ston smra ba'i seng+ge sku nyams zhan pa sku stod phra zhwa paN zhu rtse bsnyungs bzhes pa 'al 'ol mjal snyam la dad mos drag po byas pas thugs ka nas/__'jam dbyangs smra seng zhig bstan nas rang la thim pa zhig byung ba dang /____de rjes nyin gnyis tsam la dga' dad mos pa chen po zhig skyes/__!__zla 9tshes 1la thugs chen 'khor ba dong sprugs bsnyen mtha' phud pa'i tshes 3phyi thun/__'jam mgon legs pa'i rnam thar mjal bas rkyen byas/__mos gus kyi ngang bde chen zhing na bla ma bzhugs snyam pa dang /____zhing de yin snyam las gsal po med/__rje bla ma byang sems zla ba'i snying po nor bu dri ma med pa'i 'od ces bya ba/__sku mdog dkar po longs sku'i sems skyil du bzhugs pa/__g.yas sa gnon/__g.yon skyabs sbyin pad dkar rtser spyi blugs 'dzin pa/__de las 'ja' mdung tshugs su zug pa dang rang la thim pas rang yang de ltar gyur pa zhig dang /____yang sngar bzhin gsal ba'i nyams za zir byung /____gu h+ya/__!__zla ba 9pa'i tshes 5la jo nang bde mchog stod 'grel cung zad bltas pa'i rkyen gyis/__grub chen nag po spyod pa khru gang tsam pa khri'u steng g.yas bskum g.yon brkyang gis bzhugs pa zhig mthong nyams byung ba dang /____mos gus shin tu drag po bzod med kyis lus la 'phar g.yo shin tu chen pos bzod med du gyur pa dang /____de nyid bde mchog zhal bzhi phyag bcu gnyis par gyur pa'i zhal du nged mid nas mkha' gsang nas phyir thon pa/__rang bde mchog gi skur gyur pa'i lus dkyil gyi lha dang bcas khra shig ge mthong nyams byung ba dang /____mdun gyi bla ma bde mchog hU~M sngon por gyur nas dbyings su thim pa'i nyams byung yang /____ci 'dra yin brtag dka'/__kha skyag pas chod/__ha ha/__las ngan khyod mi chos bla ma'i brdzun bshad dmyal bar 'gro ran gda'o/__!__bdag chos med kyi dred po/__dug lnga'i rkyal pa dkor nag gi sgye lu/__mdo med kyi sprang po las ngan blo gros kyi ming can/__chu rta zla ba dgu pa'i tshes 6la/__thugs chen 'khor ba dong sprugs kyang bsnyen khams dub pa na ngal bso'i ched jo nang rje btsun chen po'i bde mchog bstod chen 'grel yang ci rigs par bltas nas/__dgong thun gyi skabs su bab pa na/__glo bur du shes nyams kyi ngor mdun mkhar rje btsun nyid rab byung paN+Di ta'i chas dbu zhwa dmar po rna ring gsol ba/__sku stod gcer bu/__sgam thag rgyab pa/__pus mo g.yas bslangs/__g.yon phyed skyil/__chos gos dmar ser/__sham thabs gsol zhing /____g.yas rdo rje thugs ka/__g.yon dril bu pus steng kha gyen bstan/__sku 'gying nyams che ba/__'khor du mkha' 'gro ma lha yi cha byad can chung ngu kha shas yod snyam la/__mos gus kyi gsol ba 'debs pa dang dbang bzhi blangs pas/__de rnal 'byor spyod pa he ru ka dkar po/__g.yas cang te'u/__g.yon thod pa sta zur thogs pa/__rus rgyan sogs kyis brgyan pa zhig tu gyur/__de la'ang mos gus byas pas thugs ka nas/__ka ra ka ra sogs kyi bde mchog rtsa sngags byung ste rang 'khor lo sdom pa lhan skyes su gsal ba'i snying ga nas zhugs pas lus thams cad sngags sgras khengs pa snyam byed/__he ru ka de je nyer byung ba/__phag mo dmar mo gri thod 'dzin par gyur/__de gam du byon pas b+ha ga khar gtad nas byang sems blud/__de nas spyi bor byon zhabs bzhag ste/__rnal 'byor ma dpal bde ba che/____/sangs rgyas kun gyi gsang ba'i lam/____/'di ni khyod la bstan par bya/____/bu khyod rtag tu skyongs bar gyis/____/zhes gsungs nas rang la thim pa na/__rang phag mo'i skur gyur/__snang sems 'dres pa lta bu'i dga' bde'i nyams yun ring por byung ngo /______/de rnams kyi skabs su ye shes phebs pa'i rtags 'phar g.yo 'dar sprugs 'jam la dal ba dang /____rig pa rtog bral rang gsal ljen par 'char ba 'dra zhig byung yang nges pa ci yod/__mthong rgyu med pa'i rig rgyu mang /______/sems kyi nyams la mi dran med/____/'di 'drar nges bzung bya ci yod/____/'on kyang mi brjed gsos su bris/__rab tu gu h+ya rgya/__!__tshes 15la gter chen las rab gling pas nyang po phug ring nas bzhes pa'i rta mgrin zhi drag gi sgrub dpe kaHthog nas 'byor ba/__snga thun la mig 'grim byas rkyen gyis/__gter chen de'i sku nyams shin tu gsal bas/__rta mgrin dbang rdzas mdun du bkram pas/__dbang bsdus pa gtor ma phur pa sogs kyi mthar/__bla ma nyid hU~M dmar du gyur pas rang la thim pa byung /____yang de'i sngon la rnal 'byor pa byams pa chos 'dzin byung ba/__snying gar rdog pas brgyab steng phaT gsungs pas bde stong du cham gyis 'gro ba'i nyams zhig kyang byung /____rtsa khams rlung gi 'du bas/____/shes nyams mi shar dgu shar/____/gang yang gtad 'dzin byar med/____/chos dbyings klong du a phaTaH!zla ba de'i tshes 12nub/__tho rangs kha ton grub nas rmi lam gyi sngags bzlas te/__las 'brel gyi bla ma gang che brtags pas/__za zir gnyid pa na/__pha dam pa dang /____rong ston 'ol tsam snang mthar/__rje tsong kha chen po'i snang ba yang yang dang /____thugs kar slob dpon bzhugs pa/__yang a ti sharje/__'brom gsum mdun du glegs bam mang po brtsigs/__mthar g.yas g.yon gnyis rje la 'dus/__de rang la thim pa dang /____yang g.yu sgron ma go zu gyon pas/__khyod ni blo bzang rgya mtsho rje bla ma dang 'brel tshul/__o rgyan pad 'byung dang dbyer med gsol ba btab dang /____yi dam sgrub pa bka' brgyad dang 'jigs byed/__chos skyong gur mgon/__dmar zor/__tshe ring ma gsum gtso che/__nor lha rnam sras gtso sogs tshigs bcad kyis smra yang brjed/__da ste zhag 10nas dngos grub zhig yod kyang zer/__de rigs rgyun ring tsam byung /____de nas gnyid nas rmi lam la/__sangs rgyas phun tshogs kyis mdzad pa'i brjed byang be bum gyi sems khrid de la dbu gsham dang /____lung sbyor gyis spras pa bris nas kha shas la 'don pas/__rdo rje 'chang blo gter dbang po'i dgongs pa rdzogs dgos tshul bris 'dug par 'don skabs mos gus chen po 'khrungs/__yang thar rtse mkhan 'jam dbyangs kun bzang bstan rgyal bzhugs 'dug pa/__ngos nas yi ge ldeb gcig bzung nas de la blta ba'i tshul gyis/__ma gcig grub pa'i rgyal mo/__man+dA ra ba/__chu shing gi snye ma sogs mtshan mang ldan pa'i biR+Wa pa'i lcam mo ni gu ma'i thugs mtheb mgo tsam zhig nga la yod pas/__de la nyid nas gser gyi pad sdong zhig_/gser nged rang la yod/__mgar rogs zhus pa rmis/__!__yang tshes 13nub nam gung rmi lam du/__skyabs rje si tu gong ma'ang bzhugs snyam gyis/__dkyil 'khor zhig gi cho ga gtong rgyu yin snyam ngang sad pa na/__gnyid sad mi nyan snyam nas cung srab pa na thar rtse blo gter zhabs sngar lA s+ye mgo'i gzim khang du bzhugs nas/__a thi dur kha'i sku gzan zhig mnab nas bzhugs par/__gus 'dud drag po byas pas/__'khor lo sdom pa lhan skyes su gyur pa'i sbyor mtshams nas nged mdun du kha gyen du bzed pa'i nang du byang sems mang po gnang bas lus sems la bde nyams skyes/__yang sngar lam dbang sku dngos las ma thob pas zhu dgos snyam pa na/__bla ma kye rdor gyur pa'i thugs kar 'jog nas rim pa lnga yi byin rlabs dang /____lam dbang gnang mthar/__rgyud sde kun btus kyi byin rlabs zhu snyam pa dang /____bla ma rgya gar paN+Di ta'i chas ha 'gags med pa paN zhu rdor dril dkrol/__zhabs phyed skyil/__pus mo g.yas bslang gis rang thad byon nas/__mos gus rkyen gyis/__bla ma nyid/__oM AHhU~M/__dkar dmar mthing gsum brtsegs ma shin tu chen por gyur pa/__de las rigs lnga'i sa bon dang /____phyag mtshan/__thig le shin tu grangs mang /____zhi khro'i sku grangs med pas/__rang lus he ru ka sngo sangs dwangs pa'i lus nang thams cad mer khrig gis gang ba zhig byung /____de nas gzugs mi snang ba'i sgra zhig la/__rje bla ma sprul gzhi lcang lo can na bzhugs zer bas dngos su mthong snyam gyis/__zhing de'i logs shig tu rin chen sngo dwangs kyi gzhal med khang na byang sems snying po dpal dri med 'od kyi rgyal po sngon po/__longs sku'i chas g.yas ral gri zhabs pus g.yas steng /____g.yon lung thang phreng ba 'dzin pa/__zhabs phyed skyil 'khor byang sems gnod sbyin mgo brnyan mi 'dra ba mang pos bskor snyam dang /____yang sgra las sku sprul bde ba can na dpal ldan dbang phyug_/gsung lha ldan khang krugs zur lnga'am bcu lon/__thugs thang lis 'di yin/__rjes skye ba gsum nas shar phyogs thig le bum pa'i zhing na/__de bzhin gshegs pa karma 'od kyi rgyal po zhes par 'tshang rgya zhes thos/__yang sad de cung mnal ba na/__rgyud btus glegs bam brtsigs pa'i phar nang na rje bla ma gong ltar la phyag mnyam bzhag spyi ther can du bzhugs pa dang /____glegs bam las dbyangs gsal mang po 'phros/__rang lus gang mthar glegs bam rnams kyang thim nyams byung ngo /______/yang rdzogs chen gyi ngo sprod zhig zhu dgos snyam pa na/__bla ma rdor sems yab rkyang du gyur pa dang /____mthar a yig tu gyur nas rang la thim/__ka dag bsam brjod bral bar gnas/__'di rigs ha cang gsal po zhig kyang ma dran/__chad lhag yod na bla ma mkha' 'gror snying nas bshags na/__brdzun gyi nyes pas mi gos pa bzod pa mdzad nas tshangs par stsal du gsol/__!__rgyal ba kun gyi gsang ba'i mdzod 'dzin pa/____/rgyud sde rgya mtsho'i mnga' bdag rdo rje 'chang /______/'khor lo sdom pa bla ma'i skur snang ba/____/rje btsun sgrol ba'i mgon por gsol ba 'debs/____/nges don lta ba'i sgron me mchog tu sbar/____/gsang ba sngags kyi zab don 'khrul pa bsal/____/bde chen rnal 'byor rig ma'i skyes bu grub/____/kun dga' snying po'i zhabs la gsol ba 'debs/____/khyed kyi rnam thar bla na med pa la/____/blo skyon ngan pas ma dad bgyis pa bshags/____/skye ba kun tu rje btsun chen po yi/____/bstan pa spel ba'i byed por bdag 'gyur shog_/ces pa'ang blo gros rgya mtshos so/____/_!__chu rta zla 2tshes 17nub mgon po stag zhon gyi sgrub skor zhig rmi lam byung yang gsal po ma dran/__tshes 18nyin stag zhon gtor chog btang /____de nub rmi lam du/__kaHthog lha chen khang lta bur gu ru rin po che lder sku chen po zhig 'dug pa la ngos 'byar nas phyis pas lte ba'i thad/__gri sogs mang po gter sbas nas 'dug pa'i bog rwa zhig gi rtse mo mchan 'og nas 'bur/__de nas ngos kyis sgo phyes te gri bdun brgyad zhig blangs nas thang la phab/__ngos rang nas gri gcig dgos snyam nas mang po shab/__shubs brje len byas/__sde sras rin po che'i gri red zer ba snam zhing phra ba/__shubs la sor do re'i mtshams tshig dkris lta bu'i phra mang po yod pa de rnyed nas ngos rang gi bya dgos bsam/__shubs nas bton yid 'phrog pa zhig 'dug_/shin tu mnyan la yar dril dus dril chog pa/__yang thad kar sangs 'gro ba zhig byung bas dga' tshor chen po skyes pa rmis pas/__de'i phyi nang lha mo'i shwa btab pas btud mar dgu gsum babs pas kyang bzang /____snga mor zhig tu mgon po 'di'i rmis ltas thengs kha shas byung bar phrin las sgrub snyam dang /____gtor chog 'don rgyu dang /____phyar dar bri bsam kyang lus/__mgon po 'di bdag la thugs nye ba zhig nges par yin 'dug_/yang tshes 19tho rangs kha thon skabs grub thob ku ku ri pa/__kha dog sngo nag 'jigs rungs/__shangs dang kha che ba/__thor cog can/__'gar 'dug byas pa/__khyi kha shas khrid pa zhig gis/____/ma bcos rang sar bzhag pa ni/____/sangs rgyas kun gyi dgongs pa ste/____/ye nas rang sar grol ba yi/____/gnad kyi dam pa de ngo mtshar/____/zhes gsungs nas rang la thim pa'i yid kyi 'khrul nyams byung bar/__tshig 'di gnyis gsal po ma dran/__shar karma chu grub thob byams pa chos 'dzin yin nam snyam/__brtag_/!_chu rta zla 10tshes 1tho rangs gnyid dang nyams snang 'dres mar/__rang gnas pa'i lho nub phyogs nas nam mkha' mthing 'od 'khrigs pa'i sa phyogs zhig tu dur khrod kyi bkod pa lta bu'i rus dum chal chol mang po yod par phyin pa dang /____grub pa'i dbang phyug thang stong rgyal po sku mdog smug nag_/dbu skra nag po thor cog phyed grol gzi brjid can bzhugs par/__mos gus byas pas mtshon cha gri thogs pa mang po zhig gis nged bsgral bas/__na tsha ci'ang med cing rang phag mo dud mdog gi skur gyur/__bla ma nyid 'khor lo bde mchog lhan skyes kyi skur gyur nas/__bde mchog gi dbang la thod bum gyis bum dbang /____mar me zhig gtad pas gsang dbang /____rdo rje kha TA~M chen po zhig snying gar gtad pas sher dbang /____gshegs dang 'gro 'ong zhes bya ba/__ming dang tshig tu brjod pa yin/____/don la gshegs dang 'gro 'ong bral/____/thams cad chos dbyings chen por bzhag_/tshig 'di don phyogs tsam las dngos shin tu dag po zhig ma dran/__ces gsungs nas bla ma'i sku mi snang ba mthing ka chen por gyur pa'i ngang nas sad/__gzhan yang mkhan d+h+yA na ma tis brtse dung chen po dang /____'jigs byed kyi 'don cha'i tshig sgros ma dag pa zhig kyang gsungs te brjed/__gzhan mkhyen brtse'i dbang phyug zhig kyang rmis yang brjed/__!__zla ba de'i tshes 4/__lhag pa lha mtshams kyi 'grub sbyor gyi phyi dro'i bzlas thun skabs/__rje grub dbang thang rgyal la mos gus dang mkha' 'gro'i mtshan gsol sogs kyi gsol 'debs byas pa'i shes nyams la/__rje grub thob sku mdog dmar smug can zhig smin mtshams thad nye bar byon nas/__phyag g.yas pas tshe bum mgo thog 'jog bas/__bdud rtsi dmar ser gyis lus gang /____de yang thig le mang po yod pas lus gang /____yang grub thob nyid gur drag zhal gcig phyag gnyis par gyur pa'i gnas gsum nas gur drag dkar dmar mthing gsum spros rang la thim/__yang de mkha' 'gro sde lngar gyur/__'od zer spros rang la thim/__yang kun bzang yab yum rgyan med dbu skra thor cog phyed grol can gyur nas rang la thim pa dang /____gang la'ang 'dzin med kyis/__rig pa stong gsal nam mkha' lta bu'i ngang du gnas pa zhig byung rung 'og 'gyu'i shes pa'i yid dpyod bltar mi mngon pa yin shas che/__oM badz+ra sa twa hU~M/__!__zla 10tshes 9nub shes nyams la/__grub chen lU hi biR+Wa pa dang /____sa ra ha sogs cung gsal/__gzhan rnams cher mi gsal bar shin tu mang po shar nas/__ri mo 'di 'dra byed byon pa'i rjes su gu ru pad+ma za hor ma byon/__gsol ba mchi ma 'khrugs par btab/__'od zer gyi dbang blangs/__byin rlabs kyis 'khor rnams nas bro brdungs pa dang /____rang yang de mnyam bro brdungs pa'i snang ba byung mthar/__'khor rnams gu ru la thim/__gu ru mi dmigs par gyur/__rmi lam du si tu gong ma dang /____rig 'dus lhan cig gsungs pa zhig rmis/__!__yang zla 10tshes13/__dgongs thun srod dus thang rgyal la mos gus byas rkyen gyis/__shes nyams kyi snang char/__thang rgyal g.yas skyabs sbyin pus steng /____g.yon lcags kong dang lcags thag bsnams pa/__sku mdog smug nag dbu skra sogs dkar/__thugs kar gu ru za hor ma yab yum 'khril sbyor yod pa/__sku de je cher song bas khang pa'i btsag mnyam/__mthar nam mkha'i dbyings nas shin tu che zhing mtho ba/__'khor DA ki dkar ser dmar sngo bzhi/__shar bi wa~M red snyam cher ma gsal/__lho bya rgod rkang gling /____nub ma gsal/__byang rol mo chung 'khrol ba rnams lam tsam gsal ba la gsol 'debs dbang blangs/__rig pa dwangs sangs rjen par gnas pa'i nyams byung /____zla tshes nub rmi lam du rong zom chos bzang dang /____A yu nam mkha' chos bzang zhes pa zhig rmis kyang ma dran/__yang gnyid srab mo'i snang char/__kun mkhyen rong pa dge bsnyen chas g.yas sa gnon/__g.yon skyabs sbyin thugs kar gtod pa las gyes pa'i glegs ral can las/__dbang bzhi blangs pas thugs ka nas d+hIHsngon 'od dang bcas pa mang po rang gi snying gar thim pa byung /____!_yang skyag brdzun zhig bshad na/__chu rta zla 10tshes 5nub rmi lam du khang pa zhig tu logs bris la sgrol ma dang /____gsang 'dus 'jam rdor bri dgos zhes rmis rkyen gyis/__tho rangs lam dus kyi dbang skabs/__slob dpon sangs rgyas ye shes zhabs paN chen chas/__mgram rgya dang /____brang la'ang spu yod pa'i smug nag_/paN zhu mdzes pa/__zhabs pus g.yas bslangs phyag gnyis kyis glegs bam bsnams pa zhig gsal ba la mos gus byas pas/__gzhal med khang zhig tu/__de nyid 'jam pa'i rdo rje gyur nas/__'khor rnams kyang yod snyam ngang /____'od kyi rang lus rnam smin sbyangs nas gser zhun ltar gyur pa/__yab kyi zhal du zhugs yum gyi mkhar 'jam dpal gyur pa phyir bton/__sdom bzung dang /____ye shes dbab pa'i 'byung bzhi sogs bskyed nas ye shes dbab pas lus 'phar 'dar byung /____de nas chu dbang dang /____rin 'byung la gser la rin po che'i khra tshom can gyi dbu rgyan chen po/__rdo rje dmar po thugs kar gtugs nas byin/__ming dbang la 'jam dpal dga' ba'i rdo rje btags/__chos nyid drug pa'i dbang /____lha bsgom pa'i lung /____sngags rtsa sngags/__oM AHma~M sogs kyi bzlas lung /____thugs phyag mtshan ral gri snying gar zhugs/__gsang dbang sher dbang la yum bstim/__tshig dbang la/__dngos po med la sogs/__lung bstan/__dbugs dbyungs/__gzings bstod mthar/__rang nas lus dbul/__dkyil 'khor nang nas lan gsum bskor/__gtso 'khor rnams/__oM AHhU~M/__du gyur rang la thim pa dang rang thig le ser po gser btso ma lta bu'i rgya che ba mtha' dbus dang bral ba zhig tu gyur/__der lhar snang ba dang bsdu ba byas/__stong gsal gnyis su med pa'i ye shes kyi ngang bde ba chen por dar cig gnas pa byung /____yang paN+Di ta sngar bzhin gyur nas rgyud kyi glegs bam yin rgyu'i pir+Na ta ser sdug dkyus phra dum bsnams klog nas pa pir 'ga' zhig gsungs/__mtshon byed tshig gi sgra rgyud thob par gyur cig_/mtshon bya don gyi rgyud sems la rtogs pa thob par gyur cig gsungs nas/__pusti rang la thim pa dang /____rang lus glegs bam rgya yig gi rnam pa chen po zhig tu gyur pa'i ngang der gnas so/____/snga rjes lhag pa'i lha 'di dang 'brel che ba zhig yod pa yin nam/__chu bur mig gis mthong ba med pa yi/__nyams snang sgyu ma'i ra rib 'di dag la/____/yid ches med bzhin rang snang dga' phyir bris/____/nyes pa mchis na snying nas bshags par bgyi/____/grub pa che brnyes sangs rgyas ye shes zhabs/____/yi dam mchog gyur 'jam dpal rdo rje gnyis/____/tshe rabs kun tu 'bral ba med pa yi/__byin rlabs grub gnyis dngos grub stsal du gsol/__shin tu gsang rgya sbas rgya/__!__rje bla ma'i zhabs la phyag 'tshal lo/__mi las ngan blo gros zhes bya bdag_/lus gzim khang dam par sdod byas te/____/dpal he ru ka yi sgrub la zhugs/____/dus de tshe 'khrul rtog rgya 'byams ngang /______/chu rta smin zla'i nyer lnga'i dgong mo ru/____/rje tsong kha pa yi bla mchod 'don/____/dus de nub rmi lam 'khrul pa la/____/dpal bka' brgyad sgo nas bdud rtsi sgrub/____/de phyi nang ston pa'i sku chung dang /______/rje ngor chen sman 'dam gyis g.yogs pa/____/mdzub gang rnyed pas dga' tshor byung /______/de sogs 'khrul pa rgyun ma chad/____/de'i phyi nyin phyed yol thun sgang la/____/dpal sa skya paN chen bka' 'bum gyi/____/shrI bde mchog lo rgyus phyogs tsam mjal/____/des rkyen byas tshe yi lhag ma 'dir/____/dpal 'khor lo sdom pa'i nyams len la/____/mthil bcol te nyams su blangs bya zhing /______/de'i sngon du dbang bskur kha gso zhig_/sde gzhung mchog sprul lta bur zhu na snyam/____/de'i mod la de 'dra mi dgos shing /______/'di 'drar zhu bas chog ces pa'i/____/sems stong pa'i rang sgra grags pa'i mod/____/dpal rnal 'byor dbang phyug lU hi pa/____/dkar smug me tog thod bcings can/____/phyag gnyis nya yi dbyibs 'dra ba'i/____/dmar smug nar mo zhig bzung ba/____/mthong snyam mod la mos gus kyi/____/shes pa brgyal ba snyam byed ngang /______/skad cig la tsakra saM pa ra'i/____/gzhal med khang chen po'i nang dag tu/____/sku dkar gsung dmar thugs sngo kyi 'khor lo la/____/dpa' bo rnal 'byor ma tshogs bzhugs/____/rje grub chen dkyil 'khor gtso zhal bzhi phyag bcu gnyis pa/__bor bzhengs pa/____/rang sgo nas thal gyis song ba dang gtso bo'i sku dang dbyer med ngang /____'phar g.yo 'dar sprugs mang du byung /______/phyogs mtshams kyi rnal 'byor ma thams cad/____/de yi sku la 'khril nyams byed/____/mthar bam ro zhig gis tshogs 'khor byas/____/rnal 'byor bud med thod thogs kyis/____/bdud rtsi zhig drangs bar bde stong 'byams/____/gtso bo de hU~M yig zhig tu gyur/____/de je phrar 'ja' bzhin yal ba'i mthar/____/nyams las sad par gyur pa na/____/rig pa bde gsal ngang du gnas/____/mos gus kyi mchi ma thon pa dang /______/lus 'phar sprugs bag re byed pa'i ngang /______/chang gis myos bzhin yun tsam gnas/____/de 'dra ba'i snang ba brdzun ris kyi/____/gar mkhan chu zla'i dpe 'di 'dra/____/lha dang 'dre gang yin ma nges kyang /______/rnal 'byor nyams la shar bzhin bris/____/gu h+ya/__rgya rgya rgya/__!__yang zla ba de'i tshes 28nub/__kaHthog rgyud sde'i gzim khang rnying pa'i steng lta bur phyag dpe shin tu mang po dang /____skyabs rje rin po che dgyes par bzhugs/____/dbang chos zhig gsungs pa'i snang ba byung yang gsal po ma nges/__sgo gong zhig la le thang 'bum lta bus zhing chen dang /____de'i khar phyag rdor snyan brgyud pod gnyis bzhugs pa/__de zhal phye nas nyams 'ur te/__de la ched du brjod pa'i tshig bcad kha shas thogs med du byung ba/__rig pa mtha' yas dpal zhes bya/__zhes pa las gzhan ma dran/__de nas mnal sad/__yang 'thum pa na/__nyams rmis 'dres par/__rang rje tsong kha pa yin snang dang /____lho brag las rdor dang 'brel che tshul/__'jam dbyangs/__'jigs byed/__phyag drug pa/__phyag rdor bcas dang 'brel zab tshul dang /____de rnams la rtogs brjod/__las kyi rdo rje bla ma'i mchog_/blo bzang grags pa slob ma'i mchog_/zhes pa sogs dang /____'di nas dga' ldan gnas su 'gro/____/zhes sogs tshig bcad mang po brjod rgyu byung yang sad nas ma dran to/____/_!__zla 11tshes 5nub rmi lam du/__lha sa'i phyogs lta bu'i gtsang 'gram bye thang zhig nas ngos cag kha shas rta zhon nas mar 'ongs pa/__mda' nas yar bye rlung chen po rgyab pa/__ngos biR+Wa pa dmar smug de phyogs kyi ri dang mnyam par gyur nas sdigs mdzub bstan pas bye 'tshub cung zhi mthar ngos rang khang pa zhig tu phyin pa rmis/__!__chu rta mgo zla ba'i tshes 8nub/__sa phyogs shig tu khang pa dpe cha mang po brtsigs pa zhig nang sdad nas/__sha 'bras za ba dang /____yang stod nas 'ongs ba'i tshong pa zhig gi tshong rdzas 'bor chen/__kha shing gshag gis byas pa zhig dang /____bstan 'gyur do po byas pa gcig kha phed nas de nged rang gi nyo dgos snang dang /____rgya gar gyi 'phrul cha mang po btsong rgyu yod skad/__de'i nang me sgyogs zo ba 'dra gnyis kha gnam la gtad de 'phen pa dang /____lag rnga chen po zhig brdungs pa rmis/__!__tshes nub srod la gnyid thun gcig song nas/__yang mnal ba na gnyid srab pa dang nyams 'dres mar/__kye rdo rje mtho gang tsam sngo 'od mi gsal ba zhig_/de gnas gyur bdag med ma sngon mo cher mi gsal ba/__lan rer dud kha yang 'gyur/__gri thod thugs kar/__'khor lha mo bcu bzhi yang yod snyam byed/__yang gnas 'gyur sgrol ljang gtso 'khor du gyur/__yang bdag med mar gyur nas mkha' gsang khar gtugs nas khrag ling 'dra zag pa dang /____mthar gar 'khrab zhig byas te/__'od sngo ling ba zhig gi nang thig le dmar shas che ba dang /____dkar po kha sbyor zhig tu gyur nas rang la thim pa dang /____bde nyams cung rgyas mthar gnyid sad pa dang /____lus sprugs 'dar sogs na ba'i skabs ltar gyur/__tho rangs rgya zas ha seng btub pa'i bza' ba kar yol gnyis spyad pa rmis/__tshes 10nyi shar 'bri gung gter ston yi ge 'byor/__!__zla 11tshes 12tho rangs nyams kyi 'char sgo la/__grub chen ku ku ri pa sngo sangs thor cog can/__khyi mo dang 'khyud pa g.yas g.yon khyi gu kha shas yod pa la/__mos gus byas pas/__sems nyid 'di ni skye ba med/____/nam mkha' bzhin du brjod du med/____/de bzhin nyid dbyings bsam las 'das/____/ye shes rig pa ngo mtshar che/__de nas khyi rnams lha mo dkar ser dmar ljang gyur pa rang la thim pa dang bde nyams cung zad rgyas/__mthar bla ma rang la thim pa'i mod/__rang ku ku ri par gyur to/____/de'i phyi nyin rma chu grub chen kyi thugs sras mkhan nus ldan phebs byung bas/__grub thob ku ku ri pa'i rnam 'phrul yin gsungs pas der lta'am/__!__chu rta zla 11tshes 12dgong mo'i srod thun skabs shes nyams la/__kun mkhyen klong rams pa'i snang ba za zir byung yang yid gtod ma byas/__de nub nam smad kyi gnyid srab ma'i char/__kun mkhyen bla ma rin po che khri dmar smug tsan+dan mdog rgyab yol can la/__zhi 'dzum phyag gnyis sa gnon can gyi thugs ka'i thad tsam na/__'od sngon po'i gong bu'i dbus su/__shel rdo'ang min pa'i 'ja' 'od kha dog sna tshogs 'phro ba thig le dang thig phran mang po yod pa la/__rang gis mos gus dang 'od gsal gyi snang ba mtshon pa'i ngo sprod yin nam snyam pa'i ngang /____chos dbyings bsam brjod bral ba'i nam mkha' che/____/spang blang re dogs mtshan ma'i gzeb las grol/____/byar med ma bcos lhun rdzogs mnyam pa che/____/yangs dog med pa'i rig pa phyam la thongs/____/zhes pa 'di rnams nyams sad nas gsal bar dran kyang /____de 'phral yi ge ma bkod pas phal cher brjed/__phyir nangs snga thun la gsol ba btab pas thar thor dran kyang gsal po med cing /____don gnad 'di 'dra zhig ni nges pa yin/__nongs par gyur na mthol zhing bshags so/____/mchan/__gsungs nas kun mkhyen bla ma a yig du gyur nas je phrar yal/__rig pa bde stong ljen par gnas/____/yang snang char gser gyi pa tra ris kyi lcags ri nang gru chad mang po byas pa'i nang /____lha khang gartseg gsum pa gser gyi rgya phig can mang po/__sa rdos byas pa ni ma red/__dmar po sogs kha dog sna tshogs pa dar cig gsal/__yang mchod rten dmar shin tu che ba/__gdong chen zhabs gses khung lta bus khra khyug ge ba zhig yod pa'ang nyams la gsal/__'di ni ri mo nang du bcug_/tshes 14nub 'khrul snang la/__zhing khams mu khyud zlum po/__sprin kha dog sna tshogs lang lang mang po yod par/__gzhal yas khang rgya phig can mang po zhig shar yang /____yun du ma gnas/__rmi lam du gter chen mchog gling gis bskur ba red zer rgyu'i shog chag chen po zhig gi nang /____sku tshab red kyang zer/__gdung rus yin snang yang shar ba zhig dang /____yang mkhan ngag dga'i red zer ba'i shog chag chung zhig sprod pa rmis/__tshes 15la 'bri gung gter bton 'od gsal rdo rje 'byor/__zla ba rgyas pa dang phrad/__de nub tho rangs mkha' spyod kyi bzlas pa'i skabs/__sgrol dkar mdun mtshan thub kyi me lce lhab lhab 'bar 'khyug gi zer la bltas pas rkyen byas/__lus 'phar sprugs dang bcas snang ba dbyings su thim pa'i nyams la/__zangs mdog dpal ri'i rtser 'byor/__sa khang shin tu rgya che ba las srin yul bkod pa sogs ma mthong /____pho brang kha dog sna tshogs pa'i phyi sgor slebs pa dang /____bud med smug mo zhig gis nang du khrid pas/__gu ru rin po che mchog gling gi gzigs snang 'og khang gi bkod pa ltar pad+ma saM zhu mnab pa/__rig 'dzin thams cad bang rim la bsgrigs pa ltar 'tshogs pa'i sgrub pa zhig gsungs snyams pa/__'don sgra ni ma thos/__rol mo'i sgra zhig tshor/__gu ru'i mdun du 'khod pa dang /____logs der dkyil 'khor zhig bkram par/__bla ma gsang 'dus kyi dbang bskur gsungs nas bum pa/__gsang dbang thod chang /____sher dbang la rig ma dkar mo sprad pa dang 'khril tsam/__dbang bzhi par dang po shel rdo lta bu la/__a phaTaHzhes gsungs pa dang 'od mthing kar gyur/__de nas gu rus/__da zhib bca' nged kyis mngags pa'i gter ston dang gros mol gyis dang shes gsungs/__rang nas smon lam dang /____'brel pa thob tshad ngan song du mi skye ba'i smon lam zhabs spyi bor blangs te zhus/__mos gus mchi ma 'khrugs/__sngar gyi mkha' 'gros khrid de sgo nas nam mkhar 'phur te rang gnas 'byor ba dang nyams sad/__mig chu 'khrugs 'dug_/i thi/__rmi lam du kar sku bor ba rnyed nas de'i phan yon dkar chag 'don pa sogs rmis/__!__chu rta zla 11tshes 18la/__'bri gung skyu ra gter ston gyis/__gter sku sogs kyis ring 'tsho'i rten 'brel bsgrigs/__de nyin gter ston zhal ras shin tu dmar/__shangs che ba can/__sgrol ma'i tshogs gsungs skabs snang ba rgyun gyi zhal ras de ni ma red/__gter sku dang po phrad pa na dga' skyo 'dres ma'i nyams tshad med pa shar/__sngon bsam yas skor gyi bag chags rib tsam dran/__!__zla ba 11tshes 22nub gter ston yang chang gis bed nas 'ur/__lung bstan mang po gsungs skad/__ngos kyi gnyid srab mo'i snang bar/__rgya chen bka' mdzod yin rgyu'i/__drwa mig gzhi dmar ser gyi pa tra can nang /____pusti mang po brtsigs yod pa dang /____yang mchod rten sa 'bum dkar po chen po zhig gi bum pa man pad sgo lta bu mang po'i nang po ti yod pa dang yig tshem bris ma dkyus ring zhig tu/__rgya chen bka' yi mdzod kyi zin bris dkar chag rab 'byams 'dren pa'i shing rta zhes pa 'dug_/de nyid skabs rer mdo sngags thams cad kyi spyi sdom bstan bcos zhig yin pa 'dra ba dang /____skabs rer gzhan mdzad bsdu dgos lta bu za zir mang /____gter ston nas nged la rgya chen bka' mdzod bsdu dgos phebs/__khong li tsA bi/__nga kun dga' bo yin rgyu sogs gsungs/__!__tshes 23nub lha ldan nas bza' bca' mang po dang /____gur gum sgye nang ga bur yod pa gcig dang /____mi rgan gcig la yang phur gyi khrid bshad/__si tu gong ma yang bzhugs/__mi rgan des klong chen 'dra zhal mi tshad gcig la gzungs 'bul dgos rgyu zer ba/__sang nyin phul rgyu byas pa sogs rmis/__!__chu rta zla 11tshes 28tho rangs/__khang bzang skya zhad sum brtsegs yod sgo khar chos rgyal la thod/__na bza' dkar po/__gzan dkar lta bus gtums pa/__phyag gnyis sa gnon/__zhal dbyibs skyu ra gter ston lta bu zhig shar ba/__rje 'di chos rgyal gyi sprul pa yin 'dra/__'di nyin gshin rje'i gto 'phen song /______/yang gnam stong nub gu ru rin po'i sku tshab yod rgyu'i sgrom bu zhig_/'khrul 'khor gcur bas rin chen sngon po sogs sna tshogs las zur mang yod pa gcur ba na 'od kha dog sna tshogs bkra zhing /____me tog kha 'bus pa lta bu 'ong sham byed pa de 'dra gnyis yod la brtags mi shes pa'i nyams mtshar ba zhig dang /____tshes 28skor gter ston gyi gter chos yin rgyu'i 'od dkar po zhig rang gi kha nas snying nang du zug pa la/__rang gi sems la'ang gter chos de'i tshig phabs rgyu yod snyam byed pa rmis/__!__chu rta zla 12tshes 21la/__sa skya 'jam mgon sku mched kyi zhabs brtan tshe sgrub tshugs/__dgong thun skabs zhig la kaHthog mkhan rin po che ngag dbang dpal bzang de/__'bol gdan steng bzhugs nas paN zhu gsol zhing /____chos gos ni med/__g.yas thugs kar chos 'chad pad+ma dmar po g.yon pus steng mchog sbyin can/__'gying nyams kyis bzhugs/__sku nyams shin tu gsal ba la/__gsung chos rnams zhu dgos snyam pa dang yig pod kha shas kyang yod snyam dang /____nga dang khyed gnyis gnyis su med/__bka' rdzogs lung rdzogs byin pa yin/__gsungs nas bla ma rang la thim pa'i nyams byung /____!_yang tshes grangs brjed/__de skor zhig tu/__grub chen thang rgyal gzi brjid ldan pa/__smug nag lcang lo can zhal rgyan dkar sle ber dkar po gsol/__g.yas sa gnon lcags thag_/g.yon mnyam bzhag tshe bum can la mos gus byas shing dbang blangs pas/__tshe bum mgor bzhag_/snang ba mtha' yas 'gro kun rjes su skyongs sogs gsungs mthar rang la thim pa'i shes nyams gsal/__!__zla 12tshes 25yid lhung lha bya sprul sku mnga' rir 'byor nub/__rgya rgan khyung stag 'dra ba'i gsham du/__'brug gi kha lag yod pa'i sa dpyad zhig tu/__dgon pa gcig yod pa 'dra'ang byed/__gsar 'debs dgos pa yin snang kyang shar/__mi gcig gis 'di'i ltag na 'brug seng yod zer/__mnga' ri bde gshegs de bzhugs snang shar ba de'i gsung nas/__'bri sku nor bu dngos yin pa gsum yod pa las/__gnyis gshed yod gsungs kyang gcig de bya 'gus rtsar 'jog i lo/__mi lo 'jog lo 'dra gsungs pa rmis/__zhib bca' brjed nas thal lo/____/de'i phyi nang ri mgul na bun gyis btums pa'i mthar/__nyi 'od dang bsdongs pa'i sngo dwangs nyams mtshar can dang /____nyi dros kha ba me tog 'dab drug shas cher yod pa babs pas rmi ltas der blta ba'am/__yang na gzhi gnyer tshul rdo shi ba'i zhag gsum kyang yin pas gang blta mi shes/__de'i phyi thun la tshe sgrub lcags sdong ma zhig nyams len byed snyam shar ba na/__mdun du rig 'dzin rgod ldem/__thor tshugs chung ngu la rgod sgro yod pa/__na bza' dkar po mdog mi gsal ba'i stod 'bog dang thugs gsal me long yod pa/__zhal ngo khro 'dzum gtum nyams can gyis tshe sgrub lcags sdong ma'i dbang bskur snyam la/__tshig ni thos rgyu cher med pa/__rang tshe dpag dmar ser du gyur pa dang lcags kyi srog rtsa yod pa/__bla ma yang tshe dpag med kyi skur gyur/__yang sngar bzhin gyur/__shing thog lta bu'i dmar ser lum me ba'i tshe ril dang /____tshe chang gnang /____mthar bla ma rang la thim/__dbu ma lcags kyi srog rtsa'i yar mar gyi sna/__b+h+rU~M dang hrIHsa bkag pa'i nyams byung ngo /______/i thi/__blo smyon brdzun gyis lung pa khengs/____/shes nyams ra ri'i snang ba la/____/mi bden bden par bzung byas nas/____/yi ge bri ba a re mtshar/____/mi chos bla ma'i brdzun yin na/____/nges med dmyal bar skye ba'i rgyu/____/rang gzhan phung la sbyor ba 'di/____/dam pa rnams kyi snying rje'i gnas/__!__chu rta zla 9tshes 1nas mtshams sdom gter gsar 'khor ba dong sprugs bsnyen pa/__yig drug 'bum drug sngon song ba kha bskangs khyon 'bum11/____/gzungs ring 'bum1/__kha bskangs khri 2lhag bcas/__zla ba de'i tshes 21la grub/__nyin kha shas mdun bskyed sgrub pa dang 'brel byang chog btang /____tshes 30nas dbu 'dzugs/__yang phur bsgrags ma bsnyen/__yig brgya 'bum 1kha bskang bcas/__ru lu 'bum14/__phur bsnyen 'bum10/__gzhi snying chig dril khri1/__tshe sgrub sngags gnyis khri 4re btang nas/__zla 12tshes 15la tshar/__zla 12tshes 21nas/__chu lug zla 1tshes 8bar/__sa skya'i zhabs brtan/__thang rgyal tshe sgrub 'bum lnga/__khri 6song /____chu lug zla ba dang po'i tshes 14la/__'khrul shes kyi nyams la/__rje mi la sku gsal ba mdun mkhar bzhugs pa de gnas gyur te 'khor lo sdom pa lhan skyes kyi skur gyur/__de'i spyi gtsug phag mo dmar mo dang /____'khor lo sdom pa'i gnas bzhi nas sku dang 'od zer dkar dmar mthing gsum/__lte ba nas sna tshogs pa byung /____rang gi gnas bzhir thim/__mthar bla ma rang la thim/__rang bde mchog lhan skyes kyi skur gyur/__phag mo spyi gtsug nas zhugs/__lte bar chos 'byung steng bzhugs pa'i snang ba byung kyang /____zhag mang po'i bar yi ge bri rgyu ma byung bas brjed/__!__yang spyan ras gzigs kha sar pA Ni'i sku bzhengs pa khru gang pa tsam 'khrul snang la mjal yang tshes grangs sogs zhib cha ma nges/__!__yang chu lug zla 1tshes skor rmi lam du/__thang rgyal rigs lnga'i bla sgrub zhig 'don pa dang /____de rnams kyi sku zhig kyang yod pa rmis/__!__yang zla 2pa'i tshes 22nub/__rag chab gdong kham gyi zhing khugs lta bur/__ye shes mkha' 'gro bsod nams ming can zhig gi sku gdung dang /____yang de'i ming po red zer ba'i ro bcas gnyis me phung nang bsreg pa mkha' 'gro mar gdung ring bsrel mang po byon rgyu yod skad dang /____rang gi dngos grub thob res/__mkha' spyod ma'i bsreg blugs 'don snyam kyang /____dpe ma rnyed pa lta bu'i mchod phreng dang tshogs mchod 'don pa rmis/__!__nag zla'i tshes 1skor zhig la/__sga stod byams bstan gyi rnam thar sde gzhung mchog sprul gyis gsungs pa yin nam/__chab bsang phyin pa na/__mkha' dkyil dwangs par/__byams bstan nyid rnal 'byor rus rgyan can/__g.yas rkang dung /____g.yon thod pa thogs pa/__yod snyam gsal bar byung /____!_tshes 5nangs par rnal 'byor ma'i bzlas thun la gnyid srab pa'i ngang /____rnal 'byor ma dmar mo khru gang tsam rgyan cha lugs shin tu gsal bar nam mkha' nas ye re byon nyams byung /____yang de'i sngon thugs chen bcu gcig zhal mi gsal ba zhig kyang shes nyams byung /____!_chu lug zla 1tshes 17nub/__thub dbang rin po che dang bla ma sa chen sogs kyi sku li ma 'ja' 'od 'phro ba kha shas mdun mkha' nas ye re byung ba rmis/__phyi nang rdzong shod nas/__lho jo ma'i bu chung ltas bzang byung skad can 'byor/__!__tshes 18nub rdzong sar gzim chung bang ba nub mar 'jam mgon legs pa rin po che bzhugs/__zhal da mang du mdzad kyang ma dran/__sgo 'gram g.yas der/__phu ma tshang gi rnam rgyal thang ka de 'dra zhig bshams par/__rje bla ma bzhengs nas gzigs mdzad/__mkhyen brtse gong ma'i thugs dam rten yin tshul zhus/__gong gsham mar sne snag gis cung zad brdzad 'dug_/rgyab logs na rje mkhyen brtse'i gsung rtsom yod zhus pas/__rje bla mas gzigs dgos rgyur gsungs/__phyi sor tshom chen mtho yangs can zhig tu slebs/__sngar gyi thang ka ni gdung khungs na 'dug pas/__bsam gtan phun tshogs kyis gzhi khri dang lcog sogs brtsegs steng 'byar nas thang ka mar blangs pas/__tshe lha rnam gsum spyan ras gzigs phyag bzhi pa/__kha saR+pA Ni bzhengs pa/__bcu gcig zhal/__yang zhabs phyed skyil bzhugs pa'i thugs chen/__phyag g.yas brkyangs nas me tog 'dzin pa/__g.yon skyabs sbyin/__thams cad dkar po chab mdo rgya mtshos bris pa lta bu'i khyad 'phags/__thang ka bsgres nyams cung 'dug_/de'i rgyab mtshal bris rtsom mang po 'dug pa tshe ring bkra shis rtsom yin 'dug byas/__gong der mkhyen brtse'i zhabs rjes gser ma cha gcig_/'gab der pad+ma'i steng /____kong sprul phyag rjes gser ma/__ri mo mang po 'dug pa can sogs/__rje bla ma dang lhan cig mjal/__de nas grags rgyal thugs dam thang ka yin rgyu'i bde chen zhing thang /____mtshal thang gser bcad can zhig rje bla mar mjal ka phul/__de'i rgyab mkhyen brtse gong ma'i gsung gser bris 'dod gsol/__rje bla mas bklags pas/__shwa lo ka gcig nang /____'jam dpal rdo rje bde ba'i dngos grub ni/__zhes pa'i tshigs bcad 'dug pa phu ma'i grags rgyal thugs dam zhing thang la rgyab byang yod ba dang mi 'dra 'dug snyam pa sogs rmis/__!__chu lug rang lo nga gcig pa'i zla tshes nas/__sa phur gyi mtshams la zhugs pa'i nub gcig_/'jam dbyangs sa skya paN+Di ta'i sku gdung ring bsrel yin rgyu'i bye ma a krong gi 'jim gong /____ti tsha'i dbyibs lta bur 'phel gdung grangs med 'byar ba zhig 'dug pa de bzhag pa'i shul na'ang /____ring bsrel kha shas dbab 'dug pa spro dga' chen po skyes/__phyi nyin mgo log phyag phul dkon mchog gi spu gu de khrid byung gang blta ma shes/__de'i sngon zhig tu chos kyi rje zhig rmis kyang gsal po ma dran/__!__tshes 7nub skyabs rje kaHsi rin po che mjal/__'ju tsha'i dkar rtsi zhig sa gzigs dgos kyi sog zhing gong de g.yu khri gsungs nas der sa legs gsungs/__de nas dkar mo shel phug sgang nas/__gwa gur byon/__gur chung dang /____khang chung mang po 'dug_/khang chung gcig gi nang 'jam rgyal bzhugs par/__skyabs rje dang mjal 'phrad bya rtsis kyis gsung thun ma grol/__dar cig nas byon byung ba/__sngar bas gzi brjid cher 'bar/__mgul dkris ser po zhig rgyab/__skyabs rje dang gsung gleng byed pa dang /____tshe dbang rdo rje la ngos rang gi sbyin chags kyi sgrol ljang sku/__gdan khri bal bzos/__dbyibs li khra/__sku li dkar dbu rgyan med pa'i sgros byin mtshungs med zhig_/khyed rang gi gser gyi dbu rgyan bzos zer nas/__rdzong sar gzim chung du 'dug pa gtad kyang sems ma babs pa'i rnam pa byed pa sogs rmis/__yang nga rang nas skyabs rje si tu rin po cher zhus pa yin nam/__gsal bo ma dran/__dus snyigs mar chos skyong rno myur khyad par can gang bsten zhus pas/__dur khrod lha mo zab par gsungs pa'ang rmis/__!__zla ba de'i tshes bdun brgyad zhig gi phyi thun gyi char snang ba za zir gyur ngang /____kun mkhyen 'jigs med gling pa sngags chas can/__bsgres nyams cher med pa ye ma gsal bas phyag g.yas ral gri 'phyar ba zhig snang ba dang /____rang lus kyang tshugs ma thub pa lta bus/__ral gri rgyab snang ni ma byung kyang ral gri'i rkyen gyis rang lus shag shig tu gyur ngang /____de las sku cung gsal du song ba'i thugs ka nas/__a mang po lnga tshom lta bu nas/__a 'phros pas rang gi snying khar thim pa dang /____'phar sprugs byung /____mthar kun mkhyen rang nyid la thim pa dang /____nyams las sad pa na/__rig pa zang ka ma ljen par dar cig gnas pas skyed cung zad byung /____zhag shas bar yi ge bri rgyu ma byung bas zhib cha ma dran/__!__tshes 13phyi thun la sa skyar zhu yig khag cig bris rkyen gyis yin nam/__sgrol ma'i gdung sras kun dga' rin chen de/__sku mdog dkar smug_/zhal dbyibs zlum po/__dbu skra lcang lo dkar chas min pa'i gzan sham/__ring 'gags smug po cung tshegs drag can mnab pa la/__shin tu mos gus byas pas/__phur pa rkyang pa zhig gi sku gsung thugs dbang bskur nas rang la thim pa'i shes nyams byung bas/__sngar nas 'di la dad pa dang ba chen po zhig rgyun ldan yod par tshe rabs las kyi 'brel ba chen po'i bla ma zhig yin snyam/__'di dbang sdud snying po'i sras kun rin gyi sprul pa yin na/__rang de sras badz+ra rat+na yin snyam kyang dran/__lar chung dus mkhan rig 'dzin rtsar sdod nas klog sbyong skabs nangs snga mo dang /____dgong phyi zla ba'i nang /____rnam 'joms bshar sbyong skabs/__dpal sa skya yid yul dran nas skyo gdung gi nyams chen po yod cing de la dpyad na tshe sngon zhig tu sa skyar skyes nges pa red/__!__yang tshes 14nub skyabs rje bka' drin can zhe chen pad+ma bi dza dang sgrub pa zhig 'tshogs pa'i sku rgyab ka gdong zhig la/__thod pa dpral ba gyen bstan zhig gi nang /____'bru gsum rang byon dkar po 'bur ma yod pa/__dar cig nas pad+ma bi dzas bsnams nas thun mong gi dngos grub rgya chen stsol ba'i thugs smon dang bcas rang gi mgor bzhag nas lag tu gtad pas/__thod pa'i g.yon zur yar kha ma gang ba 'dra zhig 'dug_/yang skyabs rje khri steng bzhugs nas dkyil 'khor gyi sna nas mar gyi gtor ma zhig phyag gis myong nas 'di nga sgrub pa byed pa'i dngos grub yin ces gsungs pa dang /____skyabs rje si tu rin po che dang lhan cig rdor sems mngon dga'i zhing sbyong btang ba rmis/__!__tshes 21phyi thun sgang cung zad lus sems dub pa dang /____sa lo tsA kun bsod kyi rnam thar mjal rkyen gyis/__cung 'thum pa ltar gyur pa/__bde chen zhing dmar 'od ches pa/__khri dad rma bya rnams dang thag nye ches pas/__mjal khad mi bde ba/__g.yas g.yon du khri chung kha shas/__sa lo chen po dang /____legs pa rin po che/__sku dbyibs nyin dus ltar la/__gsal dwangs che ba sku stod gcer bu chos gos can/__de'i mar phyogs nas mthong rgya che bar/__nags tshal me tog sna tshogs bkra bas mtha' bskor ba'i mthil sngo dwangs zhig las ci yang ma mthong ngang sad par gyur to/____/_!__chu lug lor 'khon phur bsnyen skabs kyi zla 7tshes 34nub/__rdzong sar 'du khang lta bu la me shor byung zer nged rang khang steng nas bltas pas/__grwa khang thams cad khar ston thog bzhag 'dug_/me 'bar ba ni dang por ma mthong /____du ba sngo bun phyur/__yud tsam nas me lce mched pa phu ma'i khang phyogs dang /____yar mched shom byas pa/__mkhyen brtse gong mas nyag dus/__sgrol ma me rdug bshams nas thugs gtad kyis me 'jigs bzlog pas ngos rang gis kyang bzlog dgos bsam/__phur pa gdengs nas me lce thur du ded pas/__ded nus shing ngos rang gi skra la me mched pa/__lag pas byugs nas da res skra dkar 'gogs nas da phyin skra nag por 'gyur zhes brjod/__mthar me zhi/__yang dngos grub len dgos zer/__gro zan mngar gsum btab pa la/__la thod kyi mgo lta bu byas pa bshams nas rol bas bro ba phun sum tshogs pa byung /____phyi bog gnyis la mda' drug re tsam 'dzud nas rang dang gzhan gyis 'phangs pa dang khang pa zhig gi nang gur mgon 'cham sku byin can zhig gdan drang rgyu yod shom sogs rmis/__!__tshes 25tho rangs/__rnal 'byor dbang phyug sha wa ri/__sku bzhengs pa rnal 'byor pa'i chas/__ras gzan/__ang rag_/shing lo'i smad g.yogs/__gzhu mchog phyag ngar la bkon pa sha ba'i ro phrag bkal/__thor cog chung ngu can/__'khor bud med ras gos can bzhi tsam/__ye mi gsal ba byon nas mgo la phyag gis byugs nas/__rnal 'byor chas dbang bskur te/__'khor bcas rang la thim pas bde stong gi nyams lus 'phar g.yo bcas byung zhing /____rang gi do ha tshigs bcad zhig shar yang /____de 'phral yi ger bkod pa ma byung bas brjed do/__gu h+ya/__!__tshes 26nub 'du khang zhig tu 'tshogs te/__ngos rang gis pho rog gdong zhu gyon te/__sa phur gyi smad las bsgral ba'i 'gugs pa byed pa rmis/__!__yang tshes 29tho rangs cung zad mnal bar/__ngos rang kaHthog 'du khang sgo khyams lta bu'i khug cig tu khri gshom pa'i khar sdod nas/__kha shas dang mnyam du 'don pa zhig byed par/__skabs der mjal kha byung ba'i/__rdi tshe a 'tshogs tshang gi bu mo de rnams 'dra ba mang pos/__rgya gzhong zhig tu/__ling sngon po dang /____shel gyi sna dam lta bu'i smug nag chen po zhig sogs byin pa dang /____de rnams byad dbyibs sogs ye ma gsal zhing /____brel tshub chen po byed pa rmis/__!__tshes 30snga thun char bzlas zhor/__dkon lhun gyi rnam thar bltas pas/__kun mkhyen bsod nams seng+ge'i dgongs pa gtsor ston gsungs pa de'i rkyen gyis/__shes nyams snang tshar/__mdun mkhar kun mkhyen khri smug po'i steng /____ber thur ser pos sku smad g.yogs can/__sngar gyi rnam pa 'dra ba la mos gus tshad med byas shing /____gsung rab kyi lung blang dgos snyam pas/__thugs ka nas chos kyi sgo phyes te/__glegs bam pad rag gi mdog can mang po 'phros/__rang gi snyig gar thim/__dbang bzhi blangs mthar/__d+hIHyig ser por gyur nas rang la thim pas rtog bral rig pa rjen par gnas te nyams sad do/____/_!__tshes 30tho rangs lam dus 'don skabs nyams kyi snang char/__mdun mkhar rje btsun grags rgyal dkar chas bsgres nyams shin tu che ba/__phyag g.yas rdo rje thugs kar g.yon ma nges/__sku shin tu gsal ba la dngos su yod snyam kyi lag gnyis brkyangs nas 'jus pas bzung rgyu ni gang yang ma byung /____sku ye re spyi bor byon nas/__sangs rgyas kun bdag sku yi mchog_/ye shes sku ste rang byung ba/____/'jam dpal ye shes sems dpa' yi/____/byin gyis brlab cing dbang bskur ro/____/zhes phyag spyi bor bzhag snyam/__de nas phyag rdor khro bo zhal gcig phyag gnyis par gyur te/__ha ha hU~M hU~M/__phaTa? phaTa?Hgsungs nas sku mi snang bar gyur/__rig pa 'dzin bral du yud tsam gnas so/____/_!__chu lug zla 8tshes 5tho rangs/__yi dam rmi lam brtags pas cung zad mnal ba na/__rtog pa rag pa thams cad 'gags te/__rang lus dang /____mdun mkhar snang ba gang yin ma 'byed pa'i/__rdo rje 'jigs byed zhal phyag yongs rdzogs gnam sa gang ba zhig shin tu gsal zhing /____rwa sngon po ring zhing phra ba rnams lhag par gsal ba la yun ring gnas nas sad par gyur to/____/_!__zla 8pa'i tshes 6tho rangs mnal srab mor tshe gegs sel bar brtags pas/__dpon slob rdo rje 'chang sku ber ser po rdo dril/__sa zhu rna babs gsol ba/__dar la babs pa shin tu gsal bas/__gur gyi mgon po'i rjes gnang /____sku gsung thugs dbang rnams shin tu gsal bar gnang /____gtor ma'i bka' bsgo mdzad pa na/__bla ma mgon por gyur pa spyi bor byon/__sku dang 'od zer gyis reg pa bum dbang /____'od zer gyi bdud rtsis gsang dbang /____bdud rtsis lus gang bde ba skyes pa shes rab ye shes kyi dbang rnams byin rlabs kyi tshul du gnang /____dbang bzhi par dngos po med pa sogs kyis ngo sprod/__bla ma hU~M yig khru gang pa zhig tu gyur pa rang la thim pa byung mthar mnal sad do/____/_!__tshes 12tho rangs mnal ltas khro wA gin+d+ra'i s+t+ri ling+ga'i b+h+ya g+hr-i/__mang+ga la dI paM su khar 'byams/__!__tshes 14tho rangs mnal srab mor phag mo dkar po las dbang bzhi zhig nos pa rmis kyang gsal po ma dran/__tho rangs mnal srab mor tshe ring ma mdzes sdug can gyis bde chen ye shes bskyed pa'i nyams shar/__dngos su snyoms zhugs ni ma byung /____!_tshes 19tho rangs gnyid srab mor/__gser gyi drwa mig sprin ris ma/__khru gang gi tshad nar mo'i nang gnas bcu'i sku bzhugs pa rmis/__!__tshes 30tho rangs sgrol ma dang /____thang rgyal dmar smug_/dbu skra nag po cung se ba sil bur grol ba khru gang tsam shin tu gsal ba rmis/__!__chu lug zla 9tshes phur bsnyen gyi srod thun la 'khrul ba'i nyams kyi snang char/__mdun mkhar lang lab byang chub rdo rje/__shin tu bsgres nyams che ba/__dbu skra se ral grol ba/__zhal ras zlum po nyam thag pa'i tshul/__la ba dkar po'i ser sdug rnying pa/__sku lus stod sgur thabs su bzhugs pa'i phyag na phur pa zhig yod snyam/__cher ma gsal ba la mos gus drag po byas pas/__phur pa'i dkyil 'khor zhig nam mkhar byung ba dang /____bla ma de phur pa zhal gsum phyag drug tu gyur nas/__rang zhal du mid pa/__thig le sngo skya'i rnam pas yum mkhar bzhag nas phyir dbyung ba dang /____phur par gyur nas mdun du bzhag pa la/__bum dbang /____dur khrod dpal chas dam tshig gsum byin/__gsang dbang phud skyogs kyis byin/__sher dbang rig ma spros pa dang snyoms zhugs/__bzhi par hU~M phaTa?Ha ti hoHgsungs/__mthar bla ma sngar bzhin gyur/__phur pa'i rgyud lung man ngag pusti per hrul mang zhig 'dug pa/__bka' lung rdzogs pa'i dbang byin pa/__bla ma glegs bam dang dbyer med du gyur/__glegs bam thams cad rang la thim/__de'i snga rjes su lus 'phar g.yo shin tu drag po dang sems rtog med bde stong du 'byams pa dag byung nas nyams sad do/____/gu h+ya/__tshes 3tho rangs/__sa lugs kun mkhyen go rams dang /____shAka mchog pa gnyis/__gong ma'i gzhung la gang 'thad rmi lam brtags pas/__lha mos me long la shAka mchog par/__spra tshal lta bu nag shar mi gsal ba dang /____kun mkhyen par dag cing gsal bar 'od zer rab tu 'phro ba can 'char ba dang /____gnying zhabs/__bsod nams ye shes nags na rnam rol zhing /______/sogs 'don pa dang /____lha mo'i gsol ka bton pa rmis pas/__de ni shes rab kyi lha mo yin pas lta bar legs pa'i brdar go/__!__zla 9tshes bcu'i tho rangs shes ngor/__slob dpon zla grags/__paN+Di ta'i chas/__paN zhu gsol ba/__g.yas skyabs sbyin chos 'chad thugs ka/__g.yon pus steng mchog sbyin glegs bam/__sku 'gying nyams/__zhabs phyed skyil/__pus g.yas cung zad bslangs pas/__chos rnams thams cad rang bzhin med/____/mi g.yo mi 'gyur brjod las 'das/____/sangs rgyas kun gyis rab bsngags pa/____/spros bral bsam mi khyab pa'o/____/zhes gsungs rang la thim pa dang /______/rang lus dmar ser d+hIHyig gis/____/phyi nang thams cad them mer gang /______/de mthar rang nyid 'jam dpal gyur/____/de'i 'dra'i 'khrul snang skyag brdzun 'di/____/mngon sum mthong ba lta ci zhig_/yid dpyod nyams kyis bslad pa 'di/____/chos nyid stong pa'i ngang tu phaTa?H!tshes 13gyi dgong thun la ngo bo rje bla ma ma ti b+ha dra kIrti yin pa la/__rnam pa 'jam dpal sngon po nam mkha' dwangs pa lta bu'i mthing 'od 'bar ba dbu rgyan sogs kyang mthing ka de rang /____khru gang tsam phyag gnyis chos 'chad can du bzhugs pa'i sku las ral gri sngon po 'chad nas/__rang gi lus gtor/__yang 'od sngon po mdung thung lta bu yang byung nas gtor bas/__'jigs sngangs lta bu'i 'phar sprugs mang po byung /____de spyi bo nas thim pas rang lus d+hIHdmar ser nam mkha' gang ba tsam du gyur pa la/__gsung rab glegs bam mang po thim zhing rig pa gsal dwangs phyed pa yun tsam byung /____!_de nas tshes 14chad pa'i tshes 15zla skar shar ba la bltas/__zla ba'i ri bong nang /____rje bla ma gzhon 'dzum dgyes nyams gser mdog paN zhu sogs sku chas spyi ltar la dpral bar 'jam dkar/__mgrin par smra seng dmar/__phyag chos 'chad/__thugs kar rdo rje rnon po sngo/__ral gri glegs bam/__lte bar 'jam dpal gser mdog zhal gcig phyag bzhi pa rnams yod pa shes nyams la snang mthar 'gags/__gu h+ya/__gu h+ya/__de nub rmi lam du/__rdo rje gzhon nu'i zhabs nang stong /____zo ba lta bu'i nang blta chog pa la/__g.yas zla ba thabs kyi cha mnan pa/__g.yon nyi ma shes rab kyi cha mnan pa red zer/__zhabs dbus ma gcig kyang yod snang la/__'di yin bshad ma shes pa byung yang zhib cha brjed thal/__!__tshes 18tho rangs gnyid srab mo'i ngang /____kun mkhyen klong chen pa ngal gso'i phyag rgya/__paN+Di ta'i chas dbu zhwa yod pa/__khru gang pa shin tu gsal ba rgyun ring tsam byung /____!_chu lug zla 9ba'i tshes 25grub thob thugs tig gi phag mo'i tshogs brgya phul ba'i de'i tho rangs cung mnal bar gnyid srab mo'i nyams la/__jo nang rje btsun dbu zhwa paN zhu rna thung /____zhabs phyed skyil/__g.yas rdo rje thugs ka/__g.yon thod pa bsnams pa'i sku 'gying nyams/__na bza' bod 'gags gong bcad ma gsol ba la/__rje btsun kun dga' snying po la gsol ba 'debs so/____/lan mang byas pas thod pa bdud rtsis bkang ba spyi bor bzhag nas sngags tshig ni gsal po ma dran/__spyi bor gtor bum dbang /____mgrin par gtad gsang dbang /____rig ma sngo skya zhig byin pa dang snyoms 'jug sher dbang /____bzhi par/__shin tu rnam dag zhi ba'i dbyings/____/mkha' mnyam rdul bral chos kyi sku/____/rang rig rgyal po rang gtso bo/____/bde chen mchog tu zab pa'o/____/zhes gsungs nas/__bla ma dus 'khor lhan skyes su gyur pa'i thugs ka nas 'od sngon po la sna tshogs 'dres pa'i zer mdung snying khar zug pas rang lus sbyangs/__rang dus 'khor lhan skyes su gyur pa dang /____mthar bla ma rang la thim/__lus nang sngags kyis shigs se gang ba snyam byed/__de'i ngang res sad/__res mnal ba na/__bde stong gi nyams rgyas/__dus 'khor gyi tshig sna tshogs pa dang /____bstod pa khyad 'phags 'ga' 'don rgyu byung ba'ang brjed/__mthar/__snang ba'i nyi ma dang po'i dbyings su zhugs/____/rdo rje 'dod ster kun tu dga' ba'i dbyangs/____/sgra sgrogs rgyal po A li kA li'i gzugs/____/rdo rje dri ma med la phyag 'tshal lo/____/zhes pa tshig re zung nyams yod na las/__'di 'dra zhig 'don pa dang /____jo nang kun mkhyen la dad pa cher rgyas pa zhig byung ngo /______/!chu lug zla 9tshes27/__srod thun smag gi nang /____shes nyams la/__lha btsun chen po he ru ka'i chas/__cung bsgres pa/__g.yas pa men rwa'i nang chang dang 'o ma gang yin gsal bar ma 'byed/__g.yon mnyam bzhag thod pa thogs pa la sems gtad de mos gus byas pas/__a la la ho/__a ha hi hoHgsungs nas rang la thim pa dang /____rang de'i skur gyur pa'i snang ba byung ngo /______/!chu lug zla 10tshes 1'khon phur bsnyen pa'i sbyin bsreg nub rmi lam du/__kaHthog gzim khang lta bur ngos rang 'dug pa/__yi ge spar ma pod mang po 'byor ba dang /____si tu gong ma'ang rmis/__yang rang gis bzhengs pa'i lha khang zhig gi rgya mthong khar logs bris mang po mjal ba'i phug logs thub dbang rin po che bzhugs pa'i drung du slebs pa dang /____ri ngo zhig la bris pa'i tshon bkrag shin tu che ba'i pang mthu'i steng nas phar song nas gsol btab bgyis pa dang /____yang mkhan rgan kun dpal mjal nas chos kyi bgro gleng dang /____rten sgam zhig kha dbyes nang /____rdo rje phur pa na bza' sgril tshas can mang po'i nang /____shud bu'i mgul phur yod pa/__de shed phug sprul lta bu gcig la de nang nas cha shas sbyin dgos 'dug pa/__na bza' sgril tshal kha shas byin/__yang de nang nas chu shing nag po'i phur pa/__chang zung gru bzhi pa khu tshur gang drag 'od 'phro ba zhig lag tu bzung ba sogs rmis/__tho rangs go ram bstan pa'i nyi ma sku ye ma gsal ba zhig gis khyed kyi yi dam tsakra saM b+ha ra/__srung ma gur mgon/__sngags srung 73lo 75'dra zer snyam ma nges pa'i 'khrul snang zhig kyang byung /____!_tshes 2nub rmi lam du/__gnas ri brag phug brgyad yod zer ba zhig tu phyin/__yang de'i mar gsham phug pa zlum po sgo nas mar 'dom gang nud dgos pa skyid po zhig tu phyin pa dang /____mi zhig gis rnying ma'i bstan pa dar rgyas 'ong ngo che/__gu ru'i 'dra 'bags gyi zhal ras shin tu gsal zer ba dang /____gu ru'i zhal 'bags gser byugs pa can la/__snyan shar 'bul bas spyan hrig hrig dang /____shangs nas 'od 'dra ba zhig mched/__zhal da kha shas gsungs kyang brjed/__gnas gzhan zhig tu/__gu ru'i sku dang 'di gnyis ka da res gzi brjid che zer ba rmis/__yang tho rangs snga cha gnyid srab mor/__gu ru rin po che mi tshad tsam/__gnas brtan brag ri'i dbyibs lta bu'i tshon kha dog sna tshogs pa'i brag ri dang /____'khor mkha' 'gro gnyis bzhugs/__gu rus 'gugs rgya mdzad pas/__rje 'bangs nang /____bai ro gnubs chen zhwa nag phod ka/__chos rgyal/__gnyag dz+nyA na tsam las gzhan ma gsal/__mos gus chen pos dbang bzhi blangs pa dang /____yi ge pod 'bring bris ma ser stug mang po rang la thim pas nga rang mkhas par gyur snyam nga rgyal/__gu ru rang la bstim/__rang chos rgyal du gyur pa'i nyams sad pa dang /____mos gus kyi mchi ma 'khrugs par 'dug_/sngar ma shes pa'i chos ni ci yang shes mi 'dug_/gu ru ha cang sku dwangs pa'ang ma mjal bas/__dkor sgrib dang rtog ges gsar sgrib yin snyam/__!__zla tshes la bla ma gsang 'dus mtshams la zhugs pa'i nub dang por/__khang pa zhig tu gter ston gsum 'dug pa gcig de la gter rdzas mang po 'dug zer bas/__mjal kha thon byas pas/__gzhan zhig tu len mkhan song /____gcig tsag lhag gyon pa'i lo khreb zhig 'dug par/__nged nas khyod gter ston yin zer/__dgongs gter las rdzas gter med pa khyod 'dra zer nas brnyas tshig byas pas/__de yang song nas/__gnam sa gnyis bar gdugs sngo dmar 'khor ba'i bar nas bsgrod chog pa zer ba sogs bshad/__gcig des kyang mang po bshad par yid la ma nges/__!__tshes 14nub nag tshong grub thob byams pa chos 'dzin red zer ba'i a mye ral can gzi brjid can 'dug pa'i mdun nas/__nga la mchog thun dngos grub dang /____khyad par nyams rtogs ye shes rgyud la skye ba byin gyis rlobs dgos zhus pas cang mi gsungs/__nyid dgung lo du yin zhus pas don gsum yin gsungs pa/__gzhan zhig gis da lta brgya dang bcu gsum red/__da bzhi bcu bzhugs zer bas de dngos gnas yin snyam sogs rmis kyang gsal po ma dran/__!__gu ru blo ldan mchog sred yid gzugs la skabs rer gsal ba thengs kha shas byung /____!_tshes 15nub bkra shis tshe ring ma'i 'khrul 'khor red zer/__rang nas rlung 'bud dang /____yan lag lnga sbyong /____dngos gzhi lag pa rdo rje phyi bsdam gyi gung srin gnyis bslangs/__mdzub mo gnyis dang po gung mor rdo rje'i ra ltar sbyar/__de nas gshibs te thag sgra dang bcas rgyab pa/__an stong khug phar tshur la phog nyams shar/__de nas rdor 'bebs kha shas rgyab de gzhan la khrid pa zhig rmis/__!__zla 10tshes 17nub gtor sgam du dur khrod rten gtor dang /____rten rdzas mang po'i nang sbrul ljang khra gos chen las bcos pa zhig kyang 'dug pa/__thar rtse dpon slob rdo rje 'chang yin snyam ni byed/__sku dbyibs mi 'dra ba zhig gis dur bdag rjes gnang tshang ma zhig gsungs pa thob/__de'i phyi dro'i thun la shes nyams su/__ma hA gu ru blo ldan mchog sred kyi thugs ka nas/__rong pa chos bzang gzhon nyams dge bsnyen chas can/__dbu skra lcang lo/__phyag g.yas pus steng skyabs sbyin ut+pal rtser ral gri/__g.yon mnyam bzhag glegs bam can zhig byon pas/__rang la thim pa dang d+hIHsgra chen po zhig grags snyam gyis thibs se song ba dang /____rang lus kyang d+hIHra gyur/__nyams sad pa na sbrid pa chen po zhig kyang byung ngo /______/!tshes 18nam smad rmi lam du ko ra kha/__ru dpon dgon pa'i tshur leb kyi khang pa 'dra ba zhig tu ngos rang yod pa/__mar bltas pas chu phar ka'i 'gram nas mkhan bsam blo red zer ba'i rta pa bcu skor/__bla ma sha stag mgo la phur 'cham gyi thang zhu sngon po gyon pa/__rma bya'i sgro gor dang /____rgyab dar yod pa can song /____mkhan rgan ngos rtsar phebs 'ong na ci shes snyam kyang /____gzur bltas re byed pa las ma byung /____de nas ngos rang phyi rgyab nas gar song bltas pas/__'bri chu'i kha lta bu'i g.yer mo zhig nas chu brgal song bar/__rta rga ma mang po chus khyer byung bas/__bla ma de rnams kha shas las mi 'dug_/chus khyer song snyam pa shar/__de nas phu ma tshang rtsar mi shi ba'i sman lha'i byang chog 'don sa zhag shas sdod dgos zer ba/__de ltar cho ga byas skabs/__gseng gcig nas ri ngos thang zhig tu/__gur nang 'dug pa/__ban+de rgya shin tu 'thug pa/__kha ngo chung ba/__gos smug gyon pa byung nas/__skad cha mang po dri/__rgya shin kham bcu gsum bde mo i red/__de nas su byung sogs mang po dris byung ba/__nga rang gis da lta de rnams rgya 'dre dang /____'di lam rim dge bshes 'khrul ba red bsam/__gu ru drag po gtum drag dmar nag gi gsal snang gi/__g.yon gyi lcags sdig dang bcas pas de'i rke nas bzung /____rdo rjes brgyab pas skad ngan 'don/__srog snying phul byas/__ya ba ga sha pa rak+Sha/__zer/__sems can la gnod pa mi byed ba'i dam bsgrags/__phaTaHgcig gis a mdo'i chu bar du bskrad pa zhig rmis/__!__tshes 21rmi lam du/__rgya mtsho chen po'i steng /____gru ko sder mo zhig gi nang 'dug pas/__shar phyogs thag ring nas khyer 'ong ba zhig yin zer mi zhig gis/__rdo smug po dbyibs 'di 'dra zhig la dkar pos/__smad du dur khrod brgyad/__stod la rtsa ba gsum rang byon yod pa shin tu lji ba zhig sprod byung bas/__gru de rtig shom byed/__rang nas mi gzhan zhig la de'i ri mo rnams bshad de sprod pa rmis pas cung 'tshub sam snyam/__gzhan yang rmi ltas ngan ba'i za zir mang /____!_tshes 22nub khang ba zhig tu 'dug pa kaHthog mkhan rin po che ngag dga' phebs byung ba/__phyag dpe spar ma mang zhig bsnams nas/__'di rnams khyod la gtad pa yin gsungs/__rang gis kyang gsung rnams sdom gtad zhu dgos snyam zhing /____yi ge de rnams ldeb re bzhin nged kyi pang thog bzhag pa byung /____khong gi chos kyi rgyal tshab tu nga bskos pa red ces/__skya ser mang po zhig gis zer/__bod pa'i jo jo zhig gis kyang de bzhin zer zhing /____mkhyen brtse ming mkhan mang bas/__bod nas yi ge bskur dus nor shor ba 'dra zer bar/__gzhan zhig gis/__skyabs mgon rin po che mkhyen brtse zhes 'khod na rgyal tshab mkhyen brtse la go nus zer ba rmis/__!__tshes 24nub/__rgya mi zhig gis rgya yi dpyad pa'i snod bzang por be tshe'i ri mo yod pa nang /____zas bzang po dang /____'o ma'i thug pa dang /____shel phor nang /____rgya ja me tog yongs 'dzin rnams drangs/__bud med mang pos nor sna ster/__lhung bzed kyang byin/__rdo grub rin po che khang pa gcig tu sku mtshams bzhugs pa/__dar cig nas rang rje bla ma'i gzims mal der sdod pa mi gcig gi rje bla ma dbyar gnas zla gsum bzhugs ring gnas brtan chen po gcig kyang mtshams bzhugs pa'i tshul khrims dri yis khyab zer/__dri zhim zhig tshor ba'i snang ba'ang byung ngo /______/de la dpyad na tshe 'dir gsang ba'i dngos grub las med do/____/yang 'ja' 'od kyi rgya phibs zi khang gru gang nang gu ru blo ldan mchog sred ches gsal ba zhig kyang nyams kyi snang char gsal lo/____/_!__blo gros blo ngan drwa bar 'thum/____/mi shes gti mug gnyid kyis non/____/yang dag thar pa'i snang ba bral/____/kyi hud rang gi tshul 'dis skyo/__!__chu lug zla 10tshes 29nub gnas ri zhig tu phyin/__rdo sku rang byon mang po dang /______/byang phyogs kyi grub thob mkhar gzhong pad+ma zhes der yod snyam gyi rdo la mdzub rjes sogs mang po bzhag pa/__rang nas kyang brag ri zhig gi ngos la 'dzegs te rdo la rjes mang po bzhag_/brag de ni yar klung shel brag yin snyam byed/__de'i gong zhig tu rdo yi mchod rten chen po'i nang 'byor/__jo bo rin po che thog tshad gcig der bzhugs 'dug pa/__grwa pa kha shas kyi zhal lho phyogs gyu nas mchod 'bul go ma myong ba zhig 'don/__rang de nas bskor ba byas phyin mthar/__mchod rten de'i bang rim gyi rdo skas mthon po'i steng nas mar babs rim gyis bltas/__bum pa'i nang jo bo rin po che sprul sku gzi brjid sngar las che ba can zhal 'dzum pa sogs mthong bas sems 'phreng bzhin 'ong ba rmis/__zhib cha brjed/__!__tshes 2nub srod thun la/__rdo rje gro lod zhig nyams la gsal bar shar/__rmi lam du lha khang btsag sum thog rgya phibs can gsar pa zhig gi nang thams cad phyam las bar bkag rgyab rgyu ma grub/__btsag bar ma nas phyogs bzhi nas sgro skas can/__'og khang du gu ru rin po che li ser thog tshad za hor ma/__de'i pad gdan sna nas yar bkyag bltas pas/__kye rdo rjer gau ri sogs brgyad sku khru gang re yod pa can phyogs mtshams su bzhugs pa/__phyi rol du'ang zangs sku gau ri khru gang res bskor yod pa rmis/__!__tshes 3nub rmi lam du dkar mo stag tshang yin snyam byed pa'i gtor sgam thog 'og gnyis kyi steng ma phyes pas/__rtsa gsum rten gtor mtshal byugs bskum gru gang tsam yod pa rat+na'i gtor gzugs 'dra ba gsum dang /____rten mda' thun can rtsa gsum so so'i kha yig ras dzar btags pa/__de rnams mkhyen brtse gong mas bcas pa red zer ba dang /____rdo nag gru gsum gnyis tsam yang 'dug pa rmis/__yang gser thar khog shed nas red zer ba'i gter ston sha rtsi smug_/skra nag_/thor cog chung ngu yod pa/__nged gzim chung bong ba ya dar 'dug pa'i 'khris su sdod/__dga' dga' byed/__ngas khyed gter ston rnams kyis pho ma byas rabs bshad/__gter ston yin na nga la gter rdzas dang /____gter chos thod byas pas/__a 'bag nas yi ge dpe tshem dang /____ling thum zhig blangs pa'i nang /____ston pa'i sku 'dra ba'i gtsug tor che sbom yod par/__res grub chen zhig yin snyam kyang byed/__rgyu rgya rag 'dra ba'i ser po'i gdan gyi steng /____rta dang /____phag sogs sems can gyi khri steng yod pa dang /____ring bsrel lta bu dkar ser/__zangs gser mchod rten bkra shis sgo mang tshon gang ba gcig rnams 'dug pa/__gter ston des srong btsan sgam po'i dus/__'gar dung long rgyab pa zhig yod pas/__'gar long pad+ma can zer ba yin rabs sogs/__lo rgyus mang rabs zhig gis drangs/__rten de rnams bshad ran pa dang gnyid sad par gyur to/____/_!__chu lug zla 11tshes 12bla ma gsang 'dus bsnyen skabs/__de'i snga nub kaHthog si tu thams cad mkhyen pas/__yi dam la thugs sgrub bar chad kun sel gnad che tshul dang /____'jam mgon legs pas sa skya'i byin rten rtsa chen khu tshur tsam zhig_/ling gi ljags mdud chen po zhig mnyam du sbags nas mdud pa zhig ban+de gcig la 'dug pa/__'di 'dra zhig khyed la'ang byung na a pha pho gsungs pa rmis/__tshes de'i snga thun la/__mkhyen brtse rin po che dang /____rgyal tshab pad+ma rnam rgyal la chos dbang gis rjes su bzung tshul dran pas rkyen byas/__mdun gyi gtor sgam thad shes nyams la chos dbang rin po che dkar chas gzi brjid can/__gter ston dri med gyi zhal dbyibs cung 'dra ba/__dbu skra thor cog chung ngu /____lhag ma grol ba'i skra chun gcig 'gram g.yas nas mar grol ba/__mnyam bzhag gter sgrom 'dzin pa/__shin tu gsal ba la mos gus mchi ma 'khrugs pa dang /____gter chos kyi byin rlabs zhu snyam pa dang /____spyi bor gsang 'dus/__mgrin par thugs chen yang snying /____thugs kar yang dag_/lte bar phur pa gtso rkyang rnams bzhugs pa'i gnas gsum las/__sku gsung thugs kyi 'od zer dang /____phyag rgya'i tshogs spros/__rang gi gnas gsum thim/__thugs chen gyi gsung 'dab drug la ci bkod pa 'phros/__mthar chos dbang rin po ches/__DA dril phyag gi gar stabs bsgyur nas rang la thim pa dang /____rang de bzhin gnas bzhi'i lhar bcas gsal bar gyur pa dang /____cung zhig nas nyams sad/__de dag gi skabs su lus 'phar sprugs drag po dang /____rig pa rjen par gyur to/____/_!__zla ba de'i tshes 16snga thun la/__rje thar rtse mkhan chen byams pa kun dga' bstan 'dzin gyi sku thang mdun du bkram yod pa de la/__spyir rgyun ldan mos dung che stabs thang kar sems gtad nas gus 'dung byas pas/__snang ba ban bun mig rab rib dang /____zhal gyi mchu sgros 'gul snyam byas pa/__mos gus drag tu byas pas/__gnas gsum nas 'od zer byung /____rang gi gnas gsum thim/__bla ma'i sku phyi dbyibs de ltar la/__nang du kye rdor zhal brgyad phyag bcu drug pas dbu man chad gang ba'i sgrib thogs med par gsal/__bla ma'i zhal nas/__a hi hoHbyang chub sems la phyag 'tshal lo/____/sems kyi rang bzhin rdo rje ni/____/zag bcas 'ching ba kun las grol/____/zag med sems kyi rang bzhin du/____/'khor 'das chos kun de rang yin/____/de nyid gnyugs ma'i kye rdo rje/____/gsal stong mtha' dbus bral ba'o/____/a hoHgsungs kye rdor rang la thim/__rang yang de'i gsal snang ngang nyams de sad do/____/_!__tshes 20snyan brgyud zhag bdun tshugs nub/__thang snyed bla ma 'jam dbyangs/__khang pa phyi sbug nang sbug yod pa'i nang 'dug sar phyin pas/__lha khang nang 'bru do po sogs kyis gang nas 'dug pa'i drwa mig nang /____gu ru'i sku li ma gnyis tsam 'dug pa dang /____yang zhe chen ri khrod lta bur/__grwa pa sogs mang po la/__rdor sems kyi gson byang dang /____dbang bskur skabs skyabs rje pad+ma bi dza yang bzhugs/__dbang bshad rdzogs rjes/__mdun nas mdzod thag gcig gi stod la/__gu ru pad+mas rdo rje mang po 'thor mdzad pa'i gras kyi gnam lcags rdo rje zhes pa dang /____bar der zab bdun phur sgrom zhes pa dang /____smad du'ang kha byang zhig 'dug_/dang po rten mjal zhu dgos snyam pas/__gnam lcags rdo rje gru gang pa dmar 'od can gcig dang /____phur pa khro zhal can de 'dra/__drod tsha chil le ba yod pa gcig sogs mjal ba rmis kyang zhib bca' ma dran/__!__tshes de'i sngar nangs nyal bzhin/__gnas chog bsdus pa 'don skabs/__gnas brtan rnams re re bzhin rgya lugs chas can/__khang pa btsag mthon gyi che chung tsam re/__shar smad nas 'grigs byas nas byon nyams shar/__!__tshes 21nub/__rang skye snga ma brtags pas/__rigs ldan 'jam grags/__khang bzang rgya phibs can chung ngu'i nang /____sems dpa'i chas sku mdog dmar ser chos 'chad can bzhugs pa rmis/__!__tshes 21yang brtags pas/__nyi ma lho kha zhig tu khang pa lha khang nyis brtsegs can nang /____bla chen mang po zhig_/'bri gung sgar chen yang zer/__don brag 'dres rkyen byas gshegs pa'i dgongs rdzogs la/__'og khang du phyin pas/__steng nas khrag rnag 'byams dogs kyi btsog snang dang /____yang khang pa zhig tu phyin pas/__sgar chen phyogs song /____rdo shul mkha' 'gro yang bla ma de rnams kyi sku 'ded la song bas 'das zer/__bud med khyi nag gdong can chung ngu zhig shi 'dug par/__ded nas brtse snang gis mgo la byil byil byas pas/__yar sos byung bas/__mchod khri'i khar 'bri gung a phyi'i rten 'dug pa de'i thugs kar 'phos/__yang na nged kyi thugs kar 'phos byas pas/__mi 'pho bar 'dug_/li li chung ngu zhig gis de la dgra byed 'dug pa nged nas phral/__yang de la bud med de 'dra shin tu chung ngu zhig 'dug pa mo rang gi bu mo yin rgyu'i nga gnas skabs mi 'pho/__bu mo 'di yang lus zer ba zhig rmis/__yang zhwa lu mkhyen rab chos rje zer ba zhig byung /____bla ma legs pa rin po ches/__rdzong sar gzim chung du khri steng bzhugs nas gsung chog byas pa'i nyin gung gsol tshigs dang po 'bras yin snyam la/__mthar gro ma mar khu 'dren rgyu 'dug pa bla ma bzhengs nas gsol kar bsnams te/__khong las dbang gi gsol tshig nub ka bang ba'i nang phebs nas byed rgyu yin gsungs par/__nga rang lhan rgyas ma byung snyam sdug snang byung /____!_tshes 22snga thun la grib 'phar gyis cung thim par/__bud med kha shas kyis dar lding la btegs nas/__rnga yab gling du phyin/__dpal ri'i tshogs khang sgor mchog gling rje phebs nas nang du brtol/__tshogs gral rnams cher ma gsal/__gu ru za hor ma'i chas gsal/__de'i mdun nas dbang bzhi blangs/__gu ru'i zhal nas bu mngal sgrib che gsungs/__de nas dkon spyi zhig gsungs nas/__de'i dbang da lta yod pa ltar dang /____gtad rgya'i skabs/__gter chos pod mang gi byin rlabs stsal/__phyag spyi bor bzhag_/lo zhe gsum thub 'dra zhig gsungs pa dang zhe gsum 'gro tshar/__nga gsum yin nam snyam pa'i rtog pa 'gyu ngang nyams de sad do/____/_!__tshes 22tho rangs la gu ru drag po mtho phyed do'i tshad tsam/__dang po zhal gsum pa ye 'bar lta bu la dmigs pa zhib tu gtad pas/__zhal gcig phyag gnyis pa shin tu gsal ba'i stong gzugs shar/__!__tshes 23tho rangs skye sngar brtags pas/__e wa~M thar rtse'i pho brang dbus dgon pa dang /____byams pa kun dga' bstan mtshan/__de nas nang chen bde ba'i rdo rje zhes pa rmis/__mkhyen brtse ye shes rdo rje yang gsal/__!__tshes 24tho rangs la rang sham+b+ha la'i shar 'dabs grong khyer zhig tu/__sprul sku der skyes pas/__slob gnyer sbyong mi dgos skad zer yang /____sbyong dgos rgyu'i yi ge bris pa rmis/__!__tshes 25tho rangs/__mkhan kun dpal bde gshegs/__na bza' rgyun bzhes la/__sku 'bag nas gor rnying nyer lnga tsam/__nged kyi sngon du bzhag nas zhal da mdzad pa dang /____gnyid srab mor/__mchog gling gzigs snang zangs mdog dpal ri'i 'og khang gi bkod pa lta bu'i khyon yangs pa/__lcags ris bskor ba/__paN grub mang po bzhugs pa'i gtso bo/__gu ru rgya gar mas mdzad pa bcas yod pa gsal po mthong snyam ngang sad/__mkhan rgan rin po che zhing der bzhugs sam snyam/__!__chu lug zla 11tshes 27nub/__mngon rdzogs ston pa bcu gnyis byung tshul rgyas bshad kyis/__de thams cad yum chen mo shes rab pha rol phyin ma gcig nyid la/__ming du ma ste gshegs snying la ming mang du yod pa bzhin/__shAka thub gcig nyid yin no zhes pa rmis/__!__tshes 28la snyan brgyud phur pa la/__dzapa? bskul lha so sor shin tu rgyas pa dang /____'khor yug dam can la sngags so sor bzla ba rmis/__tho rangs rang skye brtags pas/__mkhyen brtse ye shes rdo rje shar/__yang bsam yas dbu rtse rim gsum kyang rmis/__!__tshes 30nub/__bla ma sa chen bka' 'bum nang yod snyam/__ga ring rgyal po la rtsis bsdur gyi yi ge zhig bskur ba yang yang rmis/__yang sprul sku 'chi med kyi yum che ba g.yang 'dzom la bu gnyis yod pa'i nang /____bu gcig mkhyen brtse'i byin rlabs sprul sku red zer/__res rang dang gcig pa/__res tha dad kyi rang gi pang na 'dug pa/__mthar ka mgo zhig tu shing sgrom brus nas bzhag yang tshur blangs pa sogs rmis/__!__zla 12tshes 1nub/__la zhig nas 'byar ba/__dur khrod red zer/__spang 'khyil mang po yod pa zhig tu/__sol me bus pa'i nang /____res kaHthog si tu gong ma/__res rang yin snyam byed pa zhig_/gan rkyal du/__sbud pa brgyab nas bsregs pas/__lus me gcig tu gyur 'chi yag ni red mi 'dug_/dar cig nas phyir byung ste sha skam za ba sogs rmi ltas rgod bro/__!__tshes 1snga dro tshe ring nor bu shi ba'i bsngo rten/__gnam lcags phur bu khyad can dang /____phyi dror spo lu bla ma sangs rgyas rdo rjes/__'ja' tshon pod drug legs par 'byor/__!__tshes 2phyi dror snga dro 'ja' tshon rnam thar mjal bas yin nam snyam shes nyams la mdun mkhar/__rig 'dzin 'ja' tshon snying po da lta bzhengs rgyun ltar gyi/__phyag g.yon gyi phyag mtshan gsal po ma byung bas/__khyed dang nga gnyis dbyer med gcig_/nga ni ye shes sgyu ma'i sku/____/snang srid 'khor 'das thams cad kun/____/nga las byung zhing nga la thim/____/rang rig ye shes 'dzin pa bral/____/ji lta ji ltar rnam dag pa/____/de nyid de bzhin ngang der bzhag_/ces gsungs nas hrIHdang thig le dmar/__gser gyi rdo rjer gyur nas rang thim byung yang /____tshig tha ma 'di rnams gsal po ma dran/__lar shes nyams 'di rigs rang yid rang la mi ches pa'i skyag brdzun lta bu/__bla ma rtsa gsum gyis don dang ldan par byin gyis rlobs shig_/don med na dbyings nas mi khrel zhing bdag sgrib par mi 'gyur ba mkhyen mkhyen/__!__bla ma gsang 'dus thod phreng rtsal 'bum11/__snyan brgyud sngags ring khri4/__sngags thung las sbyor thun mong bcas la khyon 'bum 1khri4/__kha skong bcas/__zla 12pa'i tshes 8mig dmar dbyu gu'i 'grub sbyor la legs par grub nas dngos grub blangs pa'o/__!__tshes 7nub rmi lam du/__sgrol dkar thugs rje chen po/__sman lha rnams kyi zhing bkod dang /____zhal thang mang por/__lha rnams la mtshal gyis zhal byang bri ba dang /____paN chen bi ma'i thugs dam sgrol dkar yid bzhin nam mkha'i 'khor lo zhes pa sngags sgrol ma'i yig bcu'i mthar/__ha ri ni sa'i sham can zhig yod pa rmis/__tshogs lhag mgor rgyun gyi thugs dam mkha' spyod sogs 'don skabs cung 'thum par/__bud med bong che/__ngo gdong ring /____sha che/__skra nag po sil bur grol zhing 'gram g.yas g.yon thams cad nas grol ba'i gzi brjid can zhig phar rgyugs tshur rgyugs byed par/__cung zad skrag nas 'dre mo yin nam snyam pa/__de yi mod/__rnal 'byor ma dngos red/__nga rang 'khrul song snyam mos gus byas/__b+ha ga khar gtugs pa na byang sems 'bab pa 'thung nyams mthar rang la thim pa'i nyams byung yang /____bde chen ni skye ba ma byung /____gu ru yab yum gnyis las tshe 'dir DA ki mtsho rgyal te/__rnal 'byor ma rgyud la 'brel ba che ba yin nam snyam mo/____/brdzun bris dge zhing bkra shis/__!__zla 12tshes 8nas/__de'i tshes 18bar/__chos dbang sgrol dkar gyi bsnyen pa 'bum bzhi la zhugs nas rmi lam du/__sa phyogs kha lhor bstan pa'i spang sgang dang /____brag ri thar thor yod pa/__sngar gyi khang mal yod pa zhig la/__rang gi ri khrod khang pa las rgyu'i chags dang /____brag dil zhig gi ngos la thang ka bdun/__de re re'i gsham la rgya yi ha shang 'dra re re yod pa rmis pa dang /____yang smyug btso zhig tu 'bras btsos legs pa ro shin tu mngar ba zos pa dang /____yang 'thib nyams la/__rdzong sar 'khor 'then dkon mchog gis rgya me 'chi med chags gang sprod pa dang /____yang mkhan ngag dga' dang lhan du gsung gleng dang /____thab chen zhig tu mtshal rgod bzhu ba red zer/__me bsal nas bltas pas/__mar khu rdza gang khol ba/__tshags sgra chad nas zhu rtags red zer ba sogs rmis/__!__nub gcig sgrol ljang dang /____thugs chen zhing bkod/__dga' ldan tshogs zhing lta bu'i zhal thang 'ga' yang rmis/__!__chu lug rgyal zla tshes 18nas thugs sgrub sgrol ma bsnyen/__tshes 19nub gnyid srab mo'i ngang /____bud med ljang mos da lam tshe 'byor rang yul 'gro na lam bar bar chad che tshul/__yang rmi lam du mi mgo 'gram yon/__zur nas ras smug khas dkris pa zhig gis blta 'dug pa/__'jigs snang gis sgrol ma dran pas/__rje btsun ma'i phyag g.yas pas seng+ger sprul nas gdon de brlag par rmis/__!__shing sprel zla 1tshes 7nub/__gter chen mchog gling sku mya ngan las 'da' sa'i gzims khang dran pas rkyen byas/__gter chen bla ma sngags 'chang chas/__gnas sgang gi 'dra zhal dang phyogs mtshungs/__byis ru yod pa/__bkra 'phel rin po ches gnang ba'i/__dbon sprul thugs dam thang ka dang shin tu 'dra ba mi tshad gcig dgyes pas bzhugs snyam byed pa byung /____!_tshes 8snga dror/__gsang 'dus rgyun bzlas mthar/__sku tshab rin po cher mos gus rkyen gyis/__gu ru za hor ma/__sku tshab dngos las che tsam pas/__e ma hoHrang rig ngo bo sku gsum pad+ma 'byung /______/ma bcos gnyug ma'i ngang nas gsol ba 'debs/____/ka dag khregs chod gnas lugs rtogs pa dang /______/snang bzhi mtha' ru phyin par byin gyis rlobs/____/ces rang rig pad 'byung dang dbyer med kyi ngang nas gsal ba yi ger de 'phral bkod pa'o/__!__sprel lo'i sprel zla'i tshes 26la bka' 'dus sman sgrub pad+ma shel phug tu dbu tshugs nub kyi tho rangs snga char rmi lam du/__rang bya khyung zhig byas te mkha' la 'phur nas shar mngon dga'i zhing khams kyi bkod pa rab tsam dang /____bde chen zhing dmar 'od che ba'i phyogs sangs rgyas 'od dpag med sku shin tu che ba'i mdun/__me tog dmar po phon che ba zhig mthong ba sogs byung /____!_tshes 30skor yin snyam/__bka' 'dus kyi sman rlon sgrub kyi snga thun skabs shig la/__dkyil 'khor gyi steng mkhar gu ru rin po che za hor ma sku mdog ljang ser/__g.yas rgya gram dang /____g.yon mnyam bzhag thod pa/__'khor du mkha' 'gro kha shas dang /____de'i 'og dang phyogs mtshams su bka' 'dus dkyil 'khor gyi lha tshogs lam tsam gsal snang byung /____!_zla tshes la gu ru za hor ma phag gis drangs pa'i shing rtar bzhugs pa zhig yer gyis byon pa rmis/__!__shing sprel zla 2tshes9/__snga 'gyur bka' ma'i legs ldan dbang sgrub skabs/__legs ldan zhal gcig phyag gnyis kyi gsal snang dang /____gus 'dud kyi rnam pa mdzad pa la/__bka' ma'i bstan pa dar rgyas kyi phrin las bcol/__!__yang zla 8pa'i tshes 27skor zhig tu/__nam gung smad tsam la/__tshe dbang dpal 'byor gyi phreng ma'i sag sgras rkyen byas te/__gnyid srab mo dang nyams 'dres par/__sag sgra de dpal mgon zhal gyi rus phreng gi chob sgra yin snang lta bus/__zhal bram gzugs mi 'greng che tshad tsam bzhengs pa/__mi'i sha mdog can bzhugs pa la/__sku gsung thugs kyi dbang 'od zer gyi blangs pa dang phyag mtshan rnams dngos su gnang bas yon tan phrin las kyi dbang nos mthar nyams sad/__!__zla 9tshes17/__snying thig rig 'dus dbang /____gsal dga'/__kaHsi sogs la 'don pa'i dbang gi skabs shig_/kun mkhyen 'jigs med gling pa rab rib gsal/__de'i dgong mo'i tho rangs yul bkod khang bzang sogs yod pa'i rgya chen zhig gsal bar/__gshag sgo la ri bo rtse lnga bris pa'i sems snang yin nam snyam/__!__shing sprel zla 10tshes 18la rdzogs chen nas mkhan gzhan phan sprul sku theg mchog go cha gshegs pa'i tshes 27la/__mchod bsngo 'byor ba'i snga thun na/__mkhan chen gong ma de nyid kyi sku shin tu gsal ba dang /____mos gus byas shing dbang blangs/__khong sprul sku yid lhung rtsa shugs tshang rtsar byon rgyu gsungs nas 'jam dkar du gyur/__'od zer spro bsdus ral glegs su gyur nas rang la thim pa dang /____rang yang ral glegs su song nyams byung /____!_zla 10tshes 21nub/__ded dpon mdza' bo'i bu mo'i rnam thar dang /____zhi ba lha yi rnam thar sngar med pa'i spar ma ldeb ring zhig gi steng bshad pa byas pa rmis kyang dkor brjed khur/__!__zla 10tshes 24la dgong mo'i srod dus/__thang lhas gus 'dud cher byas pa dang /____dar sngon dang nor bu lta bu sngo dwangs sgo nga 'dra zhig_/'bral ba med zer gtad pa'i nyams byung /____!_tshes 25phag mo'i mtshams dngos gzhir zhugs/__thang zhig gi steng lce spyang rgyug ste skad rgyab pa dang /____brag ra'i bkra shis rin po che sogs rmis/__!__tshes 28nub/__kaHthog nyin dgon gyi lam lta bu nas 'dzegs pas la mgo ri khrod zhig kyang /____ri rtse thams cad rdza brag sngo nag zing nge ba'i khar slebs pas/__mar bltas shin tu g.yang za ba 'dug_/nam mkhar bltas pas rdza brag de 'dra gur khyim lta bu 'dug pa nas/__la chas bzos pa lta bu'i gter sgrom chen po lag tu thob pa de 'dra snga rjes rmis/__!__zla 11tshes 1la/__bla ma bkra 'phel bde gshegs mdun nas/__bsam lding rdo rje phag mo'i dag snang dpal mo snying thig yin rgyu'i dbang bsgrigs dpe ring /____si tu bstan pa'i nyin byed kyis bsgrigs zer ba zhig gi steng nas thob pa/__dbang bzhi'i gsol gdab dus 'khor lta bu'i sngags kho nas byed pa zhig rmis/__nam smad smin gter rin po che'i gsal snang dang /____mos gus mchi ma 'khrug pa tsam dang /____dbang blangs dmigs pa byas/__rang nyid za hor smyon pa yin rgyu gsal/__dbang khang dang gzhi sogs sngar rgyun steng na grub thob thugs tig gi dkyil 'khor dang dbang rdzas bkram pa rmis/__!__tshes 2nub dbang khang du sman sgrub zhig 'don nas/__sngar 'don ma myong ba'i tshem gnyis 'don rgyu 'dug pa'i gcig tshang /____gcig gi dbu ma tshang bas 'don dka' ba tshigs bcad can zhig dang /____zhag drug nas sman langs te sman zangs kha phyes/__shar ka'i nyi mthong du khyer/__ril bu phab/__khrom la bkye rgyu snod khug che ba gcig thon/__shul der sman dri sngar tshor ma myong ba'i dri bzang dang chen gyis khyab/__sangs rgyas mnyan pa sku mched yang bzhugs pa'i/__mnyan pas spos sgam gsum nang /____gu ru dang mkhyen brtse/__dbon bstan dga' red zer ba'i sku 'dra sa sku lta bu re re 'jog_/bstan dga' yod sa der nub phyogs su 'dug pa'i 'gram nas spos dud zhig 'thul bzhin 'dug par/__phyir blangs nas gzhi khri'i mdun 'jog pa rmis/__!__tshes 3nub/__bud med gzhon nu bzang gos rgya smug gi tshar gos sram srab 'u rgyab pa zhig gis dga' 'dzum ston pa dang /____dri med a paN gyis/__bsod rgyal gter kha zhig gi ngos/__rims bzlog sngags mang po zhig gsungs pa dang /____gter ston bsod rgyal gyis phur pa'i skor ma phab pa red zer ba'i yi ge shog gu ser smug_/kar sbrang gi gsher can lta bu'i pod gnyis dang /____de'i mthar de bris shog stong pod chen 'dug par mi skya kha shas kyis yi ge de phyir 'phrog shom byed kyang the mo bslongs pas sprod byung bar/__gter ston dri med las lung zhus pa rmis/__!__theg chen so thar gyi sdom pa sngar ngor chen las thob pa de 'dra zhig thob na snyam/__rmi lam 'dzin pa'i tshul byas pas/__gnyid dang nyams 'dres mar nam smad/__sa ra ha la/__sha ba ri pa sogs grub thob gnyis gsum gyis bskor ba la/__mos gus byas pas/__bum pa'i chu gtor/__sngags brjod/__phyag rgya gtad pas bde ba skyes/__mda' yis snying la brgyabs pas rtog bral gyi rig pa mngon du gyur/__des gnas brtan rgan por gyur pa'i dbang rdzogs tshul gsungs/__!__tshes 5tho rangs snga char rang gi skye ba brtags pas/__bod spar rnying pa'i rab dbye'i spyi don/__go rams pas mdzad pa lta bu'i dbu lhar/__'jam dbyangs sa paN dang /____kun mkhyen go rams pa lta bu gnyis de/__dbu lha'ang yin snyam/__je cher gyur pas sa paN de tsam mi gsal/__kun mkhyen sku sha che zhing zhal khyim za rgag lta bus shin tu che ba mi ngo ma 'dra gyur pa dang /____yang lha khang sum thog rgya phibs can che ba dang /____grwa pa gcig gis chos skyong gtor ma theb gcig nang gtso 'khor mang tsam yod pa khyer shom byed pa sogs rmis pas/__sa skya'i bla ma zhig gi bag chags yod pa yin nam/__!__zla tshes dgong mor nyang gi gter mgon phyag bzhi pa'i bskang gso btang nas/__bskang ba'i nang bar mtshams chad pa'i lhu phyes nas 'don dgos pa dang /____mgon po'i rten rdo gru gsum che ba gcig dang /____yang dpang 'thug pa'i mtho gang pa gcig la/__sku rang byon yod pa red zer ba gcig sogs rmis/__!__tshes 8nub khro nge bu'i srung ba yin rgyu'i gnam lcags rdo rje rtse dgu pa dang /____rtse gsum pa sogs mang po dang /____phur pa shub nang yod pa/__med pa mang po dang /____dgon chen phyogs kyi khrom tshogs la dbang byed pa sogs rmis/__!__gu ru pad 'byung mkhyen/__shing sprel zla 11tshes 5la/__phag mo'i bsnyen pa zhog_/sgrub pa tshugs pa'i nub der/__ngos rang dgon chen kyi pho brang du yod pa/__yig pod bris ma gnyis/__sku rten/__mdzod sogs shing tro nang bzhag nas/__shar mgon khang du 'gro snyam gyis kha nor te rnam rgyal mgon khang du 'gro zer nas song bar khang pa zhig tu phyin pas sde btsun dang /____karma khra rgyal yang 'dug_/gdan stong pa zhig 'dug par/__khra rgyal nas/__der bzhugs/__gsol chas gnang zer bar/__shing tro nang rgya zas bsgrigs pa la mdzub mos zos pas ro bro ba phun sum tshogs/__za thur gyis ma zos na 'phya 'ong snyam pas/__thur ma yang 'dug pas zos/__sde btsun bzhengs pa/__gcer bu ang rag_/rdi dkar gzan phrag gzar byas/__la thod zhig bcings nas sgo phyir byon/__mdzod zhig bzung nas nged rang la 'bul ba zhig byed rtsis lta bu'i ngang gnyid sad/__yang rol mo dkrol ba sogs mang po rmis kyang brjed/__!__tshes 8nub/__a 'dzom chos sgar gyi 'dabs yin rgyu zhig nas yar song bar/__sngar bla ma'i slob ma jo mo zhig shi nyen bya sa red zer/__lung chung chu shag rgyug pa zhig nas yar phyin pas/__'di na red zer ba dang /____jo rgan ma de rang gi rtsib ma g.yon nas nang du 'dzul ba dang /____snying shin tu na ste/__bzod med lta bu'i zug dang /____lta ba/__res phur pa/__res phag mo'i gsal snang gcig tu 'dres pas/__lag pa'i gru mo gnyis kyis rtsib ma bcar bas/__khog pa rtsib ma g.yas nas phyir don song mthar yal ba dang sad/__yang dbang khang du gdan nar kha shas rgyab par/__sngar gyi jo rgan ma 'dra ba de yang 'dug pas/__de 'gro tshar nas gdan bsal dgos snyam ngang /____des mngon shes lta bus mo rang gi g.yon ngos gral gdan gcig mgo nas thur du dril/__ngas rten 'brel ba thur dril ma legs bsam/__g.yas phyogs kyi gral gdan gnyis gyen la dril nas mo rang song /____mchog ldan la mkha' 'gro gsang 'dus bton dgos/__gtor ma chos zer ba/__des pad sder kha shas khyer song ba rmis/__!__tshes 9nub dpal spungs nas si tu rin po che'i g.yang sgrub bca' dgos gsungs bskur zer ba'i shing tro chen po zhig tu/__'bru sna sogs gos ser gyi g.yang sgye kha shas dang /____mkhyen brtse gong ma'i rdor dril rgya 'phan can de'i mchod zhal/__yang si tu rang gi mchod zhal/__gtad rgya byas pa yin zer ba'i dzar byang can sogs mi zhig gis sprod pa rmis/__!__tshes 10nub tho rangs cung mnal bar lus sbrid zing nge yod dus/__mi tshor ba'i 'od phung ljang ser du gyur nas rig pa gshis lugs rjen pa'i ngang du gnas shing /____mnga' ri'i skye srid kyang gsal thos byung yang nges pa med do/____/_!__tshes 11nub ga gu'i gzim chung lta bur 'jam rgyal rin po che bzhugs/__dgon chen nor bu tshe ring gis dbu mdzad dang rol dpon byas nas tshar lugs gsol ka gtong bar/__ngos nas kyang 'don te/__bek+tse'i gtor bskang 'don nas/__rnal 'byor bdag cag_/zhes pa'i mtshams nas myur por 'don mthar sad/__!__tshes 12nub rdzong sar 'du khang du nged khrir 'khod nas kun rig 'don/__bkra shis mthar 'tshogs pa bzhengs te/__bla ma gzhan phan gyis srid pa spyi blugs kyis zhwas drangs te 'bul ba phul ba rmis/__yang kaHthog lcags tshe ring gis sngags srung ma'i sku yin zer ba'i li ma spus legs g.yas phyar/__g.yon thur brkyang /____pad gdan med pa gnyis nang /____li ser zhig_/nged kyi kaHthog gzim khang du bzhag 'dug zer bas/__ngos rang gi yin snyam byed pa'ang rmis/__!__bla ma la phyag 'tshal lo/__chos med kyi dred po snyoms las pa blo gros kyi ming can/__mkha' 'gro gsang 'dus kyi bsnyen mtshams la sdod zol gyis rnam g.yeng rgya 'byams la gnas pa'i shing sprel zla 11tshes 11nub rmi lam du rang khang pa zhig du nyal nas sdod par/__pho ba na shom gyis phyi rgyab 'gro snyam gyis 'gags ring hor gyon gyis song ba/__khang thog bla g.yer chen po'i steng nas 'gro dgos 'dug pas/__bud med shas che ba'i khrom tshogs mang po dang /____de'i nang nas kha shas kyis 'dzum ston pa rmis/__de nub kun mkhyen chen po dri med 'od zer la gsol ba shugs drag tu btab pas/__shes nyams kyi snang char/__rnam snang mthing ka longs sku'i chas can gyi thugs kar kun mkhyen bod kyi paN+Di ta'i chas can/__thugs kar a yig 'od 'tsher can bzhugs pa/__dbang blangs rang la bstim pas rang yang kun mkhyen du gyur pa byung /____a ho yab gcig kun mkhyen chos rje/____/dus gsum rgyal ba'i spyi gzugs/____/khyab bdag gdod ma'i mgon po/____/bdag gi snying dbus bzhugs la/____/dgongs rgyud byin rlabs stsol cig_/las ngan sdig sgrib dag par/____/mgon po khyod kyi thugs rjes/____/bu rul bdag la gzigs shig_/ngan song gnas su ma gtong /______/kun mkhyen bla ma khyed mkhyen/____/gsol ba snying nas 'debs na/____/ka dag gnas lugs rtogs nas/____/rang bzhin 'od gsal tshad phebs/____/chos can snang ba zad de/____/'od gsal 'pho chen rdo rje/____/tshe 'dir 'grub par byin rlobs/____/zhes pa'ang khrag 'thung dpa' bos so/____/_!__tshes 13nub/__skyabs rje pad+ma bi dza dang /____zhe chen kong sprul nged dpon slob mdo tshogs chen 'dus pa 'don pa rmis/__!__tshes 14nub/__khro nge tshe rdos kho shi na 'di gnas min du gyur/__khyed la sbyin zer/__phur pa gnam lcags sbom pa khro zhal can khru gang pa byin pa dang /____zur mang drung rin po che dang lhan cig cho ga zhig btang ba rmis kyang gang yin brjed/__!__tshes 15gsung bsnyen tshugs nub/__rdzong sar gzim skyil bong ba kha ltag mar/__gsal dga' nged gnyis 'dug_/shog gur mkha' 'gro ma mchod lha mdzes ma snag ris bris pa 'dug pas/__gsal dgas de la dga' ba'i rnam 'gyur ston mthar/__khar song dpe rnying mang po lon/__snga ma khros ma'i gter chos mang po phab rgyu byung /____klong snying yum bka'i rgyud phab rgyu 'dug gsungs/__res phab zin legs po zhig yod pa sogs rmis kyang zhib cha brjed/__!__tshes 16phyi thun la/__be har yin rgyu'i rgya yi lha 'dra ba'i mi dmar gos smug hor gyon/__mgo la dar gyi prog zhu ze'u kha 'dra ba gyon pa dang /____nag sgye zhig chibs 'dug par gang yin ma nges pa zhig_/zhon pa las babs nas gus 'dud byas byung bar/__dam bsgrags dang bdud rtsi gtor ba sogs byas pa'i nyams byung /____de nub mi ngo mi shes pas phur pa stod smad urmo/__zhal gsum phyag drug_/sgang so gnam lcags yin pa gtad pa rmis/__de'i dgong thun la/__DA ki ma a phyi chos sgron/__DA dril can 'khor de 'dra mang pos gar bsgyur nas/__khyod nyid chos kyi grags pa'i dus/____/kho mos gus 'dud dang bsnyen bkur/____/byas sogs kha shas zer yang brjed/____/mthar rang la thim pas/__rtsa nang thams cad DA kis gang bar snyam pa'i bde ba'i ye shes skyes pa dang /____lus 'phar sprugs byung mthar nyams sad/__!__tshes 17nub srod thun la spyi bo'i rtsa nad 'phar bas/__thim pa zhig byung ba/__sgrol ma dkar mo g.yas tshe bum bsnams pas dbang bskur ba'i shes nyams byung /____!_de nub rmi lam du/__phrad pa rig 'dzin red zer yang red mi 'dug skyes pa gzugs mdzes lo gzhon gcig gis bud med dar bab zhig gis tshe gso dgos zer/__ngas kyang a mdo bkra shis dpal ldan gyis kyang zer bas gal che tshul gyis gso rgyu'i tshe gso mkhan bud med skra lhub grol lo bcu gsum yin zer ba zhig gi tshe lhag gi gso dgos tshul kyang don g.yu zhig gso bya de la gtod dgos rgyur 'dug pa bu mo de la ni med pas nged kyi chas nang nyug btsal byas pa rmis/__!__zla 11tshes 19skor nas 'du 'khrugs kyis mnar/__tshes 21nub/__ngos rang gi sdod sa'i rab gsal rgyab kyi gshag thag nang /____bud med lo nyung rgyan med pa'i skra lhas ma can zhig sdod pa/__ngos rang rab gsal them pa la khye la 'dug byas pas/__bu mo des gus pa'i rnam 'gyur byed kyang ngo mi ston 'dug_/ngos rang gis phreng ma lag tu bzung ba'i sne gnyis kar phreng rdog bcu tsam re dud dang thod phreng du 'dug pa/__bu mo des phreng sne gnyis ka nas 'dren pa rmis/__yang mar me chen po gnyis gsum gyi mar zhun kag pa'i sgor mo/__sgrol dkar gyi mdun nas gcig tu byas par/__sprul pa gsum gcig tu bsdu ba red zer ba rmis/__tho rangs cung mnal bar/__sa 'jam sbags sgrub dang /____thang lha'i gsol ka bton sgang sad thengs byung ba 'don mtha' dngos su phud rgyu 'dug nad zug kyang cung zhi nas bde lham mer 'dug!tshes 25nub tho rangs cung mnal bar/__tshe dpal phyi 'brog tu 'gro shom gyis/__khyod yar lam dgon chen song nas btsun mo la 'di nas bzung /____gsar lo'i zla ba gsum pa nang tshun/__sras u dgar shin tu 'tshub pas bya lag mang ma bcug mgo bca' dang /____mgon khang la gur mgon bskang 'bum/__gcig tu zhal gyi bskang 'bum dang /____gdugs dkar sogs dgos rabs zhu cha bskur/__dar cig nas sde btsun dngos yod pa 'dra zhig 'dug_/ngos rang gi thugs dam zhig 'don pa'i mtha'/__yul dbang skye mched sogs mA ma kI la thim/__khyab byed ye shes gar ma dang gos dkar mo la thim/__zhes brjod pa dang sad do/____/_!__tshes 26nub sher sgron 'dra ba'i bud med zhig thabs dang bral ba'i dga' bdes myos pa dang /____lan re sku 'dra li dmar zhal phyag mang po can khu tshur gang pa zhig gi thabs la brten nas/__bltas pa'i bde ba lam byed yin 'dra ba zhig kyang 'dug_/yang sku li ma gnyis la khung phran bu re 'dug pa/__gser zhig gis nang lhan byas pa dang /____yang li ma bzhengs sku phyag mang ba can dang /____yum gsang ye lta bu phyag bzhi pa can gnyis gar stabs kyis yab yum khro mkhar gyi dga' bzhi'i rol rtsed byas pa dang /____sprul sku'i dus sprul sku'i sbyor thabs/__longs sku shas che dus de'i sbyor thabs/__chos sku'i dus chos sku'i sbyor thabs gtso che ba red zer ba sogs rmis/__!__tshes 3nub srod thun la nyams 'char sngags srung ma sku shin tu che ba dud kha/__dpral bar spyan 'phred nyal chen po/__ral pa du ba ltar sngo phyur/__rtse mo gcig tu gyur pa gsal ba dang /____hU~M/__rgyal ba kun gyi yum gcig e ka dzA/__sngags srung chen mo drag mo ral gcig mar/__dgra bgegs sha rus gtor ma'i mchod pa dang /______/sman raka bdud rtsi'i mchod pa 'di bzhes la/____/gzhis byes nyin dang mtshan mo rtag tu srungs/____/nad gdon dgra bgegs bar chad thams cad bzlog_/sangs rgyas bstan dang bstan 'dzin dbu 'phang bstod/____/rnal 'byor bcol pa'i las kun sgrub par mdzod/____/ces tshig ris 'di 'dra ha lam phyogs mtshungs kyis mchod nas rang gi lte bar bstim/__rmi lam du bde gling gter ma gnam lcags phur pa zhig dang /____kaHsi rdo rje 'chang bzhugs par/__rigs lnga ser shog can sgros legs kha shas dang /____mkha' spyod ma sku dmar khu tshur gang ba dang /____gsal dga'i phag mo'i sku dang /____mkhan ngag dga' sogs rmis/__!__tshes 27phyi ma'i nub/__dge bsnyen yin nam snyam/__kr-iSh+Na sA ra'i ru co 'dra ba'i dbyibs/__rkang lag sogs med pa/__mgo ra mgo lta bu gru gang pa zhig_/ngos kyi rum du nyal bar/__lha yi nga rgyal gyis gzir bas kha ngo dang /____stod rnams bstan 'dzin gyi le 'dra ba'i gor gor/__dkar dmar mdangs can cher mi gsal yang sngar bzhin gyur nas phyir song ba/__ngos nas tshur 'then kho rang gis phar 'then pa rmis/__!__tshes 28nub srod thun la nyams 'char/__gter chen 'gyur med rdo rje sku chas gzab 'phyor/__dbu zhwa pad zhwa sngon po/__g.yas phur pa pus g.yas g.yon mnyam bzhag thod pa can la/__'khor DA ki lnga tsam gyis bskor ba la/__mos gus byas pas/__mthar DA ki rnams sku la 'khril ba'i byang sems/__DA ki thod pa thogs pa zhig gis rang la blud bde ba'i ye shes rgyas/__rje yi gsung gis/__aHgzhi grol rig pa rang snang ba/____/gzhi rdzogs lhun grub 'pho 'gyur bral/____/thams cad mkha' mnyam byang chub sems/____/dus gsum dus med dbyings kyi ngang /____zhes pa'i mthar/__a yi sgra chen pos bla ma nyid ar gyur/__a rang la thim pas rang lus ar gyur/__dbyings su yal/__rig stong rjen pa zangs thal ngang la gnas mthar nyams sad pas/__gong gi tshig de smag nang tshod bris kyis bkod/__'di skor gter chen rnam thar mjal skabs yin pas des rkyen sems snang skyag gtad med do/____/gsang 'dus thugs bsnyen bsags skabs kyi tshes 29nub rmi lam du/__ngos rang gi rab gsal rgyab nas/__bya ljang nag spu sdug mdzes ba/__mig dmar cung ka tsam zhig gis 'jor mo'i skad ltar snyan pa brgyab nas/__ngos la dga' zhing brtse/__gro gcus sogs sder ma zhig 'dug pa nas/__gro len sar pang thog babs phod mi phod byed pa dang /____rang gi lag tu 'bras shel ka ra dang bsres pa thogs nas za gtor byed pa dang /____yang tshe 'byor gyis shel rdo chen po gtad/__me long la khrus byas pa dang /____spyan gzigs phyag bzhi li ser legs pa khu tshur gang lon pa sogs rmis/__!__shing sprel zla ba'i tshes 12la/__rmi lam du rgya 'dre shar ba red zer/__'dre me khag rtsis grangs mi thebs pa/__che ba ri yi sked tsam slebs pa'i thang shing lta bu nas/__chung ba me rdza tsam pa/__hwag mda'i rgya lam nas song bar/__ngos rdo rje 'jigs byed kyi gsal snang ri tsam pa bskyed nas/__phyag mtshan dbyug pa 'dra ba zhig gis yar 'ded pa'i stangs ka byas pas hwag rong nas mgyogs par rgyug pa rmis/__!__zla 12tshes 15nub/__phu ma'i khang pa yin snyam byed par/__bsam 'tshogs 'das pa dang por yod pa 'dra zhig la/__rjes nas gzhan zhig tu gyod bshad song ba zhag shas mi slebs tshul gyis/__ngos la ngo len byed mkhan bu mo sha brgyag zhig gis byas/__thang ka bzhi bcu skor 'dug pa yang dril gyis re re nas mjal ba sman lha'i dkyil 'khor sogs dkyil thang dang /____thang ka mang yang 'di de ma dran/__ngos zhig tu thang chen zhig bshams pa la mjal bas bde mchog dkyil 'khor red zer ba'i zhal phyag rgyas pa/__de'i zur nag po spyod pa/__g.yas thod pa kha sbyar dang /____g.yon DA ru/__gdugs dang cang te'u mkha' la yod pa he ru ka'i chas/__thang ka de gzi brjid shin tu che ba 'dug pas/__'di'i steng nas dbang bskur na sprul pa'i dkyil 'khor du bskur ba dang khyad mi 'dug lab/__dkyil 'khor gru bzhi ni mi 'dug_/zhing bkod lta bu'i lcags ri spang mdog yod pas 'khor mo bskor ba zhig red/__yang ngos gcig la bde mchog yin snyam thang ka la/__ngos nas dbu skor sogs la mthing gi gsos phul ba/__yar mjal dus mthing skya'i mdangs brjod mi shes pa'i 'od 'bar ba mjal/__yang sde gzhung a rab 'das pas rum nas bla dar gyis gtum pa'i byin rten thum chung mang po dang /____dpal yul du sa skya'i lugs kyi kha 'don yin zer ba'i dpe cha zhig blangs pa/__kha phyes pas shog ser legs par bris pa'i dpe nang sa ra ha'i do ha dang /____bka' gdams glegs bam gyi tshem mang po dang lha yi rgyal ba'i skyes rabs nor bu'i phreng ba zhes pa dmar nag spel ma 'dug pa/__ngos rang gi skye phreng yin snyam byas kyang dran bsos mi 'dug_/yang rdzong sar gzim bang du 'khod par rdor dril hor dpe chen khyad 'phags zhig lag tu son pa sogs rmis/__!