JKW-KABUM-20-WA-001-097

🚧 This website is under continued development. We appreciate your patience!

Previous Text Back to Volume PageNext Text

འགྱུར་མེད་སངས་རྒྱས་ཀུན་དགའ་ལ།

Wylie title	'gyur med sangs rgyas kun dga' la
Location	mkhyen brtse'i bka' 'bum Volume 20, sde tshan 1, Text 97, Pages 172-173 (Folios 86b1 to 87a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'gyur med sangs rgyas kun dga' la. In 'jam dbyangs mkhyen brtse'i dbang po'i bka' 'bum, Vol. 20: 172-173. Khams sde dge rdzong sar dgon: Rdzong sar blo gros phun tshogs, 2020.
Genre	Invocation of Auspiciousness - bkra shis brjod pa  ·  Official Letters - chab shog  ·  Supplications - gsol 'debs
Colophon	ཞེས་ཞུ་གསོལ་འདེབས་མཚོན་བཀྲ་ཤིས་པའི་ལྷ་གོས་རབ་དཀར། ལྗོན་འདབ་གསེར་ཐིག་བརྒྱད་པ་སྦག་གཉིས་བཅས་མདོ་ཁམས་སྡེ་དགེ་རྫོང་སར་དགོན་ནས་ངོར་ཐར་རྩེ་སྤྲུལ་མིང་པ་འཇམ་དབྱངས་མཁྱེན་བརྩེའི་དབང་པོས་གུས་པ་ཆེན་པོས་ཕུལ་བའི་ཞུ་ཆུང་།།
	zhes zhu gsol 'debs mtshon bkra shis pa'i lha gos rab dkar/_ljon 'dab gser thig brgyad pa sbag gnyis bcas mdo khams sde dge rdzong sar dgon nas ngor thar rtse sprul ming pa 'jam dbyangs mkhyen brtse'i dbang pos gus pa chen pos phul ba'i zhu chung

1 Texts in this Section (sde tshan or chos tshan)

97 172-173	འགྱུར་མེད་སངས་རྒྱས་ཀུན་དགའ་ལ། 'gyur med sangs rgyas kun dga' la Invocation of Auspiciousness - bkra shis brjod pa   ·   Official Letters - chab shog   ·   Supplications - gsol 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མི་འགྱུ༷ར་འཆི་མེ༷ད་གྲུབ་པའི་ཡེ་ཤེས་གཟུགས་ཅན་བཞིན། །སང༷ས་རྒྱས༷་སྲས་བཅས་གདུང་འཚོབ་དམ་པར་འཁྲུངས་པ་ན། །ཀུ༷ན་ནས་དག༷འ་བའི་ཕན་བདེའི་འབྱོར་པས་འཇིག་རྟེན་གསུམ། །དགེ་མཛད་རྡོ་རྗེ་འཆང་དབང་ཞབས་པདྨོར། །སྒོ་གསུམ་གུས་པ་ཆེན་པོས་མདུན་བདར་ཏེ་ཞུ་གསོལ། །གཟོད་ནས་རབ་ཞི་བདེ་བར་གཤེགས་པའི་སྙིང་པོའི་ཁམས། །ཐབས་གྲོལ་ལམ་གྱིས་ཟུང་འཇུག་འབྲས་བུར་སད་པ་ལས། །དག་པའི་སྒྱུ་འཕྲུལ་བྱེ་བ་ཕྲག་བརྒྱར་འཆར་ལས་དེང་། །མཚོ་སྐྱེས་བླ་མ་མངལ་གྱི་པདྨོར་བརྟེན་པ་སྙམ། །དེ་སླད་འཚོ་གཞེས་དཔག་བསམ་སར་པའི་ལྗོན་པ་ནི། །ཕྲིན་ལས་ཡལ་འདབ་ཕྱོགས་ཀྱི་བུ་མོའི་མཐར་རྒྱས་པས། །བསྟན་དང་འགྲོ་ལ་ཕན་བདེའི་འདོད་དགུ་མཆོག་སྦྱིན་པའི། །གྲགས་དཀར་ཟླ་བ་བདུད་རྩིར་བཅས་པའི་དཔལ་ལ་འཕྱ། །རྒྱུད་དེས་དད་སྤྲོའི་ཆུ་གཏེར་རྒྱས་པའི་དམན་བདག་ཀྱང་། །མགོན་ཁྱོད་ཐུགས་རྗེའི་སྐྱབས་སྦྱིན་གྲིབ་མར་ངལ་འཚོ་ཞིང་། །བསམ་གཏན་ཁང་བུར་ཞབས་པད་བརྟན་པའི་གསོལ་འདེབས་ལ། །རྩེ་གཅིག་འགྲུས་པས་སྐལ་བ་བཟང་པོའི་དགེ་མཚན་ཐོབ། །མཚམས་ཞུས། སླད་མའི་དུས་ཀྱང་འགྱུར་མེད་རྟག་པ་དམ་པའི་སྐུ། །སངས་རྒྱས་ཕྲིན་ལས་ཡོངས་སུ་རྫོགས་ཕྱིར་ཞབས་བརྟན་ཅིང་། །འགྲོ་ཀུན་དགའ་བའི་ལེགས་མཛད་སྲིད་ཞིར་ཁྱབ་པ་ནས། །འདིར་ཡང་ཡེ་ཤེས་གཟིགས་པ་དམ་པས་རྟག་ཏུ་སྐྱོངས། །ཞེས་ཞུ་གསོལ་འདེབས་མཚོན་བཀྲ་ཤིས་པའི་ལྷ་གོས་རབ་དཀར། ལྗོན་འདབ་གསེར་ཐིག་བརྒྱད་པ་སྦག་གཉིས་བཅས་མདོ་ཁམས་སྡེ་དགེ་རྫོང་སར་དགོན་ནས་ངོར་ཐར་རྩེ་སྤྲུལ་མིང་པ་འཇམ་དབྱངས་མཁྱེན་བརྩེའི་དབང་པོས་གུས་པ་ཆེན་པོས་ཕུལ་བའི་ཞུ་ཆུང་།། །། ༈

