JKW-KABUM-19-DZA-001-057-wylie
chos rje sangs rgyas ston pa'am brtson 'grus seng ge ni/ chos rje sangs rgyas ston pa'am brtson 'grus seng ge ni/__shangs pa'i rin chen bdun ldan gyi tha ma 'gro mgon sangs rgyas gnyan ston gyi slob ma yin/__kun mkhyen chos 'od ni nyang stod gser sdings su yab gdung gsum pa kun mkhyen gzhon nu 'od dang /__yum btsun shes rab rgyal mtshan gyi sras su 'khrungs/__kha che paN chen gyi sprul par grags/__gsan bsam rgya mtsho lta bu mdzad/__gser sdings kyi gdan sa mdzad/__'od gsal khor yug tu 'byongs/__don dgu par gshegs/__kun mkhyen bu ni/__yul nyang ro sna bzhi zhes par sngags rnying ma'i grub thob rim par byon pa'i gdung las yab brag ston rgyal mtshan dpal bzang dang /__yum slob dpon bsod nams 'bum gyi sras su shab smad sgom gnas dgon gsar du lcags stag nag zla'i nya la 'khrungs/__chung ngu nas 'jam dbyangs zhal gzigs/__rang gi mes bla ma tshul khrims bzang po la rnying ma bka' gter gsan/__dgung lo bco brgyad par slob dpon tshad ma'i skyes bu las rab tu byung zhing mdo phyogs thams cad la sbyangs/__dgung lo nyer gsum pa tshor 'dus 'bur mor mkhan chen bsod nams grags pa las bsnyen par rdzogs/__thar lo las sgra snyan sogs dang /__gsang sngags 'ga' sogs yongs 'dzin mang po las gsan pa rgya che/__lcags sprel lor zhwa lu gser bkang du gdan sa mdzad cing /__ri phug kyang btab/__bstan bcos po ti sum cu nye bar mdzad/__sa ga zla bar rgyud sde bzhi'i dkyil 'khor zhe lnga tsam btsugs/__bla chen bsod nams blo gros dang thugs sras sems dpa' chen po sogs zhal slob grangs su yas pa bzhugs/__shing 'brug zla ba drug pa'i tshes nyer gcig la gshegs/___/__!_