__tshes 15tho rangs cung 'thum par gnyid dngos kyang min pa'i nyams la/__rang gi mdun du shing gi sku sgam nar mo zhig tu/__sku phag dang /____rta gdong 'dra ba sogs mgo brnyan can gyi gser sku 'dra ba'i ser mdangs shin tu rgyas pa gzi brjid can/__phyi nang spungs pa mig gis dngos su mjal bas/__bde mchog bong zhal can red kyang zer ba 'od 'khyugs pa sgros nyams zla med pa mjal ba'i nyams byung /____!_tshes 17nub/__ngos rang sdod pa'i mdun/__gzhi'i steng mkhar bzang gos ser phra'i bla bre sman tse rnying ma'i phur ma ring po yod pa zhig brgyangs pa'i nub byang gi phyogs gcig 'dzer ma thub pa yod pa dang /____mkha' 'gro gsang 'dus sngar med pa'i dpe tshem kha shas 'don pa sogs rmis kyang gsal por ma dran/__lam dus bdon bzhin gnyid song bar/__pad+ma shel phug brtsis sprod byed shom gyis rgan mo mgo se yu re bas/__dbang bzhi 'don pa lam dbang gi tshig dang ma 'dra ba'i gsar spros rang gi'ang lhan 'don byas te dbang bzhi rdzogs pa dang sad do/____/_!__shing sprel zla 12tshes13/__gsang 'dus las sbyor tshugs nub yin/__srod thun skabs/__kun mkhyen chen po dran pa'i rkyen gyi shes nyams la/__kun mkhyen bla ma byis pa lo bco lnga lon tshod tsam/__sku dbyibs bzhugs stangs sogs/__'brug sgar gyi spar sku 'dra ba la mos gus byas pas/__a a a zhes thal mo brdab nas rang gi gam du byon pa dang /____tsog pus zhabs mthil nged kyi brang la brdab/__phyag gnyis spyi bor bzhag_/a a zhes rang la thim pa dang /____rang lus mthing dwangs yod du mi tshor ba'i nyams thang cig tsam shar ro/____/de nub rmi lam du ngos rang gi grwa tshang thi dge brtson seng lha gdan nas phyir 'khor ba/__lnga pa chen po'i gsung 'bum btab yod zer bas dga' snang gis/__nga rang gis btabs pa dang gang sgros bsam gyin 'dug_/yang 'du khang sbug dri gtsang khang zhig tu dgon pa'i rol cha mang po 'dug pa/__brtson seng gis rol mo cha ma 'grigs pa khyer ba der cha bsgrigs btsal shom gyi/__rol mo shin tu mang po phyes/__de nang rgya rol gcig gis zhal gyi spyan 'dren brdungs bar/__slob grwa ba sogs mang pos bltas pa rmis/__!__tshes 19tho rangs mnal bar/__smin gling rdor sems zhig 'don pa/__bdag 'jug byin 'bebs khar/__g.yon logs tshe dpal nyal nas 'dug_/mar thad mchog ldan yang nad pa lta bu'i rnam pas 'dug_/byin 'bebs skabs/__mdun mkhar rdor sems sku chung ngu sogs rang la thim pa'i rkyen gyis dbang shes thim pa'i nyams byung mthar sad/__!__tshes 20nub rmi lam mang /____gru mo bkra shis 'pho bas spyi bo na bar/__gser gyi rdo rje rgya gram spyi bo nas snying gar 'od kyi thag pas 'then dgos tshul bshad/__de nas dbang khang du mar pa sogs yod pa'i sgar bris legs pa dang /____phag gru yod pa'i zhal thang gnyis tshon bkrag phag gru'i che tshul sogs zer ba dang /____sde dge'i chas can gyi bu mo gzhon nu gzugs po chung /____gos l+wa ba ya 'bus sngo nag sbyar sha can gzugs chung byad mdzes skra rgyab na khag gnyis slas can 'dra 'dra gnyis rib tsam 'ongs nas song ba rmis/__!__tshes 21tho rangs snga char/__gnyan thang lhas zhal ras rkyang pa zla ltar dkar zhing rgyas 'dzum can ston pa rmis/__hor po'i bum gter sgrub pas yin nam/__mkhan rgan kun dpal dang gsung gleng byed pa yang rmis/__yang smin gling gi rigs brgyud ni gu'i skor gyi don rtsa zhig rmis kyang brjed/__!__tshes 33srod thun skabs mkha' 'gro gsang 'dus kyi smon lam yid la dran pa'i rkyen gyis nyams ban bun du gyur pa'i ngang /____rang lus phag mor gsal ba'i lus dkyil gyi lha rnams yod pa snyam byed pa dang phyi dkyil 'khor lo gsum gyi lha rnams gar sgyur ba dang /____rang 'khor lo sdom par gyur nas de rnams la snyoms par zhugs pa'i gsal snang yud tsam byung nas nyams sad do/____/_!__tshes 34nub/__shangs chos ni gu'i skor pod gcig kha phyes bla brgyud gsol 'debs mang po yod pa dang /____yang 'jam mgon mi pham gdung rus red zer ba'i sgal tshig gi lhu kha shas dang /____thur ma 'dra ba rus pa mtho gang pa can yod pa rmis/__nyer lngar gsang 'dus dngos grub blangs/__dil sprul rin po ches sman gyi bcud len rtsol ba byung /____!_shing sprel zla 12pa'i gnam stong nub/__mkhyen brtse gong ma'i thugs dam rten/__jo bo rje'i sgrol ljang sku red zer ba'i tsan dmar gyi sku khu tshur gang pa/__sku sha la grang gser byugs pa'i rnying nyams can zhig 'dug pa/__yin min snyam pas/__gsung 'byon nas ngo ma yin ces gsungs/__zhib tu brtags pas skyil krung g.yon pa gog 'dug pa yar sbyar shom byas pas mthe bong phyogs tshal pa phran bu zhig mi 'dug_/de min tshang /____yang gus 'dud byas pas byang chub bar du mi 'bral rjes su 'dzin zhes gsung byon pas/__dad gus bzod med 'phel ba rmis/__!__shing bya zla dang po'i tshes 1nub/__dgon chen phyogs shed nas dpal 'byor bla ma bkra shis dang /____dpal sprul gnyis gang yin gcig gi sprul sku zhig tshur gdan drangs shom byed pa rmis pas/__tshes 3la/__phyug po tshang sras mo g.yu sgron bu'i don skor byung ba la blta rgyu yod med brtag_/!_shing bya zla 1tshes 12la/__bde sras bde gshegs kyis brtse ba chen po byas pa rmis/__!__tshes 13nub/__'jam mgon legs pa rin po ches/__sde gzhung kun bzang las rgyal bka'i lung dang /____sgra zhig sbyongs gsungs pa rmis/__gnyid sad nas nam mkhar thang ka la bris pa lta bu yin pa la/__thang ka dngos kyang min pa'i slob dpon rin po che dang /____sgrub sde brgyad tshon gang ba sogs bkrag mdang 'tsher ba'i lha mang po dar cig mthong nyams byung /____!_oM swa sti/__dngos rnams kun la khyab pa'i ye shes kyi/____/nyams brgyas sgeg pa'i bde chen sgyu ma'i gar/____/bla ma dpal chen tshom bu nyer gcig la/____/rang rig spro bsdu bral ba'i phyag gis btud/____/rab byung bcu drug pa'i shing bya zla tshes la/____/dkor rgan chos med kyi dred po/____/dpal bka' 'dus kyi bsnyen mtshams la zhugs pa'i nub/__gzim skyil bar khyams 'gags lta bur 'dug nas/__rje phag gru'i sku byin can de'i dbu gris nged rang gis bcad nas/__de tshab klong chen pa'i dbu sbyar dgos snyam pa dang /____mthar de bam tshogs shig tu gyur nas bza' ba dang /____yang gser srang brgyas sher phyin 'bum pa bzhengs te/__dum rer gser srang re 'gro na rgyal bka' bzhengs kyang chog snyam pa sogs rmis/__!__tshes 4chad bcu thang rgyal gu ru zhi ba'i tshogs phul nub/__pad+ma shel phug lta bur dpal spungs dbon rgan/__kaHthog sprul sku kha shas sogs 'tshogs nas g.yang skyabs dang /____cho ga gzhan zhig 'don kyang brjed/__de nas g.yas ngos nas mar 'ongs/__si tu gong ma'ang phebs 'dug_/ri 'khyil zhig tu khra 'bu chos rgyal gyi ma rgan rus tshA sbas sa blta dgos 'dug pas der bltas/__de'i ltag phyogs de'u chung 'dug pa der sbas na zer/__ri de'u chung de'i ngos ya sa chad 'dug pa slog pas de'u nyil nang /____brag ri chung ngu la khung gsum gyi nang nas chu sbur sbur 'ong ba dang /____de'i khung sgor sbrul ser dkar dmar ba chung ngu re 'khyil ba 'dug pas/__rus tshA sba sa mi 'dug zer ngo mtshar nyams chen po byed pa dang /____dbon rgan yin rgyu de ni zhal tshom dkar po ring zhing /____sku mdog dkar po gzhon sha chags pa can 'dug pa sogs rmis kyang brjed/__!__tshes 12nub/__lung pa zhig tu chu chen zhig la thang rgyal gyis lcags zam btsugs pa chad 'dug pas/__mi mang po dang lhan cig_/rang thang rgyal yin pa'i snang bas/__chu 'gram nas lag ring brkyangs pas chu gting nas lcags zam chad pa'i kong bu dum gcig_/lag g.yon pas blangs nas/__lcags zam chad pa 'then rtsis dang /____yang de min pa'i zam chen chad pa zhig kyang 'then rtsis byed 'dug kyang /____tshugs pa ni ma byung bas tshe 'phrang du go/__!__tshes 13nub/__dpal sa skyar/__bse 'bag yid bzhin nor bu'i bzhugs khang /____nam rgyun rmi rgyu'i lha khang zhig yod pa'i lha khri steng nas yar 'dzegs te/__bse 'bag bzhugs pa'i ka ba'i rtser ru dar mang po bsgrog pa'i gseb nas/__rje btsun gong ma'i rnga lcags yin rgyu'i kha shas 'dug pa blangs nas dbyangs rta rgyab pa dang /____rdor sems sgrub mchod sogs byed pa rmis/__!__tshes 14la/__'dus pa mdo yongs rdzogs kyi dbang bskur gzhan la bton/__tshes 15la/__dpal mgon drag po dbang phyug chen po zhal bzhi pa'i dbu rang gis rang bcad nas/__yang de min pa'i zhal bram gzugs gcig yod pa rmis/__yang gzim skyil nang ma'i bzhugs khrir/__mkhyen brtse gong ma/__res ngag dbang legs pa yin pa zhig gis dbang zhig gsungs pa rmis kyang dbang gang yin brjed/__!__tshes 18snga thun bla ma'i rnal 'byor skabs/__bla ma brgyud par mos gus byas rkyen gyis tshogs drug gi snang ba cung 'gags par/__ye shes kyi DA ki gar chas can gyi dar gyis bkyags pa/__dbyings snang mthing 'od 'bar bar/__dpal bka' 'dus kyi dkyil 'khor/__gtso bo zhal phyag rgyas pa gsal ba dang /____dbu gtsug tu bla ma rdo rje 'chang res sku rgyab phyogs khri pad zlar bzhugs pa/__de nas rang nyid dkar chas kyi paN zhu gyon nas/__o rgyan gling pa yin snyam gyis mkha' 'gro rdo rje 'bum dang /____rin chen mtsho zhes pa dang 'grogs nas bskor te phyin pas shar phyogs sgo rta babs zhig gsal bar snang zhing /____gzhal yas khang gzhan ni ci'ang ma mthong /____DA ki zhig gi dpe phod mang po dar gyis lcibs nas gdams gtad byed cing /____dpe 'di rnams zla 1mtshams nas khyed la babs par 'gyur ro zhes gsungs pa'i nyams ngang 'khrul rkyen gyis sad do/____/_!__tshes 18la/__yul pa'i khang pa zhig tu/__bud med gzhon nu ngo mi shes pa kha shas mgo rgyan sogs med pa zhig dang /____yang lo khreb gcig 'dug pa/__gzhon nu ma gcig gis/__phyar ba zhig gi nang bu chung zhig gi ro gcig btum nas/__nged la 'bul ba'i tshul byas shing phyar ba kha phyes nas 'jog pa lan gnyis rmis/__!__tshes 19nub/__dpe cha shin tu mang po brtsigs pa mjal zhing /____bye dong zhig gi yar khug brag sngo khram zhig tu/__pusti shin tu che ba'i gdong 'bur yod pa rmis/__!__tshes 20nub/__kaHsi gong ma yang bzhugs/__zur mang drung /____karma bcu pa chos kyi nyin byed las dbang bskur mang po thob pa dang khyad par ras chung snyan brgyud kyi bde mchog dbang chen thob pa sogs rmis shing /____dbugs 'byung rngub kyi khyad par lta bus dngos po gang yin ma nges pa'i ril mo che chung mang po las 'od kha dog lnga ldan/__nyis ldan sum ldan gyi 'ja' thig mang pos 'du 'phrod byed pa rmis/__!__tshes 21nub/__sde dge btsun mo dang sras chung gnyis/__ngos bang ba zhig gi nang 'dug sar phebs/__rin gter dug gi gser gzungs shig bsnams nas lung 'don rogs gsungs pa khrid lung gi tshul gyis ldeb gnyis tsam lus song /____sras chung ngos kyi ltag der bzhugs nas cog tse'i steng mig mang ded pa nas 'bru dkar po re re dang /____nas nag thig re'i steng 'bru tshom gyis 'jog_/btsun mo cog steng dbu bzhag nas bshum pas/__nga rang skyo bas mchi ma 'bab/__byang kha ser dgon du se ra mkha' 'gro/__'gu log phyogs na tshongs grub thob dang /____yang bla ma gcig mjal bar byon rgyu gsungs shing /____yang na se ra mkha' 'gro mjal ba las 'gu log nang byon mi gru tshul yang gsungs/__ngas rang gi bsam par sde dge'i gnas 'di rnams la tshogs skong sogs bdun phrag re tsam bzhugs na phan thogs des che snyam pa shar/__de nas btsun mo sgam 'dra ba'i phag tu yibs pa lta bu ngu kyin bzhugs pa dgongs phyi thal che bar gyur pa dang /____zhabs phyi dpal ldan rgya mtsho 'byor nas/__da phebs ran zer bas btsun mo phag nas bzhengs byung ba sogs rmis/__!__tshes 22'khrul shes kyi snang bar/__phyi thun sgang la/__til+li pa'i rnam thar cung zad mjal bas rkyen byas/__mos gus tshad med skyes te rje btsun de nyid sku mdog sngo nag 'jigs pa sku gcer bu la/__sku stod phyogs gos dzar dzor shin tu mang ba zhib cha ma nges/__yum dang sbyor ba la gus pas sbyor mtshams kyi bdud rtsi khas 'jibs pas lus sems la bde ba skyes/__slar yang gus gdung stabs kyi sku la 'khyud pas/__rang nyid rje btsun du gyur pa dang /____rtog med bde stong nam mkha' lta bu'i nyams dar cig skyes so/____/gu h+ya/__!__tshes 25rmi lam du/__sprul sku gsal dga' nged cag gi snying thig gi sgrol chog yin rgyu byed kyang /____da lta'i 'di ma yin pa'i shin tu mang ba bstod pa sogs snyan ngag gis bcings pa zhig 'don pa'i nongs bshags mgor tsan+dan gyi byang bu khu tshur gang gsum phyi mchod btsag lta bu nang /____wartu'i yi ge yod pa/__drung yig tshe ring dang /____bkra phyug gnyis la 'don byas/__ngos rang gis 'don pas/__kha yan/__kha yan zer khong gnyis kyis tshig grogs shig sbyar te 'don pas mthar bkra shis kun gyi dpal gyur pa/__sogs zer ba zhig 'byung shom ngang sad/__yang mkhar ske'i byis pa gzan sham can sprul sku zhig yin rgyu'ang rmis/__!__tshes 29nub/__'jam dbyangs sa paN li sku sngar yod li ser de la/__dbu rgyan dngul gyi thod skam lnga yi dbu rgyan gsol ba dpral bar lhungs nas/__de mal dbu la nag bug ge ba red 'dug_/lag tu blangs pas li tsi bskon pa khra khrod/__dar cig nas sa skur gyur pa'i zhabs 'bur 'bur gar bzhag kyang yo 'dug par/__dbang stegs kyi khung bur sprad nas 'jog pa rmis/__!__tshes 30phyi thun la/__rong ston chen por mos gus rkyen gyis/__rje de nyid sku mdog dkar gsal/__paN zhu ngur smrig rna thung /____zhabs g.yas pus bslangs/__chos gos rnams btsag kha/__sha 'gags med pa/__phyag gnyis thugs kar chos 'chad glegs bam bsnams pa la gsol btab dbang blangs/__gsung rnams lung zhu dgos snyam pas/__phyag gi glegs bam rgya dpe 'dra ba/__sher phyin red 'dug pa gzhung rnams kyi mchod brjod re gsungs nas/__de mgor bzhag rang la thim pas snying dbus bzhugs pa'i shes nyams ra ri byung /____bstod pa zhig kyang de 'phral bris/__oM badz+ra satwa hU~MHdngos su mthong rgyu med ba'i myong rgyu rang gi 'khrul blos bzos bkod sems can mgo g.yogs rkyen du ma gyur cig_/oM badz+ra satwa hU~M/__shing bya zla 3tshes 13nub rmi lam du ngos dang gsal dga' yang bzhugs/__nged rang cung na shom lta bu'i bde chen zhing snang yin snyam byed kyang mthing 'od kyis khyab pa byung /____rtsa bar smyo shul lung rtogs phyag phreng ser rgyu de 'dug pa mgo thog bzhag_/dpal sprul rin po che gsol ba btab pas/__dngos su bzhugs pa lta bu la gsol btab kyi/__'jam dpal zhi drag yi dam gyis gsung dbang zhig gnang grub zhus pas/__rgyud lugs 'jam dpal mi pham gsung lta bu'i rig pa'i dbang lnga/__sku gsung thugs yon phrin las dbang /____mchog dbang gsum/__rtsal dbang bcas thob/__byang sems dang /____rig ma dngos gnang /____drag por tshe bdag byin 'bebs mtshams/__sku gsung thugs dbang zhi dbang zhig gnang ba rmis/__!__zla 4tshes3/__bka' brgyad bde 'dus dbang chen sta gon nub/__rang nyid rong ston bde gling yin pa'i snang ba dang /____las byang zhig 'don pa'i dngos grub len chog skabs thod pa bum hril skra can dang skra med pa mang pos dngos grub blangs pa rmis/__lo 'di'i zla 8tshes 12la mu bya sras mo skal bzang bde skyid 'byor/__tshes 13nub ngos rang 'du khang zhig gi nang khri mthon po'i khar/__zhal mdo nas phug tu gyu/__rata gling chos skor zhig gi sgrub pa 'tshogs pa 'du khang phug dang rgya mthong kha rnams nag thibs se 'dug pa grwa pa 'gas 'di sngar gsal kyang dus phyis mi gsal ba red 'dug zer ba rmis/__!__tshes 14nub dung khri lta bu'i khar/__'khor lo/__rgyal mtshan/__nor bu rnams res dngos/__res dpe cha lta bu/__phyogs las rnam rgyal rgyal mtshan dang /______/'khor ba'i 'khor lo rin po che/____/dgos 'dod 'byung ba'i nor bu dang /______/zhes sogs brjod pa rmis/__yang 'thum par/__slob dpon za hor ma'i zhal thang yum gnyis bcas pa/__res thang ka/__res dngos lta bu gyur pa'i/__mtsho rgyal las 'od zer byung ba bdag la thim pa dang /____yang 'thum bar/__skal bzang bde skyid thar pa'i srog rtsa brtan/____/dri med 'od ldan shel gyi khang bur bzhugs/____/zhes pa byung /____!_tshes 15nub/__tshogs bdag dkar po'i sgrub skor dkrug yig byas pa zhig 'don pa rmis/__zla 5tshes 1rin gter/__thugs chen mnga' ri tshul khrims bzang po'i rig gtad sgrub skabs/__grub mchog de nyid ban rgan byis ru can/__gos smug chad gyon pa zhig 'char/__de 'phral gsol 'debs bris/__rig gtad dngos gzhi'i skabs/__sku bsgres nyams dkar mdangs can/__ras gzan dkar po mnab pa phyed skyil lta bus bzhugs pa byung /____stag sham mi tra'i dbang skabs/__mi tra dzau ki rnal 'byor spyod pa thor cog gi rtsa ba dar dmar gyis bsdom pa zhig gis/__sku gsung thugs dbang mdor bsdus bskur ba'i snang ba byung /____smin gling gsang ye'i dbang skabs/__gter chen rin po che sngags pa dkar chas/__dbu zhwa pad zhu sogs bri rgyun ltar la/__mdun du nga rang rgyal sras pad 'gyur yin snyam sdod par gsang ye'i dbang zhig gnang ba'i nyams byung /____zla 8tshes 9nangs par cung 'thum pa 'dra bar rang lus dpal bde mchog 'khor lo sku shin tu che ba nam mkha'i dbyings su bsnyegs pa/__zhal phyag rgyas pa la gnas yul nyer bzhi'i dpa' bo rnal 'byor ma rnams kyang yod snyam gyis de thams cad gtso bo la thim pas bde ba'i ye shes skyes pa'i nyams byung /____!_rdor sems sgrub chen gyi skabs shig tu/__nyi ma'i 'od zer lta bu shin tu 'bar zhing 'tshubs par/__rdo rje sems dpa'i sku grangs med pa'i dbus su rdo rje sems dpa' lus bong tsam zhig gi/__khyod kyi ma hA su kha su bi kalpa dang /____'grogs nas rma smad du song na/__lo brgya yi mthar 'ja' lus rdo rje'i sku brnyes zhes pa'i lung thob/__!__zla 10tshes skor/__dil sprul rin po che'i mdun/__rang gi gter gsar sman gyi rdzong 'phrang dbang gi skabs/__rje gong ma'i 'dra zhal thad/__bi ma mi tra bzhugs pa'i nyams byung /____yang de rjes nub gcig rdzong sar gzim khang bar khyams nang /____gter ston dri med bzhugs/__rnying lugs kyi dbang rgyas pa zhig yi ge tshems gcig nang gter gyi kha byang dang /____lung bstan kha shas 'dug nang /____'gro 'dul pa gling g+her b+dzu na a yin zer ba 'dug pa rmis kyang zhib cha brjed/__!__yang zla 10tshes 17nub/__gsal dga' nged gnyis yi dam gyi cho ga rgyas pa zhig gsungs/__gsal dga'i spyan g.yas pa nas 'od zer skar mda' ltar 'phros pa dang /____yang dag zhal gsum phyag drug_/gau ri brgyad yum can gyi las byang rgyas pa/__shog srab mgo tshem la bris pa 'don pa rmis/__!__shing bya bka' 'dus skabs snga ma'i 'phros/__zla 12tshes 3phyi thun sgang /____dkyil 'khor gyi gsal snang mchog tu brtan pas rkyen byas dbang po rnams rtog med du cung 'thum par/__g.yo ru khra 'brug gi gtsug lag khang gi gong du/__gu ru rin po che/__pad sdong chen po'i rtser za hor ma'i rnam pa dang /____gral mang po bsgrigs pa'i g.yas gral gyi gral gyi mgo nas kha shas shig gi mtshams/__rang nyid rgyal sras lha rje rgyal po'i chas kyis sdod pa/__bka' 'dus stegs bu'i mthar gzungs la na bza' sngon po rnam lngas bskor ba/__gu ru'i phrag g.yon thad/__man+dAr ba byon nas bzhugs te bka' 'dus sgrub pa'i snang ba yud tsam shar nas sad pa dang /____lus 'phar sprugs drag po kha shas byung ba/__gdon gyi cho 'phrul sogs gang yin ma nges/__!__tshes 4nub/__rin gter bla sgrub mang po dang /____thugs rje chen po mang po/__khyad par sdug bsngal rang grol gyi dbang sogs bskur ba dang /____'jam dpal gsang ldan zer ba'i rgyud btus yig cha lta bu'i spar ma dum phyed tsam gyi dbang bton pa'i mthar le'u'i 'grel mang du bshad pa'i rgyud 'grel lta bu zhig 'don pa rmis/__de'i phyi nang 'ju nyung sprul sku dang /____rgyal tshab sprul sku phyags phebs/__!__tshes 5tho rangs mnal bar/__kha'u brag rdzong yin rgyu'i g.ya' ma sngo khram zhig tu khang pa zhig dang /____gshis der grong 'ga' yod pa zhig pa'i sgrub khang gi nang der/__rang bla ma sa chen dang tha mi dad pa'i de'i sku dbyibs chos lta bu'i/__bla ma gnam kha'u pa yin rgyu'i ban rgan dbu chen po/__dbu skra thod kha nas cung zad byi ba skra se chob/__na bza' mdog kha ma gsal ba'i stod thung dang /____phyam rtse'i smad dkris pa zhig 'dug_/yun ring song nas da gzhan zhig tu chos zhu sar 'gro rgyu yin zhus pas/__ma 'gro khyod rang nga yi gam du sdod dang /____chos ngas bshad chog gsungs pa sogs mang rab rmis kyang brjed/__yang kaHsi gong mas nged la/__dam pa'i phyag dril blugs dpe byas pa'i rdo dril zhig 'dug pa de khong la phul/__'di khyod rang nyor gsung rdor dril dpe chen rnying pa zhig phyir gnang ba/__rkyang mchu de bzhi sgrom zhig 'dzin mi bde ba dang /____nged rang gi rdor dril bsnams nas dgyes nyams mdzad pa rmis/__!__tshes 6nub rtse lha khang lta bur dpal spungs sku zhabs bzhugs pa nged nas mar lugs gsang 'dus dkyil chog dang /____mchod phreng sogs 'don nas dbang phul ba bya rog rdo dkar bzhi khre chung ngu la/__sha lnga so so'i ming yod pa re thogs nas dbang bskur/__yang ngos rang nyal ba sku zhabs nas khams bde zhus nas byon song ba dang /____sangs rgyas mnyan pas khong rtsar yod pa gcig 'chi song zer nas rgya ther gzan bsngo rten 'jog_/de la brdab lan sogs phul ba chab chob rmis/__!__tshes 9mkhas dbang bkra 'phel las/__byang chub lam rim khrid gser zhun ma tshang bar thob pa rmis/__!__tshes 11rdo rje thod phreng bzlas nub/__gnam lcags rdo rje rtse dgu pa dang gnas zhig gi brag sked phug par/__skas them nyer brgyad bsgrod dgos pa la 'dzegs nas/__khar phyin pa na/__bod pa'i jo jo zhig 'dug_/phug pa'i nang bla ma 'jam rgyal bde gshegs bzhugs snyam dang /____jo jo des tshod brngos lta bu zhig khur nas/__nged yar 'then rogs byas bos kyang /____mi go ba'i tshul byed par khros nas phyir bab/__bka' brgyad skor gter chos mang po zhig rang la yod pa sogs rmis kyang cher ma dran/__!__tshes 12bde mchog sngags la thug nub/__rdzong sar 'ba' rdo'i khang par/__rat+na d+harma dI paM yod par/__gzhan zhig gis myur du ma hA su kha'i ye shes bskyed par bya yi rnal 'byor ma'i dam tshig nyams zhes zer/__re zhig na mthong snyam byed kyang kha phar phyogs nas song ba dang /____yang bka' 'dus dkyil 'khor 'brel brtags pas gnyid srab mor/__dang po spyi dpal chen po khro mkhar can dang /____mthar las gzhung ltar lha khra bo shin tu gsal ba rmis/__tho rangs bsen mo zhig gi gnod pa byung ba phur bus btab snyam zhing gur drag phur pa sogs bskyed rim byas kyang /____je rtsub kyis nged la 'thom/__rtsibs dong dang /____ro stod la khu tshur gyis 'phur ba shin tu gzer snyam dang /____mthar pad 'byung dang thang rgyal/__bsen mo dbyer med la mos gus byas pas lhod song ba rmis/__'di nyin ba chung khang pa'i nang rdo brko bu mo lo nyer gcig can zhig og thag byas pa red tshul nam langs thos/__!__tshes 13nub rang gi skye yul gyi khang pa yin snyam byed kyang de dngos min pa zhig tu/__yab rje bka' drin can de bzhugs 'dug pas/__rol rdor chos skor yin gsungs/__spar bris 'dres ma zhig gi dbu rta mgrin kI la ya'i chos skor nas/__smad tshe sgrub yod pa'i lung rgyun ring gsungs/__gzhan phyogs der spar bris pod mang po phyogs su yod pa dang /____dngos rdzas kyang rgya che bar 'dug_/phyogs shig gi ngos la khang pa bu ga mang po yod pa de nas/__khong yab yum gyis sbyin gtong rgya chen 'di nas gnang zer ba sogs dang /____bla ma 'jam rgyal bde gshegs las bsnyen rdzogs kyi sngon 'gro yin zer ba nos pa so thar sdom chog ni min pa zhig thob pa sogs rmis/__!__shing bya zla 12tshes 14tho rangs mnal bar/__rang lus bde mchog zhal phyag rgyas par gyur pa'i lus kyi rtsa nang 'od shig shig sngags sgras gang ba'i rmi nyams byung /____!_tshes 16pad+ma rtsal rdzogs sngags bzlas skabs khel nub/__rang gi skra bregs pa dang gzhan zhig gi skra bregs pas ma tshad/__skyi mo nag po bshus pa sogs nam stod dang /____nam smad la bla ma rin po che legs pa bzhugs nas chos gsungs pa dang /____mthar byang chog zhig mdzad grab byed pa dang /____yang gsal dga' rin po ches nged rang la zhabs brtan mdzad shom gyi sun bzlog mnyam gsungs byas/__brtan bzhugs dngos mdzad bshol sogs cung 'tshub rmis/__!__tshes 19la karma rtsal rdzogs bzlas nub/__zla chu kha pa'i grwa pa pho khreb zhig gis/__dpal sprul rin po che'i phyag bog de'i kha ya yin zer ba'i 'brug gri lta bu'i spa thung so gnyis pa lcags kyi shub yod pa zhig byin/__bog de yang thung ngu zhig yod snyam shar ba dang /____yang sngon du skas ring zhig la yar 'dzegs nas lan mang phyin pa'i skas de yang grwa pa zhig gis 'jus 'dug pa/__rang khang steng mar skas de la phyin pa'i sked tsam la sdod nas/__khrom mang po zhig la byin rlabs byed pa dang /____yang khrom dbang bskur ba sogs rmis/__!__tshes 21dregs 'dul bzlas nub khang pa ngo mi 'tshal ba zhig tu rang sdod pa'i dgong kha la/__ma rgan se mgo zhig gis skad cha mang po lab kyang brjed/__nangs par ban rgan se mgo zhig gis rgyal tshab bstan 'dzin chos rgyal gyi red zer ba'i gnam lcags rdo rje rtse dgu pa mtho gang can zhig dang /____de'i smyug sgrogs lcags bzos/__snag bum shub dang bcas pa'i rnying pa/__dri mas nag ljib byas pa zhig sbyin pa rmis/__!__tshes 22kyi phyi thun sgang /____ras chung snyan brgyud 'ga' zhig mjal/__sbyir chung nas mos pa che zhing /____snyan brgyud rdzogs par thob na snyam pa'i gdung ba drag po yod/__'di skor du lhag par dran skabs khel ba'i rkyen gyis/__'khrul snang chang gis bzi ba lta bu'i ngang /____gtsang smyon he ru ka/__sku mdog smug nag_/bong shin tu che ba/__sku phal cher gcer bu/__smad ang rag dang /____phrag g.yon mar dar gyi ga shal lta bu yod pa zhal ngo khro gzugs/__rgya 'gram can zhig byung nas/__ral gri zhig nged la brgyab/__de ma thag dur khrod kyi bkod pa byung /____rnam smin gyi lus zhal du gyur mid mdzad pas/__bla ma 'khor lo sdom pa lhan skyes su gyur pa'i mkha' gsang du/__bde mchog zhal phyag rgyas pa bsgyur nas phyir bton pa dang /____ting 'dzin sprul pa'i dkyil 'khor du/__'jug pa med pa'i bum dbang /____brtul zhugs spyod pa'i dbang /____gsang dbang la DA ki mang po byung bas byang sems blud/__sher dbang phyag rgya spros/__yum phag mor bstims pa dang sbyor yang /____bde chen 'dren pa ni ma byung /____bde gsal gyi shes pa rtog med ngang /____dbang bzhi par/__ma skyes pas ni mi 'gags cing /______/'gro dang 'ong med kun tu khyab/____/bde chen chos mchog mi g.yo ba/____/mkha' mnyam rnam grol gos pa med/____/ces rdzogs chen nas byung ba'i rgyud kyi glu des ngo sprod mthar/__bla ma sngar bzhin gyur/__DA ki mas glegs bam sor drug dar gyis dril ba pod lnga drug tsam zhig bla mar gtad pa/__rang tha mal par gyur pa'i spyi bor bzhag nas bka' lung gtad mthar bla ma rang la thim/__rang bla mar gyur ngang nyams sad/__de dag gi skabs su lus 'dar/__'phar sprugs drag po byung ngo /______/a+thi+-i/__sngar tshes 18nyin kun mkhyen dus mchod thig rgya'i skabs/__'jigs med gling pa zhig kyang yud tsam gsal bar byung ngo /______/!tshes 37srod thun mthar/__mnga' sprul brtags sgril skabs/__gu ru rin po cher mos gus rkyen gyis/__rang nam mkha'i snying po dang d+harma dI pa shel dkar rdo rje mtsho/__dbyibs da lta'i ltar la DA ki'i chas kyis lag gnyis rdor dril bzung nas gar byed pa'i nying 'khrul byung /____!_tshes 28tho rangs mnal srab bar/__dpal rta mgrin la DA ki mang pos bskor ba snyoms zhugs dang bde ba'i gar stabs bsgyur ba dang /____rang rta mgrin dmar po zhal gcig phyag gnyis dang /____d+harma dI pa phag mor gyur nas/__ma hA su kha stobs pa las byung ba'i bde stong gi nyams dar cig skyes nas sad pa gyur/__!__tshes 29la byad rbod kyi 'tshe bas grib rkyen mang du byung yang /____tshugs par ma gyur pa bla ma mkha' 'gro'i thugs rjes gegs las grol/__!__me khyi gnam lo gsar tshes kyi tshes 1tho rangs/__mnal dang 'od gsal 'dres par/__rang bde mchog 'khor lo yab yum du gyur pa dang /____'di'i sgo nas dngos grub 'byung tshul dang /____yang biR+Wa pa smug nag chos 'khor gyi phyag rgya can/__byis pa lo brgyad pa'i tshod tsam gyis spyod pa'i brtul zhugs kyi rjes gnang byin pa byung /____!_zla 1tshes 6nub/__sa skya gong ma phyogs kyi glang po'i sku gdung rang dang tha mi dad pa zhig_/dpal lha mo yin snyam yang byed/__sa skya'i rje btsun ma yin snyam yang byed pa kha shas kyis/__hor glang nag tu bskyal grabs byed pa rmis/__rang la chung dus sa skya gong gi bag chags shig yod pa/__'di yis byin rlabs phog pa zhig yin nam/__tshes 7tho rangs la dngos grub blang ngo /______/de nas tshe sgrub 'don/__!__tshes 10tho rangs/__'du khang zhig gi sgo khyams su rlung 'tshub sogs zing zing po byung ba/__sa 'dul gyi rdo rje'i gar dgos zer nas/__rang gcig pus gar snga dro'i cha tsam la 'chams/__de'ang dang po rtog med kyi ngang nas dang /____de nas rigs lnga'i srung gur cha gnyis dang /____rdo rje'i srung gur me dpung 'chams nas/__bkra shis shwa lo ka glu snyan pos gar byed pa rmis/__tshes 11nub dam sri rgyal bsen gyi rmi ltas mngon/__!__tshes 12nub seng+ge sgo mo'i gyen ngos rbab zhig gyen du dang /____yang thur du 'gril nas sdod pa/__khro log gcig dang zangs snod gnyis 'dug pa/__khro de su gang gis tshags byed mi nyan rgyu ngos rang nas byas/__yang brag dil zhig gi steng khang bzang sum brtsegs yod pa zhig tu phyin pa rmis/__!__rgyal zla'i tshes 18tho rangs nam langs khar cung mnal bar/__ngos yul pa'i khang pa zhig tu zhag sdod nas langs phyi bar/__ske rags bcings shom gyi de'i rgyab ja khang zhig tu song nas ske rags bcings pas/__ni gu gzhon mdzes zhig gis de'i bar khyams su ngos kyi gos 'bog yang 'jog byas/__nang du byung bar nged kyis bltas pa dang chags 'dzum gyis sked chings la thug byung bas bde ba rgyas shing /____phan tshun sab sob mang du bshad mthar sad/__!__shing bya zla 11tshes 16la/__bka' 'dus kyi pad+ma rtsal rdzogs bzlas skabs nam stod la rmi lam 'khrugs/__tho rangs mnal bar/__rdo rje mkha' 'gro rin chen mkha' 'gro dang /______/pad+ma mkha' 'gro las kyi mkha' 'gro dang /______/de bzhin sangs rgyas rigs kyi mkha' 'gro sogs/____/DA ki rnam 'phrul grangs med yod gyur kyang /______/da lan skabs su shar lho'i mtshams shed na/____/'gyur med bde chen rtag pa'i pho brang na/____/'chi med bde chen rdo rje mkha' 'gro ma/____/don grub yum chen phyag rgya bsten pa yis/____/gnas skabs gegs zhi bsam don yid bzhin 'grub/____/ces pa yid la thol skyes dran pa tshig ris cung nyams na las 'di ji bzhin pa'o/____/gu h+ya/__me khyi zla tshes 15nub/__gtsug lag khang zhig gi sbug tu/__chab lha nya ring bstan chos 'das pa sogs kyis/__byams pa dang /____mkhyen brtse rin po che'i 'dra zhal gnyis/__btsag gnyis ma lder sku la gser shin tu 'thug po byugs pa dang /____byams pa'i dar dpyangs kyi sne gnyis sgor mor smyug mas bcings nas dbu thog tu sgor 'jog byas pa dang /______/mkhyen brtse'i sku tshugs dpyangs ches pas sked pa nas thig tshad phab rgyu dang /____sku 'gying na legs tshul bshad pa rmis/__!__tshes 17nub gnyid srab mor/__ri dil 'bur bdun brgyad zhig la/__shing sna tshogs kyis go mtshams med par ljang thibs se yod pa la/__re re'i rtser sgrol ljang re bzhugs nas de rnams kyi mdun thad 'od dmar ser sgo re ba'i nang /____pad+ma rigs kyi DA ki chos kyi sgron ma yin snyam gyi/__rnal 'byor ma zhig gar stabs ling nge yod pa la/__sgrol ma rnams kyi zhal nas/__phyi ltar rje btsun sgrol ma ste/____/nang du sgrol ma khro gnyer can/____/gsang ba rdo rje rnal 'byor ma/____/don dam dbyings kyi yum chen mo/____/rnam pa 'jig rten mi mo'i tshul/____/bde chen mchog gi gar mkhan ma/____/phyag rgya dam pa e ma hoH/__zhes gsungs pa dang rmi nyams sad par gyur to/____/_!__tshes 18nub/__ba sras skal bzang dbang 'dus nas/__gter chos skor bris pa pod mang po khyer nas pod kha shas zhal phyes nas 'don pa rgyun ring rmis kyang brjed/__!__tshes 20nub rmi nyams 'dres mar/__kun mkhyen klong chen par mos gus kyi rkyen dang /____de bstod pa snyan ngag gi rol mtsho zhes pa zhig bri 'dun gyi rkyen las/__gser gyi ri rab la stegs mdzad pa'i kun mkhyen klong chen pa/__bde gshegs ri rab mar me'i rgyal mtshan/__sprul sku'i cha byad chos gos rnam gsum gsol ba/__sku mdog dmar ser byams bzhugs mdzad pa 'od zer nyi ma'i zer ltar snang ba la/__mos gus chen pos zhabs spyi bor blangs pa dang /____snang ba sgyu mar rtogs pa dang /______/zhen med 'dzin pa rang sar grol/____/rig pa skye 'chi med pa yi/____/btsan sa zin pa byin gyis rlobs/____/zhes gsungs shing sku las 'od zer nyi zer ltar 'phros pa'i nang /____zhi khro'i lha tshogs bsam gyis mi khyab pa snang ba de rnams sku la thim pa dang /____sku de a yig tu gyur nas rang la thim pa'i mod/__rang nyid kyang gdos phung mi dmigs pa a yig tu gyur nas dbyings su yal ba/__rig pa rjen pa'i ngang mnal nyams sad do/____/gong gi tshig 'di mnal sad nas dran kyang /____phyir nangs brjed pa/__gsol ba rtse gcig btab pas rang shes rig pa'i ngor gsal byung ba bzhin bris pa'o/____/_!__tshes 21nub rdzong sar gzim khang ltag ma'i tshag khri nang /____bu mo gzhon nu zhig shi ba'i ro gos kyis bkab/__de'i 'gram byis pa chung ngu zhig gis gos de bkyags tsam re byas nas blta zhing /____sdug pa'i rnam pa dang /____rang nas bu mo chung ngu kha shas dang mnyam du/__gcod DA rkang gling g.yang gzhi bcas thogs nas/__klong snying dbang sdud kyi 'don pa byed kyin nang du 'chongs nas bam ro de la mi lpags kyis dal bus lan gsum g.yab pas ro 'gul ba ltar byas byung ba cung zhad/__bar 'gag tu 'ong nas/__gzhon nu de rnams dang lhan cig DA ma ru dang bcas bro brdung rkang stabs dang bcas pa bsgyur/__shar phyogs rdo rje la DA ru bzhag nas/__ngag ring bkug ste lag stabs bsgyur ngang mnal sad/__yang 'du khang chung ngu zhig tu rang khri khar 'dzegs nas tshogs pa mang shas dang /____lam 'bras bla mchod zhig_/nor bu tshe ring gis dbu mdzad byas te 'don pa dang /____brgyud pa'i kha skong slob bshad ltar sbyar ba rmis/__!__me khyi zla 3tshes nas gdams mdzod skabs lam 'bras dus shig la/__chos rim gyi dus shed/__ngor chen rdo rje 'chang dbu zhwa med pa/__phyag g.yas mchog sbyin dang /____g.yon glegs bam zhig bsnams nas byin gyis brlab pa'i mtshan ltas dang /____shangs chos 'don dus/__su kha sid+d+hi dkar mo byon nas byin brlab kyi nyams gsal yang /____de 'phral yi ge ma btab pas brjed/__!__zla 5tshes 10gling tshang btsun sras rnams dang /____thugs sgrub bsam lhun gyi tshogs mchod bzlas pa'i skabs/__snang ba cung 'gags par/__brag ri sprin 'ja' lta bu rgya che ba'i nang /____ke'u tshang du/__gu ru mtsho skyes rdo rje la 'khor mkha' 'gro ngo shes pa gnyis dang ngo mi 'tshal ba che chung kha shas kyis bskor te bzhugs pa'i snang ba byung kyang /____lus la rlung 'dar gyi 'phar g.yo 'byung shom gyi dogs zon dang /____gzhan rkyen gyis nyams de sad par gyur to/____/_!__me khyi zla 8tshes 21la rmi lam du 'jam mgon mi pham bzhugs gnas yin rgyu'i ri rtser brag phug chung ngu yod pa de 'khris khang pa chung ngu zhig 'dug pa rang yang der sdod snyam gyis nang du phyin pa/__mi pham yin rgyu'i ban rgan zhig res yod/__res med pa/__gzhan zhig gis mi pham rin po ches phyogs thams cad du zhal bskor nas brkyangs phyag mang po mdzad zer ba dang /____khang pa de'i byang thad nas skar khung zhig 'dug pa/__de nas phar blta dus ri dil rtser khang pa mtha' thams cad grwa shag gis bskor ba'i dgon pa zhig 'dug pa/__de mkhyen brtse rin po che'i bzhugs gnas red/__de la zhal phyogs nas brkyangs phyag mang po mdzad zer ba rmis nas sad pa/__de'i rkyen gyis mos gus cher byung ba'i snang bar/__'jam mgon de nyid khams pa'i grwa chas/__tshar 'gags yu ling dmar po'i stod rgyan can sham thabs gsol/__zhal 'dzong ring ba/__pho khreb kyi rnam pa can la mos gus cher byas pas/__de nyid glegs bam chen por gyur te rang la thim pa dang /____rang nyid 'jam dbyangs dmar ser gyi sku shin tu che ba'i gsal snang brtan pa byung /______/yang lo de'i dbyar zla 6pa nang skor zhig la/__mtsho rgyal bod mo'i chas/__de gnas 'gyur sgrol ljang /____de rnal 'byor ma dmar mor gnas gyur pa zhig sogs byung yang yi ger ma bkod pas brjed/__!__zla ba de'i tshes 26nub/__ngos rang khang pa zhig gi nang /____grwa pa ngo mi shes pa mang po dang lhan du 'tshogs par/__ngos kyi lag tu sangs rgyas kyi 'phel gdung kha shas 'dug pa/__rang gi pang steng byos nas/__slar shel dam zhig nang blugs pas gang nas ma shong par/__snga ma las shin tu rgya chen 'phel ba dang /____yang khang pa zhig nang karma pa bzhugs pa mjal bar song bas/__rgyal dbang mkha' khyab rdo rje/__dbu skra nag sil/__gzhon tshul/__na bza' dge bsnyen chas la/__phyag btsal mjal dar phul bas/__sku bzhengs te/__tshur yang gus pa chen pos dar gnang /____g.yon phyogs der 'bol gdan mtho bar 'dug nas/__gsung gleng mang po gnang /____rdor sems zhig gi dpe cha spar ma zhig klog mdzad 'dug pa/__ngos rang gis byang chog zhig 'don rgyu lus pa de 'don dgos snang lta bu zhig shar/__rgyal dbang nas 'phel gdung mang shas shig ston mdzad pa/__'jam mgon kong sprul rin po che'i red gsungs pa rmis/__yang mkha' spyod ma'i zhing bkod shin tu gsal po zhig kyang 'char/__de'i sngar nub zhig la tshogs bdag dmar chen li smug sogs sku khyad 'phags mang zhig grwa pa zhig gis khyer byung ba/__tshogs bdag de yid la mos pa zhig byung /____grwa ba des slar khyer ba yud tsam nas yang tshur khyer byung nang /____sgrol ma drag mo li ma/__g.yas kha T+wA~M 'dzin pa mtho gang can/__yang phyag mang can dang /____kye rdor sogs kha shas nang /____ngos rang gis sgrol ma de thob pa sogs rmis/__!__zla 9tshes 10yi tho rangs thun dang po la/__gzhal yas khang gi nang /____chos 'byung dmar skya/__zur drug dpang mtho ba'i steng /____phag mo dmar mo bzhugs pa dang /____rang de mdun 'byor ba na/__zur zhig nas las kyi mkha' 'gro cha shas kyis/__nged kyi lus bsgral ba'i dwangs ma bud+d+ha dpa' bo dkar po rus rgyan gyis brgyan/__yum de 'dra ba gtad nas snyoms par zhugs pas bde chen gyi ye shes skyes mthar/__yum de kalpa b+ha dra su khar gyur nas 'dug pa na nyams sad par gyur to/____/de'i sngar nub rmi lam du/__tshe 'byor gyis sna drangs te bud med shin tu mdzes ma khams chas can byung ba rmis/__!__me khyi zla 9tshes dmar phyogs skor zhig la/__gzhal med khang dmar 'od 'bar bar zhugs nas/__chos 'byung bsnol ma nyis brtsegs dpang mtho ba'i steng rnal 'byor ma dmar mo bzhugs pa dang mjal ba snga rjes gnyis tsam byung /____!_tshes 29nub/__li yi maN+Dal che ba zhig phyis pa/__de nam mkha'i mdog sngo dwangs rgya cher gyur pa/__gzhal yas khang yangs shing rgya che ba'i nang khri steng /____mi ro bzhi gcal bkram gyi steng /____rgan mo skra se chob/__sha rgyas shig 'dug pa/__'khor bud med mang po yod pa dang /____de'i spyan nam mkhar bsgrad nas bshug pa byas pas dpa' bo mkha' 'gro shin tu mang po byung /____gtso mo des mi sha byin pa zos/__nged kyi lus bsgral nas/__rdor sems yin snyam/__mdog dmar skya ma gsal ba'i yab rkyang zhig tu gyur pa la byin brlab dbang bzhi zhig gnang ba rmis kyang brjed nas ma dran/__de nub nA ga rak+sha'i thun mgo bzung bas/__sbrul gyi dbang ril red zer ba'i mtheb mgo tsam rnyed pa dang /____yang mkhyen brtse gong mas/__gling gi d+hA ki'i skor zhig gsungs pa byung /____!_tshes 20nub/__rgya lugs kyi sgrol ljang lta bu na bza' sna tshogs mang pos/__dbu dang sku g.yas g.yon nas lhab lhub mang po yod pa/__de'i 'khor shin tu mang po zhig gsal mi gsal yod pas kyang lung bstan pa snyam/__!__zla 10tshes 2nub/__gter ston dri med tshang a paN sogs nas rten mjal zhu zer ba/__sngar yod kyi gter rdzas sgam nang rdo rje dang phur pa yod pa rnams dang /____der med pa'i mang shas khyad par 'gro 'dul hU~M chen kA ra'i phur pa yin zer rgyu'i gnam lcags dkar po'i phur pa ngo mtshar can mjal kha bstan pa dang /____bla ma legs pa rin po cher/__gter gsar tshe dmar lta bu'i dbang phul ba/__gsol 'debs de blo la mi 'gro ba'i 'gag shom byed pa sogs rmis/__!__zla 10tshes bzhi'i snga cha/__nA ga rak+sha'i bzlas thun skabs khang dmar rin chen gyis khyer 'ong ba'i rme ru mkhan chen bsod nams chos 'grub kyi gsang snying dang /____dbu ma'i dka' gnad zin bris gam du yod pa mig 'grim byas rkyen gyis/__mkhan chen de nyid la mos gus tshad med 'khrungs rkyen gyis/__mdun mkhar mkhan bla ma sku khreb/__zhal ngo smug po/__dpral dbyes che ba/__ring 'gags sogs rnying kha babs pa/__phyag 'dud rgya lta bu red snyam ha cang ma gsal/__khong gi gsung rnams kyi lung gtod pa yin gsung pa dang /____rang gis mkhyen rab kyi dngos grub stsol ba zhu ba'i dmigs pa byas shing /____nyid kyi sprul sku gar yod zhus pas/__nub phyogs na yod gsungs/__rang gi sems la lug sbra'i 'khor pa/__dbon stod kha chung tshang gi bu bya lo pa de the tshom zhig yod pas de yin nam zhus pas/__de yin gsungs mthar/__rang la thim pas dbyer med du gyur te/__rang yang mkhan chen nyid kyi sku lta bur gyur snyam zhig_/shes nyams la gsal ba byung /____!_zla 10tshes 11gi snga thun skabs/__mdun mkhar 'jigs med gling pa sngags chas/__phyag stabs sogs dkyus ltar dbu skra thor cog nag po can la/__mos gus byas pas phyag chos 'chad glegs ral can du gyur nas/__sku yi byin brlab 'od zer dang /____gsung pusti/__thugs ral gri/__yon tan nor bu/__phrin las rgya gram rnams gnas lnga nas spros te byin rlabs bstsal ba'i mthar rang la thim pa dang rang lus 'od smug po tsit+ta'i dbyibs ltar gyur pa'i nang du a yig_/de las 'od spro bsdus mthar/__'od de a la thim/__de yang dmigs med du yal bar gyur pa zhig byung yang /____shes nyams 'khrul pa'i brdzun po che/____/mi rtag sgyu ma'i snang ba la/____/rang gi yid kyang ma ches na/____/gzhan la sgrogs pa lta ci zhig_/gsal la mi gsal 'khrul snang 'dis/____/byis pa'i mgo bo sbos pa 'di/____/kun mkhyen bla ma'i ye shes kyi/____/rdo rjes gzhom par mdzad du gsol/____/'di nub/__nged karma dgon pa'i bstan bdag tu gdan 'dren 'gro chis byas pa rmis/__!__tshes 13gyi phyi thun skabs/__rdo rje 'chang blo gter zhabs dran/____/mchi ma 'khrugs pa'i mos gus dang /______/gsol 'debs shwa lo ka gsum bris/____/slar yang mos gus kyi rkyen las shes ngor/__gzhal med khang chung ngu zhig gi nang seng+ge'i khri la/__rdo rje 'chang rab byung gi chas/__paN zhu gsol ba/__lang tsho rgyas pa gzi brjid phun sum tshogs pa'i sku g.yas rgyud sde rab 'byams kyi pusti brtsegs pa zhig bzhugs par/__rgyud sde thams cad kyi byin dbang zhig thob na snyam pa'i mod/__mdun mkhar rgyud sde'i dkyil 'khor grangs med pa/__blos bslangs ni min pa/__ras bris lta bu la/__de las ches gsal ba dang /____bum dbang ni gsal po zhig kyang ma byung /____gsang dbang thod chang /____thugs sher ye phyag rgya sprad pa dang /____snyoms zhugs kyi bde ba bag tsam skyes/__dbang bzhi pa shel rdo hU~M yig_/khyad par thugs ka nas 'od lnga'i gong bu snyim pa kha sbyor tsam nang du/__aHyig phra ba yod pa bstims nas/__bla ma rdo rje 'chang sngon por gyur nas rang la thim pa dang /____slar yang he ru ka zhal gcig phyag gnyis sngo dmar/__zhabs gar stabs can mdun mkhar byon te/__dpa' bo mkha' 'gro rnams gar stabs tshubs ses/__glegs bam rnams gtad nas chos kyi bdag po yin pa'i dbugs dbyung /____bla ma rig 'dzin 'khor bcas glegs bam dang bcas pa rang la thim pa dang /____rang yang he ru ka der gyur nas/__dpa' bo mkha' 'gros bskor bar gyur pa'i ngang nyams sad cing /____de nas yud tsam bar rig pa gtad med du gyur to/____/gu h+ya/__!__tshes 14la/__bde mchog rgyud 'grel sbas don kun gsal 'thor klog byas/__de nub srod thun skabs/__rje mkhyen brtses/__lU hi pa las nye brgyud brnyes pa'i rnam thar yid yul shar rkyen gyis byas pa lta bus/__mdun mkhar lU hi pa sngo nag ral pa thod du thor tshugs 'bur chen/__'jigs su rung ba/__g.yas nya bzung nas zhal du 'grad pa g.yon mnyam bzhag thod pa can shes nyams ngor gsal bas/__e ma hoHsangs rgyas kun gyi bde ba che/____/yang dag ye shes sgyu ma mchog_/bde chen mchog gi grub ster ba/____/rnal 'byor kun bdag e ma hoHzhes gsungs shing /____thugs kar bde mchog zhal phyag rgyas pa gtso 'khor rnams bzhugs pa dang de nas rang gis/__e ma hoHyang dag ye shes bde ba chen po'i dpal/____/rnal 'byor sgyu ma mkha' 'gro bde ba'i mchog_/sangs rgyas kun gyi gsang ba'i 'dod ster ma/____/yang dag ye shes bdag gis 'grub par mdzod/____/ces gsol bas/__lU hi pa'i phyi dbyibs kyang bde mchog gi skur gyur pas rang zhal du drangs/__ye shes sems dpa'i sku yi dbyibs brgyud/__mkha' gsang nas phyir bton pa/__rang lus 'di yin med par/__bde mchog gi mkha' gsang /____bum gter chen po'i dbyibs 'dra ba/__smug po mchin kha 'od 'phro ba de nyid rang gi spyi gtsug tu kha sbyar nas/__bdud rtsi babs pas bum dbang /____gsang ba/__sher ye/__dbang bzhi pa rnams bdud rtsi'i rgyun gcig gis bskur ba'i mthar/__DA ma ru'i sgra zhig gis snang cha dbyings su thim par gyur to/____/tshigs bcad 'di rna ba'i lam nas thos rgyu dngos kyang med pa'i rang gi shes nyams dang /____phyi rol nas gsungs nyams 'dres pa ltar red lags/__!__zla 10tshes 16la snga thun du/__thang rgyal dang /____lha btsun nam mkha' 'jigs med gnyis kyis/__he ru ka'i chas dbang bskur ba'i snang ba byung /____!_tshes 17nub si tu chos 'byung sku gdung la mos gus chen pos phyag byas pa dang /____de'i tho rangs shes nyams rmi lam 'dres mar/__pad+ma 'od gsal mdo sngags gling pa rgya gar paN chen chas can gyis/__pad+ma'i ming can ster ba bde ba'i rol mos rtsen pa byung /____!_zla 10tshes 19nub 'bri gter dang lhan du/__gnas gzhi gter ston pad+ma blo gros byung ba/__de la brtags pas logs shig tu gter ston dri med bde gshegs bzhugs pa dang /____gang zag su yin ma 'tshal ba gcig la/__ngos nas dur khrod dpal chas kyis mnga' gsol bas/__ral pa dang rdo rje'i go khrab kyi mnga' gsol rnams 'dus song ba rmis/__!__yang tshes 19la brtags pas/__kaHthog tu 'du khang chen por tshogs 'khor bkram nas/__dga' rab snying thig gi zhi sgrub kyi tshogs gar/__bde mchog sangs rgyas mnyam sbyor gyi gar/__ngos rang gcig pus gar gos dkar po gyon nas yun ring 'chams/__shar sgor blta mi mang po 'dug pa/__ngo yas lta bus rkang pa mtho gang tsam sa la ma reg pa gar byas pa rmis/__!__tshes 20la gnas gter dang 'phrad/__shud bu'i skye mtha' yin zer/__tshes 19la/__nA ga rak+sha 'bru bzhi 'bum 11khri 8grub grol/__seng gdong la zhugs pa'o/__!__me khyi zla 10tshes 19la/__nA ga rak+Sha tshar nas/__phyi thun nas mchog gling bi ma'i seng gdong bsnyen/__tshes 20nub 'du khang zhig tu khri bshams pa la phug nas rang mar gyur/__g.yas gral gyi mgor gter chen las gling bzhugs/__tshogs pa mang shas dang mnyam du rnying lugs sgrub pa zhig 'don/__las gling nas phur pa dar khra can g.yab/__rang nas rdo dril theg chen thogs/__phur pa dar mthing can stangs stabs bcas 'phyar/__las gling nas mkhyen brtse gong mas 'di 'dra mdzad zer/__phur pas stangs stabs byas pa/__rang nas kyang de bzhin byas pa sogs rmis kyang gsal por ma dran/__!__tshes 23nub mkhan rgan bsam gtan blo gros las dbang zhig thob pa dang /____rang gis gzhan la dbang bskur gyi gzhi bsgrigs pa sogs rmis/__!__tshes 25nub/__ri ngos khang pa zhig tu phran sdod yod pa/__g.yon phyogs lung pa zhig 'dug pa/__khang pa de'i mdun nas brtsams/__bud med gzugs bong chung ba brgya lhag tsam g.yon lung nas yar song ba dang /____yang khams bye nas klu lding zhabs drung yin rgyu'i bla sgar zhig gi nang /____bud med chas can gnyis byung ba dang /____pad 'dab bzhi pa de'i phyir chos 'byung yod pa'i lte ba dang /____'dab mar mkha' 'gro bzhugs pa sogs rmis pa/__phyi nang 'bri gter nas a phyi'i dbang rgyas bsdus gsungs pa de la blta ba 'dra/__!__tshes 26nub/__zhe chen rgyal tshab rdo rje 'chang las/__mi pham rin po che'i gsung mang shas shig gi lung thob pa rmis/__gnam stong nub/__bla sgrub thig rgya'i bdag 'jug blangs pa rmis/__!__mgo zla'i tshes 1nub tho rangs/__mtsho rgyal bod mo'i cha byad can gyis d+hA ki lung bstan pa'i nyams kyang 'char/__rme chu rgyas pa'i phar kar de nyid kyang yod pa rmis/__gzhan bod mo skra med pad zhwa chung ngu /____'phang o dma' ba/__gos sngo khras g.yogs pa gyon pa'ang rmis/__!__tshes 3nub klong chen pa'i gsung sngags skor cho ga sngar med pa zhig 'don pa rmis/__!__tshes 4snga char nyams kyi snang char/__brda' yig lha mo gzugs mi gsal ba'i ngos me long ngos la shar ba dang mkha' 'gro'i gter gyi don tshigs bcad rig ngor shar ba 'bri gter la phul/__khong la'ang gsal snang brda' rtags zhig byung ba rim gyis mtsho rgyal gter kha zhig yod gsungs/__de nub tho rangs kyi char gnyid srab mor nyams dang 'dres par/__mtsho rgyal bod mo'i rnam pa mi gsal ba rab rib la/__de rnal 'byor ma dkar mo rus rgyan DA dril can du gyur pa'i DA ma ru'i sgra dang ngag gdang 'dres par/__dz+nyA na sA ga ra'i sprul pa/____/pad+ma mkha' 'gro'i ngo bo nyid/____/pad+ma chos kyi sgron ma ni/____/bde chen dbang gi grogs su bsten/____/brgya dang rtsa brgyad bar du ni/____/rig 'dzin 'chi med grub par nges/____/rnam rtog d+hU tir zos pa yi/____/'chi med gnyugs ma'i gar mkhan mchog_/zhes par grags/__tshig ris cung zad re nyams na las/__don dngos 'di kho na dang /____tshig rkang tha ma gnyis sgra gdang yal ba bzhin du gyur/__!__tshes 6nub rdzong sar gzims skyil du/__skyabs rje kaHthog si tu gong ma dang dpon slob kha shas kyis/__dpal ldan chos skyong gi zhi ba'i sgrub thabs zer ba'i cho ga btang nas/__da drag po 'don dgos zer ba rgya yi mgo tshems spar ma mang po 'dug pa/__skyabs rjes de rnams ma red gsungs/__bzhengs nas sbug tu byon te/__dpe cha zhig dang lhan du/__sha dmar tshags btub pa snyim ba gang dang /____khrag bsnams nas/__'di gri sha gri khrag yin gsungs gnang ba rang nas zos/__gzim khang sgo 'gag tu bzhugs nas/__drag po de gsungs pa lha khro bo dmar smug zhig la 'don dka' ba 'dug pa rmis/__phyir nang 'bri gter gyis nyang gi mkha' 'gro chen mo'i rtsa dbang spel dgos gsungs/__brtags dril zhus pas ma babs/__gsang ye spel rung min brtags mdzad pas babs song /____de nas snga thun sdom pa'i shes nyams la/__bla ma mnga' bdag gzhon tshul/__dbu ral gor bcings/__stod kyi nang gos dkar bo/__de'i steng sngon po mnab pa'i sku g.yas zur du/__gsang ye'i dkyil 'khor bum pa/__sin+d+hU ra'i me long sogs bshams pa/__de gnas gyur blos slongs nang du rang tshud nas/__mnga' bdag dkyil 'khor gyi gtso mor gyur pas dbang bskur/__rang yang gsang ye'i gsal snang dang /____mthar bla ma sngar bzhin gyur nas pusti'i gdams gtad dang /____nga yi gsang chos rnams khyod la gtad pa yin gsungs mthar nyams yal kyang rang gi shes rtog dang 'dres pa'i kha de skyag pas chod/__a kha kha/__ban bun gyi nyams de shes pa'i nyams/____/rang mgo rang gis bskor ba dang /______/rang shar rang zos nyon re mongs/____/yid gtad dka' zhing bslu bar go/__!__me khyi zla 11tshes 10nub rmi nyams la/__gzhal yas khang dmar po'i nang rang pad+ma gar dbang dmar po phyag bzhi pa dang /____pad+ma'i rigs kyi gsang ba ye shes kyi d+hA ki dang snyoms zhugs sogs byed pa za zir byung /____!_tshes 11nub/__khang pa thog btsag can zhig gi rab gsal nas mar bltas pas/__bud med lo nyung bong thung gzugs dbyibs legs pa/__mgul la shel ser dmar sngo ljang gi zhags dkris can/__gdong zlum po la rgya kar byugs pa lta bu zhig 'dug_/dar cig nas gdong de bya gdong 'dra ba/__mchu mi yi mchu dmar tseg ge yod pa/__rna ba bya rna can mdog sngar dang mtshungs pa zhig gyur pa/__ngos rang skas shig la 'dzegs te khang steng 'gro ba dang /____bud med de skas kha nas mar 'ong shom byed par/__nged rang cung zad zhad pa'i rnam par gyur pa rmis/__yang shog gu ser dmar mthing la bris pa'i yi ge pod gnyis yod pa rmis pa ni/__kaHthog tshe nor gsung 'bum khams dbus nas dpe g.yar ba gcod dgos pa'i ltas su go/__!__tshes 13nub rdzong sar bshad grwa khang gi gling gi khyams su/__rang skor sum brgya tsam gling gi nang mtha' nas bskor rgyugs byas pa dang /____rdzong sar thog kha zhig tu sog bla sogs kyis chos skyong gtor stabs dbyangs gyer ba dang /____kaHthog 'du khang du bka' ma 'tshogs nas rang khri steng gcer bur sdod pa dang /____grwa ba gnyis kyis tshogs skabs las smon rten 'brel 'then pa dang /____yang rmi nyams 'dres ma/__pha dam pa dmar smug dbu skra nag po thor cog can/__g.yas DA ru dang /____g.yon rwa dung 'dzin pa zhig gi zhal nas/__bu nyon dang rnal 'byor spyod pa khyod/____/gsang sngags bde ster DA ki ma/____/dpal ngang tshul rgyal mo'i sprul pa ni/____/pad+ma chos sgron zhes bya ba/____/gsang ba'i grogs su bsten byas na/____/tshe lo brgya dang go brgyad thub/__ces pa tshig ris shin tu gsal po ma dran kyang phyogs mtshungs 'di ltar yin/__de nas d+hA ki des g.yas mda' dar/__g.yon bum pa 'dzin pa lha mo'i cha byad du byas nas/__rang la nye bar byed pa sogs gsal mi gsal mang du byung /____!_me khyi zla 11tshes 25nub seng gdong las sbyor skabs su khel/__khang pa zhig tu grwa pa kha shas dang lhan du cho ga zhig 'don/__mdun thad na sis pho lta bu chen po zhig yod pa/__dgong mo nyal khar ske rags gos sogs/__ban+de ngo mi shes pa lo khreb gcig gis de'i nang bcug rim bzhin snar bsnams pas/__rang gis nged la dri zhim bro ba de bro min blta ba red kyang phyis je chung yin snyam/__de nas ras khra'i yol ba zhig de nas brgyab/__dkon chos 'byor yod zer dngos su mthong rgyu'ang ma byung /____rab brtan grwa pa zhig gis/__sngar lo gcig gnyis gong nas nyid mdun chos mang po zhus/__da pha yul 'gro ba yin zer/__lcags kyi rdo rje rtse dgu che sbom dang /____de'i dbu can gyi dril bu byin par/__'di bsgral chas su 'jog dgos snyam/__yang dz+hek+ShiM gyi dbu can dril bu/__de 'dra'i rdo rje/__phur pa zangs mdog can sogs rten mang du byin pa dang /____yang re zhig las gtan sbyin min rgyu'ang zer ba/__tshig rtsa bcad pas gtan sbyin yin 'dug_/de nas sbug der khang ba'i nang rang dang /____grwa pa gcig phyi der bla grwa kha shas nas/__ling+ga chen po zhig_/ras sngo nag gi kheb can bshams nas dgug gzhugs byas/__grwa pa nged gnyis kyis/__rang gis 'bag dmar po dang /____khos nag po/__ngos kyi lag g.yas lcags kyi rdo rje/__g.yab dar bzung nas/__Ta ging 'cham stabs kyis/__dgug pa tshar re dang 'phags bskor gyis ling+ga de la bstim/__yang nang du zhugs de 'dra lan gsum byas pa sogs rmis/__nyams zhig byung ba zur du rgya rgya/__!__bla ma la phyag 'tshal lo/____/rje dus gsum sangs rgyas 'gro ba'i mgon/____/pha bla ma rnams kyis byin gyis rlobs/____/me khyi yi khams ldan mgo zla 11ba'i/____/tshes nyer drug srod dus 'khrul nyams la/____/gzugs mi gsal yol 'dra'i phag shed nas/____/sgra rang grags de nas gsal me gsal/____/mgon thugs chen kha saR+pA Ni yi/____/sku mi tshad tsam zhig rab rib kyis/____/bu khyed ni khri srong sprul pa la/____/nyang dang chos dbang gi skye ba yin/____/o rgyan pad+ma dang bi ma jo bo rjes/____/byin gyis brlabs pa yin zhes gsungs/____/las smon gyis 'brel ba'i d+hA ki ni/____/nub phyogs kyi pad+ma chos sgron de/____/grogs su bsten nas tsA ri dang /______/lho mon gyi phyogs su 'gro don spyod/____/lus dkar po'i chas su bsgyur ba dang /______/yi dam de rnal 'byor ma dpal dang /______/'khor lo sdom pa 'jigs byed brtson/____/o rgyan pad+mar skyabs su bsnyen/____/sgrub chen bka' brgyad bsnyen sgrub 'bad/____/tshe ni yun ring 'tsho ba'i mthar/____/rma smad rdo rje'i g.yu lung du/____/'ja' lus 'pho chen sku brnyes nas/____/'khor ba ma stong bar dag tu/____/'gro don mtha' yas byed par 'gyur/____/zhes gsungs 'khrul nyams sad par gyur/__'di la tshig lhugs pa yin kyang tshigs bcad du byas pa yin/__gu h+ya/__rgya rgya rgya/__'di 'dra bdud kyi lung bstan min na ang /______/rang sems bdud du gyur na bdud snang yin/____/de bzhin lhar snang gyur na lha snang yin/____/gnyis 'dzin re dogs bral na mnyam pa nyid/____/mnyam nyid rtogs pas thams cad mnyam pa nyid/____/mnyam pa'i spyod pa 'di ni rmad du byung /____a hoHces smras so/____/_!__tshes 30nub/__skyabs rje si tu thams cad mkhyen pa dang lhan du 'tshogs pa la ni gu pad+ma yin rgyu bzhi ga phyi 'gro nang 'gro mang du byas/__skyabs rje rin po che dus rgyun sngags pa la thugs mi mnyes pa zhig yin pa la/__da lan nged la grogs bsten dgos pa'i tshig gsal po min pa'i brda 'dra ba 'ga' gsungs kyang sad nas ma dran/__tshe 'byor yang gyon pa gzab sprod kyis skyabs rje'i 'khris der yod pa rmis/__yang bla ma mdzo bla nas mgon po khyi gdong 'dra zhig gi 'dag sku byin can yin zer ba byin nas sems khrid dgos zer/__mgon sku der yang yang bltas pas zhal glang gdong zer ba'i gser gyi kha yig dang /____de la 'byar ba'i tshul gyis gur mgon yin snyam gdong brnyan can zhig kyang 'dug pa rmis/__!__zla 12tshes10/__rata gling thugs sgrub btang /____tshes 8jo lugs sgrol dkar dbu tshugs/__tshes 10nub/__jo jo zhig gi gwa'u nang khri srong thugs nang yod pa'i dbang ril yin zer bya sgang tsam phran la byin pa/__lag tu blangs nas snying gzugs lta bu je cher rus pa 'dra ba la ring bsrel grangs med pas gtam par gyur nas dga' ches pas lha khang zhig gi mchod khri thog 'jog pa de las ring bsrel grangs mang 'phel ba rmis/__!__tshes 13nub/__rmi lam mang /____si tu thams cad mkhyen pa lha khang gi khyams mdo zhig tu bzhugs nas zhal da mang po mdzad pa dang /____lha khang de'i drwa mig nas rgyal dbang lnga pa chen po'i sku rnying shin tu mang po phyir blangs ba dang /____rang de nyid yin snyam sogs mang po rmis kyang brjed/__!__tshes 15nub rdzogs chen rgyud bcu bdun gyi dpe cha la re re'i mthar brda yig 'dug pa/__'di la bshad 'grel sogs grangs mang po yod zer ba 'don pa dang /____yang rang gi lag g.yon pa'i 'khrig mar tsA ri'i smyug gi gdu bu dang /____rat+na dI paM gyi kai yu ras brgyan pa/__bar du g.yang Tir gyur/__mthar nor bu chu shel gyi phreng bar gyur pas brgyan pa sogs mang po rmis/__!__tshes 18nub/__rang gnas gsar kun dga' legs pa'i 'byung gnas yin rgyu'i grwa pa ngo mi shes pa kha shas kyis sher phyin skor zhig yi ge bris ma gtad pa 'don pas stong nyid kyi zab don mang po dang /____zhabs kyu gcig dang na ro gcig_/zer ba sogs la don gcod kyi skor 'dra ba la lung bstan kha shas 'dug pa/__phur pa yi dam dgos rabs dang /____gsang ba'i thugs dam rdo rje 'chang bde gsang dus gsum byas na mchog 'grub tshul sogs 'dug_/yang chu chen gyi 'gram du phug pa zhig 'dug par chu de 'bri chu yin par 'dug pas tshad med pa rgyas shing chu mdog sngo dwangs 'dug pas legs snyam/__!__tshes 19nub/__rang nas thub chen gser zangs zhig bzhengs grub de mjal zhing byams chen dang che chung mol ba sogs/__!__tshes 20dgong thun la grub pa'i rgyal mo tsog pu'i 'dug stangs can/__lha mo'i chas g.yas mda' dar/__g.yon tshe bum bsnams pa byon nas/__'chi med dpal gyi mchog sbyin pa/____/pad+ma'i rigs kyi lha mo ni/____/chos kyi sgron ma zhes bya ba/____/tshe lam gsang ba'i grogs bsten na/____/dgu bcu rtsa lnga 'tsho ba dang /______/de las lhag kyang 'tsho bar srid/____/zhes gsungs tshe bum bdud rtsi dang /______/'chi med ril ster rang la thim/____/shes nyams brdzun pa'i bslu ba la/____/yid brtan ci yod skye med aHde nub mkhan rin po che bsam gtan blo gros las sgrub btus rjes gnang mang po dang /____tshe sgrub phyi nang gsang mchod re phul/__tshe gzungs re bzla ba'i sham bu/__ap+tha nA ya swA hA/__sap+ta nA ya swA hA/__sogs btags rgyu yod pa thob pa sogs rmis/__!__yang tshes nyer gnyis nyer gsum skor zhig tu/__phyi thun skabs kaHthog mkhan chen ngag dbang dpal bzang de nyid sku mdog dmar smug og tshom dang ral pa sil bu nag sha re ba rnal 'byor spyod pa'i chas can g.yon phyogs nas yum smyo shul bsam sgron bod mo'i chas gos ljang gu gyon pas bsten pa/__bla ma g.yas ral gri/__g.yon thod pa thogs pa mjal ba la/__de nyid kyis khong gi gsung rnams rjod byed tshig gi dbang dang /____brjod bya don gyi dbang bka' rdzogs lung rdzogs thob par gyur cig gsungs nas/__de nyid ral gri a yis mtshan par gyur nas rang la thim pas rang lus kyang de bzhin gyur pa'i ngang la brjod bral rig pa ljen pa'i ngang du dar cig gnas par gyur to/____/_!__zla ba de'i tshes 28nub/__rang rta drel mang shas kyi la kha zhig nas/__chibs 'dra tho sngon po chu thig can la zhon nas lho khar song zhing /____khang chen zhig gi nang nas rta zhon bzhin/__skas sogs la 'dzegs 'bab kyi mthar 'bor zhig tu lder sku bzhengs rgyu'i sa 'dam khog smad kyis rdzi 'thag byed pa dang /____rta ra zhig tu rta rnams kyis/__rgya mi'i nyal dud 'then pa sogs rgyal ltas ngo che/__!__tshes 29la seng bzlog 'don/__srod thun la dam sri grwa pa ral can/__gos rnying hrul gyon ba/__ral lcogs can byung bar seng gdong ma'i nga rgyal gyis gzir bas/__'dud de srog snying /____ho tri ma ra du dzaHzhes phul bas/__rdo rje mgor bzhag_/bdud rtsi ster dam bsgrags te gdan la bstims pa dang /____yang sngags pa ber phod/__zhwa nag can/__dus phyis brag 'dre'i gtso bo gsar pa yod skad de byung ba/__drag po dpal chen sgom bzlas byed kyin yod pa gsal snang chen po'i nga rgyal gyis/__kho pa langs te byung ba bsgyel nas/__phur chung yod pa blangs te/__phur pa lcags bsreg gi rang bzhin shin tu che bas btab/__phur pa'i mtshon char dang /____thun gyis rdul phran du brlags nas lhag ma rang gi zhal du bstabs pa'i nyams gsal por byung ngo /______/!me khyi rgyal zla nas/__jo lugs sgrol dkar bsnyen skabs/__sgrol dkar sku dang /____sgrol ljang gi sku li ma rnyed pa rmis pa dang /____mchog gling dang /____kong chen pa'i che ba brjod pa sogs rmis/__!__zla ba dang po'i tshes nub/__skyabs rje rgyal tshab gong ma bzhugs pa dang /____'jam dpal dang /____sgrol dkar gang yin brjed/__chos tshem dang /____gzhan lhag lha'i sgrub skor mang shas yod pa/__de'i dang po 'jam sgrol gang yin de la rtsa ba dang /____de'i nang gses zhi rgyas dbang drag gi las tshogs/__don tshan bcu ru dbye ba'i bsdus don bshad/__gzhan rnams la'ang de bzhin dbye rgyu yod snyam dang /____rgyal tshab rin po ches/__zhi sgrub dang drag sgrub gnyis kyi zab shos drag sgrub yin rgyu/__kong sprul dang /____mi pham gnyis kyis gsungs 'dug kyang /____zhi sgrub zab pa'i phyogs bshad rgyu 'dug kyang /____de 'dra bris na deng song dus dbang gis/__mi pham/__kong sprul des dgag pa red zer 'ong gsungs pa sogs 'ga' rmis/__!__me phag zla 3tshes 10nub rmi lam du/__paN chen bi ma mi tra/__mdun mkhar bzhugs nas/__de'i thugs ka nas me'i tshwa tshwa dang gong bu lan gsum du 'phros pas/__rnam smin gyi lus 'jigs sngangs dang bcas tsha zhing bsregs pas lhag med du sbyangs/__rang lus 'od phung dmar ser gyi bi ma la phyag mnyam bzhag tshe bum can du gyur pa'i gsal snang shin tu brtan pa dar cig gnas ngang mnal sad par gyur to/____/_!__me phag zla 2tshes 18skor nas/__mkha' 'gro gsang 'dus kyi rdo rje mkha' 'gro'i tshe sgrub 'bum phrag lnga lhag dang /____de nas tsaN+Da lI bsnyen/__de rnams skabs rmi lam bzang ngan sna tshogs rmis kyang /____phal cher sad 'byams su gyur pa dang /____yi ger ma btab/__tsaN+Da lI bsnyen pa'i zla 3pa'i tshes 8nub rmi lam za zir mang zhing /____rang nyid bod pa'i chas gos ser po gyon te/__mgo bor mdzod thag gi rta zhwa nag po'i rtser mdzod thag dkar po'i la thod bcings pa zhig rmis/__!__zla ba de'i tshes nub/__rang nas mkhyen brtse gong ma'i rnam thar dang /____yab rje tshe dbang rgya mtsho'i rnam thar spar ma ldeb ring brgya skor yod pa gnyis/__bla ser khrom tshogs mang shas la bshad dgos snyam la/__gnas gzhi karma khra rgyal 'das pas gtam bshad lta bus de 'don dgos tshul lab pa/__rang nas bshad rgyang mang po zhig gis drangs yab rje'i rnam thar de bklags/__yang zur pa yab sras sogs sngags 'chang mang po bzhugs pa'i thang ka cha shas cung bgres pa la/__gong der rig 'dzin brgyud pa kha shas phar tshur byas nas bzhugs rgyu'i thang ka la res 'gyur 'gro ba/__skabs rer 'ja' yis dkrigs 'gro ba zhig dang /____mkha' 'gro bzhi lnga gang yin ma 'tshal ba zhig kyang dngos su yod snyam dang /____dgon chen khro nge'i phyogs zhig la'ang bka' rgya zhig bskur dgos rgyu/__bka' rgya de'ang res 'ja' dkrigs su 'gro ba sogs shin tu mang po rmis kyang phal cher brjed/__!__me phag zla 4tshes 10nyin/__gling rgyal btsun rnams byung /____de nyin bsam lhun tshogs phul/__tshes 13bkra shis dpal ldan nas/__gzims chung steng khar gdugs dkar rgyal mtshan btsugs/__tshes dgu nub klong snying yum bka'i tshogs kyi spyan 'dren/__bud med kha shas dang zhabs bro brdung nas 'don pa/__gnyid sad tshar dus kyang 'don pa byung /____!_tshes 13nub/__'od dkar ser gyi gur khyim chung ngu /____de'i nang me tog dmar po phra mos brgyan pa dang /____rig pa dang /____sems gnyis tha dad kyi/__rig pa rjen pa bde ba chen po dang dbyer med pa'i ngang dar cig gnas pa byung /____!_tshes 14nub gnyid cher med pa'i srab mo'i 'od gsal ngang /____bde mchog he ru ka'i gsal snang dang /____ka ra ka ra sogs sngags rang gis 'don pa/__gnas yul nyer bzhi'i dpa' bo rnal 'byor mang pos gar 'khrab pa byung /____!_tshes 15snga char bla ma tshe dbang rdo rjes zhabs brtan phul byung bas rten 'brel dge!tshes 18nub lha btsun chen po nam mkha' 'jigs med mjal ba'i rmi ltas byung kyang brjed/__!__tshes 19dgong mo/__mkha' 'gro gsang ye DA ki cha shas dang bcas gar bsgyur ba'i 'khrul snang /____!_tshes 20phyi mar smin gter rin po che dbur bzhugs rang rgyal dbang lnga pa yin zol dang /____grwa tshang mang po zhig 'tshogs nas sgrub pa zhig tshugs pa'i rmi nyams brtan po zhig byung kyang phal cher brjed/__!__me phag zla 6tshes 8la rdzogs chen mchog sprul rin po cher bka' brgyad dbang chen phul ba'i dbang sgrub skabs/__bla ma mnga' bdag chen po myang nyi ma 'od zer mdun mkhar gsal ba las de nyid dpal chen por gyur te/__bla ma yi dam dbyer med kyis dbang bskur ba'i mthar sngar bzhin gyur te/__chos kyi sdom gtad gnang nas rang la thim pa'i nyams shar yang /____zla 7tshes 1bar yi ger btab pa ma byung bas gsal por ma dran/__zla 6tshes 30nub nam langs/__rang bsam yas lta bur slebs pa'i khang thog zhig tu phyin pa dang /____da dung bo d+hi sa twa'i chos gos lhung bzed sogs mjal rgyu yod tshul dang /____phrin las rgyal po'i rten mdung yin zer ba'i mdung ring 'dom kha shas yod pa mnyen lcugs ldan pa zhig 'dug pas/__rang skyer rta'i nga rgyal sku tshad nam mkha'i dbyings mthor slebs pa zhig gsal ba mdung de srog rten du byas te lte ba nas drangs/__lto bar be har sku lngar gyur pa dang /____yang phyir phyungs pas sbrul lta bur gyur pa sen rdis brgyab pas sprul mgo chad pa/__slar skud pas drub rtsis ngang gnyid sad/__yang thug pa zhig gi nang 'bu phra'u zhig 'dug pa/__phyir phos pas 'bu de sbrul nag mtho gnyis gsum tsam du gyur pa rmis/__!__me phag zla ba'i tshes nam srod yol tsam la gnyid srab mo'i ngang /____ngor chen rdo rje 'chang bsgres nyams/__sa zhu rna phab chos 'chad can mjal/__mos dungs kyis sngar rmi lam skabs thob rgyu'i bsnyen rdzogs shig thob rgyu yod na snyam ngang /____de nyid gsang 'dus mi bskyod par gyur pa'i thugs nas 'od zer gyis rang lus sbyangs/__hU~M du gyur pa zhal du drangs/__nang dbang bskur/__mkha' gsang nas phyir thon pa gsang 'dus zhal gcig phyag gnyis par gyur pa'i ngang nyams sad do/____/_!__me phag zla 8tshes 10la/__smrar khams rgyal sras kaHthog dbon sprul/__rdzogs chen zhabs drung sogs mang shas la/__bdud 'dul dbang gi bla sgrub yid bzhin myur ster gyi sta gon nub/__spyir rmi lam mang yang ma zin/__khang pa zhig tu grwa pa kha shas dang lhan cig yod pa/__shugs ldan gyi gtor chog sogs dpe cha shwa ka li gang 'dug_/dar cig na shugs ldan gser thebs can khri la sdod pa'i bris thang gser ma zhig bshams 'dug pa/__rnga lcags zhig gis de'i snying khar brgyab nas/__rta mgrin zhal gcig phyag gnyis kyi nga rgyal byas pas/__mdog nag zhad can du gyur/__bris sku de 'gul ba snyam byed pas rta mgrin zhal gsum phyag drug pa'i nga rgyal gyis drag tu bsnun kyang ma do ba/__dbu dgu phyag bco brgyad pa shin tu che ba dang /____rA dza de'i srog snying drangs pa dang /____rang sems gnyis med kyi ngang du bsgral bas kho med par gyur ngang sad/__yang shing khri chung ngu zhig gi steng shar ka'i rgyal po snyi bya de/__mdog bse brod me dro'i rdza ma lta bu bya gzugs can rkang pa btsugs nas langs 'dug pa/__rang nyid lha gang yin brjed/__lha'i nga rgyal gyis phur pa thogs/__snying kha sogs gnas so sor gzir/__phur pa'i gtsug tu kha sbyar/__dbugs 'phen sdud dang bstun/__gnam lcags 'khor lo/__lcags sdig mtshon cha sogs spros pas/__kho yi lus kyi nang gang bas rdul tu brlags/__dbugs kyi rta la bskyon te rnam shes spar chog byas mthar/__phur pa mchod khri'i gong 'jog par/__phur rtser me stag lta bu'i zil can dang /____phur pa de gser 'od 'phro ba 'dug pa rmis pas chos kyi byin rlabs su go/__!__tshes 17nub rmi lam shin tu mang zhing /____dpal spungs bla ma kar lus/__phyag drug pa'i gsol ka btang der 'tshogs pa dang /____phyi gling gi 'phrul sgam lta bur legs nyes sna tshogs ston pa zhig 'dug pa'i nang /____zla grags dang /____bla ma rin po che 'brug pa'i snang brnyan dang /____shing phung mang por/__spre'u dang /____lug re 'dug pas rtse ba dang /____yang yum bka' bde chen rgyal mo'i sku gser sku chung ngu dang mkha' 'gro'i sku cha shas 'dug pa/__chu skyes kyi gzugs brnyan dang dngos gnyis la khyad par yod rabs bshad pa dang /____yang rmi nyams 'dres mar/__spang ri ser nges zhig dang rang lus dbyer med rnal 'byor ma'i skur gyur/__sku de'ang sngags dang dbyer med sbem mer nem mer gang nas/__rang lus chos kyi gter mdzod chen po yin pa'i gsal snang brjod mi shes pa byung /____phyir nangs p+Y+rul s+R+ming+ma byung /____brtag_/!_zla 8tshes 30nub/__se ra mkha' 'gro'i gter chos brtags pas/__bkra shis mang po brjod pa dang /____de'i snga nub bud med gzhon nu rmis pa/__phyi nyin sangs rgyas rdo rje'i gter chos khyer byung ba de la lta'am/__'di'i dgong kha skor zhig tu/__mkha' 'gro de nyid sku mdog mthing ka rdor dril thugs kar bsnol ba'i bzhengs stabs can gsal bas bum dbang /____rang nyid dpa' bo rta mgrin du gsal ba dang mnyam sbyor las gsang dbang sher dbang /____yang sngar gyi rnal 'byor ma des thugs kar phyag gnyis skye med phyag rgya'i dkyil/__thugs dbus 'od sngon po sgang gzugs kyi dkyil du a mthing gsal/__mthar rim gyis yal bas dbang bzhi pa ste/__mkha' 'gro de nyid kyi chos skor yongs rdzogs kyi don dbang thob pa'o/____/_!__zla 9tshes 7la/__mkhan ngag dga' rin po che'i klong snying sngon 'gro'i khrid lung /____de'i zhal slob sangs rgyas rdo rjes gsungs pa'i snga dro'i char/__mkhan chen de nyid sngar mjal dus kyi sku chas ji lta bar/__paN zhu dang rdor dril thugs kar dkrol nas bzhugs pa'i thugs kar 'jam dbyangs dmar ser phyag bzhi pa dang sku mdun dkyil 'khor chung ngu bshams nas/__nyid gter 'jam dbyangs kyi dbang bzhi gnang nas/__bum pa gsal/__rdzas gzhan ma gsal/__mthar kun bzang mthing skya mnyam bzhag can du gyur nas/__rang la thim/__rang lus d+hIHdmar ser gyur pa'i nyams byung /____chu bur mig gis ma mthong ba'i/____/shes nyams brdzun po che 'di yis/____/col chung byis pa bdag bslus 'dir/____/ngo mtshar cung zad yod re kan/__!__zla 9pa'i tshes gnas mkhan tshul khrims nyi mas/__bla ma'i nang sgrub 'bri dgos bskul rkyen gyis tshes bcur rig 'dus tshogs mchod skabs/__rang nyid rig 'dzin he ru kaHsmug po zhal gcig phyag gnyis/__g.yas DA ru snyan thad dkrol ba/__g.yon pas dril bu/__yum bde ba'i rdo rje dmar gsal/__mda' dar tshe bum can 'khril ba'i dbu gtsug tu dga' rab rdo rje/__dpral bar 'jam dpal bshes gnyen/__mgrin par pad+ma 'byung gnas/__thugs kar shrI sing ha/__lte bar bi ma mi tra sogs lam tsam gsal ba dran/__se ra mkha' 'gro chen mo'i chos skor lung zhu nye'i skabs shig rmi lam du/__gu ru rin po che'i sku tshab smug po zhal gcig phyag bzhi pa thugs kar 'od sngon po sgang gzugs can res sku 'dra/__res 'gul ba lta bu zhig yod pa rmis/__!__tshes 12nub/__brag las zam pa zhig 'gyel sham byas pa/__gdung ma chen po zhig yar bsgyel nas zam pa de brtan por byung ba dang /____'ju tsha'i bu chung gcig zhe rdzogs phyogs kyi sprul sku zhig yin rgyu rmis/__!__tshes 18nub/__bla ma rin po che 'brug pas lung bstan ldeb gsum bzhi gnang ba/__gnyid sad pa na cung dran kyang de nas yang brjed/__thang gzhi mtshal mar gser gyis 'jig rten mchod bstod kyi lha yongs rdzogs bzhengs na phan che tshul zhig dran/__de'i phyi nyin snga char mkha' 'gro'i rnam thar lung zhu bzhin 'jam dbyangs bstod sgrub zhig 'don pa'i shes snang gi char/__bla ma dang dbyer med kyi 'jam dbyangs dmar ser shin tu gsal ba'i thugs ka nas bstod pa'i sngags rang gi spyi gtsug nas thim zhing dbyangs can ma dkar mo'i sku yang rang dang je nye byung ba shin tu gsal ba'i mthar 'jam dbyangs de rang la thim pa dang /____rang 'jam dbyangs dmar ser/__bde ba'i rdo rje'i bdag nyid dbyangs can ma dang snyoms par zhugs pa'i lugs 'byung ldog gi dga' bzhi'i ye shes skyes pa'i nyams cung zad byung ngo /______/de nas chab bsang skabs sde gzhung sprul sku rin po che khams byer phebs 'dug pas de'i ltas yin nam/__!__zla tshes 20nub/__bzang gos ser por bka' shog zhig gi ngor/__bla ma sa chen dang /____sa paN/__ngor chen rnams kyi sku bris yod pa zhig dang /____yang res gser thang res lder sku yin pa 'dra ba'i gu ru za hor ma leb bzhugs dang /____khri srong /____mkhan chen gdong bzhugs la/__chos rgyal mgul phra/__yan lag phra ba sgur stabs cher yod pa la/__mi zhig gis/__khri srong dbu thod sa la thug par 'gyel 'dug pas yar bslangs pa yin zer ba rmis/__sangs rgyas rdo rje las se ra mkha' 'gro'i gter chos dbang zhu skabs/__mkha' 'gro nyid rus rgyan dang bcas rdor dril thogs te bzhugs pa'i spyi bor kun tu bzang po bzhugs pa dang /____mkha' 'gro'i dbang gi skabs gsang ba ye shes la mkha' 'gro mang pos bskor yod pa'i nyams byung ngo /______/!me phag zla 9tshes 29nub hor po'i phyogs kyi ke shod lta bu'i rong chen zhig tu brag dang /____pha waM chen por phyag rjes mang po dang /____'jam dbyangs ral gri mtho gang tsam 'bur dod dang /____a mang po yod pa mjal/__khang pa chen po'i nang g.yen mdo sbug gnyis yod par dge bshes mang po 'tshogs dbur/__skyabs mgon thub bstan rgya mtsho bzhugs pa/__dus 'khor dbang chen gnang ba red zer bas/__dga' ba chen pos dbang zhu dgos snyam nas nang du 'dzul ma phod phyi rgyab zhig nas mnyan te/__rgyun bshags sogs kyi rjes nang du sgo them steng sdod pa/__dbang rnams rgyud kyi tshigs bcad mang po gsungs bzhin/__sku gzi brjid ldan pa/__rdor dril bsnams nas gral bar byon pa/__dbang tshig thugs la 'gro min skabs/__gral sked zhig tu dge bshes shig gis phyag dpe pod gcig zhal phyes 'dug_/de'i phyogs gzigs tsam re mdzad/__nged rtsar byon nas me tog dor ra bzhag mdzad pas ngos kyis me tog dor/__de nas gsol tshig bod lugs ltar bzhes grab mdzad nas/__gral gsham zhig tu sha 'thar ba'i zas zhim po 'dug pa/__nged rang gis kham kha shas zos shing cung ngo tsha ba'i rtog pa byung /____de nas nged kyi gzan skyabs mgon chen pos chags mdzad nas sku 'gram der 'jog_/ngos la khong gi na bza'i gras/__rgya gar ther ma'i gzan mdog shin tu legs pa zhig gnang shom byed pa'i ngang gnyid sad/__!__zla tshes 29nas sgra mi snyan gyi tshe sgrub la zhugs/__tshes 30nub/__sbrul zhig gi mgo rang gi rdog pas brdzis pa zhig_/mi zhig gis thag ring 'phang ba dang /____si tu rin po che gong ma sogs chab chob mang /____!_zla 10tshes 1nub/__nang btsun g.yu sgron gyis/__gser 'gu g.yu khra legs po can byin nas rang gi sor mor brgyab pa rmis/__!__tshes 3nub/__chos dbyings 'od gsal sgron ma/__dang po brjod nor zhes pa sogs don mang po zhig_/mi kha shas kyis yang bshad mang po zhig byas pa'i mthar/__'jam dbyangs ye shes 'od mchog gi sku zhes pa/__rig pa 'od khyim phyag rgyar shar ba'i gong bu/__'od dmar smug gi sgo khyim can zhig mthong ba dang /____yang spang leb ngos shig tu ri khrod yod par/__ngos rang dang skyer sku dgon pa'i bla grwa kha shas 'dug_/mthil der spang leb rgya che ba gnyis su gur chung bgrang las 'das pa tsho gnyis/__dkyil stong pa red 'dug pa ngos rang der 'gro nas lam 'bras 'don rogs zer bas 'don dgos snyam pa dang /____skyer grwa bla rgan gcig la khyod rab byung gang nas zhus byas pas/__bra'o me rgan las zhus/__des ngor mkhan chen dam chos bzang po las zhus pa red zer bas/__ngor chen sdom rgyun red 'dug_/zhu dgos snyam pa sogs mang po rmis kyang phal cher brjed/__!__tshes 5nub/__bu mo ngo mi shes pa zhig la dbang bzhi zhig bskur ba dang /____tshogs 'khor la rol pa dang /____yang grwa pa zhig gis byi ba lta bu rnga ma med pa/__gcig rkub gcig sbrel khru gang pa zhig gis/__nged la dkri shom byed pa dang /____rang la 'brum bu mang po bud pa sogs bzang ngan 'dres ma mang /____!_tshes 7nub/__thang rgyal lder sku phyag bzos kyi dbyibs 'dra ba'i gru gang pa can zhig g.yug pa na hrob sgra grags pa zhig 'dug pa sku de g.yug pas zhabs bkag gseng nas/__ring bsrel mang po zhib pa don/__cha shas 'thor ba shel ltar dwangs pa can yang re zung 'dug_/zhabs bkag phed na 'phel gdung chen po yod rgyu red snyam ngang sku de yar bkyags pas zhabs sdom lug song ba/__gzungs cher mi snang /____slar 'bul brtsis kyi grab chis mang po'i ngang gnyid sad do/____/_!__yang tshes 13skor/__lha sras mu tig btsad po'i rang gis dam bcas pa'i smon lam bcu gnyis pa zhes bya ba zhig 'don pa dang /____lha sras de rang nyid yin pa zhig rmis/__!__me phag zla 10tshes 14la don gcig la rmi lam brtags pas/__tho rangs khros ma nag mo gsal ba zhig dang /____rdo rje slob dpon du dbang bskur ba'i dpe tshem bris ma zhig gtad pa rmis/__!__tshes 16nub/__kaHthog si tu gong ma mjal/__mkhyen brtse gong ma'i phyag bris pod gcig gzigs 'dug pa/__ngos rang gis mjal bas/__rang gi rnam thar bris pa zhig gi nang /____rgyal ba lnga pa'i sman chog yid bzhin dbang rgyal dang /____gnas chog rim gro rgyun du dgos tshul dang /____bla brang gis nyi grags dam can mgar nag zhig nor sgrub brten na legs zer ba dang /____gzhan mang po 'dug kyang ma nges pa sogs rmis/__!__tshes 18tsa turnan+da'i skabs nam gyi cha smad la/__tshar chen blo gsal rgya mtsho/__sa zhu rna phabs bzhes pa zhig yod snyam yang byed/__des nged rang mkhyen brtse'i dbang phyug yin rgyu de la bskur ba red zer ba'i phyi gling shog gu sngo skya ldeb gnyis gsum la bris pa'i yi ge zhig la/____/dri ma khyad mtshar po bro ba can zhig gtad byung ba/__bltas kyang don rnams brjed/__tshar chen blo gsal rgya mtshos bskur ba/__dmar phyogs rak+ta bzhad pa'i chos la zer ba zhig 'dug_/!_tshes 24nub lha khang nang /____gser sku gang yin brjed pa'i 'gram zhig tu/__rdzong sar sog bla lta bus/__gzhan zhig gi red zer/__'ja' tshon gter byon/__gnam lcags nag po'i phur pa gru gang zhal gsum pa/__rgyu de nyid can gyi yum gyis 'khril ba gzi brjid can dang /____'ja' tshon phyag bris gter chos pod gcig rnams 'dug pa/__bslu gtong rogs i byed snyam brnab sems chen po byas pa rmis/__!__tshes 26mkhan thub bstan las dkon mchog lhun grub bka' 'bum lung zhus pa'i dkon mchog 'phel gyi rnam thar nang /____rna ru ban+des bzhengs pa'i rje btsun gyi snang brnyan la gsol btab zhes pa'i rkyen las/__mdun mkhar rje btsun grags pa rgyal mtshan gru gang tsam/__rdor thod bsnams pa bris cha rnying pa dang mtshungs pa la gsol ba btab/__lus 'phar g.yo byung /____dbang bzhi blangs pas/__de nyid bde mchog yab yum du gyur/__rang yang de bzhin gyur par bum dbang bsdus pa/__gsang dbang bdud rtsi/__sher dbang rig ma yum la bstim/__dbang bzhi pa ye ma gsal zhing /____nam mkha' skye med ces pa'i tshig zhig 'byung snyam ngang lung sgras bcod/__dbyug pa zhig thugs ka'i thad nas 'phyar ba snyam/__mthar a yig tu gyur pa rang la thim/__rang yang ar gyur pa yal ba'i ngang nyams sad do/____/shes nyams gsal la mi gsal ba'i/____/za zir 'di 'dra rgod re bro/____/brdzun rgan dmyal ba'i las ma bsog_/dag snang dri tsam bro la/__ljang shas che bas bskor ba zhig shar/__de nub bla ma rmi dus ngo shes kyang brjed/__mchan/__gzhan zhig gis gshin rje pha rol rgol 'joms kyi gtor ma 'phangs pa/__rtse lho nub phyogs su thebs pa dang /____yang rang gis 'phangs pa/__gtor thebs sbub pa 'phar ba lan gsum dang /____gtor ma drang por yod pa rang shugs kyi gtor rtse mdun ngos snga ma bzhin thebs pa rmis pas/__tshes 9la gtor ma zhig kyang 'phang /____!_tshes 12nub/__bla ma sa chen gyi zhal thang mtshar sdug lta bas chog mi shes pa pad sdong gi rtser bzhugs pa/__g.yas g.yon mdun thams cad du ri brag shing mtsho/__dgon pa sogs bkod pa rgya chen/__sku de res mi dngos yin pa lta bu'i zhi 'dzum dpe med pa dang /____lam 'bras bla ma brgyud pa'i lder sku khru gang pa mang po'i nang dpal ldan bla ma dam pa red zer ba'i dbu zhwa med pa'i ngo gdong ring ba/__dbu skra nag pa/__phyag gnyis sor bsnol gyis ltag rgyab nas bskyor ba zhig_/rang gi lag tu blangs shing rang nyid de yin snyam gzhan sku kha shas kyang lag tu blangs pa rmis/__!__zla 10tshes 18nub/__brag ra'i rdo rje 'chang bkra shis rgyal mtshan nged dpon slob gnyis kas/__bde mchog nag po lugs kyi dbang zhig bskur yul gsal po ma 'byed pa zhig la/__dbang gi mtshams sbyor shar chen byams pa kun dga' bkra shis kyis mdzad pa yin rgyu'i lU nag gnyis kar 'jug pa'i dbang bshad bris ldeb che ba lnga bcu drug cu skor yod pa/__da lta'i 'di rnams dang mi 'dra ba'i bshad pa rgyas pa yod pa zhig_/tshang bar bklag pa min pa'i 'thor klog gis/__rig pa'i dbang lnga'i ming dbang gi mgo bar bskur/__yang gnyid sad/__yang gnyid pa na snga ma bzhin re kan/____/yang gcig byi la'i stug pa ni/____/gser du sgom nas 'di skad do/____/mgo zla'i tshes pa bzhi yi nub/____/d+hA kis gsang ba'i rol rtsed kyi/____/dga' ston chen pos brgyan pa dang /______/kun rtog rags pa dwangs pa'i mkhar/____/rang rig rgyal po pad+ma 'byung /______/dz+nyA na sA ga ra 'khril ba'i/____/mnyam sbyor bde chen bdud rtsi'i rgyun/____/babs pa rang gi spyi bo nas/____/zhugs pa yad yud gsal bar gyur/____/gu h+ya/__!__tshes 6nam smad/__skyabs rje kaHsi thams cad mkhyen par mos gus rkyen gyis/__rje de nyid gu ru za hor ma'i rnam par gyur pa'i sku las 'od zer 'phros pa'i bum dbang /____gsang dbang thod pa'i bdud rtsi'i dbus gu ru yab yum mnyam sbyor byang sems btung /____yang bdud rtsi'i dbus DA ki dkar mo bzhugs pa de rang la bstim pa dang /____rang DA kir gyur/__gu ru yab dang sbyor ba sher dbang /______/rig pa gdod nas ka dag dbyings/____/'od gsal lhun grub 'dus ma byas/____/lhun rdzogs ye shes bde ba che/____/'di ni mchog tu dam pa'o/____/zhes pa'i tshig 'di rmi nyams kyi skabs ji bzhin ma dran kyang /____rig ngor shar bzhin bris pa'o/____/mchan/__bla ma kun bzang mthing ka'i klong /____aHyig dkar po shin tu che bar gyur pa dang /____res thugs kar gzhal med khang 'od zer gyi rgyan 'phyang 'phrul lta bur snang bas dbang bzhi pa ste/__de 'dra'i rmi nyams 'dres mar byung ba/__'di ga brjed 'byams kyis gsal dag rang yang med i go/__!__tshes 8snga dror/__dad ldan gyi slob ma mchog ldan la/__bla ma yang tig gi shin tu spros med dbang skabs/__rang gi spyi bo'i steng mkhar/__gu ru bi ma mi tra ljang ser/__paN+Di ta'i chas la gar stabs byed bzhin pa'i mkha' 'gro dkar ser dmar ljang bskur bas mtshan phal cher 'das pa byung /____cho gar sum+b+ha nis bsang ba dang /____ra ra ra ra/__dza dza ya ya/__sogs sngags 'don dka' ba mang pos bsang ba zhig 'dug_/!_tshes 23nub sprul sku khyad par can zhig lha bya dgon du khrir 'don dgos pa dang /____'jigs med gling pa'i rnam thar zhig kyang bshad/__de'i don ston pa'i kun 'khor gnyis nang rtags brgyad nang spras pa/__'khor lo ngo mar ras skud dkar pos bzhi ching byas pa sogs rgod bro zhig rmis kyang brjed/__!__tshes 21khams ma dwangs pa dang /____khyad par phyi thun la nad gzhi 'khrug 'phar g.yo sogs cher byung ba cung 'thib par/__mkha' 'gro ma rnams kyis dar gyi thag pa sna lnga brkyangs nas btegs nye'i skabs/__mkhyen brtse ye shes rdo rje yin snyam pa'i sngags pa dbu skra nag po thor cog can/__gcer bu ang rag mnab/__ral gri 'phyar ba zhig gis nam mkha' nas dar thag bcad de/__mkha' 'gro ma rat+na dang /____ngo mi shes pa gnyis tsam dang khyad par A yu dI pa~M gyis gos dmar phu dung /____smad dor ma byas nas gyon pas/__rang gi g.yas zur nas sna tshogs rdo rje stan zhabs su bting ba'i mthar sad do/____/'di'i snga nyin dang de nyin skor 'ja' sprin legs pa dang /____rgod mang po lding ba sogs byung /____rdzogs kong gi sku gdung zhugs 'bul gyi ltas yin nam gleng /____!_zla 12tshes 20nub/__gling rje'i tshe yum thun tshugs par/__mchog ldan dang nang chen grwa pa gcig_/stod phyogs dngos rdzas rtsa chen zhig len btang ba phyir 'byor nas/__grwa pa gcig de lho lang dkar dgon du sdod chog thabs zer/__yang bar khyams 'gag tu yig brgya'i sbyin sreg rang gis btang /____sgo 'gag tu tshe dpal nyal/__sgo rgyab bkra shis don 'grub 'dug pas/__tshe dpal nas de la skad cha ci go shod zer nas/__tshe dpal langs nas song /____yang rang gis paN zhu dmar po nang tshangs can mgor leb bzhag gis/__khams bye'i phar ka'i lcang sdong rtsar zog mang po dang /____mi kha shas 'dug pa brag 'dre red zer zhwa g.yug nas 'gugs pas/__dang po khyi gcig byung ba lcags tshan brgyabs nas bsad/__mi gnyis 'dug pa phur pa btab pa sogs byas nas dam la bzhag pa rmis/__yang nyi mthong nang gling sgrungs bshad de/__nga rang khro thung yin mdog gis mang po bshad pas/__bsam gtan nas sgrungs yig khyer byung bar/__rgya 'bor bkram nas 'don grab byed pa dang /____kaHsi rin po che skor tsam byon nas phebs song ba dang /____yang rje mi la lder sku gru gang par tshon gsol ba rmis/__!__tshes 21nub/__mkhan chen ngag dga'i sprul sku'i don rtsa lta bus der phan gyi rim gro yin rgyu'i sder ma mang po'i nang /____zas dkar dmar mang pos bkang ba grangs med pa bsgrigs dgos pa dang /____ba dan dkar po ha cang mi ring ba grangs med pa sogs dpyad mi shes pa mang po rmis kyang brjed/__!__tshes 22nub/__dis sprul gsal dga' rin po che yar mar brgyud nas/__la dkar A yu d+harma dI pa~M la yi ge kha shas brgyud pa dang /____tshogs 'khor gcig byas pa dang /____dkyil 'khor chen po gcig bshams kyang gang yin brjed/__!__tshes 23nub/__la dkar khang pa yin snyam zhig tu/__li ser rdo rje shin tu che ba/__sked pa lhu bsgrig pa lta bu'i sne ya nas bkyag dus phyed chad 'gyur dogs dang /____yang pad lu nas dngul gyi shub yod pa la gter gyi gter ma yin rgyu'i rdo rje chung ngu zhig dang /____bu chung rdzong sar nas/__rdzogs chen 'gro dgos/__rdo rje yang de la skur rgyu byed kyang /____lam bar nas mgo mi thon zer nas btang rgyu ma gru ba sogs rmis/__!__tshes 24nub/__brag sngo nag gyen langs zhig gi rtsa bar/__gsal dga' nged gnyis 'dug pa/__'gong po ar gtad byed dgos kyi brag de la gsal dgas brgyab pas/__brag khung bug pa'i nang rgya mtsho yin rgyu'i chu/__dbugs tshur rngub pa na tshur byung /____phar btang ba na brag tu phar 'gro ba'i zil can zhig yod pa der gtad dgos rtsis las rgyeb rgyu byung snang med/__de sogs mang po rmis kyang ma dran/__!__tshes 25nub/__gzims sbug nang mar zhe chen skyabs mchog pad+ma bi dza gong ma de bzhugs par zhal da gnang zhing /____dgon chen nas 'byor ba'i yig rgya mang po phed 'dug pa/__'di khyod la yin 'dug gsungs pa/__sde dge'i phyag bris/__spar drung nas sum bid sogs rtsom mang po brgyab pa'i don rtsa/__si tu gong ma lha ldan byon rgyur brtags pa sogs dgos tshul dang /____yig rten du/__mkhan spyar chos gos kyi le'us spras pa/__de steng rgya gar ther smug gi chos gos/__nor chab kyi le'us spras pa kha gsar dang /____rtsom de kho rang nas 'di 'dra mi thon/__gzhan la dper byas pa yin 'dra sogs rin po cher zhus/__yang sku 'dra li ma mang po dang /____sa chen kun snying gi chab tog yin rgyu'i li dkar gyi chab bum zhig bcas 'bo ra zhig tu bsgrigs pa'i nang tshe dpag sku bal li li dkar khri rkang mthon po/__rnying nyams che ba yum gyis 'khril ba mtho gang pa zhig rang gi blangs nas gzim phug mchod gral du 'jog pa dang /____chab bum du rang gi dri chu bsil ba rmis/__yang kaHthog gzim chung lta bu dpe mdzod mang po yod pa dang /____gzhan zhig gis dpe cha khams bod nas nged la bskur zer ba zhig zhal phyes pas/__jo nang rje btsun bka' 'bum spar ma legs pa gras smug po can pod kha shas blangs byung ba/__da lan lung zhu bar phan thogs 'dug snyam dga' ba skyes pa sogs rmis/__!__tshes 26phyed yol dus/__sngags srung ma yin rgyu/__dar sna tshogs lhab lhub yod pas/__sa skam lta bu sngon po/__phag phag dar tshon gyis brgyan pa/__gzhi khri'i khar 'jog pa'i shes nyams byung ba/__phyir nangs gsal dga' rin po ches gter gsar dbang gnang byung bas der blta'am/__!__tshes 27nub/__la dkar nas shel stegs steng /____shel sna tshogs pa ka ba btsugs pa lta bu yod pa de/__'jibs pas 'o ma lta bu'i mngar ba zhig myong ba'i nyams/__gnyid srab mo dang 'dres pa byung /____!_sa byi zla dang po'i tshes nas rmi lam yi ger zhib bca' bri rgyu ma byung zhing spom ka rnam rgyal rdo rje dang /____gzhan stong dbu ma'i bgro glengs sogs mang po byung zhing /____rang lo bdun cu skor gyi ltas dang kaHsi rdo rje 'chang dang mjal ba rmis pa dang /____g.yang skyabs kyi khang pa hrul po zhig tu/__bka' gdams mchod rten/__nyi zla zar tshags can/__rtse gru gang pa yod pa dang nyag phyogs nas yin zer ba'i bud med mdzes ma gnyis la/__rten 'brel gyi brda' thabs byed pa sogs rmis kyang phal cher brjed ngas su gyur to/____/_!__sa byi zla 1tshes 3nub/__dus 'khor sgrub mchod zhig rang gis bton nas gzhan la dbang skur byed grabs sogs rmis kyang brjed du thal/__de'i dgong kar shes nyams la bi ma paN+Di ta'i chas/__stod gos sngon po'i sha 'gags can gyis glegs bam zhig gi sdom gtad bgyid pa byung bas/__phyir nangs tshes 4la/__mkhan nus ldan la mu tig phreng ba'i rgyud 'grel sogs kyi lung spel dbu tshugs/__!__tshes 4nub maN+Dal grangs bsog pa dang /____d+hA ki mdog dmar po thod co can/__mgor zhwa gyon pa zhig gis dga' ba'i rnam 'gyur ston pa dang /____kaHthog tu tshes bcu gsang 'dus gsungs nas bkra shis sil snyan ngos rang nas brgyab pa/__sil snyan ya de la skyon chen po 'dug kyang chag skad ma grags/__!__tshes 5nub dkon chos khang pa zhig tu nyal nas sdod pa/__nged nas na rgyu dris pas mo 'di 'dra na song zer/__lus 'khor mo rma shu bud nas yar sos rjes khra bo red 'dug_/da lta rna gting shin tu gzer zer/__'gram ya skrang nas 'dug pa/__nged nas khrus shig byas/__yang mi zhig gis nged kyi pang du rdo rje rtse lnga li ma chung ngu zhig 'dug pa khyer song /____yang sgam gcig gi nang /____gur mgon yin zer zangs sku blugs ma yum gyis 'khril ba'i tshang ra dbyibs gru bzhi yod pa/__rtsa phyag phur bu 'dril ba dang /____de'i g.yas logs dpal mgon zhal khra zhig 'dug_/ut+pal glegs bam gser ma ring po zhig yan gar 'dug pa de gar 'jog ma shes nas yu ba ring po bcad nas zhal khra la tshad kyang ma 'grig mthar mkhyen brtse'i 'dra zhal ber thul can de'i phyag mtshan yin 'dug kyang /____yu ba bcad pas 'gyod pa skyes pa rmis/__tshes 5yi dgong mor/__mkha' 'gro ma rigs lngas gar stabs byed pa'i shes nyams byung /____!_tshes 7nub/__gsal dga' rin po ches/__sne khrid kyis/__bkra dga' zhes pa'i mdun bcar dgos zhes gsungs dang /____dbang khang nang slebs 'dug_/mo khreb zhig dang /____bu mo chung ngu gnyis yang g.yog mo gcig na gzhon/__grwa pa gcig bcas mnyam du byung nas/__nged kyi sngon du 'dug ste/__mo bag ma song nas na ba rgyun mi chad 'dug zer/__rang nas rnam sras rtsar 'gro mi/__to ru tshang bu mo de i yin snyam/__bu mo chung ngu des nged la dga' bar byed kyang /____gzhan gyis ma 'gom zer phyir 'then/__bu mo gcig de dang rang gi brang sogs sha rjen gtugs te yun ring sbyar 'dug pas bde ba skyes/__g.yog mo de phyir song /____bkra dgas sgam chung nang sku spar mang po 'dug nged la byams sku dang /____gu ru chung /____sgrol ljang /____thugs chen pad rgyal chung /____mkha' spyod rnams g.yar dgos lab pas chog zer ses thus 'ga' zhig byas song /____phar tshad na dkyil 'khor bshams 'dug pa dang /____'thud sgar nyis brtsegs steng mar me zhig sbar 'dug_/dang po 'ongs dus nged la 'thud byin pa zos pas ro phun sum tshogs/__'gro khar nged la 'thud bskur 'ong dgos byas pas 'bul chog zer ba sogs rmis/__!__tshes 8nub/__khang pa zhig tu skas ring zhig la 'dzegs pas/__skas ldem 'gugs kyis yang 'dzugs byas pa dang /____ro gnyis zam zhig gi nang 'dzud pa'i khar rdo rje 'jog pas/__ro gcig ldang shom byed pa rmis/__!__tshes 9nub/__dbang khang du tshogs shig gsal dgas gsungs pa/__nged nas gar 'cham dgos skad kyis rdor dril dang gzan 'thug gyon nas 'ong ba/__sprul sku thor cog rigs lnga mnabs nas bzhengs/__nged la dbu gtugs pa dang dar btang /____nged la ka mgo nas dar zhig gtad byung ba mes phyed tshig red 'dug pas/__tshur gnang ba'i dar ka de phul bas/__'dra zhal mdun der bzhugs pa/__rgyab nas mar mes gnod dogs kyi phyir 'then pas bzhengs nas gar la go 'jo grwa gnyis nas mjal chog thabs gsungs pas legs so zhus/__dar gar gos sogs gyon dgos snyam nas bar 'gag tu khri ber rnying pa chen po 'dug pa phed nas gar gos yin rtsis gyon shom ngang sad do/____/_!__tshes 10nub/__'jam dbyangs sa paN sku mdog dmar ser thugs kar 'jam dbyangs bzhugs pa'i sku tshad che ba mjal/__dbang blangs/__'jam dbyangs thugs kar as mtshan pa de rang la thim pa'i nyams dang /____lha khang zhig tu chos skyong lder sku mang po bzhugs pa'i gral mthar shugs ldan snum bag can 'dug pa/__gzir bas phrin las sgrub pa'i rtags ngom pas/__gtor 'bul nang mchod byin/__yang g.yon logs shig tu sku gcig 'dug pa/__rang 'jigs med gling pa'i gsal snang bzhugs stangs dang bcas shin tu gsal zhing /____res rta mgrin du gyur nas shin tu gzir bas/__kho'i lus thams cad ar 'dus nas/__rang gis dbang du byed pas kho'i srog dbang du 'dus song snyam ngang gnyid sad/__yang zhing mo'i bu mo gnyis ngos rtsar phyag zhabs bcar dgos skad kyang rmis/__!__tshes 13nub/__smrar khams rgyal sras dpon slob nas rgya yi shing mngar shin tu sbom po dang /____ar nag sogs byin pa dang sras mo g.yu sgron gyis bu chung zhig phyar bar bsnyal nas zhal ta mang po byed pa/__rig 'dzin mchog ldan mgon po'i rnam thar bshad pa'i phyag rdor rje yi yang gter yin rgyu'i dbang zhig 'don pa sogs rmis/__!__tshes 14nub la dkar pad lu ne mtshan 'byor nas/__pad lus skad cha mang po lab kyang brjed/__dril bu chung ngu dang DA ru zhig 'dug pa/__ngos nas blangs/__DA rur rdul 'dug pa phyis pas/__rdzab spus legs lta bu'i mthong ma myong ba zhig 'dug pa/__shing ci red bris pas pad+ma ge sar red zer/__nA ro'i thugs dam pad+ma rA ga zhes pa'ang shing 'di 'dra'i phyag phreng yin nam snyam sogs mang du rmis kyang brjed/__dgong thun nyams kyi snang char/__rje mi lar gus 'dud byas pa'i rkyen gyis/__rje de sku sngo sangs/__ang raka ras gzan dang /____phyag g.yon mnyam bzhag_/g.yas sa gnon/__zhabs pus g.yas slong /____gnas lngar oM AHhU~M swA hA las 'od zer kha dog lnga 'phros/__rang gi gnas lngar thim pa'i nyams byung ngo /______/!tshes 21nub/__dis sprul gsal dga' nged cag gis/__sman sgrub 'dzugs pa'i sman zhal phyes pa las/__sman 'dam gyi gu ru'i sku zhig bzhengs grab byas pa rmis/__!__sa byi zla dang po'i gnam stong nub/__bod kyi rje btsun lo chen dngos mjal gyis/__nged la zhabs brtan zhig gnang ba dang /____!_zla 2tshes 1la rdzogs sprul lnga pa rin po che las phur pa rgyud lugs kyi dbang thob pa dang 'dre gdon gyi gnod pa zhig kyang rmis/__!__tshes 2nub rdzong sar 'du khang du rang nas lam 'bras 'don te sems bskyed mgor slebs pa dang /____!_tshes 8nub/__mgon po yin zer ba'i 'cham gos legs po gyon pa bcu skor ngos kyi khri rgyab nas thon/__sgo shub tu 'cham byas nas yar ldog byung ba dang /____seng gdong ma'i chos skor zhig rmis kyang de 'phral tho ma bkod pas zhib bca' brjed/__!__tshes 9nub/__jo mo lo khreb grwa chas can ngo ma 'tshal ba zhig gis/__byis pa lo brgyad tshod tsam zhig gi ro/__'ga' dkar gyis bsgril nas nged la mgo phyogs nas 'jog pa dang /____la dkar gyi khyim yin rgyu zhig tu/__gtor sgrom nang snying thig rtsa gsum rten gtor 'dug pa'i gral mgor/__yum bka'i gtor ma smad dmar/__stod dkar po/__dbyibs rje gong ma'i gtor rnying de 'dra ba/__sngar rdzong sar nas dpe bshus pa yin 'dug zer/__lag tu blangs pas/__shel snod kha pad+ma 'dab brgyad can/__gtor ma de dmar ltem gyis de'i nang zhu 'dug pa dang /____dkar mo stag tshang lta bu'i thang shing chen po mang po yod pa'i ri khrod zhig tu phyin pa sogs rmis/__!__tshes 10la/__tshe yum bdag 'jug dngos grub blangs zin rjes/__a 'dzom 'brug sgar nas sgrol dkar tshe ril dung sgrub ril bu 'byor bas rten 'brel bzang /____mda' sor gcig lhag_/'di nub brag ra rdo rje 'chang bkra shis rin po che las sgrol dkar tshe sgrub rjes gnang nos/__!__tshes 11nub/__gnas ri zhig tu brag sngo khram gyi phug pa zhig gi nang /____gter sgo gru bzhi pa gnyis dang /____yang che gcig_/de rnams las chu 'bab pa/__dbang zhig gzhan la 'don pa rmis kyang brjed/__!__tshes 12nub/__gling yab rje bde gshegs dang po yin pa 'dra ba/__zhib par bltas dus da lta'i yid bzhin lta bu zhig_/ngos kyi gam du na bza' zla gam gyis sku smad dkris nas/__phyag tu phreng ba zhib mo rgyan dang 'phan dzar mang po yod pa bgrang nas dgyes pas zhal ta byed pa rmis/__!__tshes 14nub/__'jam mgon mi pham rin po ches phyag dpe tshan pa gcig bsnams nas gsungs pa rmis kyang brjed/__khang pa chen po zhig gi nang rgya gcan bsgrigs pa zhig gi steng nas/__spang leb zhig yar blangs pas/__'og na ra ba chen po rta btags sa zhig tu khel 'dug_/lag pa brkyangs pa gad pa 'dra zhig tu/__dkar po phran bu lag sor rtser 'gos pa ldag pas/__ro bro ba khyad par can zhig 'dug pa/__mi gcig gis bskal pa bzang po'i sa zhag yin kyang zer/__de nas dpe chob pod gcig blangs nas yar steng khar 'ong ba/__gzim skyil ltag mar mkhas dbang bkra 'phel nas chos shig gsungs pa de zhu bzhin dpe pod de phyes pas/__gsar lugs sgrub skor lta bu/__bris ma shin tu mang bar 'dug_/shog gur bsgril ba zhig 'dug pa phyes pas/__khrag 'thung bde gshegs 'dus pa las pad+ma dbang chen bzhugs so zer ba'i shog ser legs par mkhyen brtse'i phyag bris 'dug pa/__bkra 'phel nas ci red gsungs pas/__gong ma'i gter chos 'bebs gzhi red zhus/__gsal dgas kyang mkhyen brtse'i phyag bris la 'dra bcos nas 'di 'dra bri mdzad 'dug kyang /____dngos ni mi thon 'dug zhus/__ldeb gcig brgya skor/__pad+ma dbang chen rgyud le'u brgya dang sum cu tham pa 'dug_/mthar lung bstan yod na gsal dga' yod i 'ong snyam bltas pas/__lung bstan bsdus tsam zhig las rgyas pa med/__sa ma ya/__zhes phab byang mi 'dug pa zhig sogs mang po rmis/__de'i sngon gsal dga' dang zhal da mang po byas pa rmis kyang brjed nas thal lo/____/_!__zla 5bar jo nang gi bka' 'bum lung zhu skabs shig gi dgong ka nyi yol du gnas skabs/__mkha' dbyings ngos khri steng /____rje btsun sgrol mgon rab byung chas dbu zhwa can/__rnal 'byor ma kha shas kyis bskor ba mjal snyam/__gsol btab dbang blangs byas/__!