JKW-KABUM-02-KHA-001-012

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 2, sde tshan 1, Text 12, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 2: . Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam

1 Texts in this Section (sde tshan or chos tshan)

12 40-42	ནགས་ཚལ་ལ་བསྔགས་པའི་གཏམ་ཨུཏྤལ་ཆུན་པོ། nags tshal la bsngags pa'i gtam ut+pal chun po Discourses - gtam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ནགས་ཚལ་ལ་བསྔགས་པའི་གཏམ་ཨུཏྤལ་ཆུན་པོ། ནགས་ཚལ་ལ་བསྔགས་པའི་གཏམ་ཨུཏྤལ་ཆུན་པོ་ཞེས་བྱ་བ། ཀ༷རྞི་ཀ་ཡི་ཡལ་འདབ་གསར་པ་ལྟར། །ཁ༷་དོག་མཛེས་པའི་རྐང་འཐུང་གཞོན ་ནུའི་ཁྲོད། །ག༷་བུར་འཛིན་པའི་བསིལ་ཡབ་དང་ལྡན་པས། །ང༷་ཅག་གདུང་བ་སྐྱོབ་པའི་བདུད་རྩིར་གྱུར། ༡ །ཅ༷་ཅོ་བྲལ་བའི་ཁུ་བྱུག་ཕོ་མོའི་གླུས། །ཆ༷་མཐུན་ངེས་འབྱུང་སྐྱེ་བོའི་རོལ་མོ་དང་། །ཇ༷་ཆང་བཏུང་བས་མི་མཚོན་འབྲས་བུའི་ཚོགས། །ཉ༷་ཟླ་ཇི་བཞིན་ལང་ཚོ་རྫོགས་པས་གང་། ༢ །ཏ༷་ལའི་ཕྲེང་བ་དཀྲིགས་པའི་བར་བར་ན། །ཐ༷་དད་རི་དྭགས་ཁྱོ་ཤུག་གར་བྱེད་ཅིང་། །ད༷་ཀོ་མཉན་པར་འོས་པའི་ལྷུང་ལྷུང་སྒྲ། །ན༷་མར་འབབ་ཆུའི་རྒྱུན་གྱིས་མངོན་པར་སྒྲོགས། ༣ །པ༷་ལ་ཤ་ལྟར་ཡལ་འདབ་མཛེས་པའི་ངོགས། །ཕ༷་རོལ་རྒྱན་གྱུར་ཨུཏྤལ་གསར་པའི་ཚོགས། །བ༷་ཀུ་ལ་ཡི་འདབ་རྒྱ་ཇི་བཞིན་དུ། །མ༷་ལུས་ཉིན་མོར་བྱེད་པའི་རྩེ་དགར་རོལ།༤ །ཙཱ༷་རི་ཏྲ་སོགས་ཌཱ་ཀིའི་གྲོང་ཁྱེར་ཀྱང་། །ཚ༷་གྲང་ཁུར་བཟོད་ལས་གཞན་བགྲོད་པར་དཀའ། །ཛ༷་ཧུའི་རྒྱུན་བཞིན་ཞི་ལ་གཞོལ་འདོད་རྣམས། །ཝ༷་ལྟར་བས་མཐའི་ནགས་ཁྲོད་དམ་པར་ཉུལ། ༥ །ཞྭ༷་ཐོད་མིན་ཀྱང་ལྗོན་པའི་བསིལ་ཡབ་གཡོབ། །ཟ༷་འོག་བྲལ་ཀྱང་ཤིང་ཤུན་ཁང་བཟང་དང་། །འ༷་འུར་སྤངས་པའི་འདབ་ཆགས་སྒེག་མོའི་གྲོགས། །ཡ༷་བྲལ་ཙམ་མིན་རྟག་ཏུ་འགྲོགས་པར་བདེ། ༦ །ར༷་ལྟར་མཐོ་བའི་རྒྱལ་ས་ལས་ལྡོག་པའི། །ལ༷་ཀླུང་འདུ་འཛི་བྲལ་བའི་དབེན་གནས་དེར། །ཤ༷་ཆང་ལོག་འཚོ་སྤངས་པའི་དྲང་སྲོང་རྣམས། །ས༷་ལའི་འཁྲི་ཤིང་རྩ་བར་ངལ་འཚོར་གྱུར། ༧ །ཧ༷་རིའི་ཙནྡ་དྲི་ཡིས་བུང་བ་ཀུན། །སྤྲིན་ལྟར་བསྡུ་བའི་གྲགས་པ་ཆེས་གསལ་ལྟར། །ཨ༷་དོན་སྐྱེ་མེད་རྟོགས་པའི་རྣལ་འབྱོར་རྣམས། །དབེན་པར་ཞུགས་ན་རིག་འཛིན་ཌཱ་ཀི་འདུ། ༨ །གང་ལ་ཕྱོགས་པའི་ཡིད་ཀྱི་གོམ་བདུན་ཀྱང་། །གསེར་སྲང་ལྔ་བརྒྱའི་ལྕིད་ལས་ཆེས་ཐལ་བའི། །ཚོགས་གཉིས་འབྲས་བུ་བདེན་པར་གསུངས་པའི་ཕྱིར། །རྗེས་མཐུན་བསྔགས་པའི་རོལ་མོ་འདི་དཀྲོལ་ལོ། ༩ །དགེ་བ་འདི་ཡིས་ཚེ་འདིར་ཞི་བའི་ལམ། །གཅིག་ཅར་འགྲུབ་པའི་སྐལ་བ་མངོན་བྱས་ཏེ། །མ་རྣམས་སྲིད་པའི་མཚོ་ལས་སྒྲོལ་བ་ཡི། །སྙིང་རྗེའི་དེད་དཔོན་མཆོག་ཏུ་བདག་འགྱུར་ཤོག ༡༠ །སརྦ་སིདྡྷནྟུ།། །། ༈

