JKCL-KABUM-12-NA-044

🚧 This website is under continued development. We appreciate your patience!

Previous Text Back to Volume PageNext Text

ལྷ་མི་སྤྱི་དང་གནས་གཞི་གཏེར་སྟོན་བཅས་ནས་ངེས་རྒྱུར་སོགས།

Wylie title	lha mi spyi dang gnas gzhi gter ston bcas nas nges rgyur sogs
Location	chos kyi blo gros bka' 'bum Volume 12, Text 44, Pages 169-170 (Folios 1a1 to 1b4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. lha mi spyi dang gnas gzhi gter ston bcas nas nges rgyur sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 169-170. Bir, H.P.: Khyentse Labrang, 2012.
Genre	Official Letters - chab shog
Colophon	ཅེས་པའང་རྫོང་གསར་དགོན་ནས་འཇམ་དབྱངས་མཁྱེན་བརྩེ་སྤྲུལ་སྐུས་ལྷག་བསམ་བཟང་པོས་བྲིས་པ་དགེ་ཞིང་བཀྲ་ཤིས་པར་གྱུར་ཅིག།
	ces pa'ang rdzong gsar dgon nas 'jam dbyangs mkhyen brtse sprul skus lhag bsam bzang pos bris pa dge zhing bkra shis par gyur cig/

1 Texts in this Section (sde tshan or chos tshan)

169-170	ལྷ་མི་སྤྱི་དང་གནས་གཞི་གཏེར་སྟོན་བཅས་ནས་ངེས་རྒྱུར་སོགས། lha mi spyi dang gnas gzhi gter ston bcas nas nges rgyur sogs Official Letters - chab shog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

ལྷ་མི་སྤྱི་དང་གནས་གཞི་གཏེར་སྟོན་བཅས་ནས་ངེས་རྒྱུར། གནས་གཞི་སྤྲུལ་སྐུ་རིག་འཛིན་ཆོས་ཀྱི་དོན་གྲུབ་འདི་པ་འབྲི་གཏེར་སྐྱུ་ར་འོད་གསལ་རྡོ་རྗེས་དམ་པའི་སྐྱེས་བུར་ངོས་བཟུང་དང་གཏེར་སྟོན་ཡིན་རྒྱུར་དགོངས་མངའ་བཞིན། ངོས་ནས་ཀྱང་རྨི་ལམ་བརྟགས་པས། ཤུད་བུ་དཔལ་སེང་གི་སྐྱེ་མཐའི་གཏེར་སྟོན་ཞིག་ཡིན་རྒྱུ་ངེས་པར་ཤར་བས། ད་སྔ་ཕན་རྙིང་མ་ཕྱོགས་ཀྱི་རྩ་གསུམ་མཚམས་བསྙེན་རྒྱ་ཆེར་བྱས་འདུག་པ་རང་ཡང་ཡིད་སྤྲོའི་གནས་སུ་བྱུང་ཞིང་། ད་ཆར་ཡང་དོན་གཉིས་ལྷུན་གྲུབ་ཏུ་འབྱུང་བ་ལ་གཙོ་བོར་བཀའ་གཏེར་གྱི་བསྙེན་སྒྲུབ་ལ་འབད་རྒྱུ་དང་། རང་གཏེར་གྱི་དགོས་ཆ་གཙོ་ཆེ་བ་རྣམས་ཡལ་བར་མི་དོར་ཞིང་། དགོས་ཡོད་མེད་ཀྱི་ལུང་བསྟན་ཆབ་ཆོབ་མང་པོ་མི་བྲི། ལག་ཏུ་ལོན་ངེས་དང་། བསྟན་འགྲོར་ཕན་ངེས་ཡོད་ན་ཉུང་ཤས་རེ་བྲིས་ཀྱང་ཆོག །རང་གཏེར་སོགས་གང་ལའང་ངེས་པར་ཅན་མགོ་མི་བསྐོར་བ་དང་། རྫུན་མི་བཤད་པ་བདེན་པར་སྨྲ་བ་གལ་ཆེ་ཞིང་། ལྷ་མཐོང་འདྲེ་མཐོང་སོགས་བཤད་རྒྱུ་མང་བའང་ཁ་ལ་བདུད་ཞུགས་པ་ཡིན་པས་བག་ཡོད་བྱ་ཞིང་། རང་གཏེར་རིགས་ལ་གཏེར་སྒྲུབ་དང་བསྙེན་སྒྲུབ་ལས་སྦྱོར་རྟགས་ཐོན་རེ་གལ་ཆེ་ཞིང་། དེ་ལས་གཞན་རང་གཏེར་གྱི་འགྲོ་དོན་ཨི་འབྱུང་གི་རེ་བ་བྱ་རྒྱུ་མེད། ཉམས་སུ་ལེན་ནུས་ན་གཏེར་ཆོས་ཀྱི་ཕོངས་པ་མེད་ཅིང་། དུས་བབས་ཀྱི་རྒྱལ་བསྟན་དར་བ་དང་། ནད་མུག་འཁྲུགས་རྩོད་ཞི་བ། བོད་ཁམས་བདེ་ཞིང་སྐྱིད་པའི་ཐབས་རེ་ཡོད་ན་པདྨའི་ཕོ་ཉ་ཡིན་པའི་དོན་གོ་ཆོད་ཅིང་། དེ་ལས་གཞན་དུ་རྫུན་བཤད། ནག་ཆང་ལ་སྲེད། བྱ་བྱེད་སྤྲེའུ་ལྟར་རྒོད། བཤད་རྒྱུ་རིགས་རྒྱུ་མང་པོ་སྲོག་རླུང་གི་སྨྱོ་བ་དེ་འདྲ་གུ་རུ་པདྨའི་བསྟན་བཤིགས་ཡིན་རྒྱུ་པདྨ་བཀའ་ཐང་གི་གཏེར་སྟོན་བརྟགས་པའི་སྐབས་ནས་འབྱུང་བ་ལྟར་རེད་པས་དེ་བཞིན་ཐུགས་ངེས་དང་། ལྷ་མི་ཐམས་ཅད་ནས་བླ་མ་འདི་ཡི་བསྟན་འགྲོར་ཕན་པའི་འགྲོ་དོན་ཚུལ་བཞིན་སྤྱོད་ན་ཕན་ཆེར་འགྲོ་བའི་རོགས་རམ་གང་དྲག་ལས་གནོད་འགལ་བྱ་རྒྱུ་མིན། ཅེས་པའང་རྫོང་གསར་དགོན་ནས་འཇམ་དབྱངས་མཁྱེན་བརྩེ་སྤྲུལ་སྐུས་ལྷག་བསམ་བཟང་པོས་བྲིས་པ་དགེ་ཞིང་བཀྲ་ཤིས་པར་གྱུར་ཅིག། །།

