JKCL-KABUM-12-NA-067

🚧 This website is under continued development. We appreciate your patience!

Previous Text Back to Volume PageNext Text

མཉམ་མེད་གུ་རུ་རིན་པོ་ཆེ་ཡབ་ཡུམ་མཁྱེན་ནོ་སོགས།

Wylie title	mnyam med gu ru rin po che yab yum mkhyen no sogs
Location	chos kyi blo gros bka' 'bum Volume 12, Text 67, Pages 317-318 (Folios 1a1 to 1b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. mnyam med gu ru rin po che yab yum mkhyen no sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 317-318. Bir, H.P.: Khyentse Labrang, 2012.
Genre	Prayers - smon lam
Colophon	།ཅེས་པའང་བློ་གྲོས་རྒྱ་མཚོས་ཟླ་བཅུ་ཚེས་དགུ་ལ་བྲིས་པའོ།།
	/ces pa'ang blo gros rgya mtshos zla bcu tshes dgu la bris pa'o//

1 Texts in this Section (sde tshan or chos tshan)

317-318	མཉམ་མེད་གུ་རུ་རིན་པོ་ཆེ་ཡབ་ཡུམ་མཁྱེན་ནོ་སོགས། mnyam med gu ru rin po che yab yum mkhyen no sogs Prayers - smon lam	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

མཉམ་མེད་གུ་རུ་རིན་པོ་ཆེ་ཡབ་ཡུམ་མཁྱེན་ནོ། །བདག་ནི་སྔོན་ཚེ་འཁོར་བར་འཁོར་དུས་སུ། །སྒོ་གསུམ་ལས་ངན་བསགས་པའི་སྡིག་འབྲས་ནི། །ད་རེས་རྣམ་སྨིན་ལུས་འདིར་སྨིན་གྱུར་ཏེ། །ན་ཚའི་སྡུག་བསྔལ་མྱོང་བ་འདི་ལ་དགོངས། །འདི་མ་མྱོང་ན་ངན་སོང་བཟོད་དཀའི་གནས། །འགྲོ་བར་ངེས་ཀྱང་ཁྱེད་ཀྱི་ཐུགས་རྗེ་ཡི། །བག་ཙམ་མྱོངས་བ་འདི་ཡིས་གོ་ཆོད་ན། །བདག་གི་ཅི་ཡི་ཕྱིར་དུ་བཟོད་མི་བྱ། །འོན་ཀྱང་བདག་ལྟོས་ཆགས་པའི་ཡུལ་རྣམས་ཀྱིས། །སྡུག་བསྔལ་དུད་མོ་དྲག་པོ་འབོད་པ་དང་། །བདག་ལ་སྨོན་པའི་འཁོར་ལ་མི་བཟད་པའི། །སྡུག་བསྔལ་མྱོངས་འགྱུར་གདོན་མི་ཟ་བས་ན། །དེ་ཕྱིར་དྲན་ཆོག་ཨོ་རྒྱན་རྡོ་རྗེ་འཆང་། །ཡབ་ཡུམ་གཉིས་ཀྱི་ཐུགས་རྗེའི་ཕྱག་གིས་བྱབ། །གསང་གསུམ་བདུད་རྩིའི་ཆུ་རྒྱུན་འབབ་པ་ཡི། །ལྟར་སྣང་ནད་ཀྱི་གདུང་བ་མྱུར་དུ་བསལ། །འཆི་མེད་བདུད་རྩིའི་བླ་ཚེ་སྲོག་གསུམ་ནི། །ཡར་ངོའི་ཟླ་བ་ལྟ་བུར་འཕེལ་ནས་ཀྱང་། །འཆི་བ་མེད་པའི་དགའ་སྟོན་རབ་རྒྱས་ནས། །བསྟན་འགྲོར་ཕན་བདེ་སྒྲུབ་ནུས་བྱིན་གྱིས་རློབས། །དེ་ལྟར་སྨོན་པ་བཞིན་དུ་གེགས་མེད་པར། །འགྲུབ་པའི་མཐུན་འགྱུར་གུ་རུ་ཡབ་ཡུམ་གྱིས། །བྱིན་གྱིས་རློབས་པར་མཛོད་ཅིག་ཨོ་རྒྱན་རྗེ། །ཅེས་པའང་བློ་གྲོས་རྒྱ་མཚོས་ཟླ་བཅུ་ཚེས་དགུ་ལ་བྲིས་པའོ།། །།

[edit]

mnyam med gu ru rin po che yab yum mkhyen no/__/bdag ni sngon tshe 'khor bar 'khor dus su/__/sgo gsum las ngan bsags pa'i sdig 'bras ni/__/da res rnam smin lus 'dir smin gyur te/__/na tsha'i sdug bsngal myong ba 'di la dgongs/__/'di ma myong na ngan song bzod dka'i gnas/__/'gro bar nges kyang khyed kyi thugs rje yi/__/bag tsam myongs ba 'di yis go chod na/__/bdag gi ci yi phyir du bzod mi bya/__/'on kyang bdag ltos chags pa'i yul rnams kyis/__/sdug bsngal dud mo drag po 'bod pa dang /__/bdag la smon pa'i 'khor la mi bzad pa'i/__/sdug bsngal myongs 'gyur gdon mi za bas na/__/de phyir dran chog o rgyan rdo rje 'chang /__/yab yum gnyis kyi thugs rje'i phyag gis byab/__/gsang gsum bdud rtsi'i chu rgyun 'bab pa yi/__/ltar snang nad kyi gdung ba myur du bsal/__/'chi med bdud rtsi'i bla tshe srog gsum ni/__/yar ngo'i zla ba lta bur 'phel nas kyang /__/'chi ba med pa'i dga' ston rab rgyas nas/__/bstan 'gror phan bde sgrub nus byin gyis rlobs/__/de ltar smon pa bzhin du gegs med par/__/'grub pa'i mthun 'gyur gu ru yab yum gyis/__/byin gyis rlobs par mdzod cig o rgyan rje/__/ces pa'ang blo gros rgya mtshos zla bcu tshes dgu la bris pa'o//___//