[edit]

nags tshal la bsngags pa'i gtam ut+pal chun po/__ nags tshal la bsngags pa'i gtam ut+pal chun po zhes bya ba/_kaXr+Ni ka yi yal 'dab gsar pa ltar/_/khaX dog mdzes pa'i rkang 'thung gzhon_ nu'i khrod/_/gaX bur 'dzin pa'i bsil yab dang ldan pas/_/ngaX cag gdung ba skyob pa'i bdud rtsir gyur/_1__/caX co bral ba'i khu byug pho mo'i glus/_/chaX mthun nges 'byung skye bo'i rol mo dang /_/jaX chang btung bas mi mtshon 'bras bu'i tshogs/_/nyaX zla ji bzhin lang tsho rdzogs pas gang /_2__/taX la'i phreng ba dkrigs pa'i bar bar na/_/thaX dad ri dwags khyo shug gar byed cing /_/daX ko mnyan par 'os pa'i lhung lhung sgra/_/naX mar 'bab chu'i rgyun gyis mngon par sgrogs/_3_/paX la sha ltar yal 'dab mdzes pa'i ngogs/_/phaX rol rgyan gyur ut+pal gsar pa'i tshogs/_/baX ku la yi 'dab rgya ji bzhin du/_/maX lus nyin mor byed pa'i rtse dgar rol/4__/tsAX ri tra sogs DA ki'i grong khyer kyang /_/tshaX grang khur bzod las gzhan bgrod par dka'/_/dzaX hu'i rgyun bzhin zhi la gzhol 'dod rnams/_/waX ltar bas mtha'i nags khrod dam par nyul/_5__/zhwaX thod min kyang ljon pa'i bsil yab g.yob/_/zaX 'og bral kyang shing shun khang bzang dang /_/'aX 'ur spangs pa'i 'dab chags sgeg mo'i grogs/_/yaX bral tsam min rtag tu 'grogs par bde/_6__/raX ltar mtho ba'i rgyal sa las ldog pa'i/_/laX klung 'du 'dzi bral ba'i dben gnas der/_/shaX chang log 'tsho spangs pa'i drang srong rnams/_/saX la'i 'khri shing rtsa bar ngal 'tshor gyur/_7__/haX ri'i tsan+da dri yis bung ba kun/_/sprin ltar bsdu ba'i grags pa ches gsal ltar/_/aX don skye med rtogs pa'i rnal 'byor rnams/_/dben par zhugs na rig 'dzin DA ki 'du/_8__/gang la phyogs pa'i yid kyi gom bdun kyang /_/gser srang lnga brgya'i lcid las ches thal ba'i/_/tshogs gnyis 'bras bu bden par gsungs pa'i phyir/_/rjes mthun bsngags pa'i rol mo 'di dkrol lo/_9__/dge ba 'di yis tshe 'dir zhi ba'i lam/_/gcig car 'grub pa'i skal ba mngon byas te/_/ma rnams srid pa'i mtsho las sgrol ba yi/_/snying rje'i ded dpon mchog tu bdag 'gyur shog__10__/sarba sid+d+han+tu//___//_!_