__sa byi zla ba lnga pa'i nang /____gter gsar bla ma'i tshe sgrub skabs/__zhag shas rmi lam 'khrugs nyams dang /____tshes 21nub/__bkra shis rdzas brgyad zhe chen dbu mdzad sogs dang mnyam du gdangs rgyab nas/__rdzas brgyad gtod pa dang /____rang gis thang ka 'dra ba zhig la lha ngo bstan pa ltar byas nas/__rdzas rtags sna bdun rang gdangs byas shing /____gos chen smug po'i gos nang tshan can kha gsar gyon pa sogs rmis/__!__bla ma la phyag 'tshal lo/____/ban hrul dkor zan sa byi zla 8tshes 12la/__mchog sprul gsal dga'i dgongs gter rig 'dzin bla ma'i tshe bsnyen la zhugs skabs/__tshes 12nub/__pad+ma shel phug lta bu khang pa de las che ba zhig gi nang /____dkyil 'khor zhig phug zhig tu bshams/__kaHthog rdor slob gshegs pa rta bla chos grags/__na bza' legs po zhig bzhes nas khong da lo 'das rgyu yin yang yang zer ba dang /____nged nas khyed lo gcig la 'das mi nyan tshul gyi zhabs brtan zhus pas ya mi zer/__yang gnas de nyid du ngos rang dpon slob mang pos/__'khon phur gyi bzlog pa zhig tshugs pa'i bsgral ba la ngos rang gis 'cham gang dran mang po byas/__zor la mda' gzhu thogs nas/__shel phug gi sgrub khang steng gi phyi sgo'i thad der/__shugs pa khe tshe sdong skam zhig sa la rten 'dzugs skyes pa der shog ling sgron 'dug par/__mda' brgyab pas/__shugs skam de la 'dzer bas/__der yod rnams ngo mtshar skyes/__nang du logs nas ban+d+ha dum bu zhig gi nang /____zan ling gi dum bu gnyis khyer nas phyi nang gsang ba'i dbyangs dang sbrags 'cham stabs nyams can byas pa rmis/__!__tshes 12nub/__karma bco lnga pa rlangs dpal skye ba'am gdung brgyud red zer ba zhig 'das nas nged kyis 'pho ba byed pa rmis pas cung 'tshub 'dra/__gnas dge ngag dbang shes rab 'das pos/__gnas ra'i khang rgyab nas grum rtse 'thags pa dang /____rang nas rdzong sar 'tshogs gdan grum nar bcu la mi brgya re shongs pa 'thags dgos pas bal rgya ma ga tshad 'gro gros byas pa dang /____rdzong sar gzims skyil grwa khrir ngos rang zla gam srin 'bog can gyon nas 'dug pas/__sa skya'i bla bskos shig gis gcin btang ba sogs za zi mang /____!_tshes 13nub ge sar mchod gsol rgyas spros gcig byas pa rmis kyang zhib bca' brjed/__gdong sna sprul skus phur pa khro zhal can ring po zhig_/zar khra rnying ba zhig gis bsgril nas khong la srung ba ngos lag yod zhig dang brje rogs zer ba/__rten sgam bang bar rgyu nor gzhan mang po dang /____rten rnams 'dres pas/__sgam chung gter rdzas yod pa'ang 'khrugs nas stong pa 'dug pa/__'khrugs sdebs kyis sgam der 'dzud pas rten sne gnyis gsum ma tshang ba rmis/__!__tshes 15nub/__dpe cha mang po yod sa zhig tu/__bla grwa mang po zhig la zhi ba lha yi bstan bcos bslab btus tshigs bcad ma zhig blo la ldeb lnga drug bton nas de mtshams ma 'gro ba/__dpe cha spar ma ldeb thung khyer byung ba 'don pa dang /____gling btsun skal chos sogs dang lhan cig_/gnas gsar thugs chen yang snying 'dus pa dang /____yang gsang bla med rnams kyis skal chos sgrub pas/__dbu sogs rus pa krum krum du gyur/__mgo nas mar zos pas sngar za ma myong ba'i ro phun sum tshogs pa dang /____skal chos gcig ni zur nas phar bltas 'dug pa'i rgod bro ba rmis/__'di nyin byin rten khrod nas shAkya de wa'i dbu thod ril bu zos pa la blta'am/__yang rdzogs sprul dpon slob rnams dang /____nged rang bcas pas shing thog kha sur mang po dang /____shing thog ser ril zlum po yod pa'i thug pa drangs pa sogs rmis/__!__tshes 16nub/__mkha' 'gro rigs bzhis phyogs bzhir brtan bzhugs yin zer/__gzhung me thab brtsigs pa'i sna nas zhabs rjes bdun nar bsgrigs la mchod rdzas ri mo shin tu rgyas pa dang /____byang gi de gling btsun cung khro nyams can gyis byas pa sogs mang du rmis kyang brjed/__!__tshes 17nub/__rdzogs chen mkhan po lha sgang 'dra ba zhig gzims skyil du yod pa/__gro gcus dang /____gsus 'ja' la zhig lag gis yang bzhag byas te/__ldan min 'du byed red zer/__de yin lugs ci 'dra red dris pas red zer/__bden gnyis shig shod dang byas pas/__thal rang gi bden gnyis 'jog lugs bshad/__zung 'jug chen po sgrub tshul shod byas pas kyang bshad song /____yang 'brug yongs 'dzin zer ba'i na bza' dge bsnyen chas/__dbu rgag snyan gong g.yas g.yon na skra spu ra yod pa zhig gi mdun/__phi ling shog sgam sngon po lta bu sgril mo zhig phyag gis bsgril 'dug pa/__rang nas gsol 'debs 'don zhing /____bla ma grub thob kyis brdung rdeg byed na ci shes snyam ngang /____bla ma des phyag nam mkha' mdzod rgya bcas nas/__nged la che brjod dang 'brel ba'i smon lam gnang bas/__rang rig ka dag spros bral lta ba ji bzhin rnal mar yod ngang /____gnyid sad pas spros bral lta ba rtogs song snyam pa'i rjes shes kyang skyes pa de'ang sad pa ltar gyur/__!__tshes18/__mig dmar dbyu gu'i 'grub sbyor la ge sar rgyas pa mchod nub/__zhe chen rgyal tshab gong ma dang /____kaHthog si tu paN chen gnyis chos kyi bgro glengs mdzad pa dang /____mkhyen brtse gong ma'i dbu thod red zer ba'i thod tshal 'thug po nang ris rgyas bkra sor bzhi tsam dang /____gzhan thod pa mtshan bzang kha yar dang /____khams byer ma Ni rdo rgyab mang po khal la bkal ba sogs rmis/__rang sems dga' ba'i bde ba chen pos/____/rjes su chags pa'i rdo rje'i mdas/____/gling dkar tshe 'dzin rgyal mo yi/____/mkha' dbyings pad+mo'i chu skyes 'bigs/____/phyi dang nang gi 'phrul thabs kyi/____/ngal ba brgya phrag brtson byas kyang /______/bde ba'i de nyid lta ci zhig_/rtsub mo'i tshor bas gdung bar gyur/____/rgyab kyi rol ba'i stabs kyis ni/____/pad+ma'i 'dab ma sor mos kyang /______/'byed dang badz+ra rol pas kyang /______/sra ba'i brag la bsnun pa bzhin/____/bde ba'i 'byung gnas chen mo des/____/rgyab phyogs rdzogs pa'i sangs rgyas las/____/gzhan la bu ga dmigs pa bral/____/zhes pa'i gling bu sgrogs pa na/____/dal gyis lhod de ci bder gnas/____/shin tu dmar ba'i mtshal chen gyis/____/lus kyi zom dang yan lag la/____/rab tu mdzes par brgyan pa ni/____/dung la pho tshos bskus pa ltar/____/ya mtshan bkrag mdangs cir yang rgyas/____/de nas yum chen kal+b+ha dra/____/ring du bzhugs par dam bcas kyang /______/dus kyi myur bar chas pa na/____/rab tu brtse ba'i ngag 'jam pos/____/khyed dag 'jam dbyangs slad nas mthong /______/nged kyis mthong ba de ring tsam/____/gsungs pa'i mod la mdas bsnun pa'i/____/tshor ba drag pos yid ni mnar/____/'dren byed chu yi zil pas brlan/____/de dag gi ni skabs rnams su/____/khro yi gangs chung mas bskrun pa'i/____/phyug dmag gi bu yar/__da lta ban+de lo khreb zhig dang gnas pa/__khye'u lo tshad gnyis pa can/____/gzugs bong che/__skra yi lan bu sil grol ba/____/dam pa'i rigs mtshan khyad par can/____/gzhon nu/__ma bu'i tshogs kyang lhan cig rtse/____/de ni bdag dang gnyis med pa/____/yin pa'i nges shes dag kyang byung /______/zhes smras pa'o/____/_!__tshes 19la/__phyi thun skabs/__bdud 'dul gro lod kyi bsnyen sgrub zhig stag tshang lta bur sdod na snyam ngang /____mdun mkhar gter chen de nyid sngags chas/__o rgyan pad zhu/__dbu zlum/__g.yas phur bu/__g.yon thod pa can/__g.yas pa'i phur pa 'phyar zhing /____lta stang gis hU~M sgra sgrogs pa dang /____khro chung mang po spros mthar/__bla ma tshur la byon mthar hU~M dmar du gyur/__rang thim/__rang hU~M dmar du gyur pa'i nyams byung /____de nub bla brang nang khang srung ban rgan zhig bzhag_/thams cad thel mnan gyis rang gzhan du 'gro grabs byed par rmis/__nam langs rab gsal tshur phyes pas/__smug rlangs 'khrigs pa'i nang /____dpa' bo ging chen grangs med kha dog sna tshogs pas rnga ging bsgyur ba'i shes nyams gsal/__!__tshes 19nub/__khro dga'i sras bla ma sogs la/__'dod 'jo bum bzang gi dbang chos skyong rnams kyi dbu bar du bskur nas/__nged gzim khang dbang khang du na 'dug pa/__gcer bur nyal ba sman pa zhig gis khog smad du me btsa' 'jog cing /____snum gyis byugs pa rmis/__!__tshes 20nub/__sku 'dra mang por gzungs gzhugs phul/__rje gong ma'i drung yig tshe ring bkra shis kyang der grogs byed yod pa rmis/__!__zla ba brgyad pa phyi ma'i tshes 3la mkha' 'gro yang tig gi bla sgrub 'don skabs/__gu ru gzhung ltar mkha' 'gro sde bzhis bskor ba dang /____shog ser lta bu'i dpe mang po rang gi khar thim pa'i snang ba dang chab gcig 'phar g.yo byung /____!_tshes 10nub/__sgrol ba'i mgon po'i bka' srol/__sangs rgyas rab bdun/__pur+Na badz+ra'i zhabs las brgyud pa red zer ba'i dpe cha zhig gi rjes gnang bya shom byed pa rmis/__!__tshes11/__DA ki la 'jug pa'i sgo nyer lnga pa zhes bya ba'i spar ma ldeb chen ldeb gcig brgya lnga bcu yod pa'i lnga bcu'i mtshams nas de'i dbang chen bya rtsis sogs rmis kyang ma dran/__zla tshes nub/__mtsho chen po skya nyog ge ba zhig gi khar/__nged dang /____dis sprul gsal dga' rin po che nged cag mang po gnas pa/__mtsho de'i nang nged la gter zhig yod shom gyis/__len sar rdzu 'phrul gyis 'gro shom byed kyang ston rgyu mi 'dug_/sked la thag pa 'dogs nas 'gro dgos kyang dran/__dar cig nas nyams 'ur ba lta bus snang ba zing zing gyur te/__skyil krung bcas mkha' la 'phur ba mtsho gzhung der babs nas/__gur zhig gi nang du phyin pa dang /____gter gyi nges pa ni ma byung /____grwa pa gzhon nu lo brgyad tsam pa gzugs mdzes pa zhig gis/__nged kyi snying gar thod pa gtugs nas dad gdung byed pa dang /____rang gis yang dga' tshor dang /____skye sngon nas 'brel ba yin sems/__yang gzhan zhig la mnga' gsol lta bu zhig byas kyang gsal po ma dran zhing /____ming la don yod thub bstan phrin las kun khyab/__ces 'dogs pa zhig dran gzhan brjed/__!__zla ba brgyad pa phyi ma'i tshes 17skor zhig tu/__rdo rje 'chang kun dga' bzang po lam tsam gsal/__gsol 'debs mos gus drag po byas/__!__sa byi zla ba brgyad pa phyi ma'i tshes 18nub/__blo gros gti mug ro nyal gyi nam smad la snang sems dbyings thim rtog med zhig gi ngang /____tshe dpal lo bzhi bcu zhe drug la bar chad shin tu che/__de la bzlog rim/__spyan ras gzigs bcu gcig zhal/__phyag stong gi sku bzhengs/__thugs chen yi dam rgyun bsten byas na/__drug cu re gsum thub/__de las brgal dka'/__de brgal na bdun cu skor 'tsho ba shar/__gu h+ya/__!__tshes 19snga dro/__dpal ldan lha mo dmag zor ma 'char ba/__rang dang 'khril bas bde ba yud tsam skyes/__srog sngags/__b+h+yau yig mang po lhugs se byung ba rang la thim mthar/__rang lha mo'i sku lam gyis gsal/__dkor rkyal brdzun rgan chos med blo gros/__sa byi zla ba brgyad pa phyi ma'i tshes 20phyi dro/__bzlas thun khar rlung ldang bas a gar so lnga 'thung ba'i sman rtas gzi ber tsam byung ba na/__dran chog rtsa ba'i bla ma rdo rje 'chang blo gter dbang bo'i sku dbyibs shin tu gsal ba/__phyag gnyis chos 'chad mnyam bzhag can gyis/__bu nyon dang chos kyi blo gros pa/____/rgyud zab mo dgyes pa rdo rje yi/____/bskyed rdzogs zab mo'i rnal 'byor la/____/ma yengs thun bzhir rtag tu sgoms/____/tshe tshad drug cu re bdun gyi/____/bar chad 'phrang las brgal gyur na/____/brgyad cu gya lnga 'tsho bar 'gyur/____/'chi med sbyor ba stobs ldan na/____/brgya dang lnga bcu 'tsho yang srid/____/ces gsungs pa'i nyams de'i ngang /____bkra rnam byung bas sad par gyur to/____/tshig ris cung zad re nyams na las don dngos 'di yin no/____/lo drug cu re drug dang re bdun cung the tshom gyur to/____/_!__zla ba brgyad pa phyi ma'i tshes 24la rmi lam du/__shel dkar leb nar zhig gi dkyil shel gyi gong bu gcig gi nang /____ge sar dgra lha wer ma rnams kyi rten red zer ba'i yungs 'bru lta bu mang pos/__til gong bzhin gtams pa rang gis zos pa rmis/__yang ras dkar po'i yol ba lta bu leb phyi nang dang /____gong du snag bris rkyang pa byas pa'i sangs rgyas sku bgrangs las 'das pa/__mig gi mngon sum bltar yod pa lta bu dang /____ge sar nor bu dgra 'dul/__dpa' thul kha shas bcas rang lus la zhugs pa'i nyams gsal/__!__tshes 25nub rmi lam du/__gsal dga' nged gnyis lhan 'tshogs/__mkhyen brtse gong ma'i phyag bris bla ma sku bzhi'i sgrub skor ldeb 'bring mang shas/__tshan pa gcig mdzad 'phro'i lung gsal dgar zhus/__de'i thugs dam bskul ba'i gsol 'debs ldeb gcig_/khong gis g.yar bsnams dgos gsungs pa dang phyi nyin gru gu gter mkhar nas phyag bris 'byor/__rjes nas dpyad/__kaHthog 'du khang khri mthon por rang sdod/__si tu gong ma yang dgyes pas bzhugs/__cho ga gcig gsungs pa ma nges/__cha gsum gtor ma rgyas pa gsung pa'i phyag rgya mang po rin po ches mdzad/__phug tu lha chen sku gang yin ma 'byed pa zhig la/__stod rgyan lcags kyi drwa phyed rin po che'i khra tshom can khyad 'phags la/__rgyab yol sogs kyi zangs cha shas rku la shor zer nas yar 'dzer ba dang /____dam nyams zhig gi ro seng+ge rnga mar sreg pa rmis/__!__tshes 26nub/__zhe chen rab 'byams rin po ches phur khrom rnying pa zhig bsnams nas byon 'ong ba dang /____de rang nas bdag gir byed ngang /____brag phug chen po phug nas chu 'byams pa zhig gi nang yang yang phyin cing /____dgun ka der chu yod dam med snyam pa'i dpyad pa dang /____phur pa khro zhal can/__byis pa lo brgyad tshad tsam tshon med zhig gi gdan mtho ba yod pa sogs rmis/__phyi nyin khol ri rgyal sras mchod bsngo/__rtser pad+ma chos rgyal gter ma red zer ba'i khro phur zhig 'byor byung /____!_tshes 27la/__skyabs rje si tu rdo rje 'chang dgyes pa chen pos mjal ba dang /____lha khang chung ngu zhig tu rdzogs sprul da lta ba sogs bla ser mang shas la dzaM b+ha la'i rjes gnang dang /____mthar chu sbyin dgos ba DAr 'phan zhig gi ngor rtsa tho bris 'dug pa chu sbyin gzhan dang mi 'dra ba'i dam bsgrags khas blangs sogs sngon du gtong rgyu can zhig 'don pa dang /____khang pa chen po zhig gi nang 'gro sdod byed cing /____rdzogs sprul nas khang pa'i sbug 'gro sa 'di nas thung ba 'dug gsungs shing /____khang pa de'i mdun thad du lha khang sum brtsegs shin tu mtho ba/__nang du lha khang mang por sangs rgyas byang sems kyi lder sku kha shas re yod pa ngos rang gis bzhengs pa'i steng thog_/rnga brda' khang de yang las bya ba red zer/__grwa ba mang pos yang phub shom byed pa'i rnga chen de ni g.yogs ngo ya re byas pa shin tu che ba yod pa sogs mang du rmis/__!__zla 9tshes 1la/__phyi dro khro dga'i sras bla mar/__rdor sems gcod dang snang bzhi'i khrid rdzogs/__snying thig smin gling thang ka'i 'phrul spar khong nas dkar shod par bri 'jug dgos pas khong gi dpe de dgos 'dug gsung pa de skabs shig tu/__gter chen chos kyi rgyal po de nyid/__rten gzhi 'di yin med pa zhig tu khri 'bol steng /____sngags chas stod 'gags sogs gzab ma/__sku shin tu dwangs pa dbu zhwa o rgyan pad zhu klad sngon po can/__sku smad phyam rtse smug pos dkris pa shin tu mdzes nyams dang /____zhal rgyan rdzi smin dkar po/__phyag gnyis rdor dril thugs kar 'dzin pas/__ngo bo skye med stong pa nyid/____/rang bzhin 'od gsal lhun gyis rdzogs/____/gang 'dul rig rtsal sprul skur shar/____/sku gsum rig pa e ma hoHzhes gsungs pa'i nyams dang /____dga' sras la zhal da zhu dgos sogs kyis de mthar yal lo/____/_!__zla 9tshes 2dgong thun skabs su/__dpal rdo rje gzhon nu lus tshad tsam gyi sku shin tu gsal ba'i gnas lngar rigs lnga kI la ya gsal ba'i rim bzhin/__spyi bo'i bud+d+ha kI la yas bum dbang sogs/__gsang gnas karma kI la yas drag po mngon spyod kyi rjes gnang bcas bstsal ba'i nyams shig 'char/__!__zla 9tshes 22nub/__gzims skyil sbug mang /____rje ngag dbang legs pa sku nyams rgyas shing gzi brjid can du bzhugs pas gsung gleng mang po dang /____lam 'bras gzhung bshad rnams khyod nas lung spel dgos gsungs pa 'jam rgyal rin po ches spel yod zhus pas/__des mi chog khyod nas dgos gsungs pas/__tshar gsum 'don dgos na dka' tshegs che/__pusti lung dbang blang ba 'dras i chog dran pa rmis/__!__zla 9tshes 29nub/__ri mthon po'i sgang spang gor mo/__sa pra legs pa/__rgyab brag dkar/__'ju gsum yod pa/__mdun dil 'bur shing yod pa'i thang gzhung der rang gi ro gan rkyal nyal nas/__rgyab kyi brag 'ju de mkha' spyod 'gro lam red zer ba rmis/__gnam stong mtshams la zhugs nub/__dgra mnan 'gags bre 'bod bsad pa'i phyogs bog gyogs brgyab pa dang /____rdzong sar chu lam nas grwa tshang yongs rdzogs bam bsgrigs nas rgyab rir phyogs kha bltas phyag 'tshal ba dang /____rang gis yang phyag bya yul dbu rtse'i gsang chod las mi 'dug ces rtsed mo byas te/__rgur tsam lag ya deng tsam byas pa rmis/__!__tshes 2nub/__slob dpon za hor ma rag gi sku/__mdangs legs li ser lta bu thog tshad gcig yod pa dang /____sgrol dkar li 'dra lus tshad gcig yod pa sgrol dkar de 'dra bzhengs dgos pa rmis/__yang sku 'dra li ma zhi khro sna tshogs shing tro gnyis thog 'og byas pa mig sngar mngon sum mthong ba lta bu dang /____slob nyams 'bri chu phar kar phyin pa sogs rmis/__tho rangs zog gi rgyu dkar shing tro gcig btsos pa'ang rmis/__!__tshes 3rgya dpon pho khreb rgya zhwa gyon pa zhig gis thub pa grong khyer ma'i gos thang shin tu legs pa/__nor chab sngo nag gser ma sogs kyis spras pa chen po zhig nged la byin pa'i ngos na thabs lam gyi rten 'brel tshigs bcad mang pos thang ka khengs pa yi ges thang ka mi sgrib pa zhig dang /____de dang zhag gnyis gsum thugs spro byas pa sogs mang po rmis kyang phal cher brjed/__de nyin dgong thun la dpal chen phyag rgya zil gnon sku shin tu gsal ba zhig shes nyams ngor byung /____bar chad yin nam snyam lta bas gzir bas/__'od sngon je dwangs/__'od zer 'phro ba byung ba rang la bstim/__!__tshes 4nub/__rdzong sar 'du khang du rin gter dbang gi 'phros lta bu zhig bskur dgos snyam gyi/__slob ma mang po 'tshogs par/__de nang kha shas kyis 'jigs byed dbang khrid dgos zer ba/__rang gi khog snying /____dpral dkyil mig lta bu yin rabs sogs smras/__phyi nangs gter ston dri med sgar nas zhabs brtan 'byor/__!__tshes 5nub/__nga phod pad+ma dgyes pa'i rnam thar phyag bris ma de yang yang blta klog byas shing /____lcags dkar gyi dam be gnyis nang sangs rgyas 'od srung 'phel gdung bzhugs pa/__tshe ring chos sgron la sprod rgyu yin skad can/__sprod rgyu'ang ma byung /____!_bla ma la phyag 'tshal lo/____/zla ba 2pa'i gnam stong nas ya man+ta ka'i bsnyen mtshams la zhugs nas rmi ltas 'ga' shas shog dzar sngon mar gsal/__tshes 8skor ye shes mkha' 'gro ni gu ma mdog dkar ba dpung pa g.yas gyen du bkyag pa/__dbu 'gying nyams can smad mi gsal/__'phags pa spyan ras gzigs 'dra min mang po yod pa'i 'phan chen brgyad dgu skor dang /____yang rgya mtsho chen po ljang ser mer ba'i nang shar nas nub tu gru brgal ba dang /____skyabs rje si tu gong mas nub nas mar grur btang /____byang na chu bo'i brag ri mtho ba 'dug pa sogs rmis/__yang chu bo chen po rkang gis brgal ba dang /____yang smar khams rgyal sras yang srid ga ya bkra shis tshang la 'khrungs zer ba sogs dang /____yang tshes bcu snga ma'i nub dpal spungs sku zhabs rin po ches karma pa mthong ba don ldan gyi phyag lag yin zer ba'i lag mgo ras kyis dkris pa gnang bas shin tu dga' snang chen pos mgo thog bzhag pas phyag mdzub ring zhing byin gyis phra ba sogs de bzhin gshegs pa'i phyag 'dra zhing /____karma pa bcom ldan 'das dngos red pas des yin snyam 'di skor mtshan gang la yang yang rmis kyang brjed/__!__yang zla 10ba'i tshes 13nub/__hor po gte kho lung zhes bde chen rnam rgyal gyi sgrub gnas de 'dra bar rang sdod nas sgrub pa zhig byed kyin 'dug pa gtsang sar sprul sku lta bu dang /____yang grwa pa mang shas nas sgyu 'phrul zhi khro'i dbang dgos zer ba dkyil gcig gis gnyis ka bskur rtsis kyi zhi ba 'og dang khro dkyil steng du yod pa sgrub nas bdag 'jug sogs blangs rjes/__bum pa khro bo'i gsang bum sgrub ste bskur rtsis dang /____gangs de'i rgyab shed nas gter ston dri med tshang kha shas phebs byung /____sde pa bstan tshe la de tshang gis bgo sbyar nged nas grogs dan byas pa'i slob dpon za hor ma'i dbu bstan tshe sogs kha shas nas khyer byung bas 'ga' res byams chen dang 'dra zer/__bstan tshes byams chen gyis che zer zhal ngo mtho mjal bas gsum lhag 'dug pa sogs rmis/__de nyin dgong gsol mi pham rin po che'i lha mo'i gsol bskang btang rjes dgong thun la rang gi g.yon 'khris dpal ldan lha mo shin tu gsal ba je nyer byung nas rang gi g.yon nas thim pas bde nyams dang lte bar bzhugs pa zhig shar/__!__tshes 14phyi thun la mkhan slob chos gsum dang /____de'ang slob dpon ber phod dmar smug pad zhu DA ru bsnams pa/__gzhan gnyis khri chos rgyal na bza' sngo/__la thod can rnams 'al 'ol gsal ba sdom pa gsum zhu dgos snyam/__mkhan pos chos rnams gang dag_/chos rgyal gyis sems bskyed tshig lhug nyung ngu /____pad+ma'i mdun phur pa sngon po lus tshad gcig dang /____dkyil 'khor yod pa la bum dbang dngos med pa'i dbang tshig mang shas dang /____gsang dbang la thod chang gi bdud rtsis lus dbyangs gsal gyis gang ba dang /____sher dbang la rig ma lnga sprul pa rang sras mchog rigs lngar gyur pa dang mnyam sbyor bde stong skyes/__dbang bzhi par/__rnam bcas bde ba chen po ni/____/rnam med bde stong nyid dang sbyor/____/'gyur med bde chen rtse mor phyin/____/rang byung ye shes e ma hoHzhes ngo sprad/__de nas lus 'phar g.yo sogs sna tshogs kyis ci byas med/__'di nub rmi ltas cung 'khrugs/__gling bu sked chag pa dang /____g.yas sogs kyi 'bud mi lo ba dang /____rang gi gnas khang min pa rdzong sar grwa khang gzhan du g.yar ba'ang khang pa kha shas brje dgos thug pa dang /____khang pa gcig nang skas mgor mi gtsang 'dam gyis gos pa rmis pas 'di nyin rang cung zad btsogs song bas der blta'am/__!__tshes 15nub/__khang pa ngo mi 'tshal ba zhig tu bla grwa kha shas la/__ras chung bde mchog snyan brgyud kyi yum bka' rgyas pa lha drug cu rtsa bzhi ma'i dbang 'don shom gyi yig pod ring tsam gras 'dug yod pa pod gcig zhal phye nas/__de nang phag mo lha lnga ma sogs mang po 'dug pa/__rgyas pa de snga ma zhig la kha bsgyur dgos pa'i sogs khongs rtags mang du 'dug pa 'don pas ma 'phrod skabs la dkar tshe lus shes zer bas de nyid byung ste 'don rogs byas pa rmis/__yang spang ri mthon po zhig gnas yin rgyu'i ri shog chen po bcad nas 'gro 'dug pa ri de'i pha zad zhig tu gnas kyi lte ba/__de'i g.yas phyogs nas mthur gzar la phab na bar skor lam yin 'dug zer ba rmis/__sngar rmis hor po'i gnas de yin nam snyam/__!__tshes 16dgong thun gyi bsdu rim mthar mnyam par bzhag pas dbyings stong pa'i ngang las d+hIHyig gi sgra grags pas 'jam dpal bshes gnyen dkar ser gsang phod pad zhu g.yas be con/__g.yon sgrom bu bsnams pa gsal ba rang la thim pas lus nang d+hIHyig gi them mer gang bar gyur pa dang rang 'jam bshes su gyur pa'i 'khrul snang yid ngor byung /____'di nub 'khrugs pa 'byung ba'i rmi ltas mang /____tshes 18snga dro'i thun la cung 'thibs par mdun mkhar ai ring gi sngags phreng dkar dmar ljang ser gsum snang ba'i nyams byung /____'di nub gur zhal gyi chos skyongs rten gtor tshar lugs ltar gsar du bzhengs pa dang /____dbang khang du rten gtor rgya chen gsar rnying gnyis dang /____mar me mang po sbar bas gsar rgyan zhu ba rmis/__!__tshes 19nub/__ri mtho dman kha shas can gyi dbus ri mtho ba dbyibs legs kyi mdun lung nyams dga' bar chu dang thang gi spras pa'i dpal be'u sogs bkra shis pa'i rtags kyis spras pa'i dkyil du song zhing /____yang ri rtse sogs du ma bgrod de sa cha de ska stod tshong bzang nang zhes pa yin tshul sogs mang po bshad pa rmis/__phyi nyin tshes nyi shu chad nyer gcig snga char thang lha tshe dbang gi sgrol dkar bris sku legs pa'i zhabs brtan 'byor/__tshes 21nub khang pa phyi nang gnyis kyi nang ma'i sbug tu skyabs rje kaHsi gong ma/__de'i phyi khyams su in+d+ra mkha' spyod kyi byin rlabs zhig bshams nas rin po che'i dbus thams cad la nged rang nas bton pa rmis/__phyi nangs sdom 'byung gi rgyud zhig mjal bas nges shes dang spro ba rnyed/__mkhan rgan kun dpal bde gshegs kyi na bza' sku chas rnying pa mang po rang la byin pa dang /____de yi sku gdung rta gsum bzhi zhig gi gyams la drang por bzhag 'gebs ser po byas te khams bye ri gshis yar 'gro ba sogs chab chob rmis/__!__tshes 22nyin shar phyogs nas nub khar 'ja' sna lnga ring po zug skad/__'di nub bar khyams 'gag tu 'dus pa mdo tshogs chen 'dus pa'i dbang sgrub zhig byas pa bdag mdun bum gsum gcig tu sgrub pa'i bum bskyed la dus 'khor gyi shar du rkang dag pa'i bum pa zhes pa de 'dra'i tshig ris can yod pa 'don dbang bskur rgyu ni ma byung /____yang gzim khang mda'i rgyab der rang sdod/__dkyil 'khor sogs shar ka'i bong ba'i steng na bshams der chog rogs kha shas sdod nas gshin rje tshe bdag gi las byang 'don pa dang /____bya zhig 'phur ba'i gshog sgra chen po byas pa blta bar phyin pas zla 'od du rgod thang dkar legs pa gcig shar stod nas byung ste lding bskor gsum gyi mthar khang gsar shar bong gi bad mchur bab pa byed shom gyis nam mkha' nas rkang sug brkyangs byung ba dngos su bab pa ni ma byung /____de mthar nub phyogs song ba lta bus yal ba rmis/__!__tshes 23nub/__mkhyen brtse'i tshe yum tsaN+Da lI'i dbang zhig gter gzhung steng nas bla ma kha shas la bskur te byin 'bebs la ye shes pa 'bebs thub pa dgos snyam DA dril rgyun ring byed pa rmis/__yang rje mi pham rin po che stag tshang du bzhugs pa'i 'brog rgan tsag sbob mnab pa zhig 'dug pa/__yang kha shas la tshe yum dbang dgos 'dug pa rje mi pham las rin gter dbang bsgrigs g.yar nas 'don pa dang /____rdzong sar 'cham rar drug cu 'phen shom gyi gtor ma der 'byor ba sogs chab chob rmis/__rdzong sar 'du khang du khri chen po bshams gral rnams thad bsgrigs kyi rgyun chags gsum pa 'don gral du rang yang 'gro ba zhig kyang rmis/__!__tshes 24phyi thun sgang rang gi dad rten bla ma'i sku chab mgar gyis bzos pa yid la dran rkyen gyis mi pham rin po che'i sku yi byad dbyibs shar bas rkyen byas rje de nyid dkar gsal na bza' ha cang mi gsal ring 'gags stod 'bog sogs mnab pa'i na bza' de 'od khyug ge ba g.yas chos 'chad can mjal snyam gyi/__a yig 'jam dpal dpa' bo ste/____/d+hIHyig thabs chen yi ge lnga/____/zung 'jug ye shes sems dpa' ni/____/rang byung rig pa bde ba che hoHzhes mthar rang la thim/__'di nub mi yi lus zhig rgyal mtshan ltar gyur pa la bde mchog lta bu'i sngags rnams bkod pa'i pus mo'i yi ge lha nga'i gor mo'i steng bkod dgos tshul sogs nyob la bshad mi shes pa mang yang brjed/__!__tshes 25la snga thun nang rje mi pham sngar dang 'dra ba'i paN zhwa can/__thugs kar smra seng /____mgrin par dbyangs can/__dpral bar 'jam dkar rnams yod pa dbang blangs mthar rang la thim pa dang /____rang rje lus dkyil bcas sngar ltar gyur pa'i nyams byung /____'di rnams shes nyams la mi shar ba med brdzun rkyal ho ho/__!__tshes 26rdzong sar bla ma rnams kyi sku gsung thugs rten mang po thogs nas zhabs brtan phul nas tre dge ngag dbang phun tshogs kyis zangs kyi kong bu nang bcu gcig zhal gser sku legs pa dang /____gzhan rnams kyis zangs sku pad+ma rgyal po sogs rgyang mtho gang drag re na bza' yod pa dang /____bye tham la sa paN li ma yod pa de khyer mkhan gcig 'dug_/bzhugs zhus grwa gcig gi lag khar yi ge 'dug pa bklags dus thams cad nas mnyam 'don byas pa sogs rmis/__phyi nangs bla ma rnams kyis seng gdong bcas song bas der blta 'am/__!__tshes 27phyi thun sgang mtshan brjod 'grel bdud rtsi'i thigs pa cung mjal bas de'i rkyen gyis yin nam kun mkhyen bu paN zhu dur kha mnab pa phyag gnyis saM po rar sgra bri ba'i tshul mdzad pa yud tsam gsal ba de 'grel chen dri med 'od kyi glegs bam chen por gyur/__de'ang rnam bcu dbang ldan du gyur nas rang la thim pa'i nyams gsal/__!__tshes 28sngar yang yang phyin pa'i gnas rir song nas/__kaHsi thams cad mkhyen pas brda sprod mdzad pa rmis kyang brjed/__!__tshes 29nub/__khang pa zhig tu khri gdan byas pa'i gdan rkyang steng mi pham rin po che yin rgyu zhig gi mdun du yi ge spar ma mo btab spyad zhig zhal phyes pa nged mdun der sdod nas rang la mo btab rogs zhus pa dpe cha de nang dpe ris mang po 'dug par mdzub mo 'dzugs pas legs tshul gsungs/__yang de min pa gcig phyes pas shing sdong 'bras bu can dang /____thig le 'dug par mdzum mo tshugs pas tshe ring po dang bkra shis bde legs 'gyur tshul gsungs/____/yang khri steng kaHsi gong ma dang karma pa gnyis bzhugs nas zhwa dmar nag mnab par bka' brgyud gsol 'debs der yod mnyam 'don dang /____mos gus dbang blang ba sogs rmis kyang brjed do/____/_!__hor zla 10pa'i tshes gcig la go 'jo ra sprul nas phyag bris 'byor/__tan+t+ra bco brgyad kyi nang sgrub thabs ma tshang ba'i dbang nye brgyud gsal dga' la'ang zhus te 'byung na legs tshul dang /____de rnams kyi thang ka gcig rab gnas zhu rgyu byung ba'i phyi thun sgang der rtogs pa 'jug rkyen gyi/__rgyal po dzaH'khor bsgyur chas g.yas sa gnon/__g.yon mnyam bzhag can du gyur pa'i mdun thad dkyil 'khor lnga bzhengs pa mkha' 'gro ma lha yi cha byad kyi las rdor byas/__rang nyid dbang zhu lngar gyur nas dus gcig tu zhugs pa gtso bo ye shes rngams glog gi dkyil 'khor yin/__zhal rngub gsang bar thon bum dbang /____rgyan chas phyag mtshan sogs/__gsang dbang A li kA li zhu ba'i bdud rtsi/__sher dbang gi lha mo spyi gtsug nas bstim nor bu'i rtse nas dbyung ste slar mnyam sbyor/__bzhi par/__a gsum/__phaTa? kyis rig rtsal spar/__gtor dbang bskur/__mthar chos rgyal tan+t+ra'i glegs bam du gyur rang la thim pa'i shes nyams gya gyu byung yang yid rton ci/__sems la mi dran pa ci yod/__bla ma mkhyen mkhyen/__de 'phral du bris/__'di lnga nang zhi dkyil gcig yod snyam/__gzhan khro bor gda'/__!__hor zla 10tshes 1nub/__kaHthog 'du khang rgya mthong kha lta bu nas skas ring la 'dzegs pa'i them mang shas brgal nas yang phyir bab/__yang 'dzegs pas skas mgo nas skas them lnga drug tshod tsam them mi 'dug pas steng du yar 'then mkhan zhig 'dug pas steng du phyin ma phyin ma gsal/__lan gcig thog khar slebs 'dug pa/__rta ngang pa gser ldan zer ba red zer 'og tu rta yin pa steng khang pa'i thog lta bu shin tu rgya che ba de chibs pa'i tshul byed dus yom yom 'gul kyang lus mi bskyod pa 'dug_/yang der seng+ge zhig slebs byung ba de nged nas khrid/__res pho kha bskal nas song ba kaHthog dung 'khor steng 'dra zhig la phyin seng+ge de skom pa'i nyams kyis der wa chu khrid pa'i nang logs kha ba rnying pa chag 'dug pa seng+ges zos pas nged nas gcin dang 'dres pas mi gtsang ba red/__gtsang sa nas kha ba bsdus te byin pa dang seng+ge gangs seng red zer ba rmis/__!__tshes 3sde btsun gyi yi ge 'byor nub/__'bri chu lta bu'i chu bo shin tu che ba sngo mer ba zhig gi 'gram ngos dang kha shas 'dug pa/__chu nang de nas sgrom gru bzhi ser po ja bag gcig tsam khyer byung ba drung yig tshe ring chu de 'bog nas brla rtsa la rgyab pa zhig ta la la byung ba 'di 'dra nyams mtshar chus mi khyer ba sked par the gu yod pa yin nam snyam sgrom bu de ma shor byas pas zin byung ba tshur kar khyer ba ngos nas kha dbyes pas nang der kar dam rnying pa sngo khra zhig tu na lo'i klu gter bcug rgyu de 'di red pas rtsa ba che zer/__cung zad shor na chu de 'gags dog por 'gro ba rmis/__phyi nangs sde dge'i yi ge kha phyes pas sras chung u dga'i lo rgyus zhig 'dug_/yang gter chen bsod rgyal gyi phyag na bla ma'i rnal 'byor he ru ka'i chas can zhig gi phyag dpe thogs nas gnang ba sogs rmis/__!__tshes 3snga thun grol dus nyi yol nang sdod pa'i snang bar mdun mkhar thang rgyal dmar smug mnyam bzhag tshe bum/__mdun shar thang rgyal zhi ba rdo rje thugs ka/__dril bu dkur brten/__lhor rgyas pa sgeg nyams nor bu thugs ka/__thod pa bdud rtsi/__nub dbang chags nyams dmar lcags kyu/__g.yon me long yu ba can/__byang ljang khro nyams ral gri phyar phur pa gdeng /____thams cad zhabs phyed skyil can gyi snang ba shar/__!__tshes 5nub thang rgyal phyag bzo lam 'bras nang yod pa de 'dra ba'i sku gnyis dang /____rdzong sar bla grwa kha shas dang ngos cag sa lugs rab gnas rgyas pa zhig 'don kyang 'don bya dkyus dang mi 'dra zhing /____ngos la sde spar mchan can 'dug pa yun ring tsam 'don nas sngags shig bzla bar nged nas zin mchan nang bltas 'og nas 'byung ba'i gau da bi mu sogs yod pa zhig bzla dgos byas 'dug_/rab gnas sa bcad/__sngags kyis bzhu brtul ldog pa dang /____zhes 'dug gnas bya'i rten gang yin med pa sogs chab chob mang /____tshes 5'di'i dgong thun skabs mdun mkhar pad sdong rtser gu ru za hor ma/__mkha' 'gro gnyis bcas gtso bo gru gang tsam gsar 'tsher ldan pa/__'khor d+hA ki cha shas gar stabs can de tsam ma gsal/__a hoHlan gsum tsam gsung nas yi ge 'bru gsum dkar dmar mthing brtsegs ma'i rtser hrIHdmar gyur pa dang /____phyi rgyab nas bsam gtan gyi sgo phyes pas rang la bstim dmigs zhig byas/__!__tshes 6dgong thun skabs sga ston rdo rje 'chang legs pa rin po cher mos gus tshad med pa skyes pa'i rkyen gyis rje de nyid bde can zhing du bzhugs yod snyam pa dang /____nam mkha' sngo deng nge ba lta bu'i klong rje de nyid rgyal sras sems dpa' pad+ma'i rgyal dmar po longs sku'i chas sku smad dar sngon po'i sham thabs g.yas pa pus steng sa gnon/__g.yon skyabs sbyin thugs ka la mtheb srin gyis rin po che'i myu gu ser shas che ba'i 'od 'bar ba'i rtser tshe bum/__zhabs pus g.yas brkyang pad sdong la brten te phyed skyil du bzhugs pa'i snang ba byung /____!_yang tshes 7phyi thun rje mi la dran rkyen gyis rje btsun de yud tsam snang ba dang rang thim rang der gyur par sman btsun mched lnga'i gtso mos 'khyud pa bde stong cung zad skyes lus 'phar sprugs ngang nyams de yal lo/____/tshes 2'di'i nyin gung dri med yang srid pad+ma blo gros dpal yul dis la khar gshegs/__phyi thun skabs legs ldan stag zhon shar lho mtshams nas stag la chibs/__bing mdun thad du bsnams nas rgod bro ba byung /____gam du nye ba na stag las gzhol nas nged kyi snying gar 'dud pa lta bus zhag bzhi lnga nas yid bzhin gyi nor bu zhig sbyin rgyu yod gsungs nas yal ba'i nyams byung /____de'i tshes 12la rdzogs chen rin po ches zhabs brtan gnang byung /____!_tshes 13bskang ba bris/__tshes 17phyi thun skabs 'jam dpal gshin rje rgyan lha dang bcas pa byis pa lo lnga'i tshad tsam shin tu gsal bar 'char ba lta bas gzir bas dang po dbyings su thim nas slar sngar ji lta ba zhig shes nyams ngor 'tshar ba byung /____zhal gzigs lta ci 'khrul shes la/____/gdon gyis bslad pa'i snang ba 'dis/____/rtag tu bslus pa nyon re mongs/____/log shes ka dag dbyings su dengs/____/zhes smras so/____/_!__tshes 18nam smad mnal lam tsam sad pa na karma pa mkhyen zhes zlos 'dug pa'i mod snang char dar 'bol gyi steng karma pak+shi zhwa nag can phyag gnyis sa gnon zhal ras dmar smug dbyibs zlum po/__ag tshom cung zad yod pa zhig gi zhal nas/__snang sems thams cad rang grol a/____/sems ni gzhi med rtsa bral a/____/thams cad byang chub sems su a/____/mkha' klong yangs pa chen por a/____/zhes gsungs nas dbyings su thim mo/____/_!__sa byi zla ba'i tshes 13nub gang jag gis ded nas khang pa mang po'i sgo gcig nas gcig 'dzul gyi bros 'dug pa rmis/__yang lha khang zhig tu kaHsi thams cad mkhyen pa dbur bzhugs kyis byang gter thugs sgrub tshe bdag gi sgrub mchod dang /____dgong ka rig 'dzin gdung sgrub gsungs pa nged kyis rgya mthong kha nas nyan pa skyabs rje'i gsung skad kho na go/__rang nas kyang dpe cha zhig 'don pa sman lha'i rigs shig yin snyam/__bzlas pa la oM a b+hI ra a khaM b+hi ra hU~M swA hA/__zhes pa bzla bar rmis/__!__tshes 16nub gnyid srab mor stong gzugs dang zhu bde 'dres pa'i bde stong gi nyams rtog pas ma bslad pa rgyun ring byung /____!_tshes 17nub gnas ri lta bu lung pa gshong dang /____sgang yod pa stod nags dang /____smad brag ri sogs yod pa sngar dus kyang lan kha shas rmi myong ba'i sa der ngor dgon yin rgyu'i dgon chung zhig gi khang ba'i nang nyi yol nas phar bltas pas gdong der brag dkar gyi phug pa dbyibs 'di 'dra ba shin tu skyid pa zhig mthong ba de nang rang sdod dgos snyam/__mi zhig gis de nang stag yod zer kyang /____kho bo yun ring sdod pas stag ma byung /____thengs gcig rgyab la spobs sgra zhig byung ba de 'dra yin nam zer ba dang /____yang mgon po phyag drug pa lder sku yang khrod du yod pa de tshad tsam skya bo dang /____yang tshon rtsi can de tshad sogs rmis/__!__tshes 24nub khang pa zhig gdan bkod byas pa'i nang sdod nas/__yang de'i phyi khyam chen zhig tu slebs/__bud med ngo mi shes pa zhig dang /____gtam lab 'ga' byas/__rdo dkar po khrung khrung 'dra ba mgo bcad pa zhig pang thog lon tshad zhig 'dug pa bud med des sked nas mar dpyangs tshul gyis bteg pa zhig rmis/__tshes 21nyin dkon spyi'i lung bton pa'i rkyen gyis yin nam/__phyi thun la dkon spyi zhig la bsnyen pa btang dgos snyam mur mdun mkhar pad zlar 'ja' tshon rgya gar paN chen g.yas rdo rje thugs kar bsgyings/__g.yon pus steng phur pa/__dpung par 'ja' gshog can/__de'i steng ngos/__bi ma myang ban sogs kha shas/__phyogs mtshams mkha' 'gro sde lnga gar stabs can bzhugs par mos gus rkyen gyis bla ma rnams gtso bor thim/__gtso bo bka' brgyad zhal gsum phyag drug par gyur/__dkon spyi/__zhi khro/__phur pa sogs zab gter gyi dkyil 'khor rnams DA ki rnams kyi bshams/__dbang rdzas ni ngos bzung can mi 'dug_/rang gcig nyid du mar snang bas dkyil 'khor rnams su zhugs nas/__dbang tshig ni dkon spyi'i dbang bzhi rtsa ba'i dmigs pa des bskur mthar ma ning ches gsal ba dang /____lus 'phar g.yo drag po byung /____bla ma nyid rig 'dzin drag po mthing ka res dbu zhwa 'dab ma gyen slog gi pad zhu/__res dbu skra khams pa gyen brdzes yin snyam/__phyag na rdo rje/__phur pa/__ber nag sogs gu ru dar nag ber chen 'dra bar gyur pa dang /____rang la thim rang yang der 'drar gyur DA ki mtha' bskor du bzhugs pa gyur ngang rig pa rtog bral mkha' 'dra dwangs pa rjen pa'i ngang gnas mthar 'phar g.yo cung zhig gi ngang nyams sad rjes shes rtog ldang bar gyur to/____/gu h+ya/__!__tshes 21nub gnas ri phug pa zhig nas yar 'dzul te mtho tsam zhig tu thang rgyal bla mtsho chung ngu yod zer ba thar dka' tsam gyis de'i khar slebs/__de dang sbal pa lta bu'i ser po zhig gding du yod snang rmis/__yang lha khang zhig tu phyin pa'i sgor mgon po phyag bzhi pa red zer/__don la gur mgon lta bu mi tshad tsam mthing nag shin tu 'od dang gzi brjid dpe med pa zhig mjal ba rmis/__de'i tho rangs phyag bzhi pa'i sku nyams snang la gsal ba'i gnas lnga nas mgon dkar dmar mthing ser ljang rnams 'phros rang gi gnas lngar thim/__bya rog gdong can gri thod can der mdun gnas pa/__mthar mgon po rang la thim pa dang nyams sad/__cung mnal ba grwa pa kha shas la mtha' gnyis sel ba'i dbu ma zhig 'chad pa rmis/__!__tshes 23nub grwa khang zhig tu lha bya rgyal sras mkhan chen gong ma de sngar dngos zhal mjal dus kyi na tshod dang sku dbyibs can bzhugs nas grwa pa kha shas la 'don chog dpe ring mang po lung gsung grabs dang /____snga 'gyur bka' ma'i yig rnying pod gcig lung gsung rgyu red zer ba nged rang zhu dgos snyam gzan phab dang bcas snyan gsol zhus pas yong ngo gsungs kyang thugs brel lta bus gsung rgyu ma byung ba rmis/__!__tshes 24nub skyabs chen kaHsi thams cad mkhyen pa bzhugs pas rdzogs chen gyi khrid tshul lung rtogs rin po che dang /____'brug pa tshangs thams cad kyi gsung rgyun rnams kyi rtsa ba bla ma yang tig la thug pas gtso bor de nyid gnad du che bar gsungs/__bud med lo nyung gzugs thung lnga tsam zhig gis dpe cha zhig gtad pa rmis kyang brjed song ngo /______/de'i phyi nangs ha khro'i phyag rdor rgyud de bskur byung /____!_tshes 24nub dpal spungs sku zhabs rin po che yin rgyu gsung skad ni kaHsi gong ma lta bu zhal dbyibs sogs gnyis ka dang mi 'dra zhing /____dbu skra dkar shas che ba'i ring zhad can gcig gis rdzogs chen gyi ngo sprod mang po gnang /____phaT ni mi brjod/__sems gang yin ni dri/__de dag gi bar mtshams su rang bzhin la rtog med dwangs sangs su gnas pa skabs rer da phyin chad rnam rtog skye sa mi 'dug snyam pa shar/__yar bzhengs klong sde'i a ha hi yang gsung phyag mgor bzhag pa ni mi byed pa rmis/__de'i phyi nangs chos dbyings mdzod cig dga' sras sogs la 'don rgyu red song bas der blta'am snyam/__!__tshes 17nub lung pa zhig tu rang sdod 'dug pa dpe cha spar ma pod 'bring la mdo'i phyogs kyi spar lta bu shog gu srab zhad can pod drug cu tsam dang /____gzhan yang mang po yod pa de thams cad rang gi yin 'dug cing bskal nas 'gro shom gyi grwa pa rnams la tshags byed lugs bkod pa byed nas rgyugs/__pod gcig nang bltas pas ldeb 'khrugs 'dug grangs yig gtan nas thams cad la mi 'dug pas da lta ang grangs btab dgos byas/__mthar de thams cad phyi rgyab zhig tu khyer kha yig btab yod zer/__dga' sdong spos sgril zhig gi lhan du yig pod kha shas 'dug pa tshur blangs/__spos 'di la shing thongs nas sgrogs sogs lab pa rmis/__nyang gi drag po bde 'dus las/__ral gri ut+pal chos kyi po ti rnyed/____/seng+ge glang chen khri la 'dug pa ni/__'jam dpal ya mAn+ta ka'i mtshan ma yin/__ces gsungs so/____/_!__tshes 30nyin phyi thun la mkhas grub rA ga a s+ya'i rnam thar la khams bsang ba'i phyir cung re mjal ba'i rkyen gyis gnam chos mi 'gyur rdo rjer mos gus kyi rkyen las/__rig 'dzin de nyid nang du phrug dmar/__de rgyab stod 'bog_/smad zla gam sku gzhon nyams dkar smug zhal dbyibs zlum sgros ral pa thor cog_/ag tshom cung zad phyag mnyam bzhag_/sku lus la a dwangs gsal mang po dang /____thugs kar 'od lnga'i klong a yod pa de la sems gtad pas bla ma a bcas dbyings su yal bas/__a yig yal ba'i stong chen dang /____phyi dbyings stong pa/__rig pa'i stong cha gsum gcig 'dres rtog bral du yud tsam gnas pa zhig gi nyams byung /____!_tshes 3nub rang gi zla gam tsha sbyar can la rang gi mi gtsang ba yin snyam pa spu la dril nas seng sgra grags pa gnyis 'dug pa phyir dor ba rmis pas grib sel cung zad 'don/__!__tshes 4la grwa pa kha shas la phur pa'i bskyed rdzogs kyi khrid bshad pa dang /____rang gi tshe grogs 'dra ba zhig gis rtse ba sogs rmis/__!__tshes 5drag bsnyen tshugs nub rta dkar zhig chibs nas lho phyogs kyi chu hur mo zhig 'bogs pa phyed tsam dus tshur don pa dang /____yang rta rkyang bu 'gros can zhon nas rkang yas yob mi non pa dang /____sde dge dgon chen bsu ma grwa pa kha shas 'byor nas song bas lung pa zhig tu sdod/__nam mkha' nas gdung ma zhig byung zer ba/__mkha' la bltas pas sprin gseb lho nub nas phyam yug lta bu zhig 'phur gyin 'dug pa mthar thang la lhung zer mi mngon par gyur pa sogs chab chob mang /____sham thabs zhig gyon pa bka' brgyud thang sham lta bu'i sbyar ba 'dra red 'dug pa/__yang yang gyon kyang g.yas dang /____mdun nas bye zhing mthar ska rags med pa lag gis 'jus te phyi rol song ba/__mdun phyogs grum sngo khra 'dra ba zhig gzan lta bu'i nang du gyon yod pa'ang rmis/__!__tshes lnga phyi ma la dpal spungs sku zhabs rin po che las dz+nyA na A yu zhes pa'i tshe dbang don grub rgyal lugs yin pa tshar gsum tsam nos pa'i rjes mar mkhyen brtse gong ma'i tshe ril yin rgyu skya ril che chung mang shas yod pa gnang ba dang /____nub ka'i bong ba nang mkhan rin po che bsam gtan blo gros lta bu bzhugs nas dus 'khor yin rgyu zhig gsungs nas bum pa sgrub pa'i dung chos gzungs thag nged nas dbang khang nas blangs te dkyil 'khor bong ba'i sgo phyir yod pa nas bran te phyag tu phul/__da dung nga nya gnyis kyi bum pa sgrub dgos gsungs/__bgegs bskrad gnang ba rdig hral zhig tu bgegs gtor nged nas rab gsal nas phyir dor/__spos phor gyi gul dud gzim chung phyi nang thams cad du bdug pa dang /____yang nam mkhar zla ba thog 'og gnyis shar ba 'og mas steng ma mi sgrib pa gsal zhing /____phyir sngo sangs dwangs pas bskor ba rmis pas 'di sde dge ma yum gyi bang chen byung ba sku phywar brtags pa'i rmi ltas yin nam/__!__tshes 5nub dpal spungs sku zhabs dang /____kaHthog zhing skyong gnyis 'gre res lta bu'i chab chob mang po dang /____zhing skyong thang ka la rdul sprug yag byas pa red sogs rmis kyang brjed/__!__tshes 8nub rdo rje 'chang blo gter zhabs kyi dbang zhig gsungs pa lta bu rmis kyang las ngan pas brjed/__kaHthog zhing skyong gzim khang du 'dug pa 'chi med yum sgron lha phyogs 'dra de las gzugs thung skra khag gnyis slas pa zhig dang kha ta mang po byas/__mi mgo ril thong snam smug po'i tshar tsag gyon pa zhig 'dug pa sku 'bum du bskor ba bco lnga byas zer/__de las tshong gis ma khom tshul bshad/__gzim khang phyi ma'i gdan der zhing skyong bde gshegs na bza' gos dmar gser traM can gyi tshar 'gags bzhes/__ska rags hu dzus dmar po zhig lhod nas bcings te bzhengs 'dug_/bla ma A yus nged kyi zhwa yin rgyu'i sa zhu legs gsar zhig 'di rten sgam du 'jog i red zer ba red byas/__dar cig nas gzim khang nang mar byon byung ba/__khong gi bzhugs gdan sner nged lang spyag bcas yod par ring 'gags steng gos chen stod 'bog ser po zhig mchod nas nged kyi mdun rtsa ba der bzhugs pa/__bzhugs gdan steng chab chob mang ba cung bsal te 'dir bzhugs zhus kyang mi gsan pa de rang du bzhugs pa zhig rmis/__!__tshes 9dgong thun la bu mo dkar mo rin po che'i rgyan dang chas gos dkar po can gyis rang gi ri khrod bzo sa lung bstan pa/__lha mo'i tshig kyang yin pa/__rang gi rig ngo nas don pa'ang yin 'dra ba zhig dang /____yang gnyid khar gu ru rin po che lta bu'i chas gos dkar po lag na shel gyi mkhar ba thogs pa gru gang tsam zhig gis 'di lo nga 'dra lha khang thang sdod rgyu'ang zer snang shar/__'di nub rdzong sar bla ma ngag dbang ye shes 'das pas mchod dpon gyis rab gnas 'don pa rmis/__!__tshes 10nub 'jig rten lugs kyi bstan bcos pod gcig phyes nas/__de nang nas 'don te shin tu dka' tshegs chen po can zhig dang /____dga' ba'i sras bla ma'i skra dang /____rang yang skra nag po ring por gyur pa mgo gtsug nas bzhar te dbu ma sbom po zhig 'dug zer ba sogs chab chob mang /____!_tshes 11nub g.yag mgo chung ngu zhig btsos te sha tshil ltos che ba'i steng du nged kyi mdun 'jog pa dang /____lce za 'dod byas pas mi gcig gis mgo de sha gnyog rus gnyog byas pa dang /____mang shas zhig la dbang zhig bskur ba brjed/__zhe chen rgyal tshab rin po che'i gsung lta ba'i skor spar mtshan che tsam blta ba sogs rmis kyang brjed song ngo /______/!tshes 14nub rten bang sgor tshe ring chos sgron gos smug po/__rkang rjen gyis sa khar nyug rgyu zhig 'dug pa dang /____skra slas mar dngul traM chung ngu mang pos brgyan pa mgor dkris yod pa zhig dang /____yid lhung lha mtsho'i phyogs khang pa zhig gi nang sdod pa dang /____yang sngar thengs kha shas rmis pa'i gnas ri zhig tu khang chung nang rtsa bar mtsho/__de'i ri nang nas yar gnas 'dzul byed sa yod pa sogs rmis/__!__tshes 15nub rnying ma'i sngags gzhung bris ma pod gnyis mjal ba'i pod gcig 'don te de nang ldeb nyi shu skor zhig bshad pa lta bu byas pa rmis kyang brjed/__!__tshes 16se ra mkha' 'gro'i gter chos chos bdag shes rab 'od zer las phur pa dang gter chos bka' gtad thob pas de la blta'am/__de'i dbang bshad du phag mo'i skor pod gnyis yod tshul zhig 'dug_/!_tshes 18nub/__ri smad nags tshal ga gu'i dbyibs 'dra/__stod spang sgang ston dus lta bu zhig la khang pa las shom gyi thig 'phen shom skabs mi gcig gis/__de 'dras mi yong drang srong 'chi med rig 'dzin grub pas 'phen dgos zer/__rang nas drang srong dri med zhi ba byon rgyu red snyam ngang /____der phebs yod pa lta bu'i thig btab min ma dran/__yang rnam rgyal ma'i bstod pa 'chi med dpal sbyin bris ma zhig 'don pa dang /____mkhan chen byams pa kun dga' bstan 'dzin gyi sku tshe'i lo rgyus sogs bshad pa mang po rmi ba gnyid sad nas gsal yang yi ger 'god pa ma byung bas brjed ngas su gyur to/____/_!__bla ma la phyag 'tshal lo/____/bdag chos kyi blo gros nyon mongs dug lnga'i 'dam du bying zhing 'khor ba'i sdug bsngal la bdag gir spyod pa/__lus mtshams khang du gnas kyang /____sems 'khrul pa lu gu rgyud du 'khyams te rnam rtog 'di shar dang mi shar med pa'i skabs cig na ya mAn+ta ka'i rnal 'byor la brtson pa'i skabs/__sa byi zla ba 11pa'i tshes 20yan gzhan du gsal/__tshes 21phyi thun sgang yang dgon ri chos skabs gseng mjal rkyen gyis mos gus kyis drangs te mdun mkhar yang dgon pa rab byung pho khreb 'dzing pa 'chi med kyi ngo dbyibs lta bu sku sha srab/__sku bong thung rgur can/__gzan ser gtugs rnying zhad can mnab pas ri chos yon tan kun 'byung dang /____tshogs chos yon tan kun 'byung /____rdo rje zab pa zhes bya ba'i pusti gsum 'od zer 'bar ba sdom gtad gnang nas/__phyag gnyis mgor bzhag nas smon lam mdzad/__khyed kyis sgrol dkar dang /____grub rgyal tshe sgrub nyams len byas na ring du 'tsho gsungs/__dbu yi phyogs nas sgrol dkar dang /____thugs ka nas grub pa'i rgyal mo gzan dkar gyi sku dkris pa/__mda' dar tshe bum zhabs pus btsugs rgya lha lta bu zhig byung ba rang la thim ngang yal/__!__tshes 27nub nam smad rmi lam du shar phyogs nas rje rin po che byis pa lo bzhi pa'i tshad tsam skyil krung chos 'khor rgya can 'od dmar po shas cher 'phro ba zhig nam mkha' nas tshur yer gyis byung ba rmis/__!__zla ba de'i gnam stong nub rang dbang khang nang lta bur yod pa/__gru mo dbang chen phyogs 'dra'i mi drag lo gzhon gnyis dang /____slob grwa'i mkhan thub bstan bcas kyis spos ring mang po thogs gzhan grwa pa mang po dang bcas pus btsugs kyis 'khod de nged la phyogs gzhan byon mi nyan/__'o brgyal dang zhabs 'dren chen po yong /____'di ga rang du bzhugs gnad che zhes nan tan zhu bar/__nged rang gi sems la zhabs 'dren ci 'byung rang gi srog la nyes pa 'byung ngam snyam pa sogs mang po zhig dang /____yang kaHthog rgyud sde'i gzim khang rnying par skyabs rje si tu rin po che ga shed byon shom gyi sku gzan mnab ste mgul gwa len par gzim sbug tu byon pas da res mgul gwa'i rten mjal 'dug snyam phyin pas/__mchod khri gong nas dngul gwa shel mthong can nang li dkar ser smug gi sku zhig mjal kyang ngos ma zin/__'dir bla ma sku bzhi'i sku tshab mkhyen gter de mjal rgyu yod gsungs/__sngar sde sras ba par yod pa rin po che'i phyag phog song snyam/__grwa pa zhig gis klong chen dngul gwa chen po de bsnur bas/__de'i phag na da lta dngos grub dpal 'bar gyi bzhugs sgrom ji lta bar/__pad sdong la rten khag gsum bzhugs pa'i g.yas par shog ser bris pa'i sman mdo ldeb nyer drug yod gsungs sgril sngon po can/__gzhung ma der g.yang Ti'i pad+ma dang /____der g.yang Ti ljang gu lta bu'i sku ngos ma 'byed pa 'gying stabs can zhig bzhugs snyam phyir blangs ngos lag gtad byung ba de 'jog snod zhig 'dug pa de nang ring bsrel kha shas 'dug pa gu ru'i tshems las sprul pa'i ring bsrel yin 'dra gcig dngos grub zhu dgos snyam pa dang /____'di nged la re zhig g.yar rogs zhu dang /____nged nas tshogs 'bum ther phul 'jog zhus/__rton de bzhugs sgrom kha leb yod pa can du gyur/__de'i phyi nas ling sngo skya zhig gi sgril 'dug pa de bkrol bas de'i bar la'ang ring bsrel shel ltar dwangs pa dang /____mu ti ka'i mdog lta bu zur gsum pa can sogs 'dug_/kha 'byed ran pa dang gnyid sad pas sku tshab ma mjal snyam 'gyod pa skyes 'dug_/las sgrib zhig yin 'dra/__mthar skyabs rje rin po che 'gram zhig tu glo phab nas gzim 'dug_/de'i phyi nyin tshes 1la gsol 'debs bdud las rnam par rgyal ba'i rnga sgra bris/__!__hor zla 12tshes 4nub la rdul mtshon gyi dkyil 'khor zhig ngos ma 'byed 'du khang zhig tu bshams pa'i nub kyi khyams zhig tu byi la'i stug pa nar ma zhig btang 'dug pa 'phen gyi yol ba dang /____yang gu ru'i sku tshab pad sdong rtser mkha' 'gro gnyis bcas bzhugs pa na bza' 'dug pa cung bsal bas sku khyad 'phags zhig 'dug snyam zhib tu bltas pas kar yol gyi sku 'dra ba'i dbu rgyan rnams grum/__de mes gos tshem can zhig gsol ba'ang yur nas 'dug pa dang /____yang dbang khang du dpon g.yog kha shas kyi 'don pa zhig gsung ste tshig bdun gsol 'debs 'don pa nged kyi g.yas nas sprul sku chung ngu zhig gi ngos kyi ske la 'khril nas gnyid yur byed 'dug pa sogs chab chob mang du rmis/__!__tshes 8la dgong thun skabs rtog par da lta'i chas de bsgyur nas dkar chas byas na bsam ngang /____shes nyams 'khrul ngor grub chen mi tra dzo ki gcer bur bzhengs pa ang rag ras dkar gzan sgom thag dbu skra dkar thor cog sha tshugs a tsa ra lta bu shangs dang mkhur sgang 'bur che ba zhig gi lag na ras gzan ang rag sgom thag chags byas pa dang phyag shing rnams gnang nas dbyangs gsal ye d+har gsung /____yang thugs chen sems nyid ngal bso'i sku rgya gar li sku dang /____ser khrigs shing sgam lta bu 'od can zhig rnams gnang mthar/__sgo lnga bya bral rgya yan zhog_/rig pa ma bcos lhug par zhog_/gang shar bu chung rang gar zhog_/ces gsungs nas a yig lnga tsho mdu gyur pa rang la thim pa dang /____rang yang a lnga tshom 'od 'bar bar gyur pa'i mthar dbus kyi a la thim/__de yal ba dang nyams sad/__dar gcig nas mos gus tshad med pa skyes so/____/'di nub bud med mang po ngo mi shes pas rin chen ril bu kha shas nged la zar bcug pa dang /____yang bla sgrub zhig gi byin 'bebs la dbyangs chen gyer ba rmis/__!__tshes 9nub chu chen sngon po la zam pa yod pa'i steng nas nged cag rta drel bcas bde 'gro'i phar ka sleb/__'phros zhig thar dka' tsam byed pa rmis/__!__tshes 10la ra khrid byang chub rdo rje'i sras 'gyur med rgya mtsho ming sring gnyis kyi bla ma'i phyag bris tshe rdzas sogs zhabs brtan dang gter chos mjal/__!__tshes 11nub rgyal ba byams pa'i sku thog tshad gcig dang /____mchod khang legs pa rten gsum mang po can mjal ba rmis/__!__tshes 12nub dpal spungs gtsug lag khang lta bu logs bris thang gzhi brgyangs pa can gcig gi sbugs sku zhabs si tu rin po che'ang bzhugs nas ngos khri gcig gi steng bzhag grwa pa mang po dang rab gnas 'don/__bgegs bskrad tshar gsum la lha'i dmigs pa drag tu byas/__dkor bdag zla ba phyir skrod shom lta bu la de mi nyan bsam/__khrus skabs snam sbyar gyon yar langs ngos rang bag cung za/__phrag g.yon gzan zungs rgyeb sa log log red 'dug pa sku zhabs rin po ches yang bcos byas lha khrus tshar nas 'byung bzhi sogs snod bcud la khrus tshigs bcad 'don ma myong ba mang po 'don pa zhig sogs rmis/__!__sa glang zla ba dang po'i tshes 21nub lung pa rdo phu phyogs 'dra zhing rdza ri sogs ye med pa'i lung chen kha lhor bstan pa zhig gi stod nas lung lag shar du mgo bsnyal ba zhig gi nang du phyin pas/__ka ti bu mo bdun gyi gnas yin zer ba dang /____de rnams ma no ha raM/__wa ru naM/__su ta naM sogs mkha' 'gro ma'i ming gi gras 'ga' zer ba'i mtshar ba zhig byung kyang brjed tshar 'dug_/!_tshes 22nub khrom khog lta bu'i sa cha zhig tu nged yod par se ra mkha' 'gro chen mo'i rtogs brjod zhig mi gcig dang bsgro gleng byas pas mkha' 'gro des lam gyi rtags rdzogs min mang po bshad mthar bud med lo nyung thod skra can zhig dngos su byung ba dang /____rtogs brjod sangs rgyas rdo rje'i phyag bris la de 'dra ba zhig 'dug pa sa drug pa'i rtogs pa mngon du gyur pa'i 'phags ma rtags tshad mthon por rdzogs pa yin 'dug zer nges shes rnyed pa byung ba zhig rmis/__!__tshes 23nub skyabs rje si tu thams cad mkhyen pa sku nyams rgyas pa la bgres tshul cung zad yod pa dang gsung gleng mang du byas pa dang /____rang phyogs gzhan song tshur 'khor nas dngos chas ngos blangs sogs byas pa rmis/__'di nub ya mAn+ta ka'i rten bcas drag bsnyen tshugs pa legs snyam/__!__tshes 24nub rang nyid dge bsnyen d+harma tAr gyur pa dang /____gnyan chen dpal dbyangs kyi skye ba yin sems dang /____gter chos pod gcig gi sked tsam nas khrid kyi spyi sdom chen po zhig gi mdor bstan bklag pa dang /____rdo rje phur pa'i skor zhig gi gleng mo dang dpe cha klogs pa sogs rmis kyang dkor sgrib ches pas gsal po ma dran brjed 'byams su thal lo/____/_!__tshes 25nub bud med lus bong cung che ba gzhon nu sha rtsa dmar zhad can gcig gis bu chung zhig sprul sku yin rgyu khyer nas nged la dga' zhing gus pa'i rnam 'gyur ston pa dang /____'o ma 'thag pa'i a phing lta bu sgor mo chen po kha dog legs pa mang shas zhig za shom byed pa dang /______/yang rang ber nag zhwa nag gyon nas mi rta zhon gcig dang /____ngos rang gi rta bra nag zhig zhon nas gom 'gros btang ba sogs rmis/__phyir nangs lha thog sras lcam dral gyi yi ge 'byor/__nor bu sgron mas tshe mdud zhus 'dug_/sras mo sa byi lo mar ming phrin las chos sgron btags/__!__tshes 26la nged phyogs gzhan zhig tu gur nang yod pa bla ma tshe dbang rdo rje gzan shams legs po byas te byung ba dka' ba'i tshul lta bus gzan stod 'bogs phyi nang rnams phud nas rum khug tu bu chung skra nag si le ba zhig 'dug_/nged nas bla ma kho rang bu yin nam snyam bu chung de rgyab tu blangs pas ya mtshan can zhig 'dug pa rang nas kyang gces spras byed pa dang /____yang mi zhig gi a gar sgam kha chod can nang na gra mig mang po can nang sku rten byin can yin skad mang po can ngos la lan re byin pa 'dra/__lan re gtam po byas pa 'dra sogs rmis/__!__tshes 27zhi sbyin blugs skabs nam mkhar sprin dkar 'khrigs par bltas pa'i rkyen las 'jam dpal gshin rje'i gshed kyi lha tshogs yul gyi khyon tsam sprin dkar dang dbyer med khyab pa lta bu'i nyams zhig byung /____!_tshes 27nub yul 'di min pa zhig tu rang dang bla grwa ngo mi shes pa mang po 'dug_/der rje btsun mi la yin rgyu gcig ras chung pa yin rgyu gcig bcas skra nag ra sil grol tsag rgo ba can mi la de rang yin snyam kyang byed/__de'i khog par 'od lta bu'i nang lcags kyi glog gri yu ba lcags thur tsam las med pa zhig 'dug pa dang /____yang bshad mi shes pa'i dgu tshan gcig 'dug pa mthar/__gri 'gugs med pa'i rwa co'i yu ba can gcig mtho gang tsam kha shar bstan tshugs dang 'thus zhes rang gi snying gar de bzhin 'jog par rmis/__yang tshe ring chos sgron dang 'phrad sgra mthar rgyan tshar mang po yod pa mgo la dkris 'dug_/dar cig nas phyir song ba skra yi rgyan tshar de shul du 'dug pa/__ngos rang gi mgor gyon pas lji yur byed ngang gar song med pa'i thor song ba zhig byung ba'ang rmis/__!__sa glang zla ba gnyis pa'i tshes 2nub/__mkha' 'gro gsang 'dus tshe ring bkra shis phyag bris can de drung yig tshe ring la bstan de 'dra'i bris thon dka' zer gzhan mkhyen gter kha shas 'dug_/gsang 'dus phab byang de kong sprul phyag bris red zer ba nged nas mkhyen brtse'i phyag bris red byas/__tshan so sor bltas pas mkhyen brtse'i phyag bris dang mchog gling kong sprul thams cad kyi phyag bris dang /____rnam pa gsum ka'i mtshan la mchog gling gser bris byas yod pa sogs rmis/__!__tshes 3la ya mAn+ta ka'i sid+d+hi blangs pa'i tho rangs bzlas pa'i skabs cung zad 'thum par/__rang gi mdun du gzhal med khang sgo gcig pa'i nang nas 'jam dpal ya mAn+ta ka ha cang mi gsal ba dang /____'khor tshe 'chi srog gsum sogs lha tshogs thams cad yod snyam gyi gtso bo'i zhal dbus ma nas skyugs pa'i thod chang g.yas dkar ba nas 'o ma lta bu'i byang sems/__g.yon dmar ba nas rak+ta rnams thod par gnang ba rol/__gnas lnga nas 'od kha dog lnga 'phros pa rang gi gnas lngar thim/__sku yi g.yon zur byang shar mtshams nas dgra bgegs 'gugs pa pho nyas bsgral nas snying rdog kha shas gnang ba la cung zhig rol/__mthar rang nyid gtso bo'i thugs kar thim nas yal ba dang /____yang 'jam dpal bshes gnyen be con thod pa/__gsang gos ber pad zhu gsol ba dang /____gnubs chen dbu ral se chob bgres nyams/__zhang khrom zhwa nag sogs sngags chas/__gzhan bla ma mang po yod snyam gyi de rnams kyi gshin rje'i rgyud lung man ngag gi pusti mang po'i lung dbang dang /____mthar bla ma rnams e ka he du na ya ma rA tsa'i sngags su gyur nas rang la thim pas nyams sad do/____/'di'i rten brten pa de tsam mi gsal ba'i rab rib 'dug pa dkor sgrib dang bskyed rim la goms cha zhan pas yin nam snyam/__!__a hoHye/__e ma ki ri ki ri/____/gnas mchog brag dkar shel gyi de'u/____/seng chen 'gying 'dra'i mgo bo'i steng na/____/rtsa gsum mkha' 'gro dgyes pa'i bro ra/____/gnas mchog lha yi dga' tshal che der/____/dpa' bo seng chen rgyal po'i sras gcig_/mi dpon dgra 'dul dbang phyug rgyal po'i/____/zlos gar mkhyen brtse'i ye shes che ldan/____/'gro ba 'dul ba'i ded dpon khyod kyis/____/nye bar brten na grub gnyis gter mdzod/____/ma dang mkha' 'gros dngos su sbyin 'ong /______/dbyings kyi rgyal mo nga yi tha tshig_/skal ldan snying gi bcud du stims shig_/a ho DA ki nI pa ra mi ta gu h+ya d+hA tu aHzhes skye med kyi ngang du thim mo/____/zhes pa sa glang zla 1tshes 9nub dgong thun la bud med dkar mo mda' dar thogs pa rgyan gos dkar po can zhig rig ngor shar ba las byung ba'o/____/_!__chos dbang phur pa spu gri'i rgyun bsnyen la zhugs skabs/__snga dro'i bzlas thun skabs nyang gi phur skor yid la dran pa'i rkyen gyis mnga' bdag chen po dbu skra thod sgor bcing ba dge bsnyen chas la mdun du phur pa gru gang pa dang /____bum pa sogs dbang rdzas bshams nas phur pa'i rigs dbang lnga dang /____phur pa de la brten pa'i sku gsung thugs dbang la thugs la phyag mtshan spro bstim/__dur khrod dpal chas/__gsang dbang /____sher ye la rig ma gzhon nu dkar gsal chung ngu spros/__dbang bzhi par/__bde ba kun gyi 'byung gnas che/____/bde ba'i ye shes bde chen po/____/bde chen mthar thug de kho na/____/phyag rgya gsal rdzogs e ma ho:zhes ngo sprod/__smad las kyi bsgral dbang mnan bsreg 'phang mA ra ya skad cig gis rdzogs/__mdun gyi dkyil 'khor thugs kar bsdus/__bla ma rdo rje gzhon nu gyur/__de'ang hU~M sngon du gyur nas rang la thim/__rang phur pa'i skur gyur pa'i gsal snang yud tsam byung ba de 'phral du yi ge bris so/____/_!__bla ma rin po che rnams kyis byin gyis rlobs shig_/gnyis med seng+ge'i brdzun ris la/__sa glang zla 2tshes 20la/__bla ma sangs rgyas rdo rje las/__lha btsun nam mkha' 'jigs med kyi dgongs gter sprin gyi thol glu'i lung nod pa'i snga dro'i char/__lha btsun chen po he ru ka'i chas can gyis byin gyis brlab pa'i snang ba byung /____!_yang zla 2pa'i nang rmi lam du/__ri ngos zhig tu seng+ge'i gdong pa 'dra ba'i brag chung ngu 'dug pa/__'jam mgon mi pham rin po che/__tsag pa phu dung can mnab pa 'brog rgan 'dra ba zhig gis/__seng+ge'i kha nang du dngos po ngos ma 'byed pa zhig 'dzud pa dang /____yang nub gcig gnub chen sangs rgyas ye shes/__mi pham rin po che/__yang gzhan gcig dang bcas kyis gshin rje'i drag sbyin btang ba dang /____!_yang zla 3tshes 14nub/__dis mgo'i tsha mo bu mo zhig_/ngos kaHthog tu yod par sang 'ong rgyu red pas de la rdor sems dbang lung zhib bca' gnang dgos lugs sogs rmis/__phyi nang snga dro bla ma sangs rgyas rdo rjes/__mchog gter mtsho rgyal snyan g.yu gnang 'byor der blta'am/__!__zla 3tshes 16nub rmi lam du/__ngos dbang khang gi sgo nang nas bltas pas/__mi gcig gis 'jam dbyangs sa skya paN+Di ta/__li ser rtse gru gang pa/__bzhugs khri zlum po rkang pa can/__pa tra sogs bzo khyad can/__zhabs rol stabs dbu zhwa can/__sku sha rnams gser mdog lta bu/__blta bas mi ngom pa zhig khyer 'dug_/nged nas blu dgos yang nan byas kyang /____dngos su lon song bsam pa zhig ma byung /____yang sa gcig nang gter lhung dil mgo'i mchod cha red zer ba'i bum pa/__sman raka sogs dngul bzos lta bu bsgrigs rgyu can kha shas yod pa rmis/__yang mnal bar chos rje'i sku/__mtho gang drags li 'dra can/__nang gzhugs med pa/__lan rer 'jam dpal phyag bzhi pa lta bur gyur te/__phyag rnams lhu bye ba/__res bla skur 'gyur ba can rang nas gzungs/__nang rten khyad par can 'bul dgos snyam pa sogs rmis/__!__zla 3tshes 25nub/__dpyal lugs phag mo skor lnga zhes pa/__rgyud btus spar ma'i gras bsgrigs ma sta gon yod pa can slob ma kha shas la 'don nas/__dbang bshad shin tu mang ba dbang chings gcig gis ded nas bskur dgos rgyu can gyi dbang gnyis gsum zhig bskur ba dang /____nged kyi nyal sa'i rgyab nyi g.yen nang /____bud med skra ral rgod can lo khreb zhig nyal yod pa rmis/__!__tshes nub rmi lam mang yang brjed/__sgrol dkar zhig gi sgrub thabs 'don nas/__sgam zhig gi nang shel phreng zhig yod pa/__sgam nang nas mig gis mi blta bar rtsis pas/__brgya dang bzhi bcu'i mtshams la yar blangs nas brgyad cu gya bzhi tshe tshad yin snyam yang yun ring sdod sa 'dug zer ba rmis/__dis sprul gsal dga' sogs mang shas yod pa rmis kyang zhib bca' brjed/__!__zla 4tshes 10la spang ri zhig gi ngos gshams mchod rten gcig bzhengs/__yang ri sked zhig tu shing mkhan zhig dang /____sa slog ltem byas te/__mchod rten nang rming 'dams do pa/__bang rim phyir 'bur che ba dgos tshul lab pa dang /____stegs khebs gsar drub de'ang bsam gtan nas bting bas/__bla ma phan bde 'das pas kyang de steng las ka zhig byed 'dug pa mar me pho nas brdzad song ba rmis brtags bya 'dug_/!_zla 4pa'i tshes 20skor/__ge sar gyi chos skor pod brgyad cu skor zhig yod pa dang /____yang rdor dril gser dngul zangs lcags thams cad kyi phra men byas nas blugs pa sogs rmi lam rgod bro ba 'ga' zhig rmis kyang de 'phral thor bkod pa ma byung bas brjed/__!__zla 7pa'i tshes 6la/__gdong sna sprul sku/__d+hA ki tshe ming /____khro sras bla ma sogs la/__thang rgyal snyan brgyud kyi zab dbang bskur ba'i bum bzlas skabs/__gzhi khri'i nam mkhar/__thang rgyal sku smug po/__dbu skra nag po/__g.yas DA ru/__g.yon lcags thag bsnams nas pus g.yon bkab pas/__nam mkha' sgo 'byed dngos gzhi dang /____zab dbang bskur ba'i gsang sher dbang la/__rje yum dang 'khyud pa dang /____dbang bzhi par/__chos thams cad bltar med pa'o/____/gzung du med pa'o/____/zhes sogs bi ma snying thig gi dbang tshig nas 'byung ba lta bu'i ngo sprod de rang la thim pa'i shes nyams gya gyu zhig byung ngo /______/!zla 7tshes 9la/__dkar mo stag tshang 'dra ba'i brag ri zhig gi 'gram ngos cag kha shas 'dug pa/__dkar mo'i sgrub phug gnyis kyi bar gyi gter sgo de 'dra ngos la yig 'bru rgya yig gis mtshan pa kha shas yod pa zhig mjal ba rmis/__!__zla tshes 11nub/__gnas ri brag ri dmar zhad che ba zhig gi 'gram/__d+hA ki nged cag 'dug pa/__brag de'i sked pa der gter blang grab lta bus 'gro grab byas kyang mi thar ba/__shes pa rtog med ngang brag de'i sked par slebs/__nyams sad nas g.yang za zhing mar thar ba mi 'dug snyam ngang /____shes pa rtog med du song nas 'khris der slebs pa rmis/__!__zla 7tshes 12la/__mkhan bla ma thub bstan las/__rgyud sde kun btus kyi lung dbu tshugs pa'i tshes 12nas rang gis 'chi med 'phags ma'i dril sgrub bzlas thun bzung nub/__rang kaHthog tu 'byor ba rang gi dngos rdzas phrug dar sogs mang po khyer ba yar rdzong sar khyer shom/__lcags tshe ring nas grogs dan byed pa rmis/__!__zla 7tshes 13la/__gu ru dang /____rdor sems lta bu'i sku sor gsum pa dang /____sor bzhi drags tsam gyi li sku dkar po rtsi smug can/__leb sku sum brgya skor spang leb kyi ngor bsgrigs pa dang sman sgrub byed shom gyi sman zangs che chung gnyis sogs rmis/__!__tshes 15nub/__kaHthog lta bu'i gnas ri zhig tu/__rdo pha wa~M pang khyag ma zhig la/__gter sgo smug po gru bzhi'i ngos brda' yig kha shas yod pa dang /____yang rdo ri dwags nyal ba lta bu zhig_/bde gshegs snying po'i bla rdo red zer ba mchod pa bya dgos pa dang /____mu tig mang po zhig gi maN+Dal lcags ri 'dzer dgos pa dang /____yang bye ru dang /____mu tig spel ma'i bud med zhig gi red zer ba'i sked chas byin pa sogs rmis/__!__tshes 16la/__dbu rtse'i lha khang steng /____gur h+yab mang shas phubs pa/__sde dge'i khang dpon shing mkhan glan pa tshe ring nor bu khog stod gcer bu byas pa/__klu nad kyis sha 'bur mang po yod pa langs nas/__khod 'dug mi khom 'gro dgos zer/__nged nas khyod song na khang pa mi thon pas/__da dung zhag bco lnga skor sdod rogs byas/__dar cig nas h+yab gur rnams bsdus/__dbu rtse'i gdung ma zhig gug 'dug pas de la ka ba yin zer shing nar 'di 'dra mtshal ma la rgyal chen sde bzhi bris pa zhig yod pa sogs rmis kyang zhib bca' brjed/__!__tshes 1718rnams la thang rgyal snyan brgyud skor 'don pa/__res gzugs dngos po'i rnam par gyur pa dang /____res ngag gi sgra/__res dpe char gyur pa sogs bshad mi shes pa mang po rmis kyang brjed/__sngar dus yang snyan brgyud 'don rjes de 'dra mang zhig rmis pas mkha' 'gro 'khrugs pa yin 'dra/__do zhag gdong sna sprul sku sogs la 'don pas/__de'i 'khrugs ltas shas che/__oM badz+ra sa twa hU~M/__d+hA ki bzod par gsol/__!__tshes 20nub/__ri ngos shig nas dpon g.yog kha shas rta la zhon nas phyin pas/__spang sgang zhig gi rdo grub bla brang yod pa der/__rdo pa thams cad mkhyen pa bzhugs rtsis kyi/__mjal sar phyin pas/__sgang rgyab khog zhig tu khang pa che tsam 'dug pa de la rta zhon nas bskor ba gsum byas kyang /____su yang go thos ma byung bas yid pham nas/__la thung rgyab ste 'ong ba/__rjes nas grwa pa zhig gis ded byung ba/__yang khang pa zhig tu phyin/__ded mkhan gyi bla ma de yin snyam/__thod pa gnyis nang g.yang rdzas bsags 'dug pa/__thod pa gcig la reg pas de nyid rul sbal gyi khog pa lta bu mdog dkar ba rtse gru gang lhag tsam yod pa zhig tu gyur nas kha sbub pa dang gyen du bkan pas/__rkang lag mi 'dra bar gyur nas thal mo sbyor ba dang /____brla yi sgang zhig nas khrag rgog 'dra ba bkog nas byin byung ba zos pas byin rlabs kyang yod snyam dang /____khrag zos pa lta bu'i cung zhig btsog snang byed pa'ang rmis/__yang stag tshang dang /____shel phug gi ri yin rgyu'i rdza spang 'dres pa'i ri mtho gzar po'i ngos nas rdza rdo nyil ba dang /____khyad par stag tshang nas 'bor chen nyil ba rmis/__!__tshes 21nub/__ngos dang d+hA ki sogs dmag zhig gi dogs pas/__gnas ri sgo nas yar brag khong gseng can nas yar 'dzul sa yod pa zhig tu sdod nas/__phyi nas dmag 'byor ba'i 'jigs skrag gis gcos pa rmis pas/__de'i phyi nangs gong khrar zi ling mkhar shor rabs lha ri phyogs nas bshad zer ba thos pas brtags/__!__bla ma la phyag 'tshal lo/____/sa glang zla 7tshes 23la/__'du khang zhig tu kaHthog si tu thams cad mkhyen pa dang lhan cig 'tshogs pa mang shas dang bcas/__phur pa'i sgrub mchod 'tshogs/__la dkar tshang gi phur pa rta dbu can shing bzos de gras kha shas kyis/__bzhi tshan re yod pa'i phur gsol zhig btang ba dang /____rol mo dz+hi k+ShiM ser po lta bu dbyibs rag ldig lta bu che bring gnyis gral nang der kha phral te/__pus mo'i steng sdubs nas dbu mdzad kyis 'jog pa rmis/__nam langs 'bri gter gyis gter blangs tshul la gzhig 'brel byas pas mdun mkhar gu ru za hor ma pad sdong rtser mkha' 'gro gnyis bcas/__rgyangs mtho gang drags gsal sgros can mjal mthar rang la thim pas lus 'phar g.yo dang /____rig pa gsal dwangs rjen pa 'char/__'di nyin tsA 'dra yon tan dpal bzang gis gter rdzas sogs byin rten khyad 'phags mang po byin/__phyi dror gro khe rtogs ldan byung /____!_tshes 24nub/__shangs chos skor gyi dpe mang po zhig klogs pa dang /____rang gi lus kyi nang nu ma g.yas 'og gser sku zhig bu chags pa bzhin/__phyi nas myang na sra theng nge yod pa dang /____skabs re 'gul zhing skad 'byin kyang tshig ma nges/__!__tshes 24phyi dror 'jam dpal snying thig las byang 'bri 'dod byung ba ldeb gsum tsam bris nas/__tshes 25snga char rdzogs par bris/__!__tshes 28la/__sgrol ma rnal 'byor ma'i sgrub dkyil lung gi skabs/__dam tshig sgrol ma'i sku ma gsal tsam shes nyams la gsal/__!__tshes 29la/__sngar tshes 24skor/__'di la dgos pa cher med/__A yurba la gnod sbyin gyi yul du skye ba'i nyams rab rib gsal ba/__'di nyin gzugs dbyibs shes ngor 'char bas/__mchod thabs bris shing /____phyi rol du rgyu ba na/__shar phyogs nam mkha' mthing sngon gyi dkyil na'ang mthong snyam pa byung /____!_zla 8tshes 2snga char mkhan thub bstan rin po ches kye rdor nag po lugs kyi lung gnang ba'i dbang bshad/__nag po shAn+ti pa'i lo rgyus kyis rkyen byas te/__slob dpon nag po kah+Na pa/__grub brgya'i thang ka si tu rin po che'i phyag bris kyi rgyun lta bu'i ro lang gi khri steng /____grub chen rus rgyan can/__steng mkhar gdugs kha shas yod pa'i sku shin tu gsal ba zhig mthong snyam pa dang /____de las DA ki sprul te/__bde mchog gi dkyil 'khor gyi thig btab ste/__blos bslang zhig grub pa dang /____slob dpon mi snang bar/__gzhal yas khang gi gtso bo bde mchog zhal bzhi phyag bcu gnyis can du gyur nas/__rang zhal du rngubs pas/__yum gyi mkha' nas phyir bton pa na/__bde mchog lhan skyes kyi skur yin snyam gsal po ma dran/__gyur pa la/__sdom bzung gi 'jug pa mdor bsdus kyi/__ye shes pa bstims/__'di'ang gsal po med/__rig pa'i dbang lnga dang /____brtul zhugs kyi dbang /____brtul zhugs spyod pa'i yo byad/__thod pa/__kha T+wA~M/__cang te'u/__stag glang sogs kyi dbang dang /____gsang dbang gi bdud rtsi blud/__sher dbang la rang bde mchog lhan skyes dang /____rnal 'byor ma dmar mo dang snyoms par zhugs/__yas brtan mas brtan gyi dga' bzhi bskyed/__dbang bzhi par/__dngos po med la sogs kyis ngo sprad/__mthar gzhal yas khang mi snang /____slob dpon sngar bzhin gyur nas/__rgyud kyi rgya dpe pod gcig gis bka' gtad mthar/__slob dpon rang la thim pa dang /______/lus 'phar g.yo kha shas byung /____rig pa rtog med gsal dwangs rjen par 'char ba'i nyams byung ngo /______/nyams 'di ma 'char ba'i sngon tsam du cung zad 'thum par/__d+hA ki tshe chos/__g.yu rgyan can gyi/__rna longs ring po zhig btags nas rang gi mdun der 'ong ba rmis/__!__tshes 6la/__lha khang zhig tu shing skya bo'i khri steng /____gu ru rin po che'i lder sku yin snyam lta bu/__de'i mdun khri ngos der pad+ma'i sdong po yal ga gyes pa zhig dang gsham der/__chu zhig 'dug pa de sin+d+hu'i rgya mtsho byed chog pa 'dug zer nas/__bzo bcug pa tshon khra dang bcas pa byung /____dar cig nas thub dbang rin po che byams bzhugs byas pa'i zhabs gnyis klu gzugs che ba gnyis res btegs pa sku sha kha dog sngon po can dang /____yang thub dbang zhig phyed bzhengs tsam byas pa/__sku tshugs legs po 'ong dgos kyi bkod pa dang /____rtse gzim chung ging 'dra ma dper blangs pa dang /____dkon spyi dang /____klong gsal sku gsum zhi khro bcas/__bsdu lugs da snga ma dar ba zhig 'don pa sogs rmis/__'di nub rang gi yi dam thun min gang 'os brtags pa yin/__cung zad 'thib pa'i nyams kyi snang char bde mchog zhal bzhi phyag bcu gnyis pa'i sku thog tshad tshon khra can 'char/__!__tshes 7la/__kaHthog 'du khang gi dbyibs lta bur/__skyabs rje si tu thams cad mkhyen pa dang /____rje dbon chos dpal rgya mtsho sogs mang po gsung chog mdzad de bzhugs pa/__phran rgya mthong khar yod pa/__de nas 'du khang du skas zhig las phab ste song ba/__skas phyed drag tsam zhig slebs pa na/__mi zhig gis phor pa gu shag lta bu'i nang chab bsil rogs zer/__rgya mthong nas sprod byung ba/__der chab bsil shom byas te rkang pa skas rgyab brkyangs pa/__chab kyang bsil ma lo/__mar bab kyang ma lo/__lhung bzhag na zhabs nas legs mkhan yod sa 'dug sogs dran ngang /____gdugs dkar bsnyen pa dang /____seng gdong bsnyen pa sbrel nas/__gdugs dkar bzlog pa zhig 'don/__de nas rang rje dbon chos dpal sku 'khris su slebs nas/__sku phrag khar mgo 'jog nas yun ring sdod/__'du khang gi gnam la rgya can bsgrigs pa la/__tshe dpag med sogs lha sku mang po dang dkyil 'khor mang po tshon bkrag ldan pa bris 'dug_/rgya mthong gi g.yas ngos der skas ring gcig 'dzugs 'dug_/de nas rang skyabs rje'i g.yas logs der/__grwa pa zhig gis pang nas 'phred la nyal ba lta bu byas ngang /____sngar gyi nad de 'phar nas na ba sogs rmis pas tshe gegs shig yod dam/__yang tho rangs yi dam brtags pas/__gnyid srab mor/__grub chen nag po spyod pa sngon ma dang phyogs mtshungs la/__sku lus nang dpa' bo mkha' 'gro mang po ha cang mi gsal tsam bzhugs pa dang /____'khor lo bde mchog ye shes sku/__sogs tshigs bcad kha shas gsungs kyang brjed nas thal/__de 'dra zhig dang /____yang cho ga sgyu 'phrul lta bu'i tshigs bcad don bsdus shig 'don pa rmis kyang ma dran/__!__tshes 12la/__dud kha zhig gi khyim du 'byor nas/__shing dem zhig gi steng na/__rgya dang hor dril lta bu mthong ma myong ba'i khyad 'phags gnyis gsum kyang 'dug pa'i che chung mang po dang /____gter chen bsod rgyal gyi gter byon/__bde chen tshe sgrub kyi sku tshab lnga'i nang nas gcig yin zer ba sogs mang shas rmis kyang brjed/__phyir nangs smin gling nas rdor dril rgya rnying sogs phul nas dgongs zang gnang rogs zhu ba legs sam snyam/__!__tshes 15la/__mkhan rin po che kun dpal yang rmis shing /____bstan bcos tshem gnyis 'dug pa/__mdo sngags smon lam 'dra ba zhig la/__de dngos ni min pa dang /____shing rta brgyad kyi lam srol thams cad yod pa la/__'phreng gter gyi thos bsam 'chi med bdud rtsi lta bu de'ang min pa'i/__lam 'bras skabs su'ang sgron drug ye shes 'od kyi bkrag mdangs che/__zhes pa sogs 'dug pa/__lam 'bras la'ang de 'dra'i chos skad yod pa yin 'dug snyam mtshar zhing /____mkhan bla mar 'grel pa zhig mdzad rogs zhu ba dang /____yang mkhan bka' drin can las dbang gi sta gon zhig zhu ba dang /____sang snying thig rtsa gsum zhu snyam dga' spro dad mos bskyed pa rmis/__yang yi dam rmi lam brtags pas/__'jigs byed sku 'al 'ol zhig rmis/__de nas yang gnyid srab mor sha ba ri pa gru gang tsam/__'khor ba dong sprugs lta bu phrag g.yon par ling sngo chen sgril ba'i ga shal yod pas/__rgyud sde kun gyi yang rtse bskyed rdzogs mthar thug rdo rje'i rnal 'byor sbyor ba yan lag drug pa sgom dgos par lung bstan pa rmis/__!__tshes 15nyin/__'brug smin gling pa ngag dbang rdo rjer/__dgongs pa zang thal dbang gi sta gon skabs shig_/gzhi khri'i steng mkhar/__rig 'dzin rgod ldem dkar chas/__dbu skra nag po thor cog chung ngu rgod sgro can/__skra phyed sil grol/__zhal ras 'dzongs zhad can/__phyag g.yas chos 'chad thugs ka/__g.yon mnyam bzhag gter sgrom sngon po 'dzin pa/__zhabs skyil krungs bzhugs pa can gsal bar byung /____!_tshes 17rig pa'i rtsal dbang skabs chas zhugs kyang byas/__byin rlabs kyi babs chen po zhig kyang byung /____dbang grub pa'i gtang rag maN+Dal skabs/__rang nyid de'i sngon nas rig pa gsal ngar thon pas/__mnyam bzhag lta stang gi dbyings la gzir bas/__rig 'dzin chen po sku dbyibs sngar 'dra la dmar mdangs che ba/__sku gzan dmar kha gsol ba dang /____phyag gnyis kyi dgongs zar glegs bam gyi bka' gtad mdzad pa/__shel rdo dang /____gzhan yang dbang rdzas gcig yod snyam yang ma nges shing /____thugs ka nas a yig spros pa rang gi snying khar thim pa dang /____maN+Dal 'don rgyu zhogs nas dar tsam lus pa 'phar g.yo gnyis byung ba dang nyams sad par gyur to/____/_!__zla tshes 23la/__'dis kha a 'gyur lta bus srung ba gwa'u'i nang /____mnyam med dwags po'i gdung bzhus pa'i dbu thod tshal pa dang de bzhin gshegs pa glang po che'i skye ba bzhes pa'i mche ba'i rtse la brkos pa'i shing lo lta bu 'khyud gang tsam nang /____sku ma gsal ba grum 'dug pa'i cha shas rnyed pa dang /____sku tshab gter sku las mkhyen brtse bsod rgyal gnyis kyis btab pa'i sku gnyis tshon dbyibs legs pa 'dug kyang rang gis ma lon pa rmis/__!__zla tshes 26la/__dpal mo lugs kyi thugs rje chen po'i dbang zhig_/rgyud sde gong 'og lta bu'i tshan gnyis bskur ba/__da sngar ma grags pa zhig 'don pa dang /____yang shel phug lta bur dkyil 'khor yol ba dmar pos sgribs te/__de'i rgyab nas sprul sku gsal dga' lta bu la gos dang gzi brjid che bas kun thub 'cham nas shar sogs phyogs re nas bskor te/__yang du slar ldog ste phyed ka re bskor ba dang /____lha gang yin brjed/__de'i dbang zhig 'don pa sogs rmis/__!__tshes 28skor zhig tu/__dgongs pa zang thal gyi btags grol gyi dbang /____phyi nang gsang ba yang gsang bcas sngar med pa mang du 'don pa rmis/__gnam stong skor nam langs la rgyal chen pe har/__glang chen zhon mthing sngon thibs zhu bya thul can yud tsam gsal/__!__zla 9tshes 1nub/__'jigs byed res sku dngos/__res bris sku lta bu sogs yun ring tsam gnyid srab mor byung /____!_tshes 9nub/__nyams dang gnyid srab mo 'dres mar/__jo nang rje btsun paN zhu can/__g.yas chos 'chad ut+pal glegs ral/__g.yon mnyam bzhag tshe bum bsnams pa la/__mos gus byas pas/__gnas gsum nas 'od zer spro ba dang chabs cig bum pa dngos dang /____dku g.yas phyogs rig ma yid 'ong zhig gis thod pa'i bdud rtsi blud/__de nas bla ma 'khor lo sdom pa lhan skyes dang /____rig ma spros/__rang yang 'khor lo sdom par gyur/__dga' bzhi rjes mthun skyes/__dbang bzhi par/__ye shes 'di ni mkha' ltar rnam par dag_/bde stong mchog tu mi 'gyur de nyid do/____/zhes gsungs nas/__yang bla ma sngar ltar gyur nas/__rang la thim snyam ngang sad/__!__tshes 10rig 'dus tshogs gtong ba'i nub/__dgun mtshams gang 'dug brtags pas/__lcags kyi pad 'dab kyi gdan yod pa'i tshe yi sgrub skor/__nang sgrub le kha bzhi tsam yod pa 'al 'ol dang /____yang rig 'dzin rgod ldem sngar dgongs zang skabs dang dbyibs mtshungs pa'i gsal ba zhig gis tshe sgrub lcags sdong ma'i dbang zhig bskur ba rmis/__yang gnyid pa na lcags sdong tshe sgrub yang yang rmis pa byung /____!_zla 9tshes 19la nam smad/__rdo rje 'chang blo gter zhabs kyi zhal dkyil thog mar mjal skabs dran nas mos gus kyi nyams 'bar ba'i rkyen gyis/__rdo rje 'chang de nyid kyi sku yi snang ba rab rib mjal/__zhabs dpral bar 'jog pa dang /____rgyud btus rin po che'i byin brlab zhig zhu snyam pa'i ngang /____rgyud btus sde spar lta bu pod mang shas mdun der brtsigs pa dang /____rdul tshon gyi dkyil 'khor mtha' yas pa nam mkhar sprul/__bla ma nyid bde mchog lhan skyes mi tshad tsam du gyur/__rang nyid kyang grangs med sprul nas/__dkyil 'khor rer gtso bo 'di yin dang /____dbang bskur tshul 'di red brjod mi shes pa'i ngang mthar thams cad yal/__bla ma bde ba mchog gis/__chos rnams thams cad skye ba med/____/chos kyi dbyings ni bsam mi khyab/____/bde stong klong yangs mtha' grol che/____/chos nyid rang grol e ma hoHzhes pa'i tshig ris 'di gsal po ma dran pas tshig zur cung zhig nyams yod shas che/__de nas bla ma sgrol dkar sku mi tshad gcig tu gsal zhing /____des 'od zer drug sbrags rjes gnang dkyus ltar la/__thugs kyi rjes gnang ut+pal 'khor lo'i lte bar tA~M gyis mtshan pa bstim/__yon tan tshe ril chang /____phrin las gtor dbang /____de nas sku dpag med dang /____tA~M dpag med spros/__slar bsdus sku la bstim/__rdzogs rim dbu ma'i mar sna gtum mo'i me dang /____yar sna ha~M/__'khor lo lnga yi lte bar 'byung lnga'i thig le/__'bar 'dzag spro bsdus dwangs ma bstim/__tshe gegs bsrung ba srin rtsa yi ges dgag pa jo lugs ltar dang /____mthar bla ma nyid tA~M du gyur/__rang la thim pa'i nyams zhig byung /____yang mnal ba na/__kaHsi gong ma/__'jam mgon legs pa sogs dang /____ngos cag bka' brgyad sgrub pa 'tshogs/__dzapa? la sil snyan rgyun ring dkrol dgos red zer/__kha shas brdeg nas gnyis ka gyen bkan gyi 'dab ma brdeg nas 'jog_/dwangs seng grol/__yar 'tshogs dus/__skyabs rje rnam gnyis kyi sku chos nged nas gsol ba dang /____legs pa rin po che'i snam sbyar nang /____chos gos phyi mdzad/__phrag khar chos gos sne dzar gyis mdud pa byas pa sogs rmis/__!__zla 9tshes22/__nam smad/__mtshams bsnyen sdod rgyu gang yin dran ngang 'khrul nyams la/__thang rgyal sle ber sogs dkar dung nge ba/__mdun bsum pa lta bus phyag na tshe mda' thugs kar bsnams pas/__lcags sdong ma'i tshe dbang gsung snyam ni byed la thos rgyu ni med pa zhig gi mthar/__thang rgyal kha dog sna tshogs grangs med spros/__yang tshur thim/__phyag na shel rdo mdzub gang pa thogs nas/__gzung 'dzin ka dag gdod nas stong /______/gnyug ma ma bcos byang chub sems/____/rang rig lhun rdzogs bde klong che/____/rang byung 'dus ma byas pa hoHzhes bla ma thugs rdo rje sngo sangs phyag gnyis nam mkha' mdzod kyi phyag rgya spyi bor brgyangs pa gru gang tsam dang /____de yang je chung thugs kar as mtshan par gyur nas/__rang la thim pa'i mod gsal stong nam mkha' lta bu'i ngang du cung zad gnas par gyur to/____/_!__zla 9tshes 26nub/__khang pa zhig tu/__shing lta bu'i yol go'i sgrom mang por/__thang stong rgyal po'i gter chos shog bsgril mang po yod pa de rnams rang la dbang ba'i rmi lam dang /____yang thang zhig nas mar song ba chu shag zhig 'bog pa/__brag khung chu rdzing shugs che bar 'bog ma thub pa ltag phyogs shig nas song bas/__pha wa~M sngon po steng du shing skyes pa de gter gnas dang /____klu dbang 'khyil pa lta bu red snyam pa sogs dang /____yang dpal ldan chos skyong sems tsam nas rim par mthar 'gros bzhi thim nas zung 'jug gi sku brnyes tshul gyi bshad pa ngo mtshar can byed pa rmis/__!__tshes 27nam gyi smad char/__rje btsun biR+Wa pa phyag gnyis chos 'chad can/__sku gzi brjid ldan par mos gus byas pas/__zhal du rngubs nas/__gsang lam nas phyir dbyungs bar dpral ba nas 'od zer dkar po dang /____de bzhin gshegs pa'i bdud rtsis bum dbang /____mgrin pa nas 'od zer dmar po dang thod chang gsang dbang /____thugs ka nas 'od zer sngon po dang rig ma snying gar bstim sher dbang /____gnas gsum nas 'od zer 'dres pa dang /____bsam gyis mi khyab bde ba che/____/gzung 'dzin rtog pa d+hU tis zos/____/'bar dang 'dzag pa'i sbyor ba yi/____/bde chen mchog tu mi 'gyur ba'o/____/zhes gsungs mthar/__bla ma hU~M du gyur/__rang la thim/__rig stong nam mkha' ltar dag pa'i nyams 'char/__!__zla 10tshes 10nub/__stod phyogs bla ma zhig gis bskur ba red zer ba'i 'bog sgril che ba gcig tu/__gter ma yin rgyu'i phur pa chung ngu sogs kha shas dang /____gter shog mtho do tsam legs pa ldeb gsum tsam 'don shes snyam gyis dngos su 'don rgyu med pa zhig rmis/__yang sde sras khri ston gyis ling mdud zhig sla ba dang /____ma yum zur bzhugs rme shod la bzhugs shom byed pa zhig kyang rmis/__!__sa glang zla 10tshes 12la nged cag kha shas gnas ri lta bu spang brag 'dres pa zhig tu phyin pa/__nged rang nyams 'ur nas gter zhig len snying 'dod de sa sngon yod pa'i gdong zhig nas sa bshus pas rtsig pa dang thug de nas bslogs pas der ca'ang med/__de'i zur brag zhig gi ngos nas chu 'byams pa zhig la brag sgo gru bzhi 'dug pa/__gter srung klu btsan yin snyam gyi mchod de/__zur nas bkog dus/__spang leb lta bu rim gsum tsam bkog nas rjes ma'i dus gter srung sbrul gyi rnam pa yod/__khyod rang rnams kha sna chor/__rlangs pas na 'ongs byas/__rang phar tsam nas bltas pas nang du brag phug zhig gi nang sems can ngos ma zin dmar ser bra ra'i che chung sum cu tsam 'dug pa rlangs pa skya bun ne byung /____rang rtsa bar song nga la o rgyan pad+ma'i gter yod pa sprod byas nas bos pas de rnams nyig nyig re byed gter gtad snang ma byung /____yang khang pa zhig tu gter chen bsod rgyal dang gsung chog zhig lhan du byed pa sogs mang po rmis kyang thams cad brjed/__gu ru gter chen rgyal po'i sgrub thabs nyams len dgos par gsung snang byung /____!_tshes la skyabs rje si tu paN chen dang mkhas dbang gnas gsar bkra 'phel rmis te gsang 'dus 'phags lugs kyi khrid bu ston dang /____gnas gsar pa'i gsung lta bu skyabs rjes sngar yang gsungs/__da lta'ang nos/__bkra 'phel las kyang nos/__rang 'dra ba zhig gi de sgom pas mgo yod la/__de min thams cad rlung 'od zer lnga pa'i gong bu ngo bo rtsa la rnam pa 'ja' yi gong bu zhig tu gyur pa dang /____'di thob pa'i spro dga' dang /____nyams len byed snyam 'dug_/yang khang pa zhig tu grub thob zhig yin rgyu tshar tsag hrul po zhig mnab pas tshe dbang mdzad de tshe mda' nged la byin pa dang /____de la bskor ba byas nas song ba'i stegs kyi khar tshe ril rdog gcig mngar gsum brgyab bzos pas ro mngar ba dang /____mchog ldan nged kyi sngon du song bas tshe ril kha shas khyer ba rmis/__sngar dus zhig gu ru gter 'byung rtsal gyi bsnyen pa dgos par rmi ltas byung bzhin/__!__zla 10tshes 29la/__las gling gter byon gyi bzlas pa byas nub/__lha mo re ma ti'i las byang zhig mi zhig gis gtod par/__de la dmag rgyal/__dbu brgya ma sogs bsnan pa'i gsal byed mang shas rang nas bri dgos pa rmis shing /____gnyid de las cung srab par bdud 'dul re tir sab dgos snyam shar/__yang dar rgyas dgon pa'i grwa red zer ba'i ban+de lo khreb smug rdzig zhig gi thang ka gong gsham med pa drel zhig dbang khang du khyer ba kha phyes pa rje rin po che gzigs pa lnga thang yin snyam gyi gser 'gros che zhing 'od dang gzi brjid 'bar ba gtso bo de'i zhal ngo bgres nyams la sha 'bur khro tshul shangs che zhig 'dug pa blta yag byas pas gu ru rin po che bzhengs stabs zhabs bgrad pa sham thabs dmar phod kha/__o rgyan pad zhwa mja' 'dab la thod ra steng 'og gnyis ka 'khor mor yod pa smug nag khro tshul/__rdo rje thugs kar bsgyings/__dril bu dkrol stabs su yod pa sku hril po lta bu yod pa rmis/__!__tshes 30nub/__rang dkar mo'i sgrub khang rung khang gi sgo'i them skas nas phyin te thog khar slebs pa'i mtshams der/__skya ser mang po zhig kyang tshogs/__dbyar dus lta bu nyi char 'dres pa la/__rang nas ba dan dkar po che ba zhig nam mkhar 'phyar nas lung bstan mang po zhig glu rta las drangs pas/__mdzod tshe dpal gyis yi ge bri bcug song ba glu zhog 'phral sgrub khang steng du phyin pas yi ge bris pa de shog kha chen po'i ngos sgur tsha la mchan bus gsal bar byas pa 'dug kyang rgyang bltas las don ma nges/__yar gnam la bltas pas zla ba dang skar ma gsal zhing bla ma dran pa'i gsol 'debs byas/__de nas tshogs rnying pa bca' lugs bzang po byas pa'i tshogs bre bzos pa dang tshogs gtor can shing tro do tsam zhig mkhas mchog lta bus rang la byin pa rmis so/____/_!__zla 11tshes 1nub/__ngos cag rme shod phu ma'i khang pa'i mar 'gram zhig tu phyin pas chu chen po gcig la zam pa thung tsam zhing che ba zhig 'dug_/de'i pha ri rdza ri shing brag yod pa'i shur gzar po nas brag ngos chu 'byams pa/__de nas yar zil phrom sbas sder 'gro dgos red pas/__dang po phu mar ja 'thung 'gro zer phyin pas/__nyan phrad zla bzang gi ja zhus byed pa yin rgyu'i lha khang chung ngu btsag dma' rgya mthong can/__phugs sa mgon po phyag bzhi sogs lder sku mi tshad kha shas yod pa/__logs bris bal ris thor re ba zhig tu phyin/__mdzod tshe dpal dang sgar gzhis rjes nas 'ongs rgyur/__der rang gi dkar yol tshe rdos phul bar zho 'thungs pas khe the gog 'dug_/de'i phyi khyams du sras mo g.yu sgron gyis phul ba'i g.yang Ti'u gcig dum gnyis chag 'dug pa/__dum gcig chag rom ngos la rgyab pas chag dka' bas legs po yin 'dug rin phyer bsre rgyu mkho zer khyer/__do dgong ri ngos de nas yar 'byar te gong khar slebs dgos byas kyang 'gro ba dngos ni ma byung ba rmis/__yang sde gzhung sprul skur bgro gleng dang /____lam 'bras sogs dpe cha mang po rmis/__yang rdzogs chen bzod pa dang /____tshe dpal ngos cag gi rdzogs rdzong gnyis grwa gyod sngar gtams pa'i 'ju tsha tshang gi thad grwa rtsod lus 'dug pas sems khral gyur pa sogs chab chob mang /____!_tshes 2nub/__sa skya'i phur bla dang lhan cig mdo chog chos spyod lta bu mang po 'don te sa skya'i thabs yo mtsho gsum zer ba red zer ba'i da lta 'don rgyu de thabs kyi nang gses yin rgyu shin tu mang bar 'don pa dang /____yang ko ra kha'i chu 'gram zhig tu ban rgan gos dmar hrul gyon skra brdzes pa zhig dang lhan cig sdod nas gu shan zhig gi snod du 'bru yi nang gnam lcags phur pa rgya mdud can che chung sum cu tsam la/__de re re bzhin sgrub pa rab gnas lta bu byas mthar 'bru de bslogs pas de'i snying na rgyal phug lta bu kha shas don pa dang /____ban rgan de langs song bas bong shin tu che ba/__l+h+wam zlum po la sder mo 'dra yod pa zhig la rkang pa na ba lta bus 'gro dka' tsam byas song ba rmis/__nyams lta bur grub pa'i rgyal mo sngar dus mjal ba lta bu'i ras dkar na bza' can gyi phyag gi tshe bum gyis ngos thabs shes la grub rgyal tshe dbang zhig stsal snang byung /____!_shar nas 'ong ba'i bya gcig gis/____/nub kyi gser 'khrur mi gtsang byug_/srin bya 'ug pas hang sgra sgrogs/____/srin po rnams kyi snying la 'thad/____/lha bya rnams ni ri la bros/____/gdong dmar ma yis phag bltas byed/____/mche ba an tsam an tsam gtsigs/____/byang phyogs dmar po'i chu bo 'phyur/____/chu bos sde bzhi'i nags klung khengs/____/spre'u rnams ni chu yis khyer/____/phal cher srog dang bral bar 'gyur/____/la la ri bo'i phag tu yib/____/'gar brgyud nam mkha'i me tog 'dra/____/lho rong dmag gi yo lang g.yo/____/de yang stod nas rgyas par byed/____/byang stod dmag gi yo lang ches/____/gtsang nas rim par 'joms byas te/____/lha gdan lan tshwa'i chu bzhin rnyogs/____/ser 'bras nam mkha'i dbyings su gshegs/____/mi rgod mtha' mis 'du gnas byed/____/dgon pa chen po nyams dga' yang /______/je chung je phra'i ngang du gnas/____/de rnams bzlog par byed pa la/____/mdo bzhir mchod rten chen po bzhengs/____/lha sa bsam yas khra 'brug la/____/rab gnas bskyar zhing sman sgrub dang /______/bka' brgyad gshin rje phur bzlog rtsoms/____/ma mo'i mdos chen yang yang bya/____/sher snying 'bum phrag mang po dang /______/rgyal ba'i bka' mthu zab mo sgrub/____/bsam yas mchod rten nag po la/____/bdud 'dul stobs chen mchod rten bskor/____/de rnams 'og tu mnan pa sgrub/____/gu ru pad+ma 'byung gnas dang /______/sgrol ma thang rgyal sku 'bum bzhengs/____/dge bcu'i bka' khrims btsan byas na/____/bstan pa cung zhig gnas par 'gyur/____/mdo khams byang gi ri nag zhol/____/bdud 'dul mchod rten chen po bzhengs/____/mtshan brgyad phyag rdor mi g.yo dang /______/stobs po che yi sku rnams bzhengs/____/rme shod khams kyi bye thang der/____/byams pa chos kyi 'khor lo bzhengs/____/de yi 'gar chen bstan la phan/____/gzugs med tsha ngar thams cad 'joms/____/de yi cho ga rgyun 'dzugs bya/____/lhun grub lung pa rgyas sa der/____/snang srid zil gnon sku bzhengs shing /______/tshes bcu'i mchod pa'i rgyun 'dzugs na/____/chos kyi mdzod chen phrin las brtan/____/de min chu lug shing sprel mtshams/____/gos dkar mo yi dbyings su thim/____/brda' thim/__mgo zla'i sher phyogs rdzogs pa gsum pa'i phyi dro'i char ro/____/_!__thugs sgrub bsam lhun bsnyen pa bskyar dus/__sa zla'i tshes 14phyi thun dgong kha sprel gyi char nyams kyi snang bar/__tsA 'dra'i 'jam mgon sprul pa'i sku dpal rnal 'byor spyod pa dkar smug rus rgyan can g.yas DA ma ru/__g.yon dril bu dkrol zhabs phyed skyil/__mkha' 'gro sde bzhi chung ngus bskor ba byon te/__nga ni rig pa'i dpa' bo yin/____/de nyid rtogs na de yin te/____/de las gzhan du smra rgyu med/____/rnal 'byor nga la gshegs bzhugs bral/____/khyod dang nga gnyis dbyer med do/____/zhes gsungs nas rang la thim pas rang yang de 'drar gyur/__mkha' 'gro sde bzhi gcig la gcig thim gyis yal ba dang nyams sad 'phral bris so/____/_!__brjod bral gnas lugs kyi ngang du phyam mer gnas pa dang yid ngor nam mkha' lta bu byung ba/__nam mkha' lta bur khyab pa'i bdag_/bdag med phyogs bral don dam nyid/____/dmigs gtad mtshan 'dzin bral ba aHzhes snang 'char ro/____/_!__yang zla ba'i tshes la snga thun gyi nang zhig tu tsA 'dra yang srid rin po che yid la dran/__de'i rin gter brgyud bde bzang bas thob pa zhig byung na legs kyang ma thob snyam ngang nyams kyi snang char 'jam mgon sprul sku nyid o rgyan rdo rje 'chang gsang ba 'dus pa zhig tu gyur nas/__nam mkhar rtsa gsum chos srung dang bcas pa'i dkyil 'khor dpag tu med pa bkod nas/__rang rdo rje sems dpar gyur pa la dbang zhu ba rdor sems res mang po res gcig yin snyam pa lta bu sgra dang tshig 'di yin med pa'i dbang tshig chig rdzogs su gyur mthar dkyil 'khor thams cad dbyings su yal nas/__o rgyan rdo rje 'chang rang la thim pa'i ngang rig stong rjen pa'i ngang dar cig gnas pa byung ba snyam byed kyang /____'di 'dra mno bsam mang po/____/shes pa'i nyams la shar ba/____/mi dran dgu dran yin 'gro/____/skyag gtad ci yang med do/____/_!__tshes 30phyi dro'i thun sgang la bzlas dmigs la sems rtse gcig gtad pas/__gu ru rin po cher mos gus 'bar ba'i rkyen gyis nyams kyi snang char lho nub kyi nam mkha'i dbyings nas dar lam lta bu bskyod de rgya mtsho chen po'i klong nas ri mtho ba kha khyer yangs pa zhig gi steng /____pad+ma 'od kyi pho brang sum brtsegs 'og khang du rig 'dzin pho mo mang du 'tshogs par slob dpon za hor ma mchog gling gzigs snang lta bu sam zhu rna phab mnab pa/__bar khang du thugs chen bcu gcig zhal la thugs chen rigs bzhis bskor ba/__steng khang na tshe dpag med bzhugs pa/__de nas 'og khang du gu ru mdun du/__sgrub pa bka' brgyad kyi 'tshogs dngos nyams lta bu grogs ni phyi nas kyang rab byung dang sngags pa mang po 'tshogs pa/__slob dpon rin po che la sgrub pa bka' brgyad kyi dbang bskur zhig zhu dgos snyam ngang /____rang gu ru'i zhal du mid gsang bar babs pa che mchog zhal gcig phyag gnyis pa'i rnam pas mdun du bton te 'khod pa la bum 'dzin DA ki mang pos bum pa dang /____thod sku/__sgrub phur sogs mang pos dbang bskur te tshig gi sgra ni go rgyu ma byung /____gsang sher 'di mdzad ma gsal/__bzhi pa la gu rus phaT sgra drag pos rig pa dbyings su ar la gtad de brjod bral gyi gnas lugs rjen pa'i ngang du gnas/__de las ldang ba na rang lus rnal 'byor mar gyur te shar zhi ba rdor sems sogs kyi tshogs khang bzhi dang /____srin yul rnams na bun sngon po 'khrigs pa lta bu'i lam tsam re mthong /____de nas gu ru rin po che la dus kyi lung bstan zhus pa sngar khyed rang nas yid la brdol ba ltar yin tshul dang /____rang re la re drug don gsum rnams rtsub las grol na don brgyad thub par gsungs nas slar rang gnas su 'byor snyam gyis nyams de sad/__de'i skabs rnams su lus 'phar g.yo mang po dang /____dbang po 'thibs pa sngar na ba'i skabs lta bu/__sems ni zhag gnyis 'gyur ba lta bu'i bshad mi shes pa mtshar po zhig 'dug_/rang rig pad+ma 'od kyi bkod pa de/____/ji bzhin min kyang gzugs brnyan tsam zhig ni/____/dad mos mkha' la rab rib gsal bar gyur/____/pha gcig bka' drin can gyi gu ru des/____/byin rlabs shas tsam thob na'ang don ldan phyir/____/da dung du yang khyod nyid kho nar bsgrub/____/'di phyi bar dor thugs rjes zungs shig kye/____/zhes brjod do/____/_!__zla 5tshes 16la bde mchog nag po pa'i dbang sga pa dgon gsar ba yon tan mchog rgyal la bskur ba'i skabs slob dpon nag po spyod pa 'al 'ol shar ba'i sku las 'od zer 'gyed sdud 'tshubs 'tshubs byed pa zhig gi nyams shar/__!__tshes 27snga thun nang phyi nam zla dwangs ba sogs kyi rten 'brel las grub thob chen po mi tshad tsam mnyam bzhag thod pa res g.yas rdo rje 'dzin pa zhig mjal snang ngang grub rjes phaTaHgsungs pas rig pa har sangs rjes yid dwangs gnyid sangs ltar gyur/__yang dar cig nas grub rjes rnal 'byor spyod pa'i chas byin de yal ba'i rjes DA ki kha shas kyi rus rgyan dang tshi gu'i smad dkris/__dar dmar sham thabs rnams kyis chas dbang bskur ba'i nyams rab rib byung /____!