JKCL-KABUM-08-NYA-011-016-wylie

!_DA ki na mo/__brgyud pa rin chen gsang ba'i bcud/__/gsang spyod snyan brgyud zab mo yi/__/gnad kyi gcud phur rgyab yig ni/__/'khor 'das chos rnams sems kyi 'phrul/__/sems ni skye 'gags mtha' dbus med/__/'khor 'das kun la khyab pa yi/__/dbyings kyi yum chen kun bzang mo/__/rdo rje phag mo khros ma nag/__ye shes phyag rgya'i sku yi mchog/__gsung gsang sngags kyi 'khor lo ste/__/thugs ni 'od gsal 'dus ma byas/__/rang ngo shes pa lta ba yin/__/yengs med 'dzin bral sgom pa'i gnad/__/re dang dogs pas ma bcings pa/__/gang shar rang grol spyod pa'i rgyal/__/gzhi nyid mngon gyur 'bras bu ste/__/de ltar ji bzhin pa yi gnad/__/mngon sum rtogs pa'i thabs zab mo/__/gsang spyod snyan brgyud rin chen gyi/__/gdams pas grol bar the tshom med/__/ces rig ngor ma bcos thol byung du ji ltar shar ba bzhin pad+ma ye shes rdo rjes/__rang slob ri skegs bya bral rin po cher gdams pa'i springs yig dge legs bkra shis 'phel//___//