[edit]

lha mi spyi dang gnas gzhi gter ston bcas nas nges rgyur/__gnas gzhi sprul sku rig 'dzin chos kyi don grub 'di pa 'bri gter skyu ra 'od gsal rdo rjes dam pa'i skyes bur ngos bzung dang gter ston yin rgyur dgongs mnga' bzhin/__ngos nas kyang rmi lam brtags pas/__shud bu dpal seng gi skye mtha'i gter ston zhig yin rgyu nges par shar bas/__da snga phan rnying ma phyogs kyi rtsa gsum mtshams bsnyen rgya cher byas 'dug pa rang yang yid spro'i gnas su byung zhing /__da char yang don gnyis lhun grub tu 'byung ba la gtso bor bka' gter gyi bsnyen sgrub la 'bad rgyu dang /__rang gter gyi dgos cha gtso che ba rnams yal bar mi dor zhing /__dgos yod med kyi lung bstan chab chob mang po mi bri/__lag tu lon nges dang /__bstan 'gror phan nges yod na nyung shas re bris kyang chog__/rang gter sogs gang la'ang nges par can mgo mi bskor ba dang /__rdzun mi bshad pa bden par smra ba gal che zhing /__lha mthong 'dre mthong sogs bshad rgyu mang ba'ang kha la bdud zhugs pa yin pas bag yod bya zhing /__rang gter rigs la gter sgrub dang bsnyen sgrub las sbyor rtags thon re gal che zhing /__de las gzhan rang gter gyi 'gro don i 'byung gi re ba bya rgyu med/__nyams su len nus na gter chos kyi phongs pa med cing /__dus babs kyi rgyal bstan dar ba dang /__nad mug 'khrugs rtsod zhi ba/__bod khams bde zhing skyid pa'i thabs re yod na pad+ma'i pho nya yin pa'i don go chod cing /__de las gzhan du rdzun bshad/__nag chang la sred/__bya byed spre'u ltar rgod/__bshad rgyu rigs rgyu mang po srog rlung gi smyo ba de 'dra gu ru pad+ma'i bstan bshigs yin rgyu pad+ma bka' thang gi gter ston brtags pa'i skabs nas 'byung ba ltar red pas de bzhin thugs nges dang /__lha mi thams cad nas bla ma 'di yi bstan 'gror phan pa'i 'gro don tshul bzhin spyod na phan cher 'gro ba'i rogs ram gang drag las gnod 'gal bya rgyu min/__ces pa'ang rdzong gsar dgon nas 'jam dbyangs mkhyen brtse sprul skus lhag bsam bzang pos bris pa dge zhing bkra shis par gyur cig/__//