_tshes 29snga thun la/__lung rtogs bstan pa'i nyi mar mos gus byas pa'i rkyen gyis/__mkhan chen ngag dbang dpal bzang sku gzi mdangs rgyas sngar dngos mjal skabs ltar gyis dpe cha kha shas bsnams nas nged kyi 'di rnams khyod la gtad kyi 'chad spel gyis gsung gtad pa dang /____dpe rnams 'od dmar por gyur nas rang la thim pas snying gar a yig tu gyur pa zhig byung /____yang de yi snga thun la ma gcig grub pa'i rgyal mo'i nyams shar ba'i tshe sgrub logs su yod/__!__zla 9tshes 12skor zhig phyi thun la rang rdo rje gzhon nu'i nga rgyal sku shin tu gtos che ba dang /____las byed khro bo phur srung sogs kyi gsal snang mchog tu che bas lho 'dre'i grong khyer 'gugs bsgral spar ba'i gsal snang zhig gyur/__!__zla 10tshes 18nub rmi nyams 'dres mar/__dga' ldan yin snyam yul rgya chen zhig tu khang bzang sogs 'al 'ol gsal ba la a ti sha sogs bzhugs snyam pa dang /____rje bla ma tsong kha pa chos gos zhwa ser sogs mnab ste byon nas legs bshad gser gyi phreng ba zhig zhal phyes te rang la gtad nas 'di la brten nas sher phyin gyi go don rgyud la skye 'ongs zhes gsungs pa dang /____a ru ra'i tshal yin snyam shing sngo sub be ba gru gang tshad mang pos gtams pa zhig tu byams pa byams bzhugs sku mdog ser po can zhig gis rgyud bla ma yin rgyu rdo rje rtse lnga/__mdo rgyan la pad+ma/__mngon rtogs rgyan la nor bu/__'byed gnyis yin rgyu'i nyi zla rnams rang la gtad cing bstim pa zhig byung ba sems nyams la yid brton med cing /____dngos yin na byin rlabs shig yod dgos pa la gsar pa ci yang shes mi 'dug go/__!__zla 10tshes nyer bzhi'i thun gyi 'khrul shes la thang rgyal sku dmar smug mnyam bzhag tshe bum can gyi spyi bor rdo rje 'chang sngon po yab yum gsang 'dus lta bu mgrin par thugs chen/__thugs kar che mchog zhal gcig phyag gnyis rdor thod/__gsang bar phyag drug pa gsal ba can byung ngo /______/!zla 11tshes 3tho rangs bde dril zhig la bsnyen pa zhig byed na snyam ngang /____snang char slob dpon kah+Na pa ro langs la zhon pa cang te'u thod pa/__gdugs dang DA ma ru rang 'khrol ba byon pa ro langs de mi lpags kyi gdan chen por gyur pa dang /____der bzhugs nas bde mchog gi dkyil 'khor sprul/__bla ma he ru ka zhal bzhi phyag bcu gnyis par gyur/__rang nyid bsregs sbyang gis hU~M du gyur zhal du drangs ye shes pa bstim gsang sgo nas byung he ru ka'i rnam pas 'khod pa la thun mong rig pa'i dbang brtul zhugs/__sku gsung thugs rnal 'byor spyod pa'i dbang /____gsang ba mnyam sbyor la rang gi kha gtugs pas bdud rtsi byung ba dang rtsa gnas thams cad dpa' bo dpa' mor bsgyur/__sher dbang la phyag rgya spros phyi nang gi lha thams cad snyoms par zhugs pas bde stong skyes/__dbang bzhi par/__dngos po med la sogs dang /____chos rnams nam mkha'i rang bzhin te/____/nam mkha' la ni mtshan nyid med/____/'od gsal lhun grub 'dus ma byas/____/rang byung ye shes rdo rje che'o/____/zhes gsungs nas dbyings su yal te nyams sad par gyur to/____/yang tshes 3nangs par nam mkha' zas za skabs byams pa kun dga' bstan 'dzin zhig gsal bar mthong nyams byung ngo /______/gu ru rje la phyag 'tshal lo:rta yi zla pa'i tshes bcu la:shar phyogs brag dkar mdzes pa yi:seng+ge 'phyo 'dra'i nyin gyi phyogs:mtshal gyi hrIHyig rdo rje dang :g.yung drung dag gi mtshan pa na:sgrol ma dkar mo'i chos skor yod:gter bdag zu ra ra skyes la:dkar gtor klu sman gtsang ma dang :bsang brngan gser skyems dag gis mchod:rtsi dug gnod pa srung ba'i phyir:ma gi ta dang brag zhun dang :spru nag sbyar ba byug btung bya:shes rab grogs ni mkha' lding lo:de dang lhan cig spyod par gyis:sa ma ya:!lcags stag zla 4pa'i tshes 26nub rmi lam du/__spang dang rtse mo rdza cung zad yod pa'i ri zhol khang pa zhig gi nang sprul sku gsal dga' ngos cag lhan du bzhugs pa'i zhal dmar po byas pa zil phrom gnas sgo'i lab gleng byas pa nged nas ri 'di'i mgul nas mar dkris song na sleb tshul dang /____de'i lde'u mig kha byang der mdzo mo zhig yod snyam/__de'i lto ba na yod tshul zhus pas/__mdzo mo de bsad dgos sam snyam pa dran/__de nas gter lhung lta bu 'gyur med ma zhes pa'i khang par slebs pa'i mdzod g.yen smag zhad zhig gi nang bud med zhig gi ca lag phed 'dug_/der yang zil phrom sgo 'byed kyi chas zhig yin snyam dang /____de'i brgyud pa bu dgu ma tshang red zer ba dang /____rdzong sar gzims chung bang khang 'og rnga sna nor bu'i khang ngos skas la bu mo lo nyung skra rgyab slas can 'dzegs pa sogs rmis kyang zhib bca' brjed/__zla 8tshes 25la rang gzhan gyi rkyen sel du tshe sgrub gsang 'dus bsnyen mtshams la zhugs pa'i nub mo nyi ra'i nang mchog ldan nged gnyis sdod pa/__shar phyogs ha khra'i thad nas zla ba nya rgyas thag 'dom do tsam 'ong 'dug pa ba red zer ba sgra dang bcas nag po zhig byung ba zla ba de cha shas ma gtogs sgrib nus pa byung /____da res gzab ste blta dgos snyam nas bltas kha shas 'ong 'dug pa dbyibs 'di 'dra la rtse nas mar mi zhig gi lcags tshan 'dra ba'i snar thig skud nag po zhig phyar nas byung ba zla ba'i ngos nas yar byung ba dang /____ngos rang nas phur pa'i bskyed rim gyis lag g.yas gdeng nas phyir bskor nang bskor byas pa dang /____rme nyin gzhung gi thad de shed nas de nas dbang khang du song nus pa de gsang rgya byed dgos snyam mchog ldan kha bsdam/__yang rab gsal nas bltas pas zla ba yang med smag cham red 'dug pa dang /____yang mang du byung /____bzlog rim mgon pos bzlog pa dang /____gter ston dri med rin po che/__a paN red cag gi s+t+wam b+ha ya zhig smad kyis mdo zhig tu brgyab pa sogs rmis/__de'i phyir nangs tshes 26nangs par dzaM thog sogs nas bkye 'thab kyi skad/__!__tshes 26nub mi zhig gi lpags ras nang sgril ba'i yig pod gcig gtad byung ba zhal phyes pas gna' yig sgur tsha bris pa'i mnog can 'dug pa bka' brgyad bde 'dus dbang sgrub lag len gsal ba gnad 'bebs ces bya ba zhes pa'i rgyab byang nang na tshem pa kha shas/__dbang bsgrigs tshem che ba zhig 'dug pa mnga' ri paN chen gsungs yin 'dug pas dga' snang chen po byed pa dang /____yang tshe dpal gyi ring 'gags tsha sbyar rnying pa zhig bsam gtan gyi khyer nas 'di mgo nas byi bas zos 'dug ces glengs/__yang mdzod pas bzhengs pa'i zangs sku gu ru red snyam zhib bca' ma 'byed 'di'i gzungs gzhugs byi bas cung zos pa yang phul dgos pa red zer sku de gnam la brkyag pas zi phrim ser po kag rtsi can gyi sku khog 'dra ba'i nang srog shing sogs gzungs gzhugs 'dug pa de la nyams gsos kyi shing byang zhig gi ngor byin sku mang po sbyar te 'bul rgyu'i grab chis byed pa sogs rmis/__!__zla tshes 28dgong thun/__ma hA kA la'i srung 'khor gyi/____/rdo rje'i rdzong la gnas pa'i tshe/____/bla ma rdo rje 'chang blo gter/____/dran pa'i rkyen gyi gdung shugs kyi/____/dad pa'i gzugs brnyan yid mkha' ru/____/dpal ldan rdo rje nag po che'i/____/'jigs rung sku ni rab gsal las/____/dbang bzhi 'od zer chu rgyun gyi/____/rang gi gnas bzhir thim pa dang /______/de las slar yang spros bcas kyi/____/rig pa'i lha mos bum bzang thogs/____/dbang bskur bdud rtsi'i chu yi brlan/____/bla ma kA li de wI sbyor/____/byang sems gnyis mtshams lce yis blangs/____/lha mo rang la 'khyud pa las/____/byung ba'i dga' bzhi brda tsam byung /______/gu ru kA la chen po des/____/rdo rje'i yi ge bdun pa dang /______/oM AHhU~M hoH'i sgra sgrogs dang /______/lhan cig rang la sib kyis thim/____/rig stong skye med gsal dwangs che/____/nam mkha' lta bu'i nyams skyes la/____/yud tsam gnas shing nyams sad gyur/____/rmi lam rtsi ke mchog gling sprul sku rin po che dpon g.yog la cung 'tshub rmis/__tshes 30nub rang dgon chen lhun grub steng gi ngor gyi mkhan khri chen mo'i steng sdod cing /____der zhag gcig de nang nyal snyam dang /____khri gdan 'bol khebs nyal gang ma shin tu bde 'bol steng res 'ga' nyal/__res 'ga' drang por 'dug_/mdzod tshe dpal byung ba lag gis gdan la reg ste ci 'dra red zer ba khebs gdan gnyis gsum brtsegs ma 'dug pa/__mkhan chen gong ma dang ngor chen gyi bzhugs gdan rnams red byas/__gdan drum rtse stag 'dra ser po dang /____sngo khra 'ja' 'od lta bu rgya 'thag gi stag sder bzhi yod pa sogs 'dug pa brje len cha shas byas/__khri de'i rgyab yol la sgo yod pa nas song ba khang chung zhig tu slebs/__der sras ngag dbang lta bu zhig 'dug_/da 'tshogs ran zer sgo nas byung ste khri steng 'dug_/grwa gzhon cha shas kyis mdun nas dpa' bo'i 'cham stabs lta bu byed/__khri lcog steng mgon po gur zhal las mgon gyi lder sku gru tshad tsam/__mgon po gzi brjid can phyi snod sgam ngo shel can 'dug_/phyir bltas byas pas khri rgyab khang chung der tshogs bdag glang sna dkar po 'jim sku mi tshad tsam sgros med pa 'dug pas/__de rnams la bskyed bstim rab gnas byas/__mdun du mar me kong chung zhig 'dug pa ngos nas tho brgyab ste 'dril ba'i mar khus khri chas skyon red snyam pa'i 'khu 'khrig byung ba sogs rmis/__yang DA re ba nag po brdal ba'i khung zhig tu bu mo 'dug kir grib ltas 'dra zhig kyang rmis yang gtor ma byin pas bya mang 'tshubs pa'i nang khwa ta gnyis shi ba rmis pa srung ba brag rdzong ma'i dmag bzlog zhig bsgom pas der blta'am/__!__zla 9tshes 3nub/__'jam mgon legs pa rin po che khang pa zhig tu bzhugs/__rdor gling hU~M skor snying thig cha tshang zhig gi smin grol thob pa yin rgyu'i thob yig shog dril chos tshan gyi kha byang mang po yod pa 'dug pas/__byin brlab 'pho ba'i brgyud pa bris gsung pas shog dril mthar bla brgyud kha shas dang /____mi bskyod rdo rje sogs gsung byung bas/__rang nas bla ma rin po cher 'di ring brgyud yod rabs med/__mkhyen brtse'i nye brgyud yin/__rnying ma'i lugs la nye brgyud rtsis che zhus pas/__'o yin rgyu red khong gis mkhyen brtse'i mdun nas gsan gsungs pa rmis/__!__tshes lnga snga thun la shes nyams su mdun mkhar lha btsun chen po nam mkha' 'jigs med dkar smug dbu skra nag po thor cog smad sham rus rgyan g.yas mda' dar/__g.yon tshe bum/__zhabs rdor skyil can la mos gus dang DA ki tshe ming skyabs bcol zhus/__bzhengs nas de'i rtsa bar d+hA ki dkar mo zhig gi dku g.yon nas brten tshul gyis 'dug pa gar stabs cung zad bsgyur/__he ru ka sngon po rdor thod can yab yum zhal sbyor du gyur/__de las dbang blang ba'i dmigs pa byas/__zag pa gsum bral bde ba che/____/thugs kyi klong du sba bar bya/____/zhes gsung snang byung mthar nyi yol nas rdog sgra 'dra zhig byung rkyen gyis lus 'phar g.yo dang bcas nyams sad do/____/tshes 8la rmi lam du shel phug gi bya dkar dmar rgyab ngos lta bu zhig tu nged cag kha shas song ba gyang dkar po'am sa min brag min gyi ngos sne zhig tu ban+de sha rgyag zhig gi 'dir gter yod zer dkar po mtho tshad lhag tsam skor skor zhig bred 'dug pas cong zhi+i dkar po'i phye ma lta bu mang du gzhogs mthar bug pa brdol ba'i nang lcogs lcogs che ba zhig gi steng zi khyim dmar po'i rdo rje rtse lnga sgang po mdzub gang pa zhig 'dzugs 'dug pa ngos rang gis blangs/__yang li ser gzungs rdor smad sbom stod phra ba gzungs thag dkris pa sor gsum tsam zhig kyang blangs gzhan lcog de nang mang po 'dug kyang ma blangs pa rmis/__yang khang chung zhig nang ngos 'dug pa de zhabs rgya mtsho red zer/__spang leb zhig bkog pas chu sngo ltem me 'dug nang /____thugs chen btags grol 'khor lo chags ma byas pa dang /____bzang spyod sogs chu de nang 'phang ba sogs mang po rmis/__yang shel phug 'dra ba'i gnas zhig tu res khang pa res gur yin pa lta bu'i nang rigs 'dus tshogs 'don pa/__slob grwa ba rnams kyis mtha' bskor te bltas 'dug_/sngon bskal ma la gdang 'then/__'don rogs gcig 'dug_/bstod pa tshar nas chab bsang grol/__phyi rgyab zhig nas tshogs 'gyed pa rdzong sar grwa pa zhig gi ser sna byas te spar gang tsam 'gyed rgyu byas pa sogs chab chob mang po rmis/__!__lcags stag zla 10tshes 12phyi thun la rgyab bsnyel nas bzlas pa dang /____rnam rtog la rgyal tshab pad+ma bi dzas klong sde'i byin brlab skabs phyag spyi bor bzhag_/a ha sogs kyis dgongs pa gtad pa na rig pa'i bogs dang /____sku gsum rigs 'dus kyi dbang skabs sdigs mdzub kyis rig pa'i bog 'don pa gnyis yid la dran dang mdun mkhar rgyal tshab rdo rje 'chang gangs zhu mnab pa sku yi rnam pa ji lta ba la phyag gnyis kyis rdor dril bsnams te dang po bzhugs yod pa bzhengs nas gar stabs mdzad pa dang /____gnas 'gyur te he ru ka sngon po zhal gcig phyag gnyis zhi ma khro chags bzhengs stabs phyag gnyis rdor dril bsnol ba'i spyi bor rdor sems yab yum/__mgrin par thugs chen bde kun/__thugs kar yang dag_/lte bar rdo rje gzhon nu rnams bzhugs pa'i rdor sems kyi bum dbang /____thugs chen gyi gsang dbang byang sems/__yang dag gi rig ma spros pa'i sher dbang /____phur pas ha hU~M phaTa?Hdang zer gyi tshig dbang mthar bla ma rang la thim rang he ru ka lus dkyil dang bcas sngar bzhin lam tsam gsal ngang /____lus 'phar sprugs gnyis dang bcas nyams yal/__tshes bcu gsum snga thun la mkhan po mgon dgas gzhan dga' rin po che'i nga la phyogs ris med kyang zla ba grags pa'i thad nas nged la phyogs ris zhig yod ces zhal mtshar gnang ba dran rkyen gyis zla grags paN+Di ta yi chas chos gos thang sham dmar kha stod gcer bu zhal ras 'dzongs mdzes paN zhu rtse gug med pa'i sne ring /____pus mo g.yas bslangs/__g.yon phyed skyil/__phyag g.yas pus steng duR+Wa sngo ljang /____g.yon pus steng 'jug pa'i glegs bam bsnams pa mjal 'jug pa zhu dgos snyam pa dang tshig go rgyu med pa'i ldab ldob zhig gsung nas rang la thim pa dang /____rang lus d+hIHdmar ser gyi phung por gyur nas de las dbyangs gsal sogs yi ge'i tshogs 'od zer dang bcas spro bsdu'i nyams byung /____!_tshes 14la phyi thun dus rje grub dbang thang rgyal la mos gus rkyen las bang sgo nas sku mdog smug rdzi re ras gzan thor cog can byon nas rang gi snying khar zhabs tho gsum brgyab nas a yig tu gyur pa rang thim gyi shes nyams zhig byung /____'di nub brag ri rdo rje 'chang dang 'jam rgyal gang yin mi phyed pa zhig ri khrod du bzhugs pa'i drung du phyin pa dang /____gzims khang 'chi med grub par tshogs 'khor zhig gral rim mang po byas nas 'tshogs pa sogs rmis/__phyi nyin tshes 15la A yur sid+d+hi blangs/__!__tshes 17la rmi lam du rdzong sar gzims chung du karma pa bcu drug pa rig pa'i rdo rje sku stod la da phrus ser po'i rngul len mnab nas byon mdzad 'dug pa phran la brtse ba'i tshul mdzad bzhin/__gzims chung sbug ma'i sgo rgyab nas nged tshe ji tsam thub zhus pas don drug thub gsungs/__de tshun bar chad 'dug gam bzlog thabs zhus pa sku rtsed kyi gshag chung steng khar 'byon nas a phyi gsungs pa a phyi chos sgron 'don dgos gsungs pa yin nam dran ngang /____yang d+hA ki nI A yu She swA hAHpuSh+TiM ku ru ya swA hAHgsungs pas tshe ring ma yin 'dug dran/__yang srog gi spu gri thon gsungs pa rmis/__zhib bca' brjed/__!__lcags stag zla 10 pa'i tshes bcu bdun bco brgyad skor zhig la rje btsun mi la gcer bu ras gzan can zhig dang chos kyi bgro gleng yun ring byas nas phebs song ba yun ring tsam nas phyir phebs byung ba'i na bza' gos ljang nag sbyar ma zhig mnab nas byon byung bas na bza' de 'dra bzhes na legs tshul zhus pa sogs rmis kyang 'phral du zin btab rgyu ma byung bas brjed/__!__zla ba de'i tshes 29nyag gshis brag ri rdo rje 'chang gi slob ma ye shes legs grub las pod ser mkhyen brtse bzhugs pa'i lung zhus pa'i tho rangs ga ya d+hA ra sngo nag og tshom cung zad yod pa ang rag ras dkar gzan dbu skra sngo chob be thor cog byas pa zhal shar nas nub tu gzigs shing lam 'bras bcud snying gi dpe cha glegs bam zhig thogs nas dpe de las oM AHhU~M swA hA dang 'od dkar dmar mthing ser ljang gu rnams 'phros rang gi gnas rnams su thim pa dang /____ye shes 'di ni rmad du byung /______/gsang ba bsam mi khyab bdag che/____/rang byung ye shes brjod pa bral/____/ro rkyang rlung ni d+hU tir thim/____/'gro 'ong bral ba'i gnas su bcings/____/thig le rtsa dang rlung bcas thim/____/des ni grub pa mthar phyin pa'o/____/zhes gsal la mi gsal ngang rang rig brjod bral bde ba chen po'i dbyings su thim pa'i rjes shes de nyid rgyun ring tsam 'gying pa'i phyi dro lug gi chu tshod dus la slar yang shugs 'byung du thon nas bris pa'o/____/gnam stong gi snga char lung gi sgra rna bas mnyan bzhin du rig pa'i snang char rje btsun mthu stobs kyi mgon po dmar smug chos 'khor gyi phyag rgya me tog gi phreng ba'i thod bcings dang /____do shal sogs dkyus ltar la sku bong dbang khang gi thog tshad dang mnyam pa shin tu che ba'i thugs kar dgyes rdor zhal brgyad phyag bcu drug pa lam tsam dang biR+Wa pa shin tu gsal yang lung gi sgra dang /____rtog pa 'gyu bas bar bcad de yal lo/____/gu h+ya/__!__zla 11tshes 5tho rangs kyi char kun mkhyen rong ston chen po bgres nyams dbu skra dkar shas che ba kong sprul rin po che'i zhal dbyibs lta bu'i sku yi dpral ba'i nang ngos 'jam dkar/____/mgrin par smra seng /______/thugs kar a ra pa tsa dmar ser/____/lte bar 'jam dbyangs ser po g.yas ral gri/____/g.yon klu shing steng nor bu/____/gsang bar 'jam dpal ljang gu ral gri dang /____rgya gram bsnams pa can dang gnas lnga las 'od zer 'phros rang gi gnas rnams su thim pa dang /______/sher phyin brgyad stong gi glegs bam dang /____zhi byed kyi glegs bam gnyis kyis mdo sngags kyi bka' gtad nas rang la thim/__rang d+hIHyig du gyur/__de'ang dbyings su thim pa'i rnam par rtog med kyi ngang du dar gcig gnas par gyur to/____/_!__tshes 6nub ngos slob yin zer ba'i ban rgan ngo mi shes pa gcig dang /____bud med lo gzhon gnyis/__bu chung kha shas yod pa lha gdan nas mar 'byor ba'i gzims khang du byung ba/__bla ma des gwa'u zhig nang gos sgril thum kha shas yod pa 'jog_/de rnams zhal phyes pas sgrol sku li ma legs pa gcig_/yang gos thum gcig li ser gar bu lha phyag bcu pa can gcig gi dbur ral gri pusti rang bzos dang /____rgyab yol pa tra nang lha sku mang po yod pa/__bud med gnyis kyis ngos la phyag dbang zhu ba snying gar thod pa gtugs 'dra byed/__bud med gcig gi sna rtser dmar gtor zur gsum 'dra ba chung ngu rma shu dang /____rum khug bu chung gcig 'dug pa sogs rmis/__!__tshes 7nub pad+ma shel phug sku tshab mdun ngos rang gi gter skal yin rgyu'i rdo sgrom snyim pa kha sbyor tsam kha shas dang /____che ba gcig nang la seng sgra yod pa rmis/__!__zla tshes la 'jam dpal ya man+ta ka'i gsal snang dang /____'jam dpal bshes gnyen gyi zhal gzigs snang dngos nyams yin/__!__slar gsol ba/____/rgyal dang rgyal sras gcig gyur 'ja~Xm pa'i dbyanga~Xs/____/rigs dang dkyil 'khor kun bdag chosa~X kyi~X rje/____/bka' gter gsar rnying kun mkhas blo~X grosa~X can/____/risa~X meda~X bstana~X pa'i~X rgyala~X mtshana~X slar yang 'dud/_1_/rgya mtsho che las rba rlabs ji bzhin rtsa gsum rab 'byams spro bsdu'i bdag_/'og min zhing gi rgyal ba ji bzhin mnyam rjes dbyer med chos sku'i klong /______/nyi zla las gzhan 'od zer ji bzhin dus gsum rgyal ba'i phrin las gnyer/__bye ma leb kyis nam mkha' ji bzhin khyed kyi rnam thar ga la dpog2/__'on kyang kham gang myong bas rgya mtsho'i ro nus rjes su dpog pa ltar/__dam pa'i rnam thar cha shas kyis kyang dam pa'i yon tan phyogs tsam rtogs/__de phyir khyed kyi rnam par thar pa'i zeg mas kyang ni skye 'gro'i rgyud/__thar pa'i son 'debs dge ba'i smyu gu gso zhing sku bzhi'i 'bras bu ster/__3des na bla ma'i thugs dgongs rdzogs pa dang /____rang gi nyes ltung sgrib pa sbyong ba'i phyir/__bstan dang 'gro la phan pa dang bcas pa'i/__lhag bsam zol gyis ji ltar spel tshul ni/__4'chi med rdo rje'i sku brnyes rje bla ma/__tshur mthong snang ngor bgrangs bya re bdun bzhugs/__de'i nang lo bcu lhag gi kha byang can/__phyag tho thar thor phog pa'i shog dril khag5/__lo ngo snga phyi'i go rim dkyus gcig tu/__sdeb pa tsam las bzo bcos 'phri bsnan sogs/__ma byas gsung bris ngo ma sor bzhag gis/__gzhung tshogs le tshan gcig tu bris pa lags/__6de las byung ba'i legs byas zla ba'i 'od dkar phyogs brgyar 'phro ba des/__snyigs dus rgud pa'i rab rib bsal zhing blang dang dor bya'i de nyid rigargyal bstan ku muta 'dab brgyar grol bzhin skye 'gro'i yid kyi tsha gdung sel/__bkra shis dge mtshan nub pa med par srid mtha'i bar du rgyas gyur cig7de ltar na rje bla ma 'di nyid ni rgyal ba thams cad kyi ye shes kyi sku can rje btsun 'jam dpal dbyangs nyid dngos su rdo rje 'dzin pa'i skur bzhengs pa yin par brten/__bka' gter gsar rnying gi rgyud sde'i dkyil 'khor thams cad kyi gtso bo dang dbyer med bzhugs pa dang /____rgya bod kyi grub chen dang /____paN+Di ta/__mkhas pa lo tsA ba/__chos skyong ba'i rgyal po/__gter chen/__rnal 'byor ma sogs phal che ba dang thugs rgyud gcig pa'i tshul ston pa dang /____bla ma brgyud pa dang yi dam dbyer med pas rtag tu dgyes zhal gzigs shing smin grol gyi chos gnang /____mkha' 'gro dang chos skyong 'bral med 'khor zhing las bzhi'i phrin las sgrub/__thugs mnyam rjes dang dus nyin mtshan sogs kyi dbye ba med pa 'od gsal lha sngags ye shes kyi rol pa 'byams su klas par brten/__shin tu ngo mtshar che zhing so skye'i blo yul las 'das pa'i gsang rnam gyi khyad par bsam gyis mi khyab pa zhig yod par nges kyang /____rje rdo rje 'chang nyid gsang ba srung ba la thugs shin tu sgam pa'i stabs kyis/__sku tshe'i ring /____lo kha shas sam/__lo'i nang zla ba kha shas/__de'i nang zhag kha shas kyi lta bu'i phyag tho thar thor/__de'ang shog rnying dzar dzor thad kar phyag du gang thebs la 'bri ba gnang 'phral/__gzhan sus kyang mi shes pa sbas gsang dam por tshags su gnang ba de gras sku tshe'i stod smad ci rigs kyi mi nyung tsam yod tshod 'dug kyang /____bdag sogs bsod nams kyis ma chun par/__mang che ba dus dbang gis brlag gtor du song zhing sku tshe'i smad rkyang lo re zung gi shas che ba'i gsang rnam nyung shas shig ni/__'phags yul nas spel gnang ba'i rnam thar chen mo'i nang bzhugs shing /____'di ni gtso bo sku tshe'i dkyil smad tsam shas che ba'i phyag tho dngos kyi shog dril nyung ngu khag gcig rje bla ma'i thugs kyi sras mchog_/mchog sprul 'jam dbyangs bsod nams legs pa'i dbang po'i zhal snga nas kyi phyag son byung 'dug pa/__rnam thar chen mo ni khong gi thugs bskyed kyis 'phags yul nas 'byor 'phral spar bskos te/__sde dge'i spar khang du lam 'bras bla ma brgyud pa'i rnam thar kha skong gras su legs par bsgrigs zin kyang /____gsang rnam 'di thog mar zhib tshags kyis dpe bshu dang bcas dkyus gcig tu bsgrig ma grub par brten/__spar brko rgyu phyi 'gyangs shor ba dang /____khyod kyis gcig thon na legs tshul gyi bka' bstsal spyi bor son pa na/__rang nyid kyis kyang bla ma rdo rje 'chang gi gsang rnam zhib mjal gyi zhor du bag chags tsam bzhag ched gang shes 'bri 'dod yod par brten dang du blangs te/__rje bla ma de nyid rab byung bco lnga pa'i chu mo sbrul gyi lor sku bltams/__rab byung bcu drug pa'i sa mo phag gi lor 'phags yul du thun mong snang ngor gzugs sku'i bkod pa bsdu ba'i tshul bstan nas lo nyer bzhi lon pa dang /____bdag cag gi ston pa mnyam med shAkya'i rgyal po de nyid sa pho 'brug la sku bltams/__sa pho byi ba'i lor sku mya ngan las 'das nas lo bzhi stong gcig brgya dang bcu drug gi mgo zin pa dang /____ston pa'i bstan pa lnga brgya pa phrag bcur gnas pa'i lnga brgya pa phrag dgu pa'i nang nas lo gcig brgya dang bco lnga 'das zin cing /____slad mar rtags tsam 'dzin pa'i lnga brgya pa phrag gcig dang bcas/__lo brgyad brgya dang gya lnga'i bar du bstan pa gnas rgyu yod pa'i mtshams/__rab byung bcu drug pa'i chu pho khyi lo/__cho 'phrul zla ba'i tshes 21rje gong ma'i dus mchod nyin nas brtsams te/__zla 2pa'i tshes 10nyin grub par bgyis pa po ni rje bla ma'i slob 'bangs gyi gral mthar 'khod pa'i rmongs rtul gzhan dbang pa kun dga' dbang phyug gis so/____/7rje bla ma'i phrin las dar zhing rgyas par gyur cig_/__//__

[!!=30=?3S2ASSy<!$<3Q,RFKk@A0e<@A+>?/O6.$3;RA<2A2.?B@XASSf2A3ReD3QHAS+!x/f2/>S/32A@<+A(,,,,]

1. /____/kulamaN+Dalasamudrabib+hub+haT+TArakagurumany+dzug+hoShad+har+m+mahipak+SharahitashAsanad+h+wadzaR+ShAgamayuk+tirabibAdasiMhashrIb+hadras+yabimok+ShAng+shamAtrakhyA.ad+b+hutakalpAnan+dabanashub+hanAmabiharatisma//____//__

@#/____/rigs dang dkyil 'khor rgya mtsho'i khyab bdag rje btsun bla ma 'jam dbyangs chos kyi blo gros ris med bstan pa'i rgyal mtshan gtsug lag lung rigs nyi ma smra ba'i seng+ge dpal bzang po'i rnam thar cha shas tsam brjod pa ngo mtshar yongs 'du'i dga' tshal zhes bya ba bzhugs so//____//__ [!Kk!<L0!3Q,RF,$Aj!#L9+3R0@4B+,x3gA/R3VFF;R/!f,2#TS@Jc<KA6;_,] @#/____/d+harmAkarAbyApakamany+dzug+hoSha/__gIrbAkakhabyAp+tatamopahAtsita/__dz+nyAmUrtinomAbr-iShayonikas+ya/__badz+raprab+hAhergurud+hIdzayan+tu/__ @#/____/chos dbyings kun khyab 'ja~Xm dbyanga~Xs ye shes sku/____/dpag yas chosa~X kyi~X 'byung gnas tshangs dbyangs gsung /______/mkha' khyab rdul bral mi phyed rdo rje'i thugs/____/blo~X grosa~X spobs pa rgya mtsho'i bla ma rgyal/____/snyigs 'gror rjes brtse'i 'dzum gyis rtag sgeg pad dkar ltar 'phags thugs bskyed tshal/____/tshogs zung sbrang rtsi'i zil dngar ches lci rdzogs smin sbyang ba mthar son pas/____/snyigs ma'i mun sel sku dang ye shes rab 'byams rnam 'dren bzhi pa'i tshul/____/sa gsum mchod sdong lha mi'i ston pa shAkya seng ge'i zhabs la 'dud/____/rab 'byams rgyal ba'i gsang ba mi zad rgyan gyi 'khor lo'i rigs kun bdag_/rmad byung mkhyen brtse nus pa'i phrin las gdul dkar dpa' ba'i rig 'dzin tshul/____/gangs can bstan pa'i 'byung gnas gcig pu phan bde'i mdzad pa bsam yas mgon/____/rgyal dbang pa~Xd+ma sa~XM b+ha'i ye~X shesa~X sgyu 'phrul rdo~X rje'i~X sprin bkod 'dud/____/thub bstan legs bris klung gi dpal 'dzin gtad rabs bdun dang rgyan drug mchog_/rig 'dzin rnam dgu rnal 'byor dbang phyug chos rgyal mes dbon blon por bcas/____/mkhas grub lo paN shing rta che brgyad rnam thar u duwA ra'i tshal/____/ngo mtshar rnam bkra'i mdzad pa rgya mtshor dad pa'i bung ba g.yo bas gus/____/khyad par 'jam mgon ye shes rol mo'i sprin/____/rab 'byams zhing du mdzes par bres pa las/____/bsam yas phrin las nor bu'i gru char can/____/tshe rabs kun tu yid mkhar dkrigs gyur cig_/phyogs su ma lhung mdzad pa rgya mtsho'i rlabs/____/'phags pa'i rang bzhin rin chen dbyig gis gtams/____/blo 'das bkod pa'i gzi byin 'bum phrag gis/____/sangs rgyas kun gyi bla ma khyod gcig bsngags/____/de snyed ngang tshul kun bzang rdo rje'i gsung /______/tshangs dbyangs gling bus bsngags kyang rdzogs min zhing /______/mtha' dag rnam thar 'phags blos dpog min na/____/bdag lta'i bsam brjod yul las kun nas 'das/____/dpag yas shes dang shes bya'i chos thams cad/____/ye shes me long gcig tu bzlums pa'i mthus/____/srid zhi kun khyab srid zhi'i mtha' las 'das/____/zab rgyas chos rnams kun gyi 'byung gnas phyir/____/bstan 'dzin kun gyi gtsug rgyan mkhas grub dbang /______/thub bstan yongs kyi 'byung gnas shing rta che/____/ngo mtshar yongs rdzogs rnam thar u dum wAr/____/mkha' lam nyi zla bzhin du 'dzam gling brdal/____/nges 'byung thugs kyi rgya mtsho ches zab 'phags lam gling bzhir tshogs gnyis phyug_/gsang chen rgyud sde'i nyi zla rab gsal smin grol snang bas khor yug khyab/____/ye shes dgongs pa'i rnams sad grong mdzes dpag yas gzungs sprin bsam las 'das/____/phyogs dus rgyal ba'i yab gcig khyod ni sa gsum gdul bya'i gnyen gcig pu/____/nor bu'i 'od kyis rgya mtsho'i kha dog bzhin/____/thun mong gyur pa'i rnam thar cha shas kyis/____/dus gsum 'byon dka'i tshad ma'i skyes bu zhes/____/rab 'byams rgyal ba'i zhing na mdzes par grags/____/de phyir phyogs re'i gdul byar snang ba yi/____/rnam thar cha tsam rin chen nor bu'i rdul/____/mthong dang thos pas rnam grol mthu bskyed pa'i/____/ngang tshul ji ltar dpog pa 'dir gsal bya/____/de yang bdag cag gi dpal ldan bla ma dam pa/__phyogs dang ris su ma chad pa bstan pa dam pa'i chos kyi mdzod/__zab pa dang rgya che ba'i 'byor pa zad mi shes pa'i dpal thams cad kyis mngon par mtho ba'i chos kyi rje/__chos kyi rgyal po/__chos kyi dbang phyug dam par gyur pa/__lha dang bcas pa'i 'gro ba yongs kyi skyabs gnas/__rigs dang dkyil 'khor rgya mtsho'i khyab bdag mtshan brjod par dka' ba/__don gyi slad du mtshan nas smos na 'jam dbyangs chos kyi blo gros ris med bstan pa'i rgyal mtshan dpal bzang po zhes mtshan snyan gyi ba dan srid zhi'i bla na mngon par mtho zhing /____thugs bskyed dang phrin las kyi snang bas chos kyi dbyings kun tu khyab par brdal bas yid can kun la 'phral yun gyi phan bde ster bar mdzad pa gang nyid/__rgyal ba kun gyi ye shes sems dpa' 'jam dpal dpa' bo'i sgyu 'phrul gyi rol par gsungs pas na/__'phags mchog de'i rnam 'phrul dang spyod yul ni rgyal sras sa chen po la bzhugs pa rnams kyis kyang ji bzhin rtogs dka'i gnas te/__'jam dpal sgyu 'phrul drwa ba las/____/mchog gi dang po sku gsum 'chang /______/sangs rgyas sku lnga'i bdag nyid can/____/khyab bdag ye shes lnga yi bdag_/sangs rgyas lnga bdag cod pan can/____/spyan lnga chags pa med pa 'chang /______/sangs rgyas thams cad bskyed pa po/____/sangs rgyas sras po dam pa mchog_/ces dang /____sangs rgyas kun gyi snying po che/____/sprul pa'i 'khor lo sna tshogs 'chang /______/zhes sogs rgya cher gsungs pa dang /____gzhan yang phal bo che las/__byang chub rgya mtsho rab brnyes gyur nas ni/____/sems can rgya mtsho rab tu smin bya'i phyir/____/byang chub sems bskyed rgya mtsho ston mdzad cing /______/mi 'grib spyod pa rgya mtsho kun tu ston/____/bde gshegs rnams kyi rnam 'phrul de 'dra'o/____/zhes gsungs pa ltar/__srid zhi'i spyi dpal khyab bdag dang po'i sangs rgyas bcom ldan 'das 'jam dpal ye shes sems dpa' zhes sku gsum gyi zhing dang /____sku'i bkod pa dang /____mtshan gyi rnam grangs/__mdzad pa phrin las sogs rnam pa thams cad pa bsam gyis mi khyab pa'i rang bzhin rtag khyab lhun grub chen po la mnga' dbang bsgyur ba'i bdag nyid can du bzhugs pas na/__gdul bya 'dul byed kyi rnam par 'phrul pa'ang gcig tu ma nges shing gang la gang 'dul gyi sgyu 'phrul rol gar mtha' yas par bsgyur nas 'gro ba'i don mdzad pa'i tshul bsam gyis mi khyab ste/__'jam dpal sgyu 'phrul drwa ba las/____/sangs rgyas sprul pa'i rgyud 'chang ba/____/phyogs bcur sprul pa sna tshogs 'gyed/__ces dang /____sems can kun gyi yid rig pa/____/sems can kun gyi yid la gnas/____/de dag sems dang mthun par 'jug_/sems can kun yid tshim par byed/__ces dang /____rnam par shes pa'i chos nyid 'das/____/ye shes gnyis med tshul 'chang ba/____/rnam par rtog med lhun gyis grub/____/dus gsum sangs rgyas las byed pa/____/zhes dang /____gzhan yang dkon mchog sgron me'i mdo las/__de dag snyan ngag mkhan rgyal snyan ngag sbyor/____/gar mkhan rnga mkhan gyad dang rol mo mkhan/____/bzhag mdzes rgyan phreng thogs shing gar byed dang /______/sgyu ma mkhan po gzugs mang kun tu ston/____/grong dang grong dpon kha lo bsgyur bar 'gyur/____/de bzhin ded dpon tshong dpon khyim bdag 'gyur/____/rgyal po blon po mdun 'don pho nya dang /______/sman pa 'jig rten bstan bcos cho ga mkhan/____/de dag dgon par ljon shing chen por 'gyur/____/sman dang rin chen mi zad gter rnams dang /______/yid bzhin nor bu 'dod sbyin sdong po dang /______/lam gol dong ba rnams la lam ston 'gyur/____/zhes gsungs pa ltar/__mkha' khyab kyi 'jig rten rab 'byams rnams su sangs rgyas byang sems nyan rang mkhas grub dge ba'i bshes gnyen lha dang drang srong 'khor bsgyur rgyal phran blon 'bangs khyim bdag bya dang ri dwags kyi rnam par snang ba sogs mtshan dang sku'i bkod pa sna tshogs dang /____bzo'i gnas dang gzhan la phan pa'i rigs dang /____nyi zla nor bu bum bzang sman mchog ljon shing gru gzings zam stegs zas gos gnas mal sogs kyis mtshon gang 'dul 'gro ba'i dpal du gyur pa mtha' dag kyang 'jam dpal nyid kyi sgyu 'phrul gyi rol pa las ma 'das shing /____bye brag mdo rgyud nas gsungs pa'i rjes su 'brang ste 'jam dpal gyi rnam thar cha tsam brjod na/__bskal pa dpag tu med pa'i sngon rol nas de bzhin gshegs pa klu'i rigs mchog dang /____bcom ldan 'das 'jam pa'i tog tu mngon par sangs rgyas zin pa dang /____ma 'ongs pa na de bzhin gshegs pa mgon po kun tu gzigs su 'tshang rgya bar 'gyur ba'i tshul ston par gsungs shing /____da ltar mi mjed kyi byang phyogs sangs rgyas kyi zhing gzhan du de bzhin gshegs pa nor bu brtsegs pa'i rgyal po zhes par sangs rgyas nas gdul bya rnams la sangs rgyas kyi mdzad pa skyong bzhin du bzhugs pa dang /____zhing 'dir yang bdag cag gi ston pa'i yab rgyal po zas gtsang ma nges pa'i don du 'jam dpal gyi rnam 'phrul du gsungs pa dang /____sangs rgyas pa'i tshe nas sa bcu'i byang chub sems dpa'i tshul bzung nas chos kyi sgo mo zab cing rgya che ba'i gleng bslang ba dang /____rdzu 'phrul gyi bkod pa ma nges pas gdul bya 'dul ba dang /____sangs rgyas kyi che ba brjod pa sogs rnam par rol pa bsam gyis mi khyab pas gdul bya mtha' yas pa smin par mdzad/__tsI na'i yul gyi ri bo rtse lngar br-ik+Sha'i shing gi lba bar brdzus skyes byis pa lo brgyad pa'i rnam pas spor thang gi gtsug lag mtha' dag snang bar mdzad/__sham+b+ha lar mi'i bdag po grags pa'i skur bstan nas dam pa dang po'i sangs rgyas kyi rtsa ba'i rgyud chen stong phrag bcu gnyis bsdus rgyud le'u lnga par bsdus shing gdul bya rnams rdo rje'i rigs gcig tu smin par mdzad cing /____ma 'ongs pa na slar yang 'jam dpal grags pa nyid drag po 'khor lo can du bzhengs nas 'dzam bu'i gling gi kla klo mtha' dag bcom nas rdzogs ldan phyi ma 'dren par gsungs pa dang /____gzhan yang rnam rol sna tshogs pas 'phags bod kyi paN grub phal cher rjes su bzung tshul sogs grangs las 'das shing /____de lta bu'i yon tan rgya mtsho mtha' yas pa'i gnas la dus gsum gyi rgyal ba kun gyis kyang bstod bsngags kyi me tog yang yang 'thor bar mdzad pas na/__sgyu 'phrul rgyas pa las/__thugs rje chen po'i byin rlabs kyis/____/phyogs bcu'i 'jig rten rdul snyed du/____/rgyal ba'i phrin las bsam mi khyab/____/sku gsung thugs dang yon tan dang /______/lhun gyis grub pa'i phrin las kyis/____/gdul bya rnams ni chud mi gson/____/ngan song sbyong zhing byang chub zhing /______/ye shes tshogs rdzogs kun tu ston/____/ces gsungs pa ltar las/__re zhig rje btsun 'jam dpal dbyangs nyid tshur mthong so skye'i snang ngor rdo rje slob dpon gyi tshul du snang ba rje bla ma 'di nyid kyi rnam par rol pa du mas gdul bya 'dul ba'i phrin las ji ltar mdzad tshul gyi cha shas las 'phros te sa bon tsam zhig 'god pa la gsum/__thog mar dge ba ngo mtshar skyes rabs kyi phreng ba mdo tsam bkod pa dang /____bar du dge ba sku dngos kyi rnam thar rgyas par bshad pa/__mtha' mar dge ba 'byung 'gyur phrin las khyad par can skyong ba'i tshul gyis don bsdu ba'o/____/dang po ni/__'phags bod kyi ljongs 'dir bstan dang 'gro ba'i dpal du sgyu 'phrul sprul pa'i zlos gar rim dang cig car gyi tshul du snang bar mdzad pa rnams 'jam dbyangs bla ma mkhyen brtse'i dbang po'i skyes rabs su bzhugs pa ni yongs su grags shing rnam thar chen por 'khod pa kun dang /____der mi bzhugs pa'i skyes chen 'ga' zhig rje bla ma'i zhal gsungs skyes phreng gsol 'debs rgyas bsdus las 'byung ba mtshan tho tsam bkod na/__bdag cag gi ston pas byang chub sems dpa' chen po blo gros dang spobs pa sogs mtha' yas pa'i bdag nyid can du rgya cher bsngags shing /____lang+ka'i yul gyi ri ma la ya'i rtser gsang ba'i bdag pos rgyud sde'i gsang mdzod phye nas 'dzam bu'i gling du rdo rje theg pa'i shing rta thog mar 'dren pa na gdul bya'i 'dus pa dang po rigs can drwa ma lnga'i ya gyal du gyur cing theg chen byang chub sems dpa'i spyod pa rgya mtsho lta bu'i bdag nyid chen po/__chos rgyal lung bstan rdo rje'am skal ldan rgyal po dzaHsogs rjes su 'dzin pa po mi'i rig 'dzin li tsA bi dri ma med par grags pa blo gros rab zhi/__mkhas grub kyi rnam thar rgya gar shar nub tu 'gran zla bral bar paN+Di ta dA na shI las bsngags shing rgya nag dang bod du sku dngos kyis byon nas chos kyi phrin las dang rdzu 'phrul gyi bkod pa mtha' klas pa'i ma hA paN+Di ta smr-i ti dz+nyA na/__yang dag thugs kyi bka' babs dpal chen po dang gnyis su med pa'i mchog dngos grub pa gsang sngags chu bo bzhi'i bka' babs gnubs kyi rigs 'khrungs dge slong nam mkha'i snying po/__gu ru'i thugs sras mkhyen brtse nus pa'i mnga' bdag lang gro lo tsA ba dkon mchog 'byung gnas/__sgrub brgyud bstan pa'i shing rta dgyes mdzad lo tsA chen po'i thugs sras kyi thu bo gangs ljongs grub pa'i dbang phyug mi la bzhad pa rdo rje/__bde gshegs sman pa'i rgyal po rig pa 'dzin pa'i tshul du bzhengs pa ngo mtshar tshad bzung las 'das pa'i rnam thar can gso rig gtso bor gyur pa'i 'gro phan phrin las mtha' klas shing thugs rje dang byin rlabs kun las khyad par du gyur pa g.yu thog yon tan mgon po/__shing rta chen po klu sgrub kyi rnam 'phrul 'phags pa'i rnam thar gyi mnga' bdag phrin las mkha' khyab tu brdal ba rgyal bas lung bstan 'bri gung skyob pa rin chen dpal/__'jam pa'i dbyangs kyis rjes su bzung ba'i mkhas grub chen po glo bo lo tsA ba shes rab rin chen/__dpal ldan sa skya pa'i 'jam dbyangs gdung brgyud du byon cing mkhyen brtse nus pa'i gter chen mkhas dang grub pa'i dbang phyug chen po dpal ldan bla ma dam pa bsod nams rgyal mtshan/__kun mkhyen e wa~M pa'i thugs sras 'khor lo sdom pa rdo rje 'dzin pa'i rnam par 'phrul pa mus chen dkon mchog rgyal mtshan/__'phags bod mkhas grub mang pos rjes su bzung zhing rgyal bstan phyogs med du 'dzin skyong spel ba'i mdzad bzang can kun gyi tshad mar gyur pa 'gos lo ye bzang rtse pa'am gzhon nu dpal ba/__chos kyi rgyal po rat+na gling pa'i sku gsung thugs kyi sras snga 'gyur bstan pa'i gsal byed dgung grangs brgya dang bcu'i bar 'gro don rgya cher mdzad pa'i rig 'dzin tshe dbang grags pa/__lo chen bai ro'i rnam 'phrul du lung gis bsngags shing chos rje sa paN gyi sprul par zhal gyis bzhes pa gnas lnga rig pa'i mkhas pa sa skya lo tsA ba 'jam pa'i rdo rje/__'od gsal 'khon gyi gdung las byon pa mkhas dang grub pa'i mdzad bzang can 'jam mgon a mes zhabs kun dga' bsod nams/__bka' gter bstan pa'i mnga' bdag o rgyan gter bdag gling pa'i sras mkhas dang grub pa'i rnam dpyod 'gran zla dang bral ba dbang chen sprul pa pad+ma 'gyur med rgya mtsho/__gangs can phan bde'i gnyen gcig pad dkar 'chang ba7rgyal mchog blo bzang rgya mtsho dang tshangs dbyangs rgya mtsho/__lang gro lo tsA'i rnam 'phrul pad+ma drag po'i nus rtsal 'chang bas snyigs dus kyi dam sri 'byung po 'dul mdzad rig 'dzin klong gsal snying po pad+ma mdo sngags gling pa/__bi ma dngos snang 'od gsal snang bzhi mthar phyin 'brel tshad don ldan chen po grub dbang rdzogs chen sku phreng bzhi pa mi 'gyur nam mkha'i rdo rje rnams te/__de dag kyang rnam thar zhal gsungs ma las/__rnam 'joms gzungs ni blor blangs tshe/____/srod dus zla ba'i dkyil 'khor la/____/bltas pa'i rkyen gyis yid skyo zhing /______/dpal ldan sa skya'i chos grwa de/____/yang yang dran pas tshe sngon mar/____/'khon gdung zhig tu skyes pa yi/____/bag chags yad yud dran par gyur/____/mnga' ris paN chen lha btsun che/____/ngag dbang blo bzang rgya mtsho dang /______/tshangs dbyangs rgya mtsho dpal mkhyen sogs/____/thar thor tsam zhig skabs rer dran/____/zhes dngos su kha shas dang gzhan rnams sogs khongs su bsdu bar mdzad pa ltar/__khyad par du chos rgyal khri srong gi bag chags shin tu gsal tshul rje nyid sku chung ngu'i dus kaHthog bzhugs skabs sprul sku lo nyung gzhan 'ga' dang sku rtsed lta bus rang rang gi skye ba sngon ma gang yin sems la ci dran bcos med bshad rgyu mdzad pa'i tshe/__rje bla ma 'dis mi skya gser gyi rna rgyan can dar zab gos chen sngon po'i gos gyon pa zhig yin pa dran tshul gsungs pas/__gzhan rnams nas sprul sku blo gros kyi skye ba sngon ma mi skya yin pa red ces ku re lab rgyu yod pa byung ba/__phyis rdzong sar nas mkhyen brtse gong ma'i ljags bkod zhal thang nang chos rgyal khri srong na bza' sngon po can mdzad kho na gsungs 'dug pa rdo chag lhu bsgrigs 'dra zhig byung 'dug kyang lo nyung byis pa'i kha la skyags gtad ci yod ces gsungs pa dang /____lar skyes bu bod chas gos sngon gser rna sog byil can gyi bag chags rnam kun yid la gsal ba chos rgyal ga la yin te bod pa'i jo jo zhig yin pa 'dra zhes gsung las thos/__yang rje btsun mi la'i bag chags gsal tshul gsung 'phros ni/__rdzong sar bzhugs skabs nyi khyams nas phyag bsil grub rjes lho phyogs rdza ri'i rtse kha bas g.yogs shing na bun 'khrigs pa la gzigs te khyod rang ri 'di 'dra mthong dus snang ba ci shar 'dug gsung par zhu lan gang yang 'bul ma shes pa'i ngang /____rje nyid nas nged ri 'di 'dra mthong dus sems dga' skyo 'dres ma shar/__mgur len snying 'dod pa zhig 'ong 'dug pa bka' brgyud pa'i bag chags yin pa 'dra/__khyed nas drang po mi shod pa ma gtogs rje btsun mi la'i sku zhig dang 'bral med kyis ri khrod du gcer bu gzan dkar gyon nas sdod pa yin pa gsungs nas bzhad mo gnang bar mdzad pa 'dis shin tu gsal bar rtogs nus so/____/yang skyes phreng gsol 'debs rgyas par/__ye shes rdo rje'i sku dang kun dga'i gsung /______/dbang mchog thugs sprul blo gsal yon tan dang /______/'jam dpal dbyangs dngos mkhyen brtse'i dbang po yi/____/phrin las rnam 'phrul chen por gsol ba 'debs/____/zhes stsal bar mdzad pa'ang kun mkhyen 'jigs gling gi sprul pa'i sku he ru ka dngos mdo mkhyen brtse ye shes rdo rje'i sku'i rnam 'phrul du gsungs te/__'od gsal rdo rje snying po'i ston dang bstan pa la gshe skur byed pa'i rigs dang /____khyad par mi ma yin pa rnams 'dul ba la ched du sprul pa bsad gso dang sprul bsgyur sna tshogs pas gdul bya 'dul ba'i rnam thar can dpal ri mkhyen brtse he ru ka dpal ye shes rdo rje dang /____gangs ljongs bstan pa yongs su rdzogs pa'i shing rta chen po rje bla ma thams cad mkhyen gzigs 'jam dbyangs mkhyen brtse'i dbang po ste/__gnyis ka kun mkhyen 'jigs gling gi sprul pa dus thog mnyam zhing thugs rgyud gcig par yongs su grags pa ltar mdo mkhyen brtse'i sprul pa bsdus pa na rje mkhyen brtse'i dbang po nyid la thim par zhal gyis bzhes pa dang mthun par chos rje dpal sprul rin po ches kyang /____dbang bcu dang po dpe byad rigs lnga'i rtser/____/ma chags pad+ma can gyis lung bstan pa'i/____/sku tshe snga ma'i rten 'brel 'phror gyur pa/____/sku tshe 'di la phyag tu son nas kyang /______/lung bstan bden pa mngon du 'gyur bar shog_/ces kun mkhyen 'jigs med gling pa'i sku tshe'i tshad brgyad cu rtsa lnga lung bstan pa'i rten 'brel gyi 'phro 'jam dbyangs mkhyen brtse rin po cher bzhugs pa'i zhabs brtan tshe dpag med pa'i sku bcu gsum phul bar mdzad pa ltar/__rje bla ma 'di la'ang grub chen 'jigs med phrin las 'od zer gyi rnam 'phrul rje mkhyen brtse'i thugs sras kyi thu bo kun mkhyen 'jigs med bstan pa'i nyi mas klong snying bla ma rig 'dzin 'dus pa'i dkyil 'khor du rdo rje gtor blug gi cho gas sku bzhi'i rgyal thabs chen por mnga' gsol ba'i skabs dgos pa dang dgongs gzhi khyad par can la gzigs te gsang mtshan kyang pad+ma ye shes rdo rje zhes dngos su 'bul bar mdzad pa ltar/__mtshungs med grub pa'i dbang phyug 'dis gsang ba rjes su dran pa'i thugs rjes rjes su bzung bar mngon zhing /____rdzogs chen mkhan rin po che bsod chos las a ti 'dzin pa rang grol gyi dbang lung gsan skabs bzhugs gdan gzig lpags zhig bting nas rje nyid mkhyen brtse ye shes rdo rje dang dgongs pa dbyer med yin tshul gyi lung bstan dbugs dbyung mdzad pa de skabs rten rab byung du song bas sems spro bar ma gyur kyang phyis 'byung gi ltas yin pa 'dra zhes gsungs shing /____khyad par 'od gsal snying thig gi bstan pa ches cher gsal bar mdzad cing sngags kyi spyod pa sgra ji bzhin pa bdag gir mdzad pa dang /____rdzogs pa chen po'i gzhi lam 'bras bu'i rnam bzhag kun gyi spyod yul du ma gyur pa'i zab don kyang thugs la 'khrungs par zhal gyis bzhes/__kun dga'i gsung zhes pa tsam las snying po dang rgyal mtshan bzang po sogs dmigs bsal ma gsungs pas sgra yangs por btang ste rjes dpag gis smos na/__ngor chen rdo rje 'chang gis rjes su yang yang bzung tshul bka' las thos pas byang phyogs thub pa'i rgyal tshab kun mkhyen e wa~M pa'i gsung dang /____gzhan yang sa paN gyis dngos nyams rjes su bzung tshul gsal bar gsungs pa'i rgyu mtshan 'og tu 'chad 'gyur ltar la/__brtse chen khu dbon rjes 'brang bcas kyi gsung gi gsang ba mdo sngags kyi gzhung rnams rje 'dis thugs bskyed dang bka' drin gyis 'chad nyan sgom sgrub kyi sde phyogs kun tu 'phel rgyas rgya cher byung bas na dam pa de rnams kyi gsung gi phrin las gcig tu bsdus pa'i rnam thar can du tshad mas grub bo/____/gter chen mchog gyur gling par rigs gsum rnam 'phrul sras gsum 'byung bar rdo rje'i lung gis bsngags pa las 'jam dbyangs sprul pa 'gyur med tshe dbang grags pa'am gsang mtshan dbang mchog rdo rje zhes mkhas dang grub pa'i rnam dpyod 'gran zla dang bral ba de nyid kyi bag chags shin tu gsal bar 'dra ste/__gus la dgung sar zhig gi skabs rje bla ma nyid kyi sku skye snga ma ji ltar yin khyod nas brtags pa gyis zhes gnang skyes gya nom pa bcas bka' stsal pa phran lta bu'i brtags pa la yid rton med pa rang blo rang la lkog tu ma gyur kyang bla mas bka' stsal pa rjes su sgrub pa las rgyu mtshan gzhan gang yang zhu ma nus te rmi lam brtag khul byas pa'i nub gcig rdzong sar dbang khang gi mkhyen brtse gong ma'i bzhugs khri gcig gi steng rje btsun rin po che grags pa rgyal mtshan/__sa skya paN chen/__chos rgyal 'phags pa bcas lhan du spungs te bzhugs pa rmis te zhus pas/__da dung brtags dgos gsungs/__gnubs nam mkha'i snying po yin zhes pa'i sgra zhig thos tshul zhus pas/__mkhyen kong mchog gsum gyi gter chos su nam snying sprul pa gter sras tshe dbang grags pa dang tsha ba rin chen rnam rgyal gnyis yin dar bas gter sras yin mi 'ong ngam gsungs pa de'i thugs kyi rnam 'phrul du zhal gyis bzhes sam snyam/__de'ang gter sras 'di'i mdzad pa 'phro can du gyur pa rnams rje bla ma nyid kyis skyong bar mdzad pa dang /____mchog gling gter chos skor nyams bzhes dang 'chad spel rgya cher gnang zhing /____bka' rgya can rnams kyi 'chad thabs sogs gsal byed yig cha yang mang du mdzad/__gdan sa gong 'og tu bstan rgyun la smin nges pa'i bshad sgrub kyi sde gsar 'dzug dang /____mchog sprul khag ngos 'dzin gyis smin grol rgya cher stsal nas chos kyi khri la dbugs dbyung ba sogs phyogs 'di'i bstan pa der 'dzin bcas dngos dang brgyud nas rje 'di'i thugs rje'i grib bsil la ngal 'tsho thob pa kho na'o/____/blo gsal yon tan gyi sprul pa ni/__zhwa lu kun mkhyen mchog gi sprul pa'i sku blo gsal bstan skyong rin po cher dad gdung rgyun chags su mchis shing sku'i byad dbyibs sogs skabs rer nges par dran snyam byed ces dngos su thos pas de nyid kyi yon tan gyi sprul pa yin te/__gsang chen rgyud sde'i zab don dag 'chad pa la shin tu ngo mtshar ba'i khyad chos dang ldan cing /____khyad par dpal dus kyi 'khor lo'i bka' babs shing smin grol rgyud bshad dang bcas pa'i chos 'khor rgya cher bskor bar mdzad pa dang /____phyi ma'i dus su sham+b+ha lar rigs ldan nyer lnga pa'i skur bzhengs pa'ang zhal gyis bzhes par mdzad/__rnam pa gcig tu na tshar chen chos kyi rgyal po'i ring lugs la thugs shin tu dgyes shing rje 'di'i ye shes kyi skus rjes su bzung bar gsungs pa dang /____gsang chen slob bshad kyi gdams zab rnams nyams bzhes dang 'chad spel rgya cher gnang zhing de dag nyams su len pa'i sgrub pa'i sde 'dzugs pa sogs snyan brgyud kyi bstan pa rgya cher gsal bar mdzad pas na tshar pa chos rje blo gsal rgya mtsho'i yon tan rdzogs pa'i rnam thar bdag gir mdzad pa'ang kun gyi spyod yul du gyur pa dang /____'jam pa'i dbyangs mkhyen brtse'i zhabs kyi phrin las rgya mtsho mtha' yas pa'i rnam par 'phrul pa chen por gyur pa ni mngon sum tshad ma ste/__phyogs dang ris su ma chad pa'i bstan pa mtha' dag 'dzin spel gnang zhing /____mtha' dang mu med pa'i 'gro ba'i don bsam gyis mi khyab pa rgya cher skyong ba sogs rje de nyid kyi rnam thar rnams ji bzhin mngon du mdzad pa'i tshul 'chad 'gyur ltar zhal gyis bzhes pa yin no/____/de la rje bla ma mkhyen brtse'i dbang po ni/__phyogs dang ris su ma chad pa'i bstan pa yongs su rdzogs pa'i shing rta pa chen po 'gran zla thams cad dang bral ba'i rnam thar can du kun mkhyen blo gros mtha' yas dang phan tshun nyams rtogs kyi gsung gleng rtag par gnang ba dang mthun pa'i bsngags brjod dang /____mi pham 'jam pa'i dbyangs kyis bstod bsngags/__thugs kyi sras rdo grub kun mkhyen bstan pa'i nyi ma'i gsung sogs las gsal ba ltar/__gangs can gyi ljongs 'dir chos rgyal mes dbon gsum gyi thugs bskyed dang /____sprul pa'i lo paN rnams kyi bka' drin las bstan pa rin po che mdo sngags rig gnas bcas 'chad nyan sgom sgrub kyis dar rgyas dang /____brgyud 'dzin mkhas grub bsam gyis mi khyab pa zhig byon na'ang dus dbang gis bshad sgrub kyi rgyun phal cher dbyings su thim la nye zhing /____dpyod ldan shin tu mkhas par rloms pa dag gis kyang rgyal bstan yongs rdzogs kyi snying po gang yin ngos 'dzin tsam yang dkon par gyur pa na/__rje 'di'i sngon gyi thugs bskyed dus su smin pas rgyal bstan rin po che kho na thugs la bcang ste snying stobs dang brtson 'grus chen pos dbus gtsang bod chen kun tu lan mang du bya bral kun spang gi tshul gyis phebs shing /____mdzad pa'i gtso bo snga phyi mi lo bcu gsum ring gsar rnying ris su ma chad pa'i bshes gnyen brgya dang lnga bcu lhag mnyes pa gsum gyis bsten nas/__ljongs 'dir deng sang 'chad nyan gyi rgyun mchis so 'tshal gyi mdo sngags rig gnas dang bcas pa dang /____gsar rnying gi smin grol rgyab brten bcas yongs su grags pa rnams dang /____rgyun shin tu dkon pa'i rigs bcas 'bad pa chen pos gsan nas gdams pa'i yig cha mtha' dag kyang ched du bskrun par mdzad/__bar skabs ci rigs pa dang sku tshe'i smad du them pa spangs te lhag pa'i lha rab 'byams kyi bsnyen sgrub dang /____rdzogs rim zab mo rnams la nyams bzhes yun ring gnang bas so so'i gzhung nas bshad tshod kyi lam rtags rnams kyang zhar byung du mthar phyin cing rnam kun mchog ldan gyi stong nyid dang mchog tu mi 'gyur ba'i bde chen zung du 'jug pa mthar thug pa'i ye shes mngon du mdzad nas nam mkha' lta bu'i rnal 'byor du zhal gyis bzhes/__rtsa rlung thig le'i 'du ba dbu ma'i dbyings su dag ste rdo rje nang gi sa lam gyi mngon rtogs tshad la phebs/__sangs rgyas byang sems dang 'phags bod kyi mkhas grub bstan pa'i shing rtar gyur pa rnams kyis yang yang rjes su bzung zhing so so'i gdams pa'i gsang mdzod stsal ba la brten gsar rnying ris med pa'i zab chos yongs su rdzogs pa mtha' dag gi byin rlabs nye brgyud khyad par can brnyes/__zab mo'i gter dang yang gter skor rgya cher phyag tu babs/__thugs bcud klong chen dgongs pa'i gter mdzod rdol zhing rtsa gsum rab 'byams kyi dgyes zhal rtag par gzigs shing dag snang dang snyan brgyud kyi chos sgo mtha' yas pa la dbang bsgyur/__gsang ba'i gnas rjes su dran pa las man ngag gi nges pa rgya cher byung bas mtshon chos kyi rgyun gyi ting nge 'dzin la dbang 'byor zhing rgyal bstan yongs rdzogs kyi shing rta mtshan don mthun par bzhugs pa dang /____spyir gsang ba gsum gyi rnam thar cha shas res kyang bstan dang 'gro ba'i phan bde rgya cher spel ba'i phrin las mtha' dag so skye'i blo yul las 'das shing /____bye brag tu gsar rnying ris med kyi bstan 'dzin che phra nas phal pa nyams chung yan chad kyi don gnyer kun la so so'i blo gros dang skal bar 'tshams pa'i chos sbyin rnam kun bar med spel ba'i phrin las rgya cher bskyangs pas rgyal bstan yongs kyi srog mthud par mdzad/__khyad par du ye shes dag pa'i gzigs pa 'khrul pa dang bral bas lo chen bai ro dngos byon 'jam mgon blo gros mtha' yas zhabs la mdzod chen rnam lnga'i bka' bab tu mnga' gsol zhing /____kun mkhyen rdzogs pa'i sangs rgyas kyi bka' lung tshad ma dang /____rgyal dbang pad+mA ka ra'i gter lung khag dpang por bcol nas 'chad pa dang rtsom pa'i phrin las mtha' yas pas ris med pa'i rgyal bstan gsal ba'i phrin las can du bsngags par mdzad de/__sngar nas rje nyid kyis gter rnying rgyun dkon pa'i rigs phyogs bsgrigs mdzad bzhed kyis dkar chag dang /____bsgrigs zin pod kha shas bcas pa dbang lung gi rgyun shin tu dkon pa'i rigs sogs rgya cher stsal bar mdzad/__gzhan yang rje mkhyen brtses gsar rnying gi gdams khrid gsan pa rnams kyi snying po gces btus zab khrid rab 'byams zhes pu sti nyi shu skor phyogs bsgrigs gnang ba rnams kyi smin grol 'jam mgon gu Nas sngar ma gsan pa'i rigs dang /____gsan pa rnams kyang byin rlabs nye brgyud kyi khyad par gyis yang bskyar gsan par mdzad cing /____tshul 'di rnams las gtso bor 'phros te 'jam mgon blo gros mtha' yas dang /____gter chen mchog gling bcas nas zhu bskul nan tan dang rnam gsum zhal rgyas thugs yid gci+ig 'dres sogs kyi rten 'brel las sngon chad yongs su ma grags pa'i bka' babs chen po bdun gyi gsang mdzod rnams kyang rgya cher snang bar mdzad pa sogs kyis snga 'gyur brgyud pa drug ldan zab gter rgya mtsho'i yang zhun bcud du dril ba rin chen gter mdzod dang /____gangs ljongs rgyal bstan yongs kyi snying bcud sgrub pa nyams len gyi rgyun dang ldan pa mtha' dag gi yang snying gces btus sogs gcig tu bzhugs shing ngo mtshar byin rlabs kyi tshan khas khyad par du byas pa gdams ngag rin po che'i mdzod kyi shing rta'i lam srol gsal bar phyes shing /____de dag la gsal byed rigs gang dgos 'jam mgon blo gros mtha' yas zhabs kyis legs bshad khyad 'phags rnams gsar bskrun dang 'chad spel phrin las kyi rgyun rgya cher bskyangs pas bstan pa'i srog mthud par mdzad pa dang /____mdzod gzhan gsum yang rje mkhyen brtses dngos brgyud nas zhu bskul sogs kyi bdag rkyen las gtso bor gyur cing /____chos mdzod chen po de dag 'gro don gyi sgo thog mar 'byed pa'i chos gzhi 'ding ba sogs dang /____rjes gtang rag gi maN+Dal rgya che dang 'brel chos dang gang zag tshad mar gyur cing dgos gnad che ba'i rgyu mtshan bsngags brjod bcas 'gro don 'phel rgyas yun gnas kyi thugs bskyed dang rten 'brel khyad par can mdzad/__gzhan yang rdo rje'i lung gi dgongs don bstan 'gro'i mdzad pa gal che ba'i rigs rnams ji bzhin mngon du 'gyur ba'i 'thun sbyor gang dgos dngos brgyud nas yang yang gnang zhing phan tshun bka' chos rgya cher gsan bzhes mdzad pa sogs thun min ston 'khor dgongs klong gcig 'dres kyi thugs bskyed dang mdzad phrin lhan cig gi bdag nyid can du gyur pa dang /____'jam mgon blo gros mtha' yas zhabs kyis kyang gangs can gyi ljongs na 'gran zla gnyis pa ma mchis pa'i mkhas dang grub pa chen po phyogs dang ris su ma chad pa'i rgyal bstan yongs su rdzogs pa'i shing rta pa zhes dang /____lus rten 'dir chos spong gi las ma bsags tsam du gyur pa rje bla ma 'di kho na'i bka' drin yin zhes sogs yon tan dang bka' drin rjes dran gyi bstod bsngags yang yang 'bul ba dang bcas thun mong ma yin pa'i rigs bdag tu 'dzin par mdzad/__o rgyan mchog gyur gling par rje nyid nas phur pa dang yang dag he ru ka'i smin byed kyis bar chad bsal zhing rtogs pa spar bas rtsod bral dus babs 'gran zla dang bral ba'i gter chen du mnga' gsol zhing thugs rgyud dgongs pa'i byin gyis brlabs pas mgrin pa'i rtsa mdud grol zhing /____mkhyen gnyis ye shes kyi rtsal chen rdzogs/__rje mnga' bdag yab sras kyi las 'phro sad nas rten 'brel nyams pa rnams sor chud cing sngon byon gter 'byin kun las khyad par du gyur pa'i zab rgyas kyi gsang mdzod ngo mtshar can rgya cher snang ba dang /____gnas gter brgya rtsa'i zhal ras dngos brgyud nas gsal bar mdzad cing 'gro don phyogs med du 'phel/__gter chos phal cher dang khyad par bla sgrub skor bzhi/__rdzogs chen sde gsum gtsor gyur snying thig bdun gyi skor rnams rje nyid dang thun mong gi zab gter yin par gsungs shing /____gzhan gter kha mang zhig kyang rnam gnyis lhan rgyas kyis bzhes pa dang gtan la 'bebs pa sogs mdzad/__sde gsum cha lag rigs gsum snying thig tu rje mkhyen brtse'i dgongs gter 'jam dpal snying thig sgron ma bdun pa'i byin rlabs kyi rgyun yang 'dres par grags/__gter chen 'dis rje mkhyen brtse bi ma la dang /____dpal chen po/__'phags ma yid bzhin 'khor lo sogs dbang gang gsan pa de'i dkyil 'khor gyi gtso bor dngos su mjal tshul mang zhing /____gsung las kyang mthar thug nges pa don gyi rtsa ba'i bla ma pad+ma 'od gsal mdo sngags gling pa zhes thun min blo gtad gcig chog gi rigs bdag tu 'dzin par mdzad do/____/gzhan yang /____gter ston rgyal po lnga la bran brgyas bskor/____/zhes pa ltar gu ru'i rgyal tshab gter 'byin gyi rgyal po lnga par rdo rje'i lung gis mnga' gsol bar gyur pas dus skabs 'di'i gter chen las rab gling pa/__dri med pad+ma gling pa/__khams sprul bstan pa'i nyi ma/__bon gter gsang ba kun grol rtsal sogs snga phyir byon pa'i gter ston che phra thams cad kyang rje 'di'i gter slob tu gyur pas dngos dang brgyud nas zhabs pad du bsnyen cing so sor bar chad bsal ba dang /____lung don bstan 'gro'i bde thabs sgrub tshul gyi bslab bya sogs ji ltar 'os pa'i mthun sbyor kyang gsungs par mdzad pa dang /____gter chos kun gyi the tshom sel ba'i dpang po'ang rje 'di kho nar bcol ba ste/__'jam mgon blo gros mtha' yas zhabs kyi rtsa gsum dgongs 'dus rnam gnyis zhal rgyas kyis 'bebs rgyu'i rten 'brel 'phro can du gyur pa phyis su 'jam mgon rin po cher brda bsgyur gsal na'ang rje 'di nyid bzhugs min gyis the tshom gyi gnas su gzigs nas btang snyoms mdzad pa bzhin no/____/ma hA paN+Di ta mi pham 'jam dbyangs rnam par rgyal ba la zab rgyas kyi gdams pa rgya mtsho lta bus rjes su bzung zhing mkhyen rab ye shes kyi sgo phyes te sku gsung thugs kyi rten dang rje nyid kyi dbu zhwa paN zhu sogs stsal nas don gyi rgyu mtshan chen po bzhi dang 'brel ba'i mtshan mi pham 'jam dbyangs rnam rgyal rgya mtsho zhes gnang ste/__mkhas tshul gsum gyis rgyal bstan spel ba'i phrin las can du mnga' gsol/__mdo sngags kyi legs par bshad pa rab 'byams mdzad 'os par bka' gnang ba ltar thugs bskyed dang rten 'brel gyi bden don ji bzhin mngon du gyur te mkhas pa'i grags snyan phyogs kun tu khyab/__gzhung lugs rab 'byams dang khyad par nang rgyud yo ga gsum gyi bshad sgrub ches cher gsal ba'i mdzad rjes dang ldan cing snga 'gyur bstan pa'i shing rta chen po 'gran zla dang bral bar gyur/__rje mkhyen brtse'i dbang po dang gter chen mchog gling lhan rgyas kyis dpal yul rgya sprul mdo sngags bstan 'dzin la bkas bskul zhing khyad par rje nyid nas dbang lung rdzogs par stsal zhing bka' srung legs ldan gyi dbang gi mtha' brten bka' bsgo'i skabs chos skyong dngos su phebs pa lta bu'i sku'i 'jigs zil yang byung zhing phrin bcol nan tan du mdzad/__lag len gyi slob dpon dang sgrub chas rigs sogs mthun rkyen bslab ston zhib par gnang ba bzhin chos sde chen po dpal yul rnam rgyal byang chub gling du bka' ma'i dkyil 'khor chen po nyer bdun gyi sgrub mchod lo bstar du tshugs pa dang /____de rjes rim par gdan sa der gzhung rnying chog khrigs bcas dpe lung gi rgyun yod rigs zhib sdud spar du bkod thub pa byung zhing /____de bzhin kaHthog zhe rdzogs rnams su'ang sngar rgyun chog khag ci rigs yod pa rnams gong 'phel rim rgyas kyi gzhir gyur cing /____gter chen mchog gling gi gdan sa gong 'og tu'ang bka' ma'i sgrub mchod 'dzugs pa'i rten 'brel gyi sgo phyes pa sogs kyis ring brgyud bka' ma'i skor rnams 'chad spel gyi rgyun rgya cher 'phel ba dag kyang rje 'di kho na'i phrin las kyi cha shas rmad du byung ba'o/____/gsang bdag rdo rje 'dzin dngos 'jam dbyangs blo gter dbang po mchog nas rgyud sde'i bka' bsdu mdzad bzhed rje 'dir skyabs 'jug zhu rgyu las gzhan 'grub thabs dka' bar dgongs nas ched du zhabs pad bsnyen pa na thugs dgyes tshul ston cing sngar nas de bzhin byung na snyam pa yod kyang bgyi 'os mang bas lhag_/da res khyed nas bsgrigs rgyu byung na dgos gal shin tu che bas mthun sbyor rigs gang dgos mdzad chog pa'i zhal bzhes gnang ste/__sa ngor zhwa lu gtsor gyur bka' srol sna tshogs las byung ba'i rgyud sde gong 'og gi dbang bka' dang rdzogs rim zab khrid rigs/__rgyab rten rgyud bshad skor bcas rgya cher stsal zhing /____bsdu 'os kyi rkang grangs dang go rim chog khrigs rnams kyi khungs dang brten gzhi gang dgos/__cho ga'i chings dang mtshams sbyor gyi rgyas bsdus/__rgyud sde gong 'og gi bka' srol 'dra min gyi phyag len khyad par sogs phyag khrid du gnang bar mdzad/__bsgrigs zin pa phal cher la zhib 'jug sogs thugs khur zab bzhes rgya cher gnang /____'jam mgon blo gros mtha' yas mdun zhu sbyor gnang ste/__mar rngog jo nang sogs kyi rgyud sde rnams dgos pa'i dbang gis gsan par bskul ba dang /____gzhan yang rje nyid kyi zhal slob brag yab gdong kaM khri pa ngag dbang blo bzang dam chos rgya mtshor dka' chag rtsom rgyu dang /____mang thos nor bu bstan 'dzin sogs gzhan la'ang mthun sbyor zhabs 'degs bsgrub dgos par bka' gnang ba sogs kyis gsang chen rgyud sde rab 'byams kyi bka' bsdu zab mo grub ste/__chos sgo thog mar 'byed pa'i zhu ba po'i chos gzhi 'ding ba sogs kyi zhal bzhes mdzad/__tshul 'di las 'phros te gsung ngag lam 'bras tshogs slob kyi glegs bam phyogs bsgrigs kyang zhar byung rang shugs kyis grub pa dang /____dkyus su bzhugs ma grub kyang 'jam mgon mi pham zhabs kyi dus 'khor 'grel chen yang gtso bor 'di las 'phros te byung ba'o/____/chos mdzod chen po de dag rnams su snying po'i tshul du gtso bor rje nyid kyi gsung gi gsang ba thun mong ma yin pa'i skor phal cher bzhugs shing /____khyad par du sgrub thabs kun las btus pa zhes 'phags pa'i yul gyi mkhas shing grub brnyes kyi slob dpon rnams la rgyal ba rdo rje 'chang dngos dang /____lhag pa'i lha so sos stsal ba'i sgrub thabs dang man ngag gi rim pa rgyud sde bzhi dang 'brel ba mtha' yas pa zhig lo tsA ba rnams kyis bod du bsgyur bshad mdzad cing brgyud 'dzin mkhas grub tshad mar gyur pa rnams kyis 'dzin spel sogs dar rgyas cher byung ba rnams las/__deng sang rgyun bzhugs pa so so'i khungs dang 'brel zhing rjes su gnang ba sogs gdams ngag gi rgyun dang ldan pa'i zur bka'i rigs gtso che ba mtha' dag dang /____snga 'gyur bka' gter las byon pa'i sgrub skor khyad 'phags ci rigs pa/__spyi bka' ba ri brgya rtsa dang /____sgrub thabs rgya mtsho/__snar thang brgya rtsa dang /____grub brgya'i byin rlabs rigs gnyis bcas/__de dag kyang so so'i rtsa ba'i yig rnying khag dang /____tshad mar gyur pa'i bla ma gong ma rnams kyi sgrub thabs dang man ngag gi yig cha rigs gzhir gzhag la gsal byed gang dgos rje nyid nas legs bshad khyad par can rgya cher spros pas mdzes par brgyan te/__dngos grub rnam pa gnyis sgrub pa'i tshul mtha' dag tshang la ma nor bar ston pa/__yid ches pa'i khungs dang 'brel zhing rgyas bsdus gnyis ka'i phyogs su ma lhung ba sogs ngo mtshar ba'i khyad chos du ma dang ldan pa'i chos kyi mdzod chen po'i bka' bsdu khyad par can grub par mdzad pa dang /____de dag tu ma 'khod pa'i bstod tshogs/__gsung mgur/__rig gnas skor/__zin bris sna tshogs shin tu mang ba sogs gsung thor bu'i skor bcas rgya cher bzhugs shing /____gter mdzod dkyus su mi bzhugs pa'i dgongs gter rtsa gsum 'od gsal snying thig sogs zab gter rigs kyang mang du mchis so/____/de ltar smros pa rnams ni sa bon tsam ste mdor na rje 'di nyid kyi bsam gyis mi khyab pa'i thugs bskyed dang /____thabs mkhas kyi phrin las rnam pa thams cad pa'i mthus rgyal bstan rin po che'i srog mthud gcig pur gyur pa chos mdzod chen po rnams kyi bka' bsdu mdzad pa ni deng sang gi dus skabs 'dir bstan srog mi nyams pa la ched du dgongs pa som nyi dang bral zhing /____bstan pa ming med lta bur gyur pa'i skabs 'dir yang zab rgyas chos kyi snying po rnams ci dgar spyod du yod pa rje bla ma 'di'i bka' drin rjes su dran pas bstan pa 'dzin pa kun gyis 'chad nyan dang sgom sgrub kyi sri zhu la brtson par bya ba'i gnas so/____/de ltar yang 'jam mgon blo gros mtha' yas zhabs kyis/__bod yul rgyal ba'i ring lugs la/____/kun gyi tshogs rjer gyur pa yi/____/tshul 'di kho nas 'jig rten 'dir/____/thub dbang gnyis pa'i rnam thar 'dzin/____/ces dang /____sa sogs 'byung ba mthu che yang /______/kun khyab nam mkhar mtshungs min ltar/____/gangs can bstan 'dzin su dang yang /______/thun min rnam thar rmad kyi phul/____/zhes dang /____de bzhin du mi pham 'jam dpal dgyes pa'i rdo rjes kyang /____deng sang gangs ri'i khrod 'di na/____/grub par grags kyang mkhas btsun bral/____/mkhas kyang grub 'bras mthong dka' bas/____/phun tshogs ldan pa rnyed par dka'/____/mkhas dang btsun dang grub pa gsum/____/'gran pa bzhin du khyod la 'phel/____/'di 'dra'i phun tshogs mthong dka' bas/____/ngo mtshar che yang shes pa dkon/____/zhes sogs rgya cher bsngags par mdzad pa lta bu ste/__zhib par rnam thar chen mo dang /____rje blo gros mtha' yas kyi rnam thar/__mchog gter rnam thar dris lan bcas/__mdzod chen lnga dang /____rgyud sde dang sgrub btus sogs kyi brgyud yig dang dkar chag rnams las shes par bya'o/____/de rnams kyis sngon byung ngo mtshar 'khrungs rabs kyi rim pa mdo tsam bstan zin to/____/de ltar smos pa'i mkhas grub de dag kyang la la ni dus mnyam du byon pa dang /____'ga' zhig sku tshe'i stod smad kyi snga phyi tsam yod pa dang /____phal cher gcig rjes su gcig byon pa dang /____'phags bod kyi mkhas grub yongs su grags pa thams cad kyi sprul pa yin par zhal gyis bzhes pa lta bu sogs tshur mthong blos dpyad par dka' ba yod kyang /____so skye'i rnam par shes pa snga ma 'phos nas las rlung gis phyi ma'i mngal du tshud pa lta bu las kyi dbang gis khams gsum du skye ba brgyud pa ma yin pa/__'phags pa'i sa la bzhugs pa rnams smon lam dang snying rje'i dbang gis gcig dang du ma'i spyod yul las 'das pa'i ye shes sgyu ma'i rol pa gang la gang 'dul cir yang ston pa ni/__nam mkha'i nyi ma nyid sa gzhir chu'i snod ji snyed pa de snyed du de dang 'tshams pa'i gzugs su shar ba lta bu ste/__rgyud bla ma las/__ji ltar tshangs pa tshangs pa yi/____/gnas nas 'pho ba med bzhin du/____/lha yi gnas ris thams cad du/____/snang ba 'bad med ston pa ltar/____/de bzhin thub pa chos sku las/____/bskyod pa med par khams kun tu/____/skal ldan rnams la 'bad med ltar/____/sprul pa dag ni ston par mdzad/____/ces gsungs/__gzhan don du sprul pa 'byung tshul yang /____mdo sde rgyan las/__de lta na yang de yi mthus/____/gdul bya'i skal ba ji bzhin du/____/srid pa ji srid gnas kyi bar/____/de yi mdzad pa rgyun mi chad/____/ces so//____//__gnyis pa bar du dge ba sku dngos kyi rnam thar rgyas par spros te bshad pa la gnyis/__thun mong gtso bor byas te spyir bshad pa dang /____thun min khyad par du 'chad pa'o/____/dang po ni/__gdul bya skal mnyam mthun snang thun mong ba rnams kyi ngor ji ltar snang ba'i mdzad pa las gtso bor brtsams te spyir 'chad pa la bdun/__thugs bskyed dang sgyu 'phrul gyi rol pas sprul pa'i zlos gar nye bar bzung zhing mchog gi sprul pa'i skur mnga' gsol ba'i tshul/__bstan pa'i 'jug sgo sdom pa gsum gyi bslab pa ji ltar bzhes pa'i tshul/__yongs 'dzin mkhas grub dam pa rnams bsten cing gsan bsam gyi mthar son pa'i tshul/__rim gnyis zab mo'i rnal 'byor la thugs gzhol bas lam gyi drod rtags brnyes pa'i tshul/__bstan 'gro'i don du bzang po'i phrin las ji ltar mdzad tshul/__zhar byung bsod nams kyi tshogs bsags sgo du ma nas rgya cher sgrub pa'i tshul/__rten des tha ma'i mdzad pa mthar phyin pa bskyangs nas sprul pa dbyings su bsdus pa'i tshul 'phros don dang bcas pa'o/____/dang po ni/__'phags pa rnams kyi thugs bskyed dang phrin las gdul bya'i yul la dus las cung zad kyang yol ba med pas snyigs ma'i dus kyi sems can gdul dka' ba rnams 'dul ba'i ched du rnam par grol ba'i bde ba la mi gzhol bar srid pa'i tshul bzung ba ste/__sdud pa las/__dpa' bo gar spyod shes rab pha rol phyin pa yin/__khams gsum yang dag 'das las rnam par grol ba'ang min/__nyon mongs bsal bar gyur kyang skye ba ston par byed/__rga dang na dang 'chi ba med kyang 'chi 'pho ston/____/ces dang /____dper na bran mo chu chun dbang med rje bo'i dbang /____de bzhin dpa' rnams sems can kun gyi dbang gis 'gro/__zhes gsungs pa ltar gang la gang 'dul gyi rnam 'phrul tshad med pas 'gro ba'i don rgyun mi 'chad pa ni 'phags pa rnams kyi chos nyid yin cing /____lhag par rigs gsum mgon po dang /____de las 'jam dpal sprul pa'i chos rgyal chen po nyid bod 'bangs rnams la thugs shin tu brtse bas sprul pa'i rnam rol sna tshogs yang nas yang du 'byung ba'i tshul sangs rgyas gnyis pa gu ru pad+mas rdo rje'i lung du rgya cher gsal bas dngos shugs ci rigs su bstan par nges shing /____lung zin sprul pa'i skyes bu la mi nor ba'i mtshan rtags dgongs 'dus lung bstan chen mor gsungs pa rnams kyang rje bla ma 'di la thams cad gsal bar mnga' ba dang /____spyir sku chung ngu'i dus nas zab gter gyi las 'phro can yin par gdon mi 'tshal ba dngos brgyud kyi gsung dang mdzad pa las shes kyang /____rigs kyi bdag po kaHthog si tu rin po ches gnas dus dang bstan pa'i bab la dgongs pa'i thugs bskyed chen pos gter dang lung bstan gyi rigs la thugs mi mnyes pa'i tshul gyis bka' bkyon yang yang gnang ba dang /____yongs 'dzin bla ma yang de dang mtshungs shing /____rje nyid kyang gsang ba srung ba la thugs sgam pas de rigs rtsal 'don ma mdzad pa 'dra'o/____/rje bla ma mkhyen brtse'i dbang po'i rnam thar zhal gsung du ma 'ongs pa'i rnam thar skabs las/__ma 'ongs bi ma'i bla sgrub skabs/____/tshe 'di 'phos ma thag pa na/____/sprul gzhi ri bo rtse lnga ru/____/paN chen bi ma'i thugs kar thim/____/sprul pa lnga 'byung smon lam mthus/____/ris med bstan par phan ces gsungs/__zhes gsungs pa ltar kun gzigs chos kyi rgyal po mkhyen brtse'i zhabs nyid sku de'i mdzad pa rdzogs rjes sprul gzhi'i thugs kar thim nas slar yang gsang ba mi zad rgyan 'khor lnga'i rnam 'phrul gyis ris med pa'i bstan 'gro'i don rgya cher mdzad pa'i bden don mngon du gyur tshul ni/__'jam mgon rdo rje 'chang blo gros mtha' yas kyis mchog sprul ngos 'dzin gyi lung byang las/__zil ldan chu bo g.yas nas 'bab/____/gser ldan chu bo g.yon nas 'bab/____/chu gnyis 'dus pa'i sa mtshams nas/____/yar la bltas pas rgyang grags gcig song mthar/____/rnam 'phrul sbrul rta lug gsum po/____/zhes 'byung bas zil 'bri'i chu gnyis 'dus mtshams su 'khrungs pa'i mchog sprul rin po che ngos 'dzin mtshan gsol rgyal dbang karma bco lnga pa mkha' khyab rdo rjes mdzad pa rtsa ba'i gdan sa rdzong sar du mnga' gsol ba'i dgung snying rta lo pa dang /____gsung gi sprul pa 'jam mgon bla ma kong sprul rin po ches mtshan dang na bza' stsal zhing mkhan chen bkra shis 'od zer gyis dpal spungs gdan sar mnga' gsol mdzad pa tre shod be ri rgyal po'i sras su 'khrungs pa de nyid kyis mkhan chen bkra shis 'od zer las sdom pa gsum legs par bzhes/__rgyal dbang karma pa mkha' khyab rdo rje las rgyal ba'i bka' 'gyur rin po che'i ljags lung /____bka' brgyud sngags mdzod chen po'i dkyil 'khor rnams sgrub mchod zhag bdun dang 'brel ba'i dbang chen/__smin khrid lung bcas dang /____nang brtag rgyud gsum gzhung chung gnyis dang bcas pa'i bshad pa/__zab lam nA ro chos drug dang phyag rgya chen po'i chos skor gyi smin khrid zhib rgyas dang /____jo nang rin 'byung brgya rtsa/__sgrol ma rnal 'byor ma'i dbang dang rjes gnang rgyud bshad bcas dang /____kaM tshang thun mong ma yin pa'i bka' srung mgon po'i dbang dang /____man ngag zab khrid bcas dang /____'khor lnga rjes 'brang dang bcas pa'i dbang dang rjes gnang thams cad dang /____karma pa zhwa dmar nag sku phreng thams cad kyi bka' 'bum skor gyi lung dang /____dpal ldan dzaM thang gi chos rje rnams las jo nang gi bde mchog dang /____gshin rje rab 'byams/__rje sgrol ba'i mgon po'i bka' 'bum gyi dbang lung yongs rdzogs/__dpal dus kyi 'khor lo'i dbang chen jo lugs ltar dang /____sbyor ba yan lag drug gi rdzogs rim gyi khrid sogs dang /____mkhas dbang bla ma bkra shis chos 'phel las bcu phrag rig pa'i gnas rnams zhib khrid dang /____dbang lung gnad che ba du ma/__zur mang drung rin po che las rgya chen bka' mdzod dang /____gdams ngag mdzod yongs rdzogs/__rgyal sras 'jam mgon mchog sprul las/__rin chen gter mdzod yongs rdzogs kyis mtshon thos bsam rgya cher mdzad cing /____rgya dkar nag_/dbus gtsang /____lho 'brug rnams su gnas gzigs dang /____gdan sa dpal spungs su kun rig gi sgrub sde gtan 'jags/__rigs kyi bdag po rgyal mchog bco lnga pa'i bka' 'bum yongs rdzogs spar gsar bzhengs sogs 'khor lo gsum gyi mdzad pa rmad du byung ba dang /____thugs sprul grub dbang shAkya shrI'i sku gsung thugs kyi sras 'phags mchog rdo rje ni/__yab rje rnal 'byor gyi dbang phyug la ci mdzad legs mthong gi mos gus 'pho 'gyur med pas mnyes pa gsum gyi zhabs tog mthar son/__phrin las kyi gtso bo snying po'i sgrub pa mdzad pas rtogs pa don brgyud kyi rgyal thabs la mnga' brnyes/__gtso cher yab rje'i mdzad pa'i 'phro bzhin gdul bya ris med pa la smin khrid kyi gdams pas nges don dga' tshal du dbugs dbyung /____thams cad mkhyen gzigs chos kyi blo gros la nyams rtogs 'khrungs tshul gyi gsung gleng gnang bas theg pa mchog gi lta dgongs la dbang 'byor ba'i bstod bsngags dang /____grub dbang rin po che'i dgongs gter skor sogs kyi smin grol kyang gsan/__yab rje'i phyag rdzogs kyi dmar khrid thun mong ma yin pa'i zhal lung glegs bam du bkod pas chos sku'i mchod sdong gdul bya'i skal bar bzhag pa sogs snying po'i bstan pa la phan pa'i phyag bzhes ngo mtshar chen po mnga' ba'o/____/phrin las kyi sprul pa chu sbrul dgung ldan 'di nyid dang /____grub dbang rdzogs chen lnga pa thub bstan chos kyi rdo rjes ngos 'dzin dang ru dam rdzogs chen gyi gdan sar mnga' gsol mdzad pa'i mchog sprul dgung snying lug lo can mkhyen rtogs mtshungs zla bral ba dang /____yang rje mkhyen brtse'i zhal 'phros khungs dag gi rgyun las dpal sa skya'i gdung brgyud du'ang sprul pa gcig 'byung tshul gsungs pa'i bshad srol ltar bdag chen ngag dbang mthu stobs dbang phyug nyid yin par zhal gyis bzhes shing yongs su grags pa ltar la/__yab rje dgongs pa rdzogs pa'i tshe sku dngos kyis byang sham+b+ha la'i zhing du phebs nas de'i me tog gi chun po bsnams te byon pa kun gyis mjal du yod pa sogs grub pa'i rtags mtshan khyad du 'phags pa du ma bstan par mdzad pa dang /____spyir 'jam dbyangs bla ma thams cad mkhyen pa nyid rgyal bstan ris su ma chad pa 'dzin skyong spel ba'i thugs bskyed kyi g.yar dam lhur bzhes shing /____phrin las dus su babs pas mdo dbus gtsang khams shar nub rgya mtsho'i mtha' tshun chad du thugs sras sbas mngon ci rigs pa sa chen po'i rdul ltar byon pas rang rang gi dad mos dag snang gi gzigs pas ngos 'dzin gnang ba rnams dang /____dpal spungs skyabs mgon si tu pad+ma dbang mchog rgyal po de nyid rgyal dbang mkha' khyab rdo rjes ngos 'dzin gnang ste dpal spungs gdan sar zhabs pad bkod pa'i yar lam sman shod rdzong sar dgon gyi mdun nas phebs skabs rje mkhyen brtse'i zhal bkod du si tu mchog sprul yar lam phran rtsar phebs mi dgos/__si tu sprul sku rin po ches phran gyi khang pa gzigs dus phran mkhyen brtse red ces zhus gsungs pa ltar gzims chung mjal dus zhus pas/__de'i mthong skar nas mkhyen brtse rin po ches spos rengs bam po dar gyis lcibs pa bsnams bzhin si tu rin po che la gzigs nas rdzogs chen mkhan rin po che pad+ma rdo rje sku mdun der bzhugs pa la/__pha ki dpal spungs si tu'i sprul skur rgyal dbang karma pa/__kong sprul rin po che/__nged rang gsum dgongs mthun gyis mtshan gsol khri bkod byas pa yin/__nga dang khyed gnyis kyis ye shes kyi dgongs rgyud gtad de gnyis med du byin gyis brlab dgos zhes gsungs shing ched du dgongs gtad gnang ba dang /____kaHthog si tu rin po ches dbang dang gsung bshad gnang skabs gsung skad kyi gdangs dang gsung stangs sogs rje mkhyen brtse'i dbang po dang dbyer med zhig 'dug pas rje bla ma'i ye shes kyi sgyu 'phrul bkod pa yin snyam pa 'dug ces zhe chen rgyal tshab rin po che pad+ma rnam rgyal dang /____gter chen las rab gling pas gsungs shing /____sku gshegs rjes thugs sras mkhas grub gzhan dag gis ngos 'dzin pa sogs 'ga' zhig mchis pa dang /____mdo smad re kong phyogs su sis mdo dgon gyi mkhan chen mkhyen yon rmad du byung ba blo bzang bstan 'dzin rgya mtsho zhes pa zhig las nged rang gis gsang bde'i dbang dang rgyud kyi bshad pa zhus pas/__nang ma'i gsung mchid du slob ma rnams nas phran la skyes phreng gsol 'debs dgos zer ba phran nas rmi lam brtags pas/__ras chung rdo rje grags pa dang 'jam dbyangs mkhyen brtse yin zer ba rmis pas de'i rnam thar mjal dgos zhes zhib tu gzigs gnang mdzad cing /____phran chos lugs dge ldan du gyur pas dpe cha gsar pa'i skabs phyogs ris che ba yod kyang thos pa phyogs med du byas shing chos kyi gnad 'gag mthong bas chags sdang gis rang gzhan grub mtha' bzang ngan du blta ba 'di las skyon che ba mi 'dug_/da ni bka' gdams dge ba'i bshes gnyen gong ma rnams kyi rnam thar bzhin bstan pa thams cad 'gal med du sems pas/__da res khyod las rnying ma'i chos 'brel zhig zhus nas bsnyen sgrub 'brel ba dang /____rin chen gter mdzod kyi dpe cha zhig blu/__chos skor tshang ma zhib mjal zhus nas skye ba rjes mar gter mdzod 'chad nyan thub pa'i smon lam bya gi yin pas rdzong sar mkhyen brtse rin po che la'ang de'i don zhu yig skyabs rten bcas rang la bskur mdzad cing /____khyed kyis kyang de ltar thugs smon mdzod ces phran las rtsa gsum bde 'dus kyi dbang gsan/__bsnyen pa'ang btang mdzad/__gter mdzod kyi phyag dpe blus mdzad pa rnams rje bla ma chos kyi blo gros rin po cher zhus pas bod kyi chos lugs khag bzhi g.yung drung bon dang bcas pa la mkhyen brtse'i sprul sku re phebs pa'i zhal bzhes gnang skad bshad srol 'dug pas dge phyogs de de min nam gsungs pa dang /____kho bo yang de dag gi lung dang rtogs pa'i yon tan gyi rjes su mi snyegs rung mtshan gral du snyan pa'i rgyu mtshan ni/__gsang bdag blo gter dbang po gus btsas nas zla gcig ma long tsam du/__rang gi khyim du phebs bzhugs skabs phran a mas sku mdun khur ba dang /____ngos la rmi lam du 'jam dbyangs mkhyen brtse'i dbang po zhag gsum btud mar dgyes nyams can shin tu gsal por 'jal ba rmis pas bu 'di mkhyen brtse'i sprul sku zhig yin nges zhes mkhyen brtse gong ma'i phyag phreng rdog gcig dang rje mkhyen brtse'i phyag mdud ngo ma/__mgul dar nang mdzod bcas stsal ba dang /____lo ngo gsum lon pa'i dus zhe chen rgyal tshab rin po che 'gyur med pad+ma rnam rgyal khyim phebs skabs rang gi bskyed yab la khyed kyi bu 'di nga la byin/__sprul sku khyad 'phags zhig yin zhes gsungs shing /____phyis rang lo bcu drug steng mkhyen brtse'i sprul sku'i mtshan dang mi pham rin po che'i phyag bris sogs rten gsum khyad par can stsal ba'i skabs der 'jam mgon chos kyi blo gros kyang der bzhugs pas/__sngar blo gter dbang po dang da lam skyabs rje rgyal tshab rin po che'i ye shes gzigs pa ltar phran gyi rig ngor yang mkhyen brtse'i thugs sprul yin par nges zhes sku gsung thugs rten dang legs so'i dbugs dbyung stsal/__phyis rdzong sar du thog mar bcar skabs mdangs rmi lam du mkhyen brtse rin po che de shin tu gsal por mjal bas de ring khyed phebs pa'i rtags su nges gsungs pa sogs dam pa rnams kyi dag pa'i gzigs ngor mchis pa las rang la ni cha ci yang ma 'tshal ba zhar la 'phros pa ste/__sngon byon grub pa'i dbang phyug thang stong rgyal po dang /____rgyal dbang karma pa mi bskyod rdo rje'i rnam thar du gsal ba bzhin 'phags pa'i sa brnyes pa'i skyes chen dag gis dag dang ma dag gi sprul pa mang po 'gro ba'i don du dus gcig la'ang 'gyed par mdzad pa'i tshul yod pa ltar ro/____/da ni de thams cad kyi nang nas rgyal mtshan gyi tog ltar mngon par mtho zhing /____rje gong ma'i rnam thar dang phrin las mtha' dag rdzogs par mnga' bas gsang gsum yon tan dang bcas pa gcig tu 'dus pa'i rang gzugs phrin las mi zad rgyan gyi 'khor lo'i rnam par 'phrul pa'i bdag nyid chen por gyur pa rje btsun bla ma dam pa 'di nyid kyi rnam thar rgyas par 'chad pa la/__de'ang gdul bya'i yul dang thugs rje'i rkyen tshogs pa la brten nas slar yang srid pa'i gzugs su mngon par snang ba ste/__rgyud bla ma las/__ji ltar baiDUr sa gzhi gtsang ma la/____/lha dbang lus kyi gzugs brnyan 'char ba ltar/____/de bzhin 'gro sems sa gzhi gtsang ma la/____/thub pa'i dbang po'i sku yi gzugs brnyan 'char/____/zhes gsungs pa dang rjes su mthun par rgyal kun ye shes gcig tu 'khyil ba'i nyin byed dbang po gang du skye ba'i myu gu bzung ba'i tshul bstan pa'i yul ni/__mdo khams chu bzhi sgang drug las gser ldan 'bri klung gi bgrod pa dal gyis g.yo ba'i phyogs mdo smad zal mo sgang gi char sa yi mdud bzhir grags pa'i bye brag re khe sa yi mdud pa ste/__gter chen bdud klong rnam gnyis nas zab gter bzhes shing /____bde chen gling pa dang /____rig 'dzin tshe dbang nor bu sogs kyis rdo rje'i gnas su bsngags shing /____yul gzhi skyong ba gnas bdag chen po yon tan ri bkra zhes phrin las phur pa'i bka' srung lcags kyi skyes bus bde bar skyong ba'i yul ljongs sa ngan re khe'i nang gses a byams zhes pa'i sa'i char/__yab mes rig 'dzin rtsal 'chang gi brgyud pa shin tu ngo mtshar ba'i rnam thar dang ldan pa ste/__de'ang gu ru'i rgyal tshab nus ldan nyer lnga'i ya gyal sa bcu'i dbang phyug bdud 'dul nus ldan rdo rje'i gdung brgyud khams gser thar phyogs su bzhugs stan chags pa rgyal sras pad+ma rnam rgyal te/__'di nyid gnas dus sogs kyi babs la dpyad na 'jam mgon rin po ches 'khon phur mdzad byang du gsal ba'i kaHthog bdud 'dul rgyas sras pad+ma rnam rgyal zhes pa dus gsum sgrib med gzigs tshul sogs 'byung ba yin par mngon la/__ngo mtshar khyad 'phags kyi rnam thar mnga' ba de nyid kyi sras gser pa gter rgan bdud 'dul rol pa rtsal nus ldan nam mkha'i rnal 'byor zhes mkhyen brtse nus pa'i yon tan 'gran zla dang bral zhing zab gter kyang mang du bzhes/__bdud 'dul gyi sprul par grags shing ye shes kyi skus rjes su bzung zhing byin gyis brlabs/__sku tshe la mnga' brnyes pas dgung lo brgya dang brgyad cu tsam bzhugs shing sku tshe'i smad la brag yab dang sa ngan phyogs su rim par phebs/__mi dang mi min gyi 'gal byed mtha' dag mngon spyod nus mthus tshar bcad cing dbang du bsdus pas phrin las 'phel rgyas su gyur/__kaHthog nas sa ngan phyogs kyi dgon bdag tu mnga' gsol ba bzhin phyogs der bzhugs stan chags par mdzad/__phyis gter ston sku gshegs rjes gsang yum mkhyen brtse rin po che'i mdun du byon par gter chos yongs rdzogs mkha' 'gro gtad rgya brgyud pa'i tshul du bzhes shing gter chos skor rdzong sar phyag dpe'i khrod du bzhugs pa ste/__grub brnyes rnal 'byor dbang po de nyid kyi sku tshe'i smad du 'khrungs shing gsang ba gsum gyi byin gyis brlabs pa'i sras/__gser pa gter sras 'gyur med tshe dbang rgya mtsho ni rje bla ma dam pa'i bskyed yab ste/__yab kyis bdud 'dul dang rang gter skor gyi dbang rnams rdzogs par stsal/__smin grol gling du khri chen yid bzhin dbang rgyal dang /____rje btsun ma bde chen ye shes chos sgron/__rdor 'dzin don grub sogs la bka' gter gyi smin grol dang phyag len sogs gsan bsam rgya cher mdzad cing yun ring tsam bzhugs/__khyad par rje mkhyen brtse'i dbang pos thun min thugs brtses rjes su bzung zhing zab chos rigs spyi dang khyad par bka' 'dus chos kyi rgyal mtsho'i smin grol nyi ma phyed nas nam phyed yol gyi bar du shin tu rgyas par stsal/__mkha' 'gro rnams kyis phyag tu phul ba'i bka' 'dus kyi bla dpe brda yig dang bod yig 'dres ma lta bu'i pod chung gcig dang rtsa gsum sgyu 'phrul drwa ba'i shog ser btags grol glegs bam lta bu gci+ig bcas dngos su mjal kha gnang /____gzhan yang thugs chen sems nyid ngal gso/__mchog gter zab bdun gshin rje/__yang gter mkha' 'gro gsang 'dus/__'chi med 'phags ma'i snying thig gi dbang skabs gsang mtshan 'chi med snang mdzad rdo rjer gsol/__chos skor de rnams kyi chos bdag tu dbugs dbyung /____khyed rang bod dbus gtsang du song na mkho gsungs te klong snying pod gnyis kyi dbang lung khrid bcas rgyas par gnang /____gser pa gter rgan gyi na bza' sngags chas rnams phul bas khyed rang la rjes su mkho dgos yod tshul gsungs nas slar gnang ba ni don gyis rig pa 'dzin pa 'di'i sras su phebs par lung bstan par nges so/____/de bzhin du 'jam mgon blo gros mtha' yas zhabs kyis kyang thugs brtses rjes su bzung zhing rje nyid dang sprul gzhi gcig pas rtsa gsum dgongs 'dus kyi gter gzhug skyong bar 'os pa'i tshul dang /____gsang thig dang tshig bdun skor gyi chos bdag tu ngos 'dzin gyis smin grol zhib par stsal/__gzhan yang dpal yul sku chen/__kaHthog si tu sogs skyes chen dam pa mang du bsten nas rin gter kha skong bcas/__mchog gter cha tshang sogs gsan bsam rgya cher gnang /____yi dam lhag pa'i lha du ma'i bsnyen sgrub dang bskyed rdzogs kyi nyams bzhes tshad du phyin cing chos skyong rnams bran du bkol/__bstan 'gror 'tshe ba'i nag phyogs kyi sde dpung rnams mngon spyod kyi las sbyor gyis tshar bcad cing /____gzhan 'khu bar byed pa'i rigs la'ang nus mthu'i rtags mtshan mthong chos su byung ba mang po dang /____skabs shig chang gis ra bzi ba ltar mdzad nas go 'jo mkho chen dgon gyi mgon khang gi nang rten bsam yas su rgyal po sku lnga'i sku gsob gyi nang gzhug be har gyi rten mdung gu ru rin po ches bcings pa smin gling gter chen gyis bzhes pa gtsug lag gi steng nas 'phang ba bar snang du cung zad bsdad nas sar lhung yang nyid ston 'khor la gnod pa sogs gtan nas ma byung bas mtshon nus mthu shin tu che bar grags/__ltar snang kun spong zhig po'i tshul du bzhugs nas zab chos kyi 'chad spel yang mang du mdzad/__snga 'gyur bka' ma mdo sgyu dang /____khyad par rin chen gter mdzod zhib rgyas/__mchog gter tshang ba sogs bka' gter zab chos mang zhig rje bla mar phul bas bstan pa la mdzad rjes kyang che bar byung /____de lta bu'i mkhyen brtse nus pa'i yon tan 'gran zla dang bral ba'i rig pa 'dzin pa chen po de nyid dang /____a lcags 'bru yi rigs las a mdo gser gyi bya bral zhes pa'i grub thob kyi rigs su byung ba tshul khrims mtsho zhes rgyud zhi dul dang snying rje che ba sogs DA ki'i rigs kyi mtshan nyid dang ldan pa gnyis kyi sras su rab byung bco lnga'i rnam rgyal zhes pa chu mo sbrul gyi lo ston gsum 'bras bu bcud du smin pa'i dga' ston la skye dgu rnams rdzogs par longs spyod pa'i dus su mtshan dpe'i dkyil 'khor gsal ba'o/____/lhums su zhugs pa dang sku bltams pa'i gza' skar dus sbyor sogs zhib par ma 'khod cing /____lhums su zhugs skabs yab yum la mnal ltas dang 'khrungs pa'i tshe ngo mtshar ba'i rtags mtshan dge bar byung ba gor ma chags kyang /____yab rje nyid 'khrul zhig rnal 'byor du song bas dmigs bsal ngag rgyun khungs btsun dang phyag thor 'khod pa sogs mi 'dug gsungs/__de nas yul chos dang bstun skabs su babs pa'i zhabs 'degs bcas sku'i skyed rim par bsrings/__yab rje rig pa 'dzin pa chen pos 'jam dbyangs chos kyi blo gros zhes par mtshan gsol/__khyad par 'jam dbyangs bla ma'i mchog gi sprul pa'i skur ngos 'dzin ji ltar gnang ba'i tshul ni/__rje 'jam mgon blo gros mtha' yas mchog gi ye shes dag pa'i gzigs ngor gsal ba'i don rje gong ma'i sku dbon skal bzang rdo rjer mchog sprul skor gyi gsung lan du/__shAkya shrI'i sras 'phags mchog rdo rje thugs kyi sprul pa dang /____rje 'di nyid phrin las kyi sprul par nges shes rnyed tshul zhib 'khod 'jam mgon rang gi phyag bris dngos bzhugs pa dang /____khyad par du rje gong ma'i sku dbon kun gzigs si tu rin po ches kaHthog gi gdan sar mkhyen brtse'i sprul sku gcig gnang grub par 'jam mgon rin po cher yang yang gsol ba btab pa ltar/__kun gzigs mkhyen brtse'i dbang po nyid chos rgyal khri srong gi sku dang /____gu ru rin po che'i gsung /____nam mkha'i nying po'i thugs/__bi ma mi tra'i yon tan/__lang gro lo tsA ba'i phrin las bcas gcig tu bsdus pa'i rnam rol du gsungs pa dang /____kaHthog gi gdan sa mdo khams gnas chen nyer lnga las phrin las 'gro 'dul gyi gnas gtsor bsngags shing /____lang gro'i rnam 'phrul rig 'dzin klong gsal snying pos bstan pa gzhir bzhengs mdzad pa'i rten 'brel sogs kyis phrin las kyi rnam 'phrul rje 'di nyid sku bdag zhus na bstan 'gro spyi sger yongs la phan pa rlabs chen 'byung rgyu dang /____de lta na'ang mkhyen brtse'i rnam 'phrul sngags spyod kyi rnam thar 'dzin pa zhig kyang 'byung bar gsungs na/__'di nyid rig pa 'dzin pa'i gdung rigs las byon pa sogs rim gyis sngags spyod la zhugs nas gnas yul 'grims pa zhig yong na'ang nges med la/__si tu rin po che rang gi bla brang der zur du sku bdag mdzad pa las/__dgon pa gzhung gis khri ston byed pa dang bstan pa'i 'gan bkal ba sogs byed mi nyan pa'i bka' bslab dang bcas gnang bar mdzad pa bzhin/__dgung grangs bdun gyi steng 'khrungs gzhis nas ched du phebs bsus gdan 'dren bcas dgun zla'i 'phel tshes bzang por mdo khams phyogs kyi snga 'gyur rnying ma'i chos sde thams cad kyi thog mar byung zhing bka' gter bshad sgrub kyi 'byung gnas su gyur pa 'gran zla dang bral ba'i gdan sa chen po shar kaHthog rdo rje gdan gyi chos grwar zhabs kyi pad+mo bkod pa'i nyin kha ba chen po babs te ri klung dkar por song ba rje 'dis thugs bskyed dang phrin las kyi snang bas phyogs mtha' dag dkar 'jam yug gcig tu brdal ba dang /____dpal kaHthog pa'i bshad sgrub chos kyi gru char 'jig rten gsum du rtag khyab lhun grub kyi phrin las rtsol med du 'byung ba'i rten 'brel gyi dge mtshan rmad du byung ba rang bzhin lhun grub tu 'grigs par mngon no/____/der rig 'dzin chen po klong gsal snying po'i gzims khang rdzong mgo bkra shis khang gsar du bzhugs stan 'khod/__de nas gza' tshes mchog tu dge bar chos sde chen po de nyid kyi gtsug lag khang gi dbus thub dbang sku brnyan lha chen dpal 'bar bzhugs pa'i mdun du/__bskal bzang rnam 'dren lnga pa shes bya thams cad gzigs pa'i paN+Di ta chen po'i tshul du byon pa snga 'gyur bstan pa'i mnga' bdag tA'i si tu o rgyan chos kyi rgya mtsho mchog gi zhal snga nas gtsug phud bzhes par mdzad cing /____'jam dbyangs blo gros rgya mtsho thub bstan bshad sgrub rgyal mtshan dpal bzang po zhes pa'i mtshan gyi cod pan 'bul gnang mdzad/__de tsam las gong gsal 'jam mgon rin po che'i bka' bslab ltar dmigs gsal khri ston sogs ma mdzad par grags/__chos sde chen po der gsan bsam gyi rigs la thugs brtson rgya cher gnang bzhin pa'i skabs/__rdzong sar gdan sa dngos kyi mchog sprul glo bur du sprul pa bsdus pa dang /____rje 'di nyid 'jam mgon rin po ches ngos 'dzin gnang zhing sku chung ngu nas dam pa'i rnam thar mtha' dag yongs su rdzogs par mnga' ba'i dbang gis gong ma'i sku dbon mdzod skal bzang rdo rjes si tu rin po cher tha tshig gnad bkar gyi tshul du gdan sa lte ba rdzong sar dgon du bzhugs 'god dgos nan cher zhus pa bzhin du/__dgung grangs bco lnga'i steng khams gsum 'gro ba'i dpal mgon chos kyi rgyal po 'phags pa rin po ches byin gyis brlabs shing dpal ldan sa ngor gyi ring lugs 'dzin pa'i chos grwa chen po shrI nA len+d+ra gnyis pa rdzong sar bkra shis lha rtse'i 'og min bla ma'i bzhugs gnas bkra shis 'chi med grub pa'i dga' tshal du ris bral rgyal bstan yongs su rdzogs pa'i chos kyi khri la zhabs pad bkod pa'i rten 'byung gi skya rengs 'char bas rje gong ma'i phrin las kyi nyin byed rtag khyab lhun gyis grub pa'i 'od snang gi mu khyud gangs can 'dzin ma'i khyon du slar yang brdal ba'i bskal bzang gi rten 'brel mchog tu gyur pa'o/____/gzhan yang mdo sde rgyan las/__sbyor ba'i sngon du snying rje dang /______/mos pa dang ni bzod pa dang /______/dge la yang dag spyod pa ni/____/rigs kyi rtags su shes par bya/____/zhes gsungs pa ltar skyes bu dam pa'i rigs kyi nus pa ni sus kyang 'gran du med par rtag tu dam pa'i ngang tshul can rdo rje rin po che'i khams bzhin 'pho 'gyur dang bral bas rje bla ma nyid sku rkyang las nang rtsa'i yongs 'dzin sogs gtan nas med kyang sku tshugs bzang zhing btsun la thugs shin tu sgam pa'i tshad du kun gyis dpe zlar 'os par bzhugs shing /____bshes gnyen dam pa rnams las sngar gyi gsan bsam rigs 'phro skyong zhing /____ris med pa'i zab chos mtha' dag gsan bzhes dang don gnyer can la 'chad pa/__rten bzhengs dang tshogs bsags mchod 'bul sogs rnam dkar gyi mdzad pa mtha' dag phal pa'i blo ngor shong dka' bar gnang bas dad ldan rnams spro ba ches cher 'phel zhing /____blun rmongs bdud kyis blo bsgyur ba 'ga' zhig gi yid la zug rngur gyur te dngos brgyud nas bar du gcod pa mang zhig brtsam rung /____rje nyid nas gang la'ang bsnyems pa med pa'i brtul zhugs dang byams pa chen po las thugs g.yo ba med pa ri dbang lhun po ltar bzhugs pas me 'bar ba la shing bsnan pa bzhin dam pa'i rnam thar ches cher gsal ba'i rkyen du gyur pas/__log pa'i blo can de dag kyang rim gyis sems khong du chud nas slar rje nyid kyi zhabs kyi pad+mor gus shing dad pas 'dud par gyur/__de'ang skyes bu dam pa rnams sku nar ma son pa dang thugs dam rtsal ma rdzogs bar du bar gcod kyi rnam pa ches mang bar 'byung mod/__blo chen po rnams ni de dag gis brdzi bar mi nus pa byang chub spyod pa'i rgyan du 'gyur tshul yang /____sdud pa las/__dper na rgyal po'i bu zhig nor gtong don 'dod pa/____/kun gyi gtso bor gyur te mngon par 'gro bya 'os/____/'di ni da lta na yang sems can mang dga' byed/____/thabs thob gyur te rgyal srid gnas nas smos ci dgos/____/de ltar shes rab spyod mkhas byang chub sems dpa' yang /______/bdud rtsi sbyin par byed cing lha dang mi rnams dga'/____/'di ni da lta na yang sems can mang phan brtson/____/chos kyi rgyal por gnas par gyur nas smos ci dgos/____/de yi tshe na bdud ni zug rngu ldang bar 'gyur/____/mya ngan nyams thag sdug bsngal yid mi bde nyam chung /______/ji ltar byang chub sems dpa' 'di yid nur 'gyur zhes/____/'jigs pa bstan phyir phyogs rnams bsreg cing skar mda' gtong /______/gang tshe mkhas pa de dag bsam par rab ldan zhing /______/nyin mtshan shes rab pha rol phyin pa mtshan don lta/____/de tshe lus sems dag ni mkha' 'gro bya ltar rgyu/____/nag po'i rtsa lag rnams kyis glags rnyed ga la 'gyur/____/zhes gsungs pa ltar ro/____/spyir yang rje bla ma rin po che'i yab rje ni 'khrul zhig gi rnal 'byor du bzhugs/__skyabs rje si tu rin po che bstan 'gro'i mdzad sgo shin tu rgya che/__yongs 'dzin dge rgan sku gshegs snga ba'i dbang gis sku gzhon pa'i skabs bslab ston dang sku bcar do dam dmigs bsal byung tshod mi 'dug kyang /____bstan 'gro'i mig rgyan gyi mdzad pa che phra rang stobs kho nas dngul chu sar lhung ba bzhin skyes chen sus kyang 'gran du med pa skyong bar mdzad pas na so skye'i spyod yul las ring du 'das shing /____khyad 'phags dam pa'i yon tan thugs rje yas sprul gyi mdzad pa bla na med pa ste kun gyis 'gran zlas dben pa'i rnam thar shin tu ngo mtshar ba'i gnas su gyur pa'o//____//__gnyis pa rgyal ba'i bstan pa rin po che'i 'jug sgo sdom pa gsum gyi bslab pa ji ltar bzhes pa'i tshul ni/__sangs rgyas gnyis pa dbyig gnyen zhabs kyis/__tshul gnas thos dang bsam ldan pas/____/sgom pa la ni rab tu sbyor/____/zhes gsungs pa'i go rim ltar bdag cag gi ston pa mnyam med shAkya seng+ge'i bstan pa rin po che'i 'jug sgor dpal mgon 'phags pa klu sgrub ltar thog mar sdom pa gsum gyi bslab pa rim can du bzhes pas thugs rgyud sdom pa'i rgyan gyis spa zhing /____tshul khrims rnam pa gsum la bslab sbyangs mthar son pas zag med ye shes kyi tshul khrims gser sbyangs btso ma'i rgyan lta bus spud pa ni/__dge slong la rab tu gces pa'i mdo las/__shin tu legs par tshul khrims gang /______/sdom pa'i mi de mdzes pa'i gzugs/____/'dul ba la ni nye bar gnas/____/tshul khrims bslab par rang yid ches/____/mi de nyi ma gcig la yang /______/bsod nams phung po dpag tu med/____/gsog cing sangs rgyas 'bras bu 'grub/____/ces dang /____'phags pa klus/__khrims ni rgyu dang mi rgyu'i sa bzhin du/____/yon tan kun gyi gzhi rten lags par gsungs/____/zhes gsungs pa ltar thub bstan 'dzin spel skyong ba'i byed po'i rnam thar gyi mchog tu gzigs nas/__dang po so sor thar pa'i sdom pa ji ltar bzhes tshul ni/__dgung grangs bcur phebs pa'i skabs brtan mkhas phan 'dogs kyi yon tan yongs su rdzogs pa'i mnga' bdag kun gzigs d+harma sA ra mchog mkhan po dang /____rje bla ma yab sras kyi yongs 'dzin dge ba'i bshes gnyen chen po thub bstan rig 'dzin rgya mtsho las slob sogs lnga tshogs kyi dge 'dun grangs tshang ba las/__'jam dbyangs mkhyen brtse'i dbang po nas si tu paN+Di ta la brgyud pa so sor thar pa'i dge tshul gyi sdom pa thog mar bzhes pa'i mtshan du 'jam dbyangs blo gros rgya mtsho gtsug lag lung rigs nyi ma smra ba'i seng ge thub bstan bshad sgrub rgyal mtshan dpal bzang po zhes bya ba gnang /____spyir mtshan dpe'i me tog dang por bzhad pa'i dus nas yab rje rig pa 'dzin pas mtshan 'jam dbyangs chos kyi blo gros zhes gsol ba nas brtsams/__kaHthog si tu paN+Di tas kun mkhyen bla ma'i mchog sprul du mnga' gsol ba'i mtshan 'jam dbyangs blo gros rgya mtsho/__rgyal tshab pad+ma 'gyur med rnam rgyal las byang chub sems sdom bzhes pa'i skabs kyi mtshan phul ba'ang 'jam dbyangs blo gros rgya mtsho zhes gsol ba dang /____wa ra thar rtse zhabs drung rin po ches 'jam dbyangs chos kyi blo gros ris med bstan pa'i rgyal mtshan dpal bzang po zhes gnang 'dug pas kho bo'i ming blo gros zhes pa 'di rnam 'dren sus stsal kyang nam yang 'gyur ba med pas dgos pa dang rten 'brel gyi gnad zhig yod par mngon zhes bka' las thos so/____/dgung grangs nyer drug steng mdo smad snga 'gyur bstan pa'i chu gter ru dam o rgyan bsam gtan chos gling du phebs nas de'i dben gnas tshe ring ljongs kyi bsam gtan gyi spyil bu mchog gsum snang ba'i sprin phung du gter chen mchog gyur gling pas zil khrom gangs kyi ra ba'i gnas yig tu mkhan chen byang chub sems dpa'i sprul par lung bstan pa/__dgag sgrub gnang gsum gyi sgo nas bslab par bya ba'i gnas rnams nye bar lung 'bogs pa'am ston pa la shin tu mkhas pa/__bsgrub bya la shin tu snying brtse ba dang ldan pas dman pa'i gnas su lhung ba las yongs su 'dzin pa/__dngos su chos 'dul ba'i tshul khrims kyi bslab pa rin po che la nye bar sbyor zhing /____brgyud nas myang 'das kyi go 'phang la sbyor bar byed pa'i yon tan phun sum tshogs pa dang ldan pa/__don gyi slad du mtshan nas smos na thams cad mkhyen pa 'jigs med pad+ma blo gsal lam dkon mchog grags pa mkhan po dang /____las kyi slob dpon mkhan bsod nams chos 'phel sogs dge 'dun lnga tshogs las bsnyen rdzogs kyi sdom pa bzhes pa ni smad 'dul gyi sdom rgyun rgyal sras gzhan phan mtha' yas nas/__mkhan chen pad+ma blo gsal la brgyud pa dang /____phyis su dgung grangs so lnga pa'i steng dbus su phebs pa'i skabs rje gong ma'i phyag bzhes dang mthun par gangs ri'i khrod kyi pad+ma 'od 'og min o rgyan smin grol gling gi gtsug lag khang chen po'i thub dbang zhal ras lha khang du/__ngag dbang thub bstan nor bu las kyang dbang thang khams mthun shing glang lo'i dus tshigs lngar phye ba'i dpyid zla gsum pa snron gyi zla ba'i yar ngo'i gral tshes bcu gnyis pa'i dus tshod nyi ma bzhi cha shar ba'i grib tshod rkang pa gnyis kyi thog tshigs snga ma dge tshul dang /____nyi ma gung tshigs ma yol ba'i grib tshod rkang pa gsum gyi thog tshigs phyi ma bsnyen rdzogs mkhan po ngag dbang nor bu rgya mtsho/__las slob 'gyur med rnam grol rgya mtsho/__gsang ston 'gyur med shes rab bstan dar /____dus go ba 'gyur med chos dpal bstan 'dzin/__grogs dan pa dpal sprul 'gyur med rig 'dzin chos dbang sogs bcu tshogs las kyang bsnyen rdzogs bskyar te bzhes pas so sor thar pa'i dge slong gi sdom ldan du bsgrubs par mdzad pa ni/__paN chen blo bzang chos rgyan gyis/____/sdom rgyun mkhan po rin po che/____/dam chos yar 'phel zhal snga nas/____/dang po paN chen brgyud bsnyen te/____/phyis ni mchog tu dad pa dang /______/gong 'phel tshul du thams cad mkhyen/____/bsod nams rgya mtshor bsnyen rdzogs pas/____/ci ltar 'dod pa sbyar bas chog_/ces gsungs pa bzhin no/____/gnyis pa byang chub sems kyi sdom pa bzhes tshul ni/__sdong po bkod pa las/__rigs kyi bu byang chub kyi sems ni sangs rgyas kyi chos thams cad kyi sa bon lta bu'o/____/zhes dang /____sdud pa las/__de bzhin 'dir yang byang chub sems med bde gshegs kyi/____/ye shes 'jig rten 'di dag kun tu ga la 'byung /______/zhes dang /____byang chub sems dpa'i sde snod las/__myur du bla na med pa yang dag par rdzogs pa'i byang chub tu 'tshang rgya bar 'dod pas lhag pa'i bsam pa byang chub kyi sems la bslab par bya'o/____/zhes 'byung ba ltar don gnyis phun sum tshogs pa'i sangs rgyas kyi rgyu gcig pu byang chub kyi sems rnam pa gnyis la gzod nas goms pa mthar son kyang gdul bya rjes su bzung ba la dgongs nas rdo rje 'dzin dngos 'jam dbyangs blo gter dbang po dang /____kaHthog si tu kun gzigs chos kyi rgya mtsho/__zhe chen rgyal tshab 'jam dbyangs blo gros rgya mtsho'i sgra dbyangs rnam pa gsum las dbu lugs smin gling gter chen rin po ches mdzad pa dang /____'jam mgon blo gros mtha' yas gsung /____rgya chen spyod brgyud kun gzigs mkhyen brtse'i dbang po'i gsung ltar dang /____sku zhabs dge mang mchog sprul gzhan phan snang ba las dbu ma lugs smin gter yig cha ltar dang /____mkhan chen kun bzang dpal ldan las dpal sprul rin po che'i phyag bzhes ltar/__'jam mgon chos rje ngag dbang legs pa las zab mo dbu ma dang /____rgya chen spyod pa'i bka' srol gnyis ka'i byang chub mchog tu sems bskyed pa'i sdom pa mkhas grub so so'i gsung bzhin zab rgyas su gsan cing /____dpal spungs si tu rin po che pad+ma dbang mchog rgyal po las kyang rgya chen spyod brgyud kyi sems sdom bcas so sor mchod pa'i sprin dang maN+Dal sogs rgyas spros gzab rgyas dang bcas bzhes/__kun gzigs kaHthog si tu rin po ches 'jam dbyangs dga' ba'i go cha zhes pa'i mtshan 'bul mdzad de rgyal sras spyod pa'i g.yar dam legs par bzhes pa'i tshul gyis gdod nas dag pa'i theg pa chen po'i rigs kyi nus pa yongs su sad par mdzad de/__bskal pa rgya mtshor gzhan phan gyi spyod pa zab cing rgya che ba la skad cig re re'i yun gyis kyang 'jug cing yid can mtha' dag la sman pa'i phrin las mtha' yas pas rtag par skyong ba'i tshul mngon sum du grub pa nyid do/____/gsum pa rdo rje theg pa'i dkyil 'khor chen por zhugs nas mngon par dbang bskur bas gsang ba sngags kyi sdom pa bzhes pa'i tshul ni/__thog mar dbang gi dag bya dag byed kyi go don ngo 'phrod pas bka' gter gyi rgyud sde'i dbang chen zhig la ngos 'dzin dgos pas/__rje bla ma mchog gi rigs kyi bdag po thun mong ma yin pa si tu thams cad mkhyen gzigs las/__kaHthog rdo rje gdan gyi gtsug lag khang chen por snga 'gyur bka' ma'i rgyud ma hA yo ga tan+t+ra sde bco brgyad kyi rtsa ba sgyu 'phrul zhi ba dang khro bo'i dkyil 'khor du phyi nang gsang ba'i phan nus zab mo'i dbang bcas/__lung a nu yo ga tshogs chen 'dus pa rtsa ba dang yan lag yongs su rdzogs pa'i dkyil 'khor du phyi nang sgrub gsang gi dbang gi chu bo bzhi rdzogs gtad rgya dang bcas pa/__man ngag rdzogs pa chen po a ti yo ga sems sde'i rig pa'i rtsal dbang bco brgyad/__klong sde'i sgom tshul bla ma'i byin rlabs/__man ngag sde bi ma snying thig ma bu yang gsang bla med kyi spros bcas spros med shin tu spros med rab tu spros med bcas/__gter ma bka' brgyad bde gshegs 'dus pa bdun brgya nyer lnga'i dkyil 'khor chen por gdul bya zhe sdang can sgrol ba lam khyer gyi dbang rdzas la brten pa dang /____nga rgyal can lha lam khyer nang dbang lus /____'dod chags can sbyor ba lam khyer gsang dbang yum/__gti mug can rnam rtog lam khyer de kho na nyid sems la brten nas bskur ba dang /____shrI nA len+d+ra gnyis pa rdzong sar bkra shis lha rtse'i 'og min bla ma'i gdan sa bkra shis 'chi med grub pa'i dga' tshal du zhabs pad bkod pa'i rten 'byung gi skya rengs 'char bas rje gong ma'i phrin las kyi nyin byed rtag khyab lhun gyis grub pa'i 'od snang gi mu khyud gangs can 'dzin ma'i khyon du slar yang brdal ba'i tshe na/__'jam mgon sku gong ma'i thugs dam rtsa ba gsang chen rgyud sde'i mthar thug dpal dgyes pa rdo rje rgyun gyi nyams bzhes su mdzad dgos pa'i dbang gis gdan sa de nyid kyi chos rje bla ma b+ho d+hi b+ha dra las dpal kye rdo rje'i man ngag lugs kyi rgyu lam gyi dbang dang por gsan bzhes gnang zhing /____rje 'dis rdo rje 'chang mkhyen brtse'i dbang po las gsan snyam/__phyis su dkyil 'khor rgya mtsho'i khyab bdag nges pa don gyi rdo rje 'chang chen po 'jam dbyangs blo gter dbang po mchog dang /____'jam mgon rdo rje 'chang ngag gi dbang phyug kun dga' legs pa'i 'byung gnas phrin las kun khyab dpal bzang po bcas las gsung ngag lam 'bras dang 'brel rdul tshon la brten pa'i dpal kye rdo rje'i smin byed dbang gi mngon par rtogs pa brgyad dang ldan pa bcas/__chos sde chen po lhun grub steng du rdo rje 'dzin dbang bla ma dam pa mkhyen rab mtha' yas mchog las dus zhabs pa chen po rje mkhyen brtse'i dbang po brgyud par bzhugs pa'i gnyis su med pa'i rgyud kyi rgyal po dpal dus kyi 'khor lo'i smin byed slob ma rjes 'dzin dang sta gon sngon du 'gro bas byis pa 'jug pa'i dbang bdun sogs dbang gong ma gong chen bcas rdul tshon gyi dkyil 'khor la brten nas gsan pa rnams gtso bor smos pa ste/__gzhan bya spyod rnal 'byor dang bla med kyi rgyud sde rnams yongs 'dzin mkhas grub du ma las gsan tshul 'og nas rgyas par 'byung bas mtshon rdo rje theg pa'i rgyud sde rgya mtshor rig pa 'dzin pa'i sdom pa bzhes nas snang spyod rdo rje gsum gyi rol par dag pa chen por 'byams klas pa'i rang bzhin chu bo rgyun gyi rnal 'byor las mi 'da' bas tha mal gyi kun rtog bde stong phyag rgya chen po'i ye shes su sdom par mdzad pas sum ldan rdo rje 'dzin pa chen po thub bstan mdo sngags yongs rdzogs kyi mnga' bdag tu gyur cing /____de ltar sdom pa gsum dang 'brel ba'i bslab pa'i gnas che phra thams cad ngo lkog med par dran shes dang bag yod kyis thugs rgyud rang bzhin gyis sdom nas legs par bsrungs pas rtag tu 'khrul pa mi mnga' zhing /____kun gyi mig rgyan du grub pa'i sku gsung thugs kyi mdzad pa mtha' dag mthong na mi mthun pa med pa dang /____de yang bag med 'chol bar spyod pa'i rtsing hrul dang ha cang gu dog gi gti thug gnyis ka'i phyogs su lhung ba ma yin la/__mdor na sku gsung thugs la nyes pa'i dri mas ma gos pa thugs rgyud gtsang zhing dag par bzhugs shing /____phyi'i rtags dang cha lugs tshun chad dge slong gi dngos po las nam yang mi 'da' bas thub bstan yangs pa'i chu gter mdzes pa'i rgyan du grub pa ni phyi ma'i dus 'dir dkon pa'i mchog tu nges pa'i rnam thar gyi gsang ba rmad du byung ba jo bo rje a ti sha lta bu ste/__deng sang ni stong lta had po'i kha pho dang /____rdzu 'phrul yin pa skad kyi snying pos stong pa'i grub rtags dang spu sud kyi mthong snang za zi la ngo mtshar gyi yid rton du 'cha' ba mang ba las 'di dag ni bstan pa'i mig rgyan du shes shing ngo mtshar gyi rnam thar du rtogs pas de'i rjes su slob pa cung zad dkon nam snyam pa'ang 'dug go/____//__gsum pa ris su ma chad pa'i mkhas grub kyi skyes bu du ma bsten te gsan bsam gyi pha mthar son pa'i tshul ni/__'phags pa sred med kyi bus zhus pa'i mdo las/__rigs kyi bu thos pa dang ldan na shes rab skye bar 'gyur/____/shes rab dang ldan na nyon mongs pa med par 'gyur/____/nyon mongs pa med pa la bdud kyi glag lta bar mi nus so/____/zhes dang /____mdo sde rgyan las/__'di na dang po thos la brten nas tshul bzhin yid la byed pa 'byung /______/tshul bzhin yid la byed pa las kyang yang dag don yul ye shes 'byung /______/zhes dang /____sdud pa las/__de lta bas na byang chub dam pa tshol ba yi/____/bsam pa drag ldan mkhas pas nga rgyal de bcom ste/____/nad pa'i tshogs kyis gso phyir sman pa bsten pa ltar/____/g.yel ba med par dge ba'i bshes gnyen bsten par bya/____/sangs rgyas byang chub mchog zhugs byang chub sems dpa' dag_/pha rol phyin dang bcas te dge ba'i bshes su bsten/____/zhes gsungs pa ltar bsgrub bya thams cad mkhyen pa'i go 'phang don du gnyer bas sgrub byed kyi lam dpyis phyin par shes shing der dngos su 'jug pa la dang po nyid nas thos pa'i mig sgo yangs por sgrub dgos pa dang /____khyad par rgyal ba'i bstan pa rin po che 'dzin spel skyong ba'i skyes bu dam pa dag ni thos pa rgya mtshos thugs rgyud legs par gtams pa zhig cis kyang gal che zhing /____de'i bdag rkyen thun mong min pa ni dge ba'i bshes gnyen bsten pa kho na ste/__'phags pa brgyad stong pa las/__dge ba'i bshes gnyen gyis yongs su zin pa'i byang chub sems dpa' ni bla na med pa yang dag par rdzogs pa'i byang chub tu 'tshang rgya'o/____/zhes dang /____sdud pa las/__sangs rgyas chos rnams dge ba' \u0f72bshes la bsten to zhes/____/yon tan kun gyi mchog mnga' rgyal bas de skad gsungs/____/zhes sogs gsungs pa ltar dang po yon tan kun gyi gzhi ma yi ge'i klog dang phyag bris ni/__sngar 'khrungs gzhis su bzhugs skabs dgung lo drug gi steng zhang po bla ma dge legs kyi mdun nas ljags klog bslab pas yig dkar nag bla ma dgongs 'dus kyi chos spyod yan lag bdun pa dang maN+Dal sogs tsheg med du mkhyen/__phyis kaHthog gdan sar zhabs pad 'khod nas ring por ma lon par/__skyabs rje si tu rin po che rang gi yongs 'dzin mkhas btsun bzang po'i yon tan bye bas mngon par mdzes pa'i mkhan chen thub bstan rig 'dzin rgya mtsho bar khrod chos gling du bzhugs pa'i mdun nas ljags klog phyag bris nas brtsams sngar gyi sbyangs pa'i 'phros la thugs brtson gnang bas lo gcig lhag gis kaHthog gi bsgrigs 'don pusti bcu skor byang chub cing si tu rin po cher rgyug 'bul mdzad pas dgyes rtser son pa byung tshul gsungs/__spyir yongs 'dzin dam pa 'dis bka' gter gyi phyag bzhes/__gsan bsam skor dang tha na sku'i bzhugs stangs gsol tshigs bzhes stangs tshun dam pa'i chos 'dul ba dang mthun pa kho nar bka' gnang bas mtshon lugs gnyis kyi bslab ston zhib par stsal bas da lta mi gral tu tshud tsam 'di khong gi bka' drin kho na yin par gsungs shing /____phyis yongs 'dzin bla ma nyid lo gsum gyi ring bad kan bsnyun bzhes la/__rje bla ma rin po che gcig pus chu len ja bkol chab bsang gi snod bkru bshal yan chad kyis mtshon zhabs tog che phra thams cad nyin mtshan kun tu skyo sun med pa dka' ba dwangs len du bsgrubs pas yongs 'dzin dam pas kyang thugs la shin tu btags te phyi nang gi bka' slob zhib rgyas dang /____rje nyid la phyag dpe 'gang chen mang du yod pa rnams phran shi nas khyed kyis bdag po sprod ces gsungs so zhes bka' drin dran pa'i bsngags brjod rtag par gnang /____spyir skyabs rje si tu thams cad mkhyen pa 'di nyid mkhas btsun bzang po'i rnam thar rmad du byung bas rgyal bstan ris med pa'i shing rta 'jam mgon bla ma rnam gnyis kyi rgyal tshab tu gyur pa'i thugs bskyed 'gran zla dang bral ba'i bdag rkyen gyis nye bar bskul nas shin tu dag pa'i gser sbyangs rgyan du bskrun pas lhag par yang rin thang dang mdzes pa'i mchog tu gyur pa bzhin rje bla ma skyes thob kyi yon tan gdod nas gnas pa sbyor brtson gyis rdzogs par sad par mdzad de bstan 'dzin kun gyi dbang phyug tu bsgrub pa'i slad du/__byang chub sems dpa'i sde snod las/__thos pas chos rnams shes par 'gyur/____/thos pas sdig las ldog par byed/____/thos pas don ma yin pa spong /______/thos pas mya ngan 'das pa thob/____/ces dang /____rgyal tshab byams pas/__thos pa las byung shes pa yi/____/snang ba rgya chen 'dis brgyan pas/____/blo chen myur du sangs rgyas kyi/____/spyod yul kun la 'jug par 'gyur/____/zhes gsungs shing /____de'ang sangs rgyas sgrub pa'i lam la zhugs pa'i thog mar rig pa'i gnas mtha' dag la thos bsam dgos pa'i tshul/__sa skya paN+Di tas/__rang blo shes bya'i gnas la ma sbyang na/____/thams cad mkhyen pa nam mkha'i mtha' las ring /______/de ltar dgongs nas rgyal dang rgyal sras kyis/____/rig pa'i gnas rnams sbyang zhes legs par gsungs/____/zhes gsungs pa ltar thog mar phyi thun mong gi rig pa'i gnas la dgung grangs bcu pa'i steng yongs 'dzin rig 'dzin rgya mtsho las sum cu pa dang /____rtags 'jug rtsa 'grel/__dgung grangs bcu gcig steng brda sprod kyi gzhung dbyangs can ma kaHthog dge rtse paN+Di ta'i 'grel pa'i steng nas zhib khrid dang /____bcu gnyis pa'i steng skar rtsis sa ris lnga bsdus kyi skor dang /____snga phyi dus skabs ci rigs par mkhas dbang 'jam dbyangs legs pa'i blo gros kyi dngos slob dpal yul bla ma sher 'od las sa bzang TI ka steng nas sgra ka lA pa dang /____mkhas dbang bkra shis chos 'phel las snyan ngag_/bla sman a tshang las gso ba rig pa rgyud bzhi'i bshad khrid lag len dang bcas pa dang /____mkhan chen kun bzang dpal ldan chos grags las tshad ma rnam 'grel phyogs las rnam rgyal mi pham 'jam pa'i dbyangs kyi 'grel steng ljags bshad sogs dang /____nang don rig pa'i skor rnams ni kun gzigs 'jam pa'i rdo rje mi pham 'jam dbyangs rnam par rgyal bas snga 'gyur bstan pa'i srog tu grub pa'i dgos pa'i gnas khyad par can dang 'brel bar gzigs nas kun gzigs si tu paN chen la ched du bka' stsal pa bzhin mdo smad dbus 'gyur 'chang kaHthog gi chos grwar rgyud sde'i bshad grwa chen po gsar du tshugs pa'i rten 'brel gyi sgo 'phar phye bas/__mdo rgyud shes bya rab 'byams kun mkhyen cing gzigs pa chen po si tu ma hA paN+Di ta o rgyan chos kyi rgya mtshos 'phags bod mkhas grub rnams kyi gzhung rtsa 'grel mang po la gsar rnying so so'i bzhed srol dang /____rang gzhan grub mtha'i shan 'byed bcas lung rigs kyi rnam dpyod rmad du byung ba'i ljags bshad zhib rgyas su stsal zhing /____'jam mgon mi pham rin po che'i thugs sras kyi thu bo mkhan chen kun bzang dpal ldan chos kyi grags pas de'i skyor dpon gyi tshul mdzad de mkhan slob nyi zla zung 'brel dang /____gzhan yang shar kaHthog gi mkhan chen mkhas tshul gsum gyi rnam thar 'gran bral mkhan bla ma bstan bzang dang /____lung rtogs yon tan gyis mngon par mtho ba'i mkhan a ka rin po che/__sde snod 'dzin pa mkhan skal bzang dbang phyug sogs kyis mdo sngags gzhung lugs kyi bshad rgyun chu bo stong gi 'bab stegs mdzad pa na/__rje nyid rigs par smra ba'i thugs zin sras kyi thu bor mdzad de/__skyes sbyangs kyi mkhyen rab zab mo'i dkyil 'khor yongs su rdzogs pa'i tshul gyis dam pa zung gi zhal sgo las mkhyen rab kyi sgo 'byed pa'i rten 'byung du rje btsun 'jam dpal dbyangs kyi bstod pa/__dpal ye shes yon tan bzang pos mdzad pa dang /____thub pa'i khyad par 'phags bstod/__lha las phul byung gis thog drangs/__spyod 'jug_/sdom gsum rnam nges rtsa 'grel/__yon tan rin po che'i mdzod rtsa 'grel/__yid bzhin rin po che'i mdzod rtsa 'grel yan lag dang bcas pa/__byams chos sde lnga/__'dul ba mdo rtsa ba/__dbu ma rgyan gyi 'grel chen/__sgyu 'phrul gsang ba snying po'i rgyud bshad zur lugs smin gling lo chen d+harma shrIs mdzad pa'i spyi don gsang bdag zhal lung dang /____tshig 'grel gsang bdag dgongs rgyan gnyis ka mthar chags su gsan/__gzhan yang rab 'byams pa o rgyan chos grags kyis mdzad pa'i spyi don rin chen phreng ba/__kaHthog pa 'gyur med tshe dbang mchog grub kyis mdzad pa'i 'grel pa/__sgeg pa rdo rje'i spar khab/__nyi 'od seng ge'i rgya cher 'grel/__sangs rgyas gsang ba'i lam rim che chung /____rong zom pa'i dkon mchog 'grel/__kun mkhyen klong chen pa'i 'grel pa/__g.yung ston pa'i 'grel pa/__bshad pa'i le lag dang bcas pa'i yig cha tshang ma gsan par mdzad/__gsang ba'i bdag po blo gter dbang po mchog las dpal kye rdo rje'i rtsa rgyud brtag pa gnyis pa sa lugs kyi bshad pa zhib rgyas su gsan par/__slob dpon bsod nams rtse mo'i rgyud sde spyi rnam/__rje btsun grags pa'i ljon shing chen mo dang 'grel pa dag ldan bcas/__chos rje'i aSh+Ta bzhi bshad/__dkon lhun zhabs kyi mdzes rgyan gnyis dang /____ngag chos pa'i rgyud kyi mchan 'grel sogs gung spros pa dang /____zhar byung nyer mkho'i yig cha rnams kyi bklag lung bcas/__mkhas dbang bla ma bkra 'phel las 'jam mgon mkhyen brtses 'phags pa thogs med las nye brgyud gsan pa'i byams chos sde lnga/__rdo rje phur pa rtsa dum 'grel 'jam mgon gu Na'i gsung /____rngog lugs dgyes rdor rtsa rgyud kyi bshad pa rngog zhe sdang rdo rje'i 'grel pa dang /____'jam mgon 'grel chen gyi bshad rgyun gnyis ka zhib rgyas/__bde mchog rtsa rgyud sa skya'i rje btsun bsod nams rtse mo'i 'grel pa dang /____bshad rgyud gur dang saM pu Ta'i bshad rgyun rje bla ma mkhyen brtse'i dbang po'i nye brgyud can rnams dang /____kun gzigs si tu rin po che las rje dge 'dun rgya mtsho'i TIka steng nas 'jam dpal sgyu 'phrul drwa ba'i rgyud bshad/__kun gzigs mkhyen brtse'i zhal lung tsha ba lo tsA ba rin chen rnam rgyal gyi mtshan brjod 'grel pa'i bshad rgyun dang /____dbon stod mkhan mkhyen rab mdun nas 'jam mgon kong sprul rin po che'i bshad rgyun dus 'khor bsdus rgyud 'grel chen dri med 'od kyi bshad khrid/__mkhan chen kun dpal las 'jam mgon mi pham rin po che'i 'grel chen steng nas rje mkhyen kong rnam gnyis kyi bshad rgyun dam pa dang po'i sangs rgyas dpal dus kyi 'khor lo'i rgyud bshad dang bcas gsan par mdzad/__khyad par mkhan chen bla ma kun dpal gyis khong la gter chen bdud 'joms rdo rjes khyed rang lha sras tshangs pa'i me tog gi rnam 'phrul zhig dang 'phrad de phrin las rgyas par lung bstan pa bzhin kaHthog bshad grwar 'ong bas rje 'di la gzhung bshad rigs phul nas lung don mngon du gyur pa yin zhes dad gdung cher mdzad cing thugs brtses rtag par skyong nas snga 'gyur ba'i lta sgom spyod pa'i zab gnad thun mong ma yin pa dang /____kun gzigs phyogs las rnam rgyal mi pham 'jam pa'i dbyangs kyi zhal lung gi bdud rtsi rnams lhug par stsal bas/__skyes sbyang gi mkhyen rab pad+mo'i 'dab brgya ches yangs pa'i sgo phyes nas gzungs spobs blo gros kyi zil dngar phyogs kun nas rgyas par mdzad/__rje bla ma nyid nas kyang yongs 'dzin bka' drin che ba'i mchog tu thugs zin gyi gtso bor mdzad la/__tshul de dag gis mkhyen rab kyi sgo bye ba dang bla ma dang lhag pa'i lhas byin brlabs dgongs pa klong rdol gyis spobs pa'i gter mdzod grol bas bka' bstan gyi gzhung rnams gzigs pa tsam gyis skye bo phal pas zhib rtog ci 'dra bgyis pa las lhag pa'i gzhung de'i gnad don mkhyen pa sogs rno myur thogs pa med pa so so yang dag rig pa bzhi dang spobs pa'i gter chen po brgyad kyi mdzod brnyes pa'i mthus mdo sngags kyi zab gnad mtha' dag thugs su chud cing thugs shes 'drong bas phyi nang gi rig pa'i gnas mtha' dag mkhyen cing gzigs pa phul du byung ba'o/____/rje gong ma'i rnam thar zhal gsung mar/__snga phyir khams dbus gtsang gsum du/____/mi lo bcu gsum thos pa btsal/____/rdo rje 'dzin dang dge ba'i bshes/____/rig byed gzhung la mkhas pa sogs/____/gtsug nor brgya dang lnga bcu bsten/____/bzo gso sgra tshad yan lag bcas/____/'dul mdzod dbu phar bshad srol thos/____/gsar rnying rdo rje theg pa yi/____/dbang dang byin rlabs rjes gnang sogs/____/bka' gter bka' gdams sa skya pa/____/'bri stag mtshur dang gdan 'brug gi/__sngon gyi lugs srol ma nyams par/____/bzhugs pa'i smin grol gdams ngag dang /______/bde dgyes gsang gsum dus 'khor lo/____/sgyu 'phrul gsang ba snying po sogs/____/rgyab brten rgyud kyi bshad pa dang /______/bka' bstan dam pa'i gsung rab lung /______/glegs bam bdun brgya lhag tsam nyan/____/mdor na bshad brgyud shing rta bcu'i/____/ring lugs rgyun bzhugs phal cher thos/____/cung zad sbyangs shing phyogs tsam shes/____/rang gzhan grub mtha'i khas len dang /______/chos rgyus shin tu che bar byung /______/zhes gsungs pa bzhin rang nyid rigs rus go gnas thos 'byor gyis dregs pas rang las dman pa'i bla ma la chos kyi yon tan ji tsam yod kyang che ba nyams kyi dogs pas bla mar bsten mi spobs pa dang /____rang nyid yon tan can du rloms pa'i rgyud khengs pas dag snang gi mig 'grib nas gang zag su la'ang yon tan ji tsam che yang 'dud par mi byed pa dang /____rang lugs kho nar zhen phyogs kyis grub mtha' chos brgyud gzhan gyi brgyud 'dzin la yon tan ci tsam yod kyang ngo mtshar du mi 'dzin pas don du mi gnyer pa gal chung chos la byas nas bzhag pa ma yin par gangs ri'i khrod kyi thub bstan rin po che yin no cog so so'i chos rgyun khungs dang 'brel nges pa rnams phyogs ris dang chog shes med pa dus rtag tu 'bad pa chen pos skyo dub mi mnga' ba'i dbang gis mang du thos pa rgya mtsho'i pha mthar legs par son pa'i tshul ni/__yon tan rin po che sdud pa las/__lhag pa'i bsam pas sangs rgyas byang chub mchog zhugs pas/____/slob ma bzang po bla mar gus ldan de dag gis/____/bla ma mkhas pa rnams la rtag tu bsten par bya/____/ci phyir zhe na mkhas pa'i yon tan de las 'byung /______/zhes gsungs pa ltar sku'i skyes rabs thams cad du chos tshol ba/__sdud pa/__'dzin pa/__spel ba/__thugs su chud pa la goms pa'i rten 'byung lhan skyes su mnga' ba nyid kyis dang /____si tu rin po che nyid rtag tu dam pa'i chos tshol ba la 'phags pa rtag tu ngu dang gzhon nu nor bzang lta bu dang /____mang du thos pa'i mdzod bsags pas thugs rgyud phyug pa sangs rgyas gnyis pa dbyig gnyen lta bu'i rnam thar mnga' ba'i spyan ltos kyis/__rje bla ma mchog gi thun mong ma yin pa'i rigs brgya'i khyab bdag gcig pu o rgyan chos kyi rgya mtsho las snga 'gyur bka' ma sgyu 'phrul zhi khro/__dong sprugs gnyis/__yang dag_/phur pa/__gshin rje'i skor dang /____mdo tshogs chen 'dus pa rtsa ba yan lag gi dbang tshang ma/__bka' brgyad rdzong 'phrang gis mtshon snga 'gyur bka' ma'i skor phal che ba/__nyang gter gur drag bde gshegs 'dus pa'i dbang /____bla ma dmar khrid zhib rgyas/__gur drag dang thugs chen pod lung /____khros nag gi smin grol dang mkha' 'gro chen mo bcas gzhung pod lung chos dbang bla ma gsang 'dus/__rdzogs chen sangs rgyas mnyam sbyor/__thugs chen yang snying 'dus pa bcas kyi dbang khrid dang pod lung tshang ma/__rgyud bcu bdun gyi dbang /____sangs gling dgongs 'dus don dbang /____kar gling zhi khro'i smin grol zhib rgyas dang pod lung bcas/__kun gzigs lnga pa'i dag snang gsang ba rgya can nyer lnga'i dbang khrid shin tu zhib rgyas/__smin lugs gter mgon zhal bzhi'i zab khrid thun min/__rdzogs pa chen po snying thig ya bzhi'i dbang khrid lung bcas tshang ma/__klong gsal bdud 'dul gter chos yongs rdzogs kyi dbang /____grub chen thang stong rgyal po'i gsang spyod mkha' 'gro snyan brgyud kyi chos skor yongs rdzogs dang /____kun gzigs 'jam pa'i dbyangs pad+ma 'od gsal mdo sngags gling pa'i zab gter sgrub thabs snying po skor lnga/__grub thob chen po'i thugs thig_/grub thob bka' brgyad sogs si tu rin po che nyid lung zin chos kyi bdag por gyur pas 'jam mgon bla ma rin po che rnam pa gnyis ka las gsan pa dang /____bla ma bstan gnyis skor gsum/__'chi med mtsho skyes snying thig_/snyan brgyud gshin rje/__snyan brgyud yang phur sbrags ma/__dag snang gter chen mchog gling 'das rjes rigs 'dus pad+ma'i myu gu'i rtsa dbang rgyas pa/__rtsa gsum bde gshegs 'dus pa dang spyi 'dus/__yang gter rtsa gsum dril sgrub kyi dbang khrid/__'chi med 'phags ma'i snying thig gi smin byed rgyun khyer lha khrid bcas/__mi tra'i tshe dpag dkar dmar/__dag snang khri srong bla sgrub/__sku gsum bla ma'i rnal 'byor rtsa ba yan lag gi dbang lung /____mkhyen brtse'i gsung karma chags med kyi bla ma'i rnal 'byor gyi dbang /____snying thig rdor sems mngon dga'i zhing sbyong /____dag snang rtsa gsum 'od gsal snying thig gi chos skor yongs su rdzogs pa'i rtsa ba dang yan lag gi dbang /____khrid lung bcas chig rdzogs/__klong chen snying thig yum bka'i nang sgrub sgrol ma nyer gcig gi dbang sogs zab gnad che shos skor phal cher dang /____thams cad gzigs pa mi pham rin po che'i rgyud lugs 'jam dpal zhi ba'i sgrub thabs kyi dbang chen/__ras chung snyan brgyud kyi bde mchog lhan skyes yab bka' dang yum bka'i byin rlabs khrid bcas/__mkhyen gsung yig cha rnams kyi ljags lung /____grol mchog zhabs kyi zab khrid brgya rtsa zhib rgyas/__gling rje drung pad+ma 'gro 'dul gter chos tshang ma/__snga 'gyur rgyud 'bum rin po che pod nyer lnga'i ljags lung gis mtshon pa'i zab gsang dbyig gi snying po rgya cher gsan pa dang /____dri med zhing skyong rje dbon rin po che pad+ma rgyal mtshan las klong gsal dang bdud 'dul chos skor gyi lung /____mkhyen brtse rin po che'i bka' 'bum zin bris skor pod gnyis tsam/__khams byon mgon po tshogs bdag gi gzhung pod/__bka' 'dus/__ma Ni bka' 'bum/__snying thig rdor sems mngon dga'i dbang lung /____rig 'dzin srog sgrub dbang lung cha tshang /____phag mo sogs rgya cher gsan cing /____rje dbon 'di nyid lugs gnyis kyi mkhyen rgya dang sku yon 'gran zla bral bas blang dor gyi mdzad sgo rje bla ma sku na gzhon pa'i skabs sku nyams la phan pa'i bka' drin shin tu che ba'i bla ma yin ces bka' las thos/__dgung lo bcu bdun thog tu lA s+ye ri khrod du thar rtse mkhan chen byams pa kun dga' bstan pa'i rgyal mtshan sogs kyi dngos slob/__mkhas btsun bzang po'i rnam thar rmad du byung bas sa ngor gyi bstan pa'i mdzes rgyan chen po/__'jam mgon bla ma nyi zla zung dang lhag par rje bla ma mkhyen brtse'i dbang po'i zhabs pad bgrang bya nyi shu'i skor la brten nas gsar rnying gi zab rgyas gdams pa'i bcud mtha' dag yongs su rdzogs shing sku gsung thugs kyi yon tan bum pa gang byo'i tshul du bzhes pa nang thugs kyi sras mchog gsang chen rgyud sde'i shing rta chen po 'jam dbyangs blo gter dbang po'i mdun ched du phebs pas/__bzhugs khri gos chen si'u'i bzhugs gdan snye 'bol dang bcas pa'i steng bzhugs su gsol nas yab sras 'phrad pa lta bu'i gsung gleng zhib par mdzad de thun mong ma yin pa'i thugs brtses lhag par skyong bas rje bla ma mchog kyang bcos min gyi dad gdung shugs 'byung gis thugs la 'khrungs pa'i ngo mtshar du gyur pa dang /____rim par rje bla ma rdo rje 'dzin dngos blo gter zhabs mchog dang /____brag ra zhabs drung rdo rje 'chang bkra shis rgya mtsho ste rnam gnyis lhan rgyas pas rgyud sde rin po che kun las btus pa'i bka' chos kyi dbu tshugs te/__bya rgyud rtsa ba rigs gsum spyi dkyil nas brtsams rnal 'byor rgyud yan chad rdzogs nas re zhig bka' chos phyir 'gyang song bar/__zur du blo gter zhabs las zhen pa bzhi bral/__blo sbyong don bdun ma'i khrid skor rtsa ba yan lag shin tu mang po/__gsang chen rgyud sde'i yang snying gsung ngag rin po che lam 'bras bu dang bcas pa thun min slob bshad kyi smin grol zab rgyas su gsan/__kun gzhi rgyu rgyud kyi lta ba 'khor 'das dbyer med kyi sems tshol ngo sprod rgyas par gnang ba'i rkyen gyis rig stong ye shes kyi dgongs pa thugs rgyud la sad pa'i tshul mdzad pas/__rje bla ma 'di nyid thun mong ma yin pa'i rigs kyi bdag por nges pa'i dad gdung dang bsngags brjod shin tu che ba yang yang mdzad/__spyir 'jam mgon blo gter zhabs 'di nyid la chos rje dpal sprul rin po che'i thugs sras smyo shul lung rtogs bstan pa'i nyi ma las rdzogs chen man ngag snying thig gi smin khrid kyang gsan sbyang nan cher mdzad pas 'od gsal man ngag sde'i rtogs pa don gyi brgyud pa'ang chu bo gcig 'dres su bzhugs par gsungs pa zhar la 'phros te/__mdor na don gyi gsang ba dkyil 'khor rgya mtsho'i khyab bdag dpal he ru ka chen po dang rnam dbyer med pa'i bdag nyid du nges kyang rnam pa tshur mthong gi gdul bya'i snang ngor 'jam dbyangs bla ma'i rtsa ba'i thugs dam dgyes pa rdo rje yin pa'i sngon smon gyi mthus gsung ngag slob bshad tshig tsam du ma gyur pa snyan brgyud tshad ma bzhi ldan sgra ji bzhin pa mngon du mdzad pa ste/__deng sang dus dbang gis gsar rnying kun gyi gdams khrid rnams phal cher bshad yam dang khrid lung tsam du song zhing /____rtogs pa'i bstan pa mtshan tsam du gyur pa'i skabs 'dir ngo mtshar khyad 'phags kyi gnas su nges pas chos 'di'i ring lugs 'dzin pa rnams nas mkhyen brtse rin po che rnam pa gnyis bzhugs pa'i khrid rgyun skyong bar mdzad pa gal che snyam mo/____/zhabs drung rin po che bkra shis zhabs las mi tra brgya rtsa dang /____ngor dkyil bdun/__rwa lugs 'jigs byed lha dgu/__tshar lugs lha bcu gsum ma bcas kyi dbang chen/__ngag chos pa'i yig cha steng nas lam 'bras ljags bshad bcas gsan/__gdan sar zhabs pad bkod nas lcags khyi cho 'phrul zla ba'i mar ngo rje gong ma'i sku mchod kyi rjes gza' skar dge bar slar mkhas shing grub pa brnyes pa'i rdo rje'i slob dpon chen po yab rje rig pa 'dzin pa 'gyur med tshe dbang rgya mtsho mchog gi zhal snga nas snga 'gyur bka' ma tshogs chen 'dus pa dang /____zhi khro na raka dong sprugs/__gter ma bka' brgyad bde gshegs 'dus pa bcas kyi dbang chen rnams kyi sgo phye nas rin chen gter mdzod chen po'i rgyud dang sgrub sde'i go rim gzhung ltar tshang ba dang /____gter chen mchog gling gi chos skor yongs rdzogs kyang de dang chab gcig smin grol rdzogs par mdzad de/__mdor na zla ba brgyad kyi bar du zhib rgyas su gsan par mdzad/__lcags phag lor rje blo gter zhabs la gsol ba btab pas dgongs gtad bcas bka' lung phebs gsal bzhin lhun grub steng gi mkhan chen rdo rje 'dzin pa chen po ngag dbang bsam gtan blo gros las sgrub thabs rin po che kun las btus pa'i smin grol lung bcas dang /____mkha' spyod be bum pod gsum gyi lung sogs mang du gsan/__chu byi lor wa ra thar rtse zhabs drung byams pa kun bzang bstan pa'i nyi ma las rgyud sde'i bka' chos 'phro rnal 'byor bla med skor man chad kyi dbang khrid lung bcas zhib rgyas zla ba bzhi lhag bar gsan cing /____zhabs drung 'di nyid dam pa'i yon tan gyis thugs rgyud phyug pas sku tshe rgyun ring du bzhugs na sa ngor bstan pa'i mdzes rgyan du nges par grub pa zhig yod ces yang yang gsung /____de nas snga phyi ci rigs par dpal spungs mkhas dbang bla ma karma bkra shis chos 'phel las dpal ldan shangs pa'i gser chos skor gyi dbang khrid lung bcas zhib tshags/__jo lugs dpal dus kyi 'khor lo'i slob ma rjes 'dzin/__sta gon/__byis 'jug_/mchog dbang thun mong dang thun min/__rdo rje slob dpon bdag po dang bdag po chen po'i dbang bcas/__khrid yig lhan thabs sbyar ba'i smin khrid/__tA ra nA tha'i gsung bskyed rdzogs rnam bshad dang sgrub dkyil sogs kyi lung 'di skor phyogs gtogs bcas dang /____zhi byed dang gcod skor/__rdo rje gsum gyi bsnyen sgrub bcas/__gdams mdzod du bzhugs rigs kyi smin grol lung bcas/__sgrol ma rnal 'byor ma'i dbang chen dang rig gtad rjes gnang rgyud bshad khrid bcas/__zab khrid brgya rtsa khrid lung /____jo bo'i chos chung brgya rtsa/__bka' gdams glegs bam rin po che'i lung /____mar mi'i rnam mgur dang dwags po'i bka' 'bum lung /____thar rgyan dang lam mchog rin chen phreng ba'i bshad khrid bcas/__yang dgon pa'i ri chos sogs kyi lung /____'khon lugs phur pa jo nang rje btsun rin po che'i sgrub dkyil la 'jam mgon kong chen zhabs kyis mdzes rgyan gnang ba'i steng nas kun gzigs mkhyen brtse'i nye brgyud kyi byin rlabs dang ldan pa'i dbang lung khrid bcas/__sa lugs yig cha'i steng nas kyang stod smad dbang lan gcig_/rje mkhyen brtse'i dgongs gter rtsa gsum 'od gsal snying thig gi dbang khrid lung dang bcas pa dang /____lce btsun chen po'i bi ma la'i zab tig gi dbang khrid tshang ma/__shes bya kun khyab kyi gzhung rtsa 'grel sbrags ma'i bshad lung rnams 'jam mgon kong sprul rin po che kho na las gsan pa dang /____thugs sgrub bar chad kun sel gyi zhal gdams snying byang rtsa ba yan lag gi gter gzhung tshang ma'i lung /____sdom gsum rnam nges 'grel chen dpag bsam snye ma'i bshad lung /____rje gu Na'i mar mi gnyis kyi bla sgrub kyi dbang dang /____kong sprul bka' 'bum tshang ma'i lung /____lam rim ye shes snying po'i rtsa 'grel gyi bshad khrid bcas mkhyen kong mchog gsum ka las gsan pas brgyud pa khungs btsun zhing chos rgyun dkon pa'i skor mang po gsan nas thugs yid gcig 'dres kyi dad gdung 'gyur ba med pa'i 'dren pa mchog tu bkur zhing /____bla ma bkra 'phel mchog gi zhal snga nas kyang 'jam mgon rnam gnyis la mchog sprul byon pa thams cad las mkhyen rab kyi rnam dpyod dang mdzad pa thams cad rje 'di 'gran zla bral ba yin zhes bsngags pa yang yang mdzad/__snga 'gyur bstan pa'i srog shing mkhas grub chen po zhe chen rgyal tshab rin po che 'gyur med pad+ma rnam rgyal byang phyogs su dbyar bsod la phebs skabs rje bla ma phug dgon du sman sgrub tshogs dbur bzhugs pa dang mjal 'phrad thog mar gnang ba'i tshe/__gtsug lag tu dge 'dun pas gter gsar smon lam/__bstan pa'i dpal gyur bla ma rin chen rnamasaHnam mkha' bzhin du kun la khyab par shogaHces pa'i tshig mtshams su khel bas rgyal tshab rdo rje 'chang shin tu dgyes nyams gnang zhing /____de skabs 'chi med yang snying kun 'dus kyi tshe dbang chos 'brel tsam gsan/__de nas bzung rje bla ma rin po ches thun mong ma yin pa'i rigs bdag tu bsnyen zhing /____rgyal tshab rin po ches kyang dad gdung thugs brtses 'bral med bskyangs te rdzong sar bkra shis lha rtse'i gdan sar ched du phebs nas rgyun ring du bzhugs te mkhyen brtse'i nye brgyud byang gter yongs rdzogs dang /____paN chen rin po che'i bka' brgyad rig 'dzin yongs 'dus kyi smin grol lung bcas/__rtse le'i gsung byang chub sems sdom/__bka' ma gshin rje kha thun/__zhang khrom tshe bdag lcags 'dra sdig_/mkhyen brtse'i nye brgyud rdor gling bka' brgyad dbang chen/__thugs dam gu ru chos dbang phur pa yang gsang spu gri/__de'i rnam bshad rje nyid kyi gsungs/__kun mkhyen 'jigs gling gi phur pa rgyud lugs dbang chen/__rje mkhyen brtse'i gter kha yang phur sbrags ma/__de'i rnam bshad rje bla ma mchog gi gsung ngo mtshar can dang /____rdzogs pa chen po snying thig ya bzhi'i dbang yongs rdzogs dang /____mchog gling gter gsar a ti zab don gyi rig pa'i rtsal dbang /____dga' rab snying thig gi rdor sems dang yang dag_/bde mchog sangs rgyas mnyam sbyor bcas kyi dbang khrid kyis mtshon 'jam mgon bla ma rnam gnyis las gsan pa'i gter rnying rgyun dkon rigs mang po dang /____de rjes zhe chen ri khrod pad+ma 'od gling nas smin gter yongs rdzogs kyi smin grol lung bcas gsan/__de skabs rgyal tshab rin po che sku bsnyun lci po bzhes par zhabs brtan gsol gdab zhus par bsnyun las grol zhing zhabs pad yun brtan gyi rten 'brel legs 'grigs byung /____slar yang shing byi lor zhe chen yang khrod bde+e mchog bkra shis dge 'phel du gdams ngag rin po che'i mdzod kyi smin grol rgyab brten bcas zhib rgyas/__gter mdzod bka' rgya pod gsum gyi dbang lung dang /____rgyal tshab rin po che'i gsung rab sngar ma gsan pa tshang ma'i gdams gtad bcas nan du gsan par mdzad/__rgyal tshab rin po ches kyang rje bla ma rin po che 'di nyid kyi mdun nas sgrub thabs kun btus gsan bzhed kyis dkar po rnam gsum rjes gnang thog mar gsan pa nas brtsams/__bka' ma gnub lugs gshin rje kha thun gyi dbang chen dang /____smin lo'i yig steng nas zur lugs gsang ba snying po'i rgyud bshad 'jam mgon mkhyen brtse'i nye brgyud can dang /____rtse le sna tshogs rang grol gyi bka' 'bum lung yongs rdzogs kyis mtshon bka' gter gyi smin grol mang po gsan pa dang /____sku gshegs pa'i skabs gdung mchod zhag bdun gsum ring bzhugs shing sku gdung zhugs 'bul sogs dgongs rdzogs kyi skor dang /____mchog gi sprul pa'i sku rin po che ye shes gzigs pas ngos 'dzin dang rje gong ma las gsan pa'i dbang chos phal cher slar stsal te theg mchog chos kyi khri la dbugs dbyung ba sogs bka' drin chen pos khyab par mdzad/__rje de'i thugs sras kong sprul rin po che pad+ma dri med legs pa'i blo gros zhabs la thugs yid gci+ig 'dres kyi nang ma'i gsung 'phros gnang bas rje de'i thugs dam nyams bzhes la dogs sel dang bla ma'i mdzad phrin skyong lugs skor gyi bslab ston zhib rgyas su gnang ba dang /____rgyal tshab rin po che las gsan pa'i rje mkhyen brtse'i nye brgyud du bzhugs pa'i bka' ma tshogs chen 'dus pa'i dbang yongs rdzogs dang /____'jam mgon rin po ches sgrub dbang mdzad pa'i rgyun bka' brgyad bder 'dus kyi sgrub dbang chen mo bcas/__snying thig chen mo pad+ma dang bi ma'i bka' srol gyi lung yongs rdzogs/__rab 'byams gnyis pa 'gyur med kun bzang rnam rgyal gyi bka' 'bum lung /____rgyal tshab rin po che'i gsung gal gnad che ba du ma'i lung sogs dbang chos mang du gsan cing /____zhe chen rab 'byams lnga pa 'gyur med kun bzang bstan pa'i nyi ma las nyang gi khros nag dbang bsdus/__smin gling gshin rje dregs 'joms dbang /____'chi med yang snying kun 'dus/__gling gter tshe yum tsaN+Da lI'i dbang /____gter chen pad gling chos skor yongs rdzogs kyi dbang lung sogs gsan cing phan tshun thugs brtse dad dam mtshungs zla med par bzhugs/__rgyal tshab rdo rje 'chang gi nye gnas bla ma 'jam dbyangs blo gsal las rje'i gsung skor phal che ba'i ljags lung gsan/__lcags sprel dgung grangs nyer brgyad steng byang phyogs rdo sgar du ched phebs kyis kun mkhyen 'jigs med bstan pa'i nyi ma'i mdun nas rdzogs pa chen po klong chen snying thig gi nang sgrub rig 'dzin 'dus pa'i rtsa dbang rgyas pa grub chen rin po che'i ljags bsgrigs ltar/__yang gsang thig le'i rgya can gyi smin byed/__klong snying bskyed rdzogs skor dang khyad par rdzogs pa chen po ye shes bla ma'i smin khrid zab rgyas/__kun mkhyen bla ma de nyid kyi legs bshad gsang snying spyi don rin chen mdzod lde'i ljags bshad bcas dang /____thun min thugs brtse'i zhal gdams lhug par stsal bas thugs yid gcig 'dres su gyur cing /____kun mkhyen bla ma rang gi gsung rtsom legs bshad bstan bcos thams cad kyi gtad rgya thun min du mdzad nas 'chad nyan 'dzin spel 'os pa'i bka' lung dgyes pas stsal ba dang /____phyis su mchog sprul rin po che 'jigs med thub bstan phrin las dpal bzang las mkha' 'gro snying thig sogs dbang chos du ma gsan/__rdo sgar mkhan po las grub chen rin po che 'jigs med phrin las 'od zer gyi dgongs gter dam chos bde chen lam mchog skor gsan par mdzad/__phebs lam nas gter chen las rab gling pa'i mdun ched phebs mdzad cing /____gter chen 'di ma mjal gong nas mtshan thos pa tsam gyis bcos min gyi dad gdung thugs la 'khrungs pa zhig mnga' ba'i dbang gis snga phyir mjal 'phrad lan mang gis 'jam mgon blo gros mtha' yas zhabs kyi zab gter dgos pa'i dbang gis gter chen 'di nyid la bka' babs pa rdo rje phur pa yang snying spu gri'i dbang khrid lung bcas las gling rang gi gter chos nas phur pa rdo rje bkod pa dang /____rgya cher rol pa bcas/__rten 'brel nyes sel rgyas 'bring /____dgongs gter ge sar chos skor bcas mang du gsan cing gter chos yongs rdzogs kyi gdams gtad gnang /____phreng gter grol thig dgongs pa rang grol gyi dbang dang gzhung pod lung /____lce btsun chen po'i bi ma la'i zab tig gi dbang dang /____kun gzigs mkhyen brtse'i zhal lung nyams med kyi khrid zin steng nas khrid kyis mtshon zab chos mang du gsan/__spyir gter chen las gling 'di'i mtshan thos pa tsam nas dad gdung rang bzhin gyis skye ba'i dbang gis rten 'brel nyes sel bsdus pa shog ser las 'bebs bskul zhus pa yin cing /____mkhas grub gnyis ka'i rnam thar ngo mtshar can bzhugs gsungs/__shing glang dgung grangs so gsum steng lha gdan gnas gzigs dang por phebs skabs smin gling khri chen 'gyur med don grub dbang rgyal mdun nas tshe sgrub yang snying kun 'dus/__gcung rin po che ngag dbang chos grags las pad gling tshe sgrub dang ma ning gi dbang /____smin lugs gsang ye dang /____'chi med yang snying kun 'dus kyi tshe dbang /____mgon dkar tshe dbang /____rdor gling ma ning gi srog dbang dang rdor gling tshe sgrub kyi dbang /____grwa mngon zhang blon gyi rjes gnang /____mkhan chen ngag dbang mkhyen brtse nor bu las nyang lugs mgon po phyag bzhi pa'i dbang /____rdor 'dzin rin po che rnam grol rgya mtsho las rig 'dzin thugs thig dang drag dmar skor bcas gsan/__rgyal mchog bcu gsum pa thub bstan rgya mtsho las byang chub lam sgron gyi chos 'brel gsan cing /____gter chen las gling dang pad dkar 'chang ba yab sras gangs can bstan 'gro'i dpal du zhabs pad brtan dgos pa'i rgyu mtshan zhus pas thugs dgyes tshul gyi dbugs dbyung stsal/__phyis sku tshe'i smad du pad dkar 'chang ba bstan 'dzin rgya mtsho las thugs rje chen po mi tra lugs stag phu'i gter byon gyi dbang gsan cing /____bka' mol zhib par gnang ched sbug mjal lan mang du thun min thugs brtses bskyangs par mdzad/__a mdo dge bshes mkhas pa'i dbang po 'jam dpal rol pa'i blo gros las rtsa rgyud gsang ba 'dus pa'i dbang chen/__'jigs byed dpa' bo gcig pa sogs dbang du ma gsan cing phan tshun dad 'dun ches che bar mdzad/__mchog gling gter sras rig 'dzin tshe dbang nor bu las thugs sgrub bsam pa lhun grub kyi dbang dang /____pad+ma bka' thang gi lung sogs sku gzhon pa'i skabs kaHthog gu ru'i lha khang nas gsan pa dang /____gnas brtan dgon gyi mchog gling sprul sku rin po che pad+ma 'gyur med theg mchog bstan 'dzin las thugs sgrub bar chad kun sel rtsa ba yan lag skor yongs rdzogs/__zab bdun yang phur sogs cha tshang /____gsang thig skor gsum/__pad+ma gar dbang /____'khor ba dong sprugs/__rigs gsum snying thig zhib rgyas/__lam rim ye shes snying po'i bshad khrid sogs/__thugs sgrub yid bzhin nor bu'i rdzogs rim nyon mongs dug lnga rang grol gyi zab dbang /____chos skyong dgongs 'dus srog gtad/__shwa na'i srog phur gtad pa sogs bka' rgya skor bcas mchog gling gter chos yongs rdzogs dang /____rje nyid kyis gsar bsgrigs zur bza'i thugs dam skor drug gi dbang /____gzhan yang tsha ba lo tsA ba rin chen rnam rgyal gyis 'jam mgon mkhyen kong mchog gsum las gsang snying gi bshad rgyun zhib par gsan pa'i gsung rgyun legs bshad sgyu 'phrul gsang snying gi 'grel chung /____'jam dpal bstod sgrub kyi rig gtad lan bcu gsum dang /____smin gter rdor sems thugs kyi sgrub pa'i dbang kun gzigs bla ma rin po che las lan drug tu gsan pa de dag gi dbang sogs gnad chen du ma gsan/__tsi ke'i gdan sa smin grol nor bu gling gi gter chen bla ma'i mchog sprul 'gyur med bstan pa'i rgyal mtshan las thugs sgrub yid bzhin nor bu bsam pa lhun grub kyi dbang /____dgongs gter bi ma'i bla sgrub kyi dbang khrid/__rig 'dzin srog sgrub kyi pod lung sogs mkhyen brtse rin po che'i brgyud pa rnams gsan pa dang /____gling chos rgyal rig pa 'dzin pa pad+ma bzhad pa dbang chen bstan 'dzin chos rgyal yab yum nas rje bla ma dgung lo bcur phebs pa kaHthog bzhugs skabs mjal du phebs par chos 'brel du 'jam dpal bstod pa gang blo ma'i ljags bshad thugs thog nas gsungs pas dad gdung dpe med mdzad de spyan chab bsil/__phyis rgyal po'i pho brang du sgrub chen dang sman sgrub du ma'i dbur gdan drangs shing /____rig pa 'dzin pa de nyid las tshe yum tsaN+Da lI'i dbang /____lha rigs bde chen rol pa rtsal gyi dag snang ge sar rdo rje tshe rgyal gyi srog dbang skor 'jam mgon mi pham rin po che'i brgyud pa dang /____chos rgyal nyid kyi dgongs gter tshe yum gyi rtsa ba'i chos bdag tu bsngags te dbang phul bas sku tshe'i gegs las grol ba sogs rten 'brel legs tshogs su gyur cing phan tshun dad dam mthar son par gyur/__gsung ngag rin po che nyams bzhes sku tshe gcig gis zung 'jug gi go 'phang mngon du mdzad pa snyan brgyud 'dzin pa kun gyi rgyal po sga ston rdo rje 'chang chos rje ngag dbang legs pa rin po che ched du gdan zhus kyis bla slob 'brel nas snga phyi mang du mjal 'phrad dang /____gtso bor gsung ngag rin po che tshad ma bzhi ldan gyi snyan brgyud lam 'bras slob bshad chen mo shin tu zhib rgyas/__mkha' spyod byin rlabs khrid bcas/__rwa tshar gyi 'jigs byed lha bcu gsum ma'i dbang /____rwa khrid mkha' 'gro'i snyan brgyud/__dmar khrid tshem bu lugs/__sgrol dkar tshe khrid/__mdor na sa lugs dbang lung gal gnad gang che'i skor gsan cing /____rje 'dis kyang 'jam mgon bla ma mchog rigs kyi bdag po thams cad mkhyen gzigs mkhyen brtse'i dbang po dngos su byon pa zhes bsngags brjod dang thugs 'dun shin tu che bar gnang /____e wa~M thar rtse'i mkhan chen 'jam dbyangs kun bzang bstan pa'i nyi ma las kye rdor rgyu lam gyi dbang chen dang /____lam zab phyi nang gi byin rlabs/__thar rtse zhabs drung byams pa nam mkha' kun bzang bstan pa'i rgyal mtshan las tshe dpag lha dgu'i dbang /____stag zhon gyi rjes gnang dang gzhung pod kyi lung sogs gsan/__ngor mkhan chen rdo rje 'chang dam pa lags sam mtshan dngos don dpal zhabs las tshe rta zung 'brel gyi tshe dbang gsan cing /____mkhan chen dam pa 'dis rje bla mar snyigs dus 'dir rdo rje 'chang gi mdzad pa sgra ji bzhin du sgrub pa'i bdag nyid chen po 'di nyid nges zhes bsngags pa ches cher gnang /____klu lding rgyal sras 'jam dbyangs chos kyi nyi ma las dkar po lha gsum gyi rjes gnang /____gzims 'og mchog sprul rin po che las kye rdor rgyu lam gyi dbang /____lam zab kyi byin rlabs/__zhal gyi dbang khrid tshang ma gsan/__sde gzhung mchog sprul kun dga' bstan pa'i rgyal mtshan rin po che las sgrub thabs rgya mtsho'i rjes gnang dang /____bde dril lus dkyil/__mkha' spyod byin rlabs/__mgon po gur dang sgrol dkar rjes gnang thun min/__dgyes rdor lam dbang sogs mang du gsan cing gsang chen slob bshad kyi zab gnad thun mong ma yin pa sga ston 'jam pa'i dbyangs kyi zhal lung gi bgro gleng gnang zhing de dag yi ger bkod par bkas bskul ba sogs lam 'bras bstan pa'i srog lta bur gyur pa dang /____deng sang sa skya'i phyogs la bstan 'dzin 'di las lhag pa'i yon tan mnga' ba su'ang med ces bstod bsngags yang yang gnang zhing /____chos rje sga ston rdo rje 'chang la mnyes pa gsum gyi zhabs tog phul du son pas thugs yid gcig tu 'dres pa yin ces thugs nang shin tu gshim par mdzad/__rje bla ma la kun gzigs many+dzu'i zhabs dngos su byon pa zhes mchog sprul rin po ches kyang bsngags brjod dad mos ches cher gnang /____sga stod thar lam sde gzhung sprul sku mchog las sa skya gong ma rnam lnga/__ngor chen rdo rje 'chang /____zhu chen ma hA paN+Di ta'i bka' 'bum lung sogs rgya cher gsan/__mkhyen brtse'i mchod dpon bla ma shes rab las sku chung dus sa skya gong ma rnam lnga'i bka' 'bum dang /____rtse le mkhas mchog pad+ma legs grub kyi bka' 'bum lung sogs gsan/__chos bzhin spyod pa'i dge ba'i bshes gnyen chen po 'jam dbyangs rgyal mtshan las kye rdor rgyu lam gyi dbang /____bdag med lha mo bco lnga'i dbang /____lam 'bras slob bshad kyi khrid lung sogs gsan cing rje bla ma rin po cher zhabs tog dang dad mos sri zhu shin tu che bar gsungs/__rdzong sar dgon gyi rdor 'dzin bla ma b+ho d+hi b+ha dra las sa lugs mi 'khrugs pa/__kye rdor/__mkha' spyod skor gyi dbang khrid rgya cher gsan/__rje btsun sgrol ma sku dngos kyis rjes su bzung ba'i sbas pa'i rnal 'byor bstan 'phel las/__thang stong rgyal po'i gsang spyod mkha' 'gro snyan brgyud kyi smin grol/__mgon po gur gyi dbang dang rjes gnang zab khrid kyi skor/__rgyud sde bzhi 'brel sgrol ma'i dbang /____mkha' spyod ma'i byin rlabs dang khrid bcas gsan/__brag yab gtsang sar sprul sku las 'khon lugs phur pa stod smad kyi dbang chen/__rnam sras dang mgon po gur gyi skor sogs sa skya'i zhal ngo nang brgyud kyi rigs mang po gsan/__sde dge lhun grub steng gi nub bla ma 'jam dbyangs mkhyen rab mtha' yas las dpal dus kyi 'khor lo bu lugs kyi dbang chen/__'jigs byed dang zhal gyi pod lung rnams gsan/__rdor 'dzin dpal ldan 'jam dbyangs las bde mchog lU hi'i lugs kyi dbang chen/__zhal gyi smin grol tshang ma/__shar bla ma dkon mchog bstan 'dzin las gur mgon gyi rjes gnang yongs rdzogs/__bka' khrid zhib rgyas/__sgrol dkar 'od zer drug sbrags kyi khrid bcas gsan/__sga thub bstan dgon gyi bla ma sde snod 'dzin pa chen po ngag dbang bstan pa mchog las/__chos bka' chen po 'di nyid gsan pa'i 'os su gzigs te snga mo nas lung rgyun tha dad rnams zhib tshags zhu bar bkas bskul zhing mthun sbyor sogs gnang ba ltar brgyud srol mtha' dag yongs su rdzogs shing 'chad spel yang lan bcu gsum tsam nges par song ba de nyid las rgyal ba'i bka' 'gyur rin po che yongs su rdzogs pa'i bklag lung zhib rgyas ring nyin bzhin mchod sprin gyi bkod pa rgyas par spros te gsan par mdzad/__bla ma 'dis rgyal bka' rin po che lan shin tu mang por gsungs pas ngag bden tshig grub pa lta bu yod/__sgra gsal dag snyan gsum dang ldan pas spyir ston pa thams cad mkhyen pa'i gsung la ngo mtshar che ba gzhir bcas/__lhag par sangs rgyas phal po che'i sde snod ni sangs rgyas kyi gsung gsang ba bsam mi khyab pa zab cing rgya che ba'i ngo mtshar rmad du byung bas dad spro'i yid ches thob pa byung zhes gus la bka' 'phros phebs/__sa skya phun tshogs pho brang gi skyabs mgon bdag chen ngag dbang kun dga' bsod nams las 'khon lugs phur pa stod las smad las kyi dbang chen dang /____tshe rta zung 'brel sogs gsan cing /____bla ma zhi khro'i tshe dbang /____gser chos khyung nag_/gur lha brgyad/__zhal dkar po tshe 'phel sogs gsan/____/sa skya sgrol ma pho brang gi khri chen ngag dbang kun dga' theg chen dpal 'bar phrin las dbang gi rgyal po las 'khon lugs phur pa sogs dbang chen mang du gsan/__lha khang mkhan chen 'jam dpal bzang po las rta mgrin yang khros dbang chen sa lugs yig cha ltar dang /____ngor chen rdo rje 'chang gi chos kyi khri la bzhugs pa ngor thar rtse mkhan rin po che/__phan khang /____klu lding /____khang gsar bcas la'ang skabs babs kyi chos 'brel re gsan par mdzad/__rab 'byams pa kun bzang bsod nams kyi nye gnas mkhan a dpal zhabs las rje'i lam rim chen mo dang /____a mdo rme pa bla ma bshes gnyen dam pa zhig las rje yab sras sogs kyi bka' 'bum skor zhib tu gsan bzhed lo zla sogs gtan khel mdzad kyang dus zing gis rten 'brel 'phro can du lhag_/mdo khams grub dbang rdzogs chen lnga pa thub bstan chos kyi rdo rje las rje gong ma'i zab gter 'phags ma'i snying thig gi bi ma mi tra'i bla sgrub byin rlabs snying po/__bal po a hU~M 'bar gyi dzaM b+ha la nag po/__ye shes bla ma'i rig pa'i rtsal dbang /____grub chen he ru ka dpal mkhyen brtse ye shes rdo rje'i zab gter gcod 'dzin pa rang grol/__'ja' tshon dkon mchog spyi 'dus sogs gnad zab 'ga' zhig gsan/__sku phreng drug pa mchog sprul 'jigs bral byang chub rdo rje'i zhabs las kyang dkon spyi'i tshe dbang dang nyi grags tshe sgrub bdud bzhi rnam rgyal/__rta mgrin dregs pa zil gnon/__sngags bdag ma'i rjes gnang sogs gsan nas rim gyis nyi grags dang khye bo rig 'dzin chen po'i chos skor tshang ma gsan bzhed gnang /____rdzogs chen mkhan rin po che bsod nams chos 'phel las kyang gcod 'dzin pa rang grol gyi dbang khrid lung bcas lan gcig gsan/__nyag rong gter ston dri med 'od zer pad+ma gling pa las stag sham yi dam dgongs 'dus kyi dbang chen/__yang gter bla ma bstan gnyis skor gsum/__thugs rje chen po pad+ma zhi khro/__snyan brgyud yang dag_/gshin rje/__phur pa sogs rje gong ma'i zab gter gyi dbang khrid brgyud pa byin rlabs dang ldan pa du ma dang /____mkhyen brtse'i nye brgyud mkha' 'gro yang tig dang /____nye brgyud nges don snying po'i dbang khrid/__rgyud bcu bdun dbang /____rdzogs chen chig chod kun grol gyi dbang khrid lung bcas/__bka' brgyad bde 'dus dbang 'bring bsdus/__phrin sgrub rin chen sgron me'i dbang /____gur drag ye shes rab 'bar/__rata gling ma ning dang byang gter lha chen srog dbang /____klong snying skor mang tsam/__'jam mgon kong sprul rin po che las gsan pa'i zhig gling chos skor rnams dang /____thugs sgrub bsam lhun dbang rgyas 'bring bsdus pa tshe dbang bcas/__'jam mgon tshe rta zung 'brel/__gshin rje lcags sdig gi smin byed mu tig phreng ba/__thugs rdor mig 'byed/__gsang bdag nyi ma mdung gang /____gter ston nyid kyi gter chos gshin rje'i skor sogs dbang lung rgya chen dang /____rkyen sel zhabs brtan snga phyir gnang bas sku tshe'i bar chad bzlog pa sogs phan tshun thugs brtse che zhing /____sku mched mkhan chen bla ma rgyal mtshan 'od zer las/__sgyu 'phrul zhi khro/__snying thig gi skor dang rdor sems mngon dga'i zhing sbyong gi dbang sogs gsan/__gter ston sku mched la 'jam mgon rnam gnyis kyi dbang dang sgrub chen gyi phyag len dbang khrid kyi rgyun sogs ngo mtshar can du ma bzhugs pa thams cad gsan bzhes gnang zhing /____rje bla ma rin po che la'ang thugs brtse dang dad gdung thun min mnga' bar gsungs/__gter ston dri med sras 'jam mgon mchog sprul pad+ma thugs rje'i dbang phyug las dong sprugs pad+ma brgya ldan dang /____zhi khro'i khrom dkrug gnyis/__gter chen las rab gling pa'i chos skor yongs rdzogs 'dus pa/__thugs sgrub skor sogs kyi dbang lung rgya cher gsan/__'phel tsha 'o phu dgon gyi bla ma las stag sham chos skor gyi lung yongs rdzogs gsan/__grub dbang shAkya shrI'i sras mkhyen brtse'i thugs sprul 'phags mchog rdo rje las rje gong mas chos bdag tu dbugs dbyung ste grub dbang rin po cher bka' babs pa'i rtsa gsum spyi 'dus dang /____yang gter bla ma bde mchog 'khor lo'i dbang khrid lung bcas/__dge ri chos rgyal rdo rje'i drag mthing gi dbang /____shAkya shrI'i dgongs gter gu ru bde ba chen po'i dbang sogs gsan/__ra sprul thub bstan rgyal mtshan las gnam chos dbang lung tshang ma dang /____rata gling gter chos skor cha tshang /____rje mkhyen brtse'i zhal snga nas stsal ba'i snga 'gyur bka' ma rgya sprul mdo sngags bstan 'dzin las brgyud pa gzi 'gag mchog sprul rin po che las gsan/__kaHthog mchog sprul mkhas grub chen po rgyal sras kun bzang bstan 'dzin las bla ma dgongs 'dus kyi sgrub dbang chen mo rgyal dbang gi karma pa mkha' khyab rdo rje'i brgyud pa zhib rgyas/__pod bco lnga yongs rdzogs kyi lung /____spyi mdo dgongs 'dus kyi bshad lung /____ngal gso skor gsum dang theg mchog mdzod mkhyen brtse rin po che'i nye brgyud can/__bi ma dang mkha' 'gro snying thig rdzogs chen phyogs kyi brgyud pa'i dbang sogs gal gnad che ba'i skor rgya cher gsan/__sku chung dus yab gzhis nas brag dmar mchog sprul yid bzhin dbang rgyal las tshe dbang zhig gsan/__kaHthog mkhan chen ngag dbang dpal bzang las klong gsal dang bdud 'dul chos skor gyi dbang lung yongs rdzogs/__gu ru chos kyi dbang phyug gi zab gter bka' brgyad gsang ba yongs rdzogs kyi dbang chen 'jam mgon kong sprul rin po che'i sgrub dbang gi brgyud pa/__mkha' 'gro yang tig gi dbang khrid sogs rgya cher gsan/__kaHthog mkhan legs bshad 'byor ldan las kun mkhyen 'jigs med gling pa'i bka' 'bum yongs rdzogs pod dgu dang /____'ja' tshon chos skor pod drug_/bka' ma chog bsgrigs pod dgu rdzogs chen spar 'khod ltar sogs ljags lung rgya cher gsan/__'bri gter 'od gsal rdo rje las gter ston rang gi zab gter sgrol ma dmar mo'i dbang /____gshin rje yang bzlog gi dbang chen/__khro chu'i gtor dbang /____zla gsang tshe sgrub kyi dbang /____'bri gung srung ma a phyi chos sgron gyi bka' gtad/__byad khrol/__tshe dbang sogs gsan cing sku tshe'i bar chad sel ba'i brtan bzhugs dang /____srung bzlog gi zhabs brtan skor mang du bsgrubs pas sku tshe'i bar chad las grol/__gter kha 'ga' zhig phabs pa'i skabs phyag bris gnang ba sogs las 'phro smon lam gcig pas 'brel ba'i gter ston tshad ma yin pa phran la'ang bka' lan mang stsal/__bdud 'joms mchog gi sprul pa'i sku 'jigs bral ye shes rdo rje las rje nyid kyi dgongs gter gro lod kyi smin grol yongs rdzogs dang /____zab gter thams cad kyi gtad rgya bcas gsan cing bstod bsngags dang thugs rtsis che bar gnang /____bya bral sangs rgyas rdo rje las bka' gdams gzhung rnying kha shas dang /____lha btsun chen po'i rdo rje snying po'i skor cha tshang /____rig 'dzin srog sgrub kha skong skor/__chags med ri chos them med skor/__snang sbyong sogs bdud 'joms yab sras chos skor kha shas/__se ra mkha' 'gro'i chos skor yongs rdzogs kyi dbang lung bcas/__rje nyid kyi gcung 'chi med pad+ma rdo rje las gser pa gter rgan gyi zab gter tshe sgrub dang /____rta mgrin sogs du ma gsan/__a 'dzom rgyal sras rin po che 'gyur med rdo rje las tshe dbang /____mkha' 'gro snying thig gi dbang zhib rgyas/__ljags lung skor rgya cher gsan/__rgyal sras pad+ma dbang rgyal las kyang khrid lung skor dang /____klong snying rtsa rlung gi 'khrul 'khor sogs zab chos mang du gsan/__theg mchog rdzogs pa chen po'i rnal 'byor pa kun dga' dpal ldan las bla ma yang tig gi zab khrid kyi dogs gcod skor zhib tu gsan/__zur mang drung rin po che karma chos kyi nyin byed kaHthog tu phebs skabs bde mchog mkha' 'gro snyan brgyud kyi smin grol rgyas pa tshogs gar dang sbrags te zhib pa dang /____rdo rje gling pa'i lta ba klong yangs/__nA ro chos drug dang phyag chen gyi khrid skor mang po kun gzigs si tu rin po che dang yab sras lhan rgyas pas gsan/__dge rgyas zla bzang mchog sprul rin po che las kaM tshang rgyal rgyam lha dgu/__phag mo lha lnga/__rje mkhyen brtse'i yang gter dri med kun dga'i rgyal ba rgya mtsho'i chos bdag tu 'jam mgon gong mas bsngags pa de'i lung dang dbang sogs gsan/__drung nam rgyal sprul rin po che dang mjal 'phrad mdzad cing bde mchog gi dbang dang dus 'khor gyi mchog dbang gong ma gsum gsan/__thugs dam gding tshad sogs la bka' mol zhib gnang dang gdams pa'i gtad rgya khyad par can sogs gsan rjes/__gus la khyod kyi bla ma de rtogs ldan tsam las mkhas pa red ma bsam yang mdo sngags kyi zab gnad thams cad thogs med du mkhyen cing gsan 'dug pas sgom byung klong rdol yin pa 'dra zhes gsungs/__'jig rten dbang phyug rgyal dbang bcu drug pa rang byung rig pa'i rdo rje dgung grangs bco lnga'i skor 'og min gnyis pa bkra shis lha rtser mthong grol cod pan chen po'i mjal zhus mdzad pas/__dad gdung gi shugs las chos rje dus gsum mkhyen par dngos su gzigs shing /____gzhan yang snga phyir mthong grol cod pan bzhes skabs bi ma mi tra dang /____karma pak+shi dngos su gzigs tshul gsungs/__phyis dbus phebs skabs 'og min mtshur gdan du ched du zhabs pad bkod nas phan tshun sku tshe'i dpal yon spel ba'i rten 'byung gi sgo 'phar tshe dbang gsan pa dang /____'bras ljongs sbas gnas lte ba brag dkar bkra shis sding du rgyal dbang karma pa/__rje bla ma/__'bras ljongs rgyal sras bla ma bcas ched du ma bskul bar lhan rgyas su tshogs/__gnas chen byin 'bebs/__lha srin dam bsgrags sogs gnyis kas mdzad pa rten 'brel khyad par 'phags pa'i tshul 'og gi gzigs snang skabs su gsal/__rgya gar gnas gzigs lhan rgyas su phebs skabs thugs dam dgongs pa'i gsung gleng zhib rgyas su gnang nas thugs yid gcig 'dres su gyur nas rgyal dbang rin po ches khyed ni snang srid chos skur shar bas mdzad sgo thams cad rten 'brel legs phyogs su 'grigs na chos rgyal rat+na gling pa lta bu'o zhes bsngags brjod gnang /____dpal spungs byams mgon si tu rin po che pad+ma dbang chen las rgya chen spyod brgyud kyi sems sdom/__mar lugs dgyes pa rdo rje'i dbang chen/__bdag med lha mo bco lnga'i dbang /____skyer sgang lugs kyi rta mgrin/__mkhyen brtse'i gter kha mtsho skyes snying thig gi rtsa dbang /____gsang thig rdo rje phur pa'i gtor dbang /____'jam dbyangs dkar po ma ti'i lugs/__bram ze phur bu'i dbyangs can/__dam pa'i smra seng rnams 'jam mgon mi pham rin po che'i brgyud pa/__thugs dam jo lugs sgrol dkar gyi rjes gnang dang khrid lung /____dkon mchog spyi 'dus tshe dbang /____phyag drug pa'i gtor dbang /____rjes gnang /____mgon po snying zhugs kyi dbang sogs gsan/__rje nyid bsnyun tshab che ba'i skabs gdan zhus ma mdzad kyang ched du phebs nub der grub chen Dom+bi pas bar chad sel ba'i mnal ltas gzigs pa sogs gus la bka' stsal zhing /____phan tshun thugs yid gcig 'dres tshul gyis byams mgon rin po cher sku tshe'i brtan bzhugs dang /____phyis sku gshegs skabs dgongs rdzogs sogs bka' drin rgya cher bskyangs/__tsA 'dra'i rgyal sras 'jam mgon mchog sprul dpal ldan mkhyen brtse'i 'od zer las rata phur/__'jam mgon gong ma'i zab gter yang dag_/gro lod gsang sgrub gdug pa kun 'dul gyi dbang /____rga lo'i lugs kyi mgon po phyag bzhi pa'i dbang sogs gsan/__rje bla ma mchog las snga 'gyur bka' ma mdo tshogs chen 'dus pa'i dbang chen dang /____rngog lugs 'jam dpal gsang ldan sogs gsan/__gter chen rol rdor mchog sprul lnga pa las rol rdor gter kha mtsho brag skor yongs rdzogs gsan pas rje bla mar thugs shes gting nas 'drong ste dgongs gter 'od gsal snying thig yongs rdzogs gsan/__gter chen rol rdor gter chos yongs rdzogs kyi gtad rgya mdzad cing maN+Dal sku gsung thugs rten bcas phyag rdor rgyud la 'grel pa sogs chog khrigs 'ga' zhig zhus pa de ma thag mdzad pas bla slob nang mar gyur/__sangs rgyas mnyan sprul dgu pa karma bshad sgrub bstan pa'i nyi ma las jo lugs sgrol dkar/__phyag chen nges don rgya mtsho sogs mang du gsan/__khra legs mchog sprul las rtsa rgyud brtag gnyis kyi spyi don 'jam mgon kong sprul rin po che'i gsung /____kar lugs mi 'khrugs pa dang tshe dpag lha dgu/__rata gling tshe sgrub gsang 'dus don dbang sogs gsan/__dpal spungs sgrub bla nor bu las mkhas dbang karma tshe dpal gsung lam rim ye shes snying po'i 'grel chen lung /____mdo srib mkhan thub bstan las dkon lhun bka' 'bum dang rgyud btus phal che ba'i pod lung gsan/__zur mang bstan 'dzin sprul sku las rol rdor drag khros kyi dbang sogs dang /____mkhar mgo aM mkhar sprul sku las chos rje gling pa'i gter chos bka' 'bum yongs rdzogs kyi lung sogs gsan pa bcas rnam thar zhal gsung las gsan bsam mdzad tshul rags rim gsal ba rnams gtso bor smos pa ste/__zhib par ni gsan yig pod chen bzhi lhag bzhugs pa'i dpe rgyun yang ma 'byor bas mtha' dag 'god nus pa ma yin la/__rje bla ma'i slob ma yongs kyi tha chung bdag la'ang rang lo bco lnga skor thog mar mjal ba'i skal bzang thob nas lugs gnyis kyi thun mong ma yin pa'i thugs brtse bka' drin chen pos bskyangs shing rje nyid kyis zab chos bzhes pa'i bla ma'i gral du 'jog par mdzad nas bka' lung stsal ba bzhin/__rang gis kun slong tshe rabs thams cad du bla ma 'jam pa'i dbyangs kyi spyan sngar chos kyi mchod sprin 'bul ba'i smon 'dun dang bcas klong snying yum bka'i tshe dbang thog mar phul ba nas brtsams te/__phur pa rgyud lugs sam rgyal po lugs kyi dbang chen/__yang gter bka' 'dus chos kyi rgya mtsho dang rta mgrin dregs sgrol gyi dbang /____'phags ma'i snying thig gi yang zab tshe yi byin rlabs/__klong snying dpal chen 'dus pa dang khrag 'thung rigs bzhi'i sgos sgrub cha tshang ba'i dbang /____'jam mgon mi pham rin po che dang rgyal tshab gsung skor mang zhig gi lung /____jo nang rje btsun tA ra nA tha'i bka' 'bum yongs rdzogs/__bka' brgyud sngags mdzod bcas kyi lung dang /____zhar byung du rdzu 'phrul dang ting nge 'dzin gyi nus pa 'dod rgur dbang thob pa'i sangs rgyas dang byang chub sems dpa' rnams kyi ye shes kyi cho 'phrul rmad du byung bas byin gyis brlabs pas ljon shing dang chu klung las chos kyi sgra 'byung ba dang /____'jam dpal dbyangs kyis bdud sdig can sangs rgyas kyi mtshan dpe can du bsgyur nas mdo sde zab cing rgya che ba ston nus par gsungs pa ltar rang bris dgongs gter du ming btags pa rnams kyang thog mar rje bla ma mchog gi ye shes gzigs pas gter chos tshad thub tu zhal bzhes kyis dbugs dbyung dang legs so'i gzengs bstod sku gsung thugs rten khyad par can sogs gnang skyes gya nom pa dang bcas thog mar 'bri bar 'os pa'i bka' ched du gnang zhing /____dbang lung yongs rdzogs gsan bzhes gnang bar mdzad pa ste/__de'ang rang la ni 'di rigs 'bri 'os kyi yon tan dang mi ldan mod/__rje mkhyen brtse'i dbang po sku gong 'og gi byin rlabs kyi cha shas rgyud la zhugs pa'i mthu kho na las 'byung bar nges shes skyes pa tsam rgyu mtshan du bzung ste bka' bzhin phul ba'ang 'phros su smras pa'o/____/de dag kyang 'jam mgon chos kyi rgyal po nyi zla zung gi thugs sras phal mo che las rang rang la ched du stsal ba'i zab chos nyams bzhes kyi skor thams cad dmigs bsal du gsan par mdzad cing /____spyir yang thos pas chos tshol ba la nam yang ngoms pa med pas rtag tu zab pa dang rgya che ba'i dbang khrid lung gi rgyun thams cad gsan pa dang /____gzhan la'ang gsung gis bskul bar mdzad/__gsar rnying gi chos bka' gnad che ba dag ni lan gcig gsan pas tshim pa min par brgyud pa'i khyad par sogs la dgongs nas lan du mar bskyar te yang yang gsan par gnang zhing /____mdor na phyi ma'i dus 'dir mkhas shing dngos grub brnyes pa dang /____byang chub sems kyis thugs rgyud gtams pa'i dge ba'i bshes gnyen sogs gsar rnying ris su ma chad pa'i skyes chen dam pa yongs 'dzin brgyad cu lhag las zab rgyas chos kyi bdud rtsi'i rgyun thams cad rgya mtsho chen por phyogs kyi chu gter thams cad nyin re bzhin 'bab kyang ngoms pa med par yang yang 'bab pa ltar rtag tu gsan pa lhur bzhes pas mang du thos pa nor bu'i gsang mdzod bsags pa la nam yang chog shes pa mi mnga' zhing /____de dag kyang gsan yul gyi gang zag chos brgyud la sel chags pa dang /____gang byung ma brtag pa'i gya tshom dang /____ngo srung phyogs 'dzin dang /____klad yangs col chung gi mdzad pa ma yin pa dge ba'i bshes gnyen phun sum tshogs pa'i yon tan dang ldan pa 'ba' zhig la brten pa dang /____gsan bya'i chos kyang skabs de'i mthun 'jug dang /____grags pa'i rjes 'brang gi snang ba 'ur 'drog dang phyogs zhen tsam ma yin par rgyal ba'i bstan pa rin po cher dngos dang brgyud nas phan pa rlabs gang che dang /____rgyun dkon la nub kyis dogs pa rnams ched du gsan par mdzad/__gsan pa de dag kyang gang las byung ba'i khungs dang grub mtha' so so'i bshad pa'i rnam grangs/__lta sgom gyi 'jog mtshams/__bskyed rdzogs so so'i zab gnad man ngag gi che ba dang /____mtha' dag gi phyag len phra ba tshun chad rang rang gi lugs srol ma 'dres pa gsal bar mkhyen cing rtag tu bsnyel ba med pa'i thugs dran mnga'/__nyams bzhes 'chad spel gyi skabs su de ltar phyag len gnang phyogs kyang phan tshun 'dres pa dang 'chol ba sogs gtan nas mi mdzad/__chos la gces spras thugs kyi dkyil du bzung bas gsar rnying gi grub mtha' rang rang gi bstan pa'i bdag por khas 'che ba dag las kyang rgyus che zhing thugs nyams su bstar/__bstan pa'i rgyun dang rjes 'jug gi mig ltos la dgongs pas gang gsan pa de dag chud mi za ba'i phyir dpe gsar du bzhengs pa dang /____dpe rgyun dkon pa'i rigs rnams spar du bskrun par mdzad pa dang /____dkyil 'khor tsakli gsar bzhengs la sogs pa de ma thag gnang zhing /____bsnyen sgrub nyams bzhes dang 'chad spel gnang ba sogs phyag rjes thon nges pa re dang /____dbang chos grub pa'i rjes gtang rag gi dngos rdzas gya nom pa stobs pa dang /____phrin las kyi sgo yangs por phye ba dang /____gzhan yang bstan rgyun la phan nges pa dang gsan bya'i yon tan tshad dang ldan par gzigs na chos pa nyams chung sbas tshul can dag las kyang chos gsan dgos gang yod gsan cing bsngags pas gzengs bstod dbugs dbyung gnang /____gsan yul rnams la dad mos ngo lkog dang bral bar dam pa'i chos tshol ba dang /____bshes gnyen bsten tshul mdo rgyud dang mthun pa'i mdzad pa ngo mtshar can la chog shes dang ngal ba med par rtag tu brtson par mdzad pa ni/__sdud pa las/__de lta bas na byang chub dam pa tshol ba yi/____/bsam pa drag ldan mkhas pas nga rgyal des bcom ste/____/nad pa'i tshogs kyis gso phyir sman pa bsten pa ltar/____/g.yel ba med par dge ba'i bshes gnyen bsten par bya/____/sangs rgyas byang chub mchog zhugs byang chub sems dpa' dag_/pha rol phyin dang bcas te dge ba'i bshes su bsten/____/de dag rjes su ston byed 'di ni sgrub pa'i sa/____/rgyu rnam gnyis kyis sangs rgyas byang chub myur du rtogs/____/zhes dang /____mdo las/__dge ba'i bshes gnyen mgu bar byas na sangs rgyas thams cad kyi byang chub thob bo/____/ces dang /____klu sgrub kyis/__skra dkar gnyer ma lhags dus su/____/thos pa mang du bsags bya ste/____/gang du thos mang 'gro gyur pa/____/der ni phung po 'gro mi 'gyur/____/zhes gsungs pa'i don thugs la btags pa ltar ro/____/gzhan 'jig rten gyi chen po'i rigs la lugs dang mthun pa'i che bkur tsam gnang ba las chos srid kyi yon tan phran bus sems dregs pa dag la ni thad ka'i ngo bsrung yang gnang dka' ba tsam pas kha gsag gi bstod ra dang /____thabs kyi che bkur sogs gtan nas mi gnang bar tshugs zin par bzhugs pas chos kyi gzhung srong zhing rang tshugs thub pa'i bla slob kyi rten 'brel ma log pas bstan pa'i mig rgyan du 'os pa dag kyang gzur gnas ye shes dag pa'i spyan ras kyi 'bab stegs la zhib tu dpyad na/__rje gong ma'i gsung las/__spong ba bsam gtan de kho nar/____/mnyam par 'jog pa dka' na yang /______/chung nas gdul bya grong chog sogs/____/rmi lam du yang ma dran cing /______/tshe 'di blo yis thongs pa yis/____/bya btang kho na'i tshul du 'khums/____/mchog dman su la'ang ngo srung dang /______/re dogs spros pa dmar thag bcad/____/ces gsungs pa ltar/__'phags sa mngon du gyur te nang gi ye shes kyis chos brgyad ro snyoms pas re dogs bral ba'i 'khrul pa gtad med du zhig pas ngo mtshar gyi gsang ba rtogs dka' ba yod kyang deng sang rgyu mtshan de dag ngo shes pa ni re re tsam du bas so/____/'phags pa klu sgrub kyis/__shes rab rgyas byed pa ni thos pa ste/____/bsam pa dang ni gnyis po yod gyur na/____/de la sgom pa yang ni rab tu 'byung /______/de las dngos grub bla na med pa thob/____/ces 'byung ba dang /____rgyal ba 'brom gyis/__nga thos dus tshe na bsam sgom brdo/____/nga bsam dus tshe na thos sgom brdo/____/nga sgom dus tshe na thos bsam brdo/____/nga gcig tu ma lus brdo byas nas/____/chos lam du khyer nas 'gro shes pa/____/nga bka' gdams phyogs char ma lhung ba/____/don rgya 'bag mig bzhin 'phrul shes pa'o/____/legs kun tu brdo de bka' gdams yin/____/zhes gsungs pa ltar/__deng sang rgyal bstan ris su ma chad pa'i chos kyi rgya mtsho chen po'i pha mthar dag pa'i spyan ras kyi ba dan mdzes par g.yo ba sher brtson mthun pa'i rlung gis legs par brgal nas nges don gyi zab gnad nor bu rin po che'i bang mdzod thugs kyi dpal be'ur 'gengs par bsags pa'i tshul ni/__'dul ba me tog phreng rgyud dang mdo rtsa/__mngon pa gong 'og dang sher phyin sdud pa/__dbu ma rig tshogs skor/__bzhi brgya pa/__sor mdo dang dge tshul gyi kA ri ka lnga bcu pa dang sum brgya pa/__'jug pa rtsa 'grel/__spyod 'jug bshad khrid dpal sprul sems dpa' chen po'i gsung sgros/__byams chos sde lnga dang dbu ma rgyan bcas rje mkhyen brtse'i nye brgyud mi pham rin po che'i rnam bshad bcas mdo phyogs rgya gzhung dang /____yid bzhin mdzod rtsa 'grel yan lag bcas/__sdom gsum rnam nges rtsa 'grel/__yon tan mdzod rtsa 'grel/__mkhas 'jug bcas pod gzhung so so'i rtsa ba dang sa bcad rigs thugs 'dzin dang /____'grel pa rigs la gzigs rtogs kyis dka' gnad dogs dpyod go don rgyugs 'bul bcas bslab cing byang chub pa'i sgo nas gsan rgya ches che bar mdzad/__gtso bor snga 'gyur sgyu 'phrul gsang ba snying po la 'phags bod kyi 'grel chen/__spyi don/__sbas don sogs yig cha mang po'i steng kun gzigs si tu rin po ches kaHthog rgyud sde'i bshad grwa gsar 'dzug skabs ljags bshad shin tu rgyas pa gnang ba de thams cad gsan cing thugs su chud par mdzad/__khyad par 'jam mgon mkhyen brtse'i nye brgyud kyi rgyud bshad smin gling lo chen rin po che'i gsang bdag dgongs rgyan steng nas ra mgo mchog sprul las gsan te zhe chen rgyal tshab rin po che dang kong sprul rin po che sogs la'ang bshad rgyun spel bar mdzad pa dang /____rdo grub kun mkhyen bstan pa'i nyi ma las spyi don rin chen mdzod lde'i bshad khrid zhib gsan gyis dogs gnas bka' 'dri sogs yang yang mdzad/__rtsa rgyud brtag gnyis sa rngog gi bshad rgyun zhib rgyas gsan te/__gus par yang ched du bka' phebs pa bzhin nam mkha' dang mnyam pa'i rgyud rgyal gsang ba 'dus pa'i 'grel pa bzhi sbrags su grags pa dang /____bde mchog gi 'grel pa sbas don kun gsal gyi bshad lung gi rgyun khungs dag mdo smad a mdo phyogs kyi mkhas pa shes rab rgya mtsho'i yang slob sis mdo mkhan chen las thos pa maN+Dal tshul du phul/__sga ston 'jam pa'i dbyangs/__sde gzhung mchog sprul rin po che rnam pa gnyis/__mkhas dbang bla ma bkra shis chos 'phel/__zur mang drung rin po che chos kyi nyin byed/__a mdo dge bshes 'jam rol sogs grub mtha' so so'i rgyun 'dzin rnams las chos lugs de'i chos skad dang lta grub kyi rnam bzhag sogs dogs dpyod bka' mol zhib tu gnang zhing /____bla ma gong ma'i zhal rgyun rigs kyang gsan nas thugs kyi dpal be'ur ma nyams par bzung bar gnang /____sga ston 'jam pa'i dbyangs 'di thos bsam gyi grwar zhugs pa sogs ma mdzad kyang gsung ngag rin po che nyams bzhes dpyis phyin pa gnang bas nang gi rtsa mdud grol ba lta bu'i lta sgom gyi gnad spyi dang khyad par lam 'bras kyi zab don rigs la zab gnad thams cad khrol zhing /____nyams myong dmar khrid lta bu ngo mtshar chen por bzhugs pa'i mkhyen dpyod rlabs che ba sogs la dpag na chos rje 'jam pa'i dbyangs sa skya paN+Di tas byin gyis brlabs pa'am de'i sprul pa yin par nges pas rgyun gyi bka' mol la'ang bla ma gong ma'i rnam thar dang /____chos 'byung khungs btsun/__zab don nyams su blang ba'i lam rtags gang zag so so'i rgyud la skyes tshul sogs gal chen du ma yod pa de rigs yi ger 'khod pa byung na shin tu gal che zhes thugs sras gtso bo sde gzhung mchog sprul rnam pa gnyis ka la ched du yang yang bkas bskul bar mdzad/__spyir zhal gsungs rnam thar las/__khyad par mkhan chen bla ma ni/____/kun bzang dpal ldan chos grags kyis/____/thugs brtse chen pos legs bskyangs te/____/dbang lung 'ga' dang rnying rgyud lung /______/gsang snying bshad pa rgya cher nos/____/snga rjes gzhung gi dka' gnad sogs/____/bka' drin stsal las a mye yi/____/go ba rgyud la chags tsam byung /______/zhes gsungs pa ltar/__thog mar kaHthog gi gdan sar ma hA paN+Di ta mi pham 'jam pa'i dbyangs ched du gdan zhus kyis kun gzigs si tu rin po che gtsos dam pa du mas gsan sbyong rgya cher mdzad cing /____phyis bshad grwa gsar tshugs skabs mi pham rin po che mchog gi bka' phebs bzhin mkhan chen bla ma kun bzang dpal ldan chos grags phebs te gzhung gi skor 'chad nyan rgya cher gnang skabs der/__mkhan chen a stobs sogs rgyu mtshan shes pa'i dam pa rnams mgrin gcig gis mkhan chen bla ma 'di nyid mi pham rin po che dngos las gsan bsam yang yang gnang bas kun mkhyen rong klong gnyis kyi dgongs srol dri ma med pa'i rgyud gzhung thams cad kyi lta ba dang grub mtha'i khyad chos thun mong ma yin pa'i gnad kyi zhal rgyun mnga' bas na/__rang re rnams kyis thos bsam la sbyong brtson gal che zhes gsungs pa ltar thugs brtson g.yel lhod med pas sgro 'dogs zhib tu bcad de rnam dpyod dpyis phyin par mdzad pas/__'phags bod shing rta chen po rnams kyi bzhed srol ma 'dres pa thugs su chud cing de dag gi dgongs pa'i zab gnad dang bka' dang bstan bcos rnams kyi zab don khyad par can du ma thams cad kyis bgro gleng lung rigs rtsal 'don yang yang gnang skabs so so'i lta sgom grub mtha'i khyad chos kyi gnad ma 'dres par mkhyen na'ang /____chags sdang gi tsher mas gzhan rgyud dkrugs pa'i dgag bzhag sogs gtan nas mi mdzad pas/__zab don mtha' dag so so'i bka' khrid skabs rgyas par bka' stsal te gzhung lugs thams cad gdams ngag tu shar ba ni sgra ji bzhin thugs nyams su bstar zhing /____brton pa bzhi ldan gyi rnam dpyod rmad du byung ba'i cha shas yongs su rdzogs pa'o/____/de ltar yang rnam thar zhal gsungs ma las/__bod yul shing rta che brgyad po/____/kun la dag snang cher bskyed cing /______/log rtog dri mas ma gos shing /______/gshe skur grub mtha'i phyogs 'dzin spang /______/dbang khrid man ngag rgyud lung rnams/____/gang bzhugs thams cad 'bad pa ches/____/nyan dang mnyan par 'gyur bar smon/____/zhes gsungs pa ltar gsan bsam nyams bzhes phyogs med du gnang bas bstan pa yongs rdzogs kyi bdag por grub/__smin grol 'chad spel la sogs pa'i skabs grub mtha' so so'i phyag bzhes man ngag gi gnad don mtha' dag phan tshun bsre bslad mi mdzad cing gdul bya'i skal ba dang chos brgyud so sor ji ltar grags pa de ltar rjes su bzung bas 'jam mgon chos kyi rgyal po rnam gnyis kyi seng ge'i khri la dbang bsgyur ba'i rnam thar gyi mig ltos gtsang ma g.yar dam du bzhes pa ni rje 'di tsam du zad do//____//__bzhi pa rim gnyis kyi ting 'dzin zab mo la thugs ji ltar gzhol ba'i tshul ni/__de'ang bstan pa rin po che thos bsam sgom pa rim can gyi srol mi nyams shing /____thar 'dod rnams kyi don gnyis yongs su rdzogs pa'i 'dod dgu'i dpal la 'god pa'i gzhan phan lhur bzhes pa'i phyir/__skyes bu dam pa'i thugs kyi brnags pa mthar thug pa ni lung rtogs dam pa'i chos kyi mdzod bsags pa kho na yin la/__de'i dang po lung gi chos la gsan bsam mdzad tshul rags rim smos zin nas/__'dir skabs su babs pa phyi ma ste/__rje 'jam dbyangs bla ma mchog nyid sku chung ngu'i dus nas rang bzhin lhun grub ngang sgom chen po'i lta sgom gyi lhums su tshud kyang /____dgung grangs bzhi bcur phebs phan chad sku gshegs kyi bar them spang gi sgrub pa'i rnam thar lhur bzhes gnang ba ltar/__rje 'di nyid kyang gang zag rang rgyud pa ltar lam rim bgrod kyi 'bad rtsol la mi ltos pa thugs rje yas sprul du nges mod/__tshur mthong gdul bya 'dul ba'i thabs tsam du rim gnyis kyi ting nge 'dzin la thugs gzhol bar mdzad pa'i tshul gyi dgos pa yang /____de kho na nyid nges par bstan pa'i mdo las/__sha ri'i bu gang gis bskal pa gcig tu nyan pa bas/__gang gis se gol gtogs pa'i yun tsam zhig de kho na nyid kyi ting nge 'dzin la mnyam par bzhag na bsod nams mang du 'phel lo/____/shA ri'i bu de lta bas na de kho na nyid kyi ting nge 'dzin 'di gzhan la nan gyis gdams par bya'o/____/zhes dang /____mdo sde rgyan las/__de ltas rnal 'byor can gyi sgom pa gang yin de ni don med min/____/de ltar bde bar gshegs kyi bstan pa gang yin de yang don med min/____/gal te thos pa tsam gyis don mthong 'gyur na sgom pa don med 'gyur/____/gal te ma thos par yang sgom la 'jug na bstan pa don med 'gyur/____/ces gsungs pa'i don thugs la bcangs nas/__spyir deng sang bya ba las kyi 'khor lo rten bzhengs dang /____gzhung bshad pa/__dbang lung gi 'chad nyan sogs dar srol che bar 'dug kyang gtso bor bsnyen sgrub nyams len la 'bad pa rtsal du bton na gnad dang dgos pa che bar gzhan la'ang bka' stsal zhing /____sku tshe'i smad 'gro don shin tu rgyas pa'i skabs su yang dgun dpyid phal cher sku mtshams bcad rgya dam pos bsnyen sgrub kyi g.yar dam bzhes shing /____chos brgyad dang 'du 'dzi 'ur zing gi skad grags chen po'i bya bzhag la gting nas thugs mi mnyes pas/__rtag tu gcom bskyungs mngon chung kun spang gis bla ma dkyus ma zhig gi mdzad pa lta bu las bla chen gyi tshul dang bzhes mi gnang /____theg pa chen po'i blo sbyong gi skor rtag tu thugs nyams su bstar bas rgyun ring gi nad pa dang dmag 'khrug sogs kyi skabs de dag la shin tu thugs brtse bas byin rlabs dang gnas 'dren sogs yang yang stsal/__slob ma'i tshogs la'ang gzhan phan byang chub sems la blo sbyangs pas snying rje dang nges 'byung gis blo 'khul ba zhig med na phyag rdzogs kyi lta ba la mtho bsnyabs byas pas gar yang mi phyin pas sngon 'gro'i sbyong ba gnad du 'gro ba nyid shin tu zab ces zhal gdams su yang yang stsal ba bzhin thugs rgyud snying rje chen po'i cha shas yongs su rdzogs pa'i dbang gis dred po snying khams rdo las mkhregs pa dang /____che rgu'i rigs zhal mjal ba tsam gyis dad gdung gis snang ba 'gyur ba dang blo gtad snying nas 'cha' ba mang du byung bas mtshon/__sa gsum gyi 'gro ba dbang du 'dus na'ang chos bshad la sogs pa'i skabs nges 'byung yin pa skad kyis ngu co tsir tsir skad ngan 'don pa'i mngon tshan can gtan nas mi mdzad/__dgung grangs bcu bdun steng rgyud sde'i dbang gsan skabs sku rtsed phran bu gnang ba ltar yod kyang dbang gi rdzas gnas so sor bzhag rgyu dang phyag rgya sogs phyag bzhes gang gnang yang snga phyi nor 'khrul gtan nas mi mnga' bas dus rtag tu thugs la yengs 'khrul med pa'i rje 'di gzhan dang ga la 'dra zhes zhabs drung rin po che bkra shis rgya mtshos yang yang bsngags pa mdzad/__spyi+ir zab khrid rigs zhu ba'i skabs so so'i dmigs thun la shar sgom bgyis pas smin khrid kyi go chod ces gsungs las thos pas phyag len du'ang de ltar mdzad par nges te/__khyad par du rje bla ma mchog nas gdams mdzod gsan pa'i phyag thor 'khod pa 'di ltar/__rang re chos zhu ba dpe cha 'dzom mkhan rnams nas kyang sems rnam g.yeng gi dbang du song ba'i zhus lo thob lo byas la ma bsags pa'i las su mi 'gyur ba'i ched khrid dpe la zhib tu blta zhing tshig rjes don dran gyi dmigs thun shar sgom byed khul bgyis pa sogs rang rgyud la sman pa'i thabs tshul gang drag la brtson pas byin rlabs kyi babs gzhan las khyad par 'phags pa 'byung tshul gsungs pas shes nus la/__khyad par du rdo rje 'chang blo gter dbang po'i zhabs las gsang chen slob bshad kyi khrid gsan skabs don gyi ye shes mngon sum gzigs pa'i tshul mdzad rjes/__rig 'dzin sna tshogs rang grol/__rdo grub 'jigs med bstan pa'i nyi ma/__rdzogs chen lnga pa thub bstan chos kyi rdo rje rnams las rdzogs pa chen po'i rig pa rtsal gyi dbang chen du ma gsan pa dang /____skyabs rje rgyal tshab rin po ches byang bdag sku gsum rigs 'dus kyi dbang gi ngo sprod skabs dgongs pa'i byin rlabs gtad pas thugs dam bogs 'byin byung tshul gsungs pa sogs kyis mtshon rdo rje'i ye shes chen po'i dgongs pa khyab brdal du shar bas lam rim rtsol gyi ngal dub la ma ltos par snang spyod ye shes kyi rol par 'byams klas pas zab gsal gnyis su med pa'i lta sgom gyi lhums su chud nas spang klog zung 'brel gyis don gnyis lhun gyis grub pa ni kun gyi mthun snang du grub pa lags/__dmigs bsal nyams bzhes gnang tshul sa bon tsam smos na/__thog mar rdzogs pa chen po klong chen snying thig gi sgo nas sngon 'gro thun mong dang /____thun min 'bum lnga rje bla ma sku gong ma'i phyag bzhes ltar bsags sbyong gnad smin du gnang ba'i tshul mdzad pa dang /____dus skabs snga phyi ci rigs su gtso bor rje mkhyen brtse'i zab gter rnams kyis mtshon sngon 'gro'i dmigs khrid dmigs bsal du yod pa rnams la dang po sngon 'gro'i dmigs rim bsags sbyong dang bcas pa rgyas bsdus ci rigs mthar/__rim pa dang po'i rnal 'byor dang 'brel bar gsar rnying lhag pa'i lha rab 'byams la dus grangs mtshan ma'i bsnyen pa dpag tu med pa zhig gnang ba rags rim tsam bkod pa/__ngor pa'i phyag bzhes kye rdor gzhi bsnyen sngon dngos rjes tshang zhib rgyas/__'khon lugs phur pa'i gzhi bsnyen shin tu zab rgyas/__gsang 'dus 'jam rdor/__tshar lugs 'jigs byed/__nA ro mkha' spyod kyi ljags bsnyen/__mgon po gur gyi srung ba brag rdzong ma thengs gsum/__mgon po'i nang gsang sogs dang 'brel ba'i yi ge bdun pa 'bum brgyad cu lhag_/mgon po zhal bzhi pa'i gsang sgrub/__de'i tshe sgrub gur bdun ma dang /____dkar po tshe 'phel sogs/__ras chung snyan brgyud kyi bde mchog lhan skyes yab bka' yum bka' gnyis/__shangs chos rgyud sde lha lnga mdor bsdus dang lha bzhi dril sgrub/__phyag drug mthing ga'i bla rnam sogs/__sgrub btus khongs nas bya rgyud rigs gsum spyi dkyil gyi bsnyen pa rgyas pa/__mi tra'i tshe dkar/__ba ri lugs sgrol dkar 'od zer drug sbrags/__sa man+ta shrI'i dbyangs can ma dkar mo ste dkar po lha gsum dang /____grub rgyal tshe dpag med/__ba ri'i rnam rgyal dkar mo/__sgra mi snyan gyi tshe sgrub/__tshe lha rnam gsum la bsten pa'i bla ma'i rnal 'byor/__'jam dpal bstod sgrub/__ma ti'i 'jam dkar/__dam pa'i lugs kyi smra seng /____dbyangs can dkar mo phur bu'i lugs/__dbyangs can dmar mo bi k+Sha pA ri'i lugs/__kang+ka dat+ta'i lugs kyi phag dkar/__mi g.yo ba dkar po dA na shI la'i lugs/__jo lugs sgrol dkar/__nyi sbas lugs kyi rtsa ba'i sgrol ljang /____gser chos 'jam nag dang khyung khra/__rigs byed ma bcas/__phyag rdor 'byung 'dul dang /____u tsar+ya/__mdo lugs gos sngon can bcas/__skyer sgang rta mgrin/__rnam 'joms ba ri lugs/__sme brtsegs jo bo lugs/__grwa mngon dzaM dmar/__shangs pa'i gser chos phyag drug dkar po bcas/__gdugs dkar mchog grub ma khri tshar skor zhal 'don gnang ba sogs gsar phyogs gtso che ba dang /____rigs thams cad kyi khyab byed bka' gter zung 'brel smin lugs rdor sems thugs kyi sgrub pa/__yang gter rtsa gsum dril sgrub/__chos dbang bla ma gsang 'dus bsnyen chen/__rata gling tshe sgrub gsang 'dus/__mkha' 'gro yang tig gi byin rlabs bla sgrub/__'phreng gter grol tig gi bla sgrub gdung ba zhi byed/__'ja' tshon dkon mchog spyi 'dus/__lnga pa'i rgya can chos sde tshe sgrub dwangs ma bcud 'dren/__klong snying bla ma rig 'dzin 'dus pa/__rje mkhyen brtse dang mchog gling zung gi gter chos phyi sgrub bar chad kun sel/__de'i sgos sgrub nas rig 'dzin rgyal ba'i gdung 'dzin/__nang sgrub bsam pa lhun grub bcas/__'jam mgon rin po che dang mkhyen brtse zung gi chos bka' gsang thig bla sgrub/__klong snying yang gsang bla sgrub thig rgya/__grub thob thugs tig gi bla sgrub/__rgya can gro lod dang /____karma gu ru/__smin gter drag dmar/__gnam chos gur drag phur sham can/__klong gsal gtum drag dmar nag_/klong snying bla ma drag po dpal chen 'dus pa dang /____drag po rta khyung bcas/__thugs sgrub gro lod/__'jam mgon gro lod gsar sgrub bcas/__nyang gter bka' brgyad bder 'dus bsnyen chen/__yang gter bka' 'dus chos kyi rgya mtsho'i bsnyen sgrub gzab spros sgrub chen sman sgrub dang 'brel ba/__grub thob thugs thig bka' brgyad khrag 'thung 'dus pa/__thugs sgrub bla ma smra seng /____rgyud lugs 'jam dpal zhi ba'i bsnyen chen/__byang lugs zhang khrom gshin rje tshe bdag gzhi bsnyen/__snyan brgyud gshin rje thengs gnyis/__'od gsal snying thig gi 'jam dpal 'chi bdag zil gnon/__thugs sgrub pha rol rgol 'joms lan gnyis/__grol tig yang bzlog_/rin chen gling pa'i nA ga rak+Sha bcas/__byang gter tshe sgrub lcags sdong ma/__thugs sgrub tshe dmar/__thugs chen yang snying 'dus pa/__'khor ba dong sprugs/__yang gter rta mgrin dregs sgrol/__gnam lcags me 'khor/__gnyen po lha lnga/__rgya can rta mgrin khams gsum zil gnon/__snyan brgyud rta mchog rol pa bcas/__snyan brgyud yang dag zab tig_/yang phur sbrags ma/__yang gter phyag rdor rdo rje me 'bar/__klong gsal phyag rdor/__thugs sgrub phyag rdor rdo rje be con/__g.yu thog snying thig bla sgrub/__sman bla longs sku zur mkhar lugs/__bla sgrub byin rlabs snying po bcas/__chos dbang phur pa yang gsang spu gri/__rata gling phur pa'i gsang sgrub/__bdud 'dul phur pa'i gsang sgrub/__klong snying phur pa bdud dpung zil gnon/__snyan brgyud phur pa/__'od gsal snying thig gi phur pa 'dus pa'i dril sgrub/__mchog gter zab bdun phur pa dang /____de'i rno so khro rgyal stobs 'dus/__gsang thig phur pa thengs gnyis bcas/__nyang gter khros nag_/chos dbang sgrol dkar/__rgya can sgrol dkar yid bzhin nor mchog_/klong snying yum bka' bde chen rgyal mo/__yang gter mkha' 'gro gsang 'dus dkyil 'khor yongs rdzogs la brten pa'i bsnyen sgrub sbrags ma dang /____rgyun khyer la brten pa'i bsnyen rkyang /____de'i zhi rgyas dbang gsum gyi phag mo/__zhig gling sgrol dkar/__rgya can gsang sgrub seng gdong ma/__jo lugs sgrol dkar brgyud pa gsum ldan 'jigs gling la bka' babs pa/__thugs sgrub sgrol ljang /____mchog gter bi ma la'i seng gdong /____yang gter zhi byed gdugs dkar/__rma bya chen mo/__klong gsal dzaM ser/__dag snang tshe yum tsaN+Da lI thengs gsum/__dgongs gter phag dkar shes rab gsal byed/__yang gter rong zom pad+ma mkha' 'gro/__byang lugs king dmar/__dam grib nyes sel/__thugs sgrub sme brtsegs/__dag snang mi tra'i tshe dpag med dkar dmar gnyis/__yang gter drang srong dri med zhi ba'i tshe sgrub/__dgongs gter 'phags ma'i snying thig lan gsum/__gling gter tshe yum tsaN+Da lI/__rgya can dmag zor zhi ba'i tshe sgrub/__nyang gter phyag bzhi pa dkar po tshe 'phel bcas la dus grangs mtshan ma ci rigs pa'i ljags bsnyen gnang ba 'di dag dgung grangs nga drug bzhes pa yan gtso bor rnam thar zhal gsungs las 'byung ba dang /____de rjes ljags bsnyen gnang ba sogs phyag thor ma 'khod pa'i rigs dmigs bsal rje bla ma dngos kyi zhal dang /____nges pa can gzhan dag las thos pa rnams go rim cung zad bsdebs te dkyus gcig tu bkod pa'o/____/gzhan yang rig 'dzin gong ma rnams kyi phyag bzhes ltar mchog gi las sbyor bdud rtsi sman sgrub dang sgrub mchod rigs grangs mang /____tshes bcu gnyis sogs dus dang nar mar tshogs dang mchod pa rgyas bsdus skabs bstun bsags sbyong spel ba'i rim pa rgya cher gnang /____mtshan bcas gtso bor gyur pa'i rdzogs rim/__gsung ngag rin po che lam 'bras bu dang bcas pa/__rnal 'byor ma'i rdzogs rim/__ni gu chos drug_/snying thig gi dbang gnyis pa dang gsum pa'i lam rnams la nyams bzhes gnang snyam pa gsung 'phros kyi shugs las gsal zhing /____skyes thob kyi nus pas mtshan bcas rtsa rlung thig le'i rnal 'byor dang /____'od gsal gyi snang ba sku dang thig le' \u0f72'char sgo 'bad rtsol chung ngus 'byung ba gor ma chags shing /____bye brag mtshan med kyi rnal 'byor phyag rdzogs kyi khrid srol rnams dang /____khyad par snying thig gsar rnying rnams la gtso bor nyams bzhes gnang bar nges te/__'on kyang gsar rnying gdams pa rgya mtsho lta bu'i gnas la thos bsam sgom gsum gyis rang byan tshud pa'i stobs kyis zab khrid sogs gnang ba'i tshe gcig dpe kun 'gebs kyi stong lta had po'i 'ur sgra ma yin par gdul bya'i blo rim dang mthun par gang 'chad bya'i chos skad dang sgo bstun pa'i lam gyi rnam bzhag nyams myong dang 'dres pa can kho na mdzad/__rnam kun shin tu thugs sgam zhing gsang ba srung ba la gtso bor mdzad pas/__skabs su gcom bskyungs pa'i gsung gis nged ni zhus zhus thob thob mang ba las 'di dag la nyams len byas pa ni med ces gsungs kyang /____smin khrid gnang ba'i gsung bshad la skabs su gang babs kyi chos de'i dgongs pa gting phyin pa dang sbyangs pa mthar son pa'i nyams myong gi dmar khrid sems rgyud la shin tu smin nges gsungs bzhin nyams len gnad du brdeg pas rgyud thog tu 'byor ba dang /____khyad par phur tshugs nyams len brtson pa'i rigs la sbam yor tsam du ma song bar so sor myong ba skyes rim gyi ngo sprod gegs sel bogs 'don sogs gang la gang 'os zhib tu gnang ba dang /____lhag par sku tshe'i smad nas chig brgyud smin khrid gnang ba gtso bor mdzad/__des na sgrub brgyud shing rta chen po brgyad kyi chos tshul ma lus pa sku'i skye ba'i phreng ba dpag tu med par thugs kyi bum bzang du bskyil bas gsang ba rgya mtsho'i bdag por grags pa don la gnas pa'i phyir/__sgrub brgyud shing rta che brgyad smin grol gyi/____/gdams zab gsang ba'i mdzod kyi glegs bam che/____/mkhyen dang brtse ba'i yon tan dpal mnga' ba/____/pad+ma ye shes rdo rjer gsol ba 'debs/____/zhes kho bos gsol ba btab pa'i ngor stsal ba'i zhal gsung gsol 'debs su zhal bzhes gnang ba nyid nges pa don gyi rnam thar du mngon pas/__lo zla'i grangs dang /____ri mtshams sdug rgur gyi byas yus tsam la ma ltos par sgrub brgyud gong ma'i mdzad pa shugs 'byung gis bskyangs pas nang gi rdo rje'i lam gyi yon tan rdzogs pa'i drod rtags brnyes pa'i tshul yang /____skyes bu dam pa rnams kyi yon tan gyi rgya mtsho ni ji ltar rgya che bzhin snyems pa med pa'i brtul zhugs kyis sbas shing /____sku gsung thugs kyi gsang ba zab mo 'phags pa'i blo gros kyis kyang sgra ji bzhin du dpag par mi nus pas phyogs tsam brjod pa'ang ches dka' ba'i gnas su gyur cing /____khab mig gcig gi bu ga nas nam mkha' mthong bas nam mkha'i mtshan nyid shes pa ltar dam pa'i yon tan rin po che rin thang dang bral ba'i rdul gyi phye ma lta bu'i cha shas tsam mthong thos dran pas yid la mngon mtho nges legs kyi dpal sbyin cing /____bsam gyis mi khyab pa'i gsang ba mnga' ba shugs 'byung du rtogs pas na/__gdul bya dad dang mos pa'i rjes 'brang rnams la yid ches kyi dang ba 'dren pa'i gsos su shes pas rang gis mthong thos dang yid kyis rjes su dpag pa sgro skur dang bral bar brjod na/__de'ang rje 'di nyid thugs rje yas sprul du shar bas mdzad spyod rnams kyang gang zag tha mal pa'i blo yul las 'das shing /____sku na shin tu phra ba'i dus nas gzhung lugs rnams 'chad pa dang /____rdo rje slob dpon gyi las su bya ba rnams thogs med du gnang /____khyad par du rje gong ma'i rnam thar bzhin du bstan 'gro'i don 'ba' zhig thugs la brnags pas spang dang klog pa'i 'khor los lung rtogs chos mdzod bsags pa la chog shes skyo sun dang bral zhing /____zhar byung bya ba las kyi 'khor los phyogs dang ris su ma chad pa'i mchog phal rnams la chos kyi bgo skal rgyun chad med par stsal bas bstan pa'i srog rtsa mtha' dag sbom por mdzad/__bstan rgyun dang bsod nams kyi zhing du rten gsum bgrang las 'das pa gsar bzhengs dang /____bshad sgrub kyi sde khyad par can mang du btsugs te/__gzhan bskul sogs kyis bstan pa rnal ma dar rgyas kyi srol btod/__thams cad sgyu mar gzigs pas bstan don mdzad dka' ba ci 'dra zhig byung na'ang thugs sun pa'i rnam pa dang 'ol che phra mo tsam mi mnga' zhing rnam kun khu sim mer bzhugs/__rtag tu sbas tshul gyi rnam thar lhur bzhes kyang nang gi ye shes stobs su gyur pas dam pa'i yon tan gyi snyan grags phyogs kyi tha gru kun tu khyab nas ris med pa'i skyes chen dam pa kun gyis bsngags shing dngos brgyud nas zhabs pad la bsnyen/__ye shes brnyes pa'i gzigs snang la khyab brdal du spyod pa'ang gsang ba srung ba la thugs shin tu sgam pas kun dang thun mong lta bur bzhugs/__sa gzhi skyong ba che phra mtha' dag gis zhabs nas btegs kyang chos brgyad kyi 'du 'god phra mo tsam yang mi gnang zhing kun spong gi rnam thar gtso bor mdzad /____chos nyid kyi dgongs pa klong du gyur pas mdzad sgo che phra mtha' dag 'phral 'phral thad kar gnang ba'ang phal pa'i blor chud dka' ba'i ngo mtshar can rnams rnam kun thogs med du 'grub pa'i phrin las la mnga' brnyes/__thugs rje chen po dus las yol ba mi mnga' bas bod chen ljongs nas 'phags bal bar gyis gdul bya bsam gyis mi khyab pa'i rgyud la thar pa'i sa bon 'jog par dngos kyi zhabs bskyod nas tshogs zung 'bum gyis bskrun pa'i sku'i dkyil 'khor bstan cing /____gang 'dul gyi gsung gi bdud rtsi dang dmigs pa med pa'i thugs kyis kun la khyab par gnang nas phrin las mthar phyin pa'i mdzad pa mdor na sku gsung thugs kyi gsang ba mtha' dag chos dang zhu dag 'pher ba'i rnam thar gtsang ma 'di lta bu ni lha dang bcas pa'i 'jig rten kun gyis phyag bya ba'i 'os su gyur cing /____sangs rgyas sras dang bcas pas bsngags par mdzad pa'ang /____sdud pa las/__dper na sangs rgyas sprul pa sangs rgyas mdzad pa byed/____/byed pa de la dregs pa cung zad skye mi 'gyur/____/de bzhin shes rab spyod mkhas byang chub sems dpa' yang /______/sprul pa sgyu ma bzhin du bya ba thams cad ston/____/shing mkhan bzo bo mkhas pas skyes pa bud med dang /______/'dra ba'i bzo byas de yang bya ba thams cad byed/____/de bzhin shes rab spyod mkhas byang chub sems dpa' yang /______/rnam par mi rtog ye shes bya ba thams cad byed/____/de ltar spyod mkhas rnams la lha tshogs mang po dag_/thal mo sbyar ba btud nas phyag kyang 'tshal bar byed/____/phyogs bcu'i 'jig rten khams kyi sangs rgyas ji snyed pa'ang /______/yon tan bsngags pa'i phreng ba yongs su brjod pa mdzad/____/ces gsungs pa nyid do/____/khyad par du rgyun gyi zhal 'phros su phran srog rlung pa'i khog par gdon zhugs pas mi mthong ba dang mi byed pa med ces gsungs pa yang don du nang gi rnal 'byor gyi byed pas rtsa thig rlung gsum la rang dbang 'byor zhing srog rtsol dbu mar dag pa'i bden don mngon du gyur pa ste/__bsdus rgyud las/__srog gi rtsol bas dag pa ri bong can dang nyi ma dang bral byang chub sems dpa' rnams kyis mchod/____/ces pa dri med 'od du/__srog gi rtsol ba dag pa zhes pa ni/__'dir gang gi tshe rnal 'byor pa nyi ma ri bong can gyi lam dang bral te rtag tu dbu mar 'bab par gyur pa de'i tshe srog gi stsol bas dag par gyur pas na/__byang chub sems dpa' rnams kyis mchod de bsngags par byed do zhes pa'i don to/____/zhes rnal 'byor par g.yas g.yon nas rgyu ba'i ro rkyang gi rlung dbu mar tshud pa na/__gzung 'dzin gyi 'ching ba grol te rdo rje nang gi sa bcu'i spangs rtogs yongs su rdzogs te so so yang dag pa'i rig pa bzhi la dbang 'byor/__gzungs dang spobs pa dang mngon shes tshad med pa'i gter rdol/__ye shes kyi spyod yul yongs su dag pas bya rtsol dang bral ba'i phrin las kyis 'gro ba'i don gyi mdzad pa lhun gyis grub pa'i rten 'brel gyis byang chub sems dpa' rnams kyis mchod cing /____sangs rgyas rnams kyi lung bstan thob/__snyan pa'i grags pa chen po 'byung zhing /____rlung dbang du 'dus pa'i rten 'brel gyis byang chub sems dpa' la sogs dbang du 'du bar gsungs pa nyid ji bzhin mngon du gyur par nges pas na grub pa'i rtags mtshan kun gyi mchog tu grub pa'o/____/dgung grangs re bzhir phebs pa me sprel sa ga zla ba'i yar tshes skor yar lung sne gdong ban gtsang du yang gter bka' 'dus sgo nas spros bcas sgrub chen rgyas par gnang /____zla ba de'i dmar phyogs kyi tshes bcur khra 'brug gi gtsug lag khang du tshogs dang mchod pa gzab rgyas kyis khyams stod stegs bur ras bris la brten pa'i yang gter bka' 'dus chos kyi rgya mtsho'i dkyil 'khor sgrub mchod dang 'brel rab tu gnas pa'i tshogs nang gi lha khang che phra tshang ma dang /____phyi rol gling skor gyi mchod rten khag bcas la khrus gsol dang rab gnas me tog 'thor ba/__mchog gi las sbyor bdud rtsi sman sgrub/__thun mong du tshe'i sgrub pa/__drag po'i las sbyor gtor bzlog_/skong bshags dang tshogs kyi mchod pa brgya