JKCL-KABUM-08-NYA-012-058

🚧 This website is under continued development. We appreciate your patience!

Previous Text Back to Volume PageNext Text

རང་ལ་ཁྲེལ་བདས། ཨུ་ཧུ་ཧུ། སོགས།

Wylie title	rang la khrel bdas/ u hu hu/ sogs
Location	chos kyi blo gros bka' 'bum Volume 8, sde tshan 12, Text 58, Pages 496-499 (Folios 41b6 to 43a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. rang la khrel bdas u hu hu sogs. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 496-499. Bir, H.P.: Khyentse Labrang, 2012.
Genre	Vajra Songs - rdo rje'i glu
Colophon	།བློ་ངན་དེས་སྡུག་སྐད་ཆལ་ཆོལ་དུ་བྲིས་པའོ།།
	/blo ngan des sdug skad chal chol du bris pa'o//

1 Texts in this Section (sde tshan or chos tshan)

58 496-499	རང་ལ་ཁྲེལ་བདས། ཨུ་ཧུ་ཧུ། སོགས། rang la khrel bdas/ u hu hu/ sogs Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

༈ རང་ལ་ཁྲེལ་བདས། ཨུ་ཧུ་ཧུ། བུ་ལས་ངན་གྱི་བློ་ངན་ཅན་ཁྱོད། །ལུས་མཚམས་ཁང་དུ་ཁེར་བུ་འདུག་ནས། །སེམས་ཀྱི་རྟ་རྒོད་སྲབ་མེད་སྒྲོགས་མེད་འདི་རྒྱ་ཡན། །རྣམ་རྟོག་གི་རླུང་གིས་རྒྱལ་ཁམས་ལ་ཁྲིད་དེ། །འདི་མི་དྲན་བྱ་བ་སྣེ་གཅིག་མེད་པ་དེ་ཨེ་ཧོ་ཧོཿབསམ་པ་བཟང་པོའི་རྟོག་པ་ནི་སྣེ་རེ་རེ་གཅིག་གཉིས་ལས་མེད་དོ། །དེ་ཡང་ཐར་པའི་རྒྱུར་འགྲོ་བའི་བསམ་བཟང་ཞིག་ནི་ཉིན་སྐར་ཙམ་དཀོན་ངེས། །བུ་རེ་སྡུག་རེ་སྡུག་བསམ་མནོ་ཞིག་ཐོངས་དང་། །ད་མི་ཚེ་ཉི་མ་ཕལ་ཆེར་ཞིག་སོང་ནས། །འཆི་བ་ཁོ་ངམ་གནག་ཙེ་རེ་སླེབ་འདུག་གོ །རང་གི་མགོ་ལུས་པགས་བརྒྱད་རྒས་ལུགས་ལ་སོམས་དང་། །ད་ཡུན་རིང་སྡོད་པའི་ངེས་པ་ཞིག་མི་འདུག། འཆི་དུས་ཀྱི་ཕྱི་མའི་བརྒྱག་དགེ་ཅི་འདུག་ཞིག་ལྟོས་དང་། །དོན་ཉེན་པའི་དགེ་སྦྱོར་སྣ་གཅིག་ཀྱང་བྱས་མི་འདུག། ད་བསམ་གྱིན་བསམ་གྱིན་ང་རེ་སྡུག་ཨུ་ཧུ་ཧུ། །ཆོས་མི་ལ་བཤད་པའི་བན་རྒན་ཁྱོད་ད་རན། །རང་གཅིག་པུ་ག་ཤེད་ཆ་མེད་དུ་ཁྱོགས་ཉེ། །ཕོ་བྱས་བྱས་སྣེ་གཅིག་བགྲང་རྒྱུ་ཁུར་རྒྱུ་ནི་མི་འདུག། ལས་ངན་པ་བསགས་བའི་སྡིག་པའི་ཕུང་པོ་དེ་བཏེགས་ན། །ད་ཁྱོད་བསམ་མནོ་ལན་དགུ་ཞིག་བཏང་རྒྱུ་མ་འཆུག། འཇིག་རྟེན་ཚེ་འདིའི་སྣང་བ་ལ་སྲེད་པ་མ་ཆེ་སྐུ་ཚེ་རིང་། །དམ་ཆོས་སྦྱོར་དངོས་རྗེས་གསུམ་ཚང་བའི་རྣམ་དག་ཞིག་ཨི་འགྲུབ་ལྟོས། །ད་དྲན་རྒྱུ་མ་མང་བློ་སྣ་བསྟུངས་རོགས་བློ་གྲོས་མཁྱེན། །སེམས་གྱི་རྟ་རྒོད་འདི་རྒྱ་ཡན་མ་བཏང་འདུལ་སྦྱངས་གི་ཐབས་ནི། །བླ་མའི་བཀའ་དྲིན་གྱིས་ཅུང་ཟད་ཤེས་ཚོད་ནི་རེད་པས། །དེ་ཡལ་བར་མ་དོར་རང་ཉམས་ལོང་དང་རང་ལ་སྐུ་དྲིན་ཆེ། །དེ་ལྟར་མ་བརྩོན་ཕྱིན་གཏན་གྱི་ཆགས་སྒོ་ཆེན་པོ་ཞིག་འོང་ངེས་ལྷ་དཔང་རེད། །དེ་བློ་གྲོས་ཁྱོད་ཀྱི་ཐུགས་ལ་བསྟིམ་ལ། །རྒྱུ་འབྲས་ལ་བླངས་དོར་ཞིག་མཛད་རོགས་ཁྱེད་མཁྱེན། །ནེ་ཚོའི་ཆོས་བཤད་ལྟ་བུས་ཁ་དོན་མི་མཚུངས་པ་དེ་བསྐྱུར་ཐོངས། །བླ་མ་རྒྱལ་བ་སྲས་བཅས་ཀྱི་ཐུགས་ཁྲེལ་གནང་འོང་། །རང་ལ་མེད་པའི་ཁ་བཤད་དེ་ངོ་ཚ་མོ་རེད། །གཞན་ལ་མི་ཕན་པའི་ཁར་ཕྱིན་ཅི་ལོག་ཏུ་ཁྲིད་འགྲོ། །སློབ་མའི་རྒྱུད་ཆུད་གཟན། །རང་གཞན་གཉིས་ཀ་མགོ་བསྐོར་གྱི་ཕུང་བསྐྱེད་དེ་ཞོགས་ལ་ཐོངས། །བློ་གྲོས་བློ་གྲོས་སྐུ་ཚེ་རིང་བའི་རྟེན་འབྱུང་བྱེད་དང་སྟེ། །ད་ཨི་བྱེད་མ་ཤེས་དེ་སྔ་ཕན་ཅི་ཐོན་འདི་ཐོན་མ་ཐོན་བྱ་བ་ཐམས་ཅད་སྟོང་ལྡིར་ཤ་སྟག་རེད། །ད་ཞག་དང་ཟླ་བ་ལོ་དུ་འདུག་ནང་། །ཆོས་རྣམ་དག་ཞིག་སྒྲུབ་ནས་ཉམས་ལེན་ལ་བརྩོན་ཨི་གོ །ཚེ་འདིར་སྣང་གི་ཞེན་པ་ཆོད། །ཁྱད་པར་ན་ནིང་ད་ལོའི་བྱ་བ་སྨྱོན་བ་ལྟ་བུ་དེ། །སྨྱོ་ལེ་ངེས་པར་རེད་ཨི་གོ །ད་རང་སྡུག་ཉོ་སྤྱད་ལས་ཕན་པ་ཅི་འདུག། ལག་པ་བྲང་ཐོག་ཞོག་ལ་སྣང་བ་ནང་དུ་བཀུག། བསམ་མནོ་ལན་མ་དགུ་ལ་ཐོངས་དང་། །བྱ་བ་ཐམས་ཅད་ལ་ཟན་གང་གཅིག་རི་བ་མེད་ངེས། །ངན་སོང་དུ་ནི་འགྲོ་རན། །དམྱལ་ཆུས་ནི་ཚིག་རན། ཨུ་ཧུ་ཧུ། །སྡུག་པོ་ཟེར་ན་དེ་ལ་ཟེར། །མདོ་མེད་ཁྱོད་འདྲ་འཇིག་རྟེན་ན་ཡོད་ཨི་དར་ན། །ཨི་ཤི་རེ། །དམ་འཆུག་མ་འཆུག་གཟོབ། །བླ་མ་དཀོན་མཆོག་མཁྱེན། །རང་རྒྱུད་འདུལ་ནུས་པར་བྱིན་གྱིས་རློབས། །བློ་ངན་དེས་སྡུག་སྐད་ཆལ་ཆོལ་དུ་བྲིས་པའོ།། །།

