JKCL-KABUM-12-NA-011-wylie
<div class="wylie-content"
sgrub brtson rnal 'byor gyi dbang phyug rgyal rong mkha' 'gro chen mo'i 7zhabs drung du/__gus pas gsol snying /__deng /__tshogs gnyis rgya mtsho'i dpal gyi rang 'bras ye shes DA ki bye ba 'bum sde'i rdo rje'i gar dang lhan cig rtsen zhing /__gsang ba mchog gi dga' ston la dgyes rgur rol pa'i grub rigs dbang mo mchog nyid 'di gar dngos phebs dang 'brel gnang sbyin rgya chen dang ngos la ring 'tsho'i thabs tshul gyi cho ga snga rjes dang gnas chen rnams su tshogs mchod/__gsol smon dngos grub kyi bgo skal chen po ster bar mdzad pa dang /__gzhan yang legs 'phel nyes sel gyi sgrub chog zab rgyas stsal ba'i bka' drin brjod las 'das pa'i rten 'byung legs 'bul mtshon byed/__bkra shis pa'i lha reg__/gsang gsum rdo rje'i rang bzhin du bzhugs mtshon/__sgrol sku li ma/__rje mkhyen brtse'i zab gter gyi glegs bu kha shas/__rdor dril gsar legs/__ting shag rnying pa rgyu bzang bcas 'bul lam zhu na dngos 'byor shin tu phra yang nang brtses bzhes grub pa nas/__slar yang /__rdo rje'i rigs kyi DA ki chen mo rdo rje'i khri la rtag bzhugs nas/__/gzugs can gzugs med gdul bya rgya mtsho smin grol thar pa'i sa bon bskrun/__/bod khams bstan dang 'gro ba kun la bde skyid rdzogs ldan dga' ston sbyin/__/bdag cag rnams kyang thugs rje'i bsrungs ba'i gur du tshud de byin brlabs bdud rtsi'i 'tsho bar mdzod/__/slad kyang dgyes zhal mjal ba dang /__/gsung gi bdud rtsir spyod pa yi/__/rten 'byung sgrib med mngon du 'char/__/dge legs brgya phrag 'bar gyur cig__/sarba mang+ga laM//___//