phrag lhag grangs gsog bcas so sor gzab rgyas nyin gcig gi khongs su grub par mdzad/__de'i nyin thugs snang shin tu spro ba'i tshul gyis sngar ban gtsang du sgrub chen las da res dgos pa che song zhes gsung 'phros kyang phebs/__de'ang gsung chog dbu nyi dros tsam du tshugs shing /____bar mtshams gung gseng sogs yun ring tsam gnang mod/__dgong ka snga char nas grub cing nam mkhar sprin 'ja' shar ba sogs der yod rnams ngo mtshar gyi gnas la bkod par mdzad/__rdzong sar gtsug lag khang du sgrub thabs kun btus kyi dbang lung gsung skabs rnam sras ser chen gyi rjes gnang skabs tshogs gral gyi bar du gser 'thor ba slob ma kha shas nas rnyed pa/__rim gyis thams cad nas zhib tu btsal tshe lha khang de'i bla bre'i steng tshun mang po babs pa dang /____mdor na rin chen dang po sil mar brdal bas lha khang gi phyi nang thams cad khyab pa dngos su gser dad rten du khyer rgyu yod pa byung /____dgung grangs re gnyis pa rta lor gzim chung dbang khang du sgrub btus gsungs skabs dbang rgyas lha rnams kyi rjes gnang skor la chab mdo yab tshang nas bka' 'gyur spar gsar bzhengs kyi spar phud 'bul du byung bar bka' chos 'di sngar 'don skabs gser gyi char babs pa red ces sgro btags byas pa don la gnas srid na'ang thun mong tsam red/__da res thun min rgyal bka' rin po che'i chos kyi mdzod chen po dngos su thob pa red ces zhal rtsed bcas de 'phral nas 'dus pa rnams la bsnyen bkur gyis dag 'don gnang bar mdzad pa'ang thun min chos kyi mdzod la dbang 'byor ba'i rtags su nges/__sngar kaHthog tu bzhugs skabs dngul chu kar yol phyed tsam bzhes mdzad pa sku lus la ci'ang ma gnod par thams cad bzhugs gdan steng du thon par mdzad pas/__'ga' zhig gis lo nyung bsam med kyi bya spyod du brtsis nas ma shi ba de tsam lam 'gro byung ba red ces lab skad kyang don la grub rtags yin par nges/__gdan sar phebs nas yun ring ma lon pa'i skabs shig rin chen sna tshogs 'dres pa'i phye ma zhig gzigs pa sku tshab kyi phabs gta' yin rgyu gnang nas sku kha shas btab pa sgrom du bcug ste zhag kha yar sgrub pa mdzad cing zhal phye ba na phyag gis reg dka' ba tsam gyi drod dang gzi brjid can du gyur 'dug pa sku tshab kyi rgyu sogs gtan nas red mi 'dug kyang yid gnyis med pa'i dad mos kyis 'grub par gsungs pa don la gnas 'dug ces phebs/__shing lug sa zla'i dmar phyogs grub thob thugs thig gi bka' brgyad khrag 'thung 'dus pa'i sgo nas sman sgrub gnang skabs phye mar sgrub pa tshugs nas sgrub khang la 'ja' 'od yang yang zug pa kun gyis mthong ba dang /____'dis mtshon te dbang dang sgrub chen sogs gnang skabs char dkon pa na char rgyun cher 'bab 'ja' shar ba sogs shin tu mang zhing /____gzhan yang tshe chang zho ltar du chags pa/__bum chu bdud rtsi/__tshe ril sogs nyung ngu res slob ma brgya phrag kha yar la rgyas par khyab pa sogs rnam kun shin tu mang bas kun la thun mong yongs su grags pa'o/____/'dzing rnam rgyal mgon po zhes pa sngar chos rje khu dbon rgya nag tu phebs skabs bzhengs shing nang rten du ston mchog thub dbang gi 'khar gsil sogs bzhugs pa'i lo rgyus ngo mtshar can de nyid phyis su cha phreng ba'i grwa dmag gis nyams chag btang ba/__rje 'dis nyams gsos kyis rab gnas gnang ba'i bgegs bskrad skabs dgongs gtad kyis drag tu gzir bas dngos su sku rten g.yo 'gul cher byung ba'i mdun der las rdor nas gu gul bdug cing yod pa bred bsngangs kyis bros dgos byung ba yongs grags dang /____bstan 'gro'i dus rim du thugs sgrub bsam lhun gyi bka' srung rnam sras drag po rta sngon can gyi dmag bzlog ched du gnang ba'i nyin der shar lho'i phyogs nas nag phyogs kyi dmag gtos che ba zhig lam du zhugs te 'ong skabs thams cad chur byings nas rming med du gyur pa'i rtags mtshan mngon du gyur/__'di lta bu'i mngon spyod nus mthu'i gding tshad la mnga' brnyes kyang shugs 'byung lung bstan thog babs lta bu'i bstan rim gnad du 'gro ba re re tsam las rnam kun drag po'i las sbyor la gtan nas thugs mi dgyes shing dngos brgyud nas gnang bar mi mdzad/__spyi sger zhabs brtan rigs la'ang bka' las/__bstan 'gro spyi'i zhabs brtan shin tu gal che yang deng sang dus dbang gis bla ma rnams dkor la rngams shing lta dgongs kyi gding thob pa dka'/__sbyin bdag dam tshig dang ldan pa dkon/__sems can bsod nams dman pas mngon spyod kyi las sbyor srung zlog bsad mnan 'di khe nyen che bas gtso bor las 'jam po gsum kho na bsngags shing 'doms par mdzad/__gus la rnam sras 'di'i srog dbang stsal skabs thun mong dngos grub kyi dbang du byas na mgon po gur la brten na nor gyi dngos grub dang /____rnam thos sras la brten nas drag po mthu yi dngos grub yod kyang shes mkhan mi 'dug ces zhal rtsed kyi tshul du gsungs pa don du smos ma thag pa la dgongs snyam/__thugs dam phyag dpe'i khrod nas mgon po zhal pod kyi gdong dar byi bas khyer ba chos skyong la phrin bcol gnang bas phyir nangs glegs bam gyi 'khris der tshur bzhag pa dang /____rje gong ma'i sku nye gdong thog khyim du mkhyen brtse rin po ches snying thig yum bka' dang tshe ring ma'i g.yang sgrub kyi rten du bzhag pa'i bla rdo ngo mtshar can zhig yod pa phyis dus 'gyur gyi tshe bor brlag song ba/__rje nyid kaHthog nas yar yong skabs thang zhig nas rnyed pa slar rang gnas bzhag yod gsungs pa sogs dam can dregs pas bka' bzhin sgrub pa'i mngon rtags su nges so/____/sog tsan+dan dgon gyi char nyi grags a tsa rtogs ldan gyi sku skye kun bzang rnam grol nas sangs gling gter ma yin skad rol mo sogs phul bar/__kho la gri btsan 'khor ches pa yin nam de'i nub gri btsan dngos su byung snyam byed par bka' bsgo dam bsgrags byas khul zhes gsungs/__drwa sgang sgrub grwa gsar 'dzug skabs 'khris der sngar nas yod pa'i shugs ldan sku gsob gnyan par brtsi ba zhig yod pa dgon chen rgyal khang du spo 'jog gnang skabs gnas de nas mi mthong ba'i sar slebs pa na shin tu lci zhing theg dkar gyur pa/__sngar shul du ting phor ya dang snyan shal tshal pa phran tsheg lhag 'dug pa rnams la rje nyid kyi ljags sngags bcas phyag 'bru gnang nas 'dis brob la khyer cig ces thugs khros pa'i tshul gyis bka' phebs pa ltar bgyis pas rim gyis yang du song nas mthar ci bder khyer chog pa byung ba dang /____de'i nub mo dgon chen rgyal khang du sil chol gyi sgra dang khyi 'ur ba sogs 'tshubs lhongs che bar byung ba kun gyi mthong thos su gyur cing /____las byed su la'ang gnod 'tshe'i rnam pa cung zad ma byung bas ngo mtshar yid ches kyi gnas su gyur/__lar rgyal po 'di mkhyen brtse gong mas lhun grub steng du snga 'gyur bka' ma tshogs chen 'dus pa'i sgrub dbang chen mo gnang skabs dngos su dbang gral du 'dus nas mdo tshig nod pa'i gzigs snang dmigs bsal byung ba'i gsungs 'phros ngag rgyun khungs dag las 'byung ba ltar/__rdzong sar dgon gzhung du'ang sngar nas rgyal po 'di'i rten dang gsol rgyun yod kyang /____bka' gter gyi smin grol rgya che rgyun du gsungs bzhin pa dang /____sgrub chen lan mang 'dzugs pa dang rgyal mdos sogs skabs gang la'ang 'jam mgon bla ma sku gong 'og gnyis kas ched du snyan dar dang phrin bcol tsam yang mi gnang mod/__bar chad kyi rnam pa cung zad kyang med pa sogs rje mkhyen brtse'i dbang po sku gong 'og gi dam 'og tu chud pa zhig nges par yin 'dra/__dgung grangs lnga bcur phebs pa chu rta lor khams kyi phyogs su phyugs nad kyi rgyun chen po mched pa'i tshe/__'od dpag byang chog mdzad par phyugs kyi nad bdag gzugs dngos su bstan nas srog snying phul ba'i gzigs snang byung ba de nyid la gsur bsngo bsdus pa gsar rtsom gnang nas phyogs kun bkrams pas khyab tshad kyi phyugs nad rgyun chad pa mngon sum yongs grags/__gter lhung phyogs rims nad kyis mi mang po shi nas ro gdon can zhig la bla ser mang pos gsung chog gnang yang drung du 'gro dka' ba'i lang du nye ba na/__rgyang ring nas phebs zhor khel bar skyabs 'jug zhus pas de 'phral ro'i kha sna nas khrag rgyun thon te gdon rang zhir song /____der yod 'ga' zhig gis mkhyen brtse sprul sku'i thugs rje ni rgya mda' 'dra 'dug ces kha mtshar lab skad/__brag yab 'dre ngan gyi blon po sngags pa zhwa nag phod kha gyon pa zhig gis mdo smad kyi che rgu mang po'i srog dbugs sdud tshul kun gyis zer ba g.yon ru bla ma la nyang gi rta nag gi dbang mdzad skabs sgrol dbang dus sngags pa de bsgral ba'i gzigs snang byung bas mtshon gshin po za 'dre stobs can gyis bzung ba dang /____nad pa gdon drag pos brlams pa sogs thugs rjes bskyabs pa'i tshul mang zhing /____dngos su mi ma yin gyis khrid nas zhag kha yar song ba 'ga' la skyabs 'jug gnang bas slar 'khor nas de'i skor lo rgyus yid ches skye ba mang po bshad du yod pa dang /____rtag par lo tog la srog chags dang ser ba sogs kyis 'tshe bar skyabs 'jug gnang bas rgyun chad pa shin tu mang yang yig tshogs la 'dzem nas ma spros so/____/sde dge'i sras mo g.yu sgron gyis nang chen rgyal khab tu tshe lha rnam gsum gtsor byas sgrol ma nyer gcig gi lha khang gsar bzhengs la rten gyi nang gzhug rab gnas dgongs gtad sogs yang yang gsol ba btab pa bzhin zhal bzhes gnang bas sgrol ma nyer gcig nang nas sku gcig gi spyan gnyis ka rang byung gsal bar byon pa dang /____khams sde dge rmugs sangs sprul sku kun bzang bod du phebs te zla ba gsum pa'i tshes bcu'i nyin gangs ri thod dkar du bdud rtsi sman sgrub 'dzug par dgongs gtad zhus pa ltar thugs smon gnang chog pa'i phyag bris 'byor ba/__zla ba der sman sgrub 'dzugs rgyu ma byung yang tshes bcu'i nyin kun mkhyen gzim phug nas shug gseb bla brang bar sman dris khyab ste ngo mtshar gyi gnas la bkod pa dang /____dgung grangs re gsum shing lug lor dbus phebs skabs zla 7tshes 2nyin ri mda' stod du phebs pa na/__dung mdo dgon pa'i gtsug lag khang brten par bcas pa bzhengs grub pa la rab gnas zhus par zla ba de'i tshes bco lnga'i nyin rab gnas dgongs gtad mdzad rgyur zhal bzhes gnang ba bzhin gong tshes nyin dge 'dun 'dus te bstan pa rgyas chog dang 'brel mchod pa rgyas spros bcas nyi dros la lha khang gi steng nas yo byad dang rol mo sogs kyi mchod sprin 'bul skabs steng gi nam mkha' 'ja' 'od shar ba bcas dngos su rab gnas kyi me tog sngon po shas che ba'i 'bras kha dog sna tshogs pa char bzhin du babs pas gtsug lag khang gi phyi nang kun tu khyab pa'i ngo mtshar byung ba der yod kun gyis mngon sum du mthong zhing rab gnas me tog dad rten du'ang mang du thob tshul go thos byung ba 'di'i phyogs nas yong ba'i rigs la dngos brgyud rtsad gcod yang yang byas pas thams cad ngag mthun par 'dug pas ngo mtshar shin tu che bar som nyi dang bral bas bkod pa dang /____sngon chad gdan sar bzhugs bzhin nyin lam mang pos chod par rab gnas me tog zangs thal du gnang ba'i lo rgyus kyang mang du mnga' ba'o/____/sngar gus nas rje nyid kyi rnam thar zhig mdzad thub gsol ba yang yang btab pas/__ngos la rnam thar zhes don lo bri rgyu mi 'dug kyang khyod nas nan tan chen pos brjod pa la da lta bsdus tsam zhig rang nas bri chog_/lar nges tig can zer ci shes ma gtogs lo che chung la dpag na phran gnyis khyod rjes ma 'byung tshod red pas nga shi rjes rgyas par khyod kyis bris zhes phebs/__phyis dbus phebs kyi lo der gzims chung sbug mar rje bla ma nyid kyi dgongs gter skor gyi dbang zhig gnang rjes phran nas mthong snang rab rib bris pa 'di red ces sku tshe'i smad kyi gzigs snang skor phyag bris shog dril mang tsam 'dug pa phyag tu bsnams te phran la gzigs byung ba dang sngar gyi gsung de yid la lhang gis dran nas lag tu zhu ma nus pas da lta shin tu nongs/__'on kyang gsang ba zab mo'i cha shas nges tig can sgro skur bral ba rnams phal cher khyad par gyi rnam thar skabs 'byung zhing /____'dir yang cung zad tsam smos na/__rdzong sar du phebs nas ring por ma lon pa'i skabs shig tu grub thob thugs thig la nyams bzhes gnang ba'i tshe/__rje gong ma'i gzim sbug tu grub thob chen po sku che chung khru gang gi tshad tsam dngos su bzhugs par gus 'dud mdzad pas mdun der shel rdo'i gong bu zhig bzhag nas/__gzung ba'i yul gyis ma gos shing /______/'dzin pa'i rtog pas ma bslad pa/____/rang sems rjen par bskyangs pa 'di/____/sangs rgyas kun gyi dgongs pa'o/____/zhes rje mkhyen brtser gu ru rin po ches ngo sprod gnang ba'i rdo rje'i tshig des ngo sprod gnang ba'i gsal snang gzim lam du byung bas thugs dam nyams bzhes la bogs 'don byung tshul gsungs pa dang mthun par sman sku zhig kyang bzhengs nas gzim sbug tu bzhugs su gsol ba dang /____rnam thar zhal gsungs las/__dran pas srid zhi'i gdung sel mgon/____/si tu thams cad mkhyen pa che/____/shing glang lo la sku gshegs pa'i/____/gtam ngan skal med rna bar son/____/dgongs rdzogs gsol 'debs mchod 'bul byas/____/rje de gshegs nas lo mang por/____/rmi lam gnas skabs phal cher mjal/____/mgon khyod dbyings su gshegs na yang /______/bdag nyid thugs brtses bzung nges snyam/____/dga' skyo 'dres mar rgyun du mchis/____/zhes gsungs pa ltar 'jam dbyangs mkhyen brtse'i dbang po dang si tu rin po che rnam pa gnyis dbyer med pa'i dgyes zhal rtag tu gzigs shing legs nyes thams cad lung ston pa zhig yod ces dang /____si tu rin po che'i mdzad spyod/__rje nyid la thugs brtses thun min du bskyangs tshul gsungs 'phros skabs dad gdung gis zhal ras gnas 'gyur ba ltar dus rtag par mdzad/__rje bla ma dbus nas gdan sar phebs 'phral skyabs rje rgyal tshab rin po cher mjal dar phul ba'i gsung lan du/__kaHthog si tu paN chen gshegs/____/rgan bu yang ni 'chi nyer gyur/____/rnying bstan snum zad mar me ltar/____/gyur pa 'di la khyod nyid kyis/____/blo stobs rgya cher bskyed byas te/____/bstan la bya ba byed par rigs/____/zhes zhal chems su stsal nas ring min dgongs pa nang dbyings su bsdus pa'i tshe ched phebs gnang bas dpa' 'og nas sku gdung rin po che'i mdun phebs kyi bar zhag gsum btud mar rje bla ma nyid gzims lam du gsal bar mjal nas bstan bcos chen po shes bya kun khyab 'chad spel dgos tshul gsung gleng mang po zhig gnang byung ba don du 'jam mgon rnam gnyis kyi bstan pa la bya ba byed dgos pa'i zhal chems stsal bar go zhes gsungs la/__phyis zhe chen du bshad grwa gsar tshugs skabs gzhung 'di'i bshad pa tshugs dgos zhes bla sprul rnams la ched du bka' gnang ba'i dgos pa 'di yin par 'dug_/shing bya lor rin gter dbang lung grub nas bla ma dgongs 'dus kyi pusti lung dbang gi dbang sgrub skabs 'jam mgon bla ma sku gong 'og bka' gter gyi gdams pa rgya mtsho'i mnga' bdag tu bzhugs pa thams cad kyi gtad rgya rdzogs pa'i dgongs gtad byin rlabs gsol ba btab pas dgyes tshul gyis mdangs rmi lam du dzaM nang pad+ma shel phug gi g.yas kyi ri gdong brag dkar dpal chen po'i sku'i dbyibs can der sprul sku rin po che rgyal tshab bzhugs nas gter mdzod kyi dbang lung yongs rdzogs mdzad song ba/__mkhyen brtse rin po che'i snyan brgyud yang phur sbrags ma'i dbang gis mtha'i chos mtshams bzhag pa zhig byung zhes gus rmongs la spro ba bskyed pa'i gsung du bka' stsal/__dgung grangs bco lnga'i steng rdzong sar bla brang du thog mar khyug tsam phebs nas slar kaHthog tu phyir phebs pa na/__mkhan bla ma kun dpal gyis mkhyen brtse rin po che'i gzims chung ga 'dra 'dug gsungs par/__mkhyen brtse sprul pa bsdus pa'i gzims mal du kun mkhyen klong chen pa'i sku zhig 'dug zhus pa de rjes de 'dra 'dir gtan nas mi 'dug pas kho bos brdzun zhus chen po zhig byas 'dug gsungs kyang de 'dra'i gzigs snang byung bar nges/__thog mar kaHthog tu phebs nas ring por ma lon par dpal ye shes kyi ma mo sngags srung mas yang yang bskyang ba'i gzims lam byung tshul si tu rin po cher zhus pas klong gsal sngags srung gsol kha zhal 'don dgos par bka' gnang zhing /____skabs shig gus la khyod kyi lag tu gter sgrom dang shog ser 'dra ci i byung /____da nangs tho rangs rdzong sar bkra shis 'chi med grub pa'i dga' tshal gyi dbang khang gi mkhyen brtse rdo rje 'chang gi 'dra sku gsung byon ma'i mdun der sngags srung ma yin snyam 'ja' sprin gyi gos gyon pa zhig gis gter sgrom 'dra zhig bzhag song ba'i mthong snang byung gsungs/__me byi lor khams su mtha' dmag gis nyen che'i skabs da nangs tho rangs sprin ltar shig shig g.yo ba'i sku can gyi tshe ring ma seng ge la zhon pa zhig mdun du byung bas de ring nyang gter bstan ma'i mdos btang ba yin zhes phebs/__dgyes rdor ljags bsnyen gnang skabs yin 'dra dpal kaHthog tu bzhugs skabs mnal lam gyi snang char lha mo re ma ti dang po bud med gzhon pa zhabs la lcags sgrog gsol bas phebs mi thub pa 'dra ba dang /____mthar rje'i zhal du mkha' gsang sbyor bas skyugs bro ba'i thugs snang byung ba dang mkha' las dri chu btang bas zhal nas brtsams sku'i gnas thams cad la khyab par bkram mthar nam mkha' la rdzu 'phrul gyis phebs pa'i mnal ltas zhag lnga bar btud mar byung tshul dang /____de skabs lha mo'i gsol ka zhig kyang mdzad/__dzaM nang pad+ma shel phug gi gnas 'dus lor gnas 'dab bai ro'i sgrub phug tu tshogs 'bum gsungs skabs 'phros zur phebs pa bzhin/__lha mo dud sol mas rtag par 'go zhing phrin las sgrub pa'i tshul du ma zhig kyang yod 'dug_/kaHthog si tu rin po che'i mchog sprul dang /____gus bcas la snga 'gyur bka' ma'i smin grol stsal skabs rgyud mgon legs ldan gyi dbang gi rjes gnang gtsang shod pa'i yig cha'i steng mdo mgon legs ldan ljang sngon drag po'i dbang rgyun yod tshul bka' gnang bar de nyid stsal thub par gsol ba btab pas rjes 'brel du gnang ba gtor ma'i bka' bsgo skabs dpal ye shes mgon po rgyud mgon legs ldan dang mthun pa/__mdun gyi go sar bzhugs pa'i gsal snang byung ba phyag thor stsal ba'ang gus nas mjal/__de'i nyin bka' las/__mkhyen brtse gong ma'i bkas bskul te dpal yul rgya sprul rin po ches dpal yul dgon du snga 'gyur bka' ma'i gzhung rnams kyi sgrub mchod gsar du btsugs shing dbang lung gi rgyun phyogs kun tu 'phel ba dang /____rim gyis bka' ma'i gzhung rnying skor bcas chos skor tshang ma spar du 'khod pa sogs bstan pa la bya ba cher mdzad pa'i rten 'brel yin ces bka' stsal pa dang /____shing sprel nag zla'i yar tshes la rdzong sar gtsug lag khang gi rtser thugs sgrub bar chad kun sel gyi sgo nas lha srin dam bsgrags gnang skabs thog mar rlung 'tshubs shin tu che bar byung zhing slar nam mkha' dwangs par gyur pa de'i tshe nag phyogs kyi 'byung po zhig dam la btags te srog snying 'bul du byung ba'i gzigs snang byung ba dang /____gzhan yang dgungs grangs zhe gnyis bzhes pa shing khyi lor gzims lam sogs kyi phyag tho 'ga' zhig rnyed pa/__gnas brtan dgon gyi nye skor sngar chos rgyal srong btsan dus kyi lha khang shul kha ba steng du dam bsgrags dang byin 'bebs skabs rtsa gsum rab 'byams dang yul lha gzhi bdag mang po yod pa'i nyams dang /____rta bro la sba dong du dmigs pa byas pas/__rgya 'dre gzugs shin tu che ba spyi'u tshugs byas nas dong nang du song ba'i nyams byung /____de'i phyir nangs lha khang sa 'dul skabs su dbyings mkhar rig 'dzin bla ma mang po dang /____gu ru rin po ches mkha' la gar mdzad pa na rang yang nyams 'bar nas gar byed dgos pa byung yang shes nyams ban bun la yid rton ci yod/__tshes 6la yi ger bris/__dgung grangs zhe gnyis bzhes pa shing khyi lor bro nad 'tshal ba cung dwangs pa'i tshes dgu'i tho rangs stod kyi char gsar phyogs nas bla med kyi yi dam 'brel gang che brtags dgos snyam pa'i mod la gnyid srab mos non pa'i gsal snang la/__gnyan lo tsA yin rgyu sku bong thung ba gzan ring can zhal ras cung smug pa dbu skra cung zad ring por yod pa pho khreb can bod chas ring 'gag mnab pa zhig gi mdun gsang ba 'dus pa 'jam pa'i rdo rje'i dkyil 'khor dang po rdul tshon yin pa 'dra ba skad cig gis gzhal yas khang dngos su gyur pa'i nang 'jam pa'i rdo rje gur gum gyi mdog can 'od 'bar ba mtho gang tsam pa bzhugs pa'i lho ngos der nged rang 'dug pa dbang zhu ba'i 'dun pa byas pas/__bla ma 'jam pa'i rdo rjes/__gzung 'dzin gnyis med rtog med pa/____/rdul bral shin tu 'dus ma byas/____/rang rig rnam dag rab dgyes che/____/sangs rgyas kun gyi bde chen nyid/____/gsungs pa'i mthar yum sngon mo zhig spros te rang lus dwangs pa'i rnam pa can la 'khyud pas lhan skyes ye shes kyi bde ba myong ba'i mthar/__'jam pa'i rdo rje'i thugs ka nas d+hIHyig kha dog sna tshogs pa can gyi mthar thig le'i rnam pa mang pos bskor ba rang la thim/__mthar 'jam pa'i rdo rje yang rang la thim pa'i ngang rtog bral nam mkha' ltar gnas pa'i ngang nas sad/__yang mnal ba na/__rje many+dzu g+ho Sha rab byung sngo sangs bzhengs stabs kyis byon nas phyag bdag gi spyi bor bzhag ste/__khyed kyi tshe rabs nas 'brel ba'i yi dam gsang 'dus 'jam pa'i rdo rje dang badz+ra b+hai ra wa gnyis yin pas de gnyis sgrub na phyag rgya chen po mchog gi dngos grub thob par 'gyur ro gsungs pa'i mthar sad par gyur to/____/khri smon gzims shag tu khyung sprul dang lhan du dkon spyi'i tshogs btang /____bka' mol zhib bca' byung /____chos gling gter phur lag tu son/__de dgong tho rangs la khyung sprul nas gling ge sar dus kyi dpa' thul pho rnams g.yas gral bod kyi gdung rigs las 'khrungs pa'i mi 'di yin ces de rnams dngos su yod par ngo sprad pa dang /____g.yon phyogs nas chos rgyal lha rigs kyi gdung las 'khrungs pa'i bud med rigs shin tu mtho ba ming 'di yin ces ngo sprad pa dang bud med 'ga' zhig gis phyag gsum re btsal ba sogs kyang rmis mthar/__bka' srung mthar thug rdo rje gur gyi mgon/____/ces dang /____spyan ras gzigs mi tra lugs 'gro don mkha' khyab ces zer ba dang gnyid sad nam langs so/____/bsam yas su thog mar phebs skabs 'ja' tshon shin tu bkrag mdangs can dbu rtse'i steng nas 'khor ba'i tshul lta bur shar zhing /____char zim bur 'bebs pa sogs byung /____bar khang du thugs sgrub bar chad kun sel gyi tshogs 'bum ther lhag dang mchod 'bul zhib rgyas/__gzhung gi bka' 'brel rab gnas sogs gnang skabs mchod rten zhig las mtshan mo chu tshod gcig gi yun tsam du me 'bar ba kun gyis mthong /____khyad par du zla 3tshes 15nyin has po rir lha bsang dang /____ri khrus/__rab gnas/__lha srin dam bsgrags skabs bskul dbu tshugs pa dang mos gus kyi rkyen las gu ru rin po che rdo rje gro lod sogs nam mkha' gang bas rdo rje'i gar bsgyur ba dang rang yang snang ba gtad med kyis 'chams stabs byas/__dam bsgrags dngos gzhi la lha srin sde brgyad klu dang gzhi bdag grangs med yod snyam gyis 'dud cing srog snying blangs te rang drag por gsal ba'i gdan dang thugs kar bstim nas srog dang dbyer med byas/__zor skabs kla klo dam sri'i grong khyer brlag pa'i gsal snang dang /____byin 'bebs sogs rgyas par byas/__mdor na 'di'i nyin khams dwangs/__'don spro/__rig ngar thon pa sogs cung zhig bstan 'gror phan snyam pa byung ngo /______/rgya gar lha babs gnas kyi 'dab nyer me sprel zla tshes la sdod nub rmi lam du/__rgas po ral pa se chob be ba zhig gis ras nag sgril khud du sbrul nag po che chung mang po dang /____lcang mo/__mtsho pad+ma'i gze ma 'dra ba'i sems can nag po/__sbrul kha dog sna lnga chun gcig khyer nas kha 'byed pa de rdzong sar gzims chung du yod snyam pa sbrul rnams ring thung sna tshogs su 'thor nas rgyug byung bar/__rnam rgyal drag mo la brten pa'i mnan pa dgos rgyur 'dug pa de stabs 'grigs min lta bu de rnams dmar gong phyogs kyi yin rgyu 'dug pa dang /____rnam rgyal drag mo mkhyen brtse'i 'bebs 'phro 'dug pa/__bka' gter na med snyam pa sogs/__de la mdos bzlog sogs yod pa can rmis/__tshes 6la rten 'brel rang 'grigs su 'khrul rmis dang mthun pa'i ling+ga brang chis skabs a tsa ra ral pa se chob be ba mdog nag po snod zhig gi rgyab la sems can 'dra min gyi ri mo bris pa thogs pa gzig gdan khyer ba zhig 'dzum pas skad kha shas zer ba ma go yang ltas legs/__lha bab tu phur pa'i mnan pa yang bstan 'gror bsam pa bzang pos byed khul bgyis skabs mnan pa byed ran khar 'brug sgra bsgrags/__char chen po babs/__de'i nub mo char rlung shin tu drag po byung ba 'tshub bstan pa red snyam la rdo rje gzhon nu'i nga rgyal shin tu brjid pa'i gtso 'khor bsgom pa'i gsal snang byung bas 'jam song gsungs/__sa khyi zla 7tshes 9la rdo rje gling du gzhung gi zhabs brtan gtsor gyur g.yag phyar sgrol mdos dpon g.yog bcu gsum skor dpe cha 'byor rim dang bstun bton pas/__tshes 9yas lam byang shar steng phyi dro'i chu tshod bzhi pa skor mdos btang ba na/__char zim bu babs/__yang cung dwangs pa'i nyi ma 'gro sa'i smug pa dkar po'i steng thad 'ja' 'od zlum po phyi nang can dang /____'ja' tshon gyi gong bu mang po thams cad nas mthong bas ngo mtshar byed/__gang ltar lam 'gro byung /____tshes 10snga char rig khams dwangs par/__shar glang chen 'gying 'dra'i gangs kyi rtser/____/rje dus gsum sangs rgyas bzhugs pa'i gnas/____/gtsug lag khang mi chung tsam bzhengs na/____/spyir sangs rgyas bstan la phan pa dang /______/sgos spur rgyal bod kyi rgyal khams bde/____/zhes pa'ang shar/__gzhan yang rnam kun lkog gyur rigs mi mkhyen pa'i tshul kho na gsungs mod/__bstan don do gal che dus nam rgyun gsung 'phros phebs khar shugs 'byung du thar thor re gsungs pa rnams thog tu khel ba dang /____lhag par sprul sku ngos 'dzin skabs sogs su 'khrungs yul thag ring thung /____pha ma'i ming bkra dang khyim phyug dbul/__yul gyi chags tshul/__khang pa'i nye skor sa rdo chu shing sogs mtshan ma gang yod mngon sum du gzigs te/__dper na skyabs rje rgyal tshab dam pa'i skye srid snga ma mdo waM co le'i mchod rten dkar chung nye skor du 'khrungs so zhes bka' stsal pa dang /____yang dus sbrul zla 11tshes 18nub mo de dang cha mtshungs mdo waM mchod rten dang karma dgon gnyis bar/__pha pad+ma'am rdo rje/__ma tshe dga' 'am lha mo'i ming /____bu rta lug gang rung thob pa/__dud pa dang rda yi mi thob/__sgo khyi dkar/__khang ltag dar cog_/chu nyin la yod pa/__'brog pa yin pa shas che zhes phebs par yang srid rtsad gcod skabs mdo waM mchod rten dkar chung gi nye phyogs/__ku rgyal btsan rgod chen po'i mdun/__bsam 'grub gling gi sa phyogs/__gling gdong chos lu dar 'phan gyi brgyud pa/__yab rdo rje rab brtan/__yum me tog lha mdzes kyi bur zla tshes la 'khrungs pa karma dgon du brgyad stong pa rdo la gsar brkos khri bkod dang /____'tshogs zangs gsar pa 'dzug pa'i gza' skar dus tshes shin tu bzang ba ma bsgrig lhun grub byung zhing gong du ji ltar phebs pa 'khrul bral nges rnyed byung ba dang /____rme shod hag mda' grong par gur mgon sku dngos gnam sa gang ba zhig bzhugs par rmis pas gle mda' sprul sku der 'khrungs pa'i rtags su nges zhes zhal las thos pa dang /____grub dbang rin po che shAkya shrI'i mchog sprul ngos 'dzin gnang ba'i phyag bris su yab yum sogs kyi mtshan gsal po dang /____khyim de'i mchod khang du sku gsung thugs rten zhal thang du yod ka ba cung zad 'khyogs pa'ang phyag bris su gsal ba sogs ngo mtshar ba du ma yod kyang ngos 'dzin gyi phyag bris rnams med pas zhib par 'god ma shes/__de 'dra'i rigs shin tu mang bas mkhas dang grub pa'i yon tan la mkhyen ldan gzur gnas kun gyis bsngags pa'i yul du gyur pa'i rnam par thar pa bsam gyis mi khyab pa'i bdag nyid can du bzhugs pas gnas tshul gyi yon tan ji bzhin pa lta ci/__phyogs tsam yang so so'i skye bo'i dpyod yul du ma gyur mod/__dad pa'i blos gang dpog tsam zhig bkod pa'ang chu thig gcig myong bas rgya mtsho chen po'i chu'i ro rtogs nus pa ltar 'gal ba med par sems so//____//__lnga pa bstan 'gro'i don du bzang po'i phrin las kyi phyag rjes ji ltar gnang ba'i tshul ni/__rgyal ba'i sras kyi spyod pa rgya mtshor dbang 'byor ba rnams ni sku gsung thugs kyi mdzad pa thams cad shugs 'byung gis gzhan phan mtha' yas pa chos nyid kyis 'byung bas phan bde 'dod dgu'i dpal lhun grub tu ster bar mdzad pa las/__dmigs bsal bstan 'dzin gyi skyes chen rnams kyi phyag bzhes su gnang ba'i gtso bo zab rgyas chos kyi 'khor los bstan 'gror phan bde spel ba'i tshul skabs su babs pa ste/__mdo las/__dge slong dag gang zag gnyis po 'dis bsod nams mang po bskyed de/__sdig pa'i rtsa ba 'byin cing bdud dang g.yul 'gyed par byed/__bdud kyi rgyal mtshan snyil bar byed/__chos kyi rgyal mtshan sgreng bar byed/__de bzhin gshegs pa'i chos kyi 'khor lo bskor bar byed do/____/gnyis gang zhe na/__gang gus par byas te chos 'chad pa dang /____gang 'di na gus par byas te chos nyan pa'o/____/de bas na khyod kyis gus pas chos bshad par bya zhing bla ma rnams la gus par byas te chos mnyan par bya'o/____/zhes gsungs pa ltar dang /____khyad par shin tu snyigs ma'i dus 'dir bstan pa yun du gnas pa dang gdul bya la phan pa'i lhag bsam zol med kyi chos 'chad pa ni bsod nams bsam gyis mi khyab pa'i tshul/__byams pas seng ge'i sgra bsgrags pa'i mdo las/__gang+gA'i bye snyed 'jig rten gser dag gis/____/bkang ste gang la sbyin pa byin pa bas/____/dus ngan tshe na tshigs bcad gcig 'chad pa/____/de yi bsod nams ci 'dra snga mar med/____/ces dang /____rje mkhyen brtse'i zab gter thugs chen sems nyid ngal bso'i lung byang las/__nam zhig sprul pa'i rgyal po yiHsku gsung thugs yon phrin las kyiHrnam par rol pa mtha' klas pasaHbod khams 'gro rnams skyobs pa dang \u0f7fbstan pa'i me ro yang yang gsoHzhes gsungs pa dang mthun par bstan 'gror ched du dgongs pas chos sbyin 'chad spel rgya che rgyun chags su gnang ba'i tshul yang /____rje bla ma nyid mkhyen gnyes ye shes kyi gsang mdzod la ye nas dbang bsgyur bas dgung grangs bcu skor phebs pa na thog mar sum rtags dang dag yig gsan sbyong gnang zhing gzhan la skyor te 'chad nus pa dang /____kaHthog pa'i dbyar gnas kyi tshogs gral du phebs te bshad bya'i yan lag tshogs bshad gnang ba dang /____khyad par tshogs khang chen por bde chen zhing sgrub kyi tshogs dbur phebs nas bde smon gyi ljags bshad rgyas par gnang bas mchog phal 'dus pa thams cad ya mtshan chen po'i gnas la bkod/__gdan sa ru bzhugs nas yun ring ma lon par mnga' ri sprul sku gtsos rdzong sar bla grwa nyi shu skor la spyod 'jug_/sdom gsum rnam nges/__sher phyin sdud pa/__rgyud bla ma/__bzang spyod sogs kyi bshad khrid gnang /____lA s+ye ri khrod du khyab bdag blo gter yab sras kyis rgyud sde'i dbang chen gnang skabs blo sbyong don bdun ma'i khrid dang /____rtsa rgyud brtag gnyis kyi rgyud bshad la mkhan chen gzhan dga' rin po ches skyor dpon mdzad pa'i skabs rgyud sde'i spyi rnam dang ljon shing phyed yan chad la yang skyor gnang /____snga rjes sum rtags/__dag yig_/snyan ngag sogs rig gnas skor rnams kyang bar mtshams ci rigs su gsungs par mdzad/__dgung grangs so gsum steng hor spyi g.yu thog mkhan chung dbang 'dus nor bus gdan drangs te snying thig ya bzhi dang klong chen snying thig gi dbang khrid dad 'dus shin tu mang po la gsungs pa dang /____khams bye'i bshad grwa brje bkrol re'i mtshams dbang chos rgya che re gsungs srol gyis mtshon dad ldan che phra su zhig gis gsol ba btab pa ltar chos 'khor rgya cher bskor zhing /____sku tshe'i smad dbus phyogs lha ldan/__rdor smin gnyis/__lho brag smra bo cog_/mkhar chu/__lha lung /____yar 'brog stag lung /____gtsang gling bu dgon/__sa skya gong /____'bras ljongs rgyal sa/__pad+ma yang rtse/__rdo rje gling sogs su'ang bka' chos 'ga' zhig gsungs pa rnams las/__gtso bor gdan sa rang nas chos 'khor rgyun chad med pa bskor ba de'ang sbyin bdag sogs gzhan la bskul ba'am/__zhu ba pos chos gzhi 'ding dgos pa lta bu ma yin par rje mkhyen brtse gong ma'i phyag rgyun bzhin bstan 'dzin skyes chen dam pa rnams nas phal pa nyams chung gi rigs yan chad la mtho dman dang phyogs ris med par ji ltar gsol ba btab pa bzhin so so'i blo mos dang 'tshams pa'i zab rgyas chos kyi sbyin pa zad med du stsal bar mdzad pa las/__gtso che ba rag rim tsam smos na/__bstan pa'i gzhi rten so thar dge tshul slong gi sdom pa phyis sngags spyod mdzad kyi bar bgrang las 'das pa bsgrubs gnang mdzad/__byang chub sems sdom bka' srol gnyis gsar rnying yig cha sna tshogs steng nas snga phyir lan grangs ches shin tu mang ba/__rdo rje theg pa'i chos 'khor gtso bo mkhyen brtse'i dbang pos gangs ljongs sgrub brgyud shing rta chen po brgyad zhar byung khrid phran skor bcas ring brgyud rdzogs par gsan cing so sor nyams bzhes dang byin rlabs nye brgyud kyis khyad par du byas pa'i smin grol rgyab brten bcas bzhugs pa'i chos sde chen po gdams ngag rin po che'i mdzod pod chen bcu'i dbang khrid lung bcas shin tu zhib rgyas lan gnyis/__rje mkhyen brtse dbang pos bka' bsdu gnang ba'i sgrub thabs rin po che kun las btus pa pod bcu bzhi'i dbang lung lan bzhi/__rnal 'byor dbang phyug bi rU pa'i thugs bcud gsung ngag rin po che lam 'bras slob bshad zhib rgyas lan gsum/__tshogs bshad lan gnyis/__rtsa rgyud brtag pa gnyis pa'i rgyud bshad rje btsun gong ma brgyud 'dzin bcas pa'i yig cha rnams gung bsdebs pa'i shin tu zhib rgyas lan bzhi/__gur saM gyi bshad pa mkhyen brtse rin po che'i nye brgyud can lan gsum/__ngor lugs dkyil 'khor bdun gyi dbang chen yongs rdzogs lan bzhi/__gsang 'dus rigs gnyis dang /____bdag med ma'i dbang chen lan kha shas/__kun rig dang mi 'khrugs pa/__tshe dpag lha dgu/__dri med rnam gnyis sogs lan mang /____sbyong rgyud dkyil 'khor bcu gnyis kyi dbang chen tshar gsum/__mar lugs brtag gnyis rgyud bshad lan kha shas/__rgyud bla ma lan gnyis/__zab mo nang don dang gzhung chung gnyis bcas kyi bshad khrid lan mang /____chags med dang kong sprul gsung phyag chen khrid lan mang /____ras chung snyan brgyud kyi bde mchog lhan skyes yab bka' dang yum bka'i byin rlabs dang zab khrid mkhyen gsung yig cha rnams kyi lung bcas/__shangs chos kyi byin rlabs rnams dang khrid bcas lan kha shas/__rgyal thang gcod dbang khrid bcas lan mang /____kar gcod gtor dbang dang 'don cha'i lung bcas lan kha shas/__dpal dus kyi 'khor lo jo zhal shing rta gnyis kyi dbang chen lan brgyad dang mchog dbang dang sbyor drug khrid lan 'ga' zhig_/rje mkhyen kong gnyis brgyud par bzhugs pa'i 'jam mgon mi pham rin po che'i 'grel chen steng nas dus 'khor rgyud bshad lan gcig_/grub chen thang rgyal la gnas brtan yan lag 'byung gis stsal ba'i nye brgyud sher phyin brgyad stong pa'i ljags lung lan gsum/__thams cad mkhyen gzigs mkhyen brtse'i dbang pos slob dpon 'jam dpal bshes gnyen las gsan pa'i sher phyin sdud pa dang /____spyod 'jug sogs kyi bshad khrid lan mang /____bka' gdams glegs bam rin po che dang mar pa'i rnam mgur gyi lung /____dwags po'i thar rgyan dang lam mchog rin chen phreng ba'i bshad lung /____sa skya gong ma rnam lnga dang ngor chen rdo rje 'chang gi bka' 'bum bcas ljags lung lan gcig_/sdom gsum rab dbye sogs lan mang /____dngul chu thogs med kyi bka' 'bum dang rje tsong kha pa'i lam rim chen mo/__chags med zhabs kyi ri chos sogs kyi ljags lung lan ci rigs bcas/__mngon rtogs rgyan rtsa ba dang rong ston 'grel chen tshar gcig_/'dul ba me tog phreng rgyud lan kha shas/__bde mchog lU nag dril gsum gyi dbang chen lan du ma/__bde mchog rtsa rgyud kyi bshad pa lan gcig_/mkha' spyod be bum gyi lung lan gnyis/__in+d+ra dang mai tri mkha' spyod/__chos nyid dngos bstan dang sngags btu'i byin rlabs rnams lan mang tsam/__dmar po skor gsum rjes gnang thun mong thun min lan gsum re/__gzhan yang thugs chen bcu gcig zhal/__don yod zhags pa/__gdugs dkar/__gza' yum/__sman bla zhe bdun/__'jam dpal gsang ldan/__ras chung phyag rdor/__dge ldan 'jigs byed dpa' gcig_/'brug lugs bde mchog bcu gsum ma sogs rgyud sde gong 'og gi dbang chen rnams thor bu'i tshul du rgya cher gsungs rigs zhib tu 'god ma shes so/____/ngor tshar 'jigs byed dbang chen lan mang dang khrid dang pod lung lan gcig_/gshed dmar dbang lan kha shas pod lung gcig_/gur gyi dbang khrid lan bzhi pod lung lan gnyis/__zhal gyi dbang khrid lan gnyis pod lung lan gcig_/snga 'gyur rnying ma bka' ma'i skor gyi dbang yongs rdzogs zhib rgyas lan gsum dang /____sgyu 'phrul zhi khro/__dong sprugs/__tshogs chen 'dus pa/__'khon lugs yang phur rnams kyi dbang de las mang ba/__bka' ma'i gzhung rnying pod bcu skor long ba'i ljags lung lan bzhi/__sgyu 'phrul rtsa rgyud gsang ba snying po dang /____spyi mdo dgongs pa 'dus pa dang phur pa rtsa dum gyi rgyud bshad lan bzhi lnga/__sangs rgyas gsang ba'i lam chen dang /____nyi ma seng ge'i rgya cher 'grel/__rgyud 'bum rin po che dkar chag bcas pod nyer drug gi ljags lung lan gcig_/rin chen gter mdzod chen mo'i dbang khrid lung dang bcas pa lan gcig_/gter mdzod bka' rgya'i dbang lan gsum/__rgyud bcu bdun gyi dbang kha shas dang lung tshar gnyis/__nyang gter bka' brgyad bder 'dus dbang chen lan gsum/__dbang 'bring bsdus khrid sogs lan kha shas/__gur drag dang thugs chen/__mkha' 'gro chen mo rnams kyi pod lung lan re/__khros nag gi smin grol dang pod lung lan re zung /____chos dbang bla ma gsang 'dus dang /____thugs chen yang 'dus/__phur pa sogs kyi dbang dang pod lung lan ci rigs/__yang ti sangs rgyas mnyam sbyor gyi smin grol pod lung thengs gcig_/g.yu thog snying thig gi dbang khrid lan lnga/__pod lung lan gcig_/rgyud bzhi'i lung lan gcig_/snying thig ya bzhi tshar lnga/__yang tig rnam pa gnyis kyi dbang khrid lan du ma/__klong chen mdzod bdun ljags lung lan gnyis/__ngal gso skor gsum rtsa 'grel dang khrid bcas/__yid bzhin mdzod rtsa 'grel/__chos dbyings mdzod rnams lan du ma/__bla ma dgongs 'dus kyi sgrub dbang chen mo zhib rgyas lan gnyis/__don dbang lan mang /____byang gter skor gyi dbang lung lan gcig_/byang gter kun bzang dgongs pa zangs thal dang ka dag rang shar bcas kyi dbang khrid lung bcas zhib rgyas/__thugs sgrub drag mthing dang /____thugs chen/__phur pa spu gri/__zhang khrom tshe bdag pa dag nub chu bo gcig 'dres dbang chog bcas lan mang /____tshe bdag gnub lugs mu tig phreng ba lan gcig_/rat+na'i tshe gsang dang phur pa'i dbang rgyas bsdus lan gsum bzhi/__grub chen thang rgyal snyan brgyud mkha' 'gro gsang spyod kyi dbang khrid lan bzhi/__mnga' ri'i paN chen rig 'dzin yongs 'dus kyi smin byed thengs gsum/__pod lung lan gcig_/rdor gling lta ba klong yangs dbang lung lan gcig_/klong gsal 'bar ma dang hU~M skor snying thig gi smin grol lan gnyis/__kar gling zhi khro'i dbang rgyas bsdus dang bar do drug khrid lan kha shas/__'ja' tshon pod drug gi dbang lung cha tshang lan gcig_/dkon spyi'i dbang khrid pod lung bcas lan mang /____lha btsun rig 'dzin srog sgrub kyi smin grol lung bcas dang rdo rje snying po'i dbang lan mang /____rgyal dbang lnga pa chen po'i dag snang rgya can nyer lnga'i dbang lung zhib rgyas lan bzhi/__smin gling gter chen rin po che'i gter chos yongs rdzogs lan bzhi/__bde kun dang khyad par rdor sems dbang khrid lan mang /____sgrub thabs 'dod 'jo'i bum bzang gi dbang lung thengs gsum/__smin gter dang rtse le mkhas grub pad+ma legs grub kyi bka' 'bum lung lan re/__gter chen bdud 'dul rdo rje dang klong gsal snying po'i chos skor gyi dbang lung tshar gnyis/__bdud 'dul phur pa dang klong gsal gur drag dbang lan mang /____gur drag dang rdor snying khrid lan ci rigs kha skong bcas/__klong chen snying thig rtsa pod gnyis kyi dbang khrid lung bcas lan grangs mang ba dang /____kun bzang bla ma'i zhal lung de mtshungs/__yon tan rin po che'i mdzod kyi rang 'grel dang sog po dge bshes bstan dar gyi 'grel pa bcas kyi bshad khrid lan gsum/__rgyud lugs phur pa'i dbang chen thengs bzhi/__pod lung lan gnyis/__kun gzigs mkhyen brtse rin po che'i gter chos yongs rdzogs kyi dbang khrid lung dang /____bka' 'bum lung tshar gnyis/__dgongs gter thugs chen rgyal rgyam/__bka' 'dus chos kyi rgya mtsho/__mkha' 'gro gsang 'dus/__grub thob thugs thig dang /____snyan brgyud skor dang /____rtsa gsum 'od gsal snying thig sogs lan mang tsam/__gter chen mchog gling gi gter chos yongs rdzogs kyi dbang lung tshar gsum/__sdom gsum rtsa 'grel skor dang /____lam rim ye shes snying po'i rtsa 'grel lan du mar gsungs pa rnams rnam thar zhal gsung gi grangs dang cung mi mthun kyang rnam thar gsungs rjes sku tshe'i smad du gsungs pa rnams brtsis pa yin la/__gzhan yang mkhyen brtse ye shes rdo rje'i gcod 'dzin pa rang grol dang /____'gro 'dul dpa' bo rdo rje'i dgongs gter skor dang /____mi pham 'jam dpal dgyes pa'i rdo rje'i rgyud lugs 'jam dpal gyi dbang /____gling rgyal tshe yum/__las rab gling pa'i chos skor phur pa rnams kyang lan ji ltar rigs pa/__khyad par dpal dgyes pa rdo rje'i rgyu lam dbang chen dang /____nA ro mkha' spyod kyi byin rlabs/__tshar ngor lugs gnyis kyi khrid bcas/__blo sbyong skor dang /____thugs chen rjes gnang /____klong snying sngon dngos khrid bcas lan ci rigs/__thugs sgrub rnam gnyis dang lce btsun snying thig smin grol lan mang /____skyer sgang rta mgrin dang /____sgrol dkar rjes gnang /____tshe khrid bcas/__snyan brgyud phur pa/__'phags ma'i snying thig dang rtsa gsum dril sgrub/__rtsa gsum spyi 'dus/__phyag rdor me dbal/__rta mgrin gnam lcags me 'khor/__gnyen po lha lnga/__zhi byed lha bdun skor/__thugs chen 'khor ba dong sprugs/__mchog gter 'od chog_/klong snying rtsa gsum dang yang gsang bla sgrub rta phyag rjes gnang /____thang rgyal tshe dbang rgyas bsdus sogs zhu mkhan rgyun chad med pa'i re ba skong bar mdzad pas mtshon/__mdor na rgyud sde kun btus yongs rdzogs sdebs gcig gsungs rgyu ma byung na'ang rgyud sde gong 'og gi dbang chen thor bu'i tshul du lhag lus med par gsungs grub pa sogs bka' 'gyur tsam las gang gsan pa de dag tshar re ma 'chad pa med pa lta bus mdor na sku tshe gcig gi mdzad pa chos 'chad nyan kho nas dus 'da' bas sku mtshams bcad rgya'i skabs dang yar mar phebs pa'i ring las nyin rer dbang rjes gnang thengs re mi gsungs pa gtan nas med pa lta bu yin/__dbu ma lugs kyi sems bskyed dang /____thugs rje chen po'i dbang rjes thun mong ba/__'pho lung /____rkyen sel dbang rjes phran tshegs/__tshe dbang sogs kun la 'chad rung rigs khyab gdal du gnang ba tsam las/__gzhan thams cad gang byung byung la khrom chos su gyur pa gtan nas mi mdzad cing /____khyim pa pho mo la yi ge drug pa'i bsgom bzlas dang /____theg chen lam gyi rtsa ba dam pa gsum dang bsags sbyong gi sgo nas rnam dkar sgrub pa dang /____dge tshul slong gi sdom pa'i rten can gdams zab don du gnyer ba dag la gtso bor rang rang blo mos dang 'tshams par rten khrims gtsang dang chos lugs rang rang gi yi dam bsnyen sgrub nyams len sogs gsar rnying chos bka' gang dgos so sor ston par mdzad la/__bstan pa ris med la dag snang gis chos sgo mtha' yas pa gsan bsam 'dzin spel skyong ba'i mkhas btsun dam pa'i ngang tshul dang thugs bskyed can dag la lhag par dgyes pas zab cing rgya che'i chos sgo yangs por ston/__gsar rnying grub mtha' rang rang gi chos brgyud la yid ches kyi nges pas thos bsam sgom pa rtsal du 'don pa rnams la'ang so so'i lta grub kyi 'jog mtshams/__brgyud 'dzin gyi rnam thar/__chos kyi che ba/__tha na phyag bzhes dbyangs rol tshun zhib par thugs la mnga' zhing so sor ma 'dres par bka' lung rjen par stsol bas re ba rdzogs par bskang zhing yid ches lhag par 'phel bar mdzad/__grub mtha' chos lugs phan tshun g.yo thabs sam dbang che chung gis bsgyur ba dang /____rang lugs bzhag nas a gsar col chung klad yang gis re re rnyed dus re re bor ba'i rigs rnams dang /____lhag par du yang grub mtha'i phyogs khyer gyis chos dang gang zag la skyon 'dogs/__springs yig_/dri ba/__'byams yig sogs shes rgyud zing zing por byed cing rtsod pa 'phel byed kyi rigs la gtan nas mi dgyes/__bka' las kyang /____deng sang rtsod ldan snyigs lnga'i lta ba'i snyigs ma ches bdo bas bod mi re'i rgyud la lta ba re 'byung bar gsungs pa bzhin/__bstan sgor zhugs pa rnams lta ci/__so skye khyim pa yan chad kyi kha la lta grub re khyer nas chos lugs phan tshun lta grub dag min lab gleng 'di ni gzur gnas kyi rtsod pa lta grub rnam dag gi sgrub byed phar zhog_/kun gyi shes rgyud bdud kyis brlams pas bstan pa nang dbyen dang bstan sel phung dkrug gi gzhir song nas bstan pa'i rgyun dang 'gro ba'i bde skyid myur du nyams byed 'ba' zhig gi rgyur 'gro ba shas che/__lar yang bstan pa'i srol 'byed chen po 'phags pa'i sa la bzhugs nges pa rnams dang /____bstan 'dzin mkhas grub rim byon dag gis dpyad gsum dag pas gtan la phabs/__sgom sgrub nyams bzhes kyi lam rtags dang mchog gi grub 'bras mngon du mdzad pa'i bstan pa rnam dag gser zhun ma 'dra ba rnams la so skye'i rnam rtog gis dpyad par 'dod pa ni rang nyid nyams pa'i rgyu las gzhan med/__des na rang rang bstan pa gang gi sgor zhugs pa de'i lta grub la nges shes skye ba'i thabs la nan du brtson cing nyams len snying por byed pa shin tu legs/__'on kyang grub mtha' kun la phyogs ris kyi ngan rtog mtha' dag dor la dag snang sbyong ba gal che zhing /____der ma zad ris med pa'i mdo sngags kyi gzhung 'grel rnams la dag pa'i snang bas zhib tu mjal na 'chad thabs dang 'grel tshul 'dra min dag la so sor skabs su babs pa'i khyad chos ngo mtshar can re bzhugs shing /____mthar 'bras kyi don gcig tu 'babs pas na/__rang rang nges shes skyes pa'i lta ba de'i dogs sel dang che ba 'don pa'i sgrub byed du 'gyur zhing thos bsam gyi blo skyed gong 'phel byed/__kun la rgyu mtshan shes pas dad pa'i snang ba rang shugs kyis 'byung ba sogs dgos pa shin tu che/__dus dbang gis snang stong gi sgrub phyogs rtsal 'don che chung dang /____brgyud pa phan tshun thugs nang mthun mi mthun phran bus chos mthun rtsod pa bstan pa'i rgyan du 'gyur ba 'ong dka' bas thams cad nas bstan pa nang mthun 'byung thabs re mdzad na phan che tshul 'doms par mdzad cing /____gter chen mchog gling gi thugs sgrub yid bzhin nor bu'i lung byang du/__dus kyi mtha' la bstan sel 'byung ba mnga' bdag sprul pa zhig gis de nyid dbyen bzlums mdzad nas bstan 'gro la phan pa 'byung zhes gsungs pa bka' las thos shing rnam thar du'ang de ltar gnang ba bstan 'dzin skyes bu dang bstan pa'i sbyin bdag khag la yang nas yang du zhal gdams stsal/__gsar rnying gi cho ga'i chings dang dbang gi phyag bzhes sgo yangs dog rnams la gcig dpe kun 'geb kyi srol ngan ma yin par rgyud sde gong 'og dang bla ma brgyud pa'i phyag bzhes kyi khyad par las ji ltar 'byung ba bzhin dang /____khyad par dbang dang sgrub pa'i phyag bzhes phal cher rjes gnang dang gtor dbang tsam la'ang rje 'jam mgon rnam gnyis kyi phyag srol zhib cing rgyas pa kho nar gnang ba las/__phyis sku na smin pa dang slob tshogs ches mang skabs kyang gzhung don ras bor gyi sla chos dang byas lo des chog gtan nas mi mdzad/__khrid kyi rigs lam 'bras tshogs slob sogs sa skya'i skor rnams sum khrid dang bzhi khrid mdzad/__de mthun gdams mdzod du bzhugs pa'i zab khrid rnying skor ma gtogs pa rnams khrid brgya dang sbrags te sum khrid mdzad pa 'jam mgon rnam gnyis kyi bzhed srol yin pas shin tu gal che zhes yang yang gsungs/__brgyud 'dzin rnams nas kyang de ltar dgos par bla ma brgyud pas bka' gtsigs su gdams tshul gsungs/__gzhan gsar rnying gi khrid rnams brda 'phrod nges pa lan res khrid lung gi rgyun la chog par gsungs shing de bzhin du gnang /____rtag par chos sbyin chad med du stsal kyang 'ba' som gyi zas 'bag btsog can bya khyis zos pa ltar don gnyer yod med dang /____chos kyi gnad don dpog min sogs dpyad pa gang yang med par shugs 'byung gis ci 'dod byung rgyal chog pa lta bu'ang ma yin par gdams ngag zab mo rnams bka' gtsigs kyi phyag rgyas btab nas so so'i brgyud 'dzin dang mos ldan la ched du gdams shing mnog chos su stsal bas rjes 'jug dag gis zab chos kyi rin thang dang dkon par 'du shes pas zab don la yid ches/__ha cang gti thug gi chos brgyud 'dzin pa dag gis kyang ci yod cha mi 'tshal zhing brgyud pa chad 'gro ba'ang ma yin par snod ldan gyi rigs la thugs lcogs min skabs sku ngal khyad du bsad nas mtshan mo yang rgyun ring por dbang khrid mang du gsungs/__de'ang chos bka' rgya che chung gang yin rung kun slong bcos pa'i tshul la yang yang nan tan gyis/__chos 'chad nyan sgom sgrub ci byed kyang lam rnam dag tu 'gyur min kun slong 'di kho na la rag las pas shin tu gal che bar gdams pa'i sgo nas gdul bya'i blo rgyud smin nges su mdzad/__'chad bya'i chos de dag kyang dbang /____khrid/__rtsa ba dang yan lag gi yig cha'i lung sogs khungs dang 'brel zhing rgyu mtshan 'di lta bu'o zhes ched du gsol ba btab ma nus kyang rgyas par bka' stsal bas gdul bya'i re 'dod yongs su rdzogs shing bstan rgyun la sman pa dang /____dpyod ldan dang ba 'dren cing ngo mtshar lhag par skye bar snang /____rten 'brel dang dgos pa'i skabs dang 'brel na dpe cha sogs stsal zhing rjes su spro ba bskyed pa'i tshul du/__kho bos bla ma dam pa 'di rnams lan grangs 'di lta bu nos/__de'ang gcig la yid ma ches par yang yang zhus pa min kyang zhu yul bla ma de dag spyir dam pa'i yon tan phun sum tshogs pa dang ldan la/__khyad par rje 'jam mgon rnam gnyis kyis so sor sger chos ched du stsal ba bzhin thugs dam nyams bzhes lhag par gnang ba'i byin rlabs kyi brgyud pa ngo mtshar can re bzhugs pa'i rgyun la bsam nas nan bskyar zhus pas brgyud pa khyad 'phags phal cher 'dus pa'i khul yin la/__brgyud pa de ldan gyi gdams pa zab mo bla ma dam pa rnams kyi dgongs pa bskang zhing bstan rgyun la cung zad phan du re bas gzhung dang brgyud pa'i phyag rgyun bzhin chad lhag med par zhib rgyas su 'chad grub pa ste/__chos zhus pa'i lag rjes nyams bzhes gnang lugs so sor rag las shing /____kho bos rgyal po bkas bcad de gyis 'di dgos kyi khas len bsnyags pa gang yang med ces dang /____spyir bstan pa nyams pa'i snga ltas kun gyis gal chung chos la byed skabs 'dir rang don yid byed kyi blo ngan ma yin par lhag bsam rnam dag gis 'chad spel byed nus pa re byung na legs tshul gyi bslab ston tsam las shin tu sgrub par dka' ba'i khas len gyi gnad la bkar ba sogs mi mdzad/__rgyud dang gzhung gi bshad khrid dag kyang zab don man ngag gis dbul ba'i rtog ge'i bshad yam dang /____gang shes gang dran sha zin spu bsdus lta bu ma yin par rgyas bshad rnams kyi zab don snying por dril/__bsdus pa'i rigs zhib cing rgyas par bkral te blo gros dman mchog kun gyi rgyud la sman nges pa'i 'chad bya mdo sngags gang yin gyi gzhung don thad kar gsal rgyas su ston par mdzad cing /____skabs thob gsar rnying gi bshad rgyun dang yig cha sogs gang la brten pa'i dgongs don mtha' dag gsal bar mdzad pa tsam las/__gzhan dgongs pa mthun min dang 'thad mi 'thad kyi dgag sgrub rigs gtan nas mi mdzad/__snod ldan blo gros mchog gyur gyi rigs la zab don las 'phros pa'i gsung bshad shin tu ngo mtshar ba rgyas par gnang /____rkyen sel bka' bsgo byin rlabs dang tshe 'gugs tsam la'ang khungs dang 'brel zhing sngon dngos rjes tshang gis zhib par thugs lhod de dang ba 'dren par gnang ba las/__lta sgom mthon po'i stong skad kyis gya tshom du gtan nas mi mdzad/__rtag tu dngos mtshan gyi 'dzin pas bcing ba'i glen gtam sbug dog gti thug can ma yin par chos dang rten 'brel gyi gnad mkhyen pas thugs dgongs shin tu gu yangs par bzhugs/__mdor na thun mong thun min gyi zab rgyas chos kyi gsang ba gang ston kyang snga sor dpe gzigs gnang ba sogs mi mdzad mod/__gzhung bzhin rang byan chud pa sha stag las mkhyen pas khyab ma khyab khyad gtan nas mi mnga' zhing /____lhag par mdo sngags gzhung don dka' gnad dang /____dbang khrid dang cho ga'i gab dkrug sogs ji tsam phyag len dka' ba de tsam gyi mkhyen rab dang rnam dpyod je cher 'gro ba lta bu'i ngo mtshar dang ldan pa ste/__tshul 'di dag dkyil 'khor rgya mtsho'i khyab bdag 'jam pa'i rdo rje nyid sum ldan rdo rje 'dzin pa'i skur bzhengs pa'i mngon rtags dang /____rgyal bstan yongs su rdzogs pa'i shing rta chen po mtshan don mthun pa'i rnam thar bstan 'dzin gyi skyes bu gzhan las khyad par du gyur pa'i gnas so/____/de dag gis phyogs tsam mtshon te mdor na rje bla ma 'di nyid kyi mdzad spyod che phra mtha' dag la dpag na rje 'jam dbyangs bla ma sku gong ma'i rnam par thar pa dang khyad par cung zad tsam med pa lta bur bzhugs kyang /____kho bo de'i sprul sku yin dgongs pa dang yon tan gyi tshogs de dag la thugs snyems rdul tsam mi mnga' bas dman sa 'dzin cing nga rgyal spong ba nyid lhur bzhes te slob ma rnams la gsung 'phros stsal skabs kyang /____khyed rnams kyis kho bo mkhyen brtse rin po che dngos yin pa'am kho bo 'dra ba zhig yod par ma sems ma gtogs de ni log lta de las che ba med pa zhig red/__rje mkhyen brtse'i dbang po zer ba de snyigs ma'i dus 'dir nges par sangs rgyas dngos su byon pa 'dra ba zhig yod rgyu red ma gtogs nga 'dra ba'i dkor rgan skyon gyi phung po las yon tan gyi cha cung zad tsam yang med pa zhig ga la yin/__des na skyabs rje si tu rin po ches phran gdan sa 'dir dang por slebs skabs mkhyen brtse gong ma'i bzhugs gdan 'di'i 'khris su 'bol gdan zhig la bkod nas/__khyod rang gnas skabs der sdod na legs rgyu dang /____khyed rang mkhyen brtse rin po che bzhugs mal du sdod snga na mi sdod sar khyi nyal ba 'dra zhig yong zhes gsungs par/__skabs der lo nyung snang mtho'i dbang gis bka' bkyon lta bur go nas de tsam yid la babs pa ma byung mod/__rjes sor rgyu mtshan shes pa nas bzung gsungs de la yang yang nges shes 'khrungs te/__mkhyen brtse rin po che de nga rang yin snyam pa'i rtog pa med cing /____rje bla ma de nyid spyi gtsug dang snying dbus su bsgom nas gsang gsum byin rlabs rang rgyud la zhugs shing mdzad spyod thams cad la tshul bzhin du slob nus pa dang /____thugs kyi bzhed don gang yod sgrub nus pa'i gsol 'debs dang smon lam la yang yang brtson pa yin tshul phebs shing /____rnam pa tsam du'ang rtag tu nges 'byung gi ting nge 'dzin dang thugs 'du 'bral med pa'i tshul gyis rgyun du zhal bkod mdzad pa gang la'ang glo bur 'chi bdag gis tshe srog la bar du ma bcad na de ltar bgyis chog gsungs te mdzad pa gang gnang na'ang de bzhin mdzad/__bshad sgrub kyi bstan pa'i rgyun dang 'gro ba'i bde skyid kyi gzhi la ngang thung gtan nas mi mdzad/__rgyu 'bras phra zhib la bag yod gnang ste rgyal khrims kyis srog gi 'jigs par thug pa 'ga' zhig dngos su bskyabs shing /____lo re bzhin bshas rar tshud pa'i sems can mang po'i srog blu ba dang /____'brog sde khag la byin rlabs ljags mdud sogs rgya cher bkram nas sems can khri phrag long ba tshe thar gtong ba'i dge bskul yang yang mdzad/__phyag khar byung ba'i sems can thams cad tshe thar du gtong ba las tshong bsgyur sogs gtan nas mi mdzad/__rten bzhengs kyi las tshan skor ji tsam mang rung dngos su sems can bshas la phab pa dang bsngos shar 'gyur ba'i rigs gtan nas mi mdzad cing /____bka' las kyang /____nang pa sangs rgyas pa'i khyad chos las 'bras blang dor la brtson rgyu 'di red/__des na gzhan la dngos brgyud nas gnod 'tshe can gyi dge rtsa sgrub khul byed pa la snying po ci yang med/__yang sgos sems can che phra kun la srog 'di las gces pa med pas na srog gcod la 'dzem pa shin tu gal che/__lta sgom mthon por rloms pa dang ltar snang gi dge ba rgya chen sgrub khul byas rung las 'bras 'chol nyog tu spyod pa dag ngan song gi rgyu las dge rtsa rnam dag tu 'gro dka' bas shin tu gzab dgos par gsungs/__mngon spyod kyi mthus bsgral ba sogs gsan pa la'ang thugs bag 'khums pa ltar mdzad/__chang 'thung glu gar sogs bag med kyi spyod pa ye nas mi mnga' bas dus kun dran shes las mi 'da' ba'i rang tshugs brtan por bzhugs/__dad zas dang gshin dkor la ya nga bas bsngo rten byung tshad phyag tho gnang ste khrus chog lan gsum re dang /____'jam dbyangs mkhyen brtse'i phyag srol lo gcig 'khor ba dang gshin po'i ming yig thams cad bkod pa rdzong sar 'dus sdes kun rig sgrub mchod zla gcig lhag tsam lo bstar gnang ba'i mjug tu byang bzhu dang bsngo smon lo re bzhin ma chags par mdzad/__byang ro thams cad la sAts+tsha sgrub gnang gi phyag bzhes kyang yod ces gsungs/__phyogs phebs skyes chen khag la'ang byang chog bsngo rten rtag tu zhu bar mdzad/__bdun tshigs byang zhus kyang ma bsnyel bar gnang zhing snying rjes gsur bsngo ba 'di bskyed rdzogs kyi gding yod med dang spros pa che chung la ma ltos par kun la phan pa che zhes yang yang du gnang /____gshin po 'ga' zhig rgyal 'gong dam sris skye gnas bzang po thob pa la bar du gcod pa las dbugs dbyung ba sogs du ma yod pas shes/__mchod sbyin dang gtong ba la mnyes pas rgyun ring gi nad pa/__thag ring gi a co/__dbul phongs 'on long rigs la chos dang zang zing 'tsho sman sogs kyi gnang sbyin rtag par stsal/__yar ngo mar ngo'i tshes bcur tshogs mchod/__rgyal ba'i dus chen khag la mchod pa sogs shin tu rgya che rgyun chags su gnang /____rkyen sel mdos glud rnams la'ang mdos rdzas skor gtos che ba dus dang rgyun du bzhag par mdzad/__dbang dang sgrub chen sogs gang la'ang mchod gtor rgya che gam gtsang /____gtsang sbra gad phyis legs par dgos pa'i bka' stsal/__gzungs 'bul/__dam rdzas gta' spel/__khrus chab/__bum chu sogs la'ang gtsang sbra shin tu che bar mdzad/__rgyun du nangs re bzhin zhal phyag bsil ba dang /____ngur smrig gi na bza' legs par bzhes pa sogs nyin gcig ltar gnang /____gnas rten mjal bskor du phebs pa na sku phyag dang zhabs bskor sogs sku ngal dub kyi rnam pa med pas gcig tu brtson pa bka' gdams gong ma'i phyag srol la shin tu mnyes/__gzims chung du sngon gyi sku chas rnying pa rgyun 'jags gang yod pa de las gser dngul gyi spus nom can gsar bskrun dang /____deng sang rgya bod kyi 'phrul chas gsar pa sogs gtan nas bzhag par mi mdzad/__rgyun du na bza' bzhes lugs/__srung byin rje rang gi phyag gis gzhan la stsal ba dang /____gsol chas sogs thams cad kyang mngon chung sbas tshul 'ba' zhig gis bya bral dkyus ma'i brtul zhugs rje gong ma'i mdzad pa ji lta bar bskyangs/__ri bong cal 'drog gi 'ur gtam dang don med kyi bya ba rngam rngam rdzig rdzig byed pa la gtan nas thugs mi mnyes/__bsod nams kyi gzi brjid dang nang gi ting nge 'dzin gyi rtsal 'bar bas che btsan su 'dra zhig yin rung sku'i 'khris su bcar nas zhum ste gus pas mi 'khod pa su yang med la/__sku gsung thugs la yon tan gyi dpal gzi che bas sku mdun du zhal 'dris che bzhin dad gdung je cher 'gro/__rgyal khams spyi dang sbyin bdag gi zhabs brtan la'ang zhi rgyas kyi las gtso bor gnang zhing /____rnam dkar gang la'ang gzhan phan gyi thugs bskyed dang mdzad pa lhur len pa las rang don gces 'dzin sogs gtan nas mi mnga'/__bstan 'gro'i bya ba rlabs chen dang rnam dkar mchod sbyin rgya gang che phyag bzhes gnang yang 'di lta bu'i las grub snyam pa'i mngon rloms dang zhen 'dzin ngom chos gtan nas mi mnga'/__mi chos kyi phyogs nas bslab ston zhus gnang la'ang thugs rgyud drang zhing phyi thag ring ba/__lag tu lon nges pa lugs mthun tshul gnas kyi zhal gdams rang nyams sman nges mchog dman spros pa che chung nyams 'og tu chud pa sha stag stsal/__ched du lung bstan sogs dmigs bsal mi mdzad kyang blo ji tsam 'gel ba de tsam du phyi mtha' gzigs pa'i gsung du nges pa bka' slob kyi tshul du gnang /____rang phyogs gzhan phyogs chags sdang 'then khyer gyis bstan sel phung bshig gi gtam zur tsam gsan par dka' bas zhu phod pa su yang med/__che btsan gyi rigs la dgos pa dang 'brel na skyon dang nor 'khrul gyi spyod pa rnams drang po'i lam du srong bar mdzad/__gdams ngag zhu ba po gsar bu'i rigs la khyed rang da lta lo gzhon 'dod yon gyis sems g.yengs te yod 'gro bas sngon 'gro blo sbyong dang rgyu 'bras kyi rnam bzhag dpe bltas dang don la blo yang yang bkol na sems rgyud zhi dul 'byung rgyu red ces zhal rtsed dang bcas gsung lhod por gnang bas dbugs dbyung ba las zur za dang khyad gsod mi mdzad pas mtshon gong 'og gsung gi zur la dpag na nges 'byung dang rmad byung byang chub sems kyi mnga' bdag tu gyur pa dngos shugs nas shes nus/__nang du snying rje chen po bcos min du mnga' bas rgyus med pa'i yul dang /____skad rigs mi gcig pa rnams dang /____grub mtha' chos brgyud su yin kyang rang rang gi brgyud 'dzin gyi bla ma zhig las lhag pa'i dad gdung dang /____mos gus bcos min du skye bar 'dug_/des na skyes bu dam pa'i ngang tshul bcu gnyis zhes grags pa ltar gsar rnying bka' gter gyi gzhung dang man ngag bsam gyis mi khyab pa'i chos kyi rgyun mtha' yas pa mtha' dag legs par gsan cing /____sku tshe ril por zab rgyas kyi chu klung ngom pa med par 'khyil zhing 'bab pa'i gnas gcig pur gyur/__bsam byung gi rigs pa'i gru gzings nges don nor bu'i dbyig gis gtams pas rang gzhan gyi grub mtha'i shan 'byed cing mthar thug gi 'jog so'i zab don gyi dpal 'byor thams cad lhun gyis grub pa'i tshul rje 'dis kun mkhyen bla ma 'jigs med bstan pa'i nyi ma la rdzogs pa chen po'i gzhi lam 'bras bu'i chos skor gyi dris lan du 'gran zla bral ba'i mkhyen rab kyi 'jug pa can du bsngags shing /____mdzod bdun dang yon tan mdzod kyi gzhi lam 'bras bu'i skor la gsan bsam mdzad par ched du gdams pa sogs la dpag pas shes/__gang gsan pa dag tshig tsam du ma bzhag par sgom pas rtse gcig tu nyams len gyi gnad la dril bas sa lam gyi yon tan grub gnyis 'dod dgu'i gter shugs 'byung du brdol/__skyes sbyang gi mkhyen rab 'gran zla bral bas phyogs re'i gzhung tsam mkhyen pa la mkhas par grags pa ma yin par rig pa'i gnas dang 'dul mngon dbu phar rdo rje theg pa'i rgyud sde'i gsang ba nas brtsams tshig gi brda khyad phran tshegs yan chad kyi shes bya'i gnas thams cad la thogs pa med par gzigs pa'i spyan ras shin tu yangs/__de'ang rje 'dis thog mar gzhung skor gsan sbyang skabs dang por mkhyen dka' ba lta bu'i go ba gting chod pa ma byung yang /____yon tan rin po che'i mdzod la gzigs rtogs mdzad nas bzung blo gros kyi 'jug sgo yangs por bye bar gyur cing de phyin gzhung gang gzigs kyang dka' ba med par go snyam 'dug pas gzhung 'di ni byin rlabs shin tu che ba zhig yin zhes bka' las thos/__dus rtag tu sdom pa gsum gyi bcas mtshams las 'da' ba med pa'i dpal rang gshis su grub pas nyes spyod phra mos kyang ma gos pa'i mdzad spyod thams cad shin tu btsun pa rgyal bstan rin po che mdzes pa'i rgyan du grub/__gzhan phan gyi mdzad pa rgyun mi chad pas bzang po'i phrin las kyi sgo kun nas yangs shing /____mdzad sgo thams cad thog mtha' bar gsum du 'di bya de byed kyi 'char gzhi dang shom ra sogs gang yang med par thog babs kyi tshul du phyag chags gnang bas/__chen po dang dpyod ldan sus kyang spyod yul ma gyur pa dag kyang shugs 'byung gis bar chad med par lhun gyis grub pas bstan 'gro'i phan bde spel bar mdzad/__chos 'chad pa'i tshe dpe gzigs dang thugs bsam sogs la ma ltos par gsar rnying gi gzhung so so'i chos skad phan tshun ma 'dres pa dang /____rang gzhan gyi grub mtha' 'dzin stangs shan 'byed pa/__zlos pa'i skyon dang bral zhing tshig gi zur phyin pa/__'dzin bde zhing gting zab pa/__gnad don nyid gsal bar ston pa'i tshul la nam yang thogs pa med/__zhal gsung rnam thar las kyang /____bsdus gra'i rig lam zhig sbyangs na/____/rtsod pa'i rigs pa skyon med zhig_/'byung ngam snyam yang dgos pa chung /______/zhes gsungs pa ltar sngon gyi bag chags lta bu'i bsdus tshad kyi rigs pa la shin tu mnyes shing blo gsal dag mdun du phyin pa tsam gyis de nyid gang la 'dris cha che ba'i gzhung las brtsams te rtsod pa gnang zhing brgal brtag mdzad pa zhig yin la/__de yang ji ltar zhal bzhes gnang ba lung dang rigs pas brgal brtags ji tsam byas kyang gting je zab dang /____sgrub byed kyi rigs pa rno myur thogs med du mnga'/__skabs rer thol byung du gsung rab dang bstan bcos kyi lung 'dren mu mthud zad mi shes par gnang bas kun ya mtshan gyi gnas la bkod cing /____de yang 'gro gleng gnang yul yang dag pa'i lung rigs ji tsam bzang bzhin thugs dgyes pas yang yang bgro gleng gnang zhing de nyid kyi bsngags pa gzhan la'ang brjod par mdzad/__rtsom pa'i yon tan sku gzhon pa'i skabs gsung rtsom gnang sgo dog tsam yod kyang /____skyabs rje rgyal tshab rin po che'i gsung rtsom mang po gzigs pas mkhyen rab kyi sgo phyes pa lta bur gyur nas rtsom gnas 'gyur ba zhig byung ba kun gzigs si tu rin po cher rtsom rigs gzigs 'bul dang rgyu mtshan zhus pas/__nges par bla ma'i byin rlabs zhugs zer ba de red ces gsungs/__don du brtsam bya'i don de gsal la rgyas par go ba/__tshig sbyor nyab nyob dang ha cang mang ba ma yin pa/__rgyas bsdus 'tshams shing sdebs legs pa/__rgyun gyi gsung rtsom rnams go sla ba gtso bor mdzad cing bstod tshogs sogs daN+Di'i gzhung las drangs pa'i snyan ngag gi nyams 'gyur phun sum tshogs pas mdzes par spa ba/__thol byung gi gsung skor ye shes kyi rtsa mdud grol bas gzhom med rdo rje'i do ha dngos su snang zhes mkhas pa rnams kyis yang yang bsngags/__mkhyen gnyis kyi gsang mdzod la rang dbang thob pas chos thams cad gzigs pa tsam gyis zab gnad gyi don de dang de lta bu gzhung de'i stod smad der bshad yod ces zhib par stsal du yod pas dbu zhabs yongs rdzogs thugs su chud pa'i ngo mtshar nges par mnga' zhing /____rnam 'dren dam pa rnams las chos gsan pa sogs kyi zla tshod tshes grangs/__gsan pa'i gnas/__mched grogs su bzhugs yan chad khungs dang gtan tshigs shin tu zhib par bka' stsal bas the tshom sel byed kyi thugs dran bsnyel med du mnga'/__phyag dpe tshol dgos tshe dpe mdzod khag mang shin tu rgya che'i khrod nas deb ther la gzigs rtog ma dgos par phyogs 'di'i stod smad 'di lta bur glegs bam 'di 'dra yod ces dang /____glegs bam stod smad gang du zhal phyes pa der gzigs nas yod pa lta bu rgyun par mchis/__brtse ba'i thugs rje mkha' khyab tu brdal zhing thugs bskyed dang phrin las kyi zla bas rtsod dus snyigs ma'i bstan 'gro'i rgud pa mtha' dag sel ba'i sman du sim/__nus rtsal gyi dgongs pas gzir ba tsam gyis dam sri rgyal 'gong tshar bcad pa dang /____mtha' dmag kla klo'i tsha dbal 'joms tshul cha tsam smos pas mtshon nag phyogs 'byung po zil gyis gnon cing bdud sde 'dul ba'i mthu stobs thogs pa med pa can du gyur pa'o/____/des na 'dzam gling rgyal bstan yongs su rdzogs pa'i mnga' bdag gangs can mgon po rgyal mchog bcu bzhi pa chen po ngag dbang blo bzang bstan 'dzin rgya mtsho thams cad mkhyen gzigs mchog gi zhal snga nas kyang /____'ja?~Xm dpal rdo rje grub pa'i drug cu'i dbyanga?~Xs/____/chosa?~X tshul rgya mtshor 'khrol ba'i dpyid kyi?X glus/____/blo ldan bye ba'i snyinga?~X la gro?Xs 'debs pa'i/____/'gro mgon dpal ldan bla mar gsol ba 'debs/____/zhes bsngags brjod thun min du stsal bar mdzad pa ltar/__ris bral rgyal bstan yongs 'du'i dga' tshal chen por 'dus pa'i bstan 'dzin skyes chen dam pa yongs grags rnams dang /____kun spong sbas tshul 'dzin pa sogs khyad par 'phags pa'i slob tshogs grangs las 'das pa'i dbus nas thugs sras mkhas grub gtso che ba ni 'jam mgon gong ma'i phrin las kyi shing rta 'dren pa'i mnga' bdag rje nyid kyi rigs bdag tu gyur pa zhe chen rgyal tshab rin po che/__mkhan chen kun bzang dpal ldan chos kyi grags pa/__'jam mgon ngag dbang legs pa gtsos phal cher nas zab chos kyi bdud rtsi du ma slar bzhes pa dang /____de dag gis zhabs brtan dang gsol 'debs sogs don la gnas pa'i bstod bsngags phul bar mdzad pa'ang /____dus gsum rgyal ba kun gyi gdung 'dzin cing /____theg gsum chos kyi dga' ston 'gyed mkhas pa/____/khams gsum 'gro ba'i 'dren pa gci+ig gyur pa/____/'jam dbyangs chos kyi blo gros zhabs brtan gsol/____/zhes sga ston 'jam pa'i dbyangs kyis phul nas bla slob kun gyis zhal 'don dgos par yang yang gsungs pas mtshon du ma yod pa dang /____skyes chen dam pa'i rigs dpal sa skya'i pho brang khag gi khri chen gzhung zur/__sku mched/__zhal da'i rigs rnams dang /____lha khang mkhan chen sogs/__ngor e waM pa'i mkhan zhabs rnam pa/__nA len+d+ra'i gzim 'og dang bco brgyad khri chen/__yar klung dpon sprul sogs dbus gtsang dang /____rgya gar nub phyogs khu nu bla ma rin po che bstan 'dzin rgya mtsho/__brag yab gtsang sar mchog sprul/__bla ma 'jam dbyangs rgyal mtshan sku mched/__sa skyong sde dge'i dbu bla chos sde lhun grub steng gi shar nub rgyal mtshan bla ma/__drwa sgang mkhan sprul/__sde gzhung mchog sprul rnam gnyis/__dbon stod mkhan mkhyen rab/__dge ba'i bshes gnyen chos 'phel rab rgyas/__mdo srib mkhan thub bstan/__mkhar mdo dgon gyi sprul sku dang chos rje sogs sde dge'i mnga' khul gyi sde snod 'dzin pa rnams dang /____a mdo d+hI phu chos rje dang dpe war sprul pa'i sku sogs rgyud sde'i nyams bzhes 'chad spel nus pa'i rdo rje 'dzin pa grangs mang bcas sa skya pa/__sku zhabs si tu pad+ma dbang chen yab sras/__rgyal sras 'jam mgon mchog sprul/__dbon rgan yang srid rin po che/__sga stod/__zur mang /____phyi 'brog_/nang chen sogs kyi kar dgon grangs mang gi sprul sku dang bla ma/__'brug chen rin po che/__yongs 'dzin sprul sku/__mdo khams brgyad pa/__lding che'i cog grwa sprul sku sogs bka' brgyud che bzhi chung brgyad/__smin gling mkhan gcung rnam gnyis dang gdung sras sku mched/__rdor brag rig 'dzin chen po/__mkhar chu'i nam snying sprul sku/__mdo khams rdzogs chen drug pa rin po che/__sku zhabs dge mang mchog sprul/__sprul sku dri med 'od zer/__rdzogs chen mkhyen brtse sogs/__zhe chen rab 'byams drug pa/__rgyal tshab bzhi pa/__kong sprul rin po che/__gus phran bcas/__kaHthog si tu mchog sprul rin po che/__gra lag phyag tsha sogs gser khri khag gi sprul sku rnam pa/__dpal yul gzims 'gag mchog sprul/__ra sprul rin po che/__rmugs sangs sprul sku/__a 'dzom sras sku mched/__gter ston las rab gling pa dang dri med/__gru gu rtogs ldan bcas kyi sras sprul rigs/__mchog gling sprul sku rnam pa gnyis/__'bri gter 'od gsal rdo rje sogs rnying ma'i phyogs/__mkhas dbang dge bshes 'jam dpal rol pa'i blo gros kyis chab mdo 'jigs byed lha khang du rje bla ma nyid bod yul shing rta chen po brgyad kyi bstan pa'i mnga' bdag tu bsngags pa'i zhabs brtan gsol 'debs bcas sku tshe'i brtan bzhugs 'bul ba dang dad gus bsngags brjod che bar mdzad cing zhabs su bsten/__kun gling rta tshag rje drung rin po che/__mi nyag kyi le skyabs mgon/__tre hor dge rtag mchog sprul/__go 'jo 'gro 'dren sprul sku sogs dge lugs phyogs kyis mtshon grub mtha' ris med pa'i zhal slob don gnyis nus pa shin tu mang na'ang 'dir sa bon tsam du bsdus pa lags/__bod kyi mi chen bka' mda' rtsis gsum phal cher/__sde dge chos rgyal chen po/__gling rgyal/__sgom sde nang chen bcas kyi rgyal btsun sras blon rigs/__ri che/__chab mdo/__brag yab/__smar khams/__go 'jo/__nyag rong /____tre bo/__mi nyag_/rgya rong /____'gu log_/a mdo yan gyi dpon rigs/__'bras ljongs chos rgyal/__lha sde mi sde'i gtso 'dzin sogs mdor na phyi dus 'dir khams bod dbus gtsang rgya dkar nag gi khyon na mchis so cog gi bstan 'dzin skyes chen dam pa/__dad blo gtong ba'i mig yangs bstan pa'i sbyin bdag_/ri khrod kyi sgrub brtson pa sogs kyis mtshon dngos dang brgyud nas zab chos kyi bka' drin thob pa smos kyis mi long bar bzhugs pas don gnyis kyi phrin las rgya cher bskyangs dang skyong bzhin pa lags so//____//__drug pa zhar byung bsod nams kyi tshogs bsags sgo du ma nas rgya cher sgrub pa'i tshul ni/__dam pa'i skyes chen dag gi phyag bzhes kyi gtso bo bshad sgrub kyi bstan pa'i rgyun skyong ba nyid yin kyang /____zhar byung dge 'dun gyi gnas gzhi 'dings pa/__gtsug lag khang dang rten gsum gsar bzhengs/__de dag la mchod 'bul/__yul dam pa la bsnyen bkur dang /____dman pa la sbyin gtong sogs bya ba las kyi 'khor los rgyal bstan rin po che'i mnga' thang spel ba'ang sangs rgyas gnyis pa klu sgrub kyi rnam thar las 'byung ba bzhin/__rje bla ma mchog 'dis spang klog gnyis dang bya ba las kyi 'khor lo gcig gis gcig go ma bkag par thams cad sgo kun nas lhun grub tu gnang bar mdzad pa ste/__de la bya ba las kyi 'khor lo'i gtso bo dam pa'i chos 'chad spel gnang tshul rag rim smos ma thag pa ltar dang /____'dir thun mong gi bya ba las kyi 'khor lo'i phyag rjes gnang tshul yang sku tshe'i stod phrin las cher ma rgyas pa'i skabs 'di rigs gnang dka' tsam byung rung zhum pa med pa'i thugs stobs kyis thugs bzhed gang yod thad dkar gnang zhing /____dbyar dgun ldom bskor thengs 'gar phebs rjes/__ji skad du/__me tog dri ni rdzi phyogs min mi 'gro/____/rtsa brgya spos sam tsan+dan yang ma yin/____/dam pa'i dri ni rdzi phyogs mi 'gro ste/____/phyogs rnams kun tu mi mchog dri yis khyab/____/ces pa ltar rim gyis dam pa'i yon tan gyi grags snyan ma la ya rlung gis phyogs mthar khyab pas bgrang las 'das pa'i mchog phal dad 'dus rnams nas 'byor mkhos kyi mchod sprin skyabs zhus bsngo rten rigs bar med byung ba thams cad gnas min chud zos su ma song bar rten bzhengs dang mchod sbyin sogs gtong ba nam mkha' mdzod kyi sgo 'phar gtan pa med par dbye bar mdzad pa'i gtso bo bsdus tsam smos na/__de'ang rje bla ma nyid rdzong sar du bzhugs nas lo shas song ba na kun gzigs si tu rin po ches gsung 'phros su/__khyed rang 'jam mgon rin po ches mkhyen brtse'i phrin las kyi sprul par ngos 'dzin gnang ba'i rten 'brel gyis kaHthog pa'i bstan pa spyi dang /____khyad par rgyud sde'i bshad grwa dang rten bzhengs skor phran la phan thogs yong dgos pa yin na'ang skal bzang rdo rje'i kha chem bzhin 'dir bzhag dgos byung song /____da ni kho rang tshor 'dod babs yod med sna tshogs 'di ltar la/__slar kaHthog tu bzhugs dgos tshul phebs par zhu lan du/__gus pa 'dir sdod rgyur ming btags tshar dus gdan sa 'di la zhabs phyi cung zad 'grub re che zhing /____kaHbstan la rin po che rang bzhugs pa 'di lhag sus kyang ci thon med nges/__nam zhig dgos gal byung tshe lo bcu gnyis ring gus nas 'gan hril len gyi zhabs phyi zhu nges gtan yin tshul zhus pa na/__si tu rin po ches rje bla mar spyan cer gyis yun ring tsam gzigs mthar a tsi de las lhag zhig ci byed/__da ni khyed rang zer ba ltar gyis dang phran gyi bsam pa'ang des rdzogs par 'dug ces shin tu dgyes brtses bka' 'phros zhib tu phebs pa'i dgongs don bzhin/__thog mar snga 'gyur bstan pa'i 'byung gnas dpal kaHthog rdo rje gdan du kun gzigs si tu rin po ches gsar bzhengs rgyud sde'i bshad grwa thub bstan nor bu'i lhun po'i spyi rkang gtan med gyur pa gzhir bzhengs kyis nyams gso zhal grangs sngar yod steng gsum 'phar bas mkhan slob bzhi bcu zhe lnga'i grangs/__zangs mdog dpal ri'i zhing bkod blos bslangs mjug skyong bcas la gtso bor rje nyid kyi phyag rdzas gtong /____dgon gzhung gis mi chen bsko bzhag gi srol btsugs pas kun gyis bsngags 'os phyi mtha' gzigs pa lta bu'i legs lam cher byung /____khyad par rje nyid nas thog mtha' bar gsum phyag 'don gyis thub chen lha khang sum thog khang brtsegs mchod rten gyi bzo dbyibs che legs nang rten gtso gser zangs kyi ston pa'i sku thog so gsum pa rgyu tshad bzo dbyibs nang gzhug bcas 'gran zlas dben pa/__'khor sman 'dam gyi gnas brtan bcu drug rgyal chen bzhi bcas thog tshad re/__logs bris sogs khyad par 'phags pa/__steng du zangs gser gyi gany+dzi ra bcas/__rje bla ma rang gi gzim chung gser khang gdong du lha khang dang rten gsum mang du bzhugs kyang nges tig ma shes/__chos sde chen po 'di las gyes pa'i phyogs mtha'i dgon lag rnams su'ang rten gsum dang bshad sgrub kyi sde gsar bzhengs la mthun sbyor bcas snga phyi lo ngo bcu bzhi'i ring kaHthog pa'i bstan srid kyi 'gan bzhes gnang zhing /____kun gzigs si tu'i mchog sprul rdzogs chen lnga pa rin po che thub bstan chos kyi rdo rjes ngos 'dzin gnang ba rtsad gcod khri 'don mnga' gsol dang /____rmog rtsa sprul pa'i sku/__rje dbon mchog sprul/__dri med zhing skyong gi yang srid sogs rje nyid nas ngos 'dzin dang khrir bkod gnang nas smin grol gdams zab rgya mtsho lta bus lung rtogs chos kyi mdzod chen gnyer du gtad par mdzad/__mdor na sku tshe zhi bar gshegs kyi bar du dngos dang brgyud nas gzigs skyong yang yang gnang bas kaHthog pa'i bstan pa la gcig tu bka' drin che/__ru dam rdzogs chen pa'i gtsug lag mes 'jig skabs nyams gso'i cha rkyen ci rigs dang /____gu ru mtshan brgyad gtso bor bzhugs pa'i rnam thar pad+ma bka' thang gi bkod pa thang shar dgu la bzang gos kyi gong sham can dang rol sil sogs gtan 'jog mang du gnang /____zhe chen du rgyal tshab rin po ches mi pham gsung skor/__de rjes kong sprul dang rje dbon dge legs rgya mtsho zung nas rgyal tshab gsung 'bum bcas spar du bskrun par dbu 'don mthun rkyen dang zhal 'debs yang yang gnang /____bshad grwa gsar 'dzug la bslab ston dang /____rgyal tshab rin po che'i mchog sprul ngos bzung nas chos kyi khri la bkod pa sogs chos sde 'dir bka' drin rgya cher gnang /____gter chen mchog gyur gling pa'i gdan sa gnas brtan dgon du ri nang dpon khag la ched du bka' chab dang 'brel bshad grwa nyi shu rtsa lnga gsar 'dzug la kaHthog mkhan po tshul khrims nyi ma dang mkhas dbang khang dmar rin chen sogs snga rjes ched btang gzhung chen rtsa 'grel gyi phyag dpe gnang ba sogs gzigs skyong mthil phyin pa/__mchog sprul rin po che ngos 'dzin khrid bkod dang smin grol gdams zab rgya cher stsal/__de bzhin rtsi ke'i gdan sa la'ang thugs bskyed cher gnang ba sogs chos brgyud 'di 'dzin pa rnams rje mkhyen brtse sku gong 'og gi bka' drin gyis ngal 'tsho ba kho na'o/____/bka' brgyud phyogs sde dge phyi 'brog dang nang chen khul gyi dgon sde che phra phal cher la'ang bshad sgrub gsar 'dzug gi mthun rkyen zhal 'debs dang mkhan po btang ba sogs mang du mdzad/__chos rgyal sde dges sngon du sbyor 'jags gnang yang phyis nyams chag gyur pa drwa sgang sgrub sde gsar du bzhengs nas sgrub grwa lnga bcu tham pa ji srid bstan pa gnas kyi bar bzhugs pa'i phogs theb 'bri brgya lhag dang dngul rdil tshad sum cu skor gyi rten rtsa dang /____gsung ngag rin po che lam 'bras kyi nyams bzhes gtso bor gyur pa'i dpal ldan sa skya'i snyan brgyud tshad ma bzhi ldan nyams su len pa'i sgrub sde khyad 'phags/__rdzong sar du 'jam dbyangs mkhyen brtse'i dbang pos bod khams bstan 'gror phan bde'i btsas su dpal bsam yas kyi gtsug lag khang gnyis pa'i rnam par bzhengs pa'i dgongs bzhed bzhin kun gzigs blo gros mtha' yas kyis sa mig ched btsal gnang ba'i khams kyi bye ma thang rigs gsum sprul pa'i lha khang thub bstan bshad sgrub dar rgyas gling du blo gsal dge 'dun lnga bcu tham par gsol phogs mchod thebs rgyas 'dangs kyi rten rtsa sbyor 'jags dang /____de dag bzhugs shag mdo sbug_/mchod khang re re bzhin thub dbang gnas brtan bcu drug rgyal chen ha shang bcas kyi snang brnyan brag ri'i yul bkod mdzes pa mchod ting bdun tshar re bcas/__dge 'dun pa rnams kun spyod gtsang la dag pa 'dul ba dang mthun pa'i phyag bzhes lhur len pas thos bsam gyi bya bas dus 'da' ba'i bca' bsgrigs bcas nyin bzhin snga dro rgyun chags gsum pa dang /____dgong mo gtor bsngo bsdus tsam re/__rgyal ba'i dus chen bzhi dang /____gsar rnying ris med pa'i bstan 'dzin skyes chen gtso che ba rnams kyi sku mchod du dgong mor phyi nas snang gsal gyi phreng ba bcas gling mchod 'bul ba'i srol bzang ngo mtshar dang ba 'dren pa'i rgyun btsugs pa la/__mkhan thog dang po kun gzigs si tu rin po che'i bka' ltar mkhas btsun bzang po'i yon tan gyis mdzes pa'i mkhan chen gzhan phan byams pa'i go cha ched du gdan drangs nas lo gsum bzhugs ring 'dul mngon/__dbu ma rig tshogs/__bzhi brgya pa dang 'jug pa/__byams chos lnga dang spyod 'jug bcas gzhung chen rnams rgya 'grel ltar 'chad pa'i rgyun btsugs shing /____mkhan chen bla ma mchog gi phrin las ches cher rgyas par gyur/__rim gyis de dag gi steng du tshad ma rnam 'grel/__rigs gter sogs dang /____mkhan chen 'jam dbyangs rgyal mtshan dang lhan rgyas kyis kun mkhyen go ram pa bsod nams seng ge'i gzhung bshad mkhas dbang de'i bzhed srol ltar 'chad par mdzad la/__dbus gtsang /____'brug yul/__mdo khams shar lho'i sa rnying bka' dge gtsor gyur ris med pa'i dge 'dun brgya phrag lhag rtag bzhugs nang nas gzhung de dag 'chad spel nus pa'i sde snod 'dzin pa mang zhig thon pa sogs shin tu 'phel rgyas la brten/__mdo khams stod smad kyi chos sde che phra mang por bshad grwa rgyun 'dzug 'phel rgyas kyis khams dbus kun tu bshad pa'i sde rgya cher 'phel ba'i bdag rkyen du gyur/__phyis gnas der gtsug lag khang ches che ba gsar bskrun gyi rten gtso mgon po ma pham pa'i snang brnyan thog tshad lnga pa gser zangs las grub pa phra rgyan dang bzo khyad kyi bkod pa 'gran zlas dben pa'i nang gzhug ring bsrel rnam bzhis phyur bur bkang ba'i byin ldan seng khri rgyab yol rgyan drug bcas/__logs ris su gsar rnying sdom gsum bla brgyud dang gangs can bstan pa'i srol 'byed nyer lnga/__yi dam dang chos skyong bcas bris bkod phun sum tshogs pa/__bzang gos kyi gnam rgyan dang ka 'phan/__steng du gser zangs kyi gany+dzir/__sku gong ma'i dgongs bzhed rdzong sar dbu rtse'i lha khang zhabs mar rten gtso gser zangs las grub pa'i 'jam pa'i dbyangs kyi sku bzhugs khri rgyab yol phra rgyan bzo bkod phun sum tshogs pa/__'khor gu ru rgya gar ma/__jo bo rje/__gong ma rnam lnga/__ngor chen bcas gser zangs las shin tu byon legs/__so sor bzhugs khri rgyab yol rin po che sna tshogs kyi phra rgyan/__gzhan yang gnas bcu/__sgrol ma nyer gcig sogs sku brnyan grangs mang /____gsung rten rgyal bka' rin po che/__bstan bcos 'gyur ro 'tshal bcas/__thugs rten zangs gser gyi dus 'khor ye shes mchod rten thog tshad bzo bkod phra rgyan sogs phun sum tshogs pa/__chos skyong rten bris sku'i cho ga man ngag bzhin gzhung mthun gnang ba'i mgon po lcam dral thang chen thog tshad bcas kyis mtshon rten gsum grangs mang gi lha khang de'i ka ba bzhugs khri'i drwa mig shing lo pa tra bya 'brug sogs shing brkos shin tu sgros gtsang la gser ris tshon dbyis ldan pa/__bzang gos gser ma shas che ba'i gnam rgyan ka 'phan bcas/__phyis de dang 'dab 'byor pa'i gzim chung shar nub dbus gsum bkod mdzes thog rtseg bzhi pa gsar bzhengs che legs spus dag bcas/__bkra shis 'chi med grub pa'i dga' tshal gyi gzim chung dbang khang du 'phags ma'i snying thig gi gtso bo dz+hi k+ShiM dang /____dkyil 'khor lha dang rig 'dzin rnam gsum gyi sku brnyan gser zangs/__dz+hi k+ShiM gyi dpal dus kyi 'khor lo mda' tshad/__gser zangs kyi sgrol ma nyer gcig bde gshegs so lnga/__gsang bde 'jigs gsum kye rdor sogs yi dam rigs/__mgon po phyag bzhi drug sogs chos skyong rigs bcas li sku shas che ba/__drwa mig rnams shing brkos gzab spros/__logs gcig tu rgya bzos sku khang sgros gtsang du gshin rje dgra nag gi li sku khru tshad lhag_/sangs rgyas 'od srung li sku khyad 'phags/__ston pa'i sku shar li/__ston pa dang sgrol ma'i sku gter byon/__sangs gling gter byon gu ru'i sku tshab/__nA ro mkha' spyod dang 'jigs byed bcas so sor gser dngul bkra ba'i gwa'u re bcas/__phag gru'i sku dang /____tshong dpon dge legs su grags pa'i rje'i sku brnyan/__smin gling gter chen rin po che'i sku dz+hi k+ShiM can sogs/__rdo rje 'chang /____tshe dpag med/__sa ra ha/__bi rU pa/__gu ru he ru ka'i chas can sogs sku brnyan sna tshogs bzhugs pa'i drwa mig gis mtshon rten gsum shin tu mang bar bzhugs/__de'i g.yas zur du gzim chung gsar pa mchod khang gnyis dang tshom chen bcas thog so gsum pa'i mchod khang shar mar rten gtso thub dbang sku ta ming li ma che legs la/__'khor gnas bcu gser zangs khru tshad/__rgyal bka' rin po che sde spar mtshal shog gdong dar glegs shing thags shin tu spus ldan/__mchod khang nub mar sku rten ci rigs dang /____sher phyin stong phrag brgya pa/__gdams ngag rin po che'i mdzod/__sgrub thabs kun btus/__rgyud sde kun btus/__dwags po/__rong zom pa/__rje tsong kha pa/__kun mkhyen go ram pa/__zhe chen rgyal tshab/__'jam mgon mi pham bcas kyi gsung 'bum/__sa bzang gi ka lA pa/__si tu'i tsan+d+ra pa/__dge paN dbyangs can ma bcas kyi TI ka/__khams bod mkhas pa'i snyan 'grel/__rtsis skar nag_/mngon brjod/__sdeb sbyor sogs cha tshang ba/__gser dngul bkra ma'i sku gdung cha brgyad/__sman 'dam gyi gter chen mchog gling 'dra zhal/__sku gong 'og gi sger gyi bka' srung gnyan chen thang lha'i rten/__de dag la bzang gos kyi gnam rgyan/__gzim khang steng du gnas chen byin 'bebs dang 'dzug chog ldan pa'i zangs gser gyi rgyal mtshan che legs/__bod khams bkra shis 'byung ba'i gnas rong me dkar mo stag tshang du mkhyen kong mchog gsum gyi zab gter rtsa gsum gtso che ba'i rigs dang zhar byung sgrub brgyud shing rta chen po brgyad la 'brel 'jog nyams bzhes lo lnga re'i yun la gnang ba'i sgrub grwa dpon slob dgu gsar 'dzug la sgrub phug dang 'brel ba'i sgrub khang sngar yod rgya bskyed tshogs khang che legs/__sgrub pa so sor gshag mig re/__steng du gzim chung /____sgo khyams bcas/__log tu mgon khang dang thab tshang bcas par rten gsum mchod chas yo byad rigs dang sgrub pa'i nyams bzhes phyag dpes mtshon nyer spyad rigs gang dgos tshang ba/__sgrub g.yog bcas mchod thebs dang gsol phogs rgyas 'dongs sbyor 'jag gnang /____khyung stag gnas phug tu sman 'dam gyi gu ru snang srid zil gnon mda' tshad/__gu ru bde ba chen po'i sku khru gang ba bcas tshon rtsi dang nang gzhug khyad 'phags byin can/__dbu rtse lha khang gi ri rtser lha bsangs khang du sku rten gu ru khyad par 'phags pa'i rig 'dzin mda' tshad ma/__'khor du ge sar/__thang lha/__spom ra/__zil khrom/__tshe ring mched lnga/__brtan ma bcu gnyis bcas sman 'dam sgros gtsang tshon rtsi nang gzungs ldan pa bcas 'di rigs rje bla ma mchog nas gsar bzhengs gnang ba 'ba' zhig dang /____gzhan yang shar mi nyag nas byang re kong tshun gyi gsar rnying grub mtha' ris med kyi chos sde mang por lha khang gsar bzhengs dang nyams gso'i rigs la skabs babs kyi bslab ston dang rten gsum mchod chas yo byad sogs ci rigs gtan 'jags dang zhal 'debs kyi bdag rkyen gnang ba ni smos kyis mi ldang /____tha na grwa shag dkyus mar sku dang mchod stegs tsam gsar bzhengs la'ang legs so'i dbugs dbyung /____tshon rtsi sogs kyi mthun rkyen/__gzungs 'bul rab gnas gser chab sogs shugs 'byung du gnang zhing snyan shal dang sbrags nas stsal bas dad spro'i snang ba gong 'phel du 'gyur ba'i phyag bzhes rgyun ldan du gnang /____gsung rten skor la/__rje mkhyen brtse gong ma'i gsung mdzod chen lnga dang rgyud sde sgrub btus bcas kyi khongs su ma bzhugs pa thor bu'i rigs thugs rtsol chen pos zhib sdud gnang ba'i glegs bam che ba bcu gsum lhag mkhas dbang bla ma bkra 'phel nas ljags rtsom dkar chag bcas/__mkha' spyod be bum rtsa ba yan lag bcas pod gsum/__dgongs gter rtsa gsum 'od gsal snying thig dang /____yang gter mkha' 'gro gsang 'dus/__'chi med 'phags ma'i snying thig_/snyan brgyud gnad tig phur pa/__lce btsun snying thig bcas gter gzhung dang so so'i gsal byed bcas/__'jam mgon mi pham rin po che'i gsung skor bstod tshogs/__gtam tshogs/__zhal gdams/__sgrub thabs thor bu'i rigs/__rdzogs chen skor/__tshig bdun gsol 'debs rnams bshad/__smon lam shis brjod bcas pod gnyis lhag_/rdo grub bstan nyi'i gsung rje mkhyen brtse'i rnam thar/__mkhan kun dpal gsung chos rje dpal sprul rin po che'i rnam thar/__'dul ba mdo rtsa sogs gzhung gi rtsa ba gong mas spar brko bzhed gnang ba du ma dang /____rgyud brtag gnyis/__phur pa rtsa dum/__dri med bshags rgyud/__chos spyod skor gsol 'debs dang smon lam rigs 'ga' bcas/__gnub chen gsung spyi mdo dgongs 'dus kyi dka' 'grel dang /____gsang snying 'grel pa bka' mchims phu ma sogs gsar rnying gi gzhung rgyun dkon rigs du ma bcas pod nyer lnga long nges kyi shing spar rje nyid nas 'gro song phyag bstar gyis bzhengs shing /____mdo 'grel dang gsang snying 'grel pa kaHthog_/mi pham gsung skor lhun grub steng du bka' 'bum sdebs gcig tshang ba'i ched du 'jog par mdzad pa las gzhan tshang ma rdzong sar du bzhugs/__'byor ldan gzhan la bskul nas bzhengs pa'i mdo ting 'dzin rgyal po/__sher phyin g.yag TIka/__rong ston dbu ma 'jug 'grel sogs spar du bkod/__gzhan yang rin chen gter mdzod kyi dkyil thang dang dbang tsag sogs gsar bzhengs la spar gzhi cha tshang phyag bstar gyis dag ther dang spar yon dngos rdzas rgya cher stsol bar mdzad/__gser bris kyi rgyud bcu bdun tshang ba pod bzhi/__lam rim ye shes snying po rtsa 'grel pod kyis gtsos gsar rnying grub mtha' ris med kyi gzhung gdams man ngag gnad chen dang dpe rgyun dkon pa'i rigs gtsor gyur glegs bam nyis brgya lhag_/rgyal bka' rin po che mtshal spar cha gsum/__snag spar cha gnyis/__bstan 'gyur cha gcig rnams gtsor gyur dbus gtsang mdo khams a mdo tshun nas gnad gal gang che'i gsar rnying mkhas grub mang po'i gsung 'bum dang mdo sngags gzhung 'grel spar du bzhugs rigs ched btab gnang ba'i pusti kaHgcig stong lnga brgya lhag gsar du bzhengs/__de dag la glegs shing thag chab mgo gdong dar na bza' bcas spus dag dper 'os pa 'ba' zhig mdzad/__thugs rten du gong gsal dus 'khor ye shes mchod rten dang /____kaHthog tu phyi dbyibs khang bu brtsegs pa'i mchod rten gyi rnam pa thub chen khang /____zil rgyud rdo kho mar byang chub mchod rten shin tu che legs/__khams bye slob grwa'i phyi nas khang brtsegs mchod rten gyis 'khor bar bskor ba dang /____rje nyid nas phyag bstar dang gzhan la bskul ba sogs kyis dri med rnam gnyis lag len ldan pa'i mchod rten che phra mang zhig bskrun par mdzad/__dus dang rgyun gyi mchod pa'ang gong gsal rten gsum rigs gtso bor bzhugs pa'i lha khang rnams su mchod pa'i yo byad de dag kyang rnam grangs tsam bgrang rgyu'i gang byung gis chog pa ma yin par bris 'bur thig rtsa sogs nyams 'og chud pa'i thugs bzhed gang yod bzo las rnams la zhib par bkod 'doms dang /____skabs su gzigs bskor gyi gzi brjid thon pa rnams la byas rjes gsol ras spam mtho ba re gnang srol bcas kyis rten gsum rigs khyad 'phags kun gyi dper 'os pa sha stag bzhugs so/____/bris thang skor/__ston pa'i skyes rabs dpag bsam 'khri shing thang shar nyer gcig_/chos rgyal bdun rigs ldan nyer lnga phyed dum skyong /____bu dol gnyis dang rang byung zhabs/__si tu d+harmA ka ra sogs bzhugs pa'i zhal thang so bdun pa dpal spungs 'jam mgon chos 'byung phyag bkod ltar/__rgyan drug mchog gnyis/__grub brgyad/__gu ru mtshan brgyad/__sgrol ma nyer gcig dang 'jigs pa brgyad skyob sogs kyi gra thang dgu tshar dang lnga tshar sna tshogs/__mkhyen brtse'i dbang po'i 'khrungs rabs thang shar bcu dgu/__mkhyen gter yongs rdzogs thang shar so lnga sogs sangs rgyas byang sems rtsa gsum chos skyong bcas kyi zhal thang che chung sna tshogs sum brgyar nye ba bzang gos gser ma'i gong gsham dang zhal khebs/__dngul dang lcags gser shas che'i bsgril tog bcas spus nom ldan pa sha stag_/rin gter dbang tsaka zhib rgyas nyis stong nyis brgyar nye ba dang /____dkyil thang sum brgya lnga bcu lhag gtsor gyur bka' gter dbang tsaka dang dkyil 'khor rigs kyang gsar bzhengs mang /____mchod pa spyi dang bye brag spos mar me sogs kyi rgyun theb sbyor 'jags/__khyad par rdzong sar dgon du rgyal ba lha las babs pa'i dus chen dang /____zhar du brtse chen kun dga' snying po/__mkhas grub khyung po rnal 'byor sogs kyi sku mchod dang khel bar 'khon lugs rdo rje phur pa'i sgrub mchod rtsa 'chams dang /____smad las bsgral 'chams sogs spros bcas phyag bzhes can rgyun 'dzug mdzad pa'i sgrub rten mchod rdzas yo byad 'chams chas sogs gzab rgyas dngos gtsang dang /____tshogs theb rgyas 'dong sbyor 'jags/__'di'i tshogs dbur skabs su rje nyid dngos phebs kyis phyag bzhes bsgrigs lam gang cir zhib gzigs gnang /____gter lung khang dmar dgon du smin lugs rdor sems kyi sgrub theb rgyun sbyor gnang /____snga rjes dus skabs ci rigs par bsnyen sgrub gnas 'brel bstan rim sogs la rje nyid kyis phyag bstar dang /____dad sbyin gyis ched du gsol ba btab pa bcas bka' gter sgrub chen phal cher sman sgrub dang 'brel ba lan grangs sum cur nye ba spros pa rgyas bsdus ci rigs gnang ba rang gis shes tshor rags pa tsam yin cing /____sku tshe'i stod du gnang rigs nges tig 'god ma shes/__der ma zad yar klung shel brag_/'phags yul rdo rje gdan/__bal yul yang le shod rnams su bdud rtsi gcig sgrub nyin gang re gnang ba'ang gnas dus kyi khyad par gzhan gyi tshogs sgrub las dgos don che bar nges shing /____sprel lo'i sprel zla nam khel la tshogs 'bum ther dang 'brel bar gu ru'i sku tshab brgya phrag re gta' spel phyag bstar dang /____gzhan tshogs mchod stong nas khri 'bum bar/__brgya phrag yan dang 'brel bar mkha' 'gro'i me mchod sogs bar med du gtong bar mdzad/__khyad par mdo khams nas dbus gtsang 'bras ljongs bar gyi gnas chen gnas phran du mar phebs nas bsnyen sgrub/__mchod 'bul/__khrus gsol rab gnas/__tshogs bskang me mchod/__bsang brngan dang lha srin dam bsgrags sogs rgyas bsdus ci rigs tshogs dang mchod pa'i dngos po phun sum tshogs pa phyag bstar dang /____chos 'khor rnam gsum/__rgya gar rdo rje gdan/__wA rA Na sI/__mnyan yod/__bal yul mchod rten rnam gsum gtso bor gyur pa'i gnas chen khag la nyer spyod kyi mchod pa khri tshar can lan mang /____rten rnams la zhal gser dang na bza' rgyas 'bul/__maN+Dal rten snyan shal sogs rgyas par gnang tshul rgyas pa lam yig las gsal zhing /____rgyun du yar mar tshes bcur tshogs skong rgyas pa chags med/__rgyal ba'i dus chen khag bzhi/__nya stong brgyad gsum/__gsar rnying gi skyes chen dam pa dang /____rje nyid kyi rigs bdag bla ma dam pa rnams kyi sku mchod du mchod sprin gzab rgyas dang 'brel gsung chog skabs su gang babs/__dmigs bsal du rje gong ma'i sku mchod mkha' 'gro gsang 'dus sgrub mchod nyin bdun ring shin tu rgyas pa/__rje gong ma'i phyag rgyun lo bstar sprel zla'i tshes bcur bla ma gsang 'dus kyi tshogs brgya/__dgung gsar tshes gcig la chos rgyal khri srong gi sku mchod nyang gter phrin sgrub rin chen sgron me'i tshogs mchod bcas/__gzims chung phyi nang du mchod me rgyun 'bar/__yon chab shin tu grangs mang /____zhal zas kyi phreng ba sogs/__tha na mchod pa'i zhal zas dang tshogs mchod mtho tshad las chung du mi gtong bar yo byad thams cad gtsang dag gang rgyas lo zla bstar chags su tshogs bsags kyi sgo mtha' yas pa la gcig tu brtson par mdzad/__yul dam pa rnams la bsnyen bkur mdzad pa'ang zab chos kyi bdud rtsi bzhes pa'i bla ma dang dge ba'i bshes gnyen las bka' chos gsan skabs thog mtha' bar gsum du maN+Dal brtan bzhugs/__gtang rag la rten gsum rtsa ches thog drangs/__dngos rdzas nyer spyad mkho dgu gtsang dag gi rigs rgya gang che rtag par 'bul bar mdzad pa dang /____rje nyid kyi mdun dbang chos gsan bzhes kyi bla chen/__mkhan sprul/__'khos chung gi chos pa yan mchog phal su la'ang 'os bstun gyi dngos 'bul/__'tsho ba'i mthun rkyen/__chos gos lhung bze+ed/__rdor dril/__sgrub rten sogs gang dgos lhug par stsal zhing /____gdan sa chen po'i bshad sgrub kyi sde dang ris med pa'i chos sde khag la bsnyen bkur dang 'brel bar rgyal bka' rin po che dag sgrogs/__mdo rgyud kyi gzungs sngags phan yon dang dgos pa che ba'i rigs khri 'bum nas dung phyur kha yar bar/__bsngo smon sogs la sku yon phyag rdzas gtos che ba lo bstar gnang sbyin dang skabs su babs pa'i bslab ston sogs stsal bas sngon byon gong ma'i phyag srol khyad par can rnams ma nyams gong 'phel du gnang bas rgyal bstan bshad sgrub kyi chos rgyun dar rgyas 'phel ba'i bka' drin rlabs cher bskyangs/__khyad par lam yig las 'byung ba'i bod phyogs lha ldan smon lam chen mor phyag 'gyed dang /____rwa sgreng nas bzung gtsang po lho byang lho brag khul sa skya gong bar phebs lam du khel ba'i sa dge kar rnying gi dgon sde che phra tshang mar mang ja dang phyag 'gyed kyi bsnyen bkur rnam dag phyag len du bstar bar mdzad/__phal pa'i skye 'gro mtha' dag la dngos dang brgyud nas phan bde'i rgyur 'gyur ba'ang sku gong mar bod khams bde ba'i lung don dang mthun par skyabs rje si tu thams cad mkhyen pa'i dgongs bzhed yin ces mdo khams stod smad kun tu thugs rje chen po'i ma Ni dung sgrub tshugs na dus kyi rgud pa zhi zhing legs tshogs rgyas pa'i tshul phyogs kun tu bka' chab gnang ba ltar phyogs so sor dge ba'i lam srol sngar med gsar tshugs 'brel tshad don ldan du gyur pa dang /____gzhan yang sa bdag snying gter/__klu bum/__nor bum sogs brgya phrag mang po dus dang dus su bca' sgrub kyis yul tsho so sor ched du bkram par mdzad cing /____klu sman tshad ldan bsdu sgrub gnang ba gnam char dkon pa'i tshe mtsho dang chu mig la bkram zhing char sgrub kyang nan du mdzad/__der ma zad sman gyi bsdu sbyor tshad ldan cha tshang gnang ba mkho dgos can gyi nad pa la dge sman rgyun mi chad pa dang /____khyad par du lag len dka' zhing 'gro song che ba sogs kun gyi yid smon tsam du gyur pa'i dngul chu btso bkru chen mo shin tu phon che ba phyag len gnang nas rin chen ril nag chen mo/__yang zab/__mang sbyor/__shel dkar mchod rten/__rat+na bsam 'phel/__dbang ril nyer lnga/__zla shel chen mo bcas sbyor tshad sogs gzhung mthun bsdu sgrub tshad ldan gnang ba dang /____gi waM/__dbang ril kha che/__bse ru sogs rin thang che ba'i rigs/__khyad par dngul chu btso bkru ldan pa'i zla shel chen mo shin tu phon mang yang yang bsdu sgrub mdzad pas phan stobs kyang lhag par che bas kun gyi srog 'tsho lta bur gyur pa rnams dang /____gzhan yang sman raka gtor gsum/__g.yang rdzas/__glud rdzas/__sbyin sreg gi rdzas sogs nyer mkho'i rigs zhu mkhan su byung la phongs med du gnang /____bka' las kyang 'di'i rigs gzhan la phan du re nas lag len byas pa yin pas de ltar phan thogs re byung na legs shing /____de min zhu rten sogs gtan nas mi dgos pa yang yang phebs pa ltar dngos brgyud gang sa nas bzhes srol med/__rtag par zhal mjal skyabs zhus bsngo rten rigs la'ang so sor dam rdzas sogs ji ltar 'dod pa dang zang zing gi gsol ras gya nom pas mchog phal yongs kyi re ba skong ba'i phrin las la skyo ngal dang res 'jog med cing /____dbang chos rgya cher 'brel ba nas chos 'brel tsam thob pa yan chad rtag par thugs rjes bzung ste dngos shugs nas chos la bskul bar mdzad cing /____shin tu dman pa dbul phongs dbang po yan lag skyon can dang bya khyi yan la nad 'tsho'i sman dang zas gos sogs kyis lus sems la phan par mdzad pa dang /____spro ba bskyed pa'i gsung 'phros khyad par can gyis dbugs dbyung bas mtshon bsdu ba'i dngos po rnam pa bzhis yid can mgu ba bskyed pa sogs mdor na nam mkha' mdzod kyi gtong ba'i sgo 'phar gtan pa med par dbye bas rlabs chen bsod nams kyi tshogs bsags pa'i dpal gyis srid zhi'i rgud pa cig car du bcom par mdzad pa'ang skyes rabs las/__zla bas kun dga' nyi mas rab gsal dang /______/me yis tsha ba rlung gis mgyogs pa dang /______/snying rjes dga' ba skye bo che rnams kyis/____/gzhan la phan pa lhan skyes rang bzhin yin/____/ces gsungs pa ltar ro//____//__bdun pa sprul pa dbyings su bsdus pa'i tshul 'phros don dang bcas pa ni/__de'ang rje bla ma nyid dmigs pa med pa'i thugs rje'i bdag nyid bstan dang 'gro ba'i dpung gnyen chen por gyur pa gang gis byang chub kyi spyod pa rgya mtsho lta bu bdag gir bzhes te ris med pa'i bstan pa dang mchog dman bar ma'i 'gro ba mtha' dag la phan bde'i phrin las rgya cher skyong bzhin pa nas/__dgung grangs re gsum pa shing lug zla ba bzhi pa'i tshes skor 'dus pa ha cang mi mang ba zhig la bka' chos grub rjes bslab bya bsdus tsam zhig gnang ba'i zhor du/__deng sang rang gzhan su yin rung chos rnam dag byed mkhan ni nyin skar las kyang dkon/__thams cad kyi rgyud lha min gyis brlams pas dge bcu'i bca' khrims dang 'brel ba'i gna' srol bzang po la skyon du brtsi zhing ya rabs chos ldan gyi rigs rnams dmangs su 'bebs/__rang gzhan phung la sbyor byed mtha' mi'i g.yo thabs kyi rjes su 'brang /____las 'bras thams cad khyad du gsod cing bu brgyud pha ma la yid mi ches/__bla dgon rnams bstan pa'i snying po nyan bshad sgom sgrub ming tsam du gyur nas pho tshod sgo nas dpung dang longs spyod kyis bstan pa 'dzin par rloms/__blun po rnams lta ci mkhas par rloms pa dag gis kyang phyogs lhung chos spong gi rgyab brten du lung dang rigs pa'i rtsal ci yod kyis rgyal bstan rnyogs par byed cing ltos bcas log lam du khrid/__kun gyis bstan don la bsnyad pa'i tshong dang bun skyed sogs g.yo sgyu kho na la brtson/__gson gshin gyi dkor nag hab thob byed/__chang dang tha mag shwa rgyan bshas tshong sogs khyim pa sun 'byin sha stag las srung sdom rnams 'phong gi rdo bzhin du 'dor/__tha na sangs rgyas kyi rjes 'jug rtags kyi che bar gsungs pa gzan sham tsam zhig legs par gyon pa'ang nyung zhing /____phal cher khyim pa'i chas dang gri mtshon la gtsigs su byed pa sogs dngos brgyud nas bstan pa 'dzin pa phar zhog myur du nyams pa'i thabs la brtson/__mdor na kun gyis mi dge ba 'ba' zhig la spyad pa'i dbang gis nad mug mtshon 'khrug sogs shin tu bzod par dka' ba'i sdug bsngal mthong chos su byung dang 'byung bzhin pa ni rgyu 'bras mi bslu ba'i chos nyid lags kyang /____da dung yi chad mchog gsum la byed cing rgyab brten gdug 'dre la bcol ba sogs snyigs ma'i spyod tshul 'di la gang nas bsam kyang shin tu yid skyo ba'i gnas las mi 'dug_/kho bos khyed rnams la chos phran tshegs ston pa'i byas yus bgrang ba gtan nas min kyang ban rgan snying rlung ldang ba'i bcos gtam chal chol du shor ba red ces spyan chab kyang bsil bar mdzad/__de nas mi ring bar rje nyid kyi dgongs nyams sogs 'tshub par bcad rgya dam bzhugs dang gnas 'brel phebs rgyu gnad du gang che sku tshab rin po che'i mdun brtag bsgril zhus don/__spros med sku 'khor rag bsdus gnas 'brel phebs na legs babs dgon yul rnams la bka' bsgrags gnang ba'ang /____don du gsang ba srung ste sku rten 'dis gdul bar bya ba phrin las dus las yol ba med pa rgya cher skyong ba'i mdzad pa mthar phyin pa nyid rgyu dang /____'byung 'gyur dus 'khrug gi nyen kha tshab che bzlog tu med pa mngon sum du mkhyen pa'i rkyen gyis bskul bar dngos su grub mod/__'on kyang 'phral du gdan sar zhabs bkod thub pa'i zhal bzhes bcas thams cad la zhal mjal tshe dbang smon lam dang myang grol rigs zang zing gi gsol ras sogs kyis yid tshim par mdzad/__gtsug lag dang mgon khang khag la phebs nas mchod 'bul snyan shal phrin bcol brtan bzhugs smon lam shis brjod bcas rgyas par gnang /____dgon yul bshad sgrub kyi sde bcas la skabs su babs pa'i bslab bya sgo kun nas so sor stsal te hor zla drug pa sprel zla'i tshes bcu rgyas par btang nas tshes nyer gsum la sku 'khor shin tu nyung bsdus chib btegs/__gangs ri'i ljongs tsam na mngon par mtho ba'i sgrub gnas kyi rgyal po pad+ma shel phug mdun bzhugs sgar btab nas thugs sgrub bsam lhun gyi tshogs brgya mdzad/__dad 'dus mang por zhal mjal sogs gnang /____de nas rim par yar mar lam kyog bcas bzhugs zhag phal cher gnas ri re dang khel bar mdzad de skabs su bcag mal dang bcas so sor tshogs bskang dang me mchod/__lha bsang /____ri khrus/__bka' nan rab brjid dang byin 'bebs sogs gang la gang 'os dang /____zhal mjal ba'i skye 'gro rnams kyi re ba skong bzhin khams nas rim par byang nag chu kha dang rwa sgreng brgyud de bod kyi chos 'khor lte ba lha sa/__bsam yas/__khra 'brug sogs/__lho gnas brgyud/__gtsang stod sa skya nas sbas gnas 'bras mo ljongs/__rim par rdo rje gdan sogs 'phags yul du thengs gnyis/__bal yul du thengs gcig phebs pa'i lam 'khod gnas rten khag dang gsar rnying dgon sde mtha' dag la mchod 'bul bsnyen bkur gang rgyas/__khyad par du bgrang las 'das pa'i skye bo mchog phal yongs la mtshan dpe'i dkyil 'khor gsal bar bstan nas skal ba dang 'tshams pa'i gsung gi bdud rtsi rgya cher stsal zhing /____dmigs pa med pa'i thugs rje chen pos kun la khyab pa'i 'brel tshad don ldan gyi phrin las rgya che dang bcas re zhig 'bras ljongs su bzhugs te/__rtsa gsum rig 'dzin srog sgrub kyi bdud rtsi sman sgrub zhig kyang gnang /____bkra shis sding du gnas chen byin 'bebs dang gzhi bdag rten bkol/__gtsug lag khang dang pho brang la rab tu gnas pa'i cho ga sogs ji ltar gsol ba btab pa ltar rgyas par gnang /____sgang thog dang /____lha sde'i gtso bo pad+ma yang rtse/__rdor gling khul rnams su dad 'dus rnams kyi zhus ngor bka' chos rigs nar mar gsungs/__rgya gar dang yo rob kyi mi sna mang por chos dang 'brel ba'i gsung gis dngos brgyud nas gtan bde'i sa bon bskrun par mdzad/__'di skor rgyas par bkod 'os kyang lam yig las zur du gsal bas 'dir sa bon tsam gyis 'thus par byas pa dang /____dgung grangs re bdun phebs pa sa phag gnam lo gsar tshes skor nas sku khams cung 'khrugs/__tshes bco lnga'i nyin blo sbyong don bdun zhu mkhan byung bar dgyes bzhin gnang nas dus skabs 'di 'drar de ring cho 'phrul zla ba'i dus chen la zab chos 'di lta bu 'don rgyu byung ba bsod nams khyad par can bsags song zhes phebs/__de nas bsnyun rim ljir bzhes kyang khu nu ba/__'brug pa/__dbyin ci nang chos la dad pa sogs dad 'dus sna tshogs la klong snying rtsa gsum/__mchog gter sgyu 'phrul bcas gsung bzhin/__kun gyi re 'dod skong thub zer ba dka' na'ang ched du re ltos mkhan 'di rnams la 'dod skong ci nus bsgrub dgos tshul sogs phebs/__'di rnams gdul bya'i tha ma yin 'dug_/de ltar na gangs ljongs rgyal bstan ris su ma chad pa'i mnga' bdag chos kyi 'khor los bsgyur ba chen po thams cad mkhyen gzigs 'jam dbyangs mkhyen brtse'i dbang po zhes snyigs ma'i dus 'dir rgyal ba'i bstan pa la ston pa gnyis pa lta bu'i mdzad rjes can de dang rnam dbyer med pa'i thugs bskyed dang phrin las sgo kun nas skyong bar mdzad pa ni bdag cag gi dpal ldan bla ma 'di kho na tsam du nges pa bstod 'dod dang sgro btags tsam ma yin par rnam thar 'od zer brgya pa'i snang ba 'jig rten kun la thun mong du gyur pa'o/____/de lta bu'i bsam gyis mi khyab pa'i rnam thar 'gran zla dang bral ba'i phrin las thams cad mthar phyin nas/__sgyu 'phrul las/__ma rig smin mdzad 'dul ba'i phyir/____/byung nas mya ngan 'da' bar ston/____/ces dang /____gser 'od dam pa'i mdo las/__gzhan yang rigs kyi bu de bzhin gshegs pa de mya ngan las 'da' bar bstan pa dang /____sems can rnams de dkon pa dang 'phrad par dka' ba'i 'du shes dang /____mya ngan dang sdug bsngal gyi 'du shes la sogs pa bskyed pas/__sangs rgyas bcom ldan 'das kyis gsungs pa'i mdo 'di dag myur du 'dzin pa dang /____'chang ba dang /____klog pa dang /____kun chub par byed pa dang /____gzhan dag la'ang rgya cher yang dag par ston pa la skur pa 'debs pa med par 'gyur bas/__de'i phyir de bzhin gshegs pa sku tshe thung bar bstan to/____/zhes sogs nas/__rigs kyi bu de lta bas na de bzhin gshegs pa rgyu mtshan dang rkyen de'i phyir 'jig rten na yun ring du mi bzhugs shing myur du mya ngan las 'da' bar mdzad pas de bzhin gshegs pa rnams ni thabs mkhas pa phun sum tshogs pa de lta bus sems can rnams yongs su smin par mdzad do/____/zhes de bzhin gshegs pa'i sku tshe'i tshad mtha' med pa'ang gdul bya 'dul ba'i thabs mkhas kyis mya ngan las 'da' tshul ston par gsungs pa bzhin/__rje bla ma dam pa 'di nyid kyang nges pa'i don du dus gsum gyi rgyal ba thams cad bskyed pa'i yab tu gyur pa bcom ldan 'das khyab bdag 'jam pa'i rdo rje nyid sum ldan rdo rje 'dzin pa'i rnam par 'phrul pas na rten 'dis bgres rgud med par ji srid bskal pa'i bar sogs su 'tsho zhing bzhes pa'ang don du 'gyur bar dgongs na bzhugs par nges kyang /____gshegs bzhugs bgres rgud kyi rnam pa thams cad tshur mthong gdul bya'i snang ngor shar bas na snyigs ma'i skye bo rnams bsod nams dang skal ba dman pas de lta bu'i thugs rje 'jug pa'i yul du ma gyur cing /____zhing khams gzhan dang gzhan du phrin las 'jug pa la don che bar gzigs te yun ring por mi bzhugs pa'i gsung 'phros/__snga ma bsnyun khams cung zad re 'khrugs skabs nas nged kyi nad 'di dpal spungs skyabs mgon bde gshegs kyi bsnyun khams dang gcig pa nyid 'dug ces lan mang gsungs shing /____nye char lo snga mar zhabs brtan phul skabs bka' gsal phebs pa'i don snying rags bsdus/__ngos rang thog mar 'jam mgon rin po ches ngos 'dzin gnang ba nas bzung bstan 'gror mdzad rjes gnang ba rnams dmigs gsal gyi rje mkhyen brtse'i dbang po'i phrin las kyi mjug skyong yin pa'i rgyu mtshan bcas gsungs 'phros/__rang lo re gsum nas sku tshab rin po cher brtag bsgril zhus don gnas 'brel bskyod rgyur byung ba mdo khams nas dbus gtsang 'phags bal bar gnas rten zhib mjal phyag bskor mchod 'bul dang /____zhar byung skye 'gro mchog phal mang por dngos brgyud nas thar pa'i sa bon ci thebs kyi rnam dkar la 'bad pa rnams gtso bor rgyal bstan rin po che dar rgyas yun gnas dang /____rang gzhan thams cad 'phral yun kun tu dge ba'i dmigs 'dun gang shes bgyis pa yin/__slar yang rgya gar du gnas bskor 'gro rgyu byung ba'ang rje mkhyen brtses bod phyogs gnas gzigs lan mang gnang yang rgya gar du phebs ma mdzad pa gus pa'i bgo skal yin rgyu'i de bzhin phyag mchod smon lam yid tshim pa zhus/__rnam kun 'brel tshad don ldan gyi smon 'dun la brtson bzhin pa sogs rang ngos nas legs byas kyi phyogs tsam ste/__de thams cad kyang rje bla ma dam pa gang gi phrin las kyi cha shas dang zab dgongs rdzogs pa'i thabs kho na yin par rloms pa ste/__spyir 'phags pa'i thugs bskyed dang phrin las mtha' dag rdzogs par so so'i skye bos bsgrub ga la nus kyang /____rang blo dang 'tshams pa'i bgo skal cha shas rigs ci ltar nus pa bsgrubs zin cing /____rgya la khams su slebs rgyu 'dra yod dar na'ang sku cha shas gser dang gzungs 'bul lhag song ba de tsam byung na dang /____bzang spyod smon lam 'bum ther gcig nges par 'grub na snyam pa las gzhan bsgrub dgos 'di lhag song snyam pa cher med pa ma zad/__grub zin rnams kyang rang gi bsod nams ni legs par bsags zin pas bdag tu 'dzin pa gang yang med/__da ni bgrang bya yang mtho tsam du son cing lhag par nad mnar shin tu lci ba dang /____gnas dus kyi 'gyur ba sogs gang cir 'chi brod dang mi 'jigs pa'i gdeng tshad dang mi ldan mod/__skyes zin 'chi ba las ma 'das pas 'gyod kyang phan pa med pa der zad/__khyed rnam pas yun ring sdod dgos tshul gsungs na'ang skye 'chi la dbang thob zer ba shin tu dka' bas de bzhin khas len zhu nus kyi gdeng ni cung zad kyang med pa rang blo rang la lkog tu ma gyur pa kho na lags/__'on kyang bla ma dkon mchog thugs rjes lo re zla shas tsam ma shi na rang ngos nas kyang nges par dga' bas/__de bzhin ring du 'tsho ba'i smon 'dun ci nus byed bzhin dang /____zhabs brtan yang sngar nas lab zin pa ltar gtso bor bstan 'gro bde thabs su bsgrub rgyu nyid dgos gal che zhing phran gyi rkyen sel du'ang zhar byung don gyis 'gyur bas/__bsgrub 'os rnams brtag pa rim gyis gnang chog tshul gyi gsung zab zhib tu stsal ba dang mthun par/__zla ba de'i tshes nyer gcig nas rje gong ma'i sku mchod mkha' 'gro gsang 'dus sgrub mchod kyi dbu bzhugs gnang ste tshes nyer lnga'i nyin tshogs dang mchod pa rgyas 'phar mkha' 'gro'i bstod bskul sogs cho ga shin tu rgyas par gnang ba'i phyi dro nas bsnyun khams cher 'khrugs tshul bstan pa na/__ngor pa thar rtse dang klu sding rnams dbur bzhugs kyis sgrol ma g.yul mdos/__brgya bzhi/__bdud bzlog_/gsur dang chu gtor/__tshe lha rnam gsum mchod chog_/gnas chog_/sgrol chog_/chos skyong bskang gso/__rtsa gsum tshogs bskang brtan bzhugs bcas/__rgya ston bla mas gcod tshogs dang mdos glud rigs grangs mang /____tshe sgrub sogs phul/__sprul bsod rgyal gtsos nang skor zhabs gras rnams nas mkha' 'gro'i tshogs bskang dang sun bzlog sogs zhabs brtan rigs mu mthud bsgrub mus/__dbo zla'i yar tshes skor bsnyun khams cung zad dwangs tshul bstan/__ka sbug nas bdud 'joms rin po ches zhabs brtan ched phul byung bar slar skyes lan du'ang zhabs brtan phul/__tshes bcur tshogs bskang rgyas par gnang /____'di skor nas bod du 'khrug zing rim par byung 'dug_/spyir bstan 'dzin skyes chen dam pa rnams dang lhag par rje 'di nyid kyi thugs kyi brnag pa mthar thug pa ni bstan 'gro'i don nyag gcig tu gyur pa bzhin/__snga rjes gsung 'phros su da skabs phyi'i rgyal khab rnams nang pa'i chos la dang len gyis so so'i skad yig tu bsgyur ba dang /____chos tshogs 'dzugs pa sogs kyi gces spras byed skad mang po bshad 'dug pa rjes su yi rang gi yul du gyur cing /____rgyal ba'i phrin las kyi 'jug pa bsam gyis mi khyab pas de ltar mi 'byung ba'i nges pa'ang ci yod de/__rang re bod 'di sprul pa'i chos rgyal lo paN rnams kyi thugs rjes mdo sngags bstan pa yongs rdzogs dar zhing rgyas pa da lta'ang sa bon ma nub tsam du gnas pa 'di la kun gyis rgyu mtshan shes pa'i gces spras kyis myur du nyams chag ma shor thabs kho na 'bad dgos shin tu gal che/__tha na bsam pa bzang po'i smon 'dun re byas na'ang dgos pa che tshul yang yang phebs shing /____rje nyid nas gsung chog rigs bar med kyi khur bzhes dang thugs khral shin tu che bar gnang /____dgos pa dgongs gzhi gang yin sus rtogs kyang bod phyogs su phebs bzhed kyi rnam pa 'dra zhig brgyud mar mdzad cing /____gus lha ldan du yod skabs phyag bris stsal ba thams cad du smon tshig yan chad bod du phebs rgyu kho nar gnang /____bod kyi bstan pa la nyams chag byung tshul gsan pa de phyin thams cad mkhyen pa dbu thon yod rgyur thugs bde'i rnam pa tsam las/__gzhan bod kyi don skor gsung zur tsam phyi nang su la'ang gnang bar ma mdzad/__slob ma khrid zhu ba rnams la ye shes bla ma zhig 'don rgyu byung na snyam yang /____khong tshos khrid sbyang ji bzhin byung mi 'dug ces phebs bzhin/__gzim mal nas bzhengs bzhugs skabs sku brdabs shor ba'i rnam pas bsnyun khams slar 'khrugs/__zhabs brtan du mchog gling rin po che dang /____rgya ston sogs dpon slob sum cur nye bas 'phags ma'i snying thig gi sgrub chen tshugs/__nag zla'i yar tshes la lha yum nas 'gan bzhes te rgya ston 'khrul zhig zung gis dkon spyi'i sgo nas sun bzlog brtan bzhugs dang /____sgrub chen dngos grub blang ba dang 'brel brtan bzhugs rnams rim par phul/__rgya bod sman bcos kyang gang zab zhu bzhin brdabs rkyen gyi bsnyun zug rim zhir gyur kyang bsnyun khams spyir gzhi lci ba las ma g.yos shing bzhengs bzhugs gnang dka' bar gyur/__sa skya bdag chen rin po che la chen du bzhugs pa ched du gdan zhus dang /____bdud 'joms rin po che/__rdo grub sprul sku/__bya bral sangs rgyas rdo rje sogs la brtan bzhugs thugs smon dang gdan 'dren sogs phul/__sku zhabs khams sprul rin po ches gshin rje khro chu'i gtor bzlog_/dkon spyi'i tshogs bskang sun bzlog brtan bzhugs kyis mtshon zhabs brtan rigs brgyud mar sgrub bzhin/__nag zla'i tshes bco lngar dmigs gsal bka' phebs te mchod tshogs rgyas spros rje nyid sku rkyang gis dus kyi 'khor lo'i mchod chog rgyas par mdzad rjes gsung chog gzhan ma gnang /____'di skor nas bsnyun khams kyang bzhengs bzhugs dka' ba tsam las gzhan tshab cher med pa'i tshul lta bur bzhugs/__sa zla'i yar tshes la ngor pa'i mkhan khag gsum/__mchog gling rin po che/__rgya ston sogs bla sprul mkhan slob nyi shu skor nas rtsa gsum tshogs bskang sun bzlog brtan bzhugs dang 'brel zhabs pad yun du brtan bzhugs grub pa zhes mgrin gcig gis gsol ba btab pa'i lan du rten 'brel la dgongs pa'i gsung lan ci bder gnang /____yang bskyar du da lta'i bsnyun khams bzhes tshul bstan pa 'di 'phral dwangs yong ba'i thabs tshul zhabs rim bsgrub 'os gang zab bka' gnang grub pa'i zhu nan cher phul bar/__da lta na rgyu 'di ni tshab chen ci yang ma red pas yun ring mi dgos par dwangs 'gro rgyu thag chod/__khyed rnam pas kyang de bzhin dgongs shing los yod/__zhabs brtan kyang da snga rgya cher grub song ba da ni dmigs bsal bsgrub 'os cher mi 'dug_/mkhan rin po che rnam pas byabs khrus re gnang na bka' drin che tshul tsam zhig phebs/__sa skya bdag chen rin po che yang zhabs sor 'khod nas tshe dbang dgung grangs dang brtan bzhugs bcas zhabs pad yun ring brtan bzhugs grub pa dang /____zhabs rim bsgrub 'os bka' gsal gnang grub kyi zhu nan phul ba la'ang rten 'brel la dgongs pa'i zhal bzhes gsung lan ci bder 'bul gnang la/__bdag chen rin po ches slar yang zhabs pad brtan pa'i zhu nan dang bcas sku khrus tshe dbang rigs dang /____thugs bzhed 'jam dpal a ra pa tsa na'i rjes gnang bcas phul/__ngor mkhan khag la 'di rnams rje rdo rje 'chang kun dga' bzang po'i bzhugs khrir phebs pa'i skyes chen dam pa yin pas zhor du chos 'brel re gnad che gsungs pa ltar so so nas rjes gnang byabs khrus rnams rim par phul/__gzhan yang bla sprul dang 'dus slob 'bangs bcas nas tshe lha rnam gsum mchod chog_/phyogs bzhi'i 'bar ma/__chos skyong gtor bsngo 'bum ther/__dam tshig rdo rje'i bsgom bzlas sogs bar med du bsgrub bzhin pa dang /____mchog gling rin po che rgya ston dpon slob nas pha rol rgol 'joms gtor bzlog rdo grub dpon slob nas yum bka'i tshogs dang me mchod/__dad slob sbyin bdag gzhan nas kyang rtsa gsum tshogs 'bum sogs zhabs brtan rgya cher bsgrub mus/__'di skor nas sher phyin sdud pa sogs zhal 'don phyag dpe'i steng nas gsungs dgos rnams zhag 'gar nyin ring nan gsungs gnang zhing /____da ni de rnams bsgril lugs legs par gyis la stegs khar yar zhog cig ces gsol dpon la gnang /____gzim lam du sgrub chen grol rgyu'i mar me'i smon lam gnang ba lan btud mar byung tshul dang /____lan gcig bka' brgyad sgrub chen grol rgyu'i dkyil 'khor phal cher bsdus zin nas mar me'i smon lam byed bzhin mar me rnams ha cang mi gsal bar 'dug pa shin tu gsal por rmis tshul phebs/__tshes nyer lngar zhabs gras rnams nas snying thig yum bka'i tshogs bskang bka' bzhin phul/__'di nub srod yol du sa g.yos che tsam yang byung zhing /____phyir nyin snga dro'i char thugs khams shin tu gsal dwangs lta bur de ring na rgyu dwangs tshar ba 'dra zhig red/__da ni lang ste 'gro snying 'dod pa 'dug ces sku bzhengs pa'i g.yas nas phyag brten bcas nye skor phar phebs tshur phebs ring tsam mdzad/__'brug nas karma pa dang /____sku zhabs si tu rin po che sogs phebs/__'brug dbang mo sogs la mjal 'phrad bka' mol zhib par gnang /____phyir nyin nas slar yang bsnyun khams rim lcir phebs tshul bstan/__snron zla'i yar tshes nas sa skya bdag chen rin po che dang /____rgyal dbang karma pa'i mdun nas zhabs pad brtan dgos gsung nan gnang bar rin po che rnam pas thugs smon 'dra gnang na grags shing yod 'gro zhes gsung lan gnang /____'khrul zhig nas kyang zhabs pad brtan dgos kyi zhu nan dang sku khrus sogs phul/__tshes gsum nyin 'bras ljongs sras yum nas thugs 'gan bzhes te rgya bod sman pas bsnyun khams mjal rtog zhus par phyag rtsa sogs la skyon gang yang med tshul bshad/__sras yum zung la spyan cer gyis gzigs te zhal 'dzum par gnang /____zhabs brtan du rdor sems tshogs 'bum dpon slob nyi shu skor nas tshugs/__tshes lnga nyin rgyal dbang rin po ches dkon spyi'i tshe dbang dang bka' mol gnang nas rum btegs su chib bsgyur gnang /____sa skya bdag chen nas phur pa'i sri mnan khag bzhi dang tshe dbang sku khrus sogs bar med du gnang /____'di skor thugs yengs pa'i rnam pas nged kyi rtsa ba'i bla ma thams cad byon nas 'dug kyang rdo rje 'chang blo gter dbang po da sngon phebs ma byung zhes gsang yum la zhal 'phros gnang /____de 'phral nas rmi lam rmis pa red/__'khrul snang za zi'i rmi lam mi 'byung ba ci yod ces zhal bsgyur bar mdzad/__de nas gsung cher ma byon/__skabs mtshams phyag g.yas sdigs mdzub thugs ka dang pus steng /____spyan lta stangs kyis nam mkhar yun ring tsam dang byang shar phyogs su yang yang gzigs par mdzad/__tshes drug gi dgong khar bzhes thang /____gsol chang /____'o ma sogs phul ba so so nas cung zad re bzhes shing thugs khams kyang bag tsam gsal ba'i rnam par bzhugs/__phyed yol glang gi phyi cha tsam nas skye med kyi yi ge'i sgra gdangs brtsegs ma lan 'ga' dang bcas dgongs pa nang gsal gdod ma'i gzhi dbyings chen por mngon par byang chub pa'i tshul bstan par mdzad do/____/de 'phral rang byung bstan pa'i btsas 'das rjes kyi glegs bam dang 'khor lo sku lus la phul nas zhag gsum gyi bar du gsang rgyas btab/__tshes dgu nyin bdag chen rin po che dbus gsar rnying mkhan khag bla sprul rnams nas bla ma mchod chog dang 'brel spyi mthun thugs dam bzhengs gsol bcas gsang rgya brtol/__kye rdor/__rdor sems/__rnam sme sogs kyis bsgrubs pa'i bum chu dang dri bzang gi chus sku gdung rin po che legs par bkrus shing chos sman dang ga pur sman sna sogs kyis byugs/__gsar rnying gi rgyud sde nas byung ba'i gnas yig gser zhun gyis bris pa dang /____btags grol/__rgyud kyi glegs bam rnams sku'i gnas so sor ma 'khrul bar phul zhing /____ras dkar dri bzang gis bgos pa dang bzang gos ser pos legs par dkris pa'i bar rnams sna'i phur mas gcer/__longs sku'i rgyan chas dang phyag tu rdor dril 'bul ba/__bsnyen bkur bcas bka' 'gyur lha khang du bzhugs khrir bzhugs su gsol nas mchod pa'i yo byad rgyas par bshams/__thog mar bdag chen rin po che dbus bla sprul rnams nas sbyong khrus bcas lhag pa'i lhar bskyed bstim mchod bstod gsol gdab sogs sngon du 'gro bas der 'dus rnams dang rim par mchog dman bar ma'i 'gro ba grangs mang rgyun mi chad par sku gdung rin po che'i mjal kha dang /____gdung khrus sbyin pa sogs 'brel tshad don ldan gyi phrin las rgya cher 'phel/__de yang ji skad du/__rdo rje sems dpa' snying gi me long gi rgyud las/____/mya ngan las 'das pa de yang gnyis te/____/yang dag par rdzogs pa'i sangs rgyas pa dang /______/mngon par rdzogs par sangs rgyas pa'o/____/de la yang dag par rdzogs par sangs rgyas pa ni phung po lhag ma med par sangs rgyas pa'o/____/mngon par rdzogs par sangs rgyas pa'i skyes bu de la 'od dang /____sgra dang /____gdung dang /____sku dang /____sa g.yo ba la sogs pa 'byung ngo /______/zhes dang /____de ltar 'od kyi dkyil 'khor du/____/gang zhig byang chub rnyed pa'i mi/____/'di ni skal ldan sems can gyi/____/sprul pa yin gyi phyogs bcu ru/____/sems can don kyang rang bzhin du/____/'di yis byed do mkha' 'gro ma/____/zhes sogs gsungs pa ltar 'di nub sa rub rjes glog spar ba yang mog por bgyid pa'i 'od kyi snang ba shin tu gsal bas phyogs thams cad khyab pa yun ring du byung bar kun kyang dad gus ches cher 'phel/__phyi rgyal mi sna khag gis kyang 'di ni nges par dam pa'i skyes bu de nyid dgongs pa rdzogs pa'i rtags su nges so zhes ngo mtshar du gleng bar grags/__de nas ji skad du/__'dul ba lung las/__sA la'i shing la 'khri shing bzhin/____/dam pa rnams ni bsten gyur pa/____/bzang po'i dpal gyis 'khyud par byed/____/ces gsungs pa ltar/__lhar bcas 'gro ba'i 'dren mchog dam pa gang gi rnam thar bzang po'i tsan dan gyi tshal du sdong dum phal pa sa la lhung yang mngar po'i dris 'khyud pa bzhin zhabs 'bring du 'khod pa dag kyang yon tan gyis mdza' ba chos nyid de/__rje bla ma mchog gi sku'i dbon mdzod sogs nas gus shing dang ba'i blo gros dri ma med pa rnam par dkar bas mtshams sbyar te rtag gus kyi brtson pa chen pos gshegs rjes dgongs rdzogs mchod 'bul phongs med gzab rgyas su ji ltar bsgrubs pa'ang /____thog mar gsang rgya brtol 'phral 7gong sa skyabs mgon tA la'i bla ma mchog gi mdun tar 'phrin phul bar bstan 'gro spyi byer gyong che na'ang don khyad par can gzhan du gzigs nges pas dgongs bzhed legs 'grub kyi thugs smon gnang rgyu'i tar len phebs/__de rjes thugs dam ston pa'i li sku khyad 'phags gtsos mchod bsngo rten 'bul lam zhus par ljags rtsom myur 'byon gsol 'debs ngo mtshar can sogs zhib gnang gi bka' drin stsal/__rgyal dbang karma pa phebs lam char zhod kyis bkag pas bsngo rten gzab btus 'bul lam dang /____slad nas ched du chib bsgyur dang 'brel gsung chog dang sku gdung rin po che'i mdun thugs smon zab rgyas gnang /____bdud 'joms rin po che dbus ka rdor khul bzhugs bla sprul rnams la'ang mchod bsngo so sor bkram/__gtso bor sku tshigs dang por sa skya sgrol pho'i skyabs mgon bdag khri rin po che dbus/__ngor mkhan khag zhabs drung chog rogs pa bcas kyis sa sta sngon du 'gro bas 'khon lugs rdo rje phur pa'i sgrub pa gdung mchod dang 'brel ba bdun phrag gcig_/sku zhabs si tu rin po che rgya ston dpon slob nas kar gling zhi khro/__mchog gling rin po che dpon slob nas sngags kyi gso sbyong /____slob tshogs byings nas dam tshig rdo rje'i bzlas pa 'bum ther bco brgyad grub pa dang lhan du rje bla ma rang gi dgongs bzhed bzang spyod smon lam 'bum ther gyi dbu tshugs/__nyin ltar mar me stong dang mchod pa gzab rgyas bcas sa dge kar rnying zhwa lu sogs ris med pa'i dge 'dun dge tshul slong gi rten can drug cu nas brgya skor bar gyis gsungs/__gzim chung du gsang yum dbus nang skor nas tshes bcur snying thig yab bka'i tshogs skor dang zhi khro'i skong chog tshugs/__'di nas brtsam sku gdung bzhugs ring tshogs skor dang na raka skong bshags nar mar gsungs/__gong gsal rdor sems tshogs 'bum skabs 'dir grub pa'i sku yon sogs 'bras ljongs gzhung nas gtong gnang mdzad/__de nas gsar rnying chog khag gnyis res gdung mchod 'bul rgyur/__sku tshigs gnyis pa la/__sa skya phun pho'i skyabs mgon gdung sras sku bgres rin po che dbur bzhugs/__thar rtse mkhan po/__sga thar lam mchog sprul rnams kyis kye rdor sgrub mchod bdun phrag_/rdo grub nas thugs chen sdug bsngal rang grol/__sku tshigs gsum par sa skya'i rje btsun ma dang mnga' ri sprul sku sogs nas mkha' spyod ma'i sgrub mchod/__rgya ston sprul skus jo lugs dus 'khor mchod chog_/skabs 'dir mar ngo'i tshes bcur khel bas sku gdung rin po che'i mdun mchod tshogs gzab spros kyis bdag khri rin po che dbus ngor pa'i mkhan zhabs sogs bla grwa bzhi bcur nye bas rnal 'byor ma'i sgrub mchod/__rdo grub dang mchog gling dbus bla grwa mang bas yum bka'i tshogs skong /____bzang spyod 'dus sde bcas yongs rdzogs la bsnyen bkur dang phyag 'gyed bcas gsang yum mdun nas 'phar ma gnang /____gzim chung du bla sgrub byin rlabs snying po'i cho ga tshugs/__sku tshigs bzhi par ngor khang gsar mkhan po dbur bzhugs kyi kun rig sgrub mchod/__pad+ma yang rtse'i bla grwa nas bde gshegs kun 'dus tshugs/__bzang spyod gsung mkhan byings la sku yon phul/__snga ma rje nyid kyis gsung 'phros su phyogs 'dir phebs pa'i dge tshul slong rnams gso sbyong re gnang na shin tu legs tshul bka' stsal pa'i dgongs don ltar so thar gyi sdom pa'i rten can drug cu skor thog mar bkra shis pa'i gso sbyong dang /____nyin bzhin gso sbyong re dang bcas sku gdung rin po che'i mdun bzang spyod tshugs/__mchod pa rnam lnga so so nas stong rtsa re nyin bzhin phul/__chu stod zla ba'i tshes bzhi'i dus chen nyin bla grwa thams cad gdan zhus kyis bzang spyod smon lam 'bum ther kha skong bcas legs par grub/__gzim chung du snying thig dang thugs sgrub bla mchod zhag 'ga' tshugs/__sku tshigs lnga par rdzong sar mnga' ri sprul sku dbur bzhugs kun rig sgrub mchod/__dben dgon lung rtogs sgom chen dbur bzhugs kyis smin gling rdor sems tshugs/__sprel zla'i tshes bcur gzim chung du bla ma gsang 'dus tshogs brgya dang /____sku gdung rin po che'i mdun dad ldan 'ga' nas gzhi len gyis rdo grub dang mchog gling dbur bzhugs rigs 'dus dang thugs sgrub bar chad kun sel gyi tshogs brgya re/__sku tshigs drug par mkhar mdo khang gsar zhabs drung dbur bzhugs kyi kun rig dang /____g.yon ru gter sras bla ma sogs nas zhi khro'i skor chog tshugs/__bdun phrag rjes mar thar rtse rin po che dbur bzhugs kun rig sgrub mchod/__gnam mtsho do skya sprul sku/__mchog gling rin po che bcas dbur bzhugs gter gsar zhi khro na raka dong sprugs/__tshes nyer lngar chog khag gnyis la kha sab gsar rnying bla grwa yod rigs gdan 'dren dang stong mchod bcas 'di'i nub sku gdung rin po che'i mdun mkha' 'gro gsang 'dus kyi cho ga mchod skong bye brag pa sogs gzab rgyas/__tshes nyer drug nyin cho ga khag so sos sbyong khrus bcas bsngo yig rnams bsregs/__gnyis ka lhan tshogs gsar rnying bstan pa rgyas chog rigs dang /____bzang spyod sogs smon lam nyin 'ga'i bar gsungs pa rags rim tsam dang /____gzhan yang dad ldan slob tshogs rnams dang /____sbyin bdag che phra sogs mchog phal kun nas rang rang 'byor rgu rtsal sprugs kyis mchod 'bul dang tshogs bsags/__blo nus dang 'tshams pa'i dge sbyor/__chos 'chad nyan/__gsol 'debs smon lam bcas la nyin mtshan bar med du brtson pas dus 'da' ba rnams kyang zhar byung ngo /______/de ltar gsol dgung gi gsung chog so sor mchod tshogs rigs gzab rgyas/__skyabs mgon bdag chen rin po che gtsos dbur bzhugs khag la rten gsum gyis thog drangs/__mkhan sprul bying dang chog grwa so sor 'os bstun dngos 'bul rgya che spus nom ldan pas mnyes pa sgrub tshul zhib cha deb 'khod las gsal te/__de'ang sdom 'byung las/__mchod pa thams cad yongs spang nas/____/bla ma mchod pa yang dag brtsams/____/de mnyes pa las kun mkhyen pa'i/____/ye shes mchog ni thob par 'gyur/____/zhes dang /____gsang snying las/__dbang phyug longs spyod lngas mchod na/____/dkyil 'khor thams cad mchod pa yin/____/nye ba'i dkyil 'khor smos ci dgos/____/nyes pa thams cad dag par 'gyur/____/zhes dang /____spyi mdo dgongs 'dus las/____/bskal pa stong gi sangs rgyas las/____/bla ma gnyan par shes par bya/____/ci phyir bskal pa'i sangs rgyas ni/____/bla ma dag la brten nas 'byung /______/zhes dang /____kun 'dus rin po che'i rgyud las/____/gang gis bskal pa 'bum phrag tu/____/lha sku 'bum phrag bsgom pa bas/____/bla ma cung zad dran pa mchog_/bsod nams 'di ni pha mtha' yas/____/zhes dang /____nam mkha' dri ma med pa'i mdo las/__kun dga' bo/__de bzhin gshegs pa rnams ni sems can thams cad la snang ba ma yin gyi/__dge ba'i bshes gnyen ni yongs su snang ba la chos ston cing thar pa'i sa bon 'debs pa'i phyir/__de bzhin gshegs pa rnams las dge ba'i bshes gnyen lhag par zungs shig_/ces mdo rgyud rnams nas sangs rgyas thams cad mchod pa las kyang bla ma gcig pu mchod pa khyad par 'phags tshul rgya cher gsungs pa ltar/__dam pa gang gi zag pa med pa'i thugs kyi dgongs pa rdzogs pa'i thabs su rnam dkar tshogs bsags rlabs chen kun gyis bsngags 'os can gro bzhin zla ba'i yar tshes la grub nas ngor e wa~M thar rtse mkhan rin po ches yon bsngo sogs rgyas par gnang /____de'i phyi nyin nas bkra shis pa'i gso sbyong dang /____de nas bzung sku gdung rin po che bzhugs ring nyin bzhin mchod sprin gzab cing rgyas spros/__yar mar tshes bcur tshogs bskang /____tshes bco lnga dang gnam stong la gso sbyong dang 'brel bstan pa rgyas chog smon lam sogs dang /____'di nas brtsam ste phyogs 'dir gso sbyong dang dbyar gnas kyi srol tshugs pa'ang rje bla ma 'di'i thugs bskyed las byung ba dang /____gzhan yang rgyan stug po bkod pa'i mdo las/__'jam dpal phyogs gang na chos smra ba de 'dug gam/__de'i rus bu'am/__ro bam pa zhig yod par mthong na'ang mtshams med pa'i las byang bar 'gyur ro/____/zhes 'brel tshad don ldan gyi phrin las khyad par can du gsungs pa ltar/__phyogs mtha'i skye 'gro bgrang las 'das pa dang /____lhag par khams bod mi grangs shin tu mang bar sku gdung rin po che mjal kha dang gdung khrus sogs zhib tu stsal bas kun gyis phyag mchod smon lam dge sgrub sdig spang sogs rnam dkar rgya cher bskyed gzhir gyur pas rten 'dis gdul 'os la phrin las kyi 'jug pa mi yol ba'i rlabs chen thugs bskyed kyi rang 'bras ngo mtshar can du nges pa'o/____/gus phran nas kyang dgongs pa nang dbyings su thim tshul thos nas mchod 'bul gsol 'debs ci nus la brtson mus/__sku tshigs rdzogs 'phral slebs pas rang mkhos mchod 'bul sogs dang /____dbon mdzod nas mchod tshogs gzab gnang gis khams sprul rin po che gus dpon slob lhan nas smin gling rdor sems bdun gcig dang /____zla bshol gyi sprel zla'i tshes bcur yang gter rtsa gsum dril sgrub tshogs brgya bshags bskang bcas gzab rgyas/__don gnyer ba rnams la dri med rnam gnyis kyi dbang sogs 'don sgrub zhu rgyu tsam byung /____sku tshigs rdzogs nas gdung rten khag bzhengs rgyu'i sta gon tshugs/__'bras ljongs su smin gling gzungs spar bzhugs pa'i steng dri med rnam gnyis kyi mchod rten la ched du dgos pa rnams spar gsar brkos bcas shing shog kho na la btab par rdzas byugs/__dras mthud/__bsgril dang na bza' gsol rgyu bcas chad lhag nor 'khrul med pa dang /____gzhan yang bri dgos pa rgyud dang gzungs mdo'i glegs bam rnams dang mthong grol btags grol 'khor lo/__khyad par du tshad dang ldan pa'i srog shing khag byang chub shing gi rigs las bskrun pa/__gal che ba'i gzungs rnams gser zhun gyis bris pa/__gser zangs kyi byang bur gzong ris kyis brkos pa'i gnod sbyin 'khor lo cha gsum bcas la dar gos rgyu bzang kho na'i na bza' dang /____dri med rnam gnyis kyi dkyil 'khor dang mchod chas yo byad rigs/__klu dang sa bdag nor lha nyes sel sogs kyi bum gter grangs mang /____de rnams so so'i rdzas cha/__thun mong du lnga tshan lnga dang /____sman sna/__bsang sna/__'bru sna/__dar zab/__gos sna/__rin chen phye ma/__sa chu 'byung bcud sogs 'gro song sku ngal 'dzem med rtsol sgrub dang /____lag len rnams mchod dpon bla ma 'jam dbyangs blo gros mchog ldan nas 'jam mgon rnam gnyis phyag bzhes ltar zhal bkod dang bcas dge tshul slong sdom ldan gtsang sbra la gnas pa sha stag gis yun ring du zhib sgrub zin pa dang /____ngos rang /____mkhar mdo zhabs drung /____rgya ston rin po che chog rogs bcas nas sbyong khrus rab gnas sngon du 'gro bas gzungs sgrub dang /____srog shing /____glegs bam/__'khor lo/__bum gter rnams so so'i cho gas yun ring du sgrub par bgyis/__gdung rten zangs gser yang khams brag yab pa'i bzo bo mkhas pa bzhi nas brdung sgros gzab bskrun gser rtsi bcas gang legs mtha' 'dus grub/__de yang sku gdung rin po che zhugs 'bul zhus na legs tshul sku gong 'og zhal mthun gsung 'phros khyad par can gzhir bzhag gis/__rdo rje gdan lta bu gnas khyad par can zhig tu gdan 'dren zhu rgyu'i gleng bslangs la/__'khrul zhig dpa' bo rdo rje nas 'bras ljongs gnas mthil bkra shis sdings rang du zhugs 'bul dang gdung rten bzhengs grub na sku phreng gong ma lha btsun chen po'i dus dang /____rje bla ma rang nyid kyi thugs bskyed rten 'brel bsam gyis mi khyab pas sbas gnas 'dis mtshon yangs pa'i rgyal khams kun tu rgyal bstan rin po che dar rgyas yun gnas dang /____skye rgu yongs la phan bde rgya cher 'byung ba'i btsas su 'gyur tshul nan gsungs dang /____rje bla ma gnas nang phebs skabs sngar nas nged rang phung po 'dor ba'i gnas kyi bkod pa zhig rmi lam dang rig ngor yang yang gsal ba bkra shis sdings 'di rang red 'dug ces gsung 'phros phebs pa dang gung mthun pas/__gdung dkris rnying gsol zhib bsal gyis sku'i gnas rnams su gser chab dang gnas yig rnams gsar du bris/__btags grol rigs dang gsar rnying rgyud sde'i snying po sogs gser bris tshar mang /____spar btab phon cher phul zhing dar gos dri bzang gis bgos pas gsar du legs par dkris/__rin po che'i rgyan sogs longs sku'i chas kyi bsnyen bkur zhus te rtsis khog dang bstun par smal zla'i yar ngo'i gza' tshes dge bar bkur sti dang bcas 'bras ljongs gnas kyi lte ba bkra shis sdings su gdan 'dren zhus/__der bkra shis pa'i gso sbyong sngon du 'gro bas lto 'phye'i kha rgyu phyogs dang bstun/__bsnyen song slob dpon rgya ston rin po che dang mkhar mdo zhabs drung chog rogs pa bcas nas 'od zer dri med kyi sa'i cho ga dang 'brel rmang gi phyogs bzhi dbus lngar klu chen nor rgyas dang sa snying bstan ma sbrags sgrub bcas kyi gter bum tshad ldan re/__sa 'dzin nas them skas bar brtsigs pa'i steng du spur khang myang 'das mchod rten rnam pa can gyi seng khri'i mthil du thab dkyil khag rnams dang /____bum pa'i dbus su sku gdung rin po che zhal shar du phyogs par bzhugs su gsol/__bre'i steng gdugs dang rgyal mtshan ba dan sogs kyis legs par brgyan/__mchod pa'i yo byad rgyas par bshams/__ngor thar rtse mkhan po/__khang gsar zhabs drung /____mkhan yon tan bzang po sogs kyis kye rdor/__gnas brtan mchog gling rin po che rgya ston lhan rgyas pas smin gling rdor sems/__rdo grub mchog sprul/__kaHthog rje dbon/__kho bo bcas nas klong snying zhi khro khrom dkrug_/rdzong sar mnga' ri sprul sku/__mkhan blo gros bzang po sogs nas nA ro mkha' spyod/__pad+ma yang rtse'i mkha' spyod sprul sku/__ser sgrub gdung 'dzin lhan rgyas pas rtsa gsum rig 'dzin srog sgrub bcas gsar rnying chog khag lnga la zhal grangs drug cu skor gyis so so'i dkyil 'khor gyi gtso bo dang dbyer med sreg blugs kyi mchod pa dang /____tsan+dan dkar dmar dang a ga ru sogs bud shing dri ldan phon mang gis bsregs bzhu grub cing /____cho ga'i las rim rdzogs nas gdung khang gi sgo rnams rigs lnga'i rtags kyis rgyas btab cing zhag gsum ring mchod 'bul grub pa'i nyi shar la zhal phyes te cho ga bzhin du gdung rus rnams dang gdung thal bcas 'thor med bsdus te spyan drangs pa mchod pa'i rten du bzhugs su gsol/__dpal rdo rje sems dpa'i mchod tshogs 'bul ba sogs grub pa dang /____dge tshul slong kho nas nyin bzhin gso sbyong blang ba dang bdag gi rnal 'byor bcas gdung rus gdung thal zhib btul la rin chen phye ma dang sman sna phon cher bsres nas gzhung gsal lag len gyis sAts+tsha rnams rim par btab cing so sor tshon dang /____nyis brgya lhag la gser dngul btul ma gsol grub bstun bsnyen song dbur bzhugs chog khag gnyis nas rim par sgrub/__sa rdo skyel 'dren sogs dad slob mchog dman bgres gzhon gyis gus spro bcas brtson nas/__gdung khang dngos kyi sa rdo'i cha shas sAts+tshar bsres shing gzhan du ma 'thor ba mchod rten gyi khongs bzhugs su gsol te snga ma'i 'phros nas rim brtsigs kyi seng khri'i nang du gtso bor gnod sbyin lha mang gi tsakra dang de'i yo byad rigs/__nor lha'i gter bum 'dra min khag_/nyes sel dbang bum bcas so so'i cho gas bskyed bstim bzhugs su gsol/__bang rim stod tsam du gtsug tor dri med kyi cho gas de'i dkyil 'khor/__gza' tshes dge bar bkra shis gso sbyong bcas bum par 'od zer dri med kyi dkyil 'khor du srog shing 'dzug chog bsnyen song khag dbur bzhugs kyis shin tu gzab rgyas/__nang gzhug gtso bo ring bsrel rnam pa bzhi'am lngar grags pa'i yungs 'bru lta bu'i ring bsrel la bdag cag gi ston pa'i ring bsrel sde srid rin spungs pa'i nang rten las byung ba 'khrul med rdog gcig_/'od srung ring bsrel 'ja' tshon gter ma dang /____bal yul mchod rten las byung ba grangs mang /____gu ru'i tshems las sprul pa'i ring bsrel sogs/__chos kyi ring bsrel gzungs chen sde lnga tshar bdun brgya lhag_/nye snying shin tu grangs mang /____rnying gzungs tshar bco lnga skor/__bla ma zhi drag dang mtshan sngags sna tshogs mang tsam/__gter shog dang rgya dpe byin ldan ldeb kha shas/__zab bdun yang dag gser byang sogs kyi thog ma'i 'bebs gzhi mkhyen brtse gong ma'i phyag bris ngo ma/__rje nyid kyi phyag bris tshan kha shas sogs/__sku gdung ring bsrel kun mkhyen klong chen pa'i dbu klad ring bsrel phung po gtsos gsar rnying skyes chen mang po'i gdung rus dang /____khyad par rje nyid kyi gdung rus rin po che gser zhun gyis byugs par yi dam gyi snying po bris pa na bza' bcas za ma tog tu gzhug pa sogs/__sku bal ring bsrel gu ru rin po che'i na bza'/__gnubs chen dang nyang gi dbu ljon gtsos gsar rnying bla ma gong ma'i na bza' dang dbu ljon grangs mang /____rje nyid kyi dbu ljon dang phyag sen/__skabs mtshams rten 'brel du bzhes pa'i na bza' 'og 'jug dkar po bub tshang /____chos sku'i ring bsrel rtswa mchog grong nas thon pa'i mchod rten sogs 'ga' dang /____gsar rnying skyes chen rnams kyi phyag tsha byin ldan kha shas/__rje nyid kyi gdung rus gdung thal tshad ldan btab sgrub kyi sAts+tsha sum stong lhag bcas/__gzhan yang sku rten gu ru'i sku gser li byin ldan/__gter byon bye ma a krong gi phyag rdor sku ngo mtshar can sogs/__gsung rten bla ma dgongs 'dus dang /____gur drag ye 'bar rtsa rgyud glegs bam/__thugs sgrub bar chad kun sel gter gzhung cha tshang sogs/__'jam dpal mtshan brjod/__sher phyin sdud pa/__rgyud bla ma sogs mdo sngags bstan bcos bcas kyi pusti ka kha shas/__chos dbang srog shing brtan pa'i tsakra/__gnam chos dge 'dun 'du 'khor chen mo sogs tshad ldan bca' sgrub kyi 'khor lo 'dra min 'ga' bcas/__thugs rten li dmar rdo rje byin ldan/__yon tan rten mkhyen kong mchog gsum/__rje bla ma rang nyid bcas kyis bka' gter sgrub chen lan grangs thems pa'i chos sman dang /____bdud rtsi ril bu khag_/tshe ril rigs 'dra min bcas kyi za ma tog_/phrin las rten mnga' bdag nyang gi gter ma gnam lcags phur pa bcas/__bre nang srog shing rtse mor bstan pa bu gcig sogs btags grol glegs bam dang 'khor lo'i rigs rje bla ma mchog gis sgrub gnang can dar gyi na bza' bcas tsan+dan byang bu'i bar bltems pa dang /____gzhan btags grol rigs 'ga'/__zhar byung thugs sgrub cha lag shAka thub dran grol mchod rten gyi sems nyid ngal gso'i mthong grol 'khor lo bcas/__bum sgor yang de nyid las byung ba'i phyag rgya mthong grol rdo rje mi 'khrugs pa'i sku kaHthog dbon sprul phyag bzo nang gzhug dang cha tshad ldan pa/__rtse mor gser zangs kyi zar tshags nyi zla tog bcas kyi nang du gdugs dkar tsakra/__rgyal mtshan rtse mo'i glegs bam/__gzungs chen dang mthong grol rigs bcas bzhugs su gsol te/__phyag len gtsang dag gi sgo nas byang chub chen po'i mchod rten rje mkhyen brtse gong mas chos sde chen po lhun grub steng du mchod sdong mthong grol chen mo bzhengs skabs gsar bskrun gnang ba'i thig rtsa 'chugs med du legs par bzhengs pa'i dkar chag logs su bkod pa las shes par bya'o/____/de ltar grub zin pa dang bkra shis pa'i gso sbyong dang mchod pa'i tshogs gzab rgyas dang bcas mkhan sprul rnams dbur bzhugs gsar rnying 'dus pa lhan tshogs kyis yang gter rtsa gsum dril sgrub sgo nas rab gnas nyin 'khyongs dang /____nyin rjes mar thar rtse mkhan rin po che/__khang sar zhabs drung /____mnga' ri sprul sku/__mkhan yon tan bzang po/__blo gros bzang po sogs nas kye rdor/__kaHthog dbon sprul dang kho bo sogs kyis smin gling rdor sems sgo nas rab tu gnas pa'i cho ga tshogs skong mchod 'bul/__chos skyong dang yon bdag bsgo ba sogs/__rgya ston mchog sprul dpon slob nas shAka thub dran grol mchod rten gyi cho ga dang /____mi 'khrugs pa'i phyag rgya mthong grol bcas sgrub gnang gis ye shes sems dpa' nan du bstim zhing bzhugs su gsol bar mdzad pa sogs kyi sgo nas phyi rten mchod sdong rin po che bkra shis grol ba bzhi ldan byin rlabs dpal 'bar zhes srid zhi'i bla na mngon par mtho ba'i chos sku'i rten mchog dam par mnga' gsol bas lhar bcas 'gro ba kun gyis phyag mchod bsod nams kyi zhing /____sbas gnas 'dis mtshon bgrang yas bstan 'gro'i dge legs kyi dpal du srid pa ji srid bar bzhugs su gsol ba dang 'brel/__slar yang phun sum tshogs pa'i mkhan slob dge 'dun rnams nas gso sbyong dang 'brel bar bstan pa rgyas chog dang smon tshig shis brjod rgyas par bsgrubs pas shin tu dge legs ches cher 'phel rgyas su grub pa'o/____/zhar byung de ltar bzhengs pa'i phan yon dang dgos pa'ang /____spyir ring bsrel rnam bzhi'i snying po can gyi mchod rten gsar du bzhengs pa'am/__nyams gsos dang phyag mchod bkur bsti bgyis pa sogs dang /____khyad par du'ang dri med rnam gnyis kyi dkyil 'khor dang 'brel bar srog shing 'dzug chog ldan pa'i mchod rten bzhengs pa ni phan yon ches shin tu che bar gzungs mdo khag dang /____gzungs chen sde lnga so so'i mdo dang rtogs pa/__mchod rten bskor ba'i tshigs bcad sogs las gtso bor rdzogs pa'i sangs rgyas dngos kyis rgya cher gsungs pa dang /____de bzhin du btags grol dang mthong grol rigs/__mchod rten dran grol/__phyag rgya mthong grol tsakra dang glegs bam skor/__gter bum sogs bca' sgrub gzhung mthun gyis rten 'dir bzhugs so cog rnams la re re bzhin phan yon mang du gsungs pa thams cad rdzogs par tshang bas na/__nges par bstan dang 'gro ba'i btsas dam par gyur cing kun gyis bsod nams bsags pa'i zhing bla na med pa grol ba bzhi ldan chen por tshad mas grub pa ste zhib tu rtogs par 'dod na so so'i gzhung rnams las shes par bya zhing /____'dir gang du zhi ba mngon du mdzad pa'i gnas der ye shes rang snang gi zhing khams rang chas lhun grub tu bzhugs par gsungs pa la nges shes brtan pos thugs yid drangs te/__dpal ldan bla ma rdo rje 'chang mchog gi zab dgongs dbyings su rdzogs pa'i sri zhu dang /____gdul bya'i bsod nams bsags pa'i zhing du gsang yum mchog nas gzim sbug der nang rten du rje nyid kyi sku tshad las mi dman pa'i mchod sdong bzhengs rgyur thugs dgongs zab bzhes kyis gser zangs mchod rten thog tshad can dang /____'byung 'gyur khams bod dus bde'i skabs gdan 'dren zhu rtsis mchod rten mda' tshad lhag bcas la/__lcags byi cho 'phrul zla ba'i yar tshes la so so'i sa 'dzin nas brtsam gzungs rnams rim 'bul gyis mchod rten che bar dri med rnam gnyis kyi dkyil 'khor srog shing 'dzug chog bcas zhib rgyas dang /____so so'i sAts+tsha rnams kyang gdung rus las btab pa grangs tshang bar bzhugs/__chung bar gtso bo shAka thub dran grol mchod rten bca' gzhi la 'od dri'i dkyil 'khor zung du bzhengs nas srog shing 'dzug chog bgyis pa dang /____nang gzhug la sAts+tsha mang nyung tsam las phal cher phyi rten skabs dang mtshungs shing /____mchod rten che ba'i bum sgor rdo rje 'chang gi sku gser li mtho tshad khyad 'phags byin ldan dang /____chung bar spyan ras gzigs kyi sku li ma byin ldan bcas bzhugs/__gnyis ka'i thig rtsa gong smos byang chub mchod rten gyi mtshan nyid yongs su rdzogs pa gser shas ci che g.yu byer gzi mchong spos shel mu men mu tig pha lam sogs rin po che sna tshogs pa'i phra rgyan phun sum tshogs pa mig gi bdud rtsir gyur pa dang /____zhar du sku rten rigs mang tsam la'ang gzungs 'bul mnyam du grub ste/__dbo zla ba'i yar tshes dge bar dpal spungs sku zhabs tA'i si tu'i mchog sprul rin po che dbus/__dpon slob mang tshogs kyis yang zab dkon mchog spyi 'dus kyi sgo nas rab tu gnas par mdzad pa dang /____rgyal dbang karma pa mchog gis kyang ye shes dgongs pa'i lhag gnas thun min du stsal bar mdzad/__slar yang snron zla'i yar tshes rje bla ma mngon par byang chub pa'i dus mchod dang 'brel dpal sa skya'i skyabs mgon bdag khri rin po che dbur bzhugs kyis rab gnas nyin 'khyongs gzab rgyas sogs snga phyi rab tu gnas pa lan mang gis ye shes sems dpa' yang yang bstim zhing bzhugs su gsol ba bcas kyis 'jig rten lha dang bcas pa kun gyi rnam dkar bsod nams kyi zhing mchog phul du byung bar 'bras ljongs sgang tog gtsug lag khang gi gzim spyil 'og mar rje bla ma mchog gis bstan 'gro'i don rgya cher gnang zhing mngon par byang chub pa'i gnas rgyal bstan ris med chos kyi dga' tshal 'og min rdo rje bkod pa'i pho brang chen por bzhugs su gsol ba'o/____/skabs de dag gi gsung chog snga phyi'i dbu bzhugs dang bla grwa byings/__bzo rig las byed khag la dngos 'bul dang gla cha gnang sbyin sogs kyi bsnyen bkur dgyes shing yi rang bar bgyis te sdig dang ma 'dres pa'i rnam dkar gtsang dag tu bsgrubs pa'i dngos po 'gro song skor zhib tu bkod na dge ba ngom pa'i skyon du dogs te ma spros la/__rnam dkar rlabs che'i shugs kyis kyang rtogs par nus pa nyid do/____/de ltar bzhengs pa'i gdung rten chos sku'i mchod sdong rin po che dang gzim spyil bcas la dus dang rgyun gyi mchod pa'ang nyin bzhin mchod yon grangs mang dang mar me'i phreng ba/__snang gsal rgyun 'bar kha shas/__nya stong brgyad drug tu 'phar ma gang rgyas/__yar mar tshes bcur tshogs bskang dang /____'dul ba mdo rtsa bar/__de la dus ston bya'o/____/bltams pa dang /____gtsug phud dang /____dbu skra dang /____byang chub pa'i dus ston dag kyang ngo /______/zhes gsungs pa ltar rje btsun bla ma rin po che mngon par byang chub pa'i sku mchod du rje gong ma'i dgongs gter 'chi med 'phags ma'i snying thig gi chos sde bla sgrub byin rlabs snying po'i skong chog bdun phrag gi khongs su sprel zla snga mar khel bas tshes bcur gsang sgrub mtsho skyes snying thig gi tshogs brgya rgyas pa re bcas lo bstar/__slar yang lo de'i dgun thog gsang yum mchog nyid dgongs rdzogs mjug skyong ched phebs gnang nas rdo rje gdan du khri mchod lhag bcas/__gan+d+ho la'i phyi nang glog rnams mtshan thog thag spar ba sogs mchod tshogs gzab 'bul/__dgon par yang mang ja sku 'gyed/__wA rA Na sI bod dgon par yang de mtshungs/__gzhan yang mtsho pad+ma dang gnas chen khag tshang mar mchod 'bul gzab rgyas/__bal yul mchod rten rnam gsum so sor sku dkar dang dri bzang na bza'/__stong mchod gzab rgyas/__yang le shod du tshogs mchod sogs skabs babs gsung chog dang gsol 'debs smon lam nan du gnang /____zhor du gdung zhun gyis bgos pa'i spur tshwa rnams dad ldan don gnyer rigs la gnang ba dang /____phon mang ba ched du gdan 'dren gyis chu bo gang+gAr gshegs su gsol ba'ang rgyal sras lha rje'i skyes rabs rim byon myang grol skye bdun chen por thang yig las lung bstan bcas rgya cher gsungs pa nyid o rgyan gling pa'i sku gdung gi lo rgyus dang /____kun mkhyen 'jigs gling gis zhal bzhes gnang ba bzhin 'di kho na'ang phrin las kyi cha shas bsam gyis mi khyab par nges pa sogs mdor na ltos bcas mchog phal kun gyis sgo thams cad nas zab dgongs yongs su rdzogs pa'i thabs la gcig tu brtson pas rnam dkar gyi rim pa blo nus dang 'tshams pa sgrub bzhin pa lags so/____/de lta bur bla ma'i zab dgongs rdzogs pa'i thabs la brtson pa ni bsags sbyong kun gyi mchog tu 'gyur ba sogs phan yon dang dgos pa bsam gyis mi khyab pa'ang /____dus kyi 'khor lo'i rtsa ba'i rgyud kyi dum bu bla ma'i yon tan bzung ba'i rgyud las/__nye du 'brel pa shul na gnas pa yis/____/gshin gyi don du dge ba gang byas pa'i/____/rnam par smin pa ma phyir be'u bzhin/____/gang du skye ba de yi rjes su 'brang /______/de bzhin mos gus ldan pa'i slob ma yis/____/bla ma 'das nas gdung bas mchod byas na/____/thugs kyi dgongs pa gong du yongs rdzogs shing /______/slob mas bla ma'i rnam thar snyogs par 'gyur/____/bla ma 'das pa'i lo zla tshes grangs dag_/nges par bzung ste mchod pa byas gyur na/____/bskal par bsags pa'i sdig chen rab bcom nas/____/shin tu mi bzad gshin rje'i grong las thar/____/stong gsum skye bo mig bral srog nyams la/____/mig srog byin yang de yi dper mi phod/____/de snyed skye bo dgra bcom la bkod nas/____/bskal par mchod pa'i dge bas dper mi phod/____/bskal pa grangs med byas pa'i sdig pa yang /______/mun la nyi ma ji bzhin ma lus sel/____/zhes rgyud kyi rdo rje'i lung sogs las rgya cher 'byung ba ltar ro/____/de ltar legs byas kyi thog mtha' bar gsum du sa gzhi skyong ba'i mnga' bdag 'bras ljongs chos rgyal dpal ldan don grub rnam rgyal sras yum zung gis dad dam 'gyur ba med pa'i thugs bskyed lhur bzhes kyi bdag rkyen bla med gnang zhing /____shul bzhugs ltos bcas kyang rnam kun thugs brtse chen pos bskyangs pa ni/__'jam mgon bla ma rin po che'i chos kyi bka' drin 'tshob pa'i dam tshig gi gzhung rnam par dkar ba dam pa'i ngang tshul bsngags 'os mdzad bzang zla med la rjes su yi rang ba'i gnas su nges pa'o/____/_!__gnyis pa thun min khyad par gyi rnam thar bye brag tu bshad pa la gnyis/__nang dang gsang ba'i rtogs pa brjod pa'o/____/dang po ni/__zab mo'i rnal 'byor gyi byed pas ye shes dag pa'i snang ba la dbang 'byor ba rnams kyi spyod yul du gyur pa nang gi rnam thar te/__de la'ang nang gses gsum du dbye ba las/__dang po sgrub brgyud shing rta brgyad kyi bstan pa'i mnga' bdag smin grol yongs rdzogs kyi bka' srol 'dren pa'i shing rta chen por don gyis grub tshul gtso bor smos pa'i khongs su 'brel mtshungs gzigs snang rigs skabs so sor 'god par bya ste/__mkhas grub chen po pradz+nyA rasmis/__dpal ldan rdo rje 'chang nas legs 'ongs pa'i/____/gangs ri'i khrod 'dir sgrub brgyud srol chen brgyad/____/de dag grub thob gong ma'i gshegs shul yin/____/thar 'dod rnams kyang lam de'i rjes su zhugs/____/zhes dang /____kun gzigs gu Na sA ras/__bod yul sgrub brgyud shing rta chen po brgyad/__rnying ma bka' gdams lam 'bras bka' brgyud pa/__shangs pa zhi byed sbyor drug bsnyen sgrub bo/____/zhes gsungs pa ltar/__ljongs 'dir sprul pa'i lo paN skyes mchog rnams kyi bka' drin las legs par byon cing /____de dag thugs nyams su bzhes pas grub 'bras mngon du mdzad nas dam pa'i skyes bu re res kyang gdul bya mtha' yas pa byang chub chen po'i go 'phang la dbugs dbyung bar mdzad pa sgrub brgyud shing rta chen po brgyad kyi gzhung gdams man ngag gi rgyun so so'i ring brgyud bar ma chad pa bzhugs so cog kun lhag lus med par kun gzigs 'jam pa'i dbyangs mkhyen brtse'i dbang pos shin tu don gnyer chen pos gsan te thugs dam nyams bzhes yun ring du gnang /____shing rta so so'i bstan pa'i mnga' bdag chen po rnams dang yi dam lha dang mkha' 'gros yang yang rjes su bzung zhing byin gyis brlabs pas nye brgyud gdams pa'i bka' babs khyad par can brnyes te dbang khrid man ngag gi rgyun rnams ris med pa'i bstan 'dzin skyes chen dang /____khyad par du 'jam mgon blo gros mtha' yas zhabs la bum pa gang byo'i tshul du rdzogs par stsal nas bstan pa'i srog mthud par mdzad pa'i rgyun mtha' dag slar yang rje bla ma dam pa mchog gis kyang phra zhing phra bar rtsad gcod dang 'brel yongs rdzogs zhib tshang dang /____gtso che ba rnams lan grangs du mar gsan cing /____thugs dam nyams bzhes dang 'chad spel sogs sgo kun nas 'gran zla dang bral ba'i phyag rjes las/__don gyis sgrub brgyud shing rta brgyad kyi bstan pa'i gsal byed chen por nges pa'i tshul rgya cher sngar smos pas spyir btang shes nus la/__bye brag tu thams cad mkhyen gzigs rje btsun bla ma mchog la gzigs snang du bka' babs brnyes tshul dmigs bsal sa bon tsam smos na/__thog mar snga 'gyur bstan pa'i bdag por nges pa'i tshul ni/__rje nyid kun gzigs mkhyen brtse'i mchog sprul du thog mar mtshan bzhes gnang yul dang /____sdom pa gsum gyi g.yar dam thog mar bzhes shing mdo sngags rig gnas gsan bsam yongs su rdzogs pa'i gnas snga 'gyur rnying ma'i chos sde dpal kaHthog rdo rje gdan du gyur cing /____'jam mgon mkhyen brtse'i zhabs gangs ljongs rgyal bstan yongs rdzogs kyi mnga' bdag chen por nges pa'i khyad par las bka' babs bdun gyi gsang mdzod kyang snga 'gyur bka' gter gyi ring lugs las gtso bor 'phros pas na/__rnam thar gyi nges gsang de dang rjes mthun par rje 'jam mgon rnam gnyis kyi zhal slob snga 'gyur bstan pa'i gsal byed mkhas dang grub pa'i rnam thar can kaHthog si tu paN chen/__zhe chen rgyal tshab rin po che/__rdo grub kun mkhyen bstan pa'i nyi ma/__gter chen las rab gling pa/__'brug pa rdo rje 'chang sna tshogs rang grol sogs kyi thugs bcud rdzogs par gsan cing so so'i dgongs gtad thun min dang bcas bstan pa'i bdag por mnga' gsol ba dang /____gzhan yang mi pham 'jam pa'i dbyangs kyis kyang bdag gi bla ma mkhyen brtse rin po che'i mchog sprul rdzong sar du bzhugs pa 'di nyid ngo mtshar che bar 'byung zhes 'byung 'gyur mngon sum gzigs pas bsngags par mdzad pa bzhin/__bka' gter rtsa gsum lhag pa'i lha rab 'byams kyi bsnyen pa/__nye bsnyen/__sgrub pa/__sgrub chen bcas mthar phyin par gnang zhing /____zab mo'i rdzogs rim rnams la nyams bzhes dang khyad par 'od gsal rdzogs pa chen po khyab brdal ye shes kyi ting nge 'dzin las nam yang mi 'da' ba klong chen nam mkha'i rnal 'byor chen por bzhugs nas/__snga 'gyur bka' ma dri med rnam gnyis sogs rgyud sde che phra dang /____khyad par du nang rgyud yo ga rnam gsum yongs su rdzogs pa'i smin grol/__rgyud rgyal gsang ba snying po dang /____'jam dpal sgyu 'phrul drwa ba/__spyi mdo dgongs 'dus bcas kyi rgyud bshad/__de rnams kyi gzhung pod dang chog khrigs skor/__rnying rgyud bcas kyi lung /____gter ma mchog gi sprul sku rnam gsum/__gling pa chen po bcu gnyis/__dri med rnam gsum nas/__phyis byon rig 'dzin rtsal 'chang rnam gsum/__las rab gling pa/__dri med pad+ma gling pa yab sras bar du byon pa'i gter chos rtsod bral rgyun bzhugs phal che ba'i dbang lung khrid/__gzhung pod kyi lung dang /____rin chen gter gyi mdzod chen mo bcas/__rnying phyogs bstan 'dzin che phra la gang la gang dgos bar ma chad par 'chad spel mdzad pa'i rgyun las zhe chen rab 'byams lnga pas gdan sa chen po 'og min o rgyan smin grol gling du rin gter gsungs pas mtshon/__khams bod stod smad nas/__byang reb kong gi yul tshun chad du snga 'gyur bka' gter 'chad nyan gyi rgyun rgya cher 'phel zhing /____zhar byung gter mdzod dkyil tsaka cha tshang spar du 'khod pa sogs byung ba dang /____khyad par du kun gzigs mkhyen brtse'i dbang pos snga 'gyur ba'i chos kyi srog lta bu bka' ma 'di yin pa'i bsngags brjod dang thugs rtsis che bar gnang zhing /____gter chen mchog gling la'ang skyes sbyang gi yon tan sad byed du 'jam mgon rin po che las gsang snying rgyud bshad ched du gsan par bskul ba dang /____dpal yul rgya sprul mdo sngags bstan 'dzin sogs la bka' ma 'di kho na gal gnad che bar yang yang gdams pa ltar rje nyid nas kyang snga phyir lan mang du gnang bas/__kaHdpal/__zhe rdzogs/__mchog gling gdan sa gong 'og sogs kyi bstan rgyud la dmigs bsal du bka' drin che zhing /____de dag gi bshad grwa'i rgyun la so zur gnub gsum sogs mkhas grub spyi dang /____khyad par kun mkhyen rong klong rnam gnyis kyi gsung rab dgongs don 'jam mgon mi pham rin po che'i legs bshad kyis bkral ba'i srol 'dzug gnang ba'i chos sde de rnams gtsor gyur sangs rgyas gnyis pa'i ring lugs 'dzin pa mtha' yas pa'i gtsug nor gcig pur gyur pa sogs thugs bskyed dang phrin las sgo kun nas 'gran pa'i zla thams cad dang bral zhing rnying bstan gzhir bzhengs kyi tshul du gsal bar mdzad pa ste/__snga 'gyur rig pa 'dzin pa yongs kyi 'khor los bsgyur ba chen por gyur cing /____dus kun tu 'od gsal ye shes kyi sku can lha dang rig 'dzin DA ki'i byin gyis brlabs te rjes su bzung bas dag pa'i gzigs snang la khyab brdal du spyod par mdzad pa'i tshul phyogs mtshon tsam smos na/__rje nyid kyi phyag thor 'khod pa/__me sprel smin zla'i tshes nyer dgur mtsho pad+mar 'byor nas bskor ba zhig phyin/__sdod gnas su 'byor te mos gus kyi rkyen las gu ru rin po che stong gzugs kyi 'od skya lam zhig shes nyams su 'jal rkyen gyis bla ma'i rnal 'byor zhig bri 'dod byung bzhin de 'phral bris zhes dang /____yang lo de'i zla 9phyi ma'i tshes 19la sbrul gzhung rdza 'gag sdod nub khog stod dang rgyu zhabs la gzer thung tsam byung ba sman g+hi tig dang /____gu ru'i thugs rjes skyobs/__tshes 20sbrul mgu rdza 'gag nas mar 'ong skabs gu ru mtsho skyes rdo rje 'chang mi pham rin po che'i tshig bdun bla sgrub nang gsal 'dra zhig shes nyams la shar ba de'i rkyen gyis tshar chen rin po che'i bla sgrub zhig yid ngor dran/__zla phyi ma'i tshes 14thang khu nas mar 'ong ba'i shing rong stug po nas 'ong bar char zim bu babs/__gnam gzhung sngo dwangs/__g.yas g.yon sprin 'khrigs pas nyams skyid pa byung /____des rkyen byas nam mkha' sngo dwangs dbus gu ru rin po che gsang gos zab ber mnab pa'i steng rus rgyan thod skam bzhes pa/__g.yas rdo rje 'phyar/__gzhan rnams za hor ma spyi ltar can dang /____sa ra ha/__sha wa ri/__ku ku ri pa/__mai tri pa/__mar pa lo tsA sogs bzhugs pa'i shes nyams za zi byung /____chu bur mig gis mthong zhes bshad na'ang /______/bltar med 'dren byed ce re blta dgos shing /______/de 'dra'i shes nyams rdzun ris snang ba 'dis/____/col chung rgan po nga ni bslus sam snyam/____/zhes gsungs/__yang me bya zla 5tshes 10chad pa'i dgu la 'bras ljongs lha yum gyis thugs khur bzhes nas thugs sgrub bar chad kun sel gyi tshogs btang skabs gu ru rin po cher dad mos 'bar zhing dga' skyo 'dres ma'i ngang gu ru mkha' 'gro'i tshogs 'al 'ol tsam yod snyam dang /____dus kyi mi 'jigs pa'ang sbyin pa'i nyams shig byung yang gshob rkyal gyi shes nyams rang bzo la skyags gtad gang yang med/__ces gsungs/__gal gnad dgos pa gang che'i skabs gu ru rin po cher gsol 'debs mdzad pa tsam gyis zhal gzigs lung bstan 'byung nges pa'i gsung 'phros phebs pa dang /____spyir 'jam dbyangs mkhyen brtse'i dbang po nyid dbus gtsang gi rdo rje'i gnas rnams su phebs pa'i tshe gdod nas grub pa'i gnas yul rnams dang gnyis su ma mchis par mkhas grub rig 'dzin dbang po rnams kyis byin gyis brlabs pa'i mthus gnas der phebs pa tsam gyis lha dang DA kis rjes su bzung zhing byin gyis brlabs nas chos kyi mdzod gtad pa sogs rnam thar chen mor gsal ba bzhin/__rje 'di la'ang de dang rnam dbyer ma mchis par nges pa'i tshul gzigs snang khyad par can 'di dag la dpyad pas shes nus so/____/me bya zla 9tshes la/__rdo rje gling gi ri rgyud seng chen nam kyin shar nyi ma 'char dus blta bar song bas/__nyi ma 'char phyogs 'dir rgya nag ri bo rtse lnga yod snyam bi ma lar mos gus byas pas nyi ma'i dkyil zer dang 'grogs pa'i bi ma la ye re re byon nas rang la thim pa'i snang ba byung /____bi ma'i bla rnam gsog skabs dpe rnying shog ser rgyal po'i bla dpe 'dra ba ldeb ring sngar gyi bris rnying phyed zhib la mang ba rdzogs pa chen po'i khrid skor zhig gi dbu nas ma tshang ba pod chen gcig klog nas thar thor bton pa rmis/__yang nub gcig bi ma'i bla sgrub mkhyen gter nang nas khrom ser skya mang shas la gtsug lag khang zhig tu sku gsung thugs dbang gi byin rlabs 'don pa dang /____'jam mgon legs pa rin po che las sngags chos shig zhus pa'i 'phros re bdun dus khong byon nas 'don chog gsungs pa sogs rmis/__khro rdzong mdar sdod nub 'jam mgon legs pa rin po cher rong phur dang rog phur pod gnyis bzang gos nag po'i thum can 'byor pa de'i nang nas phur 'grel 'bum nag gi dpe mjal nas gsung gleng mang du byed pa rmis/__sa khyi zla tshes nam lang khar rmi lam du gsang ba 'dus pa sgyu 'phrul mi bskyod pa gang yin chog pa'i sku mdog sngo dwangs hril sku byis pa lo brgyad lon pa'i tshad tsam zhig ye re re mjal ba rmis/__'di skabs mdo rgyud ma 'bum ther tshar nye dang gsang snying rgyud 'chad skabs yin/__me yos zla ba bdun pa'i tshes bcu gnyis la shar kaHthog tu yod skabs rmi lam la khang pa zhig gi nang yig rnying dang gsar pa shin tu mang po brtsigs pa'i rab gsal ngos nged rang 'dug pa'i mdun der mi rgan snum 'ber pags pa'i dug log chen po mnab pa 'brog pa lta bu zhig 'dug pa gnub chen sangs rgyas ye shes red zer ba de la mdo dgongs 'dus 'grel pa zhu dgos snyam pas pod ring bzhi brgya yod rgyu'i nged nas lung spel bya na/__dang po rang gis tshar gcig bton/__de nas 'don rgyu byed srol 'dug pas bka' 'gyur las mang bas 'don tshod med byas pa/__mi rgan des pod 'di rnams mdo dgongs 'dus kyi 'grel pa yin pas thams cad khyod kyis thob par gyur cig zer bas/__rang gi bsam par gsar rnying mdo sngags thams cad mdo dgongs 'dus su 'dus shing bstan pa kun gyi gsang ba'i mdzod chen po yin pas des gsungs pa 'dra snyam/__de nas yig rnying pod bzhi bcu tsam dang /____pod kha shas lag tu bzhag nas gdams gtad lta bu mdzad song /____de nas rgas po de mnga' bdag mar par gnas gyur pa mgul lba ba chen po smug dzi re ba zhig red 'dug pas 'di mar pa red dgyes rdor dngos yin snyam mos gus byas pas sems nyams la dgyes rdor dngos su snang ba ltar byung dbang zhu dgos snyam pas smug dzi re ba de'i mchu mur mur 'don pa lta bu zhig mdzad kyang sgra ma thos/__de 'dra mang du rmis mthar gnyid sad/__zhib cha ni dkor nag gis sgrib pas brjed 'byams su gyur to/____/me sprel zla ba bcu gnyis pa'i tshes bco lnga 'bras ljongs sgang thog tu sdo+od nub rmi lam du lha khang chung ngu zhig gi nang du phyin pas phug tu snyan shal mang po'i gseb zhig tu sngon byon rnying ma'i rig 'dzin chen po gnub chen yin rgyu dbu zlum 'dra zhal mi tshad gcig 'dug pa de nyid mir dngos su gyur pa 'dra zhig gi phyag g.yas rang gi dpral bar sbyar ba dang sku lus 'gul ba snyam byung ba dga' skrag gnyis ka skyes/__gu ru'i gsol 'debs shwa lo ka gci+ig kyang gsungs pa ni/__rtsa gsum kun 'dus rgyal dbang pad+ma 'byung /______/rang bzhin dbyer med ngang nas gsol ba 'debs/____/nad gdon bar chad thams cad zhi ba dang /______/don gnyis bsam pa lhun gyis 'grub par shog_/ces so/____/yang log gcig nas 'dra zhal lder sku khru gang ba zhig gtad byung ba phag gru yin snyam gsus pa che ba/__sha brgyag_/zhal ngo che zhing sgom thag can zhabs pus phyed slong /____g.yas rwa dung pus steng g.yon mnyam bzhag thod pa can de rang gi skye ba gong ma zhig yin snyam byed pa/__samya k+saM/__zhes pa'i yi ge gcig kyang 'dug pa rmis/____/me bya zla ba gsum pa'i tshes nyer bdun nub chos dpe khang zhig gi nang mjal 'gro zer nas song bas gtsug lag khang rtsag mtho ba zhig gi nang chos brtsigs dpag tu/__yang dag pa/__samya k+saM/__mchan/__med pa'i nang snar thang spar ma bka' bstan lta bu pod kha mtho ba dras kha dmar smug can 'dug pa bltas pas/__sangs rgyas kun gyi dgongs pa 'dus pa'i mdo chen po dang /____de'i skor kha shas 'dug pa mchog ldan nas chos dbang gter ma red zer/__chos dbang la yod pa go ma myong byas/__yang pod kha shas zhal phyes pas nyang gi gter ma yin rgyur rnying ma'i sngags gzhung gi 'grel pa mang po 'dug pa rgyun ring mjal ba rmis/____/_!__me sprel zla tshes la lho brag smra bo cog mjal 'gro skabs dgon gyi gsham nyer slebs pa na/__bla ma mnga' bdag chen po dge bsnyen chas dbu skra thor cog yod pa/__g.yas rdo rje/__g.yon thod pa bsnams pa sku che tsam mjal zhing mthar rang la thim pa'i snang ba byung /____sngar rdzong sar bzhugs skabs sprul sku a ban nas bsam gtan gling pa'i bka' brgyad dregs 'dul la dbang dpe yod tshul gsungs pa de 'byor na dbang zhig bka' drin bskyang dgos/__gter mdzod du dbang dpe dang dbang rgyun mi 'dug zhus pas mdangs phran nas glegs bam zhig rnyed pa rmis pa de la blta ba yin 'dra gsungs/__me sprel zla ba gnyis pa'i tshes nyer lnga la 'og min o rgyan smin grol gling du yod skabs de nub gnyid srab mor kun mkhyen klong chen pa byis pa lo brgyad tsam dbu zhwa rtse sgril/__chos gos btsag kha/__phyag gnyis sa gnon/__sku'i stod las 'od zer sna lnga gyen du 'phro ba zhig rgyun ring tsam du mjal lo/____/gzhan yang klong chen pa'i bla rnam mdzad byang du rjes su bzung zhing byin gyis brlabs tshul gsungs pas mtshon/__rnam thar zhal gsung las kyang klong ram pas rjes su bzung tshul gsungs pa sogs dang /____rdo grub mchog sprul 'jigs med bstan pa'i nyi ma las klong snying yang gsang bla sgrub thig rgya'i dbang gsan skabs bla ma nyid kun mkhyen dngos su mjal ba'i gsung 'phros kyang thos/__gong zla'i tshes 17la gnas der rdor gling klong gsal dbang sgrub skabs dang po smin gter lam tsam gsal/__de gnas 'gyur gyis rgyal sras rdo rje gling pa na bza' sngon po phu dung can/__sku smad phyam tse dkris pa/__dbu la pad zhwa sngon po mnab pas dkyil 'khor mang shas sprul nas rang gter rnams kyi dbang dang /____mthar glegs bam mang tsam gyi bka' gtad mdzad pa'i snang ba byung ngo gsungs/__phyis dpe rgyun gsar rnyed rgyud bcu bdun nas sgra thal 'gyur sogs rgyud kha shas kyi 'grel pa bi ma las mdzad pa rnams kyi lung kaHthog mkhan chen nus ldan sogs la 'chad spel gnang skabs/__gus nas zhal rtsed zhu zol gyis lung 'di nye brgyud yin rgyu byas na rung ngam zhus pas/__'grel pa 'di rigs phal cher theg mchog mdzod sogs dang don gcig par 'dug pas mdzod bdun ni mang po thob/__dpe rgyun yod dus lung rgyun zhig kyang ming btags na dga' snyam/__mkhyen brtse'i gdan sa 'dir dbang khrid lung gi rgyun gsar spel la bkra shis zhal dro red pas da res bton pa yin zhes gsungs pa 'di la'ang don gyi rgyu mtshan go rgyu che ba zhig yod 'dra//____//__gnyis pa ni/__lha chos bdun ldan bka' gdams rin po che rjes 'brel dang bcas pa'i bstan pa'i mnga' bdag jo bo yab sras dang /____rje bla ma sogs dge ba'i bshes gnyen chen po rnams kyi mdzad spyod dang rnam thar la lhag par gus pa'i bstod bsngags bcas sku mchod so sor mchod 'bul gzab rgyas gnang bas mtshon mchod sbyin gyi sgo 'phar rgya cher 'gyed pa dang bsags sbyong la 'bad brtson btud mar gnang zhing /____bka' gdams rin po che'i gzhung gdams man ngag spyi dang byang chub lam gyi sgron ma sogs lam rim snga phyi/__blo sbyong rgyas bsdus skor la nyams bzhes kyis byang chub kyi sems rin po che rnam pa gnyis la rtsal 'byongs pas sku tshe dang phrin las la bar du gcod pa'i mi dang mi min gyis brdzi bar ma nus shing thugs dam gyi bogs 'don du gyur tshul zhal las thos/__rnam kun byams snying rje byang chub kyi sems 'di kho na rgyud la 'byong ba gal che zhes nan du gdams par mdzad/__'phags yul shing rta chen po gnyis kyi gzhung bka' pod lnga'i 'chad nyan gyi sde thub bstan bshad sgrub dar rgyas gling gsar du btsugs te mdo smad mkhas pa'i 'byung gnas legs bshad chu bo stong gi 'chad rtsod kyi mgrin rnga bar med sgrogs pa'i dge 'dun gyi sde rnams kun spyod 'dul ba dang mthun par bkas bcad/__snga phyir bshes gnyen dam pa dag las gsang bde 'jigs gsum sogs kyi dbang dang bshad bka' ched du gsan bzhes gnang zhing /____khyad par du rgyal bstan yongs rdzogs kyi mnga' bdag skyabs mgon bcu gsum pa chen po thub bstan rgya mtsho dang /____bcu bzhi pa bstan 'dzin rgya mtsho sogs kyis thugs brtse thun min du rjes su bzung nas gsung gi bdud rtsis thugs rgyud gtams pa dang /____bstod bsngags kyi me tog char du bsnyil te mnga' gsol bas mtshon bka' gdams gsar rnying gi bstan 'dzin ches mang bas dngos brgyud nas zhabs pad la bsnyen pas na bstan 'dzin dge ba'i bshes gnyen chen por don gyis grub pa dang /____de dang 'brel ba'i gzigs snang ni/__dbus phebs dang po'i skabs jo bo rje'i bla ma'i rnal 'byor mdzad byang du jo 'brom yab sras kyis rjes su bzung ba'i tshul dang /____khyad par du shing lug zla 9tshes 19la rwa sgreng du gling bskor phyin pas/__shar shel lding gi g.yu shug sdong po'i rtser spyan gzigs phyag bzhi pa dkar po la jo 'brom/__sku mched rnam gsum sogs bzhugs pa'i nyams shar bas/__gsol 'debs dbang blang sogs byas/__yang 'brom gyi gzim phug tu 'brom rje'i thugs kar mi g.yo ba sogs thig le'i lha tshogs bzhugs pa las 'od 'phro ba'i gsal nyams byung bar yid ches kyis mchod pa dang gsol 'debs sogs byas pa'i 'khrul shes byung ba rang nyid mos pa che ba'i yid dpyod kyi 'khrul cha las dag pa'i snang ba lta ci zhig_/ces gsungs/____/tshes 20la nub phyogs pha waM rta 'bur ma bskor/__skra sen gtor/__de'i rgyab phyogs shug sdong rtsa bar ngal gso skabs gong bu'i mda' ltang gi nam mkha' sngo dwangs la bka' gdams brgyud pa gsum gyi bla ma/__jo 'brom yab sras/__yi dam chos skyong bsam gyis mi khyab par bzhugs pa rnams las 'od zer kha dog sna tshogs pa'i 'ja' thig phyag mtshan sna tshogs pas brgyan pa nyi rdul ltar 'khrigs pa byung nas rang la thim mthar thams cad 'dus nas jo 'brom la thim/__de nas 'brom jo bo'i thugs kar thim/__de'i thugs kar yum chen mo/__de'i thugs kar thig le ser po bkrag gsal can/__mthar rang la thim pa'i shes nyams dang lus 'phar g.yo byed la khad pa byung ngo /______/gzhan yang rje bla ma tsong kha pa las 'dus pa nye brgyud gsan pa'i gzigs snang gi gsham du bla ma rgyang 'bod yod pa'i gsung mgur zhig mjal ba gzigs 'bul gyis de'i lung dang /____gsang 'dus rje las nye brgyud kyi dgongs gtad byin rlabs mdzad par gsol ba btab pas/__gsang 'dus 'grel pa bzhi sbrags rje gong ma'i phyag dpe bdag gi mgor bzhag ste dgongs gtad smon lam mdzad/__gus nas gsang 'dus 'grel pa bzhi sbrags rgyud bshad 'bul skabs/__sngar kun gzigs mkhyen brtse'i dbang pos gsang 'dus rgyud bshad gnang bzhed shin tu che yang rten 'brel 'phro can du song /____da res rang re gnyis nas gdan sa 'dir rgyud 'chad nyan byung ba dgos pa che/__phran 'khrul snang la yid brton ci yod ma gtogs/__rje bla ma ni sku che ba ri rab tsam dang /____mi tshad tsam zhal mjal thengs mang byung tshul gsung gi bdud rtsi dngos su thos/__sa sbrul zla 11tshes skor lha khang gtsang khang du thub pa chen po yod par ni rdo skas la 'dzeg_/ngos chos gos dmar po gyon nas de mdun phyag 'tshal/__bzang spyod yan lag bdun pa phul nas/__sgo khyams su phyir 'ong skabs bla ma sku bong mthon po chos gos dmar po mnab pa/__dpon g.yog gnyis yar thon song ba thu'u bkwan rdo rje 'chang blo bzang bstan pa'i dbang phyug red zer ba sogs rmis//____//__gsum pa snyan brgyud tshad ma bzhi ldan gsung ngag rin po che lam 'bras bu dang bcas pa'ang kun gzigs mkhyen brtse gong ma ngor e waM thar pa rtse'i sprul skur sku bdag zhus pa nas bzung sku gong 'og sku tshe ril por bzhugs stan chags pa'i gnas gdan sa'i gtso bo dpal ldan sa skya'i ring lugs 'dzin pa'i chos sde chen po bkra shis lha rtse nyid yin la/__rje gong ma'i thugs sras kyi thu bo gsang bdag rdo rje 'chang dngos 'jam pa'i dbyangs blo gter dbang po dang /____'jam mgon ngag dbang legs pa gtso bor gyur pa'i sa ngor bstan 'dzin dam pa rnams kyi rje 'di nyid thun min thugs kyi sras su gyur cing /____bka' srol de las rgyun bzhugs pa'i gdams pa yongs rdzogs nan bskyar du gsan bzhes dang /____de dag gi bskyed bzlas rdzogs gsum gyi rnal 'byor la nyams bzhes thugs dam chags med gnang ba dang bcas bla ma dang lhag pa'i lhas byin gyis brlabs shing gur zhal sogs chos skyong bran du khol bas nus pa'i gding tshad brnyes par zhal gyis bzhes/__rdo rje rnal 'byor mas rjes su bzung zhing 'bar dang 'du ba gsum gyi drod rtags kyang mngon du mdzad/__bsnyen sgrub dang dbang chos kyi phyag len sa ngor tshar gsum so so'i lugs bzhin phra zhib cher gnang ba sogs rdo rje 'dzin pa'i mchog tu gyur/__gangs can bstan pa'i mnga' bdag sa skya pa zhes mtshan don mthun par sa ngor tshar gsum la bzhugs pa'i rgyud sde gong 'og rnams kyi dbang bka' byin rlabs rjes gnang bcas/__de dag gi rdzogs rim gyi khrid dang rgyud kyi bshad pa rnams dang /____bka' 'bum gyi lung sogs lan grangs mang du 'chad spel gnang /____khyad par du rgya gzhung chen po rnams gzhir bzung rje btsun gong ma'i dgongs pa gsal byed kun mkhyen go ram bsod nams seng ge'i yig cha rnams lung rigs kyi lam nas drangs te 'chad nyan gyis 'phel rgyas su mdzad pa'i klog pa thos bsam gyi sde dang /____gsang chen snyan brgyud slob bshad kyi gdams pa sgom sgrub kyis nyams su len pa'i spong ba bsam gtan gyi sde bcas gsar 'dzug mdzad pas stod smad kun tu 'chad nyan sgrub pa'i rgyun mang du 'phel bas gsang chen rgyud sde rgya mtsho'i mnga' bdag tu gyur cing /____gzhan yang gdan sa khag rnams gtsor byas gtsug lag khang dang /____sku gsung thugs kyi rten rgya che grangs mang gsar bzhengs/__'khon lugs yab chos phur pa'i sgrub mchod rgyas spros kyi rgyun 'dzug pa sogs zhib par gong du smos zin pa ltar/__mdor na 'jam mgon sa skya pa yab sras kyi ring lugs mtha' dag bshad sgrub las gsum gyi sgo nas phyogs thams cad du ches cher gsal bar mdzad cing /____'khon rigs dpal sa skya'i bdag chen khri 'dzin gzhung zur gyis gtsos sa ngor skyes chen brgyud 'dzin dang bcas pa'i rigs bdag tu gyur pa sogs kyis brtse chen yab sras brgyud par bcas pa'i thugs bskyed phrin las gcig tu bsdus pa'i rang gzugs bstan pa'i gsal byed chen por mngon sum du grub pa dang /____de dang 'brel bar ye shes dag pa'i gzigs snang ni/__mang mkhar ka lA phug ces pa sgra bsgyur phug red zer ba der lam zab bton pas/__'brog mi lo tsA phug chen nang gi 'dra zhal 'dra ba/__dbu zhwa paN zhu/__phyag gnyis rdor dril bsnol ba/__rab byung chas can zhig rang gi mdun gyi thad der bzhugs pa res rang dang gci+ig tu gyur/__res tha dad du gyur pa'i nyams shig byung gsungs//____//__rdor gling du sa khyi zla 7tshes skor gtsang g.yang chos sprul sku sogs la sdom gsum rab dbye bshad nye'i skabs/__chos kyi rje sa skya paN+Di ta de nyid zhabs phyed skyil gyis bzhugs pa rgya gar paN+Di ta'i chas lta bu/__phyag gnyis chos 'chad kyi rgya can/__dpral bar 'jam dbyangs dkar po/__mgrin par smra seng /____thugs kar 'jam dpal ye shes sems dpa'/__lte bar dbyangs can dkar mo/__gsang bar mi g.yo ba dkar po rnams bzhugs pa la mos gus byas pas/__lha de rnams las 'od zer 'phro bstim sogs kyi nyams za zi byung yang zhag shas yi ge 'god rgyu ma byung bas brjed/__zla 10tshes sgang thog tu sdod pa'i skabs shig nyams snang la chos rje sa paN g.yas chos 'chad ral glegs/__g.yon mnyam bzhag tshe bum/__thugs kar tshe dpag med dkar po/__de'i bdud rtsi'i 'od zer tshe bum steng babs/__de las bdud rtsi rang thog 'babs pa sogs kyi nyams byung /______//____/dgung grangs sum cu skor yin snyam pa zhig tu chos rje las tshad ma rig gter gsan pa'i dag snang gi phyag tho zhig kyang mjal//____//__me bya zla tshes nub ngor dgon lta bu zhig tu rdo rje 'chang kun dga' bzang po rab rib zhig dang /____khong gi dbang bum chu yin zer ba dngul gyi ril ba spyi blugs zhig tu chu 'dug pa rang gis btung nas spyi bor blugs pas dga' ba chen po thob par rmis//____//__dpal mgon zhal gyi gsol phrin mdzad byang gi mtshan du kun dga' phrin las rgya mtsho zhes gsungs pa 'di'i mtshan sus gsol ba red zhus pas/__sngar rmi lam du ngor gyi gdan sa nas ngor chen rdo rje 'chang dngos las rab byung bsnyen rdzogs sgrub pa rmis skabs ming de gnang byung zhes zhal las thos shing /____ngor chen las brgyud pa'i sdom rgyun la shin tu thugs rtsis che bar gnang /____me bya zla 4tshes 25la/__nged rang ngor du 'byor nas khang pa zhig gi nang sdod par mgon po gur gyi lder sku zhal ngo shin tu chen po thog tshad gci+ig yod pa ye re re gsham sgo chen gcig nas yar byon pa dang /____yang chos skyong sku chung ba 'dra min mang po zhig kyang yod par rmis/__yang de'i snga tshes gang yin brjed/__rang ngor du 'du khang sbug khri gsum gyi dbus mar bsdad nas 'tshogs pa dang lhan du zhal 'don byas pa snyam yang zhib bca' brjed/__zla ba brgyad pa'i tshes stod zhig la dpal ldan bla ma bsod nams rgyal mtshan yin rgyu'i bla ma rgur nyams can na bza' kha nems gsol ba zhig las kye rdor dbang dang /____lam 'bras lta khrid nas rgyud gsum mdor bsdus shig thob pa'i nyams byung /____me bya zla 8tshes la mang mkhar thub bstan dge 'phel gyi tshar chen rdo rje 'chang gi 'dra zhal rin po che'i mdun nas dad mos drag pos gsol ba btab pas phaTaHlan gnyis gsung snyam byed pa dang shes pa rtog med lus 'phar sprugs byed pa byung /______/!yang me sprel zla12tshes 20la/__tshar chen rdo rje 'chang gi bla rnam 'don skabs mos gus kyi rkyen las tshar chen rdo rje 'chang sku mdog sogs thub bstan dge 'phel gyi 'dra zhal rin po che dang dbyibs 'dra ba mi tshad gcig tsam yod snyam lung bstan zhig gnang /____rang gis dbang bzhi blangs te rang la bstim pas rang dgyes rdor du gyur pa'i thugs kar bdag med lha mo bco lnga bzhugs pa'i snang ba ban bun byung ngo /______/lcags 'brug zla 10tshes 15nub chos kyi rje sa skya paN+Di tar gus gdung drag po byas rkyen gyis chos rje'i sku'i snang ba dang /____dbang blang zhing sngar byung gi rmi lam dang cha 'dra ba de nyid rig 'dzin rnal 'byor spyod pa sku mdog sngon po pus mo g.yon bskum nas nam mkhar spyod pa lag na ral gri 'chang bas bdag lus bsgral ba sogs kyi snang ba byung mthar sad/__phyi nang rnam bzang gi yi ge pa byas nas bstod pa rtsom/__shing lug zla 8tshes 20la hor ye tha'i rda chen brgyud nas 'ong skabs tshes 19nub phyogs gnam sngon dwangs par zla ba mthong bas rkyen byas/__rje blo gter dbang po dran pa dang rje de nyid zla ba la rgyab yol byas pa lta bu'i gsang bdag khro bo'i skur gyur pa la mos gus dang dbang blang byas/__bla ma rang la thim pas rang rig gsal dwangs kyi nyams shar bas/__de'i nyin g.ya' ma sngon po'i khug gi thang sgar du rje nyid kyi bla rnam zhig bris/__zhes gsungs/__me bya zla tshes 29nub yar klung rtse thang bsam gtan gling dgon pa yin snyam zhig gi nang chos rgyal 'phags pa'i gdung rus dang bla ma dam pa'i dbu thod red zer ba'i gdung rus tshal pa dang /____dbu thod dum bu che tsam gnyis mjal kha zhus/__ban rgan zhig gis gdung rus de las yungs dkar 'bru tsam kha shas byin/__ngos rang gi lag par blang bas dum bu che ba zhig gog byung ba ngos rang nas tshag byas/__dbu thod dum bu yang che tsam rnyed/__de nas na bza' rnying pa mang po brtsegs 'dug pa de'ang bla ma dam pa'i na bza' red zer ba de las dngos grub zhu dgos snyams/__zhu rgyu dngos byung min brjed gsungs/__gzhan yang lam 'bras brgyud pa'i bla ma 'ga' res rjes su bzung tshul zhal gsungs rnam thar las kyang 'byung ngo /______/tshar chen gsol 'debs mjug_/ces pa'ang kun dga' phrin las rgya mtsho don grub dbang gi rgyal pos 'dar grong chen sogs sbyar byang can gyi gsham du/__me sprel zla dgu phyi ma'i tshes 7la mchod sdong mdun sdod nub 'jam dpal chos dbyings gsungs dbang gi dbang gzhan la bskur ba sogs dang /____gong ming sngar yod pa la don grub dbang gi rgyal po zer ba sogs rmis/__sa skya bdag chen A yu badz+ras phur pa'i smad las gnang skabs sngags 'chang chen mo mdun thad bzhugs pa'i nyams dang /____'jam dbyangs gzi 'od 'bar bar gsol smon skabs byin rlabs kyi mtshan ma phran bu byung ba brjed de thal/__zhes phyag thor 'khod 'dug_/gzhan yang 'jam mgon legs pa rin po che'i rnam thar du/__rje 'di la lam 'bras slob bshad dang 'brel kye rdor rgyu dbang grub 'phral kun gzigs mkhyen brtse'i dbang po la gur lha brgyad kyis bskor ba zhal gzigs pas/__khong gi sprul sku la dbang phul bas thugs dgyes pa yin 'dug gsungs/__de skabs rje 'dis kyang legs pa rin po che sgo rum pa kun dga' legs pa'i 'byung gnas kyi rnam 'phrul du nges shes 'khrungs par lam 'bras bla ma brgyud pa'i rnam thar ljags lung gnang bar sgo rum pa'i rnam thar mjug tu legs pa rin po ches de lta bu'i rnam par thar pa byis pa'i blos bsam par dka' ba zhes gsungs shing rje 'di nyid la spyan cer gyis yun ring du gzigs song bar/__khong la nges shes skyes pa de bla mas dgongs song snyam pa byung gsungs/__yang legs pa rin po ches mkhyen sprul rin po che 'di nged kyi slob ma'i gtso bo yin/__bla ma'ang yin pas lam 'bras bla brgyud kyi zhal thang du'ang bris yod/__zhabs brtan gsol 'debs shwa lo ka gcig rgyun 'don zhu bzhin yod/__slob tshogs thams cad kyis kyang de bzhin gsol 'debs zhabs brtan bsgrub pa la 'bad dgos par gsungs shing /____khyad par du 'jam mgon legs pa rin po ches rang gi thugs sras thu bo sde gzhung mchog sprul la bka' bslab gnang bar/__mkhyen brtse'i sprul sku rin po che 'di brtag mi dgos pa'i rdo rje slob dpon mtshan nyid dang ldan pa yin pas khyed kyis kyang bla mar brten dgos zhes phebs pa nas bzung rje 'di nyid bla ma'i dam par bzung ste/__phyis dgung grangs mthon por phebs pa na yang li thang nas rdzong sar bar lam thag ring por dbang len la yang yang phebs/__lan gcig slar phebs chos su 'jam dpal mtshan brjod kyi ljags lung mdzad skabs rje 'di 'jam dpal gzhon nu dngos yin pa'i nges shes byung tshul dang /____slob ma rnams la chos 'chad pa'i skabs su yang sangs rgyas kun 'dus phyi yi bla ma zhes mtshan nyid dang ldan pa ni mkhyen sprul rin po che lta bu yin zhes rgyun du gsungs par grags/__gzhan yang 'khor 'das dbyer med las 'phros pa'i thugs dam nyams bzhes kyi bgro gleng thun min du gnang ba sogs thugs yid gcig 'dres su bzhugs pa'o//____//__bzhi pa ni mchog gi dngos grub mngon du byed pa'i gseng lam 'phags yul bka' bzhi brgyud pa'i gdams zab mnga' bdag mar pa'i bka' srol rtsa ba yan lag bcas kyi gdams ngag che phra mtha' dag gsan bzhes gnang bas rnam kun 'dir snang chos brgyad kyi snyems rtog bral zhing /____rnam g.yeng dang snyoms las kyi bya ba ngan pa shugs 'byung du spong ba sogs sgrub brgyud gong ma'i rnam thar lhur bzhes kyis/__nang gi rnal 'byor 'od gsal phyag rgya chen po'i lta dgongs mthar son pas nyams rtogs kyi gsang mdzod brdol/__rigs kyi bdag po rnams la dad mos dang dag snang shin tu che bas mos gus dang rtogs pa'i bka' babs khyad par can brnyes/__mar mi dwags gsum nas deng gi bar sgrub pa nyams len gyi phyag srol bar ma chad pa bzhugs pa'i bde dgyes sogs rgyud sde'i bskyed rdzogs dang /____khyad par ras chung snyan brgyud kyi byin rlabs khrid bcas rje mkhyen brtse nas kaHthog si tu rin po cher brgyud pa dang /____kar 'brug gi chos drug dang phyag chen khrid skor mkhyen brtse nas rgyal tshab rin po che la brgyud pa/__chags med zhabs kyi phyag chen dmar khrid bcas la thugs rtsis cher mdzad cing nyams bzhes gnang bar mngon/__don gnyer ba rnams la gong 'khod rigs dang /____lam mchog rin chen phreng ba/__thar rgyan/__nang brtag rgyud gsum sogs mos pa dang mthun par re ba yongs su bskang zhing /____'bri gung dgongs gcig la mdo sngags zab don dang 'brel ba'i gsung bshad stsal bas thams cad ngo mtshar gyi gnas la bkod/__rgyal dbang bcu drug pa rang byung khyab bdag rig pa'i rdo rje mchog dang /____byams chen si tu pad+ma dbang mchog rgyal po/__zur mang drung rin po che sku phreng bcu pa chos kyi nyin byed/__rgyal sras 'jam mgon mchog sprul rin po che bcas yab sras rnams dang thugs dgongs dbyer med pa'i thugs bskyed phrin las kyi rgyun gcig 'dres su gyur/__sku zhabs si tu rin po che mchog gis deng sang khams bod kyi ljongs 'dir tshad ma'i skyes chen blo gtad zhu yul rje 'di nyid kho nar nges zhes sde dge sa skyong la yang nas yang du bka' gnang bar mdzad/__sku zhabs rin po che zhing khams su gshegs rjes dgongs rdzogs sogs dpal spungs bstan pa la dngos brgyud nas bka' drin che bar bskyangs/__kar 'brug bstan 'dzin skyes chen rnams kyi gtsug nor du gyur cing ring lugs 'di dag 'dzin pa'i chos sde che phra mang por bshad sgrub kyi rgyun sngar med gsar bskrun gyi thugs bskyed dang phrin las kyis khyab pas na/__mnga' bdag mar pa bka' brgyud kyi bstan 'dzin mkhas grub rnal 'byor gyi dbang phyug chen por grub pa dang /____dag pa'i gzigs snang ni/__me sprel zla ba bcu gcig pa'i tshes gnyis la bal yul du tai lo dang nA ro'i sgrub phug tu cung zad sdod skabs/__nA ro pa sku mdog sngo skya thor cog rus rgyan/__g.yas thod pa/__g.yon pa'i mtheb srin gyis bdud rtsi 'thor ba/__zhabs tsog pu phyed skyil can mjal snyam par dbang blang rang la bstim dmigs sogs byas so/____/man+di'i rgyal sa nas rim par dza lan+d+ha ra brgyud ri lir bgrod lam nas dge 'dun chos 'phel gyi gnas yig tu dza lan+d+ha ra ni grub thob o rgyan pa dang /____rgod tshang pa'i rnam thar du gsal zhes pa'i gnas kang ra man+da dir grags pa de'i thad tsam du slebs pa yin 'dra sems skyid de ba'i ngang nas mkha' dbyings su ku ku ri pa sogs grub chen mang shas bzhugs yod pa'i nyams snang gsal por byung /____gro bo lung gi lha khang dmar por mar pa'i 'dra zhal mjal skabs dad mos chen pos gsol 'debs dang /____dgyes rdor dbang blang sngags kyi bzlas pa'i sngags 'khor spro bsdu'i dmigs pa sogs byas pas spyan hrig byas shing /____dngos po'i gnas lugs lam dang ni/____/'bras bu skye ba med pa ste/____/sems nyid ma bcos so ma 'di/____/rang byung ye shes phyag rgya che/____/zhes gsungs pa'i snang ba dang rig pa rtog med du rgyang tsam gnas pa'i nyams byung ngo /______/rngog sprel gzhung gi mar pa'i gdung 'bum 'jal skabs su/__gdung 'bum nyid dgyes pa rdo rje lha dgur gyur pa'i sngags aSh+Ta'i phreng ba rang la 'phros pa'i snang ba 'char/__me bya zla 5tshes 19nub lho brag mar pa yin rgyu'i mar pa'i sku dbyibs dang chas lta bu zhig gis 'pho ba grong 'jug byed thub min bshad 'dug_/dar ma mdo sdes byas pa skad zer/__mthar li 'dra dkar po'i bla sku zhig 'dug pa dar ma mdo sde'i 'dra zhal yin rgyu zhig rang gi lag na thogs pa rmis kyang gsal po ma dran/__gnam mtsho thog mar mthong skabs rang gi dad mos rkyen las dpal 'khor lo bde mchog gi pho brang thugs gsung sku'i dkyil 'khor dang bcas pa dpa' bo mkha' 'gro mang pos gar stabs byed pa'i 'khrul nyams rab rib byung bas rang gis kyang bde mchog gi sngags gang shes brjod cing de dag dang skal ba mnyam pa'i smon 'dun yang yang byas/__rdo rje gling du sa khyi zla 7tshes 19la rmi lam du rdzong sar gzim khang nang rje mi la'i sku mchod nyin gcig 'don rgyu gang yin brjed/__mchod pa dem bsgrigs rnams bsdus/__de'i phyi nyin yang tshogs dgos pa 'khrul 'khor gcig bskor dus mchod pa rnam lnga thams cad bsgrigs ma dgos par ser sgreng gshar ba ltar dem thog gcig rjes nyis mthud byung bar ngo mtshar snyam byed pa rmis/__gnyid sad dus rje btsun la mos gus chen pos mtshan gyi gsol 'debs bton pas/__gangs ri ti se'i ngos la pho brang lta bu'i nang rje btsun nyid bde mchog zhal phyag rgyas pa'i skur gyur pa la snyan brgyud thob re'i gsol ba btab pas dbang rgyas bsdus dang glegs bam gyi sdom gtad rnams sprul pa'i dkyil 'khor lta bur skad cig gis thob pa'i nyams 'al 'ol zhig byung gsungs/__stod lung mtshur phur 'gro skabs rgyab ri bde mchog zhal phyag yongs rdzogs ri yi gtos dang mnyam pa mthong snyam dang /____mdun ri'i mar rgyab brag karma pak+shi sku mdog smug po shin tu che ba mthong snyam byung /____sa khyi zla 1tshes 15la bro nad kyis mnar bzhin dpe khang nas dpe pod gcig zhal phyes pas/__pak+shi'i gsung gsang sngags kyi rgyud sde'i spyi rnam skor zhig 'dug pa lam tsam mjal nas chu tshod gnyis tsam song ba na/__des rkyen byas pa lta bus nyams snang la mdun mkhar pak+shi de nyid sku mdog dmar smug ag tshom nag khyug ge ba zhal ras khro 'dzum spyan lta stangs phyag sa gnon zil can gyi mdun der DA ki ma sbom thung kha shas yod pa'i nyams byung /____nga rang nad drag pa'i gsol ba btab pas/__DA ki de rnams dang bla mas phyag gis byabs pa 'dra kha shas byas/__bla ma dang DA ki de rnams las me lce lta bu dmar thar thar 'phros nas rang lus bsregs/__rang bla ma pak+shi'i skur gyur pa'i 'khrul snang zhig byung ba la brten nas bla sgrub zhig yid ngor gsal bzhin bris/__sa khyi hor zla 9tshes la zab mo nang don bshad lung mchog ldan sogs la bgyis pa'i tshes bcu'i nub nam smad rgyal dbang rang byung rdo rje dran pa'i rkyen gyis rje de nyid mi tshad tsam zhwa nag chos gos phyag gnyis chos 'chad mdzad pa zhig la gsung 'bum dgongs gtad zhu snyam pa dang /____yig pod skya ma kha shas yod snyam/__res shog nag gser bris lta bu/__res zhal nang nas yi ge mang po thor thor byung ba rang la thim pa'i nyams shar ro/____/zla tshes 13nub mtshur phur rgyal dbang bcu drug pa mjal/__ngos la byin rten gnang rtsis kyis rten sgam mang po'i dkyil du sgam gcig rang nas zhal phyes pas/__gnam lcags rdo rje phur pa kha shas dang /____gzungs thag rdo rje rnying pa'i li ma lta bu 'phan dzar ldan pa kha shas 'dug_/rgyal dbang nas khyed rang byin rten gang dgos khyer gsungs te rin po che rang gzigs long med par sku 'chags mdzad pa dang /____sku zhabs si tu gong ma de'ang rmis kyang brjed/__me bya zla 2tshes 15nyi ma me bzhi'i 'grub sbyor nyin rtsa gsum spyi 'dus kyi dbang zhig kyang bskur/__'ja' tshon tshe sgrub sogs lung 'don skabs de'i nub gnas mdo chags med rin po che'i gdan sa skor gyi rmi lam mang zhig byung ba brjed/__yang mnal ba na gnyid srabs mo'i nyams snang la/__chags med rin po che dang po dbu la sgom zhwa mnab pa/__dar cig nas thang che ba zhig gi steng rang dang cung thag ring tsam na dge slong dbu zlum bgres nyams med pa zhig bzhugs 'dug pa khong gi gsung rnams lung zhu dgos snyam pa phyag dpe ni bla ma khong rang gsung 'byung ba'i gzhi yin snyam byin rlabs zhu ba'i dmigs 'dun byas pa dang /____phyag na baiDUR+Ya'i shog gu la mthing skya zhig gis bris pa ldeb gcig gnang nas gsung thams cad kyi rtsa ba yin rgyu de 'dra zhig gtad pa dang /____bla ma 'od du zhu/__glegs bam chos rtsigs chung ngu zhig tu gyur/__de gnas gyur te thugs chen 'khor ba dong sprugs lta bu g.yas ril ba spyi blugs lta bu'i khrus bum mchog sbyin gyis 'dzin pa/__g.yon skyabs sbyin thugs kar pad phreng 'dzin pa zhig tu gyur/__de rang la thim pas rang yang de 'drar gyur pa dang nyams sad do//____//__lnga pa ni mkhas grub khyung po'i gser chos shangs pa bka' brgyud skor/__lam 'di'i bka' babs 'jam mgon gu Na'i zhabs kyi thugs sras mkhas dbang bla ma bkra shis chos 'phel zhabs dang /____sgrub dpon bla ma karma rang byung kun khyab sogs las smin grol dang gdams skor gzhung rnying yongs rdzogs nan tan zhib gsan gyis nyams bzhes dang /____rgyud sde lha lnga/__lha bzhi dril sgrub/__bla mgon dbyer med sogs ljags bsnyen/__stag tshang sgrub sder lugs 'di'i nyams len dang 'khrul 'khor sogs rgyun 'jags gnang /____don gnyer la smin grol 'chad spel gyi thugs bskyed dang phrin las rgya che ba sogs shangs chos rin chen bdun brgyud kyi bstan pa 'dzin skyong spel ba'i gsal byed dam par grub pa dang /____ye shes dag pa'i gzigs snang la/__me sprel zla 10tshes la/__dur khrod bsil tshal sha wa ri'i sgrub phug tu mchod pa 'don skabs/__sha wa ri pa ri dwags kyi ro phrag par bkal nas g.yas mda'/__g.yon gzhu bsnams pa zhig la gnas lnga'i lha rnams kyang rab rib yod snyam rig pa gsal dwangs byin rlabs kyi zil cung zad byung bas lus 'phar ba mdun du mgon po tshe brtan yod pas mthong ngo /______/bla sgrub zhig rig ngor thon pa de'i phyi rol lha khang du bris pa lags zhes dang /____sngar zhe chen nas rgyal tshab rin po che las gdams mdzod nang gi shangs chos gsan skabs gzim lam ngo mtshar can kha shas byung yang de skabs tho ma 'khod pas da lta brjed/__de rigs la don cher yod ces gus la bka' stsal ba tsam las phyag thor 'khod rigs mi snang la/__bka' srol 'di'i shing rta grub chen thang stong rgyal pos rjes su bzung tshul gong gsal ltar ro//____//__drug pa ni pha gcig dam pa sangs rgyas kyi gdams zab zhi byed skor dang /____ma gcig lab sgron gyi bka' srol dam chos bdud gcod bcas kyi smin grol gdams pa'i rgyun bzhugs rigs zhib tu gsan bzhes kyis skabs su bab pa'i thugs dam nyams bzhes mthar phyin cing 'chad spel 'dzin skyong gi phrin las kyang g.yel med brgyud mar skyong bar mdzad pa dang /____grub chen dam pa sangs rgyas kyi gdams zab zhi byed lam lnga skor dang /____ma gcig lab sgron gyi gcod yul lam khyer lugs srol rnams kyi smin grol rgyab brten bcas zhib tu gsan bsam sgom pa'i pha mthar son/__gdul bya gang la gang 'os la 'chad spel dang bcas pa bstan pa'i rgyun nyams med 'dzin skyong gnang zhing /____khyad par du ma gcig lab sgron dang rdo rje rnal 'byor ma dbyer med pas rje grub thob chen por dngos su gdams pa'i gsang spyod snyan brgyud chen mo zhes nyams len byin rlabs kyi rgyun khyad par 'phags pa shin tu gces spras kyis thugs nyams su bstar zhing nyer mkho'i yig cha gsar spel ci rigs kyang gnang nas mos ldan don gnyer rigs la mnog chos kyi tshul du spel bar mdzad cing /____snod ldan la gtad rgya bcas rdzogs par gdams pa sogs zhi gcod kyi bstan pa 'dzin pa'i mnga' bdag chen por nges la/__gzigs snang ni/__sku gong ma'i dam pa'i bla sgrub snyan brgyud snying gi thig le'i dbang dpe dgongs klong du gsal ba ltar gtan la phab pa'i mdzad byang las/__kho bo pad+ma ye shes rdo rje rang lo 65me bya zla 12tshes 22la dam pa sangs rgyas de nyid kyi sku'i snang brnyan rab rib 'char ba'i rkyen gyis yid ngor shar ba bzhin rje bla ma pad+ma 'od gsal mdo sngags gling pa'i dam pa'i bla sgrub dag snang snyan brgyud kyi smin byed du yin par rloms nas 'bras ljongs mkha' spyod DA ki'i pho brang ngo mtshar sprul pa'i zhing gi gtsug lag khang chen po'i 'gram logs kyi ba gam du shar mar bris pa sogs dang /____de'i gsham du phyag bris mar/__gong gi rgyal zla'i tshes 20skor 'gos lo'i deb ther sngon po mjal ba'i tshe zhi byed skor gyi rnam thar lam tsam re bltas skabs dam pa sangs rgyas sku mdog dmar smug dbu skra nag po ral pa ring po'ang min pa thung ngu'ang min pa'i ar bad tsan lta bu/__phyag gnyis res dpral bar nam mkha' mdzod rgya/__res DA ru thod pa bsnams pa zhig yid ngor lam tsam gsal lo/____/zhes bkod par mdzad 'dug_/zangs ri mkhar dmar gyi ma gcig 'dra zhal mdun bzhugs zhag gi ring gsung chog gnang skabs gzigs snang ngo mtshar can mang du yod par nges kyang phyag thor 'khod pa bzhugs mi 'dug_/__//__bdun pa ni gnyis med rgyud rgyal dpal dus kyi 'khor lo'i zab don rdo rje'i rnal 'byor sbyor ba yan lag drug gi skor gangs ri'i khrod kyi dus zhabs pa chen po 'jam mgon mkhyen kong rnam gnyis la dpal dus kyi 'khor lo'i bshad sgrub shing rta jo zhal gnyis kyi bka' srol smin grol rgyud bshad dang bcas pa'i chu bo thams cad rdzogs par 'bab cing de thams cad tshang ba rje bla ma mchog gi thugs mtshor bskyil ba nyid 'chad spel gyi phrin las rgya cher skyong zhing /____ston pa chos rgyal nyer lnga phyed dum skyong brgyud 'dzin bcas kyi gra thang sum cu so bdun shin tu khyad 'phags gsar bzhengs dang /____nag zla'i dus chen la mchod chog gzab rgyas ma chags par gnang zhing /____gus pa la'ang de bzhin grub na legs pa'i bka' 'phros gnang zhing /____rgyud rgyal 'di'i zab don rnams la gzhan gyi lad mo tsam ma yin pa'i nges shes khyad par can thugs la 'khrungs tshul nges pa don gyi zhal bzhes gnang zhing /____zhing 'di'i gdul bya rdzogs la nye ba na'ang gsung chog kun gyi rjes mar dus chen dang khel bas 'di nyid kyi mchod chog gzab rgyas su gnang ba dang /____ma 'ongs pa na rigs ldan nyer lnga pa drag po 'khor lo can gyi skur bzhengs par zhal gsung gsol 'debs khag las yang yang gsal ba ltar rgyud kyi rgyal po 'di nyid kyi bstan pa'i bdag por nges pa som nyi dang bral zhing /____gzigs snang skor/__me sprel zla 11tshes la lha babs gnas su bstan rim mnan pa tshar ba'i nub rmi lam du dus 'khor blos bslangs che ba zhig gi nang du zhugs pa dang sku 'khor gyi phyi'i 'dod ma rnams hril po leb mor bzhugs pa rnams nas/__nang 'khor 'dod ma rnams kyi sku gcig gan rkyal yod par cung sdod pa 'dod ma sngon ma de'i bye brag red zer/__de nas nang 'khor gyi mdun phyogs zhig nas sgrub mchod btang /____bdud rtsi nang mchod la mi kha shas 'dzom dgos grwa pa 'ga' la skad btang /____de 'dra'i ngang gnyid sad do/____/sa khyi zla tshes 20nub rdo rje gdan gyi sangs rgyas ye shes