[edit]

!_rang la khrel bdas/__u hu hu/__bu las ngan gyi blo ngan can khyod/__/lus mtshams khang du kher bu 'dug nas/__/sems kyi rta rgod srab med sgrogs med 'di rgya yan/__/rnam rtog gi rlung gis rgyal khams la khrid de/__/'di mi dran bya ba sne gcig med pa de e ho hoHbsam pa bzang po'i rtog pa ni sne re re gcig gnyis las med do/__/de yang thar pa'i rgyur 'gro ba'i bsam bzang zhig ni nyin skar tsam dkon nges/__/bu re sdug re sdug bsam mno zhig thongs dang /__/da mi tshe nyi ma phal cher zhig song nas/__/'chi ba kho ngam gnag tse re sleb 'dug go__/rang gi mgo lus pags brgyad rgas lugs la soms dang /__/da yun ring sdod pa'i nges pa zhig mi 'dug/__'chi dus kyi phyi ma'i brgyag dge ci 'dug zhig ltos dang /__/don nyen pa'i dge sbyor sna gcig kyang byas mi 'dug/__da bsam gyin bsam gyin nga re sdug u hu hu/__/chos mi la bshad pa'i ban rgan khyod da ran/__/rang gcig pu ga shed cha med du khyogs nye/__/pho byas byas sne gcig bgrang rgyu khur rgyu ni mi 'dug/__las ngan pa bsags ba'i sdig pa'i phung po de btegs na/__/da khyod bsam mno lan dgu zhig btang rgyu ma 'chug/__'jig rten tshe 'di'i snang ba la sred pa ma che sku tshe ring /__/dam chos sbyor dngos rjes gsum tshang ba'i rnam dag zhig i 'grub ltos/__/da dran rgyu ma mang blo sna bstungs rogs blo gros mkhyen/__/sems gyi rta rgod 'di rgya yan ma btang 'dul sbyangs gi thabs ni/__/bla ma'i bka' drin gyis cung zad shes tshod ni red pas/__/de yal bar ma dor rang nyams long dang rang la sku drin che/__/de ltar ma brtson phyin gtan gyi chags sgo chen po zhig 'ong nges lha dpang red/__/de blo gros khyod kyi thugs la bstim la/__/rgyu 'bras la blangs dor zhig mdzad rogs khyed mkhyen/__/ne tsho'i chos bshad lta bus kha don mi mtshungs pa de bskyur thongs/__/bla ma rgyal ba sras bcas kyi thugs khrel gnang 'ong /__/rang la med pa'i kha bshad de ngo tsha mo red/__/gzhan la mi phan pa'i khar phyin ci log tu khrid 'gro/__/slob ma'i rgyud chud gzan/__/rang gzhan gnyis ka mgo bskor gyi phung bskyed de zhogs la thongs/__/blo gros blo gros sku tshe ring ba'i rten 'byung byed dang ste/__/da i byed ma shes de snga phan ci thon 'di thon ma thon bya ba thams cad stong ldir sha stag red/__/da zhag dang zla ba lo du 'dug nang /__/chos rnam dag zhig sgrub nas nyams len la brtson i go__/tshe 'dir snang gi zhen pa chod/__/khyad par na ning da lo'i bya ba smyon ba lta bu de/__/smyo le nges par red i go__/da rang sdug nyo spyad las phan pa ci 'dug/__lag pa brang thog zhog la snang ba nang du bkug/__bsam mno lan ma dgu la thongs dang /__/bya ba thams cad la zan gang gcig ri ba med nges/__/ngan song du ni 'gro ran/__/dmyal chus ni tshig ran/__u hu hu/__/sdug po zer na de la zer/__/mdo med khyod 'dra 'jig rten na yod i dar na/__/i shi re/__/dam 'chug ma 'chug gzob/__/bla ma dkon mchog mkhyen/__/rang rgyud 'dul nus par byin gyis rlobs/__/blo ngan des sdug skad chal chol du bris pa'o//___//