[edit]

'gyur med sangs rgyas kun dga' la/__ mi 'gyuXr 'chi meXd grub pa'i ye shes gzugs can bzhin/_/sangaXs rgyasaX sras bcas gdung 'tshob dam par 'khrungs pa na/_/kuXn nas dgaX' ba'i phan bde'i 'byor pas 'jig rten gsum/_/dge mdzad rdo rje 'chang dbang zhabs pad+mor/_/sgo gsum gus pa chen pos mdun bdar te zhu gsol/_/gzod nas rab zhi bde bar gshegs pa'i snying po'i khams/_/thabs grol lam gyis zung 'jug 'bras bur sad pa las/_/dag pa'i sgyu 'phrul bye ba phrag brgyar 'char las deng /_/mtsho skyes bla ma mngal gyi pad+mor brten pa snyam/_/de slad 'tsho gzhes dpag bsam sar pa'i ljon pa ni/_/phrin las yal 'dab phyogs kyi bu mo'i mthar rgyas pas/_/bstan dang 'gro la phan bde'i 'dod dgu mchog sbyin pa'i/_/grags dkar zla ba bdud rtsir bcas pa'i dpal la 'phya/_/rgyud des dad spro'i chu gter rgyas pa'i dman bdag kyang /_/mgon khyod thugs rje'i skyabs sbyin grib mar ngal 'tsho zhing /_/bsam gtan khang bur zhabs pad brtan pa'i gsol 'debs la/_/rtse gcig 'grus pas skal ba bzang po'i dge mtshan thob/_/mtshams zhus/_slad ma'i dus kyang 'gyur med rtag pa dam pa'i sku/_/sangs rgyas phrin las yongs su rdzogs phyir zhabs brtan cing /_/'gro kun dga' ba'i legs mdzad srid zhir khyab pa nas/_/'dir yang ye shes gzigs pa dam pas rtag tu skyongs/_/zhes zhu gsol 'debs mtshon bkra shis pa'i lha gos rab dkar/_ljon 'dab gser thig brgyad pa sbag gnyis bcas mdo khams sde dge rdzong sar dgon nas ngor thar rtse sprul ming pa 'jam dbyangs mkhyen brtse'i dbang pos gus pa chen pos phul ba'i zhu chung //__//_!