zhabs kyi dus 'khor dkyil 'khor gyi rdo de gnam gru nang khyer 'ong ba red kyang zer/__mis pang nas khur ba red kyang zer 'byor 'dug_/de'i steng me mchod blugs grab byed pa dang /____yang rdo stegs la mkha' 'gro'i dkyil 'khor yod pa chung tsam zhig gi steng me mchod blugs grab byed pa rmis/__me sprel zla 12tshes 23la/__lo de'i rgyal zla'i tshes nyer gsum/____/kun mkhyen dol po sangs rgyas dran/____/yang yang gsol btab sku'i snang ba/____/chung ngu zhig las cher ma dran/____/gnyid ni sad res dus dag tu/____/gsol btab nam smad cha zhig la/____/khri ni mdzes pa zhig gi steng /______/kun mkhyen de nyid mi tshad tsam/____/sku sham ser po gsol ba dang /______/rje yi thugs dam sku dbyibs 'dra/____/yer gyis bzhugs la gsol ba btab/____/bar chad zhi ba'i smon lam byas/____/yang gcig rgya mi 'dra ba dang /______/lha khang gsar bzos tshad blangs pa/____/thag pa lta bu zhig gi tshad/____/ngos rer 'dom pa sum cu re/____/babs 'dug zer ba la sogs rmis/____/dmar phyogs tshes ni nyer bzhi'i nub/____/'jam dbyangs bstod pa gang blo dang /______/'grel pa sum cu so gnyis po/____/rngog los thugs gtsigs mdzad pa de/____/gzugs su gyur nas yi ge ni/____/me 'od lta bur gyur pa'i nang /______/rang nyid zhugs pa la sogs pa/____/bshad dka'i rmi lam mang po zhig_/nam gyi rgyun ring rmis pa dang /______/kun mkhyen dol po'i sku la ni/____/rigs gsum sems dpa' bzhugs pa sogs/____/'al 'ol gsal bzhin bla sgrub ni/____/'dre yis lag bsgul bris pa lags/____/gzhan yang sku tshe'i stod du dol po'i bla rnam gyi mdzad byang la'ang kun mkhyen nyid kyis rjes su bzung tshul can mjal bas mtshon/__dpal rtse rdor dbyings sogs kyi rgyud sde'i dbang dang bskyed rdzogs skor deng sang rgyun dkon pas de dag 'chad nyan 'dzin spel thugs kyi g.yar dam du bzung bas na/__bu dol jo zhal gyi bstan pa'i srog mthud par mdzad do//____//__brgyad pa ni grub thob chen po o rgyan pa la rdo rje btsun mos dngos su stsal ba'i man ngag rdo rje gsum gyi bsnyen sgrub skor gzhung gdams man ngag gi rgyun bzhugs rigs rdzogs par gsan te 'dzin skyong spel ba'i thugs bskyed dang phrin las rgya cher bdag gir mdzad pas don gyi bstan pa'i gsal byed dam par nges shing /____'di skor thugs dam nyams bzhes kyi mngon rtags zhal gzigs nyams snang ci rigs bzhugs par nges kyang dmigs bsal gsung 'phros dang phyag thor gnang ba dngos su mthong thos kyi skal bar ma gyur la/__der ma zad g.yung drung bon gyi bstan 'dzin mdo smad shar rdza rtogs ldan slob brgyud dang bcas pa la rang lugs smin grol nyams khrid kyi yi ge gsar du mdzad par bskul zhing /____brgyud 'dzin kun la bstod bsngags kyis dbugs dbyung gnang ba las nam yang khyad du gsod par mi mdzad do/____/de dag kyang rnam thar rtsa bar/__gong ma 'jam mgon bla ma de/____/grub mtha' kun la ma ltar mdza'/____/rang rang rgyud lung man ngag gi/__rnam dbye ma 'dres so sor mkhyen/____/phan tshun bsre bslad mi mdzad cing /______/gang la gang 'dul chos ston pas/____/sa dge kar rnying thams cad kyis/____/rang gi bla ma bzhin du 'dzin/____/bdag ni de ltar ma lags kyang /______/bod yul shing rta che brgyad po/____/kun la dag snang cher bskyed cing /______/log rtog sgrib pas ma gos par/____/gshe skur grub mtha'i phyogs 'dzin spangs/____/dbang khrid man ngag rgyud lung rnams/____/rgyun bzhugs thams cad 'bad pa ches/____/nyan dang mnyan par 'gyur bar smon/____/bstan pa ring du gnas pa yi/____/lhag bsam bzang pos thob pa rnams/____/phyogs ris med par spel ba dang /______/skye 'gro mchog phal thams cad la/____/zur za phrag dog brnyas bcos spangs/____/kun la phan pa'i bsam pa ni/____/dung dang pad rtsa ltar dkar ba'i/____/sems bskyed smon lam bzang po btab/____/'brel pa thams cad don yod byas/____/de ni rnam thar snying po yin/____/zhes gsungs pa ltar/__gangs ljongs rgyal bstan yongs rdzogs 'dzin skyong spel ba'i rnam thar la 'gran zlas dben pa rje bla ma 'jam pa'i dbyangs sku gong ma'i rnam thar gyi gsang ba ni/__thams cad mkhyen gzigs yon tan rgya mtsho'i zhal nas/__thob 'jal rigs pa nor sogs kyi/____/dbang du gyur min skyes sbyangs las/____/bod yul rgyal ba'i ring lugs pa/____/kun gyi tshogs rjer gyur pa yi/____/tshul 'di kho nas 'jig rten 'dir/____/thub dbang gnyis pa'i rnam thar 'dzin/____/bshad brgyud 'degs pa'i ka chen bcu/____/sgrub brgyud shing rta che brgyad kyi/____/gzhung lugs smin grol gdams pa'i bcud/____/gangs can ljongs su bzhugs so 'tshal/____/gsan bsam sgom pa mthar phyin mdzad/____/skye ba med las skye tshul dang /______/'pho ba med las 'pho tshul bzhin/____/spangs rtogs kun gyi mthar son kyang /______/gdul bya thabs kyis 'dul bar bstan/____/zhes rjes su bsngags par mdzad pa nyid don la gnas so//____//__gnyis pa bshad ma thag pa de dag las gzhan pa'i gzigs snang sna tshogs rigs rje bla ma nyid kyi phyag thor btab pa rag rim rnyed pa rnams bcos bsgyur med par phyogs gcig tu bkod pa 'di ltar te/____/legs nyes blang dor ston mdzad cing /______/'gro ba'i mun sel chos kyi rje/____/dpal ldan 'dren pa mchog rnams kyis/____/bdag la rtag tu thugs rjes gzigs/____/blo gros blo ngan nyon mongs kyi/____/drwa ba'i sbubs su rab 'thums bdag_/bcu phrag drug la lngar lhag pa'i/____/mgo zla'i tshes la 'phags yul gyi/____/rdo rje gdan mjal phyin pa'i tshe/____/rgyal gyi zla ba'i tshes lnga pa/____/nyis brtsegs snga ma'i dus kyi char/____/byang chub chen po'i mdun sa ru/____/gsol btab bgyid skabs de nyid ni/____/thub dbang dngos su gyur pa yi/____/thugs kar rdo rje 'chang chen sngo/____/yum med longs sku rdor dril bsnams/____/de yi thugs kar kun tu bzang /______/rgyan med yab yum 'khril sbyor bzhugs/____/phyi rol 'od zer phung po'i klong /______/sangs rgyas mang po bzhugs pa yi/____/nyams kyi snang ba rab rib byung /______/tshes lnga phyi mar yang de 'dra'i/____/snang ba byung bas bla rnam bris/____/mgon po phyag bzhir gtor 'bul zhig_/bya dgos snyam rung dpe ma 'dzom/____/de nub ye shes mgon po ni/____/rdo sku nag po'i smad cha nas/____/zhabs sogs che sbom ldan pa zhig_/mjal zhing de yi phyi nyin la/____/mchod dpon lags kyis bka' 'gyur gyi/____/rgyud 'bum ga par dngos grub 'byung /______/rgyud gzhung zer bar dran pa la/____/rgyud dpe rnyed na de'i steng nas/____/cho ga bsdebs te 'don rung snyam/____/de nub rgyud rgyal de nyid kyi/____/steng nas cho ga bya ba rmis/____/des rkyen gsol skong bri 'dod byung /______/nyung ngu zhig ni shar mar bris/____/mnyan yod mchod 'bul bya ba'i skabs/____/steng gi nam mkha' sngo sangs cher/____/de bzhin gshegs pa'i sku che bar/____/sangs rgyas la sogs mang pos bskor/____/bzhugs snyam 'al 'ol tsam zhig byung /______/sgang thog 'byor nas rmi lam du/____/bya rgod spungs pa'i ri bo'i mdun/____/mchod stegs mdzes pa zhig gi khar/____/ston pa'i rdo sku che tsam mdun/____/mchod pa mang po bshams pa rmis/____/yang gcig nad mnar rmi lam du/____/rdzong sar gzim chung rnying pa ru/____/'khrul zhig byon nas bdag la ni/____/zhal gtug ljags phu zhig mdzad cing /______/thang rgyal gser sku khru gang tsam/____/g.yas pas sa gnon g.yon mnyam bzhag_/thod chang mthon por 'phyur ba'i rtser/____/tsho bum chung ngu yod pa zhig_/'jog snod thod sgyed dang bcas pa/____/sgros legs gsal 'tsher 'bar ba zhig_/bsnams pa'i sku de de'i steng bzhag_/thod bum 'gril dogs zur du blang /______/de nas phyag steng bzhag pa sogs/____/mang po rmis kyang phal cher brjed/____/'phags yul rdo rje gdan byang chub shing gi nye 'gram zhig nas mchod 'bul smon lam byed skabs su gan+d+ho la'i phyogs mtshams steng mkhar thams cad du sangs rgyas byang sems mang po bzhugs pa'i snang ba byung /____mnyan yod gnas mjal ba na sangs rgyas ser 'jam mang po zhig mkha' dbyings su bzhugs snyam pa dang /____lha babs mjal dus de bzhin gshegs pa chos 'khor gyi phyag rgya shin tu che ba mkha' dbyings su bzhugs pa las dbang blangs shing /____mthar d+hIHser por gyur nas rang la thim pa'i shes nyams byung ba'ang rang mthong /____me sprel zla 12tshes 5nyis brtsegs kyi phyi mar/__bya rung kha shor gyi mchod rten bang rim steng nas gnas chog rgyas pa btang skabs sangs rgyas byang sems gnas brtan dgra bcom mang po nam mkhar bzhugs snyam byung /____de'i dgong mor bskor ba byas pas mchod rten de nyid bde gshegs zhi khro sgrub pa sde brgyad kyi dkyil 'khor lha tshogs phyi mchod rten la nang na sgrib med bzhugs pa 'dra zhig shar bas phyag dang sbrags na rag bskang bshags smon lam dang bcas pa bton/__rlung rig dwangs shing bde ba byung ngo /______/'phags pa'i gnas brtan chen po yan lag 'byung gis rjes su bzung tshul rnam thar zhal gsung ma las gsal ba dang /____yang tshes 11nub ri li'i nang nyal 'dug skabs bal yul du yod pa'i dbyig gnyen gdung 'bum de dran pa'i rkyen gyis/__dbyig gnyen paN+Di ta'i chas paN zhu dang phyag g.yas skyabs sbyin thugs ka g.yon mchog sbyin/__zhabs rol stabs 'gying nyams can shar ba la mos gus dang gsol 'debs byas/__dad pa la la gdon gyis byas gsungs pa de min na legs/__sa khyi zla 1tshes nang 'bras ljongs sgang thog tu bro nad rgyun ring mnar skabs/__slob dpon tsan+d+ra go mi yin rgyu rgyan drug kaHthog tu phur bu'i phyag bris nang gi dbyibs dang sku chas de lta bu zhig gis rnam 'joms kyi bkru byabs zhig mdzad pa'i 'khrul nyams byung bas nad khams cung zad dwangs/__yang zla 2tshes 27dgongs 'dus bskang chog skabs sha za kha mo che zhi ba'i gzugs can gyis ngos la 'khyud nas b+ha ga nas rdo rje 'jibs te khrag chu ser sogs 'then song ba'i snang ba byung rkyen gyis nad khams la phan rkyen cher byung snyam/__me bya zla 9tshes 11 nub rdzong sar gzim chung dbang khang du mi pham rin po che red zer ba'i bla ma na khreb zhig 'dug pa de la dga' spro lta bu'i ngang der slob gnyer ba zhig 'dug pa de la bla mas rtsod pa'i thal ngag kha shas btang 'dug_/de nas nyi yol du song ste/__nged nas thal 'gyur ba'i lugs kyi nyan rang gis bdag med rtogs ma rtogs 'di mi go 'dug pas rtsod ngag zhig gtong chog par zhus/__rang nas bla ma la phyag btsal/__rig stong 'jam dpal 'don dran kyang tshig 'go gtan nas ma dran/__gzhan zhig bton/__gang zhig lta ngan gyis sogs 'jam dpal mchod brjod ni blor 'gro mi thub snyam nas 'don ma spobs pa bla ma nyid kyis gsungs/__de nas nged kyis thal ba kha shas 'phang par bla mas mang po zhig gsungs kyang gsung mi gsal ba lta bus cher go ma thub pa sogs rmis/__tshes 22nub zhe chen kong sprul rin po che'i phyag bris shog lhe zhig 'byor ba/__nged zla ba gsum pa'i nang zhing khams 'gro ba yin gsungs pas/__de la phan byed tsA ri'am/__any+dza phug gam cong zhi phug la sku mtshams bzhugs dgos zer ba dang /____gzhan yig phreng kha shas nang lung bstan 'ga' 'dug kyang ma dran brjed de thal lo/____/sa khyi zla 7tshes 26la rmi lam du ngos dang gsol mchod gnyis sogs sde dge lhun grub steng gi gtsug lag khang chen po'i nang 'byor nas yun ring tsam bsdad/__nged kyi zur der ngor mkhan chen dpal chos kyi gdung rten bum pa man yod pa la/__bum pa'i kha spang lebs kyis gcod 'dug_/'di nang sku gdung hril bu yod pa mjal zer shing leb rnams bsal/__de'i 'og snyug gis bslas pa'i kha chod 'dug pa blangs/__de'i gseb nas lag pa rgyab pas dri bzang phur ma mang po brlan zhad can dang /____ril ril lta bu 'ga' 'dug pa gcig blangs pas la phug lo ma dang bcas pa chung ngu gcig byung ba phyir bzhag_/yang ril ril mang po lag gis myong 'dug pa gdung rus dang thugs 'dra min nam snyam/__yang kha rgyab nas bzhag pa/__dar cig nas mchod dpon mchog ldan lta bus sku gdung de mar tsam drangs nas bum pa zhal phyes pa'i nang dri bzang rlon pa drod can dri zhim 'thul zhing de'i nang nas sku gdung khru gang tsam zhal ngo bgres nyams dbu skra se chob skra mthug po rang med pa'i cung ring zhad/__zhabs gnyis byis pa'i rkang pa lta bu gzhon sha chags pa/__rgog log min pa'i gson po dngos 'dra ba/__zhabs gnyis pus bslangs rkang mgo phyir bstan byas pa yar blangs nas ngos kyi rgyab phyogs gtug_/spyi bor bzhag_/de nas rang gi mdun du blangs nas gsol 'debs dbang len smon lam dos drag pa byas/__sku'i gnas rnams dang zhal gtug pas ljags dbugs 'phro ba dang drod tsha chi le bar bzhugs/__shin tu mos gus byas nas bum pa'i nang phyir bzhag_/gdung ras na bza' lta bu dri bzang gi brlan can 'dug pa las tshal ba che tsam zhus nas kha gcod sogs sngar bzhin byas pa ya mtshan can zhig rmis/__yang tshe dbang rdo rjes gu ru bla ma nor lha gser sku rnying pa mtho gang tsam/__g.yas rdo rje rgyal mtshan/__yang kha T+wA~M lta bu ring po zhig dang ne'u le dang bum gter sogs 'dzin pa zhig byin pa rmis/__tshar chen rin po che'i gsol 'debs gsog skabs/__sa khyi zla tshes nub rmi lam chab chob mang po dang /____sde dge'i spar ma chos rtsigs mang po yod pa'i sar slebs pa dang /____thugs sgrub bsam lhun dang thugs sgrub sgrol ma gnyis yi dam dgos pa dang /____gur mgon gyi gzhung pod me 'bar ma yin rgyu'i pod gcig shog gu kha dog sna tshogs la bris pa ldeb kha shas re phyar nas gzhan la ngoms pa lta bus bshad mi shes pa zhig rmis pa rang la gtso che ba yin nam/__zla tshes skor rmi lam du/__rdo rje 'jigs byed zhal thang gsar pa che chung gnyis dang /____mthar mi pham thugs dam zhal thang bgres po gtsug lag khang gi ngos shig la dpyangs yod pa dang /____gangs can ri rtser lan kha shas phyin pas lan gnyis pa'i skabs dgon pa 'debs na sa dpyad ci 'dug lta bar phyin pas de nyin mi mang po med/__dben par 'dug pas shing stegs la cung bsdad pa dang nam mkha' sngo dwangs nas phyag rdor khro bo phur pa sogs stong gzugs lta bu 'al 'ol yod snyam byed/__yang me bya zla 2tshes 11nub sgrol ljang gser sku khru gang pa byin can gnyis snga rjes byas nas rmis kyang sems la dad 'dun dga' tshor yod pa las sku dngos shog gu ser khag gis thum pas mi mjal 'dug_/tshes 30nub spre'u zhig gis nged la gnod 'tshe byas pa rgyun lcag brab kyang cher ma thub/__rdo rjes brdungs pas cung thub song ba rmis/__sa khyi zla 12tshes 1la nyin mo cung zad mnal bar gyur pa lta bu'i ngang bde ba can gyi zhing khams yin rgyu'i nam mkha' sngo/__ri rgya chen po zhig tu yul bkod 'ja' 'od 'char ba lta bu sna tshogs pa dang /____bzhugs khri 'degs pa'i rma bya shin tu che ba/__ri dil chung tsam gnyis sogs yod pa la ha cang gsal po min pa na bun gyis sgrib pa lta bu rab rib zhig gi snang ba ring tsam byung /____tshes 4nub dgon pa chung ngu zhig rdzong sar dgon pa chags pa'i ri las dma' tsam dbyibs de 'dra bar ngos cag 'byor/__grwa pa gzan sham can kha shas nas dar btang /____mar gsham der sdod nas nged zhabs pad brtan dgos tshul dang /____'di jo bo smr-i ti dz+nyA na'i dgon pa yin/__de'i rten thams cad yod sa 'di yin zer/__chos lugs gang yin lab pas shab shub mang po zer dge ldan yin rgyu 'dra zhig bshad/__de nas nged cag dgon pa'i gling bskor la song bas mgon khang lta bu zhig tu slebs/__der gu ru rin po che'i sku tshab gser ma sogs rten mang po dang /____lder sku mang po'i dbus dam can chos kyi rgyal po yin pa'i khro bo zhal gsum pa mi tshad gcig yod pa sogs mang po zhig mjal ngang gnyid sad do/____/zla tshes nub rmi lam du sde dge lha sras ngag dbang 'jam dpal rin chen red zer ba ri ngos zhig gi gsham grong kha shas yod pa zhig gi nang bzhugs zer ba/__dgong mo sa rub nas mjal zhus song bar/__khang pa dkyus ma zhig gi nang rtswa'i spyil bu sgo shin tu dogs pa'i nang /____dbu skra nag po thor cog chung ngu gzhon sha can sar gzigs nas lo ma sngo ljang gi na bza' bzhes nas 'dug pa/__nged nas dga' dang gus pa'i rnam 'gyur byas/__khyim phrug dmar hral gyi na bza' bzhes 'dug_/de 'dra zhig nged la'ang bkon/__khong rang bzhengs nas phyi khyam zhig tu song /____nged kyang song /____ngos nas phrug chad de phud nas kho rang la phar phul/__nga rang gcer bur song /____dad rten zhig zhu dgos snyam dum bu zhig bcad/__khong nas gral rim der yod pa rnams smag nag pas zhib bca' ma mthong yang brdeg pa byed snyam/__la dkar bsod rgyal der 'dug pa la phyag 'bebs gnang /____kho smyo 'dug_/de nas kho gcer bur rgyab bsnyal lta bu mdzad nas bu 'di smyo nas nang 'khrugs zhig byed pa 'dra zhes gsungs pa de 'dra mang mthar gnyid sad/__yang gnal bas snga ma de 'dra la/__da lta de khong dang tsi ke mchog gling rnams mkhyen brtse'i mdun dbang chos mang po lhan zhu 'di bzhin mdzad gsungs stangs ka mang po dang /____dar cig nas DA dril 'khrol sngon bskal ma gsungs/__nged nas 'di grub thob red snyam/__dad mos byas pas ye shes phebs pa'i nyams byung /____mos gus tshad med skyes/__khong la ye shes rgya mtsho mtshan zer ba sogs rmis/__de'i phyi nyin lcags thag grub chen 'das skad thos khong mjal na snyam yang ma byung bas byin gyis brlabs pa 'dra min nam snyam/__dbus phebs sngon ma'i skabs yin 'dra/__shing glang zla 7tshes15la a tsa dgon zhol du sdod pa'i rmi lam du/__lha khang yid du 'ong ba zhig gi nang du khri chen po'i steng gos 'bol shin tu mtho ba zhig 'dug_/bla ma 'jam rgyal yin nam snyam pa nges tig ma byung /____rgyud sde'i dbang chen zhig bskur ba thun mong rig pa'i dbang lnga bum dbang rdzogs skabs rdo rje slob dpon gyi dbang mjug chos 'chad pa'i rjes gnang skabs dung dkar chen po zhig 'dug_/ngos nas bus/__de nas ngos rang khri steng song nas chos 'chad rgya bcas bsdad kyang khri ha cang mtho drag pas cung 'jigs/__dbang lha bstan pa sogs gsungs mthar khri las babs/__dbang 'og ma gsum so so'i mthar rjes gnang bcas thob pa rmis/__de rjes tho rangs khar ri brag zhig tu dgon pa zhig gi nang rten mjal byas mthar khang pa chung ngu zhig tu karma pa mkha' khyab rdo rje zhwa nag gsol bzhin bzhugs pa'i sku pang du rten sgam zhig zhal phyes 'dug pa nged la byin rten gnang dgos zhus pas/__rgyal po ka ni Sh+ka'i rten skal de bzhin gshegs pa'i ring bsrel yin zhes gser sgrom zhig nas sgo nga tsam pa'i dkyil ring bsrel gcig 'dug pa yang bskyar bstan byung ba khog gis 'jim pa 'di klu sgrub phyag bzo yin gsungs/__ring bsrel yang gsum tsam 'dug_/'jim pa de la ring bsrel gyi shul khung bu mang po snang /____nged la gnang dgos zhus pas karma dus gsum mkhyen pa'i na bza' red ces gos chen mi sha kha nag ljib be ba zhig phyag gris che tsam gtub nas gnang byung bas byin rlabs kyi zil dang mos gus tshad med 'bar/__ring bsrel 'di gnang rin med/__shAka thub ring bsrel min kyang 'phel ma gzhan zhig sbyin rgyu yod ces gsungs mthar mnal sad do/____/tshes 19byang lha ri mgo klu sgrub tshang rtsar sdod nub/__lho rgyud g.yo ru khra 'brug tu 'byor/__der sngon med pa'i lha khang shin tu spus legs gnam rgyan sogs sngar gyi rgyan bzhi si'u sha stag kha gsar 'dug_/gser sku khru gang tsam zhi khro shin tu mang ba zhig tu phyin/__sngon ma nga rang 'ong skabs zhib bca' ma mjal ba'i lha khang de dang /____yang kun rig lha khang zhes pa zhig zur du 'dug_/lha khang sngon ma der mchod rten lta bu bum sgo'i khar klong chen pa'i thugs dam rten sgrol ma khu tshur tsam shin tu byon legs dang /____de'i steng bal po b+ha ro'i thugs dam rten dzam dkar 'brug zhon rgya gar li ma bzo byad lta bas chog mi shes pa 'dug_/de lag tu blangs byin rlabs zhus/__yang bcu gcig zhal zhig gi dbu rgyan khar klong chen pa'i gdung las byon pa'i bcu gcig zhal grang gser byugs pa zhal ba sgrigs lugs rim gsum byas pa yang yang mjal/__lha khang khag gnyis ka'i lha rnams la gser chab thig bdun sbyangs nas 'bul grabs byas/__kun rig lha khang du tshogs pa zhig 'dug pa kye rdor 'tshogs nas phyi rol ngor pa'i lugs ltar sil snyan skad chen zhig brdung nas byon byung ba sil snyan ming la gar gyi tshig 'go zhig zer yang brjed/__lha khang nang der phyin pa tsam las zhib bca' ma dran/__sbug der mgon khang zhig yod snyam/__de nas dkor gnyer dpon red zer ba'i ban+de zhig gis khyed rang mchod mjal skabs khong med pas rten 'di rnams i mjal zer re re nas dris byungayang zhib cha ma dran/__mthar rdza sa'i thab ka zhig gru mo nang khyer/__de nang sol me dmar hu re spar nas 'di gnyan lo'i gsol thab yin ces sa khar 'phang byung ba thab de sgis log rgyab kyang steng 'og kun nas me 'bar ba me phyir yang ma bo/__mthar me 'bar bzhin du yar khyer song mthar mnal sad/__zla 7tshes 10la kong po ju che mdor sdod pa'i tho rangs khang pa nyams dga' ba zhig tu rgyal tshab rin po che bzhugs stan mtho ba zhig gi khar bzhugs nas sems bskyed sdom pa 'bog chog gnang shom gyis nga cag 'dus pa kha shas la rin po che'i zhal nas maN+Dal phul gsol ba thob gsungs byung ba/__phyag dang maN+Dal gsol ba btab/__lce btsun snying thig gi thun gyi sngon 'gro'i gsol 'debs la byang chub kyi sems rgyud la skye ba'i gsol btab mthar/__rin po ches khrus lta bu zhig phyag dril dkrol nas gsungs/__spyan bsnyung ba lta bu g.yas btsum g.yon gzigs 'ga' mdzad/__zhal nyams shin tu rgyas/__de nas spyan hu re gzigs nas dbyangs gsal rten snying lan mang gsungs mthar mnal sad/__tshes 12nub tho rangs mnal lam du dgon pa lta bu'i khang pa zhig tu skyabs rje kaHsi rdo rje 'chang red zer zhal ras ni mi 'dra/__dbu skra se chob/__zhal zlum po gzhon sha chags pa sku gzugs sgeg pa zhig la mkha' 'gro snying thig gi dbang nyin bzhi tsam gnang ba'i nyin rjes mar ngos rang gi gzab sprod lta bu'i thon zhu mdzod kyi rgyab 'phan yod pa gyon nas dbang khang der phyin pa dang /____bla ma nyid bzhengs byung ba zhwa phud tsam byas dbu gtugs gnang rjes bla ma'i khri'i g.yon khri stan mtho ba zhig tu sdod nas dbang phal cher chog rogs kha shas 'dug pa mnyam gsungs dang /____gcod mkha' 'gro'i gad rgyangs 'dra zhig kyang gsungs/__rig pa'i dbang gsum zhes pa'i rjes gtum mo'i me dbang 'dra zhig kyang gnang /____mkha' 'gro snying thig gi dbang gzhung sngar yod 'di 'dra zhig ni ma red/__mthar dbang rdzogs nas dbang gi dkyil thang rnams bsgril ba'i khres po zhig khyer shog byas nas theg la khad pa zhig la mnal sad pas brag dkar lha chu'i gnas kyi byin rlabs zhig yin nam snyam pa 'dug_/lcags rta hor zla 9tshes 27nub ngos rang phu mar yod pa mchod khang nang grub brgya'i zhal thang rnying pa byin ldan bshams 'dug_/thang ka gcig gsar du bzhengs pa yin rgyu zhig gi gser thang zhig 'dug pa gtso bo rgyal ba byams pa bzhengs sku dang /____'khor lha mo bzhengs pa kha shas 'dug_/ngos nas sgrol ma/__lha mo tsun+de/__rma bya'i smad khebs mnab pa zhig 'dug pa rma bya chen mo g.yas nor bu bsnams pa/__nor rgyun ma rnams red zer 'dug_/de nas mchod khang bang pang arga gas srub chen po zhig 'dug pa yang las dgos zer gri rtses bkog 'dug pas ka ba bzhi mig gcig ling gis bkog nas rgya mthong 'dra ba zhig red zer/__de nang nas mar bltas pas bsod nams dbang rgyal de smin mtshams khro gnyer yod pa zhig yar 'gro phyir 'gro byed 'dug_/yang thang ka rnying pa gong sham can gcig 'dug pas gtso bo gang yin brjed/__mdun klong chen pa/__g.yon mkhyen brtse/__g.yas biR+Wa pa/__gong g.yas mkhas grub rgya mtsho/__g.yon brjed/__de rnams kha byang 'dug_/tshe thang yin pa 'dra'ang 'dug_/klong chen biR+Wa rnams cung khro nyams sku mdog sngo sangs can zhig red/__sngar gyi rmi lam phu'i sa phyogs 'dra ba der dpyad dgos/__me sprel zla 11 tshes 14la rag sor du sdod nub dbon po stod mkhan po mkhyen rab kyi gzim khang yin rgyu/__mkhyen rab kyang bzhugs khang tshon khra can skyon med zhig tu 'byor/__de'i nang li sku gser ma las bzos pa'i bdud rtsi khro mkhar lta bu bar lam zhig tu pad+ma'i 'khor lo yod pa 'phrul bzos byas pa lta bu ngo mtshar ba lus tshad tsam dang /____yang li dkar las 'jigs byed zhal dgu yum can lus tshad gcig dang /____yang de las chung tsam bzo khyad ngo mtshar ba dang /____gzhan yang sku mang po'i nang nas nged la gcig sbyin grab 'dug_/che ba 'di ni sbyin mi 'ong snyam/__rdo sku leb mo sor bzhi tsam pa zhig 'di khyer byas nas dri rdul chus bkrus pas sku gang yin mi 'dug_/so phag rgya gar gyi b+hi la sas bzos pa 'dra ba zhig 'dug pas yid ma rangs/__khro mkhar de la zhib tu brtags pas nang du thugs chen bzhengs sku phyag mang tsam g.yas pa gcig mchog sbyin byas pa/__gzhan rnams brjed/__de'i phyi dang spyi gtsug tu lha kha shas brjod mi shes pa lta bu 'dug pas nged la 'di sbyin dgos byas/__'bul chog zer ba da lta khur grab kyi sgam sogs bzo dgos byas pas zla ba bcu gcig nang bskyal 'ong da lta ma bsnams na mkhan pos zer ba sogs rmis/__de'i snga nub zhe chen rab 'byams sogs bla sprul mang shas la rgya can nyer lnga rin gter du yod pa mi dgos zer/__gzhan tshang ma'i dbang bton/__rin gter du yod pa'i dwangs ma bcud 'dren/__gro lod las byang 'don bzhin ngang gnyid sad/__me sprel zla 11tshes 16b+hir khany+tsi ra tshe lu na skabs zhi byed rma bya chen mo'i bzlas thun skabs mnga' ri'i rig 'dzin legs ldan/__byang bdag mchog gling gsum gshibs te bsgrub bya'i spyi bo'i thad yod pa'i snang ba byung 'phral gsol 'debs bris/__hor zla 8tshes 13nub sa cha gang yin ma 'tshal ba'i lung stong zhig tu mchod rten lta bu'i 'bum ba'am lha khang gang yin ngos ma 'byed pa'i chen po zhig la bskor nas bang rim steng shod nas phar phyin pas lho stod du gnas sgo 'byed rgyu yod pa red zer/__de nas bar sgo lta bu zhig la bsal nas bltas pas nang na mi mang po zhig kyang 'dug_/de nas mar phyin shar lho nas sgo bsal bas nang khyon che bar 'gro sa 'dug_/mang po shong bar gda' zer ba sogs rmis kyang phal cher brjed/__yang gnyid sad pas snga ma de'i 'phros lta bu'i sgo gnyis gsum zhig phyes nas DA ki bcu gsum res skad gdangs bsgrigs nas glu len pa sogs rmis pa ni/__rdo rje gling dbyar ltas skyed tshal du song bas de nyin gzhas dang glu gar mang po byed kyin snang ba'i sems rmis yin nam/__gang ltar yang pad+ma bkod gnas sgo 'byed pa'i ltas 'dra min nam snyam/__zla 8tshes 29nub zil khrom sbas sde 'byed pa yin zer ngos rang dpon slob kha shas brag ri dkar po'i g.yon zur rdza shur zhig nas 'dzeg pa dang /____yang de rgyab rdza lung zhig nas 'gro ba sogs rmis/__tshes 21nub pad sdong zhig gi steng slob dpon rin po che za hor ma yum mtsho rgyal gyis 'khril ba khru gang tsam pa zhig rang gi mdun thad nye bar mjal snyam la mchog gi dngos grub zhus pa dang /____khyad par tshe gegs sel ba'i smon lam drag po btab/__sbyor mtshams nas bdud rtsi 'bab pa spyi bor zag pa'i nyams byung /____me bya zla tshes la 'bras ljongs sgang thog tu 'ja' tshon chos skor dbang lung 'don pa'i dkon spyi'i drag po'i dbang sgrub skabs rig pa ngar thon te sku'i gsal snang shin tu thon la ltos che ba nam mkha'i khams gang ba las sprul pa mang du 'phro ba/__lha srin thams cad dam la btags nas srog snying rnams dmar nar gyis drangs te gdan la bstim pa'i nyams byung zhing /____dngos su dam bsgrags bya dgos pa 'dra yang nyams g.yas chung du btang nas ma byas/__hor zla 8tshes 1rdo rje gling du sngags grwa rnams dang /____thar mkhan bsod nams rgya mtsho/__'bras ljongs lha yum sogs dgu bcu lhag tsam la byang gter drag mthing gi dbang 'don pa'i sta gon nub rdzong sar gzim bskyil ja khang du rgyal 'gong zhig yod pa de 'dul dgos zer nas thugs sgrub drag po'i nga rgyal brtan pos me dmigs byas nas 'dul thub pa rmis/__me bya hor zla 10tshes 4nub rmi lam du 'jigs skrag zhig gis rkyen byas/__o rgyan rin po che la gsol ba 'debs/____/zhes pa'i shwa lo ka dang /____rje btsun pad+ma thod phreng rtsal/____/drag po ye shes rab 'bar la/____/zhes pa'i gsol 'debs skad chen pos tshar kha shas bton pa dang /____mos gus drag tu skyes pa'i rkyen gyis gu ru drag po ye shes rab 'bar zhal gsum phyag drug pa byis pa lo lnga'i tshad tsam dang po lder sku yin pa lta bu skabs rer phyi nang sgrib med dngos lta bu mig gis dngos su bltar yod pa can du 'char ba la gsol 'debs dbang blang byas pa rmis/__sad nas kyang dngos rmis gang yin ma 'byed pa zhig byung /____sa khyi zla 10tshes nang zhig tu rong gi ri mgo se la lta bu nas nged cag rta drel bcas la gzar po zhig la 'dzeg nas ri sked sgang phar rgyab sbra gur kha shas phub pa brag 'dre'i sgar pa yin snyam gyi/__bkra rnam dang grwa pa gcig rnams sngon du rgyang chad nas song /____'dre sgar de nas rlung 'tshubs lta bu dang mi kha shas sngon rgyug rjes ded dang /____ngos la'ang gnod 'tshe byed shom la rang gshin rje tshe bdag gi gsal snang che brjid ldan pas 'dre de rnams zhal gsum du bstab pa yang yang byas pas 'jam song ba rmis/__zla 10tshes 1nub nged rang ri rtse zhig la rta zhon nas song /____de nas gser theb gyon bzhin mthur gzar po la lo chung dus song ba ltar byas nas ri gsham du slebs pa dang mkha' 'gro'i tshogs gzhong red zer ba'i brag sngon po ru dra'i khog pa gzhong pa dang /____de la mgo yod pa/__de'i nang song nas gzhan la'ang de tshul bshad/__de nas phar tsam nas sngon lta bu'i bang rim bzhi yod pa'i ngos gcig la gter rtags lta bu 'dug pa rdos bsnun nas khrol gyis zhig pa'i nang dpe cha ras ljang gu'i dril chas can mang tsam dang /____phug pa de je cher gyur pa/__rdo rje phag mo'i li sku lta bu khru gang lhag tsam dang /____gzhan mchod cha sogs mang po yod pa rmis kyang zhib cha brjed do/____/gur dkar phug tu 'gro skabs che mchog gi brag ri de bka' brgyad zhal phyag rgyas pa sku shin tu che ba nam mkha'i gzugs can zhig mjal snyam/__nyang gi gter gnas lho brag srin mo sbar rjes gu ru'i sgrub phug tu yum bka'i tshogs kyi spyan 'dren la nye skabs nyams cung zad 'bar nas gar 'khrab snying 'dod pa byung yang mi mang bas nyams 'gog par byas so/____/me spre+el zla 3tshes la rdor brag tu 'byor nyer ko gru dang gzings don khar/__dgon pa'i rgyab logs brag ri'i steng mkhar rig 'dzin legs ldan rje sngags 'chang chas thor cog phur pa dang thod pa bsnams pa/__gzhan yang rig 'dzin mang tsam bzhugs snyam byung /____nam mkha' la sprin 'ja' yang 'dug_/me bya zla 1tshes 19la 'bras ljongs brag dkar bkra shis sdings su phyin/__rgyal dbang karma pa bcu drug pa'i gser zhal yang yang mjal/__mthong grol cod pan rin po che thengs lnga rgyang mjal mdun thad nas shin tu gsal por zhus/__dad mos drag tu bskyed/__yan lag bdun pa dang maN+Dal 'don/__zhabs brtan bris/__sngar mtshur phur mjal skabs kyi snang nyams 'dra ba zhig kyang byung /____byin 'bebs gter bum dang gzhi bdag gter bum la phyag nas thugs smon zhus/__sa mig dgongs babs sar gsas mkhar brtsigs nas tshes bcu drug la gzhi bdag bum pa thog 'og 'jog_/tshes bcu bdun la dkyil 'khor gter bum 'jog pa'i bca' gzhi bsgrigs skabs gsol 'debs mgur ma bri skabs lha btsun chen por thug pa dang /____dad slob li thang dge ma nas dar dang dngul tog rtags brgyad ri mo yod pa/__maN+Dal zangs bzos rdzas brgyad ri mo yod pa sogs byung bas rten 'brel bzang bas dngul tog blang /____gzhan rnams phar byin/__dngul tog de rgyal sras rin po cher smon lam dang sbrel bkra shis kha btags kyis lcibs te phul/__gter bum bzhag nas dkon spyi dang 'brel byin 'bebs brtan bzhugs byas/__tshes bcu bdun phyi ma'i zhog par dar btsug nas gsas mkhar bstod pa dang bkra shis brjod/__gyam la zhugs te mar tsam phyin/__mchod rten lta bu chung ngu mang tsam bsgrigs par phyin pa na nam mkhar lha btsun chen po he ru ka'i chas g.yas rkang gling /____g.yon thod chang /____sku che ba/__'khor du DA ki mang po gar stabs mdzad pa rab rib mjal snyam byung /____pad+ma yang rtser tshes nyer lnga la mkha' spyod rin po che dbus dpon slob nyer gcig tsam gyis rig 'dzin srog sgrub kyi sun bzlog brtan bzhugs spros bcas kyi byin 'bebs skabs yin snyam/__lha btsun chen po g.yas mchog sbyin tshe bum/__g.yon thod chang he ru ka'i chas can gyi tshe bum rang gi mgo thog bzhag pa sogs byung yang de ring tshes 30bar yi ger 'god rgyu ma byung bas zhib cha brjed/__tshes 25nub kun mkhyen klong chen pa'i gdung 'bum yin rgyu'i mchod rten mang po'i nang nas gcig gnyis hral yo nang sku gdung dmar hri la nyal stabs yod pa'i sgal tshigs gzhung nas 'ja' tshon sna lnga yod pa 'dra zhig res dum bur 'thor ba/__res gcig pa lta bu la zhig gsos byed pa rmis pas/__tshes 26la gsang chos mar zhabs rjes sgang du pha waM rang byon can dang /____de'i sgang khar pad gling gi dgon shul yod skad zer ba de la blta'am snyam/__me sprel zla 2tshes 20g.yon ru gter sras 'jam dbyangs bsod nams la thig rgya'i dbang gi skabs bsnyen pa'i nang slebs pa dang /____bi ma lar mos gus dran pa'i rkyen gyis lha btsun nam mkha' 'jigs med sku na khreb/__ral cog_/na bza' phu dung gzan sham ye mi gsal ba g.yas chos 'chad/__g.yon mnyam bzhag thod chang can/__sku las stong gzugs gyi DA ki sngo skya rib be mang du spro ba la gsol 'debs dbang blangs dang dgyes pa'i dbugs dbyung bcas rang la thim pa'i shes nyams byung ngo /______/hor zla 10tshes 30nub nam smad rmi nyams 'dres mar gter chen mchog gling gu ru'i chas zhugs mdzad nas phebs/__bzhengs bzhin du byabs khrus shig dang tshe dbang bskur dgos kyi sgyu 'phrul tshe dkar gyi dkyil 'khor sprul nas/__thog mar bum pa lnga'i dbang dang /____de nas lhar bskyed bum pa dang sku gsung thugs dbang /____gsang sher skabs dpa' bo yab yum mi tshad che tsam gar stabs mdzad pa dang /____dbang bzhi pa me long shel rdo rma bya'i sgro rnams kyis brda dang tshig gi ngo sprod/__mtha' bkra shis shwa lo ka kha shas yod kyang las ngan sdig sgrib che bas brjed de thal/__hor zla 10tshes 1la pad+ma yang rtse'i mkha' spyod rin po che dbus dpon slob bcu bdun skor gyis rig 'dzin srog sgrub sgo nas sun bzlog zhabs brtan 'bul skabs/__dang por nam mkha' nas sngags chas can gyis drag po'i 'chams stabs byas pa'i nyams byung /____de phyin ci'ang ma gsal/__bum pa lnga 'dug pa snga dgong gi rmis ltas de la blta ba yin nam snyam/__zla 11tshes 19nub gter ston las rab gling pa dang mjal/__bdud rtsi sman sgrub bya rtsis kyis a ru sogs sman sna nyung tsam 'du byas/__gter ston nyid stag zhig tu brdzus nas ngos khang pa zhig nang mnal nas yod pa'i steng nas mnan te/__dang po skrag sngangs phud mthar 'dris brod byas te dga' ba'i rnam 'gyur ston/__nged yar langs nas stag de rdo rje gzhon nu'i skur bskyed pas rdo rje gzhon nur gyur pa sogs mtshar po mang zhig rmis/__las gling phur pa yang snying spu gri'i thun bzung phrin las la brten tshogs 'bum ther bsags skabs gter ston nyid mjal snyam byung yang yi ger ma 'khod pas da lta ma dran/__zla 10tshes 17la rdo grub sprul sku rin po ches klong snying yum bka'i sun bzlog brtan bzhugs skabs/__rab gsal phyes pa'i nam mkhar 'jigs med gling pa sogs bla ma kha shas dang /____sngags pa dbu skra nag po thor cog can zhal ras zlum po ag tshom cung zad yod pa gsal ba zhig bzhugs pa ngos ma 'byed de 'dra'i nyams byung /____zla 3tshes skor zhig la mkhyen brtse rdo rje 'chang phyag g.yas tshe bum bsnams pa rab byung chas can gyis thang rgyal tshe dbang gnang nas lo grangs kha shas bar skyon med pa'i dbugs dbyung stsal ba zhig kyang byung /____sngar rdzong sar du mkhyen brtse rin po che'i skyes phreng zhal thang bzhengs skabs thang rgyal dang mkhyen brtse rin po che'i phyag gi tshe bum las bdud rtsi 'phyur ba rje bla ma'i phyag gi tshe bum du babs pa'i zhal bkod gnang 'dug pa'ang gzigs snang zhig yin snyam/__zla 9tshes 14nub 'jam mgon kong sprul rin po che mjal/__phyag rdor rdo rje be con gyi 'beb gzhi shog ser ldeb kha shas 'dug pa/__'jam mgon phyag bris ni ma red/__rje nyid kyi gter chos min 'dra snyam/__gter ston gzhan zhig gi gter chos yin snyam dang /____yang shog ser dam rdzas rnying hrul zhig kyang lag tu rnyed pas dga' tshor dang /____kong chen pa res dngos/__res karma'i thugs sras yin rgyu nges med du byung ba rmis/__sa khyi zla 6tshes 1nub dgon gnas ngo mi 'tshal ba zhig gi 'du khang nang du nged nas khrom ser skya sum brgya tsam la dbang zhig bskur/__ngos rang nas gser gwa chung zhig mgo la bzhag_/de nas grub thob brgyad bcu dang 'brel ba'i cho ga zhig btang nas tshogs kyi skabs yin rgyu zhig la ngos nas rdor dril chung ngu bzung ste tshogs gar rgyun ring 'khrab mthar bkra shis zhabs bro dga' ba 'khyil pa zhes pa'i 'gor gar gyi bshad pa lta bu mang tsam ngos rang gis byed pa dang zhabs bro 'khrab rgyu ma byung ba sogs rmis/__shing sprel sa ga zla bar bka' brgyad bder 'dus kyi sman sgrub rgyas spros gnang skabs sgrub dkyil steng nas bka' babs rig 'dzin brgyad kyis rdo rje gar stabs bsgyur ba'i gzigs snang ches gsal bar byung tshul gsungs shing /____rgya can nyer lnga'i thugs dam phyag dpe'i gseb tu tshe yum tsaN+Da lIs rjes su bzung tshul gyi phyag bris kyang mjal/__dgung grangs 51phebs pa chu stag zla tshes skor rgyud lugs 'jam dpal gyi bcud len bdud rtsi ril bu sgrub pa'i bzlas thun gnang skabs sgrub dkyil steng nas gzigs snang du 'jam dpal yab yum 'khor dbyangs can rigs bzhi bcas shin tu gsal ba'i ngang /____yum bzhir rim bzhin mnyam par sbyor bas bde ba'i ye shes kyi nyams khyad par can re re skyes pa'i gsal snang yun ring shar nas sad pa na chog rogs zhabs phyi nas bsnyun khams bzhes par dogs nas grib bsang sogs byas 'dug tshul phyag bris mjal/__gzhan yang dpal sprul sems dpa' chen po o rgyan 'jigs med chos kyi dbang po las klong snying sngon 'gro'i khrid yig kun bzang bla ma'i zhal lung nye brgyud gsan tshul sogs rnam thar zhal gsung du'ang gsal ba ltar ro//____//__gsum pa zhar byung zab mo gter gyi bka' babs bzhugs tshul sa bon tsam smos na/__spyir rje bla ma mchog 'di'i rnam thar mdzad spyod thams cad kun gzigs mkhyen brtse'i dbang po dang rnam dbyer med pa kun la thun mong du gyur pa bzhin/__rje mkhyen brtse'i thun min gyi gsang mdzod mtha' dag la dbang bsgyur bar som nyi dang bral yang bstan 'gro'i bsod nams kyi skal bas phongs pas de rigs btang snyoms su bzhag nas rgya cher snang bar ma mdzad mod/__'on kyang phyogs tsam mtshon byed gsang ba zab mo'i cha shas 'ga' zhig mthong thos su gyur pa ni/__spyir shog ser gyi rigs la gzigs pa tsam gyis der bstan chos bka' gang bzhugs thugs la gsal ba dang /____brda bsgyur rgyas 'bring bsdus gsum gyi babs tshul/__rten 'brel gyi gnad gsang sogs thogs med du mkhyen pas zab gter gyi mnga' bdag chen por nges shing /____gnas khyad par can du phebs pa'am/__thol byung gis ri brag mtsho sogs la zab gter gang yod gzigs pa dang /____gter rtags ngos 'dzin mang du mdzad/__rje nyid kyi sku'i gcung sprul sku 'chi med la sman shod mu naM rdo rje brag dmar gyi gnas nas gter 'don dgos pa'i kha byang stsal ba dang /____gus pa la'ang rdzong sar rgyab ri bkra shis dil ltag tu gter 'don rgyu yod pa'i kha byang stsal ba dang /____go 'jo'i phyogs su mkha' 'gro'i rigs can bu mo gcig la brda yig shog ldeb mang po bri rgyu yod pa phran la ldeb kha shas byin pa khyod la sprod dgos 'dra yang med pa byed tshar song zhes gsungs pa dang /____gter ston bsod rgyal yin snyam pas gter shog glegs bam gcig gnang byung ba khyod la 'bebs rgyu'i gsal snang byung na sprad chog gsungs kyang /____slad nas rang gis zhu bskul ma byung la rje bla mas kyang rjes nas gang yang ma gsungs/__de tsam las thun mong gdul bya'i snang ngor dmigs bsal du dngos gter bzhes tshul ma gnang zhing /____dag snang dang dgongs gter gyi rigs bsam gyis mi khyab par bzhugs pa las/__me sprel nag zla'i tshes nyer drug la brag dmar mgrin bzang du thugs chen sems nyid ngal gso'i tshogs phul skabs/__mkhyen brtse rin po che'i sku'i gsal snang la sems nyid ngal gso'i dkyil 'khor sprul nas sta gon skye mched byin rlabs yod pa/__dngos gzhi phyi nang gi 'jug pa/__rig dbang /____bum dbang /____gsang dbang la yum bzhi dang sbyor ba/__sher dbang /____bzhi pa'i dbang /____gtor dbang bcas yud tsam gyis thob pa'i snang nyams za zi byung yang zhag shas bar tho rgyab rgyu ma byung bas/__gsal por ma dran/__zhes rje mkhyen brtse'i sa gter gtso bo thugs chen sems nyid ngal gso'i las byang gi lung tsam las mi bzhugs par rje bla mas smin byed kyi rgyun nye brgyud du gsan par mdzad na'ang bdag cag gi skal bar ma gyur pas ches shin tu phongs shing 'gyod pa'i gnas so/____/kaHthog mkhan tshul khrims nyi mas ched du nan zhus ngor gnang ba'i gu ru'i bla sgrub rtsa gsum spyi dril can dbang dang bcas pa 'di ni sku gong ma'i rdo rje'i do ha skor gyi thog ma der/__nang rdo rje'i phung khams la brten nas rtsa ba gsum sgrub tshul tshigs bcad de'i sgrub thabs yin par gsungs shing /____mdzad byang du'ang rtsa gsum kun 'dus o rgyan rdo rje 'chang gi rnam thar rjes su dran pa'i dad mos kyi gsos tsam du bla sgrub 'od gsal snying thig tu grags pa 'di'ang mkhas grub rgya mtsho'i spyi rje pad+ma 'od gsal mdo sngags gling pa'i byin rlabs kyi snang ba las rang shar ba'i tshul gyis rje de nyid kyi phrin las kyi byed por smon pa 'jam dbyangs chos kyi blo gros sam rig 'dzin kun bzang 'od gsal snying po rtsal gyis sogs 'god par mdzad/__phyag dpe'i khrod du 'jam dpal bshes gnyen gyi snying thig sgron ma bdun pa'i chos skor yin snyam 'jam dpal gyi rgyud phab 'phro bzhugs pa mjug skyong ba'i phab byang du/__ces 'jam dpal ye shes snying po'i rgyud le'u lnga pa 'di pad+ma 'od gsal mdo sngags gling pa'i dgongs pa'i gter las byung ba 'beb 'phro lus pa'i dpe nyid nam mjal res bri rgyu yod snyam ngang le lo'i gzhan dbang du gyur pa sa glang snron zla ba'i tshes 26la dpe mthong ba na rang slob dad ldan blo gros mchog ldan gyis bri bar bskul ngor zla ba de'i tshes 27la rig gsang nas thon pa bzhin yi ger bkod pa nges don 'jam dpal rdzogs pa chen po'i bstan pa dar zhing rgyas pa'i rten 'brel mchog tu gyur cig_/mang+ga laM/__shu b+haM/____/de bzhin du rgyud dang sgrub thabs dbang bcas mthar dbyung ba'i rigs dang /____yang gter mkha' 'gro gsang 'dus kyi bdud rtsi'i rtogs brjod/__snyan brgyud dam pa'i bla sgrub kyi dbang chog_/snyan brgyud rta mgrin gyi rta skad thengs gsum gyi dgongs pa rdo rje'i tshig rkang /____gnas lnga rigs pa mkhan rnam bzang nas zhus ngor snyan brgyud yang dag zab tig gi gar dang /____snyan brgyud phur pa'i bsgral 'chams dang rtsa tshig sogs/__mchod gar mdor bsdus bcas/__snyan brgyud yang phur sbrags ma'i rdzogs rim khyad 'phags gus la stsal ba/__rje gong ma'i dag snang 'ja' lus rdo rje'i srog sgrub kyi khongs su gtogs pa grub pa'i rgyal mo'i tshe sgrub bcas/__khyad par du rje gong mar bka' babs kyi gsang ba zab mo kun las ngo mtshar dang che ba du mas 'phags pa rgyal po in+d+ra b+hU ti'am/__bram ze chen po mda' bsnun dngos las rdo rje theg pa'i thabs lam zab mo bzhi tshan bzhi bcu can gsan te bka' bab par gsungs pa'i lo rgyus tsam las chos tshan gtan la phab ma grub pa/__rje bla mas de'i dum bu zhig snang bar mdzad pa'i phab byang du/__e ma shin tu gsang ba yi/____/rgya che'i dum bu bzhi bcu pa/____/mda' bsnun bdag gi gsang ba'i tshig_/sprul pa'i rig 'dzin la gtad pa/____/mngon du snang ba'i skal med kyang /______/dum bu gcig gi bye brag ni/____/ye shes rdo rje'i snying la snang /______/'di yi sa bon rab 'phros pas/____/rig 'dzin grub par mngon snang 'gyur/____/sa ma ya/__rgya rgya rgya/__zhes pa'ang kho bo pad+ma ye shes rdo rje 'chi med 'phags ma'i bsnyen sgrub kyi skabs chu sbrul dbo zla'i tshes 8la rig ngor snang ba dang /____mda' bsnun pa'i sku 'al 'ol mjal ba dang bris pa'o/____/zhes snang bar mdzad pa ches shin tu ngo mtshar ba'i gnas su nges shing /____'di rigs kyang rang bzhin rten 'brel shugs 'byung lta bur snang bar mdzad pa ste/__gzhan du na rje gong ma'i zab gter phab 'phro thams cad mjug skyong gnang chog yod nges kyang /____de 'dra'i 'phros zhus tshe gdul bya'i gang zag gis nyams su len nus na 'jam mgon mkhyen brtse rin po che'i gter kha chos tshan re re yang bskyed rdzogs las tshogs dang bcas pa kha tshang don 'dril sha stag mi tshe gcig gi nyams len tshang bar yod/__bdag 'dra'i rnam rtog yig gzugs su bris kyang phan gnod gang byed mi shes gsungs te ched gnyer bri spel mi mdzad par 'dug_/sngar dus sku mdun du rdo lta bu mdog ljang khu nor bu'i dbyibs can zhig 'dug pa bla ma rin 'byung gi sku zhig gis gzungs su phul mdzad pa de mkhyen brtse'i gter ma gnod sbyin gang bzang gi bla rdo sde dge lhun grub steng du bla ma nor lha'i sku'i nang rten du gnang ba phyis sku rten nyams chags song bas bla rdo de yin snyam rang gi lag tu son pa yin gsungs/__sku gong mar gnyan chen thang lhas phul ba'i gu ru'i tshems las sprul pa'i ring bsrel mkhyen brtse sku gshegs pa'i snga lo nas gter srung gis bdag byas pa red ces med song tshul rnam thar du 'jam mgon rin po ches gsungs pa/__rje bla mas rdzong sar nas rten byin mang zhig bsdu mdzad skabs sgrom de phyag khar bsnams nas gus la zhal rtsed tshul du 'di phran gyi gter ma red ces gsungs shing /____zhu mkhan su byung la gnang yang rdzogs rgyu med pa de slar gter srung gis phul bar nges pas mtshon/__rje gong ma'i zab gter chos dang rdzas la rdzogs par dbang bsgyur nges pa som nyi dang bral bar rtogs nus so/____/mdo mkhyen brtse ye shes rdo rjes byin gyis brlabs pa'i bka' babs khyad 'phags bzhugs pa'ang rje nyid kyi bla sgrub snying thig gsal sgron de tshig ris sogs gang cir dgongs gter du nges snyam thabs mkhas kyi zhu bskul lta bus 'di mkhyen brtse ye shes rdo rje'i bla sgrub byas na rung ngam zhus pas/__rgyu mtshan ci'i phyir gsungs/__sku he ru ka'i chas dang mtshan ye shes rdo rje zhes gcig tu 'dug lags na zhus pas/__ngos la pad+ma snying thig ces pa'i chos tshan mang tsam mdo mkhyen brtse ye shes rdo rjes byin gyis brlabs te yid ngor gsal ba/__de skabs bla sgrub 'di zhu mkhan byung bas bris pa mdo mkhyen brtse'i bla sgrub phran la kha bsgyur ba 'dra zhig red gsungs/__des na bla sgrub dgongs gter du nges shing smin byed tshogs mchod zin bris sogs bzhugs la/__rje bla ma'i gsang mtshan pad+ma ye shes rdo rje zhes rdo grub thams cad mkhyen pa las klong snying rigs 'dus kyi dbang gsan skabs mtshan du byung zhes rten 'brel dgos pa chen po'i gnas su mdzad pa dang /____mdo mkhyen brtse'i chos skor gcod 'dzin pa rang grol tsam las gzhan phal cher tshig brgyud mi 'dug kyang don brgyud lta bu sngar mdo rin po che las chos skor tshang ba'i gtad rgya zhig gsan pa yin gsungs/__phyis su rje'i mnal lam du rgyam rdo thi yin rgyu'i lung pa phu gangs ri gsham du mtsho/__de'i gzhug chu chen po 'bab cing kha lhor blta ba zhig gi mda' nas ston 'khor kha shas chibs thog nas gyen du phebs pa na/__sngags pa ral pa nag nyi le ba/__glegs bam mang po bsnams pa zhig mar phebs byung ba de nyid mdo mkhyen brtse ye shes rdo rje red 'dug pas rje bla ma nyid la gtad rgya dbang bskur mdzad de glegs bam rnams gnang ba/__rje'i g.yon phyogs der gus pa bsdad 'dug pa la gtad pa rmis gsungs pas gus skal ba bzang bas de bzhin byin rlabs dgongs gtad gnang grub zhus par zhal bzhes kyi dbugs dbyung thob pa dang /____gcod 'dzin pa rang grol gyi khrid yig rnam gsum gyi sgo nas kyang dgongs pa'i gtad rgya byin rlabs rdzogs par thob pa'i skal ba bzang por gyur/__gzhan 'di skor chos bka' rigs gtan la phab pa dang gzhan la spel ba sogs bzhugs min zhib tu ma nges/__gzhan yang gus nas ched du rje bla ma nyid kyi gter byon gu ru'i bla sgrub kyi dbang lung gnang grub zhus pa ltar bka' drin stsal skabs dbang bshad du/__kun gzigs si tu rdo rje 'chang dgongs pa chos dbyings su thim pa la thugs mya ngan gyis non te gsol ba yang yang btab pa'i byin rlabs las byung ba'i bla ma sgrub pa'i skor zhes phebs par mdzad pas/__de nyid kyi 'das rjes tshul du bka' babs pa'i gu ru rin po che rigs gsum sems dpa' dang 'brel ba'i bla sgrub smin byed khrid bcas bzhugs/__gter ston dri med 'od zer ram pad+ma gling pa dgongs pa rdzogs skabs gdung mchod dang zhugs 'bul sogs gnang skabs gter ston zangs mdog dpal rir phebs pa'i gzigs snang dang 'brel 'das rjes rtsa ba rdo rje'i tshig rkang dang /____de las 'phros pa'i bla sgrub dbang dang bcas gter sras bde chen rnam rgyal sku mched la smin grol phyag bris bcas stsal ba'ang bzhugs/__sha wa ri dang tshar chen bla sgrub skor gong du gsal zhing /____gu ru'i thugs sgrub rgyas tsam zhig dang /____sa ra ha'i bla sgrub/__chos rje sa paN gyi bla sgrub phyi nang gsang ba bcas bzhugs/__so so'i lo rgyus dmigs bsal ma nges/__rdzogs chen mchog sprul drug pa'i thugs dam rten khye'u rig 'dzin chen po'i gter kha gu ru'i sku tshab gdan med ma zhes pa'i sku las gsal ba'i brda ris phab pa gu ru drag po'i sgrub skor gus par stsal ba dang /____sgrub thabs smin byed las sbyor bcas/__'khrul zhig dpa' bo rdo rje'i zhu bskul gyi rkyen las bal yul mchod rten bya rung kha shor gyi drung nas yi ger snang bar mdzad pa seng gdong ma'i sgrub skor dbang dang rdzogs rim las tshogs sogs cha tshang bar bzhugs pa/__bka' gter seng gdong rigs rnams kyi byin rlabs gcig tu dril zhing khyad par bi ma la'i snyan brgyud gsungs pa la dpag na rtsa ba'i lo rgyus dmigs bsal bzhugs tshod kyang phyag bris 'khod pa ma mjal/__zhar byung lta bur sa khyi zla 4tshes 3la rdo rje gling du song /____rgyal po ko Ti me shul can du sdod pa'i tshes lnga'i nub rmi lam du/__ri sgang zhig tu dgon pa gcig yod pa'i zhabs phyogs lam brgyud song bas/__grwa khang zhig gi nang dpal spungs sku zhabs si tu gong ma red zer ba'i dpon slob mang po zhig gis mngon rtogs tshig lhug can mang po gsungs pa thos/__dar cig nas rang yang tshogs gral der slebs/__khong rnams seng gdong dkar mo'i sgrub mchod gsungs pa yin zer/__sku zhabs rin po che dngos ni min pa 'dra/__yin rgyu'i bla ma lo nyung can gcig 'dug_/seng gdong dbang thob dgos snyam zhus pas dbang chung ngu zhig gnang song ba sngar nged rang gis bris pa'i seng gdong de'i skor las 'phros pa zhig red 'dug snyam/__'di la dkyil chog dang sgrub thabs dbang chen zhig yod rgyur sgrub thabs phrin las de la dngos grub rgya mtsho zer dgos bsam/__seng gdong dbang dang 'brel ba'i sgrub phrin che ba de la 'khor dbyings phyug khro mo rnam dgu sogs kyang yod pa de 'dra zhig gi ngang gnyid sad/__yang mnal ba na sngar gyi 'phros de rmis nas rgya gar lho nub dur khrod rngams pa sgra sgrogs shing se ba'i phung po'i rtsar seng gdong ma'i sgrub skor gter du yod pa de nyid 'don dgos zer ba byung /____rgyas par brjed nas thal/__zhes gsungs/__gzhan yang dpal mgon zhal bzhi pa dang /____snying thig ma bu'i bka' srung g.yu sgron ma bcas kyi rjes gnang yi ge/__lha mo'i rgyun bzlas dang zhing skyong gi rgyun bsnyen sogs thol byung du gsungs pa'i rdo rje'i tshig rkang rigs dang /____rdzogs rim skor sogs phyogs 'dir gtogs pa phran tshegs mang tsam bzhugs/__der ma zad gter ston rigs gzhan la'ang mthun sbyor gnang tshul ni/__kun gzigs mkhyen brtse'i dbang po nyid gter ston rgyal po lnga'i ya gyal du gyur pas dus skabs der byon pa'i gter ston che phra kun gyis zhabs pad la btud nas/__so sor bka' slob dang mthun sbyor gyis dbu 'don gnang ba dang mthun par/__rje bla ma 'dis kyang gter ston dri med pad+ma gling pa'i sras bde chen rnam rgyal la zab gter byung tshul bka' slob zhus par gter ston tshad ldan yin pa'i nges rnyed dang /____da lta'i skabs 'dir zab gter gyi ston pa zhig la las rab gling pa 'di las lhag mi 'dug pas de'i mdun phebs na smon lam las 'phro gcig par 'dug pas legs zhes phebs pa ltar dngas len zhus pas chos nor rdzas kyi gter kha rgya cher phyag tu son cing thog ma'i rten 'brel legs tshogs su gyur/__'bri gter 'od gsal rdo rje la sku tshe'i bar chad sel ba'i zhabs brtan bsgrub par bkas gnang zhing zab gter gyi smin grol gsan pa dang /____chos skor 'bebs thabs mthun sbyor bka' bslab sogs gnang zhing rten 'brel legs tshogs su gyur pas gter ston gyi chos dang phrin las 'phel ba'i bdag rkyen bka' drin ches che bar gyur/__zhe chen rab 'byams rin po che'i sku mched gter ston sprul sku don kho la'ang de bzhin mthun sbyor dang /____khyad par thugs sgrub yid bzhin nor bu'i dbang dang 'brel bar sku tshab dngos grub dpal 'bar gyis byin rlabs mdzad/__rje bla mar snga phyir skyabs zhus sogs lan mang dang /____brtan bzhugs phul skabs gter ston nas rje bla ma dang sku tshab dbyer med pa gu ru rin po che dngos su yun ring mjal ba dang /____dus 'khor gyi dbang skabs rdo rje shugs babs pa sogs byung zhing rdzas dang chos gter mang dag phyag tu son/__sku'i gcung sprul sku 'chi med la'ang mthun sbyor thugs bskyed kyi mthu las gnas gter rigs gsar 'byed/__dbang chos 'chad spel/__mdo khams gnas chen nyer lnga'i bye brag warti'i gnas zhal gsar 'byed dang /____gnas der bshad sgrub kyi sde 'dzug pa/__bstan 'gror sman pa'i phrin las rnam bzhi sogs ches cher 'phel rgyas su gyur/__bdud 'joms mchog sprul 'jigs bral ye shes rdo rjer zab gsang thun min gyi mnga' bdag chen por nges pa'i bden tshig zhabs brtan cheda'abul gnang ba sogs rten 'byung legs tshogs khyad par 'phags pa'i bdag rkyen du gyur/__go 'jo ra khrid gter ston nas kyang chos skor gzigs 'bul skabs bstan 'gro'i zhabs rim bsgrub dgos kyi bka' bslab dang 'brel gter ston sku tshe brtan cing zab chos 'phel rgyas 'byung ba'i smon tshig ljags rtsom phyag rtags kyis spras pa gnang /____gzhan yang 'di gras che phra 'ga' re yod pa dang /____rgya rong mkha' 'gro zhes rang grol gyi rnal 'byor ma dang rje bla ma lhan rgyas pas rdzong sar dgon gyi phu rgya rgan khyung stag gnas zhal gsar 'byed dang gnas yig gtan 'bebs skabs/__gnas de'i sgrub phug nas dz+hi k+ShiM smug po'i phur pa khyad 'phags gter du bzhes shing de las phur pa'i chos skor nyung tsam mkha' 'gros gtan la phab 'dug_/mkha' 'gro 'dis gnas der rje'i zhabs brtan tshogs dang me mchod yun ring gnang skabs rje bla ma mchog ye shes kyi sku la dpa' bo mkha' 'gros bskor ba tshogs kyi 'du bar phebs pa'i dag snang yang yang byung tshul bshad/__gu rus rjes bzung las 'phro'i gter brgyud la dbang ba'i gral du ma mchis pa so skye 'ching ba kun ldan du nges pa rang blo rang la lkog tu ma gyur kyang /____rje btsun bla ma 'jam pa'i dbyangs sku gong 'og gi thugs rje byin rlabs kho na'i mthu la brten nas/__blun rmongs bdag la'ang dus dang rkyen gyis dgongs gter lta bu thar thor shar ba bri rgyu red song ba rnams rgyu mtshan bcas gzigs 'bul zhus ma thag thugs la nges shes zab mo 'drongs zin pa'i gsung gis 'jam dbyangs bla ma mkhyen brtse'i dbang po'i thugs kyi byin rlabs 'phos pa'i rten 'brel las byung bar dbugs dbyung bcas thams cad gsan bzhes gnang ba dang /____shing sprel sprel zla'i tshes bcur sgrub gnas kyi rgyal po dzaM nang pad+ma shel phug gi mdun du rtsa gsum tshogs 'bum ther/__bod du mchims phu/__khams su dzaM nang pad+ma shel phug gnyis gu ru rin po che'i sgrub gnas kun gyi rgyal po yin cing /____sgrub phug 'dir bka' brgyad bdun brgya nyer lnga rang byon du bzhugs pas lha khang bzhengs skabs ka ba dang gdung mas rang byon la skyon ma phog pa dgos zhes thams cad mkhyen gzigs many+dzu'i zhabs dngos kyis ka gdung bzhag yul phyag rtags gnang ba yin tshul sogs rgyu mtshan du ma dang bcas sgrub phug dngos su bka' 'dus chos kyi rgya mtsho'i tshogs sgrub bdud rtsi sman sgrub bcas/__gzims bskyil bkra shis 'chi med grub pa'i dga' tshal du thugs sgrub bar chad kun sel dang /____snyan brgyud yang dag gi bdud rtsi'i sgrub pa dang 'brel ba'i sgrub chen/__mkha' 'gro gsang 'dus kyi sgrub mchod lan mang bdud rtsi'i sgrub pa dang 'brel ba/__tshogs 'bum sogs lan du mi'i tshogs gral du rje bla ma mchog nyid dkyil 'khor gyi gtso bor bzhugs pas rten 'brel mthun sbyor dbugs dbyung mdzad/__rin gter yongs rdzogs dang rtsa gsum 'od gsal snying thig sogs rje gong ma'i bka' babs bdun gyi gsang mdzod rnams kyi dbang khrid lung bcas byin rlabs dgongs pa'i gtad rgya thun min yang yang du gnang ba'i dmigs med thugs rje chen po'i nyer len kho na la brten nas kun gzigs gong ma'i gsang mdzod kyi cha shas 'ga' zhig thog mar rje bla ma nyid kyi gzigs snang du brda ris gsal zhing chos skor der bzhugs kyi zhal bkod gnang ba the tshom dogs sel dang yid ches kyi dpang por bkod nas gus phran nas zhabs tog tu rloms te phab spel zhus pa'ang zhar byung sa bon tsam ste/__mdor na rang gi dad mos shugs zhan pa dang rig rtsal brtul zhugs gtad med du skyong ma nus pas nongs pa las/__rang bas skal ba bzang tsam yin na gter chen mchog gling dang 'jam dbyangs bla ma yab sras zhal rgyas pa lta bur 'byung snyam pa'i nges shes 'drongs shing /____spyir 'di dag dbang bcu thob pa'i byang chub sems dpas phal pa'i sa rdo gser du bsgyur ba dang chos mtshungs par rig 'dzin bla ma mchog gi ye shes 'dod dgu'i rtsal gyi che bas byin gyis brlabs pa'i tshul bshad pa las/__bdag lta dgongs mthon po dang skal pa rab kyis zab chos de dag la dbang ba'i che brjod smras pa min pas dpyod ldan dag gis rgyu mtshan mkhyen par gsol/__rdzas gter rigs dmigs bsal du/__rag chab nas sngags rgan gcig gis zhing kha nas phra man las mgon po gur gyi sku rnyed pa sku mdun gzigs phul bas rten de khong gi phyag tu 'byor dgos rgyu yin tshul rten tshab gzhan zhig dang gnang sbyin bcas bzhes/__gzim chung sbug mar mdzod tshe dpal snga char mchod pa 'bul du 'gro skabs sgo'i steng na li smug gi rdo rje shin tu khyad 'phags mthong ba de 'phral gzigs phul bas zhal rtsed bcas thugs bdag gnang /____dbus phebs rjes mar lam kha nas tshong pa 'dra zhig gis sku rgyu li lta bu shin tu rnying nyams can ral gri be con mda' gzhu dbyug pa sogs mtho re'i tshad lhag yod pa rnams phul ba de tshe dgyes nyams cher ma gnang yang /____'bul mkhan 'gro tshar rjes nga'i 'jam dpal zhi drag gi phyag mtshan da res 'byor byung gsungs nas rtsa ba che che ltar mdzad pas mtshon sku dang phyag mtshan ches mang ba dngos brgyud nas bzhes shing /______/gnas zhal dngos su snang bar mdzad pa khyung stag gnas dang /____rdzong sar bkra shis lha rtse'i gdan sa yang sngar nas 'jam dpal gshin rje'i gnas yin pa'i gzigs snang byung bas gnas yig bri dgos par gus la bka' gnang zhing /____lha srin dam bsgrags dang gnas lam gsar btod gnang /____gzhan yang sde dge khro ri zil khrom gyi sbas gnas sgo maN+Dal steng gi pha waM gur 'dra brgyud sbas gnas su 'gro lam gyi lung byang dang /____dpa' 'og dbang chen brag_/sde dge dang lha thog bar du yod pa'i sha ri gsang chen/__nang chen gze rgyal/__khyung po'i spu rgyal gangs ri/__yar 'brog stag lung /____'bras mo ljongs kyi gnas kyi cha shas/__bal yul yang le shod kyi gnas yig mdo byang rnams bzhugs/__'di dag sa bon tsam ste kun gzigs gong ma dang rnam dbyer med pa'i ye shes dag pa'i gzigs pa 'byams klas shing thun min bka' babs bdun la rdzogs par dbang bsgyur bar nges kyang /____ji skad du/__res 'ga' mi 'byin gter rnying bstan pa skyong /______/zhes pa dang chos mtshungs par gsar rnying bka' gter gyi chos sgo rab 'byams gdul bya gang la gang 'dul du 'chad spel gnang ba nyid gtso bor mdzad pa las/__rje nyid kyi gsung dang dgongs klong las byung ba'i zab chos skor spel grub par gsol ba btab tshe/__bdag lta bu'i 'khrul snang la yid brton ci yod/__rang gzhan gyi rgyud la phan gnod gang gi rgyur 'gyur mi shes/__dper na snga dus kun gzigs si tu rdo rje 'chang la kaHdam pa bde gshegs kyis rjes su bzung ba'i gzigs snang dang /____kaHthog pa'i chos mang po'i nye brgyud byung ba'i lo rgyus phyag bris mkhan chen bla ma stobs ldan gyis gzi+igs nas de rigs spel mdzad rgyu dang /____gzigs snang lo rgyus mdzad 'phro lus pa mthar bton thub pa'i zhu nan phul ba'i lan du/__phran lag pa 'dug ma thub pas bris pa de rigs la dgos pa med/__mi res 'khrul snang 'di 'dra mang po bris na bdag cag gi rtsa ba'i bla ma mkhyen brtse rin po che'i dag snang nye brgyud kyi che ba nyams byed dang /____de'i lad mo zlos kyang me khyer gyis nyi ma la 'gran pa ltar mkhas grub rnams thugs khrel gyi gzhi las ma 'das lugs bka' gnang song ba nges par don la gnas pa yin gsungs te/__de rigs g.yas chung kho nar mdzad pa dang /____thugs shin tu sgam pas gus nas kyang ched du bka' 'dri sogs zhib cha zhu ma spobs/__gzhan zhal lung dngos dang phyag thor 'khod pa rgya cher ma bzhugs pas re zhig de tsam mo//____//__da ni lam rtags kyi yon tan brnyes tshul khyad par can cung zhig brjod na/__sher phyin brgyad stong pa las/__rab 'byor gzhan yang phyir mi ldog pa'i byang chub sems dpa' sems dpa' chen po ni chos gang dang gang du kun chub par byed pa dang /____sbyin par byed pa de dang de nyid sems la kun chub par byed pa dang sbyin par byed pa de dang de nyid sems la kun chub par byed cing sbyin par byed do/____/bdag gi chos 'di sems can thams cad kyi don dang phan pa dang bde ba'i phyir sbyin par bya ste/__chos bstan pa 'dis kyang sems can thams cad chos kyi bsam pa yongs su rdzogs par gyur cig ces chos kyi sbyin pa de yang sems can thams cad la thun mong du byed de/____/rab 'byor rnam pa de dag dang rtags de dag dang mtshan ma de dag dang yang ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par gzung bar bya'o/____/zhes pas mtshon byang chub sems dpa' phyir mi ldog pa'i rtags mtshan gyi yon tan rnams theg pa chen po'i mdo sde dag las 'byung ba ltar bzhugs shing /____khyad par rdo rje theg pa'i lam gyi yon tan snang srid dag pa rab 'byams lha'i 'khor lor shar zhing /____mthar 'bras nye rgyu'i spyod pa la brten nas mi slob pa'i sa mngon du mdzad tshul zhib par nang gsang gi rtogs brjod kyi dngos shugs las 'byung zhing /____skabs 'dir nye rgyu'i spyod pa la ji ltar 'jug par mdzad pa'i tshul cung zad brjod na/__de'ang 'di'i dngos don ni gsar rnying gi rgyud sde chen po rnams kyi rdzogs rim nas mthun par gsungs pa'i mthar 'bras kyi sa mngon du byed pa'i sngon du lha dang bla mas lung bstan pa'i dngos rig gi phyag rgya dang lhan cig nye rgyu'i spyod pas 'gro kun he ru ka rdo rje'i rigs su sgrub pas tshom bu dang bcas pa grol bar byed dgos tshul gsungs pa'i sa mtshams su slebs pa ste/__rje gong ma'i rdo rje'i do ha'i tshul du lung bstan gyi tshig_/shar phyogs DA ki 'du ba'i pi waM gi snyan 'gyur/____/lho mon snyug ma'i tshal gyi khu byug gis blangs nas/__dbyar skyes myu gu 'dren pa'i skyo grogs la phebs dang /______/nyams dga'i pad+mo rgyas pa'i ngo mtshar zhig yod do/____/zhes sogs ma 'ongs 'byung 'gyur ston pa'i gsung dngos dang /____sa skya phun tshogs pho brang gi bdag khri yab sras la sgrub thabs kun btus kyi bka' dbang gnang ba'i thog mar smin grol sgo 'byed dkar po rnam gsum gyi rjes gnang nyin na bza' sku 'jug dkar po bzhes/__sku mtshams las bzhengs ma thag yin pas dbu skra yang ring por skyes 'dug_/gus nas sngags kyi spyod pas na bza' dkar chas bzhes na rten 'brel che tshul zhus pa'i gsung 'phros su/__rje bla ma nyid kyi ye shes dag pa'i snang ngor shrI he ru ka nam mkha' 'jigs med zhabs kyis thugs brtse bas skyong tshul gyis dbu la phyag gis yang yang byugs shing /____rig pa brtul zhugs kyi spyod pas gnas yul nges med du phebs pa'i dus la babs tshul gyi lung bstan byung ba'i nyin der/__gu ru he ru ka'i chas can sku li ma chung ngu gnyis phyag tu son pa sogs rten 'brel legs 'grigs byung tshul gus rmongs la bka' stsal ba dang /____gus nas kyang he ru ka'i chas dang spyod pa la dgos pa che bas dgongs spyod de la bskul ba'i mgur zhig phul ba de la dgyes tshul gyis yang nas yang du gzigs pa dang /____mdo mkhyen brtse ye shes rdo rjes kyang lung bstan dang sngon gnas rjes dran mnga' tshul lam tsam gsungs pas mtshon lhag pa'i lha dang rig 'dzin bla ma rnams kyis sngags kyi spyod pa la bskul ba'i gzigs snang dang lung bstan snga phyi lan du mar byung zhing /____nang du lam rtags kyi rtsa rlung thig le'i khams 'dus pa'i rtags su dgung grangs bzhi bcu'i skor nas phyi rol kun gyi mthun snang du sku 'phar g.yo lta bu'i mjug nas gsung 'byon mi thub pa yun ring thung sna tshogs kyis nyin rer yang lan mang 'phar ldang gi bsnyun khams bzhes tshul bstan cing /____lar rje 'di sa lam mthon por gshegs pa'i rtags mtshan bsnyun khams lci ba'i tshe na phyag chab kyang dwangs su song ba dang /____de dag shin tu 'khrugs skabs sku khams gsal dwangs su bzhugs pa rlung mkhris bad kan sogs kyi rtags go ldog lta bur 'byung zhing /____sku khams shin tu 'khrugs skabs gsol sman sogs ji tsam phul rung phan skyed med par glo bur snga phyi dro'i yud re tsam gyi stod smad la mtshan dkyil gsal dwangs su phebs pa lta bu mdor na sman pa sogs thun mong gi dpyod yul las 'das shing shin tu ngo mtshar ba'i gnas su bzhugs la/__skabs der gso dpyad pa rnams kyis grib rlung sogs ngos 'dzin sna tshogs pas der mthun sman dpyad dang zhabs brtan rgya gang che'i rigs bsgrubs na'ang phan skyed cher med pa'i tshul bstan pa sogs nye rgyu'i spyod pa bskyang ba'i dus la nges par babs pa'i rtags mtshan mngon du gyur pa ste/__rje nyid kyi gsung 'phros las kyang kho bo'i nad 'di lam bsgoms pa'i lag rjes ni ga la yin/__de ni rang rgyud nyams len gyis dbul bas 'ong don med/__tshe snga ma'i las lhag 'dra gang yin na rtsa rlung thig le'i khams 'dus pa'i rnam pa 'dra zhig byung ba red ces phebs pa la brtags na nges shes lhags par skye ba'i gnas so/____/de lta na'ang gsang ba srung ba la thugs shin tu sgam pas sku tshe'i rten 'brel gyi dgos pa tsam yin tshul dang /____der ma zad bstan pa'i mig ltos gang cir de rigs la dgos pa'ang med ces btang snyoms su 'jog par mdzad pa na/__dgos don rgyu mtshan shes pa'i slob 'bangs kun dang /____khyad par du 'jam mgon rnam gnyis kyi thugs sras sgrub brgyud bstan pa'i mnga' bdag chen po byams mgon tA'i si tu pad+ma dbang mchog rgyal po mchog gi zhal snga nas/__kho bos snga phyir 'jam mgon bla ma mchog gi sku phywar brtags pa bya dgos yang yang byung ba kun la zhabs brtan bsgrub bya gtso bor rje nyid kyi dgongs nyams gang yod 'thus shor med pa bsgrub gal che tshul brjod pa rnams tshul 'di la bsam pa yin/__cung zad phyis skyon las mi snang yang da res rten 'brel legs 'grigs 'byung thabs shin tu gal che tshul gyi bka' yig dang /____rgyal sras 'jam mgon mchog sprul rin po ches kyang gsang spyod dang bzhes mdzad na rten 'brel dus las yol mi 'dug cing /____'jam mgon bla ma mchog nyid bstan 'gro'i mgon du zhabs pad brtan pa'i thugs bskyed lhur bzhes dgos tshul gyi brtan bzhugs legs 'bul bcas stsal ba dang /____sa skyong sde dge'i sras yum blon 'khor sogs rgyu mtshan shes pa kun gyis kyang nan tan du gsol ba btab cing /____'bri gter 'od gsal rdo rjes tshe lam phyag rgya'i rten 'brel dang du bzhes dgos pa'i lung byang phul ba dang /____sku'i gcung 'chi med pad+ma rdo rje/__gus phran bcas kyi lung bstan khag mang du mthun par byung bas rten 'brel gyi gsal 'debs lta bur gyur te/__gtso bor rje bla ma mchog gi ye shes gzigs ngor gsal ba'i lung don bzhin tshe lam phyag rgya'i nye rgyu'i spyod pa dang du bzhes pa'i tshul mdzad pa ste/__de'ang spyir rje bla ma mchog nyid rtag par na bza' bzhes stangs gsol ja sogs mdzad spyod thams cad 'dul ba dang gzhi mthun pa 'ba' zhig gnang /____sku sham yang le'u can kho na bzhes shing spyod pa la gshegs pa'i rnam thar zhal gsung du/__da ni rang lo brgya phyed la/____/'dod yon bse ru'i grangs lhag son/____/gter ston dang ni grub thob kyi/____/shas tsam bdag la mi 'dog kyang /______/re zhig ma shi gson gyur na/____/rang don sgrub pa'i zhar byung du/____/gzhan la phan pa'ang cha shas 'byung /______/de phyir gong ma kun gzigs rje'i/____/gsang ba'i lung gi tshig zur dang /______/'jam mgon kong chen zhal 'phros sogs/____/dam pa rnams kyi lung byang dang /______/rang gi rig ngor thon pa bzhin/____/tshe lam phyag rgya'i rten 'brel bsgrigs/____/theg dman sor sdom phul byas shing /______/der brten rtogs pa mi ldan kyang /______/sems bskyed dge ba nyid du smon/____/'di yis phan par 'gyur ba yi/____/dam bca' byed du ma mchis kyang /______/rang gzhan rkyen dbang ma gyur na/____/re zhig 'tsho bar 'gyur yang srid/____/ces gsungs pa ltar dang /____mkhas grub chen po sde gzhung mchog sprul rin po ches rje 'di nyid kyi sa lam drod rtags yon tan gyis thugs 'phrog nas/__khyed lta bu'i rdo rje 'dzin pa chen pos dge slong gi bslab pa phul ga la dgos gsungs te/__rgyu mtshan de'ang rdo rje 'chang 'di ni nges par grub pa'i sa mthor gshegs pas na/__rgyud las/__dam tshig sdom las rnam par grol/____/zhes gsungs pa ltar bslab bya'i tshogs thams cad bya ba grub pa'i ye shes su grol zin pas so skye'i sdom pa srung tshul dang bsgrigs mi dgos shing /____tshul bstan du'ang nyams dang rtogs pa'i dbang phyug chen por bzhugs pas na dge tshul slong gi bslab pa ma phul bar phyag rgya'i nye rgyu bsten rung ba ni/__'phags yul grub pa'i gtso bo sa ra has mda' mkhan ma phyag rgyar bzhes pa'i rjes/__kha rtsang phan chad bram ze yin/____/kha rtsang phan chad dge slong min/____/de ring phyin chad dge slong yin/____/he ru ka dpal dge slong mchog_/ces gsungs shing de'i rjes la klu sgrub kyi mkhan po mdzad pa lta bu dang khyad med pa nges par yin mod/__'on kyang rje 'di ni rang rgyud kyi yon tan sbas tshul kho nas gdul bya'i don 'ba' zhig la dgongs te sdom pa gsum gyi bslab bya thams cad lam rim bgrod kyi gang zag gi nyams len ltar rang rang gi gzhung bzhin ma 'dres par spyod pas snyigs dus kyi gang zag rnams bstan pa'i rtsa ba dam pa'i chos 'dul ba'i spyod pa lhod par mi 'gyur ba'i dgos dbang la gzigs nas chos brgyad kyi zhen pa sngar nas spangs shing rgyud dang man ngag rgya mtsho'i dgongs don gsang sngags kyi thabs lam zab mo nyams su bzhes pa gtso bor gyur pa'i skabs su rten bsgyur bar mdzad pa yin la/__de yang nang gi dgongs pa lta sgom mthon por ji tsam phebs kyang phyi'i rtags dang kun spyod ston mchog thub pa'i dbang po'i so thar gyi bcas pa'i bslab pa gal chung khyad gsod du mi 'gyur zhing /____bstan pa'i che ba 'byin pa dang /____khyad par snyigs dus 'dir dgos pa med par gter lung dang sngags la khas 'che bas lta sgom gyi gding tshad gang yang med par bslab sdom 'byol nyog tu spyod pa shin tu mang bas de dag bag yod par 'gyur ba sogs kun gyi mig ltos la phan pa'i ched du dge 'dun gyi sde la bsnyen bkur dang 'brel sngon lha btsun chen po nam mkha' 'jigs med spyod pa la gshegs pa'i tshe/__chos gos dang lhung bzed rnams rdo rje gdan gyi thub dbang dang dge 'dun gyi drung du phul nas he ru ka'i chas bzhes pa ltar/__rje nyid kyi rgyun bzhes chos gos rnam gsum tshul khrims kyi dri bzang ring du 'phro ba sogs rab tu byung ba'i yo byad rnams chos sde so sor phul nas ji srid bstan pa gnas kyi bar dus chen dag la bstan rgyas cho ga re'i skabs mchod pa'i yo byad du bshams dgos pa'i rgyu mtshan bka' lung zhib rgyas kyi snyan gsan dang 'brel theg dman so thar lugs kyi sdom pa 'bul ba'i tshul mdzad pa ni/__bstan pa spyi'i babs la dgag bya chung zhing dgos pa shin tu che ba dang /____der ma zad rgya gar 'phags pa'i yul gyi bstan pa'i shing rta chen po rnams sngags kyi spyod pa bskyangs nas dge 'dun gyi tshogs dpon dang mkhan po ma mdzad pa'i rnam thar dang mthun par bskyang ba ni dpyod ldan dang ba 'dren pa'i gnas so/____/de ltar spyod pa la zhugs pa'i dgos don snying por dril ba rje nyid kyi rdo rje'i gsung ma nyams par bkod pa 'di ltar/____/_!__rang ltos kyi slob bu'i tshogs la 'phrin drung du gsol ba rab rib mun sel zhes bya ba bzhugs so/____/bla ma dang mgon po 'jam pa'i dbyangs la phyag 'tshal lo/____/oM swa sti/__bdag blo dam pa'i ded dpon gyis bzung zhing /______/rnam dkar dge ba'i gru gzings la brten te/____/dad brtson shes rab ba dan dkar po yis/____/rnam grol gling du bskyod par dam bcas shing /____1__/phun tshogs 'byor pa'i rin chen rten bzang po/____/lhag pa'i tshul khrims gser gyi sa gzhi la/____/lhag pa'i ting 'dzin dpag bsam ljon pa'i rtser/____/lhag pa'i shes rab 'bras bzang mtshar du sdug2/__kun mkhyen nyi ma'i gnyen gyi bstan pa la/____/gcig tu sems pa'i dam bca'i ri mo ni/____/rdo bar bris bzhin mthar thug snying po'i bar/____/yid kyi thig ler dbyer med ro gcig 'dres/__3/__'jam mgon dgyes pa'i mtshan snyan dri bzhon gyis/____/reg pas mthong ba don ldan grags mod kyang /______/kun mkhyen che de gtsug gi rgyan bsnyen nas/____/de yi phrin las nam mkha'i mtha' khyab spel/__4/__dgos 'byung bsam 'phel rgyal mtshan rtser mchod de/____/'gro sems mchog phal su yis gsol btab kyang /______/de la 'dod dgu'i dngos grub ster ba bzhin/____/mkhyen brtse'i ye shes byin rlabs cha shas dpog5/__de yi drin gyis dal ba'i rten mchog 'dir/____/kun rtog rnyogs pa'i gzhan dbang btsan po yis/____/mtha' gcig dkar po'i snang bas dben gyur kyang /______/phal cher bsam sbyor dag pas khyab par gyur/__6/da ni mi tshe'i nyi ma nub ri'i phag_/yol ba'i snga ltas shin tu gsal ba dang /______/gshin rje'i lam du myur bar chas pa yi/____/bdog pa'i sta gon dag kyang nye bar mthong /____7/__de la nyer bzlog sgyu ma'i rigs sngags kyi/____/thabs tshul sgyu 'phrul so ga'i me tog ni/____/rnam mang lha yi dga' tshal bkrag gyur kyang /______/sman byed srog gi bdud rtsi'i zil thig phra/__8/__e waM phyag rgyas sdom pa'i rdo rje can/____/gang gi tan+t+ra rgya mtsho'i yang snying ni/____/rnal 'byor chen po bla na med pa las/____/phyag rgya rnam bzhir nyer brten gseng lam che/__9/__dman 'bring blo can phal gyis spyod pa na/____/sbrul gdug mgo yi nor bu blangs pa bzhin/____/khe nyen chen pos log par ltung srid kyang /______/blo chen 'ga' la de thob nye bar 'tshengs/__10/__mchog tu sbas pa'i ngo mtshar sgyu ma ni/____/bde chen ye shes d+hA ki ni gu'i gzugs/____/rnam bcas bde ba'i pad+mo 'dzum pa des/____/rnam med ye shes grub pa'i sa la sbyor/__11/__de phyir ston pas rab bsngags nye lam 'dir/____/'jug pa'i spobs pa ba thag ltar phra yang /______/rnal 'byor mos pa lam du byed pa yi/____/kun bzang bde stong rol pa'i gar gyis rtsen/__12/__de yi stobs kyi dpung shugs btsan po des/____/'chi bdud rtog pa ring du bskrad byas te/____/'chi med gnyug ma'i gar mkhan dpa' bo che'i/____/brtul zhugs mchog la nye bar 'dun cing smon/__13/__srid pa'i grong khyer sgyu ma'i gar mkhan bzhin/____/snang sems dbyer med ro gcig 'dres pa las/____/phyogs las rnam rgyal 'jigs med blo gros kyis/____/gzhan phan bsam pa gser zhun ltar spyod la/__14/__gal te rang 'dod sred pa'i 'ching thag gis/____/dam por bsdams pa'i sems ngan dbang yin na/____/lha dang bla mas kyang ni thugs khrel zhing /______/rdo rje can gyis bdag gi mgo bo 'gem/__15/__rang gi sems la zol zog ma mchis shing /______/rgyal ba'i bstan dang 'gro la bde skyid kyi/____/nges sems dang ldan 'jam mgon bla ma rje'i/____/thun mong thun min bstan pa srid mtha'i bar/__16/__spel ba'i g.yar dam zla zhun thags btag gi/__sgo gsum dar yug stong chen khyab pa 'di/____/nyes pa'i dri mas nongs par ma gyur na/____/sras bcas rgyal ba dgyes pa'i mchod sprin 'bul/__17/__de ltar bdag gi spyod pa 'di 'dra bar/____/kun rtog rlung dmar drag tu rgod rnams kyis/____/'phya dang gleng gzhi'i ya ga sgrogs byed kyang /______/bdag sems ku sha'i rtse tsam g.yo re kan/__18/__gang zhig 'dren byed 'khrul par zhugs rnams kyis/____/yang dag dngos la log 'dzin zhugs pa ltar/____/skyon zad yon tan rdzogs pa'i rgyal ba la'ang /______/skyon du mthong na bdag 'dra smos ci zhig19/__mdo rgyud rnams nas bla mar bsten phyin chad/____/gus pas mchod dang ci mdzad tshad mar blta/____/rgyal ba dang 'drar dad gsum sems kyis 'dud/____/de la mchog dngos lag mthil gter bzhin gsungs/__20/__zab rgyas chos kyi 'brel pas bsrungs rnams kyis/____/log par bltas na sa spyod bsti gnas cher/____/'tshigs par dogs pa'i sdug bsngal ma bzod pas/____/brtse ba'i sems kyis rab tu springs pa 'dis/__21/__thar pa'i mig gi rab rib rnam sel zhing /______/yang dag legs par mthong ba'i spyan stong bkra/____/gsang gsum byin rlabs rgyud la 'jug pa dang /______/nyams rtogs yon tan gong nas gong 'phel shog22/__bdag rjes zhugs rnams 'chol bar mi spyod cing /______/nyes ltung sdom pa'i tshul khrims la brtson te/____/thub pa'i ring lugs gtsang mar spyod pa dang /______/thams cad mkhyen pa'i go 'phang thob gyur cig23/__rtsa gsum rgya mtsho'i mthu byin rab zhugs nas/____/lha min sder bcas dregs ldan dpung tshogs rnams/____/'khor lo rdo rje 'bar ba'i mtshon rnon pos/____/ming gi lhag ma tsam du bgyid gyur cig24bdag kyang 'chi med rdo rje'i dpal la spyod/____/rgyal khams kun tu dus kyi rgud pa zhi/____/rdzogs ldan gsar pa'i dga' ston dar babs shing /______/bstan dang bstan 'dzin dar zhing rgyas par shog25/__de skad drang por smra ba'i blo can ni/____/'jam dbyangs phyag gis co to nas bzung ba'i/____/chos kyi blo gros zhes bya'i ban hrul des/____/bkra shis 'chi med grub pa'i dga' tshal che/__26mkhas grub rgya mtsho 'du ba'i bsti gnas su/____/dus kyi dge mtshan phun sum tshogs pa'i char/____/bkra shis dpal yon brgya phrag 'char ba na/____/bris 'dis dag pa'i snang ba rgyas gyur cig27/__sarba dA mang+ga laM//____//__zhes skal ba dman pa dag gi the tshom bsal zhing dad ldan slob tshogs rnams spro ba bskyed byed du gsang ba chen po'i rdo rje'i do ha lhug par stsal ba rnams las don gyi dgos pa dgongs gzhi'i gsang ba zab mo rtogs par bya ba kho na las/__'ol tshod tsam du 'chad pa'i nongs pa lha dang bla ma mkha' 'gro'i tshogs kyis bzod par bzhes su gsol/____/de nas snga ma sku lus 'phar g.yo'i bsnyun khams kyang seng dwangs su phebs te khams bye'i mkhan slob la gsang yum skor gyi zhal 'phros gnang skabs/__sku lus 'phar g.yo che tsam gyi bsnyun gzhi sngar nas byung ba de ni lam 'bras las khams 'dus pa dang po'i skabs su 'byung bar gsungs yod ces bka' stsal pa dang /____dad slob gzhan la gsang spyod kyi rten 'brel bsgrigs rgyu 'di cung zad phyi skyon las mi 'dug ces bka' 'phros gnang rigs la dpyad na/__khams 'dus thog mtha' bar gsum las mthar phyin 'bras bu'i khams 'dus tha mar lung bstan pa'i phyag rgya pad+ma can la brten nas lam bzhi pa rdo rje'i rba rlabs bsgom par gsungs pa'i gnad/__dper na mar dwangs snyigs 'byed cing mar me sogs kyi dgos pa rdzogs pa la bzhu dgos/__'ju ba la me dgos/__me la shing dgos pa bzhin du mtshon bya don gyi ye shes kyi grub mtha' snyegs pa la mtshon byed dpe'i ye shes dgos/__de la tshor ba bde ba dgos/__de la lus kyi khams dwangs ma bzhu dgos/__de 'ju ba la rjes su chags pa'i me dgos/__de la rig ma dag pa'i shing dgos pas/__kye rdor rtsa rgyud las/__dngos grub mtshan nyid mi phyed pa/____/phyag rgya'i rnal 'byor pa yis 'grub/____/ces dang /____bshad rgyud gur las/__phyag rgya'i dngos grub dngos grub che/____/dngos grub kun gyi spyod yul min/____/zhes dang /____saM bu Ti las/__chos kyi phung po brgyad khri dang /______/bzhi stong gi ni cho ga yang /______/lus kyi de nyid mi shes pa/____/de dag thams cad 'bras med 'gyur/____/zhes dang /____ye shes rdo rje kun las btus pa las/__ji ltar 'o ma dang til dag la mngon par 'du byas pa med par mar dang til mar mi 'byung ba de bzhin du/__sngags dang phyag rgya dang mngon par 'du byas pa'i rdo rje dang pad+ma mnyam par sbyar ba med par rnam par shes pa gsum mtshon par mi nus so/____/gang gis b+ha ga dang ling+ga yang dag par mnyam par sbyor ba mi nus pa des ni bde ba chen po'i ting nge 'dzin mi rnyed do/____/bde ba chen po'i ting nge 'dzin 'ba' zhig la lhag par mos pa tsam gyis las dang po'i sa la gnas par 'gyur te/__phyir mi ldog pa'i sa la yang slob par 'gyur ro/____/zhes dang /____rnal 'byor ma'i rgyud kun spyod las/__gnyis med ye shes sems ldan pas/____/mi bya ba ni ci yang med/____/mi rtog bdag nyid sems kyis ni/____/'dod pa'i yon tan lnga rnams spyad/____/ces sogs rgyud rnams las rgya cher gsungs pa ltar rten 'brel gyi gzhi rten dkyil 'khor bzhi rdo rje'i lus la tshang ba la gnad du bsnun pas/__brten pa sems la rtogs pa bde blag tu 'char ba'i gnad nyid ches zab pas/__lta ba/__bskyed rdzogs/__spyod pa/__nye rgyu'i mngon rtogs lnga tshang dgos par gsungs/__dpal yang dag par sbyor ba'i rgyud las/__skye ba 'dir sangs rgyas pa nyid dam/__rdo rje sems dpa' thob par 'gyur te/__gang dag bsam gyis mi khyab pa'i gnas thob pa ni bde bar gshegs pa ste sangs rgyas yin la/__mtshan gzhi mtshon pa ni rdo rje sems dpa' yang dag pa'o/____/zhes gsungs pa ltar/__phar phyin theg pa dang rgyud sde 'og ma gsum dang bcas pa'i lam gyis snang gsum 'pho ba'i bag chags spang mi nus pa'i gnad kyis spang thob yongs su rdzogs pa rdo rje 'dzin pa'i sa bgrod mi nus pas/__rdo rje theg pas rten dkyil 'khor bzhir dbang bzhis smin/__lam bzhis gnad du bsnun pas spang bgrod gnyis ka lus la gnad du bsnun nas mthar thug 'bras bu'i dus su rig ma dag pa'i phyag rgya la brten pas 'gros bzhi thim ste/__rten dkyil 'khor bzhi brten pa rig ma dang bcas pa sku lnga dbyer mi phyed pa'i ye shes su gnas gyur te rig pa'i skyes bu'am phyag rgya chen po'i dngos grub brnyes nas rtag khyab lhun gyis grub pa'i phrin las kyis gdul bya'i don mdzad pa yang /____bde mchog sangs rgyas mnyam sbyor las/__sgyu ma dag ni thams cad las/____/bud med sgyu ma khyad par che/____/zhes dang /____gtum po dpa' gcig gi rgyud las/____/chags bral las ni sdig gzhan med/____/bde las bsod nams gzhan pa med/____/de phyir sems ni mnyam bzhag pas/____/'dod pa'i bde ba bskyed par bya/____/zhes dang /____gzhan yang rdzogs pa chen po sgra thal 'gyur rtsa ba'i rgyud kyi dgongs pa theg mchog rin po che'i mdzod dang /____yid bzhin mdzod rtsa 'grel las gsungs pa rnams sgra ji bzhin du spyod pas rdo rje theg pa'i rgyud don zab mo'i dgongs spyod la dbang bsgyur bar nges pa'i gsang ba chen po zur tsam smos pa 'di dag gzur gnas kyi thugs la nges shes 'drong ba'i phyir dang /____deng sang sngags la kha g.yar nas tho co'i spyod pas bstan pa nang bshig pa la phan pa'i ched du rdo rje'i gsang lam gyi lta spyod sgra ji bzhin lam du longs pa 'di ltar yin zhes lhag pa'i bsam pas rang blos gang dpog cung zad tsam brjod pa'o/____/skabs de tsam na skye rgu kun gyi yid mkhar ngo mtshar dga' spro'i nyi ma gsar pa shar bas grub mtha' ris med kyi chos sde khag dang /____sa skyong rgyal khab che phra dpon blon 'bangs 'khor sogs mchog dman kun gyis dga' spro'i legs 'bul dang 'brel mjal phyag zhu mkhan lha mi'i 'du bas sa gzhi dog por byed pas mtshon dge legs 'bum gyi snang bas yongs su khyab par gyur to/____/de ltar nye rgyu'i spyod pa la zhugs nas lung don bzhin gnas yul nges med du phyogs las rnam rgyal rig pa brtul zhugs kyi spyod pas gshegs par bzhed nas rdo rje'i kha T+wA~M sku'i tshad dang mnyam pa sogs he ru ka'i chas rnams mngon par 'du mdzad pa na/__mchog dman kun gyis rje gong ma'i gdan sa las mi g.yo bar bzhugs grub pa'i gsol ba nan du btab pas rgyal sras rnams thugs kyi brnag bya sems can mgu bar byed pa nyid yin pas thams cad yid pham gyi gnas su 'gro bar gzigs nas de bzhin du zhal bzhes gnang /____sa skya phun pho'i bdag chen yab sras la lam 'bras gnang skabs der gus la bka' phebs su'ang phran sngags lam du zhugs kyang sangs rgyas kyi bstan pa rtags kyi che ba'i dgos pa la bsam nas so thar gyi rtags gzan sham yang ma bor/__dbang chos 'chad pa na chos gos snam sbyar yang gyon pa yin zhes gsungs pa dang /____kho bo sngags lam zhugs nas gdan sa yin mdog gi khang gog mgo gyon byed nas sdod rgyu 'di cung yong ba min kyang /____rgyu rkyen rten 'brel gyi byed pas bya thabs bral ba lta bu zhig red/__'on kyang rten 'brel zer ba de rang shugs kyis 'grigs na las ched du bsgrigs pas 'grigs dka' la/__gnas skabs 'grigs pa ltar snang yang de tsam gyi dgos don cher med pa 'dra zhig red/__sngags spyod 'di'ang de las snga tsam byung na cung zad dgos pa yod tshod 'dug kyang rang nyid re dogs kyis 'ching bas da bar btang snyoms su lus/__yin na'ang gnas skabs 'dir thog ma'i rten 'brel skyon med byung bas 56lo de'i tshe gegs las nges par grol zhing /____bya ba btang nas gnas nges med du 'gro rgyu'i skor la phyi nang mchog dman su yang yid la 'thad mkhan mi 'dug pas/__bla ma dkon mchog gi thugs rjes gar bzhag blta nas sdod pa las byed thabs kyang dka' bar snang /____des na rje mkhyen brtse'i gdan sa byin rlabs can 'di la bkur bsti ci 'grub dang /____bstan 'gror phan res chos 'chad spel gang nus byed na bla ma dam pa rnams kyi dgongs pa rdzogs shing /____bstan rgyun la sman pa dang /____gang zag re re'i rgyud la thar pa'i sa bon thebs na'ang dgos don shin tu che bas lo shas sdod rgyu byung ring la de bzhin ci 'grub byed rgyu yin tshul sogs gsungs/__sngon shing bya lor gter mdzod chos 'khor grub rjes gus nas brtan bzhugs phul ba'i gsung lan du/__lo lnga bcu dang drug cur son skabs khyed lta bu zhig byas na las 'tsho thabs gzhan mi 'dug_/skabs der brtul zhugs kyi spyod pa tshul bzhin byed rgyu byung na sku tshe yun ring tsam bzhugs mthar 'pho chen rdo rje'i sku mngon du mdzad rgyu yin pa dran na'ang sems la mi 'char ba ci yod ces gsungs pa lung bstan dus babs bzhin byung na rje gong ma'i rten 'brel 'phro bskyang rgyu yin par nges kyang /____de ni bstan 'gro'i bsod nams kyis ma chun par deng dus gdul bya'i skal ba dang mthun pa'i mdzad pas bstan 'gro'i don 'ba' zhig thugs la brnag pas phyogs dang ris su ma chad pa'i zab rgyas chos kyi 'khor lo rgyun chad med par bskor nas gang la gang 'dul gyis gdul bya mtha' yas pa smin grol la bkod bzhin par/__ris med bstan pa rgya mtsho'i bka' gter chos kyi gsang mdzod shrI nA len+d+ra gnyis pa 'og min bla ma'i gdan sa bkra shis 'chi med grub pa'i dga' tshal chen por sku tshe ril por bzhugs stan chags pa'o//____//__ye shes rdo rje'i sgyu 'phrul bkod pas 'khor 'das kun la mnyam par 'jug_/zag med gsang ba spangs rtogs rgya mtsho'i nor bu rin chen thang mar brdal/____/dge legs phan bde'i dngos po kun gyis 'brel tshad dbugs 'byin mes po mchog_/'khor lo'i dbang phyug dpal ldan bla ma srid zhi'i gtsug rgyan slar yang gus/____/khyod kyi ngang tshul dran dang bstod pa'i ngag_/ma lus legs byas rin thang bral ba'i dbyig_/mdo rgyud kun nas bsngags pa rjes dran pas/____/ji ltar rtogs pa gzur gnas yid kyis bkod/____/snyigs ma'i mun pas 'khor yug brdal ba'i khrod/____/dri med 'phags pa'i ye shes nyin mor byed/____/mngon sum bstan 'gro'i mkha' la sgrib med du/____/gsal ba'i ngo mtshar gnas la mi bsngags su/____/mtha' dag thub bstan rgyu skar phreng ba'i tshogs/____/thugs bskyed kun gsal ngogs su legs bkod mthus/____/lung rtogs snang byed zung gi 'od stong gis/____/rdzogs ldan pad+mo bzhad pa'i dga' ston mthong /______/rgya bod mkhas grub sum rtsen dga' tshal du/____/rmad byung rnam thar legs bris rnga gsang gis/____/kun dga'i dpal yon spel ba'i gtam 'di yis/____/dam pa'i yon tan rgyal thabs skyong bar bskul/____/zab rgyas chos kyi mgrin par rtag sim zhing /______/thos bsam sgom pa'i 'dab ma rab yangs pas/____/thub dbang bstan mchog pad tshal skyong mdzad kun/____/'dren mchog rjes dran dga' ston 'os sam snyam/____/dad dang mos pa'i rtsa ba dung ltar dkar/____/gus brtson yal 'dab stugs por rgyas pa'i dbus/____/rnam thar me tog 'bras bus brgyan pa 'di/____/gangs can bstan pa'i dpal du 'gyur yang srid/____/mi shes blo yis gsang ba'i don ma rtogs/____/gsang sgo 'chol sogs nyes par spyad pa'i nongs/____/dmigs med thugs rje'i bdag nyid bla ma'i mdun/____/bshags pas 'gyod tshangs dbugs 'byin da lta stsol/____/mos gus rin chen 'dren byed rab dwangs pas/____/bla ma'i rnam thar rin chen gter mthong nas/____/rgyu mtshan shes pa'i blo yis smra ba dang /______/tshe rabs kun tu de rjes slob par smon/____/legs spyad dge tshogs dag byed gter bzhis bstan 'gro'i dbyig 'dzin mdzes byas mthus/____/phan bde'i dbyar skyes dar la babs par bshad dang sgrub pa'i zlos gar mkhan/____/mkhas grub bung bas rtsen pa'i mgrin rnga theg gsum chos kyi gling bu yis/____/srid pa'i gdung ba yud kyis bsal ba'i dga' ston 'gro 'di'i dpal du shog_/thugs bskyed rta ljang bgrod pa'i mthu las mchog sprul nyin byed myur du 'char/____/gdul bya'i lhag ma nye bar bskyangs pas thub bstan rgyal thabs mgron du khug_/'jam dbyangs bla ma'i rnam thar nor bu gtsug gi rgyan du mi 'bral ba'i/____/ngang tshul rmad byung myur du mthong nas bdag sogs dbugs 'byin mdzad gyur cig_/ris med thub bstan lung rtogs rgyan gyis sgeg_/theg mchog chos kyi mnga' thang mi nyams bskyangs/____/sras bcas rgyal ba'i bzhed pa sgrub nus pa'i/____/ngo mtshar mdzad bzang bdag gi dpal gyur cig_/bkra shis rmad byung mkha' khyab ye shes dpal/____/rab 'byams 'jig rten kun gyis mngon gyur te/____/dge legs mi zad rtag pa'i rol sgeg ches/____/mkha' khyab chos dbyings kun tu lhun grub shog_/ces pa'ang rje btsun bla ma thams cad mkhyen gzigs chen po 'jam dbyangs chos kyi blo gros rin po che'i rnam thar sa bon tsam du smos pa 'di ni/__rje bla ma mchog gi tshe 'dzin DA ki'i dbang mo tshe ring chos kyi sgron mas lha rdzas kyi rten dang bcas pa dang /____sku'i dbon dang dam dpal gyi zla ba ches cher dkar ba'i gan mdzod tshe dbang dpal 'byor gtsos dad slob kun nas 'di ni khyed kyis 'bri bar 'os so zhes pa'i gsung gis ched du bskul ba bzhin/__khams gsum chos kyi rgyal po 'jam mgon ye shes me long mchog gis thun mong ma yin pa'i bka' drin gyis rjes su bskyangs shing /____slob 'bangs yongs kyi gral mthar gnas pa 'gyur med theg mchog bstan pa'i rgyal mtshan rang byung mkhyen brtse'i 'od zer du 'bod pas rnam thar zhal gsung nyid rtsa bar bzung /____gnas gzigs rjes ma'i gzigs snang thor bu mang po mchod dpon bla ma 'jam dbyangs blo gros mchog ldan nas zhu bskul gyi phyag bris reg zig dngos rnams gzhir byas te/__rgya gar 'phags pa'i yul dang nye ba'i sa yi cha ka spungs rin chen brtsegs pa'i sa 'dzin gyi rtse zangs mdog dpal ri'i zhing khams bkod pa'i gtsug lag gis mdzes pa thub bstan bshad sgrub dga' tshal du bris shing /____slad nas rje btsun bla ma'i sku'i nye gnas rdo rje'i mched po rnams dang go bsdur gyis 'phri bsnan ci rigs zhib tu bgyis nas/__lho 'brug chos rgyal chen po'i mnga' ris su gnas pa'i tshe/__gsang zab theg pa mchog gi chos rdzong nas dkyus gcig tu bkod pa'i yi ge gnyis par 'bebs po sdom brtson sde snod 'dzin pa mkhan po thub bstan brtson 'grus phun tshogs dang /____reb kong sngags pa 'jigs med skal bzang dpal ldan zung gis bgyis pa 'dis kyang bstan 'gro'i dpal yon phyogs dus gnas skabs kun tu 'phel rgyas brtan pa dang /____mkha' khyab yid can rgya mtsho rje btsun mkhyen pa'i bdag po'i ye shes kyi gsang ba la longs su spyod pa'i rgyur smon bzhin 'grub par gyur cig_/sarba dA ka l+yA NaM mang+ga laM b+ha wan+tu//______//______oM swa sti shrI bi dza yan+tu/__rgyal ba kun gyi gsang gsum ye shes sgyu ma'i rol gar 'ja~Xm pa'i dbyanga~Xs/____/cho~Xs dbyings kun khyab zhing du mtshan dang sku yi bkod pa bsam yas kyisa~X/____/gang 'dul gdul bya de la der ston blo~X grosa~X mthu stobs pha mtha' yas/____/bka' drin mtshungs med khyab bdag pad+ma ye shes rdo rjes rtag tu skyongs/_1_/gang gi gsang gsum lhun po'i spo bzhin lham mer gsal/____/dpag yas yon tan rgya mtsho'i rlabs phreng rnam par g.yo/____/bsdu ba'i dngos po'i legs mdzad gling bzhis legs spras shing /______/mkhyen gnyis nyi zlas srid pa'i rmongs mun sel la 'dud/__2/__chos rnams rang bzhin gzigs pas 'khor bar mi gnas shing /______/dmigs med snying rje 'byongs pas myang 'das la mi chags/____/thabs mkhas rgyal sras spyod pas ris med bstan dang 'gror/____/phan bde'i phrin las mtha' yas khyod ni kun gyi dpal/__3/__'phags bod kun tu paN grub chos rgyal sogs/____/rnam 'phrul du mas bstan 'gro'i dge mtshan dang /______/bshad sgrub shing rta chen po bco brgyad kyi/____/bstan pa yongs rdzogs 'dren pa'i gnyen gcig pu/__4/__dman pa bdag kyang chung nas rjes bzung zhing /______/bka' drin sum ldan zab rgyas sdom gsum stsal/____/lugs gnyis brtse bas phan bde'i dpal la sbyor/____/khyed 'dra'i bka' drin kun tu btsal mi rnyed/__5/__'on kyang thog med las nyon bag chags dang /______/'gong pos rgyud dkrugs smon lam log pa sogs/____/bcas rang sdig sgrib nyes ltung stobs bzhi yis/____/mthol bshags las 'bras dag cing tshangs par stsol/__6/bla ma sgrub las lhag pa'i lam zab mo/____/mdo rgyud bstan bcos kun las ma gsungs phyir/____/bdag gi 'dren mchog chos kyi rgyal po khyed/____/tshe rabs gtan gyi skyabs gcig kho nar gzung /____7/__deng nas skye ba kun tu rje nyid kyi/____/brtse bas rjes gzung smin grol bdud rtsi stsal/____/don yod rnam bzhis mnyes pa'i bya ba bsgrub/____/thugs yid dbyer med 'dres par byin gyis rlobs/__8/__bla ma'i rnam thar sgro skur dang bral mtho ris klung /______/brjod bya zab cing rjod byed snyan 'jebs ldan pa'i phul/____/gnyis su snang yang ye shes gnyis min rgya mtsho las/____/legs 'khrungs rab gsal zla ba'i 'jam mgon gsung rab mchog9/__gcig las du mar 'char ba'i phyi mo bskrun pa yi/____/legs byas 'dis mtshon dus gsum bsags yod skye 'phags kyi/____/dge tshogs 'jam dpal dbyangs dang kun tu bzang pos bsngos pa bzhin/____/mkha' khyab bstan dang 'gro la dmigs med bsngo bar bgyi/__10/__dpal mgon bla ma'i zag med thugs dgongs yongs rdzogs shing /______/rgyal bstan phyogs bral dar rgyas yun gnas de 'dzin gyi/____/7rgyal mchog bstan 'dzin rnams kyi sku tshe mdzad phrin rgyas/____/dge 'dun thugs mthun lung rtogs yon tan gyis phyug shog11/__mchog gi thugs bskyed skye rgu'i legs byas skya rengs kyis/____/nyer drangs gsang gsum nam mkha'i nor bu phrin las kyi/____/'od stong 'bar bas ris med bstan 'gro'i pad tshal rgyas/____/phyi nang bar chad sgra gcan g.yul las rgyal gyur cig12/__rgyal khams kun tu nad mug mtshon 'khrugs zhi/____/bde skyid chos 'byor yang dag bstan la gus/____/las 'bras dge sdig blang dor la brtson pas/____/rdzogs ldan gsar pa'i dge mtshan rgyas gyur cig13/__'brel thogs tshe 'das rnams kyang rje nyid kyi/____/thugs rjes drangs te ngan song ngan 'gro las/____/dbugs dbyung bde chen thar pa'i zhing khams su/____/phyir mi ldog pa'i btsan sa zin gyur cig_/bzang ngan las kyis 'brel bas gtsor byas pa'i/____/yid can rgya mtsho 'phral yun phan bde'i dpal/____/ci dgar spyod cing mthar thug sku gsum gyi/____/go 'phang mngon 'gyur 'khor ba dong sprugs shog15/__bkra shis gang zhig byin rlabs dngos grub phrin las kun gyi dpal/____/dpal ldan bla ma yi dam mkha' 'gro chos srung nor gyi lha/____/lha mi'i rig 'dzin grub pa drang srong smon lam dbang rnams bden/____/bden mchog stong dang rten 'byung zab mos smon bzhin 'grub gyur cig16/__ces phyogs dus rgyal ba sras dang bcas pa rnams kyi mkhyen nus brtse ba'i ye shes gcig tu bsdus pa'irang gzugs rje btsun brtan pa'i 'khor lo nyid gdod nas mngon sangs rgyas su zin kyang /____gdul bya'i don du byang sems sa bcu'i rgyun mtha' la gnas pa'i tshul gyis 'gro ba'i don mtha' klas par rtag khyab lhun grub tu mdzad cing /____rtsod ldan snyigs ma lnga bdo'i 'gro la lhag par brtse bas 'phags bod kyi ljongs ris bral bstan 'gro'i mgon du paN grub chos rgyal sprul pa'i gter ston mkhas grub dge ba'i bshes gnyen sogs bsgrang las 'das pa dus gsum du byon dang 'byon 'gyur ji snyed kyi nang gses bdag cag gi dpal mgon bla ma dam pa rigs dkyil rgya mtsho'i khyab bdag_/nges pa don gyi rdo rje 'chang bka' drin sum ldan mtshan brjod par dka' ba don gyi slad du mtshan nas smos na 7'jam dbyangs chos kyi blo gros ris med bstan pa'i rgyal mtshan dpal bzang po'i phyi nang gsang ba'i rnam thar 'das rjes dang bcas pa 'di ni/__7skyabs rje 'jam mgon rdo rje 'chang de nyid kyi zhabs pad mnyes pa gsum gyis zhabs tog phul du son pas bsgrangs bya bcu phrag du mar brten nas grub mtha' ris med kyi zab rgyas gdams pa'i bcud mtha' dag yongs su rdzogs pa dang gsang ba gsum gyi yon tan bum pa gang byo'i tshul du bzhes shing /____don la rje nyid dang thugs rgyud dgongs klong gcig cing thugs yid dbyer med du 'dres pa'i thun min thugs kyi sras 7mkhyen sprul rin po che bkra shis dpal 'byor mchog gis mdzad pa'i legs gsungs rmad du byung ba nyid/__7gong sa lha mi'i rnam 'dren skyabs mgon rgyal dbang thams cad mkhyen gzigs 7rje btsun blo bzang bstan 'dzin rgya mtsho srid gsum dbang bsgyur mtshungs pa med pa'i sde'i thugs rje phrin las kyi nyi gzhon gsar pas 'dzam gling spyi dang khyad par bod dang bod chen po'i ljongs kyi bstan 'gro ma lus pa'i phan bde'i pad tshal bzhad pa'i skal bzang gi dus ston dbu brnyes pa'i rab rgyal don grub lor rgyang ring mo nas gsol ba btab bzhin de 'phral nyid du lho 'brug bde chen chos gling gi rgyal sa nas mdzad pa po nyid kyis gus 'bangs skyabs 'og pa'i dad brgya'i gtsug tu gnang ba gus pas mjal zhing dad gdung bzod med 'bar bas nye bar len pa'i rgyu dang /____rdo rje'i mched po chos spyan rab yangs bla sman ma ti sA ga ra mchog dang /____lhag bsam snying stobs lha lam ltar yangs pa'i dge bsnyen rdo rje 'dzin pa A nan+da karma sA ra/__chos grogs dge slong pra dz+nyA b+ha dra/__dge ba'i bshes gnyen ma Ni b+ha dra/__dad ldan mang+ga la'i ming can sogs kyis mthun rkyen ci rigs sbyor bas lhan cig byed rkyen gyis mtshams sbyar te rab rgyal lcags bya lo'i rgyal ba lha las babs pa'i dus tshes8 bzang por sde bzhi dge bcu'i dpal gyis mngon par mtho ba'i chos rgyal rim byon gyi gdan sa chen po mkhas grub skyes chen dam pa mang pos zhabs kyis bcags shing byin gyis brlabs te chos kyi 'khor lo bskor ba'i gnas/__rgyab ri seng ge gnam du 'phyo 'dra/__g.yas ri g.yu 'brug gyen du brgyugs 'dra/__g.yon ri glang chen dkar po 'gying 'dra/__mdun ri gter bum nor bus bkang 'dra sogs/__bkra shis pa'i re khas phyogs mtshams kun khyab par dkrigs pa'i mdo smad sa yi thig le dpal ldan lhun grub steng gi dbang ldan mtshams dngul phu bkra shis chos lung gi rang gnas su legs par 'du bgyis pa'i skabs/__yon sbyor zhus dag spar byang smon tshig bcas rje bla ma bka' drin mtshungs med 7rdo rje 'chang gang de'i bka' 'bangs kyi gral mthar 'khod cing /____lugs gnyis kyi bka' drin kho na'i zho shas 'tsho ba'i rmongs brtul gdol spyod pa dpe war sprul ming 'jam dbyangs bsod nams dbang po'am brda sprod kun bshad btags ming 'jam dpal dgyes pa'i mkhyen rab rmad byung lung rigs smra ba'i seng ge zhes yongs su 'bod pas rje bla ma dran pa'i gdung shugs gus pa chen pos dga' skyo 'dres ma'i ngang bris pa 'dis kyang bstan 'gro'i phan bde rdzogs ldan gsar pa'i dge mtshan phyogs dus gnas skabs yul dus thams cad du dar zhing rgyas la yun ring du gnas pa dang /____mkha' khyab yid can rgya mtsho rang rig bla ma'i rang zhal myur du mjal ba'i rgyur 'gyur bar bla ma rgyal ba sras dang bcas pas byin gyis brlab tu gsol/____/sarba dA mang+ga laM shu b+haM/____/